kavithai.com

தமிழ் சொட்டும் கவிதைகள்!

உலகெங்கிலும் உள்ள தமிழ்ப் பிரியர்களின் இலக்கிய சுவைக் கூட்ட, தமிழரின் குரல் வளையாக கவிதை.காம் 10 ஆண்டுகளுக்கு மேலாக சேவை செய்து வருகிறது!

உலகெங்கும் தமிழ் குரல் ஒலிக்கட்டும்!

கவிதைகளைப் படிக்க கவிதைப் பதிவிடல்

இன்றையக் கவிதை

திறந்த கடிதம்

மேக குமாரன்

மதுரைக் கணக்காயனார் மகனார் நக்கீரனாருக்கு வணக்கம் இப்பவும் (*2) தங்கைக்கு பாடம் சொன்னபோது தங்கள் பாட்டுத்திறம் கண்டு இறும்பூது எய்தினேன். நிற்க. அதே ஜோரில் உண்பது நாழி, உடுப்பவை இரண்டே பிறவும் எல்லாம் ஒரொக்கும்மே என்றப்டியே கேட்டேன் போனஸ் முதலாளியிடம் கம்யூனிஸ்ட் சங்காத்தமே கடைக்கு ஆகாது என்று சொல்லி இல்லம் நோக்கி அனுப்பி வைத்தார். மட்டை பழுத்தா மரத்துல..... எனும் அம்மா. .....யாய் எனும் அப்பா. சரி கவிதையாவது எழுதலாம் என்றால் இந்த இ.ஞா.திரவியம், கலாப்பிரியா, ஞா.வெட்டியான் இப்படி எல்லாரும் நன்றாகவே கவிதை சமைக்கின்றனர். எனக்கும் கணையாழியில் கவிதை செய்வதைவிட படிப்பதே சுகம் என்று படுகிறது. ஆதலினால் தாங்கள் நேரில் வந்து செல்வத்துப் பயனே ஈதல் என்றியம்பி தனபால் ஸ்டோர்ஸ் அதிபரை இசைபட வாழ வைக்க வேண்டுகிறேன் இப்படிக்கு சிதம்பரம் சாமிநாதனார் மகனார் முத்துக் குமரனார்

சமீபத்திய கவிதை

உருமாறும் குருவாகும் இவ்வுலகு

சீனு ராமசாமி

உருமாறும் குருவாகும் இவ்வுலகு 1. இருள் அறைக்குள் கழுத்தைத் தேடிய அதே கயிறு மறுநாள் கிளையில் ஊஞ்சலாகி ஆடுகிறது. குழந்தையின் கால்கள் காற்றைத் துழாவி மேலேறுகின்றன. நேற்று வரை மரணத்தை நினைத்த கண்கள், இன்று குழந்தையின் சிரிப்பில் வாழ்வின் ஆழத்தை அள்ளிப் பருகுகின்றன. அவள் தாலாட்டுப் பாடல் இப்போது ஒரே மூச்சாகி நிலைகொள்கிறது. 2. ஏதோ விரக்தி முடித்துக்கொள்ளவென அந்தத் தீயை மூட்டினாள். பழைய நினைவுகள் கருகிச் சாம்பலாக, மிஞ்சிய தணலில் இப்போது சோறு வேகிறது. பசியோடு வந்தவனின் தட்டில் ஆவி பறக்கும் பருக்கை ஒவ்வொன்றும் சோற்றின் மணமாகிறது. அவன் அவள் கைகளில் முத்தமிட்டான். 3. சிதறிப் போன கண்ணாடித் துண்டுகள் பாதத்தைக் கீறுமென்று பயந்தேன். உச்சிவேளை வெயில் அவற்றின் மேல் வந்து தங்கியபோது அறை முழுவதும் நட்சத்திரங்கள். சிதைவுகளின் ஒளி. 4. வழிநெடுகத் தடையாக நின்றது அந்தப் பாறை. நகர்த்தத் திராணியற்றுச் சாய்ந்த தருணம் தெரிந்தது அது மலையின் மடி. தனித்துப் போன பயணியின் தோளில் பாறை தன் கரத்தை வைக்கிறது. சிறிது நேரம் தடையின் மீது அமர்ந்தவனுக்கு, பயணம் தெளிவாகிறது.

குறிப்பில்லாக் கவிதை

காதலித்துப் பார்

ரா. சொர்ண குமார்

காதலித்துப் பார் ! -ரா. சொர்ண குமார். காதலித்துப் பார்! உடலுக்கு மட்டுமில்லை உயிருக்கும் வலியுண்டு என்று உணர வேண்டுமா? காதலித்துப் பார்! உறக்கமின்றி நீயென்றும் தவிக்க வேண்டுமா? உணவைக்கூட உதாசினப் படுத்த வேண்டுமா? காதலித்துப் பார்! எண்ணங்கள் எப்போதும் சிதற வேண்டுமா? எடுக்கின்ற காரியங்கள் மடிய வேண்டுமா? காதலித்துப் பார்! கண்ணீரை கருவாக்கி உதிரத்தை மையாக்கி கவியெழுத வேண்டுமா? உனக்குள்ளே உருகிக்கொண்டே உன் பெயரை மறந்து கொண்டே எவளோ ஒருத்திக்குள் உறைய வேண்டுமா? காதலித்துப் பார்! பொன்னான பொழுதெல்லாம் வீணாகவும்... புகைவிட்டு புகைவிட்டு இதயம் புண்ணாகவும்... காதலித்துப் பார்! முகத்தின் மேல் முட்காடு வளர்க்க வேண்டுமா? குடித்து குடித்து குடும்பத்தை மறக்க வேண்டுமா? காதலித்துப் பார்! கடவுள் மேல் நம்பிக்கை இழக்க வேண்டுமா? கலியுகமே கவலையென்று தோன்ற வேண்டுமா? காதலித்துப் பார்! பழகிய பந்தமெல்லாம் பகையாகும்! நெருங்கிய சொந்தமெல்லம் நெருப்பாகும்! காதலித்துப் பார்! மழை பெய்தால், 'வானம் யாரை காதலித்தது ? ஏன் அழுகிறது ?' -என்பாய்! அலையடித்தால், யாரைத்தேடி கடல் அலைகிறது என்பாய்! காதலித்துப் பார்! இன்பம் மட்டுமே இதுவரை கண்டாயா ? துன்பம் காண துடிப்புடன் உள்ளாயா? காதலித்துப் பார்! தற்கொலை செய்ய ஆசையா ? கைவிட்டு விடு ! காதலித்துப் பார்! இரண்டும் ஒன்றுதான்