diblog

ШИНЭ АРХИТЕКТОРУУД | ШУТИС- БИАС

noreply@blogger.com (diblog) — Mon, 21 Feb 2011 10:15:00 +0800

ШУТИС-ийн БИАС-ийн архитекторын ангийн ээлжит төгсөлт 2011оны 1-р сард болж, 20 шинэ архитектор бидний эгнээнд орж байна.

Үүнд: Баярсайханы Ариунбаяр, Лхагвадоржийн Амарбаясгалан, Сайнболдын Амарзаяа, Баярсайхны Ариунбаяр, Буянбаатарын Бизъяасүрэн, Балжирдондовын Банзрагч, Нямхүүгийн Батцэцэг, Ганболдын Гантулга, Дашдоржийн Ганшагай, Дашдоржийн Ганчимэг, Лхагвадоржийн Давхарбаяр, Батсүмбэрийн Золсайхан, Намсрайн Лхагвадэмбэрэл, Буянцогтын Чадраабал, Даваадоржийн Отгонбямбаа, Ганбаатарын Сайнбаяр, Цэнгэлийн Сайнбаяр, Дондогсамбийн Эрдэнэчимэг, Жамбалдоржийн Энхмаа, Баатарын Энхбат, нар болно. Эдгээрээс Б. Бизъяасүрэнгийн “Дундговь аймгийн Эрдэнэдалай сумын нутаг дахь Үнстийн хийдийн сэргээн засварлалт”, Л.Давхарбаярын “Өмнөговь аймгийн Номгон сумын Соёл- спортын төв” сэдэвт дипломын ажил шилдгээр шалгарч МАЭ-ийн Өргөмжлөл мөнгөн шагналаар шагнууллаа. Нийт залуу архитекторууддаа ажлын өндөр амжилт хүсье.

Эхийг: www.uma.org.mn (Монголын Архитекторуудын Эвлэл)

ХЭВШМЭЛИЙГ ЭВДЭХYЙ | BNP PARIBAS BANK

noreply@blogger.com (diblog) — Sat, 19 Feb 2011 19:02:00 +0800

Яагаад заавал банк гэхээр хаалттай хашлагны цаанаас дугаарлан зогсож үйлчлүүлэх ёстой гэж? Гэдэг асуултын хариуг BNP Paribas Bank-ний захиалгаар Парист бүртгэлтэй Zoevox Architects-ийн төлөвлөсөн интерьерийн шийдэл жинхэнэ утгаар нь хариулсан бололтой.

Парис хотын хуучны дүүрэг Place de l’Opera-д байрлалтай банкны салбарын 1000-аад м2 талбайг...

зөгийн үүр хэлбэртэй тааз шил, толь хослуулсан партишн хана, ногоон ханын систем зэргийг төлөвлөж дизайнеруудын нүднээ хэдийн танил болсон контемпорари загварын тавилгуудыг сонгон орон зайн нээлттэй хэлбэрийг үүсгэн байрлуулжээ.

Yйлчлүүлэгчдэд банкны үйлчилгээгээ авч байх хооронд тэдний хүүхдүүдийг саатуулах талбар, хүлээлгийн хэсэгт кафе барыг хүртэл төлөвлөсөн нь бусад банкнуудад энэ жишгийг дагах уу? гэдэг асуултад хүргэсэн мэт санагдлаа.

Ýõèéã: Zoevox.com, Thecoolhunter.net, Retail-focus.co.uk

КОНТЭЙНЕР СУУЦ | JIM POTEET

noreply@blogger.com (diblog) — Mon, 14 Feb 2011 19:43:00 +0800

Энэхүү контэйнерээр бүтээсэн байр нь Америкийн архитекторуудын институтээс (AIA) 2010 онд шагнал хүртсэн бүтээл юм байна.

Stacey Hill хэмээх уран бүтээлч өөрийн эдлэн дэх цэцэрлэгтээ зуны байр захиалсан даруй Poteet architects студийнхан энгийн 40тонны контэйнерийг (12x2.4x2.5m) сонгон гол өрөө, ариун цэврийн өрөө, агуулахын зориулалтаар 3н тасалгаанд хувааж

гол өрөөнд нь шалнаас тааз хүртэлх өргөхөн шиг шилэн, гүйдэг хаалга суулган контэйнерийн төмөр хаалганы оронд шилэн хана хийсэн төдийд л авсаархан зуны сууц болжээ.

Мөн үүдэнд нь нарлах тавцан засж шилэн ханатай хэсгүүдэд хөнгөн саравч төвөвлөн дээврийн хучилтын оронд бяцхан өргөгдсөн цэцэрлэг бүтээсэн нь орчны цэцэрлэгжилттэй аятайхан уусгаж өгчээ. Иймэрхүү хөнгөн зуны сууцыг манай лагерууд, жуулчний баазуудад өргөж аваачаад л тавьчихвал хөөрхөн хэмнэлттэй мөртөө өнгө үзэмж нэмхээр санагдлаа.

Эхийг: Smallhousestyle.com, Archirezdesign.com, Poteet architects

“THE WORLD to COME” CALENDAR 2011 | JATIN KAMPANI

noreply@blogger.com (diblog) — Mon, 7 Feb 2011 17:18:00 +0800

The World To Come нэртэй бидний ирээдүйн амьдралын хэв маяг, мөрөөдлийн ертөнцийг уран дүрслэмж, креатив фото зургийн аргаар илэрхийлсэн гайхалтай хуанлийн хэсгээс сонирхоцгооё.

Энэтхэгийн фото зурагчин Jatin Kampani-ийн жил бүр эрхлэн гаргадаг хуанли болон түүний бусад уран бүтээлүүдээс хувцас загварыг футурист архитектуртай хослуусан цогц нийлэмжүүдийг харж болхоор байна.

Эхийг: Trendland.net, www.jatinkampani.com, Rar-Talks

HOTEL PUERTA AMERICA | ДИЗАЙНЫ ЭРХ ЧӨЛӨӨ

noreply@blogger.com (diblog) — Mon, 3 Jan 2011 21:07:00 +0800

Архитектор: Zaha Hadid, Jean Nouvel, Norman Foster, David Chipperfield, Marc Newson + бусад 14
Ашиглалтанд орсон хугацаа: 2005
Байршил: Мадрид, Испани
Барилгын нийт талбай: 15600 s.m
Хүчин чадал: 308 энгийн + 34 люкс өрөө
Захиалагч: Silken Group

Хэрвээ та Мадрид-д зочилбол заавал очиж үзхэд илүүдэхгүй нэгэн зочид буудал байдаг ажээ. Учир нь энэхүү 12 давхар буудлын давхар бүр нь өөр өөрийн давтагдашгүй дизайнтай, 13 орны 19 топ архитектурын пүүс, студиуд хамтран нэг проект дээр ажилласан цорын ганц барилга юм байна.

Жишээ нь гадна фасад ерөнхий концепц дээр Францын архитектор Jean Nouvel, ресэпшний хэсгийг Английн архитектор John Pawson, хүлээлгийн танхимын хэсгийг Ирак гаралтай архитектор Zaha Hadid, 2-р давхрын гол танхимыг Norman Foster гэх мэтээр шилдгүүдийн жагсаалт үлгэлжлэх нь.

Давхар бүрийн 1300м2 талбай, 28 энгийн, 2 люкс өрөөг өөр өөрийн хэв маягаар төлөвлөх үүрэг эдгээр шилдгүүдэд ногдсон гэж бодход орсон зочид нь архитектурын музей үзсэн мэт болдог байх.

Эх сурвалж: Hoteles SILKEN, Designbuild-network, Latemag

GOODBYE 2010!

noreply@blogger.com (diblog) — Sat, 1 Jan 2011 16:41:00 +0800

ROCHE BOBOIS | ТАВИЛГЫН МУЗЕЙ

noreply@blogger.com (diblog) — Tue, 14 Dec 2010 17:48:00 +0800

Өдгөө тавин жилийн ойгоо тэмэглэж буй Францын тавилгын брэнд Roche Bobois ойн баярынхаа хүрээнд үе үеийн шилдэг дизайнеруудын санаагаар цаг үеийнхээ өнгө төрх, хэлбэр загварыг тусгаж амилсан 50 бүтээгдхүүнээрээ тавилгын хөгжлийн чиг хандлагыг харуулсан виртуаль музей байгуулжээ.

Виртуаль музейг эндээс үзээрэй: Roche Bobois Virtual Museum
Эх сурвалж: Trendland.net

MANUEL REBOLLO | ЗАГВАРЫН ЗУРГУУД

noreply@blogger.com (diblog) — Mon, 13 Dec 2010 21:37:00 +0800

График дизайнер Manuel Rebollo Испаний Саламанкагийн Урлагийн сургуулийг дүүргэсэн чөлөөт уран бүтээлч юм байна. Түүний ажлуудаас олон төрлийн хандлага харж болох бөгөөд хоосон эсвэл дүүргэлттэй орон зай, хурц тод зураасуудаар тоглож өнгөт шошгуудыг зургийнхаа сэдэвтэй уялдуулан тавьдаг ажээ.

Ингээд түүний бүтээлүүдийн хэсгээс сонирхоё.

Ýõ ñóðâàëæ: Nick name noMirar on Deviantart, Official blog, Behance Network

TOD’s OMOTESANDO BLDG | TOYO ITO

noreply@blogger.com (diblog) — Mon, 6 Dec 2010 17:04:00 +0800

Архитектор: Toyo Ito & Associates
Захиалагч: Tod
Ашиглалтанд орсон хугацаа: 2004
Байршил: Ometesando boulevard, Токио, Япон
Нийт талбай: 2550 s.m
Бүтээц: RC
Давхрын тоо: -1, +7

Токиогийн Омотесандо хэмээх модот өргөн чөлөөнд брэнд дэлгүүрүүд төвлөрсөн байдаг бөгөөд энд Японы болон гадны шилдэг архитекторуудын ритэйл архитектурын жишээнүүдийг хангалттай харж болох юм байна.

Ýíýõ¿¿ L õýëáýðèéí áàðèëãà íü 2007 îíä áàðèãäñàí Èòàëè ãóòàë, àðüñàí ýäëýëèéí äýëã¿¿ð çîðèóëàëòòàé, 1-5 äàâõàð õóäàëäàà, îôôèñ, 6-ð äàâõàðò õ¿ëýýí àâàëòûí òàíõèì, 7-ð äàâõàðò òåððàñ ãàðäåí, õóðëûí òàíõèì áàéðëàíà.

Барилгын фасадны шийдэл нь хайлаас мод мэт фактурыг бетон бүтээцээр зангидаж шилэн системээр дүүргэлт хийсэн нь архитекторуудын дунд Тоёогийн ой гэж нэрлэгддэг юм байна. Ой шугуй мэт фактур нь интерьерт ч сонирхолтой орон зайг бүрдүүлдэг бөгөөд үүнтэй уялдуулан заслын материалыг сонгохдоо натураль чулуу, модон панелуудыг ашигласан нь мөн Тод-ын арьсан эдлэлүүдтэй зохицож өгдөг ажээ.

Английн архитектурын Vond Studios-ийхан барилгын экстерьерийн 3н хэмжээст моделийг бүтээсэн нь гайхалтай бодитой бөгөөд фото зургаас ялгах ч арга алга.

Эд адилхан байна уу?
- Tod’s Omotesando Building, Токио, архитектор Toyo Ito
- Chanel-ийн 2008 оны намрын RTW коллекц, Дизайнер Karl Lagerfeld
- Cohda-ийн RD4 сандал, Дизайнер Richard Liddle/Sarah Blood
- Moooi-ийн Random Light, Дизайнер Bertjan Pot

Эх сурвалж: Architectural Record, Architecture Reviewed, Toyo Ito & Associates Architects, Arc Space

NOLEN NIU ТАВИЛГЫН КОЛЛЕКЦ

noreply@blogger.com (diblog) — Mon, 15 Nov 2010 18:23:00 +0800

Америкийн үйлдвэрлэлийн дизайнер Nolen Niu-ийн бүтээлүүдээс сонирхоцгооё.

Тэрээр 1975 онд төрсөн, Art Center College of Design коллежийг дүүргэсэн залуу дизайнер бөгөөд Беверли хиллз дэх урлан + оффисдоо бүтээлүүдээ туурвидаг ажээ.

Түүний тавилгууд поп өнгүүдээр дагнасан минимал хийцтэй байдаг ба 2010 оны олон улсын тавилгын үзэсгэлэнд (ICFF) тавигдсан ZERO нэртэй лонж тавилга нь дизайны ертөнцийн анхааралд оруулсан юм байна.

ZERO

DIVIDE

EVO

YO

ARRO

BOA

LASO

OBLIQUE

Эх сурвалж: www.nolenniu.com, Design Milk, Trendsideas, Wikipedia

NEIL BARRET БРЭНДИЙН ДЭЛГYYР | ZAHA HADID

noreply@blogger.com (diblog) — Fri, 12 Nov 2010 15:23:00 +0800

Архитектор: Zaha Hadid, Patrik Schumacher
Захиалагч: Neil Barrett
Ашиглалтанд орсон хугацаа: 2008.09
Байршил: Токио, Япон
Материал: DuPont

Брэнд бүтээгдхүүний баримталдаг чиг хандлагыг интерьерийн формд тусган төстэй байлгахыг зорьсон нэгэн жишээг Токиод байрлах нэрийн дэлгүүрээс харж болох юм. Загварын дизайнер Нэйл Баррет өөрийн стильтэй төстэй бүтээлүүдийг барилга, архитектурт бүтээдэг Заха Хадидийг сонгосон нь хар цагааныг хослуулсан, нугчирч хунирсан, огтолсон, уярсан гэх мэт деталиудыг хэн хэн нь өөрсдийн бүтээлүүддээ тусгаж байдагтай холбоотой байх бөгөөд тэр нь ч энэхүү интерьерт бүрэн бууж чадсан юм байна.

Барилгын 1-р давхарт эрэгтэй хувцасны тасаг байрлах бөгөөд тавилгын хэлбэр нь эрмэг хүчтэй, хурц шийдэлтэй бол 2-р давхрын эмэгтэй тасагт хэлбэр төстэй боловч харьцангуй уян, урсгал хөдөлгөөнтэй бүтээжээ.

Тавилгын архитектур бас баримал мэт тансаг хэлбэр нь бараа тавьж үзүүлхээс гадна сууж болох бөгөөд хиймэл чулуун (solid surface) материалаар урлажээ. Бүрсгэр цагаан тавилга гялгар хар шалтай тэсрэг байж бусад орон зайг цайвар бетон хэвээр үлдээсэн нь хар хослол, эрвээхэй зангиаг санагдууллаа.

Эхийг: Zaha Hadid Architects, Neil Barret, Another Title, Designshoot

ШИНЭ УРЛАГЫН МУЗЕЙ | SANAA

noreply@blogger.com (diblog) — Tue, 9 Nov 2010 14:48:00 +0800

Архитектор: Kazuyo Sejima + Ryue Nishizawa | SANAA (Япон)
Ашиглалтанд орсон хугацаа: 2007.10
Байршил: Нью-Иорк, АНУ
Барилгын нийт талбай: 5,453 s.m

Эгэл бас цэвэрхэн дөрвөлжингүүдийг хөдөлгөөнд оруулан давхарлаж тавьсаар эгэл бус динамик хэлбэр бүхий барилгын төрхийг бүтээсэн нь энэхүү барилгын архитекторуудад Pritzker-ийн шагналыг авчиржээ.

Ижил биш өндөртэй шоонуудаа бага зэрэг хөдөлгөхдөө байгалын гэрэлтүүлэг, барилгын араг бүтээц, гадна гэрэлтүүлгийг давхар шийдсэн нь сонирхолтой хэлбэрийг үүсгэж орчны дөрвөлжин барилгуудаасаа тэс өөр мөртөө төстэй болж өгсөн байна. Зоорийн давхарт театр, 1-4 давхар музейн танхимууд, 5-р давхарт сургалтын танхим, 6-р давхарт оффис, 7-р давхарт олон функцтай өрөөнүүдийг байрлуулж дээд давхруудын хөдөлсөн орон зайг ашиглан террас харин музейн давхруудынхыг ашиглан байгалийн гэрэлтүүлэг болгожээ.

Барилгын цагаан ханын гадуур хөнгөн цагаан торон өнгөлгөө хйиснээр оффисийн цонхнууд, террасны хаалга, хашилт зэрэг хананд гарсан элементүүдийг хагас нууж улам цулгуй харагдуулж байна.

Барилгын араг хийцийг периметр ханууддаа ачаалал өгч шийдсэнээр дотоод орон зайд ямар ч баганагүй байх боломжийг ханган интерьерийг цэвэрхэн, цагаан саруул болгож өгчээ.

Эхийг: Archdaily, WAF, Cubeme

MYVIL ЯВДАГ БАЙШИН

noreply@blogger.com (diblog) — Fri, 5 Nov 2010 15:21:00 +0800

Испаний A-cero Architecture Studio – ийнхан сонирхолтой явдаг байшингийн төсөл дээр ажиллажээ. Аврага бенз трэйлэрийн нуруун дээр аялан явхад элдэв доргилтыг анзаарахгүй, тохь тух алдахгүй үүднээс бүх тавилга, заслын зарим материалыг бидний хиймэл чулуу хэмээн нэрийддэг solid surface material-аар бүтээж хялбар бөгөөд хээнцэр интерьерийн шийдлүүдийг тусгаж хар цагаан өнгөний хослолоор чимжээ.

Архитекторууд 2 дахь гэрийн уламжлалт байдлыг алгасан хувирч, өргөтгөж болдог бүр ардаа бяцхан автомашинаа тээж болдогоор төсөөлжээ.

БАРИЛГА АРХИТЕКТУРЫН ТОЛЬ БИЧИГ (зурагт толь)

noreply@blogger.com (diblog) — Thu, 31 Dec 2009 11:09:00 +0800

Архитектор, дизайнерууддаа зориулж хэрэгцээт ном, сэтгүүл оруулж байхаар шийдлээ. Энэ удаад архитектур, барилга угсралт, хйиц бүтээц гэх зэрэг олон талын үгсийг зурган тайлбараар баяжуулсан толь бичгийг хавсаргая.
ТАТАХ...

“FAMOUS” BEAUTY SALON | Ш.ДУЛАМСYРЭН

noreply@blogger.com (diblog) — Mon, 16 Nov 2009 11:05:00 +0800

Дизайнер: Ш. Дуламсүрэн
Захиалагч: Иргэн Ч.Өлзийбаяр
Компьютер график: Max9, V-ray
Зураг төсөл дууссан: 2009-8-р сар
Ашиглалтанд орох хугацаа: 2010-1-р сар
Байршил: 3-р хороо, Сүхбаатар дүүрэг, Улаанбаатар, Монгол
Барилгын нийт талбай: 114.0 s.m

Yсчин, гоо сайхны салоны интерьерийг эмэгтэй дизайнерийн шийдлээр хэрхэн төлөвлөснийг сонирхоцгооё. Хуучнаар хүүхдийн 100 дэлгүүрийн хажууд байрлах энэхүү салон нь үсчин, маникюр, гоо сайхан гэсэн 3 үйлчилгээний хэсэгтэй. Өрөөн доторх зай багатай учраас орон зайг томсгож уужим, цэвэрхэн харагдуулахын тулд цагаан өнгөөр голчилж, нил ягаан өнгөөр хэт нэлийсэн уйтгартай байдлыг эвдэж өгсөн. Тавилгын сонголт, хана таазны шийдэл нь модерн хэв загвартай болгожээ. Танхимийн төв хэсгийн хананд камин зуух шигтгэж өгсөн нь дулаахан, дотно мэдрэмж төрүүлхээр санагдана.

LE CHATEAU HOTEL | “ИЗМОНЕ” ХХК

noreply@blogger.com (diblog) — Wed, 11 Nov 2009 21:12:00 +0800

Архитектор: “Измоне” ХХК | О.Амартүвшин, П.Хосбаяр
Захиалагч: “Путра Стар” ХХК
Зураг төсөл дууссан: 2009
Байршил: Залаатын ам, 11-р хороо, Баянзүрх дүүрэг, УБ, Монгол
Барилгын нийт талбай: 14703 s.m

Манай архитекторуудын өрсөлдөх чадвар хир түвшинд явааг харж болох нэгэн жишээг хүргэж байгаадаа таатай байна. Чадалтай төслийн баг бүрдүүлээд санаа нэгтэй ажиллахад зөвхөн дотоодынхоо төдийгүй гадны ямар ч орны сонирхолтой төслүүдэд оролцож улмаар гол консептийг нь хүртэл гаргаж чадаж байгааг Сингапурын “Путра Стар” ХХК-ийн Le Chateau 5 одтой зочид буудлын төслийг “Измоне” ХХК-ний залуусын ажилаас харцгаая.

Ерөнхий төлөвлөлтийн хувьд Залаатын амны голын тохойг дагуулан байрлуулсан үндсэн барилгаас гадна 18 нүхтэй гольфийн талбай, 17 вилла хаус, үндэсний онцлогийг тусгасан 8 гэр, 4 урц хүртэл төлөвлөгджээ.

Гол зочид буудлын барилга нь 3н давхар 3 блокт хуваагдаж 1, 2-р давхруудад сервис өрөөнүүд 3-р давхарт буудлын өрөөнүүд төлөвлөгдсөн. Нийт хүчин чадал нь Стандарт өрөө 16, Бизнес өрөө 14, Люкс өрөө 3, Президент өрөө 3, нийлээд 36 өрөөтэй. Yүнийг дагаад 5 одны стандартын дагуу бассейн, фиттнес, хурал болон хүлээн авалтын том жижиг танхимууд, бар, ресторан, клубүүд гээд бүх л төрлийн үйлчилгээний өрөөнүүд дагалджээ.

Мэдээж Монголд баригдах учраас маш том, ёслол хүндэтгэлийн өргөө цагаан гэртэй байх юм байна.

Ийнхүү шинэхэн бүтээлээсээ хуваалцсан ИЗМОНЕ компаний залуустаа баярлалаа та бүхний цаашдын уран бүтээлд амжилт хүсъе.

МОНГОЛ ГЭР

noreply@blogger.com (diblog) — Sun, 18 Oct 2009 21:36:00 +0800

Нийтлэлийг: Д.Хан-Уул

Энэ сэдэв бол Монголын архитектурын түүх, өвөрмөц байдал, онцлог шинжийг тодоос тод илэрхийлсэн амьд жишээ гэдэгт маргах хүн цөөхөн байхаа. Энэ талаар бичих болсон шалтгаан нь саяхан болсон Азийн архитекторуудын 15-р их хурал Монгол улсад маань болж өнгөрсөнтэй холбоотой юм.1999 онд ТИСургуулийн Архитектурын ангийн 3-р курсын оюутан байх өвөл Япон улсын нэртэй архитектор Монгол гэрийг орчин үеийн шинэ технологиор хийснээ авч ирсэн бөгөөд тэрхүү шинэ гэрийг Найрамдал зусланд барихаар болж уг багийн бүрэлдхүүнд хэсэг оюутан багштай миний бие оролцсон юм.

Тэрхүү шинэ гэрийг барих ажил 3 цаг орчим үргэлжилсэн бөгөөд хийцийн хувьд сайжруулсан хөнгөн цагаан рам ханан хийцтэй каркас босгоод ганцхан дан битүү цагаан бүрээстэй байсан нь маш содон шинэлэг зүйл байсан. Тэрхүү дан бүрээс нь ус чийг нэвтрүүлэхгүйн дээр дотор дулааныг хадгалахдаа сайн урд хэсгээрээ байгалийн гэрэл нэвтрүүлж байгаа нь гэрийн дотоод орон зайг саруулхан уужим, цэвэрхэн тохилог болгож байсан нь их содон сонин санагдаж байлаа. Мөн гэрийн тооно, зуух яандан гээд бүх л зүйл нь шинэ санаа шийдлийг гаргаж, Монгол гэрийн уламжилалт онцлогт тохируулж хийсэн бүтээл байсан юм.

Шинэ гэрийг барьж дууссаны дараа энэ гэр дотороо анхны галыг асааж нээлт хийсэн. Нээлтэнд тухайн үеийн хотын ерөнхий архитектор гээд нилээд олон албаны хүмүүс ирсэн байсан. Ихэнхи хүмүүс шинэ гэрийг эерэгээр хүлээж авсан ч бас багагүй хүмүүс эргэлзэж манай орны цаг агаарын нөхцөлд огт тохирохгүй зүйл гэж байсныг ч нуух юун. Мэдээж шинэ зүйл бүхэн төгс байдаггүй шүү дээ. Гал асаах үед зуухыг тойрсон зузаан модон тавцан халж зарим хэсгээрээ түлэгдэлт үүссэн. Мөн тооно арай битүүмжлэл сайтайгаас болсоноос уу, зуухнаас гарах утаа хурдан гадагшлахгүй байсан санагдаж байна. Мөн гэрийн бүрээс нь гэрийн дунд талаас урагшаа бүх хэсгээрээ байгалийн гэрэл нэвтрүүлж байгаа нь саруулхан цэвэрхэн орчны мэдрэмж төрүүлж байсан ч орой гэрийн доторхи бүх хөдөлгөөн байр байдал харагдаж байсан нь зөвхөн дээвэр хэсгээр гэрэл нэвртүүлдэг болгомоор сэтгэгдэл төрж байлаа. Энэ бүхэн ямар ч гэсэн шинэ зүйл шинэхэн санаа байсан болохоор бид бүгд л сэтгэл хөдлөн баяртай байсан гэдгээ одоо ч гэсэн дурсмаар байна.

Энэ үеэс л би гадны хүн ингэж сэтгэж хийх гэж зорьж ирж байхад Монгол гэрийг илүү сайн мэдэхийн хувьд бид ч бас яагаад болохгүй гэж хэмээн монгол гэрээ шинэчлэхийг нууцхан мөрөөддөг болсон билээ. Энэ онд Улаанбаатар хотод болсон Азийн архитекторуудын 15-р их хуралд ирсэн японы архитектор Arch.Prof. Nobuaki FURUYA сан илтгэл тавьж байхдаа Монгол гэрийг эртнээс судлаж шинэ технологоор бүтээхийг оролдоод бүтэлгүйтсэн тухайгаа ярихад тэр үед уулзаагүй ч гэсэн эчнээ танил болсон тэрхүү нэртэй архитектортой нүүр тулан уулзах болсондоо баярлаж билээ. Хурлын төгсгөлд сэтгэгдэлээ хэлж, Нүүдэлчин Монголын гэрийн шинэ үеийг, шинэ санааг гаргах уриаг нийт архитекторууддаа гаргахыг хүссэн боловч боломж гараагүй юм.

Би архитектор FURUYA саны хийсэн, шинэ гэр одоогийн уламжлалт гэрийг үгүйсгэх санаатай биш харин орчин үеийн хэрэгцээ шаардлагад нийцсэн өвөрмөц гэр бий болох цаг болсныг харуулсан сайн бүтээл болсон гэж дүгнэж байна. Техник технологи асар өндөр хурдан хөгжиж байгаа өнөө цагт хүний амьдрах орчин ч тодорхой хурдаар өөрчлөгдөж байгаа нь бодит байдал. Монгол хүн энэ ертөнц дээр амьдарч байгаа цагт Монгол гэр бол хэзээ ч алга болохгүй. Харин гэрийн уламжилалт мөн чанарыг алдагдуулахгүйгээр ирээдүйг харсан шинэ технологитой гэр бидэнд хэрэгтэй биш гэж үү?

УБ хотын хөгжлийн ерөнхий төлөвлөгөөгөөр 2020-2030 он гэхэд хотын ихэнх хэсэг нь төвлөрсөн шугам сүлжээтэй орон сууцанд амьдархаар төлвөлсөн болов ч бидний мэдэх гэр хороолол тодорхой хэсгээрээ үлдэх л болно. Өнөөдрийн байдлаар Монгол улсын хэмжээнд нийт хүн амын 70%, Улаанбаатар хотын 59%, аймгийн төвийн 80-90% гэр хороололд амьдарч байна. Энэ их тоо ирээдүйд багасах нь тодорхой боловч хир урт хугацаа зарцуулахыг тэр бүр мэдэхгүй шүү дээ. Харин миний яриад байгаа шинэ бөгөөд шилдэг, тохилог Монгол гэрийг бүтээж, тэр бүтээлийг ард олон маань таашааж байвал ирээдүй маань биднийг муулахгүй л байх. Магадгүй одоо тулгамдаад байгаа агаарын бохирдлыг эрс бууруулах орчинг бүрдүүлэх гол чухал алхам ч болж мэдэх юм. Тиймээс Монгол гэрийг гэр бүлээр амьдрах гэр, нийтийн хэрэгцээнд ашиглах гэр, түр ашиглах гэр, хурдан босдог гэр гэх мэтээр ангилан, галд тэсвэртэй дулаан дуу тусгаарлах шилдэг шийдэлтэй, энэ үеийн шинэ гэрийг бүтээхийг нийт мэргэжил нэгт архитекторууд, инженерүүддээ уриалж байна.

Монгол хүн болж төрсөнөөрөө, бид эх орноороо, өвөг дээдсээрээ, түүхээрээ бахархдаг. Бид гэрээрээ бахархдаг. Гэхдээ бид монгол гэрээ хир сайн мэдэх билээ. Гэр хэзээ үүсээд хэрхэн хичнээн удаа өөрчлөгдөж байсныг мэдэх бил үү. Далайд дусал нэмэр гэдэг шиг та бүхний мэдлэгт нэмэр болох бол уу хэмээж өөрийн судалсан Монгол гэрийн түүхийн талаар жаахан мэдээлэл хүргэе. Гэрийн талаар Монголын эрдэмтэдээс гадна олон орны эрдэмтэн мэргэд судлаж байсан, одоо ч судалсаар л байгаа юм билээ. Мөн гадныхан ч судалж хийсэн, туршсан туршилга ч байсан. Та бүхэн сайн мэдээлэл олохыг хүсвэл Д.Майдар гуайн “Монголын архитектур ба хот байгуулалт”, Д.Майдар Д.Дарьсүрэнгийн “ГЭР” Угсаатны түүхийн 1-р боть зэргээс маш их мэдээлэл олж болох юм.
................................................................................................

МЭӨ 10-3 мянган жилийн тэртээд агуй, хиймэл агуйн оромжоос гарч зэрлэг амьтадыг гаршуулж, гэрт тэрэг, ханат гэрийн үүсэл үүссэн байдаг тухай маш олон олдвор баримт байдаг. Гурван мянган жилийн өмнө Монголын газар нутагт хүрэл зэвсгийн үе байсан бөгөөд орон сууцаа бүрэх эсгий үйлдвэрлэх болж Монголын эсгий гэр үүссэн. Энэ үеийн гэрийн хэлбэр хийц нь XIII зууны үеийн монгол ханат гэртэй төстэй байжээ. Эртний Хятадын түүхч Сыма-цзян м.э.ө 1400 он буюу 104 онд бичсэн түүхэн тэмдэглэлд Хан улсаас Хүннүгийн Шаньюй хаан сууц-эрүкэ ба гэрт амьдардаг байсныг онцлон зааж байжээ. XIII-XV зууны хүртэл гэр нь орчин үеийн гэртэй нилээд төстэй байсан боловч өөр зүйл ч бас байж ээ. Түүхэн тэмдэглэлээс үзвэл саваа ба нарийн модоор хийсэн дугуй хэлбэртэй майхантай төстэй гэрийнхээ голд гал түлдэг байсан учраас утаа гарч болохуйц бөгөөд гэрэл оуулах зорилгоор орой дээрээ гэгэвчтэй, дээвэр туурга, үүдийг нь эсгийгээр хийж байжээ. Харин XVI зуунаас одоогийн хэлбэр түгээмэл болжээ.
Монгол гэр нь хөгжлийн явцдаа гол хийцүүд нь амархан нийлж салдаг зөөж барьж буулгахад хялбархан болжээ. Тухайлбал 6-с доош ханатай нэг гэрийг 2 эр хүн нэг цагийн дотор буулгах юмуу босгож чаддаг байна. Гэрийн багтаамжийг гэрийн хананы тоогоор тодорхойлдог байжээ. Нэг хананд нэг хүн ор дэвсгэр, эд хогшилтойгоо багтдаг гэж үздэг, эхэн үедээ сондгой тоогоор хийдэг байж байгаад сүүлдээ тэгш тоогоор хийдэг болжээ. Жишээ нь: 4,6,8,10,12 ханатай байдаг. Гэрийн хана бүтээцийг хэмжихдээ монголчуудын заншсан уртын хэмжээний нэгжээр алд, тохой, төөгөөр хэмждэг байжээ. Үүнийг метрт хөрвүүлэхэд хана нь 1алд, 1төө буюу 160+20=180см эсвэл 176+22=198 см байжээ. Унь нь 9-11 мухар тохой 288-352см, тооно нь голчоороо 1 алд, 1тохой, 1төө буюу 160+32+20=212см, эсвэл 176+40+22=238см, баганы ёзоороос тоононы цамхаг хүртэл 15 мухар тохой буюу 4.8-5.2см, ханыг тойруулсаны дараа гэрийн дугуйг голчоор нь хэмжихэд 4 алд, 4 тохой, 4 төө буюу 8.18 метр хэмжээтэй байсныг шинжилгээний баримтууд гэрчилдэг байна. За ингээд гэр маань урт удааны хөгжлийн явцдаа хэрэглэж байсан зориулалт, онцлогоос нь хэрхэн өөрчлөгдөж байсан зургийг толилуулъя.

м.э.ө X-III мянган жилийн тэртээд хийгдэж байсан хадны зураг.

м.э.ө III-I мянга жилийн тэртээд агуйн оромж, нүхэн оромжноос хиймэл агуйн оромж руу шилжиж байсан нь

XIII зуун хүртэл хэрэглэж байсан гэрийн өөрчлөлт.

XVI-XIII зуунд хэрэглэж байсан Монгол гэрийн өөрчлөлт.

Дээрхи зурган баримтуудыг үзэхэд гурван зууны хугацаанд монгол гэр маань хэлбэр хийцээ сайжируулан дор хаяж 6 янзаар өөрчлөгдсөн байдаг байна. XVI зуунаас хойш одоогийн хэлбэр хийцийг ашиглаж байгаа бөгөөд энэ хийц нь өдийг хүртэл буюу 5-н зуунд өчүүхэн төдий л өөрчлөгдсөн байна.
Монгол орон маань өнөөгийн XXI зуунд сууршилийн хөгжилөөр дэлхийн өндөр хөгжилтэй оронтой хөл нийлүүлэн алхаж, хотын соёлд өдөр ирэх тутам зохицож байна. Одоо бидэнд хамгийн сүүлийн үеийн гэж хэлэх бүх л зүйл цаг алдахгүй олддог болсон. Тийм ч учир бид саяхан болтол мөрөөддөг байсан өндөр барилга, шилэн хийц хөнгөн дулаалгын материалыг энгийн хэрэгцээ болгож чадсан. Гэвч харамсалтай нь Монгол гэрийн маань зарим нэг ус тусаарлах, дулаалгын материалын чанар сайжирснаас биш орчин үетэй хөл нийлүүлсэн шинэ санаа гараагүй л байна. Тийм учраас л энэ цаг үеийн өндөр хэрэгцээг хангасан, магадгүй ирээдүйн 5н зуунд өөрчлөгдөхгүй гэрийн шинэ загвар гарах цаг нь болсон гэж бодож байна.
Бид гэр хороолол гэхээр утаа тортогтой, хог хөглөрсөн, ундуй сундуй хэсгийг шууд л санах биз. Тэгээд л аль болох л төвлөрсөн системтэй орон сууцтай болохыг илүүд үздэг. Гэвч энэ бүх асуудлыг шийдчихсэн цоо шинэ гэр сууцтай болбол олон зүйл өөрчлөгдөнө гэдэгт итгэж байна. За ингээд санаа дэвшүүлсэн сэдвийг минь сонирхон уншсан танд баярлалаа.

Таны зүүдэнд орсон санаа биелэлээ олж бүтээл төрөх болтугай гэж ерөөгөөд дуусгая.

Таньд амжилт хүсье.

Архитектор Д.Хан-Уул

Эхийг: http://khan-uul.blog.banjig.net/

YЗЭСГЭЛЭНГИЙН ТАНХИМ | Акихиса Хирата

noreply@blogger.com (diblog) — Sun, 18 Oct 2009 20:11:00 +0800

Архитектор: Акихиса Хирата
Зориулалт: Yзэсгэлэнгийн танхим, Оффис
Зураг төсөл дууссан: 2005
Ашиглалтанд орсон хугацаа: 2006
Байршил: Нигата, Япон
Барилгын нийт талбай: 824 s.m

Энэхүү Хондагийн хөдөө аж ахуйн төхөөрөмж худалддаг үзэсгэлэнгийн танхим нь шинэхэн бүтээл биш боловч архитектурын шийдлийн хувьд сонирхолтой, санаа авмаар санагдлаа. 5x5м-ийн алгасалтай бетон блокуудыг шаардлагатай хэсгүүдэд нь диагональ зүсэлт хийж, гадна орчинтой харьцах ханыг шилэн ханын системээр шийдсэнээр сонирхолтой геометрийн орон зайг үүсгэжээ.

Ташуу зүссэн хамар ханууд нь хагас хаалт болохоос гадна танхимаас танхим руу шилжэн явах хөдөлгөөнийг чөлөөтөй нэвтрүүлж саруулхан, тасралтгүй үргэлжлэх мэт санагдуулна.

ОРДОС 100

noreply@blogger.com (diblog) — Wed, 14 Oct 2009 18:01:00 +0800

Захиалагч: “Jiang Yuan Water Engineering” Ltd
Ерөнхий төлөвлөгөө: “FAKE Design”, ”Ai Wei Wei Studio”
Байршил: Хятад, Өвөр Монгол, Ордос аймаг
Ашиглалтанд орох хугацаа: 2020 он
Барилгажилтын талбай: 155 s.k

“Ордос 100” энэ нэрийг архитекторууд маань хэдийн мэддэг болсон бизээ. Энэхүү нэр нь аливаа архитектурын бүтээл тухайн орон нутгийн нэр алдарт хэрхэн нөлөө үзүүлж байдгийн нэг жишээ болж байна. Тиймээс ч төслийн нэрийг зүгээр ч нэг Өвөр Монголын Ордос аймгийн нэрээр нэрлээгүй байх.

Ордос 100 төслийн хүрээнд дэлхийн өнцөг булан бүрийн 27 орноос сонгогдсон 100 залуу архитектор нэг бүр нь 1000м2 талбайд багтаан зуун ширхэг амины сууц төсөллөж бариулах юм. Эдгээр 100 архитекторыг бидний Шувууны Yүр цогцолбороор нь сайн мэдэх Herzog and de Meuron сонгосон нь мэдээж шаггүй архитекторууд байх нь дамжиггүй. Төсөл 2 үе шаттай бөгөөд эхний шатанд 28 дараагийн шатанд 72 бүтээл баригдана. Нэгэнт 100 шилдэг амины сууцтай хотхон баригдаж байгааг дагаж зочид буудал, ресторан, музей зэрэг барилгууд баригдаж олон орноос ирсэн жуулчид, зочдыг угтан авах юм байна. Дэлхийн олон орны шилэгдсэн архитекторууд 1 газар нэг төсөл дээр өөр өөрийн хэв маяг, шинэ санаагаа хэрхэн уралдуулж байгааг эхний хамтдаа сонирхоцгооё.

Өвөр Монголын Ордос аймаг нь байгаль, цаг уурын хувьд манай говийн аймгуудтай төстэй элсэрхэг хөрстэй нутаг юм байна.

Ордос 100 Ерөнхий төлөвлөлт

Эхний 28 төсөл.

ORDOS 100 #1 Alejandro Aravena Architects

ORDOS 100 #2 Luca Selva Architects

ORDOS 100 #3 nArchitects

ORDOS 100 #4 Rafi Segal

ORDOS 100 #5 HHF

ORDOS 100 #6 Rocker-Lange

ORDOS 100 #7 MOS Architects

ORDOS 100 #8 R&Sie(n)

ORDOS 100 #9 Sou Fujimoto

ORDOS 100 #10 Johnston Marklee & Associates

ORDOS 100 #11 NL Architects

ORDOS 100 #12 RSVP

ORDOS 100 #13 NAO

ORDOS 100 #14 Encore Heureux + G Studio

ORDOS 100 #15 Rintala Eggertsson

ORDOS 100 #16 Dellekamp arquitectos

ORDOS 100 #17 at103

ORDOS 100 #18 I+K Studio

ORDOS 100 #19 Work AC

ORDOS 100 #20 Atelier Bow Wow

ORDOS 100 #21 PRODUCTORA

ORDOS 100 #22 Tham & Videgård Hansson Arkitekter

ORDOS 100 #23 Oyler Wu Collaborative

ORDOS 100 #24 Babel Architecture

ORDOS 100 #25 Estudio Barozzi Veiga

ORDOS 100 #26 FRENTE

ORDOS 100 #27 Multiplicities

ORDOS 100 #28 F451 Arquitectura

ПАЛАЗЗО-1 АПАРТМЕНТ “АЖИГАНА” ХХК

noreply@blogger.com (diblog) — Sat, 16 May 2009 14:17:00 +0800

Архитектор: “Эдшил” ХХК | Ө.Ганболд, Г.Гантуяа
Инженер: “Эдшил” ХХК Б.Жавхлан
Компьютер график: М.Билэгтхүү, П.Хосбаяр
Захиалагч: “Ажигана” ХХК
Зураг төсөл дууссан: 2008.02-2008.12
Байршил: Баянзүрх дүүрэг, 1-р хороо, Улаанбаатар, Монгол
Ашиглалтанд орох хугацаа: 2009-06
Барилгын нийт талбай: 8825 s.m

Чингис зочид буудлын хойхно талд сүндэрлэж, удахгүй ашиглалтанд орох дөхөж байгаа шинэ үеийн орон сууцны загвар болохуйц энэхүү барилгыг сонирхоцгооё. Барилгын нийт давхар нь 12 бөгөөд налуу газар төлөвлөсөнөөр -1, -2 давхрууд руу шууд гудамжнаас хандаж болхоор төлөвлөгдснөөр нүүрэн талаасаа 14 давхар мэтээр харагдана.

Yндсэндээ апартмент боловч хүний хэрэгцээт автозогсоол, супермаркет, ресторан зэргийг -1ээс -2-р давхруудад төлөвлөж 1-4 давхартаа оффис+ сууц түүнээс дээш дан орон сууцны давхрууд байхаар төлөвлөсөн байна. Харин экстерьерт орчин үеийн архитектурын хэд хэдэн шэнэлэг шийдлүүдийг шингээжээ. Өрөөний өндөртэй цонхны систем, хөшигөн хананы систем, хүрээтэй хүрээгүй олон хэмжээст цонхны хуваалт зэргийг хослуулж тонны ялгаатай чулуун хавтангуудыг цэгцгүйгээр байрлуулсан зэрэг нь бүхэлдээ цогц болж харагдна. Мөн гадна тохижилт, автозогсоол, ногоон байгууламж зэргийг архитекторуудын төлөвлөсний дагуу гүйцэтгэвэл жинхэнэ утгаараа жишээ барилга болох нь дамжиггүй.

ГОЛ ВЕСТИБЮЛЬ “АПУ” ХК

noreply@blogger.com (diblog) — Thu, 14 May 2009 23:36:00 +0800

Архитектор: “Рекст” ХХК | П.Ариунболд
Дизайнер: Б.Энхтөр
Захиалагч: “АПУ” ХК
Зураг төсөл дууссан: 2009-05
Байршил: Хан-Уул дүүрэг, 1-р хороо, Улаанбаатар, Монгол
Ашиглалтанд орох хугацаа: 2009-06
Нийт талбай: 164 s.m

“АПУ” ХК 85 жилийн ойн баярынхаа хүрээнд үйлдвэрийнхээ ГОЛ ВЕСТИБЮЛЬ-ийг шинэчлэн төлөвлөх захиалгын дагуу “РЕКСТ” ХХК-ний дизайнерууд энэхүү ажлыг гүйцэтгэжээ. Орчин үеийн үйлдвэрүүд улам л хүндээ ойртсон, ажилчдын тав тух, сэтгэл ханамжийн байдалд ихээхэн ач холбогдол өгч ажиллах орчинг сайжруулах арга хэмжээг авдаг болжээ.

Гол танхимийн заслын ихэнх материалыг Итали улсын чанар, дизайны хослол болсон материалуудаар гүйцэтгэх юм байна. Төлөвлөлтийн хувьд энгийн ч үйлдвэрийн барилга гэхээр л даруухан байх албагүйг эндээс харж болох юм байна.

СУПЕРМАРКЕТ "КАПИТАЛ ГРУПП" ХХК

noreply@blogger.com (diblog) — Thu, 2 Apr 2009 18:33:00 +0800

Архитектор: "Кон Консалтинг" ХХК
Ландшафтны архитектор: "Хот-Айл" ХХК
Интерьер дизайнер: Finenco Mongolia LLC
Экстерьер дизайнер: РЕКСТ ХХК
Захиалагч: "Капитал Групп" ХХК
Байршид: Хан-Уул дүүрэг, Улаанбаатар, Монгол
Зураг төсөл дууссан: 2009
Барилгын нийт талбай: 6480 s.m

Хан-Уул дүүрэгт сүндэрлэж байгаа энэхүү супермаркетын барилга нь гадна талаас харагдах байдал нь сонирхолтой орчин үеийн хэв маягыг Улаанбаатрын гудамжинд шигтгэж байгаа юм. Барилгын явц 70% явагдаж байгаа бөгөөд гадна тохижилт дотор заслын ажил нь дуусхад үйлдвэрийн дүүрэгтээ чамин барилгын тоонд орох нь дамжиггүй. Ган каркасс, төмөр бетон үндсэн хийцтэй. Шилэн ханын систем, хөнгөн цагаан ба шилэн хөвөн хавтанг шахаж нэгтгэсэн ханын систем зэрэг шинэлэг материалуудаар баригдаж байна.

ФОТО СТУДИ | X-Lab PHOTO STUDIO

noreply@blogger.com (diblog) — Thu, 2 Apr 2009 15:00:00 +0800

Дизайнер: REXT LLC | Architecture + Design |
Захиалагч: "Капитал Групп" ХХК
Байршил: Хан-Уул дүүрэг, Улаанбаатар, Монгол
Зураг төсөл дууссан: 2008
Баригдаж дууссан: 2009
Барилгын нийт талбай: 160 s.m

ХАР, ЦАГААН өнгөний хослолоор дагнаж өнгөний контрастаар тавилга, хана, таазны шийдлийг гаргасан нь фото студи гэсэн функцдаа илүү тохирсон. Таазны хувьд ган каркас зангидаж хулдаасан материалыг татаж бэхлэсэн. Ханын бүх гадаргууг даавуун материалаар нилд нь бүрсэн нь чимэглэл, дуу тусгаарлагч хоёрыг хослуулсан.