Pravda Txikia http://www.pravdatxikia.org Berandu heldu ginen iraultzara. Sat, 01 May 2010 21:56:32 +0000 http://wordpress.org/?v=2.8.6 en hourly 1 Hitz eta sinbolo zaharrak http://feedproxy.google.com/~r/pravdatxikia/~3/1odWvCPvkxg/ http://www.pravdatxikia.org/hitz-eta-sinbolo-zaharrak/#comments Sat, 01 May 2010 21:55:59 +0000 ana m. http://www.pravdatxikia.org/?p=250 Gaur, beti zeresanak esnatzen dituen maiatzaren lehenengo egun honetan, galdurik uste nuen harritzeko gaitasuna berreskuratu dut birritan. Ez da marka txarra.

Nire harridura hitz eta sinbolo zaharrei esanahi eta semantika berriak egokitzearen kirol nazionaletik dator. Denbora igaro da, badakit, eta egoera eta bilakaerak hala modukoak izan dira historian zehar, hori ere badakit. Baina bat baino gehiago bere hilarriaren azpian deseroso sentituko da entzun eta irakurri behar direnak entzun eta irakurri ostean, gaur egungo gazte jasoek jarri dizkioten bidailagunak ezagutu eta gero.

Lehenengo, kutxaren kontrolaren inguruan norbaitek twitterren, euskal fatxek kontrolatuko dutela esan du eta beste batek euskal naziek kontrolatuko dutela esanaz eman dio arrazoia. EAJ, Aralar, Hamaika Bat, EA… eta Alemaniako alerdi nazionasozialista eta Mussoliniren alkandora beltzak. Primo de Rivera ere gonbida genezake potpourri ideologikora, nahi baduzue.

Bigarrenik, ogia erostera atera eta Donostiako Bulebarrean “Eusko Gudariak” entzun dut, ez dakit zein sindikaturen manifestazioaren megafoniatik. Euzko Gudarostea, Arana Goiri Batailoia eta… langileak. Beste max-mix ideologikoa, prest.

Ez diot merezi duena baino garrantzia handiagorik eman nahi. Baina ohar hau idatzi nahi nuen.

Ez ahazteko.


]]> http://www.pravdatxikia.org/hitz-eta-sinbolo-zaharrak/feed/ 1 http://www.pravdatxikia.org/hitz-eta-sinbolo-zaharrak/ Mr. Marshall bueltan http://feedproxy.google.com/~r/pravdatxikia/~3/lB1aEoveRCA/ http://www.pravdatxikia.org/mr-marshall-bueltan/#comments Sun, 14 Mar 2010 18:44:14 +0000 ana m. http://www.pravdatxikia.org/?p=247 Badakit, aspaldi da Pravda Txikiaren azken orrialdea ireki nuenetik. Aitzaki zerrenda luze bezain gezurtia idatz nezake. Baina ez dut egingo. Beraz, ezikusiarena egingo dugu, bai zuk, bai nik. Eta atzo izan zenarena egin.
Azkenaldian The Guardian egunkariako kultura orrialdeei so egiten diet. Gure inguruko kulturakoak zeharo aspertzen nauelako alde batetik. Sekulako snob-a naizelako bestetik. Gaur oso gauza polita topatu dut. Zinema munduan murgilduriko zenbait pertsonek zinemaren historiako eszena esanguratsuenak bildu dituzte. Horietako asko nire gustukoenen artean aurkitzen dira. Obviously.
Eta nik? Zein aukeratuko nuke?
Aukeraketa latza.
Pelikula Bienvenido Mr. Marshall da. Zuzendaria, Berlanga handia. Herritarrek ilaran itxoiten dute, amerikarrei luzatuko zaizkien eskariak egiteko. Niri sekulako inpresioa egin zidan sekuentziak. Berrikusi beharko nuke. Ez dut Youtuben topatu, tamalez.
Igande arratsalde honetan, egunero gaurkotasuna berreskuratzen duen eszena honekin gelditzen naiz.
Egun berlangianoak gureak.


]]> http://www.pravdatxikia.org/mr-marshall-bueltan/feed/ 0 http://www.pravdatxikia.org/mr-marshall-bueltan/ Eztabaida antzu eta lerdoak http://feedproxy.google.com/~r/pravdatxikia/~3/mydf3T8-fww/ http://www.pravdatxikia.org/eztabaida-antzuak-eta-lerdoak/#comments Thu, 19 Nov 2009 21:12:45 +0000 ana m. http://www.pravdatxikia.org/?p=239 Eztabaida antzu eta lerdo xamarrak modan omen daude. Nork sortzen dituen eta zein interes ezkutatzen diren sortze horretan, ez dakit. Baina nire uste xumea da norbaitek etekina atera nahi diela. Aste honetan bertan bi ikusi ditut nire muturren aurrean, baina ziur beste asko ere gertatzen direla, egunero, ni konturatu gabe.

Asteko lehenengo eztabaida antzu eta lerdoa gure legebiltzarretik etorri da zuzenean. Espainiako selekzioa Euskal Herriko zelaietan jokatu ahal izateko proposamena bozkatu zuten gure legebiltzarkideek,  ”la roja”-k  Maradonaren Argentinari irabazi ostean (a ze arribista, ez zuten hori bozkatuko Koreako mundialean kanporatu zutenean). Niri bost axola zait Mendizorrotzan, Anoetan ala San Mamesen jokatzen badute edo ez. Ekipo oso ona da eta zoragarri jokatzen du. Futbol ikuskizun polita. Baina legebiltzarkide maiteak, selekzioaren gonbidapena klubek egiten dute. Orain, eta EAJ gobernatzen zuenean. Hemen, eta Murtzian. Ez gaitezen Espainia baino espainolagoa izaten saiatu. Erridikulua egiten bukatzen dugulako “normaltasunaren” izenean. Badago herri honetan gauza garrantzitsuagorik eztabaidatzeko. Eta herri xumeak eskertuko dizue legebiltzarrean igarotzen duzuen denboran, gai horiek aurrera ateratzen saiatzen bazarete. Herri hontan badagoelako zer konpondu. Eta ez du ez futbolarekin, ez antolaketa pribatu bat duen Espainiako Vuelta-rekin zerikusirik. Benetan.

Eta asteko bigarren eztabaida antzu eta lerdoa, desproposito bat den zerrenda batek ekarri du. Zerrenda horrek euskara jartzen du munduko hizkuntza zailenen top 1-ean. Ene. Zerrenda horrek ez du ez hankarik ez bururik niretzat. Ez dudalako uste hizkuntza baten zailtasuna modu objektibo batan neurtu ahal denik. Norberak bere hizkuntzatik neurtzen dituelako besteak. Ama hizkuntzak bere buruaren konfigurazioan eta mundua ikusteko moduan isla duelako. Hori abiaburutzat hartuz, zerrendak ez du inolako baliorik. Urteko pertsona eleganteena hautatzea baino balio handiagorik ez behintzat. Eta motibazioaren auzia heldu da, eta batzuk bai, zailena dela diote eta besteek ezetz, ez dela. Eta komunikabideetan agertzen da gainera. Eta nik diodana da, eztabaida honek ez luke existitu ere egin beharko, ez baitago hizkuntzekin ranking bat egiteko inolako funtsik. Antzua eta lerdoa, hau ere.

Herri santu honek gero eta antzu eta lerdoagoa bilakatzen nau. Aurretik ere aski antzu eta lerdoa izango ez banintz…


]]> http://www.pravdatxikia.org/eztabaida-antzuak-eta-lerdoak/feed/ 0 http://www.pravdatxikia.org/eztabaida-antzuak-eta-lerdoak/ Soituren inguruan http://feedproxy.google.com/~r/pravdatxikia/~3/Ye3MMpmQnKU/ http://www.pravdatxikia.org/soituren-inguruan/#comments Sun, 01 Nov 2009 21:59:16 +0000 ana m. http://www.pravdatxikia.org/?p=235 Komunikabide bat ixten den bakoitzean zerbait itzaltzen da bakoitzaren ariman. Eta komunikabide hori Soitu.es-ek zituen berezitasunak baldin baditu, are gehiago. Krisiaren biktima dela esan dute. BBVA kupidagabearen biktima. Gaur egungo munduaren biktima. Baina krisia, BBVA eta gaur egungo munduaren produktoa izan da ere Soitu.es.

Komunikabide tradizionalei buelta eman nahi izan zien Soituk. Kazetaritza berritzeko gura indartsuarekin sortu zen, tradizio horrek agertzen duen krisiaren aurrean. BBVA-ren diruarekin eta bankuaren anparuan. Gaur egungo munduari erantzuteko prest. Baina hori ez da nahikoa izan. Zergatik? Agian krisian dagoen beste zerbaiti buelta ematea falta izan zaiolako. Komunikabide tradizionalei aurre egin die edukietan (eta edukiak tratatzeko moduan), baina ez negozio ereduan. Negozio eredua betikoa izan du. Komunikazio enpresa bezala ez da berritzailea izan. Edo ez du itxura hori eman.

Eta azkenean, iragarkietan eta inbertsio pribatuan oinarritutako enpresa tradizional honek bere ateak itxi behar izan ditu, atzean, azpiegitura tradizional bat utziz. Atzean, negozio eredu tradizional baten frakasua atzean utziz. Eta penaz esaten dut hau, produktu bezala, Soitu.es ona iruditzen zitzaidalako. Baina enpresa bezala ez du funtzionatu azpiegitura aurrera ateratzeko (aho horiek elikatzeko) estrategian.

Saiatu direla pentsatu nahi dut. Kontsolatzeko gehienbat.


]]> http://www.pravdatxikia.org/soituren-inguruan/feed/ 2 http://www.pravdatxikia.org/soituren-inguruan/ Euskaldunberri berri eta euskaldunzahar zaharrak http://feedproxy.google.com/~r/pravdatxikia/~3/uWH9XY6x3SU/ http://www.pravdatxikia.org/euskaldunberri-berri-eta-euskaldunzahar-zaharrak/#comments Sat, 26 Sep 2009 17:30:12 +0000 ana m. http://www.pravdatxikia.org/?p=228 Orakuloak esan dit, Ramon Etxezarretari egindako elkarrizketa honen ostean, “euskaldunberri” hitzari esanahia aldatu beharko geniokela. Ez geniekela hala deitu behar heldutasunean euskaraz ikasten duten heroi hoiei (nire alabantzarik sentituena merezi duten horiek). Azken urteotan, PP eta PSOEren ideologipean, “yo soy vasco” han eta hemengo foroetan errepikatzen duten haiei baizik. Hoiek dira euskaldunberri berriak. Euskalduntasunaren muina definitzen inor baino gehiago saiatzen direnak (”hemen jaio edo bizi den edonor da euskalduna, ez bakarrik euskaraz dakiena, ez bakarrik abertzalea dena”). Gaiaren inguruan bira gehien ematen dutenak. Horiek dira euskaldunberri berriak. Inor baino euskaldunagoak direnak. Definizio definitiboaren gertuen daudenak.

Nahiz eta elkarren artean oso errespetu egon arren, euskaldunberri berriak eta euskaldunzahar zaharrak oso antzekoak dira.

Biek behar dute nazio eta estatuaren definizio mugatua. Denadelakoa dela. Nazio eta estatuen paradigman bizi dira. Errealitate konplexu batean babesten dira, hitz potoloak erabiltzen dituzte, ez dezagun dena askoz ere sinpleagoa dela deskubritu. Definizioak, estrategiak, planak. Zertarako? Nazio eta estatuen paradigma elikatu eta bizirik mantentzeko. Ez dezagun pentsa beste zeozer hoberik dagoenik. Kapazak garenik.

Badakizue nik nortasun kolektiboekin arazotxoren bat edo beste dudala (futbolaren gai pozoitsua alde batera uzten badugu, behintzat). Ni ez naizela ezer. Ez zahar ez berri. Baina kasu honetan euskaldunberri zaharrengandik gertuago sentitzen naizela uste dut. Edo, zergatik ez, euskaldunzahar berriena.


]]> http://www.pravdatxikia.org/euskaldunberri-berri-eta-euskaldunzahar-zaharrak/feed/ 1 http://www.pravdatxikia.org/euskaldunberri-berri-eta-euskaldunzahar-zaharrak/ Samurai baten bidea http://feedproxy.google.com/~r/pravdatxikia/~3/kN6iuR4LT8k/ http://www.pravdatxikia.org/samurai-baten-bidea/#comments Sat, 19 Sep 2009 12:50:51 +0000 ana m. http://www.pravdatxikia.org/?p=225

Beharrezkoa da (zait) bigarren plano batera pasatzea, bazterrean gelditzea, garrantzia galtzea, inork ez begiratzea, ahaztua izatea. Oihartzunik gabe. Berea eta soilik berea dena eraikitzeko. Bizitza bat, agian? Nortasun bat, behabada?

Samurai baten bidea ziurrenik.


]]> http://www.pravdatxikia.org/samurai-baten-bidea/feed/ 1 http://www.pravdatxikia.org/samurai-baten-bidea/ Zinemadia 2009 http://feedproxy.google.com/~r/pravdatxikia/~3/Pw35LcC8gvE/ http://www.pravdatxikia.org/zinemadia-2009/#comments Sat, 12 Sep 2009 23:00:28 +0000 ana m. http://www.pravdatxikia.org/?p=218 Udako hilabete deprimenteetan blogari eten bat egin ondoren, berriz ere hemen bueltan. Ez, ez dut oporrik eduki. Bai, nire oporrak zeluloidez jantziko ditut aurten ere.

Urtero bezala, aurten ere Zinemaldirako hautaketari ekin diot. Aurten %20eko deskontua egongo da 10 sarrera baino gehiago erostekotan. Eta horrez gain, badirudi azkenean espabilatu eta erosketa saski bat jarriko digutela internet bidez sarrerak eskuratzen ditugun sufrituentzat.

Hona hemen nire aukeraketa:

Oraintxe konturatu naiz, papereko libretoan eta web gunean agertzen diren ordutegi eta daten artean aldeak daude. Eta kasu horietako bat ikusi nahi nuen Precious filmari dagokio. Gr!
Ea beste guztiekin zorte hobea dudan.


]]> http://www.pravdatxikia.org/zinemadia-2009/feed/ 0 http://www.pravdatxikia.org/zinemadia-2009/ Udaren gezurrak http://feedproxy.google.com/~r/pravdatxikia/~3/uR9haCK5CmY/ http://www.pravdatxikia.org/udaren-gezurrak/#comments Sun, 26 Jul 2009 20:38:58 +0000 ana m. http://www.pravdatxikia.org/?p=216 Udan kalera ateratzea ez da disfrutatzen dudan zerbait. Hiria jendez gainezka dago, bero handiegia egiten du niretzat eta ez dut inolako motibaziorik aurkitzen. Udan gogorra da bakardadea. Larunbata gauetan bezain gogorra. Derrigorrez egon behar baikara pozik eta zoriontsu udan (larunbata gauetan bezain pozik eta zoriontsu). Derrigorrez egin behar du bakoitzak bere antzerkia, ezer egiteko gogorik ez duzula ez dezaten pentsa ingurukoek. Derrigorrekoa omen delako joie de vivre-z gainezka egotea.

Nora zoaz oporretan, non egon zara, plan hau daukat eta beste hau ere,…

Eta zurrunbilo horretan, etxeko pertsianak erdi itxirik ditudan bitartean, irailaren zain gelditzen naiz ni. Errealagoak suertatzen zaizkidalako udazken eta neguak. Orduan sartzen zaidalako niri bizitzeko gogoa.

Derrigorrekoa ez denean.


]]> http://www.pravdatxikia.org/udaren-gezurrak/feed/ 0 http://www.pravdatxikia.org/udaren-gezurrak/ Donostiako metroaren inguruko galderak http://feedproxy.google.com/~r/pravdatxikia/~3/O_zkLfem4eg/ http://www.pravdatxikia.org/donostiako-metroaren-inguruko-galderak/#comments Mon, 13 Jul 2009 20:52:05 +0000 ana m. http://www.pravdatxikia.org/?p=213 Ez dakit zer iruditzen zaidan Donostian metroa eraikitzeak. Zalantzak sortzen dizkit, etimologiatik soziologiara. Ekonomiatik ekologiara.

  1. Lehenengo zalantza, metroa deitzea da nik beti topo deitu diodan horri. Metroa askoz ere azpiegitura sofistikatuagoa dela uste dut. Linea anitzekoa. London, Paris, Madrid edo Berlinen aurki daitekeena. Niri Bilbokoa ez zait metro bat iruditzen, bilbainada bat baizik, baina hori nire ikuspegi ñoñostiar-maltzurra da.
  2. Bigarren zalantza: ez dakit Donostiako biztanleriak (185000 lagun) eta tamainak (60,89 km²) halako inbertsioa justifikatzen ote duen.
  3. Eta hirugarrena, esparrua Gipuzkoa baldin bada, lehenengo Foru Aldundiarekin hitz egin beharreko zerbait izango da. Eta dirudienez, ez dira hortik hasi. Ez dakit ere horrek Donostiak duen trafiko arazoa konponduko ote duen. Donostiako trafikoaren arazoa ez da, ein handi batean, Donostian jaiotzen eta amaitzen. Gipuzkoako hainbat eta hainbat herritan baizik.

Eta gero irakurketa politikoa dago. Eusko Jaurlaritza Gipuzkoa defenestratua berreskuratzeko ahalegina egiten ari denaren susmoa dut, Foru Aldundiko hauteskundeak iritsi bitartean. Hori badirudi dela PSE-ren hurrengo helburu estrategikoa, hatz puntekin ikutzen ari diren zerbait baita. Nire susmoak susmo, eta estrategiak estrategia izanik, krisiari obra publikoarekin aurre egingo diote. Ez baitzaio inori beste ezer hoberik otutzen.


]]> http://www.pravdatxikia.org/donostiako-metroaren-inguruko-galderak/feed/ 0 http://www.pravdatxikia.org/donostiako-metroaren-inguruko-galderak/ Iraupenaren desioa http://feedproxy.google.com/~r/pravdatxikia/~3/wekAyQQGpsQ/ http://www.pravdatxikia.org/iraupenaren-desioa/#comments Thu, 09 Jul 2009 07:03:00 +0000 ana m. http://www.pravdatxikia.org/iraupenaren-desioa/ Gero eta beldur handiagoa ematen dit etorkizunari buruz hitz egiteak. Nik ez dut prospektibarako balio, nekez ulertzen baitudalako orain eta gaur bertan inguratzen nauena. Horregatik ere, tentuz ibiltzen naiz, beste batean aipatu bezala, “hau hil da”, “hau da etorkizuna”, “hemendik joan behar dugu” eta antzekoak esan baino lehen. Eta nire lanean halakoak esateko aukera asko ditut, sinestazue.

Atzo Sustaturekin zer egin izan zen hizketagai Code&Syntax-eko HQ-etan. Eta esan ziren gauza interesgarri guztien gainetik, ni bakarrarekin geldituko naiz. Batzutan kontrakoa badirudi ere, sentimental bat naizelako: “2019an, Sustatu hor egongo da”.

Iraupenaren desio horrekin gelditzen naiz mundu efimero honetan.


]]> http://www.pravdatxikia.org/iraupenaren-desioa/feed/ 1 http://www.pravdatxikia.org/iraupenaren-desioa/