TUN TOPOS - SUKO NEGERAI

Ucep munjuk iben ngen Tamu Agung

noreply@blogger.com (www.tuntopos.com) — Tue, 17 Nov 2009 22:09:36 PST

Stabik magea lenget do nejunjung, stabik magea bumai do tenipok, stabik magea mulo jijai stabik magea pengetuwai sadei.

Detaun bik ayun, debulen bik sipen, demingau bik lalau, debilai bik cigai, dejam bik pejem. Baso keme dapet kabar magea bito nembin malim pedito. Baso bilai yo bilai baik bulen betuweak Rajo bakea sapei moi sadei keme, pesen dik nembin malim pedito nano, neak bilai yo rupone saut ne sapei, kenabul tuhan Rajo sapei niyen neak Kutai keme.

Ngen sapei ne kumu rajo dio keme temimo ngen adat ca’o pesako deno, dio a keme made iben pena’ok akuak madeak, iben penawei akuak mbilang.

Iben ade depicik nik, pinang ade depiok alus, iben depicik nik bi teletok, pinang depiok alus bik sapei, keme lok minget kune magea eleng-eleng, minget kune magea semar-mar, minget magea adat deno, minget kune magea adat ca’o dute. Ite mok salang ngen saling, salang tun kundei dumai belek moi talang, tun kundei talang belek moi sadei, dapet ta’ok magea tawea. Madeak igai kumu Rajo keme, senajak senajai teko moi kutai keme. Dio ade iben pena’ok ngen penawea, tulung kulo kumu temimo iben keme, salang gik kumu Rajo teko kundei ku’uak, teko temlek keme anok kutai sadei yo, memang kumu teko kundei ku’uak, bi tesu’uk tebo duwai telau, bi telake’ak tang a’ai lemo tujuak, bi elakeak kulo gais pigai kutai keme, bi sapei ba kumu neak kutai keme, bi sapei beak nyoa pinang dio ba kumu dapet ta’ok tawea ngen tawe’a.

Dio ade celako ne pemaneu kumu teko moi kutai keme, temau kumu ktai sunyai, latet se’ut, temau kumu umeak pelupuak bele’et tiang se’ik, temau kumu umeak jelebeng bejejer dawen, anok kutai dik calak ne bik alau semendo, tinggea keme dik dudat ne temungau sadei. Amen pengasai keme, kumu rajo moi kutai keme, asai tuweak bumai senu’ung buluak gading, asai tuwaek lenget tenabor uleak bitang, asai tekecep tebau talang, asai tekenem biyoa imbo, asai ne sengok betemau magea kumu Rajo, Rajo calak menghukum adea.

Dio ba do dapet uku semapei, mino maaf amen ta’ok tawea keme sisip, minoi maaf kulo amen pengena keme saleak, keme ma’ep kumu dapet belek moi bugai keme, salam mualaikum warahmatulah hiwabarakatuh…..

Disusun oleh Erwin Basrin/Tun Topos

Ucep Tepung Tunang

noreply@blogger.com (www.tuntopos.com) — Tue, 17 Nov 2009 22:03:21 PST

Asalam mualaikum warah matulah hiwabaratuh, selam mulaikum selam tebung stabik ngen bumai lenget, stabik kulo ngen luweng kelemen, stabik magea mulo jijai, stabik ngen taneak tanai, stabik ngen diwo walai Sembilan, setabil kulo magea diwo pat jemnang kutai, stabik ngen pesireak ulau lureak, stabik ngen kutai sadei yo.

Bilai yo bilai baik bulen tuwaeak, bilai yo kulo kumu kemliak titik duwai yo je besanding madep ite.

Kemipi setawar, setepung diwo kundei lenget selibar paying, tepung diwo serambut panjang, tepung diwo setangai panjang, tepung duwate serambut remas, tepung diwo enam belas talen, tepung diwo matai bilai, teko tempung keduwai udi do betunang, udi do betunang barat spinde kaci, putiak te’us bapatik ati, ijo kuning agai ne nati, mileak meleu ati neak di, oooo anjuk ku alang serto manat, lepok ku agai pegong kedong bilai, lepok ku patik dalen moi baik, unjuk janjai tenegok supeak semayo meket laher batin janjai lok idup sematei, setio mbeak bubeak, betunang mbeak ma’ep buye, betunang mbeak cubo-cubo, gong manat jibeak muker janjai semayo besamo, baik adep, co’a ngen baso, titik nusik, lai nebaso de tuwai kulo nego.

Dio unjuk ku, petuweak serta manat, unjuk ku suluak pemaneu kelmen, unjuk ku senayai pehong kedong bilai, unjuk ku petuweak mbeak saleak lakeak, unjuk manat bagai seriat. Mbeak mupok petik, mbeak melangea patang. Udi ati buliak alau beduwai, alau buliak amen ade kuwat. Neak dasei bakea setuwang, mbeak udi telitas umeak danea, amen udi ade pemaneu, kinoi ba duo mage kuwa’ai, kajok kulo kwat suang beduwai.

Kute ite di sedayo dik raek, jano igai bik tuwai dau nidep ngen pengeliak, kalau mbeak ade kedong bilai, ite tedenong tekeliak ade dik rucuak, mbeak mujo eket ne putus penga’ang, renyeng ne coa sudo su’ang, kalau ade biduk ne kelbau, meak munyau renyeng ne coa sudo su’ang, biduk ne coa nam kelbau detok-detok.

Amen ade neak kedong bilai mupok udi do betunang, telanggea petik tekupok pang saleak su’ang, kagea gacang sado de tuwai, kinoi langia ngen idau japai.

Maaf kute ngen sedayo do rapek, uku pelon penyanyo sado de tuwai, serto semapei pengiget kundei pengetuwai, ngen kepiuak kepiting kesumbar ujung asep royot ujung tilai sindang ujung pakoa, semlang udi jijai anok ubet tuwai, dia ba do dapet uju semapei amen ade lisiak ngen saleak kinno maaf io kul amen ade do telangea kulo uku mindo maaf.

Asalam mualaikum warahmatullah hiwabaratuh..

disusun oleh Erwin Basrin/tun toposa

Ali Bilai

noreply@blogger.com (www.tuntopos.com) — Sun, 08 Nov 2009 23:30:03 PST

Ali Bilai coa si gen tun, tapi aktivitas babilai do cet tun neak Topos Kemerjo, ali bilai yo kundei asal kata 'Males' ngen 'bilai', tertib pelaksanaan ne aper serai ngen arisan.
Sejarah ali bilai yo aper setuwai ngen sejarah jang o' dewek, amen temiuk sejarah kundei tun tuwai dio bentuk gotong royong atau kerso samo saling mendukung antaro tun-ngen tun, awei ipe amen ade tun lok bekebun atau nyawak atau jano bae kerjo do benek butuh petulung kundei tun dau tapi si coa merugai tun do temulung kerjo ne mako ne sistem yo sapai bilaiyo gi masiak paneu. contoh ali bilai yo misal ne uku ade kerjo neak kebun atau neak ipe uku usaho kemudian ade tun sepakat temulung uku mako sudo o' uku temulung kulo kedau ke'an atao kedau bilai si temulung uku mako dio ba padeak tun ali bilai.

Menarik ne sistem ali bilai yo coa ba ite nam, ketiko ite coa nam males bilai ite bayar ngen caci, pasti do panan ite mok bilai yo singgug, tep bae ite males bilai yo neak kedong bilai tengen bae tun o ade kerjo atau tengen ite nam. Hitungan-hitungan ali bilai yo ade hitungan bilai seandai ne pas ite mok bilai kemudian tengeak bilai ujen lai tep bae hitungan ne debilai, ijai amen tun males bilai ngen ite tep itung ne debilai, kecuali amen bilai kulo ujen do untung ite da. neak ali bilai yo kulo ite ba temangung areak upan atau pemuk bilai o' termasuk ngupi tapi rokok amen si semanai si dewek mbin, kebiasaan ali bilai neak Topo amen do mok bilai yo semanei mako semanei kulo do males bilai ne begitu kulo sebalikne.tiak bdikar

Kedurai Agung

noreply@blogger.com (www.tuntopos.com) — Sun, 08 Nov 2009 20:44:03 PST

Kedurai Agung ade ba adat rian cao atau adat kebiasaan di ade neak sadei Topos khususne, secara harfiah kedurai yo tai ne madea keturua magea do alus baik bentuk ne keramat atau arwah, kepercayaan alau yo gi ade neak Topos...

Kepercayaan alau roh yo coa si sirik atau menyirikan tapi ade ba kepercayaan tu'un temu'un, argumen luyen nadeak tun tuwai bahwa selain kundei umat manusio ade kulo makluk gaib dan cao komunikasi makei kedurai.

Pelaksana kedurai agung yo ade ba dukun, amen neak topos cigai si dau dukun do pacok melakukan Kedurai yo saat yo cuma tingea abiak tun 3. Kedurai yo dilaksanakan amen ade bencana Bumai Panes, atau ade wabah penyakit do sapai magea masyarakat, persiapan untuk melaksanakan Kedurai Agung yo kulo harus ba senyam pasang sudo ne. Lemeo langia ade bahan do harus senyap de dau ne pas kedurai agung, begitu kedurai agung yo sudo mako lemeo langia yo nagiak ngen seluruh wargo, lemeo yo biso ne dipercayai sebagai sarana tolak balak.

Amen kejijai ne Bumai Panes, neak Topos biaso ne sudo Kedurai Agung dilaksanakan kulo Ratif Agung atau tahlilan keliling sadei dipimpin oleh imam atao tokoh agama. tiak bdikar

Belayua

noreply@blogger.com (www.tuntopos.com) — Thu, 15 Oct 2009 18:15:19 PDT

Belayua yo ade ba,uleak tun tetuai mena'o...biaso ne dio amen musim legeu atau pei sudo ketem.
Ca'o beleyua yo ade ba, pertamo nemok dawen kawo de baik ne...biaso ne dawen kawo ne agok pucuk. Nidup opoi ungun ,sudo o nelayua dawen kawo yo nano..moi opoi o. Opoi ne coa si lok lai ige,opoi ne lok sedang..de baik ne putung opoi ungun o..pun lisai,atau pun kiyeu luyen.
Belayua yo lok sabar,kerno an amek mot sapei dawen kawo o nano mesok padek...amen bi angup ules ne dawen kawo o. Baru nelunguk,sudo o nisea makei tangen...nunok ngen bioa,serai ngen menea saten. Bioa kunei dawen kawo nelayua yo nano senaring..sudo o nepek lem caker atau samang, biaso ne tun tetuai mena'o makei samang da, nunok ngen gulo nau atau gulo pasir,tameak padek asai ne. Tun tetuai mena'o samo menem bioa dawen kawo nelayua yo,de awit ne betemo..cemrito asal usul ninik puyang mena'o.

Cuma belayua yo uleak tun mena'o niyen de...uyo cigai tun galok igai da.
Do o ba didik cerito tun tetuai jang mena'o..waupun tun uyo cigai kemrejo uleak o,cuma seharus ne ite namen uleak ninik puyang te mena'o. Mokasiak
Anton-Topos

Sialang

noreply@blogger.com (www.tuntopos.com) — Sat, 10 Oct 2009 11:35:18 PDT

Sialang ade ba jolok pun kiyeu,do o biaso ne sengajo nu'ung untuk penan medau. Kiyeu ne lu'us & penan ne biaso ne neak puak sadei,das bioa tik atau neak puak kebun...kiyeu de dau ne nu'ung masyarakat untuk ijai sialang o ade ba kiyeu semalo lipen,pun matiak dau kulo pun kiyeu de luyen. Amen bi ade medau singeak, bi lebiak telau bulen...biaso ne ade acaro mok mis medau. Amen mena'o acaro mok mis medau yo termasuk lem ritual masyarakat..ayok kemnek sialang,ahli-ahli sialang biaso ne miuk saei bania sialang kileak..amen saei ne tenang,mako acaro mok mis medau yo nelanyut. amen ade saei gemaus,berartai ati waktau ne mok medau malem o..!!

Sesuoi ngen adat tun jang tu'un temuun...ayok kemnek sialang,nasang tun pating kileak. Pating o ade ba buluak senlusua neak pun sialang o..makei pasok buluak kulo,neket ngen bes opot atau ngen balet ceik.
sudo o seniap tun tilai tegalung...untuk temu'un mis medau. Ayok muloi kemnek sialang o,harus ade de menyalang ne kileak,makei saer-saer de tu'un temuun kunei ninik puyang..isai saer ne o,coa lebiak kunei mujai medau,madea guno mis medau magea manusio..sehinggo amen tun bi kemnek sialang o be,medau coa btenget..cuma ade sarat ne,amen medau tingep atau masuk lem awok coa buliak munuak.

Alat pasep medau supayo si temingea mis ne,do o makei sobot niyoa nemem...makei asep o medau langsung tebang..waktau o ba tun smisit saang medau o,nepek lem kaleng sudo o tenu'un makei tilai tegilung.
Cuma lem ritual mok mis medau yo,harus teatei..kerno awei nadeak tun tetuai,waktau mok mis medau iso si manusio bae de hadir ne,semat belkat ngen imeu kulo hadir...amen kuang teatei tun kemnek sialang o pacok talau nukoi ne..pun sialang lekat o pacok ijai temeak kenliak ne,amen sapei awei o biaso ne awit bahayo. Sudo o igai,ayok belek kunei mok mis medau..harus teningea mis medau ngen anok ne didik neak bania sialang o.

Do o ba sekelumit ritual adat tun jang & sopan santun masyarakat jang magea mahluk tuhan & alam semesta..Mokasiak.

Anton-Topos

Temgok Umeak Smujung

noreply@blogger.com (www.tuntopos.com) — Wed, 27 May 2009 16:29:45 PDT

Tun topos khusus ne, umum ne tun jang amen ade keluargo lok mengikeak,do o biaso ne ade istilah temgok umeak smujung atau tarup.
Umeak smujung yo seluyen penan acaro mengikeak,dio merupokan adat tun temuun kunoi ninik puyang. Biaso ne ayok temgok umeak smujung,masyarakat bergotong royang mesoa bahan untuk temgok umeak smujung,ade de mesoa buluak,balet ceik,bes,kiyeu srto alat-alat de luyen untuk temgok umeak smujung o nano. Sedangkan papen ngen seng do o biaso ne ade neak balai sadei dan do o nam minyem ngan bayaran sesuoi ngan spakatan masyarakat sadei.
Umeak smujung yo,ade ba pnan ritual mengikeak termasuk kulo bedu'o ngen pesta ne,amen mena o ade gen ne persanyi termasuk kulo taai kejai ngan tai-tai de luyen. Amen ite kemliak kunoi sudut pandang makna kunoi cao-cao tun jang termasuk temgok umeak smujung,mako ite dapet pelajaran bahwa ninik puyang serto ketuai adat tun Jang mena o ade tun bijak bijak,kerno ngen sistim gotong royong bareak yo tun Jang dapet terus idup samo-samo dan saling tulung menulung.

Dio ba klok ne selalu ijai contoh magea generasi penerus tun Jang khusus ne tun Topos supayo minget kesatun ninik puyang te mena o,kerno ade pepateak madeak,tun coa mukin ijai tun grot atau tun lai kalau si lupo ngan kebudayaan atau taneak kelahiran ne. do o ba,sekilas tentang sistem idup saling berdampingan de ade neak taneak jang, semugo bermanfaat.
---------------------------------
Anton-Topos

Beto'ok

noreply@blogger.com (www.tuntopos.com) — Wed, 27 May 2009 13:39:16 PDT

Umum ne tun Jang pemuk utamo ne ade ba Mei (:nasi) biaso ne poi asal mei yo tenanem baik neak sawaeak maupun neak umai da'et, amen jaman menao ayok dau saweak tun Jang bumai da'et neak imbo. Sudo Tembang imbo, imbo o' kemudian kembem, trus kenpoa baru masayarakat bisaso ne semap binia, biniak ne ade ba binian poi lokal ade poi Bandung, Bengawan (gen poi yo coa ite tau gentai gen ne gen wilaah tun), luyen kundei poi do das yo ade kulo tenanem poi pulut atau poi be'em (mbeak ade nyut muk ketan ngen juadeak, mungkin gi...).

Amen pnan kebun o' bi siap baru persiapan untuk beto'ok senyap muloi kundei semyap syarat-syarat do biaso ne di percayo oleh masyarakat mbin semanget poi. Beto'ok yo biaso ne gotong royong lem bentuk ali bilai, persiapan untuk beto'ok yo do paling penting ne ade ba tugea untuk melubang pnan poi atau biniak, amen bel'o biniak poi yo cenapua tun ngen ijat lepang sehingga pas ngetem lepang no panen sekalian untuk pemuk tun gidong ngetem. Gotong Royong biaso ne pakei kemsok bubua titing, bubua titing nyo kensok lem kaceak atau belangai lai kareno tun biaso ne kulo dau do tmulung sehinggo beto'ok yo sudo debilai.

Ade patangan kulo waktau beto'ok o' pertamo coa buliak siyoa, coa buliak melat biniak, coa buliak kisit ngen do luen ne, tukang tugea ne bisone se semanei sedangkan tukang tanem ne mamei atau selawei-selawei....bersambung

Muning Malim

Ucep Bikau Bembo

noreply@blogger.com (www.tuntopos.com) — Wed, 11 Mar 2009 23:14:08 PDT

menurut tun tuwai, waktau Bikau Bembo moi kerajaan Majapahit si Mbaco Ucep:

'Nangku kaca aribikam aribikum, aku mlupat ke tanah tanah yakin, kaut saudaraku gunung saudaraku, tunduk laut dan gunung padoku seorang kato allah'

amen nadeak gua'au ucep yo baik nakei amen ite pei masuk neak pnan tun, tapi mungkin do terpenting ne ade ba sugesti supapo ite pacok mbin dirai nak penan tun.

awei o ba da

Muning Malim

Temimo Tamu

noreply@blogger.com (www.tuntopos.com) — Sun, 02 Nov 2008 21:47:33 PST

Neak Sadei Topos tamu Kutai bisao ne tenimo neak Gais Pigai, Gais Pigai yo ade pnan gerbang atau lawang masuk Kutai, Tamu do teko senambut secaro adat lengkap ngen peralatan awei iben, Bungai ngen biaso ne kulo pakei patun. Menurut Wok Salim neak batas yo ba masyarakat kutai temanye gen keperluan tamu yo teko moi sadei. Amen niat tamu yo kidek moi sadei neak pio ba tun semodona, mako ne tip-tip nyambut tamu harus ade ulubalang (tun sadei do ade lemau bela diri) sehinggo tamu do niat kidek jibeak sapei masuk moi sadei.

Amen tamu ne baik mao si nembut ngen adat, dau pepatah do senapei ngen tun tuai sadei terutamo akuak ro kondisi sadei misalne 'sadei keme halaman serut, podok atep buluak....' setelah proses petah-petitih yo tamu o neluak mbuk iben do nembin bujang gadis setelah o kenalung bungai, tamu biaso ne mbin kulo juru pantun ne sehinggo pacok jemawab kecek tua sadei.

Dio pertando ite tun jang mengormati tamu do berniat baik moi sadei ite, jelas wok salim, setelah sudo temimo tamu o' tamu kemudian nebin moi pan ne menujau neak di ba kulo tamu yo jenamu ngen areak pemuk, pemuk pembuka ne ade ba sawo njyoa uai ngen sawo tendok pelambang bahwa selamo neak sadei o si akan meraso tenang, supayo aus kaeun awei tekmok bio neak imbo, baru sudo o' tamu nyo nelei ba areak pemuk pangen ubet nyemen.

Mbin Monen

noreply@blogger.com (www.tuntopos.com) — Tue, 21 Oct 2008 23:22:50 PDT

Mbin Cupik moi munen, ade ba ca'o tun Jang amen ade tun pei laher, biaso ne mbin cupik moi munen yo pertando umat manusia pertamo kemnal alam biaso ne kulo omor cupik yo 40 bilai, sehinggo titik yo atau cupik yo oleh tun tuwai ne nembin moi munen, tukang kembin ne ade ba dukun biaso ne tun tuwai atau sebei, neak di ba ade baco-baco ngen japai supayo cupik bi lai coa keno bahayo, penyakit ngen si terlindungi neak lem idupne, cupik biso ne menai neak pacua do biyoa ne ngalua, ade obor, taneak, ngen keis sako.

Nilai do terkandung ade ba supayo cupik amen bi lai be menjago alam (taneak, biyoa ngen opi) keis melambangkan senjato amen si bi lai, sudo menai biaso ne kulo ade kegiatan marhaban atau ucapak selamat datang ba tapi persi agamo ne, neak Topos lem sejarahne coa ade gen titik do ngindoi pas prosesi marhaban yo. Do kulo titik do pakei moi munen biso ne ja'ang do keno penyakit titik.

Sudo marhaban yo mako dau tun tuwai sadei menduo ngen mebaco japai atau ucep untuk si cupik, japai-japai biasone adeba japaijapai supayo cupik uak kundei penyakit, titik awei kudis, step, demem ade kulo tun tuwai sadei mbaco samo temuun lemau ngen titik amen menurut tun tuwai dau bahwa cupik yo neak kedong biali akan ijai tun hebat..... bersambung

Erwin Basrin
tun Topos (http://wintopos.wordpress.com)

Ca'o Menea Lemea

noreply@blogger.com (www.tuntopos.com) — Tue, 21 Oct 2008 23:12:20 PDT

Lemea neak sukua Jang ade ba pemuk utamo ngen cirikhas tun Jang, biaso ne tip kutai ade beda didik ca'o menea ne, amen neak Lebong lemea biaso ne coa tun cemapua ngen me'i, tapi neak Payang terutamo neak Manai Lok lemea biasone pakei me'i undokne, menurut sebeiku do biaso menea lemea neak Lebong, adepun ca'o menea lemea adeba;

Ite alau mesoa buluak moi bukau, alau mesoa lebung, jenis buluak ne do padek ne buluak ce'ik atau buluak kapea
Amen bi dapet lebung mako lebung o' nano nebersih kaleak ne cibeak coa tinget mepuk na, sudo o' lebung senisit, asea senisit o' nano trus cencong, mbeak sapei ajua, Lebung do sudo cencong yo nepuk igai babersihne untuk mepas miang atau mbon ne.
Lebong do sudo cencong, cenapua ngen kan, do padek ne kan biyoa tawen atau kan biyoa tawar luyen ne, amen bel'o ade kulo cenapua ngen tlelan uso (uyo uso agok ja'ang do kulo nelarang pemeriteak, ijai jaang do menea lemea tlan uso)
Campuran lebung ngen kan yo, ne'em abiak demingau supayo si jijai kileak
Sudo o' lemeak baru buliak kemsok, capua ngen cabe, atau repeak masakan sesuai ngen selero ite, do padekne capua kan mas atau kan semeak genureng atau ce'ak
Selamat menikmati, biaso ne amen muk lemea cigai tinget awok igai.....

Bunaya: Tun Aceh Ijai Tun Topos

noreply@blogger.com (www.tuntopos.com) — Sun, 10 Aug 2008 19:48:29 PDT

By Erwin Tuntopos

Aceh ngen Topos temuan cerito leluhur do erat neak maso lalu, ade cerito persahabatan ngen ade kulo cerito perang, uyo tentu ne berubeak ketiko jaman bi maju, Bunaya, jolok ne ade ba Bun, si tun aceh asli, tapi uyo kembiak dau kontribusi dan ptulung untuk kemajuan tun Topos.

Tengeak idup ne uyo diapdikan untuk milau kakuat tun topos untuk meket igai ca'o adat, sebenea ne cerito perjalanan ne sapai terlibat dau neak Topos ade ba bermuaro kundei si meratau kundei aceh sapei kulau, trus du begaul ngen tun kulau kemudian temau ngen Erwin salah satu tun topos nah, ketiko temau win yo ba si dau tertarik ngen Topos, uyo si bi resmi ijai tun topos, kereno pertamo si bi naket keluargo lai Win sebagai anok aket ngen kemudia si kulo bi nikeak ngen tun topos uyo si bi ade anok na.

Bolg yo kulo sebenea ne murupakan bentuk dukungan dan kontribusi Bun terhadap tun topos, sementaro kembiak dau do luyen ne kontribusi terhadap kampanye adat topos, menea film tentang ka ga nga, film mulang apei, dll. Semoga neak uan bilai dau Bun-Bun do luyen ne lok temulung ngen ba bagiak lemau untuk kemajuan tun topos.

Uku Tun Topos

noreply@blogger.com (www.tuntopos.com) — Wed, 06 Aug 2008 02:58:20 PDT

Gen ku Erwin, uku laher neak sadei Topos, waktau uku laher Topos ati gen listrik, untuk penerangan keme makei lapu minyok tanah (lapu Togok), Indok ku tun Topos Ali amen nerunut kundei silsilah kak indok ku mako sapai Bikau dan Ajai, sementaro Tiak Ku Amen nerunut menurut silsilah mako sapai Rajo Tiak Keteko neak Sekandeu Tabeak Daet, dio dibuktikan kundei cao keme neak Topos melalui Cemucua Biyoa, amen Kak indok ku karena keluargo ne sebagai pemegong ju'ei keluargo si coa pakei cemucua biyoa tetapi tun do dau moi cemucua biyoa moi umea keme, sementari kak tiak ku cemucua biyoa ne moi Sekandeu, neak di leluhur ku ade awei o pesen tiak ku.

Uku sekolah SD ngen SMP neak Topos kebetulan cuma SD dan SMP salah satu bangunan pemeriteak do ade neak pio, setelah tamat SMP uku sekula SMA neak Cu'up, waktau sekulah uku diyem umeak wok ku, kebetulan si ade umeak neak Cu'up, ade pengalaman menarik ketiko neak Cu'up selamo neak Topos keme selalu menguno bahaso jang neak pergaulan babilai, waktau gi babelau uku cet tekembin baso jang amen begaul ngen kuwat ku.

Setelah Tamay SMA uku neluak Tiak ku menutut sekulah neak Padang, neak padang uku cubo mbok Fakultas Teknik Sipil neak salah satu perguruan Tinggi Neak Padang, secaro akademisi uku cio dau prestasi, pada hal uku ade ba harapan tun tuwai ku, waktau uku mulio kuliah, Indonesia mengalami krisis, mako tun tuwai ku kulo agok payeak memenuhi kebutuhan kuliah ku, sehinggo beberapo matai kuliah praktek terpakso uku temingea, nah... waktau o kulo kampus-kampus sibuk ngen agenda reformasi, uku milau aktif neak aktivitas yo, waktau uku kuliah kembiak dau musibah neak keluargoku, Tiak Ku tingang kiyeu waktau upeak tembas kebun tun untuk mbayar uang kuliah ku, wok pnan uku tingea waktau SMA ningea, do kembiak lai ne Sebei (indok Tiak ku) ningea, waktau o tiak ku an semido si sakit sehinggo biaya kuliah ku, biaya kuliah asuak ku terpakso bedan, coa ade gen keluargo ku do lok temulung keme kuliah sehinggo kuliah ku ngen asuak ku terpakso bedan.

Menarik ne ketiko uku kuliah, uku belek moi sadei untuk kindoi caci untuk bayar uang kuliah, keliling uku ngen indok ku mesoa pnan kinyem, tapi coa ade tun do lok melei keme kinyem, sehinggo uku coa nam brakat moi Padang nah, waktau o ba sebei ku meningea, an uku neak sadei akhir ne Susi (uyo si ijai ngenyanku..) demapet uku untuk mbayar uang kuliah ku si jemua kalung pemberian indok ne, nukoi kalung o ba semelamat untuk sementaro agenda kuliah ku.

Akhir ne uku coa tamat kuliah pada hal didik igai, cuma menea kripsi igai, uku belek mesaidei cubo menea lembaga, keme ngen kakuat cubo menea AMARTA waktau o' uku ijai supirne, trus uku cubo bergaul ngen kwat-kwat aktivis neak kulau sehinggo mengantar kan ku mimpin AMA Bengkulu organisasi pergerakan masyarakat neak kulau, uyo uku kerjo neak lembaga gen ne Akar, lembago yo hasil kerjo ngen jerih payeak ku dewek tampa bantuan kundei tun dau o'.

Tekat ku cuma do, supayo berguno bagi keluargo ku, ngen masyarakat ku,,,, sudo kileak ehh, coa uku taen biyoa matai ku ngalua amen minget kesaro idupku.....

Erwin Basrin

(Tun Topos Cubo Menea Perubahan)

Pegong Tun Jang Topos

noreply@blogger.com (www.tuntopos.com) — Tue, 17 Mar 2009 00:33:16 PDT

Bismillahirrahmanirrahim

Aagamo islam ade ba agamo lenget penutup agamo-agamo sbelum ne,ite samo-samo bi namen hal o. neak lem agamo islam seluyen mencegah kemusrikan,ade kulo pegong de harus tun islam taat magea aturan-aturan ne. Antaro ne ade ba tun islam harus percayo ade ne tuhan cuma do,do o ba tuhan Allah swt.,.si harus berimen magea tuhan Allah coa gen tuhan seluyen tuhan Allah coa gen penan bekinoi seluyen tuhan Allah,tuhan Allah tegok suang coa serupo ngan mahluk coa makei stekuk coa makei tidua coa makei matei coa makei lupo. Do o ba tuhan temuan alam semesto yo,coa de gen nam melei mudarat ngan manfaat kecuali atas izin ne. dio ba de perlu ijai pegong tun islam kerno,dio ba pokok tauhid neak lem agamo yo. amen bi benea-benea percayo ade ne tuhan Allah,de menguasai kute alam yo..tun islam de benea -bena beriman cigai igai bilnai kemrejo uleak uleak kidek igai,.kerno si yakin moi ipe bae si lalu tuhan Allah pasti kemliak si,coa gen penan sbunyen kunoi pngeliak tuhan. Sihinggo tun beriman coa binai igai temingea peritea ne,trus taat & temingea larangan-larangn Allah swt. amen hal yo bi kuet neak lem atei tun islam,mako alamat sadei kecamatan kebupaten bahkan negara ijai aman makamur ngan sentosa. kareno tun islam amen bi benea -benea yakin ngan hal yo..si selalu taat magea Tuhan Allah swt. si coa butuh pujai kunoi manusio si cuma butuh ridho kunoi allah swt. di o ba pokok pertamo neak lem islam.

Sudo o poko keduai ade ba,bahwa tun islam ade pesuruak dio ba malaikat,malaikat yo pesuruak tuhan de paling taat,coa perneak melawen magea periteak tuhan jano igai durhako. malaikat yo ba ijai hamba ngan pesuruak tuhan untuk matur alam rayo ya. baik matur kehidupan manusia maupun matur de luyen ne, Ngan berimen ne tun islam magseak mlaikat yo,temameak keyakinan ne magea zat Allah de paling agung...kerno atas kuaso allah ba alam yo jijai.
Untuk selanjut ne pokok neak lem islam ade ba berimen magea rasul ngan nebai Allah..dio ba pokok ketelau nek lem islamm,umat islam harus yakin ngan percayo magea rasul ngan nebai tenu'un tuhan Allah swt untuk umat manusio neak bumai yo. Ade dau jumlah nebai de harus tun islam meyakini.. cuma de ade neak lem syriat islam cuma 25 nebai ngan rasul. Percayo magea nebai ngan rasul temameak keyakinan magea Allah swt. kareno kasiak sayang tuhan Allah magea manusia si temu'un tukang melei dalen de benea kunoi tuhan tukang temunyuk dalen de luus kunoi tuhan magea manusia ngan ade ne nebai ngan rasul yo ba manusio namen dio dalen de benea ne..ngan dalen de saleak ne. mako coa ite dapet mbayang amen coa tuhan Allah temuun nebai ngan rasul untuk melei petunyuk untuk manusio mako kunoi mena o sapei uyo manusio idup neak lem keadaan jahiliyah.

Nebai ngan rasul de tenu'un Allah swt yo,ade ba min misi ngan visi melalui wahyu tuhan Allah swt magea rasul ngan nebai ne..do ba sariat neak lem agamo islam melalui lisan nebai ngan rasul Allah swt.
Ade kulo pegong de langsung tenu'un tuhan melalui wahyu ne..dio ba kiteb kiteb samawi ( Tu'un berasal kunoi Allah swt )...tun islam dapet periteak kunoi tuhan allah swt untuk berimen magea kiteb kiteb de tenuun Allah swt magea nebai ngan rasul ne. dio ba termasuk pokok neak lem islam ke pat. berimen magea kiteb-kiteb sucai de tenu'un Allah swt magea malaikat ngan nebai pesuruak Allah swt. Antaro kiteb-kiteb de harus tun islam berimen ade ba kiteb zabur,taurat ,injil ngan al-quran. kute kiteb o berasal kunoi tuhan Allah swt. waaupun uyo kiteb zabur,taurat,ngan injil cigai si asli firman tuhan igai...kerno bi nubeak tun yahudi ngan nasrani...cuma ite harus tep berimen magea kiteb2 o..berasal kunoi tuhan Allah swt bel o ne. sedangkan AL-quran coa perneak manusio mubeak ne..dio ba kiteb teraher kunoi tuhanAllah kiteb de paling sucai ijai petunjuk magea manusia denio ngan akhirat..coa de gen kalimat de salea neak lem al-quran. kiteb penutup kute sariat nebai nebai sebelum nebai muhammad saw ...kesucaian ne selalu jenago Allah dewek. coa bakea manusio dapet mubeak kiteb AL-quran. Dio ba pegong idup te denio ngan akhirat.

Selanjut ne,tun islam wajib percayo ngan berimen magea ade ne bilai kiamat..dia ba biso agamo islam magea agamo de luyen neak lem agamo islam ade ne bilai kiamet paset ade ne..coa de gen ragau gok didik. dio dau tuhan Allah temeang neak lem al-quran ngan kulo tameak igai hadits hadits nebai muhammad saw. sehinggo percayo mageak ade ner bilai kiamat ade ba pokok neak lem islam ke lemo.Sedangkan neak lem agamo luyen coa gen keyakinan yo,kalaupun ade bareak neak lem kristen ortodoks dio coa si ijai keyakinan pokok neak lem agamo ne. Tai ne,agamo seluyen islam coa percayo ade ne bilai kiamat. Bilai kiamat ade ba bilai,bahwa kute alam rayo yo ajua. coa de gen de selamat ne,kute ne ajua cecping. cuma zat maha tungea ba coa bakei matei..dio ba Allah swt. percayo akan ade ne bilai kiamat ya,ijai pokok neak lem agamo islam. Mko keyakinan magea bilai kiamat yo,harus benea-benea ade neak lem atei tun islam.
Neak samping tun islam percayo ngan ade ne bilai kiamat yo..tun islam waib kulo berimen magea ade ne takdir de baik ngan takdir de kidek kunoi Allah swt..kereno kute de terjijai neak alam rayo yo atas izin Allah swt. mako wajib magea tun islam berimen nien magea ade ne takdir baik ngan takdir kidek teko ne kunoi tuhan Allah swt. coa de gen nam melei mudarat ngan manfaat kecuali Allah swt. Kkalu tu islam benea-benea yakin magea tekdir baik ngan tekdir kidek kunoi Allah swt

Seandai ne tun islam benea benea berimen magea ke enum pokok neak lem agamo islam yo. mako insya Allah masyarakat ijai amn & coa de gen terjijai uleak uleak kidek...coa de gen tun menea ulek maksiat igai. Kerno si yakin nien neak lem atei ne,bahwa idup manusio yo coa luput kunoi pngeliak tuhan ALLAH SWT. Mudah-mudahan untuk maso teko umat islam khusus ne neak taneak jang,umum ne seluruh indonesia & sluruh denio ade kesadaran neak lem agamo sehinggo tun jang ijai contoh kunoi sukau sukau de luyen...semoga.

Wallahu 'alam bisswab

Anton (Tun Topos Menea Perubahan Melalui Mimbar)

Suaro Anok Jang

noreply@blogger.com (www.tuntopos.com) — Sun, 03 Aug 2008 07:55:57 PDT

Tulisan siket yo ade ba sekedar susunan kecek keluea kunoi anok jang de bi sudo meding dan kemliak kenyataan neak lapangan tentang mental masyarakat jang de harus sesamo ite mubeak. tulisan yo coa si untuk melei nasehat coa kulo si untuk mengajea tulisan yo cuma ba sekedar suaro nurani anok jang,dan mukin dau anok jang de luyen perneak meding hal yo. Ayok penulis muloi tulisan yo,penulis minoi maaf magea ninik mamak,wok tamang serto magea kekuat kute ne jano igai magea ketuai kutai taneak jang. Bareak nadeak pepateak amen dung paneu ulau ne lekat mako dau bahayo magea si,awei o ba kiro ne penulis,omor pei debulen jagung pengalaman ati si dau. amen ade salea kecek saleak kadeak saleak micang saleak paneu meak segan segan untuk temaok,kerno ijai sipet tun jang amen saleak wajib temaok.

Sukau jang ade saleak do sukau paling tuai neak sumatera khusus ne bahkan indonesia umum ne,sukau yo bi an temgok perdaban neak taneak jang. Pacok ite madeak peradaban lembah sungai ketahun,kerno pertamo sekilai sukau yo ade,ade ba neak sekitar bio tawen. adat ngang bergagea maso mduro kelam perneak bkemang neak lem sukau jang yo,api grot si pacok idup api cayeak ijai upan tun. sehinggo akhir ne tegok ne adat tiang pat lemo ngan rajo. mako sempurno ba peradaban taneak jang...jano igai masuk ne agamo islam.

Cuma masiak dau mental anok jang de gimasiak coa baik,antaro ne ade ba sipet galok mengusak. kenyataan yo dau ite kemliak neak taneak jang,contoh ne ade pembangunan kunoi pemriteak berupo aliran bio pam,coa ite kemliak an taen ne..paset ade de musak ne. Dau igai contoh-contoh de luyen de samo-samo ite namen. Sudo o..sipet coa baik magea tun jang..ade sipet galok kdep mengedep,dau de lok berasea suang ne. Ite mok contoh ne didik. amen ade antaro anok jang de lok melanyut pendidikan mako dau nien rintangan mageak si,ade de madeak gen uleak semkula anok sapei mabis caci kedau o...dan do o antaro kecek de kidek ne. dau igai kecek de luyen,kecek coa baik de harus tun tuai ne temimo. dan magea anok jang de bi jijai tun galok mdep amen ade anok jang de lok temirau si! bahkan perneak ade kejijai,dio neak sadei topos. Si lok melamar kerjo neak instansi pemriteak minoi tulung magea sepupu ne de bi kerjo neak instansi o,mako kerno semangat ne si kemopoa berkas de bi sudo si semiap dan semereak magea sepupu ne o. selang telau bulen si lok milau tes sesuoi ngan prosedur instansi o,waktau o ba si heran kerno gen ne coa terdaftar dan berkas ne nyep coa tau penan ne. Psi temanye ngan sepupu ne o, nadeak sepupu ne coa si tinget penan pek ne igai,kedong bilai akhir ne namen kenoi si cerito berkas ne o,bi nemem sepupu ne. Cubo didik ite meker,akuak taneak jang lok maju amen gi masiak dau mental bareak yo neak masyarakat te,walaupun coa si kute tun jang bareak yo sipet ne,cuma dau kenyataan ite kemliak perneak terjijai peristiwa awei yo. penulis dewek perneak ijai korban mental tun bareak yo.

Amen gimasiak dau sipet bareak yo neak masyarakat jang,mako sulit mageaki te lok temgok cito cito sosial magea masyarakat jang. cuma mudah-mudahan untuk maso teko sipet bareak yo muloi bkuang,kerno coa ite dapet muker,ngan ite bersatu ite dapet mbangun taneak tanai te.
Penulis mengakui bahwa anok-anok jang dau ade kopetensi,dan pitar-pitar .cuma kerno dau mental bareak yo nano sehinggo anok-anok jang dau de bi putus aso ne. amen neak lapangn anok-anok jang coa aleak besaing ngan sukau-sukau de luyen bahkan pacok mengungguli anok-anok kunoi daerah luyen.

Harapan penulis magea ite kute ne,maro ba ite sadar bahwa ite ade cito-cito sosial magea masyarakat te. Ngan ite sesmo medukung ite pacok maju,maro ba ite temingea sipet kidek atei sipet iri ngan sipet-sipet de tercelo de luyen...maro ba ite maju bersamo,maro ba ite saling dukung dmukung. inya Allah ite pacok mubeak mental masyarakat te ijai mental terbaik,harapan te taneak jang pacok ijai taneak "Baldatun thaibatun warabbun ghafur"....Amiin...

Penulis : Anton Sujarwo
Mahasisiwa Universitas Al-azhar Mesir
Tun Topos

Lenei ngen Uso

noreply@blogger.com (www.tuntopos.com) — Thu, 31 Jul 2008 09:51:18 PDT

Neak puweng bilai ade anok lenei jemua, tibo-tibo teko anok uso bejuget, coa sengajo si tepelat anok lenei peuk jemua, anok lenei yo kemudian matei, kemlian anok ne matei lenei yo kemudian madau magea pengadilan hakim ne kacea.

Sodo ngadau o, mulai ba kacea nyelidik ngen medeu anok uso moi pengadilan kacea,

INTROGASI pun Muloi

Kacea; "anok uso, benea ko melat anok lenei sapei matei.?"

Anok Usu; "benea pak Hakim, tapi uku coa sengajo, ano uku peuk mena'ai, kareno ade beuk temabuak tipung, ijai uku temurut tipung na, cobo beuk coa temabuak tipung pasti uku coa naai, ngen melat anok lenei"

Kacea; "amen awei o' kenok beuk"

Coa an kemudian beukpun moi mengadep

Kacea; "Beuk, benea nano ko tipung, sehinggo anok uso juget kemudian si mlat anok lenei sapei matei, cubo jemlas jano alasanu temabuak tipung.?"

Samo tegok, ngen kemawut butut, beuk o' jemawab; "benea da pak Hakim, nano sengajo uku tipung pingia biyoa, kareno uku kaget kemliak kelsip medek milot ne pakei bajau besai, awei lok perang ne, mako ne uku temabuak tipung perang ano da".

Tepening ba kacea, samo pekei do saleak ne coa si anok uso tapi kelsip, sidang o' kemudian di skor sampai men na.......

Puweng men na sidang pun muloi, kacea kemtuk palau samo mengelik si kemliak Kelsip samo betanye, "kelsip uleak nu medek ilot makei bajau besai o' awei tun lok perang ne sehinggo beuk temabuak tipung dan anok uso juget teplat anok lenei trus anok lenei o' matei sikapnu o' bahayo sehinggo ko ba do betangung jawab neak masalah yo...!!!"

Ati sudo kacea temanye, langsung notong Kelsip, "benea da pak Hakim, uku makei bajau besai siap untuk perang kareno uku kemliak udang medek milot ne mbin pedang takater, keis telosong bao, kujua senlindang. Sakoku perang bejijai bedao, sehinggo uku makei bajau besai, coa ku sako beuk o' temabuak tipung na"
Sidang skor 30 menit, kacea tambek binggung tapi si tep lok temgok keadilan, menurutne untuk sementaro udang saleak, akibat udang medek milot, kelsip makei bajau besai, beuk ketipung anok uso bejuget dan temlat anok lenei. Keputusan sudo skor ade ba menok udang , "Knok Udang uyo, keluak si megadep magea uku uyo..!!!!!!!!"

Coa an kemudian megadep ba Udang, " Udang benea ko medek milot mbin pedang ngen kujua,.?" tanye kacea

Langsung jenawab Udang, "benea da Kacea kareno uku kemliak kan sepet mdek milot ne matei mileak bae awei lok mbuk tun na, sehinggo uku siap-siap jibeak sapei si semrang keme"

Tambea bae pusing kacea, "Knok gacang kan sepet o'

Kacea; "kan sepet jawab ngen jujur, lebeak ko matai milea, gentai.!!!!!!! Samo teminjau mija, matai tebelik bae kacea "konamen akibat ne matai nu mileak, udang mbin pendang dan kujua, kelsip makei bajau besai, beuk tipung, anok uso bejuget tempat anok lenei, mmaaatteeeiiiiii......!!!"

Kemliak kacea bi mengiak, langsung sepet jemawab, " benea da kacea, matai ku mileak kareno ulau biyoa kenotok indok lenei.."

Baru ngertai kacea bahwa do saleak ne indok lenei, si kemotok ulau biyoa, saat bmaco keputusan ne indok lenei menyesal si bi kmotok ulau biyoa, akibat ne beruntun anok ne matei............ sidangpun tenotup

cerito yo kundi sebeiku waktau uku klas 5 SD, Erwin Tuntopos

Tembo

noreply@blogger.com (www.tuntopos.com) — Wed, 10 Dec 2008 12:40:40 PST

Gambar, Tembo Tuntopos Tukang Susun; Erwin Tuntopos

Ureng Imen

noreply@blogger.com (www.tuntopos.com) — Tue, 17 Mar 2009 00:30:30 PDT

Bismillahirrahmanirrahim
Neak lem tulisan siket yo,mimbar tun-jang cemubo mbahas masalah imen neak lem Islam.
ite samo-samo kenal neak lem Islam ade ne rukun Imen. imen yo dewek neak lem agamo islam ade tiket-tiket ne. Neak lem kiteb-kiteb turas ( klasik) dau ulama Islam jemlas meyakut masalah imen yo,kerno imen coa ite nam muker dio termasuk pokok lai neak lem agamo te agamo islam.
Adepun tiket imen neak lem Islam paro ulama' magiak tiket imen yo ijai telau tiket,cuma ade igai ulama temameak bahwa imen neak lem islam ade pat bagian.
Antaro ne ade ba :

1. Ade gen ne imen coa betameak coa bkuang,neak lem hal yo khusus mageak paro malaikat. Awei ipe ite namen bahwa imen paro malaikat,coa betamea coa bekuang..malaikat sengajo tuhan Allah cipta untuk senantiaso beribadat & berzikir magea Allah swt,coa makei payeak coa makei bedan bilai-bilai malaikat cuma untuk beribadat magea tuhan Allah swt. Malaikat ade mahluk sucai coa perneak durhako jano igai temtang periteak tuhan Allah bareak iblis.

2. Nomor duai ade gen ne imen selalu betameak coa perneak bekuang,dio ba imen paro nebai ngan rasul Allah swt. nebai ngan rasul Allah yo,imen ne selalu betameak coa perneak bekuang,bilai-bilai paro nebai seluyen semapei sariat untuk umat manusio ade ba beribadat magea Tuhan Alalh swt. Sangat saleak amen ade ungkapan tun madeak ade ne wali coa perlu igai ibadat magea tuhan atau paro ahli tarikat coa perlu igai beribadat magea Allah swt. sedangkan nebai ngan rasul dewek selalu beribadat magea Allah,neak lem sejarah ite samo-samo namen awei ipe ibadat paro nebai ngan rasul utusan Allah swt. nebai muhammad misal ne,trus ibadat magea tuhan Allah kebilai kelmen,bahkan sangat cet nebai Muhammad coa tidua muloi kunoi pelbeak sapei pueng hanyo untuk berzikir. Mako lem hal yo coa masuk akea amen ade tun mengakau si bi sapei tikat lekat lem beragamo islam sehinggo si cigai perlu igai ibadat magea tuhan Allah swt. dio ba tiket imen ke duai,imen ne paro nebai ngan rasul utusan Allah swt.

3. Yang ke telau tiket imen ade ba imen tun islam tetiko betameak tetiko bekuang. Nah,dio ba imen tun islam secaro kesuluruhan. Tetiko imen ne betamea teiko bekuang,ite pek bae misal ne ade tun islam dapat ujian kunoi tuhan Allah swt. misal ne neak lem hal kematei pacok bae neak lem keadaan musibah bareak yo imen ne bekuang. Namun ade kulo imen tun islam ketiko ade musibah ,imen ne tameak kuet kerno si yakin neak waktau musibah bareak o si dapet ujaian kunoi Allah.amen si tep kuet imen ne,mako neak kak belek musibah o ade berkat kunoi Allah swt. Awei o kulo imen tun islam ketiko dapet nikmat kunoi Allah swt. ade de betameak imen ne ade kulo de bkuang imen ne.

4. Kemudian tiket imen terakher ade ba imen de paling temeak,ade ba imen tun de selalu bekuang. dio ba imen tun fasik,tun de coa pecayo nien ade ne sariat kunoi than Allah swt. Jano igai kemrejo ibadat de sudo ade periteak kunoi Allah,masai ade ne tuhan bae si ragau,cuma neak lem identitas ne si mengakau si beragamo islam.
Luyen hal magea tun kafia,tun kafia coa de gen istilah imen magea si. Kerno tun kafia jelas-jelas syirik & coa masai ade ne sariat neak lem agamo islam bahkan si coa tun islam tapi kafia. jelas-jelas uak kunoi dalen de neridoi tuhan Allah swt

Mako neak lem hal yo,tike-tiket imen neak lem islam,ite namen bahwa imen tun islam ade tiko ne tuun ade kulo tiko ne betameak harapan te, imen te an waktau ne betameak didik waktau ne bekuang. mako ngan kemrejo periteak kunoi tuhan Allah sepenuak atei,ite dapet temiket imen te magea tuhan Allah swt. kerno coa ite dapet muker bahwa sariat islam yo de dapet majok ite moi keselamatan idup neak denio ngan idup neak akhirat. semugo...

Tulisannyo nea: Anton Tuntopos

Serambeak Bepun

noreply@blogger.com (www.tuntopos.com) — Thu, 31 Jul 2008 09:53:10 PDT

Serambeak Be-pun adeba tutur tun jang untuk jemlas tentang struktur asal muasal tunjang neak Lebong, serambeak bepun nyo saei ne abiak awei yo; Topos, Teluk Diyen, Amen, Semelako, Plabai, Das Tebing. Kato-kato neak Serambeak Bepun o ade ba gen-gen sadei atau Kutai Tuwai neak Lebong, ade masalah neak kutai/sadei tuwai saat nyo masing-masing lok Tuwai tentune ngen argumen masing-masing.

Amen menurut keme Tun Topos, coa penting api tuwai yang penting gen akuak saat nyo Tun Jang pacok eksis sebagai penduduk asli neak Kulau yo. Tapi keme cubo semingung didik bahwa sadei-sadei neak serambeak bepun o' kute ne tuwai tapi sapei bilai yo sedei do gimasik neak penan asli cuma Topos, sementaro sadei do luyen gen ne bae do tuwai namun pnan kedudukan ne do asli coa si pnan sedei nyo uyo.

Amen neak lem sejarah Jang, Sadei Topos pun gi uai umorne karena neak Topos pun ade do sadei lebih Tuwai misalne, Suko Negerai, Kutai Mawua, Kutai Titik dan do luyen ne, tapi semenjak Bikau (sejarah bikau) Topos ba Sadei do Pertamo nea Bikau selanjutne kedau priode Depati atau Sireak pun kedudukan ne neak Sadei Topos. Neak Topos pun ade kepercayaan dan cerito bahwa Amen (Daerah Pak Lot dan Daet) amen neak lem sejarah Adat cuma megong Petai ne bae sementaro kucai Petai o' negong Tun Topos, secaro pilosofis tai ne ade bah bahwa masing-masing Kutai yo samo neak lem sejarah adat Jang terutamo neak Kutai Belek Tebo, masing-masing coa nam depisah namun neak lem kesatuan Adat Tiang Pat.

Serambeak bepun o', menurut tun tuwai ade ba patokan ketiko adat yo agok kabur, mako amen lok mesoa do asli ne si ade neak sadei do ade neak serambeak bepun o', biaso ne tip-tip sadei tuwai o ede cerito masing-masing dan biaso ne coa dau terlalu berbeda dibanding sadei-sadei do luyen, tapi harus ite pahami kulo bahwa masing-masing tun ade kepentingan terhadap sejarah asal usul, mako ketiko ite mesoa sejarah sejati adat harus lebiak atei-atei sehinggo hasil penusuran coa mbin perdebatan neak maso mendatang.

Tukang Tulis dio; Erwin Tuntopos

Tukaran Links

noreply@blogger.com (www.tuntopos.com) — Wed, 27 May 2009 18:42:37 PDT

noreply@blogger.com (www.tuntopos.com) — Wed, 10 Dec 2008 12:40:40 PST

Gambar yo ade ba cao Tuntopos mbot Tamu neak Mulang Apei, AMARTA, 2003

Gamar Mulang Apei 1

noreply@blogger.com (www.tuntopos.com) — Wed, 10 Dec 2008 12:40:40 PST

Sukau Jang

noreply@blogger.com (www.tuntopos.com) — Wed, 24 Sep 2008 01:10:28 PDT

Jang cu’up, Jang Lebong ngen Jang Payang mena’o puset pemeriteak ne ade neak Tebo Lai, temuan ako “pat”, misalne “pat Ajai” ngen “jang pat petulai”. Amen ite kemeliak dio ade ba tando ite tun jang nyo bsebea neak lem Propinsi Kulau.

Sukau jang nyo sukau paling lai neak propinsi kulau. ayok sebut gen ne kabupaten, dau kulo sebut luyen, awei Renah Sekelawi, Pinang Belapis ngen Kutai Belek Tebo. Ayok ade ne pemeriteak awei ca’o uyo mena’o sukau jang matur hubungan antaro sesamo ade ca’o ne dewek amen lem tembo sebutne “Meduro Kelam.

Ca’o-ca’o tun jang muloi ba’es sesudo ade ne “Ajai”. Ajai o ade ba tun do nego nak sukau jang, ajai-ajai o nano tentep kunei basen kutai untuk matur sukau jang maso o.

Lem tembo sukau jang ade pat ajai, tobo o ade ba: AJAI BITANG mipin nak pinang belapis, AJAI SIANG mipin neak siang lekat, AJAI BAGELAN MATO mipin neak kutai belek tebo, AJAI MALANG mipin neak das tebing. Laher ne gen “lebong” ade ba kunei tato ca’o gen ne “Jang Pat Petulai”.

Jang Pat Petulai yo timoa neak maso nipin ajai – ajai pat o nano, sudo o teko ba pat bikau kundei jawai. Amen ite temurut Cerito ne bikau yo nano neluak rajo majopahit, karno asal ne kundei majo pahit mako tenulok tun jang karno saben meak neak taneak jang nyo nea ne ijai jajahan majopahit sudo’o tenameak kulo semetor upeti, tenameak igai saben tun jang meak nekuak ne temerap baso jawai.

Kerno pat bikau yo nano tun ne pacok mako coa si demulai ige awei cao tun jang yo nano, malahan cao ne ngen tun jang baik, reneak dirai do kulo coa ombong. Pat bikau yo nano sebea ne pat akea tun jang de ade maso o. kerno sipet ne baik mako pat bikau yo nano berasea mok atei tun jang malahan pat bikau yo naket tun jang neluak mipin neak penan tun jang sado de besebea neak pat akea o nano. Moloi kundei o ba mako paham jang pat petulai yo timoa.

Petulai yo kulo ade ba ca’o kekerabatan sukau jang, ngen sebut luyen petulai yo ade ba tiang sukau jang. Jang pat petulai pacok te mtai ijai pat tiang do smatu sukau jang do tesebea nak kakae luyen.

Tun jang uyo tesebea nak kulau, muloi kunei lebong, merigi, dan cuup ngen kakea luyen. Nak kabupaten Rejang Lebong o ade kulo sukau jang nak kota padang, padang ulak tanding ngen sindang kelingi.

Tun jang kulo basea menea kerajaan titik do biaso sebut ne kerajaan sungai lebong. Kerajaan yo ade kekiro abad 14, aper sepok ngen kerajaan majapahit nak jawai. Puset ne nak cuup.

Cuup yo sepet tenem sewaktau Rejang Lebong nlei blando status afdeling ngen tmunjuk kepahiang ijai ibu kota ne.

MOKASIAK KILEAK,, MOT SAMBUNG NE IGAIA

Tukang Tulis; Sugian Tuntopos

Neandei Puyang Ayok Tidua

noreply@blogger.com (www.tuntopos.com) — Wed, 27 May 2009 16:34:18 PDT

Salah satu kearifan adat yang di ceritakan melalui tutur adalah tentang proses penyelesaian sengketa dari persfektif lokal.

neandei anok lenei ngen anok uso
dio ade cerito anok lenei ngen anok uso, ijai cerito ne bareak yo...... pepueng ade anok lenei idong bejemua diii ngulua neak keang , dileak meleles, matai memelep . idong peuk anok lenei yo mengidep tetibo bae anok uso melitas samo mena'ai coa si kemeliak anok lenei idong ngulua neak das butau. igok menena'ai yo nano cigai kemeliak dalen igai tepelat ba si anok lenei, anok lenei yo nan langusung matei. kerno anok lenei yo matei mako indok ne mengamuk sudo o ngadau ngen kacea, kacea yo jaman o adeba hakim.

atas kejadian ini kemudian induk biawak mengadu ke pengadilan yang dipimpin oleh kancil.

Setelah pengaduan ini si kancil memulai melakukan penyelidikan atas pengaduan induk biawak, pertaman yang dilakukan adalah memangil dan mengintrogasi anak rusa.

Kancil; ’anak rusa benar, anda telah menginjak anak biawak dan menyebabkan anak biawak mati.?’

Anak rusa; ’benar pak hakim, saya tidak sengaja karena tadi saya sedang menari karena, si monyet menabuh gendang, jadi menurutku kera yang salah, coba seandainya dia tidak menabuh gendang saya tidak akan menari dan tidak mungkin menginjak anak biawak’

Kancil; ’kalau begitu, pangil si monyet..!’

Tidak lama kemudian dipangillah monyet, dan mulailah sang hakim berinterogasi.

Kancil; ’monyet, benar anda tadi berdendang, kemudian membuat anak rusa berjoget sehingga menginjak anak biawak kemudian anak biawaknya mati, tolong jawab dengan jujur..?’

Kemudian dengan lantang sambil berdiri dan mengempalkan tangan, monyet menjawab; ’itu benar adanya pak hakim, dan memang di sengaja karena tadi di pingir sungai saya lihat siput-siput memakai pakaian besi, pakaian untuk berperang jadi saya tabuh genderang perang.’

Berpikirlah si kancil bahwa yang bersalah bukanlah anak rusa, dan monyet tetapi si siput, sidang kemudian di skor dan dilanjutkan besok harinya.

Besok harinya, persidangan kasus matinya anak biawak dimulai, si kancil mengetuk palu, dan melotot matanya besar-besar kepada si siput dan bertanya ’siput anda jawab dengan benar apakah kemaren anda pakai baju besi, baju perang.? Melihat anda pakai baju perang kemudian monyet menabuh genderang perang dan didengar anak rusa dan anak rusa kemudian berjoget, terinjaklah anak biawak dan mati, kau tahu betapa patal sikapmu itu,!!!

Belum selesai si kancil bertanya, langsung dijawab si siput; ’benar pak hakim, saya pakai baju perang karena saya lihat kerumunan udang hilir mudik bawa pedang dan tombak, aku pikir akan ada serangan musuh dan aku siap-siap untuk ikut berjuang dan memakai pakaian besi.

Sidang di skor 30 menit, si kancil tambah bingung dan dia tetap tegung untuk menegakkan keadilan, menurut dia yang salah adalah udang, akibat udang bawa pedang dan tombak, siput pakai baju besi dan kemudian monyet menabuh genderang perang sehingga berjogetlah anak rusa akibatnya anak biawak yang terinjak kemudian mati. Dengan kesalnya kancil kemudian memerintahkankan kucing garong untuk membawa udang, ’kucing anda bawa sekarang juga udang untuk menghadap saya, tak lama kemudian udang datang.

Kancil; ’udang benar anda kemeren hilir mudik bawa pedang dan tombak.?

Langsung di jawab udang; ’benar, pak kancil karena saya lihat semua ikan sepat matanya merah-merah hilir mudik seperti mau berontak, jadi kami hanya ber siap-siap’.

Tambah pusinglah si kancil, dipangilah ikan sepat oleh kucing garong.

Kancil; ’ikan sepat jawab dengan jujur benar anda kemaren bermata merah, kenapa....’ gertak si kancil sambil memukul meja peridangan, ’kau tahu akibatnya..? melihat anda mata merah, udang hilir mudik bawa tombak dan senjata, siput pakai baju besi, monyet menabuh genderang perang dan berjoget anak rusa kemudian tidak sengaja menginjak anak biawan dan mati.’

Dengan gemetar ikan sepat menjawab;’ benar pak hakim kancil, mata kami kemaren memang merah, karena air sungai itu keruh karena di hulunya induk biawak mandi dengan tidak beraturan menyebabkan mata kami merah.’

Sambil pegang-pegang jengotnya yang hanya 4 lembar kancil mulai berkesimpulan bahwa yang salah adalah induk biawak itu sendiri.

Setelah bediskusi dengan hakim anggota si kancil membaca keputusan pengadilan kancil; ’biawak atas apa yang terjadi dan hasil penyelidikan kami bahwa anak rusa tidak bersalah yang bersalah adalah anda sendiri’.

Dengan berlinang air mata, induk biawak bertanya dengan terbata-bata, tolong jelaskan kenapa bisa jadi begini pak hakim.?

Dengan bijak kancil berkata;’ akibat anda mandi di hulu sungai dan kemudian airnya keruh, merahlah mata ikan sepat, udang kemudian membawa pedang dan tombak, siput siap-siap berperang dengan memakai baju besi, monyet menabuh genderang perang dan berjogetlah anak rusa, kemudian anak anda di injak’.

Dengan penjelasan ini sadarlah biawak bahwa memang dia salah....

(cerita ditutur oleh sebeiku ketika aku kelas 2 SD)