ჰექსემ დამთაგა ადრე და ძლივს მოვაგროვე თავში ინფორმაცია ამ პოსტისთვის.ხან რა მახსენდებოდა, ხან – რა და მგონი ეღირსა დღის სინათლე. ვინაიდან ამ ტეგ-თამაშის სახელია “რაც ყველაზე ძალიან მიყვარს” მხოლოდ უსულო და აბსტრაქტულ რამეებზე ვწერ და არ ვახსენებ, თუ როგორ მიყვარს დედა, ფრედი მერკური და ჩემი ყოველი მორიგი ბიჭი.

ვარდისფერი

ჩემს გარდერობში ვინმემ რომ შეიხედოს, ვარდისფრის ყველა ტონალობას აღმოაჩენს.

ვარდისფერი უბრალოდ ფერი აღარ არის ჩემთვის. ის გახდა ახირება, რომელიც გადაიზარდა მოუშლელ ჩვევაში და ცხოვრების წესში. ვარდისფრის სიყვარულში ალბათ მარტო ტრუმენ კეპოტის პერსონაჟი დოლი მაჯობებს “ბალახის სიმღერა”-დან.

ამერიკული Cosmopolitan-ი

ყოველი ახალი ნომრის ჩამოსვლას გულის ფანცქალით ველოდები ხოლმე. მერე from cover to cover ვკითხულობ და საინტერესო ინფორმაციას ხანდახან ვხაზავ კიდეც.

რამოდენიმე დღის წინ გავაკეთე მომავლი წლის გამოწერაი და 70 ლარი გადავიხადე. მაგრამ არ მენანება, რადგან ეს ის არის, რაც მიყვარს! ჩემი სტილი!

SATC

სერიალი Sex and the City რომ მიყვარს, არავისთვის აღარ არის მე მგონი საიდუმლო.

ბევრ რამეს მასწავლის, ხან ცხოვრებას, ხან სიცილს, ხან სიყვარულს, ხან მუშაობას, ხან თავდავიწყებას, ხან ჩაცმას, ხან სამყაროს რეალურად აღქმას… ვერც ერთმა სერიალმა/ფილმმა ვერ გადაწონა ჯერ.

Sex and the City. My merchandise.

სოციალური მედია

ბლოგი, facebook, twitter, youtube, Linkedin და ა.შ. ის არის რაც ცხოვრების ხალისს მაძლევს, რის გამოც სამსახურში წასვლა არ მეზარება, რასთან დაკავშირებითაც უამრავი ახალი იდეა მომდის ყოველ დღე.

ეს ის სამყაროა, სადაც ყოფნა მართლა მიყვარს…

მისტიკა + რომანტიკა

ამელი ხომ ყველას ნანახი გაქვთ? რომანტიკა ბევრ ფილმშია, მაგრამ მისტიკური რომანტიკა თუ რომანტიკული მისტიკა მხოლოდ ამელიში.

ცხოვრებაშიც სულ ეგეთ მისტიკურ რომანტიზმს და რომანტიკულ მისტიციზმს ვეძებ ხოლმე.

New York

იხილეთ ჩემი ძველი პოსტი New York-ზე და სხვა სიყვარულებზე.

აი, ასე თენდება ქალაქში, სადაც ერთ დღეს ჩავალ და ვიტყვი: გამარჯობა, მე სახლში დავბრუნდი!

პოპ კულტურა

მიყვარს ის, რასაც ხალხი ირჩევს. პაპსა მიყვარს.

პაპსა ფილმები, პაპსა მუსიკა, პაპსა ტანსაცმელი, პაპსა კულტურა.

არ მაინტერესებს რას ამბობენ სხვები. პაპსა! :love:

Related Posts

1. ძალიან მიყვარხარ!
2. ცოტაოდენი ფოტო-პოზიტივი – ნაწილი II
3. წამლები, Top.ge & დიზაინი

- 16 სართულიანის ბოლო სართულიდან გადმოგიხედავს?
- არა, მაგრად მეშინია სიმაღლის.
- ესე იგი შენ ვერასდროს გაიგებ რას ვგრძნობ, როცა მენატრები.
- გადმოვიხედავ. : *

არ გადმოიხედავ შენ… მაგრამ მე გადმოგახედებ!

Related Posts

1. აი… უკვე
2. წერილი წვეთებად
3. შენ მოდი

გუშინწინ პირველად ვუყურე გადაცემას “დაამარცხე ვარსკვლავი” და თუ გავითვალისწინებთ, რომ ტელევიზორს ძალიან იშვიათად ვუყურებ, შეიძლება ითქვას, რომ ამ შოუმ მართლა ჩამითრია.

მერე უცებ თავში გამიელვა, რა მოხდებოდა მსგავსი შეჯიბრი ქართველ ვარსკვლავებთან “ჩვეულებრივ მოკვდავებს” კი არა, ჩვენს საყვარელ ქართველ ბლოგერებს რომ გაემართათ. ჩემს იდეაზე მე თვითონვე გამეღიმა და უცებ ჩამოვწერე რამოდენიმე წყვილი, თუ რომელი ბლოგერი რომელ ვარსკვლავს შეერკინებოდა.

ხოლო ვინ ვის დაამარცხებდა, ამის გამოვლენა თქვენთვის მომინდვია!

წყვილი #1

ბლოგოსფეროს მამიდად წოდებული, ბლოგერი რომელიც სიტყვას წვერ წამახული ისარივით გესვრის და შიგ გულში მოგარტყამს, დიადი -

ჰექსე

@hexsunia

VS

ქართული გლამურის თვალსაჩინო წარმომადგენელი და ლევიტაციის განსაკუთრებული უნარით დაჯილდოებული ქალი, რომელიც მიკროფონს ისე არ დაიჭერს თუ მიწას მინიმუმ 11 სანტიმეტრით არ არის აცილებული -

თიკო სადუნიშვილი

წყვილი #2

ბლოგოსფეროს დამსახურებული არტისტი -

ზურიუსი

@zurriuss

VS

ქართული შოუ-ბიზნესის დამსახურებული არტისტი

ანრი ჯოხაძე

წყვილი #3

ქალი თითები, ქალი დიასახლისი, ქალი PMS

თინი

@tinyge

VS

ქალი რომელიც ათენებს და აღამებს ქართული საზოგადოების სიმართლის სადარაჯოზე

ნანკა კალატოზიშვილი

წყვილი #4

ბლოგერი რომელსაც აღწერა არ სჭირდება -

დოდკა

@kissie

VS

მომღერალი, რომელსაც კატეგორიულად “არ უნდა ვანია”

ანი სირაძე

წყვილი #5

როგოოოოოორ?-ისტი

ლანდიშა

@landish

VS

მომღერალი რომელიც არასდროს “მალავს სახეს”

ჯაბა ქარსელაძე

წყვილი #6

ბლოგერი რომელსაც ყველაზე მარტივად აბოძებ და გაბოძებს -

გაბო

@gabo_ge

VS

პოპულარული პარაფსიქოლოგი და ექსტრასენსი

ირაკლი ლომაია

წყვილი #7

უნიჭიერესი ქართველი ბლოგერი რომელიც სულ ოოოოო-ს გაძახებინებს -

ეკატერინე

@katiee_ge

VS

უნიჭიერესი ქართველი მომღერალი რომელიც ოოოოოო-ს სულ თვითონ იძახებს

ქეთი მელუა

@katiemelua

P.S. მე რომელ ქართველ ვარსკვლავთან შემარკინებდით?

Related Posts

1. 30+ ქართველი, 10+ უცხოელი ბლოგერი და 15+ ცნობილი ადამიანი ტვიტერზე
2. Escape.ge-ს ბლოგერი ვარ!
3. #7 იპოვეთ მეგობარი ბლოგერი

მე და შენ გავარღვევთ კოკაინის დიუნებს. გავცურავთ ალკოჰოლის ტალღებზე. დავამტრვრევთ შპრიცებს. გავალღობთ ერთმანეთის გაყინულ ხელებს. შევხვდებით სიზმრებში და გვექნება სამყარო, რომელიც არ არსებობს. დამინახე სიბნელეში. ჩემი სისხლი. შენი სისხლი. ჩვენი სისხლი.

ჩვენ ნარკოტიკი არ დაგვჭირდება. ერთმანეთს ვეყოფით. ამოწურვამდე და მერე მინუს უსასრულობამდე. თავდაყირა დავდგებით. 69-ჯერ.

შევხვდებით 7-ის 17 წუთზე და გადმოვიხედავთ 16 სართულიანი კორპუსის ბოლო სართულიდან, რომ ხელის გულებში მონატრებამ დაგვიაროს. სევდას შევაწუხებთ ჩვენი სიცილით.

ვიცხოვრებთ იმ დრომდე სანამ ვართ და ვიქნებით იმ დრომდე სანამ ვცხოვრობთ.

Related Posts

1. ბექა

გუშინ, 9 ივლისს, საღამოს 6 საათზე, სინგულარ ჯგუფის ახალი პროდუქტის, tweet.ge-ს პრეზენტაცია გაიმართა.

ყველაფერი რომ უფრო მარტივად ავხსნა, გთავაზობთ ვიდეო-ანიმაციას, რომელიც სპეციალურად tweet.ge-სთვის დამზადდა.

მადლობა ყველას, ვინც მოხვედით! :*

ვინც არ მოხვედით, გული უნდა დაგწყდეთ, ისეთი საჩუქრები გამოტოვეთ!

ისე, რა ზრდილობაა გაუფრთხილებლად არ მოსვლა? შემდეგი ღონისძიებებისთვის შავი სია უნდა შევადგინო – “ვინ აფუჭებს მოსაწვევებს”.

ყველანაირ სიახლეს tweet.ge-ს ოფიციალური ტვიტერიდან მიიღებთ – @theTWEETge (ადევნება უბრალოდ ბმულთან კურსორის მიტანით და Follow-ღილაკზე დაჭერითაც შეგიძლიათ! ^_^ )

Facebook-ის გვერდზე შემოერთებაც არ დაგავიწყდეთ!

Related Posts

1. Re-tweet by Twitter
2. Tweet-ers and more
3. I Hate You

უკვე 2 თვეა მგონი ონლაინ შოპინგის შესახებ არაფერი დამიწერია ხან ფული არ მქონდა, რომ რამე გამომეწერა, ხან Paypal-ის ანგარიში დამიბლოკეს, ხანაც უბრალოდ არ მეცალა. ახლა Paypal-ს ბლოკი მოვხსენი, ფულიც ჩამერიცხა და ცოტათი დროც გამოვნახე. ამიტომ მკითხველების თხოვნით ვდებ უკანასკნელი, სამიოდე დღის წინანდელი შოპინგის შედეგებს.

ფასი – $17

ფასი – $18

ფასი – $24

მარტო ჩემი შეძენილი ნივთების სურათები რომ არ დავყარო, ერთ-ორ სასარგებლო რჩევასაც მოვაყოლებ ონლაინ შოპინგის შესახებ.

ადრე ნანუკამ დაწერა გადამზიდების შედარება. თუ არ ვცდები ლოჯიქსი და ბარამი იყო მის მაგალითებში. სამწუხაროდ ნანუკამ ბლოგი გააუქმა და ის პოსტი ვეღარ ვიპოვე.

გადამზიდების შერჩევის კრიტერიუმები

გადავწყვიტე, ჩამომეწერა ყველა ის კრიტერიუმი თუ რის მიხედვით ავირჩიე ჩემი ფავორიტი გადამზიდი და ერთმანეთისთვის შემედარებინა პირველი ოთხი გადამზიდი რომელიც გამახსენდა.

1. მოხერხებული ვებ-გვერდი

ჩემი აზრით გადამზიდს უნდა ჰქონდეს ისეთი ვებ-გევრდი, სადაც მომხმარებელი შექმნის თავის პერსონალურ ანგარიშს და შეეძლება ამანათების შესახებ დეტალური ინფორმაციის გაგება, ბალანსის შემოწმება, ინვოისების ამობეჭდვა და ა.შ.

2. ავტომატური შეტყობინებები გადაზიდვის ყველა ეტაპზე

ლოჯიქსის მომხმარებელი როცა ვიყავი, ყველაზე მეტაც ის მაღიზიანებდა, რომ ყოველი ახალი ამანათის გამოწერისთანავე უნდა მიმეწერა პერსონალური იმეილი რომ “შევუკვეთე და გთხოვთ, მზადყოფნა გამოაცხადეთ”. ასევე უნდა მიმეწერა ტრეკინგის კოდები და ხანდახან ინვოისის ასლიც უნდა გამეგზავნა.

USA2Georgia-სთან გადასვლის შემდეგ კი ყველა ეს პრობლემა მომეხსნა. მე ვუკვეთავ მხოლოდ ამანათს და დანარჩენს გადამზიდი თვითონ მატყობინებს. თანაც იმეილები გადაზიდვის ყველა ეტაპზე მომდის:

• ამანათის USA-ში მიღება,
• ტვირთის მზადება გამოსაგზავნად,
• ტვირთის გამოგზავნა თბილისში,
• ტვირთის ჩამოსვლა,
• გადასახდელი ინვოისი (თუ ბალანსზე არასაკმარისი თანხაა),
• შეტყობინება ინვოისის ავტომატურად გადახდის შესახებ (თუ ბალანსზე თანხა მაქვს),
• გადახდილი ინოვოისი

შედეგად მე ყოველთვის ვიცი, სად არის ჩემი ტვირთი.

3. დამრგვალება

დამრგვალება ძალიან მნიშვნელოვანია მაშინ, როცა ტვირთის წონა ცდება ერთ კილოგრამს და ერთი კილოგრამის ზემოთ ამანათის თითოეული ასი გრამი ჩვენს ჯიბეზე საგრძნობლად მოქმედებს.

ვერაფრით შევძელი გამერკვია საერთოდ აქვს თუ არა ბარამს დამრგვალება. დანარჩენ ქართულ გადამზიდებს აქვთ დამრგვალების შემდეგნაირი წესი:

თუ ამანათი 500 გრამზე ნაკლებია, სამივე გადამზიდი გვახდევინებს 500 გრამის შესაბამის თანხას.

თუ ამანათი 500 გრამზე მეტია, მაგრამ 1 კილოგრამზე ნაკლები, სამივე გადამზიდი გვახდევინებს 1 კილოგრამის შესაბამის თანხას.

ხოლო თუ ამანათი 1 კილოგრამზე მეტია:

• USA2Georgia და ლოჯიქსი – არ ამრგვალებენ! ანუ იხდი ზუსტად იმდენს რამდენსაც იწონის ამანათი.
• ონექსი – ამრგვალებს ყოველ 100 გრამზე! (რაც პრინციპში იგივე გამოდის, რომ არ დაამრგვალოს)

დამრგვალების მხრივ ამ გადამზიდებს შორის დიდი პრინციპული განსხვავება არ არსებობს (ერთადერთი ბარამზე ვერ გავარკვიე დამრგვალების რა მეთოდით მუშაობენ).

4. ამანათის გადაფუთვა და ზომაში შემცირება

6 მაისს USA2Georgia-ს კორპორატიულ ბლოგზე გამოჩნდა პოსტი “ახალი გადაფუთვის სერვისი“, რამაც სიხარულისგან ჭყლოპინი დამაწყებინა. თუ ამ პოსტს წაიკითხავთ მიხვდებით რატომაც.

გადალაგების ახალი სერვისი ნიშნავს, რომ შეგვიძლია დავივიწყოთ მოცულობითი წონა ტანსაცმლის გამოწერისას. Usa2Georgia დიდ საფოსტო ყუთით მისულ ტანსაცმელს გადაიტანს საფოსტო პარკებში და გადაზიდვისას დაითვლის ამანათის რეალურ წონას.

გადალაგების და ზომაში შემცირების სერვისის შესახებ სხვა გადამზიდების ვებ-გვერდებზე ვერაფერი წავიკითხე. :/

5. კვირაში 2 რეისი

იცით რას ნიშნავს კვირაში ორი რეისი? იმას, რომ ონლაინ შოპინგი დამთავრებული არ მაქვს და ამანათი უკვე კარებთან მელოდება.

მას შემდეგ რაც USA2Georgia-მ კვირაში ორი რეისი შემოიღო, ამანათები გამოწერიდან 5-7 დღეში ჩამომდის. გაოგნებული ვარ! :O დანარჩენი გადამზიდები რამდენადაც გავარკვიე, კვირაში მხოლოდ ერთ რეისს ახორციელებენ, რაც ამანათისთვის ლოდინის დროს 10 დღიდან 2 კვირამდე ზრდის.

გარდა ამისა, ხშირად ჩამოტანისას საბაჟოს 300 ლარიან ლიმიტს უფრო ადვილად დაიცავთ. ანუ თქვენი სხვადასხვა დროს მისული ამანათები მალევე გამოიგზავნება და ერთმანეთს არ დაემატება.

6. საკურიერო მომსახურება

თბილისის მასშტაბით ამანათს ოთხი გადამზიდიდან სამი სახლში მოგართმევთ.

ბონუსები:

• მხოლოდ USA2Georgia-ში შეგიძლია შეიტანო ანგარიშზე რა თანხაც გინდა და შემდეგ პერიოდულად ხარჯო, სხვადასხვა ამანათების ჩამოსვლისას. ზედმეტი თანხა შენი ანგარიშის ბალანსზე ინახება და ახალი ამანათის ჩამოსვლისთანავე საკმარისი თანხის არსებობის შემთხვევაში ბალანსს ავტომატურად ეჭრება.
• მხოლოდ USA2Georgia-ს გააჩნია კორპორატიული ბლოგი. :love:

მე USA2Georgia-ს ერთგული მომხმარებელი ვარ იმ დრომდე სანამ უკეთესი გადამზიდი არ გამოჩნდება. თუმცა ამ პირობებში, ვერ ვხდები რა უნდა შემომთავაზოს ახალმა გადამზიდმა ისეთი, რომ შეჩვეულ სერვისზე უარი ვთქვა.

თქვენ რა პრობლემებს აწყდებით ონლაინ შოპინგის დროს?

რა სერვისების დანერგვას ან გაუმჯობესებას ისურვებდით ამ ოთხი გადამზიდის საქმიანობაში?

Related Posts

1. სუფთა სამზარეულო და ტრანსპორტირების გადასახადები
2. Summer Shopping Wishlist
3. 5 ინჩი

ესეც ცნობილი ვიდეოს შეპირებული მეორე ნაწილი.

პირველი ნაწილი დევს აქ: Xiaxue’s Guide to Georgia: Part 1

GTL EP77 Georgia Part2 from clicknetwork on Vimeo.

Related Posts

1. Xiaxue’s Guide to Georgia: Part 1
2. I’m Blessed
3. Global Voices – ინტერვიუ

“When you are 20, you like nothing about yourself. But when you’re 30, you’re like ‘It doesn’t get any better than this. I should enjoy who I am, what I have, and make the most of it.’”

- @Shakira for Cosmopolitan

მგონი ვეთანხმები.

Related Posts

No related posts.

არავის შეუმჩნევია, რამდენი ადამიანი შეიკრიბა! ♥

სპეციალურად არ დავწერე პოსტი გუშინწინ, როგორც კი სახლში მივედი. ჯერ მინდოდა მრავალი დაბოღმილი თუ “ძალით ორიგინალური” ბლოგერების პოსტებისთვის დამეცადა.

ძალიან გამეცინა იმ ყველაფერზე, რასაც წერთ, თუ როგორი საშინელება იყო სოციალური მედიის დღე, როგორ არასწორად იყო შერჩეული პრეზენტაციის თემები და თუ როგორი უკულტურობით გამოირჩეოდა საზოგადოება.

არავის შეუმჩნევია ორი ულამაზესი გოგო ♥

მინდოდა ეს დღე ყოფილიყო თბილი, ბლოგერული, სოციალური, არა-ოფიციალური და მაქსიმალურად თავისუფალი.

ის კი არ მესმის, თქვენ რას მოელოდით ასეთს ამ დღისგან და რით დარჩით გულდაწყვეტილი.

“სოციალური მედიის საერთაშორისო დღის” მთავარი მიზანი თავიდანვე განსაზღვრული იყო -ეზეიმა სოციალური მედიის გარდაქმნა და ჩამოყალიბება საერთაშორისო დიალოგის ინსტრუმენტად.

არავის შეუმჩნევია, როგორ ჰგავდა ლანდიშა სტივ ჯობსის ახალგაზრდობას ♥

ორი დღეა ვცდილობ გამოვიცნო, რას ნიშნავს სიტყვა ზეიმი.

ჩემთვის კი ზეიმი, არ არის საუბრები ბოდლერზე. ზეიმი, არ არის სერიოზული სახით ჯდომა. ზეიმი, არის თავისუფლება. ზეიმი, არის შეუზღუდავობა.

ვინც არაპუნქტუალურობაზე და “ქართულ პონტებზე” დაწერა, იქნებ წინასწარ შედგენილი პროგრამისთვის მაინც გადაეხედა და ენახა, რომ 6-დან 7 საათამდე შეკრების, სოციალიზაციისა და აქტიურად “უსაქმურობის” დრო იყო გამოყოფილი. გაბოს პრეზენტაცია კი განრიგისამებრ ზუსტად 7-ზე დაიწყო.

როგორ მეცინება თქვენს ზედმეტ პრეტენზიებზე და უკმაყოფილებაზე.

არავის შეუმჩნევია ალექსანდრეს უსაყვარლესი "როჟა" ფოტოების გადაღებისას ♥

ჩემთვის პირადად ეს დღე ნაყოფიერი იყო!

მე იქ ვნახე 20+ ადამიანი, ვინც იქ წარმოდგენილი პრეზენტაციებიდან რაღაც ახალი წაიღო სახლში.

ასევე ვიცი 20+ ადამიანი, ვინც სხვა ბლოგერების გასაცნობად მოვიდა და მათთან ერთად სურათების გადაღებაც ყველაზე მეტად გაუსწორდა იმ დღეს.

ასევე ვიცი 50+ ბლოგერი, ვინც იქ სიამოვნებით ნახა თავისი მეგობრები.

რამოდენიმე ადამიანიც მეგულება, ვინც დემი მურის და ეშტონ კუჩერის დიალოგების სანახავად გუშინ bettween.com-ზე შევიდა.

ასევე ვიცი უამრავი, ვისაც პიცის მირთმევა ესიამოვნა.

განსაკუთრებით კი იმ 10-ზე მეტი ბლოგერის მჯერა, ვინც გუშინ ამედევნა twitter-ზე.

თუ ზემოთ ჩამოთვლილ არცერთ მიზნობრივ ჯგუფში არ შედიხართ, მაშინ მე თქვენ (რბილად რომ ვთქვათ) მკიდიხართ.

"ამტანი" სანდროც არავის შეუმჩნევია ♥

“გალსტუკიანი” კონფერენცია გინდოდათ?

მთაწმინდის პარკში პეროებმა შეგაწუხათ?

კვარიათში წაუსვლელობით დაბოღმილებმა, გადაწყვიტეთ რომ ჯავრი სოციალური მედიის დღეზე გეყარათ?

ყველას დიდი ბოდიში, რომ თავს უფლება მივეცი და ერთად შეგკრიბეთ ყველანი, რომ მინდოდა ერთი ნათელი დღე მეჩუქებინა თქვენთვის, რომ მინდოდა ცოტა სუფთა ჰაერი ჩაგეყლაპათ, რომ მინდოდა აგეწიათ კომპიუტერთან ჯდომისგან გაფუებული  ტაკოები, ერთმანეთისთვის ავატარების მაგივრად თვალებში ჩაგეხედათ, Poke-ების მაგივრად ხელი ჩამოგერთმიათ, სტატუსების და-like-ების და lol-ების წერის მაგივრად გულიანად გეცინათ ერთმანეთის ხუმრობებზე!

მაპატიეთ, რომ ამ ყველაფერს ოდნავ შემეცნებითი ფონიც დავურთე თან, იმ 20-30-იოდე ბლოგერის გამო, რომლებიც მართლა საჭიროებდნენ ამ ცოდნას.

არავის შეუმჩნევია ბიჭი, რომელიც წინ მედგა და SMS-ს მწერდა ♥

ჩემთვის სოციალური მედიის დღემ გუშინწინ მთაწმინდის პარკში არაჩვეულებრივად ჩაიარა. :love:

ყველას გილოცავთ და გკოცნით,

თქვენი სვითი. :*

არავის შეუმჩნევია, თუ როგორი ვარდისფერი მაისური ეცვა ლევანს ♥

P.S. სამწუხაროდ, ჩემს ფოტოაპარატში არ აღმოჩნდა პიცის ცარიელი კოლოფების და პლასტმასის ჭიქების სურათები, თორემ აუცილებლად დავურთავდი, საზოგადოების უკულტურობის ხაზგასასმელად.

ეტყობა, უფრო პოზიტიურ რამეებზე ვიყავი კონცენტრირებული! :love:

და ასევე არავის შეუმჩნევია ამფითეატრის რემონტზე მომუშავე ახალგაზრდა, რომელიც ბლოგერი აღმოჩნდა და მოგვიანებით ჩვენს ღონისძიებას შემოუერთდა ♥

Related Posts

1. გიწვევთ სოციალური მედიის დღეზე
2. ახალი მედიის ფორუმი და თქვენ
3. April 1st

ხვალ, ოთხშაბათს, 30 ივნისს, საღამოს 6 საათზე, ყველა ბლოგერსა და სოციალური მედიის წარმომადგენელს გიწვევთ “სოციალური მედიის დღეზე” მთაწმინდის პარკის ამფითეატრში!

ჩატარდება 5 პრეზენტაცია, რომლებსაც წარმოადგენენ ქართველი ბლოგერები – ლანდიშა, გაბო, საბუნია, მე და ბიბლუსის კორპორატიული ბლოგის ავტორი გიორგი გიორგაშვილი.
დამატებითი დეტალებისთვის იხილეთ ვებ-გვერდი SMDAY.singular.ge ან ფეისბუქის ივენტი bit.ly/SMDAYtb

საერთაშორისო ეფექტის კიდევ უფრო გასაზრდელად ყველას გთხოვთ არ დაიზაროთ და facebook connect-ით დარეგისტრირდეთ აქ:

meetup.com/Mashable/8480/

ამისათვის უბრალოდ დააჭირეთ I’m Interested- ღილაკს!

თბილისის “სოციალური მედიის დღე” უკვე შევიდა მსოფლიოში დაგეგმილ 584 შეხვედრათა შორის ტოპ-40-ში დამსწრეთა რაოდენობის მიხედვით (32 ადგილი! Update: უკვე მე-20!!! ♥).

ორგანიზატორებმა სპეციალური მადლობის წერილი მოგვწერეს! ♥ ♥ ♥ და ასევე პარასკევს გამოგვიგზავნეს სტიკერები და მაისურები, რომლებიც სამწუხაროდ ალბათ ხვალამდე ვერ ჩამოაღწევს.

ღონისძიებაზე იქნება უფასო პიცა და სასმელი, რასაც უზრუნველყოფს ჩვენი საყვარელი სპონსორი – “სინგულარ ჯგუფი“! :love:

გამიხარდება თუ თქვენს ბლოგებზე დაწერთ მიმოხილვებს და შთაბეჭდილებებს ღონისძიებასთან დაკავშირებით!

აბა, ხვალამდე! გელით ყველას!

P.S. გამოიყენეთ Twitter-ის ოფიციალური ჰაშტაგი – #smday

P.P.S. flickr-ზე ატვირთულ სურათებს დაურთეთ ტეგი SMDAY

მთაწმინდის პარკის რუკა

Related Posts

1. ახალი მედიის ფორუმი და თქვენ
2. 30 ივნისი – სოციალური მედიის საერთაშორისო დღე
3. ახალი მედიის ფორუმი – განახლება

გამგზავრება

9-ს რომ 15 აკლდა დევიმ დამირეკა. ზუსტად 2 წუთის გახელილი მქონდა თვალები. უაზროდ ჭერს მივშტერებოდი და ვიხსენებდი ვინ ვიყავი, რა დღეა, სად ვარ და რატომ რეკავს ეს მაღვიძარა. დევის ხმამ გამომაფხიზლა და ისეთი სისწრაფით დავიწყე ჩაცმა, ჩანთის ჩალაგება და თან ჭამა, რომ გაოცებულმა დედაჩემმა ერთი მომაძახა “რამე არ დაგრჩეს” და “არ დააგვიანოო”. მეტის თქმას მაინც ვერ მოასწრებდა.

სასწრაფოდ ტაქსში ჩავხტი და შეხვედრის ადგილისკენ ანუ – სპორტის სასახლისკენ გავეშურე.

შეხვედრის ადგილზე 9 ბლოგერი დამხვდა: ლეონსიო, დევი, Kate Alukard, Doody, წყარო, ბექა, ჰექსე, ნიკა და კნუტი.

გვაკლდა მხოლოდ ლანდიშა და ფსიქე. ფსიქეც მალევე მოვიდა. ლანდიშა კი, რომ გადავურეკეთ ახალი გაღვიძებული აღმოჩნდა და გადავწყვიტეთ მისთვის სახლში გაგვევლო.

ლეონსიო, ბექა, წყარო, ალუკარდი, Doody, დევის ნაწილი

წყარო, ჰექსე, Doody, ალუკარდი, კნუტი

ყველაზე მეტად ბაზარში საჭმლის ყიდვის პროცესი გაიწელა. ლეონსიო ბექა და ნიკა წავიდნენ. ჩვენ სამარშუტო ტაქსში დავრჩით. დაგვცხა, მოგვწყურდა, საწყალი ლანდიშაც თურმე ტრასაზე გველოდებოდა იმდენი ხანი, მაგრამ “ესეც გაივლისო” უთქვამს ბრძენს და 12 საათი იქნებოდა როცა თბილისიდან გავედით. ეს კი მართლა ღირდა ამდენ ლოდინად.

ლეონსიო და ბექა

მე და დევი ერთად ვისხედით და ბლოგის ბრენდინგზე, განვითარებაზე და სტრატეგიებზე ვსაუბრობდით. მერე გლამურულ თემებს და ჟურნალ კოსმოპოლიტენსაც გადავწვდით. ორივე იქ ვმუშაობდით. საუბარმა ისე გაგვიტაცა და გზა ისე გაილია, ვერც გავიგე. ამასობაში ჟინვალის წყალსაცავს მივადექით და მცირე ფოტოგრაფიულ-ბლოგერული შესვენების მოწყობა გადავწყვიტეთ.

ჟინვალის წყალსაცავი

ჰექსე - "რო გადახვალ გააჩერე!"

ლეონსიო და Doody

სახლ-მუზეუმი

როგორც იქნა ვაჟას სახლ-მუზეუმშიც ავაღწიეთ.

ლანდიშას ფოტოაპარატი ხელიდან არ გაუგდია მთელი დღე

ვაჟა-ფშაველას სახელობის მუზეუმი

მდინარე ჩარგულა

დევი და ჰექსე

ვაჟა-ფშაველას სახლ-მუზეუმის ბილეთი

ბილეთების აღების პროცესი

შესასვლელში მჯდომ ბილეთების გამყიდველს თავი “სოციალური მედიის წარმომადგენლებად” ჩავაწერინეთ. :love:

ვაჟა-ფშაველას სახლ-მუზეუმის გიდი

სახლ-მუზეუმში გიდად საინტერესო ფშავურ-აქცენტიანი ქალი შემოგვყვა და დეტალურად მოგვიყვა ვაჟა-ფშაველას ცხოვრებაზე, შემოქმედებაზე, ასევე დაგვათვალიერებინა მისგან დანატოვარი ნივთები.

საჩეჩელი

კარაქის სადღვები

ვაჟა-ფშაველა თავის მეორე ცოლთან და შვილებთან ერთად

Kate Alukard იგივე "ბუ"

DEVI & Co.

Doody (უკან - ბექა)

ისევ ფოტოგრაფიის დრო დადგა.

სვითი და ლეონსიო

ბექა წერს მუზეუმის სტუმრების წიგნში ჩვენი ბლოგების მისამართებს...

...დანარჩენები კი გულშემატკივრობენ

მერე ბუნებაში გავედით მდინარესთან და პატარა სუფრაც გავშალეთ. გვქონდა ძალიან ცოტა არაყი, რომელიც მგონი მარტო მე მომეკიდა. ჩავედით მდინარეზე, ჩავწერეთ ერთობლივი ვიდეო-პოსტი. მერე კი, როცა მზე ჩავიდა, თბილისისკენ გამოვეშურეთ.

რაც შეეხება დღის ემოციურ ნაწილს…

თავიდან ძალიან დათრგუნული ვიყავი, დილით სპორტის სასახლესთან რომ მივდიოდი ფეხები უკან მრჩებოდა, რადგან მეგონა რომ ჩემი მისვლა იქ არავის გაუხარდებოდა.

მე არ ვთვლი, რომ ბლოგოსფეროს ლიდერი ვარ! მაგრამ ხანდახან ჩემი მკითხველების და სხვა ბლოგერების წინაშე საშინელ პასუხისმგებლობას ვგრძნობ. ასეთ მომენტებში ვხედავ, როგორ მიყურებს 2000 თვალი და ყოველ ჩემს ნაბიჯს აკვირდება…

ძალიან ბევრჯერ უთქვამთ ან გამიგონია, ბლოგიდან მაგარი “სწერვა” და უხეში ტიპი ჩანხარ და სინამდვილეში კი სულ სხვანაირი ხარო. ჰოდა ვვარაუდობდი რომ ჩემს შესახებ მსგავსი აზრის მატარებელი, აქაც ბევრი იქნებოდა. ამ ექსკურსიაზე წამომსვლელებიდან მხოლოდ 2 -3 ადამიანს ვიცნობდი უკვე, დანარჩენები კი სრულიად უცნობები იქნებოდნენ და წარმოდგენა არ მქონდა, რა განწყობით დამხვდებოდნენ. მე კი ამ ექსკურსიისგან უბრალოდ ბუნებაში გასვლას და სასიამოვნოდ დროის გატარებას მოველოდი.

როცა პირველად ხვდები იმ ადამიანების გარემოცვაში, ვის თვალშიც თითქოს რაღაცას წარმოადგენ, ძალაუნებურად გიწევს თავის დამკვიდრებაზე მუშაობა, რათა მათი მოლოდინები არ გააცრუო. ჰოდა, ვაღიარებ, მე ძალიან დიდხანს მეშინოდა თქვენთან შეხვედრის. ვგრძნობდი, რომ თქვენ დიდი ხნის წინ დამაკისრეთ რაღაც პასუხისმგებლობები და არ მინდოდა თქვენი იმედების გაცრუება. არც ყველაფრის გაფუჭება.

ბევრად ადრე, ერთ უცნაურ დღეს, დავადგინე, რომ ადამიანები ან ადამიანების ჯგუფი ირჩევს ისეთ ლიდერს, რომელიც ყველაზე უკეთ გამოხატავს ამ ხალხის ნებას, სურვილებს, პიროვნებას, ხასიათს, მისწრაფებებს, შეხედულებებს. ხალხს უყვარს ის ვინც ხალხისნაირია. არადა სინამდვილეში, დროთა განმავლობაში ლიდერები იცვლებიან და საკუთარი ხალხისგან რადიკალურად განხვავებულ პიროვნებებად ყალიბდებიან. ლიდერობა და ხალხში პოპულარობა თავის თავში მოიცავს რაღაც ისეთ სიმძიმეებს, რომ შეუძლებელია, ბოლომდე შენი ხალხის მსგავსი დარჩე. სტატუს კვოს შესანარჩუნებლად კი არსებობს მხოლოდ ერთი გზა – ითამაშო მათ წინაშე, რაც ჩემთვის მიუღებელია. მირჩევნია საკუთარი გულწრფელი ამაზრზენობის აფიშირება მოვახდინო და შემიძულონ, ვიდრე გულის ამრევად გავტკბილდე.

სიტკბო წებოვანია, თავისუფლება კი – გრილი!

თქვენ უწრფელესი, უმზიანესი და უალალესი ხალხი ხართ. ასე მეგონა თქვენს სისადავეში რაღაც ბნელი კოსმიური მუხტი შემოვიტანე და მთელი დღე მტანჯავდა ეს შეგრძნება. ალკოჰოლი რომ არ დამემატებინა ამ ყველაფრისთვის, ალბათ თამაშსაც შევძლებდი, მაგრამ დავამატე და კარგიც ვქენი… მოკლედ ესა ვარ, რაცა ვარ. მაპატიეთ, თუ თქვენთან ყოფნას, თქვენს პატივისცემას, თქვენს მოსმენას და თქვენს აღტაცებას არ ვიმსახურებდი. მაპატიეთ, თუ რაღაც მომენტში იგრძენით, რომ მე ვიღაც ძალიან უცხო ვარ.

თუმცა, თქვენმა ბავშვურობამ გამახსენა, რომ მეც ვიყავი თქვენსავით წრფელი.

აი, მაშინ, როცა თქვენ აღმომაჩინეთ, შემიყვარეთ და მერე აქ მომიყვანეთ…

ზუსტად აქ, სადაც ახლა ვდგავარ.

P.S. ძალიან ემოციურად რომ არ გამომივიდეს დასრულება, პატარა ბლოგერულ ანეკდოტსაც მოგიყვებით:

ერთ პოპულარულ ბლოგერ გოგოს და ერთ ნაკლებად-პოპულარულ ბლოგერ ბიჭს ერთმანეთი მოსწონთ. ხანგრძლივ ფლირტს და რომანტიკას პირველი კოცნა მოჰყვება. კოცნის შემდეგ გოგო თვალს გაახელს და ბიჭს შეხედავს. ბიჭი კი ეუბნება: “ლინკს ახლაც არ გამიცვლი?“

თქვენი აზრით, რა უნდა გაეკეთებინა გოგოს საპასუხოდ?

დაფიქრდით, ასეთ სიტუაციაში ნებისმიერი თქვენგანი შეიძლება მოხვდეს.

Related Posts

1. მოგზაურობა ერევანში II
2. ექსკურსია ჩარგალში და ვოიაჟი კვარიათში
3. Chargali #3

Chargali #5, originally uploaded by Sweet Baby Girl.

We are coming hoooome! zaan magari iyo! Gzashi vart gacherebuli droebit magaziastan, Leonsio cvenis sayidlad aris chasuli. esec shepirebuli mexute posti. Daelodet fotoebs! Yay!

Related Posts

1. Chargali #4
2. Chargali #3
3. Chargali #2

Chargali #4, originally uploaded by Sweet Baby Girl.

Chavceret saerto video posti temaze – vin rodis da ratom daicyo blogingi. <3 albat hexes blogze daideba pirveli. leonsio kartofils shegvicvavs axla da mere davishlebit. kide erti postic da meyofa dges live bloggingi. )))

Related Posts

1. Chargali #5
2. Chargali #2
3. Chargali #3

Chargali #3, originally uploaded by Sweet Baby Girl.

Arayi, sachmeli da masajebi. <3

Related Posts

1. Chargali #1
2. Chargali #5
3. Chargali #4

Chargali #2, originally uploaded by Sweet Baby Girl.

Chavedit vajas saxl-muzeumshi. vigebt fotoebs. chems telefons panoramis gadagebis funkcia hkonia da axla pirvelad davteste. Devis mgoni mxari chamoechra magram mainc jigruli fotoa. Axla cavalt sakeifod. Kidev davblogav. Stay tuned!

Related Posts

1. Chargali #4
2. Chargali #3
3. Chargali #5

Chargali #1, originally uploaded by Sweet Baby Girl.

marshutkashi vart, sachmeli viyidet da chargalshi mivdivart. 12 shevgrovdit. vinc ar camoxvedit shegizliat ukve inanot! Cin didi mxiaruleba gvelis!!! Ar cxela. Yvelaferi magradaa. Aba gamoicanit romeli blogeris simpatiuri xeli devs chems gverdit!

Related Posts

1. Chargali #2
2. Chargali #3
3. Chargali #4

ხვალ ბლოგერები ექსკურსიაზე მივდივართ ჩარგალში. ვისაც ჯერ არ გინახავთ Facebook-ის ღონისძიება, შეგიძლიათ აქ დაკლიკოთ და ჯერ კიდევ არის დრო – შემოგვიერთდეთ!

ჩარგალი

იქითა კვირაში რამოდენიმე ბლოგერი ეკონომიკის სამინისტროს კვარიათში მივყავართ 3 დღით.

ეგ კი მიხარია, მაგრამ თბილისიდან ავტობუსით უნდა წავიდეთ და თან დღისით. იმედია სიცხე მაინც არ იქნება, თორემ არ ვიცი როგორ ჩავაღწევთ იქამდე. მთავარია რამის თავი გვქონდეს და იქ გატარებულ დროს მართლა ნაყოფიერად გამოვიყენოთ.

რა მიზნით მივყავართ, ჯერ კარგად ვერც მე გავიგე, სავარაუდოდ საკითხი ეხება კიბერ ბრძოლებს და საქართველოს პიარს ინტერნეტში.

კვარიათი - სურათი ვიკიპედიის ენციკლოპედიიდან

ერთი სიტყვით, მალე ფოტორეპორტაჟებით გაიძეძგება ეს ბლოგი. დაელოდეთ.

Related Posts

1. გიგანტური ბორში
2. April 1st
3. Virtual Trip To Singapore: I

დღეს ისე დამაწვიმა, მეგონა წამლეკავდა.
ოცამდე სრულიად უცნობ ადამიანთან ერთად ავტობუსის გაჩერებას ვიყავი შეფარებული. ერთმანეთს ვეკროდით. სუნთქვა გვიჭირდა. გადახურულში ღრიჭოებიდან წვიმა შემოვიდა. გზაზე წყალი დაგუბდა. ტროტუარს მისწვდა, ყოველი ავტობუსის გამოვლაზე დიდდებოდა და ტალღებად გადმოდიოდა ჩემს ფეხსაცმელებზე.

სველ ქვაფენილს გავყურებდი. ღიმილით. კოკისპირულად წვიმდა. ნაბიჯი გადავდგი და წყლის ფარდის ქვეშ აღმოვჩნდი. წვიმამ დამინახა და მშიერი მეცა მშრალს.
თვალები დავხუჭე.

მტკივნეულად ვგრძნობ, როგორ მეხება პირველივე წვეთი, როგორ აღწევს თმის სიღრმეში. მისველებს შუბლს, თვალებს, ტუჩებს. რა საჭიროა ტირილი, როცა წვიმა იტირებს ჩემს მაგივრად.
ვდგავარ გაბრწყინებული და თვალდახუჭული. არაფერი მაწუხებს. სრულად ვენდობი სტიქიას. უფლებას ვაძლევ, დაიპყროს ჩემი სიმშრალე. ხელებს ვადუნებ, ვათავისუფლებ, მორჩილად ვუშვებ.

თქეშია. წვიმამ ჩამიკრა გულში. მხრები გამელუმპა. დაღლილი წვეთები მკლავებს ჩააცოცდნენ, თითებს ჩაუყვნენ, ჩაწანწკარდნენ.
ღრმად ამოჭრილ მაისურში მკერდს წვიმა ასკდება. მე კი მხოლოდ იმას ვგრძნობ, თუ როგორ ვკარგავ წვეთებს თითებით, როგორ მწყდებიან. თითეული წვეთი როგორ იწელება, როგორ მშორდება და სადღაც უფსკრულისკენ მიექანება.

წვიმა კანზე თბილ, სველ და წებოვან ნაკვალევს მიტოვებს. მაგრამ არ ვინძრევი. შენთან წვეთები მაკავშირებს. წვეთები, რომლებსაც ამ წამს ვკარგავ და გაშვება არ მინდა. ყოველი მათგანი მეძვირფასება.

შენ ამას ვერ გაიგებ.
ვერ გივიწყებ, ისევ მეწვეთები.
ნეტავ როდის გადაიღებს…

დესკტოპზე...

Related Posts

1. ძალიან მიყვარხარ!
2. წერილი მივიღე
3. ისევ წერილი

ჩემმა სრულიად ახალმა ნაცნობმა, ამერიკელმა ჯარისკაცმა იენმა ერთი ფანტასტიკური ბლოგი აღმომაჩენინა. ვერ მოვწყდი. შეიძლება იმიტომ, რომ უბრალოდ ასეთი პერიოდი მაქვს ცხოვრებაში. ან შეიძლება იმიტომ, რომ უბრალოდ გენიალურია.

www.iwrotethisforyou.me

ზოგი პოსტი უბრალოდ ერთი წინადადება და ფოტოა, მაგრამ იმდენად გულში ჩამწვდომი, რომ ასობით კომენტარია მასზე გაკეთებული. არქივების კითხვაც კი დავიწყე. ერთ-ერთი ბოლო პოსტის გადათარგმნა მომინდა საშინლად. არ ვიცი, რამდენად კარგი გამომივიდა, მაგრამ ორივე ვერსიას წარმოგიდგეთ.

თქვენც ეწვიეთ ბლოგს და თქვენი ფავორიტი პოსტების ლინკები მომწერეთ…

მეც მინდა, ასე გრძნობით ვწერდე.

(რაც შეეხება ამერიკელი ჯარისკაცის გამოჩენას, მაგ სახალისო ისტორიას ამ დღეებში მოგიყვებით. :$ )

Monday, June 14, 2010

The Taking Of Turns

You are in some songs that still get played on the radio when the DJ is feeling nostalgic.

You are in a book you once lent me (never returned) with yellowed pages.

You are in trees when I touch them, even ones without names carved into them.

You are in the way someone on the street laughs as I pass them.

You are in a box I keep filled with letters.

You are in a ring I no longer wear.

And, every day, you each get a moment to haunt me.

* * *

შენ სიმღერებში ხარ, რომლებიც მხოლოდ მაშინ გადის რადიოში, როცა წამყვანს ნოსტალგია შემოაწვება.

შენ ფურცლებგადაყვითლებულ წიგნში ხარ, ადრე რომ მათხოვე და დაბრუნება ვერ მოვასწარი.

შენ იმ ხეებში ხარ, რომელთაც ვეხები, თუნდაც ზედ ჩვენი სახელები არ იყოს ამოკაწრული.

შენ იმ უცნობის სიცილში ხარ, ქუჩაში რომ შემთხვევით მოვკარი ყური.

შენ ყუთში ხარ, წერილებით რომ გავსებულა.

შენ ბეჭედში ხარ, რომელსაც უკვე აღარ ვატარებ.

და თითოეული თითო წამით მსტუმრობთ ყოველ ცისმარეს.

Related Posts

No related posts.

ვაშა! საქვეყნოდ ცნობილი ვარ! თან დიდი მკერდი მაქვს!

GTL EP76 Georgia Part1 from clicknetwork on Vimeo.

Update: მეორე ნაწილი იხილეთ აქ – Xiaxue’s Guide to Georgia: Part 2

Related Posts

1. Xiaxue’s Guide to Georgia: Part 2
2. I’m Blessed
3. Global Voices – ინტერვიუ

ტვიტერის ძალიან საყვარელი სერვისი არსებობს, TweetCloud.com. შეხვალ, ავტორიზაციას გაივლი, მონიშნავ დროს, ღრუბლის ზომას და საიტი ტვიტების ღრუბელს აგენერირებს.

ბოლო 3 თვის განმავლობაში ჩემი ყველაზე ხშირად დატვიტული 3 სიტყვა იყო:

Love, Hate & Thanks

თქვენც გააკეთეთ და კომენტარებში დამიწერეთ თქვენი ტოპ-3 სიტყვა.

Related Posts

1. Candy and Companies
2. Things About Alice… [p.1]
3. Tweet-ers and more

გუშინ თინი შემხვდა და ბევრი მისმინა.

ბოლოს ღრმად ჩაისუნთქა და თქვა:

“ერთი შეკითხვა მაქვს, აი, ამდენს ერთად როგორ უძლებ?”

მანდ მივხვდი, რომ სასწრაფოდ მჭირდება ახალი თეთრი ფურცელი ცხოვრებაში.

ჯერ ბლოგის დიზაინს მოვიყვან ჭკუაზე, მერე ჩემს ოთახს ჩემებურად მოვაწყობ, მერე გარდერობს განვაახლებ და მერე დასასვენებლად წავალ ერთი კვირით სადმე მიკარგულ სოფელში. ბევრს დავწერ, ბევრს ვისეირნებ, საღამოობით წითელ ღვინოს დავლევ.

დღეს დიზაინით დავიწყე – ეს რამოდენიმე თვის წინ უნდა გამეკეთებინა, მაგრამ ვერაფრით თავი ვერ მოვაბი.

ახლა რასაც ხედავთ, საბოლოო არ არის. ერთ-ორ დღეში დავასრულებ.

შეიძლება არ მოგეწონოთ, მაგრამ შეეჩვევით. წინა დიზაინი უკვე ძალიან ბევრ რაღაცას მახსენებდა და ვერაფრით ვერ ვწერდი ბლოგზე.

დიზაინთან დაკავშირებული შენიშვნები და რეკომენდაციები კომენტარებში მომწერეთ.

მადლობა!

Related Posts

1. დიზაინის შეცვლა ბლოგსპოტზე!
2. პროფესიონალები, ბლოგის დიზაინი და გულახდილობები
3. ბლოგის მონეტარიზაცია

გუშინ საღამოს 9-ის ნახევარზე კინოთეატრ ამირანში ფილმის “სექსი დიდ ქალაქში 2” პრემიერა გაიმართა. მოსაწვევი ადრევე მქონდა, ჩემი და სალომეს ახალი ბლოგის დამსახურებით.

სხვათაშორის გავოცდი მოსაწვევის ორიგინალურობით. მოსაწვევი წარმოადგენდა ახალი ფილმის საუნდტრეკების კრებულს!

(სიმღერების გადმოწერა უკვე ჩვენი ბლოგიდან შეგიძლიათ)

"სექსი დიდ ქალაქში 2" - მოსაწვევი/CD

ჩემი უთავბოლობის გამო გახსნით ნაწილზე დამაგვიანდა. კინოს დაწყებამდე 10 წუთით ადრე მივედი. ფოიეში ულამაზესი სარკის კუბებით გამოსახული მანჰეტენის ინსტალაცია იყო განთავსებული. მე რომ შევედი მთელი ფოიე ბრჭყვიალა სარკის ნამტვრევებით, თეთრი ყვავილებით, სანთლებით და ბევრი, ბევრი კოქტეილის ჭიქებით იყო მოფენილი. გული დამწყდა, რომ ერთი კოსმოპოლიტენიც კი არ შემხვდა.

საბედნიეროდ უშუალოდ კინოზე არ დამაგვიანდა, რაც HairHaus-ის ჯადოსნური სტილისტის, ნატალის დამსახურებაა, რომელმაც 2 წუთში მოიფიქრა თუ რა უნდა ექნა ჩემი თმისთვის და გამოუვალი სიტუაციიდან გამომიყვანა. გარდა იმისა რომ HairHaus-მა მთლიანად იზრუნა ჩემს გუშინდელ გარეგნობაზე, მათ ისეთი მოულოდნელი სითბო და გულისხმიერება დამახვედრეს, რომ მე სხვა სალონისკენ არასდროს, არასდროს აღარ გავიხედავ! (შეგიძლიათ HairHaus-ს დაუმეგობრდეთ Facebook-ზე)

დარბაზში რომ შევედი, საჩუქრების გათამაშება მიმდინარეობდა. სცენაზე ორგანიზატორებთან ერთად ია ფარულავა და ნანიკო ხაზარაძე იდგნენ და მოგებულ საჩუქრებს არიგებდნენ.

მერე დაიწყო ფილმი.

სალომემ, რომელიც პრემიერაზე რაღაც მიზეზების გამო ვერ წამოვიდა, ვერ მოითმინა და ადრევე უყურა ფილმს. გაფრთხილებული ვყავდი, რომ დიდი მოლოდინი არ უნდა მქონოდა, თვითონ უფრო მეტ ინტრიგას და სკანდალს მოელოდა, მაგრამ იმედი ცოტათი გაუცრუვდა.

იმდენმა ადამიანმა დაწერა twitter-ზე – უბანძესი ფილმიაო – დიდი მოლოდინი არც მქონია, ამიტომაც თამამად ვამბობ, რომ ფილმმა ჩემს მოლოდინს ნამდვილად გადააჭარბა.

ფილმის ყურებისას ყველა ჩემი არსებული პრობლემა დამავიწყდა, მთლიანად ჩართული ვიყავი და როცა დავინახე ქერი დიორის “გაზეთის” კაბაში (სეზონი 3) გამოწყობილი ჩამოვიდა თავისი სახლის კიბეებზე…

ვიგრძენი, რომ ეს იყო Sex and the City-ს ფანებთან გამოსამშვიდობებელი სერია.

არ ვიცი, ვის ნოსტალგიაზე იყო აგებული მთელი სიუჟეტი, რეჟისორის, სცენარის ავტორების, მსახიობების თუ ყველასაზე ერთად, მაგრამ ფილმში კარგად ჩანდა, თუ როგორ ენატრება ქერის 90-იანები, ხოლო დარბაზში – როგორ ენატრებათ ფანებს სერიალი.

ჩვენ ყველამ ვიცით, რომ არც ერთი კინო ის აღარაა რაც 90-იანების 45 წუთიან ეპიზოდებად მოწოდებული მეგობრობა, სიყვარული, სტილი, მოდა, სექსი და ნიუ იორკი. არც ქერი და მისტერ ბიგი არიან იგივე, რაც 10 წლის წინ იყვნენ.

როცა კერი შეხვდა ბიგს, ბიგმა თქვა – Abso-fucking-lutely! ჩვენ ყველანი იქ ვიყავით!

და კერის 10 წელი დასჭირდა, რომ მისთვის თავი შეეყვარებინა და ცოლად გაჰყოლოდა. ჩვენ კი 10 წელი დაგვჭირდა იმისთვის, რომ მისტერ ბიგი შეგვეყვარებინა!!!

ახლა ქერი და ბიგი ერთად ბერდებიან. ბიგი ზის მათ საერთო ნიუ-იორკულ ბინაში, უყურებს ტელევიზორს და ქერის ეშინია, რომ ისინი გახდებიან კიდევ ერთი მოსაწყენი წყვილი, რომლებიც საღამოობით მხოლოდ ტელევიზორის ყურებით ირთობენ თავს…

ბედნიერება არ არის მიზნის მიღწევა, ბედნიერება მიღწეულის შენარჩუნებაა. ჩვენ კი ხანდახან თვითონაც არ ვიცით რა გვინდა ცხოვრებაში.

მიღწეული მიზნები და ახდენილი ოცნებები ძალიან მალე უფასურდება. მიზნამდე მისასვლელი გზის გავლა ბევრად უფრო საინტერესო გვეჩვენება, ვიდრე ის მდგომარეობა, როდესაც მიზანს ვაღწევთ.

ცხოვრებაში არ არსებობს ბედნიერი დასასრულები, მაგრამ არც ჩვეულებრივი დასასრულები არსებობს… ყველაფერი რაც გვგონია, რომ დასრულდა, სინამდვილეში ყოველთვის გრძელდება რაღაც ახალი სახით, ახალ ფორმად.

დედა გრძელდება შვილად, სიყვარული – მეგობრობად, სერიალი – კინოდ… და მერე კინოც მთავრდება.

“სექსი დიდ ქალაქში” დასრულდა, მაგრამ ქერი, შარლოტა, სამანტა, მირანდა და მე ისევ ვეძებთ ბედნიერებას.

Related Posts

1. “ოცნების ქალაქი” – პრემიერა
2. უბრალოდ, Sex and the City
3. Golightly, Bradshaw & NY

1. ჩემს საკუთარ სახლში ყოფნის შეგრძნება.

2. ხანდახან საწოლის მაგივრად, სასტუმრო ოთახის ტახტზე ჩაძინება…

3. ჩემი მომზადებული წვნიანის სუნი.

4. არეული ოთახები და მათი დალაგებაც.

5. დაგროვილი გასარეცხი ჭურჭელი სამზარეულონ ნიჟარაში.

6. ჩემი კომპიუტერი და სერიალები, იმ კომპიუტერში რომ დამრჩა…

7. ვარდისფერი გორგოლაჭებიანი სავარძელი.

8. ჩემი წიგნები, მათგან ამ წამს ყველაზე უფრო – “რიო პიედრას ნაპირზე ჩამოვჯექი და ავტირდი”.

9. ჩემი ყვავილი, რომელიც ალბათ ძალიან გაიზარდა... ან გახმა...

10. და ის დრო, ეს ბლოგი რომ მართლა კარგი ბლოგი იყო.

ბოლო პუნქტს ეშველება და აი დანარჩენს – არ ვიცი…

Related Posts

1. ფოტოები Kosmoshow-ს ინტერვიუდან
2. New Friend
3. Some Glamour of Me

30+ ბლოგზე დაიწერა. მგონი ყველა სათითაოდ წავიკითხე.

არავის დავუტაგივარ. (ან იმედი მაქვს ვერ ვიპოვე)

ქუჩაში თუ შემოგხვდით, მითხარით:

“გამარჯობა, Sweet, შენ ბლოგოსფერომ დაგივიწყა.”

Update @ 09.06.10 – 0:18

ირინამ დამტაგა, ჰოდა დავწერ მაინც რამეს.

სად -

თუ სახლში არ ვარ  და არც სამსახურში, ესე იგი ვერთობი. გასართობად ბოლო დროს პეროვსკაიაზე დავდიოდი – Buffalo/Dublin-ს ვიკლებდით მეგობრები მინიმუმ კვირაში ერთხელ. თუმცა ამიერიდან სად ვივლი, რამდენად ხშირად და ვისთან ერთად ეგ ჯერ არ ვიცი.

ახლა ერთ-ერთი ისეთი პერიოდია, რაღაცეები რომ იცვლება ხოლმე ცხოვრებაში.

რით -

მარშუტკით ძალიან იშვიათად დავდივარ. ჩემი მთავარი გადაადგილების საშუალებები ავტობუსი ან ტაქსია.

ხშირად ვდგავარ ქაშუეთის წინ რომ ავტობუსის გაჩერებაა და #14 ავტობუსს ველოდები. მანდ ერთხელ დათომ დამაფიქსირა.

ფეხით სიარულიც მიყვარს. თუმცა გააჩნია ვისთან ერთად ვარ და ფეხზე რა მაცვია.

რას -

თუ ვსვამ, აუცილებლად  – “კოსმოპოლიტენი” ან “მარგარიტა”. უკიდურეს შემთხვევაში – “მარტინი”.

მიყვარს ელვისში პიცა, პროსპეროში – ქაფქეიქი, ლიტერატურულში – ჩაი, მაკდონალდსში – ორმაგი ჩიზბურგერი.

როგორ -

ზამთარში უმეტესწილად თმა გაშლილი მაქვს, მაგრამ რაც სიცხეები დაიწყო კეფაზე გორგლად ვიხვევ. მუსიკას იშვიათად ვუსმენ.

თითქმის ყოველთვის მაღალ-ქუსლიანი ან მაღალ-ძირიანი ფეხსაცმელი მაცვია. ჩემი გარდერობის 90% ვარდისფერია, შესაბამისად თუ შემხვდებით, ფერით მაინც მიცნობთ აუცილებლად.

ადრე ჰექსემ მიცნო ვარდისფერი მობილურით, მაგრამ ახლა ის მობილური აღარ მაქვს, თუმცა ასეთი ფოტოაპარატით ვისაც შენიშნავთ, ის აუცილებლად მე ვარ.

ვისთან ერთად -

დღისით მარტო დავდივარ, საღამოს – უამრავ ხალხთან ერთად. თუ მარტო მნახავთ, პირდაპირ მოაჭერით, “როგორ ხარ Sweet?”-ის ძახილით. გამიხარდება, მარტო ვგრძნობ ხოლმე თავს.

თუ მეგობრებთან ერთად დამინახავთ, მოსვლა არ მოგერიდოთ. ჩემს მეგობრები ძალიან ამაყობენ, როცა სხვები ქუჩაში მცნობენ. ეგ ერთი რამ აქვთ საამაყო ჩემთან დაკავშირებით და მაგ ბედნიერებასაც ნუ მოაკლებთ.

ბიჭი არ მყავს. სადღაც მყავდა და დამეკარგა. თუ ვიპოვე, გპირდებით, თან ვატარებ.

თუ შემთხვევით გაგიმართლათ და ბიჭთან ერთად დამინახეთ, შეგიძლიათ სურათი გადამიღოთ და ფეისბუქზე ჩააპაპარაცოთ.

[ამ ადგილას ჩავსვამ იმ ფოტოს!]

Related Posts

1. შეხსენება
2. Interviewed

შენ ზღვაში ჩამავალი მზის ფერი თმა გქონდა. მე კი მისი თითებზე დახვევა შემეძლო.

შენ თვალებით იცინოდი. მე კი თვალები მენისლებოდა.

მე შენ გიმალავდი, რომ მეძვირფასებოდი. ყველას ვუმალავდი. საკუთარ თავსაც.

ალბათ იმიტომ, რომ მეგონა რამდენჯერაც არ დავმალავდი, იმდენჯერ გული მატკენდნენ.

შენზეც – გულს გატკენსო – გამაფრთხილეს. ყველაზე ახლო ადამიანებმა. ყველაზე ძვირფასებმა. არ დავუჯერე… როგორ შემეძლო… მაგრამ გულში მაინც დავეჭვდი…

როგორ მჭირდებოდა მაშინ მტკიცებულება…

მხოლოდ ის მინდოდა, რომ ერთადერთი და მთავარი ვყოფილიყავი შენთვის. მაშინ მეც ერთადერთად და მთავრად გაგხდიდი. მაგრამ არ გჭირდებოდა, ისედაც იყავი.

მეგონა, მეორეხარისხოვნობაზე უარესი არაფერი იქნებოდა. მერჩივნა საერთოდ არ ვყოფილიყავი.

შენ მითხარი ასე რამ გაგაბოროტაო, კეთილი, თბილი და საყვარელი მეგონეო.

ხანდახან ისე ვსუსტდები, რომ ჩემს ჩრდილთან საუბრისას ვმარცხდები. შენც ხომ გყავს ჩრდილი. ჰოდა მეც მყავს… სულ ვესაუბრები.

დღეს მითხრა – შენ გატკინეს, შენ არავის ახსოვდი, შენზე არავინ ფიქრობდა, ატკინე შენც, ნუ დაინდობ.

მე ვუთხარი – ეგ რომ გავაკეთო, სამყარო დამსჯის. ყოველთვის იმას ვიღებთ, რასაც ვიმსახურებთ.ყოველთვის ისე უნდა მოვექცე სხვებს, როგორც მინდა რომ მომექცნენ, ეს ჩემი მორალია, ნუ დამაძალებ ბოროტებას.

ის – თვალი თვალის წილ, კბილი კბილის წილ!

მე – არ მინდა ეგრე მოვექცე ადამიანებს.

ის – ადამიანები გადაგივლიან… მე მიყვარხარ შენ. ჩემს გარდა არავის უყვარხარ.

და მერე მე მოვკალი, ის რაც შენთვის ძვირფასი იყო. ხელი მიკანკალებდა. ვიცოდი რასაც ვაკეთებდი. თვალებში ცრემლი მედგა. მაგრამ მაინც მოვკალი. მეგონა არავის ვუყვარდი მის გარდა.

როგორ მჭირდებოდა მტკიცებულება…

მე მართალი აღმოვჩნდი. სამყარომ დამსაჯა. არასდროს აღარ მოვექცევი ადამიანებს ისე, როგორც არ მინდა, რომ მომექცნენ.

იმიტომ კი არა, რომ მერე დავისჯები, არამედ იმიტომ, რომ სხვანაირად არ შემიძლია გავექცე სინდისის ქენჯნას.

ახლა აღარ ღირს. აღარ ხარ. აღარ ვართ.

გუშინ დავემალე ყველას და ყველაფერს. თავი მუხლებში ჩავრგე, ყველაფერს გავექეცი. დღის განმავლობაში დაგროვილ ემოციებს, შენს სხვისკენ მიწეულ ტუჩებს, სიზედმეტის შეგრძნებას, არავინ და არაფერი მჭირდებოდა შენს გარდა. შენც მინდოდა შენით მოგეძებნე. და მერე ერთად გავექცეოდით ყველაფერს. ბავშვურად გამომივიდა. ყველაზე მიამიტურად…

მე ვხედავდი, როგორ  მეძებდი და საკუთარ ჩრდილს ვუმტკიცებდი ჩემს მნიშვნელოვნებას.

შენ კი მოაგენი ჩემს სამალავს და იმდენად გეტკინა, რომ არც მოხვედი ჩემთან.

მე მინდოდა შენთან ერთად სიგიჟეები ჩამედინა. შენ არცერთხელ არ მომეცი ამის საშუალება. ვგრძნობ, რომ ესეც ჩემი ბრალია…

მაგრამ მიუხედავად იმისა რომ ვიცი, შენ არასდროს აღარ მაპატიებ, მე მაინც ჩავიდენ სიგიჟეებს.

მე მხოლოდ მტკიცებულება მჭირდებოდა… რომ სამყაროსთვის მეთქვა – მას ვეძვირფასები.

დამნაშავე ვარ.

Related Posts

1. ბავშვობაში მეგონა
2. No Inspiration
3. Jobless Again

ტუტუცი გოგოები რომ იძახიან ხოლმე “ვაიმეეეე, შოკში ვააარ! არ არსებოოოოობს! არ მჯერააააა!”

ზუსტად ეგრე დამემართა:

• “არ არსებოოოობს” რომ სახლში ინტერნეტი გამოვიყვანე
• “არ მჯერაააააა” რომ ლოტოში 4 ციფრი დავამთხვიე და 160 ლარი მოვიგე!
• “ვაიმე, შოკში ვააააარ” ისე მცხელა.

დღეს საღამოს რამე ახალი პოსტი დავწერო… :* ALL!

Related Posts

1. რა გავაკეთო?
2. სწრაფი განახლება
3. სად დავწერო? :(

Batumshi, originally uploaded by Sweet Baby Girl.

batumshi var. Cxela da nayini momitanes. Xval dilit chamoval. Leptopi ar makvs da azrze ar var ra xdeba netshi. Ase kargad didi xania ar damisvenia batumshi. Aravitari depresia agar macuxebs.

P.S. Neta evrovizia vin moigo?…

Related Posts

1. SMS

პოსტი შეიცავს სპოილერებს!

ერთი წლის წინ Ally Mcbeal-ს ვუყურე.

არცერთ ფილმს, სერიალს თუ ნაწარმოებს არ მოუხდენია ასეთი დიდი გავლენა ჩემს ცნობიერებაზე, ცხოვრებაზე და თვითრწმენებზე, როგორიც Ally Mcbeal-მა მოახდინა.

ახლახანს ნოსტალგია შემომაწვა და ხელმეორედ დავიწყე ყურება…

აი, რა წერია ელის შესახებ ვიკიპედიაში:

ელი ბოსტონში მცხოვრები ადვოკატია. ის არის ქალი, რომელსაც სწამს სიყვარულის და გამუდმებით ეძებს თავის soul mate-ს.

მას ხშირად ესმის სიმღერები საკუთარ გონებაში და ემართება ჰალუცინაციები, ძირითადად მოცეკვავე ბავშვის სახით, რისი მიზეზიცაა მისი ბიოლოგიური საათის წიკწიკი და სწრაფვა სხვადასხვა მამაკაცების მიმართ.

მაგრამ ელი მაკბილი უფრო მეტია ვიდრე ის რაც ამ მოკლე აღწერაში წერია.

ელი შერეკილია, თან ჭკვიანი, ლამაზი და მიმზიდველი, თან ბავშვური და გულუბრყვილო.

ელიმ ბავშვობაში ცალ-რქიანი ცხენი ნახა საკუთარი თვალით. ელის სჯერა, რომ სადღაც არსებობს ‘მისი ერთადერთი’, რომელსაც ერთ დღეს აუცილებლად შეხვდება, ამასობაში კი ყიდულობს ძველ პიანინოს და ყოველ საღამოს თავის არ არსებულ მეგობარს უმღერის სიმღერას – Goodnight My Someone.

მეოთხე სეზონში ელი შეხვდება ლარი პოლს, რომლის როლსაც რობერტ დაუნი ჯუნიორი ასრულებს. ელის და ლარის ერთმანეთი შეუყვარდებათ.

მიუხედავად სიტუაციის სირთულისა (ლარის ჰყავს ყოფილი ცოლი, რომელთანაც ჯერ ისევ მეგობრობს და ყოფილი შეყვარებული რომელთანაც საერთო შვილი ჰყავს) ძალიან მალე გახდება ცხადი, რომ ლარი ელის Soul Mate-ია.

მათი ურთიერთობა უცაბედად შეწყდება, როდესაც ლარი გადაწყვეტს დეტროიტში გადასვლას, რათა თავის შვილთან ახლოს იყოს. საბოლოოდ სერიალი მთავრდება ისე, რომ ელი მარტო რჩება, საცხოვრებლად გადადის ნიუ იორკში და თავისი ცხოვრების ფოკუსირებას აკეთებს თავის შვილზე, რომელიც შემთხვევით გამოჩნდება სერიალის ბოლოს.

There was no happy ending. There was no soul mate. There was no ‘Goodnight My Someone’ anymore.

Just a severe reality.

თავდაპირველი სცენარის მიხედვით, ელი და ლარი უნდა დაქორწინებულიყვნენ მეოთხე სეზონის ბოლოს, მაგრამ ლარის როლის შემსრულებელი მსახიობი- რობერტ დაუნი ჯუნიორი ნარკოტიკებთან დაკავშირებული ჯარიმების გამო დააპატიმრეს და სატელევიზიო არხმა დაუნი სამსახურიდან გაათავისუფლა, შესაბამისად ქორწინების სცენარიც შეიცვალა.

არ ვიცი, როგორ უნდა მოახერხო, რომ რეალური ცხოვრებაში შენი საქციელის გამო ყველაზე ლამაზი ზღაპრის ბედნიერი დასასრული ასე საშინლად შეიცვალოს.

შეიძლება ელიმ ოდესმე აპატიოს რობერტ დაუნის.

მე არ ვაპატიებ.

Related Posts

1. როგორ ატყუებს PSP საგადასახადოს!!!

B-52, originally uploaded by Sweet Baby Girl.

One energy drink a day keeps all shit-load away! )))

Related Posts

1. Chargali #3
2. Chargali #5
3. Sick

OK. წინა პოსტში ვწერ თუ როგორ მიტევს დეპრესია.

ახლა ისე გამომივა, ქართულ სუფრაზე რომ იციან, წასულების სადღეგრძელოზე დიდხანს არ გავჩერდეთო, ჰოდა წინა პოსტზე გაჩერება არ მინდა.

მითუმეტეს, რომ დღევანდელი დღე პოზიტივით დაიწყო.

პოზიტივი #1

სიაშუემ პოსტი დაწერა საქართველოზე. ჩემზე უწერია:

Mari and I!! xoxoxo

She is damn cute she is super excitable about everything and would camwhore non-stop even worse than me!!

ჰაჰა )

პოზიტივი #2

ბლოგის მკითხველისგან იმეილი მივიღე. ვინც არ უნდა იყო, გმადლობ! :love:

პოზიტივი #3

ადრე გახსოვთ ალბათ კრისტალ-სტიკერები ვიყიდე მალაიზიური ბლოგშოპიდან. იმ გოგოსთან აქტიური მიწერ-მოწერა მქონდა ერთი წლის წინ. დღეს მომწერა იმეილი:

* * *

მიხარია, რომ ასეთი რაღაცეები ისევ მიხარია. და საერთოდაც მიყვარხართ ყველა!

Related Posts

1. stick-stuck
2. I invent U

ჰოსტი არ მუშაობდა იმ მომენტში, როცა ეს დავწერე და Facebook-ზე დავპოსტე იმ დღეს.

მგონი ჩემი ნერვული აშლილობა ფსიქიკურ აშლილობაში გადაიზარდა.

დღეს მაღაზიაში 5 წლამდე ბავშვს კინაღამ ხელი დავარტყი. სანამ გავიაზრებდი, რას ვაკეთებ, რაღაცამ ჩამძახა – “წააწყვიტე კისერი!”
ქერა, ცისფერთვალება, ლამაზი ბავშვი იყო. ამდენი აგრესია როდის დამიგროვდა?…

* * *
ქუჩაში მეჩვენება რომ ყველა მე მიყურებს, და მინდა რომ დავუყვირო – “რას მიყურებთ?” მაგრამ right before I do it, they look away!

* * *
დღეს მობილურის ყურსასმენებით მუსიკას ვუსმენდი. უცებ ვხედავ რომ მეტროსთან ხალხი სინქრონულად დაეწყო და ცეკვავენ ჩემი მუსიკის რიტმში. გამიხარდა. “ვაა ამათაც ესმით მუსიკა”. მეც დავიწყე ცეკვა. ყველა გაჩერდა და მიყურებს.

“ბლინ თქვენ თუ ცეკვავთ, მე არ მინდა ცეკვა?” – ვტირი. მერე ვიცინი. მერე მეტროში ჟეტონს ვყიდულობ და სერიოზული სახით ვაგრძელებ გზას.

* * *

მგონი მეხსიერებასთანაც პრობლემები მაქვს. რადგან დილაობით რომ ვიღვიძებ, აღარ მახსოვს ვინ ვარ, სად ვარ და რომელი წელია.
ამას ვწერ იმიტომ რომ ექიმი რომ მკითხავს “რა გაწუხებთ?” – გამახსენდეს.

* * *

მეშინია, რომ საზოგადოებისთვის საშიში გავხდები.

ა ხო კიდე ერთი – ხანდახან ვარდისფერზე გული მერევა.

Related Posts

1. World Blogging Forum 2009
2. 30 სექტემბერი… ძველი მოგონებები…
3. What ’bout My Star?

ქალბატონებო და ბატონებო!

მაქვს პატივი წარმოგიდგინოთ ჩემი და მეცამეტე დარიჩინის საერთო შვილი,

ახალი ბლოგი ყველაზე ერთგული თაყვანისმცემლებისთვის ცნობილი სერიალის და ფილმის შესახებ!

Sex and the City.ge

აქ დაიწერება უამრავი სტატია და კულუარული ინფორმაცია Sex and the City-სთან დაკავშირებით. ასევე დაიდება სერიალის ეპიზოდების გადმოსაწერი ბმულები.

თუ თქვენ გიყვართ ეს სერიალი, შეგიძლიათ შემოუერთდეთ ამ ბლოგს თანაავტორად! გაიარეთ რეგისტრაცია!

აქვე გათამაშდება საინტერესო პრიზები!

სულ მალე ამუშავდება Sex and the City-სთან დაკავშირებული ნივთების მაღაზია.

ასევე გვსურს მოვაწყოთ ფანების ერთობლივი სვლა ახალი ფილმის პრემიერაზე – 27 მაისს.

ამიტომ შემოგვიერთდით ყველგან სადაც შესაძლებელია და არ გამოტოვოთ სიახლეები!

ბლოგი | Facebook | Twitter

ესეც მომცრო რეკლამა:Sexy Dresses

Related Posts

1. ახალი ბლოგი
2. ახალი ბლოგი
3. Spieler-ის ბლოგი: წერილი…

სიახლე #1.

სახლში ინტერნეტი აღარ მაქვს. მაგთიფიქსი მქონდა და ისე ცუდად მუშაობდა რომ გადავწყვიტე აღარ გადავიხადო 45 ლარი. ველოდები როდის მოვლენ კავკასუსიდან და ჩამირთავენ ჯელინკს. სავარაუდოდ ეს მოხდება შაბათს. იქამდე მხოლოდ სამსახურიდან შემოვდივარ.

სიახლე #2.

ისევ ვეძებ ბინას საქირავებლად. დღე ვნახე ორი. ერთი ძალიან პატარა და მოუწყობელია, მაგრამ სამსახურის გვერდითაა ზუსტად და ძალიან იაფია. მეორე დიდია, მოწყობილი, მაგრამ უფრო ძვირია, ცოტა შორსაა და თან სახლის პატრონი ცხოვრობს გვერდით თავისი ოჯახით და ეგრე არ მინდა. ვერ გადავწყვიტე რა ვქნა…

სიახლე #3.

წიგნის წერა დავიწყე. საკუთარ თავზე. იმედია ბოლომდე მივიყვან.

სიახლე #4.

ახალ თემატურ ბლოგს ვაკეთებ. ამ დღეებში იქნება პრეზენტაცია. დაელოდეთ!

სიახლე #5.

Sweet.ge-ს რებრენდინგისთვის ვამზადებ იდეების დონეზე. ვნახოთ რა გამომივა.

ერთიც ფოტო

რა მშვენიერი ხედია ფანჯრიდან არა?

Related Posts

1. ბლოგერების შეკრების Update
2. ყველაფერი მორჩა…
3. ორკი კოტე

ორი წიგნი ვიყიდე გუშინ:

Sex and the City: the Movie

გუშინ პროსპეროში ვნახე 36 ლარი ღირდა, ძალიან მომინდა მქონოდა, მაგრამ ყიდვისგან თავი შევიკავე.
მერე ამაზონზე ვიყიდე $4.73-ად.

the Devil Wears Prada

ამაში – $3.99 მივეცი

Related Posts

1. Angel Wears Prada
2. 5 Great Pink Movies
3. stick-stuck

ეს არ არის სარეკლამო პოსტი!

გუშინ HairHouse-ში ვიყავი. ყოველი თვის პირველ კვირაში მოქმედებს აქცია “კომბო”.

თმის სიგრძე დავიმოკლე და მანიკური გავიკეთე. ახალი სიგრძე მომწონს. არც ძალიან გრძელია და არც ძალიან მოკლე. თუმცა 2 თვე ვემზადებოდი სულიერად რომ შემეჭრა.

ჩემთვის თმა ძალიან მნიშვნელოვანია.

იმხელა გაიზარდა, უკვე ბოლოები მეყოფოდა და ხარისხი მიფუჭდებოდა.

არა უშავს კიდევ გამეზრდება…

HairHouse Combo Offer A

მხიარული სტილისტი - ბესო

ყველაზე მეტად მეგობრული ატმოსფერო მომეწონა…

და ნუ რა თქმა უნდა  შედეგი – ის რაც დაემართა ჩემს გარეგნობას :love:

შედეგი:

Related Posts

1. Graduation {OLD PICS}
2. April 1st
3. საახალწლო ჰედერი

“The truth is, I probably don’t want to be too happy or content, ’cause then what? I actually like the quest, the search. That’s the fun. The more lost you are, the more you have to look forward to. What do you know? I’m having a great time and I don’t even know it.” — Ally McBeal

Related Posts

1. Mcbealism
2. რა გავაკეთო?
3. Quote

რატომ ეს თემა? იმიტომ, რომ მეცამეტეა

იმიტომ, რომ Fashion TV-ა.

იმიტომ, რომ  FTV წვეულებებისა და გართობის,

სილამაზისა და მოდის სინონიმია.

Related Posts

1. 10 Ways to Wow on Your Anniversary
2. შავთვალა
3. შეხვედრების დღე

ამ დღეს ვიყავი ერთ-ერთი ყველაზე ბედნიერი. მიყვარს, ბლოგერები რომ იცინიან!

ფილმი იმდენად მომეწონა, რომ არ მეგონა, არ მოველოდი ასე თუ შეიძლებოდა ქართული ფილმი მომწონებოდა…

ერთადერთი შეკითხვა მაქვს:

თქვენ თუ ნახეთ და მოგეწონათ თუ არა?

გაბო და ნასტასია

დიანა

გაბო და ლანდიშა

გაოცებული ნასტასია

მარო და ზურიუსი

ზურიუსი

zur.ge

აჩიკო სოლოღაშვილი და ნანკა კალატოზიშვილი

დე-დააა!

გიგი - "მგზავრები"

დუეტი "ჯორჯია"

ისევ დუეტი "ჯორჯია"

დაგცხათ?

შორენა ბეგაშვილი შვილთან ერთად

ნანკა

ისევ გიგი

სოფო ხალვაში ჩუმად მიიპარება

ბლოგერები

ისევ ბლოგერები

რა ლამაზია ეს ოხერი! <3

ლილიანი

ნანკა კალატოზიშვილი & Sweet

Related Posts

1. დაამარცხე ბლოგერი
2. ოცნების ქალაქის პრემიერა – ხვალ!
3. სექსი დიდ ქალაქში – თბილისური პრემიერა

ამ ქალაქში ყველა ერთმანეთის ყოფილი, ახლანდელი და მომავალია.

3 წლის წინ, გადავწყვიტე ჩემი ნაცნობების ურთიერთობების რუკა შემედგინა. არანაირ დამატებით მოკვლევას არ ვატარებდი. უბრალოდ შემთხვევით გაგებულ ინფორმაციას რუკაზე ვამატებდი. განსაკუთრებით ინტერნეტ სივრცეში ძალიან მარტივი იყო მსგავსი სიახლეების გაგება. მხოლოდ forum.ge-ს “უსათაუროს” საჩატაო თემებში შესვლაც საკმარისი იყო აურაცხელი ინფოს მოსაპოვებლად.

რუკა ტექნიკურად ასე გამოიყურებოდა: მომცრო წრეწირებში ვწერდი სახელებს/ნიკებს და დროთა განმავლობაში სხვადასხვა ფერისა და ფორმის ხაზებით ვაერთებდი.

წითელი უწყვეტი ხაზით ერთჯერად სექსს ავღნიშნავდი, ვარდისფერი უწყვეტი ხაზით გრძელვადიან ურთიერთობებს სექსით, ვარდისფერი წყვეტილი ხაზით გრძელვადიან ურთიერთობებს სექსის გარეშე, ყვითელი წყვეტილი ხაზი კი მხოლოდ უწყინარ ზასაობებს ნიშნავდა.

დაახლოებით 6 თვის მონაცემების რუკაზე დატანით გადავწყვიტე ზასაობების ხაზები გამეუქმებიანა… 1 წლის მერე ვარდისფერი ყვეტილი ხაზებიც გავაუქმე. ადგილი აღარ მყოფნიდა. ხოლო კიდევ რამოდენიმე თვე და რუკის განახლებას თავი დავანებე. ფურცელი წითელი და ვარდისფერი ხაზებით ისე გადაჭრელდა, რომ ყოველი ორი ახალი წრეწირის შეერთება საშინლად პრობლემატური გახდა.

რუკის განახლება მივაგდე და ვინაიდან ეს რუკა მკაცრად გასაიდუმლოებული მქონდა, არც მის წამოწყებას და არც თავის დანებებას არავითარი გამოხმაურება არ მოჰყოლია. ალბათ დღემდე რამდენმა არ იცის, რომ ჩემს რუკაზე მისი პირადი ცხოვრების ყველა დეტალი არნახული სიზუსტით იყო აღნიშნული.

თუმცა უახლოესმა დაქალებმა იცოდნენ რომ რაღაც მსგავსი ინფორმაციის საცავი ჩემს კომპიუტერში ინახებოდა და დრო და დრო იხსენებდნენ ჩემს მისტიკურ რუკას.

ამის შემდეგ წლები გავიდა.

რამოდენიმე კვირის წინ, ვიღაცამ გამახსენა ჩემი მიგდებული ნაღვაწი. გადავათვალიერე და სულ სხვა თვალით შევხედე ჩემს მაშინდელ უწყინარ გართობას. გადავხედე იმ ადამიანების ცხოვრებას რომლებიც ჩემს რუკაზე იყვნენ აღნიშნული, დავაკვირდი სად იყვნენ ისინი 3-4 წლის წინ და სად არიან დღეს.

ვიფიქრე, ვიფიქრე და დავასკვენი:

1. სექსს აქვს თავისი კარმა, რომელიც გადამდებია და გროვდება.

რაც უფრო ხშირი სექსი გაქვს სხვადასხვა ადამიანებთან, მით უფრო მეტ კარმას იკიდებ მხრებზე.

ყოველ ჯერზე, საწოლში წევხართ თქვენ ორნი, მისი წარსული პარტნიორები და შენი წარსული პარტნიორები.

ყოველი ახალი სექსუალური პარტნიორის კარმაც შენს კარმას ემატება და ყველა მისი წარსული პარტნიორი შენი წარმოსახვითი პარტნიორი ხდება.

იდეალური სექსის ძიებაში პარტნიორების ხშირი ცვლა კარმას იმდენად გაზრდის, რომ დროთა განმავლობაში სექსისგან სიამონებასაც ვეღარ მიიღებ.

ჩემს მიერ შედგენილი რუკის მიხედვით გაძლევთ რჩევას – არ იქონიოთ სექსუალური კავშირები უბრალოდ სექსის გულისთვის. თორემ თქვენც გაიზიარებთ ჩემს რუკაზე მონიშნული წითელი ხაზებით აჭრელებული წრეწირების ბედს, რომლებიც დღესაც მარტონი არიან.

2. გრძელვადიან ურთიერთობებს/სიყვარულსაც აქვს თავისი კარმა. ისიც გადამდებია და გროვდება.

რაც უფრო მეტჯერ შეიყვარებთ, მით უფრო მეტ კარმას იდებთ მხრებზე. პირველი სიყვარული არის ის რომელშიც ადამიანები მთელს თავის ძალისხმევას დებენ, იმედგაცრუების შემთხვევაში მეორე სიყვარული ორჯერ ნაკლებ ძალისხმევას იღებს. მესამე კიდევ უფრო ნაკლებს. და საბოლოოდ როდესაც შეიძლება მართლა შეგხვდეთ ნამდვილი სიყვარული, დაგროვილი კარმა არ მოგცემთ საშუალებას ყველაფერი დაიწყოთ ნულიდან და ახალ ურთიერთობას დაუთმოთ იმდენი დრო, ენერგია და ძალისხმევა, რამდენიც პირველს.

ამიტომაც ამბობენ ადამიანები პირველი სიყვარული სულ სხვანაირი იყო და ეგრე ცხოვრებაში აღარასოდეს გვყვარებიაო.

პირველი სიყვარული დაცლილია კარმისგან. ყოველ შემდეგ ჯერზე კი, ურთიერთობაში ხართ თქვენ ორნი, მისი ექსები და შენი ექსები.

იდეალური სიყვარულის ძიებაში პარტნიორების ხშირი ცვლა კარმას იმდენად გაგიზრდით, რომ დროთა განმავლობაში ნამდვილი სიყვარულის პოვნა შეუძლებელი გახდება.

ჩემს მიერ შედგენილი რუკის მიხედვით გაძლევთ რჩევას – დაივიწყეთ იდეალური სიყვარულის ძებნა და უბრალოდ გიყვარდეთ, ის ვინც გყავთ, რადგან ყოველი ახალი ურთიერთობის დაწყების წინ აღმოაჩენთ, რომ იმდენად გამოგფიტათ წინა ურთიერთობამ, ახლის დაწყების არც თავი გაქვთ, არც ნერვები და არც სურვილი და ეს ურთიერთობაც ისევე კრახით დასრულდება როგორც წინა.

* * *

არ ვიცი რატომ მომინდა, რომ ჩემი მისტიკური რუკის არსებობა ასე სახალხოდ გამემხილა. უბრალოდ დავფიქრდი, ისევ ხომ არ დავიწყო მისი განახლება. იქნებ ხუთი წლის მერე უფრო კარგ დასკვნებამდე მიმიყვანოს სხვების შეცდომებზე დაკვირვებამ.

ერთი კი ზუსტად ვიცი, რომ თუ რუკის განახლება გავაგრძელე ალბათ წრეწირების შემაერთებელი რაიმე მძლავრი სოფტი დამჭირდება, იმიტომ რომ თქვენ, გენაცვალე, დიდი სისწრაფით მუშაობთ კარმის დაგროვებაზე.

There is too much sex in this town.

I am worried.

Related Posts

1. სექსი დიდ ქალაქში – თბილისური პრემიერა
2. დასრულებული ურთიერთობები
3. Ageing Superhero

Sick, originally uploaded by Sweet Baby Girl.

brma naclavi sadacaa is adgili mtkiva da ver vinzrevi sacolidan. Ar minda operciaaaaaa ((((((

Related Posts

1. B-52
2. Chargali #3
3. Chargali #5

ავად ვარ. ერთი საშინელი დაავადება შემეყარა – სახელად “5 ინჩი”.

მაღალ ქუსლიანი ფეხსაცმელების ყიდვას ვეღარ ავუდივარ.

სახლში მალე შემიძლია ფეხსაცმელების მუზეუმი გავხსნა. ყველაზე ცუდი კი ის არის რომ ისეთ ფეხსაცმლებს ვყიდულობ რომლითაც სიარულს ვერასდროს შევძლებ.

აი, წინაზე ეს ორი ფეხსაცმელი გამოვიწერე:

თეთრი ერთი ზომით პატარა მაქვს, ლურჯი კი ძალიან წვრილ ქუსლიანია და ვერ ვხმარობ. არადა საშინლად მომწონს

ვინმეს თუ გინდათ, მომწერეთ და მოგყიდით, ჯერ არცერთი არ ჩამიცვამს.

თეთრი: ზომა – 37, ფასი – $25

ლურჯი: ზომა – 37,5 (38-ზეც მიდის), ფასი – $25

ჩემს ავადმყოფობას ისიც დაემატა, რომ USA2Georgia-მ რეისების რაოდენობა გააორმაგა, რაც იმას ნიშნავს, რომ ამანათები კვირაში ორჯერ ჩამოვა.

მათი ბლოგიდან ამონარიდი:

ზოგადად გამოიკვეთა ტვირთის გამოფრენის და ჩამოფრენის შემდეგი გრაფიკი:

კვირის პირველი რეისი – ხუთშაბათი, პარასკევი, ორშაბათის ამანათები ამერიკიდან იგზავნება სამშაბათობით. ჩამოფრენა პარასკევს. შაბათს ხდება ტვირთის დასაწყობება, ხოლო ორშაბათს გაცემა.

კვირის მეორე რეისი – სამშაბათი, ოთხშაბათის ამანათები ამერიკიდან გამოიგზავნება ხუთშაბათს. ჩამოფრენა სამშაბათს. ოთხშაბათს ხდება ტვირთის დასაწყობება, ხოლო ხუთშაბათს გაცემა.

გამოდის, რომ კვირაში ორი ძირითადი დღე იქნება ამანათების გაცემისთვის – ორშაბათი და ხუთშაბათი. ოთხშაბათს და შაბათს საკურიერო სერვისი.

ახლა გაზაფხული მოვიდა და არ ვიცი როგორი ფეხსაცმელი უნდა ვატარო.

ამ თვის ხელფასს როგორც კი ავიღებ ერთი ფეხსაცმელი უნდა გამოვიწერო აუცილებლად Urbanog.com-დან.

იქნებ თქვენ მირჩიოთ რამე? რამე პატარა ქუსლიც რომ ჰქონდეს (ან პლატფორმა)

ბალეტკები არ მიხსენოთ ოღონდ!

Related Posts

1. ბლოგკემპი / შეხვედრა
2. სუფთა სამზარეულო და ტრანსპორტირების გადასახადები
3. Shopping in July და გადამზიდების მიმოხილვა

15-ში, კონფერენციის წინა დღეს, ვენდი და ჯილიანი უნდა ჩამოსულიყვნენ.

იმ დღეს ეკონომიკის მინისტრს შეხვდნენ ბლოგერები. შეხვედრა 2 ჯერ გადაიდო და ბოლოს ზუსტად იმ დროს დანიშნეს როცა ჩვენი სტუმრების თვითმფრინავი თბილისის აეროპორტში უნდა დაშვებულიყო.

იქამდე კი Singular-ის საქმეზე გვქონდა დანიშნული შეხვედრა ასევე ეკონომიკის სამინისტროში და შემდეგ თბილისის მერიის საზოგადოებასთან ურთიერთობის განყოფილებასთან. მოკლედ საშინლად დაძაბული დილა გამომდიოდა და ვერაფრით დავესწარი ბლოგერების და მინისტრის შეხვედრას. ძალიანაც ვნანობ, რომ არ ვიყავი, რაღაცეები არ მომეწონა რაც იქ მოხდა და ამაზე მერე დავწერ, თუ მოვიცალე რამენაირად.

მამუკა

იმ დღეს იმდენად დაძაბული ვიყავი, ოფისში საერთოდ ვერ გავჩერდი. იმ დღეს რაც კი საქმე იყო ყველაფერი ბიჭებმა აიღეს საკუთარ თავზე. მე და მამუკა ჯერ შეხვედრებზე წავედით, მერე კი 4 საათზე აეროპორტისკენ გავეშურეთ.

რეისი 20 წუთით იგვიანებდა.

საშინლად ვღელავდი. არ ვიცოდი როგორ უნდა შევხვედროდი. უნდა გადამეკოცნა? ჩავხუტებოდი? ხელი ჩამომერთმია? იქნებ მათთან რომელიმე სახის მისალმება მიღებული არ არის? არ მინდოდა უხერხულ მდგომარეობაში აღმოვჩენილიყავი…

აეროპორტის კაფეში

თან ფოტოაპარატ-მომარჯვებული გამოსასვლელ კარებთან ვიდექი და ყოველ გაღებაზე სურათს ვიღებდი, არ მინდოდა პირველი გაელვება (glimpse) გამომეტოვებინა…

ნერვიულობამ პიკს მიაღწია.

რამოდენიმე წარუმატებელი ფოტოსურათის შემდეგ, ვენდი და ჯილიანიც გამოჩნდნენ.

პირველი შეხედვიდან 2 რამ მეცნო, ვარდისფერი ჩემოდანი და ჩექმები რომელიც დისნეილენდში ეცვა, ადრე მის ბლოგზე ვნახე. მეც მინდოდა ყიდვა ეგეთის, მაგრამ მერე ის ბეწვიანი ვიყიდე, რაც ქვედა სურათში მაცვია.

ვიცოდი რომ დაბალი იყო მაგრამ მაინც არ მეგონა ასეთი ციცქნა. მეხუთე კლასელი გოგოსავით ჩანდა, არადა 4 წლით უფროსია ჩემზე…

ორივე ძალიან მეგობრულად და თბილად შემხვდა. გადამეხვივნენ.

ჯერ აეროპორტიდან წესიერად გამოსული არ ვიყავით, რომ ვენდიმ მითხრა – “I like your shoes!”

მივხვდი, რომ ჩემი ვენდი ჩამოვიდა…

აეროპორტიდან პირდაპირ სასტუმროში წავიყვანეთ და დავაბინავეთ.

აღფრთოვანებაში მომიყვანა ვენდის ვარდისფერმა ჩემოდანმა. ლამაზია და პრაქტიკული.

ავიყვანეთ ნომრებში. ვენდის ნომერი დიდი აივნით აღმოჩნდა, ჯილიანის კი – პატარათი. ჯილიანს შევთავაზე, შეგიცვლით ნომერს ოღონდ ერთი სართულით მაღლა იქნები-მეთქი, მაგრამ ვენდიმ – ღამე მარტო დარჩენის მეშინია და ამიტომ ამ სართულზე იყოს ჯილიანიც, თუ რამე, ადვილად დავუძახებო.

რაა საყვარელიაააა!!!

13 საათიანი ფრენის შემდეგ ორივე ძალიან დაღლილი ჩანდა, ამიტომ სასტუმროში დავტოვეთ რომ ცოტა აზრზე მოსულიყვნენ, შევპირდით საღამოს სავახშმოდ წაგიყვანთ მეთქი და მეც სახლში დავბრუნდი შხაპის მისაღებად და ცოტათი დასასვენებლად. იმდენად დაღლილი ვიყავი ემოციების და ნერვიულობისგან, რომ სიხარულის თავიც არ მქონდა.

საღამოს წავედით ერთ რესტორანში რომელიც მეტრო ავლაბართანაა, სახელი არ მახსოვს.

13 საათიანი ფრენის შემდეგ დაღლილები

აქვე აღმოჩნდა რომ ვენდი ბიოლოგიურად ვერ იტანს მწვანილს და სიგარეტის კვამლს. გვერდით ვიღაც ქალი ეწეოდა არადა იმნ ოთახში მოწევა არ შეიძლებოდა, კედელზე ნიშანი ეკიდა. დაიწყო ამან წრუწუნი. აუტყდა ხველება.  ახსენა თუ როგორ არის აკრძალული სინგაპურში მოწევა ყველა საზოგადოებრივ ადგილას. შემრცხვა. შემეცოდა. თან გავბრაზდი ამ რესტორანზე.

ოფიციანტი დავიბარე და საკმაოდ ხმამაღლა ვკითხე, ”კედელზე მოწევის ამკრძალავი ნიშანია გაკრული და აქ მოწევა შეიძლება თუ არა მეთქი”, ოფიციანტმა მიპასუხა – “თუ გსურთ მოწიეთო”, მე ამაზე გავბრაზდი – “ჩვენ მოწევა კი არ გვინდა, სხვების კვამლი გვაწუხებს”- მეთქი, ოფიციანტმა მხრები აიჩეჩა და უხერხულად ჩაიბურტყუნა “რა გიყოთო” …

საბედნიეროდ იმ ქალმა ყველაფერი გაიგონა და ჩააქრო.

მერე ვენდი ტუალეტის საძებნელად გავიდა, უკან გავყევი, შემეშინდა არ დაკარგულიყო. რაღაცნაირი დედობრივი ინსტინქტი გამიჩნდა მის მიმართ, დაცვის და მფარველობის.

სანამ ტუალეტში იყო, ასე ვერთობოდი.

როგორც იქნა საჭმელიც მოგვიტანეს. გავასინჯეთ ქართული საჭმელები. ჯილიანს ხაჭაპური მოეწონა, ვენდი შქმერულით აღფრთოვანდა.

იქვე იმავე მაგიდასთან და იმ დროს წარიმართა ავადხსენებული დიალოგი ჩემსა და ვენდის შორის.

შეციებული სინგაპურელები

ვახშმის მერე ყველანი ისეთი დაღლილები ვიყავით, თვალებს ძლივს ვახელდით. მე და მამუკამ ვენდი და ჯილიანი სასტუმროში მივაცილეთ და ოფისში დავბრუნდით. გვიან ღამით კი, როცა უკვე მეორე დღისთვის ყველაფერი მზად იყო, ყველანი სახლებში დავიშალეთ.

ის, რაც ამ ხნის განმავლობაში პარალელურად ოფისში ხდებოდა შეგიძლიათ წაიკითხოთ სინგულარის ბლოგზე.

კონფერენციის დღის შთაბეჭდილებები – შემდეგ პოსტში იქნება.

რესტორნის მისაღებში

Related Posts

1. ცოტაოდენი ფოტო-პოზიტივი – ნაწილი I
2. ცოტაოდენი ფოტო-პოზიტივი – ნაწილი II
3. ფოტოსერია – “ლანჩი”

ამ პოსტში მხოლოდ უკომენტარო ფოტოებია. შემდეგ პოსტებში უფრო მეტი ტექსტები იქნება…

მოქმედების დრო და ადგილი: კონფერენციის მერე, სასტუმროში.

მოქმედი პირები: მე, ვენდი, ჯილიანი და ქართველი ბლოგერები.

ფოტოგრაფი: ლანდიშა

ოდნავ მთვრალი ვარ + დაღლილი (თვალებზეც მეტყობა)

უფრო სკანდალური ფოტოებისთვის ნახეთ პოსტი ბოლომდე…

My fav pic!

I love my haircolor!

Now I'm breaking the wall!

Related Posts

1. April 1st
2. ცოტაოდენი ფოტო-პოზიტივი – ნაწილი II
3. “ოცნების ქალაქი” – პრემიერა

ამ პოსტის ნაცვლად ალბათ ბევრ ფოტოებს და 4 დღიანი თავგადასავლის დეტალურ ფაქტობრივ აღწერას ელოდით, მაგრამ გადავწყვიტე ფაქტები ცოტა ხნით გვერდით გადავდო და ეს პოსტი ემოციებისთვის დამეთმო. ემოციებისთვის, რომელსაც ვერავინ ვერასდროს ამჩნევს, რომელიც არ აისახება ფოტოსურათებზე, ვიდეო-ჩანაწერებზე, არც საუბრისას გამოითქმის, ხანდახან არც თვალებში ეტყობა ადამიანს, მაგრამ ისინი არსებობს და ამას ვერსად გაექცევი. ყოველ ღამე ძილის წინ მაინც თავს გაგახსენებენ და სანამ რაიმე ხერხით ყველა გულში დაგროვილ ემოციას არ მოიშორებ, ვერასდროს გაგიგებენ ვერც მეგობრები, ვერც ნაცნობები და ვერც ბლოგის მკითხველები.

ბოლო ორი წლის განმავლობაში, ამ ბლოგზე იმდენჯერ ვახსენე სიაშუეს სახელი, სანამ საქართველოში არ ჩამოვიდა.

მინდა მოგიყვეთ, რატომ მინდოდა მასთან შეხვედრა და რა მომწონდა მასში საერთოდ.

* * *

თავიდანვე შევთანხმდეთ იმაზე, რომ იდეალისტი ვარ. ამასთან ერთად მიყვარს რაღაცეების გაიდეალება და შემდეგ ამ იდეალებისკენ სწრაფვა. არ ვიცი ეს ჩემი კარგი თუ ცუდი თვისებაა, მაგრამ მოდით თავიდანვე შევეგუოთ აზრს, რომ ასეთი ვარ და ამის შესახებ აღარ ვისაუბროთ.

ამ ისტორიაში მთავარი ის არის, რომ ძალიან მიყვარს და ჩემი ერთ-ერთ იდეალია ელ ვუდსი.

არა იმიტომ, რომ ქერაა და ვარდისფერი ნივთების მოყვარული, არც იმიტომ, რომ მისი ცხოვრება ზღაპარს ჰგავს და ბოლოს ოცნების პრინცს პოულობს და მსგავსი bullshit…

უბრალოდ მიზიდავდა მისი პიროვნული თვისებები – თავდაჯერებულობა, მიზანდასახულობა, ბრძოლის ჟინი, ძლიერი ხასიათი, შეუპოვრობა და უნარი, გქონდეს საკუთარი სამყარო, თან შეგეძლოს გარე-სამყაროს ცოტათი მაინც შეცვლა. მჯეროდა, რომ რასაც ელ ვუდსი იტყვის, იმას აუცილებლად შეასრულებს. რასაც მიზნად დაისახავს, იმას აუცილებლად მიაღწევს. თან არასდროს დასჯერდება მიღწეულს, რადგან მან იცის, რომ კიდევ უფრო მეტის გაკეთება შეუძლია.

ვცდილობდი მეც ასეთი ვყოფილიყავი და არასდროს დავკმაყოფილებულიყავი მიღწეულით და ყოველთვის მქონოდა მიზანი ცხოვრებაში. სამწუხაროდ ელ ვუდსი ფილმის პერსონაჟია და რეალურ ცხოვრებაში მისი მსგავსი ადამიანი არასდროს შემხვედრია.

რომ შემხვედროდა?

ალბათ ვკითხავდი, როგორ უნდა გაუმკლავდე სამყაროს, როგორ უნდა მიაღწიო მიზნებს, როგორ უნდა შეიკავო ცრემლები მაშინ როცა გულს გტკენენ, როგორ უნდა დაამარცხო მტრები და შეიძინო მეგობრები, როგორ უნდა გაარჩიო კეთილი ბოროტისგან, ან თუნდაც როგორ უნდა იყო “ელ ვუდსი” სხვა ადამიანებისთვის…

როდესაც სიაშუეს ბლოგი აღმოვაჩინე, მეგონა რომ ელ ვუდსის რეალური განსახიერება ვიპოვე. თანაც ისიც ჩემსავით ბლოგერი იყო და რატომღაც მეგონა, რომ მასთან შეხვედრის მერე ბევრ კითხვაზე პასუხებს გამცემდა, ბევრ რამეს მასწავლიდა, ბევრ რამეს მიმახვედრებდა.

როგორც კი ჩამოვიდა, იმავე საღამოს სავახშმოდ წავიყვანეთ ერთ ქართულ ლამაზ რესტორანში და იქ, სუფრასთან დავუსვი შეკითხვა:

- რას აპირებ სამომავლოდ შენს კარიერაში?

მისი ეს სიტყვები ახლაც ყურში ჩამესმის:

- არაფერს, უბრალოდ დინებას მივყვები, იქამდე, სადამდეც გასტანს ეს ყველაფერი…

მე აღვშფოთდი:

- კი, მაგრამ შენ ასეთი პოპულარული ხარ, რატომ არ გინდა რომ უფრო დიდი მიზნები დაისახო, ახალი პროექტები დაიწყო, თუნდაც მსოფლიოს ბლოგოსფეროზე იმუშაო და არა მარტო სინგაპურში იყო პოპულარული… იმდენი შესაძლებლობა გაქვს… მოიფიქრე რამე ახალი, კრეატიული…

- მე არ ვარ ამბიციური. კმაყოფილი ვარ იმით რაც მაქვს… მეზარება მუშაობა. მე არ ვარ შენნაირი…

- ჩემნაირი? რას გულისხმობ?

- ჰო, შენ სულ მუშაობ, სულ რაღაცაში ხარ ჩართული, ყველაფერს სწავლობ. ამბიციები გაქვს… მე კი HTML-ის სწავლაც მეზარება. მე მხოლოდ ვწერ სკანდალურ პოსტებს, დანარჩენს დიზაინერები, სტილისტები და ფოტოშოპი მიკეთებენ, აი, ჯილიანია ჩემი მენეჯერი… ის აგვარებს ყველაფერს ჩემს მაგივრად, მას მოსდის ყველა იდეა… მე თავს არ ვიწუხებ ამ ყველაფრით…

და აქ მივხვდი, რომ ბლოგერი, რომელიც ამდენი ხანი მეგონა ყველაზე მიზანდასახული, შეუპოვარი, ამბიციური და ბრძოლის უნარიანი, სინამდვილეში უბრალოდ დინებას მიჰყვება. სინამდვილეში მას უბრალოდ ერთხელ გაუმართლა, როც მასზე რომელიღაც ლოკალურმა გაზეთმა დაწერა და დღემდე იმ უცაბედი პოპულარობის შედეგებს იმკის. ის სინგაპურის შოუ-ბიზნესის პროდუქტია. მისი ცხოვრება შოუა, რომლის რეჟისორი თვითონაც კი არაა, არამედ – მისი მენეჯერი… ფილმი კი ყოველთვის რეჟისორის საკუთრებაა და არა ქალის მთავარი როლის შემსრულებლის.

მე არ მინდა მისნაირი ვიყო…

და აქ ვეღარ მოვითმინე და ვუთხარი:

- ვენდი, მაპატიე ამას რომ გეუბნები, მაგრამ მე ვფიქრობ, რომ შენ შენს ცხოვრებას უაზროდ ფლანგავ…

- ვიცი. – მიპასუხა მან.

ვერ ვიტყვი, რომ იმედი გამიცრუვდა. გულის სიღრმეში ვგრძნობდი კიდეც, რომ ამ პასუხებს მივიღებდი და ბოლო დროს ვხედავდი ამ ყველაფერს… ერთი კვირით ადრე თინისაც კი ვუთხარი, საერთოდ აღარ მიხარია, რომ ჩამოდის-მეთქი. მაგრამ ყველა ვინც მისი ჩამოსვლის ამბავს იგებდა, ისე მილოცავდა, საკუთარი თავის შემრცხვა, რომ ამდენი ხნის ოცნება მისრულდებოდა და მე კი სულ ვერ ვიღებდი ამისგან სიამოვნებას… და მინდოდა, იმედი მქონოდა… თავს ვიტყუებდი, რომ არსებობენ ნამდვილი “ელ ვუდსები”.

თუმცა ამ ყველაფრიდან კიდევ ერთი დასკვნა გამოვიტანე:

თურმე თვით ვენდის თვალშიც კი მე ამბიციური, მიზანდასახული, შრომის მოყვარე და შეუპოვარი ადამიანი ვარ, რომელიც ყველაფერს აკეთებს წარმატებისთვის… მანაც კი დაინახა ეს და აღიარა, რომ თვითონ ასეთი არაა.

მივხვდი, რომ მისთვის მე “ელ ვუდსი” ვარ, თუკი ასეთი რამე/ვინმე მას საერთოდ გააჩნია…

რაც იმას ნიშნავს, რომ მე არ მჭირდება ელ ვუდსები.

მე მარი ვარ და დროა საკუთარი თავი გავაიდეალო.

Related Posts

1. რატომ არ უყვართ ქართველ ბლოგერებს ერთმანეთი?
2. რატომ მიყვარს ანიმე?
3. როგორ ფიქრობთ…

წავიდნენ… ცოტა სევდაც შემომაწვა.

ამას გარდა, ემოციურადაც და ფიზიკურადაც უსაზღვროდ დაღლილი ვარ. ჯერ მარტო კონფერენციის ორგანიზებამ გადამიყოლა, მერე კი ვენდის და ჯილიანის გიდობამ.

კონფერენციის მეორე დღეს Xiaxue’s Guide to Life-ს ერთი ეპიზოდის გადაღებებში მივიღე მონაწილეობა. ამაზე დაწვრილებით მერე დავწერ.

უამრავი ფოტო მაქვს დაგროვილი მაგრამ ჯერ ვენდის და ჯილიანის ფოტოაპარატში რაც არის იმ ფოტოების გამოგზავნას ველოდები.

იმდენი რამ მოხდა, საიდან დავიწყო აღარ ვიცი…

თანდათან ყველაფერს დაწვრილებით მოვყვები.

Related Posts

1. ვიზიტი: ნაწილი I
2. Shortie
3. New Friend

დავიღალე.

ხომ მაქვს უფლება?

Related Posts

No related posts.

ძალიან ცოტა დრო მაქვს რომ ეს პოსტი გამოვაქვეყნო.

სასტუმროში დავაბინავე.

უძილობისგან, ნერვიულობისგან და ემოციური გადაღლილობისგან გული მიმდის.

ახლა სახლში ვარ 1 საათით გამოსული რომ შხაპი მივიღო და ცოტა დავისვენო.

8-ზე სავახშმოდ უნდა წავიყვანო…

იმდენ სურათებს ვუღებ, მგონი შევძულდები

Late Night Update: ყავა ვენდი ჩენგთან ერთად

სინგულარ ჯგუფი გეპატიჟებათ ვენდისთან ყავის დასალევად პროსპეროს კაფეში, ხვალ, საღამოს 8 საათზე. წინასწარ მომწერეთ რომ გინდათ წამოსვლა. ყავა და ნამცხვარი უფასოა

Related Posts

1. I’m Blessed
2. Karaoke
3. შაბათს 6-ზე შევიკრიბოთ

ამბობენ სიყვარულს ვერსად დაემალებიო…

მე არ ვემალები სიყვარულს. მგონი ის უფრო მემალება. მერე დავდივარ და ვეძებ.

თან დამყვება მელოდია, რომელიც ორი კვირაა ამეკვიატა და როცა ცოტათი მოვიწყენ სულ მეღიღინება…

მივალ მივყვები გზას,
თავადაც არ ვიცი რას ვფიქრობ რას.
ეს მელოდია დამყვება თან,
მივდივარ მივყვები ცხოვრების გზას.

ხვალ საღამოს ოცნების ქალაქში მივდივარ, სიყვარულის საძებნელად.

იქნებ ჩემი წილიც აღმოვაჩინო!

Related Posts

1. “ოცნების ქალაქი” – პრემიერა
2. სექსი დიდ ქალაქში – თბილისური პრემიერა
3. გასაუბრება

საქართველოში Facebook-ი რომ #1 ვებ-გვერდი გახდა შემსვლელების მიხედვით, ეს ინფორმაცია ცოტა ხნის წინ Alexa-ს პოპულარულ რეიტინგში აისახა.

ქართული კომპანიების და არა მარტო კომპანიების ოფიციალური წარმომადგენლობები Facebook-ზე დიდი ხანია გამოჩნდა, მაგრამ ვინაიდან  ძალიან ბევრი PR-ის, მარკეტინგის და პრეს-სამსახურის მუშაკი ჯერ ჯერობით ისევ ვერ ერკვევა სოციალური მედიის სფეროში, ზოგიერთ ასეთ ოფიციალურ წარმომადგენლობას ძალიან საცოდავი სახე აქვს მიღებული.

სანამ გავრცელებული შეცდომების განხილვას დავიწყებდე, მინდა განვაცხადო:

თუ გსურთ Facebook-ზე პროფესიონალური კორპორატიული გვერდის, ჯგუფის, ღონისძიების ან სხვა მსგავსი წარმომადგენლობის შექმნა მცირე საფასურის ნაცვლად, დამიკავშირდით – sweet@sweet.ge

ახლა კი მივხედოთ იმ გავრცელებულ შეცდომებს, რასაც ძალიან ხშირად ვაწყდები facebook-ზე ძრომიალისას.

შეცდომა #1 – პროფილი გვერდის მაგივრად

facebook-ზე ახლად გამოჩეკილი “პიარშიკების” ყველაზე გავრცელებული შეცდომაა პროფილი fan page-ის მაგივრად.

მინიმუმ ორი მიზეზი არსებობს თუ რით ჯობია გვერდი პროფილს:

1. თუ თქვენი პროფილი პოპულარული გახდა, 5000 მეგობარზე მეტს მაინც ვერ დაიმატებთ. ხოლო გვერდზე გულშემატკივრების რაოდენობა შეუზღუდავია;
2. სულაც არ არის სასიამოვნო კორპორატიული პროფილის მეგობრებისთვის ყოველ დღე Feed-ში იხილონ თუ ვის “დაუმეგობრდა” დღეს სანტე ჯი-ემ-თი პროდუქტები, ან როგორ შეუერთდა ლიტერატურული კაფე კაპუჩინო ჯგუფს სახელად “ლოთების პარტია”.

შეცდომა #2 – ერთი ტიპის მასალა

ძალიან ბევრ FB გვერდზე ქვეყნდება მხოლოდ ერთი ტიპის მასალები, მაგალითად სულ ლინკები, ან სულ სტატუსები, ან სულ youtube-ის ვიდეოები, რაც ძალიან მოსაწყენია.

ასევე მომაბეზრებელია ავტომატურად იმპორტირებული feed-ები (განსაკუთრებით ბლოგებიდან).

რამოდენიმე მაგალითი:

Lib.ge, Leonsio.Ge, Landish.ge, Weekend.ge, tiflisistyle, ამბები.ge

შეცდომა #3 – ზედმეტი მოდულები

ისევე როგორც შესაძლებლობების გამოუყენებელობაა შეცდომა, ამ შესაძლებლობების გამოყენებაში გადაჭარბებაც არ ვარგა.

არ დაამატოთ ზედმეტი ცარიელი ბოქსები.

არ დაამატოთ ვიდეოს tab-ი როცა არცერთი ვიდეოს ატვირთვას არ აპირებთ.

შეცდომა #4 - გამოუყენებელი შესაძლებლობები

ჩემთვის გაუგებარია, რატომ უნდა გქონდეს info-ს გვერდი აბსოუტურად ცარიელი facebook-ზე, როდესაც იქ ათასი მარკეტინგული მესიჯის “ჩატენვაა” შესაძლებელი. ან სულ უბრალო – საკონტაქტო ინფორმაციის მაინც!

Social Innovation Camp Caucasus

ასევე მიჭირს გააზრება, რატომ უნდა გქონდეს დისკუსიების tab-ი გამოტანილი და იქ არცერთი დისკუსია არ იყოს. იმ იმედით რომ იქნებ ვინმემ გახსნას ახალი დისკუსია? და თავად რატომ არ უნდა დაიწყოს გვერდის შემქმნელმა?

ასევე არ გარგებთ Landing Tab-ების ჩართვა-გამორთვით ზედმეტად გატაცება, ბათუმელების facebook-გვერდზე, მთავარი landing tab-ი სრულიად ცარიელია.

ძალიან მომწონს PR School-ის ე.წ. Landing Page, ამ შესაძლებლობის გამოუყენებლობა ნამდვილად დანაშაულია!

მეც უნდა გავაკეთო მსგავსი სინგულარის გვერდისთვის როგორც კი დიზაინერი მოიცლის!

შეცდომა #5 – მახინჯი მისამართი

ძალიან სამწუხაროა, რომ უმეტესობამ არ იცის, როგორ მოიშოროს თავიდან მახინჯი მისამართი.

რატომ უნდა გქონდეს:

http://www.facebook.com/pages/shua-kalakshi/111548972904

http://www.facebook.com/pages/Tbilisi-Georgia/SUNNY-WORLD/270152581649

http://www.facebook.com/pages/tsu-TSU/340472602232

http://www.facebook.com/pages/Tbilisi-Georgia/TBC-BANK-tibisi-banki/331543856187

როცა შესაძლებელია იგივე გვერდებზე წვდომა განახორციელო:

http://www.facebook.com/shua-kalakshi

http://www.facebook.com/SunnyWorld

http://www.facebook.com/TSU

http://www.facebook.com/TBC

- უბრალოდ შედით გვერდზე facebook.com/username, დანარჩენს თავადაც მიხვდებით!

შეცდომა #6 – არასწორი სახელი

facebook-ზე გვერდის სახელი არა მარტო ვიზუალურად ადვილი აღსაქმელი და დასამახსოვრებელი უნდა იყოს, არამედ საძიებო სისტემასთანაც უნდა მეგობრობდეს, რასაც ვერ ვიტყვით შემდეგი გვერდების სახელებზე:

არ დაარქვათ fan page-ს ვებ-გვერდის სრული მისამართი!

არ გამოიყენოთ ზედმეტი სიმბოლოები!

არ დაარქვათ გვერდს უაზროდ გრძელი სახელი!

ტელეფონის ნომრები რატომ უნდა ჩასვა სახელში, ვერ ვხვდები!

მისაბაძი გვერდები:

Singular.ge (ვამაყობ )

OffRoadersGeorgia – whoever did it, it’s perfect!

PRschool – Landing Page-ზე ვგიჟდები!

ნიჭიერი – რესპექტები დოდკას.

Related Posts

1. I ♥ Facebook
2. Facebook Fail
3. როგორ მოვაშორეთ მარაზმი Facebook-ის პროფილებს?