كنتو تقولو يااااااا كيف قدرو يعملو هيك .. شو هالشي المستحيل .. 

بس انا مرة و بأحد المواضيع اللي نزلت عن الفواكه الغريبة قلتلكم نحنا لازم نتعلم نعمل هيك اشيا .. و دورت ودورت .. ولقيت أخيرا طريقة عمل تفاحة مربعة 

طبعا التفاحة المربعة ماهي الا البداية .. لان من خلال الدرس رح تلاحظو انو فكرة المربع هي فكرة مبدئية بتقدروا تسحبوها على اي شكل تاني بدكم ياه وتعمقو خبراتكم و الذي منو يعني ..
 الدرس كمان من سلسلة فوتوشوب سيكرت مترجمة و مصورة و مطبقة من قبلي 

خلونا نبلش بمتطلبات العمل :

اول شي صور العمل اللي كالعادة هني بآخر الدرس تحت .. وهي جميع الصور اللي رح تحتاجوها لتطبيق الدرس 

تاني شي فوتوشوب Cs4 طبعا فيكم تشتغلو على فوتوشوب تاني بس التطبيق رح يتم بها الدرس على هالنسخة

و اخيرا .. شوية صبر و تفاؤل 

منفتح صفحة جديدة بالفوتوشوب بالمقاييس التالية :

Width: 3000 pixl

Hight: 2400 pixl

Resolution: 300 pixl\inch

Backgroung: white

و منضغط اوكي 

هلء بلش الشغل 

هلء منفتح من ملف العمل صورة التفاحة : apple و منلاحظ انو التفاحة مقصوصة 2 لير .. واحد الخلفية البيضا و التانية التفاحة كلها .. يعني مريحينكم من قصها  .. المهم .. منحدد لير التفاحة الحمرا و مننسخها .. و منروح على الصفحة البيضا اللي هلء فتحناها و اللي رح نشتغل طبعا عليها و منعمل لصق و منغير اسم اللير ل apple.. لحد هلء شكل العمل عنا هو كالتالي:

هلء المرحلة التانية هوي انو بدنا نحدد شو هوي الشكل اللي رح نحول عليه التفاحة 

هلء منعمل لير جديدة فوق لير التفاحة .. و منسميها 3d shape مثلا .. 

هلء منحدد أداة الخط من صندوق الادوات ( ) و بدنا نعمل شوية تغيرات بالشريط الفوقاني .. كالتالي :

و منختار لون الخط اي شي فاقع مثلا أخضر فوسفوري

منخفي اول شي لير ال background البيضا .. منشان سهولة الشغل .. 

منحدد لير 3d shape اللي بدنا نشتغل عليها

و منرسم خطوط فوق التفاحة على شكل مكعب كالتالي :

طبعا المكعب مو مهم ابدا يكون مثالي المهم انو يكون اقرب ما يكون لشكل التفاحة اللي انتو حابين يطلع بالاخير .

هلء المرحلة التانية هوي انو نعبي نخلي التفاحة على شكل المكعب الفوسفوري .. و هالشي عن طريق :

منحدد لير ال apple

منضغط على : Filter/liquefy

منلاحظ انو فتحت نافذة جديدة بقلبها التفاحة ..

هلء بدنا المكعب اللي رسمناه يبين فوق الصورة منشان ما نكون رسمناه على الفاضي نحنا بحاجتو لنعرف شو بدنا نشتغل .. و هالشي بتم عن طريق وضع علامة صح جمب كلمة : show backdrop اللي على اقصى الجانب الايمن السفلي من النافذة الجديدة:

في فكرة كتير مهمة و هيي تحت الزر اللي اخترناه هلء في كلمة use وجمبها مربع مكتوب فيه all layers 

لفهمكم شو قصة هالمربع ..

اذا اخترنا متل مو مكتوب all layers اللي رح يصير انو اي تعديل رح نقوم فيه على الصورة رح يتم و نحنا عم نشوف تحته الصورة القديمة ..

اما لو اخترنا 3d shape بس فكل التعديلات اللي رح تطلعلنا اثناء العمل ما رح يبين تحتها صورة التفاحة القديمة و خصوصا انو نحنا هون رح نمحي اجزاء من التفاحة و ما بدنا الشكل القديم يضل مبين .. لهيك منغير كلمة all layers و منختار بدالها 3d shape كالتالي:

هلء منختار الادارة اللي باقصى الجانب اليساري من أعلى النافذة ( ) و اللي اسمها forward wrap tool و منغير قيمة حجم الفرشاة من الجانب اليميني متل القيمة اللي بالصورة :

و هلء بلش الشغل .. منحط الفرشاة جمب التفاحة .. و مندفش طرفها لحد المربع الفوسفوري .. منلاحظ انو التفاحة تقلصت بطريقة حلوة لحد الخط متل مو واضح بالصورة :

طبعا و متل مافينا ندفش حيز التفاحة لجوا .. كمان اذا ضغطنا على التفاحة و دفشنا لبرا بتتمدد بدل ما تتقلص 

يعني فيكم ترجعو تعجنو التفاحة على كيف كيفكم 

ايوااااااا هلء بانت معكم تماما خطتنا الشريرة  و صرتو تعرفو انو الشغلة بنوب مو صعبة و كلها عبارة عن شوية دفش من هون .. و شوية تمديد من هون .. وباقي عليكم تشكلو التفاحة و تمددوها لحدود المربع لحتى يصير عندكم الشكل النهائي هيك :

خلوني هلء احكيلكم شوي عن الاداة ( ) اللي اسمها : Reconstruct tool هي اذا ضغطوا عليها ورجعتو لونتو فيها فوق التفاحة رح يرجع شكل التفاحة تماما متل ما كان يعني كأنو عم تعملو تراجع او undo عن الشغل تبعكم

و خلوني قلكم عن الاداتين : () منبلش بالاولانية اللي اسمها : Puker tool وهي مهتمها تعمل ( انخفاس) بالشكل يعني متل جورة أو انخفاضات متفرقة.. اما التانية اللي اسمها : Bloat tool هي مهتمها معاكسة تماما و هيي انها تعمل انتفاخ بالشكل محل ما عم نلون و هيي اللي رح نعتازها هلء لحتى نضيف شوية رتوش على تفاحتنا ..

منحدد الاداة .. 

و منروح لعند الحدود اللي لازم اساسا تكون منتفخة بالتفاحة ( متل ما بقولو عينكم ميزانكم  ) و منضيف شوية انتفاخات .. و كمان منحدد الاداة الاولى و منعمل شوية انخفاسات

و فينا نقول مبدئيا انو القسم العلوي من التفاحة مننفخو .. و القسم السفلي من التفاحة منخفسو ( منخصرو ) شوي منشان تطلع تفاحتنا مخصورة وحلوة 

و منضغط موافق

المهم الشكل النهائي لحد هلء بدون الحدود الفوسفورية بكون :

هلء مننشء لير جديدة فوق لير ال apple مباشرة و منسميها hightlights 

متل مو مبين معكم من اسم اللير هي مهمتنا فيها انو نضيف شوية اضاءة على التفاحة بطريقة منخليها فيها تبين على شكل مكعب اكتر و اكتر 

منختار أداة الفرشاة ( ) و منختار اللون الاحمر اللي رقمه : Ffd9dc 

هلء جاهزين لنعمل الاضاءة ..

منختار حجم الفرشاة 52 ومنخفض ال capacity ل 60% كالتالي:

هلء بدنا نرسم الخطوط على الصورة و هون بدي علمكم شغلة انو اذا ضغطو زر shift وبعدين نقرتو نقرة وحدة بالماوس بمحل معين و انتو ضاغطين على الشيفت .. ورجعتو ضغطو بمحل تاني رح تلاحظو انو هوي تلقائيا بيرسملكم خط مستقيم 

المهم بترسمو فوق الصورة الشكل التالي :

و منجيب المحاية و منمحي فوق الخطوط بحيث ما نترك منها الا ما قل ودل كالتالي :

وبعدين منختار : 

Filter/blur/Gaussian blur

و منحط القيمة : 13.9 و منضغط موافق

هلء هيك طلعت متل اللمعة على التفاحة  وقبل ما ورجيكم صورتها منشان المزيد من الاحترافية مننزل ال capacity تبع اللير لل 57% هلء طلعت عنجد تفاحة مربعة 

هلء خلصنا رسميا من التفاحة 

منرجع الخلفية البيضا لانو بدنا نشتغل عليها

و الهدف هلء نحط ظل للتفاحة ..  لانو بتعرفو كلشي بالحياة له ظل 

هلء في حركة كتير حلوة هون انا كنت عادة اعملها بطريقة مختلفة بس بهاد الدرس تعلمت حركة جديدة و اسهل

اضغطو على لير التفاحة اللي اسمها apple

و اضغطو على زر ctrl

و اضغطو بالماوس على ال background البيضا

هاهاااا .. رح تلاحظو انو تحددت التفاحة فقط 

من زمان كنت اعملها انا بالزر اليميني فوق اللير select pixle بس برأيي هي الطريقة اسهل

المهم بعد ما تحددت التفاحة منعمل لير جديدة فوق اللير البيضا تماما و تحت لير التفاحة منسميها shadow

منختار اللون الاسود

و منختار اداة التعبئة ( ) و مننتبه انو محددين العمل على لير ال shadow و انو التفاحة لساها محددة .. منضغط فوق التفاحة باداة التعبئة .. طبعا هلء المنطقة المحددة رح تتعبى بالاسود بس ما رح تشوفوها لانو التفاحة فوقها .. ولو بدكم تشوفوها اخفو لير التفاحة شوي رح تشوفو الشكل التالي :

هلء منروح على :

Edit/ transform/ distort

و منسحب الشكل من الزوايا رقم 1 و 2 .. ومنحركهم لورا الصورة لحتى يصير عنا شي قريب على هالشكل 

و منضغط موافق

بعدين منختار :

Filter/ blur/ Gaussian blur

ومنختار القيمة 50 و منضغط اوكي ..

و منخفض ال capacity للير حتى ال 46% تقريبا بيطلع عنا الشكل التالي لحد الان :

منمسك المحاية منكبرها لاعلى شي و طبعا الهاردنيس تبعها بدون يكون 0 .. المهم منمحي شوي عند الزاوية العليا للظل منشان نعطيه شوية fade للنهاية لانو الظل ما بكون غامق من اوله لاخره 

يعني هوي بشكل عام كان الفرق كتير طفيف بس هالفروق الطفيفة متل كل مرة ما بقول هيي اللي بتعمل فرق بين شغل الاحتراف و الشغل البسيط 

هلء بدنا نعمل ظل حوالي كل التفاحة لهيك منضيف لير جديدة فوق لير ال background منسميها big shadow

منختار اداة الفرشاة ( 17) منختار الحجم تبعها 166 و منختار ال hardness 10% .. على فكرة من اول الدرس الهاردنس بكلشي فراشي و محايات كان صفر يعني منشان تنتبهو على هالقصة ..

المهم منمسك هالفرشاية و منختار اللون الاسود و منرسم تحت التفاحة الشكل التالي:

هلء هيك منكون خلصنا فعليا التفاحة و ظلها و كلشي بيتعلق فيها و يا فرحتنا عملنا تفاحة مربعة هههههههه

طيب معقولة بصورة فنية مثلا يكون في تفاحة وحدة ؟؟

طبعا لااااااااااء

لازم يكون في جمبها تفاحة مقصوصة منشان المصداقية يعني  مابدنا نثبت للعالم انو في تفاح مربع و الدليل انو هي تفاحة مقصوصة ؟

هلء منعمل لير جدية فوق لير ال hightlights منسميها sliced 

منمسك اداة ال lasso tool ( ) و منرسم الشكل التالي :

منروح على ملفات العمل اللي موجودة بالاتاشمنت و منفتح الصورة اللي اسمها : SlicedApple

مننسخها و منلزقها جوا التحديد عن طريق edit/paste into

بيطلع عنا الشكل التالي :

طبعا لسا الشكل مو ممتاز وهلء بدنا نضيف روتوش عليه ليطلع اكتر واقعية .

هلء منروح على edit/transform/distort

طبعا لازم تخلو ببالكم انو لازم العودة الطالعة من التفاحة تنطبق مع خط البذور اللي جوا التفاحة 

فبتحركوها على هالاساس لحتى ينطبقو مع بعض و بتقولو موافق ..

هلء منختار اداة : () و اللي اسمها healing brush tool طبعا هي اذا كبستو على الزر شوي بتطلع منو قائمة بتختاروها للاداة .. 

منروح على التفاحة .. منضغط بوسطها على صورة التفاحة المقصوصة بمحل ابيض و منضغظ زر ال Alt وبعدين منتركه و منصير منلون فوق جذع التفاحة المقصوصة الفوقاني

الحقيقة هي الاداة مهمتها تنسخ من الصورة من منطقة .. و تلزق فوق منطقة .. بطريقة متل النسخ او المحي 

المهم بيطلع الشكل النهائي لحد هلء هيك :

على فكرة هوي استخدام هديك الاداة جدا سهل يعني لحالكم لما تضغطو على زر alt وتتركوه رح تعرفو تستخدمو الاداة لانو متل ما قلت هي هدفها تنسخ من منطقة و تلزق فوق منطقة بتسبه كتير اداة ال clone stamp tool

المهم

منضغط على الماسك هلء

و منختار اداة الفرشاة و اللون الاسود و منلون حدود التفاحة لنخليها انعم بيطلع عنا لحد هلء الشكل التالي :

طبعا بدي قول انو اذا حابين تلونو جوا التفاحة و تمحو من الحدود الحمرا اختارو لون الفرشاة ابيض .. اما اذا بدكم ترجعو الحدود الحمرا و تمحو من التفاحة المقصوصة بتختارو اللون الاسود .. يعني هي من مبدئيات التعامل مع الماسك و اكيد اللي طبق الدروس الماضية صار بيعرف يتعامل معو بشكل ممتاز ..

هلء في شغلة اكيد ماخطرت على بالكم  وهيي انو هالتفاحة ليش ما عم تعطي الواقعية المثالية لشكل تفاحة مقصوصة ؟ 

السبب انو التفاحة المقصوصة بتكون حدودها نوعا ما دبلانة او قديمة و هاد هوي الشي اللي رح نعملو هلء 

هلء منضغط على لير التفاحة المقصوصة مننتبه انو ضاغطين على صورة التفاحة مو الماسك اللي جمبها .

و منختار اداة ( ) اللي اسمها burn tool

ومنختار اللون الأسود .. و الخيارات التالية:

و منلون حواف التفاحة

و اذا بدكم لون الاحتراق يطلع اغمق بس شيلوا لصح من جمب كلمة protect tones اللي بشريط الخيارات بالصورة السابقة فوق .. ولاتنسو انو الهاردنيس كمان بهي الصور صفر .. 

و اخيرا هاد هوي الشكل النهائي 

لتحميل ملفات العمل اضغط هنا

بتمنى يكون الدرس عجبكم 

هلء اول شي الصورة المطلوبة للعمل عليها موجودة باخر الدرس بالمرفقات .. بتحملوها .. و بتفتحوها بالفوتوشوب .. و بتفكو القفل عنها ( duplicate layer ) و بتحذفو الاولى و بتتركو التانية
اول شي بدنا نحاول نغير شوي بالوان و إضاءة الصورة منشان يبينو الصخور معنا أكتر اضاءة ( لزوم الاجواء الضبابية الساحرة  ) 
منختار :

Image -> adjustment-> shadow & hightlights
و منحط الاضاءة متل الارقام الطالعة بالصورة 

و منضغط أوكي .

طيب … هلء صارت صورتنا مضيئة .. بس لو عملتو تكبير عليها .. رح تلاحظو انو الصخور مو ملساء .. يعني بتحسو عليها كتير رمل او نقط او غبار ( اللي هوي  ) و هالشي اكيد رح يعكر علينا الاجواء الساحرة .. لهيك منروح لهون :
Filter-> Noise -> reduce Noise

و هاد الفلتر مخصص لازالة هالنوع من الغباشة او التعكير من الصور .. او بمعنى أخر اضافة جزء قليل جدا من اللمعة على الشي المغبش 
منحط القيم متل بالصورة التالية :

طبعا لاحظو انو لازم تحطو الارقام متل مو بالصورة بكل المربعات و اذا بتحبو انتو على كيفكم تزيدو تمليس الحجارة او الصورة فانتو حرين طبعا بها الشي 

هلء منحدد بأداة التحديد () الجزء السفلي من الصورة كالتالي :

و منختار :
Edit -> copy merged

طبعا بهي الخطوة .. الفوتوشوب قام تلقائيا بنسخ الجزء المحدد فقط من الصورة 
وبعدين 
Edit-> paste
رح تظهر معنا بقائمة الطبقات .. او الليرز .. لير جديدة مافيها الا الجزء المحدد من الصورة 

هلء منحدد اللير الجديدة تبعنا ( منضغط عليها يعني بس من قائمة الليرات ) و منروح على :
Image -> adjustment - > hue\saturation
بهي المرحلة عم نحاول نشيل بعض الالوان من اللير الجديدة لانها رح تكون مخصصة لدمج الضباب فوق المحيط الاساسي .. 
منختار القيم التالية :

متل مو ملاحظين تقريبا الجزء المقصوص صار باللون الابيض و الاسود .. 
منروح كمان على :
Image-> adjustment -> brightness/contrast

و منختار القيم التالية :

وهيك منكون فتحنا لون الطبقة الجزئية شوي صغيرة كمان 

كالعادة .. الجزء الاول من الدرس بيتضمن شغلات غير ظاهرة بالعين المجردة سواد من تفتيح او تملي ساو تغير الوان و انما هالاشياء كلا الها تأثير كتير كبير على الصورة النهائية من حيث المصداقية .. و كمان لا تنسو انو عم نشتغل على صورة كبيرة و بالتالي اذا بدكون تورجوها لحدا بدقتها الاصليه هدول الشغلات الطفيفة كتير رح يكون فيها فرق واضح من حيث دقة الصورة 

وصلنا هلء على الجزء التاني من الدرس :
هلء بنا نصنع الضباب .. لساتنا عم نشتغل على اللير التانية و هيي اللير المقصوصة للجزء السفلي فقط و اللي اسمها layer1
الخطوة الاولى هيي صنع ماسك لها الصورة 
منضغط على هالزر : 

و اللي موجود باسفل نافذة قائمة الأدوات .. و هوي خاص باضافة قناع او ( ماسك ) للصورة الحالية ,
و منحدد هلء اداة الفرشاة العادية و مختار اللون الاسود و منصير نلون فوق المي بكل اللير .. رح يظهر لون احمر محل ما عم نلون هيك :

و طبعا في حال لونتو فوق الصخور بدون قصدكم فيكم ببساطة تختارو المحاية و تمحو اللون الاحمر من فوق الصخور لحتى يطلع عندكم التلوين صحيح و حلو .. مو تلوين هوي ماسك  بس لانو لونو احمر يعني
هلء المرحلة التانية هيي انو نغبش هالماسك و نخليه ناعم اكتر ..
منختار :
Filter-> blur-> Gaussian blur 

و منختار القيمة التالية :

هلء صارت حواف الماسك ناعمة أكتر .
هلء منرجع منضغط على زر الماسك ( 8 ) لحتى نرجع على الوضع العادي يعني الوضع من دون ماسك 
وفورا رح يطلع معنا تحديد حول الماسك اللي كنا راسمينو هيك شكلو :

منروح مباشرة على :
Select -> inverse
اللي صار هلء انو اول شي كان التحديد على كلشي خارج المي  و لما عكسنا التحديد صار اللي محدد هوي المي فقط .. 
منروح هلء مرة تانية على :
Filter-> blur -> Gaussian blur 
و مختار القيم التالية :

و منضغط اوكي .. متل مو شايفين صارت المي اللي بين الصخور كتير مغبشة و بيضا .. 
منشيل التحديد .. و بيطلع معنا هيك شكل الصورة حتى الآن :

هلء بدنا نعمل نسخة جديدة من الصورة الاساسية و نحطها فوق اللير اللي كنا عم نشتغل عليه .. منضغط بالزر اليميني على الصورة الاولى و منعملها Duplicate layer وبعدين منسحبها و منحطها فوق اللير التانية لحتى يصير الترتيب على هالشكل :

هلء منحدد الطبقة الجديدة منكبس عليها يعني و منروح ل :
Filter -> Blur - > radial Blur
و منختار متل تماما مو طالع بالصورة :

و منضغط اوكي و منحصل على الشكل :

رح تحسو انو خربنا الصورة  لا تخافو .. كلومتل ما بقولو لتحقيق غاية أعظم ههههههههههه
هلء منفتح الطبقة الفوقانية شوي لحتة نشوف شوفي تحتها :

و منحدد الجزء السفلي من الصورة هيك :

و منرجع منغمق الصورة من محل ما فتحناها يعني منرجع ال Fill تبعها لل 100 بالمية 

وبعدين منروح لهون :
Filter-> distort->twirl

و هاد الفلتر خاص بصنع التموجات الحلوة اللي بدنا نضيفها على المي لحتى تعطينا مظهر متدفق 
و منختار القيمة التالية :

و منضغط اوكي .
بيطلع معنا الشكل التالي :

شايفين شو حلوة :) ؟ 
منشيل التحديد عن الجزء السفلي و بعدين منروح هلء على :
Filter -> Noise-> reduce Noise
و منختار القيمة التالية :

هلء الخطوة التالية هيي انو نعمل قناع للير الاخيرة اللي عنا بالضغط على هالاداة ( ) الموجودة باسفل قائمة الليرات … رح يطلع عنا مربع جديد جمب الصورة و هوي مربع الماسك كالشكل التالي :

قبل اي شي تاني منضغط على الصورة اللي جمب المربع الابيض منشان نفعلها و منرجع منفتحها مرة تانية و هالمرة منخلي ال Fill تبعها مثلا : 70%

منضغط على المربع الابيض منشان نفعل الماسك .. و منختار الفرشاة .. و اللون الاسود 
و لا تنسو انو الفرشاة بدنا ياها تكون انعم شي يعني ال Hardness تبعها بكون ( 0 )
و منبلش نلون فوق السما و الصخور بحيث ما يبقي عنا غير التأثير الموجود فوق المي يعني لازم يكون الشكل النهائي معكم بعد التلوين بالاسود على الماسك هيك :

هلء بدنا نشيل الخطوط من التموجات منشان نعطيها شكل صادق اكتر ..
منحدد المربع اللي جمب مربع الماسك مرة تانية .. و منختار :
Filter-> blur-> guassian blur
و منحط القيمة : 2.1 و منضغط اوكي .. 
منرجع لل Fill اللي غيرناه من شوي للصورة اللي عاملين عليها ماسك .. و منحطو هالمرة على ال 50% يعني رح نستقر على هالرقم . 
المهم
هلء وصلنا لمرحة اضافة بعض التفاصيل على الصورة لحتى تعطينا شكلها النهائي الساحر المميز .. 
هلء منعمل لير جديدة فوق كل الليرات و منسميها Mist 

منختار فرشاة بقياس 62 و الهاردنيس تبعها 0 و منختار اللون الابيض و منرسم هيك فوق الصورة :

طبعا موع الضرورة تهتمو كتير بالخطوط او تعملو شكلها تماما متل مو مرسوم لانو هالخطوط رح يتطبق عليها كتير فلاتر لتعطينا الشي اللي بدنا ياه ..
هلء منروح ل 
Filter -> Blur-> radial blur
و منختار القيم التالية :

رح يطلع معنا الشكل :

و منرجع منعيد تطبيق الفلتر مرة تانية يعني منروح على :
Filter -> Blur-> radial blur
و منختار نفس القيم السابقة و منضغط اوكي 
رح تصير الخطوط البيضا مستقيمة اكتر هلء بتشوفوها بالصورة القادمة
هلء منحدد الجزء السفلي من الصورة و منروح على :
Filter –> distort-> twirl
و مختار القيم التالية و منضغط اوكي :

الصورة السابقة يعني جمعت فيها كذا مرحلة واضح فيها الخطوط البيض بعد تطبيق الفلتر مرة تانية كيف طالعين .. وواضح فيها التحديد و كمان قدي قيمة الفلتر المطبق 
منضغط اوكي .. رح تلاحظو كيف الخطوط تموجت 
هلء منشيل التحديد و منروح ل :
Filter-> other-> maximum

و منختار القيمة 9 و منضغط اوكي رح تطلعلنا النتيجة :

أخ شفتو شو حلوة ؟ اكيد ما خطرلكم رح نوصل لها التموجات الحلوة الرائعة لما رسمنا الخطوط البيضة اول شي هههههههههههههههه
هلء منضغط زر الماسك مرة تانية اللي موجود باخر قائمة الليرات ( 22 ) 
مربع ابيض رح ينضاف جمب الصورة :

و منختار الفرشات و اللون الاسود و منحدد الماسك و منلون فوق الصخور منشان نشيل عنها الضباب لحتى يكون الضباب فوق المي بس 
و منحدد المربع اللي جمب الماسك طبعا لساتنا عم نشتغل بالطبقة اللي اسمها Mist المهم و منختار ال FILL تبعها يكون 47% و منحصل على هالنتيجة :

هلء باقي شوي و منخلص لا تتعبوا 
منعمل Duplicate للصورة الكبيرة الاساسية من تحت و منسميها Ocean :

منضغط عليها و منعمل تحديد للجزء الاعلى من الصورة :

و منروح على :
Edit-> transform-> flip horizontal

رح تلاحظو انو الجزء الاعلى من الصورة انقلب بشكل افقي اليمين صار يسار و اليسار صار يمين
خلصنا !!

اي خلصنا … مو عاجبتكم الصورة ؟؟؟ يوه ؟؟؟ هههههههههههههههه
طيب اذا مو عاجبكم .. نفس الطبقة منضفلها ماسك .. و منختار الفرشاة و اللون الاسود و منلون شوي فوق حدود الافق منشان يروح هالخط الغليظ اللي طالع بالصورة يعني بحيث يصير الافق هيك :

باقي بس نعمل دمج للالوان كالتالي :
منضيف طبقة فوق كل الطبقات .. منعبيها لون اخضر رقمو هيك :

و منخترلو خاصية : Overlay من فوق متل مو واضح بالصورة :

و منختارلها ال Fill تبعها 50%
و منرجع منضيف طبقة جديدة فوقها منعبيها باللون الازرق اللي رقمو : 4a5469
و منخترلها كمان Overlay
رح تطلع النتيجة النهائية بعد اضافة هالطبقتين :

فرقت كتير الصورة ما ؟ 
و هيك منكون حولنا صورة عادية لمنظر طبيعي .. لتصميم حلو و رائع .. و نابض بالحياة الفوتوشوبية .. بتمنى الدرس اليوم يكون عجبكم .. درس سهل .. مافيه اي صعوبة .. فيه تفاصيل شوي زيادة اي بس التفاصيل هيي اللي بتميز الفوتوشوبي العادي عن الفوتوشوبي المحترف 
و بالنهاية .. برجع بقلكم .. الامواج الضبابية فوق المي فيكون بكل بساطة تتحكمو بدرجة التفافها و بدرجة وضوحها ..
المهم من الدرس هو انو تعلمتو هالتقنية الحلوة للامواج الضبابية 

وبهيك بكون انتهى الدرس  
اي سؤال انا جاهزة

لتحميل ملف العمل الخاص بالدرس .. روحو على الموضوع الاساسي بالمنتدى من هون :

 http://www.yellooow.com/vb/showthread.php?t=7812

الدرس احترافي … نعم … و لما شفتو للوهلة الاولى … انتابني نفس الاحساس يوم درس الفيل الطائر و هوي احساس انو هلء يا ترى انا قادرة طبق هالدرس؟
قادرة لما مو قادرة بلشت طبق فيه
و انتو كمان لما رح تمشو معي خطوة خطوة و تركزو تمام رح تقدرو ان شاء الله تعملوه

فكرة الدرس اني جيب صورة اي شخص .. و اعطيه منظر كأنو وجهو عم يتساقط .. او عم يتكسر !!
تخيلو انو بعد تطبيق هالدرس رح يصير فيكم تخلو اي شي يتكسر و يتطاير … مزهرية … بيت … وردة … قلب … اي شي
لهيك قلتلكون انو كنت بتمنى من زمان اني اتعلم هالفن هاد لانو باعتباري بحب صمم كتير فعملية التطاير بحد ذاتها كنت حسها حاجة تصميمية و رغبة ذاتية بنفس الوقت …

طبعا متل كل مرة رح تلاقو باخر الدرس الصور ال 3 اللي نحن بحاجة الهم بها المشروع

منفتح الفوتوشوب … و انا عندي فوتوشوب CS4
و منفتح الصورة الاولى اللي اسمها : womanhair_stock

الهدف من هالصورة انو نقطع اجزاء من وجهها و نخليهم يتطايرو بشكل ما … من المهم كتير انو يكون عندكم خطة لطريقة تطاير هالقطع من وجهها … فيكم تحطو ببالكم اي اتجاه لها القطع .. بس انا رح طبق الاتجاه اللي واضح بالصورة فوق
اول شي … لازم نقطع راس هالبنت عن وجهها !! ==> لا ترتعبو ههههههههههه
منجيب اداة التحديد :

و منحدد الوجه بها الطريقة :

طبعا بحب قلكم اني حاولت كتير حدد الوجه تماما بس هي احسن شي طلع معي و اذا في شي زيادة عن المطلوب (متل مو شايفين في زائدة صغيرة تحت دقن البنت ) بقى بمحيه بعد ما اعمل من المحدد لير جديدة

هلء بعد ما حددنا منعمل Edit—copy او Ctrl+c
وبعدين منعمل edit – past او ctrl+v
و هيك بصير عنا طبقة جديدة هيي وجه الصبية .. بها اللحظة رح امحي الشقفة اللي من تحت زيادة بالسيليكشن منشان ما يبقى غير أقرب ما يكون الى استدارة وجه البنت
منسمي اللير الجديدة ( head cut out )

هلء بدنا نعمل تكرار لصورة هالوجه … منروح على اللير تبعنا منضغط بالزر اليميني ومنختار : Duplicate layer
ومنسميا streach و منمسكها و منجرها لتحت اللير الاصلية كالتالي :

هلء منخفي اللير الاولى اللي هيي الصورة الكبيرة .. بحيث ما يكون عنا الا الراس على خلفية Transparent
و منمسك الصورة اللي سميناها streach و منضغط على زر :

و منضغط عليها بالزر اليميني و منكبس freetransform

و منددها كالتالي :

و بعدين منخلي شفافيتها 30 و منرجع اللير البيضا الاساسية :

ليطلع معنا الشكل النهائي :

طبعا مهمة اللير اللي سميناهاstreach هوي انو لما بدنا نقطع اجزاء من اللير اللي اسمها head cut out نعرف بالضبط وين بدنا نحط هالقطع يعني وين الحدود .. هلء بالصور بتفهموا عليي شو يعني

هلء بقى المهمة الصعبة
منحدد اللير اللي اسمها head cut out و الاداة ( ) و منبلش نقطع قطع عشوائية من هاللير و نمسكها و نحطها بعيد كالتالي :

بس هون في ملاحظتين كتير كتير خطيرات :
الاولى : انو انتو بعد ما تحددو القطة لا تعملولها قص و نسخ و انما بكفي تكبسو زر ctrl رح يتغير شكل المؤشر للسهم الصغير () بضلو كابسين على الكونترول و بتروحو لمحل التحديد تبعكم و تحطو المؤشر على مكان التحديد رح تلاحظو انو تغير شكلو لنفس السهم بس جمبو مقص صغير و تمسكوها و تزحوها لبعيد ==> و هي الحيلة الأولى

التانية : انو كل قطعة بتقصوها لازم تطوها بمكان بمستوى تماما المكان اللي نقصت منو .. يعني ما تقصو قطعة من فوق و تحطوها تحت … الشكل التالي رح يوضح قصدي :

و قبل ما نكمل قص لازم ننشء لير جديدة و نرسم عليها خط عشوائي بس منشان نعرف نحنا لوين بدنا نقص متل هيك :

هلء منكمل القص و عملية القص رح تاخد معكم وقت اكيد
بس منضل منقطع و منلزق و منحرك و كل ما قربتو من الوجه كل ما صغرتو القطع اكتر لحتى يطلع عنا الشكل التالي :

هلء بقى نمحي كل الشعر و الشغلات الطالعة من الوجه .. و هالشي كمان رح يتم باستخدام اداة ال pin tool اللي بتكون بها الشكل :

منبلش نحدد حواف الوجه بدقة تامة .. يعني كبرو الصورة قد ما فيكم و امشو شوي شوي … و حددو حواف الوجه هيك :

وبعدين بالزر اليميني اكبسو جوا السيليكشن الل رسمتوه :و اختاروا الخيار التالي :

وبعدين اكبسو زر Delete

و اختفى كلشي  و هاد هوي الشكل النهائي لحد الآن :

بعدين منضغط على أداة

هلء العمل كتير بحاجة لدقة … منكبر الصورة منيح لقمة الراس منحدد نقطة كتير قريبة على ما تبقى من الشعر و منكبس زر Alt ومنضل كابسين عليه و منروح بالماوس لعند الشعر بعدين منترك زر Alt
هي الأداة اسمها الناسخة
و هيي بتكرر المشهد من النقطة اللي كبسنا فيها Alt على النقطة اللي فلتنا فيها ال Alt
طبعا نحنا تركنا زر الالت حاليا … منبلش نلون شوي شوي على مهل .. و مننتبه انو اذا في ظلال نرجع نكبس الألت على الظل و نفلتو فوق الشعر اللي المفروض يكون فيه كمان ظل .. هيكل حتى يختفي الشعر نهائيا على الشكل التالي :

اللي ما فهم الخطوة السابقة يقلي بحاول اشرحلو ياها بالتفصيل اكتر
طبعا بحب نوه انو الخطوتين السابقين ما تم شرحون بالدرس الاساسي ( بالفديو يعني ) و انا حطيتهم من عندي … و بدرس قادم ان شاء الله بحط درس خاص و احترافي بكيفية قطع الوجه و تحديدو ..
هلء …
بتتذكرو كيف أنشأنا لير الوجه اساسا ؟؟
منرجع للصورة الاساسية .. منحدد لير وجه جديد .. مننسخو .. و منلزقو … و هالمرة منعملو select pixel و منجيب الفرشاي و منلونو كلو كلو بالاسو … هاللير هاد بدو يكون فوق اول صورة و رح نسميه 1

قام بيطلع عندكم الشكل التالي :

اللي صار فوق انو عملنا ماسك لوجه البنت الحقيقي منشان لما نوصل جسمها براسها الجديد ( المقطع يعني ) ما يرجعو يبينو الشعرات و بقية الوجه السليم …
يعني حطينا قناع اسود فوق راسها القديم …

المرحلة التانية :
هلء منفتح الصورة اللي اسمها : texture1
مننسخها و منرجع لصورتنا العزيزة و منلزقها فوقها
و الهدف انو نخلي هالتيكستشر هاد .. او النقشة يعني … تكون على وجه البنت .. لحتى تعطيها مظهر غير حقيقي .. متل كأنها روبوت او هيك يعني بني أدم مو طبيعي
هلء منحدد الصورة اللي لزقناها و منختار خاصية : color burn

متل مو ملاحظين الصورة هيك صارت :

هلء منحدد الاداة : () و منضغط بالزر اليميني على التيكستشر تبعنا (يعني الصورة جديدة ) و منعمل : free transform
و منمسك الصورة من طرفها و منحاول نصغرها بحيث تغطي بس الوجه … و حاولو بها الاثناء تختارو النقوش الحلوة بالامكنة المناسبة من الوجه على زوقكم لحتى يطلع معكم هيك :

طبعا انا حددتلكم مربع اللير الجديدة منشان تعرفو قدي صغرتها …
هلء لازم نعمل ماسك لها الصورة منشان نخليها محدودة فقط بحدود الوجه كالتالي :
1- منحدد لير الصورة الجديدة تبعنا ال texture1 يعني
2- منضغط الزر المشار اليه بسهم

منلاحظ انو في مربع ابيض صغير طلعلنا جمب الصورة
3- منمسك الفرشاة .. منختار اللون الأبيض .. و منعملها ناعمة ( يعني حوافها مو حادة ) او ما يسمي soft و منبلش نلون المناطق اللي ما بدنا يكون فيها تيكستشر يعني كل المناطق اللي خارج حدود الوجه و بتكون النتيجة النهائية هيك :

هلء بدنا نفتح التيكستر شوي … رح نعمل متل ما عملنا بدرس الفيل الطائر
منكبس زر Alt
ومنضل كابسين عليه …
و منروح على الأدجاستمنت اللي طالع بالصورة و منختار متل بالصورة :

بيطلعلنا مربع حوال منحط صح على المربع متل بالصورة :

بيطلعلنا مربع هيك شكلو .. و منختار القيم اللي طالعة بالصورة :

منرجع منكبس هلء على لير التكستشر …. و مناخد الفرشاي و اللون الأبيض … و منقرب كتير على وجهها … و منمحي التيكستشر اللي طالع على تم البنت و عيونها

بقى الخط اللي طالع بنص وجع الببنت لازم نخليه محروف مع الوجه اكتر منشان يبين حقيقي و هالشي بتم كالتالي :
منحدد الخط باداة التحديد ( )

اللي عندو فوتوشوب cs4 بها المرحلة التالية بيكفي انو يكبس shift+f6 ليطلعلو مربع حوار ال feather
اللي عندو النسخ اللي قبل بدو يروح على select — modify —-feather
و منحط القيمة 20

بعدين منروح على :
Filter —- distort —- shear
وبتحركو الخط هيك

شي بسيط يعني .. وبعدين موافق .. بيطلع معكم

التغير هون بسيط و انما بيعطي حقيقية اكتر للصورة و الفكرة بالفوتوشوب انو كل ما اعتنيتو بالتفاصيل أكتر كل ما طلع التصميم النهائي تبعكون واقعي أكتر و اكتر …

المرحلة الثالثة و هيي ما قبل الاخيرة … تطبيق تيكستشر جديد لكل القطع المتطايرة من وجه البنت :
منفتح الصورة الاخيرة بالعمل اللي اسمها texture2
مننسخها و منلزقها جوا العمل تبعنا ..
منعطيها خاصية overlay كالتالي :

هلء متل ما لاحظتو انو الصورة غطت مو بس القطع و انما كمان وجه البنت و هاد شي نحنا ما بدنا ياه لهيك رح نعمل قناع مرة تانية لها الشفافية … منضغط زر ( ) اللي من شوي كمان صنعنا ماسك عن طريقو ..
و منختار اللون الأسود للفرشاي ..
منكبرها شوي
و منبلش نلون فوق المناطق اللي ما بدنا ياها من التيكستشر وهيي وجه البنت ولفحتها البنفسجية و جسمها لحتى يطلع عنا الشكل هاد :

هلء شفتو كيف كل القطع المتطايرة صار الها نقشة كتير حلوة و عاطيتها نوع من السماكة و الحقيقية للصورة ..
بها المرحلة .. بتقدرو تضيفو قطع أكبر و تدمجوهم مع اللير اللي فيها القطع الصغيرة لزيادة المؤثرات .. اذا بتحبو يعني ..
انا شخصيا ما ضفت شي هههههههههه حاجتي تقطيع لهون
المرحلة الاخيرة :

 اضافة شوية ظلال و Blending colors للصورة منشان تتوحد الوانها و تعطي مظهر عتيق و حلو

الخطوة الاولى بدنا نضيف ظل لجسم المرا .. منعمل لير جديدة فوق كل الليرات السابقة ..
مننقي فرشاي بلون اسود ذات حدود ناعمة كتير
منعمل شفافية الطبقة الجديدة حوالي الاربعين …
و منرسم خط عند جسم البنت هيك :

وبعدين منمسك أداة ال pin tool (
) و منحدد العيون بها الطريقة :

و بالزر اليميني منختار make selection

و منرجع منضغط زر alt و منختار من الادجاستمنت brightness و منعطيه القيم التالية :

و بصير لون العيون :

هلء منرجع منفتح صورة texture1 مننسخها و منلزقها و منعملها overlay و منصنعلها ماسك كمان و منرسم فوقها بالفرشاي الاسود بحيث اللير الجديدة ما تغطي غير جسم البنت .. و فيكم ترجعو على لير التيكستشر القديمة و تمحو الشغلات اللي ما حبيتوها من هالتيكستشر عن وجه البنت متل البقع اللي على انفها مثلا لحتى يطلع عندكم الشكل النهائي لحد الان هوي :

باقي خطوة اخيرة .. و هي انشاء طبقات الالوان اللي رح توحد لون الصورة ..
مننشئ لير جديدة ..
منكبس على مربع الالوان و منكتب هاد الرقم (ae9c7c ) بخانة اللون هيك :

منمسك أداة الملء اللوني ( ) و منلون كل البقة الجديدة بها اللون
و منعطيها أمر color
كمان منرجع مننشئ طبقة جديدة و هالمرة منختار اللون اللي رقمو : 475466
و كمان منعبي كل اللير هاللون و منعطيها امر over lay
و منكررها .. يعني عنا 2 زرق رح يكونو overlay
بيطلع الشكل النهائي :

المفروض نكون خلصنا بس انا شكل جمجمة البنت موعاجبني ههههههههههههههههههههههههههههه
رح انشء لير جديدة قبل ليرات الالوان التلاتة ..
و اعطيها شفافية 40 مثلا
و جيب فرشاية ناعمة الاطراف
ولون شوي من جهة الجمجمة لحتى شيلا حساس انها مقصوصة هههههههههههههه
و هي الشكل النهائي

و هيك منكون خلصنا درس اليوم .. كان في كتير تقنيات حلوة خصوصا بمجال قص القطع .. و الماسكات .. و تطبيق التيكستشر .. شغلات حلوة كتير بتمنى تكونو استفدتو منها متل ما ااستفدت انا منها
و ترقبو الدرس القادم من سلسلة photoshop secrets

و اخيرا ملفات العمل لمن يريد التطبيق :

للتحميل اضغط هنـــــا

ثم مضى الرجل الحكيم بعيداً !!

تابع معنا القصة لتعلم ماذا حدث للمزارع وهل حصل بالفعل على الألماس :) .. ؟؟ 

 في تلك الليلة لم يستطع المزارع أن ينام. لم يكن سعيداً ولا راضياً. لم يكن سعيداً لأنه لم يكن راضياً ولم يكن راضياً لأنه لم يكن سعيداً.
وفي صباح اليوم التالي قام بإعداد الترتيبات اللازمة لبيع مزرعته وأمن الرعاية لعائلته ثم سافر بحثاً عن الألماس. لقد بحث في كل أنحاء أفريقيا لكنه لم يستطع أن يجد شيئاً. ثم سافر إلى أوروبا وفتشها ولم يجد ضالته. وعندما وصل أسبانيا، كان محطماً عاطفياً وجسدياً ومادياً أيضاً. لقد غدا مثبط العزيمة تماماً إلى درجة أنه انتحر حيث رمى بنفسه في نهر برشلونة.
بالعودة إلى داره القديمة نجد أن الشخص الذي اشتراها كان يسقي جماله من جدول يمر خلال المزرعة. وخلال الجدول كانت أشعة شمس الصباح تربت على حجر في الجدول فيتألق كـأنه قوس قزح. وظن الساكن الجديد لهذا البيت أن الحجر سيبدو أجمل إن وضعه على رف الموقد داخل المنزل، فالتقطه ووضعه في غرفة المعيشة حيث أراد.
في ظهيرة ذلك اليوم أتى الرجل الحكيم ورأى الحجر يتألق. وسأل: ” هل عاد حفيظ؟” فأجاب المالك الجديد: ” لا. لماذا تسأل؟” . قال الرجل الحكيم: “لأن هذا ألماس. لقد عرفت واحداً عندما رأيت واحداً.: فقال الرجل: “لا، إنه مجرد حجر التقطته من الجدول. تعال سأريك أين حيث يوجد منه الكثير.” وذهب الرجلان والتقطا بعض النماذج من الجدول وأرسلوها إلى حيث يتحققون من ماهيتها.
ومما لاشك فيه إن هذه الحجارة كانت ماساً حقيقياً. لقد وجدوا أن المزرعة كانت تعوم على مساحات ومساحات من الألماس.

لنرى الآن مالمغزى من هذه القصة؟

هناك خمسة أشياء نستفيدها منها:

- عندما يكون موقفنا إيجابياً فإننا سوف نميز ونعرف أننا نمشي على مساحات ومساحات من الماس.
إن الفرصة هي دائماً تحت أقدامنا. وليس علينا الذهاب بعيداً. إن كل مانحن بحاجة إليه هو تمييزها

- إن العشب الذي على الناحية الأخرى دائماً يبدو أكثر خضرة .

- وبينما نحن نصبغ العشب على الطرف الآخر، فهناك آخرون يقومون بصبغ العشب على ناحيتنا. وسوف يكونون سعداء لو يتبادلون الأمكنة معنا.

- عندما لا يعرف الناس كيف يميزون فرصهم، فإنهم يتذمرون من الضجة التي تحدثها عندما تطرق أبوابهم.

 -الفرصة ذاتها لا تطرق الباب مرتين. والفرصة التالية قد تكون أفضل أو أسوأ لكنها أبداً لن تكون نفسها التي ذهبت.

ابقوا معي لمعرفة المزيد عن الانسان والموقف الذي يجب أن يتسلح به إزاء أي عمل يرغبه ليحقق النجاح الميمون .

و هوي درس من مجموعة دروس photoshop secret الاجنبية .. و انا ترجمتلكون الدرس و طبقتلكون ياه شرحتلكم ياه و بالعربي كمان

و انا عنجد متلي متلكم يعني اتعلمت هالدرس لعلمتكم ياه … و عنجد شخصيا حسيت انو في كتير تقنيات احترافية انا ما كنت بعرفها و عرفتها من خلال هالدرس … و ان شاء الله انتو كمان تستفيدو منو بالدرجة اللي فادني فيها .. و انبسطت و انا عم اتعلمو . و انبسطت و نا عم علمكون ياه ..

و متل ما رح تشوفو الدرس ملياااااااان صور فانا عملت دقة هالصور اقل اقل شي منشان ما تضلو ساعتين عم تحملوا بالدرس …

فالصور مغبشين شوي بس انا كان بهمني تتعلمو الدرس مو تتفرجوا على الصور
و بصراحة تانية لو عملت هالصور دقتها اعلى كان طلع حجمها فوق ال 8 ميجا كمجموع و ماعد قدرت حط الدرس بالخالص ههههههه خطوطنا دايل اب نحنا

و هي هيي الصورة النهائية للدرس ..
يعني نحنا هدفنا هون نعمل فيل طائر بجو اسطوري

لمشاهدة الصورة ,, اضغط هنـــا

خلينا نبلش بمستلزمات العمل :
1- برنامج الفوتوشوب cs2 فما فوق … و انا مشتغلة على ال 4
2- مجموعة من الصور اللي رح حطها بأخر الدرس
3- بس

مستوى الدرس : لذاوات الصبر الطويييييل

و الحقيقة انا بعد ما شرحت كل الدرس اجيت لارفع مستلزمات العمل طلع حجمون كتير كتير كبير بال 107 ميجا يعني .. علما انو كل هالصور خلال الدرس رح نصغرها لحد ال 99 بالمية !
فصغرت الصور للربع لصار حجمها معقول للرفع .. و بالتالي انتو و عم تتابعو الدرس لا تدققو على النسبة المئوية للتصغير و انما صغروا الصور و حطوها بالعمل او كبروها على كيفكم يعني بحيث يطلعوا مشابهين للصورة اللي حطيتلكم ياها كنتيجة لاي تطبيق ..

بداية … منفتح الفوتوشوب … و منختار عمل جديد بالمقاييس التالية :
Width : 2020 pix
hight : 1032 pix
resolition : 300
Background : white

ok

هلء خطينا الخطوة الاولى لبداية العمل

الخطوة التانية رح تكون بتجميع كل الصور الموجودة بين ايدينا بقلب العمل الجديد لحتى نقدر نبلش عملية المونتاج اللي هيي تعتبر من اجمل و اكثر العمليات احترافا على الفوتوشوب

1- نفتح صور الشاطئ Beach و نحددها .. و ننسخها … و نلصقها فوق الصفحة البيضاء للعمل الجديد بالشكل التالي ..

متل مو ملاحظين انا حطيت الصورة من الجانب العلوي فقط يعني انا ما بدي الشاطئ البني يبين لانو نحنا اللي بدنا نوصله هوي صورة مكان فائض بالماء …
بس هي الصورة فيها خط افق عند بداية السماء متل مو شايفين و هي بمثابة الصدع بالصورة و عملية تصلحيو سهلة و تتم بالطريقة التالية ..
اولا نضغط على أداة ال eyedropper tool بتطلعلنا القائمة التالية :

منختار أداة ال Ruler او المسطرة و منضغط على بداية الصدع من اليسار و منسحب لنهايتو باليمين كالتالي :

و بعدها منروح على :
Image\ rotate canvas\arbitrary
و الروريت كانفاس اسمو بالفوتوشوب 10 : image rotation

هلء لما بتختارو السابق رح تفتحلكم نافذة صغيرة فيها رقم اتوماتيكي … هاد الرقم اخدو الفوتوشوب من المسطرة اللي نحنا حددنا فيها الصورة .. و هاد الرقم ضروري و رح نحتاجه :

اضغطوا اوكي …

ورح تشوفو كيف الفوتوشوب خلا هالخط تبعنا يصير مستقيم

بقي الفراغ اللي طلعلنا على طرف الصورة .. هاد بروح بالعملية التالية :
edit\ free transform

و منمط الصور بحيث تغطي الاجزء البيضاء اللي طلعلتنا

و منحصل على النتيجة النهائية هي :

طبعا متل مو ملاحظين دقة الصور اللي حطيتها بالعمل قليلة كتير و رح ارجع قلكون انو كان فيني اعملها ادق بس للمصحلة العامة عملتها قليلة الدقة للغاية ..

و هيك منكون وصلنا للمرحة التالتة بعد فتح العمل و تنسيق الصورة الاولى … و هيي دمج بقية الصور بصورة البحر

هلء منفتح صورة : Lifebridg
و متل مو ملاحظين هي الصورة مقصوصة و مفرغة و جاهزة و بصيغة Psd

و ان شاء الله بدرس تاني رح نحط درس احترافي عن طرق القصقصة و تفريغ الصور من صورها الاساسية

هلء منحدد صورة البرج و منعملو نسخ … و منروح منلصقو فوق العمل تبعنا … متل مو شايفين … البرج كتير كبير على الصورة .. و اللي بدنا نعملو هلء انو نحول الشفافية تبع البرج ل smart object

او ببساطة … اضغطو على الشفافية تبع البرج من نافذة الليرز و بالزر اليميني اختارو convert to smart object

وبعدين منغير اسم هالشفافية لحتى نعرف وينها باخر العمل ل … مثلا … Oil tower

وبعدين منختار :
edit\ free transform

و قبل ما نعمل اي شي منضغط على زر القفل الظاهر بالصورة :

و هاد الزر خاص منشان و نحنا عم نصغر الصورة ما تتشوه بانو عرضها يصير اصغر من طولها و هكذا …

وبعدين محل مو مكتوب 100% منكتب مثلا 25% و هالشي رح يصغر الصورة بشكل كافي لحتى نقدر نتابع تصغيرها يدويا ..

و لمتابعة تصغيرها يدويا :
منحط الماوس على الطرف العلوي من الصورة + الضغط المستمر على زر Shift و منسحب لداخل الصورة و بالتالي منكون صغرناها بدون ما نشوه أبعادها

او باعتبار انا بعرف قدي لازم تصير الصورة بالاخير ففيكن تكتبو مباشرة بدل ال 100% >>> 4,3% و خلصنا
المهم لازم يطلع حجم الصورة بالاخير و موقعها كالتالي :

و بحب ضيف هون ميزة تحويل هالشفافية لسمارت اوبجيكت .. هوي انو هاللير صارت غير قابلة للتشويش .. يعني فرضا اذا ما عجبنا حجمها و قررنا نرجع نكبرها .. ما رح تطلع مغبشة او غير واضحة لانو نحنا اولريدي محولينها لسمارت اوبجيكت

منرجع لنافذة الشفافية و منعمل Dublicate لشفافية البرج تبعنا و منسميها مثلا Oil tower far

لانو بدنا نعمل برج تاني بالجهة المقابلة و هالمرة رح يكون بعيد لهيك رح نصغرو
اكتر بنفس الطريقة السابقة بحيث يكون حجمه 3,2% و مكانة كالتالي :

و طبعا هون في حيلة منقدر نعملها لحتى نعطي الاحساس الكامل انو التور او البرج البعيد بعيد عنجد و هوي انو نعملو بلور بحيث نعطيه ضبابية

و لكن نحن ما منقدر نعمل بلور لصورة صغيرة و الا رح تتشوه تماما … و الحل بهيك حالة بكون بانو نعمل بلور للصورة الكبيرة اللي اخدناها اول اول شي قبل ما نصغرها … و بعدين نجيبها على العمل مرة تانية و نصغرها و هيك بكون صار عنا صورة صغيرة و فيها بلور مغبشة يعني
طبعا و بكفي انكم تضغطو على الشفافية مرتين حتى يرجع الفوتوشوب يفتحلكم بصفحة لحال نافذة البرج الاساسية اللي هي ملف بي اس دي لانو الفوتوشوب بيعمل حفظ مؤقت لكل ملفات البي اي دي اللي جبنا منها صورنا على العمل
و لما رح يفتحلكم شفافية التور على ملف منفصل الافضل انو تعملو تكرار لها الشفافية و بعدين تحفظوها منشان لما نعمل اي تعديل للشفافية و بدنا نتراجع عن عملنا يكون عنا الشفافية الاصلية …
طبعا بها المرحلة انا اخترت شفافية البرج الاول الكبير

خلص حاج حكي .. رح ورجيكم صورة بتعبر عن الشفافية اللي رح يفتحها الفوتوشوب بدبل كليك … و كيف انا مكررتها

و هلء منعملها BLUR كالتالي :

و منختار كمية البلور كالتالي :

وبعدين منروح على File و منختار زر save و منسكر الصورة
و باللحظة اللي رح نرجع فيها على عملنا الاصلي الفوتوشوب رح يعمل تحديث تلقائي للشفافية اللي عندو و رح تصير النتيجة المطلوبة :

و الحقيقة انو من الصعب الاحساس بانو اي شي صار !!
بس اذا عملتو زوووم على الصورة و فتحتو الهيستوري و تراجعتو عن اخر عملية رح تشوفو الفرق

مو مهم ..

المهم انتو طبقوا ما عليكم
هلء منرجع منختار شفافية البرج البعيد

طبعا انتو لحد الان ما فرق عليكم كتير بس التفاصيل الصغيرة كتير الها اثر بالتصميم
اكبسو عليه بنفس التصميم و اختار بلور كاسين اللي اخترناه نفسو بس اعملو البلور بالفواصل يعني شي متل 0,2 فقط لا غير و رح تلاحظو انو صار معكم فرق

منكمل

بقي عنا نعطي احساس للناظر بانو هالابراج عنجد موجودة بالمي !
و هالشي بصير كالتالي :
منعمل لير ماسك للبرج الاول .. كالتالي :

يعني زر الماسك اللي عليه بقعة حمرا

وبعدين منضغط على الماسك و منختار اداة الفرشاة و منعطيها حجم مناسب … و منتأكد انو اللون الحالي عنا بالفوتوشوب هوي الاسود
و منمرر الفرشاة اللي حوافها ناعمة شوي على اسفل البرج و منرسم فبينمحى معنا الزاويا الحادة و بيطلع الشكل التالي :

و منكرر نفس العملية للبرج التاني

و هي هيي الصورة النهائية …

تعبتو ؟؟؟ يييييييي بكير لسا مطولين :) هاد عمل احترافي و مونتاج سنمائي و أدق التفاصيل مطلوبة

هلء خلصنا شغلنا من الصورة الاولى … منرجع منتطلع على الصور اللي معنا و منفتح الصورة اللي اسمها tower cropped

مننسخها و منلزقها فوق العمل تبعنا ..و كمان منحولها ل smart object

بعدين Edit —- free transform
او اضغطوا مباشرة على ctrl + T

و منختار مدى التصغير 24% بحيث يصير شكلها و مكانها كالتالي :

غيرو اسم هالشفافية ل مثلا ….. 2 towers
هلء منضغط على مربع الشفافية متل ما عملنا بالشفافيات القبل فرح تنفتح معنا بصفحة فوتوشوب جديد متل ما صار سابقا
منكرر الشفافية متل ما عملنا سابقا ..

بعدين متل ما عملنا من قبل

filter— blur—gaussian blur
و منختار الرقم : 1.8
وبعدين اوكي ..

و منسكرها …
بيطلع عنا التالي …

و كالعادة انتو ما رح تلاحظوا اي تغيير بس التفاصيل الدقيقة مهمة جدا ..
هلء منعيد نفس الحركة السابقة منعمل للتور ماسك .. و مندمجو بالبحر متل ما عملنا مع البرجين فوق ..

طبعا بحب نوه بها المناسبة انو لا تنسوا بعد ما تعملو ماسك جديد اذا طلعلكم جمبو قفل صغير شيلو القفل و بعدين اعملو الدمج وبعدين رجعوا القفل

و هاد هوي الشكل النهائي حتى الآن …. :

هلكت انا ههههههههههههه

هلء المرحلة الجديدة هيي اضافة Smoke للصورة و كأنو طالع من البرجين اللي حطيناهم اخر شي …

اول شغلة بدنا نعملها انو نعمل لير جديدة فوق هالبرجين .. بالضغط على ctrl+shift+N
و منسميها مثلا …… smoke
منضغط على اللير الجديدة و منختار أداة :

و منرسم التالي :

طبعا اذا فيكم ترسموه احسن من هيك ارسموه .. انا و الله عدتا شي 100 مرة و هي اظبط شي طلع معي هههههههههه

وبعدين منختار التالي :

و منحط الرقم 20 بالنافذة تبع الفيذر و بعدين اوكي

و هلء بها المرحلة لازم ننتبه انو الالوان على الفوتوشوب تبعنا اسود و ابيض … يعني يا اما الخلفية اسود و اللي تحتها ابيض يا اما بالعكس المهم يكون وحدة بيضا وحدة سودا :

و منختار :

و النتيجة :

وبعدين منعملها شفافة هيك :

و النتيجة :

وهيك منكون خلصنا مرحلة اضافة الدخان

و اخيرا صار وقت نجيب الفيل الأمور تبعنا على الصورة 

منفتح صورة الفيل .. مننسخها و منلزقها فوق العمل تبعنا .. وبعدين منحولها ل smart object و منسمي اللير فيل او اليفانت

وبعدين منضغط على ctrl+t
او Edit — free transform
و منصغرها لــــــ 31.7%
بحيث يطلع حجمو وموقعه كالتالي :

وبعدين منحطلو ماسك …

و منختار هالمرة فرشاة مو ناعمة و كبيرة و منرسم باللون الاسود فوق الماسك لحتى نخفي رجلين الفيل كالتالي :

هلء منرجع منحدد الصورة الاساسية تبعنا و اللي هيي صورة الشاطئ
و منتختار اداة التحديد الدائرية :

و هلء هدفنا نعمل امواج دائرية حول الفيل ليبين انو هوي عنجد بقلب المي
و منحدد كالتالي :

وبعدين منختار select— modify—feather
و هالمرة منحط الرقم 25 و بعدين اوكي …

وبعدين منختار :

و منختار الرقم 316+ و بعدين اوكي ..
و هي النتيجة

وبعدين منحط دويرة تحديد على الرجلتين الاماميتين فقط :
و منرجع منختار :
select—modify—feather
و منحط الرقم 20 وبعدين اوكي …
وبعدين :

و منحط القيم التالية :

و منكرر نفس العملية للرجلتين الخلفيتين

و النتيجة :

وبتقدرو بعدها تضيفو زيك زاكات تحت الفيل اكتر و اكتر قد ما بتحبو ..

هلء وصلنا لمرحلة اضافة الاجنحة لها الفيل الصغتور
منفتح صورة الاجنحة المرفقة معنا بالعمل … و منختار الجناح الاول و مننسخة و منلصقه فوق صورتنا و منسميه الجناح الايسر و منرجع منجيب الجناح التاني و منلزقه فوق صورتنا و منسميه الجناح الايمين
ولا تنسو انو شفافية الجناح الايسر لازم تكون تحت شفافية الفيل و شفافية الجناح الايمن لازم تكون فووووق شفافية الفيل
و لا تنسوا كمان تحولوا الجناحين ل smart object

هلء اخفو الجناح الايسر و خلونا نبلش شغل بالايمن … منحطو بالموقع التالي :

و منحطلو ماسك متل الطريقة السابقة ..
و منرسم فوقه لنمحي الزوائد .. و لا تنسو تختاروا حدة الفرشاة و نعومتها و حتى الكابيسيتي تبعها و انتو عم تمحو كل واحد حسب مخيلته لحتى تطلع هالنتيجة :

شايفين كيف طالع الجناح كانو عنجد طالع من الجلد؟

خلصنا من الجناح الايمن مننتقل على الجناح الايسر .. و منحطو بالموقع التالي

شايفين كيف الفيل صار الو جناحات ؟؟؟
لعفا و انا تعبت .. اعملولي كاسة نيسكافي

منكمل فإذا …
منضغط على شفافية الشاطئ مرة تانية و منعمل فوقها لير جديدة :
ctrl+shift+N
و منسميها شادوووو

و منجيب الفرشاة باللون الاسود و منرسم هيك :

بعدين منعمل الشفافية 50% و منمحي شوي من على طراف الظل بيطلع معنا :

هلء منرجع منحدد البحيرة و منضغط على الزر التالي : و اللي هوي ال Quick mask موجود مع الادوات ..

و منرسم مايلي بالفرشاة و رح يطلع اللون احمر … اذا ما طلع احمر معناها مختارين الماسك غلط

وبعدين منرجع منكبس الزر نفسه تبعنا منشان نشيل الماسك المؤقت …
وبعدين منروح على :

select— invers

وبعدين منختار :

و من ثم بيطلعلنا نافذة البرايتنس و منختار منها القيم التالية :

و متل مو ملاحظين صار الظل اللي تحت رجلين الفيل غامقين اكتر من غيرهم

هلء بقي نضيف شوية مونتاجات للصورة قبل ما نوصل لمرحلة الدمج النهائي …و بها المرحلة رح نضيف ضباب

منحدد اخر لير عنا من فوق و منعمل فوقها لير جديدة متل ما منعرف ..
و منختار اداة التحديد المربعة ..
و منحدد التالي :

وبعدين منروح على :
select–modify—feather
و منختار الرقم :30 و بعدين اوكي

و هلء منرجع منتأكد من الوان الفوتوشوب انو وحدة ابيض ووحدة اسود متل وقت عملنا الدخنة فوق البرج ..
وبعدين منروح تماما نفس الشي على:
filter—render–clouds

و منعمل الشفافية screen و الكابيسيتي تبعها 67% و بيطلع معنا ضباب … ارتكوه .. رح نرجعلو اخر شي لنعدل فيه

هلء اخيرا و صلنا لمرحلة دمج كل الصور مع بعضها ليطلعو و كأنهم بنفس المكان و بنفس الزمان و نفس الالوان و الاضائة و يطلع عنا عنجد صورة فيل طائر حقيقي و نروح نقول لاهلنا … طلع الفيل عنجد بطير و هي المرحلة اسمها مونتاج الألوان

منحدد اعلى لير عنا … و منعمل فوقها لير جديدة ..و منسميها brown
و بعدين منروح على الالوان و منختار اللون التالي اكتبو الاسم b29a7c) بيطلع اللون تلقائيا ..

وبعدين منختار اداة ال paint bucket tool يعني سطل التلوين اللي بعبي الالوان .. و منعبي كل اللير تبعنا باللون البني المختار ..
وبعدين منروح بسرعة و منختار ما يلي :

أخ شفتو شو صار ؟ … هيك صار :

اي بس ما خلصنا !!! نحنا ما عم نعمل لوحة عادية نحن عم نعمل لوحة سنماااائية
لهيك رح نحتاج انو نضيف لسا طبقتين لونيتين فوق هالطبقة
و لهيك منروح منختار اخر شفافية عنا و اللي هيي شفافية اللون البني و منعمل فوقها لير جديدة ..ومنسميها Blue

و منروح على الالوان و بالنافذة السابقة نفسها منكتب اللون :475368
بيطلعلنا لون ازرق منكتب موافق و منروح على اللير تبعنا ..

و نفس الشي منعبي اللير باللون الازرق بنفس الاداة ..
و منروح بسرعة لمحل ما رحنا من شوي و منختار :

و النتيجة لحد الآن :

منرجع منضيف لير جديد فوق اخر وحدة و منسميها Bue2
ورح نستعمل بها اللير نفس اللون الازرق اللي عملناه من شوي تماما ..
و منعبي اللير باللون الازرق ذاته متل من شوي ..

و منرجع منختار Overlay مرة تانية .!
بس هالمرة رح ننزل ال capicity تبع اللير ل 61% او على كيفكم يعني ..
و بتطلع النتيجة :

هلء متل مو شايفين صاروا الاجنحة غامقين زيادة عن اللزوم .. لهيك منرجع منحدد الجناح الايمين و منضغط باستمرار على زر ال Alt مع اختيار :

رح تطلع نافذة صغيرة منحط صح بالمربع كالتالي :

و منحط القيم :

و منرجع منعمل نفس الشي للجناح الايسر … لاتنسوا تضلو ضاغطين على زر ال Alt و انتو عم تختاروا البرايتنس و الا رح تكون الاضائة لكل اللوحة و مو بس للجناح …و منختار القيم

و النتيجة :

هلء منرجع للضباب تبعنا … منحدد اللير تبعو ..
و منروح على:
Filer— sharpen–unsharpen mask

و منختار القيم :

و النتيجة النهائية :

و لمشاهدة الصورة بدقتها الاصلية :

اضغط هنا

و بقي اعطيكم صور العمل لتطبقوه :

اضغط هنا للتحميل

لعفا انا قلت باسبوع ماعد خلص … هههههههههههههههه

و انا عنجد متلي متلكم يعني اتعلمت هالدرس لعلمتكم ياه … و عنجد شخصيا حسيت انو في كتير تقنيات احترافية انا ما كنت بعرفها و عرفتها من خلال هالدرس … و ان شاء الله انتو كمان تكونو استفدتو منو بالدرجة اللي فادني فيها .. و انبسطت و انا عم اتعلمو . و انبسطت و نا عم علمكون ياه .. و بتمنى تكونو انبسطتو فيه
و عذرا مرة اخرى على الصور المشوشة

لتحميل الدرس كاملاً بصيغة PDF اضغط هنــــا

الخطوة الأولى
نفتح ملف جديد بالأبعاد التالية

نذهب إلى Blending Options
و نختار ما يلي

فتصبح خلفية الصفحة كما يلي

الخطوة الثانية
الآن ننشئ طبقة جديدة ولنسميها ((Clouds)) نجعل الألوان كما يلي

ثم نذهب إلى
Filters>Render>Clouds
ثم نختار كما في الصورة لتصبح الخليفة كما يلي

الخطوة الثالثة
الآن سنقوم بإنشاء الغيوم باستعمال الفراشي
نختار أداة الفرشاة و من أقصى الزاوية اليمينية
و نختار ما يلي

ثم ننشئ مجموعة جديدة بالضغط على

و لنسميها ((Cloud)) و ننشئ داخلها ثلاثة طبقات
نسميها ((Front)) و ((Middle)) و ((Last)) على التوالي
الآن نضغط على طبقة الـ ((Front)) و نذهب إلى Blending Options لهذه الطبقة
و نختار كما يأتي في الصور

و نقوم بنسخ هذه التأثيرات على الطبقتين الباقيتان

الخطوة الرابعة
الآن سنقوم بإنشاء ثلاث طبقات من الغيوم
نحدد على طبقة ((Front)) و نقوم برسم كما يلي في الصورة

ثم نحدد على طبقة ((Middle)) ونقوم برسم كما يلي في الصورة

ثم نحدد على طبقة ((Last)) ونقوم برسم كما يلي في الصورة

الخطوة الخامسة
اجمع طبقات كلها في طبقة واحدة و ذلك بالتحديد عليهم ثم اضغط على ((Ctrt+E))
ثم اضغط بزر اليمين على الطبقة المدمجة و اختار Duplicate Layer
ثم اختار كما يظهر في الصورة لتظهر الغيوم كما في الصورة نفسها

ثم نقوم برسم مزيد من الغيوم كما في الخطوة الرابعة
ثم ارسم مجموعتين من الغيوم و اختار الخيار التالي

لتظهر النتيجة النهائية لشكل الغيوم كما في الصورة

الخطوة السادسة
الآن سنقوم برسم قوس قزح
و يمكن استخدام برنامج الفوتوشوب و الإليستيرتر… و سأقوم بشرحها ببرنامج الفوتوشوب
نفتح عمل جديد بالأبعاد التالية

ثم استخدم فرشاة الدائرة و الحجم التالي

و نرسم دائرة ونحاول أن تكون في المنتصف كما في الصورة

ثم نرسم خمس دوائر بزيادة حجم px40 عن الدائرة البيضاء السابقة و نضع كل دائرة في طبقة جديدة
مثلاً الدائرة التالية ستكون حجمها px280
كما في الصورة

و إليكم أكواد الألوان في الدائرة
الدائرة الثانية : 4a2a8b
الدائرة الثالثة : 00a6d3
الدائرة الرابعة : 69c325
الدائرة الخامسة : fff402
الدائرة السادسة : e60048ثم نقوم بدمج طبقات الدوائر بتحديدها ثم ضغط على ((Ctrt+E))
بعد الدمج … نقوم بحذف الدائرة البيضاء بواسطة أداة

بالضغط على المنطقة البيضاء ثم اختيار Delete

الخطوة السابعة
نقوم بسحب قوس قزح إلى الراسمة السابقة و نضع طبقة قوس قزح أسفل طبقات الغيوم
ثم نستخدم أداة الفرشاة المبينة في الصورة لمسح الأجزاء الظاهرة من قوس قزح

الخطوة الثامنة
الآن سنقوم بإضافة تأثيرات لكي يبدو التصميم حقيقاً
نختار أداة الفرشاة المبينة بالصورة و من أقصى الزاوية اليمينية
نختار ما يلي

ثم نقوم طبقة جديدة و لنسميها ((Small clouds)) و ننشئ مثلها ثلاث طبقات و باستخدام نفس تأثير كما ورد في الخطوة الرابعة في الجزء المخصص بـ Blending Options نعمل كما هو موضح بالصورة

و الآن سنقوم بإضافة نجوم اتبع الخطوات التالية
نختار أداة الفرشاة المبينة بالصورة و من أقصى الزاوية اليمينية
نختار ما يلي

ثم نقوم بإنشاء طبقة جديدة و لنسميها ((Star)) و نضيف التأثير السابق لـ Blending Options
ثم نقوم كما في الصورة

و بإضافة اللمسة الأخيرة من إبداعاتكم تصبح الصورة
للمشاهدة الصورة النهائية للتصميم اضغط هنـــــا

تعتمد على هذه السلسلة من المواضيع والتي سيتم نشرها تباعاً بإذن الله على شكل حلقات اسبوعية على ترجمة مقتطفات من كتاب You Can Win للكاتـب Shiv Khera ; وحقوق الترجمة محفوظة للكاتبة Litany , ونحن في هذا الاسبوع سنبدأ مع الفصل الأول من الكتاب والذي هو بعنوان :

الفصل الأول - أهمية الموقف
بناء موقف إيجابي

كان هناك رجل يكسب عيشه من بيع البالونات في الأعياد. وكان لديه كل الألوان الأحمر والأصفر والأزرق والأخضر. و
كان كلما رأى أن وتيرة البيع تخف قام بتحرير بالون في الهواء وعندما يرى الأطفال البالون طائرا يركضون كلهم راغبين بالشراء وهكذا تعود عائدات بيعه بالإرتفاع ثانية. وهكذا كان يقضي كل يوم. وفي أحد الأيام شعر بأن أحداً يشده من سترته، استدار وراءه فرأى ولداً صغيراً وقد سأله هذا الصبي الصغير: لو أنك طيّرت في الهواء بالوناً أسود هل سيطير أيضاً؟
متأثراً باهتمام الطفل، أجاب الرجل بحنو: بني، إنه ليس اللون وإنما هو مايوجد داخل البالون؛ هو مايجعله يطير عالياً

الشيء ذاته يمكن أن نطبقه على حياتنا. الشيء الموجود داخلنا والشيء الذي يرفعنا هو موقفنا.
هل سبق لك أن تساءلت:

لماذا بعض الأفراد أو المؤسسات ناجحة أكثر من سواها؟
إنه ليس سراً. فهؤلاء الناس ببساطة يفكرون ويتصرفون بفاعلية أكثر. لقد تعلموا كيف يجدون الجانب المساعد الأكثر قيمة داخل االناس. وانا أعتقد أن نجاح أي فرد أو مؤسسة يقوم على جودة موظفيهم.
لقد أثبتت التجارب أن المصادر الإنسانية هي المساعد والمعين الأكثر قيمة من أي عمل. إنها أكثر قيمة من الرأسمال أو التجهيزات. ولكنها لسوء الحظ الأكثر ضياعاً.
الناس قد يكونون معينك الأكبر أو عائقك الأكبر.

هل سبق لك وخضعت لعدد من برامج التدريب مثل: خدمة الزبائن ومهارات البيع والتخطيط الاستراتيجي. لقد توصلت لنتيجة إن كل هذه البرامج العظيمة تواجه تحد رئيسي واحد وهو : لا أحد من هذه البرامج سوف ينجح مالم يمتلك الأساس؛ الأساس الصحيح أي أ. م. ت. اناساً مؤهلين تماماً… أناس ذوو شخصية واستقامة وقيم جيدة وموقف إيجابي.

برج كارجاري يقف بطول 190.8 م. وزنه الكلي هو 10.884 طن منها 6.349 طن تحت الأرض (حوالي 60%). هذا يعني أن واحداً من أعظم الأبنية لديه أقوى الأساسات. ومثل أي بناء عظيم يقف على أساس قوي هكذا هو النجاح. وأساس النجاح هو الموقف.

في الاسبوع القادم سنتحدث عن الشخص الذي كان يعيش على نهر من الألماس وأضاعه بالبحث عنه في مكان آخر

تابعونــــــا