தெனே..

iPhone, iPad க்கு உகந்த 'சிவகாமியின் சபதம்' நாவல் முழுவதும்

2012-02-28T09:48:00.003+05:30

https://docs.google.com/folder/d/0B3vRZ8e3h1oaYnBrQUp5OU1BbG8/edit IOS,ANDROID சாதனங்களில் உபயோகித்துகொள்ளலாம்.

நன்றி

iPhone, iPad க்கு உகந்த 'பொன்னியின் செல்வன்' நாவல் முழுவதும்

2011-05-25T19:56:00.005+05:30

http://palipedam.blogspot.com/2011/02/iphone-ipad.html

இதை பார்த்தது நானும் எனது பங்குக்கு அனைத்து பாகங்களையும் epub வடிவாக மாற்றியுள்ளேன்.

https://docs.google.com/folder/d/0B3vRZ8e3h1oaYnBrQUp5OU1BbG8/edit
iPhone, iPad போன்ற அப்பிள் நிறுவனத்தின் சாதனங்களில் உபயோகித்துகொள்ளலாம்.

நீண்ட நாட்களுக்கு பிறகான எனது பதிவு இது.

நன்றி

என்னத்த சொல்ல?

2009-09-16T16:47:00.004+05:30

காதல் வயப்பட்ட என்னுடைய இரண்டு நெருங்கிய நண்பர்கள் . ஒருத்தன் காதலியால் நல்ல மாப்பிள்ளை கிடைத்ததும் ஏமாற்றப்பட்டான் நான்கு வருட காதல்.இன்னொருவன் 10 வருட காதலை வீட்டில் ஏற்பட்ட பிரச்சனையால் கழட்டிவிட்டு இன்னொருத்தியிடம் காதல் போதையில் திரிகிறான்.காதல்னா என்ன பாஸூ?

-------------------------------------------------------------------------------------------------

பெங்களூர் பதிவர் சந்திப்பு நடத்தலாம்னு ஜோ அண்ணத்தே சொன்னதும் சரினு சொல்லிட்டு. அன்னிக்காச்சும் எப்படியாவது பார்த்திரனும்னு நினைச்சுட்டு இருந்தா அன்னிக்குனு நண்பர்களின் அன்பு தொல்லையால் இண்டர்வீயுவுக்கு போனேன்.பிளான் பண்ண சந்திப்பும் நடக்கல,பிளான் பண்ணி போகாம போன இண்டர்வியுவும் விளங்கல

-------------------------------------------------------------------------------------------------

வெள்ளிக்கிழமை நண்பர்கள் கூட்டம் உபா கடையில் நடத்திகிட்டு இருக்கும் போது ஒருத்தர் தமிழ் பேசுவதை பார்த்துட்டு எந்த ஊர் அப்படினு கேள்விகளை கேட்டு இம்சைய போட ஆரம்பிச்சுட்டாரு.மதுரைனு சொன்னதும்எனக்கு அஞ்சாநெஞ்சனை தெரியும்,அவர் பெங்களூர்க்கு வந்தா என்னை பார்க்காம போகமாட்டாரு, என்ன பிரச்சனைனாலும் என்கிட்ட சொல்லுங்கனு செல் நம்பர் கொடுத்தார் வேற வழியில்லாமல் போனில் நோட் பண்ணுற மாதிரி நடிக்க வேண்டியதா போயிருச்சு.நல்ல வேளையா இன்னொரு அடிமை வந்து நான் சென்னைனு சொன்னதும் நைசா நாங்க கழட ஆரம்பிச்சோம் அப்போ என் காதுல எனக்கு தயாநிதிய....

-------------------------------------------------------------------------------------------------

நேற்று பார்த்த ஜுனியர் சிங்கர்ல சீனியர்கள்(ஆம்) வைச்ச பேருல ஜொள்ளு ஜக்கமா,நிக்காத நித்தியஸ்ரி,ஜிப்பா ஜிகிர்தாண்ட,சரக்கு சரவெடி.. நிறைய பேருக்கு பிளாக் புனை பேர் வைக்க அத பாருங்க..அப்புறம் விஜய் டிவிக்கு யாராச்சும் இந்த டிடி(கொசு) தொல்லை தாங்க முடியல மருந்து அடிச்சு விரட்டுங்கனு சொல்லுங்கப்பா.. முடியல...

நானும் ஒரு கையாலாகாதவன்

2009-09-02T17:11:00.007+05:30

என்ன எல்லோருக்கும் தெரியுமா ஏற்கனவே .. இருந்தாலும் நானே ஒத்துக்கொள்கிறேன்.

பல நேரங்களில் என் கையாலாகதனத்தை கண்டு வெட்கி மனத்துயர் உற்றிருந்தாலும் இரண்டு நாட்களுக்கு முன் நடந்தவை என் மனதை வாட்டி எடுக்கிறது.அதன் வெளியேற்றமே இது.

நான் பள்ளியில் படிக்கும் போது நல்லா படித்தாலும் என் நண்பர்கள் வட்டாரம் திமிர் கெத்து சேட்டை படிப்புனா என்ன என்று கேட்ட்கும் பசங்களோடதான்.அவர்கள் நட்பு வகுப்பில் உள்ள மத்த பசங்களை ஓட்டுவதற்கும் ,அடிப்பதற்கும் , பயப்பட வைப்பதற்கும் தேவைபட்டது.முக்கியமா நம்மல நம்ம கூட்டத்த தவிர எவனும் என்னனு கூட கேள்வி கேட்க மாட்டார்கள்.அப்படி ஒரு கும்பல் என்னுடையது நான் மேல்நிலைப்பள்ளியில்

படிக்கும் போது. அதற்காக நான் வருந்தவோ வெட்க்கப்படவோ செய்யவில்லை அப்போது.என்னுடைய பள்ளியில் வன்முறை அடிதடி சாதாரணம் உபயம் மதம் மற்றும் ஜாதி.தினம் ஒரு நாள் சண்டைய பார்க்கலேனா அய்யோ இன்னிக்கு வடை போச்சேனு வருந்திய காலம் உண்டு.

ஒரு தடவை என் நண்பன் ஒருவன் அவனுடை நண்பர்கள் ஐவருடன் சேர்ந்து கீழ்பிரிவு மாணவனின் காலை விறகு கட்டையால் அடித்து உடைத்து அவனை இரண்டு வருடம் நடக்க முடியாமல் செய்தனர் .அப்பொழுதெல்லாம் என் நண்பன்தான் காலை உடைத்து என்று பெருமை(?)யுடன் சொல்லி கொண்டிருந்தேன்.(அவன் இதனால் தீண்டாமை பிரிவு வழக்கு பள்ளி மாற்றம் என பல இன்னல்களை சந்தித்து இன்று நல்ல நிலையில் இருக்கிறான்) . வேறொரு சமயம் என் நண்பன் பால் குடம் எடுத்தான் அவனுடன் சென்றிருக்கும்போது ஏற்பட்ட தகராறில் எங்கள் கூட்டம் விளாசுவதை பார்த்த போலீஸ் எங்கள் அருகில் வந்து விரட்டிய போது மிரண்ட என்னை தன்னருகில் இழுத்த மாலை போட்ட நண்பனால் தப்பித்தேன் இல்லைனா அன்னிக்கு போலீஸ் என் டங்குவாரா அத்திருப்பானுக.என் கூட்டத்தில ஒருத்தன் மாட்டிட்டான் அவன் பாதத்தில் போலிஸ் போட்ட ஒத்தடத்துக்கு ஒரு வாரம் நடக்க முடியாமல் திரிந்தான்.அப்பவும் அந்த அடிதடியா பெருசா சொல்லி கொண்டிருந்தேன் துளி கூட வருத்தம் இல்லாமல்.செங்கலால் இன்னொரு வகுப்பு மாணவனை மண்டைய உடைச்சது,ரோட்டில் சும்மா போன முப்பது வயசு ஆளை கன்னத்தில் பளீர் என்று விட்டது இப்படி சொல்லிக்கொண்டே போகலாம்.ஆனால் ஒன்றில் கூட நான் யாரையும் அடிச்சது இல்லை .சத்தியமாங்க நம்புங்க.வேடிக்கை மட்டுமே பார்த்தேன்.ஆனால் அப்போதெல்லாம் வெட்கப்படாத வயசு இன்று இதையெல்லாம் நினைத்து கூனி குறுக செய்கிறது.

நான் அலுவலகத்திற்க்கு பேருந்தில் செல்லும் போது ஐபாடில் பாட்டு கேட்பது வழக்கம்.அன்றும் அப்படியே. தீடிரென்று ஒருத்தன் என் மேல விழுந்தான் என்னனு பார்த்தா இரண்டு சிறுவர்கள்(1 அல்லது 2 பியூசி மாணவர்கள்) ஒரு இருபத்தைந்து வயது ஆளை குத்து குத்துனு இரண்டு பக்கமும் குத்துறாய்ங்க.அந்த ஆள் கண்ண பிடிச்சுட்டு உக்காந்துட்டார் அப்பவும் அவர்கள் விடலை , டிரைவர் வண்டிய நிப்பாட்டினதும் கண்டக்டர் அவர்கள் மூவரையும் இறங்க சொல்லிட்டார். அப்பொழுதுதான் அந்த ஆளை பார்த்தேன் இரண்டு கண்கள் முழுவதும் இரத்தம் எங்கிருந்து வந்ததுனு தெரியலே மூக்கிலும் இரத்தம் , பேருந்து படிக்கட்டு முழுவதும் இரத்தம்.பஸ்ஸில் இருந்த ஒருவரும் இதை தடுக்கவே இல்லை என்னையும் சேர்த்து.யார் மேல் தப்புனு தெரியல ஆனால் யார் தப்பு செய்திருந்தாலும் அந்த அளவிற்கு அடித்திருக்க கூடாது.சிறுவர்கள் வன்முறையில் ஈடுபடுகிறார்களே என்று அன்றுதான் வருத்தம் அடைந்தேன் . மேலும் சண்டை நடந்ததை வேடிக்கை பார்த்துவிட்டு அய்யோ இவ்ளோ ரத்தமா என்று நினைக்க மட்டும் செய்துவிட்டு அடிபட்டவரை மருத்துவமனைக்கோ அல்லது அவர்கள் அடிக்கும் போது தடுப்பதற்கோ எள்ளலவும் முயற்சிக்காத நான் கையாலாகவதன் தானே.

டிஸ்கி:

--------

போன வாரம் கூட ஒருத்தன் மச்சான் நம்மட்ட சண்டை போட புதுக்கோட்டைல இருந்து ஸ்கார்ப்பியோல வந்த நாலு பேரை புரட்டி எடுத்து,வண்டிய நொறுக்கி ஓட ஓட விரட்டினோம்ல என்று சொன்னபோது மச்சான் பெருமையா இருக்குனு சொன்னேன்.

என்னத்த சொல்ல?

2009-08-27T16:36:00.002+05:30

இரண்டு வாரங்களுக்கு முன்பு திருப்பதி சென்று வந்தேன் , பெங்களூர்ல இருந்து டிரெயின்ல கிளம்புனது முதல் பாக்குற அத்தனை பேரும் முகமூடி கொள்ளையர்கள் மாதிரி முகமூடிய போட்டு பயமுறுத்திக்கிட்டே வந்தாங்க. திருப்பதி போனாலும் நிக்கிற போலிஸ் ,சீட்டு கொடுக்குற அலுவலர் ,ரூம் ஒதுக்குற பணியாளர் , க்யூல பக்கத்துல நிக்கிறவர் முதல் பூசாரி வரை முகமூடி மயம்தான்.. பாவம் ஏழுமலையானுக்கு மட்டும் மாட்ட மறந்துட்டாங்க..

ஒரு வேளை ஏழுமலையான் அவரே பார்த்துக்குவாருனு விட்டுட்டாங்களோ ?

இந்த பன்னித் தொல்லை தாங்க முடியல ராமா.....

-------------------------------------------------------------------------------------------------------------------------------------

போன வாரம் உறவினரின் திருமணத்திற்க்காக முதல் நாள் இரவு மஹாலுக்கு செல்லும் வழியில் ஹைவே பேட்ரல் என்னை நிறுத்தினார்கள்.லைசென்ஸ் ,பைக் புக் இரண்டும் இல்லை என்னிடம்.அவர்கள் எடு என்று சொன்னதும் இல்லை என்று சொல்லிவிட்டேன்.ஊர் பேரு என்ன பண்றனு கேட்டதும் பெங்களூர்ல வேலை பாக்குறேன் கம்ப்யூட்டர் பொட்டி தட்டுறேனு சொன்னதும்.உன்மேல கேச போட்டு எங்க போய் தேடுறதுனு ஐயாவ போயி பாருனு இன்ஸ்கிட்டே அனுப்புனாங்க.இன்ஸ் சாருக்கும் அதே பதில சொல்லிட்டு கல்யாணத்துக்கா வண்டி எடுக்க வேண்டியாதாயிருச்சு இல்லேனா பைக்ல வந்திருக்கமாட்டேன் சார்னு சொன்னேன்.பக்கத்துல உள்ள ஏட்டு ஐயா எவ்ளோ வாங்கனு காத கடிச்சிட்டு இருக்கும் போதே போ தம்பினு இன்ஸ் பெரிய மனசோட அனுப்பி வச்சார்.நான் எப்போ செஞ்ச புண்ணியமோ முதல் நாள் நைட்டு அடிச்ச கிர்றாலே அன்னிக்கு உள்ள உபா ஏத்தல..

காசு வாங்கமா போலீஸ் விட்டுட்டாங்க அவ்ளோ நல்லவங்களாயிட்டாங்களா ?

அப்புறம் திரும்பவும் அன்னிக்கு மகாலுக்கு போய் சேரும் முன் வேறொரு இடத்துலயும் ஊத சொல்லிட்டு லைசென்ஸ் இல்லேனாலும் போக சொல்லிட்டாங்க..

ஒரு வேளை லைசென்ஸ் தேவை இல்லையோ இனி?

எது எப்படியோ எனக்கு பைசா மிச்சம்..

---------------------------------------------------------------------------------------------------------------------------------

ரெண்டு நாளைக்கு முந்தி வேலுபிரபாவின் காதல்கதை பார்த்தேன் .. சரியான தலைப்பு தேர்வு செய்திருக்கிறார்கள் படத்துக்கு.. அத்தனை காதல் கதைகள் அதும் வெரைட்டியான காதல கதைகள் , இளவயசு காதல்,நல்ல காதல், கலப்பு காதல்,காம காதல்,பெருசு காதல் ,கள்ள காதல்,பெருசு-சிருசு காதல் அத்தனை காதலும் ஒரே படத்தில்..

நல்லாத்தானே இருக்கு படத்துக்குள்ளே படம், என்ன கொஞ்சம் ஹாலிவுட் ரேஞ்சுக்கு யோசிச்சுபுட்டாப்புலய அதான் இங்கே ஓடலேனு நினைக்குறேன்..

---------------------------------------------------------------------------------------------------------------------------------

AND NOW!!!!!!!!!

2009-08-26T10:59:00.006+05:30

ஏன்னு தெரியலை பத்து வருசத்துக்கு முந்தி மாதவனூர் ஊராட்சி
உங்களை வரவேற்குதுனு இருந்த பெருமையான ஒரு போர்ட மறைச்சு இப்போ யாதவர் பேரவை ,தேவேந்திரர் பேரவை,முக்குலத்தோர் பேரவை வரவேற்குதுனு ஊர் முழுக்க பல போர்டு சிருமையா..

ஏன் மக்கா இப்படி?

சந்தனமுல்லையின் "And,Now"

ஆயில்யனின் "And,Now"

நட்புடன் ஜமாலின் "And,Now"

நிஜமா நல்லவனின் "And,Now"

தமிழ் பிரியனின் "And,Now"

முத்துலட்சுமியின் "And,Now"

ஸ்ரீமதியின் "And,Now"

நான் ஆதவனின் "And,Now"

தமிழன் கறுப்பியின் "And,Now"

சின்ன அம்மிணியின் "And,Now"

பிராவகமின் "And,Now"

கானா பிரபாவின் "And,Now"

ஹரிணி அம்மாவின் "And,Now"

அபி அப்பாவின் "And,Now"

பிரியமுடன்......வசந்த் "And,Now"

ஆஃப்பாயில்

2009-07-31T17:44:00.011+05:30

நல்ல சரக்கு விக்கிற இடத்துல கள்ள சரக்கு இல்லாமல் இருக்குமா ? அப்படி நல்ல சரக்கு மத்தியில கொஞ்சம் கள்ள சரக்கு ..

ஃப்ரியாதான் குடுக்குறேன் உங்களுக்கு..

நல்ல சரக்கு

நம்ம சரக்கு

-----------------

சரக்கின் வாசத்தில்

போதமகனின் அழுகையில்

வாந்தியின் நாற்றத்தில்

குடிகாரன் ஆடலில்

எல்லோருக்கும்

போதை உண்டு

யாரேனும் என்னோட

வேட்டியை பார்த்தீர்களா?

------------------------------------

நல்ல சரக்கு

நம்ம சரக்கு

-----------------

சரக்கடிக்க

ஆசைப் பட்டேன்

சரக்கு

தீரும் வரை.

சரக்கு

தீர்ந்த பின்

மீண்டும் சரக்கு ஏத்த

ஆசை..

-------------------------------------

நல்ல சரக்கு

நம்ம சரக்கு

-----------------

காத்திருப்பேன் உனது வருகையில்

வந்துவிடு மொத்தமா நொடியில்

(வேறேண்ண ஆஃப்பாயில்தான்)

வாந்தி எடுக்கவா மொத்தத்தையும் ஏத்தி,

போதையா இருக்கும் கொஞ்சமா ஏத்து.

---------------------------------------

நல்ல சரக்கு

நம்ம சரக்கு

-----------------

போதை

ஏறியது

அது

வந்தது;

முதல் மது;

முதல் போதை.

இது இப்படித்தான்

போதை ஏறியது;

ஒவ்வொரு சொட்டும்

உள்ளூர உணர்த்தியது;

தவிர்த்திருக்கலாம்

தவறிவிட்டது

இல்லை தவறாமல்

வந்துவிட்டது.

அந்த மது

அப்படித்தானோ

தன் பிறவிபுத்தியை

காட்டிவிட்டது

வந்து விட்டது

இனி.........,

என்ன?

எப்படி?

எவ்வாறு?

தண்ணீர் ஊற்றி

வாயை விரக்தியுடன்

அலசிக்கொண்டேன்

-------------------------------------------

நல்ல சரக்கு

கள்ள சரக்கு

நம்ம சரக்கு

-----------------

3 ரூ. டீக்காக

கொடுத்த பத்து ரூபாயில்,

2 ரூபாய் சில்லறை

அவர் பாக்கெட்டுக்கு,

ஐந்து ரூபாயாவது

திருப்பித் தருவாரா?

டீ கடையில்

கத்தும் இதே மனதுதான்

காஃபி டேயில்

ஐம்பது ரூபாயையும்

சில்லறையாக

பாவிக்கப் பழகியிருக்கிறது

--------------------------------------------

டிஸ்கி:

-----------

இந்த கள்ள சரக்க ஏற்கனவே நீங்க நல்ல சரக்கு கிடைக்குமிடத்தில் பருகிருக்கலாம் , இருந்தாலும் மொத்தமா சரக்கு அடிப்பது சுகம்தானே அதான் .

கேக்ககூடாத கேள்விகள் பத்து .

2009-07-24T23:35:00.004+05:30

எந்த இடத்துல எப்படில்லாம் கேள்வி கேக்க கூடாதோ அப்படி கேட்டால் வரும் பதில்கள்.அபியும் நானும்ல பிரகாஷ்ராஜ் மனோக்கு சொல்வாரே அது போல சில.

1.திரையரங்குகளில் நிக்கும் போது தெரிந்தவன் யாரச்சும் வந்தானா , அவன பாத்து என்ன மச்சி இங்க என்ன பண்ணீட்டு இருக்கே . படம் பாக்க வந்தியா ?

உனக்கு தெரியாதா , நான் இங்கதான் பிளாக்ல டிக்கெட் விக்கிறேன் உனக்கு வேணுமா ?

2.பேருந்துல போய்ட்டு இருக்கும்போது , ஒரு குண்டு அம்மா ஹீல்ஸ் அதும் குச்சியா இருக்குமே அப்படி ஒண்ண கால்ல போட்டுட்டு நம்ம கால்ல மிதிச்சுட்டு, சாரி வலிக்குதா ?

இல்ல இல்ல பரவால்ல , நான் மயக்கத்துல தான் இருக்கேன் வலிக்காது ஏன் இன்னொரு தடவை நீங்க டிரை பண்ணி பார்க்கலாமே.

3.சாவு வீட்ல கண்ணீர் பெருக்கெடுத்து அழுதுகிட்டே, ஏன் ஏன் இவ்ளோ பேர் இருக்கும்போது இவர மட்டும் ?

ஏண்டா நாரவாயா , அப்போ இவனுக்கு பதிலா நீ போறீயா ?

4.ரெஸ்டாரெண்ட்ல ஆர்டர் கொடுக்கும் போது சர்வர்ட்ட ,இங்க தோசை நல்லா இருக்குமா?

தோசை நல்லா ஸ்ட்ராங்காவும் டேஸ்டாவும் இருக்கும் சார் , கொஞ்சம் சிமெண்ட் போட்டு , அப்போ அப்போ அதுல துப்பி வச்ச மாவுல போட்டது சார்.

5.ஏதாச்சும் திருமணவிழாவுல பார்ர்குற தூரத்து மாமிக , ஏண்டா இவ்ளோ பெரியாளாயிட்டே அடையாளமே தெரியல ?

அதுலா சரி நீங்க என்னமோ சிறிசாயிட்ட மாதிரி பேசுறீங்க..

6.கல்யாண பத்திரிக்கை கொடுக்க வரும் பெண்ணிடம் , என்னடி மாப்ள நல்ல குணமா ?

மாப்பிள்ளை ரெண்டு கொலை , நாலு கற்பழிப்பு , பத்து கொளை பண்ணியிருக்காரம் . பயபுள்ள பயங்கரமா குடிக்குமா . நிறைய பெண்டுக சகவாசம் கூட உண்டாம்.எல்லாம் பணத்துக்காகதான் அவர கட்டிகிறேன்.

7.நைட் ரெண்டு மணிக்கு நல்லா தூங்கிட்டு இருக்கும் போது போன அடிச்சி , என்ன மச்சான் தூங்கிட்டு இருக்கியா ?

இல்ல மாப்ள , ஆப்ரிக்கால உள்ள ஜூலு மக்கள் கல்யாணம் பண்ணுவாங்களானு ஆராய்ச்சி பண்ணிட்டுருக்கேன்.நான் தூங்கிட்டு இருக்கேனு நினைச்சியா , ஏண்டா உனக்கு இப்டி புத்தி வேலை செய்யுது.

8.யாராச்சும் முடி வெட்டிட்டு வந்தா , என்னடா முடி வெட்டிருக்கே போல ?

இல்லடா இலையுதிர் காலம் போல இது முடியுதிர்காலம் அதான் முடி உதிந்திருச்சு.

9.புகை வண்டி விடுகையில் ,நீ ஸ்மோக் பண்ணிவியா ?

அய்யோ இல்லை இது சூழ்ச்சி . நான் சாக்பீஸதான் வாயிலே வச்சிருந்தேன் ,எப்படி புகை வருதுனு தான் தெரியல.

டிஸ்கி:

---------

யாராச்சும் பத்துனு சொல்லிட்டு ஒன்பதுதான் இருக்குனு கேட்டிங்கண்ணா , அந்த கேள்விதான் பத்தாவதுங்கோ

எப்படியெல்லாம் யோசிக்கிறாய்ங்க

2009-07-23T20:41:00.006+05:30

படித்ததில் பிடித்தது ..

2009-07-10T19:22:00.003+05:30

கதை ?

இது ஒரு sudden fiction கதை வடிவம் -நெட்டில் படிக்க கிடைத்தது(சுஜாதா சொல்லியது ) -இதன் அர்த்தத்தை சொல்கிறவர்கள் மிகவும் புத்திசாலிகள்(நான் விடையை பார்த்துதான் புரிந்து கொண்டேன் ). இனி அந்த கதை :

ஒரு அப்பா, ஒரு அம்மா; ஒரே மகன் பைத்தியமாகி ஆஸ்பத்திரியில் அனுமதிக்கப்பட்டிருக்கிறான். ஆஸ்பத்திரி வேறு ஊரில் இருக்கிறது.

பெற்றோர்களுக்கு ஒரு தினம் ஆஸ்பத்திரியிலிருந்து டெலிபோன் வருகிறது. பையன் நிலை கவலைக்கிடமாக இருப்பதாகவும் உடனே புறப்பட்டு வரும்படியும். உடனே என்றால் மறுதினம் தான் போக முடியும்; அதற்குள் என்ன நேர்ந்துவிடுமோ என்று கவலைக் கடலில் இரவெல்லாம் விழித்துக்கொண்டிருக்கிறார்கள். அப்போது:

டெலிபோன் மணி அடிக்கிறது. பதற்றத்துடன், பயத்துடன் அதை எடுக்கிறார் அப்பா.

"ஹென்றி இருக்கிறானா?" என்கிறது ஒரு பெண் குரல்.
"ஹென்றி என்று இங்கு ஒருவரும் இல்லை; தப்பு நம்பர்" என்று வைத்துவிடுகிறார்.

மறுபடியும் சில நிமிஷம் கழித்து டெலிபோன் அடிக்கிறது.
"ஹென்றி இருக்கிறானா?" அதே பெண்.
"மிஸ், உனக்கு என்ன நம்பர் வேண்டும்?"
"5365849"
"என் நம்பர் 5365840- ஒன்பதுக்கு பதில் சைபரைச் சுழற்றுகிறாய் போலிருக்கிறது"
"ரொம்ப தாங்க்ஸ்" என்று அந்த பெண் வைத்துவிடுகிறாள்.
சில நிமிஷம் கழித்து மீண்டும் டெலிபோன் மணி அடிக்கிறது.

----------------------------------------------------------------------------------------------------------------------------------------------------

மொக்கை

அமெரிக்காவைக் கண்டுபிடித்தவர் யார்?

"அதை மறைத்து வைத்தவர் யார் என்று முதலில் நீர் சொல்லும்...'

மிகப் பெரிய கண்டம் எது?

"வாழ்வில் எத்தனையோ கண்டங்களைத் தாண்டி வந்து விட்டேன். அதில், இந்தப் பரீட்சை தான் மிகப் பெரிய கண்டம்...'

பருவ மழை பெய்வதற்கு நீர் கூறும் காரணங்கள்?

"நான் எந்தக் காரணமும் கூறத் தயாராக இல்லை...'

பிரான்சில் ஓடும் மிகப் பெரிய நதி எது?

"விசா வரட்டும்; போய் விசாரித்து வருகிறேன்...'

ஊசியிலைக் காடுகள் என்றால் என்ன?

"ஊசியிலைக் காடுகள் தான்!'

பூமத்திய ரேகை எங்கே ஓடுகிறது'

"அது எங்கேயும் ஓடவில்லை; ஒரே இடத்தில் தான் இருக்கிறது...'

நீங்க ரொம்ப நல்ல டாக்டருங்கோ..

2009-07-01T20:47:00.005+05:30

எந்த பேப்பர படிச்சாலும் இல்லை பெருசுகள பாத்தாலும் காய்கறிய தின்னு , குடிக்காதே , உடற்பயிற்சி பண்ணுனு தாளிச்சிட்டு இருக்காங்க . நாமெல்லாம் 3 நாளுக்கு ஒரு தடவை கோழிய பார்க்கலேனா கோழி சண்டைக்கு வந்துரும் .அதனாலேயே கோழிக்கு 3 நாளுக்கு ஒரு ஹாய் சொல்லி வாய்ல போடுறது வழக்கம் .நானும் இந்த் கொசு(அதான் இந்த அறிவுரை) தொல்லை தாங்க முடியாம ஒரு பிரபல டாக்டரிடம் போய் கேட்டுட்டு வருவோம்னு போனதுல கிடைத்த தகவலை உங்ககிட்ட பகிர்ந்துக்கிறேன் ...

1.டாக்டர் தினமும் இருதய சம்பந்தமான உடற்பயிற்சி செஞ்சா , அதிக நாள் வாழலாமா உண்மையா ?

இருதயம் எவ்வளவு துடிக்கனுமோ அதுக்கு ஒரு அளவு இருக்கு ஒவ்வொரு உடம்புக்கு ஏத்த மாதிரி அது வேறுபடும் .உடற்பயிற்ச்சி செஞ்சு இருதய துடிப்ப அதிகமாக்குவதால் அதிக நாள் வாழ்கைய நீடிக்க முடியாது.நீங்கள் சொல்வது எப்படி இருக்குனா ரொம்ப வேகமா கார் ஓட்டுனா கார் அதிக நாள் நல்லா இருக்கும்னு சொல்ற மாதிரி இருக்கு . அதனாலே உடற்பயிற்சி செஞ்சு உங்க நேரத்தை வீணடிக்காதீங்க.

2.நான் அசைவத்தை குறைத்து காய் கனிகளை அதிகமா சாப்பிடனுமா ?

உங்களுக்கு ஒண்ணுமே தெரியாதா என்ன . கோழி,ஆடு,மாடு என்ன சாப்பிடுது? நெல்,பருப்பு,வைக்கோல் , புல்லு , புண்ணாக்கு,சோளம் .இதெல்லாம் காய்கறிகள் தானே ? அதனால ஆடு மாடு சாப்பிடும் காய்கறிகள் நம்ம உடலுக்குள் கோழி,ஆடு,மாடுகளை சாப்பிடும்போது இன்னும் பல சத்துக்களோடு நம் உடலுக்கு தானா வந்துரும்.

3.நான் மது குடிப்பதை குறைத்துக்கொள்ள வேண்டுமா ?

தேவையில்லை.மது அதில் இருந்து தயாரிக்கப்படுது? பழங்களில் இருந்துதானே.பீரும் மதுவும் தண்ணீர் எடுக்கப்பட்ட பழங்களில் இருந்து தயாரிக்கப்படுது.அதனாலே தண்ணீர் இல்லா பழம் உங்க உடலுக்கு போகுது. அதனால் நீங்க மது அருந்துவதை குறைக்க தேவையில்லை.

4.என்னுடைய உடம்பு/கொழுப்பு சதவீதத்தை எப்படி கணக்கீடுவது ?

அதாவது ஒரு உடம்பும் கொழுப்பும் உங்ககிட்ட இருந்தா ஒண்ணுக்கு ஓண்ணு. ரெண்டு உடம்பு ஒரு கொழுப்பு இருந்தா ரெண்டுக்கு ஓண்ணு இப்டிதான் ..

5.தினசரி உடற்பயிற்சியின் அவசியம் நண்மைகள் ?

இதை என்னால் ஏற்றுக்கொள்ளவே முடியாது. என்னோட தத்துவம் வலியில்லாமல் இருபபது மட்டுமே நல்லது.தினம் உடற்பயிற்ச்சி செய்து உடலை வருத்துவதில் எனக்கு உடன்பாடு இல்லை.

6.எண்ணை அதிகம் சேர்த்துக்கொள்ளலாமா சமைக்கும் போது ?

நான் சொல்வதை கேக்குறீங்களா என்ன ? எண்ணை எதில் இருந்து எடுக்கிறார்கள் எள்ளு அல்லது ஏதாவது பருப்பு காய்கறியில் இருந்து . உடம்புக்கு காய்கறி பருப்பு சேர்ப்பது தப்புனு எப்பவாது சொன்னேனா நான் ?

7.அதிகமா உக்காந்து எந்திரிக்கும் பயிற்ச்சி செஞ்சா என் வயிற்றுப்பகுதி சின்னதாக மாறுமா ?

கண்டிப்பா மாறாது. அதிகமா வேலை குடுக்கும் தசைகள் பெரிதாக வளரத்தான் செய்யுமே தவிர சிறிதாகாது.பெரிய வயிறு வேணும்னா இதை நீங்கள் செய்யலாம்.

8.நீந்துவதால் நல்ல உடல் அமைப்பு கிடைக்குமா ?

தெரில ஆனால் தினம் நீந்துகிற திமிங்கலம் ஏன் இப்படி இருக்குனு சொன்னீங்கனா பரவால்ல.

9.கட்டமைப்பான உடல் உருவம் தேவையா ?

நல்ல குண்டான வட்டமானதும் உருவம்தான் ..

10.சாக்லேட் சாப்பிடலமா டாக்டர் ?

நீ இவ்ளோ நேரம் காத இங்க போட்டியா இல்ல பக்கத்துல உள்ள் நர்ஸ்ட்ட காதல் அம்பு விட்டியா.. சாக்லேட் எதில் இருந்து வருது . அதுவும் (சொல்ல தேவையில்லேனு நினைக்கிறேன் உங்களுக்கு தெரியும் )

இவருட்ட பேசிட்டு வெளிய வந்ததும்தான் அப்பாடானு இருந்துச்சு.நாமெல்லாம் தண்ணீர் இல்லாமல் கூட இருப்போம் ஆனால் நல்ல தண்ணீர்(வேறென்ன பீர்தான்) இல்லாமல் இருக்க முடியுமா.நீங்க ரொம்ப நல்ல டாகடர்னு சொல்லிட்டு வந்தேன் .. இந்த டாக்டர் பத்தி நீங்க நினைக்கிறத் இங்க எழுதிட்டு போங்க மக்கா..

என்னவளுக்கு பிறந்தநாள்

2009-06-30T16:47:00.001+05:30

நானும் இந்த உலகில் வாழ்வதற்கு ஆதாரமாய் இறைவன் படைத்த என் சரி பாதி ஆக போகும் என் கண்மணி சூரியாவுக்கு இன்று பிறந்த நாள் .என் இனியவளை உங்களுடன் சேர்த்து வாழ்த்துகிறேன் .

அளவில்லா அன்புடன்

தினேஷ்..

நாடோடிகள்

2009-06-29T20:04:00.006+05:30

பசங்க படத்திற்க்கு பிறகு நல்ல படமா வந்திருக்குனு கேபிள் அண்ணன் , நாடோடி அண்ணன் (நாடோடி பற்றி நாடோடி.. ஆஹா) சொன்னாங்கனு நேற்று மதியம் கொஞ்சம் தாகசாந்தி அடைந்து தூக்கலா தூக்கத்த போட்ட என் அறை உடன்பிறப்புகளை உசுப்பி .. அவனுக கிட்ட நல்ல வார்தையில் திட்டு வாங்கி (என்ன நல்ல வார்த்தையில் திட்டானு நீங்க கேக்குறது கேக்குது) ..

பக்கத்துலேயே multiplex Pvr இருந்தாலும் 200 ரூ குடுத்து பார்க்க ரொம்ப யோசிக்க வேண்டி இருக்கே . அதனால புஷ்பாஞ்சலி தியேட்ட்ருக்கு போக முடிவெடுத்து 50 ரூ தான் டிக்கெட் ( மீதி 150 க்கு ஒரு நம்ம பிராண்ட் உற்சாக பானம் அருந்தலாம் பாருங்க அதான் 200 ரூ தியேட்டருக்கு போகாமா இப்படி .. நானெல்லாம் ஊர் திருவிழா அப்போ போடுற திரைப்படத்த விடிய விடிய தெருல உக்கார்ந்து பாக்குற ஆளு .. நமக்கு 50 ரூ டிக்கெட் கொடுத்து பாக்குறதே அதிகம் என்ன சொல்றீங்க ) ..

6 மணி படத்துக்கு அறையில் இருந்து 5.45 கிளம்பி 30 நிமிடம் பேருந்து பயணத்தில் உள்ள தியேட்டருக்கு போனோம் .ஹி ஹி நாமெல்லாம் என்னைக்கு நேரத்துக்கு போனோம் .பேருந்துல போகும்போது நான் கேபிள் அண்ணன் பதிவுல சொல்லியிருக்காரு , நாடோடி அண்ணன் சொல்லியிருக்காரு ,கார்த்திகை பாண்டி அண்ணன் சொல்லியிருக்காரு மற்றும் நம் பதிவர்கள் அனைவரும் சொல்லியிருக்காக படம் நல்லா இருக்குனு சொல்லிட்டு வந்தேன் . ஒருத்தன் மட்டும் எதையும் கேக்காம சிரிச்சிட்டே வந்தான் . என்னாடானு பார்த்தா பய சைக்கிள் கேப்புள படம் ஓட்டிட்டு இருக்கான் கண்கள் இரண்டால் உன் கண்கள்

இரண்டால்னு .. பார்த்துடா அறுத்துர (கழுத்ததான்) போராங்கனு சொன்ன பின்னாடிதான் பயபுள்ள சிரிப்ப நிப்பாட்டுச்சு ..

எல்லாரும் மிகுந்த எதிர்பார்புடன் தியேட்டர் வாசலுக்கு போனா , தியேட்டர்ல எதோ இடிச்சுட்டு கட்றாங்கனு மூடி கிடக்கு . அடங்கொய்யாலே இப்படி ஆயி போச்சுனு பக்கத்துல உள்ள தாக சாந்தி நிலையத்திலே சாந்தி அடைஞ்சிட்டு நாடோடி படம் பார்க்க போயி பாரோடி வந்தோம் ..

டிஸ்கி:

----

அடுத்த வாரம் பார்க்க பிளான் பண்ணியிருக்கோம் . பிளான் பண்ணமா பண்ணக்கூடாதுனு இப்பத்தான் உணர்ந்தேன் ...

நாடோடி படத்தை பத்தி எதிர்பார்த்து இங்க வந்து ஏமாந்த ஹி ஹி ஹி .. காத்திருக்கவும் .. இல்லேனா கேபிள் , நாடோடி அண்ணன தேடி போகவும் ..

புதிய தேர்வு விதிமுறைகள் - t20யின் தாக்கம்.

2009-06-17T21:26:00.002+05:30

இந்த 20 - 20 கிரிக்கெட் ஃபீவர் வந்தாலும் வந்தாச்சு , நானும் எதாச்சும் போடானும்னு நினைச்சு ஒரு 120 MCய போட்டுட்டு மப்புள படுத்துக்கிட்டு உளருனது ..

1. தேர்வை ஒரு மணி நேரமாகவும் , 50 மதிப்பெண்களாவும் மாத்தனும்.

2. 30 நிமிடத்தில் ஒரு இடைவெளி விடனும் , அப்போ மாணக்கர்கள் உக்காந்து யோசிப்பாங்க ..

3. முதல் 10 நிமிடம் பவர் பிளே , தேர்வு கண்காணிப்பாளர் யாரும் அந்த நேரத்தில் தேர்வு அறையில் இருக்க கூடாது .

(உடனே எல்லோருக்கும் இதை கண்டிப்பா நடைமுறை படுத்தனும்னு தோணுமே!!!)

4. ஃப்ரீ ஹிட் - மாணக்கர்களே எதேனும் ஒரு கேள்வியும் பதிலும் எழுதி கொள்ளலாம்.

5. அப்புறம் தேர்வில் தப்பான கேள்வி வந்தால் என்னவேனா பதில் எழுதலாம் .(ஃப்ரீ ஹிட்) மார்க் உண்டு கண்டிப்பா . ஆனா ஒன்னும் எழுதாமா வெரும் பேப்பர் மட்டும் இருந்தா முட்டை மட்டும் தான்.

6.உற்சாக அழகிகள் தேர்வு அறையில் மாணக்கர்கள் எழுதும் ஒவ்வொரு சரியான பதிலுக்கும் இடுப்ப நல்லா ஆட்டி உற்சாக படுத்தனும் .

(இப்படி இருந்தா கண்டிப்பா தேர்ச்சி சதவீதம் கூடும் என்ன சொல்றிங்க ?)

திருமணம் - ஒரு சிறப்பு பார்வை

2009-06-03T19:55:00.006+05:30

திருமணம் செய்து கொள்வது , ரெஸ்டாரண்டுக்கு நண்பர்களுடன் போவது போல தான்.நாம் நமக்கு பிடித்ததை கேட்டு வாங்கிகொண்டாலும் , மத்தவன் வாங்கினத பார்த்து நாமும் அத வாங்கியிருக்கனும் என்று எண்ணத்தோனும்.

திருமணத்திற்கு முன் ஒரு ஆண் பாதி வாழ்கை தான் வாழுகிறான் திருமணத்திற்கு பின் அவன் வாழ்க்கையே முடிந்தது.

திருமணம் ஒரு கல்வி நிலையம்,ஆண் தன் பேச்சிளர் பட்டத்தை இழக்கிறான் , பெண் மாஸ்டர் பட்டம் பெறுகிறாள்.

ஒரு மகன் தன் தந்தையிடம் ,கல்யாணம் பண்ண எவ்வளவு செலவாகும் , தந்தை ”தெரியலயேப்பா , நான் இன்னும் அதற்கு தான் பணம் செலவு பண்ணிக்கிட்டு இருக்கேன்”.

திருமணமான முதல் வருடம் கணவன் பேசிட்டே இருப்பான் , மனைவி கேட்பாள்,இரண்டாம் வருடம் மனைவி பேச கணவன் கேபட்பான்,மூன்றாம் வருடம் இருவரும் பேச பக்கத்து வீட்டுக்காரன் கேட்ப்பான்.

மனைவி இன்னொரு பெண்ணுடன் , “ நான் வந்த பின்புதான் இவர் இலட்சாதிபதி ஆனார் “ அதற்கு முன்னாடி “அவர் கோடீஸ்வரனா இருந்தார்”

cofeeday - வயிற்றெரிச்சல்

2009-06-02T02:04:00.004+05:30

ஞாயிற்றுக்கிழமை நானும் என் நண்பர்கள் இருவரும் வழக்கமாக சமையல் பொருட்கள் வாங்க டோட்டல்க்கு போனோம்.என் கூட வந்தவன் கையிலே கொஞ்சம் உணவு கூப்பன் வைத்திருந்தான்,அது பாக்கெட்ல கனமா இருந்துச்சு போல,மேலும் ரெண்டு மூணு பிகருக வேற அங்க இருந்துச்சு .என்னைக்கும் இல்லாத திருநாளா , வா மச்சான் cofeeday போய் ஒரு cofee குடிக்கலாம்னு சொன்னான்.சரி நம்ம காச , ஒசில கிடைச்சா எதுனாலும் சாப்பிட ரெடினு சொல்ற கூட்டம்ல நாம. வா மச்சான் போவம்னு போய் உக்காந்தாச்சு..

போய் உக்காந்து அஞ்சு நிமிசமாச்சு ஒரு பய பக்கத்துல வரல , உடனே நம்ம கூட வந்தவரு புரோட்ட

கடையிலே கூப்பிடுற பழக்க தோசத்துல பாசு இங்க வாங்க அப்படினு ஒரு சவுண்ட விட்டாரு பாருங்க , பக்கத்துல உக்காந்த அத்தனை பேரும் ஒரு அபவ்டன் போட்டு மொத்தமா பார்வையிலேயே மொக்கி எடுத்தானுக.பயபுள்ளக அப்பவும் என்ன வேணும் கேட்டு ஒருத்தனும் வரல .

சரிடானு சொல்லிட்டு எதோ மேசையிலே ஒரு அட்டை இருந்துச்சு , அதான் மெனு காடா இருக்கும்னு புரட்டி புரட்டி பார்ததா மொத்தமே ஒரு மூணு வெரைட்டி காஃபி போட்டிருந்துச்சு பேரு ஒண்ணும் விளங்கல , சரி எது கம்மி விலையில இருக்குனு பாத்து இத சொல்வம்டானு பக்கத்துல் உள்ளவண்ட சொன்னா ரெண்டு பேரும் ஆளுக்கு ஒரு பக்கம் திரும்பி அந்த வழியா போற வர்ற புள்ளைகலெல்லாம் சைட் அடிச்சுக்கிட்டு இருக்காங்கே. அடங்கொய்யால ஏண்ட என்கிட்ட சொல்லலேனு ஒரு சண்டைய போட்டுட்டு , நானும் அதில் ஐக்கிமாயிட்டேன் .அப்பவும் ஒருத்தனும் வந்து என்ன வேணும்னு கேக்கல , ஒரு வேளை இதுக்குதான் cofee dayகு பிகருகல கூட்டிட்டு வர்றாங்கலோ ஒருத்தனும் தொந்தரவு பண்ணமாட்டானு.

கடைசியா வந்து மெனு கார்டு கொடுத்தான். அப்பா முதல்ல பார்த்தது (?) இதிலே நிறைய அயிட்டம்

இருந்துச்சு (நம்ம அயிட்டம் விஸ்கி பிராண்டி இல்லப்பா).சரி இதிலே பாப்போம்னு தேடுனா நம்ம

அயிட்டம்(அதான்பா விஸ்கி) கலந்து ஒரு காஃபி , உடனே மூணு பேருக்கும் அத சொல்லி கொண்டு வாங்கனு சொல்லிட்டோம்ல.பேரெல்லாம் தெரில.கொண்டு வரேன்னு சொல்லிட்டு போனவன் அதுக்கப்புறம் ஆள காணோம் .சரினு திரும்பவும் ஜோதில(ஃபிகருகல நோட்டம் விடுறதுதான்) கலந்தாச்சு.

ஒரு பத்து நிமிடம் கழிச்சு கொண்டு வந்து வச்சான்.காஃபி ஒரு டம்ளர்லயும்,ஒரு பாக்கெட்டும் , என்னடானு பாத்த சீனி.அடப்பாவி 60 ரு காஃபி வாங்கினா சீனி கலந்து கொடுக்க மாட்டிங்களாயா நாங்கதான் கலக்கனுமானு பக்கதுல உள்ளவன் கேட்டான்.சீனிய கலக்கி வாயில காஃபிய வச்சா சுடுதண்ணி மாதிரி அப்படியே இருக்கு , ஒரு பாக்கட் சீனி போட்டும் இனிப்பே இல்ல .சீனிய அந்த கலக்கு கலக்கினதுல இனிப்பு சேந்துச்சோ சேரலியோ ஆனா காஃபி உள்ள போனதும் எனக்குள் கலக்க ஆரம்பிச்சுருச்சு. மூனு பேரும் ஒருத்தருக்கொருத்தர் பாத்து சிரிச்சுகிட்டே சூப்பரா இருக்குடானு சொல்லிக்கிட்டோம்.கஷ்டப்பட்டு சுடு தண்ணிய சாரி காஃபிய குடிச்சுட்டு கொய்யாலே இனி வாழ்வுக்கும் cofee day பக்கமே போககூடாதுனு ஒரு கும்பிட போட்டு வந்தேன்..

டிஸ்கி:

----

200 ரூபாய்கு 3 காபி வாங்கி சாப்பிட்ட நாங்க , வீட்டிற்கு பக்கத்தில் உள்ள 3 ரூ டீ நல்லாவே

இல்லேனு கடைக்காரன்கிட்ட சண்டை போடுற ஆளுக .

Pug சொல்பவை ...

2009-05-29T00:50:00.006+05:30

ஹும்ம்.... இவன் இன்னைக்குள்ள முடிக்கமாட்டான்,சும்மா பார்க்க வச்சுட்டானே. எவ்ளோ நேரம்தான் பாக்குறது!!!!!

டேய்.... கொஞ்சம் மெதுவா நடடா..... லூசு பயலே....

இதை யாரு உங்க அப்பனா எடுத்துட்டு வருவான் ???

அய்யோ.... அப்படியே கொள்ளைகாரன் மாதிரியே இருக்க டா....

தினம் குளினு சொன்னா கேக்குறியா? ஒரே கப்பு தாங்க முடியல...

நீ சைலண்டா நில்லு எல்லாத்தையும் நான் பாத்துக்கிறேன்

ஒழுங்கா கட்டுடா கொய்யால ..

என்னம்மா வீட்ல சொல்லிட்டு வந்தியா ?

இந்த வெத்து வேட்டு சீனுக்கு ஒண்ணும் குறைச்சல் இல்ல..

சீக்கிரமா முடிமா ..... தண்ணி அடிக்கணும்ல

தேடு, தேடு நல்லா தேடு......

இதெல்லாம் அவங்ககிட்ட சொல்லிடாதிங்கப்பா ..

சாப்ட்வேர் மக்களுக்கு ரஜினியின் ‘பஞ்ச்’

2009-05-27T23:04:00.003+05:30

ரஜினியின் பஞ்ச் வசனங்கள் - டானிக். சாப்ட்வேர் மக்களுக்கு ஒரு ஸ்பூன்.

பக் எப்ப வரும், எப்படி வரும்ன்னு யாருக்கும் தெரியாது
ஆனா, வர வேண்டிய நேரத்துல கரெக்டா வந்துடும்
----------------------------------------------------------------------------------------------------------------------------

நீ விரும்புற ப்ராஜக்ட்ல ஓர்க் பண்ணுறத விட
உன்னை விரும்பற ப்ராஜக்டல ஒர்க் பண்ணினா
உன் வாழ்க்கை சந்தோஷமா இருக்கும்.

--------------------------------------------------------------------------------------------------------------------------------

கஷ்டப்படாம பிக்ஸ் பண்ணுற பக் க்ளோஸ் ஆகாது
அப்படி க்ளோஸ் ஆனாலும் ரீ-ஓபன் ஆகாம போகாது.

--------------------------------------------------------------------------------------------------------------------------------

ப்ரோமோஷன், ஹைக், ஆன்சைட்
இது பின்னாடி நாம போக கூடாது
இதெல்லாம்தான் நம்ம பின்னாடி வரணும்

--------------------------------------------------------------------------------------------------------------------------------

கை அளவு லாஜிக் எழுதினா, அது நம்ம காப்பாத்தும்
அதுவே கழுத்தளவு எழுதினா, அதை நாம காப்பாத்தணும்.

--------------------------------------------------------------------------------------------------------------------------------

மேனேஜர், ஃப்ரஷ்ஷரை ரொம்ப சோதிப்பான்
ஆனா கைவிட மாட்டான்.
எக்ஸ்பிரியன்ஷுக்கு நிறைய கொடுப்பான்
ஆனா கை விட்டுடுவான்.

--------------------------------------------------------------------------------------------------------------------------------

அசந்தா அடிக்குறது கவர்மெண்ட் பாலிஸி
அசராம அடிக்குறது சத்யம் பாலிஸி

--------------------------------------------------------------------------------------------------------------------------------

டெவலப்பர் டீம் போடுறது, லாஜிக் கணக்கு
டெஸ்ட்டர் டீம் போடுறது, டிஃபக்ட் கணக்கு
மார்க்கட்டிங் டீம் போடுறது, ப்ராஜக்ட் கணக்கு
மேனேஜ்மெண்ட் டீம் போடுறது, ரெவன்யூ கணக்கு
ஹெ.ஆர். டீம் போடுறது, தலை கணக்கு
சிஸ்.அட்மின் டீம் போடுறது, வலை கணக்கு
சேல்ஸ் டீம் போடுறது, விற்பனை கணக்கு
ரிசர்ச் டீம் போடுறது, கற்பனை கணக்கு
கூட்டி கழிச்சி பாரு! கணக்கு சரியா வரும்!

--------------------------------------------------------------------------------------------------------------------------------

லாஸ்ட் பட் நாட் த லீஸ்ட்

அதிகமா பெஞ்ச்ல இருக்குற எம்ப்ளாயும்
அதிகமா லே-ஆஃப் பண்ணுற முதலாளியும்
நல்லா வாழ்ந்ததா சரித்திரமே இல்லை

ரசிகன் .....

2009-05-27T21:03:00.003+05:30

ரசிகன் ..

நாம் இருவரும் பேசிய தருணங்கள்,

உனக்கு கோவில் சிலையை ரசிப்பது போல,

ஒரு முறை ரசித்துவிட்டு கடந்து சென்று விடுவாய்,

எனக்கோ, நானே செதுக்கிய சிலை அது,

ஒவ்வொரு முறையும் ரசிப்பேன்..

நன்றி பிரதீபா(என் தோழி)

விளம்பரம்..

டீ கடையில் வேலை பார்க்கும் பையனின்

அழுக்கு பனியனில் சோப்பு விளம்பரம்..

எங்கோ படித்தது ...

வாழும் வள்ளல் மக்களின் தொண்டன் ஏழைகளின் பாரி இராமநாதபுரம் மக்களின் வீரத்தளபதி அண்ணனுக்கு ஜெ!

2009-04-29T22:59:00.008+05:30

யார் எள்ளி நகையாடினாலும் , கேலி செய்தாலும் , எதையும் பொருட்படுத்தாது மக்களுக்காக உழைக்க இந்த நாடாளுமன்ற தேர்தலில் எங்கள் தொகுதி திமுக வேட்பாளராக களமிறங்கியுள்ள எங்கள் வீரத்தளபதி ஜெ.கே.ரித்திஷ் (எ) சிவக்குமார் அவர்களின் ஆசியால் இராமநாதபுரம் மக்களுக்கு கிடைத்த நன்மைகளை பற்றிய ஒரு தேர்தல் நேர சிறப்பு பதிவு.

முதலில் இராமநாதபுரத்து மக்களை ஒரு நடிகன் தங்கள் ஊரில் இருந்து சென்று இரண்டு வெற்றி படங்களை கொடுத்தார் என பெருமை கொள்ள செய்தார்.மக்கள் இலவசமாக ஒரு திரைப்படத்தை தியேட்டரில் பார்க்க முடியும் என்று நிரூபித்து காட்டினார்.எந்த ஒரு பின்பலம் இல்லாமல் ஆளனபட்ட இரஜினியின் குசேலேனே மண்ணை கவ்விய போது ,தன்னம்பிக்கையுடன் தன்னை கேலி செய்த கோடம்பாக்கத்தை தனது சிறந்த நடிப்பால் நாயகனை தமிழகம் முழுவதும் 100 நாள் ஓடச்செய்தார் .

மந்திரியே வந்தாலும் குவார்ட்டர் அடித்து குப்புற கிடக்கும் குடிமகன்களை , தன்னுடன் சேர்த்துக்கொண்டு ,இராமநாதபுரம் மாவட்டம் முழுவதும் இரண்டு வருடங்களுக்கு முன்பே சூராவளி சூற்றுபயணம் சென்று வந்தார். வலை மக்களே நீங்கள் யோசிக்க வேண்டிய ஒன்று , சட்டமன்ற நாடாளுமன்ற உறுப்பினர்களே ஒவ்வொரு ஊராக வலம் வராத பொழுது மக்களை சந்திக்க வேண்டும் என்று ஊர் ஊராக இரண்டு ஆண்டுகளுக்கு முன்பே மக்களை சந்தித்து எந்த ஒரு பிரதிபலன்பாரமல் இல்லை என்று சொன்னவர்க்களுகெல்லாம் அள்ளி அள்ளி கொடுத்தார்.

இதை தன்னுடைய படமான நாயகனில் இருந்தாக்கா அள்ளி கொடு , தெரிஞ்சாக்கா சொல்லி கொடுன்னு சொல்லி, சொன்னதை செய்தார் . சொல்லாததையும் செய்தார்.

தமிழரின் வீர விளையாட்டான ஜல்லிகட்டுக்கு நீதிமன்றத்தில் தடை வாங்கிய வீரமில்லா மக்களுக்கு எதிராக வீரமுள்ள தமிழர்க்காக ஜல்லிகட்டு காப்பாற்றும் கழகம் அமைத்து, கழகத்தை தமிழகம் முழுவதும் பரப்பி , இன்று பெருந்திரளான மக்களின் சார்பாக நீதிமன்றத்திலே வழக்காடிகொண்டிருக்கிறார்.

இருக்கிற அரசியல்வாதிகள் மக்கள் பணத்தை கொள்ளை அடிக்கும் போது தன் பணத்தை மக்களுக்காக எந்த ஒரு பதவியில் இல்லாமாலும் பிரதிபலன்பாராமல் செலவு செய்தார்.

கடைசியாக என் ஊர் சிறுவர்கள் கிரிகெட் போட்டி நடத்துவதற்க்காக 1000 ரூ கேட்டதற்க்கு புன்னகையோடு 5000 ரூ தந்தார்.மேலும் எங்க ஊர் கோவிலின் வெளிபுர சுவரை கட்டி தருவதாக சொல்லி சென்ற மறுநாளே ,ஒரு லாரி மண்ணை இறக்கி வேலையை ஆரம்பித்து விட்டார்.அரசியல்வாதிகள் பதவியில் இருந்தாலுமே செய்வோம் என்று சொல்லி மறக்கும் காலத்திலே அடுத்தநாளே வேலையை ஆரம்பித்ததை என்னவென்று சொல்வது.

ஆகவே இதை படிக்கும் இராமாநாதபுர நாடாளுமன்ற தொகுதிக்கு உட்பட்ட வலை பதிவு மக்களே உங்கள் வாக்குகளை வாழும் வள்ளலுக்கு பதிவு செய்யுங்கள் முடியாதவர்கள் உங்கள் உற்றார் உறவினரை வாக்களிக்க செய்யுங்கள்.

மற்ற மக்கள் வள்ளளை எள்ளி நகையாடுவதை நிறுத்திக்கொள்ளுங்கள்.

நன்றி வால்பையன்.

ஒளி படைத்த கண்ணினாய் வா... வா... வா! உறுதி கொண்ட நெஞ்சினாய் வா... வா... வா!

2009-04-21T00:52:00.002+05:30

அரசியலை சாக்கடை என்று சொல்லி படித்தவர்களும், பண்புள்ளவர்களும் ஒதுங்கிப் போனால், அதை யார்தான் சுத்தம் செய்வது?' என்று சினிமாவில் வசனம் பேசுகிற பல ஹீரோக்கள்... நிஜ வாழ்கையில் ஓட்டுப் போடுவதோடு தங்கள் ஜனநாயக் கடமையை முடித்துக் கொள்கிறார்கள். படித்தவர்களும் பண்புள்ளவர்களும்கூட இந்த சாக்கடைக்கு பயந்து ஒதுங்கிக் கொள்வதால் ரவுடிகளும், கட்டை பஞ்சாயத்து ஆசாமிகளும் இன்று அரசியலை தம் உள்ளங்கைகளுக்குள் வைத்திருக்கிறார்கள். இந்த நிலையில், 'சாக்கடையை சுத்தம் பண்ண நான் ரெடி' என காலெடுத்து வைத்திருக்கிறார் 29 வயதே ஆன சரத்பாபு. பிரியாணி, குவார்ட்டர் பாட்டில் என முகம் மாறிப் போயிருக்கும் இன்றைய அரசியலில், அறிவையும் உழைப்பையும் கேடயமாகக்கொண்டு தென்சென்னை தொகுதியில் சுயேச்சையாக போட்டியிடுகிறார் சரத்பாபு.

நிர்வாக இயல் படிப்புக்கு பெயர் பெற்ற அகமதாபாத் ஐ.ஐ.எம்-மில் (இந்தியன் இன்ஸ்டிட்யூட் ஆஃப் மேனேஜ்மென்ட்) எம்.பி.ஏ. பட்டம் பெற்ற சரத்பாபு, புகழ் பெற்ற 'பிட்ஸ்-பிலானியில்' இன்ஜினீயரிங் பட்டமும் வாங்கியவர். ஐ.ஐ.எம்-மிலும், பிட்ஸ்-பிலானியிலும் படித்த அத்தனை பேரிடம் இல்லாத ஒரு கூடுதல் 'தகுதி' சரத்பாபுவுக்கு உண்டு. ஆம். சரத்பாபு மடிப்பாக்கத்தில் ஒரு குடிசையில் பிறந்தவர்! அவருடைய அம்மா மடிப்பாக்கத்தில் தெருவோரம் சிறு இட்லி கடை நடத்தியவர். அதன்மூலம் கிடைத்த வருமானத்தில்தான் இத்தனை பட்டங்களையும் பெற்றார் சரத்பாபு. பட்டங்கள் மட்டுமா?

இந்திய அளவில் இளைஞர்களின் போற்றுதலுக்குரிய அடையாளம் என்ற புகழ்ச்சி மிக்க 'யூத் ஐகான்' விருதும் பெற்றவர் சரத்பாபு. ஐ.ஐ.எம்-மில் படித்தவர்களெல்லாம் பல லட்சம் மாத சம்பளத்தில் புகழ்பெற்ற நிறுவனங்களில் உயர் பதவிகளில் செட்டில் ஆவது வழக்கமாக இருக்க... சரத்பாபு எடுத்தது மாறுபட்ட முடிவு. பொதுவாக ரிப்பன் வெட்டும் எந்த நிகழ்ச்சிக்கும் போகாத இன்ஃபோசிஸ் நாராயணமூர்த்தி, சரத்பாபு முதல் முதலாக காலேஜ் ஒன்றில் கேன்டீன் துவங்கியபோது அதன் துவக்க விழாவுக்கு வந்து இவரை உற்சாகப்படுத்தினார்.

இத்தனை தகுதிகள் இருந்தாலும், இதோ சாந்தமாக தென்சென்னை தொகுதியில் வலம் வந்துகொண்டிருக்கிறார் சரத். பிரசாரம் முடித்த ஒரு மாலைப் பொழுதில், அவருடைய ராயப்பேட்டை அலுவலகத்தில் அவரை சந்தித்தோம்.

ஒரு டிபிக்கல் அரசியல் கட்சி அலுவலகம் போல் இல்லாமல், ஒரு காலேஜ் காம்பஸ் மாதிரி இருந்தது அலுவலகம். கம்ப்யூட்டரில் வாக்காளர் பெயர் பட்டியலை பார்த்து விவாதித்தபடி, தென்சென்னை வரைபடத்தை டேபிளில் விரித்து வைத்து, நண்பர்களுடன் திட்டமிட்டுக் கொண்டிருந்தார். அந்த வேலைகளுக்கிடையே நம்மிடம் பேசினார் சரத்பாபு.

"என்னோட சின்ன வயசில எங்க அம்மா சாப்பாடு வேணாம்டானு சொல்லிட்டு, அடிக்கடி தண்ணி குடிச்சுக்கிட்டே இருப்பாங்க. 'தண்ணின்னா அம்மாவுக்கு ரொம்ப பிடிக்கும் போலிருக்கு'னு சின்னப் பையன் நானும் நினைச்சுட்டு இருந்தேன். அப்புறம்தான் தெரிஞ்சது, இட்லி கடையில் கிடைக்கிற வருமானத்தை வச்சு அம்மா, நான், ரெண்டு அக்கா, ரெண்டு தம்பினு ஆறு பேர் எப்படி சாப்பிட முடியும்? அதான் எங்க அம்மா தண்ணீரை குடிச்சே வயித்தை நிறைச்சுட்டு இருக்காங்க.

ஆனாலும் என் வயித்துக்கும், அறிவுக்கும் பட்டினி போடாம நல்லா படிக்க வச்சாங்க. படித்து முடிச்சதும் பல லட்ச ரூபாய் சம்பளத்துக்கு உள்நாட்டிலும் வெளிநாட்டிலும் நல்ல வேலை வாய்ப்புகள் வந்துச்சு. எனக்கு அதெல்லாம் பெரிசா தெரியலை. எங்க குடும்பம் பட்டிருந்த கடனை அடைக்க ஒரு கம்பெனியில் கொஞ்ச நாள் வேலை செய்தேன். பிறகு, அம்மா நடத்தி வந்த அதே இட்லி கடையை நடத்த ஆரம்பிச்சேன். தாய் எட்டடி பாய்ஞ்சா, குட்டி பதினாறு அடி பாய்ஞ்சு ஆகணுமில்லையா? அதனால கடைய கொஞ்சம் பெரிசா ஆரம்பிச்சேன். சென்னை, கோவா, பிலானி, ஹைதராபாத்னு பல ஊர்கள்ல இருக்கும் பல பல்கலைக்கழக கேன்டீன்களை இப்ப நடத்திக்கிட்டு இருக்கேன். வருஷத்துக்கு ஏழு கோடி ரூபாய் புழங்கும் இந்த பிசினஸ் மூலமா சுமார் 250 பேருக்கு வேலையும் கொடுத்திருக்கேன்.

பணம் எந்த விதத்துலயும் என்னை மாத்திடலை. முன்ன இருந்த அதே மடிப்பாக்கம் ஏரியா வீட்லதான் இப்பவும் இருக்கேன். சின்னப் புள்ளையில இருந்து பாத்துப் பழகின மாமா பொண்ணைத்தான் கட்டிக்கிட்டேன். நான் டாக்டர் கிடையாது. ஆனா, ஸ்கூலுக்கு போற ஒரு பையனை பார்த்தாலே அவன் சாப்பிட்டிருக்கானா இல்லையான்னு கண்டுபிடிச்சுடுவேன். கண்டுபிடிச்சு என்ன பிரயோஜனம். அவன் சாப்பிட ஏதாவது வழி செய்யணுமில்லையா..? அதனாலதான் தென்சென்னை வேட்பாளரா போட்டி போடறேன். நான் போட்டி போடறேன்னு கேள்விப்பட்டதுமே, எனக்கு அறிமுகம் இல்லாதவங்ககூட என்னோட சேர்ந்து எனக்காக வாக்கு சேகரிக்கிறாங்க. அரசியல்னாலே ஒதுங்கிப் போறவங்களை, குறிப்பா இளைஞர்களை அரசியலுக்குக் கொண்டுவந்து அதை சேவை செய்கிற தளமா மாத்தணும். அதுதான் என்னோட ஒரே திட்டம்!" என நெஞ்சை நிமிர்த்துகிறார் சரத்பாபு.

என்ன சொல்ல..?

ஒளி படைத்த கண்ணினாய் வா... வா... வா! உறுதி கொண்ட நெஞ்சினாய் வா... வா... வா!

மு.க தேர்தல் அறிக்கை 2009

2009-04-08T21:39:00.004+05:30

உடன்பிறப்பே! நான் நீ என்று சொன்னால் உதடுகள் ஒட்டாது, "பெவிக்குவிக்" ஒன்றை வாங்கி ஒட்டினால் வாயே ஒட்டிக்கொள்ளும்.உணக்கு இதைக் கேட்டு சிரிப்பு வருகிறது.ஆனால் இங்கே என் நிலையோ சிரிப்பாய் சிரிக்கிறது. மொத்தம் உள்ளதே 40 சீட்டு தான்.ஆனால் அதை 4000 பேர் பிரித்துக்கேட்கிறார்கள். நான் என்ன செய்ய?,தொகுதிப் பங்கீட்டு பேச்சுவார்த்தை என்ற பெயரில் உள்ளே நுழைகின்றவர்களுக்கு டீயும்,சமோசாவும் வாங்கிக் கொடுத்தே நான் இவ்வளவு காலமும் வாயக்கட்டி வயித்தக் கட்டி சம்பாதித்த காசுகள் எல்லாம் கரைந்து விடும் போலைருக்கிறது. வெறும் விசிட்டிங்கார்டு வைத்திருப்பவர்களெல்லாம் அறிவாலய செக்யூரிட்டியிடம் 50 ரூவாயைத் தள்ளிவிட்டு விட்டு பேச்சிவார்த்தை என்ற பெயரிலே உள்ளே நுழைந்து என் பெண்டை நிமித்தி விடுகிறார்கள். நான் யாரைத் தடுப்பேன். தடுக்கக் கூடிய நேரமா இது?.

என்னவோ! என் பெருமைக்குரிய தமிழக மக்களிடம் இருக்கும் ஞாபக மறதியை நம்பி இந்தத் தேர்தலிலும் மீண்டும் திராவிட முன்னேற்றக் கழகம் போட்டியிடுகிறது. மக்களே! நான் சட்டமன்றத் தேர்தலில் என்னென்ன வாக்குறுதி அளித்தேனோ அதையெல்லாம் அடுத்த சட்டமன்ற எலக்சன் அறிவிக்கும் வரை அமுல்படுத்தக் கடமைப்பட்டுள்ளேன்.அது மட்டுமின்றி வரப்போகிற எலக்சனுக்காக வேண்டி மேலும் சில இலவச திட்டங்களைப் பட்டியலிடுகிறேன்.இந்த இலவசங்களைப் பார்த்து வழக்கம் போல வாயைப் பிளந்தவாறு உதயசூரியனில் விரல்களைப் பதித்துவிடுங்கள். இந்த எலக்சன் மதுரைக்கு மட்டும் நடக்க இருந்தால் நான் உங்களை இவ்வாறெல்லாம் கேட்க மாட்டேன். காரணம் அங்கே நீங்கள் எந்த சின்னத்தில் உங்கள் விரலை வைத்தாலும் அது சூரியனையே சுத்திவரும். என்ன செய்ய என் கண்மணிகளே! என்னிடம் 40 அஞ்சா நெஞ்சர்கள் இல்லயே, இருந்திருந்தால் நான் இது போன்ற ஒரு மொக்கை கடிதத்தை என் விரல் கடுக்க வடித்திருக்க மாட்டேன் என் செல்வங்களே!

கிடப்பது கிடக்கட்டும் கிளவியைத்தூக்கி மணையில் வை என்ற கதையாக, நாடு எப்படி போனால் என்ன என்று முடிவு செய்தவனாக என் இலவசங்களைப் பட்டியலிடுகிறேன்,பாய்ந்து வந்து பிடித்துக்கொள்ளுங்கள்.

1) இதுவரை ரேசன் கடைகளில் வழங்கப்பட்ட அரிசிக்கு பதிலாக சுடச்சுட சோரும்,சுரும்பு கருவாட்டுக் குழம்பும் வழங்கப்படும்.இதனால் ஏற்கணவே வீடுகளில் சமைக்காமல் இலவச கலைஞர் டிவியே கதி என்று கிடக்கும் 2 கோடிதாய்மார்கள் பயன்பெறுவார்கள்.

2) தமிழ்நாடு ரேசன் அரிசி கடத்துவோர் சங்கம், தங்களுக்கு லாரி வாடகை கட்டஇயலவில்லை என்ற கோக்கை முன்வைத்து நடத்திய பேரணி ஆர்ப்பாட்டம் கணிவோடு பரீசீலிக்கப்பட்டு ரேசன் அரிசி கிலோ 1 ரூபாயில் இருந்து 0.50பைசாவாகக் குறைக்கப்படும்.இதன் மூலம் 80,000 ரேசன் அரிசி கடத்துவோர் பயனடைவார்கள்.

3) ஏழை விவசாயிகள் இன்னும் கூட வெறும் கோவணமே கட்டும் அவல

நிலையைக் கருத்தில் கொண்டு அவர்களுக்கு இலவச ஜட்டி வழங்க ஆவண‌ செய்யப்படும்.அதுமட்டுமின்றி இனிமேல் தமிழகத்தில் கோவணம் கட்டுவது தடைசெய்யப்படும். இனிமேல் தங்கர்பச்சான் போன்றவர்கள் அரசு ஜட்டிகளையே பயன்படுத்திக் கொள்ளலாம்.

4) ஏற்கனவே கூத்தாடும் குடிமகன்களுக்கு குஜால் செய்தியாக‌, டாஸ்மாக் விற்பனையை அதிகரிக்க, இனிமேல் குவாட்டருடன் கொண்டக்கடலையும் வாட்டர்பாக்கெட்டும், ஆஃபுடன் அவித்தமுட்டையும் அங்குவிலாஸ் சோடாவும் இலவசமாக வழங்கப்படும். இதன் மூலம் 3 கோடி டாஸ்மாக் கண்மணிகள் பயனடைவார்கள்.

5) பேரணி ஆர்ப்பாட்டம் நடத்துபவர்களுக்கு இனிமேல் போக்குவரத்து செலவை அரசே ஏற்றுக்கொள்ளும். அதுமட்டுமின்றி இனிமேல் எனக்கு அதிக பாராட்டு விழா எடுப்பவர்களுக்கு தமிழக அரசின் கலைமாமணி விருதும் வழங்கப்படும்.

6) 10 வகுப்பு முடித்த அனைத்து மாணவச் செல்வங்களுக்கும் அண்ணா பல்கலைக்கழகம் வழங்கும் எஞ்சினியரிங் சர்டிபிகேட் இனிமேல் இலவசமாக வழங்கப்படும்.

7) இளம் காதலர்களுக்கு BSNL மூலம் மாதம் தோறும் 50 ரூபாய் இலவச டாக் டைம் வழங்க ஆவண செய்யப்படும்.

8) நல்லா இருந்த மின்சாரத்தை வெட்டி வெட்டி விளையாடிய ஆற்காடு வீராசாமியால் தத்தளிக்கும் தமிழக குடும்பங்களுக்கு இலவச தீப்பந்தம் வழங்க ஆவண செய்யப்படும். அது மட்டுமின்றி தற்சமயம் ஆற்காட்டார் எங்கு,எது எரிந்தாலும் அதை உடனே சென்று அணைத்துவிடுகிறார்.

ஏப்ரல் 1 -முட்டாள்களான அறிவாளிகள் தினம் !

2009-04-01T00:59:00.002+05:30

சர்வதேசரீதியில் அன்னையர் தினம், தந்தையர் தினம், காதலர் தினம், மகளிர் தினம், தொழிளாலர்கள் தினம் என்று மனிதர்களுக்குப் பலவிதமான தினங்கள் இருப்பது போலவே முட்டாள்களுக்கும் என்று ஒரு தினம் ஒதுக்கப்பட்டுள்ளது. ஆனால் ஏனைய தினங்களுக்கு உரிமை கொண்டாடுவதைப் போல இத்தினத்தில் தமக்கும் பங்கிருப்பதாகச் சொல்லிக் கொள்ள எவரும் முன் வருவதில்லை. அதே நேரம் தம்மை அடையாளப்படுத்திக் கொள்ளாமல் அடுத்தவரை முட்டாளாக்க முனையும் முட்டாள்களான அறிவாளிகளின் தினம் என்றாலும் பிழையாகாது. அதுதான் இந்த ஏப்ரல் முதல் தேதியாகும்.

விஷயங்களை அறிந்து கொள்பவன் அறிஞன் ஆகின்றான் என்பார்கள். அதேபோல் ஒரு முட்டாள் 'தான் ஒரு முட்டாள்' என்பதை அறிந்து கொள்ளும்போது அவனும் ஒரு 'அறிஞனாக' வாய்ப்புக் கிட்டுகிறதா என்று எமக்கும் முட்டாள்தனமாக சிந்திக்க தோன்றுகிறது.

"The first of April is the day we remember what we are the other 364 days of the year " - Mark Twain என்று நம்மைப்பற்றி முன்பே உரத்துச் சொல்லிவிட்டார். கற்றாரைக் கற்றாரே காமுறுவது போல் ஒரு முட்டாள் அவனை விடப் பெரிய முட்டாள் மெச்சுவான் என்றும் யாரோ ஒருவரும் கூறியுள்ளதாகவும் அறிகிறோம்.

"முட்டாள்கள் தினம்" ஏப்ரல் 1ம் தேதி உலகமெல்லாம் முட்டாள்களாக்கும் முயற்சி நடைபெறுகிற ஒரு முட்டாள் நாள். இது எவ்வாறு ஆரம்பமானது என்ற வினாவும் எம்முள் எழுகின்றது.

புராதன வரலாற்றில் ரோமானிய நாட்காட்டியின்படி ஏப்ரல் 1ம்தேதி தான் வசந்தம் ஆரம்பிக்கும் பொன்னாளாகும். புராதன வரலாற்றில் புத்தாண்டுக் கொண்டாட்டங்களை மிகுந்த உற்சாகத்தோடு கொண்டாடியதற்கான வரலாற்றுக் குறிப்புகள் காணப்படுகின்றன.
ஹார்வி என்னும் வரலாற்றாய்வாளர் தனது குறிப்பில், " பிரான்சு தேசத்தின் அரசன் ஒன்பதாம் சார்லஸ் காலத்தில் மார்ச் மாதம் 25ம் தேதியிலிருந்து ஒருவார கால புத்தாண்டுக் கொண்டாட்டங்களில் ஈடுபட்டதாக குறிப்பிடுகிறார். திருவிழாவைப்போல் நடைபெறும் இந்தக் கொண்டாட்டங்களின்போது ஒருவருக்கொருவர் பரிசுப் பொருள்களையும், அன்பளிப்புகளையும் வழங்கி தங்கள் அன்பை வெளிப்படுத்திக் கொண்டதாக குறிப்பிடுகிறார்.

இந்த ஒருவாரக் கொண்டாட்டத்தின் இறுதி நாளான ஏப்ரல் ஒன்றாம் தேதி பெரு விருந்துடன் புத்தாண்டு விழா நிறைவெய்தியதாகக் குறிப்பிட்டுள்ளார்.

1562ம் ஆண்டளவில் அப்போதைய போப்பாண்டவரான 13வது கிரகரி அவர்கள் பழைய ஜூலியன் ஆண்டுக் கணிப்பு முறையை ஒதுக்கி புதிய கிரேகோரியன் ஆண்டுக் கணிப்பு முறையை நடைமுறைப்படுத்தினார். இதன்படி ஜனவரி 1 அன்றுதான் புத்தாண்டு ஆரம்பமாகின்றது. 1562ம் ஆண்டில் போப் கிரகோரி புதிய ஆண்டுத் துவக்கத்தை நடைமுறைப்படுத்தும்படி அறிவித்தார். ஆண்டுத் துவக்க நாளாக ஜனவரி 1ம் தேதியை அறிமுகம் செய்துவைத்தார்.

இனி மேல் பிரான்ஸ் தேசம் முழுமையும் இந்த நாட்காட்டிதான் என்று ஊர்தோறும் அறிவிக்கப்பட்டது. இந்த மாற்றத்தை ஏற்றுக் கொள்ளாதவர்கள் அல்லது போப்பின் அறிவிப்பை நம்பாதவர்கள் ஏப்ரல் 1ம் தேதியையே புத்தாண்டுப் பிறப்பாகக் கொண்டாடினர்.

இந்தப் "புதிய" புத்தாண்டு தினத்தை ஐரோப்பிய தேசங்களும், அவற்றின் மக்களும் உடனேயே ஏற்றுக் கொள்ளவில்லை. அதற்குச் சில காலம் எடுத்தது. அதற்குக் காரணங்கள் பல உண்டு. அன்றைய கால கட்டத்தில் இது போன்ற செய்திகள் அல்லது மாற்றங்கள் சகலரையும் சென்றடைவதற்குரிய தகுந்த சாதனங்கள் இருக்கவில்லை. அத்தோடு பழைய வழக்கத்தைப் புறம் தள்ளி புதிய வழக்கத்தை ஏற்றுக் கொள்வதையும் இம்மக்கள் மறுத்திருக்கலாம். ஆகவே இம் மக்கள் தொடர்ந்தும் ஏப்ரல் மாதம் முதலாம் திகதியையே தமது புத்தாண்டுத் தினமாகக் கொண்டாடி வந்தார்கள்.

எவ்வாராயினும் பிரான்ஸ் 1852ம் ஆண்டிலும் ஸ்காட்லாந்து 1660ம் ஆண்டிலும், ஜெர்மனி, டென்மார்க், நார்வே போன்ற நாடுகள் 1700ம் ஆண்டிலும், இங்கிலாந்து 1752ம் ஆண்டிலும், இந்தப் புதிய புத்தாண்டு தினத்தை உத்தியோகபூர்வமாக ஏற்றுக் கொண்டன.

புதிய வழக்கத்தை ஏற்றுக் கொண்டு ஜனவரி முதலாம் திகதியை புத்தாண்டாகக் கொண்டாடத் தொடங்கிய மக்கள் இந்த பழைய வழக்கத்தைப் பேணி ஏப்ரல் மாதம் முதல் தேதியில் புத்தாண்டைக் கொண்டாடுபவர்களை ஏப்ரல் முட்டாள்கள் என்று இவர்கள் அழைத்தார்கள். இதிலிருந்து ஏப்ரல் முட்டாள்கள் தினம் ஆரம்பமாயிற்று என்பது பலராலும் ஏற்றுக் கொள்ளப்பட்ட ஆய்வு ஒன்று தெரிவிக்கின்றது.

என்றாலும் 1582ம் ஆண்டுக்கு முன்னரேயே 1508ம் ஆண்டில் பிரான்ஸ் தேசத்தில் முட்டாள்கள் தினம் கொண்டாடப்பட்டு வந்துள்ளது என்பதற்கு சான்றுகள் உண்டு. அதேபோல் டச்சு மொழியிலும் 1539ம் ஆண்டுக் காலப் பகுதியில் முட்டாள்கள் தினம் பற்றிச் சொல்லப்பட்டிருப்பதை அறியக் கூடியதாக உள்ளது.

1466ம் ஆண்டு மன்னன் பிலிப்பை அவரது அரச சபை விகடகவி, பந்தயம் ஒன்றில் வென்று மன்னனையே முட்டாளாக்கிய நாள் ஏப்ரல் முதலாம் தினம் என்றும் கூறப்படுகிறது.

ரோமாபுரியில் கிறிஸ்தவர்கள் அதிகாரத்திற்கு வந்தபோது, நடைமுறைகளை மாற்றினார்கள். தற்போதுள்ள ஈஸ்ட்டர் பண்டிகையினையும் மாற்றி அறிவித்தார்கள். பழமையான கொண்டாட்டங்களை மாற்றியதோடு அவற்றில் ஒரு சிலவற்றை வேடிக்கை, வினோத கொண்டாட்டங்களுக்குரிய நாளாக மாற்றினர்.
இந்த மாற்றங்களில் நம்பிக்கை இல்லாமலிருந்த இவர்களை கேலியும் கிண்டலும் செய்து விளையாட்டாக முட்டாளாக்கி ஏமாற்றும் போக்கில் ஈடுபட்டனர்.

இதுவே நாம் இன்றைக்கு வேடிக்கையாய் முட்டாள்களாக்கி மகிழ்கிற நாளாக தொடர்ந்திடுகிறது எனலாம். ஜனவரி மாதம் 1ம் தேதியை புத்தாண்டாக ஏற்றுக்கொள்ள மறுத்தவர்கள் அல்லது மறந்தவர்களுக்கு முட்டாள்தனமான பரிசுகளை அனுப்பினர். பெரிய பரிசுக்கூடைகள் போன்று வடிவமைத்து உள்ளே குதிரை முடி, பழைய குப்பை என்று நிரப்பிக் கொடுத்து ஏமாற்றுதல் போன்ற ஏமாற்று வேலைகளைச் செய்து ஏமாற வைத்தனர்.

இதை நம்பும்படியான ஆனால் நகைக்கும்படியான செயலாக செய்து மகிழ்ந்தனர். நெப்போலியன் 1 ஆஸ்திரியாவைச் சேர்ந்த மேரி லூயிஸை 1810ல் திருமணம் செய்துகொண்டார். அந்த மாதம், நாள் ஏப்ரல் 1 என்பதால் மணமகளை கேலி செய்து இருக்கின்றனர். நெப்போலியன் உண்மையாகத் திருமணம் செய்யவில்லை. உன்னை முட்டாளாக்கவே திருமணம் செய்திருக்கிறார் என்று எள்ளி நகையாடியதாகக் கூறப்படுகிறது.

ஏப்ரல் முதல் நாளை, "Poission d'avril " என்று அழைத்துள்ளனர். இத்தகைய கேலிக்கூத்துக்கள் சுற்றிச் சுழன்று பிரான்சிலிருந்து இங்கிலாந்துக்கும் அங்கிருந்து அமெரிக்காவுக்கும் ஏப்ரல் 'பூல் விரிந்து பரவி இருக்கிறது. இது குறித்து சிகாகோவில் உள்ள இலினாய்ஸ் பல்கலைக்கழக வரலாற்றுப் பேராசிரியர் ஸ்டீவன் பேன்னிங் ஐரோப்பாவில் எப்படி எல்லாம் நடந்தது என்று விலாவாரியாகக் குறிப்பிட்டுள்ளார்.

கிரகோரியன் காலண்டரை ஏற்றுக்கொண்ட முதல் நாடாக பிரான்சு இருந்தாலும் இத்தகைய கேளிக்கைகளின் ஆணிவேரைக் கண்டுபிடிக்கப் போதுமான ஆதாரக் குறிப்புகள் இல்லை என்றும் குறிப்பிட்டுள்ளார்.

ஸ்காட்லாந்தில் April Fool's Dayயை April Gawk என்று கடைப்பிடித்ததாக பேராசிரியர் ஸ்டீவன் தெரிவித்துள்ளார். அதாவது ஏப்ரல் 1ம் தேதி வினோதமாக உடையுடுத்தி ரெண்டுங்கெட்டானாக நடந்து கொண்டு ஸ்காட்டிஷ் மக்கள் அந்த நாளை நகர்த்தியதாக மேலும் தெரிவிக்கிறார்.

ஒரு பொய்யை உண்மை என்று நம்ப வைப்பது, ஒரு கடிதத்தில் அவசரம் என்று மேலே எழுதி உள்ளே முட்டாள், "இன்று ஏப்ரல் ·பூல் தினம் தெரியுமா? அது வேறு யாருமில்லை நீதான்", இப்படி எழுதி அனுப்புவதை வழக்கமாகச் செய்திருக்கின்றனர்.

பிரெஞ்சுக் குழந்தைகள்கூட காகிதத்தில் மீன் போன்று செய்து தனது சினேகிதர்களின் முதுகில் ஒட்டி அனுப்பிக் கேலி செய்திருக்கின்றனர். இப்படி முதுகில் மீனோடு திரிகிற குழந்தைகளைப் பார்க்கும் குழந்தைகள் "ஏப்ரல் மீன்" என்று அழைத்துக் கேலி செய்திருந்திருக்கின்றனர்.

1986ல் ப்ரெட் வால்டன் இயக்கிய, "ஏப்ரல் பூல்ஸ் டே" திரைப்படம் மிகப் பிரபலமானது. டெபோரா போர்மேன், ஜேய் பேக்கர், டெபோரா குட்ரிச் நடித்திருந்தனர். பாரமவுண்ட் பிக்சர்ஸ் நிறுவனத்தார் பிரம்மாண்டமாக தயாரித்திருந்த இப்படம் ஒளி நாடாக்களிலும் வீர நடை போட்டு வந்ததை குறிப்பாகச் சொல்லலாம்..

ஏப்ரல் முதல் தேதி பல வேடிக்கைகள் மட்டுமல்லாது பல வினைகளும் வந்துள்ளன. அத்தோடு பல மூட நம்பிக்கைகளையும் இந்த ஏப்ரல் முதல் தேதி மக்களுக்கு வழங்கியிருக்கின்றது.

அல்லது மக்களே தங்களுக்கு வழங்கி இருக்கிறார்கள் என்றும் சொல்லலாம்!.

(ஒவ்வொரு ஐந்து வருடங்களுக்கு ஒருமுறை நம்மை நம் அரசியல்வாதிகள் முட்டாள்களாக்கி வருவதால் பேசாமல் தேர்தல் நாளையே ஏப்ரல்-1ம் தேதிக்கு மாற்றிவிட்டால் என்ன?!)

புரட்சிக்கு ‘சே’குவேராவும் பொறுக்கி தின்ன ‘ஜெ’யலலிதாவும் !

2009-03-23T13:14:00.002+05:30

நாங்கசேகுவேராவைச் சொன்னாலும்
ஜெயலலிதா பின்னால் நின்னாலும்
இலக்கு ஒண்ணுதான் தோழர்.

முதலாளித்துவப் போதையில்
மூழ்கிக் கிடக்கும் மக்களை
அந்தப் பாதையிலேயே போய்தான்
அப்படியே புடிக்கணும் !

தோழர் …. மக்கள் இன்னும் தயாராய் இல்லை
அப்புறம் பாருங்க….. நேரா புரட்சிதான் !

அது வரைக்கும் ?

போயசு தோட்டம்தான் !

கேட்டவர் அதிர்ச்சியடைய
‘டோட்டலாய்’ விளக்கினார் தோழர் :

யாருடைய காலில் விழுந்தாலும் - சி.பி.எம்.
தன் கொள்கையை மட்டும் இழக்காது.

மக்கள் விரோதிகள் எவரும் இனி
மார்க்சிஸ்டுகளை விலக்கி விட்டு
அரசியல் நடத்த முடியாது !

அந்தப் புரட்சித் தலைவியே தடுத்தாலும்
‘அம்மா’ சபதம் முடிக்காமல் ‘பொலிட்பீரோ’ அடங்காது.

அப்புறம் எப்போது புரட்சி?

அது இருக்கட்டும் தோழரே,
சி.பி.எம். வரலாற்று ஸ்டேட்டஜியே வேற:

அன்று நேருவை அடையாளம் கண்டோம்
அவரிடம் சோசலிச வாடையை வளர்த்தோம்.

காங்கிரசுக்கு உள்ளே இருந்தே
முற்போக்கு சக்திகளை மோப்பம் பிடித்தோம்.
அப்படியே படிப்படியாய்
தனிக்கடையை விரிச்சோம்.

அப்புறமா … கேரளா, திரிபுரா, மேற்கு வங்கம்னு
ஆட்சியைப் பிடிச்சோம்.

அடுத்தது புரட்சி ?

பின்னே ஆயுதம், வன்முறை இல்லாமல்
அனைவருமே சமமாகி சோசலிசம் படைக்க
நம்ம நம்பூதிரிபாடு ஆட்சியிலதான்
நாட்டிலேயே முதன்முதலா
லாட்டரி சீட்டு அடிச்சோம் !

அல்லாவை வென்றெடுத்து
மத நல்லிணக்கம் நிலைநாட்ட
முசுலீம் லீக் கூட்டணி முடிச்சோம்

இந்துக்களிடமும் வர்க்கத்தீயை மூட்டிவிட
சபரிமலையில் மகரஜோதி பிடிச்சோம் !

காசு சேர்த்து நிலத்தை வாங்கி
பண்ணையார்கள் ஆதிக்கம் ஒழிச்சோம்

போர்க்குணத்துடன் போலீசை பயிற்றுவித்து
போய்…. நக்சல்பாரிகளைக் கடிச்சோம் …

இப்படி …. கச்சிதமா கம்யூனிசத்தை முடிச்சோம் !

சரி புரட்சி எப்போது ?

அட ! டாடாவையே வென்றெடுத்தோம்
நந்திகிராமத்தில் நம்ம கட்டுப்பாட்டில் நுழைச்சோம் !

பாட்டாளிவர்க்க ஒற்றுமையைக் காக்க
விவசாயிகள் மண்டையை உடைச்சோம்.

பெண்களென்னும் பேதம் பார்க்காமல்
புடவையை பிடித்து கிழிச்சோம்.

வர்க்கப் பகைமையை ஒழிக்கத்தான்
சிங்கூர் நந்திகிராமில்
விவசாயி, தொழிலாளி வர்க்கத்தையே ஒழிச்சோம் !

இதுவா புரட்சி !

இது மட்டுமா ! சாதி ஆதிக்கத்தை ஒழிக்க
உத்தபுரம் சுவரை நாங்கதான் இடிச்சோம்.
சிறுதாவூர் தலித் நில பிரச்சனைக்கும்
நாங்கதான் கொடி பிடிச்சோம்
இப்ப, செயல்தந்திர அரசியல்படி
அம்மா தோட்டத்திலேயே அந்தப் பிரச்சனையை புதைச்சோம்.

போர் என்றால் நாலுபேர்
சாகத்தான் செய்வார்கள் என்று
இழவெடுத்த புரட்சித்தலைவி - இப்போது
போர்நிறுத்தம் வேண்டுமென்று
உண்ணாவிரதம் இருந்தது கண்டு
உண்டியலுக்கு வெளியே காணிக்கையாய் கிடந்தோம் !

”ஊரை அடித்து உலையில் போட்ட பானையோ ! - இன்னும்
யாரை மிதிக்கக் காத்திருக்கும் யானையோ” என்று

அம்பிகையைப் பார்த்தவுடன் அந்தக்கால நினைவு வந்தபோதும்,
பாதம் பணிந்த ஓ. பன்னீரும், பஜனை குழுவோரும்
பசியெடுத்த அம்மாவின் பக்கத்தில் நில்லாமல்
ஒரு காதம் விலகி வேண்டி நின்ற போதும்.

ஈழத்தமிழருக்காய் ஈரம் கசிந்து
ஓதம் காத்த அந்தச் சுவரோரம்
அஞ்சாமல் ஒதுங்கிய எங்கள் போர்த்தந்திரம் சும்மாவா ?

இதிலென்ன புரட்சி ?

சமரச சுத்த சன்மார்க்க சபை கலைந்து - எங்கள்
சமரச சித்தாந்த சன்னதியின் தீக்கதிரில் நாக்குழறி
எச்சு ஊறி எங்கள் எச்சூரி பின்னால் திரளுகையில்
என்ன ஒரு கேள்வி இது !
எத்தனை முறைதான் ஓதுவது !

சவுக்கடியும், சாணிப்பாலும் கொடுத்து
கீழத்தஞ்சையில் கம்யூனிஸ்டு கட்சியை
ஒழிக்கப் பார்த்தான் காங்கிரசு ! கடைசியில் என்னாச்சு ?
நம்ம துணையில்லாமல்
அவனால் நாடாள முடிந்ததா ?

நள்ளிரவில் எழுப்பி விட்டு
நம் அரசு ஊழியர் வர்க்கத்தை
சிறையில் தள்ளினாளே ஜெயலலிதா
இப்போது என்ன ஆச்சு ?

வலது, இடதாக தா. பாண்டியனையும், வரதராசனையும்
ஜெயலலிதா வளைத்துப் பிடிப்பதைப் பார்த்து
தோட்டத்து சசிகலாவே வாட்டத்தில் பொருமுகிறாள்.

நாம இல்லாமல்
யாராவது இனி அரசியல் நடத்த முடியுமா ?

போதும் … எப்போதுதான் புரட்சி ?

வந்தது கோபம் தோழருக்கு :

அட ! என்னங்க
இவ்வளவு தூரம் விவரம் சொல்கிறேன்
இன்னும் விளங்காமல்
எங்களிடம் வந்து புரட்சி, புரட்சின்னா…. ?
சுத்த புரியாத ஆளா நீங்கள் !?

நன்றி துரை. சண்முகம்!

லொள்ளுவதெல்லம் லொள்ளல்ல

2009-03-20T00:49:00.003+05:30

வடிவேலு: ம்மா..ம்மா.
சத்யராஜ்: அட.என்னடா மாப்ள சின்னாபின்னமான சிங்கள சிப்பாய் மாதிரி வர. என்னாச்சி.
வடிவேலு: அத ஏனப்பா கேக்கற. நாம்பாட்டுக்கு போய்க்கிருந்தனா. இந்த விஜய் தம்பி இல்ல விஜய் தம்பி. அந்தாளு எதிர்ல வந்திச்சி. அந்தாளும் உன்ன மாதிரி வில்லங்கமான ஆளாச்சா. எதுக்கு வம்புன்னு பணிவா வளைஞ்சி ஒரு கும்பிடு போட்டனப்பா. எதுக்குன்னே தெரியலப்பா. எண்டா நாயே அவனவன் மெயிலுல ப்ளாகுல வெறுப்பேத்துரது போறாதுன்னு என்னை பார்த்ததும் வில்லா வளைஞ்சி கும்பிடு போடுற மாதிரி கடுப்பேத்துரியான்னு பின்னி பெடலெடுதிடிச்சி.

பார்த்திபன்:ஏண்டா நாயே! ராத்திரியெல்லாம் ஓட்டு மேல ஏறி உக்கந்திருக்கியாமே? உன் சம்சாரம் சொல்லிச்சி

வடிவேலு:அட போப்பா. பக்கத்து வீட்டுக்காரன் சொல்லிட்டிருக்கான் பொண்டாட்டிகிட்ட. கேப்டன் ஓட்ட பிரிச்சிருவாருன்னு. ஏற்கனவே அந்தாளுக்கும் நமக்கும் சரி வரல. அதான் உசாரா இருக்கறது. இப்போ புரியுதா?

வடிவேலு: சிம்ரன்! டெலக்ஸ் பாண்டியன்னா ஊர்ல எல்லா பயத்துக்கும் அவ்ளோ பயம் தெரியுமா?
சரளா: அட தூ. நேத்து பொறந்ததெல்லாம் எஸ்.எம்.எஸ்., இமெயில்னு திரியுதுக. பேர பாரு டெலக்ஸ் பாண்டியன். இதுக்கு பந்தா வேற.

வ‌டிவேலு:ஏந்த‌ம்பி. நீஜிலாந்து மேச்சில‌ 100 ஓட்ட‌த்துக்கு மேல‌ ஜெயிச்சிட்டம் பார்த்தியா?

பார்த்திப‌ன்:நீ எப்போடா நியூசிலாண்ட் போன‌?

வ‌டிவேலு:நான் அங்க‌ போன‌ன்னு சொன்ன‌னா? டி.வில‌ பார்த்த‌ன‌ப்பா.

பார்த்திப‌ன்:எங்க‌ காட்டுடா பார்க‌லாம்.

வ‌டிவேலு:(ஆஹா. ஆர‌ம்பிச்சிட்டான். ந‌ம்ம‌ள‌ காவு வாங்காம போமாட்டா‌ன் போல‌யே) நின‌ச்ச‌ப்ப காட்டுன்னா எப்ப‌டிப்பா. மேட்ச் ந‌ட‌க்க‌ற‌ப்போ தான‌ காட்டமுடியும். ‌

பார்த்திப‌ன்:மேட்ச் 'ந‌ட‌ந்துச்சின்னா' அப்புற‌ம் ஏண்டா ஓட்ட‌ம்னு சொல்ற‌ வெண்ண‌.

வ‌டிவேலு:அட‌ மேட்ச் ஓட்ற‌தில்ல‌ப்பா. ஆடுற‌வ‌ங்க‌ தான் ஓடுற‌து.

பார்த்திப‌ன்:ஆடுற‌வ‌ங்க‌ ஓடிட்டா அப்புற‌ம் எப்பிடிடா ஜெயிச்சாங்க‌?

வடிவேலு:விடுய்யா. விடுய்யா. இனிமே நான் மேட்சே பார்க்க‌ல‌ போருமா?

பார்த்திப‌ன்:ஏண்டா? வ‌ட‌ இந்தியால‌ போய் தேர்த‌ல்ல‌ நிக்க‌ போறியாமே? என்னா மேட்டரு?

வ‌டிவேலு:அதுவா? அது ஓபாமா டெக்கினிக்கு.

பார்த்திப‌ன்:அதென்னாடா டெக்கினிக்கு.

வ‌டிவேலு:அது வ‌ந்து த‌ம்பி உள்ளூர்ல‌ எல்லாரும் ந‌ம்ம‌ள‌ மாதிரியே இருக்காங்க‌ளா. ம‌க்க‌ளுக்கு அடையாள‌ம் தெரிய‌ற‌தில்ல‌. பூரா ப‌ய‌லும் வெள்ள‌யா இருக்கைல‌ ஓபாமா ந‌ம்ம‌ க‌ல‌ர்ல‌ இருந்த‌தால‌ தான‌ ப‌ளிச்சுன்னு எல்லாருக்கும் தெரிஞ்சு குத்தொ குத்துன்னு குத்தினாங்க‌. அதாம்பா நாம‌ளும் அப்டியேஏஏஎ பாலோ ப‌ண்றோம்.

வ‌டிவேலு:ஏந்த‌ம்பி. இந்த‌ அரி ப‌ட்ட‌ர் எங்க‌ இருக்காப்ப‌ல‌.

பார்த்திப‌ன்:பெருமாள் கோவில்ல‌ போய் கேளுடா எரும‌.

வ‌டிவேலு:அட நீ வேற‌ப்பா. நான் சொல்ற‌ அரி ப‌ட்டரு. சின்ன‌ பைய‌ன். க‌ண்ணாடி போட்டுகிட்டு ஒட்ற‌குச்சில‌ உக்காந்து ஏரோப்ளேன் மாதிரி சும்மா ரொய்ய்ங்னு போவுமே. அந்த‌ ப‌ட்ட‌ரு.

பார்த்திப‌ன்:அது ஹாரி பாட்ட‌ர்டா முண்ட‌ம். அந்தாளு எதுக்கு இப்போ?
வ‌டிவேலு:அதில்ல‌ப்பா. அமெரிக்கால‌ ரெண்டே க‌ச்சி தானாம்ல‌. அதான் இப்பிடி ஒரு பேம‌சான‌ ஆள‌ புடிச்சி த‌லைவ‌ராக்கி அ.மு.க‌.னு ஒரு க‌ட்சிய‌ ஆர‌ம்பிச்சா என்னான்ன்னு ஒரு ஐடியா.

பார்த்திப‌ன்:டேய். நிறுத்து. ஏன்டா அப்பாவிய‌ போட்டு இந்த‌ அடி அடிக்கிற?
வ‌டிவேலு: இவ‌னா? இவ‌னா அப்பாவி? இவ‌ன‌ அப்டியேஏஏஏ சேத்து வெச்சி அறுக்க‌ணும். என்னா பேச்சு பேசிட்டான். ராஸ்க‌ல்.

பார்த்திப‌ன்:அப்பிடி என்னாய்யா சொல்லிட்டான்.

வ‌டிவேலு: என்னா சொன்னானா? சூப்ப‌ர் ஸ்டாரு யாருன்னா ர‌ஜினி இல்ல‌ கேப்ட‌ன்னு சொல்றான். ஏண்டான்னா ர‌ஜினி யார் ப‌க்க‌ம்னு யாருமே கண்டுக்கலையாம் . கேப்ட‌ன‌ தான் அம்மாவும் அய்யாவும் கூட்ட‌ணிக்கு வா கூட்டணிக்கு வான்னு கூப்டுறாங்க‌ளாம். என்னா கொழுப்பு!