RuggerBY.com - Рэгбі Беларусь

Абноўлены рэйтынг зборных IRB

Wed, 12 May 2010 21:06:17 +0000

Міжнародны рэгбійны саюз (IRB) 10 травеня абнавіў рэйтынг-сьпіс зборных. З нашых суседзяў – на два радкі 28(30) паднялася зборная Ўкраіны, у сваю чаргу, Летува згубіла тры пазыцыі 39(36), Расея засталася на 19-м месцы.

Першая дзясятка не зьмянілася і выглядае наступным чынам:
1(1) NEW ZEALAND 91.68
2(2) SOUTH AFRICA 88.60
3(3) AUSTRALIA 85.56
4(4) FRANCE 85.43
5(5) IRELAND 82.61
6(6) ARGENTINA 80.56
7(7) ENGLAND 80.10
8(8) WALES 78.91
9(9) SCOTLAND 76.79
10(10) FIJI 75.90

Італійскія клюбы далучацца да Magners League

Sat, 13 Mar 2010 20:59:45 +0000

Фота: scrum.com

Магнэрз Ліг з наступнага сэзону будзе пашыраная з дзесяці да дванаццаці камандаў за кошт двух італійскіх “супэр-клюбаў”: Benetton Treviso і Aironi Rugby. Яны далучацца да камандаў з Ірляндыі, Уэльсу і Шатляндыі. Такое рашэньне ў мінулы панядзелак адзінагалосна прынялі босы кельцкіх рэгбійных зьвязаў. Яны лічаць, што пашырэнне Магнэрз Ліг пазытыўна адаб’ецца як на развіцьці самога чэмпіянату, так і на развіцьці ўсяго эўрапэйскага рэгбі, і італійскага рэгбі ў прыватнасьці. З гэтым згодзен і Джанкарла Дондзі, старшыня Фэдэрацыі Рэгбі Італіі. У інтэрв’ю ён адзначыў важнасьць гэтага кроку для італійкага чэмпіянату, італійскай маладзёжкі і, безумоўна, для Azzurri – нацыянальнай зборнай па рэгбі. Па значнасьці для Італіі пашырэнне Магнерз Ліг можна параўнаць хіба што з уключэньнем краіны ў розыгрыш Кубка Шасьці Нацый, якое адбылося ў 2000 годзе.

Размовы аб “экспансіі” Кельцкай Лігі на Апэніны ішлі ўжо адносна даўно, але першыя крокі на шляху да гэтага былі зробленыя толькі летась. У сакавіку 2009 прадстаўнік Кэлцік Рэгбі заявіў, што ніхто ў прынцыпе не пярэчыць супраць уключэньня ў Магнэрз Ліг двух італьянскіх клубаў. У студзені пачаліся перамовы, у якіх прынялі ўдзел Кэлцік Рэгбі, рэгбійныя зьвязы Ірляндыі, Італіі, Шатляндыі і Ўэльсу. Зялёнае святло італійскім клюбам было дадзенае праз два месяца, пасля таго, як бакі ўзгаднілі ўсе пытаньні датычна стандартаў гульні і абслугоўваньня, эканамічныя пытаньні, умовы тэлетрансляцый і г.д. Кіраўнік Шатляндскага Рэгбійнага Зьвязу адзначыў, што пашырэньне Магнэрз Ліг пацягне за сабой шэраг праблемаў, асабліва па частцы будучай структуры сэзону, але запэўніў, што яны будуць вырашаныя сумеснай працай усіх рэгбійных зьвязаў.

Варта нагадаць, што калісьці разглядаўся варыянт пашырэння Магнэрз Ліг за кошт ня толькі італійскіх, але і паўднёваафрыканскіх камандаў. У 2005 годзе быў анансаваны Рэйнбоў Кап, але з-за фінансавых праблемаў і зьмены кіраўніцтва ў Паўднёваафрыканскім Рэгбійным Зьвязе гэтая ініцыятыва не атрымала працягу.

Расея можа прыняць Кубак сьвету па рэгбі сем у 2013

Sun, 10 Jan 2010 16:12:09 +0000

На правядзенне Кубка свету па рэгбі-7 у 2013 году прэтэндуюць толькі Расія, Нямеччына і Бразілія.

Міжнародны рэгбійны cоюз IRB паведаміў, што з васьмі кандыдатаў на правядзеньне Кубка сьвету па рэгбі-7 у 2013 годзе канчаткова пацьвердзілі свой удзел у тэндары Расія, Нямеччына і Бразілія.

Імя гаспадара Кубка будзе названае ў траўні 2010 на радзе IRB. Расія тройчы (2005, 2006, 2007) была гаспадыняй фінальных этапаў чэмпіянату Эўропы па рэгбі-7, а ў наступным годзе Расія ўпершыню будзе гаспадыняй Junior World Trophy.

Лепшыя фрагмэнты апошніх матчаў эўрапэйскіх турніраў

Mon, 28 Dec 2009 21:19:13 +0000

Кубак Хайнэкен. Спроба Таўфао Філісэ ў гульні «Тулуза» – «Кардыф» (23:7).

Удар галавой Джерома Шустэра («Пэрпін’ян» – «Манстэр»).

Лепшыя фрагмэнты матчу «Н’юпарт» – «Біарытц» (8:26).

Захоп Джонатана Дэвіса у гульні «Скарлэтс» – «Лэйнстэр» (7:32).

Чырвоная картачка і дзьве жўтых у матчы «Брайв» – «Лондан Айрыш» (3:36). Французы Гіём Рыб и Арно Мэла былі дысквалыфікаваныя на чатыры і сем тыдняў.

Францыя наклала абмежаваньне ў 7.1 млн. фунтаў (каля 11,4 млн. даляраў) на заробак гульцоў рэгбі

Mon, 21 Dec 2009 21:25:08 +0000

Ангелец Уілкінсан гэтым летам перайшоў у французскую каманду

Вядучыя французскія каманды рэгбі будуць вымушаны ўвесьці абмежаваньне на заробкі гульцоў з пачатку сезона 2010/11 года. Абмежаваньне ўсталюецца на адзнацы ў 7,1 мільёнаў фунтаў (каля 11,4 млн. даляраў), што ўсё ж перавышае цяперашні ліміт для ангельскіх клубаў, які складае 4 мільёны фунтаў (каля 6,4 млн. даляраў). Дарэчы, менавіта з нагоды скарачэньня заробкаў ангельскія клубы ўжо пакінулі некаторыя высакакласныя гульцы, найяскравейшым прыкладам зь якіх – паўабаронца Джоні Уілкінсан. Джэймс Хаскел і Рыкі Флаці таксама цяпер гуляюць за Францыю.

Уілкінсан далучыўся да французскага “Тулона” (Toulon) гэтым летам і зарабляе каля 600.000 фунтаў (каля 967.000 даляраў) за год, а агульныя выдаткі французскага клюбу “Стад Франсэ” (Stade Francais) складаюць каля 20 мільёнаў фунтаў (32,2 млн. даляраў). Для таго, каб адпавядаць новаму абмежаваньню, клуб будзе вымушаны значна скараціць гэтую суму.

У адказ на апошнія навіны Зьвяз Рэгбі (RFU) адзначыў, што “ўсталяваньне абмежаваньняў – справа кожнага асобнага зьвязу і лігі. Мы заўважылі пераход замежных гульцоў у французскія клюбы, нагодай для чаго паслужыў часткова і грашовы фактар. Давайце пачакаем і паназіраем, які ўплыў будзе мець новаўведзенае абмежаваньне”.

Прадстаўнікі Прэм’ер Рэгбі (Premier Rugby), аб’яднаньне 12 ангельскіх клюбаў рэгбі Першанства Гінэса (Guinness Premiership), заяўляюць, што рады такім навінам: “Мы абмеркавалі з французскімі калегамі нашую сістэму абмежаваньняў заробкаў і лічым, што гэта правільнае вырашэньне”. Аднак, як і Зьвяз Рэгбі, яны не маглі дакладна адказаць на пытаньне, ці прымусіць такое абмежаваньне ангельскіх гульцоў заставацца ў сваіх клюбах замест таго, каб ехаць у Францыю.

Паводле BBC

Кампанія Gilbert атрымала кантракт на пастаўку мячоў для двух наступных RWC

Sun, 20 Dec 2009 20:18:37 +0000

Афіцыйны мяч ЧС у Новай Зэляндыі 2011

“Rugby World Cup Limited” (RWCL) абвесьціла аб тым, што кампанія Gilbert выйграла кантракт на пастаўку мячоў для чэмпіянатаў сьвету па рэгбі, якія пройдуць у 2011 і 2015 гадах. Гілбэрт, які на працягу больш ста гадоў зьяўляецца сусьветным лідэрам у развіцьці мячоў для рэгбі, будзе пастаўляць мячы для афіцыйных матчаў, трэніровак і розных рэклямных кампаніяў у межах наступных двух кубкаў сьвету. Копіі мяча Gilbert для Кубка сьвету паступяць у продаж.

“Gilbert – гэта брэнд, які асацыюецца з Чэмпіянатам сьвету па рэгбі. Мячы Gilbert выкарыстоўваліся на ўсіх чэмпіянатах з 1995-га году, і мы радыя падоўжыць супрацоўніцтва з партнэрам, які зь’яўляецца ня толькі сусьветным лідэрам у развіцьці рэгбійнага мяча, але і сталым фундатарам турніру,” – сказаў старшыня RWCL Бэрнар Лапасэ. Ён дадаў: “У аснове тэндэру на гэты кантракт ляжала канкурэнцыя. Рашэньне закласьці кантракт на два наступныя турніры менавіта гэтай кампаніі зьяўляецца добрай пэрспэктывай як для RWCL, так і для Gilbert: яно будзе спрыяць пасоўваньню брэнда RWCL на працягу наступных шасці гадоў па сродках маркетынгу і продажаў. Акрамя ўсяго іншага, прызначэньне кампаніі Gilbert афіцыйным пастаўшчыком мячоў падкрэсліць глябальны статус турніру як трэцяй па велічыні падзеі ў сьвеце спорту.”

“Непераможныя” Клінта Іствуда – новы фільм пра рэгбі

Sat, 19 Dec 2009 21:01:22 +0000

3 сьнежня ў Каліфорніі адбылася прэм’ера фільма “Непераможныя“. “Непераможныя” (Invictus) – так завецца новая стужка Клінта Іствуда, якая апавядае аб першым чарнаскурым прэзыдэнце ПАР Нэльсане Мандэле і аб тым, як той здолеў адным матчам па рэгбі аб’яднаць паўднёваамэрыканцаў у адзіную нацыю. Фільм пастаўлены па кнізе Джона Карліна «Граючы ворага: Нэльсан Мандэла і гульня, якая стварыла нацыю» (Playing the Enemy: Nelson Mandela and the Game That Made a Nation). Шэсьць гадоў, з 1989 па 1995, Карлін працаваў начальнікам мясцовага аддзела навін газеты The Independent у ПАР і знаходзіўся ў цэнтры ўсіх падзей, якія адбываліся ў краіне. Дзякуючы сваім старым сувязям журналіст змог узяць інтэрв’ю ў гульцоў Springboks і кіраўніцтвы каманды, службоўцаў, чальцоў Афрыканскага нацыянальнага кангрэса і целаахоўнікаў Нэльсана Мандэлы. “Граючы ворага…” убачыла сьвет ў 2008 годзе, хоць вядомы актор Морган Фрыман выкупіў правы на кнігу Карлінга яшчэ да яе напісаньня, пасьля чаго прапанаваў свайму сябру Клінту Іствуду зьняць па ёй фільм. Уласна, сам Фрыман выканаў галоўную ролю – быўшы прыяцелем самога Мандэлы, актор блішчаста згуляў прэзыдэнта краіны.

Другім ключавым пэрсанажам драмы стаў капітан Springboks Франсуа Піэнаар: ён паходзіў з сям’і простых працоўных, атрымаў універсітэцкую адукацыю дзякуючы спартовай стыпендыі, а ў 1993 годзе патрапіў у нацыянальную зборную па рэгбі і неўзабаве стаў яе капітанам. З-за траўмы Піэнаар не выйшаў у стартавым складзе Спрынгбокс на фінальную гульню і адыграў толькі дадатковы час. Тады зборная ПАР перамагла Новую Зэляндыю з лікам 15-12. У падзячнай прамове, прымаючы Кубак сьвету з рук самога Нэльсана Мандэлы, Піэнаар назваў гэты посьпех перамогай 43 мільёнаў жыхароў ПАР.

На ролю Франсуа Піэнаара быў запрошаны Мэт Дэйман, якому прыйшлося шмат трэніравацца і па-сапраўднаму навучыцца гуляць у рэгбі. Спачатку Дэйман трэніраваўся ў ЗША, потым адправіўся ў ПАР, дзе акторам заняўся Чэстар Уільямс – адзіны чарнаскуры гулец Springbоks у складзе, які выйграў кубак сьвету ў 1995 годзе. Акрамя гэтага, Дэйман падчас здымак меў шмат зносінаў з самім Піэнаарам, што дазволіла актору лепш раскрыць характар свайго героя. Мэт даў некалькі інтэрв’ю, у якіх захапляўся Піэнаарам і запэўніваў, што праца над гэтай складанай роляй дала яму вельмі шмат – і як актору, і як чалавеку.

Трохі гісторыі. На працягу больш ста гадоў рэгбі ў ПАР лічылася гульнёй выключна для белых. Акрамя гэтага, першыя міжнародныя посьпехі нацыянальнай зборнай у 40-я гады мінулага стагоддзя супалі з перамогай нацыяналістаў на выбарах і стварэньнем рэжыму апартэіду. Для чарнаскурай большасці ПАР рэгбі доўгі час заставалася знакам прыгнёту. За межамі краіны барацьбіты з апартэідам праводзілі шматлікія акцыі пратэсту і дамагаліся забароны на ўдзел Springboks у міжнародных турнірах. У выніку такая забарона быў накладзены на каманду ў сярэдзіне васьмідзесятых, што стала шокам для ўсяго белага насельніцтва краіны. Нэльсан Мандэла прыйшоў да ўлады ў 1994 годзе пасля 27-гадовага зьняволеньня (ён быў вызвалены прэзыдэнтам дэ Клэркам у 1990-м), стаўшы першым у гісторыі ПАР чарнаскурым прэзідэнтам. Мандэла шукаў спосаб зьяднаць насельніцтва краіны ў адзіную нацыю і вырашыў зрабіць стаўку на спорт. Стаўшы прэзідэнтам, ён знайшоў падыход да гульцоў і мэнэджмэнту каманды, заваяваў іх давер. Увесь гэты час Мандэла паўтараў, што посьпех Sprinkboks – гэта посьпех усёй нацыі на міжнароднай арэне. Пасьля перамогі паўднёваафрыканскай каманды ў фінале Чэмпіяната сьвету натоўп на стадыёне, які складаўся пераважна з белых, скандаваў: «Нэльсан! Нэльсан!». Спорт вывяў краіну на шлях дэмакратыі – чым не галівудская гісторыя?

Афіцыйны трэйлер да фільму:

Квіткі на матчы Кубку сьвету па рэгбі 2011

Mon, 07 Dec 2009 21:12:38 +0000

Кубак сьвету па рэгбі 2011 дасьць фанатам з Новай Зэляндыі і з усяго сьвету выдатную магчымасьць нацешыцца захапляльнымі спартовымі момантамі дзякуючы прывабнай коштавай палітыцы.

Квіткі патрапяць у шырокі продаж у красавіку 2010 і іх кошт будзе пачынацца з NZD $15 (10,7 USD) за дзіцячы квіток і NZD $30 (21,5 USD) за дарослы на матчы групавой стадыі. Дзіцячыя квіткі будуць даступныя на групавыя матчы, а таксама на матч за бронзу. Як мы бачым, кошты і напраўду такія, што атрымаць незабыўныя адчуваньні ад галоўнай падзеі чатырохгоддзя ў ці ня найбольш відовішчным відзе спорту будзе суцэль рэальна!

Мінімальны кошт квітка на фінал складзе NZD $390 (278 USD), а максімальны — NZ $890 – кошт, што ўжо блізка да іншых галоўных міжнародных спартовых спаборніцтваў.

Маккоў названы IRB лепшым гульцом году

Tue, 01 Dec 2009 21:15:13 +0000

29 лістапада Міжнародны зьвяз рэгбістаў (IRB) назваў капітана зборнай Новай Зэляндыі Рычы Маккоў лепшым гульцом году. Маккоў стаў першым рэгбістам, які атрымаў гэтую ўзнагароду двойчы ў кар’еры. Першы раз гэта адбылося ў 2004 годзе.

Акрамя таго, зборная ПАР прызнаная лепшай камандай году, а тытул «лепшы трэнер» дастаўся галоўнаму трэнеру зборнай Ірляндыі Дыклэну Кідні.

«Спрынгбокс» сёлета выйгралі Кубак трох нацый і атрымалі перамогу ў сэрыі супраць «Брытанскіх і ірлфндскіх Львоў». Каманда Кідні перамагла ў Кубку шасьці нацый-2009 і выйграла першы для сябе за 61 год Грэнд-Слэм. Акрамя таго, ірляндцы ні разу не саступілі ў восеньскіх тэстах.

Даражэй за рэгбі толькі сям’я

Fri, 27 Nov 2009 21:52:45 +0000

Брэд Торн з сям'ёй.

Гульцы All Blacks Брэд Торн і Эндзі Эліс атрымалі дазвол пакінуць восеньскі тур зборнай Новай Зэляндыі яшчэ да яго завяршэньня і вярнуцца да сваіх сем’яў, паведамляе. Торн і Эліс правядуць тэст-матч супраць зборнай Францыі ў суботу, але прапусцяць гульню супраць “Барбарыанс” у Лёндане на наступным тыдні.

Па словах мэнэджара All Blacks Дарэна Шэда, Эліс вяртаецца з-за жонкі, якая чакае свайго першага дзіця, а ў Брэда Торна засталася на радзіме вялікая маладая сям’я.

“Несумнеўна, сямейнае жыцьцё важная як для саміх гульцоў All Blacks, так і для іх кіраўніцтва, таму мы дазваляем гульцам вярнуцца да сваіх сем’яў як толькі яны гэтага пажадаюць, – гаворыцца ў заяве Шэнда. – Эндзі і Брэду трэба адправіцца дадому, і мы яшчэ да пачатку тура дамовіліся, што яны паляцяць адразу пасля гульні з Францыяй.”

На дадзены момант у замка All Blacks Брэда Торна і яго жокі Мэры-Эн трое дзяцей: Брэндан (5), Эйдан (4) і Дэвід (3).

Тым часам стаў вядомы стартавы склад All Blacks, які выйдзе на поле ў Марсэлі. Гэта: Мілс Муляіна (15), Коры Джэйн (14), Конрад Сьміт (13), Маа Нону (13), Сітывіні Сівівату (11), Дэн Картэр (10), Джымі Коўэн (9), Кірэн Рыд (8), Рычы Макоў (7), Джэром Кайно (6), Том Донэлі (5), Брэд Торн (4), Німія Ціалата (3), Эндру Хор (2), Тоні Вудкок (1).