Urdu News - Online Urdu News Paper

اسلام آباد پولیس نے خود کش حملے کی کوشش ناکام بنا دی، حملہ آو ور ہلاک

Editor — Sun, 08 Nov 2009 18:32:08 +0000

اسلام آباد ۔ اسلام آباد پولیس نے خود کش حملے کی کوشش ناکام بناتے ہو ئے خود کش حملہ آو ور کو ہلاک کر دیا ۔ نجی ٹی وی کے مطابق ذرائع نے بتایا ہے کہ اسلام آباد کے سیکٹر ایف الیون کی چیک پوسٹ پر ایک خود کش حملہ آو ور جوں ہی پولیس کی چیک پوسٹ کی جانب بڑ ھا پولیس نے حملہ آو ور کو روکنے کیلئے اسے رکنے کیلئے کہا لیکن وہ چیک پوسٹ کی جانب بڑ ھتا ہی گیا تو پولیس نے فائرنگ کر کے دہشت گرد کو ہلاک کر دیا ۔ہلاک ہو نے والے دہشت گرد سے خود کش حملہ آاو ور جیکٹ بر آمد کر لی

اپنے پسندیدہ پروگرام کے ساتھ بُک مارک کریں

Tags: islamabad, islamabad attack

اوپر والی خبر سے ملتی جلتی خبریں دیکھیں

کراچی اسٹاک ایکسچینج میں شدید مندی ، 66ارب روپے سے زائد رقم ڈوب گئی۔ہفتہ وار رپورٹ

Editor — Sun, 08 Nov 2009 16:16:07 +0000

کراچی ۔۔ ملک کے سیاسی افق پرعدم استحکام کی کیفیت اورامن وآمان کی ناگفتہ بہ صورتحال کے باعث کراچی اسٹاک ایکسچینج میں6نومبر کو ختم ہونے والے ہفتے کے دوران مندی کا رجحان غالب رہا اور کے ایس ای100انڈیکس222.70پوائنٹس کمی سے 8936.48 پوائنٹس پر بند ہوا ۔ سرمایہ کاری مالیت میں66 ارب 74کروڑ روپے سے زائدکی کمی جبکہ کاروباری حجم پیوستہ ہفتے کی نسبت29.92فیصدکم رہا۔راولپنڈی نیشنل بینک میں خودکش حملے اورحکومتی حلیف جماعت ایم کیو ایم کے قائد الطاف حسین کی جانب سے قومی اسمبلی میں این آراو کی بھر پور مخالفت کرنے کے بیان کے باعث کاروبار کا آغاز شدید مندی سے ہوا، سرمایہ کاروںنے وسیع پیمانے پر حصص کی آف لوڈنگ کی جس کے نتیجے میں کے ایس ای 100انڈیکس286پوائنٹس کمی سے 8872.40پوائنٹس کی سطح پر آ گیا۔ کاروباری ہفتے کے دوسرے وتیسرے روزحکومتی مالیاتی اداروں ، مقامی بروکریج ہاؤسز اور غیر ملکی سرمایہ کاروںکی جانب سے نچلی سطح پر آئی ہوئی حصص کی پرکشش قیمتوں پر خریداری ، وزیرستان میں پاک فوج کی دہشتگردوں کے خلاف راہ نجات آپریشن میں کامیابی ، حکمران جماعت کی جانب سے این آر او اسمبلی میںپیش نہ کرنے اور عالمی مالیاتی فنڈآئی ایم ایف کی جانب سے شرح سود میںکمی کی اطلاعات پرسرمایہ کار سارادن مارکیٹ میں سرگرم رہے ، جس کے نتیجے میںمارکیٹ سے گزشتہ روزکی مندی کا اثر زائل ہو گیا اور کے ایس ای 100انڈیکس ایک بار پھر9000، 9100کی نفسیاتی حد عبور کرگیا۔ کاروباری ہفتے کے چوتھے روز مورگن اسٹینلے کی پاکستانی اسٹاک مارکیٹوں میں کاروباری حجم میں متواتر کمی کے سبب ایمر جنگ مارکیٹس انڈیکس میں پاکستان کو شامل نہ کرنے کی اطلاعات ، ملک کے سیاسی افق پرعدم استحکام کی کیفیت میں غیر متوقع فیصلوں کے خدشات غیر ملکی سرمایہ کاروں کی جانب سے سرمائے کے انخلاء کے باعث مارکیٹ ایک بار پھر مندی کا شکار ہوگئی جبکہ چھوٹے سرمایہ کار وں نے حصص کی فروخت کو ترجیح دی، تاہم کلائنٹ لیول مارجننگ سسٹم مکمل طور پر قابل قبول نہ ہونے کے باعث مارکیٹ میں فروخت کا دباؤ بھی رہا۔ تجزیہ کاروں کے مطابق مارکیٹ میں مندی کا یہ تسلسل مزید چند روز برقرار رہ سکتا ہے جبکہ کے ایس ای کے سینئر اسٹاک ممبران کا کہنا ہے کہ ایسے حالات میں سرکاری مالیاتی اداروں کو چاہئے کہ وہ مارکیٹ کو سپورٹ دینے کے لیے حصص کی خریداری کریں۔کاروباری ہفتے کے آخری روز جمعہ کو سرمایہ کاروں کی کاروبار میں عدم دلچسپی کے باعث کاروباری سرگرمیاں محدودہونے کی وجہ سے مارکیٹ مندی کی لپیٹ میں رہی اور کاروباری حجم گزشتہ 3ماہ کی نچلی سطح پر آ گیا۔مقامی انفرادی نوعیت کے سرمایہ کاروں ، این بی ایف سیزاور مقامی کمپنیوںکی جانب سے مجموعی طور پر49لاکھ81ہزار818ڈالر مالیت سرمایہ کاری کے باعث ابتدائی اوقات میں32پوائنٹس کی تیزی ریکارڈ کی گئی تاہم تیل کی قیمتوں میں پیدا ہونے والے اتار چڑ ھاؤ کے باعث عالمی مارکیٹوں میں جاری مندی کے رجحان نے غیرملکی سرمایہ کاروں کی دلچسپی کو محدودکر دیاجس کے باعث مارکیٹ شدیدمندی کی لپیٹ میں آ گئی اور کے ایس ای 100انڈیکس 9000کی نفسیاتی سطح سے بھی نیچے آ گیا، سرمایہ کاروں کی عدم دلچسپی کے باعث کاروباری حجم بھی کم رہا اور بیشتر سیکٹروں میں معمولی نوعیت کی سرگرمی دیکھنے میں آئی۔کاروباری ہفتے کے دوران سرمایہ کاری مالیت میں66ارب74 کروڑ 83لاکھ 46ہزار351 روپے کی کمی ریکارڈ کی گئی جبکہ سرمایہ کاری کی کل مالیت 26کھرب 55ارب 70کروڑ 84لاکھ 43ہزار 194روپے سے کم ہوکر25کھرب 88ارب96 کروڑ 96 ہزار843روپے ہو گئی ۔ مجموعی طور پر ہفتے کے دوران کاروباری حجم65کروڑ 81 لاکھ 67ہزار461شیئرز رہا جوپیوستہ ہفتے کے مقابلے میں28کروڑ 10لاکھ20ہزار806 شیئرز کم ہے ۔ہفتے کے دوران جہانگیر صدیقی اینڈ کو ، عارف حبیب سیکورٹیز ، پاک پی ٹی اے کی سرگرمیاں سرفہرست رہیں ۔ ماہرین کا کہنا ہے ملک میں دہشتگردی کے واقعات، لیکویڈٹی کی کمی، این آر او کے حوالے سے سیاسی افق پر محاذآرائی بڑ ھنے کے امکانات جیسے عوامل نے تجارتی سرگرمیوںکو محدود کر دیا ہے

اپنے پسندیدہ پروگرام کے ساتھ بُک مارک کریں

Tags: karachi stock exchange, pakistan business, Pakistan Stock Markeet

اوپر والی خبر سے ملتی جلتی خبریں دیکھیں

مقدمات کا سامنا کرنے کیلئے تیار ہوں ، جلد پاکستان میں ہوں گا۔ پرویز مشرف

Editor — Sun, 08 Nov 2009 16:08:51 +0000

جو کچھ کیا جمہوریت کیلئے کیا جس کی سپریم کورٹ نے توثیق کی
سابق صدر کا امریکی ٹی وی کو انٹرویو
واشنگٹن ۔۔سابق صدر جنرل(ر) پرویز مشرف نے کہا ہے کہ وہ اپنے خلاف تمام مقدمات کا سامنا کرنے کے لیے تیار ہیں اور وہ جلد ہی پاکستان میں ہوں گے انہوں نے جو کچھ کیا وہ ملک میں جمہوریت کے لیے کیا اور ان کے اقدامات کی سپریم کورٹ نے بھی توثیق کی تھی افغانستان میں بھارتی ایجنسیاں پوری طرح فعال ہیں اور فعال حکومت کے اہلکار وقتا فوقتا پاکستان کے خلاف بھارتی ایجنسیوں کے زیر اثر ہونے کی وجہ سے بیانات دیتے رہتے ہیں ان خیالات کا اظہار انہوں نے ایک امریکی ٹی وی سے انٹرویو میںکیا جنرل مشرف نے کہا کہ پاک فوج کا طالبان سے کوئی تعلق نہیں ہے افغانستان سے اتحادی افواج کا انخلاء بہتر آپشن نہیں طالبان سے مذا کرات ضرور ہونے چاہئیں ۔ بیت اللہ محسود کو مارنے کے لیے امریکہ سے ڈرون ٹیکنالوجی مانگی تھی یقین سے کہہ سکتا ہوں ملا عمر کوئٹہ یا بلوچستان میں نہیں بلکہ وہ کبھی پاکستان میں نہیں رہے جلال الدین حقانی سمیت تمام دہشت گرد گروپوں کا خاتمہ ہونا چاہیے ۔پرویز مشرف کا مزید کہنا تھا کہ میںنے ملک میں حقیقی جمہوریت متعارف کرائی اور بعض اقدامات ایسا ہوتا ہے کہ کوئی شخص اپنے مطابق درست فیصلہ کرتا ہے لیکن اس درست فیصلے کے بھی منفی اثرات مرتب ہونے ہیں انہوں نے جو کچھ اس وقت ملک میں ہو رہا ہے اس پر انہیں افسوس ہے انہوں نے کہا میں نے افغانستان میں بھارتی ایجنسیوں کے ملوث ہونے کے ثبوت تمام دنیا کو فراہم کیے تھے ۔ میرے تمام اقدامات آئینی اور قانونی تھے جلد پاکستان آ کر اپنے خلاف تمام مقدمات کا سامنا کروں گا۔

اپنے پسندیدہ پروگرام کے ساتھ بُک مارک کریں

Tags: musharraf

اوپر والی خبر سے ملتی جلتی خبریں دیکھیں

ملک کے نامور سیاست دان اپنے اثاثے وطن واپس لے آئیں تو دنیا سے امداد مانگنے کی ضرورت نہیں۔ ۔ ۔ عمران خان

Editor — Sun, 08 Nov 2009 16:07:04 +0000

شریف برداران کی جانب سے رابطہ مہم میں رکاوٹ ڈالنا غلط اقدام ہے
تحریک انصاف کے چیئر مین کا لا ہور میں جلسہ سے خطاب
لا ہور ۔۔۔ پاکستان تحریک انصاف کے چیئر مین عمران خان نے کہا ہے کہ اگر تمام سیاستدان اپنے اثاثے بیرون ملک سے واپس لے آئین تو دوسروں سے امداد مانگنے کی ضرورت ہی نہیں رہے گی۔ لا ہور میں جلسے سے خطاب کرتے ہوئے عمران خان نے کہا کہ کیری لوگر بل ہماری بد نامی ہے اور اس کی شرائط مان کر ملک غیروں کے قبضے میں چلا جائے گا۔ انھوں نے کہا کہ و وٹ نہ سیاست کا دعویٰ کرنے والے شریف برادران کی جانب سے ان کی جماعت کی رابطہ مہم میں رکاوٹیں ڈالنا انتہائی غلط اقدام ہے ۔انھوں نے کہا کہ ان کی جماعت ایک جمہوری جماعت ہے اور اگر مہم کو روکنے کی کوشش کی گئی تو تحریک انصاف سڑ کوں پر نکل آئے گی۔

اپنے پسندیدہ پروگرام کے ساتھ بُک مارک کریں

Tags: imran khan, pti

اوپر والی خبر سے ملتی جلتی خبریں دیکھیں

پاکستان میں بڑھتی ہوئی دہشت گردی بلیک واٹر اور ’’را‘‘ کے مشترکہ ایڈونچر کا نتیجہ ہے ۔ سید منور حسن

Editor — Sun, 08 Nov 2009 16:05:17 +0000

٭۔ ۔ ۔ آصف زرداری کے سین سے ہٹنے کا کوئی فائدہ نہیں ہو گا، بلوچستان کیلئے پیکج کے اعلان سے قبل فوجی آپریشن ختم اور بلوچوں کواعتماد میں لیا جائے
٭۔ ۔ ۔ خریدار نہ ہونے کی وجہ سے کاشتکار چاول کی فصل جلانے پر مجبور ہیں، مڈٹرم الیکشن کے حامی نہیں، مہم جوئی یا مائنس ون کی تحریک نقصان دہ ہو گی۔ امیر جماعت اسلامی پاکستان
لا ہور ۔ امیر جماعت اسلامی پاکستان سیدمنورحسن نے کہا ہے کہ جماعت اسلامی مڈٹرم الیکشن، مائنس ون یا مائنس آل فارمولوں کی حامی نہیں ہے ۔مہم جوئی یا مائنس ون کی تحریک نقصان دہ ہو گی۔ آصف زرداری کے سین سے ہٹنے کا کوئی فائدہ نہیں ہو گا۔ بلوچستان کے لیے پیکیج کے اعلان سے قبل وہاں فوجی آپریشن ختم اور بلوچوں کو اعتماد میں لیا جائے ۔ پاکستان میںبڑ ھتی ہوئی دہشت گردی بلیک واٹر اور ’را‘کے مشترکہ ایڈونچر کا نتیجہ ہے ۔ چیف جسٹس ڈاکٹر عافیہ صدیقی اورلاپتہ افراد کو بھول گئے ۔لواحقین کو عدلیہ بحالی کا کوئی فائدہ نہیں ہوا۔ ملک کی کوئی معیشت نہیں، زراعت کو تباہ کر دیا گیا ہے ۔ خریدار نہ ہونے کی وجہ سے کاشتکار چاول کی فصل جلانے پر مجبور ہیں۔ کرشنگ کا سیزن گزر رہا ہے لیکن کرشنگ کہیں شروع نہیں ہوئی، کوئی حکومت نہیں جو اس صورتحال کا نوٹس لے ۔ان خیالات کا اظہار انھوں نے منصورہ میں جماعت اسلامی حلقہ خواتین کے سہ روزہ کل پاکستان اجتماع ذمہ داران سے خطاب کرتے ہوئے کیا۔سیدمنورحسن نے کہاکہ حکومت کو اپنا مینڈیٹ اور وعدے پورے کرنے چاہییں۔انھوں نے کہا کہ ملک امریکی گرفت میں ہے اور اس وقت کوئی تبدیلی سودمند نہیں ہو گی بلکہ تازہ دم امریکی حمایتی اور ہیلری کلنٹن کو تابعداری کا یقین دلانے والے اقتدار میں آجائیں گے ۔انھوں نے کہا کہ ہمارے پیش نظر ’گوامریکہ گو‘تحریک کو کامیاب بنانا اور الیکشن سے پہلے امریکہ اور اس کے گماشتوں کو بے نقاب کرنا ہے ۔انھوں نے کہا کہ امریکی مداخلت کے خاتمے کے بعد شفاف الیکشن ہو سکتے ہیں۔ انھوں نے کہا کہ سابقہ الیکشن بھی امریکہ کی مرضی کے مطابق ہوا اور اپنے حواریوں کے درمیان مفاہمت کرانے کے ساتھ انھیں الیکشن جتوانے کے لیے فنڈزکا استعمال کیا گیا۔ انھوں نے کہا کہ پاکستان کے تمام مسائل کی جڑ امریکہ ہے اور آئندہ نسلوں کو بہتر پاکستان دینے کے لیے گوامریکہ گو تحریک کی کامیابی ضروری ہے ۔عوام میں اس تحریک کی پذیرائی بڑ ھ رہی ہے ، جماعت اسلامی کے کارکنان اس کی کامیابی کے لیے یکسوہیں اور عوام الناس بھی امریکی مداخلت کا خاتمہ چاہتے ہیں۔ ا نھوں نے کہا کہ کیری لوگر بل پر عوامی ردعمل خود ہمارے لیے حیرت انگیز تھا۔انھوں نے کہا کہ حلقہ خواتین نے گوامریکہ گو تحریک اور کیری لوگر بل پر ریفرنڈم میں اہم کردار ادا کیا ہے ، اسے خواتین میں تحریک اور احتجاج کو مزید منظم کرناچاہیے ۔سید منورحسن نے کہا کہ پچھلے کئی ماہ سے ملک کے مختلف علاقوں میں فوجی آپریشن ہو رہا ہے بندوق اور گولی کے استعمال سے حالات بدترہوئے ہیں اور دہشت گردی 100فیصد بڑ ھ گئی ہے ۔انھوں نے کہا کہ دہشت گردی کا مقابلہ طاقت سے نہیں کیا جا سکتا۔ انھوں نے کہا کہ رحمن ملک کا دعویٰ ہے کہ دہشت گردوں کی کمر توڑ دی گئی ہے ، سپلائی لائن کاٹ دی ہے اور ذخیرے پکڑ لیے ہیں توپھر دہشت گرد کہاں سے آ رہے ہیں اور دہشت گردی کیوں بڑ ھ رہی ہے ۔اگر طالبان فرار ہورہے ہیںتو اس فوجی آپریشن کا کیا فائدہ ہوا۔ انھوں نے کہا کہ آپریشن سے ہمیشہ عام آبادی کو نقصان اٹھاناپڑ ا ہے ۔افغانستان میں امریکہ اپنی شکست کو سامنے دیکھ کر طالبان سے مذا کرات پر مجبور ہوا ہے اور ضامن ڈھونڈ رہا ہے لیکن پاکستان کو فوجی آپریشن کے لیے مجبور کیا جا رہا ہے ۔ امیر جماعت اسلامی نے کہا کہ حکومت کوبلوچستان کے لیے پیکج کا اعلان جلد کرنا چاہیے لیکن اس سے قبل بلوچستان میں کہیں فوجی آپریشن ہورہا ہے تو اس کو ختم کیا جائے اور بلوچوں سے مذا کرات کر کے انھیں اعتماد میں لیاجائے ۔ انھوں نے کہا کہ وزیر اعظم بلوچستان پر آل پارٹیز کانفرنس بلائیں اور باہمی مشاورت سے حکمت عملی تشکیل دیں۔سید منورحسن نے کہا کہ جمہوری حکومت کاڈیڑ ھ سال ناکامی سے عبارت ہے ۔معاشی، معاشرتی اور تہذیبی دائرے میں ملک کو مضبوط بنانے کی کوئی حکمت عملی حکومت کے پاس نہیں ہے ۔امریکی مشورہ دے رہے ہیں کہ پاکستان میں بجلی کے بحران پر قابوپانے اورلوڈشیڈنگ سے بچنے کے لیے آئی ایم ایف کی بات مان کر بجلی کے نرخوں میں 18فیصد اضافہ کر دیاجائے ، آئی ایم ایف پر انحصار برقرار رہا تو وہ ہماری معیشت ، زراعت اور صنعت کو تباہ کر کے دم لے گا۔انھوں نے کہا کہ قرضوں کی معیشت میں ترقی و خوشحالی اور آزادانہ فیصلوں کا کوئی تصور نہیں کیا جا سکتا

اپنے پسندیدہ پروگرام کے ساتھ بُک مارک کریں

Tags: jamat-e-islami, munawar hassan

اوپر والی خبر سے ملتی جلتی خبریں دیکھیں

پاکستان کسی بھی ملک کو اپنے ایٹمی اثاثوں تک رسائی نہیں دے گا۔ ۔ ۔ ترجمان دفتر خارجہ عبد الباسط

Editor — Sun, 08 Nov 2009 13:01:12 +0000

ایٹمی اثاثے محفوظ ہاتھوں میں ہیں ان کے تحفظ کے لیے کسی بیرونی امداد کی ضرورت نہیں
ایٹمی اثاثوں کی سیکورٹی کے حوالے سے امریکی حکام سے کبھی مذا کرات نہیں کیے
ترجمان دفتر خارجہ کا امریکی مصنف کے پاکستانی ایٹمی اثاثوں کے حوالے سے مضمون پر رد عمل
اسلام آباد۔۔ ترجمان دفتر خارجہ عبد الباسط نے کہا ہے کہ پاکستان کسی بھی ملک کو اپنے ایٹمی اثاثوں تک رسائی نہیں دے گا۔ پاکستان کے ایٹمی اثاثے محفوظ ہاتھوں میں ہیں ان کے تحفظ کے لیے کسی بیرونی امداد کی ضرورت نہیں۔ امریکی مصنف نے اس حوالے سے تمام حقائق کو مسخ کر کے پیش کیا ۔ ایٹمی اثاثوں کی سیکورٹی کے حوالے سے امریکی حکام سے کبھی مذا کرات نہیں کیے ۔ ان خیالات کا اظہار انھوں نے امریکی ویب سائٹ ’’ دی نیو یارکر‘‘ پر شائع ہونے والے سیمور ہرش کے مضمون ’’ ڈیفنڈنگ دی آرسینل ، ان این ان سٹیبل پاکستان‘‘ پر اپنے رد عمل کا اظہار کرتے ہوئے کیا ترجمان دفتر خارجہ نے کہا کہ اس مضمون میں تحریر کی گئی تمام باتیں بے بنیاد اور گمراہ کن ہیں۔ مضمون کے مصنف نے غیر مصدقہ ذرائع کے حوالے سے جو دعویٰ کیا ہے وہ اس کے پاکستان کے حوالے سے جانبدار انہ ذہن کی عکاسی کرتا ہے ۔ یہ مضمون پاکستان کے تشخص کو نقصان پہنچانے اور عوام میں غلط فہمی پیدا کرنے کے سوا کچھ نہیں ہے ۔ ترجمان نے کہا کہ پاکستان کے ایٹمی اثاثے مکمل طور پر محفوظ ہیں اور ان کا کنٹرول محفوظ ہاتھوں میں ہے ۔ اس نظام کو اندرونی طور پر تیار کیا گیا ہے جو کسی بھی دوسرے ایٹمی ملک کی طرح موثر نظام ہے ۔ انھوں نے کہا کہ پاکستان کو اپنے ایٹمی اثاثوں کی حفاظت کسی بیرونی امداد کی ضرورت نہیں ہے اور نہ ہی پاکستان کو ایک خود مختار ملک کی حیثیت سے کسی دوسرے ملک کو اپنے ایٹمی اثاثوں تک بالواسطہ یا بلا واسطہ رسائی دے گا۔ اس حوالے سے کسی بھی قسم کی تجویز نا قابل یقین ہے ہماری پیشہ وارانہ مسلح افواج ہماری ایٹمی اثاثوں کی حفاظت کرنے کی مکمل صلاحیت رکھتی ہیں۔ انھوں نے کہا کہ پاکستان کے ایٹمی ہتھیاروں کی سیکورٹی کے حوالے سے امریکی حکام سے کوئی بات نہیں ہوئی جبکہ امریکہ تسلسل کے ساتھ پاکستان کے ایٹمی اثاثوں کے مکمل طور پر محفوظ ہونے کی بات کر چکا ہے جبکہ حال ہی میں امریکی وزیر خارجہ ہیلری کلنٹن نے خود بھی امریکی تحفظات کے حوالے سے خبروں کی تردید کی تھی ۔ ترجمان دفتر خارجہ عبد الباسط نے کہا کہ سیمورہرش تخیلاتی مضامین لکھنے میں مشہور ہیں اس لیے ان کے اس مضمون کی کوئی حیثیت نہیں ہم اس کو مکمل طور پر مسترد کرتے ہیں۔

اپنے پسندیدہ پروگرام کے ساتھ بُک مارک کریں

Tags: Abdul Basit, pakistan, Pakistan Nuclear Technology

اوپر والی خبر سے ملتی جلتی خبریں دیکھیں

قومی سلامتی اور جوہری پروگرام پر کوئی کمپرومائز نہیں ہو گا، ہم پر منحصر ہے کہ امریکی امداد قبول کریں یا رد کر دیں۔ سید یوسف رضا گیلانی

Editor — Sun, 08 Nov 2009 11:29:50 +0000

٭۔ ۔ ۔ این آر او کو انا کا مسئلہ نہیں بنایا، عدلیہ نے اسے پارلیمنٹ میں پیش کرنے کا فیصلہ دیا تھا
٭۔ ۔ ۔ نوازشریف کو بلوچستان پیکج، 17ویں ترمیم اور میثاق جمہوریت پر عمل کے حوالے سے اعتماد میں لوں گا
۔۔۔۔۔۔ وزیراعظم کی اسلم گل کی والدہ کی وفات پر اظہار تعزیت کے موقع پر صحافیوںسے گفتگو

لا ہور۔۔ وزیراعظم سید یوسف رضا گیلانی نے کہا ہے کہ کیری لوگر بل ہمارا نہیں امریکی پارلیمنٹ کا منظور کردہ ایکٹ ہے ، یہ ہم پر منحصر ہے کہ امداد لیں یا انکار کر دیں۔ تاہم میں قوم کو یہ یقین دلانا ہوں کہ قومی سلامتی اور جوہری پروگرام پر کوئی کمپرومائز نہیں ہو گا۔ میاں نوازشریف کو ملاقات کی دعوت دی ہے جس میں بلوچستان پیکج اور 17ویں ترمیم سمیت دیگر معاملات پر بھی بات ہو گی۔ میثاق جمہوریت پر عمل کریں گے ۔ ان خیالات کا اظہار انہوں نے آج پاکستان پیپلز پارٹی کے رہنماؤں اسلم گل اور اشرف گل کی رہائش گاہ پر ان کی والدہ کی وفات پر اظہار تعزیت کیلئے آمد کے موقع پر صحافیوں سے گفتگو کرتے ہوئے کیا۔ قبل ازیں وزیراعظم نے مرحومہ کی مغفرت اور درجات کی بلندی کیلئے دعا کی۔ وزیراعظم نے میڈیا سے گفتگو کرتے ہوئے کہا کہ بلوچستان کی محرومیوں کا اندازہ ہے ۔ پوری قوم بلوچستان کے مسائل سے آشنا ہے ۔ ہم چاہتے ہیں کہ62سال پرانے یہ مسائل حل ہوں اور محرومیاں دور ہوں۔ اس لئے مفاہمتی سیاست کے تحت ملک کی تمام سیاسی قوتوں کو اعتماد میں لیا ہے ۔ مسلم لیگ (ن) کے قائد میاں نواز شریف ملک سے باہر تھے ۔ انہیں ظہرانے پر دعوت دی ہے جس میں بلوچستان پیکج اور 17ویں ترمیم ومیثاق جمہوریت پر عمل کے حوالے سے تمام معاملات پر بات ہو گی۔ بلوچستان میں عسکریت پسندی کے خاتمے کے حوالے سے سوال پر وزیراعظم نے کہا کہ انہیں اس کا احساس ہے ۔ بلوچستان پیکج میں تمام معاملات کا ذکر ہے ۔ این آر او کے حوالے سے سوال پر وزیراعظم نے کہا کہ یہ ڈیڈ ایشو ہے بات ختم ہو چکی بہتر ہے کے اسے ڈسکس نہ کیا جائے ۔انہوں نے کہا کہ این آر او کو پارلیمنٹ میں لانا عدلیہ کا فیصلہ تھا ۔پارلیمنٹ این آر کو پاس کرتی یا نہ کرتی دونوں صورتوں میں یہ معاملہ عدلیہ میںز یر التواء ہے ۔ این آر او پر یہ تاثر غلط ہے کہ کسی کو شکست یا فتح ہوئی ۔ہم نے اسے انا کا مسئلہ نہیں بنایا ہے ۔ مسلم لیگ (ن) سمیت تمام اتحادی واپوزیشن جماعتوں اور ایوان کی رائے کا احترام کرتے ہوئے ہم نے اسے ایوان میں پیش نہیں کیا۔ آئی ایم ایف سے قرضے اور کیری لوگر بل کے حوالے سے سوال پر وزیراعظم نے کہا کہ کیری لوگر بل کو سمجھنے میں لوگوں کو کچھ غلطی ہوئی ہے ۔ یہ ہمارا قانون نہیں امریکی پارلیمنٹ کی قانون سازی ہے جس میں ہم مداخلت نہیں کرسکتے ہیں۔ تاہم یہ ہم پر منحصر ہے کہ امریکی کی دی گئی امداد کو قبول کریں یا رد کر دیں۔ انہوں نے کہا کہ بین الاقوامی سطح پر معاشی صورتحال کافی خراب ہے ۔ ہم حالت جنگ میں ہیں ہمارے معاشی حالات بہتر نہیں جس کی بناء پر ہمیں آئی ایم ایف کے پاس جانا پڑ ا تاہم ملکی تاریخ میں پہلی بار آئی ایم ایف کی شرائط کو کابینہ کے سامنے رکھا گیا جس میں منظوری کے بعد یہ شرائط قبول کی گئیں۔ مائنس ون فارمولے اور مسلم لیگ (ن) کے قائد میاں محمد نوازشریف سے ملاقات کے سوال پر وزیراعظم نے کہا کہ میاں نوازشریف نے صاف کہا ہے کہ وہ کسی کے مستعفی ہونے کی بات نہیں کرتے اور نہ ہی وہ موجودہ سسٹم کو ڈی ریل کریں گے وہ چاہتے ہیں کہ ملک میں جمہوریت اور جمہوری ادارے مضبوط ہوں۔

اپنے پسندیدہ پروگرام کے ساتھ بُک مارک کریں

Tags: pakistan, Yousuf Raza Gillani

اوپر والی خبر سے ملتی جلتی خبریں دیکھیں

جاپان، ہزاروں افراد کا امریکی فوجی اڈوں کیخلاف احتجاجی مظاہرہ

Editor — Sun, 08 Nov 2009 11:26:40 +0000

ٹوکیو۔۔۔ جاپان میں امریکی فوجی اڈاوں کے خلاف ہزاروں افرادنے احتجاجی مظاہرہ کیا۔ مظاہرین کا مطالبہ تھا کہ امریکی اڈوں کے قیام میں توسیع کے بجائے انہیں ختم کیا جائے ۔جاپانی علاقے اوکی ناوا میں اکیس ہزار سے زائد افراد نے امریکی فوجی اڈے کیخلاف اس وقت احتجاجی مظاہرہ کیا ہے جب امریکی صدر کے دورہ جاپان میں چند روز باقی رہ گئے ہیں امریکی وزیر دفاع رابرٹ گیٹس گذشتہ کئی سال سے جاپان پر امریکی اڈوں کی توسیع کے لیے دباؤ ڈال رہے ہیں۔جاپانی وزیر اعظم ہیتویاما پہلے ہی عوامی دباؤ پر اعلان کر چکے ہیں کہ امریکی صدر اوباما کے دورہ جاپان کے دوران اڈوں کی توسیع کا فیصلہ نہیں کیا جائے گا۔مبصرین کے مطابق اس سلسلے میں وزیر اعظم ہیتویاما کے لیے مستقبل میں مشکلات پیدا ہو سکتی ہیں

اپنے پسندیدہ پروگرام کے ساتھ بُک مارک کریں

Tags: japan

اوپر والی خبر سے ملتی جلتی خبریں دیکھیں

اتحادی طالبان کوشکست نہیں دے سکتے ، فرانس

Editor — Sun, 08 Nov 2009 10:19:11 +0000

پیرس ۔۔ فرانس کے وزیر خارجہ برنارڈ کوچنر نے کہا ہے کہ امریکہ اور اتحادی فورسز افغانستان پر قبضہ کر سکتے ہیں اور نہ ہی طالبان کو شکست دے سکتے ہیں۔ فرانسیسی وزیر خارجہ کا کہنا ہے کہ یہ پشتونوں کی جنگ ہے ‘ نیٹو افغانستان میں فوجی کامیابی کے خواب دیکھنا چھوڑ دے بلکہ مخصوص گنجان آباد علاقوں کی حفاظت پر زیادہ توجہ مرکوز رکھیں۔ فرانسیسی وزیر خارجہ کے بیان نے امریکہ اور نیٹو کے رکن ممالک کو حیرت میں ڈال دیا ہے ۔ ہفتہ کو ایک امریکی اخبار کو انٹرویو دیتے ہوئے فرانس کے وزیر خارجہ نے کہا کہ افغانستان میں وار لارڈز کی موجودگی اور کرپشن میں اضافے کے باوجود نیٹو کو صدر حامد کرزئی کے ساتھ چلنا ہو گا۔ برنارڈ کوچنر نے مزید کہا کہ اگر نیٹو افغانستان کے اندرونی مسائل پر توجہ دینا اور پھر وہاں سے باعزت واپس جانا چاہتی ہے تو ہمیں حالیہ انتخابات میں جعلسازی کے شواہد کے باوجود حامد کرزئی کو قانونی حیثیت دینا ہو گی

اپنے پسندیدہ پروگرام کے ساتھ بُک مارک کریں

Tags: afghanistan, france, taliban

اوپر والی خبر سے ملتی جلتی خبریں دیکھیں

آپریشن راہ نجات ، سکیورٹی فورسز سے جھڑ پوں میں مزید پندرہ شدت پسند ہلاک، دوسکیورٹی اہلکار شہید

Editor — Sun, 08 Nov 2009 10:17:38 +0000

وانا ۔ جنوبی وزیرستان میں آپریشن راہ نجات کے دوران سیکیورٹی فورسز سے جھڑ پوں میں مزیدپندرہ شدت پسند مارے گئے جبکہ دوسیکیورٹی اہلکار شہید اور تین زخمی ہوئے ہیں۔ ذرائع کیمطابق جنوبی وزیرستان کیعلاقوں سرا روغہ، لدھا اور شکئی میں سیکورٹی فورسزسے ھڑ پوں میں سات شدت پسند ہلاک اور پانچ زخمی ہوئے ۔جھڑ پوں میں دوسیکیورٹی اہلکار بھی شہید اور تین زخمی ہوئے ۔ مکین کیعلاقیمیاں نور گاؤں? میں سیکورٹی فورسز کے ساتھ جھڑ پ میں پانچ شدت پسند مارے گئے ۔جبکہ نوازکوٹ میں سیکیورٹی فورسز اور شدت پسندوں کے درمیان جھڑ پ میں تین شدت پسند ہلاک ہوئے ۔ مہمند ایجنسی کی تحصیل بائزئی کے علاقے چمر قند میں سیکورٹی فورسز اور شدت پسندوں کے درمیان جھڑ پوں میں 6 شدت پسند ہلاک ہو گئے ۔ جھڑ پوں میں ایک سیکورٹی اہلکار بھی شہید ہو گیا۔ ذرائع کے مطابق تحصیل بائزئی میں سیکورٹی فورسز کا شدت پسندوں کے خلاف سرچ آپریشن کئی ہفتوں سے جاری ہے جس میں متعدد شدت پسند گرفتار اور متعدد مارے گئے ہیں

اپنے پسندیدہ پروگرام کے ساتھ بُک مارک کریں

Tags: sarhad, wana, waziristan, waziristan attack