www.thiruma.in

அம்பேத்கார் கேலிச்சித்திரம் அச்சிடப்பட்ட பாடநூலை மாணவர்களிடம் விநியோகிப்பதற்கு தடை கேட்டு திருமாவளவன் வழக்கு மத்திய அரசுக்கு, ஐகோர்ட்டு நோட்டீஸ்

noreply@blogger.com (S R E E) — Thu, 31 May 2012 04:05:51 PDT

அம்பேத்கர் பற்றிய கேலிச்சித்திரம் (கார்ட்டூன்) அச்சிடப்பட்ட பாடநூலை மாணவர்களிடம் விநியோகிக்க தடை கேட்டு விடுதலைச் சிறுத்தைகள் கட்சித் தலைவர் தொல்.திருமாவளவன் தொடர்ந்த வழக்கில் பதிலளிக்கும்படி மத்திய அரசுக்கு நோட்டீஸ் பிறப்பித்து சென்னை ஐகோர்ட்டு உத்தரவிட்டது.

சென்னை ஐகோர்ட்டில் தொல்.திருமாவளவன் தாக்கல் செய்த மனுவில் கூறப்பட்டு இருப்பதாவது:-

இந்திய அரசியலமைப்புச் சட்டத்தை வடிவமைத்தவர் அம்பேத்கர். ஆனால் சி.பி.எஸ்.இ. 11-ம் வகுப்பு அரசியல் அறிவியல் பாடப்புத்தகத்தில் அவரையே அவமதிக்கும் வகையில் அம்பேத்காரின் கார்ட்டூன் படம் அச்சிடப்பட்டுள்ளது. அரசியலமைப்புச் சட்டம் என்ற நத்தையின் மேல் அம்பேத்கர் அமர்ந்திருக்க, பின்னால் நின்று கொண்டு பிரதமர் நேரு சாட்டையால் அதை அடித்து பணியை துரிதப்படுத்துவதுபோல் அந்த கார்ட்டூன் அமைந்துள்ளது.

காயப்பட்ட உணர்வுகள்

இந்த கேலிச்சித்திரம் மூலம், அரசியலமைப்புச் சட்டம் தாமதமாக உருவானதற்கு அம்பேத்கர் தான் காரணம் என்ற தவறான கருத்து மாணவர்களின் மனதில் பதியச் செய்துவிடும். இப்படி ஒரு மாமேதையை இழிவுபடுத்தும் வகையில் பாடப்புத்தகத்தில் அவரைப் பற்றிய கேலிச்சித்திரம் இடம்பெறுவதற்கு மத்திய அரசின் மனித வள மேம்பாட்டுத் துறைதான் பொறுப்பேற்க வேண்டும்.

அவர் சார்ந்த தலித் இன மக்களின் உணர்வுகளை காயப்படுத்தும் விதத்தில் இந்த கார்ட்டூன் அமைந்துள்ளது. எனவே கடந்த 10-ந் தேதி பாராளுமன்றத்தில் இதுபற்றி பேசினேன். உடனடியாக அதை திரும்பப் பெறவேண்டும் என்று கோரிக்கை விடுத்தேன். இதற்கு வருத்தம் தெரிவித்த மத்திய மந்திரி கபில்சிபல், அந்த படம் அச்சாகும் காலகட்டத்தில் சம்பந்தப்பட்ட துறைக்கு தான் மந்திரியாக இல்லை என்று பதிலளித்தார்.

வினியோகிக்கக் கூடாது

எளிதாக புரிய வைப்பதற்காக சிறு குழந்தைகளுக்குத்தான் கேலிச்சித்திரம் தேவைப்படும். ஆனால் 11-ம் வகுப்பு மாணவர்களுக்கு இப்படிப்பட்ட கேலிச்சித்திரத்தை படிக்கச் செய்வது உள்நோக்கம் கொண்டதாகத் தெரிகிறது.

தற்போது கோடை விடுமுறை முடிந்து பள்ளிக்கூடங்கள் திறக்க உள்ளன. இந்த நிலையில் அம்பேத்கார் பற்றிய கார்ட்டூன் அச்சடிக்கப்பட்ட பாடநூல்களை மாணவர்களிடம் விநியோகித்தால் அது எங்களை அதிகம் பாதிக்கும். கேலிச்சித்திரத்தை நீக்குவது குறித்து மத்திய மந்திரி உறுதிமொழி அளித்திருந்தாலும், அதுபற்றி எந்த நடவடிக்கையையும் இதுவரை எடுத்ததாகத் தெரியவில்லை.

எனவே அந்த கேலிச்சித்திரம் அடங்கியுள்ள பாடநூலை வெளியிடவோ, அதை மாணவர்களிடம் வினியோகிக்கவோ தடை விதித்து மத்திய மனிதவள மேம்பாட்டுத் துறைக்கு உத்தரவிட வேண்டும்.

இவ்வாறு அதில் கூறப்பட்டுள்ளது.

நோட்டீஸ்

இந்த மனுவை நீதிபதிகள் கே.வெங்கட்ராமன், சி.எஸ்.கர்ணன் ஆகியோர் விசாரித்தனர். இந்த மனு தொடர்பாக மத்திய அரசின் மனித வள மேம்பாட்டுத் துறை செயலாளர் 4 வாரங்களுக்குள் பதிலளிக்கும்படி நோட்டீஸ் பிறப்பிக்க நீதிபதிகள் உத்தரவிட்டனர்.

சோலை அவர்களின் மறைவு ஈடுசெய்ய முடியாதது! - தொல்.திருமாவளவன்

noreply@blogger.com (S R E E) — Tue, 29 May 2012 11:01:55 PDT

தமது பரபரப்பான அரசியல் கட்டுரைகளால் தமிழகத்தின் அரசியல் போக்கையே மாற்றிய

சோலை அவர்களின் மறைவு ஈடுசெய்ய முடியாதது!

தொல்.திருமாவளவன் இரங்கல்

தமிழகத்தின் மூத்த எழுத்தாளர்களில் ஒருவரும், பொதுவுடைமைச் சிந்தனையாளர் தோழர் ஜீவா, மறைந்த முதல்வர் எம்.ஜி.ஆர் ஆகியோரின் நம்பிக்கைக்குரியவராகவும் விளங்கிய சோலை அவர்கள் மரணமடைந்த செய்தி கேட்டு மிகுந்த அதிர்ச்சியும் வேதனையும் அடைகிறேன்.

காந்தி, காமராசர், கக்கன் ஆகியோரின் தூய்மையான பொதுவாழ்வினால் ஈர்க்கப்பெற்று, வினோபாபாவே அவர்களின் மாணாக்கராக பொதுவாழ்வில் ஈடுபட்ட சோலை அவர்கள், ஏழை, எளிய, ஒடுக்கப்பட்ட மக்களின் நல்வாழ்வுக்காகப் பாடுபட வேண்டுமென உறுதிபூண்டு இதழியல் துறையில் பணியாற்றத் தொடங்கினார். தமிழகத்தின் முன்னணி நாளிதழ்கள் மற்றும் வார இதழ்களில் சோலை அவர்கள் எழுதிய பரபரப்பான அரசியல் கட்டுரைகள் தமிழகத்தின் அரசியல் போக்கையே மாற்றியிருக்கிறது.

தம் படைப்புகளுக்காக பல்வேறு விருதுகளையும், பரிசுகளையும் பெற்ற சோலை அவர்களுக்கு, விடுதலைச் சிறுத்தைகள் கட்சி 2011ஆம் ஆண்டு 'காமராசர் கதிர்' விருதினை வழங்கிப் பாராட்டியதை இந்த நேரத்தில் நினைவு கூர்கிறோம்.

ஒடுக்கப்பட்ட மக்கள் மீதும், விடுதலைச் சிறுத்தைகள் கட்சி மீதும் மாறாப் பற்றுக்கொண்ட சோலை அவர்கள், ஏழை, எளிய, ஒடுக்கப்பட்ட மக்களின் நல்வாழ்வுக்காகவும், மேம்பாட்டுக்காகவும் தமது எழுத்தாற்றலைப் பயன்படுத்தியவர். 'காமராசர் கதிர்' சோலை அவர்களின் மறைவு ஈடுசெய்ய முடியாதது. அவருக்கு விடுதலைச் சிறுத்தைகள் கட்சி சார்பாக வீரவணக்கத்தைத் தெரிவித்துக்கொள்வதோடு, அவரை இழந்து வாடும் குடும்பத்தாருக்கும் நண்பர்களுக்கும் ஆறுதலைத் தெரிவித்துக்கொள்கிறோம்.

இவண்

தொல்.திருமாவளவன்

பெட்ரோல் விலை உயர்வை கண்டித்து மாட்டு வண்டியில் திருமாவளவன் போராட்டம்

noreply@blogger.com (S R E E) — Mon, 28 May 2012 03:42:50 PDT

பெட்ரோல் விலை உயர்வை கண்டித்து விடுதலை சிறுத்தைகள் கட்சி சார்பில் சென்னையில் நூதன முறையில் ஆர்ப்பாட்டம் நடந்தது. கட்சித் தலைவர் திருமாவளவன் எம்.பி. தீவுத்திடலில் இருந்து மாட்டு வண்டி ஒட்டியபடி மெமோரியல் ஹாலுக்கு ஊர்வலமாக வந்தார். அவருடன் மேலும் 2 மாட்டு வண்டிகளில் கட்சி நிர்வாகிகள் வந்தனர்.

பின்னர் மெமோரியல் ஹால் முன்பு நடந்த கண்டன ஆர்ப்பாட்டத்துக்கு திருமாவளவன் எம்.பி. தலைமை தாங்கினார். ஆர்ப்பாட்டத்தில் பெட்ரோல் விலை உயர்வை திரும்ப பெற வலியுறுத்தியும் மத்திய அரசை கண்டித்தும் கோஷங்கள் எழுப்பப்பட்டன.

பின்னர் திருமாவளவன் நிருபர்களிடம் கூறியதாவது:-

மத்திய அரசு ஆட்சிக்கு வந்து 3 ஆண்டுகளில் 18-வது முறையாக பெட்ரோல் விலையை உயர்த்தி உள்ளது. இந்த விலை உயர்வை உடனே திரும்ப பெற வேண்டும். மாநில அரசும் பெட்ரோல் மீதான வரியை குறைத்தால் ஓரளவு விலை குறையும். எனவே மாநில அரசும் வரியை குறைக்க நடவடிக்கை எடுக்க வேண்டும்.

பெட்ரோல் விலை உயர்வால் அடித்தட்டு மக்கள் பெரிதும் பாதிக்கப்பட்டுள்ளனர். வாகனங்கள் ஓட்ட முடியாத கற்கால நிலைமைக்கு மக்கள் தள்ளப்பட்டுள்ளார்கள்.இவ்வாறு அவர் கூறினார்.

ஆர்ப்பாட்டத்தில் வன்னியரசு, எஸ்.எஸ்.பாலாஜி, இரா. செல்வம், மடிப்பாக்கம் வெற்றிசெல்வன், இளஞ்செழியன், இளங்கோ உள்பட முண்ணனி பொறுப்பாளர்களும் சிறுத்தைத்தோழர்களும் கலந்து கொண்டனர்.

சி.பா. ஆதித்தனார் திருவுருவப் படத்திற்கு தொல்.திருமாவளவன் மலர் தூவி மரியாதை

noreply@blogger.com (S R E E) — Thu, 24 May 2012 10:31:51 PDT

சி.பா. ஆதித்தனார் அவர்களின் நினைவு நாளான இன்று (24-5-2012) மதுரையில் அவருடைய திருவுருவப் படத்திற்கு விடுதலைச் சிறுத்தைகள் கட்சித் தலைவர் தொல்.திருமாவளவன் மலர் தூவி மரியாதை செலுத்தினார்.

உடன் கட்சியின் முன்னணி நிர்வாகிகள் உள்ளனர்.

பெட்ரோல் விலை உயர்வைக் கண்டித்து தமிழகம் முழுவதும் விடுதலைச் சிறுத்தைகள் ஆர்ப்பாட்டம்!

noreply@blogger.com (S R E E) — Thu, 24 May 2012 10:13:19 PDT

மே 28, 29, 30 மூன்று நாட்கள்

பெட்ரோல் விலை உயர்வைக் கண்டித்து

தமிழகம் முழுவதும் விடுதலைச் சிறுத்தைகள் ஆர்ப்பாட்டம்!

தொல். திருமாவளவன் அறிக்கை

பெட்ரோல் விலை லிட்டருக்கு 7 ரூபாய் 50 காசுகள் அளவுக்கு திடீரென உயர்த்தப்பட்டுள்ளது. இந்திய அரசின் இந்த அறிவிப்பால் இந்திய அளவில் பெரும் கொந்தளிப்பு ஏற்பட்டுள்ளது. நாடாளுமன்றக் கூட்டத்தொடர் நிறைவுபெற்ற அடுத்த நாளே இந்த அறிவிப்பைச் செய்திருப்பது சூதும் சூழ்ச்சியும் நிறைந்த நடவடிக்கையாக அமைந்துள்ளது. நாடாளுமன்றத்தில் எதிர்க்கட்சிகள் கடும் எதிர்ப்பைத் தெரிவிப்பார்கள் என்கிற அச்சத்தினடிப்படையிலும் அரசியல் கட்சிகளையும் பொதுமக்களையும் மிகவும் எளிதாக ஏமாற்றிவிடலாம் என்கிற சதித் திட்டத்தோடும் இந்திய அரசு இவ்வாறு முடிவெடுத்துள்ளது என்பதை அறிய முடிகிறது. இந்தப் போக்கை விடுதலைச் சிறுத்தைகள் மிக வன்மையாகக் கண்டிக்கிறது.

ஐக்கிய முற்போக்குக் கூட்டணி-2 அரசு பொறுப்பேற்று கடந்த மூன்று ஆண்டுகளில் இதுவரை 18 முறை பெட்ரோல், டீசல் மற்றும் சமையல் எரிவாயு ஆகியவற்றின் விலைகளை உயர்த்தி சாதனை படைத்துள்ளது. இதனால் அடித்தட்டு மற்றும் நடுத்தர வகுப்பைச் சார்ந்த மக்கள் கடுமையான பொருளாதார நெருக்கடிகளுக்கு ஆளாகியுள்ளனர். சர்வதேசச் சந்தையில் நிலவும் கச்சா எண்ணெயின் விலை உயர்வைக் காரணம் காட்டி மக்கள் மீது விலை உயர்வு மற்றும் வரி உயர்வுகளைத் திணிப்பது மக்கள் விரோத நடவடிக்கையாகும். இத்தகைய நடவடிக்கைகளால் ஐக்கிய முற்போக்குக் கூட்டணி அரசு பரந்துபட்ட வெகுமக்களிடையே நன்மதிப்பு மற்றும் நம்பிக்கையை பெருமளவில் இழந்துள்ளது. இத்துடன் இந்திய அரசு டீசல் மற்றும் சமையல் எரிவாயு விலையினையும் ஓரிரு நாட்களில் உயர்த்தப்போவதாக செய்திகள் வெளியாகியுள்ளன. இது மேலும் இந்திய அரசின் மீதான நம்பிக்கையை இழக்கச் செய்யும். எனவே பெட்ரோலின் விலை உயர்வை முழுமையாகத் திரும்பப் பெறுவதுடன், டீசல் மற்றும் சமையல் எரிவாயு ஆகியவற்றின் விலையை உயர்த்தும் முடிவையும் முற்றிலும் கைவிடவேண்டுமெனவும் விடுதலைச் சிறுத்தைகள் வற்புறுத்துகிறது.

இந்திய அரசின் இந்த மக்கள் விரோதப் போக்கைக் கண்டித்து விடுதலைச் சிறுத்தைகள் சார்பாக எதிர்வரும் மே 28, 29, 30 ஆகிய மூன்று நாட்கள் தமிழகம் தழுவிய அளவில் கண்டன ஆர்ப்பாட்டங்கள் நடைபெறும்.

இவண்

தொல்.திருமாவளவன்

இணையதள விசிக நண்பர்களின் ”கலந்தாய்வுக் கூட்டம்”

noreply@blogger.com (S R E E) — Thu, 24 May 2012 10:59:34 PDT

இணையதள விசிக நண்பர்களின் ”கலந்தாய்வுக் கூட்டம்” இன்று (20.05.2012) காலை 12 மணியளவில் தேனாம்பேட்டை SIET கல்லூரி அருகில் தலைவர் திருமாவின் தலைமையில் நடைபெற்றது. சைதை பாலாஜி இக்கூட்டத்தை ஒருங்கிணைத்தார். தீடீரென கூட்டப்பட்ட இந்நிகழ்வில் 100க்கும் மேற்பட்ட இணையதள சிறுத்தைகளும் கட்சியின் முண்ணனி பொறுப்பாளர்களும் கலந்து கொண்டனர். பயனுள்ள பல தகவல்களை பல்வேறு பகுதிகளில் இருந்து வந்திருந்த தோழர்களும் கட்சியின் முக்கிய நிர்வாகிகளும் பகிர்ந்துகொண்டனர் . இது ஒரு அறிமுக நிகழ்வாகவே கூட்டப்பட்டிருந்தது.

அடுத்த மாதம் இரண்டாம் வாரத்தில் தமிழக முழுக்க உள்ள இணையதள சிறுத்தைகளை ஒன்றிணைத்து ஒரு கலந்தாய்வு நிகழ்வை ஏற்பாடு செய்யவும் அந்நிகழ்வில் நமது அடுத்த கட்ட நகர்வுகள் எவ்வாறு இருக்க வேண்டும் என்பது பற்றியும் விரிவாக பேசப்படும் என்றும் தெளிவான தோழர்களை கொண்டு ”இணையதள நண்பர்கள் குழு” ஒன்று உருவாக்கப்படும் என்றும் இன்றைய நிகழ்வில் தலைவரால் தெரிவிக்கப்பட்டது.

இந்நிகழ்விற்கு கவுதம சன்னா, சேகுவேரா , அறிவமுதன் ஆகியோர் முன்னிலை வகித்தனர். நிகழ்வில் திருவள்ளூர் மாவட்ட செயலாளர் பாலசிங்கம், போராளி பார்வேந்தன், கடலூர் மாவட்ட செயலாளர் தாமரைச்செல்வன், வழக்குறைஞர் எழில் கரோலின், ஆளுர் சானவாஸ், மற்றும் கட்சியின் முண்ணனி மாநில மாவட்டப்பொருப்பாளர்கள் கலந்துகொண்டார்கள்.

எழுச்சித் தமிழர் மேன்மையாளர் அவர்களின் தலைமையில் நடைபெற்ற இணையதள தோழர்கள் ஒருகிணைப்பிக்கான முதற்நிலை கலந்தாய்வு கூட்டத்தில், தலைவர் அவர்களின் அறிவிப்புகள்.

1).விடுதலைச் சிறுத்தைகளுக்கென்று அதிகாரபூர்வமான இலச்சினையோடு ஒரு முகநூல் விலாசம் மற்றும் இணைய சமூக வலைதளங்களுக்கான செயல்கட்டுபாடிற்கும் வழிகாட்டுதலுக்கும் ஒரு குழு அமைக்கப்படும்.

2)அணைத்து இணையதள தோழர்களையும் ஒருங்கிணைத்து ஒரு கூட்டம் விரைவில் எனது ( தலைவர் மேன்மையாளர் ) தலைமையில் நடைபெறும்.

3)அதன் தொடர்ச்சியாக ஒவ்வொரு இரண்டாம் ஞாயிற்றுகிழமையும் இணையதள தோழர்கள் கூட்டம் நடைபெறும்.

தனித்தமிழீழம் அமைய பொது வாக்கெடுப்பு நடத்த வேண்டும்! தொல்.திருமாவளவன் தலைமையில் நடைபெற்ற வீரவணக்க நிகழ்வில் தீர்மானம்

noreply@blogger.com (S R E E) — Fri, 18 May 2012 13:44:49 PDT

தனித்தமிழீழம் அமைய பொது வாக்கெடுப்பு நடத்த வேண்டும்!

தொல்.திருமாவளவன் தலைமையில் நடைபெற்ற வீரவணக்க நிகழ்வில் தீர்மானம்

முள்ளிவாய்க்காலில் சிங்கள இனவெறியர்களால் இலட்சக்கணக்கான தமிழர்கள் கொன்று குவிக்கப்பட்ட மே 18ஆம் நாளை "சர்வதேச இனப்படுகொலை நாளாக' அறிவித்து, விடுதலைச் சிறுத்தைகள் ஒவ்வோர் ஆண்டும் கடைப்பிடித்து வருகின்றனர்.

அந்த வகையில், கொல்லப்பட்ட இலட்சக்கணக்கான தமிழர்களுக்கு வீரவணக்கம் செலுத்தும் நிகழ்வு, சென்னை பெரியார் திடலில் இன்று (18-5-2012) நடைபெற்றது. மாலை 6 மணியளவில் நிகழ்ச்சி தொடங்கியது. கட்சியின் தலைவர் தொல்.திருமாவளவன் மேடையில் வைக்கப்பட்டிருந்த நினைவுப் பதாகைக்கு மலர் தூவி மரியாதை செலுத்தினார். பின்னர் அனைவரும் 2 நிமிடம் எழுந்து நின்று மௌன அஞ்சலி செலுத்தினார்கள்.

மையச் சென்னை மாவட்டச் செயலாளர் வழக்கறிஞர் வீரமுத்து வரவேற்புரையாற்றினார். கட்சியின் முன்னணி நிர்வாகிகள் ஆற்றலரசு, வன்னிஅரசு, கவுதமசன்னா, பாவலன், பார்வேந்தன், இளஞ்சேகுவேரா, ஆளூர் ஷா நவாஸ், சிபிசந்தர், எஸ்.எஸ். பாலாஜி, ஆகியோர் உரையாற்றியபின் கட்சியின் தலைவர் தொல். திருமாவளவன் தீர்மானங்களை முன்மொழிந்தார்.

1. 2009ஆம் ஆண்டின் முற்பகுதி மே 18 வரை வன்னிப் பெருநிலத்தில் சிங்கள இனவெறியர்கள் தமிழினத்திற்கெதிராக நடத்திய இனஅழிப்புப் போரில் படுகொலை செய்யப்பட்ட விடுதலைப்புலிகள் மற்றும் பல்லாயிரக்கணக்கான பொதுமக்கள் யாவருக்கும் சர்வதேச இனப்படுகொலை நாளான இன்று விடுதலைச் சிறுத்தைகள் தமது செம்மாந்த வீரவணக்கத்தைச் செலுத்துகிறது.

2. முள்ளிவாய்க்கால் பேரவலத்திற்குப் பின்னர், போர் முடிந்து விட்டதாகவும் புலிகளை அழித்துவிட்டதாகவும் இராஜபக்சே கும்பல் அறிவித்தாலும், தமிழினத்திற்கு எதிரான ஒடுக்குமுறையை இன்னும் கைவிடவில்லை. இளைஞர்கள், இளம்பெண்கள், ஊடகவியலாளர்கள், கிறித்துவப் பாதிரியார்கள் மற்றும் சிங்கள சனநாயகச் சக்திகள் போன்ற ஏராளமானோரைத் தொடர்ந்து கடத்திச் செல்வதும் படுகொலை செய்வதும் போன்ற கொடுமைகள் நீடித்து வருகின்றன. அத்துடன், பாலியல் வல்லுறவுகள் போன்ற திட்டமிட்ட கலாச்சாரச் சீரழிவுகள் திணிக்கப்பட்டு வருகின்றன. சிங்களர் குடியேற்றம், சிங்களர் படைத் தளங்கள், பௌத்த விகார்கள் போன்ற நடவடிக்கைகளின் மூலம் தமிழர்களின் தாயகம் ஆக்கிரமிக்கப்படுவதும் தொடர்கிறது. இத்தகைய சிங்களப் பௌத்தப் பேரினவாத ஒடுக்குமுறைகளைத் தடுத்து நிறுத்தவும், ஆக்கிரமிப்புகளை அகற்றவும், தமிழினத்திற்குரிய பாதுகாப்பை வழங்கவும் இந்தியப் பேரரசு உரிய நடவடிக்கைகளை மேற்கொள்ள வேண்டுமென விடுதலைச் சிறுத்தைகள் வற்புறுத்துகிறது.

3. இலங்கைத் தீவில் அரை நூற்றாண்டுக்கும் மேலாகத் தொடரும் இனச்சிக்கலுக்கு ஒரே தீர்வு - நிலையான தீர்வு - தமிழீழம் அமைவது மட்டுமே ஆகும் என்பதை விடுதலைச் சிறுத்தைகள் தொடர்ந்து வலியுறுத்தி வருகிறது. தமிழக அளவிலும் இந்திய அளவிலும் இயங்கி வருகிற சில அரசியல் கட்சிகள், "சிங்களரின் ஆட்சியில் தமிழர்களுக்கு உரிமைகள்' என்கிற வகையில் கருத்துக்களைப் பரப்பி வருகின்றன. அண்மையில், திருமதி சுஷ்மா ஸ்வராஜ் தலைமையில் இலங்கை சென்று வந்த நாடாளுமன்ற உறுப்பினர்கள் குழுவும் அதே கருத்தை வெளியிட்டுள்ளது. இது மிகுந்த அதிர்ச்சியையும் வேதனையையும் அளிக்கிறது.

இந்நிலையில், ஈழ மண்ணிலும், உலக நாடுகளிலும் வாழ்ந்துகொண்டிருக்கிற ஈழத் தமிழர்களிடையே தமிழீழம் அமைவது தொடர்பாக "பொது வாக்கெடுப்பு' நடத்திட வேண்டுமென இந்தியா உள்ளிட்ட அனைத்துலக நாடுகளையும் ஐ.நா. பேரவையினையும் விடுதலைச் சிறுத்தைகள் வற்புறுத்திக் கேட்டுக்கொள்கிறது.

4. விடுதலைப் புலிகள் என்ற அய்யத்தின் பேரில், ஏறத்தாழ பனிரெண்டாயிரம் பேர், குறிப்பாக இளைஞர்கள் மற்றும் இளம்பெண்கள், புலிகளின் முன்னணித் தலைவர்களோடு சிறைப்படுத்தப்பட்டனர். அவர்கள் அனைவரும் கொடூரமான வதைகளுக்கு ஆளாக்கப்பட்டு வருவதாகவும், படுகொலைகள் செய்யப்படுவதாகவும் ஊடகங்களின் வழியாக தகவல்கள் வெளியாகி வருகின்றன. இந்நிலையில், கொட்டடிச் சிறைகளில் கொடுமைகளுக்குள்ளாகும் அனைவரையும் மீட்பதற்குரிய நடவடிக்கைகளை மேற்கொள்ள வேண்டுமென ஐ.நா. பேரவைக்கும் சர்வதேச மனித உரிமை அமைப்புகளுக்கும் விடுதலைச் சிறுத்தைகள் வேண்டுகோள் விடுக்கிறது.

மேற்கண்ட 4 தீர்மானங்களையும் முன்மொழிந்தவுடன் அவற்றை நிறைவேற்றும்விதமாக அனைவரும் பலத்த கையொலி எழுப்பினர்.

நிறைவாக, தொல். திருமாவளவன் வீரவணக்க உரை நிகழ்த்தினார். தமிழீழ விடுதலைப் போருக்கு ஆதரவாக கடந்த கால் நூற்றாண்டு காலமாக விடுதலைச்சிறுத்தைகள் உறுதியாகக் களமாடி வருகிறது. ஆனால், தற்போது சிலர் விமர்சிப்பதை ஒரு பொருட்டாகக் கருதாமல், தமிழீழம் என்ற ஒரு தனி நாட்டில் தமிழீழக் கொடி ஏற்றப்படும் வரை விடுதலைச் சிறுத்தைகள் விடுதலைப் புலிகளாய் இருந்து களப்பணி ஆற்றுவோம் என்று தமது உரையில் குறிப்பிட்டார்.

நிகழ்ச்சியை இரா. செல்வம் தொகுத்து வழங்கினார். கட்சியின் முன்னணி நிர்வாகிகள் உள்பட விடுதலைச் சிறுத்தைகள் ஏராளமானோர் கலந்துகொண்டனர்.

மக்களவை 60ஆம் ஆண்டு சிறப்பு அமர்வில் தொல்.திருமாவளவன் உரை!

noreply@blogger.com (S R E E) — Mon, 14 May 2012 06:26:01 PDT

புரட்சியாளர் அம்பேத்கர் அவர்களை 'அரசியலமைப்புச் சட்டத்தின் தந்தை' எனச் சிறப்பித்து நாடாளுமன்றத்தில் தீர்மானம் நிறைவேற்ற வேண்டும்!

மக்களவை 60ஆம் ஆண்டு சிறப்பு அமர்வில் தொல்.திருமாவளவன் உரை!

இந்திய நாடாளுமன்றத்தின் 60ஆம் ஆண்டு நிறைவையொட்டி 13-5-2012 ஞாயிற்றுக்கிழமை நாடாளுமன்றத்தின் இரு அவைகளிலும் சிறப்பு அமர்வு நடைபெற்றது.

இந்தியா குடியரசு நாடாக அறிவிக்கப்பட்ட பின்னர் 13-5-1952 அன்று மக்களவை மற்றும் மாநிலங்களவையின் முதல் கூட்டம் நடைபெற்றது. அன்று தொடங்கிய நாடாளுமன்ற அமர்வுகள் 60 ஆண்டுகளைக் கடந்துள்ள நிலையில் அதனைக் கொண்டாடும் விதமாக இந்தச் சிறப்புக் கூட்டம் நடைபெற்றது.

வழக்கமாக காலை 11 மணியளவில் தொடங்கும் கேள்வி நேரம் தவிர்க்கப்பட்டு நாட்டுப்பண்ணுடன் சிறப்பு அமர்வு தொடங்கியது. மக்களவைத் தலைவர் திருமதி மீரா குமார் அவர்கள் நாடாளுமன்றக் கூட்டத்தின் 60ஆம் ஆண்டு அமர்வைக் கொண்டாடுவதற்கான பின்னணிகளைப் பற்றிப் பேசினார். அதனைத் தொடர்ந்து நாடாளுமன்றக் கட்சிகளின் முன்னணித் தலைவர்கள் உரையாற்றினர். ஏறத்தாழ ஐந்தேகால் மணி நேரம் நடைபெற்ற இந்தச் சிறப்பு அமர்வில் 41 பேர் உரையாற்றினர்.

விடுதலைச் சிறுத்தைகளின் தலைவர் தொல்.திருமாவளவன் பிற்பகல் சுமார் 3 மணியளவில் உரையாற்றினார்.

அவரது உரையின் சுருக்கம் பின்வருமாறு:

"மாண்புமிகு பேரவைத் தலைவர் அவர்களே, நாடாளுமன்றத்தின் முதல் அமர்வு தொடங்கி

60 ஆண்டுகள் நிறைவுபெற்றதைக் கொண்டாடும் வகையில் நடைபெற்றுக் கொண்டிருக்கிற இந்தச் சிறப்புக் கூட்டத்தில் பேசுகிற வாய்ப்பை எனக்கு வழங்கியமைக்காக முதலில் என்னுடைய நன்றியைத் தெரிவித்துக்கொள்கிறேன்.

இந்தியா உலகின் மிகப்பெரிய ஜனநாயக நாடு என்று நாம் பெருமையோடு கூறுவதற்கு நமது அரசியலமைப்புச் சட்டமே காரணமாகும். அத்தகைய பெருமைக்குரிய அரசியலமைப்புச் சட்டத்தை தனி ஒரு ஆளாக நின்று, அல்லும் பகலும் அரும்பாடுபட்டு, கண் துஞ்சாமல் உழைத்து, நமக்கு வகுத்துத் தந்தவர் புரட்சியாளர் அம்பேத்கர் அவர்களே ஆவார். அத்தகைய பெருமைக்குரிய தலைவரை இந்திய அரசு, இந்திய நாடு உரிய முறையில் மதிக்கத் தவறிவிட்டது. நாடெங்கிலும் அவருடைய திருவுருவச் சிலைகள் மற்றும் அவருடைய திருவுருவப் படங்கள் அவமதிக்கப்படும் நிலை உள்ளது. அவருடைய படத்தின் மீது சாதி வெறியர்கள் சாணியடிக்கும் கேவலம் உள்ளது.

இத்தகைய போக்குகளைத் தடுக்க வேண்டும் என்பதோடு இந்த அவையில் புரட்சியாளர் அம்பேத்கர் அவர்களை 'இந்திய அரசியலமைப்புச் சட்டத்தின் தந்தை' என்று சிறப்பித்து தீர்மானம் நிறைவேற்ற வேண்டும் என்றும் கேட்டுக்கொள்கிறேன். தேசத்தின் தந்தை காந்தி என்பதைப் போல 'அரசியலமைப்புச் சட்டத்தின் தந்தை புரட்சியாளர் அம்பேத்கர்' என்பதை அதிகாரப்பூர்வமாக அறிவிக்க வேண்டுகிறேன்.

நமது ஜனநாயகம் 'பங்கேற்பு ஜனநாயகத்தை' அடிப்படையாகக் கொண்டது. இந்தியச் சமூகத்தில் உள்ள அனைத்துப் பிரிவினரையும் - குறிப்பாக தலித்துகள், சிறுபான்மையினர், பெண்கள் போன்ற அனைவரையும் - நாம் அரவணைக்க வேண்டும். இடஒதுக்கீட்டு முறையானது நமது ஜனநாயகத்தை வலிமைப்படுத்தும் ஓர் அளவுகோலாகும். உலகமயமாதல் நடைபெற்றுவரும் இச்சூழலில் தலித்துகள் மேலும் மேலும் விளிம்பு நிலைக்கு தள்ளப்படும் நிலை உருவாகி வருகிற இவ்வேளையில், தனியார் துறைகளில் இடஒதுக்கீடு வழங்குவது நமது ஜனநாயகத்தின் மிக முக்கியமான தேவையாக உள்ளது. எனவே இந்திய அரசு அதற்கேற்ற வகையில் ஒரு சட்டம் இயற்ற வேண்டும்.

புரட்சியாளர் அம்பேத்கர், "இந்திய அரசியலமைப்புச் சட்டம் அமைதிச் சூழலிலும் போர்ச் சூழலிலும் இந்தியாவை ஒருங்கிணைந்த நாடாக வைத்திருக்கக்கூடிய அளவுக்கு நெகிழ்வுள்ளதாகவும், வலிமை பெற்றதாகவும் உள்ளது" என்று குறிப்பிட்டுள்ளார். இந்தியாவில் பல மொழி பேசுகிற பல்வேறு தேசிய இனங்கள் இருந்தாலும், இந்தியா இன்னும் ஒற்றுமையாய் இருப்பதற்கு இந்திய அரசியலமைப்புச் சட்டமே காரணமாகும். இந்நிலையில், இந்தியாவில் உள்ள ஒவ்வொரு மொழிக்கும், ஒவ்வொரு தேசிய இனத்திற்கும் உரிய மதிப்பையும் அதிகாரங்களையும் இந்திய அரசு வழங்க வேண்டும்.

உலகின் மூத்த மொழியான தமிழ்மொழி சமஸ்கிருதத்தைப் போலவே உயர்தனிச் செம்மொழியாகும். இந்தி மொழிக்குத் தருகிற முக்கியத்துவத்தை தமிழ் மொழிக்குத் தர அரசு தயங்குவது ஏன்? தமிழகத்தைச் சேர்ந்த நாடாளுமன்ற உறுப்பினர்கள் திரு. கணேசமூர்த்தி மற்றும் திரு. தம்பிதுரை ஆகியோர் கூறியதைப் போல தமிழையும் இந்தியாவின் ஆட்சி மொழியாக்க வேண்டும் என கேட்டுக்கொள்கிறேன். தமிழ் மட்டுமின்றி இந்தியாவில் அங்கீகரிக்கப்பட்டுள்ள 21 தேசிய மொழிகளையும் ஆட்சி மொழியாக அறிவிக்க வேண்டும்.

அதிகாரங்களை ஓரிடத்தில் குவிப்பது தேசத்திற்குத் தீங்குகளை விளைவிக்கும். ஆகவே, மாநில அரசுகளுக்கு அதிகாரங்களைப் பரவலாக்க வேண்டும். குறிப்பாக, ஒவ்வொரு தேசிய இனத்திற்குமுள்ள சுயநிர்ணய உரிமையை அனுமதிக்க வேண்டும்.

மேலும், ஈழத்தில் வாழும் எமது தமிழ்ச் சொந்தங்களை இந்திய அரசு உண்மையிலேயே பாதுகாக்க வேண்டுமானால், அதற்கு தனி ஈழம் ஒன்றே தீர்வாகும். எனவே, ஈழத் தமிழர்களுக்கு சர்வதேசச் சமூகத்தின் ஆதரவோடு தமிழீழத்தை மீட்டுத் தரவேண்டுமெனக் கேட்டு நிறைவு செய்கிறேன்.

இவ்வாறு தொல்.திருமாவளவன் மக்களவையில் பேசினார்.

"அந்த கார்ட்டூன் அம்பேத்கரை அவமதிக்கிறது" - BBC யில் திருமா

noreply@blogger.com (S R E E) — Sun, 13 May 2012 02:31:15 PDT

பி.பி.சி தமிழோசைக்கு தலைவர் திருமா அளித்த நேர்காணல் :

"அந்த கார்ட்டூன் அம்பேத்கரை அவமதிக்கிறது"

கடைசியாக பிரசுரிக்கப்பட்டது: 12 மே, 2012 - 18:57 ஜிஎம்டி

மீடியா பிளேயர்

மாற்று மீடியா வடிவில் இயக்க

இந்தியாவில், மத்திய அரசின் பாடத்திட்டத்தின் பாடப்புத்தகத்தில் வெளியிடப்பட்ட அரசியல் சட்ட உருவாக்கம் தொடர்பான கார்ட்டூன் அம்பேத்கரை அவமானப்படுத்துவதாக கூறுகிறார் விடுதலை சிறுத்தைகள் கட்சியின் தலைவர் திருமாவளவன்

புரட்சியாளர் அம்பேத்கர் குறித்த விவாதத்தில் திருமா ஆவேசம் (காணொளி)

noreply@blogger.com (S R E E) — Sat, 12 May 2012 15:06:50 PDT

தொடர்புள்ள செய்தி :

மனிதவள மேம்பாட்டுத்துறை அமைச்சர் பதவி விலக வேண்டும்!- நாடாளுமன்றத்தில் தொல்.திருமாவளவன் முழக்கம்

noreply@blogger.com (S R E E) — Fri, 11 May 2012 10:19:17 PDT

சிபிஎஸ்இ பாடத்திட்டத்தின் கீழ் பயிலும் மாணவர்களுக்கான பாடப்புத்தகங்களை, என்சிஇஆர்டி எனப்படும் தேசிய கல்வி ஆராய்ச்சி மற்றும் பயிற்சிக் கவுன்சில் (National Council Of Educational Research And Training-NCERT) தயாரித்துள்ளது.

அது தயாரித்து அளித்த 11 வது வகுப்பு மாணவர்களுக்கான அரசியல் விஞ்ஞான (பொலிட்டிகல் சயின்ஸ்) பாடப் புத்தகத்தில்,பாபா சாகிப் அம்பேதக்ர் குறித்த கார்ட்டூன் ஒன்று இடம்பெற்றுள்ளது.

அந்த கார்ட்டூன்,இந்தியாவின் அரசியல் சாசனத்தை தயாரிக்கும் பணி நடைபெற்றபோது, அது மிக மெதுவாக நடைபெற்று வந்ததாகவும்,இதற்காக அம்பேத்கர் 3 ஆண்டுகள் எடுத்துக்கொண்டார் என்பதுபோன்றும் அர்த்தம் தொனிக்கும் வகையில் வரையப்பட்டுள்ளதோடு,அரசியல் சாசனம் என்ற நத்தை மீது அம்பேத்கர் அமர்ந்திருப்பது போன்றும்,அந்த நத்தையை வேகமாக செல்ல் வைப்பதற்காக இந்தியாவின் முதல் பிரதமர் ஜவஹர்லால் நேரு,அதனை சவுக்கால் அடிப்பது போன்றும் அதில் சித்தரிக்கப்பட்டுள்ளது.

இன்று காலை அவை கூடியதும்,விடுதலைக் கட்சித் தலைவர் திருமாவளவன் அவையின் மையப்பகுதிக்கு சென்று,என்சிஇஆர்டி தயாரித்த பாடப்புத்தகத்தில் அம்பேதகர் இழிவுப்படுத்தப்பட்டுள்ளதாக கூறி,அது தொடர்பான வாசகங்கள் அடங்கிய அட்டையை கையில் பிடித்தபடி பாடத்திட்டத்தில் வரையப்பட்டுள்ள கேலிச்சித்திரத்தை (Cartoon) நீக்கக்கோரியும் அப்புத்தகத்தை வெளியிட்ட என்சிஇஆர்டி நிறுவனத்தைச் சார்ந்த அதிகாரிகள் மீது நடவடிக்கை எடுக்க வலியுறுத்தியும் மனிதவள மேம்பாட்டுத்துறை அமைச்சர் பதவி விலக கோரியும் பிரச்னை எழுப்பினார்.

அவருக்கு ஆதரவாக மேலும் பல உறுப்பினர்களும் குரல் கொடுத்ததால்,அவையில் கடும் அமளி நிலவியது. இதையொட்டி இன்று நாடாளுமன்றம் 3 முறை கூடி நாள் முழுவதும் ஒத்திவைக்கப்பட்டது.

இதனிடையே குறிப்பிட்ட அந்த கார்ட்டூன் பிரச்னை குறித்து மக்களவையிலும்,மாநிலங்களவையிலும் பதிலளித்துப் பேசிய மத்திய மனிதவள மேம்பாட்டுத் துறை அமைச்சர் கபில் சிபல், இந்த கார்ட்டூன் வெளியிடப்பட்டதற்காக தாம் அதற்காக மன்னிப்பு கோருவதாகவும் தானும் தன் கட்சியை சேர்ந்தவர்களும் அண்ணல் அம்பேத்கரை மிகவும் மதிப்பதாகவும் தெரிவித்தார்.

ஆட்சேபகரமான அந்த கார்ட்டூனை பாடப்புத்தகத்திலிருந்து நீக்க தாம் உத்தரவிட்டுள்ளதாகவும்,எதிர்காலத்தில் இதுபோன்ற செயல்கள் இடம்பெறாதவாறு பார்த்துக்கொள்ளப்படும் என்று தாம் உறுதி அளிப்பதாகவும் தெரிவித்தார்.

கூடங்குளத்தில் அதிரடிப்படை குவிப்பு காவல்துறையை விலக்கிக்கொண்டு தமிழக அரசு உடனடியாக பேச்சுவார்த்தை நடத்த திருமாவளவன் வலியுறுத்தல்!

noreply@blogger.com (S R E E) — Thu, 10 May 2012 09:17:34 PDT

கூடங்குளம் அணுமின்நிலையத் திட்டத்தை நிறுத்த வலியுறுத்தி கடந்த 9 மாதங்களாக அப்பகுதிப் பொதுமக்கள் இடிந்த கரையில் அறவழியிலான போராட்டத்தை நடத்தி வருகின்றனர். இதனால் அவர்கள் வேலை இழந்தும், வருமானம் இழந்தும் பல்வேறு இன்னல்களுக்கு ஆளாகியுள்ளனர். உலகமே வியந்து பார்க்கக்கூடிய இத்தகைய அறவழியிலான போராட்டத்தில் ஈடுபட்டுள்ள போராட்டக்காரர்களை மைய, மாநில அரசுகள் இதுவரை சந்தித்து பேச்சுவார்த்தை நடத்தவில்லை. அங்கு அனுப்பப்பட்ட ஆய்வுக் குழுவினர்கூட போராட்டத்திற்குத் தொடர்பில்லாதவர்களைச் சந்தித்து அவர்களின் கருத்தையே பெரும்பான்மைக் கருத்தாகப் பதிவுசெய்துவிட்டுப் போய்விட்டார்கள்.

இந்நிலையில் தற்போதுகூட 300க்கும் மேற்பட்ட பெண்கள் தொடர் உண்ணாநிலை அறப்போராட்டத்தில் ஈடுபட்டு வருகின்றார்கள். இத்தகைய போராட்டம் என்பது அப்பகுதி மக்களின் வாழ்வாதாரத்தைப் பாதுகாக்கும் போராட்டமாகவே வடிவெடுத்துள்ளது. ஆனால், அதனையெல்லாம் பொருட்படுத்தாத மைய, மாநில அரசுகள் தற்போது திடீரென பெருமளவில் அதிரடிப்படையை இறக்கி அறவழியில் போராடிவரும் பொதுமக்களைச் சுற்றி வளைத்துக் கைது செய்வதற்கான முயற்சியில் இறங்கியுள்ளன. இத்தகைய போக்கு என்பது பொதுமக்களுக்கு அரசு மீது உள்ள நம்பகத்தன்மை மென்மேலும் இழப்பதற்கான வாய்ப்பாகவே அமையும். மேலும் காவல்துறையினர், போராட்டக் குழுவினரை சமூக விரோதிகள்போல் சித்தரிப்பதும், அவர்களின் கடவுச்சீட்டை முடுக்குவதும் மனித உரிமை மீறலாகும். இதனை விடுதலைச் சிறுத்தைகள் வன்மையாகக் கண்டிக்கிறது.

எனவே, பொதுமக்களின் உணர்வுகளுக்கு மதிப்பளிக்கும் வகையிலும், நீண்ட நெடிய போராட்டத்திற்குத் தீர்வு காணும் வகையிலும் அங்கு குவிக்கப்பட்டுள்ள அதிரடிப்படையை விலக்கிக்கொண்டு போராட்டக்காரர்களுடன் உடனடியாக அரசு தரப்பில் பேச்சுவார்த்தை நடத்தி, அப்பகுதியில் அமைதி நிலவ தமிழக அரசு முயற்சிக்க வேண்டுமென விடுதலைச் சிறுத்தைகள் கேட்டுக்கொள்கிறது.

தலித் உட்பிரிவுகளை ஒன்றிணைப்பது ஒடுக்கப்பட்டோர் ஒற்றுமையை குலைக்கும் -தொல்.திருமாவளவன்

noreply@blogger.com (S R E E) — Thu, 10 May 2012 05:05:43 PDT

இந்து நாளேட்டில் வந்துள்ள தலைவரின் நேர்காணல்:

விளிம்புநிலை மக்கள் அனைவரும் தங்களை "தலித்"என்றோ "சாதி அற்றவர்"என்றோ மக்கள் தொகை கணக்கு எடுப்பவர்களிடம் அறிவியுங்கள்.தலித்துகள் தங்களை பள்ளர் ,பறையர்,அருந்ததியர்,,மற்றும் இன்னபிற சாதியாக பதியும்போது சமூக நீதி அடிப்படையில் வழங்கப்பெறும் நமக்கான சலுகைகளில் நாம் பின்தங்கி விடுவோம்.அப்படி பதிவு செய்வதால் நமக்குள்ளான ஏற்றத்தாழ்வுகளை நாமே உருவாக்கிக்கொண்டு நாம் சண்டையிட்டு கொள்ளவேண்டும் என்பதே ஆதிக்கவாதிகளின் எண்ணம்.

இதே கருத்தை 1881 ஆம் ஆண்டே தலித் அறிவுஜீவி தலத்தில் இயங்கிகொண்டு இருந்த அய்யா அயோத்திதாச பண்டிதர் அவர்கள் மக்கள் தொகை கணக்கெடுப்பின்போது தெருவித்தார்.சாதிபெயறாய் பதிவதில் தங்கள் கட்சியின் நிலைப்பாட்டை தி.மு.க ,தி.க,மற்றும் இடது சாரிகள் வெளியிட வேண்டும்.திராவிட இயக்கங்கள் தீண்டாமை எதிர்ப்புக்காகவே உருவாக்கப்பட்டவை.

"நேர்கொண்ட சிந்தனையோடு ,தாங்கள் தலித் இல்லை "என்ற உணர்வோடு தலித்துகள் தேசிய கட்சிகளில் இணைந்து செயல்பட வேண்டும் என்று அழைக்கும் மத்திய உள்துறை அமைச்சரின் கூற்று புரட்சியாளர் அம்பேத்கரின் "தலித்துகளின் ஒற்றுமை" என்ற கருத்தோட்டதிற்கு எதிரானது.தலித்துகள் ஒரு அரசியல் சக்தியாவதை தடுப்பதற்கான உத்தியே இது.இளையபெருமாள்,அருணாசலம்,மரகதம் சந்திரசேகர் போன்ற ஒருசில தலித்துகள் தான் காங்கிரஸ் கட்சியால் வளர்ந்துள்ளனர்,இவர்களால் தலித் சமூகத்திற்கு எந்த பயனும் இல்லை.
தமிகத்தில் உள்ள சில பெரியாரியவாதிகளும்,தமிழ்தேசிய வாதிகளும் தமிழகத்தின் நவீன அரசியல் வரலாறுகளில் இருந்து சமூக நீதிக்காக பாடுபட்ட ரெட்டைமலை ஸ்ரீநிவாசன் ,எம்.சி.இராஜா,என்.சிவராஜ்,மீனாம்பாள் சிவராஜ் போன்றோரை மறைத்து ,இருட்டடிப்பு செய்வது எனக்கு அதிர்ச்சியாக உள்ளது என்று எழுச்சி தமிழர் தனது மன வேதனையை வெளிப்படுத்தி உள்ளார்.

“Fusing Dalit sub-sects will impair unity among oppressed”

At a time when several castes in Tamil Nadu are keen on consolidating their numbers in the ongoing caste census by asking members to shed their sub-sect identities and instead identify with the substantive grouping they belong to, prominent Dalit leader Thol. Thirumavalvan is sceptical about whether such a move would be relevant for Dalits.

“Only if the marginalised registered themselves as Dalits or ‘casteless people' can they have an impact and become a potent political force,” Mr. Thirumavalavan, MP and president, Viduthalai Chiruthaigal Katchi (VCK) said in an interview to The Hindu . If members of the Dalit community neglect their sub-sects and go for registration under their substantive caste grouping, this could bring in a race among themselves for numbers which could be inimical to Dalit unity and reservation, he added.

Explaining further he says, “Fusion of sub-castes of a particular caste under a singular substantive caste grouping, for instance, bringing together Parayars, Adi Dravidars and Sambavars under the head ‘Adi Dravidars' could provide a numerical edge, but it will rake up majority-minority debates among the fellow Dalit castes.

Instead registering as Dalits, which is a larger category, along with their respective castes as it was done earlier would be beneficial to Dalit unity.”

For eg. Paraiyar (Dalit), Adi Dravidar (Dalit), Arunthathiyar (Dalit), Devendra Kula Vellalar (Dalit) could as well keep the unity intact.

He said VCK stood for annihilation of caste. “Coming in the Iyothee Thass, Ambedkarite, Periyarist tradition, we are sceptical about the issue of doing away with sub-caste identities. It will bring in caste debates and questions of majority and minority among the oppressed.”

He recalled that 19th century Dalit intellectual Iyothee Thass, had in 1881 demanded during the census process that the aboriginal and ‘outcaste' communities be recorded as ‘original Tamils.' In fact, he asked them to register themselves as casteless Dravidians.”

Mr. Thirumavalavan said the VCK wanted to know the position of Dravida Munnetra Kazhagam, Dravidar Kazhagam and the Left parties on the issue of registering caste names.

The Dravidian movement was started with the objective of eradicating untouchability. “Would they ask the people to register themselves by prioritising ethnic identity? Then, caste remains a question.”

Criticising Union Home Minister P. Chidambaram's call to Dalits to join the mainstream national parties as “anti-Dalit and narrow-minded,” Mr. Thirumavalavan said it was against Dr. Ambedkar's idea of procuring political power and autonomy for Dalits.

“If Mr. Chidambaram had asked the Dalits to join the Congress party, it is understandable, but asking them not to be part of an individual Dalit party is a ploy to prevent them from emerging as a political force.” A few Dalits like L. Ilayaperumal, M. Arunachalam and Maragatham Chandrasekhar had held important posts in the Congress but the question was whether the life of Dalits had improved much because of that.

Dalit history neglected

Answering a question on the Dravidian Centenary being observed this year, Mr. Thirumavalavan felt the contribution of Dalit leaders was being neglected. The idea of a Dravidian identity was conceived in 1886 when Rev. John Rathinam (a Dalit) of the Wesleyan Mission founded ‘the Dravidar Kazhagam.' Likewise, The Dravida Mahajana Sabha was formed in 1891 under the leadership of Iyothee Thass in Ootacamund in the Madras Presidency.

However, the Madras United League, an organisation of non-Brahmins, was formed in 1912 under the leadership of C. Natesa Mudaliar. It was later renamed the ‘Dravidian Association.' “So, they call this the centenary but history shows that the conceptualisation of ‘Dravidian' emerged long back in the 1880s, spearheaded by Dalit intellectuals, which has been suppressed in the popular discourse.”

The MP further said that Dalit leaders like Rettaimalai Srinivasan, M.C. Rajah, N. Sivaraj and Meenambal Sivaraj had been neglected in the modern Tamil Nadu mainstream history and it was all the more shocking to see that the Periyarists and Tamil nationalists, who propagated an inclusive Dravidian or non- Brahmin identity, doing all this.

The VCK leader demanded that a Dalit Christian be nominated for the post of the President and called upon the DMK and Left parties to propose and support the same. He also welcomed the revival of the Tamil Eelam Supporters' Organisation and hoped it would get international recognition soon.

இலங்கை தூதரகம் முற்றுகை: திருமாவளவன் கைது - புகைப்படங்கள்

noreply@blogger.com (S R E E) — Thu, 03 May 2012 07:47:31 PDT

தொடர்புடைய செய்தி : சென்னையில் உள்ள இலங்கை தூதரகம் முற்றுகை: திருமாவளவன் கைது

சென்னையில் உள்ள இலங்கை தூதரகம் முற்றுகை: திருமாவளவன் கைது

noreply@blogger.com (S R E E) — Thu, 03 May 2012 03:54:02 PDT

இலங்கையில் பழமை வாய்ந்த மசூதி இடிக்கப்பட்டதை கண்டித்து இன்று விடுதலை சிறுத்தைகள் கட்சி சார்பில் சென்னை ஆழ்வார்பேட்டையில் உள்ள இலங்கை தூதரகத்தை முற்றுகையிட்டு போராட்டம் நடந்தது.

கட்சி தலைவர் திருமாவளவன் எம்.பி. தலைமை தாங்கினார். போராட்டம் காரணமாக தூதரகம் முன்பு தடுப்பு வேலிகள் போடப்பட்டிருந்தது. அதை மீறி விடுதலை சிறுத்தை கட்சியினர் முற்றுகையிட சென்றனர். போலீசார் அவர்களை தடுத்து நிறுத்தினர். இதனால் போலீசாருடன் தள்ளு முள்ளு ஏற்பட்டது. விடுதலை சிறுத்தை கட்சியினர் வாக்குவாதத்தில் ஈடுபட்டதால் அங்கு பரபரப்பான சூழ்நிலை நிலவியது.

அப்போது ராஜபக்சே கொடும்பாவியை எரித்தனர். இலங்கை அரசுக்கு எதிரான கண்டன கோஷங்களையும் எழுப்பினர்.

முற்றுகை போராட்டத்தை கைவிட்டு கலைந்து செல்லுமாறு போலீசார் கூறினார்கள். ஆனால் அவர்கள் தொடர்ந்து போராட்டத்தில் ஈடுபட்டதால் போலீசார் கைது செய்தனர். கட்சி தலைவர் திருமாவளவன், மாநில பொருளாளர் முகமது யூசுப், கொள்கை பரப்பு துணை செயலாளர் சைதை எஸ்.எஸ். பாலாஜி, ஷாநவாஸ், வன்னியரசு, மடிப்பாக்கம் வெற்றிச் செல்வன், இரா. செல்லம், விடுதலை செல்வன், வக்கீல்கள் பாரிவேந்தன், வேல்முருகன், பழனிமுத்து, தகட்டுர் தமிழ்செல்வன், இளங்கோ உள்பட 500 பேர் கைதானார்கள். அவர்கள் மயிலாப்பூரில் உள்ள திருமண மண்டபத்தில் தங்கவைக்கப்பட்டனர்.

மருத்துவர் ராமதாசும் அவரது அரசியல் முடிவுகளும்

noreply@blogger.com (எழுச்சி தமிழர்) — Wed, 02 May 2012 08:32:42 PDT

- தணிகைச்செல்வன்

சூலை 27 அன்று சென்னையில் கூடிய பாட்டாளி மக்கள் கட்சிப் பொதுக்குழுவின் முடிவுகளை விளக்கித் தம் நிறைவுரையில் பேசியபோது மருத்துவர் ராமதாசு அய்யா அவர்கள் வெளியிட்ட மிக முக்கியமான அறிவிப்பு, தமிழக அரசியலில் ஒரு புதிய அலையை உருவாக்கியிருக்கிறது.

“திமுக, அதிமுக என்ற இரண்டு திராவிடக் கட்சிகளையும் புறக்கணித்துவிட்டு, பாட்டாளி மக்கள் கட்சியின் தலைமையில் ஒரு புதிய தேர்தல் அணியைக் கட்டுவோம். 2016ல் நடைபெறவுள்ள தமிழகச் சட்டமன்றத் தேர்தலில் பா.ம.க. அணி வெற்றிபெற்று ஆட்சியைப் பிடிக்கும்; அரசு அமைக்கும்” என்பதுதான் மருத்துவர் அய்யா அவர்கள் கூறிய அறிவிப்பின் சாரம். ‘தேர்தல் தோல்வி ஏன்?’ என்ற வினாவுக்கு விடைகாணப்புறப்பட்ட பொதுக்குழு, விடைகளுக்குப் பதிலாகப் புதிய வினாக்களை எழுப்பியிருக்கிறது என்பதே நம் கருத்து.

அய்யா அவர்களின் கருத்தைப் படிப்படியாகத் திறனாய்வு செய்வோம்.
முதலாவதாக,

பெரியாரை விதையாகவும் அண்ணாவை வேராகவும் கொண்டு வளர்ந்த திராவிட இயக்கத்தின் மரபுகளுடன் இன்றைய அ.தி.மு.க. வுக்கு ஒட்டும் இல்லை உறவுமில்லை.

எம்.ஜி.ஆரின் அ.தி.மு.க.விலாவது பெரியாரைப் போற்றுதல் அண்ணாவை வணங்குதல் போன்ற வழிபாட்டுக் கலாச்சாரம் இருந்தது. எனினும் அவர்கள் வழி நடக்கும் கலாச்சாரமாக அது இருந்ததில்லை என்பது வேறு செய்தி.

ஆனால், ஜெயலலிதாவின் அ.தி.மு.க.வில் (நாவலர், காளிமுத்து மறைவுக்குப் பிறகு) பெரியாரைப் படித்தவர்களோ அவரைப் பின்பற்றுகிறவர்களோ ஒருவர் கூடக் கிடையாது. அண்ணாவை அறிந்தவர்களோ குறைந்தபட்சம் அண்ணாவின் படைப்புகளைப் பார்த்தவர்களோ கூட யாருமே இல்லை.

எம்.ஜி.ஆர். எதிர்கொண்ட தேசிய இனச்சிக்கல் என்பது, ‘தமிழரல்லாத ஒருவர் தமிழகத்தின் முதல்வராக இருக்கலாமா?’ என்று தமிழறிஞர்கள் எழுப்பிய வினாதான். எம்.ஜி.ஆரைத் தமிழர்கள் முதல்வராக ஏற்றார்கள். ஆனால், அவரைத் தமிழராக ஏற்கவில்லை என்பதை எம்.ஜி.ஆரே அறிவார். இந்தச் சிக்கலைச் சமாளிக்க அவர் இரண்டு வழிகளைக் கையாண்டார்.

‘நான் தமிழன்தான்’ என்று பொய்கூற அவர் துணியவில்லை. ஆனால், ‘நான் திராவிடன்’ என்று தம்மை அடையாளப்படுத்திக் கொண்டதன் மூலம் தம் மலையாளத் தேசியத் தன்மையைத் திராவிடத் தேசியத்தில் மறைத்துத் தமிழினச் சிக்கலிலிருந்து தப்பிக்க முயன்றார். (திராவிடத் தேசியம் என்ற ஒன்று கிடையாது என்பதே ஆய்வாளர்கள் முடிவு).

‘அச்சம் என்பது மடமையடா அஞ்சாமை தமிழர்கள் உடைமையடா’ என்றுதான் கவிஞர் கண்ணதாசன் எழுதியதாகவும், அஞ்சாமை திராவிடர் உடைமையடா என்று அதை மாற்றி எழுதவைத்தவர் எம்.ஜி.ஆர்தான் என்றும் ஒரு செய்தி அந்தக் காலத்தில் உலவியது. இதற்கெல்லாம் முடிசூட்டுவது போன்ற ஒரு உண்மை நிகழ்ச்சி பதிவாகியிருக்கிறது. 1981இல் மக்கள் தொகைக் கணக்கெடுப்பு நடத்திய அதிகாரிகள் எம்.ஜி.ஆர். இல்லம் சென்று கணக்கெடுப்புக்காக எம்.ஜி.ஆரிடம் கேட்ட கேள்விகளில் ஒன்று ‘உங்கள் இனம் (Nationality) என்ன?’ என்பதாகும். அதற்கு அவர் அளித்த பதில், ‘திராவிட இனம்’ என்பதுதான். அடுத்ததாக ‘உங்கள் மதம் என்ன?’ என்ற வினாவுக்கும் ‘திராவிட மதம்’ என்றுதான் விடை தந்தார். இந்தச் செய்தியை அன்றைய ஊடகங்கள் பதிவுசெய்துள்ளன.

எம்.ஜி.ஆர். தமது மலையாள இன அடையாளத்தை மறைக்கவும், தமிழினம் போன்ற ஒரு தோற்றம் தரவும் ‘திராவிடம்’ என்ற கலாச்சார அடையாளத்தைக் கவசமாக்கிக் கொண்ட தற்காப்பு உத்தியை ஒரு புறம் மேற்கொண்டார். மறுபுறம் தாக்குதல் உத்தியை மேற்கொண்டு ‘கருணாநிதி தமிழனே இல்லை, அவர் ஒரு தெலுங்கர்’ என்ற ஒரு பொய்க் கதையைக் கோவை செழியனைவிட்டு எழுதவைத்து, ‘நான் தமிழனில்லை என்றால் கருணாநிதியும் தமிழனில்லை’என்ற ஒரு சமன்பாட்டை உருவாக்க முயன்றார். எனினும், இந்தக் கதைகள் எல்லாம் தமிழ் மக்களிடம் விற்பனையாகவில்லை. தமிழர்கள் சென்ற காலங்களில் கலைஞரைப் புறக்கணித்தமைக்குக் காரணம் அவர் தமிழரல்லர் என்ற கட்டுக்கதைகள் அல்ல. அவர் முந்தைய ஆட்சிக் காலங்களில் தமிழுக்கும் தமிழர்களுக்கும் ஆற்றத் தவறிய பணிகளே காரணம்.
இவ்வாறாக, ‘திராவிடன்’ என்று தம்மை வெளிப்படுத்திக்கொள்வதில் எம்.ஜி.ஆர். காட்டிய அக்கறையும், ‘அண்ணாயிசம்’ என்று தம் கட்சியின் கொள்கைக்குப் பெயர் சூட்டியதன் மூலம் அண்ணா மீது காட்டிய உயர்ந்த மரியாதையும், தமிழ் எழுத்தில் சீர்திருத்தங்களை அமலாக்கிப் பெரியாருக்குச் செய்த தொண்டும் - ஒரு திராவிட இயக்கத்தின் தலைவனாக இருக்கும் தகுதிப்பாட்டை எம்.ஜி.ஆருக்கு வழங்கின. எம்.ஜி.ஆர். நாத்திகர் அல்லவர்; பகுத்தறிவுவாதி அல்லர்; தமிழரில் அறிவார்ந்தவரும் அல்லர்; எனினும் இந்தத் தகுதிக் குறைகள் எல்லாம் தமிழர்கள் அவரை ஒரு திராவிடத் தலைவனாக ஏற்கத் தடைகளாக அமையவில்லை.

இந்தப் பின்னணியில்தான் ஜெயலலிதாவையும் ஜெயலலிதாவின் அதிமுகவையும் பரிசீலிக்க வேண்டும். ஜெயலலிதாவின் தாய் மொழி தமிழ் அன்று; அவரது தாய்நாடு தமிழ்நாடன்று. இந்த இரு தகுதியின்மைகளும் எம்.ஜி.ஆருக்கும் இருந்தன. எனினும் இவற்றைத் தாண்டிய ஒரு திராவிட அங்கீகாரம் எம்.ஜி.ஆருக்கு இருந்ததால் அவரது அண்ணாயிச அரசியலுக்கு ஒரு ஈர்ப்பு இருந்தது.

ஜெயலலிதாவைப் பொறுத்தவரை அவர் தன்னைத் தமிழச்சியாகவும் கருதவில்லை; திராவிடச்சியாகவும் நினைக்கவில்லை. எம்.ஜி.ஆருக்கிருந்த திராவிட இனக் கண்ணோட்டத்தில் ஊசிமுனை அளவுகூட ஜெயாவிடம் இல்லை என்பது மட்டுமன்று, திராவிட உணர்வுக்கு நேர் எதிரான இன உணர்வே ஜெயலலிதாவின் தொப்புள்கொடி உணர்வாக ஊறியிருந்தது. ஒரு திராவிடக் கட்சிக்குத் தலைவியாக்கப்பட்ட ஒருவர் தன்னைத் ‘தமிழச்சி’ என்று உதட்டளவிலேனும் ஒப்புக்கொள்ளத் தயாராயில்லை. ‘நான் பார்ப்பனித்திதான் இதைச் சொல்லிக்கொள்ள நான் வெட்கப்படவில்லை’ என்று தமிழகச் சட்டப் பேரவையிலேயே பிரகடனம் செய்தார்.

இதன் பொருள் என்ன? எம்.ஜி.ஆரின் அரசியலுக்கு அடித்தளமாக இருந்த திராவிடக் கருத்தியலோ, அதன் வெளிப்பாடான பெரியாரியமோ அண்ணாயிசமோ ஜெயலலிதாவின் பகைக் குலமாகவே பார்க்கப்பட்டன. அவரது படைக்குலமாகச் செயல்பட்டவர்கள் திராவிடக் கருத்தியலின் பிறவிப் பகைவர்களே. ஜெயலலிதாவின் அதிமுகவுக்குப் பெரியாரல்ல - ராஜாஜியே ஞான குரு; அண்ணா அல்ல; சோ ராமசாமியே அரசியல் குரு; எம்.ஜி.ஆர். அல்ல இந்து ‘ராம்’தான் வழிகாட்டி!

சேரிக் குழந்தைகளுக்கும் சூத்திரக் குழந்தைகளுக்கும் உயர்கல்வி தேவையில்லை; அவர்களின் குலக் கல்வியே போதும், மலத் தொழிலில் உள்ளவன் அந்தக் குலத் தொழிலையே கற்கட்டும். தலைத் தொழிலான ஐ.ஏ.எஸ். வேலைக்குத் தலையில் பிறந்த சாதி வருவதே சரியாகும் என்று சக்ரவர்த்தி ராஜகோபாலாச்சாரியார் தமிழகத்தின் மீது திணித்த குலக்கல்வித் திட்டத்தை எதிர்த்து முறியடிக்க பெரியார் பதைத்தெழுந்தார்; அண்ணா துடித்தெழுந்தார்; திராவிட இயக்கம் கொதித் தெழுந்தது.

மனுதர்மக் கட்சியாக காங்கிரசு செயல்பட்டது என்பதால்தான் குலதர்மத் திட்டத்தைப் பள்ளிகளில் புகுத்த ராஜாஜியால் முடிந்தது. ஆனால், காங்கிரசுக் கட்சிக்குள்ளேயே மனுக் கோட்பாட்டை வீழ்த்த வந்த ஓர் இனக்கோட்பாடு வெடித்து வெளிப்படக் காரணமாயிருந்தவர் காமராஜர் ஆவார். பார்ப்பனத்தைப் புறங்கண்ட போர்க்குணத்தைக் காங்கிரசு பெற்றது. அக்கட்சியின் ஆதிக்கச் சக்தியாயிருந்த நரிஆரியத்தை பணியவைத்தது பெரியாரியம் என்பதற்கு ராஜாஜியின் தோல்வியும் காமராசரின் வெற்றியும் சான்றுகளாகும்.

‘அன்றைய ராஜாஜிதான் இன்றைய மாதாஜி’ என்பதற்கு ஆராய்ச்சி எதுவும் தேவையில்லை. குலக் கல்வித் திட்டத்தைக் கொல்லைப்புற வழியாக மீண்டும் கொண்டுவர ஜெயலலிதா குறிபார்த்து அடிக்கும் திட்டம்தான் சமச்சீர் கல்வி. பறைப்பள்ளி வேறு பார்ப்பனப்பள்ளி வேறு என்று வர்ணசாதிக் கல்வி வேர்படர்ந்துள்ள நாட்டில், அனைவர்க்கும் ஒரே தரத்தில் கல்வி, ஒரே நிறத்தில் கல்வி என்று கல்வியில் சமச்சீர்மை என்ற சமூகத் தீர்வை நோக்கித் தமிழன் முதலடி எடுத்து வைத்ததைப் பொறுக்கமுடியவில்லை ஜெயாவால். எனவே, அவரது அதிரடிச் செயல்பாடு உச்சநீதிமன்றம் வரை ஓயவில்லை.

தமிழின வீழ்ச்சியை இலக்காகக் கொண்ட பார்ப்பன ஆட்சிக்கு எதிராக அந்தக் கட்சிக்குள்ளேயே ஒரு ‘காமராஜர்’ உருவாகமாட்டாரா என்று எதிர்பார்க்கிறோம். மேன்மக்களுக்கு நலக் கல்வி கீழ் மக்களுக்குக் குலக்கல்வி என்று கல்வியில் வர்ணபேதத்தையும் வர்க்கபேதத்தையும் நுழைக்க உச்சநீதிமன்றம் வரை உயிர்ப்போராட்டம் நடத்தும் ஜெயலலிதாவுக்கு எதிராக எழுந்து நிற்க அதிமுகவில் திராவிடச் சுரணையுள்ள எம்.ஜி.ஆர். தொண்டன் ஒருவனுமில்லையே என்று குமுறுகிறார்கள், ஊரெங்கும் நசுக்கப்படும் ஒண்ணரைக்கோடிக் குழந்தைகளின் எதிர்காலத்தை எண்ணி ஏங்கி நிற்கும் தமிழ்த் தாய்மார்களும் தந்தைமார்களும்!

மனுதர்மக் காங்கிரசின் திட்டத்தை மடைமாற்ற காமராஜரால் முடிந்தது. அவரது, தொண்டர்களின் பின்பலத்தால். ஆனால், மனுதர்ம ஜெயலலிதாத் திட்டத்தை மடைமாற்றி மாணவர்களைக் காப்பாற்ற செங்கோட்டையனால் முடியுமா? ஜெயக்குமாரால் முடியுமா? பன்னீர்செல்வம் பயன்படுவாரா? இல்லை; பயப்படுவார்? ஜெயாவுக்கு முன்னால் வளைந்த முதுகை நிமிர்த்தி நிற்கக்கூட முடியாத வீடணர்களிடம் எம்.ஜி.ஆரின் வீரத்தை எதிர்ப்பார்ப்பது வீண்.

எம்.ஜி.ஆரிடமிருந்து ஜெயலலிதா பெற்றவை அவரது கொள்கைகளோ குணங்களோ அல்ல. ஒன்று, கட்சியின் பெயர்; இரண்டு, கட்சியின் கொடி; மூன்று, தேர்தல் சின்னம் இரட்டை இல்லை; நான்கு, முப்பது விழுக்காடு வாக்காளர்களைக் கொண்ட தமிழ்நாட்டு வாக்கு வங்கி!

இந்த நான்கையும் அபகரித்த பிறகு எம்.ஜி.ஆரின் அரசியலைத் தூக்கிவீசித் தூர எறிந்துவிட்டார் ஜெயலலிதா. அவரை இப்போது வழி நடத்தும் செயற்குழு உறுப்பினர்கள் ஐவர், துக்ளக் ஐயர், தினமணி ஐயர், தினமலர் ஐயர், விகடன் ஐயர், இந்து ஐயங்கார்.

இந்த விஷவட்டத்தைத் தாண்டி எம்.ஜி.ஆர் தொண்டன் எவனும் எதுவும் சொல்லமுடியாது. எனவே, லட்சக்கணக்கான எம்.ஜி.ஆர். பற்றாளர்களாக உள்ளவர்களுக்குள்ள ஒரே வழி ஜெயலலிதாவைத் தூக்கி எறிந்துவிட்டு உண்மையான எம்.ஜி.ஆர். கட்சியாக அதிமுகவை மாற்றி அமைப்பதுதான். சமச்சீர்க் கல்வியைக் காக்கும் போரிலிருந்து இந்தப் புரட்சி தொடக்கம் பெறவேண்டும். அதுவரை ஜெயாவின் அதிமுக ஒரு திராவிடக் கட்சியன்று; அது ஒரு ஆரியக் கட்சியே என்பதுதான் நூறு விழுக்காடு உண்மையாகும்.

எனவே, மருத்துவர் ஐயா திராவிடக் கட்சிகள் என்று மதிப்பீடு செய்தவற்றுள் ஒன்று திராவிடக் கட்சியே இல்லை என்பது நாட்டுக்கே தெரியும்; அதைவிட நரேந்திர மோடிக்கு அதிகம் தெரியும். எனவே, அய்யா அவர்களின் பட்டறிவுக்கு இது அப்பட்டமாய்த் தெரியும். பி.ஜே.பி.யின் தமிழ்நாட்டுக் கிளையாக இயங்கும் ஜெ.ஜெ.பி. (ஜெ.ஜெயலலிதா பார்ட்டி) என்ற ஜெயாவின் அதிமுகவை ஒரு ஆரியக் கட்சியாய்க் கழித்துக் கட்டிவிட்டு அடுத்த கட்டப் பரிசீலனைக்குப் போவதே அரசியல் அறமாகும்.

இரண்டாவதாக:

மருத்துவர் அய்யா குறிப்பிட்ட இரண்டு திராவிடக் கட்சிகளில் ஒன்று திராவிடக் கட்சியே இல்லை என்பது உறுதிப்படுவதால், மிச்சமுள்ள ஒரே திராவிடக் கட்சி திராவிட முன்னேற்றக் கழகம் மட்டுமே.

பெரியாரைப் பின்பற்றியவர்கள் அண்ணாவை அடியொற்றியவர்கள் என்று கணக்கெடுத்தால் இன்றும் பத்துக்கும் மேற்பட்ட திமுக மூத்த தலைவர்கள் அந்தப் பட்டியலில் இடம் பெறுவர். அறுபது வயதுக்கு அதிகமாக உள்ள திமுக தொண்டர்களை எடுத்துக்கொண்டால் பெரியாரின் பேருரைகளையும் அண்ணாவின் அரசியல் உரைகளையும் அடிக்கடி கேட்டு வளர்ந்ததால் கட்சியில் சேர்ந்தவர்களாயிருப்பார்கள். ஒரு கிளைக் கழகத்தில் குறைந்தபட்சம் இரண்டு பேர்களாவது கழகம் நடத்திய போராட்டங்களில் பங்கேற்றுச் சிறை சென்றவர்களாயிருப்பார்கள்! சுயமரியாதைத் திருமணங்கள், சாதி மறுப்புத் திருமணங்கள் ஆகியவற்றை ஆயிரக்கணக்கில் புரிந்துகொண்டவர்கள் பெரும்பாலும் தி.மு.கழகப் பற்றாளர்களாகவே இருப்பார்கள். சாதி மறுப்புத் திருமணங்களைத் தம் பிள்ளைகளுக்கும் பேரப் பிள்ளைகளுக்கும் நடத்திவைத்த தமிழ் நாட்டின் ஒரே தலைவர் கலைஞராக மட்டுமே இருக்கிறார். பெரியாரோடும் அண்ணாவோடும் சேர்ந்து பணியாற்றிய வரலாற்றை உடைய அரசியல் கட்சித் தலைவர்களில் கலைஞரும் பேராசிரியர் அன்பழகனும் மட்டுமே எஞ்சியுள்ளார்கள். (கி.வீரமணி, வே.ஆனைமுத்து போன்றோர் பெரியாரோடு பணியாற்றிவர்கள். ஆயினும் அவர்களது அமைப்புகள் அரசியல் கட்சிகள் அல்ல)

தமிழுக்கு எழுத்திலும் பேச்சிலும் மறுமலர்ச்சி ஏற்படுத்திய அண்ணாவின் கட்சி; இந்தி எதிர்ப்புப் போராட்டங்களை நடத்திய கட்சி; அரசியல் சட்டப் பிரிவை எரித்ததால் சட்டமன்ற உறுப்பினர் பதவிகளை இழந்த கட்சி; இந்திராவின் அவசர நிலைப் பிரகடனத்தை எதிர்த்தமைக்காக ஒரு முறையும், ஈழ ஆதரவு நிலை எடுத்தமைக்காக ஒரு முறையும் - ஆக, இருமுறை அரசு கவிழ்க்கப்பட்ட கட்சி, கலைஞர் தவிர்த்த மற்ற அனைத்துத் தலைவர்களும் ‘மிசா’ கொடுமையால் சிறையடிபட்டு ரத்தம் சிந்திய கட்சி என்ற வகையில் ஏராளமான விழுப்புண்களைத் தன் திராவிடத் தகுதியாகப் பெற்றுள்ள திராவிட முன்னேற்றக் கழகம் ஒரு திராவிடக் கட்சியே என்பதில் மக்களுக்கோ மருத்துவர் அய்யாவுக்குகோ எந்த ஐயமும் இருப்பதற்கில்லை.

அ.தி.மு.க வரலாற்றில் மக்களுக்காகவோ, நாட்டுக்காகவோ, மொழிக்காகவோ போராட்டம் நடத்தி ஒரு முறைகூடச் சிறை சென்றவரல்லர் ஜெயலலிதா. இந்த ‘சிறை காணாத் தியாகம்’ அவர் தொண்டர்களுக்கும் பொருந்தும். ஜெயா அதிமுகவின் இந்தப் ‘பெருமைமிக்க’ பாரம்பரியத்தைப் பார்க்கையில் திமுகவின் திராவிடத் தன்மை பலநூறு மடங்கு உயர்ந்தது - உறுதியானது என்பதிலும் மருத்துவர் அய்யா அவர்களுக்கு ஐயம் எழ வாய்ப்பில்லை.

பின், தி.மு.கழகத்திடமிருந்து விலகவோ அல்லது அந்தக் கட்சியை விலக்கவோ நேர்ந்த அரசியல் காரணங்களோ அல்லது தத்துவார்த்தக் காரணங்களோ யாவை என்பதே நம் கேள்வி. எந்தக் காரணமும் இல்லாமலே ஒரு கட்சியை நிராகரிக்கும் அரசியல் உரிமை ஒவ்வொரு குடிமகனுக்கும் உண்டு என்பதை நாம் அறிவோம். ஆனால், அந்த ஒவ்வொருவருக்கும் என்ற பொதுமக்கள் கூட்டத்தில் ஒருவர் அல்லர் அய்யா அவர்கள்! அறிவாண்மையும் சான்றாண்மையும் நிரம்பிய ஒரு ஆளுமையாக உயர்ந்து நிற்பவர் மருத்துவர் அய்யா அவர்கள்.

மூன்றாவதாக,

அத்தகையவர் வெறும் அகவய (Subjective)) காரணங்களுக்காக அதாவது, கோப தாபங்கள் போன்ற உணர்வுகளால் உந்தப்பட்ட காரணங்களுக்காகத் தமிழக அரசியலைப் பாதிக்கக்கூடிய ஒரு தீவிர முடிவை மேற்கொண்டார் என்று நம்புவதற்கில்லை. மருத்துவர் அய்யா போன்ற தொலைநோக்குச் சிந்தனையாளர்கள் சொந்த விருப்பு வெறுப்புகளுக்கு ஆளாகி அகவயமான முடிவுகளை எடுக்கமாட்டார்கள். திமுகழகத்தை அரசியல்ரீதியாகப் புறக்கணிக்கப் போதிய புறவயமான (objective) காரணங்கள் இருந்தால் பொதுக்குழுவில் அதைப் பட்டியலிட்டு விவாதித்திருக்க வேண்டும். அதைச் செய்ததாகத் தெரியவில்லை.

இது குறித்துச் செய்தித்தாள்கள் வழியாக நாம் பெற்ற தகவல்களில் முக்கியமானவை,

தேர்தலில் மக்கள் திமுகவைப் புறக்கணித்து விட்டார்கள். (ஆகவே, தான் பா.ம.க.வும் புறக்கணிக்கிறதோ?)
நாடாளுமன்றத் தேர்தலில் ஜெயலலிதா அணியில் இருந்தபோதும் பா.ம.க. தோற்றது. அதற்குக் காரணம் திமுக, பா.ம.க.வைக் குறிவைத்துத் தாக்கியதே ஆகும். (ஜெயலலிதா காரணமல்ல) சட்டமன்றத் தேர்தலில் பா.ம.க. தோற்றமைக்கு தி.மு.க.தான் பொறுப்பு (ஜெயலலிதா அல்ல) என்கிறது பா.ம.க. இந்த இரு குற்றச்சாட்டிலிருந்தும் ஜெயலலிதா விடுவிக்கப்படுகிறார். ஏன் என்பது அய்யாவுக்கே வெளிச்சம்!
மதுக்கடைகளை மூடவும் மதுவிலக்கை அமலாக்கவும் வற்புறுத்திய பா.ம.க.வின் கோரிக்கை ஏற்கப்படவில்லை. (இது நல்ல கோரிக்கைதான். இது ஏற்கப்படாமைக்காகத் திமுகவைப் புறக்கணிப்பது என்பது ஆட்டை அடிக்க ஓநாய் கண்டுபிடித்த காரணம் போல் தோன்றுகிறது)
திமுகவின் குடும்ப அரசியல், அலைக்கற்றை வழக்கு போன்றவை அக்கட்சியுடன் பா.ம.க. தேர்தல் ஒப்பந்தம் கண்ட நாளிலேயே இருந்தவைதாம். எனவே, இப்போது பா.ம.க. அவற்றைக் காரணம் காட்டுவது ஏற்புடையதன்று.

எனவே, மேற்படித் தகவல்களை வைத்துப் பார்க்கையில் திமுக புறக்கணிப்புக்குக் காரணங்கள் தேடுவது வீண் வேலை என்பதே நமது கருத்து.
இரண்டு திராவிடக் கட்சிகளையும் புறக்கணித்துவிட்டு, பா.ம.க. தலைமையில் மூன்றாம் அணி அமைத்து 2016 சட்டமன்றத் தேர்தலில் ஆட்சியைப் பிடிப்பது; அநேகமாக அன்புமணி ராமதாஸ் அவர்கள் முதலமைச்சர் ஆவது என்கிற அய்யாவின் விருப்பத்தையே கட்சியின் முடிவாக ஆரம்பத்திலேயே தீர்மானித்து விட்டதால், அந்த முடிவை நியாயப்படுத்தும் வகையில் காரணங்கள் தேடியிருக்கிறார்கள். எனவேதான், காரணங்கள் வலுவாக அமையவில்லை.

வலுவான காரணங்கள் அல்லது புறவயமான நியாயங்கள் எப்படிப்பட்டவையாக இருக்கவேண்டும் என்பது குறித்துச் சிறிது சிந்திக்கலாம்.
தமிழ், தமிழ் இனம், தமிழ்த் தேசியம், தமிழ்த் தேசம் ஆகியவற்றை உள்ளடக்கிய தமிழியக் கோட்பாட்டில் திமுக செய்தது என்ன? செய்யத் தவறியது என்ன? பார்ப்பன எதிர்ப்பு என்ற பெரியாரியத்தின் மூலக் கோட்பாட்டின் வழி நின்று திமுக ஆற்றிய பணி என்ன? ஆற்றல் தவறியவை எவை? பகுத்தறிவு வாதம் என்ற பெரியாரியத்தின் முதன்மைத் தத்துவமான நாத்திகம் என்பதை நடைமுறையில் திமுக பின்பற்றி வருகிறதா? இல்லை பிழைபட்டு நிற்கிறதா? அண்ணாவின் மாநில சுயாட்சிக்காக மத்திய அரசின் அதிகாரக் குவியலை எதிர்த்துச் சமர் புரிகிறதா? இல்லை சமரசம் புரிகிறதா? மத்தியிலும் தமிழை ஆட்சி மொழியாக்கப் போராடுகிறதா? இல்லை உறவாடுகிறதா?

இவ்வாறு திமுகவின் அடிப்படைக் கொள்கைகளின் மீது ஆய்வு நடத்தி விவாதம் நடத்தி ஒரு ஆரோக்கியமான புரிதலையோ அல்லது பிரிதலையோ பா.ம.க. மேற்கொண்டிருக்கலாம். இவ்வாறு செய்திருந்தால் இரண்டாம் பெரியார் என்று பாராட்டப்பட்ட மருத்துவர் அய்யா அவர்கள் திமுகவைப் பரிசோதிப்பதுடன் மேற்கண்ட வினாக்களை முன்வைத்துத் தம்மையும் தம் கட்சியையும் சுயபரிசோதனை செய்திருக்கலாம். புறக்கணிப்புக்கு முன்னால் இப்படி ஒரு கருத்துக்கணிப்பு நிகழ்த்தியிருந்தால் அய்யாவின் உயரம் அதிகரித்திருக்கும்.

நான்காவதாக:

“கன்ஷிராம் - மாயாவதிபோல், மம்தா பானர்ஜிபோல் ஒரு கூட்டணியைப் பா.ம.க. தலைமையில் உருவாக்க முடியும். அவர்கள் வகுத்த அதே உத்தியைத் தமிழ்நாட்டில் செயல்படுத்துவோம்” என்ற கருத்துப்பட மருத்துவர் அய்யா அவர்கள் பேசியிருக்கிறார்.

மம்தா பானர்ஜியை விலக்கிவிட்டுப் பார்த்தால் தமிழர்கள் கவனம் செலுத்தவேண்டிய ஒரு சிந்தனை இது. காங்கிரசிலிருந்து பிரிந்து சென்ற ஒரு குட்டிக் காங்கிரசுக் கட்சிதான் மம்தாவின் திரிணாமூல் காங்கிரசு. வங்கத்தின் மம்தா பானர்ஜி ஒரு பார்ப்பனர்; காங்கிரசுத் தலைவர் பிரணாப் முகர்ஜியும் பார்ப்பனர்; பிரிவது போலப் பிரிந்து, பின் சேர்ந்து ஆட்சியைப் பிடிப்பது சாணக்கிய தர்மம். அந்த மனுவாதிகளை முன்னுதாரணமாகப் பா.ம.க. கருதுவது சித்தாந்தப் பிழையாகும்.

கன்ஷிராம் - மாயாவதி அணுகுமுறை என்பது சரியான உதாரணம். உத்திரப் பிரதேசத்தில் தலித்துகளை ஒன்றுபடுத்தும் முயற்சியில் கன்ஷிராம் அளப்பரிய பாடாற்றினார். சொல்லரிய சோதனைகளையும் படற்கரிய வேதனைகளையும் பட்டார். எனவே, பெறற்கரிய பேற்றினைப் பெற்றார்.

1985இல் பகுஜன் சமாஜ் கட்சிக்கு 28 சதம் தலித்துகளைத் தம் வாக்கு வங்கியாகத் திரட்டிக் காட்டினார் கன்ஷிராம்! அனைத்து அரசியல் கட்சிகளும் அதிர்ந்தன; அலறின. பிற்பட்டோரையும் இஸ்லாமியச் சிறுபான்மையினரையும் பிறரையும் கன்ஷிராம் பால் ஈர்க்கும் காந்தவிசையாகச் செயல்பட்டது தலித் ஒற்றுமை என்ற ஜனத் திரட்சி.

மாயாவதியின் காலத்தில் பகுஜன் சமாஜ் கட்சியின் தலித் திரட்சி 66 விழுக்காட்டுக்கு முன்னேறியது. பிற்பட்ட சமூகங்களும் இஸ்லாமியர்களும் பெருமளவில் தலித் ஈர்ப்பு விசை நோக்கித் திரண்டதால் நான்கு தேர்தல்களிலும் ஆட்சியைக் கைப்பற்றி அசைக்கமுடியாத ஆலவிருட்சமாக ஓங்கி வளர்ந்துள்ளார் மாயாவதி. முலாயம்சிங்கின் ‘யாதவ அரசியலும்’ அஜித் சிங்கின் ‘ஜாட் அரசியலும்’ மாயாவதியின் பீரங்கிப் போர் வண்டியின் கீழ் நசுங்கிச் சிதைந்து போயின.

எனினும் மாயாவதி அவர்கள் பாரதிய சனதாவோடு கூட்டணி அமைத்த கொள்கை மாற்றமும், அண்மையில் பார்ப்பன உயர்சாதியினரையும் பதவியில் ஏற்றுக்கொண்ட பாதை மாற்றமும், கன்ஷிராம் வழியிலிருந்து மாயாவதி விலகிப் போகிறார் என்ற விமர்சனத்தைத் தோற்றுவித்துள்ளன.

இந்தக் குறைகள் இருப்பினும் மாயாவதியின் பகுஜன் சமாஜ் கட்சி என்ற ஆலமரத்தின் ஆணிவேராகவும் பக்கவேர்களாகவும் ஆழப்பட்டு இருக்கின்ற தலித்திய ஒற்றுமை என்ற அசைக்கமுடியாத அடித்தளத்தின்மீது கட்டமைக்கப்பட்டுள்ள அவரது கட்சியும் அதன் அரசும் தமிழ்நாட்டு தலித்துகளுக்கு வழங்கும் பாடத்தைப் பிழையறப் புரிந்துகொள்ள வேண்டும்.

மருத்துவர் அய்யா அவர்களுக்கு இந்தப் புரிதலில் ஒரு சிக்கல் நேர்ந்திருக்குமோ என்று ஐயுறுகிறோம். கன்ஷிராம் - மாயாவதி ஆகியோர் தலித்துகளிடம் நடைமுறைப்படுத்திய ‘தலித் திரட்சி’ என்ற போர் உத்தியை அய்யா அவர்கள் எப்படிக் கையாளுவார் என்பதே அந்த ஐயம். தலித் ஒற்றுமை என்ற இலக்கை முன்நிறுத்தி அய்யா அவர்கள் ஒரு புதிய இயக்கத்தைத் தம் கட்சிக்குள் உருவாக்க எண்ணுகிறாரா? அது போன்ற ஒரு முயற்சியில் அவர் இறங்கினால் எத்தனை விழுக்காடு பா.ம.க. தொண்டர்கள் அவரை ஆதரிப்பார்கள்? எத்தனை விழுக்காடு தலித்துகள் அவரை நம்பிப் பின் தொடர்வார்கள்? அல்லது எத்தனை விழுக்காடு வன்னிய குலத்தினர் அய்யாவின் அணியில் திரளுவார்கள்? இவைபற்றியெல்லாம் கள ஆய்வு செய்துள்ளாரா? ஆய்ந்து பாராமல் எப்படி மாயாவதி உத்தியைப் பரிந்துரைத்தார்? என்று சரமாரியாக எழும் வினாக்களுக்கு அய்யாவின் அறிவிப்பில் எந்த விளக்கமும் இல்லை.

பிறகு நாமே ஒரு இரண்டாம் சிந்தனைக்கு வரநேர்கிறது. கான்ஷிராம் மாயாவதி வகுத்த போர் உத்தியைத் தமிழ்நாட்டில் தலித் அரசியலுக்குப் பொருத்துவது அல்ல மருத்துவர் அய்யாவின் திட்டம். உத்திரப்பிரதேசத்தில் தலித் திரட்சிக்குப் பயன்பட்ட அந்த உத்தியைத் தமிழகத்தில் ‘வன்னியத் திரட்சி’ ‘வன்னியர்களை ஒன்றுபடுத்துவது’ என்ற இலக்கை நோக்கி இயங்குவதே நோக்கமாயிருக்கும். அவ்வாறு ஒரு இயக்கம் வளருமானால், உ.பி.யில் பிற சமூகங்களின் ஈர்ப்பு மையமாக தலித் திரட்சி செயல்பட்டதுபோல் தமிழ்நாட்டில் கட்டப்படும் வன்னிய அடித்தளம் இங்கே பிற சமூகங்களைத் தன்பால் ஈர்க்கும் விசையாகச் செயற்படாதா? என்பதே அய்யாவின் சிந்தனைப் போக்கு.

கன்ஷிராம் போர் உத்தியை (Strategy) வன்னியருக்குப் பொருத்துவது என்பது ஒரு சீரிய சிந்தனைதான். ஆயினும் இதன் சாத்தியப்பாடு பற்றி அய்யா அவர்கள் என்ன நடைமுறை உத்தி (Tactics) வகுத்திருக்கிறார்? என்பது தெரியவில்லை. நடைமுறை உத்திகள் பிழையறச் செயல்பட்டால்தான் போர் உத்தி வெற்றிபெறும் என்பது எல்லாத் திட்டங்களுக்கும் பொருந்தும் விதியாகும். இது தொடர்பாக,

நமது முதல் வினா,

பா.ம.க. வன்னியர் கட்சி அன்று; மக்கள் கட்சி என்ற வாதம் (பலவீனமான வாதம்) ஒருபுறம் இருப்பினும், வன்னியர் வாக்குகளைக் குறிவைத்துத்தான் தேர்தல்களில் பா.ம.க.வின் செயல்பாடு இருக்கிறது என்ற உண்மையை முன்வைத்துப் பார்க்கும்போது, தமிழ் மக்களில் சுமார் 20 விழுக்காட்டினர், அதாவது, ஒன்றரைக் கோடி மக்கள் - வன்னியச் சமூகமாக இருக்கும் பின்னணியில், தேர்தலில் பா.ம.க. பெறும் வாக்குகள் சுமார் 2 விழுக்காடுதான் என்ற மெய்ம்மை எதைக் காட்டுகிறது? கட்சி தொடங்கி 20 ஆண்டுகள் கடந்த பின்னும், வன்னியர் கட்சி என்ற அடையாளம் பா.ம.க.வின் மீது படிந்திருக்கும் நிலையிலும் - வன்னிய மக்களின் வாக்குகளில் மிகக் குறைந்த விழுக்காட்டையே அக்கட்சியால் கவர முடிந்திருக்கிறது என்றால், பா.ம.க.வின் ‘வன்னியத் திரட்சிக்கு’ இது சான்றாகுமா?

நமது இரண்டாம் வினா:

கடந்த 20 ஆண்டுகளில் நடந்த போராட்டங்கள், செய்த உயிர்த் தியாகங்கள், பட்ட சிறைக் கொடுமைகள், வழிந்த குருதிகள், பெற்ற ரத்தக்காயங்கள் அவற்றால் உயர்த்திப் பெற்ற இடஒதுக்கீடு என்ற களச் சாதனைகளால் எல்லாம் திரட்டப்பட முடியாத வன்னிய மக்களை - உயர்த்தப்பட முடியாத வன்னிய வாக்கு வங்கியை - எந்த வகையான புதிய செயல் உத்தி (நடைமுறை உத்தி) மூலம் வென்றெடுக்க பா.ம.க. எண்ணியுள்ளது? என்று பொதுக்குழுவிலும் பேசப்படவில்லை. அய்யா அவர்களும் அறிவிக்கவில்லை. குறைந்தபட்சம் 50 சதம் வன்னியர்களையேனும் பா.ம.க. வளையத்துக்குள் கொண்டுவரச் செயல்திட்டம் உள்ளதா? ஒரு காலக்கெடு (Time bound) கொண்ட திட்டமாக அது இருக்குமா? அதிகபட்சம் 2016ஆம் ஆண்டுத் தேர்தலுக்கு முன்னதாக அந்தத் திட்டம் தன் பலனைத் தரும் என்று அய்யா அவர்கள் நம்புகிறாரா? இந்த வினாக்கள், ‘செயலுத்தி என்ன?’ என்ற மூலவினாவின் கிளை வினாக்கள்.

நமது மூன்றாம் வினா:

“செயலுத்தி என்று குறிப்பாக எதுவும் தேவையில்லை. இருபெரும் திராவிடக் கட்சிகளிலிருந்து வெளியேறிவிட்டோம் என்ற அறிவிப்பே அனைத்து வன்னிய வாக்காளர்களையும் பா.ம.க. கவர்ந்திழுக்கப் போதுமான உந்துதலைத் தரக்கூடியதாகும். கட்சித் தொண்டர்களிடம் பெரும் உற்சாகத்தை இந்த அறிவிப்பு கிளர்ந்தியிருக்கிறது என்பதொன்றே வன்னிய மக்கள் இதை வரவேற்பார்கள் என்பதற்கான அடையாளமாகும்” என்கிறார்கள். ஆனால் நமது கேள்வியின் கோணமே வேறு.

கட்சிப் பற்றின் காரணமாக வழி வழியாக ஒரே கட்சிக்கு வாக்களிக்கப் பழகிவிட்ட வன்னியக் குடும்பங்களின் வாக்கு வங்கி திமுகவுக்கும் அதிமுகவுக்கும் தலா 15 முதல் 20 விழுக்காடு தேறும், காங்கிரசுக் கட்சியின் வாக்கு வங்கியும்கூட வன்னியர்களையும் தலித்துகளையும் உள்ளடக்கியதுதான். இந்த மூன்று கட்சிகளிடமும் வேரூன்றி இருக்கும் வைப்புத் தொகையான வன்னியர் வாக்குகளை அக்கட்சிகளிடமிருந்து பிய்த்தெடுத்துப் பா.ம.க. பக்கம் ஈர்க்கும் பலம் மிக்க விசையாற்றலாகத் ‘திராவிடப் புறக்கணிப்பு’ என்ற நிலைப்பாடு திகழும் என்று கருதுவதற்குத் தேவைப்படும் ஆதாரப்பண்பு ஒன்று பா.ம.கவிடம் இருக்கவேண்டும் என்று மக்கள் எதிர்பார்க்கிறார்கள். அந்தப் பண்பின் பெயர்தான்: நம்பகத்தன்மை. எந்த ஒரு நிறுவனத்துக்கும் நம்பகத்தன்மை என்பதுதான் அதன் வெற்றிக்கான முதலீடு.

பா.ம.க.வின் நம்பகத்தன்மை ஒவ்வொரு தேர்தலிலும் அணிமாற்றத்தால் சேதாரமுற்றிருக்கும் நிலையில், பா.ம.க. இப்போது எடுத்துள்ள புதிய அரசியல் நிலை எந்த அளவுக்கு அதன் நம்பகத் தன்மையை உயர்த்தும்? என்பதே கேள்வி. இதை ஒரு கருத்துக்கணிப்புக்கோ அல்லது கள ஆய்வுக்கோ உட்படுத்துவது கூடப் பொருத்தமாயிருக்கும்.

தேர்தலில் அணி மாறாத கட்சி உண்டா? பா.ம.க. மட்டும்தான் அதைச் செய்கிறதா? என்பதுதான் அணிமாற்றத்துக்கு எதிர் வினாவாகப் பா.ம.க. வைப்பது வழக்கம். அணி மாற்றம் தவறன்று. கொள்கைத் திட்டம் வெளியிடாத உதிரிக் கட்சிகள் என்ன செய்தாலும் யாரும் கேட்கமாட்டார்கள். கொள்கைத் திட்டம் உள்ள திமுக மதவாதக் கட்சியான பா.ஜ.க. அணிக்கு மாறியபோது தமிழ் மக்கள் மத்தியில் கடுமையான விமர்சனம் எழுந்ததும், அதனாலேயே 2001ல் திமுக அடைந்த தேர்தல் தோல்வியும் மறக்க முடியாதவை!

‘கூட்டணி மாறினாலும் பா.ம.க. கொள்கையில் மாறுவதில்லை’ என்று ஒரு சமாதானம் கூறப்படுகிறது. அரசியல் விஞ்ஞானம் அறிந்தவர்களுக்குத் தெரியும் கூட்டணி அரசியல் என்பதே கொள்கையைப் பாதுகாக்கவும் அதை மேலும் முன்னேற்றவும்தான் என்பது. கூட்டணி என்பது செயல் உத்தி (Tactics) கொள்கை என்பது போர் உத்தி (Strategy) போர் உத்தியின் வெற்றிக்கு வழிசெய்வதாகத் தான் செயலுத்தி இருக்க வேண்டும் என்கிறது அரசியல் அறிவியல்.

சான்றாக ஈழ எதிர்ப்பு, புலிகள் எதிர்ப்பு, தமிழ் எதிர்ப்பு, தமிழ்த் தேசிய எதிர்ப்பு என்று கடுமையான பிற்போக்கு நிலை எடுத்திருந்த ஜெயலலிதாவோடு 2001ல் அமைத்த கூட்டணியால் கண்ட பலன் என்ன? கூட்டணியில் அவருக்கு வலுசேர்த்ததன் மூலம் இனப் பகைவி ஒருத்தியிடம் பொடா ஆயுதத்தைத் தூக்கித் தருவதற்கு துணைபோன குற்றம்தானே வந்து சேர்ந்தது? போர் உத்தியைச் சேதாரப்படுத்திய செயலுத்தியாகவே அது முடிவுற்றது.

கூட்டணி உத்தி என்பது கொள்கை உத்திக்கு உதவாதபோது சில சட்டமன்ற உறுப்பினர்கள் கூடுதலாகக் கிடைக்கிறார்கள் என்பதாலும் அதனால் கட்சிக்குச் செல்வாக்கு கூடுகிறது என்ற கற்பனையாலும் நம்மை நாமே கீழ்ப்படுத்திக்கொள்ளக்கூடாது.

இந்தப் பின்னணியில்தான் பா.ம.க.மீதான நம்பகத்தன்மை என்ற மக்கட் பண்பு முக்கியத்துவம் பெறுகிறது என்பதை மருத்துவர் அய்யா அவர்கள் கணக்கிலெடுத்துக்கொள்வார் என்று நம்புகிறோம்.

ஐந்தாவதாக:

பா.ம.க. தலைமையில் மூன்றாம் அணி என்ற நிலை வெற்றி பெற்றால் அது புதிய அரசியல் கருத்தியலைத் தமிழகத்தில் தோற்றுவிக்கும் என்பதில் ஐயமில்லை. அதற்கு மாயாவதி பாணி என்று பெயர் சூட்டுவதைவிட மருத்துவர் பாணி என்றே அழைக்கலாம். ஏனெனில், மாயாவதியின் கருத்தியல் என்பது தலித் விடுதலைக்கான பாதை; மருத்துவர் அய்யாவின் பாதை என்பது தலித் விடுதலையைத் தலைநோக்கமாகக் கொண்டது அல்ல என்பதே இரண்டுக்கும் உள்ள வேறுபாடு.

இந்த நிலையில் தலித்துகளை வென்றெடுக்கவும் அவர்களை விடுவிக்கவும் அய்யா அவர்களின் கொள்கைத் திட்டம் என்ன என்பது தெரியாமல் அவரது கூட்டணித் திட்டத்துக்கு ஒப்புதல் தரத் தலித் மக்கள் தயங்கக்கூடும். வன்னியர் - தலித் வர்ண முரண்களைத் தீர்க்கும் ஒரு புதிய திட்டம்தான் புதிய அணிக்கு அடித்தளமாக அமையமுடியும். அத்தகைய திட்டம் பிறவாத வரை தலித் வாக்குகளை வசீகரிக்க இயலாது.

முடிவாக,

மருத்துவர் அய்யா அவர்கள் 2011, சூன் 28 அன்று பெரியார் திடலில் விடுதலைச்சிறுத்தைகள் கட்சி நடத்திய விருதுகள் வழங்கும் விழாவில் எழுச்சித் தமிழர் தொல்.திருமாவளவன் அளித்த ‘அம்பேத்கர் சுடர்’ என்ற விருதை ஏற்றுக்கொண்டு ஆற்றிய சிறப்புரையில் அவர் குறிப்பிட்ட ஒரு செய்தியை இங்கே நினைவூட்டக் கருதுகிறோம்.

“இதைக் கன்சிராம் உணர்ந்தார்; மாயாவதி உணந்தார். அங்கே நடக்கிறது அரசியல் புரட்சி. நான்காவது முறையாக முதல்வர் ஆனாரே! ஒட்டுமொத்த தலித் மக்களும் அவர் பின்னால் நின்றார்களே, அது ஏன் இங்கே சாத்தியமில்லை? ஏன் இங்கே அது நடைபெறவில்லை? நான் கேட்கிறேன். தம்பியையும் சேர்த்துக் கேட்கிறேன், எப்போது நடைபெறும் அது இங்கே? எப்போது நடத்திக்காட்டப் போகின்றீர்கள்?” என்று திருமாவளவனைப் பார்த்துக்கேட்ட மருத்துவர் அய்யா அவர்கள் தமது உரையை முடிக்கும்போது குறிப்பிட்டதாவது,

“இந்த நிலையை மாற்ற தம்பி உங்களால்தான் முடியும். கற்பி, ஒன்று சேர், புரட்சி செய்! நானும் உங்களோடு சேர்ந்துகொள்கிறேன்”. (நமது தமிழ்மண் - சூலை 2011 - பக்.29 -30)

தலித் விடுதலையை, அதை உள்ளடக்கிய தமிழ் மக்கள் விடுதலையை முன்னெடுக்கும் புரட்சியை திருமாவளவனால் நடத்திக்காட்ட முடியும் என்று அய்யா அவர்கள் வெளியிட்ட நம்பிக்கையைத் தலைமேல் தாங்கி விடுதலைச்சிறுத்தைகள் கட்சி வீறார்ந்து நடைபோடும் என்று அய்யா அவர்களுக்கு உறுதி கூறுகிறோம்.

கன்சிராம் - மாயாவதி பாத்திரத்தை வகிக்க எழுச்சித் தலைவர் திருமாவளவனை அய்யா அவர்களே முன் மொழியும்போது மூன்று கோடி மக்கள் தொகை கொண்ட வன்னியர்களும் தலித்துகளும் வழிமொழிவார்கள் என்று நம்புகிறோம்.

(இது கட்டுரையாளரின் சொந்தக்கருத்து)

மசூதி இடிப்பைக் கண்டித்து இலங்கைத் தூதரகம் முற்றுகை! - தொல். திருமாவளவன் அறிக்கை

noreply@blogger.com (எழுச்சி தமிழர்) — Wed, 02 May 2012 05:44:34 PDT

இலங்கை தம்புள்ளை நகரில் அமைந்துள்ள 80 ஆண்டு பழமை வாய்ந்த ஹைரியா மசூதியை சிங்கள இனவெறியர்கள் சேதப்படுத்தி உள்ளனர். கடந்த 20 -04 -2012 வெள்ளிக்கிழமை அன்று மதியம் முஸ்லிம்கள் சிறப்புத் தொழுகையில் ஈடுபட்டிருந்தபோது இந்தத் தாக்குதல் நடைபெற்றுள்ளது. முஸ்லிம்களை வழிபாடு நடத்த விடாமல் தடுத்து மசூதியை சூறையாடிய சிங்கள இனவெறியர்களுக்கு ராஜபக்சே அரசு துணை நிற்கிறது.

பௌத்தர்களின் புனித இடத்தில் மசூதி அமைந்துள்ளதாகவும், எனவே மசூதி அங்கிருந்து அகற்றப்படும் என்றும் இலங்கை இனவெறி அரசு அறிவித்துள்ளது. இலங்கையின் பன்முகத் தன்மையை அழித்து அந்நாட்டை முழுவதுமாக சிங்கள மயமாக்கத் துடிக்கும் ராஜபக்சே அரசின் கொடுங்கரம் இப்போது மசூதியை நோக்கி நீண்டுள்ளது.

இலங்கையில் தமிழர் பகுதிகளிலெல்லாம் உள்ள பண்பாட்டுச் சின்னங்கள், கோவில்கள், தேவாலயங்கள் ஆகியவற்றை அழித்தும் சிதைத்தும் சேதப்படுத்தியும் வருகிற சிங்கள இனவெறியர்கள், இலங்கைவாழ் தமிழ் முஸ்லிம்களின் வழிபாட்டுத் தலத்தையும் சிதைக்கத் தொடங்கியுள்ளனர்.

சிங்கள இனவெறியர்களின் இத்தகைய அராஜக நடவடிக்கைகளைக் கண்டு இலங்கை வாழ் முஸ்லிம்கள் கடும் அச்சம் அடைந்துள்ளனர். இலங்கை முழுவதும் போராட்டங்களும் ஆர்ப்பாட்டங்களும் நடந்து வருகின்றன. இலங்கை முஸ்லிம்களின் பாரம்பரிய மசூதி மீட்கப்படவும், அவர்களின் வழிபாட்டு உரிமையும், வாழ்வுரிமையும் காக்கப்படவும் வலியுறுத்தி சர்வதேச அளவிலும் குரல்கள் ஒலிக்கத் தொடங்கியுள்ளன.

இலங்கைக்கு எதிரான ஐநாவின் தீர்மானம் சர்வதேச அளவில் ராஜபக்சே அரசுக்கு ஒரு நெருக்கடியை ஏற்படுத்தியுள்ள நிலையில், இந்த மசூதி இடிப்பு சம்பவம் ராஜபக்சேவின் இனவெறி முகத்தை தோலுரித்துக் காட்டியுள்ளது.

சிங்கள இனவெறியர்களின் கொடுஞ் செயலைக் கண்டித்தும், அதற்குத் துணை நிற்கும் ராஜபக்சே அரசைக் கண்டித்தும் சென்னையில் 03-05-2012 வியாழன் காலை 10 மணிக்கு இலங்கைத் தூதரக முற்றுகைப் போராட்டம் எனது (தொல்.திருமாவளவன்) தலைமையில் நடைபெறும். சிங்கள இனவெறி அரசுக்கு நம் எதிர்ப்பைத் தெரிவித்திடும் வகையில் விடுதலைச் சிறுத்தைகளும் இசுலாமியப் பெருமக்களும் போராட்டத்தில் பெருந்திரளாகப் பங்கேற்க வேண்டுமாய் கேட்டுக்கொள்கிறேன்.

இவண்

தொல்.திருமாவளவன்

தனியார் துறைகளில் இட ஒதுக்கீடு வழங்கும் தனி சட்டத்தை இயற்ற வேண்டும்

noreply@blogger.com (S R E E) — Wed, 02 May 2012 04:11:27 PDT

may 1

திருச்சி, கரூர், புதுக்கோட்டை, திருவாரூர், தஞ்சை, நாகை, அரியலூர், பெரம்பலூர், கடலூர் உள்ளிட்ட 10 மாவட்ட விடுதலை சிறுத்தை கட்சி செயலாளர்கள் நியமனம் குறித்து விருப்ப மனு பெறும் நிகழ்ச்சி திருச்சியில் நடந்தது.

விடுதலை சிறுத்தை கட்சி தலைவர் தொல்.திருமாவளவன் கட்சியினரிடம் விருப்ப மனுக்கள் பெற்றார். முன்னதாக அவர் நிருபர்களிடம் கூறியதாவது:-

புதுக்கோட்டை இடைத் தேர்தலில் விடுதலை சிறுத்தை கட்சி போட்டியிடாது. அங்கு இப்போது ஆளுங்கட்சியினர் தேர்தல் விதிமுறைகளை மீறி வருகின்றனர். இது போன்ற அத்துமீறல்களை தேர்தல் ஆணையம் தடுத்து நிறுத்த வேண்டும்.

புதுக்கோட்டை இடைத் தேர்தலில் போட்டியிட வில்லை என்று இந்திய கம்யூனிஸ்டு அவசர அவசரமாக அறிவித்து உள்ளது. இது அ.தி.மு.க.வுக்கு சாதகமாக அமையும். இந்திய கம்யூனிஸ்டு கட்சியின் அறிவிப்பு பாராளுமன்ற தேர்தலை மனதில் கொண்டு அறிவித்து இருக்கலாம். இதில் உள்நோக்கம் எதுவும் உள்ளதா? என்ற யூகத்திற்கான பதிலை உங்களிடமே விட்டு விடுகிறேன்.

தி.மு.க. ஆதரவுடன் இந்திய கம்யூனிஸ்டு கட்சியை சேர்ந்தவரை பொது வேட்பாளராக நிறுத்த அனைத்து கட்சிகளும் முன்வர வேண்டும். இது தொடர்பாக தி.மு.க. அனைத்து கட்சியினரை அழைத்து பேசவேண்டும்.

தி.மு.க. டெசோ அமைப்பை தொடங்கி இருப்பதை வரவேற்கிறோம். சர்வதேச சமூகத்தின் ஆதரவை பெற இது உதவும். இலங்கை சென்ற குழுவில் இருந்த காங்கிரஸ் எம்.பி.க்.கள் பிரதமரிடம் ராஜீவ், ஜெயவர்த்தனே ஒப்பந்தத்தை நடை முறைப்படுத்த வேண்டும் என அறிக்கை சமர்பித்து உள்ளனர். இது சரி வராது. எதிர்க்கட்சி தலைவர் சுஷ்மா சுவராஜ் இலங்கை அதிபர் ராஜபக்சேயை தனியாக சந்தித்து பேசியது குறித்து வெள்ளை அறிக்கை வெளியிட வேண்டும்.

ஈழத்தமிழர்கள் பகுதியில் சிங்களர்கள் குடியேறுவதை தடுக்க வேண்டும். அங்கிருந்து ராணுவத்தை வெளியேற்ற வேண்டும். மே தின நாளில் மத்திய அரசு தனியார் துறைகளில் இட ஒதுக்கீடு வழங்கும் தனி சட்டத்தை இயற்ற வேண்டும் என வலியுறுத்துகிறோம். இது தொடர்பாக நாடு தழுவிய மக்கள் இயக்கம் நடத்துவோம். என்.எல்.சி ஒப்பந்த தொழிலாளர்களை பணி நிரந்தரம் செய்ய வேண்டும். சர்க்கரை ஆலை தொழிலாளர்களுக்கு அரசு ஊழியர்களுக்கு இணையான ஊதியம் வழங்க வேண்டும்.

கூடங்குளம் அணுமின் போராட்டத்தில் ஈடுபட்ட வைகோ, நெடுமாறன், உதயகுமார், என் மீது உள்ளிட்ட அனைவரது மீதான வழக்குகளை வாபஸ் பெற வேண்டும். அங்கு உள்ள மக்களுக்கு பேரிடர் மேலாண்மை குறித்து பயிற்சி அளிக்க வேண்டும்.

இவ்வாறு அவர் கூறினார்.

ஒரு குறிப்பிட்ட சமுதாயத்தின் மீது அரசு பயங்கரவாதம் திணிக்கப்படுகிறது

noreply@blogger.com (S R E E) — Tue, 01 May 2012 10:11:45 PDT

கோவை, ஏப்.30-

பொதுக்கூட்டம்

சிறைகளில் அடைக்கப்பட்டு இருக்கும் இஸ்லாமிய கைதிகள் உள்பட அனைத்து கைதிகளையும் விடுதலை செய்யக்கோரி அரசின் கவனத்தை ஈர்க்கும் விதமாக கோவை உக்கடம் இக்பால் திடலில் இன அழிப்புக்கு எதிரான இஸ்லாமிய இளைஞர் இயக்கம் சார்பில் பொதுக்கூட்டம் நடைபெற்றது. கூட்டத்திற்கு வக்கீல் மோகன் தலைமை தாங்கினார். அப்துல்லா முன்னிலை வகித்தார். உமர்கயான் அறிமுக உரையாற்றினார்.

கூட்டத்தில் விடுதலை சிறுத்தைகள் கட்சியின் நிறுவனத் தலைவர் தொல். திருமாவளவன் எம்.பி. கலந்து கொண்டு பேசியதாவது:-

சட்டம்

இஸ்லாமிய சகோதரர்கள் கடந்த 10 ஆண்டுகளாக கடுமையான அடக்கு முறைக்கு ஆளாகி வருகிறார்கள். இந்திய அரசியல் சட்டம் வலியவரை கண்டால் வளைந்து கொடுக்கிறது. எளியவரை கண்டால் எட்டி உதைக்கிறது. தமிழக ஜெயில்களுக்கு மனித உரிமை அமைப்பை சேர்ந்தவர்கள் சென்று அங்கு அடைக்கப்பட்டு இருக்கும் கைதிகளின் நிலைமையை ஆய்வு செய்ய வேண்டும். அப்போது வெளிவராத ஏராளமான உண்மைகள் தெரியவரும். தேசிய பாதுகாப்பு சட்டத்தில் கைதானவர்கள், குண்டர் சட்டத்தில் அடைக்கப்பட்டவர்கள் மற்றும் ஆயுள் தண்டனை கைதிகள் இவர்களில் பெரும்பாலானவர்கள் தாழ்த்தப்பட்ட வகுப்பை சேர்ந்தவர்களாகவோ அல்லது இஸ்லாமிய சமுதாயத்தை சேர்ந்தவர்களாகவோ இருக்கிறார்கள்.

போராட்டம்

ஒரு குறிப்பிட்ட சமுதாயத்தின் மீது அரசு பயங்கரவாதம் திணிக்கப்படுகிறது. இந்த உலகில் மிகவும் கொடூரமானது அரசு பயங்கரவாதமாகும். பிரிந்து கிடக்கும் நாம் அனைவரும் ஒன்றிணைந்து ஒரு அமைப்பை உருவாக்காமல் இருப்பதால் பொய் வழக்குகள் போடப்படுகின்றன. அன்னா ஹசாரே போலீசாரிடம் அனுமதி வாங்காமல் போராட்டம் நடத்துகிறார். அவரை போலீஸ் கைது செய்யாமல் வேடிக்கை பார்க்கிறது. பாரதீய ஜனதா கட்சியின் முன்னாள் தலைவர் பங்காரு லட்சுமணன் ரூ.1 லட்சம் லஞ்சம் வாங்கினார் என்று அவருக்கு 4 ஆண்டு ஜெயில் தண்டனை விதிக்கப்பட்டுள்ளது.

இவர் தாழ்த்தப்பட்டவர்கள் என்பதால் இந்த பிரச்சனை விசுவரூபம் எடுத்தது. பாரதீய ஜனதா கட்சியில் மற்ற தலைவர்கள் எல்லாம் இருக்கும் போது பங்காரு லட்சுமணனை மட்டும் திட்டமிட்டு சிக்க வைத்து உள்ளனர். இந்தியாவில் பணம் வாங்காமல் தேர்தலை சந்திக்கும் அரசியல் கட்சி எது? ஊழலில் சிக்காத அரசியல் கட்சி எது? அனைத்து அரசியல் கட்சிகளும் ஊழலில் திழைத்து விட்டன. இதில் இருந்து தப்பிக்க சிறுபான்மையினர் மீது வன்முறையை கட்டவிழ்த்துவிட்டு மக்களின் மன நிலையை அரசுகள் திசை திருப்புகின்றன.

இவ்வாறு அவர் பேசினார்.

பொதுக்கூட்டத்தில் ராமகிருஷ்ணன், பாக்கர், தமீமுன் அன்சாரி, அகமது மற்றும் பலர் கலந்து கொண்டனர்.

கட்சியின் மாவட்ட செயலாளர்கள் பதவிக்கு நேர்காணல்

noreply@blogger.com (S R E E) — Mon, 30 Apr 2012 05:59:03 PDT

விடுதலை சிறுத்தைகள் கட்சியின் மாவட்ட நிர்வாகிகள் பொறுப்பு கடந்த சில மாதங்களுக்கு முன்பு கலைக்கப்பட்டன. கட்சியை பலப்படுத்த அனைத்து மாவட்டங்களிலும் கூடுதலாக சில மாவட்டங்களை சேர்த்து நிர்வாகிகளை நியமிக்க கட்சித்தலைவர் திருமாவளவன் எம்.பி. முடிவு செய்தார்.

பெரிய மாவட்டங்களை 4 ஆகவும், சிறிய மாவட்டங்களை 3, 2 ஆகவும் பிரித்து நிர்வாகிகள் நியமனம் செய்யப்பட உள்ளனர். முடிவில் மாவட்ட செயலாளர்களை தேர்வு செய்வதற்கான விண்ணப்பம் மாவட்டம் வாரியாக பெறப்பட்டது. யாருடைய சிபாரிசும் இல்லாமல் கட்சியில் சிறப்பாக பணியாற்றக் கூடியவர்கள், வழக்குகளில் சிக்காதவர்கள் யார்? என ஆராய்ந்து புதிய மாவட்ட செயலாளர்கள் தேர்வு செய்யப்படுகிறார்கள்.

முதலாவதாக வட சென்னை, தென்சென்னை, மத்திய சென்னை, காஞ்சீபுரம், திருவள்ளூர், வேலூர், திருவண்ணாமலை, விழுப்புரம் மாவட்டங்களுக்கான நேர்காணல் இன்று சென்னையை அடுத்த மறை மலைநகரில் நடந்தது. மாவட்ட செயலாளர் பதவிக்கு விண்ணப்பித்து இருந்தவர்கள் இதில் பங்கேற்றனர். அவர்களை ஒவ்வொருவராக திருமாவளவன் அழைத்து பேசினார்.

மாநில பொருளாளர் முகமது யூசுப், பொதுச்செயலாளர் சிந்தனை செல்வன், ரவிக்குமார் உள்ளிட்ட நிர்வாகிகள் நேர்காணலை நடத்தினர். இதில் புதிய மாவட்ட செயலாளர்களாக யாரை நியமிப்பது என்பது பற்றி முடிவு செய்யப்பட்டு விடும்.

இதைத் தொடர்ந்து நாளை (ஞாயிற்றுக்கிழமை) மதுரை, நாளை மறுநாள் சேலம், அதைத் தொடர்ந்து திருச்சி, புதுச்சேரியிலும் மாவட்ட செயலாளர்கள் நேர்காணல் நடைபெறுகிறது.

பணிநிரந்தரம் செய்ய மைய அரசு ஆணை பிறப்பிக்க வேண்டும்!

noreply@blogger.com (S R E E) — Sat, 28 Apr 2012 07:51:17 PDT

நெய்வேலி பழுப்பு நிலக்கரி நிறுவனத்தின் ஒப்பந்தத் தொழிலாளர்களை பணிநிரந்தரம் செய்ய மைய அரசு ஆணை பிறப்பிக்க வேண்டும்!

- தொல். திருமாவளவன் வலியுறுத்தல்

நெய்வேலி பழுப்பு நிலக்கரி (என்.எல்.சி.) நிறுவனத்தின் ஒப்பந்தத் தொழிலாளர்கள் கடந்த 10 ஆண்டுகளுக்கும் மேலாக தங்களைப் பணிநிரந்தரம் செய்ய வேண்டுமெனக் கோரி தொடர் போராட்டங்களை நடத்தி வருகிறார்கள். அவர்களின் நியாயமான கோரிக்கையை நிர்வாகம் ஏற்றுக்கொள்ள வேண்டுமென விடுதலைச் சிறுத்தைகள் கட்சியின் தொழிலாளர் விடுதலை முன்னணி உள்ளிட்ட பல்வேறு கட்சிகளின் தொழிற்சங்கங்களும் ஒப்பந்தத் தொழிலாளர்களின் போராட்டத்தில் பங்கேற்றுள்ளன. ஆனாலும், என்.எல்.சி. நிர்வாகம் பல்வேறு காரணங்களைச் சொல்லித் தட்டிக்கழித்து, மீண்டும் மீண்டும் ஒப்பந்தத் தொழிலாளர்களைப் போராட்டக் களத்திற்குத் தள்ளிக்கொண்டேயிருக்கிறது. தற்போது தமிழகத்தில் நிலவும் மிகுந்த மின்சாரத் தட்டுப்பாட்டை என்.எல்.சி. நிர்வாகம் கருத்தில்கொள்ளாமல் செயல்பட்டு வருகிறது. ஒப்பந்தத் தொழிலாளர்களின் வேலைநிறுத்தத்தால் நிலக்கரிச் சுரங்கத்தின் பணிகளும், அதன் மூலம் மின்சார உற்பத்தியும் வெகுவாகப் பாதிக்கப்பட்டு வருகிறது. எனவே, என்.எல்.சி. நிர்வாகம் உடனடியாக ஒப்பந்தத் தொழிலாளர்களைப் பணிநிரந்தரம் செய்ய வேண்டுமென கேட்டுக்கொள்கிறோம்.

அத்துடன், போராட்டத்தில் ஈடுபட்டுள்ளவர்களை நசுக்குவதற்கான நடவடிக்கைகளை மேற்கொள்ளும் என்.எல்.சி. நிர்வாகத்தையும் தமிழகக் காவல்துறையையும் வன்மையாகக் கண்டிக்கிறோம்.

சுகாதாரம் மற்றும் குடும்பநலம் தொடர்பான மான்ய கோரிக்கையின் மீதான விவாதத்தில்

noreply@blogger.com (S R E E) — Mon, 30 Apr 2012 06:46:11 PDT

-சுகாதாரம் மற்றும் குடும்பநலம் தொடர்பான மான்ய கோரிக்கையின் மீதான விவாதத்தில் தொல்.திருமா மக்களவையில் ஆற்றிய உரை சுருக்கம்:

பேரவைத்தலைவர் அவர்களே, வணக்கம்

வறுமையில் வாடுவோரின் எண்ணிக்கை பெருமளவில் உள்ள நாடு நமது இந்தியா.போதிய ஊட்டச்சத்து இல்லாமையாலும் போதிய சுகாதார வசதி இல்லாமையாலும்,போதிய சுகாதார விழிப்புணர்வு இல்லாமையாலும் ஏழை-எளிய மக்கள் எளிதில் நோய்வாய்படும் நிலை இங்கே உள்ளது.ஒரு லட்சம் பேருக்கு எழுபத்திரண்டு மருத்துவர்கள் என்கின்ற விகிதத்தில் தான்.மருத்துவப்பணிகள் ,சிகிச்சைகள் வழங்கப்படுகின்றன ,இந்நிலையில் ஆரம்ப சுகாதார நிலையங்களின் எண்ணிக்கையை ஐந்து கிலோ மீட்டருக்கு ஓன்று என்கின்ற வகையில் உயர்த்த வேண்டுகிறேன்.அடுத்து கடுமையான நோய்களுக்கு அறுவை சிகிச்சைகளுக்கு பிரதமர் நிவாரண நிதியிலிருந்து வழங்கப்படும் உதவித்தொகையின் அளவை ,மொத்தச்செலவில் ஐம்பது விழுக்காடு அளவுக்காவது உயர்த்தவேண்டுமென மாண்புமிகு அமைச்சர் அவர்களை கேட்டுக்கொள்கிறேன் மேலும் தமிழில் நோயைக்கண்டறிந்து நோய் மூலம் அறிந்து அதற்கேற்ற மருத்துவம் அளித்திட வேண்டும் என்கின்ற கருத்தில்

நோய்நாடி நோய் முதல் நாடி அது தணிக்கும்

வாய்நாடி வாய்ப்பச்செயல் என்று அய்யன் திருவள்ளுவர் கூறியிருக்கிறார் அத்தகைய பாரம்பரியமுள்ள சித்த மருத்துவத்தை இந்தியா அளவில் பரவச் செய்திட அரசு முன்வரவேண்டும் அவ்வாரே அலோபதி மருத்துவமனையிலும் சித்தா,ஆயுர்வேதம்,யுனானி மற்றும் ஹோமியோபதி ஆகிய மருத்துவ முறைகளுக்கான பிரிவுகளை உருவாக்கிட வேண்டுமெனவும் கேட்டுக்கொள்கிறேன் அதற்கேற்ற வகையில் போதிய நிதி ஒதுக்கீடு செய்யவேண்டுமெனவும் கேட்டுக்கொள்கிறேன் .நிறைவாக மாண்புமிகு அமைச்சர் அவர்களுக்கு ஒரு வேண்டுகோள் விடுக்க விடும்புகிறேன் ,அதாவது புதுடில்லியிலிருப்பதை போல AIIMS எனப்படும் அகில இந்திய மருத்துவ அறிவியல் நிறுவனம் ஒன்றை தமிழகத்தில் உருவாக்க வேண்டுமென கேட்டு நிறைவு செய்கிறேன் நன்றி.

- தொல்.திருமாவளவன்

அலெக்ஸ் பால் மேனோனின் குடும்பத்தினரை தொல்.திருமாவளவன் சந்தித்தார்

noreply@blogger.com (S R E E) — Wed, 25 Apr 2012 01:32:31 PDT

அலெக்ஸ் பால் மேனோனின் குடும்பத்தினரை தொல்.திருமாவளவன் சந்தித்து ஆறுதல் கூறினார்

சத்தீஸ்கர் மாநிலம் சுக்மா மாவட்ட ஆட்சியரும் தமிழகத்தை சார்ந்தவருமான திரு.அலெக்ஸ் பால் மேனன் அவர்கள் நக்சலைட்டுகளால் கடத்தப்பட்டுள்ளார். விடுதலைச் சிறுத்தைகளின் தலைவர் தொல்.திருமாவளவன் அவர்கள் இன்று (24.04.2012) மாலை சென்னை குளத்தூரில் திரு.அலெக்ஸ் பால்மேனன் அவர்களின் தந்தையார் மற்றும் குடும்பத்தினரை சந்தித்து ஆறுதல் கூறினார்.

அலெக்ஸ்பால் மேனனை மீட்பதற்கு தமிழக அரசின் குழு இந்தியத் தலைமை அமைச்சரை சந்திக்க வேண்டும்!

noreply@blogger.com (S R E E) — Mon, 23 Apr 2012 08:59:36 PDT

அலெக்ஸ்பால் மேனனை மீட்பதற்கு தமிழக அரசின் குழு இந்தியத் தலைமை அமைச்சரை சந்திக்க வேண்டும்!

- தொல். திருமாவளவன் வலியுறுத்தல்

21-4-2012 அன்று சத்தீஸ்கர் மாநிலத்தில் மாவட்ட ஆட்சியராகவுள்ள தமிழகத்தைச் சேர்ந்த அலெக்ஸ்பால் மேனன் ஆயுதம் தாங்கிய மாவோயிசக் குழுவினரால் கடத்தப்பட்டுள்ளது மிகுந்த அதிர்ச்சியையும் வேதனையையும் அளிக்கிறது. ஆயுதம் தாங்கிய குழுவினரின் தாக்குதல்கள், மற்றும் ஆள் கடத்தல்கள் போன்ற தீவிரவாதப்போக்குகள் நிறைந்த பகுதியில் மாவட்ட ஆட்சியராக வடஇந்திய மாநிலங்களைச் சேர்ந்த, அப்பகுதியின் வட்டார மொழிகளை அறிந்த அதிகாரிகளை நியமிக்க வேண்டிய அரசு, அப்பகுதி பற்றிய சூழலையும் வட்டார மொழியும் அறியாத தமிழகத்தைச் சேர்ந்த ஒருவரை அங்கே மாவட்ட ஆட்சியராக நியமித்திருப்பது மைய, மாநில அரசுகளின் மெத்தனப் போக்கை வெளிப்படுத்துகிறது.

மாவோயிச ஆயுதக் குழுவினர் பரவியுள்ள பல்வேறு மாநிலங்களில் ஏற்கனவே இத்தகைய நெருக்கடிகள் ஏற்பட்டுள்ளன என்பதை நாடறியும். வெளிநாட்டுப் பயணிகள் கடத்தப்பட்டதும், ஒடிசா மாநிலத்தில் சட்டமன்ற உறுப்பினர் கடத்தப்பட்டிருப்பதும், அதனால் நெருக்கடிகள் உருவாகியிருப்பதும் முன்அனுபவமாக இருக்கிற நிலையிலும்கூட, மைய-மாநில அரசுகள் போதிய பாதுகாப்பு இல்லாமலும், முற்றிலும் அப்பகுதிக்கு புதியவருமான ஒருவரை அங்கே மாவட்ட ஆட்சியராக நியமித்தது வன்மையான கண்டனத்துக்குரியதாகும்.

ஒடிசாவில் கடத்தப்பட்டுள்ள சட்டமன்ற உறுப்பினர் இன்னும் மீட்கப்படாத நிலையில், சத்தீஸ்கரில் மாவட்ட ஆட்சியர் கடத்தப்பட்டு மூன்று நாட்களாகியிருப்பது மைய-மாநில அரசுகள் எவ்வாறு இந்த மீட்பு நடவடிக்கையை வெற்றிகரமாக நிறைவேற்றப் போகின்றன என்கிற அய்யத்தையும் அச்சத்தையும் ஏற்படுத்தியுள்ளது. மாவோயிச ஆயுதக் குழுவினருக்கு அடிபணிந்து விடக்கூடாது என்று கருதி மைய-மாநில அரசுகள் வறட்டுக் கவுரவம் பாராமல் அவர்களின் கோரிக்கைகளைப் பரிசீலித்து கடத்தப்பட்டுள்ள அலெக்ஸ்பால் மேனனை மீட்பதற்கு விரைந்து நடவடிக்கைகளை மேற்கொள்ள வேண்டும்.

மாவோயிசக் குழுவினர் விடுத்துள்ள காலக்கெடு நெருங்கிக்கொண்டிருக்கும் வேளையில் அவர்களின் கோரிக்கைகளை நிறைவேற்றாமல் காலம் தாழ்த்துவது தெரிந்தே ஒரு உயிரைப் பலிகொடுப்பதற்கு இடமளித்துவிடும். இதுகுறித்து இதுவரையில் தமிழக அரசு மவுனம் சாதிப்பது ஏனென்று விளங்கவில்லை. தமிழகத்தைச் சேர்ந்த உயர் அதிகாரி ஒருவரின் உயிர் பணயம் வைக்கப்பட்டுள்ள நிலையில் தமிழக அரசு அவரை மீட்பதற்கு விரைந்து செயலாற்ற வேண்டும் என்கிற எதிர்பார்ப்பு தமிழக மக்களிடையே உள்ளது. தமிழக அரசே அக்கறை இல்லாமல் இருக்கிறது என்கிற மெத்தனப்போக்கு இந்திய ஆட்சியாளர்களுக்கும் சத்தீஸ்கர் மாநில அரசுக்கும் ஏற்பட வாய்ப்பு அளித்துவிடக் கூடாது.

எனவே தமிழக அரசு இந்தியத் தலைமை அமைச்சர் திரு.மன்மோகன் சிங் அவர்களைச் சந்தித்து அலெக்ஸ்பால் மேனனை மீட்பதற்குரிய நடவடிக்கைகளை மேற்கொள்ள வலியுறுத்தும் வகையில் தமிழக அரசின் சார்பில் அமைச்சர்கள் மற்றும் அதிகாரிகள் அடங்கிய குழுவை அனுப்பி வைக்க வேண்டுமென விடுதலைச் சிறுத்தைகள் கேட்டுக்கொள்கிறது.

இவண்

தொல்.திருமாவளவன்

இருக்க இடமில்லை ! இறந்த பின்பு சுடுகாடு இல்லை !!

noreply@blogger.com (S R E E) — Wed, 25 Apr 2012 05:56:00 PDT

திருவள்ளூர் மாவட்டத்தில் பள்ளிப்பட்டு ஒன்றியம்,ஆர்.கே.பேட்டை ஒன்றியம், பூண்டி ஒன்றியம் ஆகிய மூன்று ஒன்றியத்தில் கிட்டதிட்ட 28 கிராமங்களில் ஏழை எளிய ஆதிதிராவிடர்கள், இருளர்கள், அருந்ததிய மக்கள் வசித்து வருகின்றார்கள். இந்த 28 கிராமங்களில் வாழும் ஒடுக்கப்பட்ட மக்களுக்கு இறந்த சடலத்தை புதைப்பதற்க்கும், எரிப்பதற்க்கும் தொடர்ந்து அனுமதி மறுக்கப்படுகிறது.

இறந்த பிணத்தை அடக்கம் செய்ய 8 கிலோ மீட்டர் சுமந்து கழுத்து அளவில் தண்ணி ஓடுகிற ஆற்றை கடந்து சென்று புறம்போக்கு நிலத்தில் தான் பிணத்தை அடக்கம் செய்யவேண்டிய அவலம் இருக்கிறது. பல ஆண்டுகாலமாக வீட்டு மனைப்பட்டா, சுடுகாடு மயானப்பாதை போன்ற அடிப்படை வசதியை நிரைவேற்றக்கோரி விடுதலை சிறுத்தைகள் சார்பாகவும் தொண்டு நிறுவனங்கள் சார்பாக பல்வேறு மனுக்கள் தமிழக அரசுக்கும்,சம்பந்தப்பட்ட துறைக்கு கடிதம் மூலமாகவும் நேரடியாகவும் முறையிட்டு வருகின்றனர் .

இந்திய சுதந்திரம் பெற்று 65 ஆண்டுகள் ஆனப்பிறகும் ஏழை எளிய மக்களுக்கு இருக்க இடமும் இல்லை இறந்த பிறகு சுடுகாடும் இல்லை என்கிற அவலம் தொடர்கிறது,சொந்த மக்களுக்கு 1 சென்ட் மனைப்பட்டா கூட வழங்குவதற்க்கு கூட வக்கில்லாத மத்திய,மாநில அரசுகள் தனியார்மயம், தாரளமயம், உலகமயமாக்கத்தின் அடிப்படையில் ஆயிரக்கணக்கன ஏக்கர் நிலங்களை வெளிநாட்டு கம்பெனிகளுக்கு அள்ளித்தந்து தடையில்லா மின்சாரம் மற்றும் குடிநீர் வசதிகளுடன் மானியமும் வழங்குகிறது. அரசுகள் மாறினாலும் அடித்தட்டு மக்களின் பிரச்சனைகள் தீரவில்லை, தமிழக மக்களை குறிப்பாக இளைஞர்களை, மாணவர்களை மதுபோதை பழக்கத்திற்க்கு அடிமைகளாக்கும் டாஸ்மாக் சாரயம் விற்பதும், மக்களின் அறியாமை மற்றும் சினிமா மோகத்தை பயன்படுத்தி வாக்கு வங்கிகளாக மாற்ற இலவசங்களை அள்ளித்தருகிற ஆட்சியாளர்கள் அடித்தட்டு மக்களின் அடிப்படை வசதிகளை நறைவேற்றவில்லை. மேலும் 28 கிராம மக்களின் கோரிக்கைகளை நறைவேற்ற வலியுறித்தி விடுதலை சிறுத்தைகள் சார்பாக மாவட்ட செயலாளர் பாலசிங்கம் தலமையில் 23.4.2012 அன்று பள்ளிப்பட்டில் ஆர்பாட்டம் அணிவகுப்பு நடைபெற்றது.

ஆர்ப்பாட்டத்தில் கட்சியின் மாநில பொறுப்பாளர்கள் கௌதம சன்னா, எழில் கரோலின் மற்றும் தோழர் நீலவானத்து நிலவன் ஆகியோர் கலந்து கொண்டனர். சிறுத்தைகளின் அணிவகுப்பு பள்ளிப்பட்டு பேருந்து நிலையம் தொடங்கி வட்டாச்சியர் அலுவலகம் வரை சுமார் 2 கி.மீ வரை நடந்தது. ஊர்வலத்தின் முடிவில் பள்ளிப்பட்டு வட்டாச்சியர் அவர்களிடம் மனு அளிக்கப்பட்டது.