Миний Ертөнцөд Тавтай Морил!

80-аад оныхон гэж...

noreply@blogger.com (MT) — Wed, 07 Dec 2011 11:21:00 +0000

Бид наяад оныхон. МАХ, ТАЛХ гэсэн бичиг хажуу талдаа томоор бичсэн ачааны машин ирэхийг цонхоороо харчихаад дэлгүүр лүү чавхаддаг, усны цүдгэрийн урдуур харайж сэрүүцсэн наяад оныхон.

Mesenger, Twitter байгаагүй ч таалагдсан охиндоо бичсэн захиаг минь хүргэж өгөх найзууд байсан, хүссэн үедээ гадаад улс руу аялж чаддаггүй ч эх орныхоо цэв цэнхэр агаараар цээж дүүрэн амьсгалсан,... Facebook-дээ мянган найзгүй ч хөршийнхөө нэрийг мэддэг байсан наяад оныхон.

Чипс, шоколадтай зайрмагны амтыг мэдрээгүй ч, хатсан яавлаг, цагаан самрыг хамгийн амттай гэж боддог, 99 суваггүй, нэвтрүүлгийг зогсоож, ухраадаггүй ч телевизийн хөтөлбөрийг бичиж аваад үзэх киногоо отдог, гадаа тоглож, радиогийн нэвтрүүлгээр хичээлдээ явах цагаа тоолсон, FM-ээс кассетан дээр дуу хуулж, хальсыг нь хуруугаараа эргүүлсэн, “Өглөөний санамж”-аар өглөөг эхлүүлж, “Улаан шугам” руу захиа бичсэн наяад оныхон.

Багшдаа зодуулсан ч аав, ээжээсээ тас нууж, атмааны отдог газраас зам бууруулж найз охидоо гэрт нь хүргэсэн баатрууд. Цүнхийг нь барьж, гараас нь хөтөлчихөөд улайдаг ичимхийчүүд.

LV, Zara төсөөлөөгүй, эгчийнхээ хувцсыг хурдхан багадаасай л гэж хүлээсэн тэвчээртэнгүүд. Автобусанд ороод сандал руу зүтгээгүй ч ядарсандаа болоод уначихалгүй очих газраа хүрдэг л байсан, ном уншаад нүдээ нухалж, уйлснаа нуудаг зөөлхөн сэтгэлтнүүд.

Чийгтэй байшинд дэлгэцний ард хэдэн цагаар шигдэж, нэгнээ буудаж суугаагүй, крантны ус ууж, цав цагаахан цас идэж, охидын нүүрийг угаасан ч өвчин тусч хэвтээгүй өлчирүүд.

Шуудай нүүрсийг өргөж дийлэхгүй уначихаад уйлж суусан ах, хонины хоёрдугаар мах авах гээд очерт зогссон эгч нар. Танихгүй ч гэсэн ахмад хүнд загнуулж гэмшиж зогссон дэггүйчүүд. Уух гэж биш бүжиглэх гэж цугласан нөхөд, хөлдүү төмөр долоож хэлээ нааж явсан гэнэнчүүд. Найзындаа очин модыг нь хагалж, усыг зөөсөн найзууд. Нэмж нэг л зүйлийг хэлэхэд, нээрээ аав, ээжүүд маань ажил ихтэй ч үлгэр ярьж, бүүвэйн дуу аялдаг байсан, бид наяад оныхон.

А.Шархүү

Буцах нүүдэл буюу "re-immigrants"

noreply@blogger.com (MT) — Tue, 11 Oct 2011 03:15:00 +0000

Шувууд хүйтрэхээр хүний нутаг руу нисэн одож дулаарахлээр нутагтаа ирж үр хүүхдээ өсгөөд дахиад л явдаг да. Одоо үед Монголчууд яг л тийм болж дээ.
10-аад жил АНУ, Европ-р хэрэн хэсүүчилж, ажил амьдралаа залгуулах нэг нь залгуулж, сурч боловсрох нэг нь боловсроод одоо эх орон руугаа нүүдэллэж байна. Нилээд том ч нүүдэл нааш айсуй.
Гадаад ертөнцөд байдал бишгүйдэж, АНУ болон Европын холбоонд 2009 оны санхүүгийн хямралын ул мөр мэдрэгдсэн хэвээр, түүгээр ч барахгүй хямралын шинэ давалгаа болох магадлал өндөр байгаа ба "аж төрөх улам хэцүү болж, ажил ч олдохоо байлаа" гэсэн сураг гараад удаж буй.
Нэг бодлын элэг нэгтнээ ирж байгаад нь баярлавч нөгөө талаас харахаар муу муухай үед нь хаяж явчихаад, сайн сайхан болсон үед нь эргэж ирж байгаа нь ёстой хуншгүй ч юм шиг. Тэднийг гадаад оронд "жаргаж" байхад нь энд эдийн засаг, нийгмээ төлөвшүүлэх гэж зүтгэж байсан маш олон хүн зовж л байсан. Миний хувьд тодорхой хэмжээнд нүүдэллэн явсан ч, хэзээ ч олон жилээр орхиж үзээгүй үүрээ сайжруулах тал дээр 0.0001%-н хувь нэмэр бас оруулсан л байж таараа өнгөрсөн хэдэн жилд. Гэтэл бидний бэлдсэн, бий болгосон нийгэм дээр "жаргагчид" зүгээр л хүрч ирээд том том ярьхад дургүй хүрээд байх юм. Адилхан гар бие оролцож энэ нийгэмээ улам сайжруулаач ээ, шинээр нүүн ирэгсэд "гадаадын иргэд ээ". Эх орон чинь л юм бол. Дэмий тэнэж тэнэж ирчихээд, одоо байгааг нь шүүмжилж муулаад, өөрсдөө юу ч хийгээгүй юм байж. Ичиж амьдраач re-immigrants-уудаа!!!

Үзээрэй

noreply@blogger.com (MT) — Fri, 07 Oct 2011 08:04:00 +0000

www.youtube.com/watch?v=D1R-jKKp3NA

noreply@blogger.com (MT) — Wed, 21 Sep 2011 10:47:00 +0000

Ер нь блог мог уншиж байгаа сонирхож байгаа хүн байгаа юм уу? Бүгд л Фэйсбүүк-рүү хошуурчээ. Үүний нэг нь би байлаа гэж хэ хэ.

Hair gj yu um be?

noreply@blogger.com (MT) — Mon, 18 Jul 2011 14:34:00 +0000

DZman-ii neg iim duu bdag shdee. Hair gj yu yum be? Erhelj naadahiin ner u, evlelden negdehiin tomyolol u, bie bienee tvshihiin belegdel u, hanilan jargahiin zugnol u?
Hair bolgon oor. Em eriin hoorondoh hair n harin hamgiin tuvogtei n. Uchir n oldohgui, yag l tsonh naadag jonhuu shig kkk. Hurchihvel naaldaad bdag, tegsen hernee bas sain darj naahgui bol doroo hovhrood unachihdag. Tsonhoo uvol bolhoor dulaalj naahad bas urlag bdag da, yag terentei adilhan. Jonhuu n ihedwel naah gj zowno udaan darj hataana, bagadwal bas hatahleeree unachihdag.
Tsonhoo dulaalahgui bol uvoldoo siigeed bas huiten, dulaan aldana. Hairguigeer setgel dotor huiten orj zaluu nasnii gal dul bas buhno.
Ingeheer hair gdg chin tsonh dulaalj naahiig l heldiim bn shdee kkkk.

- Posted using BlogPress from my iPhone

Dotood ertonts

noreply@blogger.com (MT) — Sat, 16 Jul 2011 11:04:00 +0000

Huniig gadnaas n haraad dugneh amarhan. Dotood setgel, jargal zowling n uudlan bj tanih n tun hetsuu. Uuniig hun bur l meddeg hernee gadnaas harad hiisen dugnelteere huniig medej bn hemeen oilgoh n urowdoltei.
Hunii ter aguu dotood ertontsod nevtreh haalga hun burt neelttei bus, mon hun bur ongoilgoh tulhuurtei bdaggui n neg bodliin haramsaltai.
Amiddaa bie bienee hairlahiin utga uchir n huniig setgeleer n neej, tanij, olj awah, hundleh, deelehed orshih ba bayan yaduu, uhaantai teneg, hoorhon muuhai, zaluu hugshin geh meteer physic chanaraar n yalgawarlan gaduurhaj huleej awan n tun uroosgol.

- Posted using BlogPress from my iPhone

Sonirhoh hun bn u?

noreply@blogger.com (MT) — Thu, 30 Jun 2011 16:21:00 +0000

Ene blogiig moderate hiih sonirholtoi hun bn u? Plz holbogdooroi. Or leave comments.

- Posted using BlogPress from my iPhone

Та гадаадад ажиллавал ийм цалин хүртэхнээ

noreply@blogger.com (MT) — Tue, 03 May 2011 02:27:00 +0000

Та Монголд хир цалин авч байгаа бол? Америк болон олон улсад таны албан тушаал, мэргэжлийн хүн хэдийг авдаг бол гэж сонирхож байсан уу? Тэгвэл нэгэн сайтаас авсан мэдээллийг хүргэж байна.

KPMG (аудит) компани жилийн дундаж цалин:
Tax/Audit Associate - $57,000
Senior Associate - $78,000
Manager - $107,000

Facebook (интернет сүлжээ) компани жилийн дундаж цалин:
Software engineer - $108,000
Business Development Manager - $ 115,000
User Operations Analyst - $43,500
Intern - $5,600/сард

Capital One (bank) жилийн дундаж цалин:
Business Analyst - $65,000
Business Manager - $85,000
Business Director - $125,000

Ernst & Young Global (аудит) жилийн дундаж цалин:
Audit staff - $61,000
Senior IT Audit - $ 80,000
Audit Manager - $100,000
Tax staff - $63,000

Microsoft (IT) жилийн дундаж цалин:
Software Development Engineer - $87,000
Program Manager - $90,000
Software Development Engineer In Test - $82,000

GE (эрчим хүч, тоног төхөөрөмж) жилийн дундаж цалин:
Mechanical Engineer - $81,000
Electrical Engineer - $ 86,000
Project Manager - $95,000

Ford Motors (машин механизм) жилийн дундаж цалин:
Financial Analyst - $56,000
Research Engineer - $90,000
Engineering Supervisor - $ 107,000

Procter & Gamble (өргөн хэрэглээний бараа) жилийн дундаж цалин:
Brand Manager - $126,000
Senior Financial Analyst - $97,000
Process Engineer - $ 70,000

BHP Billiton (уул уурхай) жилийн дундаж цалин:
Geophysicist - $ 101,000
Safety Engineer - $ 97,000
Environmental Specialist - $ 90,000
Mine Engineer - $ 100,000

Rio Tinto (уул уурхай) жилийн дундаж цалин:
Geotechnical Engineer - $90,000
HR Advisor - $65,000
Technical Analyst - $ 78,000

ХАЙР-н Програмыг Яаж Суулгах Вэ?

noreply@blogger.com (MT) — Mon, 02 May 2011 04:54:00 +0000

Энэ бичлэг их таалагдсан учир өөрийн блогт орууллаа.

ХАЙР-н Програмыг Яаж Суулгах Вэ?

Худалдан авагч: Би техникийн талаар мэдлэг муутай л даа, ХАЙР – ын программыг яаж суулгадаг вэ? /install/

Мэргэжилтэн: Эхлээд өөрийнхөө ЗҮРХ гэсэн файлыг нээх хэрэгтэй. Нээсэн үү?Z

Худалдан авагч: Нээчихлээ. Гэхдээ тэр файл дотор одоогийн байдлаар ӨНГӨРСӨН ГУНИГ.exe АТАА ХОРСОЛ.exe ГОМДОЛ.exe гэдэг программууд ажиллаж байхад ХАЙР-ыг суулгаж болох болов уу?

Мэргэжилтэн: Тэр хамаагүй. ХАЙР-ыг суулгахад ӨНГӨРСӨН ГУНИГ. exe программ өөрөө арилчихдаг. Түр санамжинд тань байх боловч бусад программуудад нөлөөлж чадахгүй. ХАЙР нь эрт орой хэзээ нэгэн цагт БАГА ИТГЭЛ. exe –г арчиж ИХ ИТГЭЛ. exe гэдэг нэртэй модуль суулгадаг. Гэхдээ хамгийн гол нь та өөрөө ХОРСОЛ. exe ГОМДОЛ. exe гэдэг программуудыг хаахгүйгээр ХАЙР суугдахгүй. Та хааж чадах уу?

Худалдан авагч: За хаачихлаа. Тэгсэн чинь ХАЙР өөрөө автоматаар сууж эхэллээ. Зүгээр биз дээ?

Мэргэжилтэн: Тийм ээ, гэхдээ энэ бол үндсэн программ. Хамгийн сүүлийн үеийн дээд загварыг нь суулгахын тулд өөр ЗҮРХ-үүдтэй холбоо тогтоох ёстой.

Худалдан авагч: Ёооё, эхэлж амжаагүй байтал алдаа зааж байна?

Мэргэжилтэн: АЖИЛЛАХГҮЙ байна уу? Санаа бүү зов. Энэ бол энгийн алдаа. ХАЙР-ын программ нь өөр ЗҮРХ-нүүдэд ажиллахад бэлэн байгаа ч таны ЗҮРХ-энд ажиллахгүй байна гэсэн үг. Өөрөөр хэлбэл та бусдыг ХАЙРЛАХ-ын тулд эхлээд өөрийгөө ХАЙРЛАХ хэрэгтэй гэсэн үг.

Худалдан авагч:Тэгвэл би юу хийх хэрэгтэй вэ?

Мэргэжилтэн: “ӨӨРИЙГӨӨ ХҮЛЭЭН ЗӨВШӨӨРӨХ” гэдэг файл доторх ӨӨРИЙГӨӨ УУЧЛАХ.DOC, ӨӨРТӨӨ ИТГЭХ.TXT , ҮНЭ ЦЭНИЙГ МЭДЭХ.TXT болон САЙН ҮЙЛС. DOC гэдэг файлуудыг сонгоод бүгдийг нь МИНИЙ ЗҮРХ гэдэг хавтастаа хийгээрэй. Дараа нь ӨӨРӨӨ ӨӨРТӨӨ СААД.EXE-ийг бүх файлуудаасаа бүр хогийн савнаасаа хүртэл арчиж, ор тас алга болгосонд итгэлтэй болох хэрэгтэй.

Худалдан авагч: Би чадлаа, үнэхээр МИНИЙ ЗҮРХ цэвэрхэн файлуудаар дүүрч байна. ИНЭЭМСЭГЛЭЛ.MPG дэлгэцэн дээр минь тоглож байна. ХАЛУУН ДУЛААН УУР АМЬСГАЛ.СОМ, СЭТГЭЛ ХАНГАЛУУН БАЙДАЛ.СОМ –ууд миний зүрхэнд хуулагдаж байна.

Мэргэжилтэн: Танд баяр хүргэе. ХАЙР-ын программыг амжилттай суулгалаа. Гэхдээ нэг зүйлийг санаарай. Хайрын программ үнэгүй байдаг. Тиймээс та өөрийн таньдаг мэддэг хүмүүст forward хийгээрэй. Тэр хүн бусадтай хуваалцсаны дараа эргээд танд гэгээн цэвэрхэн модулиуд илгээх болно. АМЖИЛТ!

Source: http://chosen2ums.blogspot.com/2009/08/blog-post_3899.html

Даарч байна шүү

noreply@blogger.com (MT) — Mon, 02 May 2011 02:49:00 +0000

5 сарын 2. Оффис албан байгууллагын халаалт зогссон, гэтэл гадаа +10 ч хүрэхгүй байдаг. Оффисдоо хөлдөж үхэхнээ. Яана!
Бас зам засварын ажил эхлээд зам хаагад эхэлсэн байна. Монгол Улсад эрүүл сэтгэдэг хүн ер нь байна уу?

Даварсан юмаа

noreply@blogger.com (MT) — Thu, 24 Feb 2011 07:13:00 +0000

Үнэн даварцан юмаа, нээрээ хэлэх ч үг олдкуумаа. Би өчнөөн юм болж, мөнгөө мөн ч олон сар цуглуулаж байх авсан АйФон шууд моодноос гараад хэдэн 10 дахин хурдан, 5MP HD камертай, 3D, бүр тоглоом тоглодог товчлууртай утаснууд ч гарж байх шиг... Ёоох, нээрээ ингэж депрэссд орж байхаар хар цагаан дэлгэцтэй Нокиа-гаа барисан нь дээр юмаа...

Ёстой үнэн бичиж ээ, дэмжиж байна!!!

noreply@blogger.com (MT) — Tue, 15 Feb 2011 13:47:00 +0000

Татвар авна гээд л байх юм. Хотод төрсөн, хөөрхөн төрсөн нь миний буруу юу?

Татвар авалгүй яахав. Өгөлгүй яахав. Гэхдээ яасан гэж, ямар учир шалтгаанаар гэдгийг маргахгүй байхаар тайлбар хийж өгөөрэй. Саяхан манайд ярилцлага өгсөн О.Машбат гэдэг хуульчийн яриагаар бол "Нийслэл хот татвартай байх..." хууль аль 1994 онд гарсан гэж байна. Энэ хуулийг цааш нь боловсруулж, хэрхэн татвар авах талаар хотын мэр Г.Мөнхбаяр ноднин ажлын хэсэг гарган үүрэг өгчээ.

Ажлын хэсгийнхэн нь ажилдаа орж юун түрүүн хотод шилжин ирэгсдээс хураамж авах, хотын байнгын оршин суугчдаас тогтмол татвар авч байх, бүр нарийн яривал цалингийн доод хэмжээний 20 хувьтай тэнцэх мөнгө төлдөг байх, хотын төвд амьдрагсдыг өндөр төлбөртэй болгоод зах алсдуугаас нь бараг татвар авахгүй харж үзэх чиглэлийн бодлого боловсруулсан гэнэ. Утга нь гэвэл татвараар дамжуулж төвлөрлийг сааруулах, татвараар дор хаяж арван мянган тэрбумыг жилдээ босгоод тулгамдсан асуудлаа шийдээд явчих боломжтой болох нь гэж тооцоолжээ.

Татвар гэнгүүт зөвхөн мөнгө бодож, хэнээс нэхвэл амархан олдох, угсруулаад олсон татвараараа ингэж тэгж "идэж уух"-аа л яриад унасан байна. Ийм ялгавартай татвар аваад эхлэхээр хотынхон төвөөсөө зугтан дайжиж бөглөрлийн түгжээ арилах ба, агаарын бохирдлыг арилгах зөндөө мөнгөтэй болно гэчихжээ. Татвар төлөгчдийн мөнгийг тонож амьдраад гаршчихсан гаруудаас энэнээс өөр олигтой сэтгэлгээ яавч гарахгүй. Яахлаараа хотын захад амьдрагсад татвар төлдөггүй юм. Тэнд хэн ирсэн билээ. Агаарын бохирдол хотын төвөөс гараад байна уу, захаас гараад байна уу. Нийгмийн тулгамдсан асуудал Дөчин мянгатад уу, Толгойтын баруун салаанд илүү байдаг уу.

Хоёр идэхгүй ч хоосон хонодоггүй хотын төвийнхнийг өөрөөр хэлбэл унаган хотынхныг татвараар дарамталж мөнгө босгоод хамаг малаа бараад модоо түлээд орж ирсэн цагаачдыг тэжээнэ гэсэн үг юм байна. Нэг иймэрхүү хачин хандлага байс гээд л яригддаг. Ялангуяа тэр нэг хоёрдугаар бүс гээчид оршин суугчдыг ер амар суулгахгүй, газарт оруулах, элдвээр шахах, төрийн нэрээр дарамтлах явдал бүх л үед давтагдсаар ирсэн байдаг. Хотынхонд ч гэсэн унасан газар угаасан ус гэж бас байдаг юм шүү. "Хойноос ирээд хот минийх, хотонд ороод хонь минийх" гэдэг байсан бол одоо "Хөдөөнөөс ирээд хот минийх, хотод ирээд газар нь минийх" гэх боллоо, Арай даварч байгаа юм биш үү?

Хэрэв бодлого, шударга хоёроо баримталъя гэвэл нийслэлийн иргэдээс дээрхийн эсрэг байдлаар татвар авах нь зүйтэй. Хотын захад амьдрагсдаас илүү өндөр төлбөр авах ёстой. Тэр төлбөрөөр нь тэнд нь хар зам, сургууль эмнэлэг барих учраас тэр. Тэр төлбөр нь Толгойтын арын, Гачууртын өврийн модыг хяргаж түлсний төлөөс болог. Тэр нь хотод нүүж ирсний татвар нь хамт шийдэгдэж байгаа хэрэг. Хотын хаяанд буугаад төлбөрөө төлж барахгүй бол нутагдаа буцна биз. Хотын бидэн шиг ямар явъя гэсэн ч очих нутаггүй улс биш. Хэрэв төвлөрлийг үнэхээр сааруулах гээд байгаа юм бол ийм л арга бий. Хэдэн үеэрээ дөрвөн уулаа түшээд амьдарсан улаанбаатарчууд ба Төв аймгийнхныг төрсөн тоонотоосоо холдсонгүй гэж торгох нь л дээ. Хотын төвийнхнийг төвлөрлийг сааруул гээд хаашаа нүү гэх гээв.

Улаанбаатар хотод хэрэггүй, хотын амьдралд ямар ч хамаагүй зөндөө олон салбар, нэгж байгууллага, хувь хүн, айл өрх байна. Тэндээс татвар авах ёстой. Тухайлбал чаа гэх ямаагүй энэ хотод байрлаж үйл ажиллагаа явуулж байдаг арьс ширний үйлдвэрүүдийг татвараар дарамталж хотоос хөөж гаргах хэрэгтэй байна. Хотын баруун талыг нэлд нь өмхийртэл шир идээлж Туулыг бохирдуулж дууслаа. Тариан талбай байдаггүй энэ орчинд гурилын үйлдвэр биш гурил нь байх ёстой. Хотод мал биш мах байвал уг нь зохимжтой юм шиг санагддаг. Сүүний үйлдвэрүүд үнээнийхээ дэргэд хөдөө байж яагаад болдоггүй юм. Энэ бүгдээс л татвар авах ёстой байхгүй юу. Мөн хотод үйл ажиллагаа явуулдаг тэр аймгийн тэр сумын нутгийн зөвлөлүүдээс хураамж авах нь шударга ёсонд нийцнэ. Цоллуулах магтуулах болохоороо тэр аймаг, сум, баг болчихдог энэ олон бөхчүүдээс бүр их татвар нэх. Тэд өөрсдийгөө хотынх гэхээс их ичдэг гэсэн. Иргэний бүртгэлд хамрагддаггүй, хороо хорин тодорхой бус айл өрхүүд, одоо болтол хурууны хээгээ өгөхгүй хотынх болж жүжиглээд байгаа хөдөөний хармааны хулгайч нараас наад татвараа нэхээч. Энэ бүгд мөнгө олохдоо гол биш, төрийн бодлого, хотын бодлого ухаалгаар сууж байгаа эсэхэд оршино.

Улаанхуарангаас I хороолол хүртэлх "А" бүсэд амьдрагсдын амьдралын өртөг тэртэй тэргүй өндөр байдаг. Гэрэл цахилгаан, дулаан, ус, бохирын төлбөрийн дарамтаас бултах ямар ч гарц байхгүй. Цаашид ч өсөн нэмэгдэнэ. Тэрэн дээр нь тэнэг юм шиг нэмж татвар нэхэж яах нь вэ. Төв хэсэгтээ татваргүй юм байна гээд одоогийнх дээр нэмээд ороод ирье гэж бодоход ганц айлын ч гэрийн сул буурь хаана байна.

Татвар төлөлгүй яахав. Гэхдээ "Чи яасан их хотын хүүхэд юм" гэж хэлүүлэн төлөөс өгөх нь гомдолтой байна. Манайхан сүүлийн 370 жил Төв аймгаасаа гарч нүүж үзээгүй. Одоо хаачих вэ? Нэг л буруу үйлдэл хийж торгуулаад байгаа юм шиг энэ татвар чинь ойлгогдоод байх юм. Мөнгийг нь өгч чадахгүйдээ биш. Дор хаяж 400000 хүн, түүний үр хүүхдийг өссөн төрсөн орчиндоо байгааг буруутгасанд зэвүү хүрээд байна.

Ж.ГАНГАА (http://www.medee.mn/content/23914.shtml)

Энэ нийтлэлийг үнэхээр дэмжиж байнаа. Удахгүй иймэрхүү тэнэг бодлого гаргаад, санаачлаад байвал хотынхон, хөдөөгийнхөн гэж ард түмнээ 2 талцуулаад зодолдуулахнэ л дээ... Үнэн тэнэг хүмүүс юмаа. Хөдөөнийхөн харин нэмж ирэхээ болиоч ээ.

Burhan gomdono doo

noreply@blogger.com (MT) — Sun, 23 Jan 2011 04:30:00 +0000

Ta buhen Bolovsrol suvag deer yag odoo garch bga Hair Salon gdg nevtruuleg uzej bn u. Bi suwag solig bgad taarchlaa. Joohn uzsen estoi soliormoor umaa ha ha.
Heden zagwar omsogch nar toglojee. Za enuugeer neg um heleh gd bh shig baina. Zagwar umsogch taizan deeree zagwara umsood gunhalzaj baih n hamgiin goyo um baina, harin jujigleh awyasgui humuus hichneen goyi bietei tsarailag bgad jujigleh n unen teneg gedgiig uneheer batalj bh shig.
Ene jujig shig umiig n hen nairuulj hen iim avyasgui nohduudeer duurgedeg bainaa. Zugeer l goyo huuhen oruulchihwal nevtruuleg n amjilttai bolno gej bodson baihaa, yoyotoi bhaa. Harin ene saihan huuhnuud nugoo blond joke gdg shig hoorhon ch uhaan muutai huuhnuud bolj jujigledeg n estoi zuudee yarih gd hulgaigaa yariv gdg n bolj bh shig bn ha ha. Ta nar neg uzeerei. Estoi yamar ch hoshin shogoos iluu amidraliin comedy garj bn tsaana chin Bolovsrol suvag deer kkkk.

- Posted using BlogPress from my iPhone

Дахиад тикет

noreply@blogger.com (MT) — Mon, 10 Jan 2011 09:58:00 +0000

Дахиад л торгуулчихдаг байгаа. Ядаргаа юм аа. Яалт ч үгүй үнэхээр дүрэм зөрчсөн болхоор торгуулахаас өөр арга байсангүй... гэхдээ л харамсалтай юмаа. Хайран 5,000 төг. Манайх нэг их мундаг замын системтэй, олон замтай юм шиг, дандаа нэг зүгрүү явуулах гээд заасан тэмдэгээ болимоор юмаа, тэрийг нь дандаа зөрчиж би торгуулхаа болимоор юмаа. За бүгдэнд шинэ оны мэнд шүү!!! :)

Нээрээ замын хөдөлгөөний дүрэмийг Монгол, Англи, Оросоор нь орчуулаад http://www.traffic-institute.mn/ сайт дээр тавьцан байна лээ шүү, сонирховол.

Aнхны тикет буюу торгуулсан нь

noreply@blogger.com (MT) — Tue, 14 Dec 2010 04:35:00 +0000

За та бүхэн бүгд сонссон, харсан биз дээ, тэр шинэ камераар хянаж замын хөдөлгөөний зөрчил илрүүлж байгаа талаар. Зарим нь ч уже амтыг нь амссан байх тээ хэ хэ хэ. Би ч гэсэн хэд хоногийн өмнө амслаа шүү дээ. Энхтайвны өргөн чөлөөнөөс Чингис ЗБ уруу эргэдэг уулзвар дээр гэрлэн дохио зөрчсөн гэсэн гэмд буруутгагддаг байгаа хэ хэ. Шар байхад нь амжина гээд гарчихсан чинь цагдаа дүү зогсоодийм даа. Ингээд анхныхаа тикет буюу торгуулийн хуудсаа авч үздийм байжээ.
Би уул нь энэ системийг тун зөв юм болсон гэж үзэж байгаа. Үүнийг нэвтэрснээс хойш жолооч нар цагдаа байсан байгаагүй дүрэмээ сайн баримталдаг болсон байх гэж бодох юм. Гэхдээ нэг зүйл хэлхэд, хэзээ ногоон нь шар болж асдаг нь мэдэгдэхгүй гэрлэн дохио байхад над шиг жолооч бол сандарч тэвдээд нөгөө цагаан зураасыг нь өнгөрөөд зогсчих юм. Уул нь барууны хөгжилтэй орнуудад энэ хяналтын системийг нэлээд эрт нэвтрүүлсэн, гэхдээ гэрлэн дохиогоо ч гэсэн хэн хэндээ ойлгомжтойгоор зохицуулсан байдаг. Жишээ нь ногоон гэрэл шар болхоосоо өмнө 1-2 удаа анивчдаг. Энэ нь "за шар боллоо шүү, чи амжихгүй шүү, зогссон нь дээр" гэж жолооч нарт анхааруулж өгдөг. Монгол улсад гэрлэн дохиогоо ийм байдлаар зохицуулахад болохгүй юм үгүй байлтай. Хөөрхий хэдэн яарсан тэвдсэн жолооч нараасаа байнга мөнгө саах гээгүй л юм бол гэрлэн дохиогоо жоохон ухаантай болгож өгөөч зам зохицуулагч нараа.

12 сарын 8

noreply@blogger.com (MT) — Wed, 08 Dec 2010 10:30:00 +0000

За ингээд 12 сар гарчихлээр чинь нөгөө шинэ жил гэдэг настр нь ороод л, тун гоё доо. Би шинэ жилд бүхнээс илүү дуртай. Болдогсон бол бүтэн жил 365 хоног шинэ жил болдог болоосой хэ хэ хэ. Би жоохон байхдаа ёлкоо хураах дургүй 2 сар хүртэл байлгах гээд л тоосонд даруулаад байдаг сонин хүүхэд байж дээ. Биднийг жоохон байхад засдаг байсан ёлк одоо бодоход яасан ч царай муутай байсийн, бас тоглоом саа гээд их л ядуухан байж. Тэгсэн хэрнээ юунаас ч илүү аз жаргалыг мэдрүүлдэг байж билээ. Одоо ч тэгээд ₮500,000-1 сая хүртэл үнэтэй гацуур байх л юм. Гэхдээ хэзээ ч миний багадаа засдаг байсан хуучин гацуурыг минь гүйцэхгүй юмаа.

Нэг жил ингээд л өнгөрчих юм. Гоц гойд юм хийж бүтээх гээл байж байтал хэ хэ хэ. Тэгээд л яагаад ч юм шинэ он гарахлээр бүх юм шинэ болох юм шиг, бүх юм сайхан болчих юм шиг санагдаад л...

Жил бүрийн энэ л үед Би Чамд Хайртай гараад л тээ... Бид нар наснаасаа илүү үзчээд л дахин дахин үзэж дахин Үрлээгийн төлөө эмзэглээл, уйлах гээл хэ хэ. Харин энэ жил БЧХ-2 гарч нерв барах байхдаа :)

Өвөл иржээ

noreply@blogger.com (MT) — Fri, 26 Nov 2010 02:00:00 +0000

Яг одоо гадаа ямар гоё байна гээч. Шинэхэн цас орчихсон, агаар гэж ванлий. Манай Хан Уулд бүр ч гоё байна. Ирээд амьсгалаад үз дээ. Амралтын өдөр болхоор гадуур машин ч цөөхөн, тун гоё байна. Харин би нэг идэвхи гаргаж ажил дээрээ ирж орчуулгаа хийж байна. Өөрийгөө овоо доо гээд нэг магтчий :)

Урьд орой бол аймар байсан. Манай хотод агаарын бохирдол ёстой гамшиг ба түүнээс дээш түвшин байдаг бол тийм л хэмжээнд хүрчээ. Утаа үнэртэх байтугай амьсгалхад тун бэрх л байдаг болж. Ялангуяа 100 айл, Тасганы Овооны тэр хавиар бол жинхэнэ гамшиг. Тэнд гэтэл хүмүүс амьдраад, үр хүүхэд гаргаад байж л байдаг.

Ингээд өвөл болхоор нөгөөх л утаа, түгжрэл гэсэн проблемтой хотдоо амьдрах сайхан гэхэд хаашаа ч юм, гэхдээ муухай байлаа гээд хаачих ч билээ. Ийм сайхан цас орсон өдөр ийм л хар бодол орж ирэх юм байна шүү дээ. Сайхан цэвэр агаар амьсгалж муу уушгаа нэг баярлуулья даа гэж...

Tsaazaar awah yaliig boliulah n zow u?

noreply@blogger.com (MT) — Thu, 25 Nov 2010 13:58:00 +0000

Eronhiilogch tsaazaar awah yaliig tsutslah talaar nileed ih shuugian tarij humuus ch ih heleltsej bn. Odoogiin niigemd onts notstoi hertsgiigeer uildegdsen gemt herguud udor ireh tusam nemegdej baihad shiitgeliig n hungolno gedeg sanaa minii huvid ogthon ch saihan sanagdahgui baigaa. Neg talaas harhad helmegdej hereg tulgagdsan hun tsaaziin yal awaad munkh busiig uzuulj bga, hunii amid yawah erhiig notstoi zorchij bga geh met shaltgaanuudiig durdan tsaazaar awah yaliig boliulah n zow baij boloh. Getel 5-6 nastai ohiniig huchirhiilj mochilj alsan, hogond hayasan, 9 huniig, neg ger buliig, tuunii dotor 4-5 huuhed bsniig huis temtersen aimshgiin kinond l gardag gemeer herguud eelj daraalan garj baihad tiim heregtnuudiig yaj hun gj uzeh ve? Araatan amitan ch gesn zugaagaa gargaj amid amitan aldaggui. Zowhon amid bhiin tuld hoolloh, amia hamgaalah zorilgoor l busad amitand halddag. Getel hedhen haltar tsaas, mungo, arhi uuj agsamsandaa buhel buten amid huniig alj toglodog umiig araatan gej helhed ch goyodood baih um. Iim nuhtsol baidald hunii erh ene ter gej yarih unen utgagui um shigee. Ter sanaachlaad bga Elbegdorjoos neg yum asuumaar bdiim "Tanii oir dotnii ger buliin huniig zerlegeer hunoowol ta aluurchniig n urshooj tsaazaar awah yalaas heltruulj chadah u?" gej. Ene asuudal

Mongol ulsiig olon ulsiin tawtsand saihan haragduulj bolnoo. Gehdee tusgal n hen deer yaj tusaj bn gedgee l bodoh heregtei bh. Galuug duuraij heree hoshuugaa huldoono gedeg biluu dee, tiim um bolohvii dee.

- Posted using BlogPress from my iPhone

Korean gunzaa

noreply@blogger.com (MT) — Sat, 20 Nov 2010 08:24:00 +0000

Lee Hwa Jung restaurant.g Ulaanbaatardaa l hamgiin gaigui Solongos hooltoi gedeg yum bilee. Deer neg lunch.r orson. Hoolnii huvid dajgui l sanagdsan. Harin ochigdor oorigoo erhluulii geed oroin zoog barihaar orloo. Mash ih huntei. Duuren Solongoschuud. Uilchilgee gj harin aimshgiin bailaa. Bidend uilchilj bga ohin haltar, deerees n aashtai gj jigteihen. Bi ternees hool guij idej bgam shig ayagladag bn shu. Mongolchuud hezee uilchilgeenii gazar ajillaj, ajilluulj surah um boldoo. Tiim tom dajgui gesn statustai restaurant tiim ch uilchilegchtei baih gj. Estoi ichmeer bailaa.

- Posted using BlogPress from my iPhone

Iphone-oos blog bichnee gej

noreply@blogger.com (MT) — Fri, 19 Nov 2010 11:59:00 +0000

Erseer bj arai gj neg program olloo shd. Computer-iin ard zawtai suudag tsag baihgui bolson chin muu blogoo orhigduuldag bna shd. Odoo harin utasnaasaa bichij boldog bolloo. Kirill.eer bichih geheer boon budilaan bolood udah gd baihleer n latinaar galiglahaar bolow. Uuroo uurtoo amjilt husye! ;)

- Posted using BlogPress from my iPhone

Location:Ulaanbaatar,Mongolia

Ур чадваргүй мэргэжилтнүүд буюу ажилгүйчүүд

noreply@blogger.com (MT) — Thu, 21 Oct 2010 10:53:00 +0000

Минии өнөөдөр хэлэх гэсэн зүйлийг улиг болтол нь зөндөө л ярьдаг, дуулдаг, одоо бол хараадаг болж байх шиг байна. Нөгөө л ажилгүйчүүдийн эгнээ нэмэгдсээр гэдэг үлгэр тууль болох шахсан тулгамдсан асуудал.

Жил бүрийн хавраар ажилгүйчүүдинхээ эгнээг зуу зуун мянгаар нэмэгдүүлдэг манайх шиг улс орон байдаггүй байхаа. Бүгд л их мундаг их сургууль төгссөн, мэргэжил эзэмшсэн гэх улсууд оюутны ширээнээс ховхорч гараал, ар өврийн хаалга, ор хөнжлийн ажлаар ч хамаагүй нэг гайгүй цалинтай биед амар ажилд орчих гээд зүтгэчих юм. Өрөвдмөөр ч юм шиг, огиудас хүрмээр ч юм шиг.

Халтар хултар их сургууль төгссөнийгөө их юм гээд бодчихноо, ялангуяа хөдөөний оюутанууд. Тэгээд л нээг их юм сурсан хүн болж анкет бөглөөд, яг яриад ажиллуулаад үзэхээр компьютер ч асааж чадахгүй нөхдүүд олон бий. Тийм болхоор ажилгүйчүүдийн тоо нэмэгдэлгүй яахав дээ. Тэгээл манайхан л болсон хойно, улс орны боловсролын бодлого буруу, сургуулийн чанар муу гэсэн олон шалтаг хэлж өөрөөсөө бурууг холдуулдаг гэм биш зантай болчихсон. Үнэн хэрэгтээ, гадуур шоудаж байхаар ойр зуурын компьютер, програм хэрэглээ, хэл зэргийг бие даагаад сурч л байх хэрэгтэй шүү дээ үнэхээр тэр өндөр цалинтай, биед амар ажил хийхийг хүсэж байгаа бол. Би яагаад хөдөөнийх гэж бас онцолж дурдсан бэ гэхлээр тэд нар хотынхноос арай л ондоо байдагт учир оршино. Тэд албан тушаал, эд мөнгөний шуналаараа хотын сэхээтэн гаралтнуудыгаа бодвол хамаагүй хол хаясан байдаг. Та үнэхээр ажиглаад үзээрэй. Танай байгууллагын гайгүйхэн албан тушаалтан хөдөөнийх л байгаа. Мэдээж хөдөөнийх гэхээр л бүгд муу шунталтай гэж хэлж болохгүй. Гэхдээ миний ажигласнаар ер нь тийм хандлагыг тэд нар л гаргадаг болхоор би тэгж хэлж байгаа юм. Надаа олон хөдөөнөөс ирсэн найз нөхөд бий, тэдэн дотор аль аль нь бий. Хотынхондоо хэлхэд бид дэндүү залхүү, мангар байх юмаа. Өрсөлдөх чадвар бол ер нь "0" болчихсон байна шүү дээ. Хөдөөнийхөн ажлыг гололгүй хийж дээшээ ахиж байх хооронд бид голоод л, харин амьдрал бахь байдгаараа л... Тэгхээр хотынхон бид нарын ч гэсэн буруу.

Миний бодлоор хөдөө ч бай хот ч бай, залуучууд маань ажлыг гололгүй хийж сураасай гэж хүсдэг юм. "Ажил хүнийг голохоос биш хүн ажлыг голдоггүй" гэж Монголчууд ярьдаг даа. Үнэн л үг. Ямар ч ажил хийсэн тэрнээсээ байнга л суралцаж байдаг. Цэвэрлэгч хийлээ гээд юмаа сайн цэвэрлэж, юмны эв олж сурна уу л гэхээс биш цэвэрлэгч хийлээ гээд амьдрал дордоно гэж байхгүй л болов уу. Монгол улсад харьцангүй хийсэн хөдөлмөрийг нь үнэлдэг систем хувийн секторт тогтсон. Харин тэр системээс гадуур байгаа компанийг та олж ороод байгаа бол энэ таны л буруу.

Та бүхэн өдөр тутмын сонин болгонд Ажилд Авна гэсэн зарыг харж л байгаа. Яагаад өчнөөн зар тавигдаад байгаа, харин ажилгүйчүүд нэмэгдээд байгаа юм бэ? Бодох л асуудал. Хэнээс бурууг хайх вэ? Мэдээж үүнд үндсээр нь боловсролын системийг өөрчлөх, сургалтын системийг сайжруулах гээд хийгдэх ёстой асуудал зөндөө, гэхдээ хамгийн эхлээд сургууль төгсөж байгаа оюутан та нар өөрсдөөсөө эхлэх хэрэгтэй болов уу гэж бодох юм. Эзэн хичээвэл заяа юу гэдэг билээ...

Татар ажиллагаа гэнээ

noreply@blogger.com (MT) — Mon, 11 Oct 2010 11:31:00 +0000

Зиак, Татар (үүнийг яагаад Татаар гэж уншаад байгааг ойлгохгүй л байгаам даа) Ажиллагаа гэдэг киноны нээлт нь өчигдөр Тэнгис кино театрт нь болж байх юм гэнэ. Урилгыг нь гадаа нь зарж байна. Сонирхолоо, үнэ нь 10,000 төгрөг. За ингээд мань мэт нь бол дэмий юм байна гээд зүгээр л киног нь үзчий гээд 4,000₮ билет аваад үзлээ л дээ. Сүүлийн үед их л сенсаац дэгдээгээд, гоё болсон болов уу гэсэн найдлагаар энэ киног сонголоо л доо. Бас тэр Одгэрэл хүчиндүүлээд байдаг гэхээр нь харнаа гэж бодоол, ха ха ха. Үнэндээ эрчүүд бол тэрийг нь их сонирхож үзсэн байх аа, хэ хэ.

Урьд нь бол Би чамд хайртай 2-г нь үзээд Херо-гийнханд сэтгэл дундуур байсан бол энэ удаа дээрдээ байлгүйдээ гэж бас битүүхэндээ горьдсоноо дурдаяа.

За тэгсэн үзлээ. Нүдээ анилгүй үзлээ. Ер нь нэг тийм, Жаки Чан саяхан ирээд явсныг ч хэлэх үү, дээхэн үеийн Хонг Конг кино яагаад ч юм санагдаад явчлаа. Нэг тийм акшион мөртөө инээдмийн жанр хийх гэж оролджээ хөөрхий. Санаа нь сайхан боловч сачий нь хүрсэнгүй дээ ч гэмээр юм уу. Тэгээд хэлчихвэл Баатар намаиг барьж аваад зодчихдог юм бол уу. Шал дэмий кино болсон байна лээ та минь ээ. Яахав, хийх юмгүй, мөнгө нь илүүдсэн хүмүүс бол очиж үзээрэй гэж зөвлөх байна.

Одгэрэл хэлээ хазаж тультираад л, ёстой инээдтэй. Харин Баатарын авгай яаж зүгээр байхав, өвчтэй охины ээж болоод бас гараад л авч байна лээ. Гол дүрд тоголсон дажгүй ганц 2 жүжигчнийг л өрөвдөж байлаа, ийм мяа кинонд тоглох гэж дэ гээл. Монгол хүний зан араншин, төлөв байдлаас гажсан, естой Европ маягийн гаж бодол санаа, үйлдэл хийдэг гол дүрүүдтэй ёстой сонин кино л гэж хэлмээр байна. За тэр киног муулах ч яахав, тэр хавиар байсан Монголчуудаа муулий л даа.

Кино үзээд гараад ирсэн, арын хаалгаараа шууд гадагш гаргах гэдэг байгаа. Яаж байгаам гэсэн, "киноны нээлт болоод тусгай хүлээн авалт болж байна, Ерөнхийлөгч ирсэн учраас тусгай хамгаалалттай, заавал гар" гэдэг байгаа. Өө, чадку, бие засмаар байна, би мөнгөө төлж кино үзсэн, танай тэр Ерөнхийлөгч миний бие засахад ямар хамаатайн, жорлон хүртэлээ хамгаалалтаа гаргаач, тэнэгтээд байгаарай гээл аймар уур хүрээл, хэрэлдээл, овоо удаан хэрэлдэж байж нэг давсагаа аварлаашд. Ёстой сүртэй бөгөөд тэнэг хүмүүс байх юмаа. Хэдэн одонцор нь ирээ л биз, тэд нарыг харах байсан бол тэр хүлээн авалтынх нь урилгыг аваал орно ш дээ. Од гэж хэдэн бие үнэлэгч мэт хувцасласан хэдэн охиноос өөр харан хүн байхгүй л байсан даг. Ямар бүдүүн Баатарыг харж баясах биш кэ кэ.

За тэр юу ч бишээ, үнэхээр Элбэгээ тэр нээлт дээр явж байсан бол ёстой онигоо гэж хэлье! Болиоч ээ! Элбэгээ, чамд хийх ажил байхгүй байгаам уу, мань нь чамд хийх ажил зааж өгье тэх үү. Чи залуусыг дэмжиж болноо, гэхдээ чамд соёл урлаг хариуцсан аташе ч юм уу нэг хүн байгаа ш дээ, тэрийгээ л явуулахад болно ш дээ. Естой Элбэгээг дэмжиж сонгуулид нэрийг чинь дугуйлж байсандаа гутаржийнаа. Арай ч дээ. Удахгүй баар диско хэсэх юм байна дөө. Бүхэл бүтэн Монгол улсын ерөнхийлөгч байж хийх ёстой ажилаа л хийж баймаар юм аа! Холливуудын од ирж кино-гоо нээсэн ч гэсэн чи тэнд явах ёсгүй ш дээ. Өөрийгөө битий шалдаа буулгаж доромжилол доо...

За ингээд л бөөн нерв гэртээ ирсэн юм даа. Монгол оо гэж...

Бас бодох л асуудал

noreply@blogger.com (MT) — Sun, 19 Sep 2010 10:42:00 +0000

Би болон миний найзууд дунд ганц бие буюу сингл хүмүүс олон байдаг. Бидний насанд гэрлэж, гэр бүл босгох үүрэг, хариуцлага, хүсэл эрмэлзэл тулгарч ирдэг. Гэтэл үнэн хэрэгтээ бид хэнтэй, хаана, яаж ханилан амьдрах вэ гэдэг асуудал дээр толгойгоо гашилгадаг. Амьдрал, гэр бүлийн талаар олон ном зохиол байдаг ч үнэн мөнийг хэлж өгөх нэвтэрхий толь сурах бичиг байдаггүй нь харамсалтай. Гуч гарсан хүмүүсийн хувьд жоохон хүүхэд шиг хөөрч дурлалдаа умбаж гэрлэх талаар бодох нь цөөрч, дан ганц хайр дурлалаар амьдрал босгодоггүй гэдгийг ухаарч, арай л практик талдаа боддог болсон байдаг. Энэ залуу миний насны хань мөн үү, хүүхдүүдийн минь эцэг болж чадах болов уу гэх мэт түм буман асуултад шумбаж явдаг. Иймдээ ч бид аль болох олон зүйлс уншиж, эргэцүүлэн боддог. Би ч мөн адил. Хэдэн өдрийн өмнө нэгэн нийтлэлийг олж уншсанаа та бүхэнтэй хуваалцах гэсэн юм. Ameno.ru сайтын Личная Жизнь хэсэгт нийтлэгдсэн нэгэн нийтлэлийг орчуулан тавилаа. Магадгүй бид бүхний мэддэг зүйл байх талтай ч дахин нэг уншаад үзэхэд та бүхэнд нэгийг бодогдуулах биз. Бүсгүйчүүдэд зориулсан нь харамсалтай боловч эрчүүд маань ч гэсэн санаа авахад буруудах юун.

ТАНЫ ГЭРЛЭЛТ АЗГҮЙТЭХ 7 ШИНЖ ТЭМДЭГ

1. Хэрвээ та өөрийн сонгосон залуугаа гэрлэлтийн дараа өөрчлөгдөнө гэж бодож байгаа бол таны гэрлэлт удахгүйн тэмдэг. Энэ бол ихэнх хүмүүсийн гаргадаг алдаа. "Боломж, бололцоотой" хэмээн хэн нэгэнтэй гэрлэж, хожим тэд тэр боломж, бололцоогоо ашиглахгүй, гаргаж чадахгүй тохиолдолд та сэтгэл хангалуун бус байна. Хэрвээ та энэ хүнтэйгээ одоо ч бүрэн дүүрэн сэтгэл хангалуун бус байгаа бол хэзээ ч сэтгэл хангалуун байхгүй. Иймд гэрлэх талаар бодоод ч хэрэггүй.

2. Та тухайн хүнийхээ зан аашинд бус бие биендээ татагдах мэдрэмжид тулгуурлаж байгаа бол таны гэрлэлт азгүйдэх магадлал өндөр байдаг. Мэдээж бие биендээ татагдах тэр мэдрэмж нь харилцаанд гал халуун, дурласан мэдрэмж уур амьсгалыг авчирдаг. Гэвч халуун дурлал нь аяндаа унтрах үед та сонгосон хүн тань тантай таарахгүй ааш зантай, жишээ нь харамч, үглээ, ууртай, г.м, болохыг олж мэдэн түүний аашийг тэвчихгүй гэдгийг ухаардаг. Ийм түүний ааш занд гэрлэхээсээ өмнө олж мэдэх, ойлгох, мэдрэх шаардлагатай.

3. Хэрэв таны хайртай хүн танд юу хамгаас илүү хэрэгтэй байгааг мэдрэхгүй бол гэрлэлт бас л азгүйдэх замдаа ордог. Эрэгтэй эмэгтэй хүмүүс харилцан адилгүй сэтгэлийн хэрэгцээтэй байдаг. Ихэнхдээ бид бие биенийхээ хэрэгцээг мэддэггүй. Жишээ нь эмэгтэй хүнд нөхрийнхөө хувьд хорвоо ертөнц дээр хамгийн сайхан, чухал, зайлшгүй бөгөөд ганцхан эмэгтэй нь байхыг хүсдэг бол эрэгтэйчүүд эхнэр нь түүнд итгэдэг, хүндэлдэг, хэрэгцээтэй байна гэдгээ мэдрэх дуртай байдаг. Хэрвээ та хоёр бие биендээ хангалттай анхаарал тавьж чаддаггүй бол аль аль нь муу хань болно гэсэн үг.

4. Хэрвээ та хоёр амьдралд өөр өөр зорилготой бол гэрлэлтийн талаар бодоод ч хэрэггүй. Амжилттай гэрлэлтэд зан ааш таарч тохирох, хайр дурлалаас гадна амьдралыг үзэх үзэл, аливаа нэг нэгдмэл зорилго, сонирхол байх хэрэгтэй байдаг. Хэрэв тэр талаараа та 2 тэс өөр хүмүүс бол гэрлэлтээ хойшлуулсан дээр болов уу.

5. Орондоо адил хэмжээний таашаал авч чаддаггүй бол та гэрлэх гэж яараад хэрэггүй. Нилээд хэдэн жилийн өмнө бол сексийн чадвар, туршлагагүйгээр гэр бүл болдог байсан. Энэ нь нэг талаасаа сайн ч гэлээ, бие биендээ таашаал өгөх ойлголт дутуу дулимаг, гэрлэсэн хойноо орондоо таарч тохирохгүйгээ мэддэг байсан нь харамсалтай. Харин одоо бол секс хувьсгал гарч гэрлэхээсээ өмнө хэдэн ч удаа хэнтэй ч хамаагүй "тестлэх" боломж бүрдсэн. Иймд сексийн талаар таарамжгүй байх нь гэрлэлтээ цуцлуулах гол шалтгаануудын нэг гэдгийг сана.

6. Ханийнхаа хажууд байхдаа амар амгалан, сэтгэлийн тайтгарал амсдаггүй бол таны гэрлэлт амжилтгүй болох магадлал тун өндөр. Та гэрлэсэн хүнтэйгээ насанд туршдаа хамт амьдарна гэж нэгэн гэр бүл үүсгэдэг учраас энэхүү мэдрэмж танд одоо төрөхгүй бол дахиад нэг сайн бодоод үз дээ. Хайртай хүнийхээ хажууд байхад чөлөөтэй тайван, аз жаргал, амар амгалан мэдрэгддэг байх ёстой. Хэрэв та түүнээс болон түүнтэй холбоотой аливаа нэг юмнаас айж эмээж байгаа бол гэр бүлийн аз жаргалыг амсахгүй л болов уу.

7. Хэрэв та гэрлэлтээр өөрт тань байдаг аливаа нэг асуудлыг шийдэх эсвэл ганцаардлаас зугтаж гэрлэж байгаа бол энэ хамгийн буруу шийдвэр. Хэрвээ та одоо өөрийгөө азгүй, ганцаардмал гэж мэдэрч байгаа бол гэрлэлтийн дараа ч энэ мэдрэмж алга болохгүй. Хурим хийх нь аливаа нэг асуудлыг шийдэх шийдэл, өвчин анагаах эм биз гэдгийг санаарай. Харин ч эсрэгээр гэрлэлт асуудал, толгойн өвчин нэмж бий болгодог.

http://www.ameno.ru/private_life/sexandlove/71345.html

Ёооооё ингэж нэг

noreply@blogger.com (MT) — Tue, 07 Sep 2010 06:39:00 +0000

Ингэж нэг блогоо санах гэж. Гэнэт блог бичдэгээ саналаа ш дээ сая. Зунжингаа л зуслан дээр цөлөгдөөстэй байлаа. Ажлаас гараад ертөнцөөс тасардийм байна. Ингээд хараад, бодоод байхад, ажил хийж байх үедээ би чинь ямар их завтай байсан юм бэ! Өглөө очоод заавал дэлхий ертөнцөөс тасрахгүй гэсэндээ сонин гарчиглана, гадаад дотоод мэдээ уншина. Найз нөхөд ажлийнхантай мэнд мэднэ, сонин хачин хов жив сонсоно. Тэгээд жоохон ажлаа хийж байтал өдрийн цайны цаг болно. Тэгээд 14.00 хойш бас дэлхий ертөнц яаж өөрчлөгдөж вэ гээл бас бус юм үзнэ харна, хүнтэй чатлана. Ер нь хэзээдээ ажлаа амжуулдаг байсан юм болоо? Бүүр гайхаад барахгүй юм. Хийх ёстой ажлаа бол цаг хугацаанд нь хийгээд болоод л байдаг байсан даа. Бас болоогүй ээ блогоо бичдэг завтай л байсан юмдаа.

Ер нь оффисын "суугаа" ажлыг бол бид нар үнэхээр цалгардуулдаг юм байна дөө, үнэн биз дээ? Та нар үнэнээ хүлээн зөвшөөрөл дөө. Харин нэг дор суудаг ажилгүй болсон чинь л гэв гэнэт нэг л их завгүй хүн болчих юм. Хүмүүс тэрнийг нь ойлгохгүй, "чи муу ямар их зантай болцийн хөөш, ажилгүйм байж" гээл. Би ч уул нь тогтвортой суудаг оффисгүй л болхоос биш бас үнэн худал ажил хийгээд л гүйгээд байдаг тэгсэн "гадуур машинаа уначаал дэмий тэнээд байдаг л юм байна лээ" гэж цоллуулаад байгаа. Нээрээ л хүн харахад нэг л сайхан машин унаад л гадуур яваад байдаг гэж харагдаж байгаа байх л даа. Гэхдээ тэгж явах чинь бас хэцүү, наад зах нь амь нас эрүүл мэндэд халгаатайшд. Түгжрээн дунд эр зориг гарган дайрч орж урдуураа машин оруулахгүй гэж тоормоз даран машинаа байн байн оцогнуулах ч хэцүү л дээ. За тэгээд тэр их утаа тоос тортог, уур омог нервийг бодохлоор оффисдоо суугаал, цонхоор харж хүн шоолж суух нь сайхан ч юм шиг.
Нээрээ миний бичлэг дүрэм журамаа алдаж эхлэж байгаа биз? Би чинь урьд нь лаг засаал, перфект Монголоор бичих гээл үздэг байсан, сүүлийн үед энэ Гаамп гэж нөхрийн блогийг энд тэндээс олж уншаад, тэр бичлэгийн хэлбэрт нь амтшаад, сурдийм уу гэж бодоод байгаашдээ. Та нар нээрээ тэр нөхрийн блогийг нэг олоод уншаад үзээрэй. Содон л юм билээ. За надаар нэг иймэрхүү. Харин та бүхнээр?

Талархал (Далдын хүчинд талархах нь) - 4

noreply@blogger.com (MT) — Thu, 01 Jul 2010 10:20:00 +0000

Гэр бүлийн байдалдаа талархах

Талархсанаар бүхэл дэлхий таныг хайрлах гэр бүл мэт санагдана.

Хүмүүст гэр бүл гэдэг нь өөр өөр ойлголтууд байдаг. Хүн бүрд ойрын, дотнын гэр бүл гэж байдаг. Энэ нь таны ээж аав, ах дүүс, эхнэр/нөхөр, үр хүүхэд гэх мэт гэр бүлийн бүтцэд чинь ордог бүхий л хүмүүсийг хэлнэ. Таны гэр бүл гэдэг ойлголтод таны тэжээвэр амьтан, эсвэл хол байдаг зөвхөн цахим захидлаар харьдаг найз тань ч орж болох юм. Ойр орчмын, амьдардаг орчны хүмүүсээ, хөршүүдээ ч гэсэн та өөрийн өргөн дэлгэр гэр бүлийн хүрээ ч гэж авч үздэг байж болох юм.

Та ганцаараа байж болно, гэсэн хэдий ч та аливаа нэг хүн, бүлэглэл, төлөөлөлд хамрагдаж, тэдэнтэй харьцдаг шүү дээ. Энэ холбоо харьцаанууд нь маш хувийн дотнын, эсвэл жирийн ажил хэргийн, танил төдий ч байх боломжтой. Эцсийн эцэст, танд ямар нэг хамаарал, гэр бүл заавал байдаг. Дотнын гэр бүлийнхэн, ажлын хамт олон, нэг хотынхон. эсвэл нэг улсын иргэд гэх мэтээр гэр бүлийн хүрээг нарийн эсвэл өргөн байлгаж, тодорхойлж болно.

Хийх үйлдэл, үе шатууд:

Та заримдаа таны амьдралыг бүрэн бүтэн, баяр баясгалантай болгож байгаа бусдын оролцоо, үүргийг мартаж байж болох юм. Иймд та өдөр бүр цаг гаргаж таны хайртай, гэр бүлийн хүмүүс, найз нөхөд, хүндэлж явдаг хүмүүсээ бодож байх хэрэгтэй. Тэдний энэ хорвоо дээр байгаа нь (хэрвээ энэ хорвоог орхисон бол байсан нь) таны сэтгэлээ хангалуун, сайхан амьдрал цогцлуулахад хэрхэн нөлөөлж, тусалж байгааг (байсныг), танд энэ нь ямар утга учиртайг эргэн санах нь чухал юм. Бусдыг хайрлан, хүндэтгэх бодол санаан агуулах, талархлын хүчээр та зүрхээ нээж өөрийн амьдралаа улам баялаг болгоход ихээхэн үүрэгтэй гэдгийг санах хэрэгтэй.

Баталгаажуулах:
Намайг тойрон хүрээлж намайг хайрлаж байгаа хүмүүс болон миний хайртай хүмүүс, гэр бүл минь байгаад би талархаж байна.