去台灣旅行，最需要做的當然係申請正名：「港澳居民網路申請入臺證」，俗稱：「入台證」，或台灣官方稱的「入台證（網簽）」。其次當然就係買台灣電話卡啦！有關台灣電話卡可以參考以下兩篇文章：

• 【2025 最新】台北桃園機場上網卡：實名登記，台灣大哥大、遠傳、中華電信價錢比較、推介 & 那裡買最好

入台證網址

申請入台證的網址：https://egate.immigration.gov.tw/NIA_OnlineApply_inter/visafreeApply/visafreeVerifyMailForm.action

入台證（網簽）注意事項

• 只適用於擁有特區護照或 BNO 護照香香港永久居民
• 停留不超過 30日
• 非港澳出生，但曾於1983年後以港澳永久居民身份入境台灣者

所需文件

• 有效期超過3個月的港澳特區護照或BNO護照
• 無需上傳文件或照片

申請步驟

1. 登入申請網站，根據護照資料填寫表格（中文名依香港身份證填寫）。
2. 無需上傳文件或照片，填妥後直接提交申請。
3. 入台證申請費用全免。
4. 在申請系統頁面輸入申請編號即可下載及列印入台證。

注意事項

• 如申請資料輸入錯誤，可使用系統提供的一次性撤銷功能重新申請。若再次錯誤，需付費透過「雲端系統」重新申請。
• 或可以到達台灣機場後進行落地簽證，但需要繳付費用。

審批時間及費用

• 網上申請通常即時審批並可自行列印。
• 費用全免。

P.S. 記得：遊台灣金褔氣，鸁 NT$5,000

The post 【附申請連結】台灣 入台證（網簽）：如何上網處理，需要資料及注意事項 first appeared on 石先生部落.

去台灣旅行，2025 年要買什麼電話卡才可以無限上網呢？這次 Stone IP 前往台灣之時就跟大家拍下「曾經很受歡迎」的機場落地買卡價錢，等大家做個參考。除了以往常見的 4G LTE 外，也都有 5G 網絡的 SIM Card，算是給大家一個更快的速度。

先講限制：20 歲以下不能買

不足 20 歲年青人在桃園機場買 SIM 卡要留意這東西，在購買時有一定限制，例如：

• 需提供第二身份證件供驗證 (例如國際駕照,工作證)
• 20歲以下購買人需法定代理人簽核同意
• 需提供服務申請契約供系統業者存檔
• 本國人、外籍人士申辦預付卡，同一身份證之證號申請門號​上限為 1 門

至於成人就好簡單：

• 需要提供護照登記、覆印
• 需提供服務申請契約供系統業者存檔
• 本國人、外籍人士申辦預付卡，同一身份證之證號申請門號​上限為 1 門

台灣三大電信商的地域速度與覆蓋優勢

大部的香港朋友前往台灣都是以台北為主，但隨著台中、高雄、宜蘭與台東愈來愈受歡迎，有些朋友會跑到比較郊外的地方，所以在選購 SIM 卡則需要留意一點。

簡單來説，中華電信就像香港的 PCCW，是台灣各地域覆蓋比較好的電訊商，所以若你去的地方以郊外為主，選擇中華電信會比較好。

相同的原因，台灣使用中華電信的用戶較多，在市區例如台北或台中等的速度就會較慢，所以若在市區活動選擇台灣大哥大或遠傳速度就會比較快，而他們的市區覆蓋也很齊全。

通話費計算法

台灣買卡都會有台灣國內通話費，台灣算法係致電才會算錢，接聽是不算錢的，所以簡單的 NT$100 大概能打 10 分鐘電話，簡單的在台灣與朋友互相聯絡，或者打電話 Book 車等足夠使用。

價錢

講價錢前，先俾大家睇價錢表（如果係第一次睇應該都睇到頭痛！）

• 中華電信價錢表

• 台灣大哥大價錢表

• 遠傳價錢表

先講 4G 價錢

其實呢！無論係「台灣大哥大」、「遠傳」與「中華電信」，佢地嘅 4G LTE 網絡 SIM Card 價錢係「90% 一樣嘅」，就連「通話費」都 90% 一樣，除左中華電信 7日會收貴你 NT$50 會有多 NT$50 通話費。點解要標埋 HK$，文尾你會明。

• 3日/5日 NT$300（HK$71）
• 7日/8日 NT$450（HK$107）
• 10日 NT$500（HK$119）
• 15日 NT$700（HK$166）
• 30日 NT$1,000（HK$238）

再講 5G 價錢

去到 5G 其實又係一樣，無論係「台灣大哥大」、「遠傳」與「中華電信」，價錢係「90% 一樣嘅」，除左 30日方案中華電信係價錢及通話費上有少許差別。點解要標埋 HK$，文尾你會明。

• 3日 NT$500（HK$119）
• 5日 NT$600（HK$142）
• 7日 NT$800（HK$190）
• 10日 NT$1,000（HK$238）
• 15日 NT$1,200（HK$285）

最重要嘅其實係：台灣落地買「勁貴」

其實呢！就咁睇 3日 NT$300 有無限數據，只係 HK$71 好似唔太貴，不過，當你去 5日，用番 5G 就要 NT$600，港幣要 HK$142，係台灣真係夠食餐好好嘅晚飯。

問題係，台灣電話卡係香港都買到，係就係無無限上網，但普通用幾 GB 都夠啦！參考番 HappySIM 與 B4travel 台灣電話卡，兩張都係 3日 3GB，只係賣 HK$48。去 5日 5GB 都只係 HK$68。當你去到只係買最平嘅 4G 版，都明顯平過台灣買卡，所以點解依家去台灣買卡唔再好似以前咁多人買係有原因嘅！

最後建議

1. 要「勁高用量」「一定要無限」，係台灣機場買
2. 要「通話」，係台灣機場買
3. 買邊間電訊商？無大分別，邊間無人排隊買邊間
4. 普通用下睇地圖、WhatsApp，係香港買平好多

The post 【2025 最新】台北桃園機場上網卡：實名登記，台灣大哥大、遠傳、中華電信價錢比較、推介 & 那裡買最好 first appeared on 石先生部落.

由 HKTDC 主辦的香港國際秋季燈飾展將於 2024年10月27日-30日（星期日至三）係灣仔會展舉行，而香港國際戶外及科技照明博覽就會係 2024年10月29日-11月1日係 AWE 亞洲國際博覽館舉行。

香港國際秋季燈飾展

今年嘅香港國際秋季燈飾展好特別，不單止為業界提供一站式商貿平台，更引領潮流，揭示可持續發展、健康生活、創新設計等行業趨勢！上屆首次亮相嘅「互聯照明」展區，今年更升級做「互聯照明館」，展出一系列融入 Smart Home 智能家居概念嘅燈飾，而當中除左有 Philips Lighting N.V. 分拆而成的「Signify」外，也都有日本的 JDI（Japan Display Inc）展示利用液晶技術控制光分佈，可以改變光形狀的 LumiFree 照明技術。

「互聯照明館」當然唔少得嘅係 Smart Home 解決方案佔一重要地方的嘅 TUYA（塗鴉智能），特別係 Smart Home 世界進行 Matter 標準時代，相關嘅解決方案也都值得留意！另外第一次參展嘅波蘭 TOPMET，佢地嘅 Diagonal10 LED 方案可以消除眩光問題嘅同時做到細小安裝孔，適合安裝薄嘅傢俬板材上都好值得留意。

• 其他嘅重點展商仲包括：BAST、COOLIGHT、DALI、HERCULUX、LEDiL、LTECH、MERCANVEE、SHILIN、SKYDANCE、Smart Laffey、TRIDONIC、Valta PRO、Verseas 及 Zencontorl 等等。

• JDI 呢個 LumiFree 技術睇起上來好特別，只要一個元素可以控制光的形狀長寛等等，屆時係現場值得再留意多啲。JDI LumiFree 也都拿左日本照明技術開發賞及亞洲創新照明奬。

• 係記者會上見到 MEGAMAN 新推出的 XChange 系列解決方案也很特別，利用模組化設計減少浪費，當燈具損壞需要更換時，只要更換部件便可，無需整組燈具更換，而且也可以再按需要加入模組化的感應器。

香港國際戶外及科技照明博覽

至於香港國際戶外及科技照明博覽就新增左個「智慧燈桿及解決方案」展區，其中包括運用太陽能、減少能源消耗等元素，也都有加入和種感測器及調整照明水平的產品。一支平平無奇嘅燈柱點樣可以變得更加智能，而香港未來嘅燈柱又可以點做得更好值得去參觀下。而其他展區更有「植物照明」、「戶外及公共照明」及「專業照明」等商業、室外等等的解決方案。

香港國際秋季燈飾展
日期：2024年10月27日-30日（星期日至三）
地點：灣仔會展

香港國際戶外及科技照明博覽
日期：2024年10月29日-11月1日
地點：AWE 亞洲國際博覽館

The post 秋燈展 2024 有「互聯照明」，戶外燈展有「智慧燈桿」，十月底一定要入場睇下 first appeared on 石先生部落.

1. 先講下個 Orion 眼鏡，佢係一副外觀更加粗框嘅眼鏡，但佢唔知止有鏡頭，有聲，更有畫，而且佢係超越左 AR Glasses，係一副 Microsoft Hololens, Google Glasses 更強嘅版本，提供左 Mixed Reality 嘅效果。

當然依家都唔會提咩 VR / AR / MR 之別，概括都叫哂 AR Glasses。

2. 係使用個概念上，Orion 目標係同佢依家已經出緊嘅 Meta Quest 一樣，用法等基本一樣，只係再細啲，再輕啲，而且無線。輕到點呢？Less than 100g… 即係輕過部手機。

可能嗎？ 如果突然之間有間不知名公司扔件咁嘅 Product 出來就唔可能，但 Meta 本身做緊 Rayban Meta Glasses，也有做 Meta Quest，而 Orion 係兩者嘅混合進階版，咁就有歷史可以睇，成事機會更高了！

3. Orion 用嘅介面係 Meta Quest 介面，語音控制係 Rayban Meta 嘅語音控制，AI 係平時嘅 Meta AI，場景睇片之外，仲有其他牌子做唔到嘅融合 Social Media – Facebook & Instagram.

4. 每次講 AR Glasses，都話無咩使用場景。當年嘅 Google Glasses 正，但無使用場景，Assistant 也唔夠醒。Apple Vision Pro 好正，但 Killer Apps 係咩呢？睇片？通話？打機？

5. Orion 正正就唔駛去解決 Killer Apps 問題！Orion AR Glasses 嘅 Killer Apps 已經係佢前任 Rayban Meta 上搵到答案。正正就係 Facebook, Instagram, Threads, WhatsApp, Messenger. （終於都睇得通點解明明有 Facebook, Instagram, 仲要搞個 Threads 出來了！）

6. 作為日日用 Rayban Meta 嘅用家，呢款眼鏡最大嘅不同係佢 Social 嘅場景使用好好。覆 Message，Share Moments，ASK AI Question 樣樣都做到。雖然有不可抗力嘅香港限制，但日常使用仍然是至今最出色的。

7. Orion 係 Rayban Meta 之上加多個 Screen，正正就解決左某啲使用場需要拿番部手機出來之痛。

9. 以往啲新嘅 Hardware 推出，我地都要睇下佢入面啲 Software, Apps, 場景使用做成點。

Orion 係 Software, Apps, 場景使用已經做好哂，日日有真相用戶回饋，持續更新緊，要等嘅反而係 Hardware，所以只要 Orion 硬件上真正推出市場，現有嘅 Rayban Meta 及 Meta Queat 用戶會係最直接嘅 Target Customer，唔駛額外宣傳期，唔駛使用學習適應期。

10. 如果可以嘅話，真係好想 all-in 入買 Mark 哥嘅 meta 股票。不過咁，Mark 哥依家係喺唔駛考慮回本嘅情況下做呢件事，到底真正推出後賺到幾多錢呢？會唔知會超越到 Social Media 幫佢帶來嘅收入，定轉個身就俾 Google Apple 抄左呢？呢啲都係問題。

11. 往深一層諗，Apple 要抄，Hardware 上實做到，但 Apple 個 Killer Apps 會係咩？iPhone 當年爆起，Killer Apps 其實係 Google Maps, Twitter. Facebook, WhatsApp。Apple 好似從來都唔叻去做 Killer Apps。

至於 Google 如果要出，Killer Apps 會係 Google Search？YouTube Music, YouTube and 仲有啲咩呢？

係 AR 眼鏡上，AI 係輔助，令眼鏡回覆好啲，準啲，一定要有嘅功能，但佢唔係 Killer Apps。Google and Apple 做的話，可以俾到啲咩出來呢？大家一齊討論下。

12. 《Ready Player One》一直以來都係呢類 AR 眼鏡嘅終極目標，但睇完今次 Orion 配合埋 Rayban Meta 嘅經驗，似乎《Ready Player One》並唔係適合嘅終極目標。答案應該係 AR Glasses = Mobile Phone.

13. 依家終於知道點解之前有傳聞話 Meta 想入股 EssilorLuxottica。真係一個好決定，而且 Meta 唔應該只係入股 EssilorLuxottica，而係應該襯其他人（特別係政府）未計好數，未摸清嘅情況下，直接買起/換股合拼 EssilorLuxottica。當 Orion 推出之時，就可以直接一統天下，利用強大且廣泛嘅 Sales Channel 一統天下。

The post Meta Orion，今次超越左 Apple，真係好正！ first appeared on 石先生部落.

香港春季電子展（春電展）2024  已於 2024年4月13日至16日於香港會議展覽中心舉行，今日同大家睇幾件係「秋電展」出現，而又蠻有趣的產品。

香港消防處展出一隻價值 120 萬元的消防機械犬，在發生化生輻核事故時，能夠在危險區域進行快速檢測，為前線消防人員提供實時影像，包括熱成像，以及現場有害物質濃度的實時數據，從而減少消防員接觸有害物質的時間。

這隻紅白相間、身高不到一米的機械狗能夠輕鬆跨越障礙、爬樓梯，適應複雜環境。在不少事故現場堆滿危險物品、空間狹小的情況下，機械狗能夠下蹲爬行，盡可能侵查現場、獲取資訊，對消防員來說可以大大降低危險性。

據介紹，這隻機械狗重約 53 公斤，具備防水能力，可抵受最高 40 度溫度。在無負載下可連續工作 4 小時，負載 20 公斤的情況下可以運作 2 小時，最高速度可達每秒 3 米。機械狗的投入使用，不僅能減少前線消防人員接觸有害物質的時間，還可以提高制止泄漏和救援工作的效率和成效。

「香港國際創科展」及「春季電子產品展」
日期：2024年4月13至16日
地點：灣仔香港會議展覽中心
立即登記 免費入場

The post 春電展 2024：消防署機械狗 — 生化輻核事故先出狗再出人 first appeared on 石先生部落.

香港春季電子展（春電展）2024  已於 2024年4月13日至16日於香港會議展覽中心舉行，今日同大家睇幾件係「秋電展」出現，而又蠻有趣的產品。

消防處方面展示了其新研發的室內定位設備。有別於一般手機利用 GPS 或北斗衛星系統定位，消防處的設備是利用安裝在消防員鞋上的感應器，採用「LoRa遠程無線電」配合儀器計算消防員的行走方向和步幅，繪畫出消防員在火場內的移動路線和所在位置。由於是根據消防員的步伐來測量，因此不論是在東南西北，還是向上向下，都能夠清楚計算出消防員的位置。

考慮到在火場內可能難以直接將訊號發送到室外，該系統會利用訊號中繼器（Repeater）將訊號逐個傳送出去，或利用 4G 網絡將訊號從靠近窗邊的位置發送到互聯網，再連接到室外的監測設備。

「香港國際創科展」及「春季電子產品展」
日期：2024年4月13至16日
地點：灣仔香港會議展覽中心
立即登記 免費入場

The post 春電展 2024：消防處「室內定位技術」火場內搜救更有效率，降低悲劇發生可能 first appeared on 石先生部落.

香港春季電子展（春電展）2024  已於 2024年4月13日至16日於香港會議展覽中心舉行，今日同大家睇幾件係「秋電展」出現，而又蠻有趣的產品。

「肯綮科技」最新推出咗一款名為 Ant-H1 Pro 嘅行走助力外骨骼機械人，旨在為用家提供輕便、高效嘅行走輔助。呢款創新產品融合咗先進傳感網絡同動力控制系統，可以敏銳捕捉人體行走嘅微動作，跟隨人體運動提供同步助力，幫助用家喺行走、跑步、登山過程中節省體力，減輕肌肉疲勞同關節壓力。

Ant-H1 Pro 嘅重量連電池只有 2.4 公斤，非常輕便。佢最高速度可以達到每小時 11 公里，一次充電可以續航大約 2 小時，適合身高喺 1米5 至 1米8 之間嘅人士使用。據用家反映，着上 Ant-H1 Pro 之後，雖然開始行路時可能需要一啲適應，但幾十步之後就會感覺非常輕盈，好似自己冇咗重量咁。

除咗助行功能之外，Ant-H1 Pro 仲提供健身模式，可以智能提供逆向嘅抬腿阻力同蹬腿阻力，喺行走時精準鍛鍊行走核心肌肉群，達到健身塑形嘅效果。對於腳部受傷嘅用家嚟講，佢亦可以調校阻力，用作復健訓練。「肯綮科技」表示Ant-H1 Pro 嘅售價為 1.7 萬人民幣，相比起其他工業用的行走機械人，真係一個人人可入手的價格。

「香港國際創科展」及「春季電子產品展」
日期：2024年4月13至16日
地點：灣仔香港會議展覽中心
立即登記 免費入場

The post 春電展 2024：「肯綮科技」推出輕便高效嘅行走助力機械人 Ant-H1 Pro，只賣 1.7萬 first appeared on 石先生部落.

香港春季電子展（春電展）2024  已於 2024年4月13日至16日於香港會議展覽中心舉行，今日同大家睇幾件係「秋電展」出現，而又蠻有趣的產品。

深圳 AI Voice Tech 推出全新 AI 錄音機，將錄音體驗提升到嶄新境界。這款小巧的正方形設備，配備 MagSafe 磁吸功能，可牢固吸附在 iPhone 背面。只需輕按中央的錄音按鍵，即可輕鬆開始錄音，簡單方便。

錄音完成後，用戶可通過藍牙連接手機收聽錄音內容。更令人驚喜的是，這款 AI 錄音機還內置了強大的 AI 功能。它可以將錄製的音頻通過 OpenAI Whisper 轉化為文字稿，方便用戶隨時查閱。進一步地，錄音機還支援 ChatGPT-4，能夠智能整理音稿，生成會議紀要等文檔，大大提高工作和學習效率。

除了 iPhone 通話錄音外，這款設備還可以作為傳統錄音筆使用，適用於講座、會議和採訪等場景。雙麥克風降噪設計，搭配先進的降噪算法，確保錄音品質清晰無雜音。內置的密碼保護功能，則全面保障用戶的數據安全。

這款 AI 錄音機厚度僅為 7mm，重量只有 28g，不僅是一款錄音設備，更是一件電子精品。磁力可牢固吸附在任何金屬表面，錄音更加方便。它提供黑白兩種顏色可選，滿足不同審美需求。

值得一提的是，配套的 App 功能豐富，定期更新，支持無線傳輸和管理錄音文件。用戶還可以通過社交媒體一鍵分享錄音、文字稿和總結，充分發揮互聯互通的便利。連接電腦時，需在 App 中啟用 USB 權限，以確保文件安全。

「香港國際創科展」及「春季電子產品展」
日期：2024年4月13至16日
地點：灣仔香港會議展覽中心
立即登記 免費入場

The post 春電展 2024：AI 錄音機：配合 Whisper + ChatGPT-4 的 iPhone 磁吸錄音 first appeared on 石先生部落.

香港春季電子展（春電展）2024  已於 2024年4月13日至16日於香港會議展覽中心舉行，今日同大家睇幾件係「秋電展」出現，而又蠻有趣的產品。

香港警務處的合作方 Laurry & Co. 展示一套警務處正在使用的 AI 訓練平台，名為「互動AI嫌疑人截查訓練」，旨在通過警察學員與AI虛擬嫌疑人的互動，協助他們練習盤問和警戒技巧。這個項目運用了生成式人工智能聊天機械人技術，以取代真人訓練員。

訓練平台中設有多種不同的情境，以模擬各類型的事件和犯罪行為。AI虛擬嫌疑人的外貌會根據不同情境而改變，其人像將呈現在一個垂直觸控顯示屏上。學員需輪流在練習平台接受訓練，隨機的情境將以文字和旁白的方式介紹給學員。

在訓練過程中，學員需要向AI虛擬嫌疑人進行盤問，以判斷其干犯的特定犯罪行為的關鍵要素。當學員從AI虛擬嫌疑人的回答中確定其干犯之罪行後，必須引用正確的警戒。如果學員判斷的犯罪行為和警戒不正確，訓練平台將提供正確答案，並就其表現提出建議，以完成訓練。

所有訓練情境都由教官提前以文本格式準備，內容包括場景、嫌疑人資訊、案件背景、犯罪行為、構成該犯罪行為要素的關鍵詞，以及正確的警戒。基於這些文本內容，AI技術將生成適當的場地背景圖像、相對應的AI虛擬嫌疑人形象及對學員問題的適當回應。

這個「互動AI嫌疑人截查訓練」平台由 Laurry & Co. 的最新AI產品 ChatsOK 提供技術支援。ChatsOK 是一個創新的人工智能面試交流平台，透過多場景下高度逼真的 3D 模擬和即時語音/視頻對話，讓用戶可以與AI進行自然交流與訓練對話，提供身臨其境的真實體驗。

「香港國際創科展」及「春季電子產品展」
日期：2024年4月13至16日
地點：灣仔香港會議展覽中心
立即登記 免費入場

The post 春電展 2024：警務處使用中的「互動AI嫌疑人截查訓練」 first appeared on 石先生部落.

如題：全世界任何一個政府如何更有效「收取煙草稅」及「禁絕私煙」，其實係有方法的。方法就是向 Apple 學習。以下分享想法，以香港為例。

第一，政府應該要即時禁止實體煙，只准電子煙。凡吸食實體煙者，罰款 $10,000。

第二，電子煙立法，所有電子煙都要加粒好似 iPhone Lightning 咁嘅晶片，仲要內置 eSIM 上埋網嘅 IoT 版，再加多粒 RFID 識別。點解咁做？因為每一下都要收錢。

• 每賣一支收 $100 稅
• 每加一次料收 $20 稅
• 每食一啖收 $5 稅

呢支咁高科技嘅電子煙賣幾多錢？去深圳或者係未來河套區搵間公司研發一支出來，成功後申請專利，專利使用費係每支售價 5%，一定整到第一支出來。然後其他生產商會自己諗點樣細支啲，平啲等等。專利 10年後，OpenSource 啲科技出來，限係香港公司生產嘅可以免收專利費，香港外就收 10% 一支。

第三，執行時，收錢強制要連 App 好似易通行咁，自動連上 Server 到扣數。執法人員就拿住指倉庫用嘅 RFID 掃射槍執法，掃到無 Code 又食緊嘅就罰 $3000。

結果，保證政府煙稅收得足，收得多，食煙人數減少，醫療系統相應壓力降低，私煙絕跡。

The post 政府如何更有效「收取煙草稅」及「禁絕私煙」 first appeared on 石先生部落.