По повод третиот роденден, започна програмата на Diamond Mall за економско зајакнување на жените, иницијатива која нуди практична обука, но и им помага на учесничките да стекнат нови знаења, вештини и самодоверба за следниот чекор, а со цел обезбедување економска независност.

Програмата е наменета за жени од ранливи категории, меѓу кои самохрани мајки, невработени, жени со ниски приходи, како и жени кои немаат претходно работно искуство, но имаат желба да се развиваат, да најдат работа или да стартуваат сопствена деловна активност. Во текот на следните недели тие ќе имаат можност да учат, да развиваат нови вештини и чекор по чекор да се подготвуваат за нови професионални можности.

„Веруваме дека вистинското економско зајакнување започнува кога една жена ќе ја препознае сопствената вредност и ќе поверува дека може да направи повеќе. Но, за тоа се потребни и знаење, поддршка и охрабрување да се направи конкретен чекор. Токму тоа сакаме да го понудиме со оваа програма – простор во кој жените ќе можат да учат, да ги развиваат своите вештини и идеи, да се поврзуваат со други жени и со поголема сигурност да ја градат својата професионална иднина“, изјави Селин Анил Октај, директорка за управување со имот во Limak Skopje.

Во рамки на програмата, учесничките ќе ги совладаат основите на дигиталните алатки, финансиите и практичната примена на вештачката интелигенција како личен асистент. Обуките ќе ги водат искусни предавачи, со фокус на тоа технологијата да биде разбирлива и применлива во секојдневната работа.
За оние кои веќе изработуваат сопствени производи, програмата предвидува работилница „Од рачна изработка до успешен пласман на пазарот“, преку која учесничките ќе научат како своите изработки да ги подготват за пазарот и како да ги претстават пред потенцијалните купувачи.

Големо внимание ќе биде посветено и на развивањето на таканаречените меки вештини, при што учесничките ќе добијат практични совети како подобро да се подготват за процесот на самовработување, вработување и претприемништво.

Важен дел од програмата се и мотивациските говори. Тие ќе ги охрабрат учесничките да ги препознаат своите силни страни и да веруваат во своите можности.

Програмата е дел од определбата на Diamond Mall да создава вредност за заедницата во која работи и да отвора можности што имаат значење и надвор од просторот на трговскиот центар. Како дел од одбележувањето на својот роденден, Diamond Mall традиционално секоја година реализира општествено одговорна иницијатива, насочена кон различни потреби во заедницата и создавање долгорочна вредност. Оваа година, фокусот е ставен на економското зајакнување на жените. За компанијата, ова е начин третиот роденден да биде одбележан не само со прослава, туку и со иницијатива што трае многу подолго од еден ден.

Петта година по ред „Реплек“ е дел од учесниците и изложувачите на еден од најзначајните светски саеми за фармација – CPHI, кој годинава, од 6 до 8 октомври, се одржува во Милано, со присуство на над 62.000 учесници и 2.900 компании од 166 земји.
Компанијата го користи учеството на CPHI за продлабочување на деловната соработка и проширување на партнерствата, како и за претставување на потенцијалите на „Реплек“ пред партнери од различни пазари, со што треба да се создадат нови можности за зголемување на извозот. Проширувањето на меѓународната позиција е дел од стратегијата за долгорочен развој на компанијата.

На годинешниот CPHI Milan 2026, тимот на Реплек остварува средби со постојни и потенцијални партнери од различни пазари, на кои ги претставува производствените капацитети, фармацевтското портфолио и можностите за соработка.

„Нашето петто учество на CPHI покажува дека Реплек континуирано и долгорочно ја гради својата позиција на меѓународниот фармацевтски пазар. За нас, CPHI е место каде што отвораме нови можности за соработка и раст. Имаме јасна амбиција да бидеме присутни на повеќе пазари и преку квалитет, знаење и континуирани инвестиции да ја зголемуваме конкурентноста на Реплек и да создаваме долгорочни можности за производите развиени и произведени во Македонија“, изјави Душан Пецовски, генерален директор на „Реплек“.
Континуитетот на меѓународните настапи на „Реплек“ се надоврзува на објавениот извештај за продажните резултати на компанијата за деветте месеци од 2026, во кој вкупните приходи од продажба во сегментот Фармација достигнаа 21,9 милиони евра и каде домашниот пазар и сопствените претставништва на странските пазари се издвојуваат како делови со особен придонес во реализацијата.

Имено, во периодот јануари – септември 2026, продажбата во земјава достигна 7,2 милиони евра, што претставува раст од 14% во однос на истиот период од 2025-та. Овие резултати ја потврдуваат довербата што пациентите, здравствените работници и деловните партнери ја имаат во производите на „Реплек“, позитивниот прием на новите производи лансирани во текот на минатата година, како и успешната реализација на комерцијалната стратегија на домашниот пазар. Истовремено, раст бележат и продажбите на пазарите со сопствени претставништва, кои достигнаа 1,3 милиони евра што претставува раст од 56% во однос на истиот период минатата година. Директното присуство на „Реплек“ со свои претставништва на клучните пазари во странство овозможува поблиско следење на потребите на овие пазари и поактивно управување со комерцијалните активности. Вкупниот извоз во првите девет месеци изнесува 14,7 милиони евра. Пониската извозна реализација во однос на истиот период лани е поврзана со поместување на договорените испораки кај дел од партнерската мрежа, во услови на променлива меѓународна пазарна динамика. Во третиот квартал е забележано постепено стабилизирање на динамиката на извозните продажби. Договорните обврски остануваат во сила, а компанијата е фокусирана на нивната реализација, со претпазливи очекувања за темпото на испораките.

Паралелно со активностите за развој на пазарите, „Реплек“ планира лансирање на четири нови производи до крајот на 2026-та и продолжува со инвестицијата во новиот погон за полуцврсти и течни фармацевтски форми. Неговото ставање во употреба се очекува во втората половина од 2027, со што ќе се зголемат производствените капацитети и ќе се создадат дополнителни можности за проширување на портфолиото. Овие вложувања, заедно со развојот на партнерствата и сопствените претставништва, се насочени кон поголема отпорност на промените на одделните пазари, долгорочен одржлив раст и создавање дополнителна вредност за своите акционери, вработени, партнери и пациенти.

Денешната астролошка поставеност, со квадрат меѓу Месечината во Бик и Јупитер во Лав, повеќе одговара за поспоро темпо и одмор отколку за преголеми очекувања. Доколку имате секојдневни обврски, распоредете ги внимателно и оставете си повеќе време за нив.

Овен: Денес не мора постојано да бидете во движење. Направете пауза и завршете ги само најважните обврски. Во љубовта, уживањето во заедничкото време ќе ви годи. Работата бара поспоро темпо.
Бик: Месечината во вашиот знак ве потсетува да не се форсирате. Ако сте уморни, дозволете си одмор без чувство дека нешто пропуштате. Во љубовта, уживајте во блискоста. Работата може да почека со дел од задачите.
Близнаци: Можно е да имате повеќе обврски отколку што сте очекувале. Не обидувајте се да завршите сè одеднаш. Во љубовта, опуштен разговор ќе ви годи. Работата бара повеќе време.
Рак: Денес ќе ви годи мирна атмосфера и повеќе време дома. Не преземајте дополнителни обврски ако не се неопходни. Во љубовта, блискоста носи сигурност. Работата оди подобро без притисок.
Лав: Јупитер во вашиот знак може да ја засили желбата да уживате и да се одморите. Искористете го денот за нешто што ве исполнува. Во љубовта, романтиката носи добро расположение. Работата бара реални очекувања.
Девица: Не дозволувајте желбата сè да биде завршено совршено да ве исцрпи. Оставете повеќе време за секоја задача. Во љубовта, малите гестови ќе значат многу. Работата напредува без брзање.
Вага: Можно е да почувствувате дека ви треба пауза од обврските и туѓите очекувања. Дајте си простор да се одморите. Во љубовта, мирната атмосфера ќе ви годи. Работата бара баланс.
Шкорпија: Денот е добар за успорување и враќање на енергијата. Не мора секоја тема веднаш да ја решите. Во љубовта, уживајте во времето со саканата личност. Работата оди подобро со трпение.
Стрелец: Може да преземете повеќе отколку што реално можете да завршите денес. Бидете реални со времето. Во љубовта, спонтаното дружење ќе ви го подобри расположението. Работата бара подобар распоред.
Јарец: Иако сте навикнати на дисциплина, денес дозволете си малку повеќе одмор. Завршете го неопходното и оставете го останатото. Во љубовта, нежноста е поважна од обврските. Работата напредува постепено.
Водолија: Денот не бара големи промени. Фокусирајте се на она што е навистина важно и оставете си време за одмор. Во љубовта, опуштеноста ќе ви помогне да се зближите. Работата оди подобро без притисок.
Риби: Ќе ви годи поспоро темпо и повеќе време за работите што ве смируваат. Не се обидувајте да им угодите на сите. Во љубовта, блискоста носи топлина. Работата бара трпение и флексибилност.

Премиерот Христијан Мицкоски порача дека при креирањето на државните политики неопходно е внимателно да се следат случувањата во соседството и пошироко во Европската Унија, особено во светлината на актуелните политички промени и растот на евроскептичните структури.

Според него, Европа се соочува со сериозни политички пресврти – од неуспешниот референдум во Исланд за рестартирање на преговорите со ЕУ, преку изборните резултати во германските покраини каде што победуваат немејнстрим и антимигрантски партии кои се против проширувањето, па сè до претстојните претседателски избори во Франција на пролет.

– Кога правите план каква политика да водите треба да ги имате предвид случувањата во соседството, но и во поширокото соседство. Тоа е ЕУ. Имаме неуспешен референдум во Исланд, за рестартирање на преговорите со ЕУ, имаме три изборни циклуси во Германија, во покраини, кадешто гледаме дека, би рекол, екстремни политички структури победуваат, односно структури коишто не се ‘мејнстрим’. Сите се тие антимигрантски и против проширувањето на ЕУ, истакна премиерот.

Тој се осврна и на проекциите за француската политичка сцена, нагласувајќи дека според актуелните мерења, Марин Ле Пен е фаворит на претстојните избори.

– На пролет имаме претседателски избори во Франција. Според последните мерења, таму е фаворит Марин ле Пен и бројките велат дека ќе биде новиот претседател на Франција, барем како што денес стојат работите. Така што ова е некаков индикатор врз основа на кој ќе треба да ги градиме политиките во периодот што следи. Ние нашата домашна задача ќе ја работиме, другото не е на нас, порача Мицкоски.

Претседателката на Европската комисија, Урсула фон дер Лајен, в петок ќе допатува во Скопје, во рамки на нејзината турнеја низ земјите од Западен Балкан.

За време на посетата, Фон дер Лајен ќе се сретне со претседателката Гордана Силјановска-Давкова и со премиерот Христијан Мицкоски. На средбите ќе се разговара за европската перспектива на земјава и регионот, како и за процесот на пристапување кон Европската Унија.

Се очекува една од темите да биде и спорот со Бугарија и можностите за негово надминување.

Министерот за надворешни работи и надворешна трговија, Тимчо Муцунски, во пресрет на посетата изјави дека земјава сака решение со Бугарија кое ќе обезбеди предвидливост и сигурност во евроинтегративниот процес.

Според Муцунски, постои интерес од европските институции и од одредени земји членки да помогнат во интензивирањето на дијалогот. Тој, сепак, повтори дека позицијата на македонската страна е јасна и дека во моментов нема услови за уставни измени поради, како што наведе, позиционирањето на Бугарија.

Тој оцени дека билатералните контакти со Софија досега не донеле напредок и дека е потребно поголемо ангажирање од Европската Унија. Во тој контекст, Муцунски ја оцени посетата на Фон дер Лајен како можност за поконкретен разговор и за ова прашање.

Турнејата на Фон дер Лајен низ Западен Балкан ќе започне на 30 септември во Албанија, по што таа ќе ги посети Косово и Црна Гора.

Србија и Босна и Херцеговина овојпат не се вклучени во агендата. Според Европската комисија, причината е одржувањето избори во двете земји. Во Србија предвремените парламентарни избори се закажани за 25 октомври, додека во Босна и Херцеговина општите избори ќе се одржат на 4 октомври.

Американскиот технолошки гигант „Енвидија“ одобри дополнителни 150 милијарди долари за откуп на сопствени акции, што претставува најголемо вакво одобрение досега објавено од една американска компанија.

Со новата одлука, вкупниот преостанат износ што компанијата може да го искористи за купување на сопствените акции се зголемува на околу 235 милијарди долари. Планот е средствата да се користат до фискалната 2028 година.

Откупот на сопствени акции значи дека компанијата купува дел од акциите што веќе се наоѓаат на берзата. Со тоа се намалува бројот на акции достапни на пазарот, а секоја преостаната акција претставува малку поголем удел во компанијата. Ваквите програми често се користат кога компанијата има големи количини готовина и сака дел од неа да им ја врати на акционерите.

Размерите на потегот на „Енвидија“ се огромни. Само дополнителните 150 милијарди долари се повеќе од целата пазарна вредност на околу 84 отсто од компаниите што се дел од индексот S&P 500, наведува Ројтерс. Претходниот рекорд го држеше „Епл“, кој во 2024 година одобри откуп на акции вреден 110 милијарди долари.

Одлуката доаѓа во период кога „Енвидија“ продолжува да заработува огромни суми од продажбата на процесори и друга опрема за вештачка интелигенција. Истовремено, конкуренцијата на пазарот на чипови се засилува, а инвеститорите внимателно следат дали огромните инвестиции во инфраструктура за вештачка интелигенција ќе продолжат со исто темпо.

Инвеститорите позитивно реагираа на објавата. Акциите на „Енвидија“ во понеделникот пораснаа за околу 1,6 отсто, иако поширокиот американски пазар беше во пад.

Со откупот компанијата практично покажува дека располага со доволно готовина за истовремено да продолжи со големите инвестиции во развој и да враќа капитал кон своите акционери. Колку од одобрените 235 милијарди долари навистина ќе бидат искористени ќе зависи од одлуките на компанијата и движењето на цената на нејзините акции во следните години.

Денеска во Босилово по 5. пат се одржа локалната традиционална манифестација „Ајвeријада 2026“, на која на повеќе печки се подготвуваше традиционалниот ајвар.

Според организаторите, манифестацијата има за цел да ги промовира сите специјалитети од црвена пиперка, но и да ја промовира традицијата на поддготвување на ајвар во домашни услови.

-Оваа манифестација се одржува веќе петта година по ред и постепено станува една традиција со која се гордееме сите во Општина Босилово.Секоја манифестација е важна и убава на свој начин, но една од најтешките манифестации за организација е токму оваа „Ајверијада“, затоа што денеска ќе бидат подготвени околу 400 килограми ајвер и верувајте тоа воопшто не е мала работа и затоа сакам да им се заблагодарам на сите домаќинки кои овие денови се вклучени во реализацијата на оваа манифестација, рече градоначалникот на Босилово, Ристо Манчев.

Подготвениот ајвар се дегустираше со домашно сирење на спортското игралиште на училиштето „Гоце Делчев“, а покрај него од штандовите можеше да се вкуси и лутеница, малиџано и други специјалитети подготвени од црвени пиперки, како и домашни чварки, а на штандовите беа изложени и грнчарски производи и природен пчелен мед и пчелни производи.

Во рамките на манифестацијата се одржа богата културно уметничка програма со настап на познати пејачи и културно уметнички друштва.

Манифестацијата се одржа под покровителство на Општина Босилово и Министерството за земјоделство, шумарство и водостопанство.

Македонската радио-телевизија (МРТ) ја збогатува својата програмска шема со две светски познати музички шоуа – „Х-фактор“ и „Идол“. За овие телевизиски формати веќе се потпишани договори за емитување, а првите аудиции низ градовите во Македонија се планирани да започнат во текот на месец октомври.

Оваа информација ја потврди директорот на МРТ, Зоран Ристоски, објави 4news.mk

Покрај „Х-фактор“ и „Идол“, јавниот сервис откупи права и за популарниот квиз „Пасворд“. Според раководството, воведувањето на вакви големи проекти е дел од новата стратегија за целосно освежување на програмата, со посебен акцент на прајмтајм терминот од 17:00 до 24:00 часот, каде што гледачите ќе следат нови забавни, едукативни и културни содржини.

Поради организацијата на патувањата и реализацијата на теренските аудиции за овие меѓународни формати ширум земјата, предвидени се и соодветни усогласувања во финансискиот план на куќата за покривање на патните и продукциските трошоци, објави 4news.mk Со овие чекори, МРТ најавува значително враќање на забавната и музичката програма од сопствена продукција на малите екрани.

Групата Стари Скопјани на Фејсбук објави фотографии од новото осветлување на Камениот Мост во Скопје.

Неодамна градоначалникот Орце Ѓорѓиевски најави дека проектот за новото ноќно светло на мостот е во соработка со општина Есенлер од Република Турција, а треба да ги нагласи архитектонските и историски карактеристики на овој објект.

Претседателот на Србија, Александар Вучиќ, поднесе оставка по повеќе од една година студентски протести. Обраќајќи им се на поддржувачите пред зградата на претседателството во Белград, Вучиќ изјави дека неговата администрација ги зачувала мирот и стабилноста за време на неговиот деветгодишен мандат.

Тој ја најави својата намера да поднесе оставка уште во јуни и сега се кандидира за премиер на парламентарните избори во октомври.

Мандатот на Вучиќ требаше да истече следната година. Според уставот на Србија, претседателските избори мора да се одржат најдоцна три месеци по неговата оставка. Тоа значи дека граѓаните на Србија ќе излезат на гласање двапати до крајот на годината.

Вучиќ изјави дека претседателските избори ќе се одржат повеќе од еден месец по предвремените парламентарни избори, што беа распишани како одговор на протестите, поттикнати од трагедијата на железничката станица во Нови Сад во ноември 2024.

Претседателката на собранието, Ана Брнабиќ, ќе биде вршител на должноста претседател додека не биде избран нов.

Паралелно со оставката, Вучиќ ги искористи своите уставни овластувања за да помилува 49 лица, меѓу кои 23 студенти и партиски лојалисти.

На претстојните парламентарни избори, движењето на Вучиќ на чело со Српската напредна партија ќе се соочи со антикорупциското движење „Студентите победуваат“ и со коалицијата на прозападни опозициски партии позната како „Европска Србија“.

Специјалното обвинителство против корупција на Албанија (SPAK) откри комуникација меѓу поранешната директорка на Државната разузнавачка служба (SHISH), Влора Хисени, и уапсениот бизнисмен Ергис Агаси, кој претходно бил во бегство.

Пораките укажуваат на личен однос меѓу нив двајцата, како и на континуирана комуникација во врска со кривичната постапка во која е вмешан Агаси. Во меѓувреме, вчера беше објавено дека Влора Хисени е суспендирана откако ја напуштила земјата. На социјалните мрежи денес се наведува дека таа се наоѓа во домашен притвор по нејзиното задржување на еден граничен премин.

Во комуникацијата до која дошле истражителите, според јавно објавените информации, се појавуваат и изрази како: „Душо, само треба да се концентрираме на твојот проблем“, „Сите ние“ и „Лошо ќе завршиме, душо“, пренесуваат албанските медиуми

Според SPAK, покрај сомневањата за постоење лична врска, Хисени е осомничена и за вмешаност во кривичниот предмет против Агаси, покажувајќи подготвеност да му помогне и ставајќи му на располагање ги своите службени функции и институционални капацитети со кои раководела.

Се дознава дека минатата недела SPAK ја сослушал Влора Хисени. За време на своето сведочење, таа признала дека комуницирала со Ергис Агаси и дека од него добивала информации поврзани со Државната разузнавачка служба.

Сепак, Хисени негирала дека лично се среќавала со Агаси или дека соработувала со него, пренесоа албанските медиуми.
Во меѓувреме, според податоците од истрагата, Ергис Агаси поголемиот дел од времето престојувал во владини вили, каде што, како што се сомнева, Ембо Сулејмани му помагал околу храната. За него се наведува дека бил директен контакт на Агаси, што го потврдуваат и комуникациите пронајдени во мобилните телефони.

Ексклузивни извори за „Report TV“ наведуваат дека директорката на SHISH, Влора Хисени, била сослушана во SPAK на 18 септември, откако во автомобилот на бизнисменот Ергис Агаси бил пронајден документ од девет страници со тајни податоци на SHISH.

Истите извори наведуваат дека пред специјалните обвинители Влора Хисени признала дека имала континуирана комуникација со Ергис Агаси сè до денот на неговото апсење, тврдејќи дека тој бил соработник на SHISH.
Влора Хисени во SPAK изјавила дека за дијаграмите на SHISH пронајдени во автомобилот на Агаси ќе се изјасни во писмена форма.

Се наведува и дека Влора Хисени го известувала Ергис Агаси и за работните состаноци со премиерот и директорот на полицијата, како и дека споделувала информации за можни политички именувања.

Хрватската комора на занаетчии објави упатства за новите правила за цените кои започнуваат да важат од 1 октомври, а трговците и давателите на услуги предупредуваат дека рокот за прилагодување е премногу краток.

Според новите правила, покрај тековната цена на производот или услугата, ќе мора јасно да биде истакната и дополнителна, таканаречена референтна цена (сидрена цена).

За повеќето стоки и услуги референтен датум е 10 септември оваа година, додека за храна, пијалаци, козметика, средства за чистење, тоалетни потреби и производи за домаќинство и понатаму се користи цената што важеше на 2 мај 2025 година.

Хрватската комора на занаетчии наведува дека референтната цена не го заменува правилото за најниската цена во претходните 30 дена, која се прикажува при намалување. Поради тоа, кај одредени производи на акција истовремено можат да се појават и четири цени.

Претседателката на Секцијата на сметководители при ХКЗ, Ѓурѓица Мостарчиќ, изјави за ХРТ: „Одлуките беа донесени прилично брзо и не им претходеше советување“, додавајќи дека за прилагодување остана исклучително малку време.

Комората дополнително појасни дека за производ кој на 10 септември не бил на залиха, но бил дел од асортиманот, се користи цената евидентирана во ценовникот или во системот на тој ден.

За новите производи и услуги воведени по тој датум се препорачува евидентирање на цената при првото појавување и чување доказ за тоа. Особено се чувствителни услугите со индивидуално договорени цени, како што се кетеринг, свадби и приеми.

Дополнителна обврска се однесува и на онлајн купувањето. Трговците и давателите на услуги кои имаат сопствена веб-страница ќе мора да објавуваат ценовници во XML или CSV формат погоден за автоматска обработка, а не во PDF, Word или Excel. За стоката ценовникот мора да се ажурира секој ден, најдоцна до осум часот, додека давателите на услуги мора да го сторат тоа по секоја промена на цените.

Првиот ден од есента донесе вистинска зимска слика на Пелистер. Денеска на повисоките делови од планината заврна снег, а врвовите за кратко се забелеа.

Снегот на Пелистер пристигна токму на почетокот на есента, по падот на температурите во изминатите часови, објави 4news.mk

Глетката од планината покажува дека зимата веќе почнува да се најавува на највисоките места, иако до календарскиот почеток на зимата има уште речиси три месеци.

Првите снегулки на Пелистер секоја година привлекуваат внимание, а денешниот снег создаде впечатлива слика на еден од најпознатите македонски планински масиви.

Министерството за образование и наука (МОН) нема ингеренции за вработување специјалисти на Медицински факултет, но Државниот просветен инспекторат (ДПИ) ќе постапува и ако се работи за избор во звање, рече денеска ресорната министерка Весна Јаневска.

Таа, како што изјави, е запознаена со случајот на лекарот Дарко Василевски кој јавно обвини дека има наводни нерегуларности и фаворизирање при изборот на кандидати на јавниот оглас за вработување на Медицинскиот факултет во Скопје.

-Да, веќе сум запознаена. Така како што сум запознаена, ако се точни информациите што сум ги добила, станува збор за вработување, а не за избор во звање. Јас јавно побарав да се достави претставка до ДПИ, но и доколку станува збор за избор во звање, ДПИ ќе постапува. Во однос на вработување на Медициснкиот факултет на специјалисти, МОН нема ингеренции, потенцира Јаневска, одговорајќи на новинарско прашање пред обраќањето на настанот во ДСУРЦ „Партенија Зографски“ по повод 23 Септември – Меѓународниот ден на знаковниот јазик.

Според МОН, Државниот просветен инспекторат може да постапи доколку има избор во наставно-научно звање на факултет.

-Во случајов се работи за вработување доктор на Институт и немаме ингеренции за постапување. Тука треба да постапи Државен инспекторат за труд, велат од МОН.

Докторот и приватен специјализант Дарко Василевски деновиве јавно реагираше за начинот и селекцијата при вработувањата на Медицинскиот факултет. Во знак на револт, најави и штрајк со глад.

Македонската судијка Ива Пројковска доби ново големо признание од УЕФА. Таа е делегирана да ја дели правдата на дербито од првото коло во женската Лига на шампиони меѓу Реал Мадрид и ПСЖ.

Дуелот меѓу двата европски гиганти ќе се одигра вечерва од 21 часот на стадионот „Алфредо ди Стефано“ во Мадрид, а Пројковска ќе ја предводи судиската екипа.

Ова е уште една потврда за нејзиниот статус на меѓународната сцена. Пројковска во изминатиот период добиваше доверба за значајни натпревари под капата на УЕФА, а сега ќе има можност да биде дел од уште еден атрактивен европски дуел.

Македонско присуство ќе има и во останатиот дел од судиската екипа. Помошник-судија ќе биде Елена Соклевска-Илиевски, додека Летонката Диана Ванага е назначена за трет член на тимот.

Диего Симеоне ја доби првата војна со Жозе Мурињо по пауза од 12 години и успеа да се израдува на дерби победа против Реал Мадрид, па иако тој беше еден од ретките кои се обидуваа да ја смират топката по контроверзните моменти на теренот, Аргентинецот во своето обраќање пред новинарите „начна“ и една друга тема.

Атлетико со години наназад важи за тимот кој единствено може да се вмеша во традиционалната битка за титулата меѓу Барселона и Реал Мадрид, но се чини дека во овој старт на новата кампања еден тим е далеку пред сите.

Барселона има перфектни „седум од седум“ и веќе има комотна предност на табелата, а Симеоне е свесен дека ќе биде многу тешко да се испратат Каталонците ако продолжат да играат како што тоа го правеа во месец август и септември.

– Изгледа дека Барселона игра некој друг спорт од оној што го играме сидте други. Сите други играме фудбал, а тие нешто друго. Немаа „деветка“ на стартот на сезоната, но се појави Рафиња како напаѓач и постигна 12 голови.

– Ако не се лажам, Јамал веќе има 7 голови и изгледаат како тим кој може да постигне гол во секој момент. Ве притискаат на ваш терен, ја крадат топката од вашите нозе и не се плашат да примат гол. Тие се убедливо најдобри во овој момент, – изјави Симеоне.

Полициски службеници од ОВР Кочани на 20 септември го лишиле од слобода Б.Л. (30) од Кочани, по пријава за физички напад.

Според пријавеното, околу 10 часот во семејниот дом тој физички го нападнал својот 28-годишен брат.

Б.Л. бил приведен во 15 часот, а од полицијата информираат дека по целосното документирање на случајот ќе следува соодветен поднесок.

Колку повеќе Али Ахмети се обидува да го спаси Артан Груби, толку повеќе изгледа дека го пушта низ вода. И минатиот пат кога тврдеше дека нема да има обвинение и дека Груби ќе излезе на слобода, се случи спротивното. На Груби му беше продолжен притворот и започна постапката против него.

Што сака да спречи Ахмети? Дали се плаши од тоа што Груби би можел да го каже? Или свесно го жртвува Груби, мислејќи дека така ќе си го расчисти патот за враќање на власт?

Со тврдењето дека Груби е невин, Ахмети всушност одработува тој да биде осуден.

Јавниот политички притисок врз судот во случајот на лице од црната листа на САД може да предизвика само спротивен ефект. Оваа коцкарска тактика на Ахмети само ја забрзува неговата политичка пензија. Прашање на време е кога незадоволството во ДУИ ќе излезе на површина.

Две години им продава бајки дека само што не се вратиле во Владата. Не се вратија, а на локалните избори доживеаја дебакл. Сега се обидува и случајот на Груби да го претвори во уште една политичка коцка. Само што овојпат на коцка не е само Груби, туку и самиот Ахмети.

Иако повеќето луѓе традиционално ги поврзуваат со есента, семките од тиква се повеќе се на листата на храна што вреди да се консумира во текот на целата година.

Крцкави, вкусни и лесни за додавање во салати, јогурт, овесна каша или печива, овие мали зелени семки имаат импресивен нутритивен профил.

Регистрираните диететичари истакнуваат дека секојдневното вклучување на семки од тиква во исхраната може да донесе голем број позитивни промени во телото, но нагласуваат дека дури и кога станува збор за суперхрана, постои ограничување.

Протеинска „бомба“ богата со магнезиум и цинк
Една од најголемите предности на семките од тиква е нивната висока хранлива вредност. Во само една стандардна порција од околу 30 грама (околу четвртина чаша), има речиси девет грама растителни протеини.

Ова значи дека оваа количина семки содржи повеќе протеини од едно големо пилешко јајце, што ги прави одлична ужина за зачувување на мускулната маса и стабилните нивоа на енергија.

Покрај тоа, истата количина покрива повеќе од една третина од препорачаниот дневен внес на магнезиум . Овој есенцијален минерал е важен за регулирање на крвниот притисок, одржување на стабилни нивоа на шеќер во крвта , здравје на коските, како и за релаксација на мускулите и намалување на стресот.

Протеинска бомба богата со магнезиум и цинк: Овие семиња се полни со хранливи материи
Освен магнезиум, семките се богати со цинк, кој придонесува за нормално функционирање на имунолошкиот систем, како и со антиоксиданси кои ги штитат клетките од оксидативен стрес и воспалителни процеси.

Поволен ефект врз холестеролот и долготрајно чувство на ситост
Со воведување на семки од тиква во вашата дневна исхрана, првите промени може да се забележат кога станува збор за апетитот.

Благодарение на комбинацијата од протеини, влакна и здрави незаситени масти, тие се вариат побавно од рафинираните грицки, обезбедувајќи долготрајно чувство на ситост и помагајќи да се спречат ненадејни промени во шеќерот во крвта.

На долг рок, редовната консумација на семки од тиква може да придонесе за здравјето на кардиоваскуларниот систем. Тие содржат фитостероли – растителни соединенија чија структура е слична на холестеролот.

Затоа, во процесот на варење, тие се натпреваруваат со холестеролот за апсорпција и можат да придонесат за намалување на нивото на „лошиот“ LDL холестерол во крвта.

Нутритивни вредности во 30 грама сурови семиња
Калории: 166 kcal
Протеини: 8,97 г
Масти: 12 г
Јаглехидрати: 5,61 g (од кои 1,53 g се влакна)
Магнезиум: 150 мг
Калиум: 207 мг
Стапицата на калории и премногу сол
Сепак, нутриционистите предупредуваат дека повеќе не секогаш значи подобро. Главната маана на семките од тиква се нивните калории.

Бидејќи се мали и многу вкусни, многу е лесно да се изеде премногу ако чувате кеса до вашата работна маса или телевизор.

Две или три шаки семки лесно можат да содржат 400 до 500 калории, што со текот на времето може да придонесе за зголемување на телесната тежина ако нивниот внес не е вклучен во вкупниот дневен внес на енергија.

Протеинска бомба богата со магнезиум и цинк: Овие семиња се полни со хранливи материи
Исто така, многу индустриски спакувани производи содржат големи количини на додадена сол, што може да доведе до задржување на вода во телото, чувство на надуеност и зголемен крвен притисок. Затоа експертите советуваат да се изберат сурови или суво печени, несолени семки.

Колку семки е оптимално да се јадат дневно?
Златното правило за повеќето здрави возрасни е околу 30 грама дневно – еквивалентно на една мала тупаница. Таа количина е доволна за да се искористат хранливите придобивки од семките, без прекумерен внес на калории.

Претпазливост се препорачува кај луѓе кои имаат алергија на семиња, како и кај оние со напредна бубрежна болест, за кои лекарите може да советуваат следење и ограничување на внесот на фосфор и калиум.

Еден од дебитантите во репрезентацијата на Македонија за дуелите ќе биде и Матеј Гаштаров од екипата на Црвена ѕвезда. Младиот фудбалер очекува победа против Швајцарија во сабота, но и на секој друг натпревар, затоа што како што вели и самиот: за Македонија се остава срце на терен.

„Во сабота очекувам победа. Да одиграме максимално, да оставиме срце на терен за овој дрес. Секогаш одиме на победа, без разлика кој ни е противник. Ги почитуваме сите противници, но ние имаме свои квалитети и секако дека одиме на победа.“ – вели Гаштаров.
19-годишниот Гаштаров вели дека го живее сонот. Во само еден месец дебитираше за Црвена ѕвезда, а сега го очекува и првиот настап за репрезентацијата на Македонија. Вели дека не очекувал, но е подготвен за предизвикот.

„За овој момент сонував од дете, многу сум среќен и секако дека очекувам и да настапам. Одлично сум прифатен, како и што очекував. Работев многу на себе, дојдов и до првата екипа на Црвена ѕвезда, сега и за сениорската репрезентација. Подготвен сум да играм на било која позиција, да ја исполнам секоја задача од тренерот. Верував во себе, можеби не очекував дека во еден месец ќе дебитирам и за првата екипа на Црвена ѕвезда и на репрезентацијата, но подготвен сум за предизвикот.“ – додава Гаштаров.

По речиси летните температури, Балканот го очекува нагол пресврт на времето. Од север продира значително постудена воздушна маса, која во следните денови ќе донесе остар пад на температурите, силен северен ветер и услови за првите утрински мразеви во повисоките и котлинските подрачја.
Метеоролозите ова го опишуваат како продор на поларна воздушна маса кон источна Европа и Балканот.

Во Македонија промената започнува веќе во вторник. Дневните температури на места ќе паднат за повеќе од 10 степени во однос на денешните, а северниот ветер локално може да достигнува 50–60 километри на час. Во Скопје прогнозата за вторник предвидува посвежо и ветровито време, со дневна температура до околу 26 степени.

Најголемата промена ќе се почувствува во утринските часови. Според актуелните модели, во одделни котлини и повисоки места температурите може да се спуштат до само неколку степени над нулата, со услови за појава на првиот утрински мраз. На повисоките планини во делови од Балканот, особено во Босна и Србија над 1.600–1.700 метри, се очекуваат и првите снегулки за сезоната.

Овој продор не значи дека Балканот влегува директно во зима. Станува збор за краткотраен, но изразен температурен пресврт со кој летните услови нагло ќе бидат заменети со типично есенско време. Според прогнозите, кон крајот на неделата се очекува постепено затоплување.

Наглото заладување може да биде особено важно за земјоделството, бидејќи раните мразеви можат да бидат ризични за чувствителните земјоделски култури. Дополнително, силниот северен ветер ќе го засили чувството на студ, додека врнежите и наглата промена на температурите ќе означат вистински пресврт од лето кон есен.

За граѓаните, најголемата промена ќе биде температурниот шок – за само еден ден од температури над 30 степени до услови кои наутро ќе личат на доцна есен.

Тој неуверливо се обиде поддршката искажана за Хашим Тачи, Јакуп Красниќи, Реџеп Селими и Кадри Весели, кои судот во Хаг ги прогласи за виновни за воени злосторства извршени за време на војната во Косово и ги осуди на повеќегодишни затворски казни, да ја претстави како личен став, иако во моментов е втор човек во државата

Претседателот на Собранието Африм Гаши се правда дека како приватно лице ја дал изјавата за неправосилната пресуда на Специјализираните совети во Хаг против обвинетите косовски политичари за воени злосторства, а не како прв човек на парламентот. Тој на брифинг со новинарите неуверливо се обиде поддршката искажана за Хашим Тачи, Јакуп Красниќи, Реџеп Селими и Кадри Весели, кои судот ги прогласи за виновни за воени злосторства извршени за време на војната во Косово и ги осуди на повеќегодишни затворски казни, да ја претстави како личен став, иако во моментов е втор човек во државата.

Гаши се сплетка во објаснувањето дека тој ставот го дал, бидејќи сакал да се дистанцира дека пресудите не се за косовскиот народ, иако Судот во ниту еден момент не му судеше на народот, туку на четворицата водачи на ОВК.

– Изјавата беше дадена од приватен, персонален аспект, не од позиција претседател на Собранието. Никаде немам споменато ниту сум се повикал на Собранието, ниту е објавен или искористен канал на Собранието, на веб-страницата или на профилот на социјалните мрежи на парламентот, туку ставот за тоа прашање е даден на мојот личен профил – изјави Гаши.

На прашање на „Слободен печат“ дали како претседател на Собранието може да се разграничи приватноста од функцијата што ја извршува, Гаши одговори дека мисли дека може, и тоа го поткрепи со ставот дека и на брифинзите со новинарите искажувал личен став, а не како претседател на Собранието или како претставник на Вреди.

– Сум давал мои ставови. Мислам дека треба и може да се разграничи. Јас не можам секогаш да зборувам во името на Собранието – рече Гаши.

Тој го дал својот личен став, како што вели, бидејќи пресудата е чувствително прашање.
Прашан дали осудени за воени злосторства може да бидат дел од „славното минато“, тој рече дека прашањето навлегува уште подлабоко во сензитивноста.

– Мојата порака беше јасна и секогаш сакам да направам дистинкција за тоа што е праведна војна, за што се залагал еден народ и што правеле индивидуалци. За тоа кој што правел може секој да одговара и судовите тоа ќе го кажат. За мене е битно да се направи дистинкција за тоа за што се бореше еден народ и што може да направи евентуално некој човек – рече претседателот на Собранието.

На забелешката дека Судот не му судел на народот, туку на конкретни ликови што биле водачи на ОВК, Гаши рече дека и неговата објава била во таа насока и дека не знае како јавноста ја чита објавата. Тој додаде дека не му годело тоа што по изјавата бил прозван од српскиот претседател Александар Вучиќ.

– Не. Знаете дека не сум политичар на контроверзии кој сака да биде дел од политички препукувања. Сакам да останам што повеќе институционален. Само кога чувствувам голема тежина што сакам и морам да ја искажам и поради моето политичко минато, бидејќи јас не дојдов во Собранието од улица, бидејќи некој рекол овој е многу добро момче, па да го изгласаме за претседател на Собранието. Моето политичко минато ме наведува некогаш да давам такви изјави. Се надевам дека имате разбирање, не очекувам секогаш да се согласите, ама очекувам барем да имате разбирање. И ви благодарам ако имате. Личноста Африм Гаши не може 24 часа да биде само претседател на Собранието и затоа свесно не го кажав тоа од позиција на претседател на Собранието. Тоа е личен став и не треба да се меша со функцијата што ја извршувам – додаде Гаши.

По пресудата за четворицата водачи на ОВК, Гаши во објава на социјалните мрежи напиша дека „ниту една пресуда не може да го негира фактот дека Хашим Тачи, Јакуп Красниќи, Кадри Весели и Реџеп Селими се дел од славното поглавје во историјата на Косово. Во време кога слободата на Косово, како и мирот и стабилноста во регионот, сè уште беа идеал за кој требаше да се бори, тие имаа храброст да се вклучат и да ја преземат историската одговорност за носење слобода на својот народ“.

Тој додаде дека за албанскиот народ, тие се и остануваат ослободители на Косово. Војната на ОВК, жртвите и несебичноста на оние што ја предводеа и беа нејзин дел, Гаши смета дека се самиот пат што довел до слобода на Косово и до нова ера на мир и стабилност во регионот.

На изјавата на Гаши тогаш реагираше СДСМ со порака дека одлуките на меѓународните судови мора да се почитуваат, додека жалбената постапка сè уште трае.

„СДСМ не се меша во работата на судот. Не кроиме пресуда според коалиција, нација или моментален интерес. Ако судот донел одлука за некој дека е виновен – тогаш тоа треба да се прифати, додека повисок суд не каже друго“, соопшти тогаш во реакцијата.

Гаши, на брифинг порача дека остварува постојани контакти со сите пратенички групи за да се изнајде компромис за законите што бараат Бадентерово мнозинство.

– Јасно е дека во Собранието имаме проблем со гласањето на законите кои треба да се изгласаат со Бадентерово мнозинство. Но, за сè во демократијата се потребни разговор и дијалог и треба да има решение. Јас лично, заедно со сите пратеници, разговарам и бараме начин како да ги надминеме овие разлики и се надевам дека во блиска иднина ќе најдеме решение, ќе се договориме и ако треба закон по закон или концептуално да најдеме решение. Како и да е, Собранието мора да профункционира и во овој дел каде што е заглавено и да биде ефективно и за самата работа на институцијата, но и за граѓаните – истакна Гаши.

Дали власта ќе обезбеди бадентерово мнозинство првиот тест ќе биде на 29 септември за кога на пленарна седница се ставени десетина закони за кои е потребно двојно мнозинство.
За измените на Изборниот законик, Гаши информираше дека на координација е договорено партиите прво да ги усогласат позициите во своите редови.

– Очекуваме во текот на идната недела, а можеби и таа потоа, да се состанат и ако има нови моменти, да свикаме работна група и да продолжат со работата – рече Гаши.

За анкетните комисии за Кочани, Гаши рече дека сè уште не добил писмо од родителите, но дека го видел јавно.

– Разговаравме денеска на координација околу таа тема. Ставот е дека некои од координаторите мислат дека треба да заврши постоечката Анкетна комисија, па потоа да биде формирана другата комисија. Другите мислат поинаку, дека не треба да се спојува една со друга, туку дека треба да течат паралелно. Од координаторот на Левица имаме најава дека на почетокот на октомври ќе се свика постоечката Анкетна комисија, можеби ќе се донесат заклучоци и тоа ќе ја отвори вратата за да се формира и другата анкетна комисија – рече Гаши.

Директорот додаде дека до сега биле хоспитализирани вкупно 66 пациенти, а во моментов на инфективната клиника се сместени 11 лица, од кои едно е во сериозна клиничка состојба.

„Последниот пациент со западнонилска треска беше хоспитализиран на 19 септември, во изминатиот викенд,“ одговори тој на прашањето на новинарите.

Ова е деветото лице во нашата земја кое загина како последица на вирусот на западнонилска треска.

Истражувањата на Светлана Мојсов за хормоналните фактори кои влијаат на производството на инсулин доведоа до нови и значајни третмани за дијабетесот и дебелината. Таа е добитничка на престижната награда Перл Мајстер Грингард за 2024 година.

Оваа награда е важна меѓународна признание што им се доделува на истакнати жени во науката. Мојсов, која е научен вонреден професор на Универзитетот Рокфелер, ќе ја прими наградата на церемонија во кампусот на 17 април. Наградата ќе ѝ биде врачена од познатата писателка и натуралистка Дајан Акерман, авторка на неколку бестселери, вклучувајќи ја и “Жената на зоовратарот”.

Иновативните методи и важните открития на Мојсов ја идентификуваа пептид сличен на глукагон (GLP-1), што е хормон што поттикнува панкреасот да лачи инсулин. Нејзините откритија служат како основа за новата генерација на лекови наречени GLP-1 агонисти, кои ја смениле клиничката практика во лечењето на дијабетес и дебелина. Во оваа категорија спаѓаат лекови како што се оземпик, виктоза и вегови.

Светлана Мојсов е ќерка на македонскиот државник и дипломат Лазар Мојсов, а своето истражување за дијабетесот го започна на Универзитетот Рокфелер, каде што била студент и потоа постдокторант во лабораторијата на нобеловецот Брус Мерифилд.

Репрезентацијата на Романија направи значително изненадување на Европското првенство во одбојка и за првпат во нејзината историја се пласираше во четвртфиналето.

Во осминафиналето, во „Арена Софија“, Романците постигнаа убедлива победа против Украина со 3:0, при што сетовите завршија 25:22, 25:21 и 30:28.

Најефикасниот играч за Романија беше Александру Раца, кој постигна 16 поени, додека Кристијан-Даниел Кицигој придонесе со 11 поени.

Финска, исто така, избори место во четвртфиналето по драматичен натпревар против Грција, кој заврши со резултат од 3:2. Грците двапати водеа, со 1:0 и 2:1 во сетови, но Финците успеаја да направат пресврт. По пет сетови, крајниот резултат беше 22:25, 26:16, 22:25, 25:23 и 15:13 во корист на Финска.

Браќата Лука и Ноа Мартила одиграа клучну улогу во оваа победа, заедно постигнувајќи впечатливи 42 поени.

Олимпискиот шампион Франција лесно се пласираше во четвртфиналето на Евроволеј 2026. Во осминафиналето, Французите ја совладаа Португалија со убедливи 3:0, по сетови 25:21, 25:22 и 25:21. Франција повторно потврди дека припаѓа меѓу најдобрите европски репрезентации и успеа да стигне до Топ 8 на континенталниот шампионат.

По повод 35 години од своето постоење, „Матица македонска“ го објави јубилејното издание „Ветрот носи убаво време“ од Ацо Шопов. Оваа книга обединува три значајни дела од поетската еволуција на еден од основоположниците на современата македонска книжевност и три поетски книги кои играат клучна улога во развојот на македонската поезија.

Во оваа нова публикација се собираат поетските трудови „Стихови за маката и радоста“ (1952), „Слеј се со тишината“ (1955) и „Ветрот носи убаво време“ (1957). Овие три дела, објавени во рамките на само пет години, претставуваат значајна етапа во созревањето на македонската поезија, која во овој период преминува во нова фаза: од ослободувањето на интимниот, личен и автентичен поетски глас, преку длабочината на поетската рефлексија, до истражувањето на современата поетика.

Со „Стихови за маката и радоста“, Шопов го отвора просторот за индивидуалност во македонската поезија, во време кога тоа било и литературен и духовен предизвик. Книгата „Слеј се со тишината“ го продлабочува овој пресврт, најавувајќи поет што повеќе не се задоволува со непосредната исповед. Со „Ветрот носи убаво време“, отворени се нови простори на егзистенцијалното, убавината, минливоста, љубовта, таагата и потрагата по смислата.

Ова издание не е само збирка на поезија на Ацо Шопов, туку и можност да се проследи неговата поетска еволуција и значењето на неговата поезија во контекст на современата македонска литература.

Насловот „Ветрот носи убаво време“ денес е истовремено стих и порака. Ветрот не е само природен феномен во творештвото на Шопов; тој е симбол на движење, немир, промена и копнеж — сила која го ослободува и отвора нови хоризонти. Седум децении подоцна, поетската енергија на овие стихови не припаѓа само на минатото, туку продолжува да допира до современите читатели кои се соочуваат со длабоките прашања за човечкото постоење, љубовта, загубата, надежта и убавината.

Критичкиот текст на академик Георги Старделов, „Сѐ на еден и ист глас – или за интимната лирика на Ацо Шопов“, дополнително му дава тежина на ова издание, согледувајќи ја поетската еволуција на Шопов и неговото пресвртничко значење во развојот на современата македонска книжевност. Книгата е обогатена и со биографски податоци и обемен библиографски преглед на творештвото на Шопов во Македонија и странство, вклучувајќи ги и значајните збирки posветени на неговото наследство.

Со објавувањето на „Ветрот носи убаво време“, „Матица македонска“ ја одбележува својата 35-годишнина, враќајќи се кон едно од темелните имиња на македонската литература, не како чин на книжевна носталгија, туку како ново отворање на големата поезија кон новите генерации читатели.

Затоа што големата поезија не е заборавена; таа секогаш ни доаѓа одново.

И по седум децении, со Ацо Шопов, ветрот сè уште носи убаво време.

Во текот на теренските контроли, спроведени во доцните попладневни часови, утврдени се прекршоци во однос на комуналниот ред и непочитување на Законот за јавна чистота. Изречени се казни во висина од по 1.300 евра за шест објекти. Дополнително, на три локации, биле отстранети бесправно поставени блокатори и столбчиња од јавни површини.

„Инспекциските служби активно работат на терен. Паралелно со редовните надзори, спроведуваме и вонредни контроли за заштита на животната средина, спречување на загадувањето, како и одржување на јавната чистота и безбедноста на тротоарите и улиците. Не ќе толерираме нарушувања во јавниот простор“, изјави градоначалникот на Општина Центар, Горан Герасимовски.

Општина Центар упатува апел до сите инвеститори и градежни компании да ги почитуваат законските обврски и да преземат мерки за заштита на околината, особено при изведување градежни работи во зони со индивидуално домување.

Денес, 21 септември, својот роденден го слави Миле Грозданоски, значаен македонски филмски и телевизиски режисер и сценарист, чија работа е неразделно поврзана со Македонската телевизија, а познат е по бројни играни, серијски и документарни остварувања.

Грозданоски е роден во 1950 година во Кичево. Дипломирал на Универзитетот „Св. Кирил и Методиј“ во Скопје во 1972 година. Целиот негов професионален пат е поврзан со Македонската телевизија, каде работел како режисер на разни проекти.

Неговото присуство во македонската кинематографија започна во раните седумдесетти години, кога како помошен режисер учествуваше во создавањето на филмовите „Табакерата“, „Јад“, „Исправи се, Делфина“ и „Оловна бригада“.

Направената филмографија е исклучително богата. Едно од првите авторски дела е краткометражниот филм „Денес треба нешто да се случи“, каде тој ја комбинираше улогата на режисер и сценарист. Во текот на осумдесетите години, Грозданоски работи на неколку телевизиски серијали, а исто така режира и филмови како „Хихирику“.

Посебно важно место во неговото творештво зазема серијалот „Македонски народни приказни“, за кој тој режираше некои од новите приказни во продукцијата на МТВ од 2009 година.

Денес, многу гледачи го поврзуваат со култната серија „Опстанок“, снимена во 1990 година, што раскажува приказна за група деца затекнати во неволја по невреме. Оваа серија стана симбол на македонската телевизиска продукција од тој период.

Во 2023 година, по повторното емитување на „Опстанок“, Грозданоски откри детали од продукцијата, велејќи дека снимањето траело цела година и било уникатно поради комбинацијата на деца-аматери и искусни актери. Спомна и за својата соработка со незаборавниот Мето Јовановски, со кого разговарал за можноста за продолжение на серијата пред неговата смрт.

Неговата филмографија продолжува со проекти како „За трошка среќа“, „Алф од Ново Лисиче“, „Во кафулето кај Гане“, и многу други серијали кои допринесоа во македонската телевизиска продукција.

Работел и на документарни проекти, вклучувајќи филм посветен на актерката Анче Џамбазова од 2019 година.

Неговото режисерско творчество опфаќа различни жанрови и формати — од детски приказни, преку играни филмови, до документарни содржини. Оваа разновидност укажува на значајната улога што Македонската телевизија ја имала во неговиот професионален живот.

И покрај изминатите години, дел од неговите сериите и филмови и понатаму живеат во меморијата на публиката. Особено, „Опстанок“ и „Македонски народни приказни“ остануваат дел од телевизиското детство на многу генерации македонски гледачи.

На неговиот 76. роденден, редакцијата на „Екран“ му посакува здравје, среќа и многу убави мигови во иднината.

Англискиот фудбалер за врска, Џуд Белингем, е на прагот на продолжување на соработката со Реал Мадрид.

Овој 23-годишен играч планира да потпише нов договор кој ќе важи до летото 2032 година. Сегашниот договор со шпанскиот клуб истекува на 30 јуни 2029 година.

Во сезоната 2026/27, репрезентативецот на Англија одигра седум натпревари, постигнувајќи по три гола и асистенции.

Според процените на Трансфермаркт, неговата вредност изнесува 160 милиони евра.