சாளரம்

காத‌ல‌ர் தின‌ சிற‌ப்பு ப‌ட்டிம‌ன்ற‌ம்.

noreply@blogger.com (கார்க்கி) — Tue, 14 Feb 2012 03:29:49 PST

காத‌ல‌ர் தின‌ சிற‌ப்பு ப‌ட்டிம‌ன்ற‌ம்.

சோலைமான் ஆப்பையா: பெரியோர்க‌ளே.. தாய்மார்க‌ளே ம‌ற்றும் சாள‌ர‌ நேய‌ர்க‌ளே எல்லோருக்கும் வ‌ண‌க்க‌ம். உங்க‌ள‌ இப்ப‌டி இன்டெர்நெட் மூல‌மா ச‌ந்திக்கிற‌துல‌ ரொம்ப‌ ம‌கிழ்ச்சி. இன்னைக்கு நாம‌ பேச‌ப் போற‌ த‌லைப்பு என்ன‌ன்னா "காத‌ல‌ர் தின‌ம் தேவையா! தேவையில்லையா". முத‌ல்ல‌.. தேவையேன்னு பேச‌ புதிய‌வ‌ர்.. இனிய‌வ‌ர். த‌ம்பி க‌ல‌ர்ம‌ண்ண‌னை அழைக்கிறேன்.

க‌ல‌ர்ம‌ண்ண‌ன்: ந‌டுவ‌ர் அவ‌ர்க‌ளுக்கும் ச‌பையின‌ருக்கும் வண‌க்க‌ங்க‌ள். இது என்ன‌ சார் கேணைத்த‌ன‌மா ஒரு கேள்வி! ச‌னிப்பெய‌ர்ச்சிக்கு ஒரு நாள் வ‌ச்சிருக்காங்க‌. முட்டாளுங்க‌ளுக்கு கூட‌ ஒரு நாள் இருக்கு சார். ஆனா உல‌கை வாழ‌ வைக்கிற‌ காத‌லுக்கு ஒரு நாள் இருந்தா இவ‌ங்க‌ளுக்கு எரியுது? ஏன் சார் இந்த‌ பொறாமை? காத‌ல‌ர் தின‌ம் பாட்டு கேட்டிருக்கீங்க‌ளா ந‌டுவ‌ர். அந்த‌ பாட்டெல்லாம் எவ்ளோ பெரிய‌ ஹிட்? இதுல‌ இருந்தே தெரிய‌லையா? நான் என்ன‌ சொல்றேன்னா காத‌லுக்கு ப‌ண‌ம் முக்கிய‌மில்லை. ஆனா தின‌ம் முக்கிய‌ம் சார்.

சோலைமான் ஆப்பையா:: த‌ம்பி வ‌ய‌சுக்கேத்த‌ மாதிரி சின்ன‌தா பேசிட்டு போயிட்டாரு. அடுத்து வாம்மா. திரும‌தி. ச‌சோதா.

ச‌சோதா: ந‌டுவ‌ர் அவ‌ர்க‌ளே!வ‌ண‌க்க‌ம். த‌ம்பி சொன்னாரு. முட்டாளுங்க‌ளுக்கு கூட‌ த‌னியா நாள் இருக்குன்னு. நான் கேட்கிறேன். அதான் உங்க‌ளுக்கு ஒரு நாள் ஏற்க‌ன‌வே இருக்கே. பிற‌கேன் இன்னொரு நாள்? அப்புற‌ம் என்ன‌வோ சொன்னாரு. உல‌கை வாழ‌ வைக்கும் காத‌லாம். முத‌ல்ல‌ காத‌லிக்கிற‌வ‌ங்க‌ பெத்த‌வ‌ங்க‌ள‌ வாழ‌ வைக்க‌ட்டும். சாவுற‌ வ‌ரைக்கும் அவ‌ங்க‌ ஒண்ணா வாழ‌ட்டும். அப்புற‌ம் உல‌க‌ வாழ‌ வைக்க‌லாம்.அட‌ இவ‌ங்க‌ முத‌ல்ல‌ ஒரு வாழை ம‌ர‌மாச்சும் ந‌ட்டு வ‌ச்சிருப்பாங்க‌ளா???இவ‌ங்க‌ வாழ‌ வைக்கிறாங்க‌ளாம். க‌டைசியா இன்னொண்ணு சொன்னாரு. ப‌ண‌ம் முக்கிய‌மில்லை. தின‌ம் தான் முக்கிய‌ம்ன்னு. குண‌ம் தானே ந‌டுவ‌ரே காத‌லுக்கு முக்கிய‌ம்?இவ‌ர் ஏன் லூசு மாதிரி பேசுறாரு? த‌ம்பிக்கு பாட்டு ம‌ட்டும் தான் தெரியுது. அந்த‌ பட‌ம் பெரிய‌ ஃப்ளாப். வாழ்க்கைன்ற‌து ப‌ட‌ம் மாதிரி. பாட்டு ம‌ட்டும் கிடையாதுன்னு தெரிஞ்சா தெளிஞ்சிடுவாரு. போக‌ட்டும். முடிவா ஒண்ணு சொல்றேன். காத‌லிக்க‌ வேண்டும். எப்ப‌டி? திரும‌ண‌ம் செய்த‌ பின் ம‌னைவியை காத‌லிக்க‌ வேண்டும்.தின‌ம் தின‌ம் காத‌லித்தால் காத‌ல‌ர் தின‌மென‌ ஒண்ணு தேவையா? யோசிங்க‌ ந‌டுவ‌ரே! வாய்ப்ப‌ளித்த‌மைக்கு ந‌ன்றி பாராட்டி அம‌ர்கிறேன்

சோலைமான் ஆப்பையா:: ச‌சோதா ரொம்ப‌ காட்ட‌மா இருக்காங்க‌ போல‌. அடுத்து தேவையே அணியின் த‌லைவ‌ர். வாப்பா.. கூஜா.

கூஜா: எல்லோருக்கும் வ‌ண‌க்க‌ம். அந்த‌ம்மா என்ன‌வோ சொன்னாங்க‌ளே. தின‌ம் தின‌ம் காத‌லித்தால் காத‌ல‌ர் தின‌ம் தேவையாவாம். அப்ப‌ ஆக‌ஸ்ட் 15 த‌விர‌ ம‌த்த‌ நாளெல்லாம் இவ‌ங்க‌ அடிமை போலிருக்கு. பொற‌ந்த‌ நாள் த‌விர‌ ம‌த்த‌ நாளெல்லாம் பேயா சுத்துவாங்க‌ போல‌. எல்லா நாளும் காத‌ல் இருக்கும் ந‌டுவ‌ரே.. ஆனா அதை வெளிப்ப‌டு‌த்த‌ ந‌ம‌க்கே ந‌ம‌க்குன்னு ஒரு நாளை க‌ழிக்கும் வாய்ப்பை வ‌ழ‌ங்குவ‌துதானே காத‌ல‌ர் தின‌ம்? க‌ல்யாண‌ம் ப‌ண்ணிக்கிட்டு காத‌லிக்க‌ணுமாம். த‌மிழ் வ‌ர‌லாறு தெரியாம‌ல் பேச‌ வ‌ந்தால் இப்ப‌டித்தான். ஒரு த‌மிழ்க்க‌விஞ‌ன் அன்றே சொன்னான். "போத்திக்க‌ட்டும் ப‌டுத்துக்க‌லாம். ப‌டுத்துக்க‌ட்டும் போத்திக்க‌லாம்". காத‌லித்து திரும‌ண‌ம் செய்தாலென்ன‌? திரும‌ண‌ம் செய்த‌ பின் காத‌லித்தால் என்ன‌? காத‌ல் வேண்டும். அதுதானே விஷ‌ய‌ம்? சும்மா பேச‌ணும்ன்னு பேச‌ வ‌ர‌க்கூடாது. இவ‌ங்க‌ இந்த‌ ஒரு நாளைக்கு இப்ப‌டி அல‌‌ப்பறை ப‌ண்றாங்க‌ளே.. இன்னும் மேலை நாடுக‌ள் மாதிரி ஒரு வார‌த்துக்கு முன்னாடியே க‌ட்டிப்புடி தின‌ம், கிஸ்ஸ‌டி தின‌ம், க‌ரெக்ட் ப‌ண்ணு தின‌மெல்லாம் கொண்டாடினால் என்ன‌ செய்வாங்க‌?

சோலைமான் ஆப்பையா: அட‌ நீ வேற‌ப்பா. ப‌ஸ் டே கொண்டாட‌வே வ‌ழிய‌ காணோம். கிஸ் டே வாம்.

கூஜா: இவ்ளோ வ‌யாச‌ன‌ உங்க‌ளுக்கு தெரிஞ்ச‌து கூட‌ இந்த‌ இள‌சுங்க‌ளுக்கு புரிய‌ல‌ பாருங்க‌ ந‌டுவ‌ரே! எல்லாத்தையும் மிஸ் ப‌ண்ற‌தால‌ நாம‌ மிஸ் டேதான் கொண்டாட‌ணும் போலிருக்கு. ந‌டுவ‌ர் அவ‌ர்க‌ளே!! காத‌ல‌ர்க‌ள் குடிகார‌ர்க‌ள் போல‌ ப‌ப்ளிக்க‌ தொல்லை ப‌ண்றாங்க‌ளா? ப‌ப்ளிக் தான் அவ‌ங்‌களையே வெறிச்சு பார்த்து தொல்லை ப‌ண்றாங்க‌. வேக‌மா ஓடிட்டே இருக்கிற‌ வாழ்க்கைல‌ நின்னு, நிதான‌மா, கைய‌ புடிச்சு நான் விரும்புறேன்டா செல்ல‌ம்ன்னு சொல்ற‌ நாள‌ வேணாம்ன்னு சொன்னா 2 கார‌ண‌ம்தான் இருக்கும் ந‌டுவ‌ர் அவ‌ர்க‌ளே.. ஒண்ணு அந்த‌ அன்பு இல்லாம‌ல் இருக்க‌ணும். இல்லைன்னா சொல்ற‌துக்கு அந்த‌ செல்ல‌ம் இல்லாம‌ இருக்க‌ணும். வாய்ப்ப‌ளித்த‌மைக்கு ந‌ன்றி.

சோலைமான் ஆப்பையா:: ந‌ல்லா சொன்னாரு. அடிச்சு சொன்னாரு. இப்ப‌ இந்த‌ம்மா என்ன‌ சொல்ல‌ போகுது? வாம்மா.. சார‌தி ராஸ்க‌ர்.

சார‌தி ராஸ்க‌ர்: அனைவ‌ருக்கும் வ‌ண‌க்க‌ம். ஒரு ந‌ல்ல‌ நாள்ன்னா பேச்சு ஆர‌ம்பிக்கிற‌துக்கு முன்னாடி பொங்க‌ல் வாழ்த்து, தீபாவ‌ளி வாழ்த்துன்னு சொல்வோம். இவ‌ங்க‌ளால‌ இன்னைக்கு அந்த‌ வாழ்த்த‌ சொல்ல‌ முடிஞ்சுதா? அதுல‌ இருந்தே தெரிய‌லையா இது ஒரு சுய‌ந‌ல‌ கொண்டாட்ட‌ம்ன்னு. எல்லோருக்கும் சொன்னா அது காத‌ல‌ர் தின‌ம் ஆகாது. அன்பு வேற‌ காத‌ல் வேற‌. கூஜா பேசும்போது சொன்னாரு போத்திக்கிட்டும் ப‌டுக்க‌லாம்ன்னு. அதே த‌மிழ்க்க‌விஞ‌ன் தான் சொன்னான் "க‌ல்யாண‌ம் தான் க‌ட்டிக்கிட்டு ஓடிப்போலாமா.. இல்லை ஓடிப்போய் க‌ல்யாண‌ம்தான் க‌ட்டிக்க‌லாமா". இதுங்க‌ எக்கேடோ கெட்டு ஓடுற‌துக்கு முகூர்த்த‌ம் குறிக்கிற‌ நாள் தான் இந்த‌ காத‌ல‌ர் தின‌ம். ந‌டுவ‌ர் அவ‌ர்க‌ளே.. சுத‌ந்திர‌ நாள் ப‌த்தி சொன்னாரு. ஆகஸ்ட் மாச‌ம் 31 நாள். குடிய‌ர‌சு தின‌ம் வ‌ர்ற‌ ஜ‌ன‌வ‌ரிலும் 31 நாள். ஆனா காதலர் தின‌ம் வ‌ர்ற‌ ஃபிப்ர‌வ‌ரில‌? யோசிக்க‌ணும் ந‌டுவ‌ர் அவ‌ர்க‌ளே.. வருஷ‌ம் ஒரு நாள் த‌னியா க‌ழிக்க‌ணுமாம். அட‌ நாங்க‌ வாரா வார‌ம் ஒரு நாள் அ‌ப்படித்தாங்க‌. அத‌னால‌தான் வ‌ருஷ‌த்துக்கு ஒரு நாள் எதுக்குன்னு கேட்கிறோம். எங்க‌ளுக்கு செல்ல‌ம் இல்லையாம். அத‌னால‌ வேண்டாம்ன்னு சொல்றோமாம். க‌ரெக்ட் ப‌ண்ற‌துக்கு தின‌ம் நாங்க‌ளாங்க‌ கேட்டோம்? ஆளே இல்லாம‌ அலையுற‌‌வ‌ருக்குத்தான் அது வேண்டும். அட‌ அ‌ப்படி ஒரு நாள் வ‌ச்சா கூட‌ இவ‌ருக்கு யாரும் கிடைக்க‌ மாட்டாங்க‌. இந்த‌ ந‌க்க‌ல் பேச்சுக்கு யாரும் ம‌ய‌ங்க‌ மாட்டாங்க‌. ந‌டுவ‌ர் உட்ப‌ட‌ என‌க்கூறி ந‌ல்ல‌தொரு தீர்ப்பு த‌ரும்ப‌டி ந‌டுவ‌ரை கேட்டுக்கொன்டு விடை பெறுகிறேன்.

சோலைமான் ஆப்பையா:: இப்ப‌டி மாட்டிவிட்டாங்க‌ளே.. இப்ப‌ என்ன‌ செய்ற‌து?கூஜாவை த‌லை நிமிர்ந்து பார்க்க‌வே இப்ப‌ ஒரு மாதிரி இருக்கு. ஆனா அந்த‌ம்மா சொல்லுச்சு. ஃபிப்ர‌வ‌ரி மாச‌த்துல‌ 28 நாள்தான்னு. ஏம்மா எல்லாத்தையும் இப்ப‌டி எதிர்ம‌றையா பார்க்க‌றீங்க‌? இப்ப‌டி ஒரு குறையை கொடுத்துட்டமேன்னு நினைச்சு அதை ச‌ரிக்க‌ட்ட‌தான் காத‌ல‌ர் தின‌த்த‌ அந்த‌ மாச‌த்துல‌ வ‌ச்சாங்க‌ன்னு கூட‌ பார்க்க‌லாமே?காத‌ல் த‌ப்பில்லை. காத‌ல‌ர் தின‌ம் தான் த‌ப்புன்னா எப்ப‌டி? மாவு புளிச்சாதானே தோசை புளிக்கும்? அப்ப‌ தீர்ப்பு சொல்ற‌ நேர‌ம் வ‌ந்துடுச்சு. என‌க்கு என்ன‌ தோணுதுன்னா.. காத‌ல‌ர் தின‌ம் தேவையில்லாத‌வ‌ங்க‌ளுக்கு தேவையில்லை. தேவையான‌‌வ‌ங்ளுக்கு தேவை. அதாவ‌து அவ‌ங்க‌ளுக்கு வேலன்ட்டைன்ஸ் டே. உங்க‌ளுக்கு வெறும் ட்யூஸ் டே. வாய்ப்ப‌ளித்த‌ சாள‌ர‌ம் வ‌லைப்பூவுக்கும், நேய‌ர்க‌ளுக்கும் ந‌ன்றி ந‌ன்றி ந‌ன்றி

தி ராணி

noreply@blogger.com (கார்க்கி) — Thu, 02 Feb 2012 20:46:39 PST

தோழி த‌ந்த‌ முத்த‌ங்க‌ளை வாங்கிக்கொண்டு "ஆல் இச் வெல்" என்றேன். திரும்ப‌ கொடுடா என‌ வாங்கிக் கொண்டு என் "ஆள் இச்சும் வெல்" என்கிறாள். "என் ஆள் இச் வெறும் வெல் அல்ல‌. ஹ‌னிவெல்" என்று சொல்லிவிட்டேன். (நீங்க‌ உட‌னே ஆல் இஸ் ஜொள்ன்னு க‌மென்ட் போடாதீங்க‌)

:-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-*

கோவத்துல “இனிமேல உன்கிட்ட பேசினா உதட்டாலே அடி என்றேன் தோழியிடம். அதத்தான்டா செய்வேன் என அவளும் கோவமாக சொல்கிறாள். #விளங்கிடும்

:-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-*

அம்மா கேப்ட‌னைப் பார்த்து கேட்ட‌தை போல‌ தோழி என்னைப் பாத்து "திராணி" இருக்கா என்றாள். "தி ராணி" நீ இருக்கியே த‌ங்க‌ம் என்று சொல்லி த‌ப்பித்தேன். #THE RANI

:-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-*

செத்து செத்து விளையாடலாம் வா என்கிறாள் தோழி #முத்த‌ப் ப‌ரிமாறுத‌ல்

:-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-*

வேலண்ட்டைன்ஸ் டேவுக்கு treat for 4 ஆஃபராம். டொமினாஸ் பிஸ்ஸா காரனுங்க என்னை மாட்டிவிடாம‌ இருக்க‌ மாட்டாங்க‌ போலிருக்கே

:-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-*

மழைத்தூறலுக்கு பின் எழும் மண்வாசணைக்கு சற்றும் குறைந்ததல்ல உன் முத்த வாசனை

:-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-*

என் இன்மையை நிலா இல்லாத இரவென்கிறாய். எனக்கு நீ இல்லாமல் போனால் சூரியன் இல்லாத பகலடி

:-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-*

குளத்தில் விழுந்த கல்லாய் என்னுள் இறங்கிவிட்டாய். நான்தான் கல் விழுந்த குளமாய் அலைபாய்ந்து கொண்டிருக்கிறேன்.

:-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-*

குறைமாச‌மான‌ ஃபிப்ர‌வ‌ரியை நிறைமாச‌மாக்க‌வே காத‌ல‌ர் தின‌த்தை இந்த‌ மாச‌த்துல‌ வ‌ச்சாங்க‌ளாம் என்றேன் தோழியிட‌ம். கேப்ட‌னை போல‌ நாக்கை ம‌டித்து, 10 நாள் முத்த‌ ச‌ஸ்பென்ட் செய்து விட்டாள்

:-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-*

You are A gift என‌ தோழியிட‌ம் சொல்லும்போது Aவை கேப்பிட்ட‌ல் லெட்ட‌ரில் போட்டுவிட்டேன். புது அர்த்த‌ம் சொல்லி அடிக்கிறாள்

:-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-*

எல்லா அத்தையும் அத்தையல்ல அழகான /
பொண்ண பெத்தாதான் அத்தை

CAPTAIN

noreply@blogger.com (கார்க்கி) — Thu, 02 Feb 2012 20:43:26 PST

க‌டைசி ப‌திவு எழுதிய‌ ஒரே நாளில் கேப்ட‌ன் அதிர‌டி ஆக்ஷ‌னை தொட‌ங்கிவிட்டார். ச‌ட்ட‌ம‌ன்ற‌ தொட‌ருக்கு முன்பாக‌ எழுத‌ வேண்டும் என‌ என்ணினாலும் இப்ப‌டியெல்லாம் செய்வார் என‌ எதிர்பார்க்க‌வேயில்லை. ட்விட்ட‌ர், ஆஃபீஸ் , ந‌ண்ப‌ர்க‌ள் என‌ பலரிட‌த்திலும் இந்த‌ குறிப்பிட்ட‌ பிர‌ச்சினையை பொறுத்த‌வ‌ரை கேப்ட‌னுக்கு ஆத‌ர‌வான‌ குர‌லே கேட்கிற‌து.

பிர‌ச்சினை என்னவென்று இன்னும் பார்க்காத‌வ‌ர்க‌ள் இந்த‌ வீடியோவில் பாருங்க‌.

இப்போதைக்கு கேப்ட‌ன் ப‌ற்றிய‌ ட்வீட்ஸை ம‌ட்டும் ப‌திவு செய்து கொள்கிறேன்

ஹீரோவின் பார்வை அதிகம் யார்ப்பக்கம் இருக்கோ அவர்தான் மெயின் வில்லன்.திமுக சுதாரித்துக் கொள்ளாவிட்டால், அகில இந்திய நாடாளும் திமுக ஆகலாம்

நில அபகரிப்பு வழக்க கூட கேப்டன் மேல போட முடியாது. மண்டபத்த தானமா கொடுத்த தலைவண்டா அவரு

ஜெ.வின் முகத்தில் தெரிந்த கோவம், வெறுப்பு.. இவையெல்லாம் என்னவென்று ஆன்றோர்கள் அறிவார்கள் :)

அய்யோ..கேப்ட‌ன் நாக்க‌ ம‌டிச்சா என்ன‌ அர்த்த‌ம் சின்ன‌ க‌வுண்ட‌ர்ல‌ சொல்ல‌லையே!!! துண்டோட‌ நிறுத்துட்டியே உத‌ய‌கொமாரு

விலையேத்தினாலும் ஜெயிப்போம்டான்னு ஆத்தா சொல்லும்போது சங்கரன்கோவில் ஊர்க்காரன நினைச்சு பார்த்தேன்.. விடுரா முத்து... தாலிய மீட்டுடலாம்

இதே நாக்கை திமுக ஆட்சியல மடிச்சிருந்தா வரலாற்றுல எவன் எவன் எல்லாம் நாக்கை மடிச்சான்னு வெவரமாச்சும் தாத்தா மூலமா கிடைச்சிருக்கும்,

எம்புட்டு அழகா மூக்குத்தி முத்தழகுன்னு பொம்பளைங்கல பார்த்து பாடுவரு? இப்படி கோவபப்டுத்தி பார்க்கறீங்களே ஆத்தா!! #கேப்டன்

லியாகத் அலிகான் மட்டும் இருந்திருக்கணும்..

ஜெயிச்ச பிறகு ஆடுறதெல்லாம் இருக்கட்டும். பிரச்சாரத்தின் போதே அதிமுக கொடியை இறக்க சொன்ன கேப்டன் பெரியாளு தானே?

கேப்ட‌னின் அதிர‌டியை முறிய‌டிக்கும் நோக்கில் திமுக‌ பொதுக்குழுவில் வாழக்காய்க்கு ப‌தில் மிள‌காய் ப‌ஜ்ஜி த‌ர‌ப்ப‌ட‌லாம்.

ஏ.சி ப‌ன்னீர்செல்வ‌ம் ச‌ஸ்பென்ட் ஆகி திரும்ப‌ சேர்ந்த‌ப்ப‌ ந‌ட‌ந்த‌ க‌தையெல்லாம் அம்மாவுக்கு தெரிய‌ல‌. #captain

விஜயகாந்த் நீக்கம் சர்வாதிகாரத்தின் உச்சம்- ஸ்டாலின் // #அண்ணே காபி சாப்ட்டிங‌க்ளாண்ணே? அண்ணே டிஃப‌ன் சாப்ட்டிங்க‌ளாண்ணே

க‌ர‌ண்ட் இருந்தாலே கேப்ட‌ன‌ ஒன்ணும் ப‌ண்ண‌ முடியாது.இதுல‌ அதுவும் இல்லாம‌ அம்மா என்ன‌ ப‌ண்ணும்? #ந‌ர‌சிம்மா

வெள்ளைச்சாமின்னா முக்கா பேண்ட்ட‌ போட்டுட்டு ராப்பாட்டு பாடுற‌வ‌ன் நினைச்சிங்க‌ளா? இப்ப‌ எங்காளு ர‌ம‌ணாடா !! #கேப்ட‌ன்

ச‌ஸ்பென்ட் எல்லாம் எங்க‌ கேப்ட‌னுக்கு ச‌க்க‌ரை பொங்க‌ல். ட்யூட்டி செய்ய‌ போலீஸ் உடுப்பு எதுக்குடா????

ஸ்டாலின்

noreply@blogger.com (கார்க்கி) — Wed, 01 Feb 2012 23:19:08 PST

ஸ்டாலின்.

திமுக‌வின் அடுத்த‌ நம்பிக்கை. இளைஞ‌ர்க‌ள் ம‌த்தியில் ப‌ர‌வ‌லான‌ ஆத‌ர‌வு பெற்ற‌வ‌ர். நிர்வாக‌த்தில் சிற‌ந்த‌வ‌ர். அழ‌கிரி, க‌னிமொழி, த‌யாநிதி போலில்லாம‌ல் க‌டின‌மான‌ உழைப்பால் க‌ட்சியில் உய‌ர்ந்த‌வ‌ர்.அடுத்த‌ த‌லைமை. எல்லோரையும் போல‌ என‌க்கும் இப்ப‌டிப்ப‌ட்ட‌ ந‌ம்பிக்கைக‌ள் இருந்த‌ன‌, சில‌ கால‌ம் முன்பு வ‌ரை. க‌ட‌ந்த‌ ஆட்சி திமுக‌ மீது பெரும் கோவ‌த்தையும், வெறுப்பையும் ஏற்ப‌டுத்தியெதென்றால், ஏனோ ச‌மீப‌த்திய‌ ந‌ட‌வ‌டிக்கைக‌ள் ஸ்டாலின் மீதான‌ ந‌ம்பிக்கையை சுக்கு நூறாக்குக்கின்ற‌ன‌.

இதில் ஸ்டாலினின் நேர்மையை விவாதிக்க‌ விரும்ப‌வில்லை. ஒரு த‌லைவ‌னுக்குண்டான‌ த‌குதிக‌ள் ப‌ற்றியே பேச‌ விரும்புகிறேன். ஒரு க‌ட்சிக்கு த‌லைவ‌னாக‌வோ, இந்தியா போன்ற‌ ஒரு நாட்டில் மாநில‌ முத‌ல்வ‌ராகாவோ விரும்புகிற‌வ‌ருக்கு வாய்ப்புக‌ளை உருவாக்க‌வும், கிடைக்கும் ச‌ந்த‌ர்ப்ப‌ங்க‌ளை ப‌ய‌ன்ப‌டுத்திக் கொள்ள‌வும் தெரிய‌ வேண்டும். அண்ணா ம‌றைவுக்கு பிற‌கு ந‌ட‌ந்த‌ குழ‌ப்ப‌ங்க‌ளின் இடையில் சாம‌ர்த்திய‌மாக‌ த‌லைவ‌ர் ஆன க‌லைஞ‌ரின் புத்திசாலித்த‌ன‌ம் ஸ்டாலினிட‌ம் வெளிப்ப‌ட்ட‌ நிக‌ழ்வுக‌ள் எதுவும் இருப்ப‌தாக‌ தெரிய‌வில்லை. த‌யாநிதி & க‌லாநிதி க‌ட்சியை கைப்ப‌ற்ற‌ முய‌ன்ற‌தில் 1% கூட‌ ஸ்டாலின் நினைக்க‌வில்லை. எல்லாம் தானாக‌ ந‌ட‌க்கும் என‌ இருப்ப‌வ‌ன் த‌லைவ‌ன் இல்லை.

அண்டை மாநில‌மான‌ ஆந்திராவை எடுத்துக் கொள்ள‌லாம். ச‌ந்திர‌பாபு நாயுடு எப்ப‌டி க‌ட்சியை கைப்ப‌ற்றினார்?அத‌ன்பின் அமைந்த‌ அவ‌ர‌து த‌லைமையிலான‌ 5 ஆண்டு ஆட்சி மிக‌ முக்கிய‌மான‌ ஒன்றாக‌ ஆக‌வில்லையா? 2011 தேர்த‌லுக்கு முன்பு எப்போது அழ‌கிரியும், க‌னிமொழியும் போட்டிக்கு வ‌ந்தார்க‌ள்? 40 ஆண்டுக‌ளாக‌ க‌ட்சிக்கு உழைத்து வ‌ரும் ஸ்டாலின் அதை த‌டுக்க‌ ஏதும் யூக‌ம் அமைத்தாரா அல்ல‌து அவ‌ர் த‌லைவ‌ராக‌த்தான் ஏதும் திட்ட‌ம் தீட்டினாரா? எல்லாம் க‌னிந்து தானாக‌ த‌ன் கையில் வ‌ருமென‌ காத்திருப்ப‌வ‌ரை எப்ப‌டி ந‌ம்புவ‌து?

முல்லை பெரியாறு பிர‌ச்சினையை எடுத்துக் கொள்ள‌லாம். உண‌ர்வுப்பூர்வ‌மாக‌ போராடுவ‌து இருக்க‌ட்டும். திமுக‌ அத‌ற்காக‌ போராடிய‌ முறைக‌ள் ந‌கைப்புக்கு உரிய‌தாக‌த்தான் அமைந்த‌ன‌. த‌ன்னிச்சையாக‌ எழுந்த‌ ம‌க்க‌ள் புர‌ட்சி ப‌ல்லாயிர‌க்க‌ண‌க்கானோரை எல்லையில் சேர்த்த‌து. க‌ள‌ம் சென்று அதை நெறிப்ப‌டுத்தாம‌ல் ம‌னித‌ ச‌ங்கிலி சென்னையிலாம். இறுதிவ‌ரை இந்த‌ விஷ‌ய‌த்தில‌ ஸ்டாலினின் க‌ருத்து இதுவென‌ எங்கேயும் ம‌க்க‌ள் ம‌ன‌ம் வ‌ரை செல்லுமாறு அவ‌ர் ப‌திவும் செய்ய‌வில்லை. சாத‌க‌மாக‌வோ,பாத‌க‌மாக‌வோ க‌லைஞ‌ர் பெய‌ரின்றி தின‌ப்ப‌த்திரிக்கை எதுவும் வ‌ருவ‌தில்லை. த‌ன்னைப் ப‌ற்றி செய்திக‌ள் வ‌ந்த‌வ‌ண்ண‌ம் இருக்க‌ வேண்டுமென்ப‌தில் த‌ந்தை காட்டிய‌ அக்க‌றை ம‌க‌னுக்கு ம‌ற‌ந்தே போன‌து ஆச்ச‌ரிய‌ம்தான்.

இளைஞ‌ர்க‌ள் திமுக‌வ‌ச‌ம் என்பார்க‌ள். கால‌த்திற்கேற்ப‌ இளைஞ‌ர்க‌ளை க‌வ‌ர்ந்திழுக்கும் கொள்கைக‌ளும், போராட்ட‌ முறைக‌ளும் கையாண்ட‌ திமுக‌ செத்து போயிற்று. இணைய‌ம் ப‌க்க‌ம் திமுக‌வின் செய‌ல்பாடுக‌ள் ஆர‌ம்பிக்க‌வே இல்லை. ல‌க்கி, அபிஅப்பா, அப்துல்லா போன்றோரின் ந‌ட‌வ‌டிக்கைக‌ளை திமுக‌வின் ந‌ட‌வ‌டிக்கைக‌ளாக‌ என்னால் பார்க்க‌ இய‌லவில்லை. மேய‌ராக‌ இருந்த‌ போது இளைஞ‌ர்க‌ள் ம‌த்தியில் இருந்த‌ ந‌ம்பிக்கை, அவ‌ர் உள்ளாட்சித் துறை அமைச்ச‌ராக‌ இருந்த‌ போது கிடைக்காம‌ல் போன‌துதான் நித‌ர்ச‌ன‌ம்.

“க‌ண்ணிய‌மான‌ அர‌சிய‌ல் செய்கிறார். இதுவ‌ரை எந்த‌ ஊழ‌ல் புகாரிலும் சிக்க‌வில்லை.” இது போன்ற‌ விஷ‌ய‌ங்க‌ள் நிச்ச‌ய‌ம் அவ‌ர் மீதான‌ ம‌திப்பை கூட்டுக்கின்ற‌ன‌. ஆனால் ஒரு த‌லைவ‌னுக்கு தேவையான‌ சாதூர்ய‌ங்க‌ள் இவ‌ரிட‌ம் இருந்து வெளிப்ப‌ட்ட‌துண்டா என்ப‌தே கேள்வி. இவ‌ரை போன்ற‌‌வ‌ர்க‌ள் ஒரு நிறுவ‌ன‌த்தில் மிக‌ முக்கிய‌ பொறுப்பில், CEO போன்று, இருக்க‌லாம். ஆனால் ஒரு Entrepreneur ஆக‌ இதைத் தாண்டி ஏதோ ஒன்று தேவைப்ப‌டுகின்ற‌தே. த‌லைவ‌ன் என்ப‌வ‌ன் ச‌ம்ப‌ள‌த்திற்கு வேலை செய்ப‌வ‌ன் அல்ல‌, ச‌ம்ப‌ள‌ம் த‌ர‌ வேண்டிய‌வ‌ன்.

காங்கிர‌ஸ் உட‌னான‌ உற‌வில் ப‌ல‌ சிக்க‌ல்க‌ள் இருந்த‌து என்ன‌வோ உண்மைதான். அத‌ற்காக‌ ஒவ்வொரு வாய்தாவின் போதும் வீராவேச‌மாக‌ பொதுக்குழுவை கூட்டுவ‌தும், போண்டா சாப்பிட்டப்பின் உற‌வு சிக்க‌லின்றி தொட‌ர்கிற‌து என்றும் அறிக்கை விட்ட‌தெல்லாம் கைப்புள்ள‌ காமெடி. 63 சீட்டுக‌ள் ப‌கிர்ந்த‌தும், அத‌ன் பின்ன‌ரும் இள‌‌ங்கோவ‌ன் போன்றோர் க‌ர்ஜித்த‌தும், அதை ஸ்டாலின் கூட‌ அமைதியாக‌ பார்த்த‌தும் திமுகைவை புலிகேசி அள‌விற்கு ம‌க்க‌ள் எண்ண‌ வ‌ழி செய்துவிட்ட‌ன‌. இனி புர‌ட்சிப்ப‌டை அமைத்தாலும் மீண்டு வ‌ருவ‌து சிர‌ம‌ம்.

இனியும் க‌லைஞ‌ரின் வார்த்தைக்காக‌ தாம‌திக்காம‌ல் க‌ட்சியை கைப்ப‌ற்ற‌ முய‌லாவிட்டால் ஸ்டாலின் எப்போதும் எட்டாம் வ‌குப்பு பாட‌ப்புத்த‌க‌த்தில் இடம்பெற‌வே முடியாது. அது கூட‌ பிர‌ச்சினையில்லை. விஜ‌ய்காந்த‌ அந்த‌ ப‌க்க‌த்தை நிர‌ப்ப‌லாம். சொல்ல‌ப் போனால், இந்த‌ப் ப‌திவு எழுத‌ வேண்டுமென‌ தோன்றிய‌த‌ன் மூல‌கார‌ண‌ம் ஸ்டாலின் அல்ல‌. அச்ச‌த்தை விளைவிக்கும் கேப்ட‌னின் வ‌ள‌ர்ச்சி.

ந‌ண்ப‌ன் -‍ எல்லோருக்கும்(karki)

noreply@blogger.com (கார்க்கி) — Wed, 11 Jan 2012 21:53:41 PST

அலுவ‌‌ல‌க‌த்திலே அவ‌ன் தான் சுமாரான‌வ‌ன். க‌ட்ட‌ம் போட்ட‌ ச‌ட்டை, ப‌ச்சை க‌லர் பேன்ட் எல்லாம் போடுவான். ஒரு நாள் டீம் அவுட் சென்றிருந்த‌ போது பாம்பு ஒன்று வ‌ந்துவிட்ட‌து. ரோமியோக்க‌ள் எல்லாம் குருவி விஜ‌ய் போல‌ ஜ‌ம்ப் ப‌ண்ணி ப‌ற‌ந்துவிட்டார்க‌ள். ப‌ச்சை பேன்ட்தான் குச்சியால் அதை ஓர‌ங்க‌ட்டி சில‌ பெண் க‌லீக்ஸை காப்பாற்றினான். அன்று முத‌ம் அவ‌ன் தான் ஹீரோ எங்க‌ள் அலுவ‌ல‌க‌த்தில். ஹீரோயிச‌ம் என்ப‌து ஒற்றை ப‌ரிணாம‌ம் கொண்ட‌த‌ல்ல‌.அதை இன்னொரு கோண‌த்தில் காட்டிய‌ ப‌ட‌ம்தான் 3 இடிய‌ட்ஸ். இதை த‌மிழில் விஜ‌ய் செய்கிறார்‌ என்ற‌ போதே நான் சொன்ன‌து,இது ஒண்ணும் ஆஃப் பீட் ப‌ட‌ம‌ல்ல‌. இன்னொரு ஹீரோயிச‌ ப‌ட‌ம் தான், மாறுப்ப‌ட்ட‌ கோண‌த்தில்.

ஃப்ளைட் கிள‌ம்புகிற‌து. உள்ளே இருக்கும் ஸ்ரீகாந்திற்கு பாரி கிடைத்துவிட்டான் என‌ ஃபோன் வருகிற‌து. மார‌டைப்பு போல் நாட‌கமாடி இற‌ங்குகிறார். பேன்ட் போடாத‌து கூட‌ தெரியாம‌ல் ஜீவாவும் இணைகிறார். "இவ‌ன் தூர‌த்தில் பூத்திட்ட‌ அன்னை ம‌டி" என்ற‌ பிண்ண‌னி பாட‌லோடு பாரியை தேடி கிள‌ம்புகிறார்க‌ள்.பாரிதான் விஜ‌ய். இதை விடவா ஒரு மாஸ் ஓப்ப‌னிங் விஜ‌ய்க்கு அமைந்திருக்கிற‌து?

ப‌ட‌ம் முழுக்க‌வே எல்லோருக்கும் காட்ஃபாத‌ர் போல‌ இருக்கிறான் நாய‌க‌ன். "டேய் அவ‌ர் யாரு தெரியுமாடா" என்ற‌ கூச்ச‌ல் எதை செய்ய‌ வேண்டுமோ, அதை ச‌த்த‌மில்லாம‌ல் இன்னும் வீரிய‌த்தோடு செய்திருக்கிறார்க‌ள். கூட‌வே விஜ‌யின் ப்ள‌ஸ் ஆன‌ காமெடி, குறும்புக‌ள் க‌தையோடே அமைந்த‌து கொடுப்பினைதான்.

க‌தை ம‌ண்ணாங்க‌ட்டி எல்லாம் தெரிந்திருக்கும். நாம் த‌மிழில் எப்ப‌டி செய்திருக்கிறார்க‌ள் என்று ம‌ட்டும் பார்ப்போம். ஏனெனில் ந‌ண்ப‌ன் 3 இடிய‌ட்ஸின் க்ரிஸ்ட‌ல் க்ளிய‌ர் ஃபோட்டோக்காப்பி. ஆங்காங்கே லேசான‌ க‌ரும்புள்ளிக‌ள். ஆனால் அவை க‌ண்க‌ளுக்கு தெரியாம‌ல் பார்த்துக் கொண்ட‌து ஷ‌ங்க‌ரின் சாமர்த்திய‌ம். இது போன்ற‌ ஒரு ப‌ட‌த்திற்கு ஷ‌ங்க‌ர் தேவையா என்று யோசித்தேன். ஆனால் 3 இடிய‌ட்ஸ் ஷ‌ங‌க்ருக்கு ஏற்ப‌டுத்திய‌ பாதிப்பு அவ‌ரை ச‌ரியான‌ தேர்வாக‌ ஆக்கியிருக்கிற‌து. த‌மிழுக்கு ஏற்ற‌து போல் மாற்றியிருக்கிறேன் என்ற‌ ஜ‌ல்லிய‌டித்து திரைக்க‌தையில் த‌ங்க‌ள் பெய‌ர் போட்டுக் கொண்ட‌வ‌ர்க‌ள் ம‌த்தியில் வெறும் இய‌க்க‌ம் ம‌ட்டுமே என‌ சொல்லியிருப்ப‌து பார‌ட்ட‌த்த‌க்க‌து.

அடுத்து ச‌த்ய‌ராஜ். வேறு யாரையும் யோசிக்க‌ முடியாத‌ தோற்ற‌ம். எல்லோரும் எதிர்பார்த்த‌ தேர்வுதான். குழைத்து குழைத்து பேசி அம‌ர்க்க‌ள‌ப்ப‌டுத்தியிருக்கிறார். ப‌ட‌த்தின் ப‌ல‌ம‌ல்ல‌, ப‌ல‌வீன‌முமல்ல‌. கொடுத்து வேலையை ச‌ரியாக‌ செய்திருக்கிறார்.

ஜீவா. இந்த‌ த‌லைமுறை ந‌டிக‌ர்க‌ளில் த‌னுஷிற்கு அடுத்து என‌க்கு மிக‌வும் பிடித்த‌ ந‌டிக‌ர். விஜ‌யோடு ஒன்றாக‌ பார்த்த‌போது துள்ளினேன் நான். குறைந்த‌ ப‌ந்துக‌ளே எதிர்கொண்ட‌தால் ச‌த‌ம் ந‌ழுவிய‌ வீர‌ர் என‌லாம். என்னைப் பொறுத்த‌வ‌ரை பெர்ஃபெக்ட் காஸ்டிங் என்றால் அது இவ‌ர‌து கேர‌க்ட‌ர்தான். ஹேட்ஸ் ஆஃப் ஜீவா.

ஸ்ரீகாந்த் சிற‌ப்பாக‌ செய்திருக்கிறார். மாண‌வ‌ன் ரோலுக்கு மீசையெடுத்து, உட‌ம்பை குறைந்துக் கொண்டு ஓர‌ள‌வு வெற்றியும் பெற்றிருக்கிறார். என்னைக் கேட்டால் ஜெய‌ம் ர‌வி போன்ற‌ யாரையாவ‌து போட்டிருக்க‌லாம்.

இலியானா. முனிம்மா க‌ல‌க்கியிருக்கிறார். இவ‌ர‌து எந்த‌ ப‌ட‌த்தையும் நான் பார்த்த‌து இல்லை. பொண்ணு சும்மா சுர்ருன்னு ந‌டிச்சிருக்கு. பாட‌ல்க‌ளில் ம‌ட்டும் ந‌ம்முட‌ன் சேர்ந்து விஜ‌யை ர‌சிக்குது.

ஹாரீஸ். பாட‌ல்க‌ள் ஹிட் என்ப‌தை தாண்டி ப‌ட‌த்தில் இருக்கிறார் ஹாரீஸ். என் க‌ண் முன்னே & ந‌ல்ல‌ ந‌ண்ப‌ன் பாட‌ல்க‌ள் காட்சிக்கு கூடுத‌ல் ப‌ல‌ம் தான். எங்கேயும் உன்னாலே உன்னாலே மெட்டுக‌ளை கேட்க‌ முடியாம‌ல் இருந்த‌தே பெரிய‌ விஷ‌ய‌ம்.

கார்க்கி. பாட‌ல்க‌ளோடு வ‌ச‌ன‌மும் எழுதியிருக்கிறார். இந்தியில் ச‌க்கை போடு போட்ட‌ ச‌மாத்கார் / ப‌லாத்கார் காட்சியை அழ‌காக‌ த‌மிழ்ப்ப‌டுத்தியிருக்கிறார். என்ன‌ன்னு கேட்காம‌ நீங்க‌ளே பாருங்க‌. 2 வ‌ரியில் ஒரு சிறுவ‌ன் ஃப்ளாஷ்பேக்கை சொன்ன‌வுட‌ன் "என்ன‌டா திருக்கிற‌ள் சைசுல‌ ஃப்ளாஷ்பேக்கை முடிச்சிட்ட" என்று ர‌சிக்க‌ வைக்கிறார். “ரெண்டு காலு உடைஞ்ச‌பிற‌குதான் சார் நான் சொந்த‌க்காலிலே நிற்கிறேன்"” இன்னும் ப‌ல‌ வ‌ச‌ன‌ங்க‌ள். இன்று மாலை பார்க்கும்போது நோட் ப‌ண்ணிட்டு வ‌றேன். ஆமாங்க‌. மாலை காட்சியும் போறேன்.

விஜ‌ய். வெல். ஹ‌வ் டூ சே????? என‌க்கு விஜ‌யை பிடிக்கும்தான். ஆனால் எப்போதும் அவ‌ரை சிற‌ந்த‌ ந‌டிக‌ர் என‌ வாதிட்ட‌தில்லை. அதே ச‌ம‌ய‌ம் வ‌யித்தெரிச்ச‌ல் எஸ்.எம்.எஸ் ஆசாமிக‌ள் சொல்வ‌து போல‌ ஒரேய‌டியாக‌ நிராக‌ரிக்க‌வும் முடியாது. வேலாயுதித்தில்‌ வ‌ந்த‌ அதே விஜ‌ய். ச‌ட்டையை ம‌ட்டுமே மாற்றியிருக்கிறார். த‌லைமுடி கூட‌ மாற‌வில்லை. ஆனால் ப‌ட‌த்தில் விஜ‌ய் எவ்வ‌ள‌வு க‌ச்சித‌மாக‌ ரோலை ந‌டித்திருக்கிறார் என்று பாருங்க‌ள். அதுதான் விஜ‌ய். அவ‌ருக்கே உரிய‌ குறும்பும், காமெடியும் குஷி, ச‌ச்சினுக்கு பிற‌கு ச‌ரியாக‌ அமைந்திருக்கிற‌து. ஒரு சில‌ காட்சிக‌ளில் ம‌ட்டும் அமிர்கான் த‌ந்த‌ ரியாக்ஷ‌ன்க‌ளை த‌ர‌ முய‌ற்சி செய்திருக்கிறார். ம‌ற்ற‌ப‌டி, த‌ன‌க்கு என்ன‌ வ‌ருமோ அதை செய்து வெற்றியும் பெற்றிருக்கிறார். நேற்று ட்விட்ட‌ரில் "சத்யன்,ஜுவா, விஜய்,சத்யராஜ், ஸ்ரீகாந்த். இந்த வரிசையில் நடிப்பு இருக்குமென யூகிக்கிறேன்" என்று சொல்லியிருந்தேன். அதை பொய்யாக்கி விஜ‌ய் வென்றுவிட்டார். கில்லி ஒரு ஆக்ஷ‌ன் ப‌ட‌ம். அதோடு இதை ஒப்பிட‌ முடியாது. ஆனால் கில்லிதான் என‌க்கு விஜ‌யின் சிற‌ந்த‌ ப‌ட‌மாக‌ இருந்த‌து. ஆம், இருந்த‌து.

ப‌ட‌த்தில் விஜ‌ய் யாரையும் அடிக்க‌வில்லை. ஆனால் ச‌த்ய‌ராஜ்,ஜீவா,ஸ்ரீகாந்த், இலியானா.. அட‌ அவங்க‌ அக்கா கூட‌ விஜ‌யை அடிக்கிறார்.அர‌ங்கில், இருக்கும் எல்லா கெட்ட‌ வார்த்தைக‌ளும் கொட்ட‌ப்ப‌டுகின்ற‌ன‌. ஒரு வெற்றிக்காக‌ இத்த‌னை பேரிட‌மா அடி வாங்குவ‌து என‌ வ‌ழ‌க்க‌ம் போல் வ‌க்க‌னையா குறுஞ்செய்தி அனுப்ப‌லாம். ஆனால் த‌ன‌க்கென‌ இமேஜ் எதுவும் எல்லாம் இல்லையென்ப‌தை திட்ட‌வ‌ட்ட‌மாக‌ நிரூபிக்கிறார் விஜ‌ய்.

ப‌ட‌த்தின் குறைக‌ளாக‌ பார்த்தால் நீள‌த்தை சொல்ல‌லாம். அது எல்லா ஷ‌ங்க‌ர் ப‌ட‌த்திலும் இருக்கும் ஒரு குறை. ஆனால் எல்லா காட்சிக‌ளையும் க‌தையோடு பிண்ணிய‌து திரைக்க‌தை ஆசிரிய‌ரின் சாம‌ர்த்திய‌ம். ப‌ட‌ம் முடிந்த‌ பின் வரும் 5,10 நிமிட‌ காட்சிக‌ள் சில‌ருக்கு பிடிக்காம‌ல் போக‌லாம்.

ந‌ண்ப‌ன் – Honest remake. And a best feel good movie in tamil.

த‌வ‌ளைக்க‌ல்

noreply@blogger.com (கார்க்கி) — Wed, 11 Jan 2012 02:11:30 PST

குஜ்ஜு யாரென‌ தெரியாத‌வ‌ர்க‌ள் இங்கே ப‌டித்துக் கொள்ளுங்க‌ள்.

சில‌ நாட்க‌ள் விடுமுறையில் இருந்த‌ குஜ்ஜு இன்று ராஜினாமா செய்து விட்டாள். :((

____________________________

வ‌ற‌ண்ட‌ நில‌த்தை
வ‌ள‌மாக்க‌ வ‌ந்த‌வ‌ளே!!

வாச‌ம‌ற்ற‌ பூமியில்
வான‌வில்லாக‌ மின்னிய‌வ‌ளே!!

தாண்டியா ஆட்ட‌மாட‌ எண்ணியிருந்த‌போது ‍என்னை
தாண்டி த‌னியே செல்ல‌ எப்ப‌டி முடிகிற‌துன்னால்?

ஸ்லீவ்லெஸ்ஸில் ம‌ய‌க்கிவிட்டு
லைஃப்லெஸ்ஸாக‌ ஆக்கிவிட்டாயே

மோடியின் மாநில‌த்தில் பிற‌ந்து
மோடி ம‌ஸ்தான் வேலை செய்ய‌வா வ‌ந்தாய்?

இனி என் காலை எப்ப‌டி விடியும்?
இனி என் இர‌வுக‌ள் எங்க‌னம் உற‌ங்கும்?

வொய் திஸ் கொலைவெறிடி பாட‌ச்சொல்லி ர‌சித்த‌து
இதை ம‌ன‌தில் வைத்துதானா!!!!

நேற்றுதான் பெள‌ர்ண‌மி.
இன்றே அமாவாசை ஆகிப்போன‌தென‌க்கு.

இனி நீயில்லாத‌ இருக்கை
உண்ண‌ முடியாத‌ ப‌ருக்கை

பார் போற்றிய‌ குஜ்ஜு அப்டேட்ஸை
BAR போற்றும்ப‌டி செய்துவிட்டாயே

எங்கே பார்த்தாலும் உன் முக‌மென‌ வாச‌ன் ஐகேர் சென்றேன்
இனி, எதுவுமே தெரிய‌வில்லையென‌ செல்ல‌ வேண்டிய‌துதான்..

உன் கால‌டி மீண்டும் ப‌ட்ட‌தால் அஹ‌ம‌தாகுட் என‌ பெய‌ர் மாற்ற‌ போகிறார்க‌ளாம்.

ஜ‌ன‌வ‌ரி மாத‌ம் ச‌ங்கீத‌ சீச‌ன் தானே முடியும்?
ச‌ங்கீத‌மே முடிவ‌தென்ன‌ நியாய‌ம்?

குஜ‌ராத் தோக்ளா போனா கேர‌ளா ரேக்ளா வ‌ர‌லாம்.
வாழ்க்கை போனா வாழ‌க்காவா வ‌ரும்?

உன் ராஜினாமா க‌டித‌ம் உன் வேலை முடிவ‌ல்ல‌..
என் வாழ்க்கை முடிவு..

அஹிம்சையின் ராஜா காந்தி பிற‌ந்த‌ ம‌ண்ணில்
இம்சை ராணி பிற‌ந்த‌தை என்னவென்று சொல்ல‌!

நீ

வேலையை விட்டு போக‌லாம்
சென்னையை விட்டு போக‌லாம்
என்னை விட்டு…..முடியாது

என்றென்றும் உன் நினைவில்,
கார்க்கி

_______________________

blog.twitter.trek.sachin.vijay

noreply@blogger.com (கார்க்கி) — Mon, 09 Jan 2012 21:04:58 PST

த‌மிழ்ம‌ண‌ம் சென்ற‌ ஆண்டின் டாப் 100 ப‌திவுக‌ளிலும் சாள‌ர‌ம் வ‌ர‌வில்லையென‌ ந‌ண்ப‌ர் மோக‌ன்குமார் ப‌திவில் சொல்லியிருந்தார். தொட‌ர்ந்து எழுதாத‌தும், ம‌ற்ற‌ ப‌திவுக‌ள் ப‌க்க‌ம் அதிக‌ம் எட்டிப் பார்த்து க‌மென்ட் போடாத‌தும் கார‌ண‌மாயிருக்க‌லாம். இதிலெல்லாம் என்ன‌ இருக்கிற‌து கார்க்கி என்று சொன்னாலும், பிளாக் என‌க்கு மிக‌ முக்கிய‌மான‌ ஒன்று. ஒரு பெரிய‌ மாற்ற‌த்தை உங்க‌ளைப் போல‌ என‌க்கும் அது த‌ந்திருக்கிற‌து. அதில் இருந்து வில‌கி செல்வ‌து போல‌ ஒரு உண‌ர்வை இது த‌ந்த‌தாலே ச‌ற்று வருத்த‌மாயிருக்கிற‌து. அதுக்காக‌ வ‌சூல்ராஜா க‌ம‌ல் போல‌ ஏதேனும் ச‌ப‌த‌மெடுத்து உங்க‌ளை க‌ஷ்ட‌ப்ப‌டுத்த‌ போவ‌தில்லை. நிம்ம‌தியா‌ இருங்க‌ப்பா.

______________________________________________________________________

பிளாகை விட்டு ட்விட்ட‌ருகுத்தானே போனேன்!. அங்கே ஒரு ந‌ல்ல‌ விஷ‌ய‌ம் ந‌ட‌ந்திருக்கிற‌து. Headlinesindia என்றொரு இணைய‌த்த‌ள‌ம் த‌ங்க‌ளை பிர‌ப‌ல‌மாக்கி கொள்வ‌த‌ற்காக‌ ஃபேஸ்புக், ட்விட்ட‌ர் இதிலெல்லாம் யார் பிர‌ப‌லமான‌வ‌ர்க‌ள் என‌ ஒரு தேர்த‌ல் வைத்திருந்தார்க‌ள். அர‌சிய‌ல், விளையாட்டு என‌ ப‌ல‌ பிரிவுக‌ளில் போட்டிக‌ள் ந‌ட‌ந்தாலும் ஃபேஸ்புக், ட்விட்ட‌ர் இதில் ம‌ட்டுமே நிஜ‌மான‌ பிர‌ப‌ல‌ம‌ல்லாத‌வ‌ர்க‌ள் போட்டியிட‌ முடிந்த‌து. இந்திய‌ அள‌வில் ந‌ட‌த்த‌ப்ப‌ட்ட‌து என்றாலும் பெரும்பாலும் த‌மிழிணைய‌ ந‌ண்ப‌ர்க‌ளே அதிக‌ம் வாக்க‌ளித்தார்க‌ள். அத‌னாலே சிற‌ந்த‌ ட்விட்ட‌ர் * சிற‌ந்த‌ ஃபேஸ்புக்க‌ர் என‌ இர‌ண்டுமே த‌மிழ் இணைய‌ போட்டியாள‌ர்க‌ளே வெற்றி பெற்றிருக்கிறார்க‌ள். இந்திய‌ அளவில் என்று சொன்னால் இது ஹ‌ம்ப‌க் தான். ஆனால் த‌மிழ் ட்விட்ட‌ர்க‌ள் என்ற‌ள‌வில் முத‌லாவ‌தாக‌ வ‌ந்த‌து சொல்லொண்ணா ம‌கிழ்ச்சியை த‌ந்த‌து என்ப‌து உண்மைதான். ட்விட்ட‌ர் ந‌ண்ப‌ர்க‌ள் அனைவ‌ருக்கும் ந‌ன்றியோ ந‌ன்றி

http://headlinesindia.mapsofindia.com/hiflyers/index.php

______________________________________________________________________

வ‌ன‌ம் புகுத‌ல். 3 அல்ல‌து 4 மாத‌ங்க‌ளுக்கு ஒரு முறை ஒரு பிரேக் எடுப்ப‌தை வ‌ழ‌க்க‌மாக‌ வைத்திருக்கிறேன். எப்போதும் குடும்ப‌த்தின‌ர் அல்ல‌து நெருங்கிய‌ ந‌ட்புக‌ளுட‌னே இது சாத்தியாமாய் இருந்திருக்கிற‌து. இந்த‌ முறை ஒரு ட்ரெக்கிங் குழுவின‌ரோடு வ‌ன‌ம் புகும் வாய்ப்பு கிடைத்த‌து. அட‌ர்வ‌ன‌த்தின் ந‌டுவே இருந்த‌ அருவியில் குளித்து, ந‌ட்ட‌ ந‌டுக்காட்டில் டென்ட் அடித்துத் தூங்கி, சாலையே இல்லாத‌ வ‌ழியில் ஜீப்பை க‌ட்டி இழுத்து சென்று என‌ ப‌ல‌ சுவார‌ஸ்ய‌மான‌ ச‌ம்ப‌வ‌ங்க‌ளின் தொகுப்பாய் அமைந்த‌து. இது குறித்து விரிவாய் எழுத‌ வேண்டுமென்ற‌ எண்ண‌ம் இப்போது இருப்ப‌தால் இதோடு நிறுத்திக் கொள்கிறேன்.

______________________________________________________________________

ச‌ச்சினுக்கு யார் யாரோ அட்வைஸ் சொல்லிக் கொண்டிருக்கிறார்க‌ள். அவ‌ரால் 100 அடிக்க‌ முடிய‌வில்லையாம். அவ‌ர் அடிக்க‌ வேண்டிய‌து 100வது நூறு என்ப‌தை யாரும் க‌ணக்கில் கொண்ட‌தாய் தெரிய‌வில்லை. அவ‌ர் 100 அடித்து ஒரு வ‌ருட‌மாகிவிட்ட‌து என்றும் ஒரு செய்தி. உல‌க‌க்கோப்பையில் அடித்த‌து என்னவாம் என்றால் அது ஒரு நாள் போட்டியாம். அப்போ டெஸ்ட்டின் ம‌ட்டுமா அவ‌ர் 100வ‌து 100 அடிக்க‌ போகிறார்? 80,90 க‌ளை அவ‌ரால் 100 ஆக‌ க‌ன்வெர்ட் செய்ய‌ முடிய‌வில்லையாம். அத‌னால் அவ‌ர் ஓய்வு பெற‌ வேண்டுமாம். இப்ப‌டி ஐம்ப‌து ஐம்ப‌தாக‌ அடித்த‌தால் ச‌ச்சின் ச‌த்த‌மின்றி இன்னொரு சாத‌னையும் செய்திருக்கிறார். டெஸ்ட் போட்டியில் அதிக‌ 50 அடித்த‌வ‌ர் என்ற‌ சாத‌னையும் ச‌ச்சின் வ‌ச‌ம் இப்போது. ஆஸி. தொட‌ரில் ச‌ச்சிந்தான் அதிக‌ ர‌ன் குவித்த‌ இந்திய‌ வீர‌ர். அடுத்த‌ இட‌த்தில்... ந‌ம்புங்க‌ள் ந‌ம்ம‌ பைய‌ அஷ்வின். இந்த‌ ல‌ட்ச‌ண‌த்தில்தான் சச்சினை ஓய்வு பெற‌ சொல்கிறார்க‌ள். 4 இன்னிங்க்ஸீலும் ந‌ம்ம‌ சுவ‌ரில் ஓட்டையில் போட்டு போல்ட் ஆக்கியிருக்கிறார்க‌ள். அது குறித்து ஒரு பேச்சும் காண‌வில்லை. உற்று நோக்கினால் நெ.1 ஆக‌ இருப்ப‌த‌ன் சிக்க‌ல்க‌ளும், நெ.2 ஆக‌ இருப்ப‌த‌ன் செள‌க‌ரிய‌ங்க‌ளும் ந‌ம‌க்கு இதிலிருந்து விள‌ங்கும்.

த‌னிம‌னித‌ சாத‌னைக‌ளா முக்கிய‌ம் என்று கேட்க‌லாம். நிச்ச‌யம் இல்லை. ஆனால் எல்லா த‌னி ந‌ப‌ர்க‌ளும் இவ‌ரைப் போல் ஆடினால் அணி வெல்வ‌து நிச்ச‌ய‌ம் தானே?

_____________________________________________________________________

ந‌ண்ப‌ன் வியாழ‌க்கிழ‌மை வெளிகிற‌து. நான் ப‌திவெழுத‌ வ‌ந்த‌பின் வெளியான‌ பெரும்பாலான‌ விஜ‌ய் ப‌ட‌ங்க‌ள் என‌க்கு ஏமாற்ற‌த்தையே த‌ந்திருக்கின்ற‌ன‌. காவ‌ல‌ன் ம‌ட்டும் என‌க்கு பிடித்திருந்த‌து. ஆனால் வ‌சூலில் அதிக‌ம் மின்ன‌வில்லை. வேலாயுத‌ம் ம‌சாலா ப‌ட‌ம் என்ற‌ள‌வில் திருப்தியாய் இருந்த‌து. வ‌சூலிலும். இருந்தும் கில்லி போல் ஒரு Rivetting stuff இன்னும் வ‌ர‌வில்லை. ந‌ண்ப‌ன் அந்த‌ குறையை போக்க‌லாம். அதை விட‌ துப்பாக்கியும், கெள‌த‌ம் ப‌ட‌த்தையும் அதிக‌ம் எதிர்பார்க்கிறேன். துப்பாக்கியில் விஜ‌ய் இன்னும் இள‌மையாக‌, ஸ்மார்ட்டாக‌ இருக்கிறார். கெள‌த‌ம் ப‌ட‌ம் எப்ப‌டி இருந்தாலும் விஜ‌யை இன்னும் சிற‌ப்பாக‌ காட்டுவார் என்ப‌தில் ந‌ம்பிக்கை இருக்கிற‌து. இவ‌ர்க‌ளையெல்லாம் தாண்டி விஜ‌ய் சேர்ந்து ப‌ட‌ம் ப‌ண்ண‌ வேண்டிய‌ இயக்குன‌ர்க‌ளாக‌ நான் நினைப்ப‌து இவ‌ர்க‌ளைத்தான்.

1) ராஜேஷ்( பாஸ் எ பாஸ்க‌ர‌ன், சிவா ம‌ன‌சுல‌ ச‌க்தி)
2) ப்ரியா (க‌ண்ட‌ நாள் முத‌ல் போல‌ ஒரு ப‌ட‌ம் விஜ‌ய் செய்ய‌ வேண்டுமென்ப‌து என் ஆசை)

God bless

noreply@blogger.com (கார்க்கி) — Wed, 04 Jan 2012 20:24:53 PST

நேற்றைய‌ ஹாட் நியூஸ் த‌னுஷிற்கும் சுருதிக்கும் காத‌ல் என்ப‌துதான். இது வ‌த‌ந்தி என்று சில‌ர் சொல்கிறார்க‌ள். சில‌ர் உண்மை என்கிறார்க‌ள். ஆனால் ப‌ல‌ர் இது ஒரு விள‌‌ம்ப‌ர‌ யுக்தி என்கிறார்க‌ள். முற்றிலும் உண்மைக்கு புற‌ம்பாக‌ இருக்க‌ வாய்ப்புக‌ளே இல்லை என்ப‌தே என் க‌ணிப்பு. உண்மையாக‌வே இருந்தாலும் அடுத்த‌வ‌ர் பெர்ச‌ன‌ல் விஷ‌ய‌த்தில் த‌லையிட‌ வேண்டுமா என்ப‌து சில‌ரின் எண்ண‌ம். ச்சும்மா‌ ஜாலிக்குத்தானே என‌ நேற்று ட்விட்ட‌ரில் "காட்டு காட்டினேன்". ஜ‌ஸ்ட் ஃபார் ஃப‌ன் என‌ நினைப்ப‌வ‌ர்க‌ளுக்காக‌வும், ட்விட்ட‌ரில் ப‌ழைய‌ ட்விட்டுக‌ள் காணாம‌ல் போவ‌தாலும் இங்கே ப‌திகிறேன்.

மு.கு:

1) எங்கேயும் சுருதியை குறை சொல்ல‌வில்லை. த‌னுஷைத்தான்... :)))

2) God bless என்ப‌து த‌னுஷ் த‌ன‌து எல்லா ட்விட்டிலும் சேர்க்கும் ஒரு வார்த்தை.

_______________________________

இனிமேல‌ இசை விம‌ர்ச‌க‌ர்க‌ள் த‌னுஷ‌ பார்த்து "சுருதி சேர‌ல‌"ன்னு சொல்ல‌ முடியாது

அப்போ வொய் திஸ் கொலைவெறிடின்னு ஸ்ருதிய‌ பார்த்து பாட‌லையா? அப்பாக்கிட்ட‌ சொல்லிட்டியான்னு ஐஷ்வ‌ர்யாவ‌ பார்த்துதான் பாடினாரா?

3 ப‌ட‌ம் காத‌ல் தோல்வி ப‌ற்றிய‌ ப‌ட‌மாம். ம்ஹூம். இதில் த‌னுஷ் வ‌ழ‌க்க‌ம்போல் வாழ‌வில்லையாம். வெறும் ந‌டிப்புதானாம் #godbless

காட் பிளஸ் தம்பி் விஜய் டிவி நிகழ்ச்சிக்கு.போயிருந்தா வீடாச்சும் கிடைச்சிருக்கும். #உங்களில்யாரடுத்தபிரபுதேவா

அப்ப‌வே சொல்லுச்சு அந்த‌ த‌னுஷ் த‌ம்பி என்னை பார்த்தா பிடிக்காது.. பார்க்க‌ பார்க்க‌த்தான் பிடிக்கும்னு..

நான் த‌னுசு ராசி, மூல‌ ந‌ட்ச‌த்திர‌ம். ஆனா த‌னுசு அள‌வுக்கு என‌க்கு ராசியில்லை. :((( #god bless

Task Completed.. ந‌ம்ம‌ அடுத்த‌ டார்கெட். சிம்பு இப்ப‌ ரூட் விடுற‌ ச‌ர‌த்குமார் பொண்ணு வ‌ர‌லட்சுமி -த‌னுஷின் ம‌ன‌சாட்சி #godbless

அய்ய‌ய்யயோ.. இவ‌ன‌ டின்ன‌ருக்கு வேற‌ கூப்பிட்டேனே!! மாம‌னார்கிட்ட‌ த‌ப்பிச்ச‌து, மாப்பிள்ளைக்கிட்ட‌ போயிடுமோ - அமிதாப்ஜி க‌வ‌லை

ஒரே வ‌ருஷ‌த்துல‌ இன்டெர்னேஷ‌ன‌ல் ஃபேம், நேஷ‌ன‌ல் அவார்ட்,ஸ்டேட் லெவ‌ல் ஃபிக‌ர் பிடிச்ச‌ த‌னுஷ‌ சின்ன‌ வ‌ய‌சுல‌ ஒரு வாத்தி எதுக்கும் லாய‌கில்லைன்னாராம்

ந‌ல்ல‌ வேளை.. விஜ‌ய்காந்துக்கு ரெண்டும் ப‌ச‌ங்க‌ளா போச்சு #god bless

அப்ப‌வே சொன்னான் என் ஃப்ரென்டு. த‌னுஷ், ர‌ஜினி+க‌ம‌ல் மாதிரின்னு.. இத‌த்தான் சொல்லியிருக்கான். என‌க்குத்தான் புரிய‌ல‌.

God blessன்னு போடுற‌ப்ப‌ கிண்ட‌ல் ப‌ண்ணோமே.க‌டைசில காடு பிள‌ஸ்ஸிட்டாரே.ஃபிக‌ர் வேண்டுவோர் இனி ட்விட்டில் காட் பிள‌ஸ் விகுதி சேர்க்க‌வும்

க‌ம‌ல்கிட்ட‌ இருந்து ந‌டிப்ப‌தானே வாங்க‌ சொன்னாங்க‌? இவ‌ன் என்ன‌டான்னா.. :)

ப‌ய‌புள்ள‌ உட‌ம்ப‌ த‌விர‌ ச‌கலவித‌மான‌ திற‌மையும் வ‌ள‌ர்த்து வ‌ச்சிருக்கு #Godbless

சூர்யா விட‌ த‌னுஷுக்குத்தான் தெற‌மை அதிக‌ம்ன்னு சொன்ன‌ப்ப‌ எகிறிய‌வ‌ங்க‌ எல்லாம் வாங்க‌ப்பா.. இப்ப‌ ஒத்துக்கிறீங்க‌ளா? #godbless

க‌டைசியா ஒண்ணு சொல்றேன்.இதெல்லாம் சொம்புவ‌ க‌திக‌ல‌ங்க‌ செய்யுமென்ப‌தால் என‌க்கு நெம்ப‌ ச‌ந்தோஷ‌ம். க‌ல‌க்குப்பா காட் ப்ள‌ஸ்

ஹைஃபை ஃபிக‌ர க‌ரெக்ட் செய்ய‌ பீட்ட‌ர் இங்லீஷு தெரிய‌ணும் என்ற‌ மாயையை உடைத்த‌ ம‌கானே!! #க‌ட‌வுட்டுக்கு வ‌ச‌ன‌ம் ரெடிப்பா #godbless

துள்ளுவ‌து இள‌மை என்ப‌தால் முத‌லில் காத‌ல் கொண்டேன். பின் சுள்ளானாக‌ இருந்தாலும் என் ட்ரீம்ஸ்ல‌ சூப்ப‌ர் ஸ்டார் ஆகுற‌‌ மாதிரி நினைச்சேன்.அப்ப‌தான் என் தேவ‌தையை க‌ண்டேன். ம்ம். அது ஒரு க‌னாக்கால‌ம். புதுப்பேட்டை நாய‌க‌னின் ம‌க‌ளோடு என் திருவிளையாட‌ல் ஆர‌ம்ப‌ம் ஆன‌து. சில‌ர் நீ ஒரு ப‌ர‌ட்டை என்கிற‌ அழ‌குசுந்த‌ர‌ம் என‌ எள்ளி ந‌கையாடி என்னை பொல்லாத‌வ‌ன் ஆக்க‌ பார்த்தார்க‌ள்.யார‌டி நீ மோகினியென‌ ந‌ய‌ன் தாராவை பார்த்து கேட்ட‌த்தை த‌டுத்தார்க‌ள்..ப‌டிக்காத‌வ‌ன், குட்டி என்றெல்லாம் ஏள‌ன‌ம் செய்தாலும் உத்த‌ம‌புத்திரான‌க‌வே இருந்தேன்.திரும‌ண‌த்திற்கு பின் என் ஆடுக‌ள‌ம் தான் என்றாலும் சூப்ப‌ர்ஸ்டாருக்கு சீட‌னாக‌வே இருந்தேன். பாயும் புலியின் மாப்பிள்ளையான‌ நான் வேங்கையாக‌ இருக்க‌ கூடாதா? இனியும் ம‌ய‌க்க‌ம் என்ன‌ , உன‌க்கு த‌ய‌க்க‌ம் என்ன‌ என்று கிள‌ம்பினேன். இதோ ஐஷ்வ‌ர்யா, ந‌ய‌ன் தாராவுக்கு பின் 3வ‌தாக‌ சுருதியை சேர்ந்திருக்கிறேன். God bless

நீங்களும் வெல்லலாம் ஒரு கேடி

noreply@blogger.com (கார்க்கி) — Tue, 03 Jan 2012 21:22:54 PST

என்னை பரிசாய் வைத்து ஒரு போட்டி நடத்த போறாளாம் தோழி. #நீங்களும் வெல்லலாம் ஒரு கேடி

___________________________________________________________________________

நண்பன் சற்று முன்பு அழைத்து ஒரு நல்ல செய்தி சொன்னான். #தோழி எடு. கொண்டாடு

___________________________________________________________________________

மொக்கை நோக்கியா ஃபோன் ஒன்றில் எனது ஃபோட்டோவை வால்பேப்பராக வைத்துவிட்டு ஸ்மார்ட்ஃபோன் என்று போங்காட்டம் ஆடுகிறாள் தோழி

___________________________________________________________________________

தோழிக்கு சனிப்பெயர்ச்சி சரியில்லையாம். பரிகாரம் பண்ண சொன்னாராம் ஜோசியர். அவ செய்தா பரிஸ்வீட் தானே? பரிகாரம் எப்படி?

___________________________________________________________________________

cold என்பதை "கோல்டு” என தமிழில் டைப்பி விட்டேன் தோழியுடனான சேட்டில்.

” நீ gold தான்னு தெரியுமே தங்கம்” என்கிறாள்.

___________________________________________________________________________

நீதான் உலகம் என்கிறாள் தோழி. உருண்டையாக இருப்பதில் தான் எத்தனை வசதிகள்???

___________________________________________________________________________

க‌ட‌வுள்

noreply@blogger.com (கார்க்கி) — Mon, 02 Jan 2012 23:27:09 PST

ஒரு ப‌க்த‌ன் தின‌மும் க‌ட‌வுளிட‌ம் சென்று ஏதாவது ஒரு வ‌ர‌ம் கேட்டுக் கொண்டே இருந்தானாம். வ‌ர‌ம் கேட்ட‌பின் பூசாரியிட‌ம் விபூதி வாங்கிக் கொண்டு திரும்புவ‌து வ‌ழ‌க்க‌மாம். அடிக்க‌டி அவ‌ன் கேட்கும் வ‌ர‌ங‌க்ளை க‌ட‌வுளும் த‌ந்துக் கொண்டே இருப்பாராம். ஆனால் எப்போது வ‌ர‌ம் கிடைக்குமென்ப‌து அவ‌னுக்கு தெரியாதாம். க‌ட‌ந்த‌ சில‌ மாத‌ங்க‌ளாக‌ தொட‌ர்ந்து ஒரு பெரிய‌ வ‌ர‌த்தை கேட்டுக் கொண்டிருக்கிறானாம். ஆனால் க‌ட‌வுள் கொடுப்ப‌தாய் தெரிய‌வில்லையாம். ஆனால் பூசாரி தின‌மும் விபூதியை த‌வ‌றாம‌ல் கொடுத்துக் கொண்டே இருக்கிறாராம்.

ப‌க்த‌னை க‌ண்டு க‌டுப்பான‌ அவ‌ர் ம‌னைவி "அதான் பூசாரி த‌வ‌றாம‌ கொடுக்கிறாரே.. அவ‌ர்கிட்ட‌ கேட்க‌லாமே உங்க‌ வ‌ர‌த்தை" என்றாராம். அத‌ற்கு அந்த‌ ப‌க்த‌ன் "கொடுக்க‌ லேட்டானாலும் இந்த‌ மாதிரி வ‌ர‌ங்க‌ளை க‌ட‌வுளால் தான் த‌ர‌ முடியும். பூசாரியால் விபூதியைத்தான் த‌ர‌ முடியும் " என்றானாம்.

Now click here

Happy new year

noreply@blogger.com (கார்க்கி) — Fri, 30 Dec 2011 22:36:28 PST

எல்லோருக்கும் HAPPY NEW YEAR

எல்லா இட‌த்திலும் இதே பேச்சுதான் இருக்கும். இருந்தாலும் நானும் இந்த‌ வருஷ‌த்துல‌ என‌க்கு பிடிச்ச‌ விஷ‌ய‌ங்க‌ள‌ ப‌திவு செய்ய‌லாம்னு நினைக்கிறேன். இது முழுக்க‌ முழுக்க‌ என‌க்கு பிடிச்ச‌துதான். சிற‌ந்த‌துன்னு அர்த்த‌ம் ப‌ண்ணிக்காதீங்க‌ :)

சிற‌ந்த‌ ப‌திவ‌ர் : ஓலைக்க‌ண‌க்க‌ன்

சிற‌ந்த‌ ட்விட்ட‌ர் :ஜெக‌ன் (@thoatta)

சிற‌ந்த‌ ப‌திவு : க‌ண்ண‌ம்மா

என‌க்கு பிடிச்ச‌ என் ப‌திவு : மாப்பிள்ளை

சிற‌ந்த‌ கிரிக்கெட் வீர‌ர் : டேல் ஸ்டெயின்

சினிமா

சிற‌ந்த‌ ப‌ட‌ம்	காஞ்ச‌னா
சிற‌ந்த‌ இயக்குன‌ர் :	வெற்றிமாற‌ன்
சிற‌ந்த‌ ந‌டிக‌ர்	த‌னுஷ் (ஆடுக‌ள‌ம், ம‌யக்க‌ம் என்ன‌)
சிற‌ந்த‌ ந‌டிகை	அஞ்ச‌லி (எங்கேயும் எப்போதும்)
சிற‌ந்த‌ இசைய‌மைப்பாள‌ர்	ச‌த்யா (எங்கேயும் எப்போதும்)
சிற‌ந்த‌ பாட‌க‌ர்	கார்த்திக் (ச‌ட‌ச‌ட‌ச‌டெவ‌ன‌)
சிற‌ந்த‌ பாட‌கி	பிரிய‌த‌ர்ஷினி (அழ‌கா பொற‌ந்துப்புட்ட‌ ‍-சிறுத்தை)
சிற‌ந்த‌ பாட‌லாசிரிய‌ர்	ம‌த‌ன் கார்க்கி (என்ன‌மோ ஏதோ)
சிற‌ந்த‌ பாட‌ல் வ‌ரி	: ஒரு குட்டி பூனை போல‌ ஆசை எட்டிப் பார்க்குதே. / அது அச்ச‌ம் ம‌ட‌ம் நாண‌மெல்லாம் த‌ட்டி பார்க்குதே (சொட்ட‌ சொட்ட‌ ந‌னைய‌ வைத்தாய்)
சிற‌ந்த‌ குறும்ப‌ட‌ம்	: ப‌ண்ணையாரும் ப‌த்மினியும்

என்ன‌ள‌வில் ந‌ட‌ந்த‌ சில‌ ச‌ந்தோஷ‌ நிக‌ழ்வுக‌ள் :

1) இந்தியா உல‌க‌ கோப்பை வென்ற‌து, அப்போது ட்விட்ட‌ரில் லைவ் க‌மென்ட்ரியோடு நான் செய்த‌ க‌ணிப்புக‌ள் 10 போட்டிக‌ளில் 9 போட்டிக‌ள் ச‌ரியாக‌ அமைந்த‌து.

2) புது வேலையில் சேர்ந்து 6 மாத‌ங்க‌ளிலே ஒரு புர‌மோஷ‌ன் கிடைத்த‌து

3) இந்திய‌ அள‌வில் ந‌டைபெற்ற‌ ட்விட்ட‌ர்க‌ளுக்கான‌ தேர்வில் முத‌லிட‌த்தில் இருப்ப‌து. (இன்றோடு வாக்குப்ப‌திவு முடிகிற‌து.). இங்கே த‌மிழ் ட்விட்ட‌ர்க‌ள்தான் அதிக‌ம் வாக்க‌ளித்திருக்கிறார்க‌ள் என்ப‌தை அறிவேன். இருந்தாலும் த‌மிழ் ட்விட்ட‌ர்க‌ள் வ‌ட்ட‌த்தில் முத‌லிட‌ம் என்ப‌தே ச‌ந்தோஷ‌மான‌ விஷ‌ய‌ம் தானே?

4) மொக்கையாக‌ எடுத்தாலும், 4,5 குறும்ப‌ட‌ங்க‌ள் எடுத்த‌து

5) இளைய‌ராஜா இசை நிக‌ழ்ச்சிக்கு சென்ற‌து

6) என் தோஸ்த் ப‌திவ‌ர்க‌ள் ர‌ம்யா ‍ கிர‌ண் திரும‌ண‌ நிக‌ழ்வு

7) இயக்குன‌ர் செல்வாவின் "ம‌ன‌சு" குறும்ப‌ட‌த்தில் ந‌டித்த‌து.

ம‌ற‌க்க‌ நினைப்ப‌து :

1) பைக் விப‌த்து

2) ம‌ங்காத்தா ப‌திவு :)))

My Fav click:

நேற்றுதான் செத்து போனேன்

noreply@blogger.com (கார்க்கி) — Thu, 29 Dec 2011 02:02:54 PST

ரெஸ்ட்ரூமில் இருவ‌ர் பேசிக் கொண்டிருந்தார்க‌ள் "அன்னைக்கு ப‌க்க‌த்துலே போய் பார்த்தோம். ப‌ச‌ங்க‌ 2 பேரும் ஃபோட்டோ எடுத்துக்கிட்டாங்க‌.க‌ட‌வுள நேர்ல் பார்த்த‌ மாதிரி இருந்துச்சு எவ்ளோ பெரிய‌ ஜீனிய‌ஸ்!ந‌ம்ப‌வே முடிய‌ல‌ என்னால‌".

எட்டு பேர் கொண்ட‌ குழுவொன்று த‌லையில் பிர‌த்யேக‌மாய் வ‌டிவ‌மைக்க‌ப்ப‌ட்ட‌ தொப்பியில் அவ‌ர் புகைப்ப‌ட‌த்தோட‌ வ‌ந்திருந்தது.

அர‌ங்க‌ம் நிறைந்து போனதால் மேடைக்கு நேர் எதிரில் இருந்த‌ கேல‌ரியில் நூறு பேர் நின்றுக் கொண்டேயிருந்தார்க‌ள். 6 ம‌ணி நேர‌மும்

இன்னும் நீட்டித்துக் கொண்டே போக‌லாம்.ஆனால் இது நேற்று ந‌ட‌ந்த‌ இளைய‌ராஜா இசை நிக‌ழ்வு ப‌ற்றிய‌ ப‌திவு என்ப‌தை அறியாமாலா இருப்பீர்க‌ள்?

ச‌ரியாக‌ 3.30க்கு நேரு உள்விளையாட்ட‌ர‌ங்க‌ம் சென்றுவிட்டோம். தேவைய‌ற்ற‌ நெரிச‌லை உண்டாக்குவ‌தில் பி.எச்டி முடித்த‌ த‌மிழ‌க‌ காவ‌ல்துறையின‌ர் ப‌ணியை செவ்வனே செய்து கொண்டிருந்தார்க‌ள். முண்டிய‌டித்து உள்சென்று மேடைக்கு முன்னால் ஆக‌ச்சிற‌ந்த‌ இருக்கையில் இட‌ம் பிடித்து அம‌ர்ந்த‌போதே நிறைவான‌து ம‌ன‌து. திரைக‌ளில் ம‌ல‌பார் விள‌ம்ப‌ர‌ங்க‌ளில் "அழ‌கும் த‌ர‌மும் ச‌ங்க‌ம‌ம்" என‌ பாடிக் கொண்டேயிருந்தார் ராஜா. இசைக்கு ஏத‌ய்யா மொழி?

(செட்டில் ஆயாச்சு.. செத்து போக‌.)

பிர‌காஷ்ராஜ்தான் தொகுத்து வ‌ழ‌ங்கினார். நிக‌ழ்ச்சியின் ஆர‌ம்ப‌த்தில் ராஜாவை ப‌ற்றிய‌ ஒரு டாகுமென்ட்ரியை ஒளிப‌ர‌ப்பினார்க‌ள். ராஜாவின் மன‌வி ஜீவா அவ‌ர்க‌ளுக்கு நிக‌ழ்வை காணிக்கையாக்கினார்க‌ள். பார்வையாள‌ர்க‌ள் ப‌க்க‌ம் கேம‌ரா திரும்பிய‌து. ராஜாவின் ப‌க்த‌ர்க‌ளில் ஒருவ‌ரான‌ தேவி ஸ்ரீ பிர‌சாத் வ‌ந்திருந்தார். யுவ‌ன் மாப்பிள்ளை க‌ண‌க்காக‌ சூட்டில் வ‌ந்திருந்தார்.பாட‌க‌ர்க‌ளில் பாலு அண்ணா, ஜேசுதாஸ், பால‌முர‌ளி கிருஷ்ணா, ஹ‌ரிஹ‌ர‌ன், சித்ரா, கார்த்திக், ஹ‌ரிச‌ர‌ண், ஸ்ரீராம், உமா ர‌மண‌ன், தீப‌ன் ச‌க்ர‌வ‌ர்த்தி ம‌ற்றும் ப‌ல‌ர் வ‌ந்திருந்தார்க‌ள். எதிர்பார்த்த‌வ‌ர்க‌ளில் ஷ்ரேயா கோஷ‌லும், சிவ‌ம‌ணியும் வ‌ராத‌து மிக‌ப்பெரிய‌ குறை.

சூப்ப‌ர் சிங்க‌ரில் தோல்விய‌டைந்த‌ ந‌ண்ப‌ர்க‌ள் கோர‌ஸாக‌ எதையோ ஹ‌ம் செய்துக் கொண்டிருந்தார்க‌ள். மேடையில் இருந்த‌ பிர‌ம்மாண்ட‌ க‌த‌வு திற‌க்க‌ வெள்ளை உடையில் ராக‌தேவ‌ன் உள்ளே வ‌ந்தார். கூக்குர‌ல் எழாம‌ல் இல்லை. தீவிர‌ ராஜா ர‌சிக‌ர்க‌ள், அவ‌ர் எப்போது வாய் திற‌ப்பார்? என்ன‌ பாட‌ல் முத‌லில் பாடுவார் என்பதிலே ஆர்வ‌மாயிருந்த‌ன‌ர். நான் வேறு 200 ரூபாய் ப‌ந்த‌ய‌ம் க‌ட்டியிருந்தேன். “எங்க‌ என் ந‌ண்ப‌ன்? என் ஒரே ந‌ண்ப‌ன்” என‌ ஹார்மோனிய‌ப் பெட்டியை வாங்கி, என‌க்காக‌ 200 ரூபாய் ச‌ம்பாதித்த‌ ராஜா வாய் திற‌ந்தார்

"ஜ‌ன‌னி ஜ‌ன‌னி.. ஜ‌க‌ம் நீ அக‌ம் நீ".

ஸ்தம்பித்த‌து 7000 பேர் அமர்ந்திருந்த‌ அர‌ங்க‌ம்.Raja started singing. And we started sinking.

ராஜா. த‌மிழ‌ர்க‌ளின் வாழ்நாளை நீட்டித்த‌வ‌ன். இசையின் ஆழ‌த்தை எம‌க்கு க‌ற்பித்த‌வ‌ன். உல‌கின் ஒவ்வொரு த‌மிழ‌னின் வீட்டிலும் தின‌ம் தின‌ம் உழைத்துக் கொண்டிருக்கும் முத‌லாளி. ப‌ல‌ரின் சுமைக‌ளை தாங்கும் சுமைதாங்கி.வ‌ய‌லில் இற‌ங்கி வேலைப்பார்த்துக் கொண்டிருந்த‌வ‌ன் வ‌ய‌லினில் வேலை செய்ய‌ தொட‌ங்கிய‌தில் ஆர‌ம்ப‌மான‌து ஒரு இசை ச‌காப்த‌ம். தாய்ப்பாலோடு இவ‌னின் இசையும் க‌ல‌ந்தே எங்க‌ளுக்கு ஊட்ட‌ப்ப‌ட்டிருக்கிற‌து. எங்க‌ள் நாடி,ந‌ர‌ம்பு, ச‌தை,புத்தி எல்லாமும் க‌ல‌ந்து போயிருக்கிற‌து இவ‌னின் த‌ந்தி மீட்ட‌ல்க‌ளும், தாள‌ ஜ‌திக‌ளும்.

ராஜாவின் இசை க‌ல‌வியைப் போன்ற‌து. கேட்க‌ கேட்க‌ போதுமென‌ தோன்றினாலும் நிறுத்திய அடுத்த‌ நிமிட‌மே இன்னும் வேண்டுமென‌ ஏங்க‌ வைக்கும். ராஜாவின் இசை அருவியின் அடியில் வைக்க‌ப்ப‌ட்ட‌ பாத்திர‌ம் போன்ற‌து.. பொங்கி பொங்கி வழிந்தாலும் மீண்டும் வேண்டுமென்ப‌த‌ற்காக‌ நிர‌ம்புவ‌தேயில்லை. ராஜாவின் இசை ர‌யிலை போன்ற‌து. த‌ண்ட‌வாளமாகிய‌ எங்க‌ளை க‌ட‌ந்த‌ பின்னும் நாங்க‌ள் அதிர்ந்துக் கொண்டேயிருப்போம். ராஜாவின் இசை. எங்க‌ள் காத‌லி போன்ற‌து. கொஞ்சுவோம்.கெஞ்சுவோம்.மிர‌ட்டுவோம். காலில் விழுவோம்.வெகு இய‌ல்பாக, ராஜாவுக்கு இசை வ‌ரும். எங்க‌ளுக்கு அவ‌ர் இசையே வ‌ர‌ம்.

"இறைவ‌னை நான் பாடுவ‌தால் அது இறைவ‌னுக்கு புகழ‌ல்ல‌.இறைவ‌ன் இன்னும் பெரிய‌வ‌ன். அது என‌க்குத்தான் பெருமை - ‍ ராஜா"”

இதில் இறைவ‌ன் என்னுமிட‌த்தில் ராஜாவின் பெய‌ரையும், ராஜாவுக்கு ப‌தில் என் பெய‌ரையும் மாற்றிப் ப‌டித்துக் கொள்ளுங்க‌ள்.

(தொட‌ரும்)

நண்பன்–the best friend of music lovers

noreply@blogger.com (கார்க்கி) — Sat, 24 Dec 2011 21:22:42 PST

இந்தப் பதிவுக்காக கேட்டவுடன் தமக்கு பிடித்தமான வரிகளை பகிர்ந்துக் கொண்ட பாடலாசிரியர்கள் மதன் கார்க்கி அவர்களுக்கும், நா.முத்துக்குமார் அவர்களுக்கும் நன்றிகள்.

_________________________________________________________________

அடிக்கடி நடந்திடாத விஷயம் இது. கடந்த சில வருடங்களில் பார்த்தால் வாரணம் ஆயிரம், பையா போன்று வெகு சில படங்களிலே எல்லா பாடல்களும் ஹிட் ஆகியிருக்கின்றன. அதுவும் பையா படத்தில் கிட்டத்தட்ட எல்லா பாடல்களுமே காதல் பாடல்களாக இருந்தன. variety யாகவும், அதே சமயம் ஹிட்டாகவும் அமைந்த ஆல்பம் என்றால் கடைசியாக வாரணம் ஆயிரமை சொல்லலாம். அதே ஹாரீஸ், நண்பன் மூலம் மீண்டும் அப்படி ஒரு ஹிட் அடித்திருக்கிறார். அதை விட முக்கியமாக தனக்கென அவர் அமைத்துக் கொண்ட டெம்ப்ளேட்களில் இருந்து வெகு சுலபமாக வெளியே வந்திருக்கிறார். அந்நியனில் கூட இந்த மேஜிக் நடக்கவில்லை. நண்பன் படத்தில் ஒரே ஒரு(இருக்காண்ணா இடுப்பிருக்காண்ணா) பாடலைத் தவிர மற்ற பாடல்களில் புது ஹாரீஸ் மிளிர்கிறார். விஜய்க்கும், விஜய் ரசிகர்களுக்கும் இந்த படம் நிச்சயம் ஒரு புது அனுபவம் என்பது தெரிந்த ஒன்றுதான்.

1) Aska Luska – விஜய் பிரகாஷ், சின்மயி – மதன் கார்க்கி

காதல் என்பதற்கு 16 மொழிகளில் வார்த்தைகள் பிடித்திருக்கிறார்கள். மீண்டும் உச்சரிப்பது கஷ்டம் என்றாலும் கேட்க இதமாய் இருக்கிறது மதன் கார்க்கியின் வரிகளும், விஜய் பிரகாஷின் குரலும். அதிக பொருட்செலவில் படமாக்கப்பட்டுள்ள பாடலாம். தன் பங்கிற்கும் நூற்றுக்கணக்கான இசைக்கருவிகளை கொண்டு மிரட்டியிருக்கிறார் ஹாரீஸ். ஹெட்ஃபோனில் கேட்கும்போது ஒவ்வொரு நோட்டும் ஆச்சரியப்படுத்துகிறது. இசையின் பிரம்மாண்டம் எனலாம்.

ப்ளூட்டோவில் உன்னை நான் கூடேற்றுவேன்.
விண்மீன்கள் பொறுக்கி சூடேற்றுவன்

வெகு சிலப் பாடல்களிலே தனக்கென தனி முத்திரை பதித்து விட்டார் மதன் கார்க்கி. 2011ல் என்னமோ ஏதோ என ஆரம்பித்தவர் 2012ல் அஸ்கலஸ்க்கா என அதகளம் செய்திருக்கிறார். சின்மயி ஒவ்வொரு வரியிலும் கடைசி வார்த்தையின் கடைசி எழுத்தை மட்டும் விழுங்கிவிடும் காரணம் மட்டும் என்னவென்று தெரியவில்லை.

பாடலாசிரியருக்கு பிடித்த வரிகள்:

அத்தனை மொழியிலும் வார்த்தை ஒவ்வொன்று கொய்தேன்
மொத்தமாய் கோர்த்துதான் காதல் செண்டொன்று செய்தேன்
உன்னிடம் நீட்டினேன் காதலைக் காட்டினேன்...

முக்கோணங்கள் படிப்பேன் உன் மூக்கின் மேலே
விட்டம் மட்டம் படிப்பேன் உன் நெஞ்சின் மேலே

(என்ன ஒரு வில்லத்தனம்!!)

கண்ணாடி நிலவாய் கண் கூசினாய்
வெண்வண்ண நிழலை மண் வீசினாய்
புல்லில் பூத்த பனி நீ - ஒரு
கள்ளம் இல்லை
வைரஸ் இல்லா கணினி - உன்
உள்ளம் வெள்ளை
நீ கொல்லை மல்லி முல்லை போலே
பிள்ளை மெல்லும் சொல்லைப் போலே

2) All is well – ஹேமச்சந்திரன், முகேஷ் - நா.முத்துக்குமார்

படத்தின் சாரம்சம் இதுதான். 3 இடியட்ஸின் புரமோவிலும் முக்கியமான விஷயம் இந்த All iz well தான். படத்திலும் மிக முக்கியமான பாடல் எனலாம். ஹிப்ஹாப் ஸ்டைலில் நல்ல peppy ஆன பாடலாக போட்டிருக்கிறார் ஹாரீஸ். பாடல்வரிகளில் காமெடி கலாட்டாவும் செய்து கருத்து கந்தசாமியாகவும் ஆகியிருக்கிறார் நா. முத்துக்குமார். கேட்டவுடனே பிடித்து போகும் ஹாரீஸ் வகை பாடலென்றாலும் வேறெந்த பழைய ஹாரீஸ் பாடலையும் நினைவுப்படுத்தாது பெரிய ப்ளஸ். ALl iz well என்ற வரியின் மெட்டை மட்டும் ஹிந்தியில் இருந்து அப்படியே எடுத்திருக்கிறார். விஜயின் க்யூட் மேனரிசங்களை ஷங்கர் அழகாக படமாக்கும் வாய்ப்பிருக்கும் பாடல். மேக்கிங் வீடியோ வெளியிட்டிருக்கிரார்கள். Thanks to kolaiveri.

நா.முத்துக்குமாருக்கு பிடித்த வரிகள்

டைட்டாக லைஃபே ஆனாலும் லூசாக நீ மாறு
வவ்வாலை போல நீ வாழ்ந்தால் பூமியெங்கும் தொங்கும் தோட்டம்

மூச்சு முட்டும் பாடம் எல்லாம் சோடா கோலியா.
நீ லோடு மேல லோடு ஏற்ற மூளை லாரியா?

3) என் கண்முன்னே – ஆலாப் ராஜு – மதன் கார்க்கி

Give me some sunshine என்ற பாடல் தமிழில் என் கண்முன்னே என்றாகியிருக்கிறது. ஹாரீஸின் முதல் காதலான கிட்டாருக்கு செம தீனி. Strumming pattern வழமையான ஒன்றானாலும் ஃப்ரெஷான மெட்டமைத்திருகிறார். ஆலாப் ராஜுவுக்கு இன்னொரு அழகான வாய்ப்பு. வார்த்தையின் நடுவே ஒவ்வொரு எழுத்திலும் வித்தியாசம் காட்டி உயிர் கொடுத்திருக்கிறார். சின்ன பாட்டென்றாலும் இசைக் காதலர்களுக்கு இது best pick ஆக அமையலாம்.

மதன் கார்க்கிக்கு பிடித்த வரிகள்

எந்தன் கண் முன்னே கண் முன்னே
காணாமல் போனேனே!
யாரும் பார்க்காத ஒரு விண்மீனாய்
வீணாய் நான் ஆனேனே

கனவை கனவை கலைத்தாயே
தொடர்ந்திட விடுவாயா?

இந்தப் பாடலுக்கு முதலில் அமைத்த சரணம் வேறு மெட்டாம். அதற்கு மதன் எழுதிய வரிகளையும் நம்மோடு பகிர்ந்துக் கொண்டார்.இதுதான் அவரது ஃபேவரட்டாம்.

வானம் ஏறிச் சென்று பூமியைக் காண
பொறியியல் கொண்டு பறவை செய்தேன்
அதன் சிறகினை முளையிலே அறுக்கிறேன்

வாழ்க்கை சொல்லித் தரும் பாடங்கள் வேறு
பாடம் சொல்லித் தரும் வாழ்க்கையும் வேறு
உன் பரிட்சையில் இரண்டையும் வெறுக்கிறேன்

4) என் ஃப்ரெண்ட போல யாரு மச்சான் – க்ரிஷ், சுசித் சுரேசன் – விவேகா

டைட்டில் பாடல். 3 இடியட்ஸில் லடாக் மலைத்தொடரில் கேமரா விர்ரென பறக்க மெல்லியதாய் தொடங்கும் பாடல். சங்கர் மஹாதேவனின் குரலில் இதமாய் ஒலிக்கும். தமிழில் முதலில் கேட்டபோது இப்படி ஃபாஸ்ட் பீட்டாக போட்டு விட்டார்களே என்ற உறுத்தல் இருந்தது. ஆனால் சரணத்தில் மாற்றி பாடலின் அழகை கெடாமல் பார்த்துக் கொண்டிருக்கிறார்கள். நாயகனை புகழும் பாடல் தான். ஆனால் நாங்க உங்க வீட்டுப் பிள்ளை நான் ஆட்சிகு வந்தால் இருக்காது தொல்லை என்றெல்லாம் இல்லாமல் வேறு திசையில் ஹீரோயிசத்தை காட்டியிருக்கிறார்கள்

தோழனின் தோள் கூட அன்னை மடி
இவன் தூரத்தில் பூத்திட்ட தொப்புள் கொடி.

விவேகாவிற்கும் இதுதான் பிடித்தமான வரிகளாக இருக்கக்கூடும்.

5) நல்ல நண்பன் – இராமக்ரிஷ்ணன் மூர்த்தி – நா.முத்துக்குமார்

முதல் தடவை கேட்கும்போதே யாருப்பா பாடினது என்று கேட்க வைக்கும் குரல். ஜீவா அடிப்பட்டு மருத்துவமனையில் இருக்கும் போது வரும் பாடல். இந்தியில் இந்த பாடலை பார்க்கும்போதே காட்சிகளும், இசையும் நம்மை உருக வைக்கும். தமிழிலும் அதை சாத்தியப்படுத்தியிருக்கிறார் ஹாரீஸ். வீணை போன்ற கிளாசிக் கருவிகளை அழகாய் பதிவு செய்திருக்கிறார்.

3 இடியட்ஸ் பாடலின் வீடியோ இது. முடிந்தால் இந்தவீடியோவில் சத்தத்தை ம்யூட் செய்து ஹாரீஸ் வெர்ஷனோடு சேர்ந்து கேளுங்கள்.கடைசி 4 வரிகள் தவிர மற்ற காட்சிகளுக்கு ஹாரீஸீன் இசை எப்படி பொருந்தியிருக்கிறது?Thanks Harris

நா.முத்துக்குமாருக்கு பிடித்த வரிகள்:

நல்ல நண்பன் வேண்டும் என்று அந்த மரணமும் நினைக்கின்றதா?
சிறந்தவன் நீதானென்று உன்னை கூட்டி செல்ல துடிக்கின்றதா?

வா நண்பா வா நண்பா தோள்களில் சாயவா
வாழ்ந்திடும் நாளெல்லாம் நான் உன்னை தாங்கவா?

6) இருக்காண்ணா – ஜாவித் அலி –சுனிதி செளஹான் – பா.விஜய்

விஜய் ரசிகர்களுக்காக அல்லது கமர்ஷியல் வாசனைக்காக சேர்க்கப்பட்டிருக்கும் பாடல். டிரெயிலரில் வந்த சில நொடிகளிலே விஜயின் நடனம் பரவலாக பேசப்படுகிறது. விஜயின் ட்ரேட்மார்க் “ண்ணா” என்பதை முதன் முதலாக பயன்படுத்தியிருக்கிறார்கள். பா. விஜய் பழைய துள்ளலோடு எழுதியிருக்கிறார். படத்தின் ஓட்டத்தை கெடுக்காமல் இப்பாடல் அமைந்திருந்தால் நிச்சயம் எல்லோருக்கும் visual treat தான். ஷங்கரின் டிபிக்கல் கலர்ஃபுல் ட்ரெயின், மலை, பிரம்மாண்ட கண்ணாடி செட் எல்லாம் இருக்குமென எதிர்பார்க்கலாம்.

நீ செங்கிஸ்கானா.. இனி உங்கிஸ்தானா
நான் மங்கூஸ்தானா. உன் கையில் கஜகஸ்தானா

இதில் ஒளிந்திருக்கும் டபுள் மீனிங் புரியாதவர்கள் 300 ரூபாய் டிடியுடன் என்னை தொடர்பு கொள்ளலாம்.

__________________

3 இடியட்ஸ் ஒரு கிளாசான ஹீரோயிச படம் எனலாம். அந்த வகையில் நண்பனின் இசையும் இரண்டு விதமான ரசிகர்களையும் திருப்திப்படுத்தியிருக்கிறது.

நிச்சயமாய் PongALL is well

ச‌வால் சிறுக‌தை போட்டியும் பின்னே ஞானும்

noreply@blogger.com (கார்க்கி) — Tue, 27 Dec 2011 01:33:52 PST

க‌ட‌ந்த‌ ஞாயிறு அன்று ஆதி & ப‌ரிச‌ல் யுடான்ஸ் திர‌ட்டியுட‌ன் இணைந்து ந‌ட‌த்திய‌ ச‌வால் சிறுக‌தை போட்டியின் ப‌ரிச‌ளிப்பு விழாவை தொகுத்து வ‌ழ‌ங்கும் வாய்ப்பு என‌க்கு கிடைத்த‌து. வேறு சில‌ கார‌ண‌ங்க‌ளுக்காக‌ மேடையேறி இருந்தாலும் தொகுத்து வ‌ழ‌ங்குவ‌து இதுவே முத‌ல்முறை. பெரும்பாலும் நான் முன்னேற்பாடுக‌ள் செய்து கொண்டு போன‌தில்லை. ப‌ல‌ நேர‌ங்க‌ளில் அதுவே சாத‌க‌மாக‌வும், சில‌ நேர‌ங்க‌ளில் பாத‌க‌மாக‌வும் ஆன‌துண்டு. இம்முறை யார் யார் பேச‌ வேண்டும், யார் யாருக்கு ப‌ரிசு என்ப‌தை ம‌ட்டும் மொபைலில் குறித்துக் கொண்டு தொட‌ங்கினேன்.ஒன்றும் சிற‌ப்பாய் அமைய‌வில்லை என் தொகுப்புரை. வ‌ந்திருந்த‌ ந‌ப‌ர்க‌ளில் பெரும்பாலானோர் என‌க்கு அறிமுக‌மில்லாத‌வ‌ர்க‌ள் அல்ல‌து சீரிய‌ஸ் ஆசாமிக‌ள் என்ப‌தை கார‌ண‌மாய் சொல்லி த‌ப்பித்துக் கொள்கிறேன்.

முத‌லில் கேபிள் ச‌ங்க‌ரை வ‌ர‌வேற்புரை நிக‌ழ்த்த‌‌ அழைத்தேன்.நிக‌ழ்வுக்கு வ‌ந்திருக்கும் அனைவ‌ரையும் வ‌ர‌வேற்கும் வாய்ப்பு கேபிளுக்குத்தான் என்றாலும் அவ‌ர‌ பேச‌ அழைத்த‌ வாய்ப்பு என‌க்குத்தான் என்ற‌ முன்னுரையை சொல்ல‌ எப்ப‌டி ம‌ற‌ந்தேன் என்று தெரிய‌வில்லை. குறிப்புக‌ள் இது போன்ற‌ நேர‌ங்க‌ளில் நிச்ச‌ய‌ம் உத‌வி புரியும் என்ப‌தை புரிந்துக் கொண்டேன். சொற்ப‌ வார்த்தைக‌ளில் வ‌ர‌வேற்று சென்றார் கேபிள் ச‌ங்க‌ர். "சிறுக‌தை போட்டி என்ப‌தால் சுருக்க‌மாக‌ முடித்துக் கொண்டார் ச‌ங்க‌ர். ந‌ல்ல‌ வேளை க‌விதைப் போட்டி ந‌ட‌த்தியிருந்தால் எல்லோரும் வாங்க‌ என்ப‌தோடு நிறுத்தியிருப்பார் போலும்" என்றேன். குறிப்புக‌ள் இருந்திருந்தால் இதெல்லாம் தோன்றியிருக்காது என்றே நினைக்கிறேன். கூட்ட‌த்தில்(?) யாராவ‌து ஹைக்கூ போட்டியென்றால் "ஹாய்" ம‌ட்டும் சொல்லியிருப்பாரோ என்ற‌ க‌மென்ட்டை சொல்வார்க‌ளென‌ எதிர்பார்த்தேன். ம்ஹூம். விஜிபி தீம் பார்க் வாச‌ல் நாய‌க‌ர்க‌ளாக‌வே இருந்தார்க‌ள்.

அதை தொட‌ர்ந்து ந‌ட‌ந்த‌ நிக‌ழ்வுக‌ள் ஆதியின் ப‌திவில் வாசிக்க‌லாம். நான் இப்ப‌திவை எழுதிய‌து இத‌ற்காக‌ அல்ல‌. ச‌வால் சிறுக‌தை போட்டி ப‌ற்றி அசை போட்ட‌ போது ம‌ன‌தில் தோன்றிய‌ சில‌ விஷ‌ய‌ங்க‌ளை ப‌கிர‌ ஆசைப்ப‌டுகிறேன்.

எழுத்து என்ப‌து ஒரு க‌லை. அது எல்லோருக்கும் சாத்திய‌மாக‌ வேண்டுமென்ற‌ க‌ட்டாய‌ம் இல்லை. அவ‌சிய‌முமில்லை. இது போன்ற‌ போட்டிக‌ள் புதிதாய் எழுத‌ நிறைய‌ பேர் வ‌ர‌ வேண்டுமென்ற‌ அடிப்ப‌டையில் நிக‌ழ்வ‌தாக‌வே ப‌ல‌ராலும் சொல்ல‌ப்ப‌ட்ட‌து. என‌க்கு அதில் உட‌ன்பாடில்லை. அவ‌ச‌ர‌ம் வேண்டாம். முழுவ‌துமாய் சொல்லி முடித்துவிடுகிறேன். எழுத‌ எழுத‌ எவ‌ர் ஒருவ‌ருக்கும் எழுத்து செம்மைப்ப‌டும் என்ப‌தில் மாற்றுக் க‌ருத்து இல்லை. அத‌ற்கு ஏதுவாய் அமைந்த‌ ஒரு க‌ள‌ம் தான் வ‌லைப்பூ. ஆர்வ‌ம் இருக்கும் அனைவ‌ருமே வ‌லைப்பூக்க‌ளில் எழுதிக் கொண்டுதான் இருப்பார்க‌ள். ந‌ன்றாக‌ எழுதும் ப‌ல‌ருக்கும் சொற்ப‌மான‌ எண்ணிக்கையிலே வாசக‌ர்க‌ள் கிடைக்கிறார்க‌ள். ஆனால் அவ‌ர்க‌ள் எழுதுவ‌தை நிறுத்த‌வில்லை.கார‌ண‌ம் எழுத்தின் மீதான் ஆர்வ‌ம். இந்த‌ ஆர்வ‌ம் தான் ஒருவ‌ரை ந‌ல்லெழுத்துக்கார‌னாக‌ மாற்றும். ம‌ற்ற‌ப‌டி அதீத‌மான‌ பார்வைக‌ளோ, க‌ருத்துக‌ளோ ம‌ட்டுமே ஒருவ‌ரை எழுத்தாளானாக‌ மாற்றும் வாய்ப்பு இல்லையென்ப‌து என் க‌ருத்து.

வ‌லைப்பூக்க‌ளில் யாரும் எழுத‌லாம்.நிச்ச‌ய‌மாக‌. ஆனால் அவ‌ர்க‌ள் அதைத்தாண்டி எழுத்தாள‌ன் அவ‌தார‌மெடுக்க‌ புத்த‌க‌ங்க‌ள் அச்சிடும்போதுதான் இப்பிர‌ச்சினை வ‌ருகிற‌து. ஒவ்வொரு ஆண்டும் புத்த‌க‌ க‌ண்காட்சிக்கு போகும்போதெல்லாம் என‌க்கு ஒன்று தோன்றும். Air pollution, Noise pollution போன்று இதுவும் ஒரு வ‌கை Pollution தானே? எத்துணை எத்துணை புத்த‌க‌ங்க‌ள்? வாசிப்பின் இன்றிய‌மையாமை குறித்து ஒருவ‌ருக்கு நாம் சொல்லும் வேளையில் இது குறித்தும் நாம் க‌வ‌லைப்ப‌ட‌வேண்டிய‌து அவ‌சிய‌மில்லையா? சென்ற‌ வார‌ம் ர‌மேஷ் வைத்யாவிட‌ம் பேசிக் கொண்டிருந்த‌ போது சொன்னார் "200 ரூபாய் த‌ந்து ஒரு புத்த‌க‌ம் வாங்கி ப‌டிக்கும் ஒருவ‌னுக்கு எழுத்தாள‌ன் ஏதாவ‌தொன்றை த‌ர‌ வேண்டாமா? பிர‌க்ஞையோ, அறிவோ, த‌ர்க்க‌மோ.. ஏதேனும் ஒன்றை புதிதாய் அவ்வாசிப்பு த‌ர‌ வேண்டாமா? வெறும் வாசிப்பின்ப‌மோ, நேர‌க்க‌ட‌த்த‌லோ என்றால் அது வேறு"

இத‌ற்காக‌த்தான் க‌ட்டுரை ஆர‌ம்ப‌த்தில் எழுத்தாள‌ர்க‌ள் பெருகுவ‌தை நான் விரும்ப‌வில்லை என்று சொன்னேன். வ‌லைப்பூவில் இருந்து புத்த‌க‌ எழுத்தாள‌ர் ஆகியிருக்கும் எல்லோருமே க‌தை, க‌விதைக‌ள் தான் பிர‌சுரிக்கிறார்க‌ள். சினிமா வியாபார‌ம் போன்ற‌ புத்த‌க‌ங்க‌ள் வேறு வ‌கை. அவை எழுத்து, இல‌க்கிய‌ம் என்ற‌ வ‌கையில் சேரா. அவை ஒரு த‌க‌வ‌ல் க‌ளஞ்சிய‌மாக‌ பார்க்க‌ப்ப‌டுகின்ற‌ன‌. நான் சொல்வ‌து மொழியின் வ‌டிவ‌ங்க‌ளாக‌ இருக்கும் க‌தை, க‌விதை போன்ற‌ ப‌டைப்புக‌ளை. நான் வாசித்த‌ வ‌ரையில் ப‌திவ‌ர்க‌ள் புத்த‌க‌ங்க‌ளில் தான் அதிக‌ பிழைக‌ள். அப்ப‌டியென்றால் ப‌திவ‌ர்க‌ள் புத்த‌க‌மே போட‌க்கூடாதா என்று கைக‌ளை முறுக்காதீர். அத‌ற்கான‌ உழைப்பை முத‌லில் வ‌லைப்பூவில் காட்டினால் ந‌ல‌ம். வ‌லைப்பூவில் இருந்துதான் அய்ய‌ணார், யுவ‌கிருஷ்ணா போன்ற‌ எழுத்தாள‌ர்க‌ள் வ‌ந்திருக்கிறார்க‌ள். நான் சொல்வ‌து எழுத்து எல்லோருக்கும் கைக்கூடி வ‌ர‌ வேண்டுமென்ற‌ க‌ருத்தை ம‌ட்டுமே.

நாம் செய்ய‌ வேண்டிய‌வை வ‌லைப்பூவிலே ஏராள‌ம் இருக்கின்ற‌ன‌. இன்றும் வ‌லைப்பூக்க‌ளை அச்சு ஊட‌க‌த்தின் நீட்சியாக‌த்தான் எல்லோரும் பார்க்கிறார்க‌ள். நாமும் அவ்வாறுதான் இருக்கிறோம். நான் முன்ன‌ரே சொன்ன‌து போல‌ க‌தை, க‌விதைக‌ள், த‌க‌வ‌ல் என்ப‌தை தாண்டி எந்த‌ புத்த‌க‌மும் ப‌திவ‌ர்க‌ளிட‌மிருந்து வ‌ர‌வில்லை.(ஏதேனும் வ‌ந்திருந்தால் குறிப்பிடுங்க‌ள்.மாற்றி விடுகிறேன்). இணைய‌ம் ஒரு புதிய‌ வ‌டிவ‌ம். புதிய‌ உல‌க‌ம். அது தரும் சாத்திய‌ங்க‌ள் ஏராள‌ம். அதை எந்த‌ அள‌விற்கு நாம் ப‌ய‌ன்ப‌டுத்துகிறோம்? ச‌வால் போட்டியில் கூட‌ ஒரு புகைப்ப‌ட‌த்தை த‌ந்து அத‌ற்கேற்ற‌ க‌தையை எழுத‌ சொன்னார்க‌ள். அடுத்த‌ வருட‌ம் ஏன் ஒரு ஒலிக்குறிப்பை த‌ர‌க்கூடாது? இது கூடுத‌ல் சுவார‌ஸ்ய‌ம் த‌ர‌க் கூடுமல்ல‌வா?

ஒரு நல்ல கதாசிரியனால் ஒரு நல்ல திரைப்படம் எடுத்து விட முடியாது. சினிமா என்னும் தொழில்நுட்பத்தை விரல்நுனியில் வைத்திருக்கும் மணிரத்னம் போன்றவர்களால் ஒரு நல்ல கதையை எழுதிவிட முடியாது. இரண்டையும் இணைக்கும் ஆற்றல் பெற்றவர்களே நல்ல திரைப்படம் கொடுக்க முடியும். இணையமும் அப்படித்தான். இணையத்தின் சாத்தியங்களை அறிந்த பலரால் நல்ல படைப்புகள் எழுத முடிவதில்லை. படைப்புகளின் ஆசான்களுக்கு இணையத்தின் அசாத்தியமான சாத்தியங்கள் குறித்து தெரிவதில்லை.சில உதாரணங்கள் பார்ப்போம்.

உங்கள் வலைப்பூவின் பேக்கிரவுண்ட் வெள்ளை நிறம் என்று வைத்துக் கொள்வோம். எழுத்துகளின் நிறமும் வெள்ளையாய் இருந்தால் படிப்பவர்களுக்கு தெரியப்போவதில்லை. ஆனால் அதையே “செலக்ட்” செய்தால் தெரியும். இந்த யுத்தியை பயன்படுத்தி ஒரு மொக்கை பதிவொன்றை எழுதியிருந்தேன். அதை பயன்படுத்தி ஒரு கதை எழுதினால் எப்படி இருக்கும்?

இன்னொரு ஐடியா. GIFF படங்கள் குறித்து அறிவோம். சலனப்படம் போன்றிருக்கும் இதை கதையின் நடுவே இணைத்து, கதைக்கு ஒரு முக்கிய திருப்பத்தை அதில் சேர்த்தால் சுவாரஸ்யமாக இருக்குமல்லவா?

ஒரு க்ரைம் கதை எழுதுவோம். 24 மணி நேரத்தில் நடக்கும் ஒரு கொலையை நேரவாரியாக பத்தி பிரித்து எழுதிக் கொள்வோம். ஒரு கடிகாரத்தை நம் பதிவில் சேர்த்துவிடுவோம். நேரம் மாற மாற கதையின் தொடக்கம் அதற்கேற்றது போல மாறிவிடும். இது சற்று சிரமம்தான். ஆனால் கணிணி ஜாம்பவான்களுக்கு இது ஒரு பெரிய விஷயமே இல்லை. நீங்கள் எந்த நேரத்தில் உண்மையில் அக்கதையை படிக்க தொடங்குகறீர்களோ அந்த சமயத்தில் கதை தொடங்கும். பிறிதொரு நாள் வேறு நேரத்தில் படிக்க நேர்ந்தால் கதை வேறு இடத்தில் தொடங்கும். இது இணையத்தில் மட்டும்தானே சாத்தியம்?

நானும் ஒரு ச‌ராச‌ரி ப‌திவ‌ன் என்ப‌தால் க‌ட்டுரை திசை மாறிப்போன‌தை த‌விர்க்க‌ இய‌ல‌வில்லை. ம‌ன‌தில் இருந்த‌ விஷ‌ய‌ங்க‌ளை சொல்லியிருக்கிறேன். த‌வ‌றாக‌ அர்த்த‌ம் கொள்ளாம‌ல் யோசித்து பாருங்க‌ள். அச்சு ஊட‌க‌த்தை விட‌ வ‌லையுல‌க‌மே ந‌ம‌க்கான‌ க‌ள‌ம். புத்த‌க‌மாய் அச்சிடுமுன் வ‌லையில் ப‌ட்டைத் தீட்டிக் கொள்வோமென்றே சொல்ல‌ வ‌ருகின்றேன்.அவ்வ‌ள‌வே!

take REST

noreply@blogger.com (கார்க்கி) — Thu, 15 Dec 2011 20:23:07 PST

நாம‌ளாம் ஸ்வீட் சாப்பிட்டாதான் "ஸ்வீட் சாப்பிடிறியா"ன்னு கேட்பாங்க‌. தோழி என்ன‌ சாப்பிட்டாலும் "ஸ்வீட்..சாப்பிட‌றியா"ன்னு கேட்கிறாங்க‌.

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

பொண்ணுங்க அழகாகணும்ன்னா ப்யூட்டி பார்லருக்கு போறதுக்கு பதிலா உன் கண்ணுல பட்டா போதும்ன்னு சொல்றா தோழி.. கலாய்க்கிறாளான்னு தெரியலையே!

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

என் Twitter BIOவில் "mokkai lover" என்ப‌தை எடுக்க‌ சொல்கிறாள் தோழி. அவ‌ள் மொக்கை என்றும் அர்த்த‌ம் வ‌ருகிற‌தாம். #வேற‌ அர்த்த‌ம் கூட‌ இருக்கா???

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

தோழி அரட்டைப்பெட்டியில் ஹாய் சொல்கிறாள். அரட்டைப்பெட்டி அழகுப்பெட்டியாகிறது.. அப்பாலிக்கா வறேன்ப்பா

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

miss u chellam என்று டைப்புவதில் மட்டும் தவறே செய்ய மாட்டாள் தோழி. #கடுப்ஸ்

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

அலைபேசி முத்தம் தந்த தோழி, கடைசியா take REST என்கிறாள். என்ன உள்ளர்த்தமோ தெரியலையே

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

ஒஸ்திக்கு இசை த‌ம‌ன்னா என்று கேட்டாள் தோழி.த‌ம‌ன்னா ந‌டிகை செல்ல‌ம் என்றால் அடிக்க‌ வ‌ருகிறாள்.#ஏம்ப்பா.நான் க‌ரெக்ட்டாதானே பேசுறேன்?

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

தோழி ஒரு ந‌ட‌மாடும் கால‌ண்ட‌ர்

திங்கள் - சேலை

செவ்வாய் - அதிக‌ லிப்ஸ்டிக்

புத‌ன் - த‌ங்க‌ கொலுசு

வியாழ‌ன் - _________

வெள்ளி - ‍ஸ்லீவ்லெஸ்

Dont miss this!!

noreply@blogger.com (கார்க்கி) — Tue, 13 Dec 2011 00:27:42 PST

YUVAN ROCKSSSSSSSSSSSSSSSSSSSSSSSSSSSSSSSSSS

______________________

அப்ப‌டியே இதையும் கேளுங்க‌ :))

test

noreply@blogger.com (கார்க்கி) — Wed, 01 Feb 2012 00:32:02 PST

Have a break Selva!

noreply@blogger.com (கார்க்கி) — Wed, 30 Nov 2011 01:58:13 PST

பின்ந‌வீன‌ சூழ‌லில் உய‌ர்ப‌டைப்புக‌ள் என‌ வித‌ந்தோம்ப‌ப்ப‌டும் ப‌டைப்புக‌ள் அனேக‌மாய் காம‌ம், வ‌ன்ம‌ம், துரோக‌ம் போன்ற‌ அதீத‌ உண‌ர்வுக‌ளின் எல்லைய‌ற்ற உய‌ர‌ங்க‌ளை தொடுவ‌த‌ற்கான‌ உன்ன‌த‌ அல்ல‌து அதிப‌ய‌ங்க‌ர‌ முய‌ற்சிக‌ளின் எச்ச‌ங்களாக‌ இருப்ப‌தை நீங்க‌ள் அவ‌தானித்திருக்க‌க்கூடும். ஒரேயொரு மிகுபுனைவு முய‌ற்சியான‌ ஆயிர‌த்தில் ஒருவ‌னை த‌விர்த்து பார்த்தால் அச்சுழ‌லிலே செல்வ‌ராக‌வ‌னும் சிக்கித் த‌விப்ப‌தை நாம் அறிய‌லாம். ம‌ய‌க்க‌ம் என்ன‌ திரைப்ப‌ட‌மும் அதில் ஒரு நீர்க்குமிழிதான் என்ப‌தை இந்நேர‌ம் உங்க‌ளுக்கு இணைய‌ம் வழி வ‌ந்த‌ விம‌ர்ச‌ன‌ங்க‌ள் எடுத்துயிய‌ம்பியிருக்கும். பெரிதாய்‌ சொல்ல‌ ஏதுமில்லையென்றாலும் என்னை க‌வ‌ர்ந்த‌ முத‌ல் பாதியை ப‌ற்றி கொஞ்ச‌மும், பொட‌னியில் பொளேர‌ன‌ அடித்த இர‌ண்டாம் பாதியைப் ப‌ற்றி கொஞ்ச‌மும், த‌னுஷை ப‌ற்றி நிறைய‌வும் பார்க்க‌லாம்.

தேசிய‌ விருது பெற்ற‌ நாய‌க‌ன், பிரிட்னி ஸ்பிய‌ர்ஸ் த‌ற்போது முணுமுணுக்கும் ஒய் திஸ் கொலைவெறிடியின் கார‌ண‌க‌ர்த்தா என்ற‌ அடையாள‌ங்க‌ளைத் தாண்டி மாப்பிள்ளை, வேங்கையின் நாய‌க‌ன் என்ற‌ முத்திரையைத்தான் த‌மிழ் ர‌சிக‌ர்க‌ளுக்கு த‌ந்திருக்கிறார் த‌னுஷ். ஆனால் ஜீவாவை போல‌ எல்லா ப‌ட‌ங்க‌ளுக்கும் ஒரே உழைப்பை த‌ராம‌ல் தேர்ந்தெடுத்து சில‌ ப‌டைப்புக‌ளுக்கு ம‌ட்டும் த‌னிக்க‌வ‌ன‌ம் செலுத்துவ‌து த‌னுஷின் வ‌ழ‌க்க‌ம். அவ்வ‌கையில் ம‌ய‌க்க‌ம் என்ன‌ ப‌ட‌த்திற்கு இன்னும் அதீத‌ க‌வ‌ன‌ம் செலுத்தியிருக்கிறார். ப‌ட‌த்தில் ஆக‌ச் சிற‌ந்த‌து இவ‌ரின் ந‌டிப்பு. க‌தை, பாத்திர‌ம் தாண்டி சோக‌ம் என்றால் இதுதான், காத‌ல் என்றால் இதுதான் என‌ டெம்ப்ளேட் உண‌ர்வுக‌ளின் குத்தகைத்தார‌ரான‌ சூர்யாவை வெகு சாத‌ர‌ண‌மாக‌ இவ‌ரால் தாண்ட‌ முடிகிற‌து என்ப‌தை ந‌ம்புவ‌த‌ற்கு ச‌ற்று சிர‌ம‌ப்ப‌ட‌த்தான் வேண்டியிருக்கிற‌து. 3 ஐ தொட‌ர்ந்து, அத‌ன் பின் இவ‌ர் ந‌டிக்கவிருக்கும் சில‌ப் ப‌ட‌ங்க‌ள் அதை இல‌குவாக்குமென‌ எதிர்பார்க்கிறேன். சூர்யா, விக்ர‌ம் வ‌ரிசை தாண்டி ர‌ங்காராவ், சிவாஜி, க‌ம‌ல் வ‌ரிசையில் இட‌ம்பிடிக்க‌ப் போகும் ந‌டிக‌ரென‌ த‌னுஷை நான் கொண்டாடுகிறேன். இவ‌ருக்காக‌ ம‌ட்டுமே ப‌ட‌ம் பார்க்க‌லாம். பார்க்க‌லாம்.

பாலாவின் நாய‌க‌ர்க‌ள், ம‌ணிர‌த்ன‌த்தின் நாய‌கிக‌ள் போல‌ செல்வ‌ராக‌வ‌னின் பாத்திர‌ங்க‌ள் எல்லாமுமே ஒரே அச்சில் வார்க்க‌ப்ப‌ட்ட‌ பிம்ப‌ங்க‌ளாக‌ இருப்ப‌து அசூசை உண‌ர்வை த‌ருகிற‌து. காத‌ல் கொண்டேன் திவ்யாவையும், ரெயின்போ கால‌னி அனிதாவையும் தாண்டி யாமினியிட‌ம் குறிப்பிட்டு‌ சொல்ல‌ வேண்டிய‌ விஷ‌ய‌ம் ஏதுமில்லை, "உன் பொண்டாட்டிய‌ நீதான் தேடிக்க‌ணும்,அடுத்த‌வ‌ன் பொண்டாட்டி மேல‌ ஆசைப்ப‌ட‌க்கூடாது" என்ற‌ வ‌ச‌ன‌த்தை த‌விர‌. தீபா வெங்க‌ட்டின் குர‌லும், ரிச்சாவின் உட‌ல்மொழியும் ந‌டிப்பு என்ற‌ வ‌கையில் பாராட்ட‌த்த‌க்க‌து. த‌னுஷிட‌ம் முத்த‌ம் வாங்கிய‌ பின் வ‌ரும் காட்சிக‌ளில் ரிச்சாவின் உட‌ல்மொழியில் காண‌ப்ப‌டும் சின்ன‌ சின்ன‌ துள்ள‌ல்க‌ள் எல்லாம் அவ‌ரைத் தாண்டி இய‌க்குனரை திரையில் காட்டும் காட்சிக‌ள். இவ‌ரின் அடுத்த‌ ப‌ட‌ம் சிம்புவின் ஒஸ்தி என்ற திடுக்கிற‌ செய்யும் செய்தியான‌து இங்கு தேவைய‌ற்ற‌ ஒன்றாக‌ என‌க்கு தோன்ற‌வில்லை.

க‌தை ப‌ற்றி க‌தைப்போம். த‌னுஷும் அவ‌ரின் த‌ங்கையும் பெற்றோரை இழ‌ந்து ந‌ண்ப‌ர்க‌ள் உதவியில் வாழ்கிறார்க‌ள். த‌னுஷிற்கு புகைப்ப‌ட‌ க‌லைஞ‌ன் ஆக‌ விருப்ப‌ம். பிர‌ப‌ல‌ புகைப்ப‌ட‌ க‌லைஞ‌ரிட‌ம் உத‌வியாளாராக சேர‌ ஆசை‌‌ப்படுகிறார். ஒரு ச‌ந்த‌ர்ப்ப‌த்தில் த‌னுஷின் ந‌ண்ப‌ன் த‌ன‌து தோழியை ந‌ண்ப‌ர்க‌ள் குழாமிற்கு அறிமுக‌ப்ப‌டுத்துகிறார். த‌னுஷ் ஒரு புகைப்ப‌ட‌ வேலை தொட‌ர்பாக‌ காட்டுக்குள் செல்ல‌ நேரிடும்போது, ந‌ண்ப‌னும் அவ‌ர்த‌ம் தோழியும் இணைந்துக் கொள்கிறார்க‌ள். கொஞ்ச‌ம் கொஞ்ச‌மாக‌ நாய‌கிக்கு த‌னுஷின் மீது ஈர்ப்பு வ‌ருகிறது. ஒரு க‌ட்ட‌த்தில் த‌னுஷிற்கும் ரிச்சாவிற்கும் திரும‌ண‌ம் ந‌ட‌ந்து விடுகிற‌து. இடையில், த‌னுஷின் புகைப்ப‌ட‌த்தை அந்த‌ பிர‌ப‌ல‌ க‌லைஞ‌ர் அவ‌ர் புகைப்ப‌ட‌மென‌ ஏமாற்றி ஒரு போட்டியில் வென்றுவிடுகிறார். இதை பார்த்த‌ த‌னுஷ், மாடியில் இருந்து கீழே விழுந்து ம‌ன‌ந‌ல‌ம் பிற‌ழ்ந்த‌வ‌ர் ஆகி விடுகிறார். அத‌ன் பின் அவ‌ரை நாய‌கி எப்ப‌டி பார்த்துக் கொன்டார், த‌னுஷ் மீண்டாரா, புகைப்ப‌ட‌த்துறையில் சாதித்தாரா என்ப‌தை மீதிப் ப‌ட‌ம் சொல்கிற‌து. கொல்கிற‌து.

செல்வ‌ராக‌வ‌னின் க‌தையை, க‌தையாக‌ சொல்வ‌தில் இருக்கும் சிக்க‌ல் அலாதியான‌து. நாம் பார்த்த‌ க‌தையை குதூக‌ல‌ ம‌ன‌தோட‌ த‌ட்ட‌ச்சிய‌ பின் வாசித்துப் பார்க்கையில் ம‌ன‌ம் ஏனோ துணுக்குற‌ செய்கிற‌து. முக‌த்திலைறையும் ய‌தார்த்தம் தான் எனினும் "ஐஷ்வ‌ர‌யா ராயா இருந்தாலும் ஆய் போனா அசிங்க‌மாக‌த்தான் இருக்கும்" என்ப‌தை கூசாம‌ல் சொல்ல‌ முடிவ‌தில்லை என்னால். ஆனால் செல்வ‌ராக‌வ‌னோ குசு விடுவ‌திலே ரொமான்ஸ் காட்சியை வைக்கிறார். முத‌ல் பாதி செல்வ‌ராக‌வ‌னின் வ‌ழ‌மையான‌ பாணியில் செல்கிற‌து. ர‌சிக்க‌வும் வைக்கிற‌து. பேருந்து எங்கு செல்கிற‌து என்று தெரியாவிடினும் ம‌லை முக‌டுக‌ளும், அருவிக‌ளும் ந‌ம் ப‌ய‌ண‌த்தை சுவார‌ஸ்ய‌மாக்க‌க்கூடும். முத‌ல் பாதி அவ்வாறுதான் ப‌ய‌ணிக்கிற‌து. ஆனால் அப்பேருந்தே ஷெட்டுக்கு போகிற‌து என்று தெரியும்போது வ‌ரும் எரிச்ச‌லை இர‌ண்டாம் பாதி தருகிற‌து. இல‌க்க‌ற்று அலையும் திரைக்க‌தை அய‌ர்ச்சியை உண்டாக்குகிறது. செல்வ‌ராக‌வ‌ன் மீண்டும் நா.முத்துக்குமாரோடு இணைந்துக் கொண்டு க‌தை, திரைக்க‌தை எழுதும் வேலையை ம‌ட்டும் செவ்வ‌னே செய்ய‌லாம்.

முத‌ல் பாதியில் பாட‌ல்க‌ள் ஆர‌ம்பிக்கும் புள்ளிக‌ள் எல்லாமே எதிர்பாராத‌து. அதுவே அத‌ற்கு ஒரு அழ‌கு சேர்க்கிற‌து. ஆனால் காத‌ல் என் காத‌ல் பெரிய‌ ஏமாற்ற‌ம். அப்போது த‌னுஷ் காத‌லிக்க‌வேயில்லை. அத‌னால் தோல்வியுமில்லை. ஆனால் அந்த‌ப் பாட‌லை அவ‌ர்தான் பாடுகிறார். இப்ப‌டி ஒரு தெளிவ‌ற்ற‌ சூழ‌லில் செல்வ‌ராக‌வ‌ன் இதுவ‌ரை பாட‌ல் வைத்த‌தில்லை. ஆயிர‌த்தில் ஒருவ‌னில் வ‌ரும் குத்துப்பாட‌லுக்கு கூட‌ அவ‌ர்க‌ள் போதையில் இருப்ப‌தாக‌ ஒரு கார‌ண‌ம் சொல்லியிருப்பார். ப‌ட‌த்திற்கு இன்னொரு ப‌ல‌ம் ராம்ஜியின் ஒளிப்ப‌திவு. ந‌ல்ல‌ வேளை த‌னுஷ் இசைத்துறையில் சாதிக்க‌ நினைவில்லை. ஜி.வி.பிர‌காஷின் இசையை வைத்துக்கொண்டு செல்வ‌ராக‌வ‌னால் அதை செய்திருக்க‌ முடியாது. இசையினூடாக‌ ப‌ல‌ காட்சிக‌ள் ப‌ய‌ண‌ம் செய்கின்ற‌ன‌. செல்வ‌ராக‌வ‌னின் அந்த‌ யுத்திக்கு யுவ‌ன் தான் தோதான‌வ‌ர். மொத்த‌மே 2.20 ம‌ணி நேர‌ம் தான் ப‌ட‌ம். ந‌ல்ல‌ விஷ‌ய‌மென்றாலும் திரைக்க‌தையில் ஆங்காங்கே இருக்கும் ஓட்டைக‌ளுக்கு இது கார‌ண‌மோ என்ற‌ எண்ண‌ம் எழாம‌லில்லை.

ம‌ய‌க்க‌ம் என்ன‌ உட்ப‌ட‌ எல்லா செல்வ‌ராக‌வ‌னின் ப‌ட‌ங்க‌ளில் வ‌ரும் க்ளிஷேக்க‌ளை நேச‌மித்ர‌ன் இப்ப‌டி ப‌ட்டிய‌லிடுகிறார்

எப்படியேனும் ஒரு கழிவறை சார்ந்த ஒரு காட்சி/உரையாடல் இடம்பெற்று விடுவதும் தற்செயலானதல்ல என்றே தோன்றுகிறது.முதல் படத்தில் இருந்து கா.கொ. கல் அடையாளம் வைப்பது, 7ஜியில் போஸ்டர்களை அலங்கரித்த மேற்கத்திய பாணி கழிவறை சித்திரம் .ஆ.ஒ-னிலும் காட்டுப் பயணத்தில் ஓர் உரையாடல் ,ம.எ வில் ஒரு காட்சி மற்றும் சொல்லாடல்.(செல்வராகவன் கதை எழுதிய யா.நீ.மோ -விலும் )

நெருப்பு /மழை நடனம் ,புறக்கணிக்கும் ஆசிரியர்கள்/மேலாளர்கள்/தகப்பன்மார்களின் வசையில் முண்டம்/முண்டக் கலப்பை (து.இ-தலைவாசல் விஜய்,கா.கொ-டஸ்டர் எறியும் ஆசிரியர்,யா.நீ.மோ ரகுவரன்,7ஜி- விஜயன்,ம.எ.வில் தனுஷ்)வெறித்த கண்களுடன் ஒரு பாடல் /காட்சி,சட்டை அல்லது சுடிதார் டாப்ஸ் மட்டும் போட்டுக் கொண்டு ஒரு காட்சி உறுதி(பாலுமகேந்திரா வினோதினி துவங்கி ரோகிணி,மணிரத்னத்தின் மதுபாலா வரை பயன்படுத்திய உத்தி) ,நாயகனின் நோக்காடு அல்லது நோய்க்காலத்தில் மருந்திடும்/கவனிக்கும் ஒரு காட்சி ,நாயகணைத் தவிர மொத்த உலகமும் வாகனங்களாய் /சாலை மாந்தர்களாய் விரையும் ஒரு ஷாட், கண்டிப்பாய் ஒரு மொட்டைமாடித் துயர நிகழ்வு/புலம்பல் காட்சி ,விஜய குமார், நாகேஷ்,நண்பனின் தகப்பன் என்று கலாச்சாரப் பாலம் கேரக்டர் ஒன்று,
தாடியுடன் கோணல் நடை நடக்கும் மங்கிய நிறத்தில் மட்டும் உடுத்தும் நாயகன் காஸ்ட்யூம்,எழ மறுத்து மீண்டும் போர்த்தும் ஒரு போர்வை , விரல்கள் தீண்டும் பேருந்து காட்சியை மூன்று படங்களோடு விட்டு விட்டது பெரும் மகிழ்ச்சி. நிச்சயமாய் ஒரு அழும் நைட்டித் தங்கை,நாயகன் நாயகி அணுக்கமாக கூடவே இருக்கும் அப்பாவிக் காதலனுடன் ஒரு தியேட்டர் சீக்வன்ஸ் ,நாயகனுக்கு நாயகி கையால் ஒரு அறை,மாதவிடாய் பஞ்சு ,கண்ணாடி நாயகன்....

நீரின் ஆழ‌ம‌றியா த‌க்கை‌யை போல‌வே திரைப்ப‌ட‌ங்க‌ளை பார்க்க‌ ப‌ழ‌கிவிட்ட‌ த‌மிழ்ப் பார்வையாள‌னுக்கு, ச‌ல‌ன‌ம‌ற்ற‌ ந‌தியின் ஆழ‌த்தில் இருக்கும் வேக‌ம் போல‌ இக்க‌தையின் அடிநாத‌மாக‌ இய‌க்குன‌ர் சொல்ல‌ வ‌ந்த‌து புரியும‌ள‌விற்கு பிர‌க்ஞை இருக்க‌ வாய்ப்பில்லை. ஆங்காங்க‌ வ‌ச‌ன‌ம் மூல‌மும், காட்சிக‌ள் மூல‌மும் செல்வ‌ராக‌வ‌ன் சொல்ல‌ வ‌ருவ‌தை எழுதி இப்ப‌திவை நிறைவு செய்கிறேன்.

"அடுத்த‌வ‌ன் ஃபோட்டோவ‌ ஆட்ட‌ய போட்டா த‌ப்பு.அடுத்த‌வ‌ன் பொண்டாட்டியை ஆட்டையை போட‌ நினைச்சாலும் த‌ப்பு. ஆனா அடுத்த‌வ‌ன் ஃபிக‌ரை ஆட்டையை போடுற‌து த‌ப்பேயில்லை"

முத‌ல் பாதி - ம‌யக்க‌ம்
இர‌ண்டாம் பாதி - என்ன‌

ப‌ப்லு

noreply@blogger.com (கார்க்கி) — Tue, 29 Nov 2011 20:26:23 PST

போர் ந‌ட‌ந்து முடிஞ்ச‌ மாதிரி‌தான் இருக்கும்னு நினைச்சேன். ஆனால் வீடு விக்ர‌ம‌ன் ப‌ட‌ ஷூட்டிங் ந‌ட‌க்கிற‌ மாதிரி‌ க‌ல‌க‌லன்னு‌ இருந்த‌ச்சு. இன்னைக்குத்தானே வ‌ரும்ன்னு சொன்னான் ப‌ப்லு? என்ன‌ ஆச்சுன்னு ச‌ந்தேக‌ம், ர‌ம‌ண‌ன் சொல்லும் புய‌ல் மாதிரி வ‌லுத்துச்சு என‌க்கு. வெடிச்சிருப்புட‌ன் அம்மா ஒரு லெட்ட‌ர் த‌ந்தாங்க‌.

Dear mom,

I am sorry. I got less rank. But dont take my aim by that. I got the results because of not obeying parent’s words. So, I got less rank. From Now on wards, I will obey and study hard and get good marks. First read tamil book Pg.No:49. Then turn next page. You will find the report card.

அடுத்த‌ப் ப‌க்க‌த்தை திருப்பினால் PLAY STATION என்றிருந்த‌து.

ச‌ரி, முத‌ல்ல‌ த‌மிழ் புக்க‌ பார்க்க‌லாம்ன்னு எடுத்தேன். இதாங்க‌ இருந்துச்சு.

ப‌ய‌புள்ள‌ அடி வாங்குற‌துல‌ இருந்து த‌ப்பிச்ச‌து ம‌ட்டுமில்லாம‌ எல்லோரும் சூப்ப‌ர்டான்னு சொல்ற‌ மாதிரி சீன‌ மாத்திட்டான். மொக்கை க‌தைக்கு செம‌ ஸ்க்ரீன்ப்ளே எழுதி எஸ் ஆயிட்டான் ப‌ப்லு.

_________________

ப‌ப்லு யாரென‌ கேட்ப‌வ‌ர்க‌ளுக்கு.. அக்கா பைய‌ன். அக்கா எப்ப‌டி பைய‌னா இருக்க‌ முடியும்ன்னு எல்லாம் யோசிக்காதீங்க‌. இந்த‌ ஜோக்க‌(?) நான் 2009லே அடிச்சிட்டேன்.

ப‌ப்லுவின் ஊருக்கு போயிருந்த‌ப்ப‌ எல்லோரும் நீங்க‌தான் கார்க்கியான்னு கேட்டாங்க. ச‌ரி,ப‌ப்லு ந‌ம்மள‌ ப‌த்தி பெருமையா சொல்லியிருக்கான் போல‌ன்னு நினைச்சேன். வீட்டு ஹாலில் கிட்ட‌த்த‌ட்ட‌ 20 பேர் இருந்த‌ப்ப‌ ப‌ப்லு இழுத்துட்டு போய் "நான் சொன்னேன் இல்லை. கார்க்கி மாமா . இவ‌ன் தான்"னு சொன்னான். ச‌ந்தோஷ‌மா சிரிக்க‌ நினைச்ச‌ப்ப‌ ப‌ப்லு அடுத்த‌ ட‌ய‌லாக்க‌ சொன்னான் "டேய் மாமா. உன் மொக்கைல‌ 2 சொல்லுடா. இவ‌ங்க‌ எல்லாம் ஜோக் சொல்றேன்னு க‌டுப்பேத்துறாங்க‌" .

கிர்ர்ர்ர்ர்ர்ர்ர்ர்

_________________

ச‌ரி.இப்ப எதுக்கு ப‌ப்லு புராண‌ம்ன்னா நேத்து ப‌ய‌புள்ளைக்கு ப‌ர்த்டே. ஃபோட்டோ கேக் எல்லாம் ஆர்ட‌ர் ப‌ண்ணி ந‌ல்லா போச்சு. ட‌புள் ச்சீஸ் ப‌ர்ஸ்ட் போய், ட்ரிபிள் ச்சீஸ் ப‌ர்ஸ்ட்டா வ‌ந்துடுச்சாம் டொமினாஸ்ல‌. அதையும் ஃபுல்லா க‌ட்டியாச்சு. இதெல்லாம் போஸ்ட்ல‌ போட‌லைன்னா கொண்டேபுடுவேன்னு மிர‌ட்டினான். அதான்.. என்ன‌, இப்ப‌ முத‌ல் மேட்ட‌ர‌ ஏன்டா போட்டேன்னு அடிப்பான்.. இதெல்லாம் பார்த்தா தொழில் ப‌ண்ண‌ முடியுமா பாஸ்?

babloo B'day

கேப்டனின் கோவம்

noreply@blogger.com (கார்க்கி) — Mon, 28 Nov 2011 11:06:22 PST

கேப்டன் அம்மாவைப் பார்த்து why this kolaiveri என்று பாடுவதாக போன வாரமே எழுதி, பாடி ரெக்கார்ட் செய்து வைத்திருந்தேன். வார இறுதியில் கேப்டனின் சாகச நடனங்களை எடிட் செய்து சேர்க்கலாம்னு இருந்தப்ப டமால்ன்னு ஒரு வேலை வந்து ஊருக்கு போயாச்சு. இனியும் ஆறப்போட்டால் வேஸ்ட் ஆகிடும்ன்னு முடிஞ்சவரைக்கும் எடிட் செய்து போட்டேன்..

கோச்சிக்காம பாருங்க. இன்னும் பெட்டரா பண்ணியிருக்கலாம்ன்னு எனக்கே தெரியும்.

ஏழுவின் அறிவு

noreply@blogger.com (கார்க்கி) — Wed, 23 Nov 2011 10:25:17 PST

அடுத்த குறும்படம். மெர்சில் ஆவாதீங்க.. இது டிரெயிலர் தான்.. படம் இன்னொரு ஷெட்யூல் பாக்கி இருக்கு. 20 நிமிட படமா வரும்.மத்த படங்கள விட அதிக நேரம், பாத்திரங்கள், லொகேஷன்ஸ்னு ஆயிருக்கு. அதனால் அவசரப்படாம பொறுமையாதான் எடுக்கிறோம்.

இந்தப் படம் Hangoverன் தழுவல், உருவல்ன்னு எப்படி வேணும்னாலும் சொல்லலாம். இதனோட டீசர்ல சொன்ன மாதிரி இது “A bee beaten copy of Hangover” இல்லை. 4 பசங்க ஒரு நைட்டு தண்ணியடிச்சிட்டு பிரச்சினைல மாட்டிக்கிறாங்க. அங்க என்ன நடக்குதுன்றதுதான் கதை.

அந்த 30 விநாடி டீசரை இங்கே பார்க்கலாம்.

படம் வெளியாக ஒரு மாதம் மேலே ஆகலாம். பொறுத்துக்கோங்க. அல்லது நல்லதுடான்னு நினைச்சுக்கோங்க.

மாமா.குறிப்பெடுத்துக்கோ. அப்படியே குழாய் எடுத்துக்கோ

noreply@blogger.com (கார்க்கி) — Tue, 22 Nov 2011 09:40:32 PST

நேத்துதான் இதேப் பாட்ட கேப்டன் பாடுற மாதிரி எழுதினேன். உடனே இன்னொரு வெர்ஷன் எழுதினால் போரடிக்கும்னு தெரியும். இருந்தாலும் எழுதியத பதிவு செஞ்சு வைக்கணும் இல்லையா? அதான்.. இந்த தடவ ராமதாஸ். அதாங்க. பாட்டு ஃபுல்லா இங்குலிஷுல இருக்கு இல்லையா? அத கண்டிச்சு இதே மெட்டுல,இதே அர்த்தத்த தமிழிலும் சொல்ல முடியும் காட்றதுக்காக பாடுறாரு. கேட்கலாமா?

________________________

டேய் பசங்களா!!.. நான் பாட்டு பாடுறேன் (yo boys i am singing song)
சோக்கு பாட்டு.. (soup song)
மொக்க பாட்டு.. (flop song)

ஏனிந்த கொலைவெறி கொலைவெறி கொலைவெறிடி
ஏனிந்த கொலைவெறி கொலைவெறி கொலைவெறிடி

தாளம் சரியா? (rhythm correct)

ஏனிந்த கொலைவெறி கொலைவெறி கொலைவெறிடி (why this kolaveri kolaveri kolaveri di)
ஆங்.. இத புடிச்சிக்கோ (maintain this)

ஏனிந்த கொலைவெறி கொலைவெறி கொலைவெறிடி (why this kolaveri..di)

தூரத்துல நிலவு நிலவு (distance la moon-u moon-u)
நிலவு நிறம்தான் வெள்ளை (moon-u color-u white-u)
வெள்ளை பின்னாடி இரவு இரவு (white background night-u nigth-u)
இரவு வந்தால் தொல்லை. (night-u color-u black-u)

ஏனிந்த கொலைவெறி கொலைவெறி கொலைவெறிடி
ஏனிந்த கொலைவெறி கொலைவெறி கொலைவெறிடி

வெள்ளைத் தோலு பொண்ணு பொண்ணு (white skin-u girl-u girl-u)
பொண்ணு மனசு கருப்பு (girl-u heart-u black-u)
ஒண்ணா பார்த்துச்சு கண்ணு கண்ணு (eyes-u eyes-u meet-u meet-u)
இனிமேல் வாழ்க்கை வெறுப்பு (my future dark)

ஏனிந்த கொலைவெறி கொலைவெறி கொலைவெறிடி
ஏனிந்த கொலைவெறி கொலைவெறி கொலைவெறிடி

மாமா குறிப்பெடுத்துக்கோ.. (maama notes eduthuko)
அப்படியே கைல குழாய் எடுத்துக்கோ (apdiye kaila sax eduthuko)

பப்பப்பான்..பப்பப்பான் ..பப்பாபான் பப்பபா..pa pa paan pa pa paan pa pa paa pa pa paan
சரியா வாசி (sariya vaasi)

கலக்கல் மாமா.. (super maama )
சொல்லு 1..2..3..4. (ready 1 2 3 4)
என்னம்மா மாத்திட்டடா மாமா (whaa wat a change over maama)
சரி மாமா.. மெட்ட மாத்துவோம் (ok maama now tune change-u)

கைல டம்ப்ளர் (kaila glass)
ஒ.. தமிழ் மட்டும்தான் இல்ல (only english..)

கைல டபரா..அதுல வோட்கா (hand la glass..glass la scotch)
கண்ணீர் கண்ணு முழுக்க (eyes-u full-aa tear-u)

காலி வாழ்க்கை..கன்னி வந்தா (empty life-u.. girl-u come-u)
தல ஆகிடும்டா வழுக்க (life reverse gear-u)

காதல் காதல்.. எந்தன் காதல் (lovvu lovvu ..oh my lovvu)
ஆயிப்போச்சு கந்தல் (you showed me bouv-u)
மாடு மாடு.. சாமி மாடு (cow-u cow-u holi cow-u)
இப்ப கேட்கணும்டா பாடு (i want u hear now-u)

செத்துப்போறேன் சாமி நானு (god i m dying now-u)
அவ வாழ்க்கை மட்டும் தேனு (she is happy how-u)
இந்தப் பாட்ட பசங்கலாம் கேளு (this song for soup boys-u)
காதல் நமக்கு தேளு (we dont have choice-u)

ஏனிந்த கொலைவெறி கொலைவெறி கொலைவெறிடி
ஏனிந்த கொலைவெறி கொலைவெறி கொலைவெறிடி

ஒய் திஸ் கொலைவெறி by கேப்ட‌ன்

noreply@blogger.com (கார்க்கி) — Mon, 21 Nov 2011 20:24:16 PST

எல்லோரும் இந்நேர‌ம் ஒய் திஸ் கொலைவெறி பாட‌ல‌ கேட்டு ம‌ஜாவ‌ இருப்பிங்க‌. சில‌ பேரு நிஜ‌மாவே கொலைவெறி ஆயிருப்பீங்க‌. பாட்டு செம‌ ஹிட்டுன்ற‌து ம‌ட்டும் ம‌றுக்க‌வே முடியாது. இப்ப‌ நான் என்ன‌ சொல்றேனா, இதே பாட்ட‌ ந‌ம்ம‌ கேப்ட‌ன் அம்மாவ‌ பார்த்து பாடினா எப்ப‌டி இருக்கும்? அம்மா செய்ற‌ லுச்சாத்த‌ன‌த்த‌ பார்த்து க‌டுப்பாகி ச‌ர‌க்கு வுட்டுக்கிட்ட‌ கேப்ட‌ன் பாடுற மாதிரி கீழ‌ இருக்கிற‌த‌ ப‌டிங்க‌. அதே கொலைவெறி மெட்டுதான்.

யாராச்சும் புண்ணிய‌வான் இத‌ பாடி ரெக்கார்ட் ப‌ன்ணி அனுப்பினா அதையும் ப‌திவுல‌ சேர்த்திட‌லாம். ஜூட்

Hello ajoks.. I am jinging Song..
Soup Song.. Flop Song..

Why This Kolaveri Kolaveri Kolaveri Dee?
Why This Kolaveri Kolaveri Kolaveri Dee?
Why This Kolaveri Kolaveri Kolaveri Dee?
Why This Kolaveri? Dee..

Ruling party motheru motheru
Motheru colouru white’tu
White'tu heart worst’tu worst’tu
worst’tu CM waste’u

Why This Kolaveri Kolaveri Kolaveri Dee?
Why This Kolaveri Kolaveri Kolaveri Dee?

Mother’u changing aalu aalu
what is her goal’lu?
I was like a shark’ku shark’ku
Now’wu Future Dark'ku..

Why This Kolaveri Kolaveri Kolaveri Dee?
Why This Kolaveri Kolaveri Kolaveri Dee?

Mama, sarakku Eduthuko..
Apdiye Kaila murukku Eduthuko..
Papapa Papapapa Papapa Pa Pa..
Šeriya Vaasi..
Šuper Mama Ready.. Ready 1 2 3 4..
What A Change Over Mama
Nøw Tune Change'ju..

Paalu price'su.. Only Ènglish'sa..

Milk price’su.. Goes’u high
people spill’u Tear'ru

thatha went’u Motheru come’mu
Life'fu Reverse'su Gear'ru

Bus’su Bus’su Oh ! my Bus’su
ur ticket cost’tu sucks’su
Book’ku book’ku reading book’ku
you dont have luck’ku

All price’su hike’u hike’u
People dont like’u
My shoes’vu nike’u nike’u
My hairu stylu spike’u

Why This Kølaveri Kølaveri Kølaveri Dee
Why This Kølaveri Kølaveri Kølaveri Dee
Why This Kølaveri Kølaveri Kølaveri Dee
Why This Kølaveri Kølaveri Kølaveri Dee

வண்டை வீட்டுக்காரன்

noreply@blogger.com (கார்க்கி) — Sun, 20 Nov 2011 09:43:30 PST

முதல் முறையாக புட்டிக்கதைகள் படிப்பவர்கள் ஒரு அறிமுகத்திற்கு இங்கே செல்லலாம்

_________________________________

ஏழுவுக்கு ஒரு கெட்டப்பழக்கம் உண்டு. அதீத போதையேறினால் கெட்ட வார்த்தை கோவை சரளாவாக பேசுவான் அல்லது சரளமாக பேசுவான். காது கொடுத்து கேட்க முடியாது. அதற்காக கண், மூக்கு கொண்டு கேட்கவா இயலும்? அதனால் அவன் பேசுவதை கேட்கவே முடியாது என பொருள் கொள்வோம். இவன் இப்படி வண்டை வண்டையாக பேசுவதை கேட்டு இவன் பக்கத்து வீட்டுக்காரர்கள் எல்லாம் இவனை அண்டை வீட்டுக்காரன் என்று சொல்லாமல் வண்டை வீட்டுக்காரன் என்று சொல்லுமளவிற்கு அவன் புகழ் குன்றின் மேலிட்ட CFL லைட்டாக இருந்தது.

முன்பெல்லாம் ஏழு நல்ல பையனாகத்தான் இருந்தான். முன்பு என்றால் எங்கள் கல்லூரியில் சேர்வதற்கு முன்னால். ராகிங்கின்போது சீனியர்ஸ் இன்னொருவனை பச்சை பச்சையாக திட்ட சொன்னபோது “போடா கோவக்காய். மூஞ்சப்பாரு வெண்டைக்காய்” என்றுதான் திட்டினான் என்றால் பார்த்துக் கொள்ளுங்களேன். அப்போது நடந்ததை இப்போது உங்களால் பார்க்க முடியாதென்பதால் தெரிந்துக் கொள்ளுங்களேன். அப்படி இருந்தவனை மாற்றிய பெருமை மல்லுவுக்கே உண்டு. அது யாரந்த மல்லு என்கிறீர்களா? முழு பீரையடித்தால் மல்லையா என்று சொல்லியிருப்பேன். ஏழு எப்போதும் அரை பீரென்பதால் மல்லையா மல்லுவாகி போனார்.

கல்லூரியில் யாரையாவது அடிக்க வேண்டுமென்றால் அடியாட்களாக சிலருக்கு சரக்கும், சிக்கன் பிரியாணியும் வாங்கித் தந்து அழைத்து செல்வது வழக்கம். ஆனால் யாரையாவது திட்ட வேண்டுமென்றால் ஏழுவைத்தான் நாடுவார்கள். அவர்கள் இவனை நாட, இவன் இன்னொருவனை சாட, அதை கேட்டவன் ஓட, ஏழு ஓடியவனை தேட.. இப்படி ஒரே டடடடடட தான். வட்டிக்கு விட்டு பிழைப்பதுதான் தவறு. திட்டி திட்டி பிழைப்பதில் என்ன தவறென்பது ஏழுவின் வாதம். சில நேரங்களில் அவன் திட்டியது திட்டு வாங்கியவனுக்கு புரியாது என்பதால் அர்த்தம் சொல்லித் திட்டுவது ஏழுவின் ஸ்பெஷாலிட்டி. அவ்வாறு அர்த்தமும் சொல்லி திட்ட வேண்டுமென்றால் பீருக்கு மிக்ஸிங்கிற்கு தண்ணீருக்கு பதிலாக கோக் வாங்கி தரவேண்டுமென்பது அவனது விலைப்பட்டியலில் அடக்கம்.

ஏழுவிடம் இருக்கும் இன்னொரு கெட்டப்பழக்கம். யாராவது Lager beer வாங்கித் தந்து திட்ட சொல்லும்போது, எதிரணிக்காரன் Imported beer வாங்கித் தருவானென்றால் இவனது கிளையண்ட்டையே திட்டிவிடுவான். தொழில் பக்தி சிறுதேனும் வேண்டுமே என்ற எண்ணமே அவனுக்கு கிடையாது. இப்படித்தான் ஒரு நாள் ரமேஷ் என்பவன் ஏழுவை பாருக்கு அழைத்து சென்றான். உண்மையான உலகம் பாரில் தான் இருக்கு என்பது ஏழுவின் சித்தாந்தங்களுள் ஒன்று. எனவே பார் என்பது ஆங்கிலம் அல்ல. தமிழ்தான். பார் என்றால் உலகம் என்றுதானே அர்த்தமென கதாகலாட்சேபம் வேறு செய்வான். பின் அதே வாயால்தான் Go Green Projectஐயும் தொடங்குவான். நாம் நம்ம ரமேஷ் கதைக்கு வருவோம்.

அவனுக்கு கடன் கொடுத்த யாரோ ஃபோனில் அழைத்து தொல்லை தருவதால் அவரைத் திட்ட வெண்டுமென அசைன்மெண்ட் தந்தான். 4 நிமிடம் திட்டுவதற்கு ஒரு மினி கிங் ஃபிஷரும், அர்த்தமெல்லாம் வேண்டாமென்பதால் வாட்டர் பாக்கெட் கூலிங் இல்லாமலும், சின்னிஸ் ஊறுகாயும், ஓட்டடை ரெண்டும் பேரம் பேசப்பட்டது. பாரில் இருக்கும் போதே ரமேஷுக்கு ஃபோன் வந்தது. முதல் கால் வந்த போது அமைதியாக இருந்த ஏழு லைன் கட்டாகிவிட்டதென்றான்.ரமேஷ் அடுத்த முறை ஸ்பீக்கரில் போட்டு பேசு என்றதற்கு ஒரு ஆஃப்பாயில் எக்ஸ்ட்ராகவாக சார்ஜ் செய்துவிட்டு கால் வந்தபோது ஸ்பீக்கரில் போட்டான் ஏழு.

ஹலோ..ரமேஷ்.

ரமேஷா? அப்படி எந்த ******தியும் இங்க இல்லை.

அப்புறம் நடந்த சம்பாஷனைகளை பதிவேற்ற இது சாருஆன்லைன்.காம் இல்லையென்பதால்..

சுபம்.

பாஸ் பாஸ்.. சின்ன‌ப்ப‌ பாஸ் பாஸ்

noreply@blogger.com (கார்க்கி) — Thu, 17 Nov 2011 21:09:00 PST

ம‌னைவி அமைவ‌தெல்லாம் இறைவ‌ன் கொடுத்த‌ வ‌ர‌ம்னு சொல்வாங்க‌. ந‌ம்ம‌ள‌ மாதிரி மாத‌ச் ச‌ம்ப‌ள‌த்துக்கார‌ங்க‌ளுக்கு எல்லாம் பாஸ் அமைவ‌து சாத்தான் த‌ந்த‌ சாப‌ம்னு தான் சொல்ல‌ணும். என்ன‌தான் ஒழுங்கா வேலை செய்தாலும் தின‌ம் ஒரு தட‌வையாச்சும் ந‌ம்ம‌ பாஸ் ந‌‌ம்மள‌ கடிக்காம‌ இருக்க மாட்டாரு. அதுக்குன்னு பாஸ‌ ந‌ம்ம‌ கைக்குள்ள‌ போட்டுக்கிட்டா அவ‌ர் வேலையையும் சேர்த்து ந‌ம்ம‌ள‌ செய்ய‌ வ‌ச்சிடுவாரு. ம‌த்த‌ள‌த்துக்கு ரெண்டு ப‌க்க‌மும் அடின்ற‌ மாதிரி ஏதாவது ஒரு வ‌கையில் நாம‌ எல்லோருமே "பாஸ்வ‌தைக்கு" ஆளாயிட்டுதான் இருக்கோம். வ‌ல்ல‌வ‌னுக்கு வ‌ல்ல‌வ‌ன் பூமியில் ம‌ட்டுமில்ல‌, ஆஃபிஸ்ல‌யும் இருப்பாரு. அத‌னால‌ ந‌ம்ம‌ பாஸின் பாஸும் இப்ப‌டித்தானா என்ற‌ ச‌ந்தேக‌ம் என‌க்கு அடிக்க‌டி வ‌ரும். ஆனா எப்ப‌டி இருந்தாலும் பாஸ் என்ப‌வ‌ர் பாஸ்தான் என்ற‌ த‌ர்க்க‌த்தில் என‌க்கு முழு ந‌ம்பிக்கை உண்டு.

ச‌ரி. எங்க‌ பாஸ் என்ன‌வெல்லாம் ப‌ண்ணியிருக்காருன்னு சொல்றேன். ஒரு க‌ம்பெனிக்கு அக்ரீமென்ட் அனுப்ப‌ணும். Terms எல்லாம் மாத்தி நானும் ப‌க்காவா அவ‌ருக்கு மெயில் அனுப்பி ஓக்கே வாங்கிட்டேன். அப்புற‌மா ரெண்டு காப்பி பிரின்ட் அவுட் எடுத்துட்டு கையெழுத்து வாங்க‌ போனா, ம‌னுஷ‌ன் ம‌றுப‌டியும் எல்லாத்தையும் செக் ப‌ண்ணாரு. அட‌ங்கொய்யால‌!! இவ்ளோ உஷாரா இவ‌ருன்னு எங்க‌ பாஸ நானும் பெருமையா நினைச்ச‌ த‌ருண‌ம‌து. வ‌ச்சாரு பாருங்க‌ ஆப்பு. அதுல‌ கையெழுத்துப் போட்டு ரெண்டாவ‌து காப்பியையும் அதே மாதிரி செக் ப‌ண்ணாரு. இவ‌ரெல்லாம் plain A4 sheet இல்லைன்னு சொன்னா ஒரு பேப்ப‌ர‌ கொடுத்து இத‌ 4 ஜெராக்ஸ் போடுங்க‌ன்னு சொல்ற‌ ஆளுன்னு நிரூபிச்சிட்டாரு.

இதுல‌ இன்னும் தினுசான‌ பாஸூங்க‌ இருப்பாங்க‌. லேப்டாப்ப‌ ப்ரீஃப்கேஸ்ல‌‌ வ‌ச்சு எடுத்துட்டு வ‌ருவாங்க‌. ஏதாச்சும் மெயில் அனுப்பினா, அத‌ பிரின்ட் அவுட் எடுத்துத்தான் ப‌டிப்பாங்க‌. அட‌ இதை விட‌ கொடுமை என்ன‌ன்னா, நாம‌ ஏதாச்சும் SMS அனுப்பினா அவ‌ங்க‌ளுக்கு ஃபோன் ப‌ண்ணி அனுப்பியிருக்கேன்னு சொல்ல‌ணுமாம். அட‌ நிஜ‌மா ந‌ட‌ந்துச்சுங்க‌. ஒரு நாள் என‌க்கு உட‌ம்பு ச‌ரியில்லைன்னு அரை நாள்..அரையே நாளு லீவுன்னு SMS அனுப்பினேன். 10.30 ம‌ணிக்கு ஃபோன் வ‌ந்துச்சு..SMS அனுப்பியிருந்தேனே த‌ல‌ன்னு சொன்னா "இனிமேல‌ SMS ப‌ண்ணா ஒரு ஃபோன் ப‌ன்ணி சொல்லிடுங்க‌. க‌ரெக்டா பார்த்துடுவேன்னு" சொன்னாரு. இதோ வ‌ந்துட்டேன்னு 10.45க்கே ஆஃபிஸ்க்கு போயிட்டேன் அன்னைக்கு.

எல்லாத்துக்கும் மேல‌ அப்ரைச‌ல் டைம்ல‌தான் இந்த‌ வியாதி பீக்ல‌ இருக்கும். வாடா ம‌ச்சின்ற‌ ரேஞ்சுக்கு ப‌ழ‌கின‌ ஆளு அப்ப‌தான் ந‌ம்ம‌ள‌ க‌சாப் ரேஞ்சுக்கு பார்ப்பாரு. நாம‌ ஒரு அப்பா ட‌க்க‌ரு. க‌ம்பெனி ந‌ம்ம‌க்கிட்ட‌ இன்னும் நிறைய‌ எதிர்பார்க்குதுன்னு சீனா போடுவாரு. என்னை விட‌ க‌ம்பெனி பெரிய‌ அப்ப‌ப்பா ட‌க்க‌ரு. கொஞ்ச‌ம் ச‌ம்ப‌ள‌த்த‌ ஏத்துக்குன்னு சொன்னா கொடுப்பாரு பாருங்க‌ லுக். மேட்டுக்குடில‌ க‌வுன்ட‌ம‌ணி விட்ட‌ ரொமான்ட்டிக் லுக் எல்லாம் தோத்து போயிடும். ஆனா ஒண்ணுங்க‌.. இந்த‌ மாதிரி பாஸூக்கு எல்லாம் வீட்டுல‌ ஒரு பாஸு இருப்பாங்க‌. அத‌ நினைச்சு நாம‌ ச‌ந்தோஷ‌ப்ப‌ட்டுக்க‌ வேண்டிய‌துதான். இப்ப‌ என் க‌டுப்பு எல்லாம் நான் எப்போ பாஸ் ஆவ‌ற‌து, என‌க்கு எப்போ வீட்டுல‌ பாஸு வ‌ர்ற‌து!!!!!