على رصيف سكة 3

slumdog millionaire

2012-02-17T01:29:00.001+02:00

slumdog millionaire

مهما حدث بينكما , فاعلم ان اخيك الاكبر موجود دائما ليحمي ظهرك

2012-02-15T12:15:00.002+02:00

أهلا يا بكوات - وداعا يا بكوات by لينين الرملي
My rating: 2 of 5 stars

الجزء الاول مش محتاج تعليق , معظمنا شاف العرض, مع اني شايف انه يعيبه شوية تحامل - مع العلم ان وجهة نظره صح - , الجزء التاني للاسف مغرق في الكابوسية و لو انها مختلفتش كتير عن معظم الروايات اللي بتدور احداثها في المستقبل.
التجربة كلها لا باس بها و لو انها مش اروع اعما للينين الرملي

View all my reviews

ضعف ايمان

2012-02-08T00:33:00.001+02:00

خريطة لاتفاقية سايكس - بيكو التي يحلو لمدمني نظرية المؤامرة لاستخدامها و توجيه الاتهام ادول الغرب بدلا من توجيه الاتهام لبعض العرب و
المسلمين الذين ضحوا بكل شيء ليصبحوا ملوكا و حكام.

كالعادة تنتشر نظريات المؤامرة في بلادي...

فنادرا ما يتحدث احدهم اليوم دون ان تجد في كلامه مصطلحات " امريكا - اليهود - الشرق الاوسط الكبير - التقسيم - جورج سوروس - العميل - مخطط - الصليبي الخ الخ الخ..."

طبقا لهذا الكلام فنحن دواجن نساق الي طريق محدد سلفا , من قبل بشر مثلنا , نحن نعرف الي اين يريدوننا ان نتجه , لكن ليس بيدنا شيئا نفعله, الا ان سمع كلام فلان , الا ان نجتمع خلف الزعيم , الا ان نتحد خلف قاهر الصليبيين , لا يهم ان كان فاسدا او فاسقا , فالاجتماع خلفه هو ما سيقهر مخططات العدو.

الحديث عن نظريات المؤامرة ينبع من ضعف الايمان بالله , في عقيدتي انت تؤمن ان مصيرك بيد الله , قدرك بيد الله لا بيد بشر , كيف يضع الناس بشرا ايا كانت قوتهم في مرتبة واحدة مع الله و التحدث بانهم هم من يديرون الكون؟ تسمع هذا الكلام و اكثر من اناس يفترض فيهم الايمان بالله - و لا اقصد الاسلام السياسي بل اناس مثلي و مثلك - .

الحديث عن نظريات المؤامرة يحمل ايضا ضعف ايمان بارادة البشر , استنكار ان تقوم ثورة بايدي اناس دون ان يكون هناك مخطط للتدمير , لا دخل هنا لظلم واقع عليهم , او فساد يعيشون فيه , لا بل هو مخطط لتفكيك الدولة, لا تصدق ان تقصيرا وقع من صاحب السلطة, بل هي مؤامرة من الاخرين, هي اذن هواية عدم الاعتراف بالخطا الذي هو نتيجة للكبر , و الكبر هو ضعف ايمان بالله.

نظرية المؤامرة و عدم الاعنراف بالخطا ظاهرة عالمية , ليست قاصرة علينا فقط, لكني اتحدث عن شاننا الخاص, نظرية المؤامرة في تاريخنا موجودة منذ الفتنة الكبري - التي فضلوا نسبها الي عبد الله بن سبا بدلا من الاعتراف بان هناك من اخطا- , ايماني بالله يخبرني اني اذا عزمت فاتوكل علي الله , هو وحده بيده النفع و الضر, لا يوجد بشري يستطيع ان يحدد مصيري, اختياراتي هي التي ترسم مستقبلي, الله كفل لي حرية الاختيار و علي ان اتحمل في النهاية مسئولية اختياراتي.

ايماني بالله يمنعني من تسليم اذني لنظريات المؤامرة..

عن أبي العباس عبد الله بن عباس رضي الله عنه قال كنت خلف النبي صلى الله عليه وسلم يوماً فقال "يا غلام , إني أعلمك كلمات : احفظ الله يحفظك , احفظ الله تجده تجاهك , إذا سألت فاسأل الله وإذا استعنت فاستعن بالله , واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعوا على أن يضروك بشيء لم يضروك إلا بشيء قد كتبه الله عليك , رفعت الأقلام وجفت الصحف "رواه الترمذي وقال : حديث حسن صحيح وفي رواية غير الترمذي " احفظ الله تجده أمامك , تعرف إلى الله في الرخاء يعرفك في الشدة , واعلم أن ما أخطأك لم يكن ليصيبك وما أصابك لك يكن ليخطئك , واعلم أن النصر مع الصبر , وأن الفرج مع الكرب , وأن مع العسر يسراً " .

بسم الله الرحمن الرحيم : "وَلَا تَزِرُ وَازِرَةٌ وِزْرَ أُخْرَىٰ ۗ ثُمَّ إِلَىٰ رَبِّكُمْ مَرْجِعُكُمْ فَيُنَبِّئُكُمْ بِمَا كُنْتُمْ تَعْمَلُونَ" الزمر - 7

بسم الله الرحمن الرحيم : " لَا إِكْرَاهَ فِي الدِّينِ قَدْ تَبَيَّنَ الرُّشْدُ مِنْ الغَيِّ"
البقرة 256

صدق الله العظيم.

كلمة اخيرة , المؤامرة متبقاش مؤامرة لو كل الناس عارفينها !!!!!

انصح بقراءة كتاب "اليد الخفية" ل د. عبد الوهاب المسيري

اللعب بالنار

2012-02-01T22:21:00.003+02:00

اللي حصل مش وليد النهاردة ..

ده نتيجة لعب بالنار , احباط عام علي مدار سنين خلي الهدف الوحيد اللي قدام الناس هو مرمي الخصم, تم اختزال الفرحة و الحزن و الامل و الياس في كورة, و لان ده ضد الطبيعة ده اللي كان لازم يحصل, اللي فشل في الحياة مش هيستحمل يفشل في اللعب , كام مرة اتكسرت اتوبيسات اللعيبة؟ كام مرة احتجزت الجماهير في الاستاد؟ بقاله سنين بيحصل و لسة هيحصل طول مالفشل محاصرنا في كل حتة.

اللي حصل مش وليد النهاردة..

المطلوب انك تلهي العبيد, اللي مش فارقة يموتوا في قطر و لا في استاد, احنا عبيد بيتم تدجينهم عشان السادة يقدمونا قرابين علي مذبح السلطة, قرابين للعرش, عشان كام نفس زيادة عالكرسي مش مهم كام روح تنتهي, لحد امتي هيتم التضحية بينا؟ لحد امتي هنفضل عايشين في عشة فراخ , بندعي ربنا ان الدور ميبقاش علينا في الدبح؟

اللي حصل مش وليد النهاردة..

بس الحقيقة اللي بتوضحلي كل يوم , ان النهار عمره قصير و مفيش غير الضلمة هي اللي بتسود, و اللي بيلعب بالنار للاسف مش بيتحرق بيها, احنا بس اللي بنتحرق, و شرير الفيلم مبيموتش في الاخر, و الدنيا في صف القوي بس , لا تحلموا بغد جديد , لا تاملوا في غد جديد, الغد الجديد هو زميل الرخ و الغول و الخل الوفي..

اللي حصل مش وليد النهاردة..

اللي حصل ده عجوز شريرة بتسمنا عشان تاكلنا بكرة عالغدا و مفيش امل تموت قريب, يا تري مين القربان اللي جاي؟ مين الحطب اللي هيولع الاتون؟

طول ما في اسياد هيفضل في عبيد, وطول ما في كهنة هيفضل في قرابين.

عيشوا يا اسيادنا, بس امانة سيبوني فترة اطول في العشة, لسة عايز اكاكي, متضحوش بيا دلوقتي.

مفيش امل ... بح خلاص

العلم

2012-01-25T14:41:00.001+02:00

اكتب هذا المقال لان اصواتا خرجت تطالب بالاقتضاء بليبيا و العودة الي استخدام علم مصر في الحقبة الملكية....

ليبيا غيرت علمها لانه من شطحات شيزوفرينية لشخص مختل , لم يضع رمزا لبلده لانه كان هو الرمز, بالاضافة لذلك فان علم ليبيا الحالي مشتق من الوان علم الثورة العربية , الاحمر و الاخضر و الاسود.

علم الثورة العربية

علمنا الذي لا يعجب البعض انتشر علما لدول عربية (سوريا و اليمن و السودان و العراق) - بل لدول افريقية (علم بوركينا السابق من 1960 الي 1984) , كيف نغير رمزا يظل هو الوحيد حتي الان الشيئ الذي يوحدنا؟؟

ارفض بشدة ترك العلم الذي حفرت الوانه داخل قلبي و قلب غيري , علم كان يزين الميدان , و زين قبل ذلك سيناء , لا انسي مشاعري و مشاعر غيري كلما راينا العلم في ايدي الظالمين و كان قلب كل منا يصرخ "انتم غير جديرين بذلك العلم, انه علمنا نحن.."

لا يجوز ان ندعي ان هذا العلم يرمز للطغيان ثم نطالب بعودة علم طاغية اخر..

للقراءة عن تاريخ العلم المصري

كلمة اخيرة , اذا كان لابد من تغيير العلم فيجب تغييره - هو و النشيد الوطني الممل - الي اخرين جديدين تماما يعبران عن جيل جديد, فلن نظل اسري لخيالات المومياوات التي تظن ان الحكمة ملكها وحدها...

المسئول

2012-01-18T09:31:00.001+02:00

كتبت بتاريخ 5-6 -2009

الطريق اتسفلت...
و قصاري الزرع اتحطت....
القبة اتغسلت...
الشوارع اتفضت...
الدنيا بقت عاملة زي اعلانات جهينة...
لذيذة و جميلة راااااااااااااااايقة...
الكلام ده كله بنشوفه امتى؟؟؟؟ لما وزير الصحة بيزور مستشفى , لما وزير التعليم يزور مدرسة , لما محافظ يلف في المحافظة ,يعني لما مسئول يزور المسئولين منه.
تخيل لما كل ده يحصل و فوقيه الناس تتحبس في بيوتها , ميخرجوش , ميفتحوش شبابيك , يا حبذا مبتنفسوش كمان , تفتكروا لمين؟؟؟؟
للمسئول عنا طبعا , حاكم العالم كله , سيد امريكا و رئيسها , عشان جاي يقولنا نعيش حياتنا ازاي , و نقاوم عدونا ازاي, و ازاي نحترم "الاقليات" !!!! ده احنا مفيش حد فينا يجروء يقول عالمسيحيين اقلية , لان الطبيعي انهم مصريين زينا , و اللي غايظني ان في مسيحيين فرحوا ان سيرتهم جت في الخطاب مع ان اتقال عليهم اقلية!!!!!.
اول مرة احسن بالهوان كدة , ان احنا مالناش قيمة و لا وزن , بسبب مطبلاتية شايفين ان امرنا بايد غيرنا مش بايدنا.
اول مرة احتقر صحفيين الجرايد الرسمية...
اول مرة احس ان الناس صغرونا اوي...
في كتير لما قلتلهم كدة قالولي يعني يجي يشوف البلد مش نضيفة؟؟؟
طب يعني هو احنا اللي حرام فينا النضافة؟؟؟ صور قصاري الزرع و هي بتتشال لما مشي ماستفزش حد غيري و لا ايه؟؟؟
حد قرى ان السعودية رفضت ان الخطاب يبقى فيها؟؟ يعني احنا كنا الاحتياطي بتاعها..
حاجة اخيرة: حد خد باله مالمنصة اللي اوباما كان بيتكلم منها؟؟؟؟
كان عليها شعار امريكا
لا تعليق

الكاهن و المصارع و مهرج الملك

2012-01-13T00:10:00.000+02:00

احترت , ماذا اكتب تحت هذا العنوان؟

اسالوا راسبوتين لماذا ثارت روسيا

فالكاهن يحتكر العلاقة بين العبد و ربه , فهي يجب ان تمر من خلاله او بطريقته او هي علاقة فاسدة, و علاقته بالدولة ازلية, فمتي وجد الملك , وجد المذبح , وجدت القرابين , و وجد الكاهن الذي يجمع هذه القرابين من الفقراء....

اينما وجد القيصر , وجد راسبوتين.

Listen to me. Learn from me. I was not the best because I killed quickly. I was the best because the crowd loved me

و المصارع , ذلك الذي يبهر الناس ,اصدقاؤه ماله و اذرعه و سيقانه, و ما سوي ذلك هراء, يخسر فقط عندما يستخدم عقله, فهنالك دائما من يفكر نيابة عنه , مدرب او وكيل اعمال , ولاؤه دائما للحاكم, و لم لا و هو ينتطر دائما الاشارة من يده ليجهز علي خصمه, الطاعة هي طريقه للنجاح .....
للاسف ليسوا كلهم اسبارتاكوس

"الملك لير و المهرج في العاصفة" - ويليام دايس

و مهرج الملك - و هو اكثرهم الوانا و تلونا- هو الوحيد المسموح له انتقاد الملك و السخرية منه, يحبه الناس لحكمته التي تقطر من فمه و الاعيبه و مسرحياته المرحة حينا و الحزينة احيانا اخري, و لكنهم دائمي النسيان انه في النهاية ...... مهرج , مهرج الملك عند الجد هازل, يسخف الحقيقة , يحقر من الراي الاخر, فمن ذا الذي ياخذ رايا من مهرج؟

في مسرحية الملك لير , ماتت جميع شخصيات العمل, اثنان فققط لم يموتا , الملك الجديد.... و مهرج الملك لير

كما قلت في البداية, احترت ماذا اكتب عن هذه الشخصيات حولنا, الا ان هنالك جملة تتردد في ذهني عندما اراهم....

"الله يلعن ابو اللي خلانا نستني راي في الحياة من كاهن او من مصارع او من مهرج!!!!!!"

قولوا امين

الخطر

2011-12-18T11:06:00.001+02:00

ركز و فوق و اصحى من الجمود

بص حواليك , متسمعش من شهود

شغل دماغك و اسمع نبض قلبك

ده لو قلبك كان لسة له وجود

حتى لو غمضت عينيك

الخطر لسة موجود

الخطر مش عالحدود

الخطر مش بس في الجنود

الخطر خوف.. جوانا مولود

هتوئد خوفك

و لا هتفضل يا صاحبي موؤد؟

افيقوا

2011-12-17T23:22:00.001+02:00

انفضوا الغبار عن عقولكم, استشيروا ضمائركم التي خاصمتوها لسنين, اهدموا القواعد الهشة التي نشاتم عليه, ان لم توقظكم تلك الصورة, ان لم ترعبك تلك الابتسامة العابثة علي وجه ذلك الكائن, فما الذي سيوقظكم بعدها.
اليوم فعلوها في الشارع غدا يدخلون علينا بيوتنا.

العبث يعيش فينا

2011-12-12T15:58:00.000+02:00

ما بين نظرية الجوهري و امن يقتل ابناء وطنه و شعب لا يتعاطف مع من هو مختلف عنه و
سهولة تكفير الاخرين , و قيم اهدرت على يد من يدعي الدفاع عن القيم
هل حقا نحن بشر؟ انه العبث الذي اتحدث عنه

قبل و اثناء و بعد الانتخابات, تولد لدي شعور قوي بالعبث الذي نعيشه, فكل ما حولنا يدور في نفس الدائرة , ليعود الى النقطة صفر.

من كل العبث حولي تولد لدي سؤال, هل العبث تصنعه ايدينا, او هو يعيش في داخلنا؟
ما ادونه اليوم هو سيل من الافكار التي تولدت عندي في الفترة الاخيرة و التي لا استطيع كتمانها داخلي اكثر من ذلك....

- نعيش في مجتمع من الصم و العميان و فاقدي الزمن و فاقدي الوعي و فاقدي الاحساس, و في حين نتعلم منذ الصفر ان لنا خمس حواس, ارى ان الجميع تضائلت حواسه لتصنع حاسة جديدة مكونة من الاذن و الفم و الحنجرة, فاصبح الادراك لا يحتاج الى عقل بل يحتاج الى اذن , و بعد الادراك ياتي تكوين الراي عن طريق الحنجرة التي كلما انتجت صوتا اعلى اصبح الراي اصح , لنصل في النهاية الى اللسان الذي يردد الراي الذي ادركته الاذن و صنعته الحنجرة.

- من منا يحتكر الحقيقة؟ و من منا يحتقرها؟

- في بعض الاحيان ادى بي الكبر ان اخسر اشياءا مازلت اندم عليها الى الان, تعلمت بالطريقة الصعبة ان السبيل الاول لاصلاح الخطا هو الاعتراف به, فمهما ظننت اني "واعي محدش يعرف يضحك عليا" او "عارف مصلحتي فين" لكن في النهاية ان لم اواجه اخطائي ساظل في هبوط.
تعلمت ذلك من شعبي العظيم.

- هل يصبح الخطا صوابا اذا مارسه الاخرون؟ هل حقا الغاية تبرر الوسيلة؟ افهم ان التاريخ كتبه المنتصر , و ان اخطاء المنتصر تنسى و تبقى فقط "حجة البليد" , لكن ما قيمة الاخلاق او القيم اذا ظلت تنتهك باستمرار باسم الوصول لهدف اسمى؟ لماذا اذن تعترضون على داروين؟, فهو اول من قال بالبقاء للاصلح!!
عندما يصبح دفاعك عن المخطيء ان غيره يفعل ذلك, و انه ان لم يفعله فسيفعله اخرون, اعلم انك فقدت جزء من روحك.

- ان تفقد قدرتك على ان تتعاطف مع انسان فقد حياته او حريته او جزء من جسده لمجرد انه يختلف عنك , فاعذرني, انت لم تمتلك روحا من الاساس لتفقدها.

- دليلي على ان من كفر نجيب محفوظ لم يقرأه الا بغرض الترصد و التصيد, هو ان توفيق الحكيم - و هو كاتبي المفضل- له العديد من الاعمال منها ما كان يفترض فيه تناسخ الارواح و ايضا سليمان الحكيم التي تتحدث عن سيدنا سليمان و غيرها كثير من الاعمال التي لو قراها - اياهم - لكفروه , و يوسف السباعي له رواية "نائب عزرائيل" و التي تحدث فيها عن انسان اخذت روحه بالخطا, بل ان في تراثنا قصة "حي بن يقظان" التي تطرح اسئلة للنقاش حول الانسان, انا لا ادافع عن احد - اقرا الان اولاد حارتنا حتى احكم عليها بنفسي- و لكن لم الترصد به؟ و لم اتهامه بالكفر؟" بالبلدي كدة اشمعنى هو؟؟"
ملحوظة لا ادري اين اضعها في الفقرة السابقة : نجيب محفوظ هو المصري العربي الوحيد الحائز على نوبل للادب!!!

- كلنا مصابون بمرض "الحكمة باثر رجعي" , كان يخبرك اخوك المقيم معك في نفس الغرفة بان نومك بدون غطاء هو سبب اصابتك بالبرد, عرفت ذلك بعد ان رايت الاسبوع الماضي مقالا يتداول على الفايس بوك ل"علاء الاسواني" يعود تاريخه ل اغسطس يشرح فيه كيف ستفشل الثورة بسبب المجلس العسكري, جميل ان يعرف الناس قيمة المقال بعد 4 شهوربعد ان فات الاوان.

- لقاء الامريكان للاسلاميين نصر من الله - بافتراض ان اللقاء جديد- , سفر اسماء محفوظ و احمد ماهر لامريكا بدعوة لالقاء محاضرة ... عمالة, "يكفي الاخوان شرفا ان اسرائيل لا تريدهم حكاما لمصر", اسرائيل تنتقد البرادعي حتى تحسن صورته امام المصريين.
حدثوني ثانية عن ازدواجية المعايير و الاضطهاد و تزييف الحقائق.

- في وقت ما , كان الجوهري جاهزا دائما لقيادة المنتخب , يترك المنتخب ليعود اليه, في كل مرة يتركه ينطلق النقاد لينادوا بعودته , حتى اذا عاد تذكروا اخطائه مرة اخرى, لم ينطلق المنتخب الا بعد ان تولى قيادته وجه جديد -حسن شحاتة و معه شوقي غريب- بفكر مناقض تماما لفكر الجوهري , فمن طريقة الجوهري - اعملوا حيطة- و التي لم تكن تعترف بمهاجم في مصر الا حسام حسن حتى بعد ان بلغ الخامسة و الثلاثين, الى طريقة حسن شحاتة التي اصبح المنتخب يتغلب بها على كوت ديفوار 4 - 1.
الجوهري تاهل بالمنتخب لكاس العالم و حاز على لقب الامم الافريقية 98 "يعني الناس معذورة لما تطالبه يرجع تاني" , لكن ما هي انجازات الجنزوري حتى يعود بعد 12 سنة من وزارته الاولى ؟؟
قال المتنبي :

أكُلّمَا اغتَالَ عَبدُ السّوْءِ سَيّدَهُ	أوْ خَانَهُ فَلَهُ في مصرَ تَمْهِيدُ
صَارَ الخَصِيّ إمَامَ الآبِقِينَ بِهَا	فالحُرّ مُسْتَعْبَدٌ وَالعَبْدُ مَعْبُودُ
نَامَتْ نَوَاطِيرُ مِصرٍ عَنْ ثَعَالِبِها	فَقَدْ بَشِمْنَ وَما تَفنى العَنَاقيدُ

انه العبث الذي اتحدث عنه, الذي يجعلنا و نحن عام 2011 يحق فينا ابيات قيلت في نهاية الالفية الاولى.

العبث الذي نعيش فيه
و يعيش فينا.

رسائل عن زمن العزة

2011-09-23T22:02:00.001+02:00

ظلام ظلام ظلام .....
عشنا في يأس و في ظلام
انتظرنا الامل في قطرة ندي
في هبة نسيم
او من ثقب في جدار
كنت صغيرا
حكوا لي عن ضوء
عن نهار
عاشوا فيه عزة
وبدأوا فيه حلما
انهار
........
ظلام ظلام ظلام
بالامس.. سمعت ممن اعتاد الظلام
سبابا لذلك النور
يلومونه ... يصمونه
قالوا قاتل
ظالم.. طاغية ... جبار
اسمع باذني مديحا في الخونة
و في العبيد و في الخصيان
و اسمع باذني انتقاصا من ذاك النهار
لا اصدق ان نورا يرونه اسوء من الظلام
فالنور نور و لو احترقت به الفراشات
.......
و اليوم في الفجر
و مع اول خيط من ضوء
تذكرت الامل
- قاتل-
قال ذلك الفلاح "كان حانيا"
-ظالم-
قال هذا العامل "كان مكافحا"
-طاغية-
قال ابي "كان بطلا"
-جبار-
رايت ذاك الثائر في اليمن
يرفع صورته و يهتف
"لن ننكسر .. اما نموت
او ننتصر"
......
منه تعلمت
ان شعاع من النور لا يبدد الظلام
انما تبدده شمس او حقيقة
او انفجار

father and son

2011-08-17T23:58:00.001+02:00

الاغنية دي علي طول بحس انها بتعبر عني

انا بهدي الاغنية دي لكل اب او ام شايفين "بتوع الثورة" عيال قليلة الرباية

الاغنية اسمها father and son و المطرب اسمه "يوسف اسلام" او cat stevens

ده لينك عن المطرب في ويكيبيديا

و ده لينك عن الاغنية في ويكييديا

يا رب الاغنية تعجبكوا
و علي فكرة , الراجل ده سلفي و لسة بيغني :))

عن الشعب المصري .... اتكلم

2011-08-15T03:21:00.001+02:00

قال عنه احمد شوقي "اسمع الشعب كيف يوحون اليه

ملأ الجو هتافا بحياة قاتليه

اثر البهتان فيه و انطلى الزور عليه

ياله من ببغاء عقله في اذنيه"

قال عنه المتنبي " اغاية الدين حف شواربكم يا امة ضحكت من جهلها الامم"

سبحان الله، قصيدتان في عصرين مختلفين ، تتحدثان عن نفس الشعب ، و تصمانه بصفات مازالت فيه بالرغم من مرور قرون و قرون.

صراحة جعلتني الثورة افتح عيني على اشياء كنت اتجاهل التفكير فيها عن عمد، عن صفات الشعب المصري ، عن خدعة عشت فيها حتى الان ٢٤ عاما من عمري ، الشعب المغوار الطيب المضياف الكريم الشهم العريق مهد الحضارة و قاهر الغزاة، اقول اكتشفت اننا عشنا في وهم كبير و اعطينا نفسنا حجما اكبر مما نستحق.

اريد ان اتحدث عن التاريخ و كيف تقلب الشعب مع كل الغزاة و الفاتحين، فمن عبادة رع، لعبادة امون ، لعبادة اتون ، ثم امون مرة اخرى ، ثم الاسكندر ، ثم سيرابيس، ثم المسيحية، ثم الاسلام، ثم المذهب الشيعي ، ثم المذهب السني مرة اخرى ، اي الايمان بما يؤمن به الحاكم ، ثم يقولون شعب متدين!!!!!!!!!!!!!!

و ايضا شعب فعل ما لم يفعله شعب اخر في التاريخ ، قمنا بثورة ثم سلمنا حكمها لاجنبي!!!

قام عمر مكرم بالثورة و سلم الحكم لمحمد علي

ايضا يثبت التاريخ اننا شعب تقدمي ، فقد حكمنا عبيد - مثل كافور الاخشيدي و من بعده المماليك- ، و ايضا حكمتنا المرآة - حتشبسوت و شجر الدر- ، و اثبت ايضا اننا شعب مضياف، جاء الاسكندر غازيا فاصبح الها للمصريين!!!!!!

يقولون مهد التاريخ و اصل الحضارة ، متناسيين حضارات اخرى، بلاد الرافدين التي بدا فيها التاريخ عام ٥٣٠٠ ق.م و قدمت اول تشريع مكتوب في التاريخ، و الحضارة الفينيقية التي قدمت اول ابجدية، اي اننا لم نكن وحدنا صناع الحضارة.

اما اننا مقبرة الغزاة ، فان الغازي الوحيد الذي كنا مقبرة لها كان الاحتلال الفرنسي، الذي لم يستمر سوى ٣ سنوات، و كان ذلك بفضل انجلترا التي دمرت الاسطول الفرنسي في خليج ابو قير ، اما باقي الغزاة فحدث و لا حرج ، كل غاز استمر ما لايق عن قرن من الزمان، راجع "لستة" الغزاة هكسوس و فرس و اغريق و رومان ، ثم مغاربة فاطميين و صليبيين اوروبيين و اتراك و انجليز ، قسمهم على تاريخ مصر و قل لي كيف نكون مقبرة للغزاة ، اللهم الا اذا كان المقصود ان الغزاة يظلون بها حتى يموتوا "موتة ربنا"!!!!!

هذا التاربخ ، فماذا عن الحاضر؟؟

اننا بكل فخر....

شعب تصيبه كلمة حقوق انسان بالحساسية، و يكره من يتحدث عنها، و يخون من يطالب بها

شعب يخشى المجهول و يعشق الوضع الحالي حتى تكلست اطرافه و اصيب بالتخشب الرمي

شعب لا يعرف عن الحرية الا الفوضى ، لا يعرف الا تاليه الحاكم، لا يعرف الا الدفاع عن من يجلس على العرش، يدمن الركوع و لا يحب من يرفع قامته عاليا.

و لا يرى في المظاهرات -التي تطالب بحقوق بديهية وصل اليها العالم من مئات السنين - لا يري فيها الا تخريب للبلد

شعب لا يحب التخطيط ، يعيش اليوم بيومه، فاذا اهتز العالم من حوله صرخ بفزع ، و ظل يبكي على غد لم يات بعد ، و اقتصاد لم يقم بعد

شعب يحب ان يستعلي على الاخرين، فهؤلاء بدو متخلفون ، و اولئك غربيون انجاس، و هؤلاء افارقة اكلة لحوم بشر،هذا فلاح ، و هذا صعيدي، ينتقد اليهود و لكنه في نفس الوقت يظن انه شعب الله المختار!!!!!

ترى ما نحن؟؟؟

نحن شعب راكد في وسط عالم راكض

شعبي الحبيب الصبور المهاود المطرمخ ،اريد ان اشارككم حقيقة اكتشفتها بعد ٢٤ سنة - حتى الان-

نحن شعب نكرة ، و صراحة تستحقون ما تعيشون فيه

وطني حبيبي الوطن الاكبر..

اريد بيننا علاقة منفعة متبادلة ، تعطيني قدر ما اعطيك لا اكثر و لا اقل، ارفض ان اعيش في ظل سراب لاكتشف اني اصبت بضربة شمس، ارفض ان اعيش بدون احترام الاخرين لي، وطني ليس لنا سوى بعضنا، لا انفصام بيننا، احترمني احترمك.

الى ذلك اليوم.....

شعار لحقوق الانسان

2011-06-22T14:39:00.008+02:00

اللوجو بيعبر عن حق الانسان في الماوى , لانه في رايي اهم حق من حقوق الانسان , تخيل نفسك هندك الحق في الغذاء , العمل, الراي, لكن معندكش منزل او ماوى

اهمية الماوى في رايي انه بيوفر الامن اللي بالتالي بيوفر باقي الحقوق, و لينا في المعتصمين بتوع مخيمات السلام دليل, و المشردين في كل مكان, و اللاجئين, كل دوا بياكلوا و بيشربوا , لكن بدون ماوى كل ده من غير اهمية.

اللوجو عبارة عن رمز للانسان مكون من لونين,اللون الثانوي بيرمز للظل اللي بيوفره الماوى اللي هو في نفس الوقت الامان, و الشكل المحيط بالانسان بيعبر عن الماوى.

في النفس الوقت اللوجو عبارة عن دمج لحرفين H , R

و هما اول حرفين من حقوق الانسان بالانجليزي

human rights

لو اللوجو عجبك خش عاللينك و صوت ليه

صفحة اللوجو عالموقع

مستني الاراء و عايز اللي قرا يفتح نقاش معايا

نيل و بترول و عروسة

2011-06-10T02:26:00.002+02:00

فيلم عروس النيل ، انتاج ١٩٦٣....

في نفس السنة تم انتاج افلام زي ام العروسة ، عائلة زيزي ، صاحب الجلالة ، الباب المفتوح ، الايدي الناعمة ، الساحرة الصغيرة، النصر صلاح الدين، الليلة الاخيرة......

يعني سنة مليانة افلام حلوة جدا مع ان عدد السينمات قليل جدا، مش هتحسوا بالفرق غير لما تيجوا تدوروا على فيلم تخشوه سينما دلوقتي و تلاقوا صرخة نملة و سامي اوكسد الكربون؟؟؟؟

نرجع للفيلم..

الفيلم من اكتر الافلام اللي بحبها، لانه من الافلام القليلة اللي فالسينما اللي ممكن نصنفها على انها فانتازيا , فيلم كوميدي خفيف بس فيه فكرة مهمة، مهندس بترول بينقب في منطقة اثرية ، و هنا السؤال.....

هل عشان نتقدم لازم ندوس عاللي فات؟

هل عشان نتقدم نستغنى عن ماضينا؟

الاجابة كانت في مشهد في الفيلم ، لما كان البطل و البطلة قدام الهرم الكبير ، و البطل بيتكلم عنه باستنكار لانه رمز للسخرة و البطش، في حين ان البطلة - صوت التاريخ- بتقوله ان الهرم كان حل لشكلة البطالة، و المشهد اللي بعديه على طول كانوا في مصنع سيارات، ده الهرم اللي كانوا بيبنوه ساعتها ، مش سخرة و مش بطالة، دي ناس عايزة تبني حضارة جديدة تعتبر الامتداد الطبيعي لاعظم حضارة في التاريخ.

الرسالة اللي الفيلم عاوز يقولها، المستقبل لازم يتزاوج مع الماضي، مينفعش نتنكر لماضينا بالعكس، احنن ناخد منه عشان نبني لقدام.

ده سبب من اسباب حبي للفيلم، في سبب تاني و تالت و رابع ، هلخصهم في النقط دي...

- مصر في الستينات، حلم على مشارف انه يتحقق، كل الناس عندها امل في بكرة، مصانع و شوارع ، سفن في النيل، تصميمات لو كوربوازيه و الباوهاوس في كل حتة، ميدان رمسيس قبل كوبري ٦ اكتوبر، حلم مكملش للاسف ، رشة ملح بوظت التورتة كلها، ياه يا ناصر لو كنت طبقت الديمقراطية ، كان الحلم هيكمل و كنت هتمنى اعيش في عصرك على طول و مكانش حد استجرى يقول عليك كلمة.... يالا الله يرحمك.

- محدش طلع كفر صناع الفيلم لانهم بيقولوا اتون اله الشمس!!!!!

- استعراض عروسة النيل...... معنديش كلمة اقولها عالابهار ده، هل في حد يجروء يعمل استعراض زي كدة دلوقت؟؟ هو ده الفرق بين سينما و بين تهجيص.

- لو افترضنا ان الناس بتعرف المجتمع من الافلام بتاعته، يبقى اقدر اقول ان افلام الاربعينات و الخمسينات كانت عن طبقية المجتمع، و افلام الستينات عن مجتمع عنده حلم بيسعى لتحقيقه، فبعد كدة افلام السبعينات بتعبر عن ناس هايفة، و التمانينات عن ناس مدمنة و التسعينات عن مجتمع اللي بيحبوا و يتحبوا فيه فوق السبعين، و الالفينات عن الجنس فقط لا غير، يا ترى زي مانا بقول لوالدتي دلوقتي ايامكوا كانت حلوة قوي - بناء على الافلام بتاعة وقتها- ، يا ترى ابني هيقولي بابا انتوا كنتوا عايشين في عشش صفيح و بتعملوا قلة ادب؟؟؟؟؟؟؟

ربنا يستر.

- ساعات بحس ان مخرجين الفترة دي مكشوف عنهم الحجاب، و الا تفسر بايه مشهد النهاية ، اللي فيه خبير الاثار بيضحي بكل مبادئه ، و كل اللي اتعمله ، عشان يعلن عن اكتشاف البترول؟؟؟

هم عرفوا منين ان البترول هيخلينا كدة؟؟؟

كابوس

2011-03-11T03:38:00.000+02:00

اعتراف...

اينما اسير يحل الظلام..

تذبل الورود

يبكي الاطفال...

انا العهر ادنس البراءة

اقتل - بالليل - ضوء النهار

اخنق ضوء الشمس بالغبار

و اخفي الامل في اعماق الارض البور

لا بذور ....

و لا اشجار

لا تقاوم

فانا امتلكك ... احتويك

امسك بناصيتك

اشقيك

انا حولك

تتنفسني مع هوائك

و تتجرعني مع الامك

لا مناص و لا هروب

لم ينج مني رجل

لم يهرب مني عصفور

انا الاسود انعق

انا نذير شوم

انا قاتل الانبياء....

من بشر بالنور

انا اصنع زمنا....

يتخذ فيه الناس الظلام

مذهبا...

و عقيدة

انا اقتل الحب

احرق الحياة

و اهدم البيوت

لن تستطيع ان تبتعد

فانا انتظرك اخر اليوم

عندما تاوي لفراشك بعد يوم طويل

اجثم على صدرك و اقتل احلامك

فاحلامك تولد لتموت.

اتهام:

لم تسفهون احلامي

احلامنا تولد و تنمو و تعيش و تتنفس و تكبر

و تقتل!

فلم لا يستحق قاتل الحلم

ان يعدم؟

ابدا حلمي لن يموت

لن تحطموني و امالي

انا احب

اعمل

احلم

احلق

ابدع

افكر

احلم

انا.... احيا

نعم

احلامي تولد....

لتحيا

اسف

2011-02-11T03:03:00.005+02:00

اسف لست حبي
لست عشقي
لست ضعفي
احبك قدر ما تعطي
"اني اعطيت ما استبقيت شيئآ"

لست حبي لست عشقي
لست امي
لست ظهري
ليس فيك حتى ارضي
فيك امتلا شبابي شيبا

في اولوياتي اصبحت الاخيرة
اليوم احبك قدر ما تعطي....
فقد اعطيت ما استبقيت شيئا

الصورة من موقع اخبار اليوم

الدنيا فيها كام بلياتشو؟

2011-02-11T02:31:00.002+02:00

"انا اهم واحد في السيرك ده، انا..... البلياتشو"

الصورة : شكل صلصال من تصميمي

يللي بتحلم!!

2010-07-19T01:16:00.010+03:00

احلم تطير وسط الصقور..
تلف البلاد و تعبر بحور..
تنقذ الاميرة من البرج المسحور..
و تمتلك اراضي وعبيد و قصور..
حقك تحلم و لو بعد حلمك تثور..
بس و انت بتحلم افتكر..
انك فارس اعرج , بحصان حلاوة,
و سيف مكسور..

الصورة: كاريكتير من رسمي

انسان

2010-04-13T15:01:00.003+02:00

غدي ينتظرني
ايام كلها لي
غدا املك المال
غدا ارى الدنيا
غدا احكم الكون
و تعشقني الف جميلة
فمتى يأتي غدا؟؟
غدا؟؟ متى يكون؟

**************
اليوم اعشق و احب
اليوم زفافي
لست بحاجة لالف جميلة
تكفيني احضانها
لست بحاجة للمال
يكفيني قوت يومي
لا اريد ان ارى الدنيا
فانا اراها في عيونها
لا اريد ان احكم الكون
يكفي ان اصبح رجلها
اليوم؟؟ كم اتمنى ان يطول

*****************
ولدي..اعرف فيم تفكر
غدك ينتظرك
ايام كلها لك
غدا تملك المال
غدا ترى الدنيا
غدا تحكم الكون
و تعشقك الف جميلة
تتسائل
غدك متى يكون؟؟
اجيبك انا
ان هذا غد لن ياتي
فمثلنا يعيش مثل ابيه..
و مثل ابيه يموت.

نل ما تستحقه...

2010-03-28T22:21:00.006+02:00

الرعد آت فسد اذنيك
اغمض عينيك
لا نفع لاجنحتك الان
في داخلك كنت تعرف
انه ات اليك
فلم الان تفتح عينيك؟
صعقهم
واحدا تلو الاخر
احرق ارضهم
فلم تتوقع مصيرا اخر؟
غدا يأتيك
اليوم يأتيك
الان يأتيك
الان تتمنى لو عاد الزمن
لو اتتك فرصة لتفتح عينيك
لتفتح صدرك
و تفرد جناحيك
تشمر ساعديك
عنهم تمنع الرعد
تبقيهم بجانبك
تحت ناظريك
لكنك نسيت او تناسيت
ان الصواعق لا تضرب مرتين
فاليوم تاخذهم
و غدا تضربك
بين عينيك

بيتها..

2010-02-28T13:00:00.002+02:00

من السماء نزلت قطرة
مسحت جبينها الوردي,
توالت القطرات و احترت,
اهي امطار؟
او هي تبكي؟
******************************************
تنظر الى اعلى
و انظر معها
-ما بك؟؟
-خرجت من بيتي
و لا استطيع العودة
-و اين بيتك؟
-تلك الحجرات, بالاعلى ناحية اليسار
-و لم خرجت؟
-كنت غبية,
ظننته لي للأبد,
ظننتي امنة به للأبد,
ظننت اني ساقضي بقية عمري
في تلك الحجرات , بالاعلى ناحية اليسار...
-لماذا خرجت اذن؟
-ظننت اني ساعود اليه بسرعة..
و انه لن يجد ساكنا غيري..
فاذ به يفضل ان يبقى خاويا..
على ان يتحمل تقلبي و غدري..
- و مازلت تريدين العودة؟
-بعمري..
- و لم لا تبحثين عن اخر ؟
-لانه بيتي ,
اعرف انه لي,
و هو يعرف انه لي.
اتساعدني؟
-فيم؟
-في العودة
توسلت عينيها لعيني,
بربي ما هذه العيون؟
-ساساعدك
هاك اكتافي تسلقيها
هاك ذراعي تمسكي بها
هاك روحي
حلقي بها....
الى تلك الحجرات , بالاعلى ناحية اليسار...
******************************************
دخلت
لم تنظر لاسفل ثانية..
لم تشكرني,
لم تحدثني ثانية..
و تلك العيون,
لم ارها ثانية..
و الان اقف وحدي,
تحت المطر..
وحدي
لاعلى اطيل النظر..
وحدي
ابكي و انتظر
وحدي
هل يمر بي احدهم و يسالني ما بك
فاجيب..
سلمتها روحي و تركتني شريدا
ابحث عن منزل
عن حجرات , بالاعلى ناحية اليسار...
******************************************

تحريك.

2010-02-07T14:36:00.005+02:00

"تعالي هنا بقى!!!!
انا تعملي في كدة ؟؟؟ طب و الله لاوريكي, يالا , وشك في الحيطة و ارفعي ايدك لفوق, يالا متضيعيش وقتي, يعني ايه لا؟؟ انا محدش يقولي لا انت فاهمة؟؟؟ يعني اجي اخليكي ترفعيهم بالعافية ؟؟ طب اهه , مبسوطة كدة ؟؟؟ متجيش بالذوق انت صح؟
يالا روحي حضريلي الغدا!!!
برضة لا؟؟ مفيش فايدة يعني, طب انا هوريكي الكاراتيه بيطلعب ازاي!!!
طااخ طااخ
شفتي حتى مفيش نقطة دم واحدة نزلت, عشان تعرفي ان رايي فيكي صح طول عمري, شوفي انا بشيلك ازاي , شوفي بقى هرميكي ازاي من فوق العمارة.....
برضة مفيش حاجة بتاثر؟؟؟
انت فعلا بقى مش بني ادمة, لما نشوف دماغك ناشفة زي كلامك و لا ايه!!!
اخبط في الحيطة اخبط في الحيطة
هاهااااااااااااااااااااااااي
شكلك حلو و انت بتتضربي , هاه اسفة و لا لا؟؟؟؟
لا ؟
طب و الل.............."
"انت يا هباب البرك سيب الزفت اللي في ايدك و تعالى ذاكر للعيال"
"حاضر يا ملاكي!!!"
-ساعتها قام الاسد الهمام و قفل برنامج ال3d max وو منساش يحفظ الملف اللي عمل فيه character animation لمراته حبيبته , و منساش قبل ما يقفل يبص للشاشة و يقول:

"كل يوم من ده"

اسئلة

2010-01-06T16:00:00.005+02:00

قلبي يداري اسئلة
يحجبها لساني..
و لاننا انتهينا ...
ردي على قلبي اسئلته..
و ارحلي..

هل تحدثت بلغتي؟ هل ارتديت منظاري؟
و في ثنايا عقلك الصغير..
هل رتبت افكاري؟
هل باذني سمعت؟
و في منامتي نمت..
و حلمتي باشعاري؟
هل احببت ما احب؟ هل اشتهيت ما اشتهي؟
هل هربت من الظمأ و القيظ..
الى ظل جداري؟؟
هل غفرتي خطاياي؟
هل عندما رفضني الناس..
رددت اعتباري؟

هل كنت فارس احلامك
يصبح وجودي معك ابهى ايامك؟؟
ام تراني واهم ..
و عشت سرابا نسجته اذنابك؟؟
اذا كنت لم تشعري بعشقي لك ...
فكيف تشيرين الي باصبعك..و تصرخين "انت"
"انت قتلت حبي و افسدت نهاري"
اقولها لاول مرة .. لا
بل انت من قتلت الحب في قلبي..
و سممت آباري...

حصة العاب

2010-01-03T00:48:00.003+02:00

"مفيش العاب النهاردة"
اول حاجة سمعتها اول ما دخلت الفصل, كالعادة زي كل يوم طنشت طابور الصباح و تحية العلم و طلعت الفصل, لقيتهم قاعدين مبوزين, "خير يا جماعة؟" قالولي مفيش العاب النهاردة , "ميس منال خدت الحصة عشان تعملنا امتحان"..
نعم؟؟ يعني كمان في امتحان ؟؟ ده ايه الهم ده؟ و بعدين دي مش اول مرة , يعني احنا ساسا لينا حصتين في الاسبوع هي واخدة احدة منهم , و كل شوية تطلع بتلكيكة عشان تاخد الحصة, مرة متاخرين في المنهج,مرة عندكا تقييم , مرة عندكوا امتحان...
ويا ريتها ميس منال بس ده كل المدرسين على كدة, لكن اكتر مدرس بحبه كان استاذ البحطيطي لانه كان دايما معانا و مبيضربناش و كذا مرة و قف للست المفترية دي...
بس لا كدة كتير احنا من اول السنة مخدناش غير حصتين العاب.
-"يا جماعة لازم نتصرف"
بصولي مستغربين "هنعمل ايه يعني؟"
-"هو مين اللي عنده الحصة اللي قبل الالعاب؟؟"
-"ميس رشا, اشمعنى ؟"
-"احنا نتفق معاها تخلص الحصة بدري 5 دقايق , 5 دقايق بس ننزل فيها الحوش, انتوا عارفين ان مش رشا مبتحبش ميس منال و دايما معارضاها في كل حاجة"
-"يا ابني مش هترضى كل المدرسين زي بعض", " اخخخخخخخخ , خسارة ان استاذ البحطيطي لسة مجاش , كان خلصلنا الليلة دي"
-"عندكوا حل تاني اهو نجرب و خلاص"
-"و افرض ميس منال عرفت؟" "هتعرف منين؟"
-"طب خلاص روح كلمها"
عنها و رحت كلمت مس رشا و قالتلي خلاص و حسيت ان خطتي نجحت...
جت الحصة الموعودة , الساعة بتقرب من 11 ميعاد حصة الالعاب و كلنا مستنيين .
"ايه يا ميدو هي ليه غمالة تفتح في مواضيع جديدة؟"
فعلا دي مش شكل حصة هتخلص بدري خمس دقايق , درس يخلص تفتح اسئلة تخش على درس , حاسس بغدر ..
الباب بيخبط و الاقي اكتر وش بكرهه في حياتي ...
"ميس منال"
"خلصتي يا ميس رشا " "اه اتفضلي حضرتك"
ساعتها اتاكدت ان فعلا كلهم زي بعض, الفرق ان واحدة باينة على حقيقتها و التانية لابسة قناع, بس ده ظلم طب نثق في مين كدة, قلت يا واد لو انتوا فضلتوا ساكتين كدة هتفضلوا تاخدوا على قفاكوا , النهاردة بتاخدوا اسبوع و اسبوع لا بكرة مش هتاخدوا العاب خالص و تفضلوا مقضينها ساينس و ماث و قرف....
محستش بنفسي ال ووداني محمرة و عيني هتطق شرار - الحمد لله النضارة كانت حبسة الشرر ده ليحرق الكون من حواليا- , و لسة الست يا دوبك هتبتدي توزع ورق , وقفت في وسط الفصل و صرخت:
"لا"
حسيت زي ما يكون حد داس على زرار "PAUSE" , المشهد فضل ثابت و محدش مستوعب, عنها و لقتلك الست دي بتقولي :
-"هو ايه اللي لا؟"
-"لا مش هنمتحن"
-"ازاي يعني؟"
- "دلوقتي حصة العاب مش حصة حضرتك, انا عايز حصة الالعاب بتاعتي"
-"مش انت اللي تقرر, انا اللي اقول امتى العاب و امتى لا, انا اعرف مصلحتك اكتر منك"
- " مصلحتي اني اخد حصة العاب , انا من اول الاسبوع مشفتش يوم حلو..."
ميس منال عامة مرعبة, لما سحنتها بتتقلب بتحس ان ابواب جهنم فتحت في وشك, بس انا كنت خلاص , عديت الخط و بعت القضية, قعدت تزع ق و "ترغي و تزبد" , و كلام من عينة "انا هوريك و انت قليل الادب" , زادت المشكلة اكتر لما الفصل كله مرضاش يمتحن و ظهر الهتاف الشعبي "عايزين العاب" يرج المدرسة.
مدرسين داخلين و مدرسين خارجين و زعيق , المدرسين جم سحبوا ميس منال على برة, و احنا لسة هايجين
"عايزين العااااااااااااااااب"
فجاة دخلت ميس منال و خدت كشاكيل تحضيرها و مشيت , و باقي المدرسين قالولنا يالا العاب, مصدقناش نفسنا , اخيرا خرجنا ميس منال مالفصل, دي محصلتش في تاريخ المدرسة ان طلبة يخرجوا "معلمة" من الفصل...
مفكرناش كتير في النقطة دي و نزلنا جري عالحوش , و زمايلي بقى شايفني بطل , ما انا اللي جبتلهم الحصة من فم الاسد...
و نزلنا الحوش..
اه ه ه ه ه ه ه
لاقينا 3 مدرسين العاب, قلبي "توجس خيفة", اصل مدرسين الالعاب دول بلطجية المدرسة, عادة في الحصة بننزل ناخد الكورة و نلعب , و بنتعاملش معاهم خالص, لمن نلاقي 3؟؟؟؟؟؟
قالولنا اقفوا طابور, وقنا طابور.
قالولنا قعدوا عالارض, قعدنا عالارض.
قالولنا هاه يا حلوين مين فيكوا بقى زعيم التنظيم؟؟؟
عارفين مشهد فيلم "اسبارتاكوس", لما الرومان جمعوا الاسرى و قعدوا يسالوهم فين "سبارتاكوس", و كلهم قاموا و قالوا" انا سبارتاكوس", المشهد كان زي ده بالظبط مع اختلاف طفيف.....
واحد و تلاتين صباع , ولاد و بنات , شاوروا عليا, "هو ده, احنا مالناش دعوة"
اخخخخخخخخخخخخ كل اما افتكر ايدي توجعني, باعوني في ثانية, و كانت النتائج كالاتي:
-محسوبكم اترن 30 خرزانة على ضهر ايده, و الادهى تحت اشراف ميس منال....
-طبعا انا لما اضيع مش هضيع لوحدي , اعترفت بان زمايلي بتوع الصبح ساعدوني في هذا المخطط و كل واحد فيهم خد 20 خرزانة على ضهر ايده.
- باقي الفصل و -انا معاهم- فضلوا مذنبنا في الحوش رافعين الشنط لمدة 3 حصص , و برضة تحت اشراف ميس منال..
- بعد كل ده خلوني اكتب جملة 30 مرة....
عايزين تعرفوا الجملة ؟؟؟
"انا تلميذ فاشل و غبي , ميس منال احسن مدرسة في الدنيا , و تحيا مدرستي مدرسة القيم و الاخلاق"
فعلا انا غبي و فاشل, لاني افتكرت ان زمايلي يعتمد عليهم و اني هقدر "اكرش" ميس منال مالفصل, هتفضل على قلبنا على طول...
"هو استاذ البحطيطي مجاش ليه؟؟"
سالتهم و انا مش حاسس بايدي طبعا, لقيت ميس منال واقفة ورايا و بتبصلي من فوق لتحت بتشفي و بتقولي "اطمن مش جاي النهاردة", قلتلها -"مجاش النهاردة يبقى هيحي بكرة"
-"ولا بكرة و لا بعدة و لا الاسبوع الجاي و لا الشهر ده اساسا..."
-"ليه ان شاء الله؟"
- "اصل عنده انفلوانزا خنازير"

)-x

ش.م