സിബി കരിക്കുമ്പില്‍

ബെര്‍മിംഗ്ഹാം: റാന്നി സ്വദേശികളുടെ യുകെയിലെ കൂട്ടായ്മയായ റാന്നി മലയാളി അസോസിയേഷന്റെ നേതൃത്ത്വത്തില്‍, റാന്നിനിവാസികള്‍ ബര്‍മിംഗ്ഹാമില്‍ ഒത്തുചേരുന്നു. മെയ് 19 ന് സെന്റ് പീറ്റേഴ്‌സ് ചര്‍ച്ച് ഹാളില്‍ രാവിലെ 10 മണിക്ക് സമ്മേളനം ആരംഭിക്കുമെന്ന് സംഘാടകസമിതി അറിയിച്ചു.

പരിപാടിയുടെ നടത്തിപ്പിനായി സുജിത്ത് അബ്രഹാം, പ്രിമിനോ അബ്രഹാം, ജിജി കിഴക്കെമുറിയില്‍, എം.സി. അബ്രഹാം എന്നിവരുടെ നേതൃത്ത്വത്തില്‍ സ്വാഗതസംഘം പ്രവര്‍ത്തനമാരംഭിച്ചു. എല്ലാ റാന്നി സ്വദേശികളും ഇതൊരു ക്ഷണമായി സ്വീകരിച്ച് സമ്മേളനത്തില്‍ പങ്കെടുത്ത് പരിപാടികള്‍ വന്‍വിജയമാക്കണമെന്ന് ഭാരവാഹികള്‍ അറിയിച്ചു. കൂടുതല്‍ വിവരങ്ങള്‍ക്കും കലാപരിപാടികളില്‍ പങ്കെടുക്കുന്നവരും താഴെ പറയുന്ന നമ്പറുകളില്‍ ബന്ധപ്പെടേണ്ടതാണ്.

എം.സി.അബ്രഹാം- 07951103380
ജിജി കിഴക്കെമുറിയില്‍- 07878212402

ഹാളിന്റെ വിലാസം: St. Peter’s Church hall, Whitehall Road, Westbromwich, Birmilngham, B70 0HF

ഇന്റര്‍ നാഷണല്‍ നേഴ്സസ് ഡേ ദിനമായ മെയ് 12ന് ലിംകയുടെ നേഴ്സസ് ഡേ ആചരിച്ചു. നേഴ്സസ് ഡേയുടെ അന്തസ്സത്തയ്ക്ക് ചേര്‍ന്ന രീതിയില്‍ സംഘടിപ്പിക്കപ്പെട്ടിരുന്ന പരിപാടികള്‍ ആ ദിവസത്തെ കൂടുതല്‍ ശ്രദ്ധേയവും അര്‍ത്ഥപൂര്‍ണ്ണവുമാക്കി. കൈയില്‍ മെഴുകുതിരി കത്തിച്ച് പിടിച്ച് നേഴ്സസ് പ്ലെഡ്ജ് ഒരിയ്ക്കല്‍ക്കൂടി ആത്മാര്‍ത്ഥതയോടെ ഏറ്റു ചൊല്ലിയപ്പോള്‍ ചെയ്യുന്ന ജോലിയുടെ മഹത്വവും ഉത്തരവാദിത്വവും ബോധ്യപ്പെടുകയായിരുന്നു.

ലിംക വൈസ് ചെയര്‍പേഴ്സണ്‍ ലിന്‍സി സന്തോഷ് ആണ് പ്രതിജ്ഞാവാചകം ചൊല്ലിക്കൊടുത്തത്. ആന്‍ഡ്രി യൂണീവേഴ്സിറ്റി ഹോസ്പിറ്റലിലെ ഇക്വാലിറ്റി ആന്‍ഡ് ഡൈവേഴ്സിറ്റി വിഭാഗത്തിലെ തലവന്‍ ഷബിര്‍ അബ്ദുള്‍ ആയിരുന്നു വിശിഷ്ടാതിഥി. അദ്ദേഹം മുഖ്യപ്രഭാഷണത്തില്‍ ലോകമെമ്പാടുമുള്ള മലയാളികള്‍ നടത്തുന്ന നിസ്തുല സേവനത്തെ പ്രകീര്‍ത്തിച്ചു. വളരെ ശാസ്ത്രീയമായി നടത്തിയ വിശകലനത്തില്‍ യു.കെയില്‍ എന്‍.എച്ച്.എസ്സിനു കീഴിലുള്ള ആശുപത്രികളില്‍ നേഴ്സുമാര്‍ നേരിടേണ്ടിവരുന്ന ബുദ്ധിമുട്ടുകളെക്കുറിച്ച് അദ്ദേഹം സംസാരിച്ചു.

നിലവിലുള്ള നിയമങ്ങള്‍ അപര്യാപ്തമായതുകൊണ്ടല്ല, മറിച്ച് നിയമങ്ങള്‍ അറിഞ്ഞ് പ്രവര്‍ത്തിയ്ക്കാന്‍ കഴിയാത്തതാണ് പ്രശ്നമെന്ന് അദ്ദേഹം സമര്‍ത്ഥിച്ചു. NHS IS HERE FOR EVERYONE എന്നതായിരുന്നു പ്രഭാഷണത്തിന്റെ വിഷയം. തുടര്‍ന്നു നടന്ന ഓപ്പണ്‍ ഫോറത്തില്‍ ചെയര്‍പേഴ്സണ്‍ തമ്പിജോസ് നേഴ്സുമാര്‍ നേരിടുന്ന ഡിസ്ക്രിമിനേഷന്‍ പ്രശ്നങ്ങളെക്കുറിച്ച് പ്രഭാഷണം നടത്തുകയുണ്ടായി. തങ്ങള്‍ ഒറ്റയ്ക്കാണെന്ന തോന്നല്‍ ഉപേക്ഷിക്കാനും തങ്ങളോടൊപ്പം ലിംക ഉണ്ടെന്നുമുള്ള തോന്നലിലേക്കുയരുവാന്‍ അദ്ദേഹം നേഴ്സുമാരെ ഉപദേശിച്ചു.

തുടര്‍ന്ന് നടന്ന ക്വിസ് പരിപാടിയില്‍ എല്‍സിരാജി, സ്വപ്ന സണ്ണി, പ്രിന്‍സി സന്തോഷ് എന്നിവര്‍ ഒന്നും രണ്ടും മൂന്നും സ്ഥാനങ്ങള്‍ നേടി. തുടര്‍ന്ന് കലാപരിപാടികളും ഉണ്ടായിരുന്നു. പരിപാടികള്‍ക്ക്, സെക്രട്ടറി മനോജ് വര്‍ഗ്ഗീസ്, ട്രഷറര്‍ എബി മാത്യു, തോമസ് ജോണ്‍ ജേക്കബ്ബ് വി.കെ, ലിന്‍സ് അയ്യനാട്ട്, ജെയ്സന്‍ ജോസഫ്, ജോസ് കണ്ണങ്കര എന്നിവര്‍ നേതൃത്വം നല്‍കി.

റോമിലെ സീറോ മലബാര്‍ സഭ പ്രൊക്കുറേറ്റര്‍ റവ.ഡോ.സ്റ്റീഫന്‍ ചിറപ്പണത്ത് അധ്യക്ഷത വഹിച്ചു. സെന്ററിലെത്തിയ മാര്‍ അറയ്ക്കലിന് വിശ്വാസി സമൂഹം ഊഷ്മളമായ വരവേല്പ് നല്‍കി. തുടര്‍ന്ന് മാര്‍ മാത്യു അറയ്ക്കലിന്റെ നേതൃത്വത്തില്‍ സമൂഹബലിയും നടന്നു.

പുതുമയേറിയതും വ്യത്യസ്തമായതുമായ കലാപരിപാടികളാല്‍ നിറയുന്ന അനുഗ്രഹീത സായാഹ്നമാവും ജൂണ്‍ 30ന് നടത്തപ്പെടുന്ന യു.കെ.കെ.സ.എ കണ്‍വെന്‍ഷന്‍ കലാപരിപാടികള്‍. നയനാനന്ദകരവും ഇമ്പവുമാര്‍ന്ന നിരവധി കലാപരിപാടികള്‍ അവതരിപ്പിക്കപ്പെടുമ്പോള്‍ കഴിഞ്ഞ ഒരു വര്‍ഷമായി കണ്‍വെന്‍ഷന് വേണ്ടി കാത്തിരിക്കുന്ന സമുദായാംഗങ്ങളെ സംതൃപ്തരാക്കുന്ന ഏറ്റവും മികച്ച കലാപരിപാടികളാണ് ഈ വര്‍ഷം അവതരിപ്പിച്ചിരിക്കുന്നത്.

പ്രസിഡന്റ് ലേവി പടപ്പുരയ്ക്കല്‍ നേതൃത്ത്വം നല്‍കുന്ന നിലവിലത്തെ സെന്‍ട്രല്‍ കമ്മറ്റി കലാപരിപാടികളില്‍ ആവര്‍ത്തനവിരസത ഒഴിവാക്കിക്കൊണ്ട് വര്‍ണമനോഹരമായ കലാസന്ധ്യയുടെ ചുമതല ജിജോ മാധവപള്ളിയ്ക്കാണ്.

ഏകദേശം 15ലധികം യൂണിറ്റുകളാണ് കലാപരിപാടികള്‍ അവതരിപ്പിക്കുന്നത്. ഒപ്പം ജനഹൃദയങ്ങളില്‍ എന്നെന്നും ഓര്‍മിക്കപ്പെടുവാന്‍ തക്കവിധത്തിലുള്ള സ്വാഗതഗനൃത്തശില്പവും അവിസ്മരണീയമാകും..

യുകെകെസിഎ വൈസ് പ്രസിഡന്റ് ജിജോ മാധവപ്പള്ളി ചെയര്‍മാനായ കള്‍ച്ചറല്‍ കമ്മിറ്റിയില്‍ പ്രിയ മാര്‍ട്ടിന്‍, ബിജു പന്നിവേലില്‍, ജേക്കബ് മൂരിക്കുന്നേല്‍ , റെമി പഴയടത്ത്,ജോസി ജോസ്, പ്രിന്‍സ് ജോസഫ്, ജോണി മാത്യു, ഫിലിപ്പ് എന്നിവര്‍ അംഗങ്ങളാണ്.

ലോകത്തെ ഏറ്റവും ശക്തമായ രണ്ടു ടീമുകള്‍ക്കെതിരേ അട്ടിമറിവിജയം നേടി കൊണ്ടാണ് ചെല്‍സിയും ബയേണും ഫൈനിലിലെത്തിയത്. സെമിയില്‍ ചെല്‍സിക്കു മുന്നില്‍ ബാഴ്‌സലോണയും ബയേണിനു മുന്നില്‍ സാക്ഷാല്‍ റയല്‍ മാഡ്രിഡും. ഫൈനലിലെത്തിയ ഇരുടീമുകള്‍ക്കും ഇത്തവണ ആഭ്യന്തര ലീഗ് കിരീടം നേടാന്‍ സാധിച്ചിട്ടില്ലെന്നത് മത്സരത്തിന്റെ വീറും വാശിയും കൂട്ടും.

ഇതിനു മുമ്പ് നാലുതവണ ചാംപ്യന്‍സ് ലീഗ് ചാംപ്യന്മാരായിട്ടുള്ള ബയേണ്‍ മ്യൂണിക്കിന് സസ്‌പെന്‍ഷന്‍ നിലനില്‍ക്കുന്നതിനാല്‍ ബാഡ്സ്റ്റ്യൂബര്‍, ഡേവിഡ് അലാബ, ഗുസ്താവോ എന്നീ താരങ്ങളെ കളത്തിലിറക്കാനാവില്ല.

ഇതിനുമുമ്പ് ഒരു തവണയാണ് ചെല്‍സി ചാംപ്യന്‍സ്‌ലീഗിന്റെ ഫൈനലിലെത്തിയത്. മാഞ്ചസ്റ്റര്‍ യുനൈറ്റഡിനോട് പെനല്‍റ്റി ഷൂട്ടൗട്ടില്‍ തോറ്റുമടങ്ങാനായിരുന്നു വിധി. സസ്‌പെന്‍ഷന്‍ മൂലം നായകന്‍ ജോണ്‍ ടെറി, ബ്രാനിസ്ലാവ് ഇവാനോവിച്ച്, റമിറസ്, റൗള്‍ മെയര്‍ലെസ് എന്നിവര്‍ക്ക് ചെല്‍സിക്കുവേണ്ടി കളിക്കാനാവില്ല.

യൂറോപ്പിലെ തന്നെ ഏറ്റവും വലിയ മലയാളി കൂട്ടായ്മയായ യു.കെ.കെ.സി.എയുടെ 11ാം കണ്‍വെന്‍ഷന്‍ റാലിയുടെ എല്ലാ ഒരുക്കങ്ങളും പൂര്‍ത്തിയായിക്കൊണ്ടിരിക്കുന്നതായി ഭാരവാഹികള്‍ അറിയിച്ചു. കണ്‍വെന്‍ഷന്റെ മുഖ്യ ആകര്‍ഷണങ്ങളില്‍ ഒന്നായ റാലിയില്‍ തനിമയുടെ പൈതൃകം ഒരുമ നമ്മുടെ വരദാനം എന്ന ആപ്തവാക്യം മുന്‍നിര്‍ത്തി 47 യൂണിറ്റുകള്‍ അണിനിരക്കുമ്പോള്‍ ഒരു സമുദായത്തിന്റെ ഒരു വര്‍ഷത്തെ കാത്തിരിപ്പിന്റെയും കഠിനാധ്വാനത്തിന്റെയും ആത്മനിര്‍വൃതി പൂര്‍ത്തിയാവുകയാണ്.മുന്‍വര്‍ഷങ്ങളില്‍ നിന്നും വ്യത്യസ്തമായി പങ്കെടുക്കുന്ന എല്ലാ യൂണിറ്റുകള്‍ക്കും റാലി വ്യക്തമായി കാണുവാനും ആസ്വദിക്കുവാനും ഉള്ള ക്രമീകരണങ്ങള്‍ ഈ വര്‍ഷം പ്രത്യേകമായി സജ്ജീകരിച്ചിട്ടുണ്ട്.

മുന്‍വര്‍ഷങ്ങളിലെ ജേതാക്കള്‍ക്കൊപ്പം മറ്റെല്ലാ യൂണിറ്റുകളും ആവേശകരമായി ഒരുക്കങ്ങള്‍ തുടങ്ങിയതോടെ ഈ വര്‍ഷത്തെ സമ്മാനങ്ങള്‍ ആരു കരസ്ഥമാക്കും എന്ന് പ്രവചനാതീതമായിത്തീര്‍ന്നു കഴിഞ്ഞിരിക്കുന്നു. വിജയികളെ കാത്ത് ക്യാഷ് പ്രൈസ് അടക്കം ആകര്‍ഷകമായ സമ്മാനങ്ങള്‍ നിരവധിയുണ്ട്.ആശയസമ്പുഷ്ടമായ തനിമ നമ്മുടെ പൈതൃകം ഒരും നമ്മുടെ വരദാനം എന്ന കണ്‍വെന്‍ഷന്‍ സന്ദേശം അതിന്റെ എല്ലാ അര്‍ത്ഥങ്ങളിലും യുകെയിലെ ഓരോ ക്‌നാനായക്കാരനും നെഞ്ചിലേറ്റിയതോടെ മനസ്സു കുളിര്‍ക്കുന്ന ഒരു കാഴ്ചയായിരിക്കും ഈ വര്‍ഷത്തെ റാലി.

കേരളത്തനിമയുള്ള വിവിധതരം വാദ്യമേളങ്ങള്‍ മാല്‍വേണ്‍ നിരകളെ പ്രകമ്പനം കൊള്ളിക്കുന്നതോടൊപ്പം വിവിധ യൂണിറ്റുകളിലെ ചെണ്ടമേളക്കാര്‍ ഒത്തുചേര്‍ന്നൊരുക്കുന്ന മേളപ്പെരുപ്പ് ഈ വര്‍ഷത്തെ റാലിയുടെ ഏറ്റവും വലിയ പ്രത്യേകതയാണ്. ക്‌നായി തൊമ്മന്‍ നഗറിലെ പുല്‍ത്തകിടിയില്‍ യുകെയില്‍ വ്യാപിച്ചുകിടക്കുന്ന 47 യൂണിറ്റുകള്‍ അണിനിരക്കുമ്പോള്‍ മത്സരം കടുത്തതായിരിക്കും.

റാലികമ്മറ്റിയുടെ ചെയര്‍മാന്‍ യു.കെ.കെ.സി.എ യുടെ ജോയിന്റ് സെക്രട്ടറി ജോബി ഐത്തിലാണ്. അദ്ദേഹത്തെ കൂടാതെ ജസ്റ്റിന്‍ ജോസ്, ജോസഫ് തച്ചേട്ട്, സാജു ലൂക്കോസ്, തോമസ് ലോനന്‍, റ്റാജ് തോമസ്, ജോണി കുന്നുപുറത്ത്, കെസിവൈഎല്‍ നിന്നും ദീപ് സൈമണ്‍, എന്നിവരടങ്ങുന്ന കമ്മറ്റിയുടെ കഠാനാധ്വാനം 11ാമത് കണ്‍വെന്‍ഷന്‍ റാലിയിലൂടെ നല്ല മുഹുര്‍ത്തങ്ങള്‍ സമ്മാനിക്കുമെന്ന് ഉറപ്പ് നല്‍കുന്നു.

വര്‍ഷങ്ങളായി ബോളിവുഡില്‍ സജീവമാണെങ്കിലും ഇരുവരും ഇതുവരെ ഒന്നിച്ച് അഭിനയിച്ചിട്ടില്ല. ഇതിനുള്ള കാരണങ്ങള്‍ വ്യത്യസ്തങ്ങളായിരുന്നു. ഈഗോ പ്രശ്‌നങ്ങള്‍ മൂലമാണ് ഇരുവരും ഒന്നിക്കാതിരുന്നതെന്നായിരുന്നു ഒരു മാധ്യമം എഴുതിയത്. ഷാരൂഖും അജയും തമ്മില്‍ കണ്ടാല്‍ ‘ഹായ്’ എന്നുപോലും വിഷ് ചെയ്യാറില്ലെന്നും തമ്മില്‍ കാണുന്ന അവസരങ്ങള്‍ ഇരുവരും ഇടപെട്ട് ഒഴിവാക്കുകയാണെന്നുമായിരുന്നു മറ്റൊരു കണ്ടെത്തല്‍. എന്നാല്‍, ഷാരൂഖും അജയും ആരോപണങ്ങള്‍ നിഷേധിക്കുകയായിരുന്നു. എന്നിട്ടും മാധ്യമങ്ങള്‍ ഇരുവരെയും വെറുതെ വിടാന്‍ തയ്യാറായില്ല.

മറ്റുചില മാധ്യമങ്ങള്‍ ഒരു മുഴം നീട്ടിയെറിഞ്ഞു. അജയ്‌ദേവ്ഗണിന്റെ ഭാര്യയും നടിയുമായ കജോളുമായി ചേര്‍ത്തായിരുന്നു ഈ ഗോസിപ്പ് നിരത്തിയത്. ഷാരൂഖിന്റെ അടുത്ത സുഹൃത്തായാണ് കജോള്‍ അറിയപ്പെടുന്നത്. ഈ സൗഹൃദം തന്നെയായിരുന്നു ഷാരൂഖ്-അജയ് ബന്ധത്തില്‍ വില്ലനാകുന്നത് എന്നായിരുന്നു ഇവരുടെ കണ്ടെത്തല്‍.

അഴിമതിയാരോപണങ്ങളെത്തുടര്‍ന്ന് യെഡിയൂരപ്പയുടെയും മക്കളുടേയും വസതികളില്‍ സിബിഐ.റെയ്ഡ് നടത്തിയിരുന്നു. ഇതിന്റെ ഭാഗമായി യെഡിയൂരപ്പയുടെ ഇളയ മകന്‍ വിജയേന്ദ്രയുടെ കാമുകിയായ ഹരിപ്രിയയുടെ വീട്ടിലും സി.ബി.ഐ. റെയ്ഡ് നടത്തിയെന്നുമായിരുന്നു അഭ്യൂഹങ്ങള്‍ പ്രചരിച്ചിരുന്നത്.

”ചാനലുകള്‍ റിപ്പോര്‍ട്ടു ചെയ്യുമ്പോലെ എന്റെ വീട് സദാശിവ് നഗറിലല്ല. യശ്വന്ത്പൂറിലാണ് ഞാന്‍ താമസിക്കുന്നത്. എന്റെ വീടും സി.ബി.ഐ. നിരീക്ഷണത്തിലാണെന്ന് ചാനലുകളില്‍ വന്ന വാര്‍ത്ത കണ്ടപ്പോള്‍ ഞാന്‍ ഞെട്ടിപ്പോയി. കര്‍ണ്ണാടക മുന്‍മുഖ്യമന്ത്രി യെഡിയൂരപ്പയെയോ അദ്ദേഹത്തിന്റെ രണ്ടു മക്കളെയോ എനിക്ക് പരിചയമില്ല. ഞാനുമായി പ്രണയത്തിലാണെന്ന് ഗോസിപ്പുകള്‍ പ്രചരിക്കുന്ന യെഡിയൂരപ്പയുടെ മകന്‍ വിജയേന്ദ്രയെ ഞാനിതുവരെ മുഖാമുഖം കണ്ടിട്ടു കൂടിയില്ല.

എന്റെ ഇമേജിനെ കരിവാരിത്തേക്കാനുള്ള ചില മാധ്യമങ്ങളുടെ ശ്രമമാണ് ഈ അസത്യ വാര്‍ത്തകള്‍ക്കു പിന്നില്‍. ചില ടാബ്‌ളോയിഡു പത്രങ്ങളാണ് എന്നെയും വിജയേന്ദ്രയെയും ചേര്‍ത്ത് ഗോസിപ്പുകള്‍ ആദ്യമായി പടച്ചു വിട്ടത്. ചാനലുകള്‍ ഇതേറ്റു പിടിക്കുകയായിരുന്നു.

കണക്കില്‍പ്പെടാത്ത സമ്പത്തുള്ള വിജയേന്ദ്ര എനിക്ക് വീടും കാറുമുള്‍പ്പടെയുള്ള പ്രണയസമ്മാനങ്ങള്‍ നല്കിയിട്ടുള്ളതിനാലാണ് എന്റെ വീട്ടില്‍ സി.ബി.ഐ.റെയ്ഡ് നടത്താന്‍ പോകുന്നതെന്നാണ് .ചാനലുകളുടെ ആരോപണം. ഇതെല്ലാം പച്ചക്കള്ളമാണ്. വീടും കാറുമെല്ലാം സമ്പാദിച്ചത് ഞാന്‍ അദ്ധ്വാനിച്ചാണ്. നാലു തെന്നിന്ത്യന്‍ ഭാഷകളില്‍ തിരക്കുള്ള നടിയാണിന്ന് ഞാന്‍. എന്റെ വിജയത്തില്‍ അസൂയയുള്ള ചിലരാണ് എന്നെ തകര്‍ക്കാന്‍ മനപൂര്‍വ്വം ഇത്തരം തെറ്റായ വാര്‍ത്തകള്‍ കെട്ടിച്ചമച്ചുണ്ടാക്കുന്നത്.” ഹരിപ്രിയ പറയുന്നു. റിലീസാകാനിരിയ്ക്കുന്ന ജയറാം ചിത്രമായ തിരുവമ്പാടി തമ്പാനില്‍ ഹരിപ്രിയയാണ് നായിക.