စိမ်းပြာမြေ

ရွာအပြန် အမှတ်တရလေးတွေ

2013-04-18T19:51:00.001-07:00

တောင်သမာန် လက်ပံ

တောင်သမာန်အင်း

ဗောဓိတစ်ထောင်

ညီမလေးသော်တာသစ်မှူး လက်ရာ @ ရွှေတိဂုံ

ဦးပိန်တံတား

Photo by Siha Khwar Neee :) :) @ ဦးပိန်

Jazz Poetry ပွဲတော်က အပြန် (ဓာတ်ပုံ)

2012-09-08T21:28:00.000-07:00

ဆရာမ မခက်မာ ကဗျာရွတ်နေစဉ်

ဆရာမ မခက်မာ အမေး၊ ဆရာငြိမ်းသစ် အဖြေ

ဂျက်ဇ်ဂီတ ဖျော်ဖြေမှု

ပြန်လည် ပြောဖြစ်ခဲ့မယ်ဆိုရင် (၂၅)

2012-08-23T17:04:00.001-07:00

အဆင်ပြေခြင်းသီအိုရီ

(၁)

သြဂတ်စ်လ ဆယ့်ကိုးရက်နေ့က လက်ရှိလုပ်နေသည့် လုပ်ငန်းစလုပ်ဖြစ်ခဲ့သည်မှာ တစ်နှစ်တင်း တင်းပြည့် သည့်နေ့ဖြစ်သည်။ တစ်နှစ်သား လုပ်ငန်းတခုဆိုပေမယ့် သည်အလုပ်က ကိုယ့်ဘ၀ရဲ့ ပထမဆုံးသော တင်းပြည့်ကျပ်ပြည့် စီးပွားရေးလုပ်ကြည့်ခြင်းဆိုလျှင်လည်း မမှား။ အစတော့ အိမ်နား မှာရှိသည့် ဘားကို သွားပြီး တစ်ယောက်တည်း အထိမ်းအမှတ်ပွဲလေး လုပ်မလားလို့ စဉ်းစားဖြစ်ခဲ့ သည်။ နောက်တော့ သည်လိုနေ့မျိုးမှာ အနားမှာ ရင်ဖွင့်စရာသူငယ်ချင်းတစ်ယောက်တော့ ရှိနေသင့် တယ်ဟု တွေးမိပြီး အပေါ်ထပ်က သူငယ်ချင်းနှစ်ယောက်ကို အဖော်စပ်ဖြစ်သည့်။ သို့သော် သကောင့် သားနှစ်ယောက်က အင်တင်တင်။ သူတို့ နက်ဖန် အလုပ်ဆင်းရမယ်ဟု အကြောင်းပြသည်။ ပြီးတော့ ကောင်မလေးက နေ အဲသည်ဘားသွားမနေနဲ့။ ဂျက်စ်တင့်ဘားမှာပဲ အ၀သောက်ဟု ပြောပြီး ၀ိုင်သုံးပုလင်း ချပေးသည်။ ကြိုက်တာ သောက်တဲ့။

သို့ဖြင့် ဘားမသွားဖြစ်တော့ဘဲ သူတို့နှစ်ယောက်နှင့်အတူ သူတို့အိမ်ရှေ့ ၀ရံတာလေးမှာ ထိုင်ပြီး ၀ိုင်သောက်ရင်း စကားတွေ ပြောဖြစ်ခဲ့ကြသည်။ ပြောဖြစ်ခဲ့သည့်အထဲမှာ ပြီးခဲ့သည့်နှစ်က အခက်အခဲ တချို့ကို ပြောပြဖြစ်သည်။ အဲသည်တုန်းက လုပ်ငန်းစ လည်ပတ်ချိန်ဆိုတော့ အကြွေးသုံးသောင်း နီးပါးလောက် တင်နေချိန်။ ချက်စားဖို့ ဆန်မရှိ။ စားစရာဝယ်ဖို့လည်း ပိုက်ဆံကမရှိ။ အကြွေးကဒ်တွေ အားလုံးနီးပါးလည်း သုံးထား သည်မှာ ပြည်လုနီးနီး။ ကိုယ့်အဖြစ်ကို သိသွားသည့် သူငယ်ချင်းများက သူတို့ဆီ ဆန်လာယူဖို့ ဖုန်းဆက်သည်။ သူတို့ဆီသွားယူမယ်ဆိုလျှင်လည်း ကားက အသွားတစ်နာရီ အပြန်တစ်နာရီမောင်းရမှာ ဆိုတော့ ကုန်မယ့်ဆီဖိုးအတွက် တွက်ကြည့်တော့ ကားထဲ ထည့်ဖို့ ဆီဖိုးက အလုံအလောက်က မရှိပြန်။ နောက်တော့ သူတို့ တတွေ သိသွားပြီး အပြန်ကျရင် ကားဆီဖိုး ပါ ပေးလိုက် မယ်ဆိုသဖြင့် သွားယူခဲ့ရသည်။ သူတို့က အဲသည်တုန်းက အပြန်ဆီဆိုင် ၀င်ပြီး ဆီထည့်သွား ဆိုပြီး ဒေါ်လာနှစ်ဆယ် ပေးလိုက်သည်။ မေ့မရတဲ့ ရက်စွဲတချို့။ မမေ့သင့်သည့် ကျေးဇူးတွေ။

တကယ်တော့ ကျွန်တော် သည်အလုပ်ကို စဖြစ်တုန်းက တချို့အသိတချို့က ကန့်ကွက်ကြသည်။ဘာမှ မဖြစ်စလောက်ဘဲနဲ့တဲ့။ သူများဆီမှာ လုပ်တာလောက်ပဲ ရတဲ့ ဟာကိုတဲ့။ ကိုယ်က အဲသည်လိုမတွက်ခဲ့။ ဥပမာ.. သူများဆီမှာ လုပ်ရင် နှစ်ရာ။ကိုယ့်ဘာသာလုပ်ရင်လည်း နှစ်ရာ။ နှစ်ရာချင်းတူပေမယ့် ရသည့် အမြတ်အစွန်းချင်းက မတူ။ သူများဆီလုပ်ရင် သူများမျက်နှာ၊ သူများစွဲထားသည့် ပုံစံခွက်အချိန်ဇယားထဲ ကိုယ်က လှုပ်ရှားရုန်းကန်ရမည်။ ကိုယ့်ဘာသာဆိုရင်တော့... ကိုယ့်ဘာသာ ကိုယ့်အချိန်ကို ဇယားဆွဲ၊ လွတ်လပ်စွာ ရှင်သန်ကြိုးစားခွင့်ရမည်။ သူများဆီမှာ လုပ်ရင် ပြဿနာတစုံတရာဖြစ်လာရင် ကိုယ်နဲ့ ဘာမှမဆိုင်။ ကိုယ့်အထက်က မန်နေဂျာ သို့မဟုတ် ပိုင်ရှင်က ဖြေရှင်းသွားသည့်အတွက် ကိုယ့်မှာ ဘာတာဝန်ယူစရာမှ မရှိ။ ဘာတာဝန်မှ မယူခဲ့ဘူးသူတစ်ယောက်က ရှေ့ဆက်ရမည့် အနာဂတ်ခရီးမှာ သူ ဘယ်လို သူ့ဘ၀သူ တာဝန်ယူရဲတော့မလဲ။ မသေချာ။

ကိုယ့်ဘာသာဆိုရင်တော့ တာဝန်ယူမှုရှိလာတော့မည်။ စားသုံးသူက တမျိုး၊ မူရင်းကုမ္မဏီက တစ်ဖုံ၊ ပြီးတော့ သူတို့အစိုးရက ချမှတ်ထားသော ဥပဒေက တဘက်။ ပြဿနာဖြစ်လာရင် ရင်ဆိုင်ဖြေရှင်းရမည့် သူက ကိုယ်။ တာဝန်ယူမှုရှိသည်။ တာဝန်ကြီးသည်။ သို့သော် လွတ်လပ်မှုက တာဝန်ရှိမှုနှင့် တွဲကပ်ပါလာ သည်။ တန်ဖိုးဖြတ်မရသည့် အတွေ့အကြုံတွေ။ ကိုယ်က နတ်ပြည်မှာ ကျွန်လုပ်ချင်သူမဟုတ်။ ငရဲပြည် မှာ ဗိုလ်လုပ်ချင်တတ်သူ။

နှစ်ပတ်လည်သွားသည့် လုပ်ငန်းတစ်ခုအတွက် ပြီးခဲ့သည့် တစ်နှစ်တာအတွင်း ဖြစ်ပျက်ခဲ့ သမျှတွေ တော်တော်များများကို ပြန်လည်ဆန်းစစ်နေမိသည်။ အကြောင်းအကျိုး ပြန်လည် ဆက် စပ်နေဖြစ်သည်။ တကယ်တော့ အကျိုးအမြတ်အနေဖြင့် ပြန်တွက်ကြည့်ရင်တော့ လုပ်ငန်းနှင့် အတွေ့ အကြုံသာ အဖတ်တင်သည်။ ငွေကြေးအမြတ်အစွန်းအနေဖြင့် အခုချိန်ထိ ဘာမျှ မက်လောက်စရာ မရှိသေး။ တခါတလေ အဆင်မပြေမှုလေးတွေ့တော့ စိတ်ဓာတ်က ကျချင်ချင်။ အဲသည်လို ဖြစ်လာ ပြီဆိုရင် သည်အလုပ် စမလုပ်ခင်တုန်းက ကြိုတွေးဖြစ်ခဲ့သည့် အဆိုးဆုံးအခြေနေကိုလည်း ရင်ဆိုင်ရမှာပဲ ဟူသော အသိကို ပြန်လည်တွေးနေရသည်။ စွံ့စားမှုဆိုတာ စွံ့မှ စားရတာကို ဆိုလိုတာကွဆိုသော အဆိုမိန့်လေးအတိုင်း စွံ့စားမှုလုပ်ကြည့်ခြင်းလည်း ဖြစ်သည်။ သို့သော် အဆင်မပြေမှုတွေနှင့် အဆင်ပြေပြေ နေထိုင်နေရလေလေ ဘ၀ဆိုတာ အဆင်မပြေမှုတွေကြားထဲ အဆင်ပြေအောင် နေထိုင် ရခြင်းတမျိုးပါလားဟု စိတ်ထဲ သဘောပေါက်လာလေလေ ဖြစ်လာသည်။

(၂)

ဟိုးလွန်ခဲ့သည့် ငါးနှစ်လောက်က အတွေးသစ်ဂျာနယ်မှာ အဆင်ပြေကြသူများဟူသော နာမည်ဖြင့် ဆောင်းပါးတစ်ပုဒ် ရေးခဲ့ဖူးသည်။ အဲသည်ဆောင်းပါးပါဝင်သည့် အငွေ့ပျံစိတ်ကူးများ စာအုပ် စီစဉ်ခဲ့ဖြစ်စဉ်ကလည်း အကြွေးရှစ်သိန်းလောက် တင်ခဲ့ဖူးသည်။ စာအုပ်က သိပ်အရောင်း မသွက် ခဲ့။ ရောင်းရသမျှငွေတွေကလည်း ကိုယ့်ရဲ့ စီမံခန့်ခွဲမှု ညံ့ဖျင်းခြင်းကြောင့် မစုမိ။ အဆင်မပြေမှုတွေနှင့် ရုန်းကန်လှုပ်ရှားနေရချိန်။ မန္တလေးက သူငယ်ချင်းတွေက ဖုန်းဆက်မေးသည်။ နေသစ်မှူး မင်းစာအုပ်တွေ အဆင်ပြေလားတဲ့။ အဆင်မပြေပါဘူးကွာလို့ စိတ်ပျက်လက်ပျက်အသံနှင့် ပြန်ဖြေလိုက်တိုင်း သူတို့တတွေ က ရယ်စရာတ၀က် စေတနာတ၀က်နှင့် အပြောင်အပျက် ပြောကြစမြဲ။ စိတ်ဓာတ် မကျနဲ့၊ နေသစ်မှူးရေး တဲ့ အဆင်ပြေကြသူများ ဆောင်းပါးကို ပြန်ဖတ်လိုက်ကွာတဲ့။

အခုလည်း လုပ်ငန်းက သိပ်မျှော်လင့်ချက်ထားစရာ နည်းနေသေးသည့်အချိန်။ အဆင်မပြေမှုလေးတွေနှင့် ကစားနေရချိန်။ သူတို့ပြောသလို ကိုယ်ရေးခဲ့သည့် အဆင်ပြေကြသူများကို ပြန်ဖတ်ရတော့မလိုလို။ တိုက်တိုက်ဆိုင်ဆိုင် တလောက သူငယ်ချင်းတစ်ယောက် အိမ်ပြောင်းတော့ သူ့ကို လိုက်ကူရင်း သူ့ဆီကနေ စာအုပ်လေးတစ်အုပ် ငှားဖတ်ဖြစ်ခဲ့သည်။ စာအုပ်က ဆရာဖေမြင့်ရဲ့ ဘာကြောင့် အခုထိ မချမ်းသာသေးတာလဲတဲ့။

စာအုပ်ဖတ်ရင်း စိတ်ဓာတ်က တက်လာလိုက်၊ ကိုယ့်လုပ်ငန်း အကြောင်းပြန်တွေးမိပြန်တော့ ကျသွားလိုက်။ တက်လိုက် ကျလိုက်။ စိတ်က တက်လိုက်ကျ လိုက်ဖြစ်နေ လို့ အဆင်ပြေမှုတွေကကော တက်လိုက် ကျလိုက်ဖြစ်နေတာပဲလားမသိ။ ဆရာဖေမြင့်သာ သည်အကြောင်းသိရင် မောင်ရင် အဲဒါကြောင့် မချမ်းသာသေးတာလို့ မှတ်ချက်ပြုလေမလား။ဘာကြောင့်လဲ ဆိုတော့ အဲသည်စာအုပ်ထဲမှာ ကိုယ့်ကိုယ်ကို ထိန်းချုပ်နိုင်မှု စွမ်းရည်ရှိရမည်လို့ ဆိုထားခြင်းကြောင့်ပင်။ ဆရာဖေမြင့်စာအုပ်ပြီးတော့ ရယ်စရာစာအုပ်တစ်အုပ်ကို ဖတ်ဖြစ်သည်။ စိတ်ထဲ ပေါ့ပါးလန်းဆန်း သွားစေချင်သည့် ရည်ရွယ်ချက်ဖြင့်။ စာအုပ်ဖတ်နေရင်းတော့ ပြုံးမိသည်။ သို့သော် စိတ်အခံက စိတ်ညစ်နေသည့် ဓာတ်အခံရှိနေလေတော့ ရယ်သည့်အဖြစ်သို့ ရောက်မသွားသော အပြုံးဖြင့်သာ ပြီးဆုံးသွားသည်။ အဲသည်အပြုံးဆိုတာတောင် ပီပီသသ ပြုံးသည့်အပြုံးမျိုးမဟုတ်။ မချိပြုံးလေးသာ။ ရယ်စရာဖတ်ပြီး ရယ်ချင်တာတောင် မရယ်နိုင်ဘဲ မချိပြုံး ပြုံးနေရသည်ထိ အခြေနေက ဆိုးနေပြီလား။

(၃)

တော်တော်များများ တက်ကျမ်းစာအုပ်တွေကို ဖတ်ခဲ့ဖူးသည်။ ပြီးတော့ ဟာသသဘောဖြင့် ရေးဆွဲ ထားသော တက်ကျမ်းရဲ့ ဆန့်ကျင်ဘက် ကျကျမ်းကိုလည်း ဖတ်ခဲ့ဖူးသည်။ ဖတ်ခဲ့တုန်းကတော့ အဟုတ်။ အားကျစရာ၊ အတုယူစရာ။ ပြီးတော့ ဒုံရင်းက ဒုံရင်း။ ကိုယ်ကိုယ်တိုင်လည်း မတောက်တခေါက် တက်ကျမ်းဆန်ဆန် အချို့ရေးခဲ့ဖူးသည်။ သို့သော် ကိုယ်ကိုယ်တိုင် နဖူးတွေ့ ဒူးတွေ့ တွေ့တဲ့အခါ အဲသည်တုန်းက တွေးခဲ့ ရေးခဲ့သည့် ၀ါကျတွေက ဘယ်ရောက်ကုန်မှန်းမသိကြတော့။ အထက်မှာ ဆိုခဲ့သလို ပြန်ဖတ်ကွာလို့ ပြောတတ် သတိပေးတတ်သည့် သူငယ်ချင်းတွေ ရှိနေသေးလို့ သာ တော်သေးတော့သည်။ မဟုတ်ရင် မလွယ်။

တခါတလေတော့ သီဟိုဠ်အရှင် ဒေါက်တာ ကေသိရီ ဓမ္မာနန္ဒ ရဲ့ How to overcome your difficulties ကို ဖတ်နေရသည်။ ပျက်အစဉ် ပြင်ခဏဆိုသလို ခဏခဏ ပျက်၊ ခဏ ခဏပြင်နေရတော့ စိတ်ဓာတ်ပိုင်း မှာ ပြင်ထားရသည့် ဒဏ်ရာဒဏ်ချက်တွေက မနည်းလှတော့။ မကြာခဏ ဖာထေးပြုပြင်နေရသည့် သည်စိတ်မှာ မူလပကတိအရှိအတိုင်း မမြင်ရတော့သလို မူလအတိုင်း ရုပ်လုံးလည်း မပေါ်တော့။ အေးလေ ဘ၀ဆိုတာ သည်လိုပဲ ဖြတ်သန်းရဟန်တူပါရဲ့လို့ပဲ ပြန်ဖြေသိမ့်နေရသည်။

(၄)

သည်မနက် အိပ်ယာထ မျက်နှာသစ်ပြီး အလုပ်မသွားခင် မနက်စာစားရင်း အီးမေလ်းစစ်ကြည့်သောအခါ သူငယ်ချင်းဆီက အဆင်ပြေလားဟု အစချီထားသော မေလ်းတစ်ဆောင် ဖတ်ခွင့်ရသည်။ အဲသည် သူငယ်ချင်းနဲ့ ရန်ကုန်မှာ ကာလ အတန်ကြာ နေခဲ့ဖူးသည်။ သူများတံတွေးခွက်မှာ ပက်လက်မျော မလောက် ဒုက္ခရောက်နေစဉ် သူနှင့် အခု ချင်းမိုင်မှာ အိမ်ထောင်ရက်သားကြနေသည့် သူငယ်ချင်းက ကိုယ့်ကို လက်တွဲဖေးကူခဲ့ကြဖူးသည်။ အဲသည်အချိန်တုန်းက ကိုယ်တို့တတွေ ညဘက်ညဘက်ဆို အဆိုတော် ၀ိုင်ဝိုင်းရဲ့ ဖြေသိမ့်လိုက်သီချင်း အတူအော်ဟစ်ဆိုပြီး ကိုယ့်ဒဏ်ရာတွေကို သက်သာစေခဲ့ ကြသည်။ တလောက ချင်းမိုင်က သူငယ်ချင်းကတော့ ဖေစ်ဘွခ်မှာ မှတ်ချက်လေးထားပေးခဲ့သည်။ အရင် တုန်းက အဖြူထည်ဘ၀တွေကို သတိရတယ်ဗျာတဲ့။

ပြီးတော့ အလုပ်လက်မဲ့ဘ၀ဖြင့် စာအုပ်အကြွေးတွေ နင်းကန်တင်နေတုန်းက ဖြေသိမ့်အားပေးခဲ့ကြ သူ။ ဖြေသိမ့်လိုက်သီချင်းနဲ့ သူငယ်ချင်းတစ်ယောက်ရဲ့ ဒဏ်ရာတွေကို သက်သာအောင် ကုစားပေးခဲ့ကြ သူ။ အခု အဲသည်ထဲက တစ်ယောက်က အဆင်ပြေလားတဲ့။ မေးနေသည်။ ကိုယ် ဘယ်လို ပြန်ဖြေရပါ့။

ကိုယ် ဒုက္ခရောက်ခဲ့စဉ်တုန်းကလိုမျိုး ငါးကန်ဘောင် ငါးစာကျွေးတဲ့ တံတားမှာ ထိုင်ပြီး ဖြေသိမ့်လိုက် သီချင်းကို ထပ်ဆိုကြရအောင်ကွာလို့ သွယ်ဝိုက် ပြောလိုက်ရင် ကောင်းမလား။

အဆင်ပြေတယ်သူငယ်ချင်းရေ၊ ဒါပေမယ့် အဆင်မပြေမှုတွေနဲ့လို့ပဲ တိုက်ရိုက်ပြောချလိုက်ရင်ကော။ ဝေခွဲ မရ။

မန္တလေးက သူငယ်ချင်းတွေသာ သည်အကြောင်းသိရင် အဆင်ပြေကြသူများကို ပြန်ဖတ်ကွာ လို့ ပြန်ပြောနေကြဦးမလား။ မသိ။

ယုံကြည်မှုနဲ့ အခက်အခဲကို ကျော်လွှာပါဆိုသည့် အဆုံးမလေးကို ပြန်စဉ်စားရင်း လျော့ရဲနေသည့်မျှော် လင့်ချက်များကို အရောင်တင်လိုက်နိုင်ဖို့ ကြိုးစားကြည့်သည်။ ဒါပေသည့် ကျလိုက် တင်လိုက်။ ဂျာအေးသူ့အမေ ရိုက်သည့်ကိန်း။

လောလောဆယ် အဆင်မပြေမှုလေးတွေနဲ့ အဆင်ပြေနေပေမယ့် ပျော်ရွှင်လွတ်လပ်နေသူတစ်ယောက် အကြောင်းရယ်ပါ။

နေသစ်မှူး

၀၈၊၂၂၊၂၀၁၂ ည ၁၁း၂၆ နာရီ

ပြန်လည် ပြောဖြစ်ခဲ့မယ်ဆိုရင် (၂၄)

2012-08-13T19:47:00.000-07:00

ရွေးချယ်ခွင့်

(၁)

အရင်တုန်းက စ ရေးဖြစ်ခဲ့မယ့် အဆုံးမသတ်ဖြစ်ဘဲ သည်အတိုင်းသိမ်းထားမိသည့် စာတွေကို ပြန်လည် ဖတ်နေမိသည်။ အဲသည်စာတွေထဲမှာ အချို့က ရေးဖြစ်ခဲ့တုန်းက အချိန်ကလို ခံစားမှုတွေက မလတ်ဆတ်တော့။ မလတ်ဆတ်တော့တဲ့ စိတ်ခံစားချက်နဲ့ ကိုယ်ကလည်း စာမရေးတတ်။ တခါကတော့ အသိကဗျာဆရာတယောက်က ကိုယ့်ကို ပြောခဲ့ဖူးသည်။ ကဗျာလည်း မဟုတ်၊ ၀တ္ထုလည်း မဟုတ် ရသ စာပေလည်း မဟုတ်ဘဲနဲ့ စာရေးဖို့ ခံစားချက်လိုသေးသလားတဲ့။ ဟုတ် အဲသည်တုန်းကတော့ သည်လို ပဲ ပြန်မပြောနားမထောင် နေဖြစ်ခဲ့သည်။ ကိုယ်က ပရော်ဖယ်ရှင်နယ် စာရေးသူ မဟုတ်တော့ ရေးချင်တဲ့ အချိန် ကောက်ရေးလို့ မရ။ တကယ့်ကို အကြောင်းအရာတခုပေါ် စိတ်ခံစားမှုက ထိထိရှရှဖြစ်မှ သာ ရေးနိုင်တဲ့ သာမာန်စိတ်ခံစားချက်ကို ဖော်ထုတ်တတ်သူ။

ထားပါတော့။ ရေးလက်စ ပစ်ထားလိုက်သည့်စာတွေထဲမှာ အချစ်ကြောင့် ရလာတဲ့ဒုက္ခကို ကျေနပ်စွာ လက်ခံသွားသူအချို့၊ အချစ်ကြောင့် မတန်တဆ ပေးဆပ်လိုက်သည့်ဘ၀တွေအချို့ အကြောင်း ရေးထား ဖူးသည့် လက်စစာလေးတွေ ရှိသည်။ အဲသည်ထဲမှာ...........။

(၂)

အလုပ်မှာ ခဏနားစဉ် ပျင်းပျင်းရှိတာနှင့် ဖေစ်ဘွခ်စာမျက်နှာအချို့ကို လှန်လှောတီးခေါက်နေမိသည်။ သူငယ်ချင်းတွေရဲ့ မှတ်ချက်တွေ၊ ဖေစ်ဘွခ်မိတ်ဆွေအချင်းချင်း အပြန်လှန်ရေးသားထားကြသည့် မှတ်ချက်လေးတွေ။ တချို့မှတ်ချက်လေးတွေက တကယ့်ကို ဗဟုသုတရစေသည်။ တချို့မှတ် ချက်လေးတွက ပြုံရယ်စရာ။ တချို့ပိုစ်လေးတွေ ပုံလေးတွေကလည်း သည်အတိုင်းပင်။ သို့သော် တနေရာက သတင်းတခုကို ဖတ်မိသောအခါ.. ပြုံးလည်း မပြုံးရက်၊ ပြုံးလည်း မပြုံးနိုင်သော သတင်းတခု က တက်လာသည်။ ကောင်မလေးတယောက် သူ့ကိုယ်သူ တိုက်ပေါ်က ခုန်ချပြီး သတ်သေသည့် အကြောင်း။ ကိုယ့်နိုင်ငံမှာလားဆိုတော့ မဟုတ်။ မိဝေးဘဝေး ပြည်ပတနိုင်ငံမှာ အလုပ်လာလုပ်နေ သည့် ရွှေပြည်ကြီး သူလေး။ အသက်က နှစ်ဆယ်ကျော် အရွယ်ကောင်း။ လှပသည့် အနာဂတ်တွေ ပိုင်ဆိုင်နိုင်ခွင့် ရှိနေသူ။

တက်လာသည့် သတင်းတွေကို ဆက်ဖတ်ကြည့်မိတော့ သူ့ချစ်သူနဲ့ အဆင်မပြေတော့လို့ သည်လိုလုပ် လိုက်သတဲ့။ သူမသေခင် သူ့ရဲ့ ချစ်သူကို စောင့်ရှောက်ဖို့ မှာသွားသည့် စာလေးတောင် ထားသွားသတဲ့။ သတင်းတွေ မှတ်ချက်တွေကို ဖတ်လိုက်ရတိုင်း ဂရုဏာဒေါသနဲ့ အပြစ်တင်ရတော့မလား။ အချစ်ကြီးသူ တစ်ယောက်ရဲ့ ခံစားချက်ကို နားလည်ပေးရတော့မလား။ ရူးသွပ်စွာ မိုက်မဲတာလား၊ အချစ်ကြီးသူ တစ်ယောက်ရဲ့ သိပ်ချစ်တဲ့အကြောင်း အသက်ပေးသက်သေပြသွားတာလား။ အခြားနည်းဖြင့် မည့်မျှသူ့ကို ချစ်သည့်အကြောင်းကော ပြလို့မရဘူးလား စသဖြင့် လားပေါင်းများစွာ။

သည်အကြောင်းကြားသိရသည့် တရက်နှစ်ရက်လောက်မှာပဲ အွန်လိုင်းမှာ အသိမိတ်ဆွေဖြစ်ခဲ့ကြ သည့် ကောင်မလေးတစ်ယောက်နှင့် စကားပြောဖြစ်တော့ မေးခဲ့ဖူးသည်။ နင်ကရော နင့်ကောင်လေးက နင့်ကို ပစ်သွားရင် အခုသတင်းထဲကလိုပဲ ခုန်ချမှာလားဟု။ချက်ချင်းပင် သူသာဆို "ခုန်မချဘူး။ ခုန် ကမှာ" တဲ့။ ပြီးတော့ သူက ဆက်မေးသည်။ ကိုသစ်ဆိုရင်ကော..တဲ့။

လများ သိပ်မကြာခင်က အွန်လိုင်းမှာ သတင်းတပုဒ်ဖတ်လိုက်ရပြန်သည်။ ရန်ကုန်မှာ ကောင်လေး တစ်ယောက်က ချစ်သူ ကောင်မလေးကို မီးရှို့သတ်ရန် ကြိုးစားသည့်အကြောင်း။ အဲသည်သတင်း စဖတ်ဖတ်ချင်းတုန်းက မီးရှို့ရန်ကြိုးစားသူကို စိတ်ထဲ ဘ၀မကျမိ။ ယောက်ျားတန်မဲ့ မိန်းကလေး တစ်ယောက်ကို သည်လိုလုပ်စရာကောဟုသာ အားနည်းသူဘက်နေ တွေးနေမိသည်။ နောက် တပါတ်လောက်နေတော့ သတင်းတပုဒ်တက်လာပြန်သည်။ သူတို့က ကာလရှည်ကြာ ချစ်ခဲ့ကြသူတွေ တဲ့။ ကောင်လေးက အဝေးမှာ ငွေရှာနေတုန်း ကောင်မလေးက အခြား တစ်ယောက်နှင့် ရည်ငံနေသည့် သတင်းက အဝေးတမြေမှာ ချစ်သူနဲ့နီးဖို့ ကြိုးစားနေသည့် သူ့အတွက် စိတ်ကို ထိန်းချုပ် မနိုင်တော့အောင် ဖြစ်သွားခဲ့ရသည်တဲ့။ ဘယ်သူ့အလွန်ဖြစ်မလဲ။ ဝေခွဲမရ။ ပြီးတော့ ကောင်မလေး ကလည်း မသေခင် သူ့ချစ်သူကို ခွင့်လွှတ် ဖို့အကြောင်း၊ သူလည်း သူ့ချစ်သူကို ခွင့်လွှတ်တဲ့ အကြောင်း ပြောသွားသည်ဟု ကြားရတော့ အချစ်ကြီးသူတို့ရဲ့ နှလုံးသားကို တစုံတရာအတိုင်းတာထိ နားလည်တတ်ခဲ့ရသည်။ ဒါပေသည့် အခါလွန် အချစ်တွေ၊ အခါလွန်နောင်တတွေ။

တယောက်က အချစ်ကြီးပြီး အမှားအမှန် မခွဲခြားနိုင်သည်ထိ အမျက်ကြီးခဲ့ရသူ။ အမျက်ရှခံရသူကလည်း သူ အသက်သက်ဆုံးခါနီးထိ လုပ်ရက်သည့်ချစ်သူအပေါ် နားလည်ခွင့်လွှတ်မှုဖြင့် ခွှင်လွှတ်ခြင်းနှင့် ချစ်သွားတတ်ခဲ့သူ။ အော် ချစ်လည်း ချစ်နိုင်ကြသူတွေ။ တချို့ကတော့ ယူဆကောင်း ယူဆကြပါလိမ့် မည်။ သူ့အမှားနှင့် သူမို့ ခွင့်လွှတ်တာဟု။ ကိုယ်ကတော့ အဲသလို မမြင်ပါ။ သူ့မှာ အမှားရှိခဲ့သည် ဆို ရင်တောင် အသက်နှင့် ရင်း ပေးဆပ်ရလောက်သည့်အမှားတခု မဟုတ်ဟု ထင်ပါသည်။

(၃)

မနေ့ညဦးပိုင်းက သူငယ်ချင်းတစ်ယောက်နှင့် ဖုန်းပြောဖြစ်တော့ အချစ်ကြောင့် တိုးတက်သွားသူတွေ၊ အချစ်ကြောင့်ပျက်စီးသွားရသူတွေ အကြောင်း ပြောဖြစ်ခဲ့ကြသည်။ ကိုယ်က သူငယ်ချင်းကို အချစ်ကြီးပြီး အမျက်ကြီးခဲ့ရသည့် အထက် က အကြောင်းလေးကို ပြောပြဖြစ်သည်။ အဲသည်အဖြစ်ပျက်လေးဆုံးတော့ မထင်မှတ်ဘဲ မေး ခွန်းတခု ထုတ်သည်။ ကိုနေသစ်သာ အဲသည်သူရဲ့ နေရာမှာဆိုရင်ကောတဲ့။ ကိုယ်တခါ မှ ၀င်မတွေးခဲ့ ဖူးသည့် မေးခွန်းတခု။ ပြီးတော့ သူက ဆက်ပြောသည်။ ကိုနေသစ် ခများက စိတ်ပိုင်းဆိုင် ရာခံစားမှုက အရမ်းကြီးလွန်းတယ်။ အခု ခများသိပ်ချစ်ပါတယ်ဆိုတဲ့ ကောင်မလေးသာ အခြားတယောက် နဲ့ ရည်းစားထားတာတွေ အိမ်ထောင်ပြုတာတွေ ဖြစ်သွားရင် ခများ သည်အတိုင်း ရပ်တည်နိုင်ဖို့ မလွယ် ဘူးတဲ့။ ၀ုန်းခနဲ့ ပြိုလဲသွားမှာတဲ့။ကျွန်တော့်အပေါ် သူ့အမြင်ကို ပြောသွားတော့ ကိုယ့်ကိုယ် ကို သေသေ ချာချာပြန်လည် ဆန်းသစ်နေမိသည်။ သူမေးခဲ့သည့် အဲသည်သူရဲ့ နေရာမှာ ခများသာဆိုရင် ဆိုသော မေးခွန်းကိုပါ ပြန်စဉ်းစားနေမိပြန်သည်။

တချို့ကိစ္စတွေက အပြောလွယ်သလောက် လုပ်ရခက်သည့် ကိစ္စတွေ။ အထူးသဖြင့် လူပြောသူပြော အများဆုံး အချစ်ဆိုသည့်ကိစ္စ။ အချစ်ဆုံးတစ်ယောက် ရဖို့ ခက်သလို အချစ်ရှုံးသူအဖြစ် တည်ငြိမ်စွာ ရပ်တည်ရှင်သန်ဖို့ ဆိုသည်မှာလည်း အချစ်ကြီးသူတစ်ယောက်အဖို့ အလွန်ခက်သော အရာဖြစ်သည်။ "အချစ်ဆိုတာ ရယူခြင်းမှ မဟုတ်ဘဲ မဏိစန္ဒာ" သီချင်းဆိုပြီး အဲသည်သီချင်းအတိုင်း ခံယူနေထိုင် သည့်သူ အတွက်ဆိုရင်တော့ တမျိုးပေါ့လေ။ကိုယ်တကယ် ချစ်ရသူ တစ်ယောက် အပြောနှင့်။ ကိုယ်နှင့် မိတ်ဆွေ၊ ဆွေမျိုးအဖြစ် သာရှိ သူတဦးနှင့် လမ်းခွဲရမည်ဆိုသော အခါ စိတ်ခံစားမှုက တမျိုးတဖုံပြောင်းလဲ သွားရသည်ပဲမလား။

(၄)

အချစ်ရဲ့ နောက်ဆက်တွဲ ပြဿနာတွေ စဉ်းစားမိရင်း မစ္စစ္စပီဒေသကို ရောက်ပြီး လများ သိပ်မကြာခင် ကြုံခဲ့ရသည့် အဖြစ်ပျက်လေး တခုကို သတိရမိလိုက်သည်။ ကိုယ်က အဲသည်တုန်းက သူငယ်ချင်း တယောက်ဆီမှ ခေတ္တမှီခိုနေရချိန်။ တခါတော့ သူငယ်ချင်းက ကနေဒါလိုလို တနေရာလိုလို ထွက်သွား သည်။ ကိုယ်တယောက်တည်း သူ့နေရာမှာ ကျန်ခဲ့ချိန်။ တည။ ညဆယ်နှစ်နာရီလောက် ဖုန်းဝင်လာ သည်။ ကြည့်လိုက်တော့ နယူးရော့ခ် ကုဒ်နံပါတ်နဲ့ဆိုတော့ နယူးရော့ခ်မှာ ကိုယ်နဲ့ ထဲထဲဝင်ဝင်သိသူ မရှိဘူးလို့ စဉ်းစားပြီး မကိုင်ဘဲ ထားလိုက်သည်။ နောက်တခါ ထပ်ခေါ်ပြန်သည်။ သည်နံပါတ်က။ သည်တခါတော့ ဖုန်းမှားဝင်တာ မဖြစ်နိုင်ဟု စဉ်းစားမိပြီး ကောက်ကိုင် လိုက်တော့ ရွှေပြည်ကြီးသူ တစ်ယောက်ရဲ့ အသံ။ သူက ကိုယ့်သူငယ်ချင်းအထင်နဲ့ သူပြောချင်တာတွေ တောက်လျှောက်ပြောချ လိုက်ပြီး ခနနေတော့မှာ ကိုယ့်ကိုယ်ကို မိတ်ဆက်ပေးလိုက်ရသည်။ ကိုယ်ကတော့ သူပြောသည့် ရင်ဖွင့် စကားတွေကို နားထောင်ပြီး အိပ်ချင်ပြီ ဘာညာပြောပြီး ဖုန်းချပစ်လို့ ရပေမယ့် ချမပစ်ရက်တော့။ သူ ရင်ဖွင့်နေသည့် အကြောင်းရာလေးက ရင်နင့်စရာ ရင်နာစရာကောင်းလွန်းလို့ဖြစ်သည်။

သူက အမေရိကားကိုေ၇ာက်တာ သုံးနှစ်ရှိပြီတဲ့။ ထိုင်းမြန်မာနယ်စပ်ကနေ လာခြင်းဖြစ်သည်။ သူ သည်ကို မလာခင် သူ့မှာ နယ်စပ်မှာ ကျန်ခဲ့သည့် ချစ်သူအမျိုးသား ရှိခဲ့သည်။ သူ အခု ဖုန်းမဆက်ခင် တရက်နှစ်ရက်ခန့်ထိ အဆက်သွယ်မပြတ်သေး။ သူ့အမျိုးသား အမေရိကားကို လာခွင့်ရသည့်နေ့ကို သူက စောင့်မျှော်နေသည်။ အမေရိကားကို သူရောက်ကတည်းက တလမှ သူ့ချစ်သူအမျုိးသား ဆီ ငွေပို့မပျက်ခဲ့။ ဒုက္ခသည်စခန်းမှာ သူ့ချစ်သူ ဒုက္ခရောက်နေမှာစိုးသဖြင့် သည်ကနေ လစဉ် ထောက် ပံ့နေခဲ့ခြင်းဟု နားလည်ရသည်။

သူက သူ့ချစ်သူ သည်လာခွင့်ရမည့်အချိန်ကို သုံးနှစ်သုံးမိုး စောင့်နေသည့် အကြောင်း ပြောပြ သည်။ ပြောပြရင်းလည်း ငိုလို့။ ကိုယ်က နင့်ချစ်သူက ဘာကြောင့် သည်လောက်ကြီး ကြာအောင် သည်နိုင်ငံလာခွင့် စောင့်နေရတာလဲမေးတော့။ သူ့အနာကို စွပေးသလို ဖြစ်သွားသလာ မသိ။ တရှိုက်ရှိုက် ငင်ငင်နဲ့ ငိုကြွေးနေသည်။ နောက်တော်တန်ကြာမှ သူ့ကိုသူ ထိန်းပြီး ရှင်းပြသည်။ သူ့ချစ်သူက အဲသည် ထိုင်းမြန်မာနယ်စပ်မှာ မိန်းမရနေသည်မှာ ကလေးတယောက်တောင် ရနေပြီတဲ့။ သူ့ကို အဲသည် အကြောင်း ဘာမှ မပြောဘဲ သူ့ပို့ပေးသမျှ ငွေတွေကိုသာ လက်ခံပြီး သူ့ချစ်သူအမျိုးသားက အခြားသူ့ မိန်းမနဲ့ ကလေးကို ထောက်ပံ့နေကြောင်း။ ဒီအကြောင်းကို မနေ့ကမှ သူငယ်ချင်းတစ်ယောက်က သည်ကိုရောက်လာလို့ ရေရေလည်လည် သိရခြင်းဖြစ်ကြောင်း ရှင်းပြသည်။ အဲဒါကြောင့် စိတ်သက်သာရာ ရအောင် ကိုယ့်သူငယ်ချင်းဆီ ဖုန်းခေါ်ပြီး ရင်ဖွင့်ခြင်းဖြစ်ကြောင်း။ အခုတော့ ကိုယ်က သူငယ်ချင်းအစား ရင်ဖွင့်ခံသက်သက် ဖြစ်သွားခဲ့ရခြင်းဖြစ်သည်။ သူမက နောက်ဆုံးသူ့ကို သူ ဖြေသိမ့်တွေးတွေး ပြီး ပြောသွားသေးသည်။သူ့ကုသိုလ်ကံပေါ့တဲ့။ ကိုယ်သူများကို အဲလို လုပ်ခဲ့ဖူးလို့လည်း သည်ဘ၀မှာ သည်လောက် အချိန်အကြာကြီး လိမ်ခံရတာနေမှာတဲ့။

အဲသည်နေရာမှာသာ ကိုယ်ဆိုရင်တော့ သူ့လို တွေးပြီး ဖြေသိမ့်နိုင်ဖို့ မလွယ်ဟု ထင်သည်။ တခုခုတော့ တုံ့ပြန်မိဖြစ်လေမလားဘဲ။ အခုတော့ သူ ရွေးချယ်သွားသည့်လမ်းက သူ့အတွက် အသက်သာဆုံး ဒဏ်ရာ ကုနည်းတခုဟု ယူဆလို့ ရသည်။

အဲသည်အမျိုးသမီးအကြောင်း ကြားရတုန်းက တော်တော့်ကို စိတ်မကောင်းဖြစ်ခဲ့ရဘူးသည်။ အဖြစ် အပျက်ကြားခါစတုန်းက အဲသည်အမျိုးသမီးရဲ့ အယုံလွယ်သည့်စိတ်ကြောင့်လား၊ ဒါမှမဟုတ်၊ တဘက်လူ ရဲ့ အယုံသွင်းတာ ကောင်းလို့လား၊လိမ်တာ ပိရိသေသပ်လို့လားဟု တွေးဖြစ်ခဲ့သေးသည်။ တကယ်ဆို ကိုယ့်ဘာသာ ရည်စားအသစ်တယောက် ထားချင်သပဆိုရင်တောင် လွတ်လပ်စွာ ကွဲလွဲခွင့် လမ်းခွဲခွင့်အရ ပွင့်ပွင့်လင်း လင်းပြောပြီး လမ်းခွဲခဲ့သင့်သည်။ ပြီးတော့ လူတယောက်ဆီက ငွေတွေ လိမ်ပြီး လက်မခံသင့် ဟု တွေးဖြစ်ခဲ့သည်။

အထက်ကအဖြစ်ပျက်လေးတွေကို တွေးမိတိုင်း ချစ်သူခြင်း နီးစပ်ကြဖို့ဆိုတာ အနေနီးစပ်မှုလည်း လိုတာပဲ ဟု ကောက်ချက်ချခဲ့မိသည်။ ဒါပေသည့် ချစ်သူတိုင်းအတွက်ဆိုရင်တော့ သည်ကောက်ချက်က မှန်လိမ့် မည် မထင်ပါ။ တချို့က တကယ်ချစ်ပြီး ကိုယ့်ချစ်သူ ကွယ်ရာမှာတောင် အတတ်နိုင်ဆုံး ကိုယ့်ကိုယ်ကို ထိန်းသိမ်းနေတတ်ကြသည်။ တချို့ကတော့ ကိုယ့်ချစ်သူကို နံဘေးမှာ ထားပြီး အခြားတယောက်ကို စိတ်ရောက်ပြီး ငေးနေတတ်သူတွေလည်း ရှိသည်။ ကိုယ်ဘယ်လိုသူလဲဆိုတာ ကိုယ့်ကိုယ်ကိုယ်သာ အသိဆုံးဖြစ်ပေလိမ့်မည်။

(၅)

ဆိုတော့။ ကိုသစ်သာဆိုရင်လို့ မေးခဲ့သည့် သူငယ်ချင်းကိုရော၊ ကိုနေသစ်သာဆိုရင်လို့ ဝေဖန်ချက်တ ၀က်၊ မေးခွန်းတ၀က် ထည့်ပြောသွားသည် သူငယ်ချင်းကိုရော ပြန်လည် ပြောဖြစ်ဦး မယ်ဆိုရင် ခုန်လည်း မချဘူး၊ ခုန်လည်း မကဘူးဟု ပြောဖြစ်လေမလား။ ဒါမှမဟုတ် အခြားနည်းတခုခုနှင့် တုံ့ပြန်ဖြစ်လိမ့် မလား။ မသေချာ မရေရာ။ သေချာသည်က ဘေးထွက်ဆိုးကျိုးအနည်းဆုံး နည်းလမ်းတခုဖြင့် ကိုင်တွယ်ဖြေရှင်းဖို့ ကြိုးစားနိုင်ရန် တခုသာ။ ဒါပေသည့်...

လောလောဆယ် ကိုယ်သတိရနေမိသည်က "ရင့်ကျက်သော ချစ်သူတို့သည် တစ်ဦးကိုတစ်ဦး လုံးဝပြီးပြည့်စုံသူများအဖြစ် မမျှော်လင့်တတ်ကြ။ တစ်ဦးကိုတစ်ဦး လက်ခံတတ်ဖို့သာကြိုးစားကြ၏" ဆိုသော (ဆရာမောင်သာမည၊ ရင့်ကျက်မှုအတွက် ကွင်းစက်များစာအုပ်မှ) ၀ါကျလေးနှစ်ကြောင်း။

နေသစ်မှူး

၀၈၊၁၅၊၂၀၁၂ ည ၁၁း၂၂ နာရီ

ပြန်လည် ပြောဖြစ်ခဲ့မယ်ဆိုရင် (၂၃)

2012-08-10T20:33:00.003-07:00

ပွဲတော်ညက အပြန်

အလုပ်နဲ့ အိမ်၊ အိမ်နဲ့ အလုပ်။ ဘ၀တွေက ပင်ပန်းလွန်းလှသည်။ တခါတလေတော့ အားလုံးကို စိတ်လွတ် ကိုယ်လွတ် မေ့ထားပြီး စိတ်နှင့်ကိုယ်ကို လန်းဆန်းသွားအောင် လုပ်ပစ်လိုက်ချင်သည်။ လွန်ခဲ့ သည့်လေး လလောက်တုန်းကတော့ လူကလည်း ခြောက်လလောက် နေ့စဉ်ရက်စက်အလုပ်လုပ်ရသည့် ဒဏ်၊ စိတ် ဖိစီးမှု ဒဏ်တွေ ဖြစ်ချင်တိုင်းဖြစ်လာတော့ သူငယ်ချင်းများရှိရာ ကမ်းခြေတနေရာသို့ အားလပ်ရက်ယူပြီး သွားဖြစ်ခဲ့သည်။ အခုလည်း အဲလို ကိုယ်မရောက်ဖူးသေးတဲ့ နေရာလည်းဖြစ်၊ ကိုယ်သုံးနိုင် တဲ့ ငွေပမာဏ လည်းဖြစ်တဲ့ နေရာလည်းဖြစ်တဲ့ တနေရာရာကို စိတ်လွတ်ကိုယ်လွတ် သွားလိုက်ချင်သည်။ ဒါပေသည့် ကိုယ်လုပ်နေသည့် အလုပ်နေရာအတွက် ကူညီပေးမည့်သူက မရှိ။ ရှိစေတော့။ မရနိုင်သည့် အခြေနေတခု အတွက် ၀မ်းနည်းမနေချင်။

တနေ့ အလုပ်ကနေ ပင်ပင်ပန်းပန်းပြန်အလာ အိမ်ရှေ့ထိုင်နေသော သူငယ်ချင်းတွေက ဟစ်ဟော့ပွဲတော် ကို လိုက်မလားတဲ့။ ဘယ်သူတွေ ဆိုမှာလဲလို့ မေးတော့ ကိုယ်တို့မြို့သားတွေတဲ့။ သူတို့က အခုနာမည် ကြီးနေပြီ။ ကာလဖိုးနီးယားမှာ သွားနေကြတယ်တဲ့။ သူတို့ အိမ်တွေကတော့ သည်မှာတဲ့။ သူတို့ပြောသံ ကြားတော့ ဟစ်ဟော့ဆိုတာနဲ့ သူတို့ဆိုတဲ့ သီချင်းတွေကိုသာ နားမလည်တာ။ ကိုယ်နေထိုင်နေ တဲ့ မြို့ကလေးရဲ့ သူရဲကောင်းတွေလည်းဖြစ်၊ ကိုယ်ကိုယ်တိုင် စိတ်ကို လန်းဆန်းသွားချင်တာ လည်း ဖြစ်နေတော့ လိုက်မယ်၊ ဘယ်လို လက်မှတ်ဝယ်ရမလဲဟု မေးလိုက်မိသည်။ သို့ဖြင် တခါတည်း သူတို့နှင့် စကားပြောရင်း ဖုန်းနှင့် လက်မှတ်ဝယ်ထားလိုက်သည်။

ဆိုတော့။ ပြီးခဲ့သည့် စနေနေ့က အဲသည်ဟစ်ဟော့ပွဲတော်သို့ သူငယ်ချင်းတွေနှင့် ရောက်ဖြစ်ခဲ့သည်။ အဆိုတော်တွေက တယောက်က အသက်နှစ်ဆယ်၊ တယောက်က နှစ်ဆယ့်ငါးနှစ်။ တကယ့်ကို လူငယ်အရွယ်ကောင်းတွေ။ ပြီးတော့ အောင်မြင်ကျော်ကြားနေသူတွေ၊ မီလျံနာနဲ့ ချီပေးရတဲ့ ဈေးကြီးကြီး စံတော် အိမ်တွေနဲ့ နေထိုင်နေနိုင်တဲ့သူတွေ။ အားကျစရာ၊ အားရစရာ။

ကျွန်တော်တို့ အဲသည်ပွဲကို သွားဖို့ ရက်အတန်ကြာကတည်းက ကြိုတင်ပြင်ဆင်ခဲ့ကြသည့်။ တယောက် ကို ဒေါ်လာနှစ်ဆယ်စီ စုပြီး ဘီယာက အစ အစားသောက်အစုံ လုံလုံလောက်လောက် ပြင်ဆင်ခဲ့ကြသည်။ ကွင်းထဲရောက်ရင် ဘီယာသောက်ခွင့် မရဘူးဆိုသဖြင့် အပြင် ကတည်းက အ၀သောက်ခဲ့ကြဖို့ပါ တိုင်ပင် ခဲ့ကြသည်။ အိမ်ကနေ နေ့လည် ၁ နာရီလောက် စထွက်ပြီး ၁ နာရီခွဲလောက် ရောက်သွားသည်။

ဟိုရောက်တော့ ကားရပ်သည့် ဂိတ်တောင် မဖွင့်သေးပေ။ ကိုယ်တွေ တင်ပဲလားဆိုတော့ မဟုတ်။ အားပါးပါး။ များလိုက်သည့်လူတွေ။ များလိုက်သည့်ကားတွေ။ တချို့ဆို ကျောင်းကား အကြီးစား ဘတ်စ် ကားတွေနဲ့ တပျော်တပါး။ ကိုယ်တို့ အညာက ဇာတ်ပွဲတွေမှာ လှည်းတစ်စီးနဲ့ လူများစွာ စုစီးလာကြသလို။ ကားရပ်စရာ နေရာရှာသည်ကိုက တဒုက္ခ။ နောက်တော့ လမ်းဘေးတနေရာမှာ ထိုးရပ်လိုက်ကြပြီး အသင့်ပါလာသည့် ကုလားထိုင်တွေ ချ၊ ဘီယာသောက်၊ စကားတပြောပြော။ ဟိုဘက်အဖွဲ့ကို လှမ်းအော် လိုက်နှင့် ပျော်စရာ။ ရွာက ဇာတ်ပွဲတွေမှာဆိုရင်တော့ သည်အချိန် နွားတွေ အစာကျွေးနေ မ လား။ တွေးတွေးပြီး ရွာက ဇာတ်ပွဲလေးကို လွမ်းလိုက်။ သူငယ်ချင်းတွေ ပြောသည့် စကားနောက် ရောယောင် လိုက်လိုက်။

ကားရပ်နားရမည့် ဂိတ် ဖွင့်ချိန်ရောက်သည်နှင့် ပစ္စည်းတွေ ကားပေါ်ပြန်တင်။ ကားတန်းကြီးရဲ့ အထဲ ကိုယ်တွေရဲ့ စီးတော်ယာဉ်နှစ်စီးလည်း တိုးဝင် တန်းစီ။ နာရီဝက်လောက် တန်းစီဝင်ပြီးမှာ ကိုယ်တို့ စီးတော်ယာဉ်တွေ အတွက် နေရာရတော့သည့်။ ကားရပ်ဖို့ နေရာရပြီးတာနဲ့ ပါလာတဲ့ ထိုင်ခုံတွေ စားပွဲတွေ အစားအသောက်တွေကို စနစ်တကျစီ ပြင်ဆင်ရပြန်သည်။ ကိုယ်လိုပဲ နံဘေးက အဖွဲ့တွေ ကြည့် လိုက်တော့ စားစရာ သောက်စရာတွေ ကိုယ်စီနဲ့။ တချို့လက်မှတ်မရှိသေးသူတွေအတွက် လက်မှတ်ရောင်းနေသူအချို့လည်း ရှိရဲ့။ မှောင်ခိုတော့ ဟုတ်မယ်မထင်။ မလုံ့တလုံကောင်မလေးတွေက Sale Ticket ဆိုတဲ့ ဆိုင်းဘုတ်ကြီးကို ပေါ်ပေါ်ထင်ထင်ကိုင် လမ်းလျှောက်ရောင်းလို့။

သည်လိုနဲ့ ကိုယ်တို့တတွေ ဘီယာသောက်ရင်း စားရင်းသောက်ရင်း ဂိမ်းတွေ ကစားနေကြသည်။ ကျွန်တော်တို့ ကစားကြသည့် ဂိမ်းတွေက Beer Pone Game နဲ့ Corn Hole Game ။ စပ်မိတုန်း ကျွန်တော် သည်ဂိမ်းတွေနှင့် စထိတွေ့တုန်းက အတွေ့ကြုံလေး သတိရမိလိုက်သည်။ အထူးသဖြင့် Beer Pong ကစားနည်း။ သည်ကစားနည်းက ဘီယာသမားလေးတွေ အကြိုက်။ စာပွဲတခုရဲ့ ဟိုဘက်ထိပ် သည်ဘက်ထိပ်မှာ ခွက်ကလေးတွေ တန်းစီထားရသည်။ ခွက်တွေထဲမှာ ဘီယာ သို့မဟုတ် ရေထည့် ထားရသည်။ လေးယောက်ကစားမယ်ဆိုရင် တဘက် နှစ်ယောက်စီ။ ဟိုဘက်ထိပ်က လူက သည်ဘက် ထိပ်က ခွက်ထဲကို ဂေါ်လီလုံးတွေ ပစ်ထည့်ရသည်။ တကယ်လို့ တဘက်လူက ပစ်ထည့် လိုက် ဂေါ်လီလုံးက ကိုယ့်ရှေ့ကခွက်ထဲ ကျသွားပြီဆိုရင်တော့ ဘာမျှ ပြန်မပြောမနေနဲ့တော့။ တခါတည်း တကြိုက်တည်း သောက်ချလိုက်ပေတော့။ ခွက်ထဲက ဘီယာမဟုတ်ဘဲ ရေဆိုရင်တော့ ကိုယ်ကိုင်ထား သည့် ဘီယာပုလင်း (ဘီယာဗူး)ကို တကြိုက်တည်း သောက်ပစ်ရသည်။

အစကတော့ ကိုယ်က ဘီယာပဲသောက်ချင်တာဆိုတော့ အရှုံးခံသည်။ ဒါပေသည့် သုံးလေးခါလောက် ဆက်တိုက် မော့သောက်နေရတော့ လူက မခံနိုင်တော့။ အဲသည်အခါမှ ငါနိုင်အောင် ပစ်မှဆို ပြီး ဂေါ်လီ လုံးကို ၀င်အောင် ပစ်ဖို့ ကြိုးစားရတော့သည်။ အဲလို အရှုံးခံ သောက်ချင်တဲ့သတ္တ၀ါ။

(ပွဲမစခင် Beer Pong Game ကစားနေကြစဉ်)

သည်လိုကားတွေ တန်းစီရပ်ထားပြီး ကိုယ့်ကားရဲ့ နံဘေးမှာ ကစားနေကြ သည့် မြင်ကွင်းလေးကို မြင်ရတော့ ကိုယ်တို့ ငယ်ငယ်က ရွာ ဇာတ်ပွဲတွေမှာ ပွဲမစခင် လှည်းဘေးမှာ ဆော့ ကြတာကို သတိရမိပြန်သည်။ လွမ်းလွန်လွန်းလို့ပေါ့ အညာက ဇာတ်ပွဲလေးကို။ သည်လိုနဲ့ စားလိုက် သောက်လိုက်၊ ဆော့လိုက်နှင့် ည ခြောက်နာရီတောင် ထိုးခါနီးပြီ။ အပေါ့အပါးသွားဖို့ ယာယီ အိမ်သာတွေ ရှိတဲ့ဆီသွားလိုက်တော့ လူတွေအများကြီး။ ယောက်ျားလေးသုံး မိန်းကလေးသုံး ခွဲမထား။ သည်ကြားထဲ ကိုယ့်အလှည့်စောင့်နေစဉ် အေးရှားသားကိုယ့်ကို တရုတ်က ဟိုလူနဲ့ တူသလိုလို ဘာလို လိုပြောပြီး ဓာတ်ပုံအတူရိုက်ပါရစေဆိုပြီး သကောင့်သား သကောင့်သူလေးတွေကြောင့် လွယ်ထားရသည့် ဒုက္ခက ဘယ်ပျောက်လို့ ပျောက်သွားမှန်းမသိတော့။ အေးလေ သကောင့်သားလေးတွေကလည်း ကိုယ့်လိုပဲ ရွှေရည်တော် တော်တော် သောက်ထားကြဟန်တူပါရဲ့။ သည်ရုပ်ကိုများ တရုတ်က နာမည်ကြီး သရုပ်ဆောင် သိုင်းသမားနဲ့ တူအောင် ကြည့်နိုင်အောင်ကို သောက်ထားကြပုံများ။ ပွဲလာကြည့်သည့် ပရိသတ်ကို လိုက်ကြည့်လိုက်တော့ အားလုံးက အဖြူတွေ အမဲတွေ။ ကိုယ်တို့လို အ၀ါရောင်တွေမှ မပါ တာ။

ကိုယ်နေရာကိုယ် ပြန်ရောက်တော့ တစ်ယောက်က အထဲဝင်ကြရအောင် အချိန်ဆယ်မိနစ်ရတယ်။ ဘီယာ အ၀သောက်ခဲ့ကြဟု သတိပေးတော့ ကျွန်တော်က ရေသန့်ဗူးခွံထဲ ဘီယာပြောင်းထဲဖို့ ပြင်လိုက်မိသည်။ ဂျက်စတင်က နေ မင်း အဲလို မရဘူး။ ဂိတ်ပေါက်ရောက်တာနဲ့ အကုန်စစ်မှာ။ ရေသန့်ဗူးကိုတောင် သူတို့က ဖွင့်မှာဆိုသဖြင့် ဘီယာထည့်ဖို့ ပြင်နေသည့်လက်က အလိုလို ကိုယ့်ပါးစပ်ထဲကို လောင်းချမိ ရက်သားဖြစ်သွားသည်။ အဲလိုကို ကိုယ်က ဘီယာ မကြိုက်တာ။

ဂိတ်အ၀င်သို့ ချီတက်နေကြစဉ်

အ၀င်ဂိတ်မှာ

လက်မှတ်စစ်တဲ့ ဂိတ်အ၀င်ဝကို ရောက်တော့ သူပြောသလိုပဲ ပထမလုံခြုံရေးအရ စစ်သည်။ ပြီးတော့ ကိုင်ထားသည့် ရေသန့်ဗူးကို ဖွင့်ကြည့်ပြီး အခွံကို လွှင့်ပစ်လိုက်သည်။ ကျွန်တော်က ဘာကြောင့် လွှင့်ပစ်တာလဲ ရေသန့်ဗူးခွံကိုဆိုတော့ ငနဲက ပြန်မပြော။ ဘော်ဒါတယောက်ကို မေးကြည့်တော့ သူလည်း မသိဘူးတဲ့။ ဒါပေမယ့် ငါ့အထင် အပိတ်ပါရင် အခြားသူကို ထိခိုက်အောင် ရေသန့်ဗူးနဲ့ လှမ်းပစ်တာတွေ ဘာတွေ လုပ်မှာစိုးလို့ နေမှာတဲ့။ ဂလိုလားလို့ပဲ စိတ်မှာ မှတ်ချက်ပြုလိုက်ရသည်။

အထဲရောက်တော့ ရှေ့ပြေးအဆိုတော်ပေါက်စတွေက ဆိုနေကြပြီ။ လူလည်း တော်တော်လေး စုံနေပြီ။ သည်ကြားထဲ ကိုယ်က ယူလာသည့်ရေသန့်ဗူးတစ်ဘူးလုံးသောက်ပစ်ထားတာဆိုတော့ အပေ့ါပါးက သွားချင်လာပြီ။ ပြဿနာ။သကောင့်သား ကျေးဇူးရှင်တွေကလည်း သောက်လို့ ကလို့ ကောင်းခါ စ။ ကောင်မလေးတွေကို အကူညီတောင်းဖို့ဆိုပြန်တော့လည်း မသင့်တော်ပြန်။ သို့ဖြင့် ကိုယ့်ဘာသာ သွားမည်လုပ်ခါမှ တယောက်က နေ မင်းတစ်ယောက်တည်းမသွားနဲ့ဆိုပြီး လိုက်လာသည်။ သူသာ လိုက်မပို့ရင် ကျွန်တော်တို့တတွေ လူစုကွဲသွားကြမှာ သေချာသလောက်ရှိသည်။ သည်လောက်ကွင်း အကျယ်ကြီးမှာ သည်လောက်လူတွေအများကြီးနှင့် မလွယ်။ ပြီးတော့ ကိုယ်တွေက ရိုးလ်နံပါတ်တွေ ဘာတွေနဲ့မဟုတ်။ မြေပြင်မှာ မတ်တတ်ရပ်ကြည့်ရသည့် အတန်းကဆိုတော့ ပိုဆိုးသည်။

ဆိုတော့ အဲသည်က ပြန်အလာ ကိုယ်လည်း သူတို့လုပ်သလို လိုက်လုပ်ကြည့်သည်။ မရ။ ခြေထောက်တွေကသာ သီးချင်းရဲ့ စည်းချက်နဲ့ အညီ လှုပ်နေတာ။ လက်က မလှုပ်။ သည်လိုပွဲ သည်လိုမျိုး တခါမှ မတွေ့ကြုံဖူးတော့ မသိစိတ်ထဲမှာ ရှက်နေတာပဲလား။ မပြောတတ်။ ကိုယ့်အဖြစ်ကို ကြည့်ပြီး တာရာဆိုသော သူငယ်ချင်းမလေးက နေ သည်လို ကရတယ်လို့ ကိုယ့်လက်ကို ကိုင်မြှောက် လိုက်တော့မှ အော် ငါက ကပွဲကိုရောက်နေတာပလားဆိုသည့် အသိက ၀င်လာတော့သည်။ မကြာလိုက်ပါ။ ကိုယ်နဲ့ ပွဲတော်က စီးချက်ကိုက်သွားသည်။ လက်ရော ခြေထောက်ပါ လှုပ်တတ် လာပြီး နှုတ်က အော်တတ်လာသည်။ မွန်းကျပ်မှုတွေ ပြေလျှော့သည်ထိ၊ အာခေါင်တခု လုံး ခြောက်သွား သည်ထိ အော်ပြစ်လိုက်သည်။ တခါတခါ ဆူညံနေသည့် အသံတွေနဲ့အတူ ညီမလေး သော်တာ သစ်မှူးရေ လို့ပါ အော်ပစ်လိုက်သည်။ တကယ်ကော ညီမလေး အကို့အသံကို ကြားနိုင်ပါသလား။ မသိ။ လောလော ဆယ် ကိုယ်သိချင်သည်က မွန်းကျပ်မှုတွေ ဘယ်လောက်ထိ ပြေလျှော့သွားနိုင်မလဲ။ သည်လို အော် လိုက်၊ ခေါ်လိုက်ခြင်းအားဖြင့်။ သတိရမှုတွေနဲ့ မွန်းကျပ်လိုက်တာ ညီမလေးရယ်။

ညဦးပိုင်း ကိုးနာရီကျော်ကျော်လောက် ရောက်တော့ ဒေ့ဗ်က အကြံအဖန်လုပ်ပြီး ရှေ့မှာ ထိုင်ခုံရအောင် လုပ်ခဲ့သည်။ ပြီးတော့ ကိုယ်တို့တတွေကို လာခေါ်သည်။ ကိုယ်တို့ငါးရောက် ရှေ့မှာ ခုံရတော့ ခုံပေါ်မှာ အများနည်းတူမတ်တပ်ရပ် ကကြပြန်သည်။ ကိုယ်သိထားတာက ခုံဆိုတာ ထိုင်ဖို့မဟုတ်လား။ ဘာကြောင့် များ ခုံပေါ်မှာ အားလုံးလိုလို မတ်တတ်ရပ်နေကြပါလိမ့်။ တွေးပြီး ပြုံးမိပြန်သည်။ အော် ခုံ၊ နေရာ။ ဂျက်စတင်က ဟိုဘက်ထိပ်ကခုံမှာ။ ပြီးတော့ သူ့ချစ်သူ တာရာ။ တာရာပြီးတော့ ဘရန်ဒီ။ ဘရန်ဒီ့နံဘေး မှာ ကိုယ်။ ကိုယ့်နံဘေးမှာမှ ဘရန်ဒီ့ချစ်သူ ဒေ့ဗ်။ ကိုယ်က သူများ အတွဲကြားမှာ။ ဒါနှင့် ဒေ့ဗ်ကို မင်း သည်ဘက်လာပါလားလို့ နေရာပြောင်းပေးဖို့ ပြောတော့ သူက အဆင်ပြေတယ်။ မပြောင်းဘူးဆိုလို့ ဖယ် မပေးဖြစ်တော့။

ကြာတော့လည်း မတ်တပ်ရပ် အော်ရ ကရတာက အဆင်မပြေ။ ထိုင်ခုံနောက်ဖျားကို ခြေထောက် က ရောက်သွားရင် ထိုင်ခုံက လည်သွားပြီး လူက ထိုင်ချလိုက်ရသည်လည်း ခဏခဏ။ဘရန်ဒီနှင့်ဒ့ဗ်ခမျာ မကြာခဏ ကျွန်တော်လက်ကို ဆွဲပြီး ဖမ်းထိန်းနေရသည်။ တခါတခါ သူတို့က ဟန်ချက်ပျက်လိုက်။ ကိုယ်က ဆွဲဖမ်းထိန်းလိုက်နှင့် ရယ်စရာတော့ အကောင်းသား။ ဟိုဘက်ကအတွဲက စီးချက် ညီ အော်လို့ ဟစ်လို့ တယောက်ကို တယောက်ဖက်လို့။ ကိုယ့်ရှေ့တည့်တည့်က ကောင်မလေးကတော့ အဖော်မပါပေ မယ့် လုံးဝ ဟန်ချက်မပျက်။ ကနေမြဲ၊ အော်နေမြဲ၊ ပျော်နေမြဲ။

ကိုယ်ကတော့ မရတော့။ အာခေါင်တွေ ခြောက်လာပြီ။ ခြေထောက်တွေ ညောင်းလာပြီ။ မရပ်ချင်တော့။ မကချင်တော့။ မအော်ချင်တော့။ အဲသည်အချိန်မှာ အတွေးတခုက ခေါင်းထဲဝင်လာသည်။ ဟုတ်သည်။ အဲသည်အချိန်။ Mac Miller အလှည့်ပြီးလို့ နောက်တစ်ယောက် Wiz Khalifa တောင် စ ဆိုခါစ။ ကျွန်တော် ကိုယ်အပါဝင် လူတွေ ဆိုနေ ကနေကြတာကို အသိသဘောနှင့် သတိထားမိလိုက် သည်။ နောင် အနှစ်တရာဆို သည်လူတွ အားလုံး ရှိကြပါဦးမလား။ မသေချာ။ ခုန က ပျော်နေ အော်နေသမျှ ဘယ်ရောက်ကုန်ပြီလဲ။ မသိတော့။ သည်အတွေးမျိုး ၀င်လာတယ် ဆိုတာက ကိုယ်ပိုင်အသိဥာဏ်ကြောင့်တော့ မဟုတ်။ ငယ်ငယ်က ဖတ်ခဲ့မှတ်ခဲ့ဖူးသည့် စာထဲမှာပါသည့် လွန်ခဲ့တဲ့ နှစ်ပေါင်း နှစ်ထောင့် ခြောက်ရာကျော် ပတ်ဝန်းကျင်က အဖြစ်အပျက် တခုကြောင့်သာဖြစ်သည်။

လွန်ခဲ့သည့် နှစ်ပေါင်းများစွာက လူငယ်နှစ်ယောက် တောင်ထိပ်ပွဲသဘင်သို့ သွားကြည့်ကြသည်။ သူတို့ တတွေက ပုဏ္ဏားမျိုးနွယ်တွေ။အသိပညာရှိသူတွေ။ သူတို့တတွေ တောင်ထိပ်ပွဲသဘင် ကြည့်ပြီး တွေးခဲ့ကြသတဲ့။ အခုကနေတဲ့သူတွေ၊ အခု ကြည့်နေတဲ့ သူတွေ နောက်နှစ်ပေါင်း တရာလောက် ဆို ရှိကြပါဦးမလား။ အဲသည်မှာ သတိသံဝေဂရပြီး တရားထူးရှာဖို့ ပြင်ဆင်ကြသတဲ့။ နောင်တော့ တယောက်ယောက်က အမှန်တရားတခုခု စ ရရင် အခြားသူကို ပြန်မျှဝေကြေးဆိုပြီး တိုင်ပင်ခဲ့ကြပြီး တိုင်ပင်ခဲ့သလို အချင်းချင်း တယောက်ကို တယောက် အမှန်တရားနဲ့ ပတ်သက်သမျှ ပြန်လည် မျှဝေခဲ့ကြ သည်ဟူ၏။ နောင်တော့ သူတို့ နှစ်ဦးဟာ ဗုဒ္ဓဘာသာသမိုင်းမှာ တကယ့်ကြီးမြတ်သူတွေ အဖြစ် ထင်းရှားခဲ့ ကြသည်။

ဆိုတော့။ ကိုယ်လည်း ဘာကောင်မှမဟုတ်ဘဲ တကယ့် အာဇာနည်ပုဂ္ဂိုလ်တွေလို အတွေးမျိုးတွေ ၀င်လာတော့ စိတ်က ရှော့ဖြစ်သွားသည်။ ကိုယ့်ကိုယ်ကို ပြန်လည် သတိပေးနေရ သည်။ ဟေ့ကောင် မင်း ဘာကောင်မှ မဟုတ်ဘူး။ လက်ရှိမှာပဲ ပျော်ပျော်နေ။ အတိတ်ကိုလည်း ပြန်မတွေးနဲ့၊ အနာဂတ် အကြောင်းလည်း တွေးမပူနဲ့လို့။ မရ။ တခါတခါကျ အမှန်တရားဆိုပေမယ့် သိတိုင်းကောင်းပါသလား။ ကျွန်တော် မတ်တတ်ရပ် ပြန်ကဖို့ ပြန်အော်ဖို့ ကြိုးစားမိသည်။ မရ။ အခြားသူတွေ ပျော်နေတာကို ကြည့်သည်။ ရှေ့က ကောင်မလေး အော်နေ ပျော်နေတာကို ကြည့်သည်။ နံဘေးက စုံတွဲတွေကို ကြည့် သည်။ သူတို့အပျော်တွေ ကိုယ့်ဆီများ ကူးစက်လာမလားလို့။ မရ။ Wiz Khalifa ရဲ့ No Sleep, Roll up သီချင်းတွေ ဆိုသွားတာ ကိုယ်သတိမထားလိုက်မိတော့။ သည်လိုနဲ့ တယောက်တည်း ခေါင်းငိုက်စိုက်ချပြီး အတွေးချင်း လုံးထွေးပူးသတ်နေသည့် ဒဏ်ကို ခံနေလိုက်ရသည်။

တော်တော်ကြာတော့ ဟိုဘက်ထိပ်က ဂျက်စတင်က လှမ်းအော်သည်။ နေ ထတော့။ ငါတို့မြို့ရဲ့ သီချင်းဆိုပြီဆိုတော့မှ။ ဟုတ်ပါလား။ Black and Yellow သီချင်းတောင်ဆိုပြီး ပွဲသိမ်းတော့မှာပါလား။ သို့ဖြင့် မရရအောင် ကြိတ်မှိတ်ထပြီး Black and Yellow သီချင်းကို ထအော်လိုက်ဖြစ်သည်။ (သည်သီချင်းက ကိုယ်တို့မြို့လေးက ဘောလုံးအသင်းအတွက် စပ်ဆိုထားသည် သီချင်း။ ဘောလုံး အသင်း အရောင်က အနက်နဲ့ အ၀ါရောင်။)

ပွဲပြီးလို့ ပြန်လာတော့ လူစုမကွဲအောင် တယောက်လက်ကို တယောက်ဆွဲပြီး လူအုပ်ကြီးထဲက တိုးထွက်လိုက်ကြသည်။ ကားနားရောက်တော့ ဒေ့ဗ်က မေးသည်။ နေ မင်း ပျော်ရဲ့လား။ မင်းကြည့်ရတာ အစပိုင်းတော့ ဟုတ်မလိုလိုနဲ့။ နောက်ပိုင်းကြတော့ ခေါင်းငိုက်စိုက်ချပြီး မတ်တတ်တောင် မရပ်တော့ဘူး ဟု ပြောလာသည်။ ဂျက်စ်တင်က သည်အတိုင်း။ ဒေ့ဗ်ပြောသည့်စကားကို ထောက်ခံရင်း မေးပြန် သည်။ ပျော်ရဲ့လားတဲ့။

ဘာပြန်ပြောရပါ့။ ခုနက ကျွန်တော်တွေးခဲ့သည့်အတွေးသာ ချပြလိုက်လျှင် သူတို့ လည်း တော်တော်လေး လေသွားမှာသေချာသည်။ ပျော်နေတဲ့စိတ်တွေ ပျောက်သွားမှာ သေချာသည်။ ကျွန်တော်ပြောတာ ကို သေသေချာချာ နာလည်ကြရင်ပေါ့လေ။ ဒါပေသည့် ကျွန်တော် မရှင်းပြချင်တော့ ။ပျော်ပါတယ်။ ငါ့ကို သည်ပွဲမျိုးနဲ့ မိတ်ဆက်ပေးတဲ့အတွက် မင်းတို့အားလုံးကို ကျေးဇူးတင်ပါ တယ်လို့ ပြောပြီး အိမ်အပြန်တလမ်းလုံး အိပ်ပြီး လိုက်ခဲ့ဖြစ်သည်။

အိမ်ရောက်တော့ ည တစ်နာရီထိုးနေပြီ။ အိပ်ချင်နေပေမယ့် အိပ်မရ။ အပျော်များ၊ သံဝေဂတရားနှင့် ကိုယ့်ကိုယ်ကို မအပ်စပ်မှန်း နားလည်လိုက်သောအခါမှ အိပ်မောကြသွားတော့သည်။

အော် မိုက်တွင်းနက်ဦးမယ့် လူတစ်ယောက် အကြောင်းများ ပြောပါတယ်လေ။ ။

နေသစ်မှူး

၀၈၊၁၀၊၁၂ ည ၁၁း၂၇ နာရီ (သောကြာနေ့)

ပြန်လည် ပြောဖြစ်ခဲ့မယ်ဆိုရင် (၂၂)

2012-08-03T19:51:00.000-07:00

မပြီးဆုံးနိုင်တဲ့ နယ်ပယ်တခုအကြောင်း

ဝါဆို လပြည့်ညဦး

(၁)

အလုပ်ကအပြန် ညဦးပိုင်းက သူငယ်ချင်းဂျက်စတင်နှင့် အိမ်ရှေ့မှာ ထိုင်ပြီး စကားပြောဖြစ်ခဲ့ကြသည်။ သည်နေ့က သူ့မွေးနေ့။ ဘာလက်ဆောင်ပေးရင် ကောင်းမလဲဟု စဉ်းစားမိတော့ တခါက သူ့ချစ်သူကောင် မလေးက ကျွန်တော့် ဘီးတတ်အ၀တ်လျှော်ပုံးကို မြင်တော့ သဘောကျတယ်လို့ ပြောဖူးတာကို စဉ်းစားမိပြီး သူတို့ နှစ်ဦးအတွက် ဘီးတတ်အ၀တ်လျှော်ပုံးလေး ၀ယ်ပေးလိုက်ရင် ကောင်းမယ်တွေးပြီး ဘီးတတ် အ၀တ် လျှော်ပုံး နှစ်ခု ၀ယ်ပေးဖြစ်လိုက်သည်။ အ၀တ်လျှော်စက်က အိမ်နဲ့ခပ်လှမ်းလှမ်းမှာ ဆိုတော့ ခရီးဆောင် အိပ်ကြီးတခုလို မ စရာမလိုဘဲ လက်နဲ့ ဆွဲသွားရုံဆိုတော့ အဲသည်ပုံးလေးတွေက သူတို့အတွက် အဆင်ပြေလှသည်။ ဆိုတော့ ကျွန်တော်တို့နှစ်ယောက် အ၀တ်လျှော်ပုံးပေါ်မှာ ချိတ်ဆွဲထား သည့် ပျော်ရွှင်စရာ မွေးနေ့ စာတမ်းပါ မိုးပျံပူပေါင်းတွေကို ဆော့ရင်း သူ့ကောင်မလေးပြန် အလာ ကို စောင့်မျှော်နေဖြစ်ကြသည်။ မစောင့်လို့ ကလည်း မဖြစ်၊ ကျွန်တော်တို့မှာ ဗိုက်က ဆာနေပြီ။ စားစရာ မရှိ။ ကျွန်တော့်ဘာသာ ဆိုရင်တော့ ရှိတဲ့ ကန်စွမ်းရွက် ဒါမှမဟုတ် မျှစ်လေး၊ မြင်းခွါရွက်သုပ်လေးနဲ့ ညစာက ပြီးသည်။ အခုတော့ သကောင့်သား ကျေးဇူးရှင်က သူ့ကောင်မလေးကို စောင့်ကြတာပေါ့ကွာ ဆိုသဖြင့် ကျွန်တော် ကြော်ပြီး သိမ်းထားသည့် မြေပဲကြော်လေးနဲ့ပဲ အဆာပြေ လွေးနေရသည်။

(၂)

"နေ သည်လာကြည့်။ သည်လာကြည့်" လို့ လှမ်းအော်ခေါ်သဖြင့် သူရှိတဲ့ နေရာ သွားပြီး သူလက်ညှုိး ထိုးရာ ကြည့်လိုက်တော့ လ ပြည့်ဝန်းကြီး။ " မင်း အရူးအမူးဖြစ်တဲ့ လ ပြည့်ဝန်းလေ" လို့ သူက ပြောလိုက်သေးသည်။ ဒါနှင့် ကျွန်တော်တို့တတွေ ဖုန်းကင်မရာလေးတွေကိုယ်စီဖြင့် ဓာတ်ပုံရိုက်ယူ ကြပြီး အိမ်ရှေ့က ထိုင်ခုံ ပြန်ထိုင်ဖြစ်ကြတော့ ကျွန်တော်က စပြောဖြစ်သည်။ " သည်နေ့က ငါတို့နိုင်ငံမှာ နေ့ထူးနေ့မြတ်၊ မင်းက သည်နေ့ မွေးနေ့ရှင်ဆိုတော့ ငါတို့ ယုံကြည်မှုအရ မင်းက ကံကောင်း တဲ့ကောင်ပဲ" ဆိုတော့ သူက ထပ်မေးသည်။ ဘယ်လို နေ့ထူးနေ့မြတ်လဲ၊ ဘာကြောင့် ငါက မင်းအမြင် ကံကောင်းသူလဲတဲ့။

သည်နေ့က ငါတို့ဆီမှာ နေ့ထူးနေမြတ်ဆိုတာက ဘာသာရေး ရှုထောင့် က နေထူးနေ့မြတ်ဖြစ်တဲ့ အကြောင်း။ ငါတို့ဘုရားက သည်နေ့မှာ မွေးဖွားတယ်၊သည်နေ့မှာ တရားရှာဖို့တောထွက်တဲ့ အကြောင်း၊ ပြီးတော့ တရားထူးရဘုရားဖြစ်တော်မူခဲ့တဲ့အကြောင်းစသဖြင့် အဲသည်နေ့(၀ါဆိုလပြည့်နေ့ )နှင့် ဆိုင်သည့် အကြောင်းတွေ ပြောပြဖြစ်သည်။ ပြီးတော့ နက်ဖန်က စပြီး ဗုဒ္ဓဘာသာ ရဟန်းတော်တွေဟာ လာမယ့် သုံးလအတွင်း (၇)ရက်ထက် ပိုလွန်ပြီး လက်ရှိနေရာကနေ ညအိပ်ညနေ သွားလို့နေလို့ မရတဲ့အကြောင်းတွေ ပြောပြဖြစ်ခဲ့သည်။ သူက ထပ် အတွန့်တက်သည်။ ဘာကြောင့် လဲတဲ့။ ထပ်ပြီး ရဟန်းတော်တွေ ဘာကြောင့် ၀ါဆိုဝါကပ်ရတာလဲဆိုသည့်အကြောင်းကို ရှင်းပြရပြန် သည်။ ကျေးဇူးရှင်ကတော့ ခေါင်းလေး တညိမ့်ညိမ့်နဲ့။ လက်ခံတာလား၊ တွေးတောနေတာလားတော့ မသိပေ။

ပြောရင်းပြောရင်း အရှိန်ရလာတာနဲ့ ကျွန်တော်က ထွက်လေ၀င်လေအကြောင်း ဆက်ပြောမိသည်။ သိပ်လည်း အရမ်းမပြောရဲ။ သူက ဘာသာရေး ဆွဲဆောင်နေတယ်ထင်သွားမှာလဲ စိုးရသေးသည်။ သို့ဖြင့် ကျွန်တော်က သူ့ကို မေးလိုက်သည်။ " မင်းရဲ့ အသက်ရှုသံတွေကို မင်း ပြန်သတိထားမိလား" ဆိုတော့ ဟင့်အင်းတဲ့။ " မင်း သတိထားကြည့်။ မင်းရဲ့ အသက်ရှုသံတွေကို မင်း အမြဲမပြတ် သေသေချာချာ သတိထားနေမိရင် မင်းစိတ်ကို မင်း ထိန်းချုပ်နိုင်ပြီး မင်း ပတ်ဝန်းကိုလည်း မင်းထိန်းချုပ်လာနိုင်လိမ့်မယ်" ဆိုတော့ ကိုယ့်ဆရာက အဲဒါဆို မင်းရော မင်းအသက်ရှုသံကို မင်း ပြန်သတိထားမိလားတဲ့။ ဘယ်လောက် ကြာ ကြာထားဖြစ်လဲတဲ့။ ကျွန်တော်က ငါလည်း ကြာကြာသတိမထားနိုင်ဘူးကွ၊ လေးငါး ဆယ်မိနစ်ပဲ ဆိုတော့ အဲဒါဆို မင်း ဘယ်လိုလုပ် မင်းပတ်ဝန်းကျင်ကို ထိန်းချုပ်နိုင်မှာလဲလို့ ရယ်ပြီး ပြောသည်။

နောက်တော့ သူ့ကို မင်းတို့ဘုရားကျောင်းကို သွားဖြစ်လားဆိုတော့ တခါတလေမှတဲ့။ အဲသည်ညကတော့ ကျွန်တော်တို့ တတွေ ဘာသာရေးအမြင်တွေ ဖလှယ်ဖြစ်ကြသည်။ သူတို့ ဘုရားကျောင်းကို မင်းလိုက်ချင် လားလို့ ကျွန်တော့်ကို မေးတော့ ဗဟုသုတအဖြစ် တခေါက်လောက်တော့ ငါလိုက်ကြည့်ချင်တယ်ဆိုတော့ သူက မေးသည်။ အဲဒါဆို မင်းတို့ဘာသာတရားအရ အပြစ်မရှိဘူးလားတဲ့။ ကျွန်တော်က အပြစ်မရှိ တဲ့အကြောင်း၊ ဗုဒ္ဓဘာသာတွေ ကိုးကွယ်တဲ့ ဘုရားရှင်ကိုကော၊ သူဟောခဲတဲ့ တရားတွေကိုပါ ကြည့်လိုက် ရင် စိတ်ကို ဖွင့်ထားဖို့ အားပေးတဲ့အချက်တွေ ရှိတဲ့အကြောင်း ပြောပြဖြစ်သည်။ ဟုတ်သည်။ ဗုဒ္ဒရဲ့ ဓမ္မဂုဏ်ရည်တွေမှာ အစမ်းသပ်ခံနိုင်သည့် အချက်တွေပါသလို၊ စမ်းသပ်ဖို့လည်း ဆိုထားသည်မဟုတ် လား။ အဲဒါတွေသည်ကပင် စိတ်ကို ဖွင့်ထားဖို့ အားပေးခြင်းဟု ကျွန်တော်က နားလည်နေမိသည်။ စူးစမ်းရမည်၊ လေ့လာရမည်၊ဆင်ခြင်ရမည်။သုံးသပ်ရမည်။ ပြီးမှ ဘယ်ဟာ အမှား ဘယ်ဟာအမှန် ဆုံးဖြတ်ရမည်ဟု တရာတော်တွေမှာ ဆိုထားသည်မဟုတ်လား။

(၃)

ဘာသာတရားတွေ အကြောင်းပြောရင်း အစွန်းရောက်ဘာသာဝင်တွေအကြောင်း၊ ပြီးတော့ ၂၀၁၂မှာ ကမ္ဘာပျက်မည်ဆိုခဲ့သည့်ဇာတ်ကားတွေအကြောင်း ဆက်ပြောဖြစ်ကြသည်။ သူကတော့ သူတို့နိုင်ငံကို အကြမ်းဖက်သမားအချို့တိုက်ခိုက်ခံနေရသည့်နှစ်အတောအတွင်း ကြီးပြင်းခဲ့ရသူပီပီ ဘာသာရေး အစွန်းရောက် အချို့ကို တော်တော်လေး မုန်းနေပုံရသည်။ ကျွန်တော်က ဒေါက်ကေသိရီ ဓမ္မာနန္ဒ ရဲ့ "A happy married life" ဆိုတာ စာအုပ်ထဲက စကားလုံးအချို့ကို ရွတ်ပြမိသည်။ လူဟာ ဘာသာတရား အတွက်မဟုတ်ဘဲ ဘာသာတရားကသာ လူတွေ အတွက် ဖြစ်တယ်ဆိုသည့် စကားလေး။တချို့သူတွေက ဘာသာတရားကို ကိုးကွယ်နေကြတာမဟုတ်ဘဲ ကာကွယ်နေကြတာတွေ တွေ့နေရသည်။ တချို့ကျတော့ ကာကွယ်တာမဟုတ်ဘဲ ကိုးကွယ်နေကြသည်။ ဘာသာတရားဆိုတာ ကျွန်တော်တို့ ကိုးကွယ်ရမယ့် အရာလား။ ဒါမှမဟုတ် ကာကွယ်ရမယ့်အရာလား။ ဒါမှမဟုတ် နှစ်ခုစလုံးပဲလား။ ကျွန်တော့် စကားကို ကြားတော့ သူက တခုခု ပြန်ပြောဖို့ ဟန်ပြင်နေသည်။ ကျွန်တော်ကလည်း ကိုယ့်ဘာသာ ကိုယ်တွေးပြီး ပြုံးနေမိသည်။ သူက သူပြောချင်တာကို ဆက်မပြောဖြစ်တော့ဘဲ ကျွန်တော့်ကို ဘာကြောင့် မင်းပြုံးနေတာလဲ မေးနေတုန်းမှာ သူ့ကောင်မလေးက ရောက်လာသဖြင့် စကားပြတ်သွားခဲ့ကြသည်။ ဆက်မပြောဖြစ်ကြတော့။ သူ့ကောင်မလေးက သူ့အလုပ်ရုံဆွေးနွေးပွဲကိစ္စကို ရှင်းပြနေတာ၊သူမ ၀ယ်လာ တဲ့ ညစာလေးကို စားကြတာနှင့်ပဲ အချိန်တွေ ကုန်သွားခဲ့ကြသည်။

အိပ်ယာထဲရောက်တော့ သူနှင့်ပြောဖြစ်ခဲ့သည့် အကြောင်းတွေ ပြန်တွေးရင်း ကျွန်တော် ဘာကြောင့်ပြုံး ဖြစ်ခဲ့ တာလဲဆိုတာကို တွေးနေဖြစ်သည်။ လွန်ခဲ့သည့် လ က အမေနှင့် ဖုန်းပြောတော့ အမေက ပြောသည်။ ကိုယ့်ကိုယ်ကို ဗုဒ္ဓဘာသာဆိုတာတောင် မေ့နေပလားတဲ့။ အဲသလို အပြောခံ ထိခဲ့သူက အခြားဘာသာဝင် တစ်ယောက်ကို ဘာသာရေးအကြောင်းတွေ ပြောပြနေတာများ အမေသိသွား ခဲ့ရင် ဘယ်လိုမြင်လေမလဲ။ သူပြောတဲ့ စကားကို သူပြန်ရုပ်သိမ်းလေမလား။ ဒါမှမဟုတ်။

ခုနက ပြန်ပြောဖို့ ဟန်ပြင်ပြီး ဆက်မပြောဖြစ်ခဲ့တဲ့ သူငယ်ချင်းကကော ဘာတွေ ပြောချင်နေမလဲ။ ကျွန်တော်ရွတ်ပြသည့်စကားကို ထောက်ခံဆွေးနွေးလေမလား၊ ကန့်ကွက်ငြင်းခုံလေမလား။ မဝေခွဲ တတ်။ သေချာတာတခုကတော့ ကျွန်တော်တို့တတွေ အဆုံးမသတ်နိုင်သည့် အကြောင်းအရာတခု ကို ပြောဆိုနေထိုင်နေကြခြင်းပဲ ဖြစ်ပါသည်။

နေသစ်မှူး

၀၈၊၀၃၊၁၂ ည ၁၀း၄၆ နာရီ

ပြန်လည် ပြောဖြစ်ခဲ့မယ်ဆိုရင် (၂၁)

2012-07-31T21:39:00.002-07:00

ကော်ပီခါးခါး (သို့မဟုတ်) ပြန်လည် ပြောဖြစ်ခဲ့မယ်ဆိုရင် (၂၁)

(၁)

မနေ့ညက အဖြစ်အပျက်လေးတခုကို ကျွန်တော် ပြန်တွေးဖြစ်သည်။ ကျွန်တော် အမေရိ ကားကို ရောက်တာ သုံးနှစ်နဲ့ သုံးလရှိပြီ။ မီးပျက်တာ သုံးခါတွေ့ဖူးခဲ့သည်။ မနေ့ညက မိုးသက်လေပြင်းကြောင့် မီးနာရီပိုင်းမျှ ပျက်ခဲ့သည်။ ဆိုတော့.. မီးပျက်တော့ စားဖို့ ချက်လို့မရ။ ဒါနှင့် အပေါ်ထပ်က ကိုယ်ရွှေကျေးဇူးရှင်လေးတွေနှင့် ဟမ်ဘာဂါဝယ်စားဖြစ်ခဲ့ကြသည်။ ထိုစဉ်.. မိတ်ဆွေ တစ်ယောက်က သင်္ကြန်ပွဲကိုလည်း မလာဘူး။ အခုလည်း ၀ါဆိုသင်္ကန်းကပ်ရှိတာလည်း မလာတော့ဘူး မလားလို့ အပြစ်တင်စကားတ၀က်၊ သတိပေးစကားတ၀က် ပြောသွားခဲ့သည်။ သူ ဖုန်းချသွားတော့ ကျွန်တော်က ဟိုးကောင်းကင်ပြာပြာထဲမှာ တဦးတည်းမင်းမူနေသည့် လ မင်းကို မော့ကြည့်တွေးနေဖြစ် သည်။

သူငယ်ချင်းက " နေ မင်း ဘာတွေ တွေးနေတာလဲ"တဲ့။ ကျွန်တော် ပြန်မပြောဖြစ်ခဲ့။ သည်လိုပါပဲကွာဟု သာ အဖြေတိုတိုလေးပဲ ဖြေဖြစ်ခဲ့သည်။ မပြောချင်ခဲ့ပဲ ပြန်မပြောဖြစ်ခဲ့သည့် အကြောင်းတွေက သည်လို။

(၂)

ပြီးခဲ့သည့် သင်္ကြန်မတိုင်ခင်ကာလတုန်းက သူငယ်ချင်းတွေနဲ့ ညစာ အတူစားဖြစ်ပြီဆိုရင် သူတို့တတွေကို ရွာပြန်ချင်တဲ့အကြောင်း၊ သူတို့က ဘာကြောင့်ပြန်ချင်တာလဲမေးရင် ရွာမှာ ရေသင်္ကြန်ပွဲရှိတဲ့ အကြောင်း ပြောဖြစ်ခဲ့သည်။ အဲသည်တုန်းက ဘာကြောင့် သင်္ကြန်ပွဲကျင်းပကြတာလဲ ဆိုသည့် အကြောင်းတွေ၊ ပြီးတော့ သင်္ကြန်ပွဲရဲ့ အနှစ်သာရတွေ ၊အလှအပတွေ၊ မြန်မာ့ရိုးရာယာဉ်ကျေးမူတွေကို တခုတ်တရ ရှင်းပြဖြစ်ခဲ့သည်။ ကျွန်တော်က မင်းတို့ ငါတို့ သင်္ကြန်တွင်းမှာ ငါ ရေလာလောင်းရင် စိတ်မဆိုးကြေးလို့ပြောတော့သူငယ်ချင်းတာရာကသူအလုပ် ပြန်လာမှ လောင်းဟု ပြောခဲ့ဖူးသည်။ နောက်တစ်ယောက်ကတော့ ငါ မင်းတို့ သင်္ကြန်ပွဲ ကို မြင်ချင်လိုက်တာဟု ပြောသဖြင့် ရုတ်တရက် အင်တာနက်ကနေ သင်္ကြန်သီချင်း တစ်ပုဒ် ဖွင့်ပြပေးလိုက်သည်။

မကြာပါ။ တစ်ယောက်က ထပြောသည်။ ဒါဘယ်သူ့သီချင်းကြီးပဲ။ မင်းတို့ ကိုယ်ပိုင်သံစဉ်မဟုတ်ဘူးတဲ့။ ကျွန်တော့်မှာ ရှက်လိုက်တာ။ ကိုယ်ဂုဏ်ယူဝံ့ကြွားစွာ ပြောပြ ရှင်းပြရခဲ့သမျှ သည်စကားတခွန်းနဲ့တင် သဲထဲရေသွန်သလို ဖြစ်သွားခဲ့ရသည်။ နောက်တော့ သင်္ကြန်မင်းသားကြီး ဇော်ဝမ်းရဲ့ ရှာပုံတော် မင်းသား ကြီးကို ထပ်ဖွင့်ပြပြီး အရှက်ပြေ ပြန်ရှင်းပြခဲ့ရသည်။ နောက်တော့ တစ်ယောက်က ဖုန်းဖြင့် ဂူဂယ်လ်သို့ ၀င်ကာ သင်္ကြန် သီချင်းတွေ ရှာပြီး ကြည့်နေစဉ် " နေ မင်းပြောတော့ မင်းတို့ယဉ်ကျေးမှုဆို၊ အခု ငါမြင်နေ ရတာက ငါတို့ဆီက လိုပါပဲ သိပ်မထူးပါဘဲလား" တဲ့။ ဒါနဲ့ သူဖွင့်ကြည့်နေသည့် သီချင်းကို ကြည့်လိုက်တော့ ပေါင်တိုတို စကတ်တို ၊ ရေစိုကိုယ်ကပ် အင်္ကျီလေးတွေနှင့်။ ကျွန်တော် သည်တခါတော့ ဘာဆက်ပြောရမှန်း မသိတော့။

တခါတုန်းကလည်း သူငယ်ချင်းတွေနှင့် ဈေးဝယ်ထွက်ဖြစ်ခဲ့သည်။ အဲသည်တုန်းက သူတို့က ညစာတာဝန် ယူ၊ ကျွန်တော်က ဈေးဝယ်ထွက်ရင် ကျွန်တော့်ကားသုံးဆိုပြီး သူသာသည် ကိုယ်နာသည် မဖြစ်အောင် ခွဲတမ်းနှင့် တာဝန်ယူကြဖို့ တိုင်ပင်ခဲ့ကြသည်။ အဲသည်တုန်းကလည်း ကျွန်တော့်ကားထဲ အသင့်ထည့်ထား သည့် ရွှေပြည်ကြီး အင်တာနေရှင်နယ် ကော်ပီသီချင်းသံက ကားစက်နှိုးနှိုးပြီးချင်း ပေါ်ထွက်လာတော့ သူတို့က ခဏ နားထောင်ပြီး " ဟာ ဒါ ငါတို့ဆီက ဘယ်အဆိုတော့ သီချင်းပဲ" ဆိုတော့ ကျွန်တော့်မှာ မျက်နှာပူပူနှင့် ရေဒီယိုကို ပြောင်းဖွင့်လိုက်ရဖူးသည်။

တခါကတော့ မြန်မာပြည်မှာ နေထိုင်ခဲ့ဖူးသည့် အသိမိတ်ဆွေအမေရိကန်တဦးက ပြောပြဖူးသည်။ သူ့ သူငယ်ချင်း အမေရိကန်တစ်ယောက် မြန်မာပြည်မှာ အလုပ်တာဝန်ထမ်းဆောင်ရင်း အားလက်ရက်ရလို့ အမေရိကားကို ပြန်လာသောအခါ ကြားရသောသီချင်းသံများကို မှတ်ချက်ပြုဖူးသတဲ့။ ဒါ မြန်မာ အဆိုတော်တွေ ဆိုထားတဲ့သီချင်းတွေ၊ ဘာလို့ သံစဉ်တွေ တူနေရတာလဲ ဟူသ တတ်။ နောက်မှာ သည်က သီချင်းတွေကို မြန်မာပြည်က ကော်ပီလုပ်ပြန်ဆိုမှန်း သူသိသွားရသည်ဟူ၏။ တခါက ချာလီချက် ပလင် နှင့် တူသူတွေထဲက အတူဆုံးသူတစ်ယောက်ကို ဆုပေးဖို့ ချာလီရွေးပွဲ တခု ပြုလုပ်ခဲ့ဖူးသည်။ အဲသည်ပွဲမှာ ချာလီချက်ပလင် အစစ်ကိုယ်တိုင် ၀င်ပြိုင်သည်။ ဆုရသူ စာရင်းကြေငြာတော့ ချာလီချက် ပလင် အတုနှစ်ယောက်က ပထမဆုနှင့် ဒုတိယဆု၊ ချာလီအစစ်ကိုယ်တိုင်ကတော့ တတိယဆုပဲ ရခဲ့သည်ဟု ဖတ်ခဲ့ရဖူးသည်။ အခုလည်း ကိုယ်တို့ ရွှေပြည်ကြီး ကော်ပီဂီတသမားအချို့က မူလအဆိုရှင် ထက် ပိုများသာနေမလားဘဲ။ တကယ်လို့ ပြိုင်ပွဲကျင်းပပြီး မူလအစစ်မှန်အဆိုရှင်တွေက ချာလီလို တတိယဆုပဲ ရကြဦးမယ်ဆိုရင်တော့ ဒုက္ခ။

(၃)

အခုတော့ ကျွန်တော် သူငယ်ချင်းတွေနှင့် အတူ အခြားတနေရာကို သွားဖြစ်ကြသည့်အခါ ကျွန်တော့် ကားကို သုံးတော့မည်ဆိုလျင် အရင်ဆုံး ကိုယ့်ကားစက်ထဲမှာ ဘာအခွေထည့်ထားသလဲဟု စဉ်းစားနေရ သည်က အလုပ်တခုလို ဖြစ်နေတော့သည်။ အတတ်နိုင်ဆုံးတော့ အဆိုတော် မာမာအေးတို့ လို ရှေးသီချင်းတွေ အဆိုတော်ထူးအိမ်သင် သို့မဟုတ် စိုင်းထီးဆိုင်တို့လို ခေတ်သီချင်းခွေတွေ ထည့် ထားဖြစ်အာင်တော့ သတိထားနေမိသည်။ မဟုတ်ရင် မျက်နှာပူရလွန်းလို့။

(၄)

ကျွန်တော့်ကို သင်္ကြန်ပွဲမလာလို့ အပြစ်တင်စကားဆိုသည့် သူကိုရော၊ ဘာတွေတွေးနေတာလဲ ဟု မေးခဲ့သော သူငယ်ချင်းကိုပါ ကျွန်တော် ပြန်ပြောဖြစ်ခဲ့မယ်ဆိုရင် ............. သင်္ကြန်နှင့်ပတ်သက်သည့် ထိရှခဲ့ရမှုတွေ၊ ကောပီခါးခါးသောက်ပြီး စိတ်ထဲ ကြောင်တောင်တောင်ခံစားနေရတာတွေကို အထက်က အတိုင်း ပြန်လည် ပြောဖြစ်ခဲ့မှာတော့ သေချာလွန်းလှသည်။ အဲသည်အခါ သူတို့တတွေကကော ကျွန်တော့်ခံစားချက်ကို နားလည်လက်ခံပေးနိုင်ကြပါဦးမလား။ အခု သည်စာကို ဖတ်မိနေသည့် မိတ်ဆွေက ကော်ပီခါးခါး တခွက်အတွက် အရှက်ရနေသည့် ကျွန်တော့်ကို နားလည်ပေးနိုင်ပါဦးမလား။

လောလောဆယ်တော့ ရေးနေသည့် ကော်ပီခါးခါး စာတစ်မျက်နှာနှင့်ပင် ညဉ့်နက်သည့်တိုင်ထိ ကျွန်တော် အိပ်မပျော်သေး။ ။

နေသစ်မှူး

(၀၇၊၃၁၊၂၀၁၂၊ ည ၁၂း ၃၃ နာရီ)

Photo by http://constitutionclub.org/author/gurusteve/

ပြန်လည် ပြောဖြစ်ခဲ့မယ်ဆိုရင် (၂၀)

2012-07-21T20:03:00.001-07:00

အညိမ့်တစ်ခုရဲ့ အနှစ်သာရ (သို့မဟုတ်) ပြန်လည် ပြောဖြစ်ခဲ့မယ်ဆိုရင် (၂၀)

(၁)

မနေ့ညနေက အဖြစ်အပျက်လေးကို ပြန်စဉ်းစားမိတိုင်း ရင်ခုံ ကြည်နူးရတော့မလိုလို၊ ကျေးဇူးတော်အနန္တ တင်ရမလိုလို။ ပြီးတော့ လွမ်းခွင့်လေး တွေးခွင့်လေး နွေးထွေးခွင့်လေး ပေးတဲ့ သူတို့တတွေကို သတိတရ ရှိနေရတော့မလိုလို။ အဲသည်လို လိုလိုတွေ မလိုလိုတွေ ပေးတတ်ကြတဲ့ သူတို့တတွေဆိုတာက ကိုယ့်ရဲ့ သူငယ်ချင်းတွေဆိုလည်း ဟုတ်၊ ကိုယ့်အတွက် အိမ်နီးနားချင်းကောင်းဆိုလည်း ဟုတ်တဲ့ ဂျက်စ်တင်နဲ့ တာရာ ( Justin + Tiara) ဆိုတဲ့ ချစ်သူနှစ်ဦးရယ်ပါ။

(ကိုယ်နဲ့ ကိုယ့်ကျေးဇူးရှင်လေးတွေ တစ်ညသ၌ ဘီယာဘားမှာ)

တကယ်ဆို သူတို့နဲ့ ကိုယ်က လာမယ့် သြဂတ်စ်လ ၁၆ ရက်နေ့မှာမှ သိကျွမ်းခင်မင်ခဲ့ကြတာ တစ်နှစ်ပြည့် ရယ်။ ဒါပေသည့် ကိုယ်တို့တတွေက လ များမကြာခင်မှာပဲ တစ်ယောက်ကို တစ်ယောက် ငယ်ပေါင်းကြီးဖော်တွေလို။ တခါတော့ ကိုယ့်မိဘ ညီအကိုမောင်နှမတွေကို သတိရတယ်လို့ ပြောတော့ ဂျက်စ်တင်က " နေ - မင်းက ငါ့ကို ညီလို သဘောထား၊ တာရာ့ကို ညီမလေးလို သဘောထားပြီး ငါ့ အမေကို မင်းမိခင်လို သဘောထားပေါ့ကွာ"တဲ့။ တကယ်လည်း သူ့မိခင်ကြီး သူ့သားတော်မောင်ဆီ ရောက်တိုင်း ကိုယ့်အခန်းလေးကို ဂရုတစိုက်ရှိတတ်ပါရဲ့။ သည်ကြားထဲ ကိုယ့်ရဲ့သော်တာသစ်မှူး ဓာတ်ပုံလေးကိုတောင် တောင်းတောာင်းပြီး ကြည့်တတ်သေးရဲ့။

ရှုပ်ပွေညစ်ပတ်ပြီး ကိုယ့်ရဲ့အခန်းကျဉ်းလေးဟာ တကယ့်ကို မြင်ရသူအဖို့ မသက်မသာ ဖြစ်စရာပဲ လားတော့ မသိဘူး။ ကိုယ်ကတော့ ကိုယ့်အကြောင်းပြချက်နဲ့ကိုယ်ဆိုတော့ ကိုယ့်အခန်းကို တလမှ တခါလောက်ပဲ သန့်ရှင်းရေးလုပ်ဖြစ်တယ်။ ကိုယ့်ဆီ အလည်လာတဲ့ မိတ်ဆွေအပေါင်းသင်းတွေဆိုလည်း တခါ လာပြီးတာနဲ့ နောက် ထပ်မလာဖြစ်ကြတော့တာပဲ များလေရဲ့။ ဒါပေမယ့် ကိုယ်ကတော့ ကိုယ့်ယုံကြည်ချက်နဲ့ကိုယ်။ ထားပါတော့လေ။ သည်လိုနဲ့။ တနေ့ တာရာဆိုတဲ့ သူငယ်ချင်းမလေးက ပြောလာသည်။ " နေ... မင်းအခန်းကို ငါရှင်းပေမယ်။ နက်ဖန် ဂျက်စတင့်အမေလာရင် ငါတို့ နှစ်ယောက် ရှင်းပေးမယ်။ လောလောဆယ်တော့ နက်ဖန် မင်း အလုပ်သွားရင် မင်းအရေးကြီး တဲ့ စာရွက်စာတမ်းတွေ သိမ်းဆည်းထား။ ပြီးရင် မနက်မှာ ငါ့ကို မင်းအခန်းသော့ ပေးထားခဲ့"တဲ့။

စဉ်းစားဖြစ်သေးသည်။ ကောင်းပါ့မလား။ သူတို့ဆီက အကူညီယူဖို့။ ပြီးတော့ သည်နိုင်ငံမှာက ငွေမရဘဲ တော်ရုံနဲ့ လုပ်ပေးတတ်ကြတာမဟုတ်။ သူက ကိုယ်စဉ်းစားလွန်းမက စဉ်းစားနေပုံထောက်ပြီး ထပ်ပြောတော့ ကိုယ်လည်း သော့ကို ပေးထားဖြစ်ခဲ့သည်။ ကိုယ်အလုပ်က ပြန်လာတော့ သူတို့သားအမိ သုံးယောက်စလုံး ချွေးတွေ စို့ပြီး ကိုယ့်အိမ်ရှေ့မှာ အမောဖြေနေကြပြီ။ ကိုယ်ကလည်း တော်တော့်ကို ချာတဲ့သူ။ သူတို့တတွေ မောရင် သောက်ဖို့ ရေခဲ့သေတ္တာထဲမှာ ရေသန့်ဗူးလေးတောင် ထည့်မထားဖြစ်ခဲ့။ တော်တော့်ကို အားတုံ့အားနာဖြစ်ခဲ့ရသည်။ ကိုယ့်ကို မြင်တော့ ဂျက်စ်တင့်မိခင်ကြီးက " နေ.. မင်းအိပ်ယာခင်း လဲဖို့ လိုနေပြီ။ နက်ဖန် သမီးကြီး ဘရန်ဒီလာလိမ့်မယ်။ သူ့ကို ငါမှာထားတယ်။ အိပ်ယာခင်း အသစ်လဲဖို့။ ငါ့ဆီမှာ အသစ်ရှိတယ်" တဲ့။ ကိုယ် ဘာဆက်ပြောရမလဲ။ နွေးထွေးလိုက်တာ။ ကြင်နာဂရုစိုက်လိုက်တာ။

ဟိုးလွန်ခဲ့တဲ့ မြန်မာသင်္ကြန်ကာလ မတိုင်မီလေးဘဲ ကိုယ် ကားတိုက်မှုဖြစ်ခဲ့သည်။ အဲသည်တုန်းက တိုက်တာက ကိုယ်ရယ်။ မှားတာက တစ်ဘက်က မောင်းလာတဲ့သူ။ ဖြစ်စတုန်းက ကိုယ်က အတွေ့ကြုံက မရှိ။ စကားက ရေရေလည်လည် မပြောတတ်။ တစ်ဘက်သူက မင်းမှားတာ။ မင်းငါ့ကို တိုက်တာ။ မင်းအာမခံကုမ္မဏီနဲ့ မင်း ယာဉ်မောင်းလိုက်စင်ပေးဆိုပြီး လုပ်သည်။ ကိုယ်တော်တော်လေး စိတ်ပျက်သွား သည်။ ရဲကား မလာခင် အပြီးရှင်းထားမှ။ မဟုတ်ရင်... ။ ဒါနှင့် ပူထူပြီး ကိုယ့်အသိသူငယ်ချင်းတွေဆီ ဖုန်းတွေ စွတ်ခေါ်သည်။ တစ်ယောက်မှ မအားကြ။ နောက်ဆုံးတော့ ကိုယ့်ဘော်ဒါတွေ (ဂျက်စ်တင်နဲ့ တာရာ)ဆီခေါ်လိုက်တော့မှ သူတို့က ဆယ်မိနစ်အတွင်းရောက်လာသည်။ ။ ဖြစ်စဉ်ကို သူတို့ကို ပြောပြ လိုက်တော့ သူတို့က "နေ မင်းမှားတာ မဟုတ်ဘူး။ သူ သက်သက်မဲ့ ညစ်နေတာ"လို့ ပြောပြီး ရဲကို ဖုန်းခေါ်သည်။ သူတို့ ရောက်မလာခင်တုန်းက ကိုယ်က အမှား။ ကိုယ်က လျော်ပေးရတော့မလို့။ သူတို့ ရောက်လာပြီး ရဲရဲ့မှတ်ချက်က ကိုယ်က အမှန်၊ တဘက်လူက အမှားဖြစ်သွားသည်။ အဲသလို ကိုယ့်ကို ကူညီခဲ့သူတွေ။

(၂)

သူတို့တတွေ ကိုယ့်အခန်းလေးကို သန့်ရှင်းရေးလုပ်ပေးပြီး နောက်တစ်ရက်။ တာရာက မေးသည်။ " နေ.. မင်း သည်ဖန်ခွက်ကြီးထဲ ရေထည့်ပြီး ဘာလုပ်တာလဲ" တဲ့။ သူ ပြောသည့် ဖန်ခွက်ကို ကြည့်လိုက်တော့ ဘုရားသောက်တော်ရေခွက်။ တကယ်တော့ သည်ဖန်ခွက်ကြီးက တခါမှ မသုံးရသေးသည့် ဘီယာသောက်သည့် ဖန်ခွက်။ သူတို့ ကိုယ့်မွေးနေ့တုန်းက လက်ဆောင်ပေးခဲ့သည့်ခွက်ဖြစ်သည်။ အဲသည်တုန်းက ကိုယ်က သည်ခွက်က အကြီးကြီးဆိုတော့ ဘုရားသောက်တော်ရေခွက်အဖြစ် အသုံးပြုလိုက်ရင် သူတို့လည်း ကုသိုလ်ရ၊ ကိုယ်လည်း ကုသိုလ်ရဆိုပြီး ဘုရားသောက်တော်ရေခွက်အဖြစ် စတင် အသုံးပြုလိုက်ခြင်းဖြစ်သည်။

အခုတော့ အဲသည်သူတို့ မွေးနေ့လက်ဆောင်ပေးခဲ့ကြသည့် ဖန်ခွက်ကြီးအကြောင်းပဲ မေးနေကြပြန်ပြီ။ဘယ်လိုဖြေရှင်းပြရပါ့။ ယုံကြည်သက်ဝင်မှု မတူကြသည့် နှစ်ဦးနှစ်ဘက်အကြား တစ်ယောက်ကို တစ်ယောက် ၊ တစ်ဘက်ကို တစ်ဘက် ငြိမ်းချမ်းလေးစားစွာ အတူနေထိုင်ကြဖို့ နာလည်မှုက ၉၉ ရာခိုင်နှုန်း မျှ အရေးကြီးသည်။ သို့ဖြင့် ကိုယ်က ဗုဒ္ဓဘာသာဖြစ်လာခြင်းရဲ့အကြောင်း ပြီးတော့ ကိုယ်တို့ ကိုးကွယ်ကြသည့် ဗုဒ္ဓဟူသည့် မဟာလူသားအကြောင်း၊ ဗုဒ္ဓကို ကိုယ်တို့ ဗုဒ္ဓဘာသာဝင်တွေက မည်ကဲ့သို့ လေးစားကိုးကွယ်ယုံကြည်ကြသည့်အကြောင်း ရှင်းပြဖြစ်သည်။ ပြီးတော့ ခဏ ငါးမိနစ်လောက်စောင့်ဆိုပြီး ကိုယ်က အွန်လို်င်းကနေ တရားဓမ္မအချို့ကို ရှာဖွေကြည့်လိုက်သည်။ သူတို့တတွေကို ဘာကြောင့် သောက်တော်ရေချမ်းကပ်လှူဒါန်းရတာလဲဆိုသည့် အဖြေကို ကိုယ်လက်လှမ်းမီသလောက် ရှင်းပြဖြစ်သည်။

သူငယ်ချင်းနှစ်ယောက်ခမျာတော့ တကယ်သဘောတူ လက်ခံကြတာပဲလား၊ သံသယနဲ့ ခေါင်းညိမ့် သွားကြ တာပဲလား၊ မပြောတတ်။ ခေါင်းတွေက တညိမ့်ညိမ့်။ အဲသည်လို ခေါင်းတွေ ညိမ့်နေကြ တာတွေ့တော့ ကိုယ်က အမှတ်မထင် တစုံတခုကို သတိရပြီး ပြုံးဖြစ်လိုက်သည်။ အဲသည်အပြုံးကို မိမိရရ ဖမ်းမိလိုက်သော ဂျက်စ်တင်က ဘာကြောင့် ပြုံးတာလဲတဲ့။ အစတော့ ကိုယ်က ပြန်ရှင်းပြတော့ မလို့။ ဒါပေသည့် သူ့မိခင်ကြီးက လှမ်းခေါ်နေသဖြင့် သူတို့လည်း အချိန်မရတော့။ ကိုယ်လည်း ဆက် မရှင်းပြဖြစ်တော့။

(၃)

ရှင်တော်ဘုရား ခြောက်နှစ်တာ ပတ်လုံး ဒုက္ကရစရိယာအကျင့် ကျင့်ပြီး သိပ်မကြာခင် သဗ္ဗညုတ ဥာဏ်တော်ရှင် အဖြစ် ဖြစ်တော်မူခဲ့သည်။ ဘုရားအဖြစ်ရောက်တော်မူပြီး မည်သူ့ကို ပထမဆုံး တရားဦးဟောရမလဲဟု ဆင်ခြင်သုံးသပ်တော်မူသောအခါ ပဉ္စ၀ဂ္ဂီငါးဦးကို မြင်တော်မူပြီး ပဉ္စ၀ဂ္ဂီငါးဦးရှိရာ ဥရုဝေလတောသို့ ကြွတော်မူခဲ့သည်။ အဲသည်တုန်းက လမ်းမှာ တက္ကဒွန်းတစ်ဦးကို တွေ့ခဲ့သည်။ တက္ကဒွန်းကြီးက ရှင်တော်ဘုရားကို မြင်ပြီး " ငါ့ရှင် ငါ့ရှင်ရဲ့ ရုပ်ရည်အဆင်းရူပကတွေက တယ်ကို ကြည်လင်တာပဲ၊ မင်း ဆရာ ဘယ်သူပါလိမ့်၊ သိပါရစေ" လို့ မေးမြန်းစူးစမ်းသည်။ ရှင်တော်ဘုရားက " သူ့မှာ လောကုတ္တရာဆရာ မရှိတဲ့အကြောင်း ရှင်းပြပြီး ငါ့နာမည်က ဇိနမည်တဲ့အကြောင်း ရှင်းပြတော်မူသည့် အခါ အဲသည်တက္ကဒွန်းက ဟုပေယျာဝုသော - ငါ့ရှင် ဟုတ်ပေမှာပဲဆိုတဲ့ အတွေးလေး နဲ့ ခေါင်းလေးညိမ့်ပြီး ရှင်တော်ဘုရားကို လမ်းခွဲသွားသည်ဟူသတတ်။

အခုလည်း ကိုယ့်ကျေးဇူးရှင်လေးတွေက ကိုယ်တို့ ဘာကြောင့် ဗုဒ္ဓကို ကိုးကွယ်ကြတာလဲ၊ ဘာကြောင့် သောက်တော်ရေချမ်း ကပ်လှူဒါန်းဖြစ်ကြတာလဲဆိုသည့် အကြောင်းတွေကို နားထောင်ပြီး ခေါင်းတွေ ညိမ့်နေကြသည်။ အဲသည် သူတို့ညိမ့်လိုက်သည် ခေါင်းတွေက ခုနက တက္ကဒွန်းကြီး ညိမ့်ခဲ့သည့် အညိမ့်မျိုးနဲ့ မတူနိုင်ပေဘူးလား။ တကယ်လို့ တူခဲ့မယ်ဆိုရင် ... သူတို့ ရနိုင်သည့် အကျိုးကျေးဇူးအချို့ ကော မဆုံးရှုံးသွားနိုင်ဘူးလား။ တကယ်လို့ မတူခဲ့ဘူးဆိုရင် သူတို့လေးတွေ စိတ်ဝင်စားနေသည့် ဘာသာတရားတခုအကြောင်း ဆက်ပြောမပြသင့်ဘူးလား။

(၄)

တကယ်လို့ ကိုယ်ပြုံးဖြစ်ခဲ့သည့် အပြုံးတခုအကြောင်း ရှင်းပြဖြစ်ခဲ့မယ်ဆိုရင် ရှင်တော်ဘုရားကို ဦးဆုံးတွေ့ပြီး တွေ့ရုံနဲ့တင် ပြီးဆုံးသွားခဲ့သည့် တက္ကဒွန်းတစ်ယောက်အကြောင်း ရှင်းပြဖြစ်ပေဦးမည်။ အဲသည်လို အခြားတဘက်ကနေလည်း သူတို့လေးတွေ ကိုယ်ရှင်းပြသည့်အကြောင်းကို နားလည် မလည်၊ ကိုယ်တို့ယုံကြည်မှုတွေ သူတို့သာဆို လက်ခံနိုင် မနိုင်ဆိုတာလေးတွေကိုပါ သိချင်လှသေးသည်။

ကိုယ်စီ ပြန်လည် ပြောခွင့်ရကြ ဦးမယ်ဆိုရင်ပေါ့လေ။

နေသစ်မှူး

(၀၇၊၂၁၊၂၀၁၂) ည ၁၀း၅၉ နာရီ

(သည်စာကို လွန်ခဲ့တဲ့ လေးလလောက်ကတည်းက စ ရေးဖြစ်ပါတယ်။ အဆုံးမသတ်ဖြစ်တာနဲ့ ။ အခုမှပဲ အချောသတ်ဖြစ်ခဲ့တာပါ)

ပြန်လည် ပြောဖြစ်ခဲ့မယ်ဆိုရင် (၁၉)

2012-07-19T20:42:00.003-07:00

ယောနိသော မနသိကာရ (သို့မဟုတ်) ပြန်လည်ပြောဖြစ်ခဲ့မယ်ဆိုရင် (၁၉)

(၁)

နေ့ခင်းက မိုးသက်လေပြင်းလေး တိုက်ခတ်ပြီး ခပ်ကြာကြာလေး မိုးရွာထားသည်မို့ အခန်းထဲမှာ အအေးပေးစက် ဖွင့်ထားစရာမလိုတော့။ အပူချိန် လျှော့ကြသွားသည်ကိုက ကိုယ့်အတွက် ၀မ်းသာစရာပဲ မလား။ မဟုတ်ရင်.. အအေးပေးစက်ဖွင့်၊ မီတာခတက်၊ ပိုက်ဆံကုန်။ ပြီးတော့ အအေးပေးစက် ဖွင့်ထားချိန်ဆို ကိုယ့်အခန်းကျဉ်းလေးက တကယ့်ကို ဆူညံနေသည်။

အခုတော့ကိုယ့်အခန်းကျဉ်းလေးကတိတ်ဆိတ်လို့။တချက်တချက် လေယာဉ်အတက်ဆင်း လေယာဉ်သံ လေးတွေကလွဲလို့ ဘာဆို ဘာမှမကြားရ။ အပြင်မှာလည်း အပူချိန်လျော့နေသည်ဆိုတော့ နောက်ဘေး ဘက်က မြက်ခင်းပြင်မှာ သွားထိုင်ပြီး စာဖတ်နေရင် ကောင်းမလား။ ဒါမှမဟုတ်.. ကွန်ပျူတာ လေးယူပြီး အပျင်းပြေ မြက်ခင်းပြင်မှာပဲ မြန်မာဗွီဒီယိုဆိုဒ်တွေကနေ မြန်မာကားလေး ကြည့်ရင် ကောင်းမလား။ တကယ်ဆို ကိုယ်က သည်နေ့ည သင်တန်းသွားရမှာ။ ပျင်းတာနဲ့ မသွားရင်ကောင်းမလားလို့ တွေးပြီး အခန်းထဲ ၀င်ခါရှိသေး သင်းတန်းတာဝန်ခံက သည်နေ့ သင်တန်းနားတဲ့အကြောင်း ဖုန်း ဆက်ပြောလိုက်တော့ စူဠလိပ် ရေထဲလွှတ် လိုက်သလို ဘာပြောကောင်းမလဲ၊ကျေးဇူးတင်စကား မွှန်ထူနေအောင်ပြောဖြစ်လိုက်သည်။ အခါတိုင်းဆို ညနေတိုင်းလိုလို သည်မြက်ခင်းလေးက ကိုယ်နဲ့ ကိုယ့်သူငယ်ချင်းတွေ ဆော့ကစားနေကြ နေရာ။ တခါတလေ Corn Hole Game ကစားတတ်သလို တခါတရံ Beer Pong Game လည်း ကစားတတ်သည်။ တခါတလေတော့ ကိုယ့်ဘာသာ ဘီယာပုလင်းလေးဘေးချပြီး စီးကရက်လေးဖွာရင်း အနားမှာ အစာရှာရင်း လာကစားနေတတ်သည့် ယုန်ကလေးတွေကို ငေးကြည့်နေတတ်သည်။ (သည်လိုနေရတာကိုပဲ ကဗျာဆန်တယ် အထင်နဲ့ နေနေလိုက်တာ ယမကာလုလင်လေး ဖြစ်မှန်းမသိ ဖြစ်လာတော့သည်။)

မြက်ခင်းလေးပေါ်မှာထိုင်ပြီး စာလေး ဖတ်မယ်ကြံကာရှိသေး။ အရင်က သောက်ခဲ့ဘူးသည့် ဘီယာနဲ့ စီးကရက်လေးကို သတိရနေမိသည်။ ဘီယာသွားဝယ်ရင် ကောင်းမလား၊ ဒါမှမဟုတ်၊ သူငယ်ချင်း တာရာ(TIARA) ဆီက ဆေးလိပ်တောင်းသောက်ရင် ကောင်းမလား။ စိတ်က ဝေခွဲမရ။ ကိုယ့်စိတ်ကို တည်ငြိမ်အောင် ကြိုးစားထိန်းယူနေရသည်။ အရင်လို စိတ်မျိုးနှင့်ဆို အတွေးမဆုံးခင် လူက အနားမှာရှိသည် ဘီယားဘားကို ရောက်နေလောက်ပြီ။ အခုတော့ ကိုယ်ကိုယ်တိုင်က မသောက်ဘဲ နေမည်လို့ ကိုယ့်ကိုယ်ကို တာဝန်ယူထားသည့်ကိစ္စ။ ကိုယ့်ဘာသာ ကိုယ်ပေးပြီး ကိုယ်ဘာသာ ကိုယ်မလိုက်နာဘဲ ဖောက်ဖျက်မည် ဆိုလျင်လည်း မည်သူမျှတော့ မသိပါ။ ဒါပေမယ့် လူမသိသူမသိ ကိုယ့်ကိုယ်ကို ယုံကြည်မှုတွေကတော့.. ပျက်ဆီးသွားရပေလိမ့်မည်။

(၂)

ကိုယ်ဆေးလိပ်တွေ ဘီယာတွေ သောက်တာတွေ ရပ်နားတော့မည်လို့ ပြောတော့ သူငယ်ချင်း တာရာက “ နေ မင်း ရပ်နားတာ နှစ်ပါတ်လား”တဲ့။ သူ့ချစ်သူ ဂျက်စ်တင်ကတော့ ဘာမျှမပြော။ နံဘေးကနေ ရယ်နေရုံသာ။ အင်း သူပြောမယ်ဆိုလည်း ပြောစရာ။ ကိုယ် အမေရိကားကို ရောက်ကတည်းက ရွှေပြည်ကြီးက ပါလာသည့် အကျင့်လေးတွေ ဖြတ်ပစ်ဖို့ ကြိုးစားခဲ့သည်။ ကွမ်းစားတာ ပြတ်သွားသည်။ အလွယ်တကူကွမ်းရွက် ၀ယ်မရတာကြောင့်လည်း ပါသည်။ ဒါတောင် တခါတလေ အိန္ဒိယကုလားဆိုင် ရောက်ရင် မျက်လုံးက ကွမ်းရွက်နဲ့ ကွမ်းသီး ရှာနေမိတတ်သည်။ နောက်တော့ အလ်အေနဲ့ ဆန်ဖရန်စစ္စကိုကို အလည်ရောက်တော့မှ ရွှေသွားဆရာဝန်တွေရဲ့ ဆေးခန်းမှာ သွားတွေ သန့်ရှင်းရေးလုပ်ပြီးတော့မှပဲ ကွမ်းကို လုံးဝပြတ်သွားတော့ သည်။ ဆေးလိပ်ကိုတော့ ရောက်လေရာ အရပ်တိုင်း ဖြတ်နိုင်ဖို့ အကြိမ်ကြိမ်ကြိုးစားခဲ့ဖူးသည်။ တာရာပြောသလိုမသောက်ဖြစ်လည်း နှစ်ပါတ်၊ ပြန်သောက်ဖြစ်လည်း နှစ်ပါတ်လို့ပဲ ပြောရတော့မလိုဘဲ။ ဖြတ်လိုက်၊ နားလိုက် ပြန်သောက်လိုက်( ပြတ်တယ်လို့ ပြောလို့မရ)။ သည်တခါတော့…။

သည်တခါတော့ ပြန်သောက်ချင်သည့် စိတ်ကလေး ပေါ်လာပြီး စိတ်ဂနာမငြိမ်ဖြစ်လာသည့်အခါ လွန်ခဲ့တဲ့ ဆယ်တစ်နှစ်ကျော် ဆယ်နှနှစ်ကာလလေးတခုကို ပြန်ပြန် တွေးနေမိသည်။ အဲသည်တုန်းက ကိုယ်က အသက် ဆယ့်ရှစ်နှစ်လားပဲ ရှိသေးတာ။ ချမ်းအေးလှတဲ့ ပြာသိုလကြီးမှာ ကိုယ်တို့ သူငယ်ချင်းတွေ မန္တလေးမှာ စာမေးပွဲဖြေရောက်နေကြတယ်။ အဲသည်တုန်းက စာမေးပွဲ ဒုတိယရက်မှာ မေးတာ ခက်လွန်းလို့ တော်တော်များများ မဖြေနိုင်ကြ။ အဲသည်ထဲမှာ ကိုယ်အပါဝင်ပေါ့လေ။ နောက်တတိယရက်မှာ သူငယ်ချင်းတစ်ယောက်က စိတ်ညစ်လို့ ဆိုပြီး သူကိုယ်တိုင်ဆေးလိပ်ဗူးတွေကို ကာတွန်လိုက်ဝယ်၊ ကိုယ်တိုင်လည်း သောက်၊ ကျန်တဲ့သူငယ်ချင်း တွကိုလည်း လိုက်ဝေပေးပါရောလား။ ကိုယ်လည်း တဗူးရလိုက်တော့ ဘာရမလဲ။ ခပ်တည်တည် ပဲ သောက်တတ်သလိုလို ဘာလိုလိုနဲ့ ယူသောက်ဖြစ် လိုက်ပါရော။

တကယ်ဆို ဇာတ်လမ်းက သည်မျှနဲ့ တခန်းရပ်ခဲ့ရင်တော့ အကောင်းသား။ အဲသည်တုန်းက မရပ်ဖြစ်ခဲ့။ စာမေးပွဲဖြေပြီးတာနဲ့ ကိုယ်တို့ သူငယ်ချင်းတတွေ စုပြီး ပြင်ဦးလွင်ကို တက်ဖြစ်ကြသည်။ ကိုယ်က တစ်လမ်းလုံး ဆေးလိပ်တစ်ဗူးထပ်ဝယ်ပြီး သောက်တတ်သလိုလို ဘာလိုလိုနဲ့။ လူပျိုပေါက်အရွယ်ဆိုတော့ ကိုယ့်ကိုယ်ကို အဟုတ်ထင်ပြီး ဘယ်နေရာရောက်ရောက် ဆေးလိပ်ကလေး လက်ကြားညှပ်လို့ပေါ့။ ကိုယ့်အမူအရာကို အမြင်ကဒ်တဲ့ သူငယ်ချင်းတယောက်က ပြောပါလေရော။ပွဲကောက်ရေတံခွန်နားမှာ ထင်ပါရဲ့။ ဟေ့ကောင် မင်း မသောက်တတ်ဘဲနဲ့ မသောက်နဲ့။ ငွေတွေ အလကားမီးရှို့နေတာတဲ့။ သူ့စကားကြား တုန်းက ကျွန်တော် တော်တော်လေး ဒေါသထွက်သွားသည်။ သည်ကောင် ငါ့ကို ဖဲ့တာ။ နှိမ်တာဆိုပြီး သူ့ကို ပြန်ပြောဖြစ်လိုက်သည်။ “ငါသောက်တတ်အောင် သောက်ပြမယ်။” သည်လိုနဲ့ ကျွန်တော် ဆေးလိပ်သောက်တတ်သွားပြီး လုံးဝဖြတ်မနိုင်လောက်အောင် ဆေးလိပ်စွဲသွားခဲ့သည်။

(၃)

ကိုယ် ကျင်လည်ခဲ့ဖူးသည့် ပတ်ဝန်းကျင်မှာ ကိုယ်ကျင့်သိက္ခာပိုင်းရော စာပေပညာဘက်ပိုင်းပါ ထူးချွန်သည့် သူတစ်ဦးကို ကြုံဆုံလေးစားခွင့်ရခဲ့ဖူးသည်။ အခါအခွင့်သင့်တိုင်း အခုနောက်ပိုင်း ခင်မင်ရင်နှီးသည့် မိတ်ဆွေများကို သည်အကြောင်း ဖောက်သည်ပြန်ချ ပြောပြဖြစ်ခဲ့သည်။ တဆင့်စကားဖြင့် သူ့အကြောင်းကို ကြားခဲ့ဖူးသည်။ အဲသည်တုန်းက သူက အသက် ဆယ့်လေးငါးနှစ်အရွယ်။ သူတက်သည့်ကျောင်းက ကျောင်းသားတချို့က သူ့ကို စကြ နောက်ကြသည်။ သည်ကောင်က ပေစုတ်စုတ်နဲ့။ သူကြည့်တော့ ဟုတ်မလိုလိုနဲ့။ သူက အဲသည်လို အစခံရတိုင်း စိတ်ထဲနာကျဉ်သွားသည်။ သို့ဖြင့် အဲသည်အချိန်ကစပြီး မခံချင်စိတ်ဖြင့် စာကြိုးစားလိုက်တာ အတန်းတိုင်းမှာ အတန်းထဲမှာ ကျောင်းမှာ နောက်ဆုံး တနိုင်ငံလုံးမှာပါ ပထမဆု ၊ နံပါတ်တစ်ဆိုသည့် နေရာကနေ အောင်ဂေဇက်တိုင်းမှာ သူ မဆင်းတော့။ သူ့ကို နာကျဉ်အောင် ပြောဆိုခဲ့ကြသူများကို ရန်တုံ့မမူဘဲ ကိုယ့်အရည်အသွေးကို ထူးချွန်အောင် ကြိုးစားပြခဲ့သည်။

(၄)

မြန်မာစာ မြန်မာစကား၊ ဗုဒ္ဓတရားတော်များတွင် ယောနိသောမနသိကာရ ဆိုသော စကားလေး ရှိသည်။ မန်မာမှုပြုလျှင် သင့်တင့်လျောက်ပတ်အောင် နှလုံးသွင်းခြင်း၊ သင့်တော်မှန်ကန်အောင် တွေးတောဆင်ခြင်ခြင်း (စိတ်ကောင်းနှလုံးကောင်းရှိခြင်း)ဟု ဘာသာပြန်လျှင် ရမလားဘဲ။ အကြောင်းအရာတခု၊ အပြုအမူတခု၊ အတွေ့အကြုံတခု စသဖြင့် တခုခုနှင့် ကြုံရတိုင်း ကောင်းသည့်ဘက်က လက်ခံတတ်ဖို့ အရေးကြီးသည်။ ကောင်းသည့်အကြောင်းအရာဘက် ကောင်းသည့်အမူအကျင့် ဘက်၊ ကောင်းသည့် အိပ်မက်ဘက် ဦးတည်သွားလျင်ကား ပြဿနာမရှိ။ အဆိုးဘက် ဦးတည်သွားပြီ ဆိုလျှင် အဲသည်အမူအကျင့်က လူကို တော်တော်လေး ဒုက္ခပေးနိုင်သည်။

မြတ်စွာဘုရားလက်ထက်က နောက်ပါပရိသတ်ကြောင့် ဘုရားရှင်ရဲ့ ကဲ့ရဲ့မှုကို ခံရသည့် မထေရ်တပါး ရှိခဲ့ဖူးသည်။ အဲသည်မထေရ်က သည်ပရိတ်သတ်ကြောင့် ဘုရားရှင်ငါ့ကို ကဲ့ရဲ့တာဆိုတော့ သည်ပရိသတ် ကြောင့်ပဲ ဘုရားရှင်ရဲ့ ချီးမွမ်းမှုကို ငါ ပြန်ရအောင် ကြိုးစားမယ်ဟု စိတ်ဆုံးဖြတ်ပြီး ပြုမူနေထိုင်ခဲ့သည်။ နောက်တော့ သူစိတ်ဆုံးဖြတ်ချက်အတိုင်း ဘုရားရှင်ကိုယ်တော်မြတ် ပြန်လည်ချီးမွမ်းခဲ့ရသည်။ သိပ္ပံပညာရှင်ကြီး အက်ဒီဆင်က လျှပ်စစ်မီးတီထွင်သည့် အခါတုန်းက အောင်မြင်မှုမရတဲ့ အကြိမ်တွေကြုံတိုင်း (စိတ်ဓာတ်ကျမသွားဘဲ) ရှာဖွေလေ တွေ့ရှိလေဆိုသည့် သဘောထားဖြင့် နောက်ဆုံး သည်နေ့ခေတ် လူသား တွေအတွက် အလင်းရောင် ဖန်တီးပေးနိုင်ခဲ့သည်။

တလောက ဂျာနယ်တစောင်တွင် IQ နှင့် EQ အကြောင်းရေးထားတာ ဖတ်လိုက်ရသည်။ အရင်တုန်းက အောင်မြင်မှုရဖို့အတွင် IQ နှင့် အဓိက ပေတံတိုင်းသည်ဟု ဆိုသည်။ အခုနောက်ပိုင်းကျတော့ IQ ချင်း တူသည့်သူအချင်းချင်း ယှဉ်ပြိုင်လာရမည်ဆိုလျှင် EQမြင့်သူက သာစမြဲဟု ဆိုထားသည် မှာလည်း ယောနိသောမနသိကာရသာ အခရာဟု ဆိုသည်နှင့် ဘာမျှ မခြား။

(၅)

ဆေးလိပ်မသောက်ဖြစ်အောင် စေတနာနဲ့ ပြောခဲ့တဲ့သူငယ်ချင်းသာ ကိုယ် အခုလို ဖြစ်နေတာကို ကြားရင် သူရယ်သွမ်း သွေးနေမလား။ ဒါမှမဟုတ်။ ဂရုဏာဒေါသနဲ့ ငါသတိပေးခဲ့ရဲ့သားနဲ့။ စိတ်ကောင်းနှလုံးကောင်း ထားပြီး ငါသတိပေးသလို မသောက်ဖြစ်ခဲ့ဘူးဆိုရင်လို့များ တွေးပြီး မချင့်မရဲ ဖြစ်နေမလား။

တကယ်လို့သာ သည်အကြောင်းကို သူသိသွားလို့ ပြောဖြစ်ခဲ့ဦးမယ်ဆိုရင် “ သူငယ်ချင်းရေ… စိတ်ကောင်းနှလုံးကောင်းနဲ့ လက်မခံတတ်တဲ့ ကိုယ့်အတွက် နောင်တရမိပေမယ့် ယောနိသော (စိတ်ကောင်း နှလုံးကောင်းလေး)မွေးမြူတတ်ဖို့ အရေးကြီးတယ်ဆိုတာ သိသွားပြီးသူငယ်ချင်းရေ” ဟု ပြန်လည် ပြောလိုက်ချင်သေးသည်။

ဒါပေသည့်……… အခုတော့……………။ ။

နေသစ်မှူး

(၀၇၊၁၉၊၂၀၁၂) ည ၁၁း ၂၇ နာရီ

ချမ်းမြေ့တဲ့ဘ၀င် ၊ ပျော်ရွှင်တဲ့ ဘ၀ (၁)

2010-06-22T17:52:00.000-07:00

ကြောက်စိတ်နဲ့ သောက

Wheresoever fear arises, it arises in the fool, not in the wise man. (Buddha)

လူမိုက်တွေဆီပဲ ကြောက်စိတ်က မင်းမူချင်တိုင်း မင်းမူလို့ရပေမယ့် ပညာရှိသူတွေဆီမှာတော့ ကြောက်စိတ်က နည်းနည်းလေးမှ လွှမ်းမိုးလို့ ရမယ် မဟုတ်ဘူး၊။။

အောင်မြင့်ဖို့ပဲ ဖြစ်ဖြစ် ကျရှုံးဖို့ပဲ ဖြစ်ဖြစ် လူတိုင်းကို တုတ်နှောင်ထားတဲ့ အရာက ကြောက်စိတ်ပဲဖြစ်တယ်။ အဲဒီကြောက်စိတ်ဆိုတာလည်း လူတိုင်း (သတ္တ၀ါ)တိုင်း မွေးရာပါဗီဇစိတ်ဖြစ်ပြီး ပုထုဇဉ်ပီသတဲ့ အချင်းအရာ တစ်ခုလို့ ဆိုပါတယ်။ ဒါပေမယ့် ကြောက်စိတ်နဲ့ သောကဟာ အမြဲတမ်းပူးတွဲနေတတ်သလို လူတွေကိုလည်း အမြဲတမ်းပူးသတ်နေပြန်ပါတယ်။ ဒေါက်တာ ကေ သိရီ ကတော့ ကြောက်စိတ်အားကြီးတဲ့ လူငယ်တစ်ယောက် ဟာ သက်ကြီးရွယ်အိုတစ်ယောက်လို မသန်မစွမ်းဖြစ် သွားတတ်သလို၊ ကြောက်စိတ် အားကြီးနေတဲ့ လူကြီးတွေအဖို့ လည်း အသက်ရှင်သန်ရခြင်းဟာ တော်တော့်ကို ရှည်လျားတဲ့အရာလို့ ဆိုပါတယ်။ တကယ်တော့ ဘ၀ဆိုတာ မတည်မြဲမှုတွေ၊ ရွေ့လျားပြောင်းလဲလာမှုတွေနဲ့ အမြဲရွေ့လျား သွားလာနေတဲ့ ပန်းချီကား တစ်ချပ်သာသာပါပဲ။ ဒါပေမယ့်.. အဲဒီပြောင်းလဲနေတဲ့ ပန်ချီကားအရှင်ကြီးကို လူသားတွေက တည်မြဲနေ စေချင်တယ်။ တည်မြဲအောင် ဆွဲကိုင်ထားချင်တယ်။

ကိုယ်က ပျော်စရာ၊ စိတ်ချမ်းသာစရာတွေနဲ့ တွေ့နေရင် အချိန်တွေ အကုန်မြန်လှချေလားလို့ ထင်တတ်ပေမယ့် ဒုက္ခသုက္ခတွေ သောကတွေနဲ့ တွေ့နေရရင်တော့ အချိန်တွေ ကုန်ခဲလှချေလားလို့ အပြစ်တင်ငြီးငြူတတ်ကြတာ လူတိုင်းရဲ့ သဘာဝတစ်ခုပဲ မဟုတ်လား။ တကယ်တမ်းမှာတော့ ဘ၀ရဲ့ အတက်အကျတွေကို ကိုယ့်ရဲ့ စိတ်(အတ္တ)ကသာ ကြိုးဆွဲခံထားရတဲ့ ရုပ်သေးရုပ်လို ဘ၀ရဲ့အတက်အကျတွေကို ဆွဲထားနေတာပါပဲ။ ဒါကြောင့် ရှင်တော်ဘုရားက မိန့်ခဲ့တယ်။ “အချစ်ကြောင့် သောကတွေ ဘေးဒုက္ခတွေဆိုတာ ဖြစ်လာရတာတဲ့။ အဲဒီအချစ်တွေ မရှိတော့ ရင် သောကတွေ ဘေးဒုက္ခတွေကနေ လွတ်မြောက်မှာပဲ”တဲ့။ ဒီနေရာမှာ ဆိုတဲ့ အချစ်ဆိုတဲ့ ဝေါဟာရမှာ မောင်ချစ် နှမချစ်၊ သားချစ်၊ သမီးချစ်၊ လင်ချစ်မယားချစ်၊ စတဲ့ အချစ်မျိုးစုံ ပါဝင်ပါလိမ့်မယ်။ နောက်ဆုံးအချစ်ကတော့ ကိုယ့်ကိုယ်ကို ချစ်တဲ့အချစ်ထိ အပါအ၀င်ပေါ့။ ဆယ်ကျော်သက် လူငယ်တွေဆိုရင် ကိုယ့်ချစ်သူအထင်ကြီးဖို့ အစွမ်းကုန် ကြိုးစားပြတတ်သလို၊ အဲဒီအချစ်ကြောင့်ပဲ အဲဒီအရွယ်မှာ မိုက်ရူးရဲစွာနဲ့ ကိုယ့်ကိုယ်ကို အဆုံးစီရင်ပစ်တတ်ကြပြန်တယ်။

ဒေါက်တာ ကေ သိရီ ဆိုတာကတော့ ကြောက်စိတ်ဟာ စိတ်အခြေအနေ တစ်ခုထက် ဘာမှ ပိုလွန်တဲ့ အရာ မဟုတ်ဘူးလို့ ဆိုပါတယ်။ အဲဒီစိတ်ကို အပျက်ဘက်ကနေ သုံးမယ်ဆိုရင် ကြောက်စိတ်ပဲ ဖြစ်လာမှာ ဖြစ်ပြီး အပြုသဘောနဲ့ ထိန်းချုပ်မယ်ဆိုရင်တော့ ပျော်ရွှင်ကြည်နူးချမ်းမြေ့စရာတွေ၊ နိုးကြွနေတဲ့ မျှော်လင့်ချက်တွေနဲ့ တကယ့်ကို ချမ်းမြေ့စရာအနာဂတ်တစ်ခုကို ဖန်တီးနိုင်လိမ့်မယ်လို့ဆိုတယ်။ ဒါဆိုရင် လူတွေရဲ့ ဘ၀အတက်အကျတွေကို ချုပ်ကိုင်ထားတဲ့ အရာက ပတ်ဝန်းကျင်က မဟုတ်ဘဲ မိမိရဲ့ စိတ်အခြေနေထဲက ကြောက်စိတ်က အခရာပဲ ဆိုတာ ထင်ရှားနေပြီပဲ။ ဗုဒ္ဓစာပေမှာတော့ “စိတ်အလိုလိုက်ခြင်းဟာ ဆုံးရှုံးပျက်စီးခြင်းရဲ့ အစ” လို့ ဆိုသလို “ လောကကြီးကို စိတ်ကသာ ဦးဆောင်နေတယ်”လို့ ဆိုပါတယ်။

တစ်ခါက ဗြိတိသျှခန္ဓာဗေဒပညာရှင်တစ်ဦးကို သူ့တပည့်ကမေးတယ်။ “ ဆရာ ကြောက်စိတ်ပျောက်အောင် ဘယ်လိုလုပ်ရမလဲ” တဲ့။ ဆရာက ပြန်ဖြေလိုက်တာလေးက “Try doing something for someone.” တဲ့။ ဒီတော့ ကိုယ့်မှာ ဖြစ်နေတဲ့ ကြောက်စိတ်ကို ဘယ်လိုဖြေရမယ်ဆိုတာ သိဖို့လည်း အရေးကြီးပါတယ်။ ဘာကြောင့်လည်းဆိုတော့ ကြောက်စိတ်ဝင်လွန်းအားကြီးရင် ဘ၀တွေ ကျရှုံးသွားတတ်သလို သောကတွေ လည်း ပိုလာတတ်ပါတယ်။ သောကတွေ ပိုလာပြီဆိုရင် သောကကြောင့် ဖြစ်တတ်တဲ့ ရောဂါတွေ ၀င်လာပါလိမ့်မယ်။ ဆိုတော့ ...ကိုယ့်မှာ ရှိတဲ့ ကြောက်စိတ်ကို ပြန်ရင်ဆိုင်ရဲဖို့တော့ လိုပါတယ်။ ကိုယ့်ရဲ့ ကြောက်စိတ်ကို ကိုယ်ပြန် ရင်မဆိုင်ရဲလောက်အောင် ကြောက်နေပြီဆိုရင်တော့..။ သေချာပါတယ်။ အဲဒီလူ ဘယ်လိုမှ တိုးတက်ကြီးပွားမဟုတ်တော့သလို ဘယ်သောအခါမှလည်း ပျော်ရွှင်မှာမဟုတ်တော့ပါဘူး။

ဟုတ်ပြီ။ ကိုယ်တို့ ဘာတွေကို ကြောက်နေတာလဲ။

သေရမှာကို ကြောက်တာလား။

နေရမှာကို ကြောက်နေတာလား။

ဒါဆိုရင်တော့ “ သေရမှာလည်း မကြောက်နဲ့၊ နေရမှာလည်း မကြောက်နဲ့။ ကြောက်စိတ်ဝင်မှာသာ ကြောက်” ဆိုတဲ့ အဆုံးအမလေးကို သတိရလိုက်ပါ။

ကိုယ်ကတော့ လျပ်စီးလက်တာမြင်ရင် မိုးကြိုးပစ်ခံရမှာကို ကြောက်တယ်။ ဟိုး ကမ်းမမြင်တဲ့ ရေပြင်မှာ လှေနဲ့ကူးနေတုန်း လှိုင်းကြီးတွေနဲ့ တွေ့ရင် ရေနစ်သေမှာကို ကြောက်ခဲ့ဖူးတယ်။ အဲဒီလို ဖြစ်လာတဲ့အခြေအနေတိုင်းမှာ ဖတ်ခဲ့ဖူးတဲ့ ဗုဒ္ဓ အဆုံးမလေးကို သတိရဖြစ်ပါတယ်။ “ ကောင်းကင်ကို ပြန်တက် လို့ပဲဖြစ်ဖြစ်၊ ပင်လယ်သမုဒ္ဒရာကို ကူးခတ်လို့ပဲဖြစ်ဖြစ်၊ တောင်ခေါင်းတွေထဲ ၀င်ပုန်းနေလို့ပဲဖြစ်ဖြစ် ဘယ်တော့မှ ကိုယ့်စီလာနေတဲ့ သေမင်းလက်ကနေ ပြေမလွတ်နိုင်ဘူး”ဆိုတဲ့ အဆုံးအမလေးကို ခေါင်းအေးအေးထားပြီး တွေးလိုက်တယ်။ ဒါဆိုရင် ဖြစ်နေတဲ့ ကြောက်စိတ်ကို ပြန်ရင်ဆိုင်ရဲလိုက်သလို ကြုံတွေ့လာမယ့်ဘေးတွေ ကိုလည်း ခေါင်းအေးအေးနဲ့ ရင်ဆိုင်ဖြေရှင်းနိုင်ခဲ့ဖူးတယ်။

ကိုယ်ချစ်ရသူနဲ့ ဝေးကွာရမှာကို ကြောက်တဲ့ စိတ်၊
တစ်စုံတစ်ယောက်က ကိုယ့်ကို မလိုတမာ ညစ်ပတ်သွားမှာကို ကြောက်တဲ့စိတ်၊
အလုပ်ရှင်နဲ့ အဆင်မပြေလို့ အလုပ်ထုတ်ခံရမှာ ကြောက်တဲ့စိတ်၊
...စတဲ့ ဘယ်လိုကြောက်စိတ်မျိုးကိုမဆို ခေါင်းအေးအေးနဲ့ ရင်ဆိုင်ကျော်လွှားနိုင်မှ ပျော်ရွှင်တဲ့ဘ၀၊ ချမ်းမြေ့တဲ့ဘ၀င်ကို ပိုင်ဆိုင်နိုင်မှာ အသေချာပါပဲမိတ်ဆွေ။

Ref: Fear and Worry by Dr. K. Sri. Dhammananda

ဖြတ်သွားဖြတ်လာ စကားလုံးများ

2010-06-11T18:48:00.000-07:00

မိန်းမတစ်ယောက်ကို ချစ်ဖို့ ဘယ်လောက်လွယ်ပြီး၊ တွေ့ဆုံဖို့ကတော့ ဘယ်လောက်ခက်ခဲပါသလဲ။ ကျွန်တော် မသိပါ။ ကျွန်တော်သိသည်က မိန်းမများသည် အချစ်ထက် သူတို့ဘ၀လုံခြုံစိတ်ချမှုကိုပဲ အားကိုးယုံကြည်ကြ သည်ထင်ပါသည်။ ဆရာဆန်းလွင်ကတော့ ခံစားလွယ်တဲ့ နှလုံးသားနုနုက အသိဥာဏ်ရှိတဲ့ ဥဏှောက်ကို မလွှမ်းမိုးစေသင့်ဘူးမဟုတ်လားဆိုပြီး ချစ်သူ ခရစ်ယာန်ဘာသာဝင်ကောင်မလေးကို စွန့်ခဲ့ပြီး သူရှာနေသည့် ဘာသာတရားကို တွေ့ဖို့ စတေးပစ်နိုင်ခဲ့သည်။ သို့ဆိုလျင် မိန်းမတွေကကော...။ သိပ်ချစ်ပါလျက်နဲ့ ဘ၀လုံခြုံမှု အတွက်ဆိုသည့် အကြောင်းပြချက်တစ်ခုနှင့် ချစ်သူကောင်လေးတွေကို ထားခဲ့ကြတာပဲလား။ ကျွန်တော်ရေရေလည်လည် နားမလည်နိုင်သေးပါ။

(၁)

အဲသည်နေ့က သူမနဲ့ ကျွန်တော် မြို့ကလေးတစ်မြို့က ဘုန်းကြီးကျောင်းမှာ တွေ့ကြခြင်းဖြစ်သည်။ သူမက ဂျင်ဘောင်းဘီအတိုလေးနှင့်ဖြစ်ပြီး အနီရောင်အင်္ကျီလက်တိုလေးနှင့်ဖြစ်သည်။ ဘုန်းကြီးဆွမ်းကပ်လာသည်ဟုပဲ ကျွန်တော်က ယေဘုယျသတ်မှတ်ထားမိသည်။ သို့သော်...သူမနှင့် ကျွန်တော် ဘုန်းကြီးကျောင်းမှာ ကုသိုလ်ယူဖြစ်ကြတာပဲ ပြောခွင့်ရမလား။ အကုသိုလ်ကို နှစ်ကိုယ်တူမျှယူကြတာလို့ပဲ ပြောမလား။ ကျောင်းမှာ ရဟန်းသံဃာများကို နှိပ်စက်နေသည့် အကောင်ပလောင်များ နှိမ်နှင်းရေး ကုသိုလ်ယူနေဖြစ်ကြသည်။ သို့မဟုတ် အကုသိုလ်ယူနေကြသည်။ကောင်မလေးရေ... မင်းနဲ့ အတူယူခဲ့တဲ့ ကုသိုလ်တွေ (အကုသိုလ် တွေ)ကြောင့်ပဲ လား..ကိုယ်တို့တွေ ဝေးနေကြတာ..။

သည်လိုနှင့် သူမနှင့် ကျွန်တော် အလွမ်းနွမ်းနွမ်းတွေကို ပိုင်ဆိုင်ခဲ့ကြသည်။ ဆရာမင်းလူကတော့ မိန်းမတစ်ယောက်ကို ချစ်ရတာ ခပ်ညံ့ညံ့ဘောလုံးအသင်းကို အားပေးရသလိုပဲဟု ပြောသည်။ ကျွန်တော်လည်း ခပ်ညံ့ညံ့ ဘောလုံးအသင်းတစ်သင်းကို အားပေးမိနေပြီလား၊။ ဟိုသီချင်းထဲကလို အချစ်နဲ့ ဘ၀ဟ တကယ်တော့ တခြားစီလို့ပဲ အကြောင်းပြမလား။ ကျွန်မ ရှင့်ကို ချစ်မိတာတော့ အသေချာပဲဆိုတာ ၀န်ခံပါတယ်။ ဒါပေမယ့်...ဆိုသည့် ၀ါကျတွေ နှုတ်တိုက်ရွတ်ပြသွားလေမလား။ ဘာပဲဖြစ်ဖြစ်..ထားပစ်ခဲ့သူတစ်ယောက် အတွက် ကျန်ရစ်ရမည့်သူအပေါ် စကားလုံးတွေနှင့် လမ်းခွဲစကားပြောဖို့ ရှားမည်မထင်။ ကျွန်တော့်ကောင်မလေးကတော့..ပြောခဲ့သည်။ ကိုကိုရယ်တဲ့ အများကြီးမျှော်လင့်မထားပါနဲ့တဲ့။ သူမစကားအတိုင်း သူမ ကျွန်တော့်ကို မမျှော်လင့်ရဲအောင် စကားလုံးတွေနှင့် ထိုးစစ်ဆင်တိုက်ခိုက်သွားခဲ့သည်။ ကျွန်တော် ကျရှုံးခဲ့ပါသလား။ ချန်ထားခံရမှုကို ကျရှုံးသည်ဟု အဓိပ္ပါယ်ဖွင့်ခဲ့လျှင်တော့ ကျွန်တော် သိသိကြီးနှင့် ကျရှုံးခဲ့ရပါသည်။ သို့သော်... ထိုကျရှုံးမှုသည် တန်ဖိုးဖြတ်မရသော ခံစားမှုများကို အခြေခံသည်ဟု ယုံကြည်နေမိပြန်သည်။

(၂)

ရေပြင်ပေါ်မှ ဖြတ်တိုက်လာသော တောင်သမာန်လေညှင်းသည် မောင်ဖေငယ်၏ အလွမ်းတွေကိုပါ ဆောင်ယူလာသလား မပြောတတ်။ ညီမလေးရယ် ကျွန်တော်ရယ်.. နောက် အခြားသုံးလေးယောက်ရယ် စတုတ္ထမြောက်ဇရပ်တွင် နားနေကြသည်။ ကျွန်တော်က ညီမလေးကို ကဗျာတစ်ပုဒ်ရွတ်ပြသည်။ မောင်ဖေငယ်လို နှလုံးသားဆိုသည့် ကဗျာလား။ တောင်သမာန် ကဗျာလား ။ ကဗျာခေါင်းစဉ်မမှတ်မိတော့။ ဆရာမောင်စိန်ဝင်း(ပုတီးကုန်း) ၏ ဦးတောင်တင် တောင်သမာန်အင်းမှာပဲ ခင်ခင်ရယ် နှင်းဖြစ်ပါတော့ ဆိုသော ကဗျာအဆုံးပိုဒ်လေးလည်း ဆုံးရော ညီမလေးကိုကျွန်တော်ကြည့်လိုက်သည်။ ညီမလေးက ဟိုးမနီးမဝေး ရိုးတံပြိုင်းပြိုင်း သစ်အိုပင်ကြီးကို ငေးလို့။ တကယ်ပဲ ဒိုင်းခင်းခင်ဟာ နှင်းဖြစ်ခဲ့ပါသသလား။ အခု ကျွန်တော်ရွတ်ပြသောကဗျာလေးကို နားထောင်ခဲ့သော ညီမလေးကကော.. နှင်းကို ချစ်တတ်ခဲ့ပါသလား။ ကျွန်တော်မသိပါ။အခုတော့ ညီမလေးဟာ အညာနွေကိုတော့ ချစ်တတ်နေပြီထင်ပါသည်။

(၃)
တောင်တွေ ကောက်တိုင်း တိမ်တွေ ဖြောင့်ပေးဖို့ လိုအပ်ပါသလား ။အဲဒီညက လ သည် မိုက်မဲစွာ လင်းထိန်နေသည်။ ပြီးတော့ တိမ်အုပ်တစ်အုပ်က သူ့ရဲ့ မိုက်မဲမှုကို ဖုံးအုပ်ပေးဖို့ ကြိုးစားနေသည်။ မိန်းမတစ်ယောက်က စတင်ဆိုသော ရည်းစားစကားတွင် မောင်ဆိုသော ဝေါဟာရကို ကြားတိုင်း ကျွန်တော်တော်တော်ရွံနေမိသည်။ ကျွန်တော့်ဖုံးကို မက်ဆေ့ရိုက်ပြီးတော့ သော်လည်ကောင်း၊ အင်တာနက်မှ တစ်ဆင့်သော်လည်း အလားတူ နာမ်စားများကို ကျွန်တော်မခံစားနိုင်သည်မှာ လ အတန်ပင် ကြာခဲ့ပြီ။ ဘ၀ဆိုသည်မှာ ဦးဏှောက်အားကိုးနဲ့ချည်း ရှင်သန်နေထိုင်လို့ မဖြစ်မှန်း သိသကဲ့သို့ နှလုံးသည်းပွတ်ကိုချည်း ခံစားနေထိုင်ဖို့လည်း မဖြစ်နိုင်သည်ကို သဘောပေါက်လာတတ်ခဲ့သည်။ သို့သော် ဘ၀ကိုသော်လည်းကောင်း အချစ်ကိုသော်လည်းကောင်း ဈေးကွက်စီးပွားရေးစနစ်နှင့် တွက်ချက် နေထိုင်ဖို့ ကြိုးစားသူများကို ရွံတတ်လာခဲ့သည်။

(နိဂုံး)
သည်စကားလုံးများသည် အခြားတစ်စုံတစ်ရာနှင့် တစ်စုံတစ်ယောက်ကို ထိခိုက်စေလိုသော ဝေါဟာရများ မပါပါ။ ဆရာမဂျူး၏ တိမ်နဲ့ချည်တဲ့ကြိုး၊ ကြယ်စင်တံတား ကမ်းပါးနှင်းဖြူ၊ ဆရာမင်းလူ၏ လွမ်းရအောင် စသော လောလောဆယ် ဖတ်မိခဲ့သော စာအုပ်များကို ဆင့်ပွားခံစားပြီး အထက်ပါ စကားလုံးများကို ရေးသားဖြစ်ခဲ့ပါသည်။ တိုက်ဆိုင်မှုရှိကခွင့်လွှတ်ပါဟု မပြောလိုပါ။ တိုက်ဆိုင်မှုရှိက ရိုက်လိုက်ပါဟုသာ ပြောချင်ပါသည်။။။။။။ အားလုံး ရွှင်းပြုံးချမ်းသာစိမ့်သောငှာ ဤစာကို မျှဝေရလေကောင်းတည်.း........။ (ပုဂံခေတ်သတ်ပုံများမဟုတ်ပါ)

ပျောက်ဆုံးသွားသော နိဗ္ဗာန်ဘုံ

2010-05-29T18:00:00.000-07:00

(၁)

အခုတလော အဆိုးလောကဓံလေးတွေ တွေ့ကြုံနေရသည်မို့ စာအုပ်တွေ တော်တော်ဖတ်ဖြစ်နေသည်။ အခါတိုင်း အဆိုးလေးတွေ ကြုံလာပြီဆိုလျင် ကိုယ်ခင်မင်ရင်းနှီးသံယောဇဉ်ရှိရသူတွေကို ဖုံးဆက်ပြီး ရင်ဖွင့်စမြဲ။ အခုတော့ အခြေအနေက သည်လို မဟုတ်တော့။ သို့ဖြင့် ကိုယ်ဝါသနာပါသည့် စာအုပ်တွေဆီကပဲ စိတ်ခွန်အားယူနေမိသည်။ လောလောဆယ် ဖတ်ဖြစ်သည့်စာအုပ်လေးက ဒေါက်တာ ကေ သိရီ ဓမ္မာနန္ဒ၏ How To Overcome Your Difficulties. ဆိုသော စာအုပ်ကလေးဖြစ်သည်။ သည်တစ်ခေါက် သည်စာအုပ်လေးကို ဖတ်ခြင်းမှာ တတိယအကြိမ်မြောက်ဖြစ်သည်။ ကိုယ်က အင်္ဂလိပ်စာတော်သူမဟုတ်ပေမင့် ကိုယ့်အတွက် အင်္ဂလိပ်စာလည်း အထောက်အကူရ၊ စိတ်ခွန်အားလည်းဖြစ်အောင်ဆိုပြီး ဖတ်နေမိခြင်း ဖြစ်သည်။ စိတ်ခွန်အားဖြစ်အောင် စာအုပ်ကလေးကို ကြိုးစားဖတ်ပါမှ စာတစ်ကြောင်းကို ဖတ်မိပြီး ပျောက်ဆုံး သွားသော နိဗ္ဗာန်ဘုံကလေးတစ်ခု၊ အိပ်မက်လေးတစ်ခုကြောင့် စိတ်တွေ နောက်ကျိသွားခဲ့ရသည်။ ဖတ်မိသည့် စာကြောင်းကလေးက.. ''Marriage is a bicycle made for two." တဲ့။ ပျောက်ဆုံးသွားသော နိဗ္ဗာန်ဘုံ( အိပ်မက်)ကလေး တစ်ခုက တော့ ဤသို့............။

(၂)

အဲသည်နေ့က တောင်ပေါ်တွင် နေနည်းနည်းပူသည်။ သို့ပေမင့် အေးစက်သော လေအတွေ့ကြောင့် နေထိုင်ရတာ သိပ်မဆိုးဟု ခံစားလို့ရသည်။ တောင်ကြီးမြို့လေးကို သူရောက်နေသည်မှ ရက်ပိုင်းမျှသာ ရှိသေးသည်။ သို့သော် တောင်ကြီးမြို့သည် သူနှင့်မစိမ်း။ တစ်ချိန်က ရေထွက်ဦးလမ်းသည်လည်းကောင်း၊ မြို့မဈေးသည်လည်းကောင်း၊ မိန်းလီလက်ဘက်ရည်ဆိုင်သည်လည်းကောင်း၊ ညဈေးတန်းသည်လည်းကောင်း၊ နောင်အင်းလေးဆေးခန်းသည်လည်းကောင်း၊ ဖက်ထုပ်ဆိုင်သည်လည်းကောင်း သူနှင့် တရင်းတနှီးရှိလွန်းခဲ့ သည်။ တောင်ကြီးဇာတိမဟုတ်ပေမင့် တောင်ကြီးမြို့သည် သူ့ဘ၀အစိတ်အပိုင်းတွင်း အပိုင်းကြီးတစ်ပိုင်းအဖြစ် ထင်းရှားရှိနေလှသည်။ တောင်ကြီးကို ချစ်လို့ တောင်ကြီးသူကို ချစ်တာလား။ တောင်ကြီးသူကို ချစ်မိလို့ တောင်ကြီးမြို့ကို ချစ်တတ်လာတာလားဆိုတာတော့ သူ သေသေချာချာ မခွဲခြားတတ်။ သေချာသည်က တောင်ကြီးသူသည်လည်းကောင်း တောင်ကြီးမြို့သည်လည်းကောင်း သူ့ဘ၀အတွင် အသေအချာ အရေးပါခဲ့သည်။

အဲသည်နေ့က သူမနှင့် နှစ်ယောက်သား တွေ့ဆုံဖို့ အချစ်ရွာလက်ဘက်ရည်ဆိုင်ကို ချိန်းလိုက်ကြသည်။ သူမက စက်ဘီးလေးစီးပြီး ရောက်လာသည်။ သူကတော့ ဆိုင်ထဲ ရောက်နှင့်နေသည်မို့ သူမ လှုပ်ရှားမှုတွေကို ငြိမ့်ငြိမ့်ကလေး ထိုင်ကြည့်နေလိုက်သည်။ ကိုကို ရောက်နေတာ ကြာပြီလား ဆိုသော နှုတ်ဆက်သံလေးနှင့် အတူ သူမရဲ့ ပါးချိုင့်ပြုံးလေးက ရင်ကို နွေးထိရှစေလိုက်သည်။ မတွေ့ရတာ ကြာလို့လားတော့ သူမ အနည်းငယ်ဝလာတာပဲဟု ဘာသာပင်တွေးနေမိလိုက်သည်။ နှုတ်ကတော့ ထုတ်မပြောဖြစ်။ မိန်းကလေးအများစု ၀လို့လှလို့ဟု ပြောလျင် တစ်ဝက်ပဲ ပျော်တတ်ကြသည်။ လှလို့ဆိုတာလေးကို လက်ခံပေမယ့် ၀လို့ဆိုတာကြီးကိုတော့ ငြင်းပယ်ချင်တတ်ကြသည်ဟု ကြားဖူးသည်။ ထားတော့။ သူမနှင့် အချိန်တော်တော်ကြာအောင် နှစ်ယောက်သား အိပ်မက်တွေကို ဆွေးနွေးဖြစ်ကြသည်။ သူမက တောင်ကြီးတွင် မနေချင်ဟု ဆိုသည်။ ကျွန်တော်က တောင်ကြီးကိုရော တောင်ကြီးသူမကိုရော မခွဲနိုင်သူ။ နောက်ဆုံး ညှိမရသေးသည့်အဆုံး တခြား ပျော်စရာအကြောင်းတွေကိုပဲ ပြောနေဖြစ်သည်။

ဟေး...နေသစ်.။ အသံလာရာလှမ်းကြည့်တော့ ဘော်ဒါတွေရော ဘော်ကြော့တွေပါ ဆိုင်ထဲဝင်လာသည်။ သူတို့ကလည်း ကိုယ်တို့စားပွဲလေးမှာ လာထိုင်တော့ သူမမျက်နှာလေးမှာ ရှက်သွေးဖြာနေသည်။ ကြာတော့ သူမက ပြန်တော့မည်ဟု စကားစသည်။ သူငယ်ချင်းက ဘာနဲ့ပြန်မှာလဲလို့မေးတော့ စက်ဘီးနဲ့ဟု ဖြေသံကြားရသည်။ မကြာပါ။ လဘက်ရည်ဆိုင်က ဖွင့်လိုက်သည့်သီချင်းက ဘီးကလေးကိုစီးဟူသော စိုင်းထီးဆိုင်၏ သီချင်း။ မောတော့ မောတာပေါ့ ဒါပေမယ့် မမောဘူးဆိုသည့် စားသားလေး ကိုယ်တို့ကလေးဘ၀ကတည်းက အော်ခဲ့သည့်စာသား။ သူငယ်ချင်းတစ်ယောက်က သူ့လက်ထဲကိုင်ထား သည့်စာအုပ်လေးကို ဆတ်ကနဲ ဖွင့်လိုက်ရင်း စာကြောင်းလေးတစ်ကြောင်း ရွတ်ပြသည်။Marriage is a bicycle made for two.တဲ့။ ပြီးတော့ သူက ဆက်ပြောသည်။ အတည်လိုလို ပြောင်သလိုလို နောက်သလိုလို။

" အိမ်ထောင်ရေးဆိုတာ စက်ဘီးတစ်စီးလိုတဲ့ကွ။ ကိုယ်က အဲဒီစကားလေးကို ဖြန့်ထွက်တွေးကြည့်တယ်။ ဟုတ်ပြီ။ ဇနီးမောင်နှံနှစ်ဦးဟာ စက်ဘီးလို့ခေါ်တဲ့ အိမ်ထောင်သည်အဖြစ်နဲ့ ဘ၀ခရီးကို စတင်ကြပြီဆိုပါစို့တဲ့။ ရှေ့ဘီးက ယောက်ျာလေးဆိုရင် နောက်ဘီးက မိန်းကလေးပေါ့ကွာ။ စက်ဘီးတစ်ဘီးဆီမှာ ရှိတဲ့ စမုတ်တံတို့ဟာ ဇနီးမောင်နှံနှစ်ဦးကိုယ်စီကျင့်ရမယ့် လင်ကျင့်ဝတ် မယားကျင့်ဝတ်တွေပေါ့။ ဘီးနှစ်ဘီးကို ဆက်စပ်ထားသလိုမျိုး ချိတ်ဆက်ထားတဲ့ ချိန်းကြိုးဟာ အိမ်ထောင်းရေးမှာ အဓိက လိုအပ်တဲ့ နားလည်မှုဆိုတဲ့ ချိန်းကြိုးလေးရဲ့ အမှတ်သင်္ကေတပဲကွ။ တကယ်လို့သာ ကိုယ်တည်ဆောက်လိုက်တဲ့ အိမ်ထောင်ရေးဟာလည်း စက်ဘီးကောင်းတစ်စီးလို ကောင်းမွန်မယ်ဆိုရင် အခု ကိုထီးသီချင်းထဲကလို မောတော့ မောတာပေါ့ ဒါပေမယ့် မမောဘူးဖြစ်သွားလိမ့်မယ်။ အဲဒီတော့ မင်းတို့ နှစ်ယောက်လည်း ကိုယ်စီးတော့မယ့် စက်ဘီး ကောင်းမကောင်း မစီးကြခင် သေချာစစ်ဆေးကြဦး။"

သူငယ်ချင်းစကားဆုံးတော့ သူမခမျာ မျက်နှာကို ဘယ်ထားရမှန်းမသိအောင် ရှက်သွားပုံရသည်။ တစ်ခါတည်း ပြန်တော့မယ်ဟု ပြောကာ အပြေးကလေး ဆိုင်ထဲမှ ထွက်ခွါသွားသည်။ ဒါတောင် သူငယ်ချင်းက မလျှော့သေး။ ဟေး နင်စီးတဲ့ဘီး သေချာစစ်ဦးနော်တဲ့။

(၃)

တစ်ခါတုန်းက ဖြစ်ရပ်အချို့သည် အခုတော့ အိပ်မက်တွေအဖြစ် အငွေ့ပျံပျက်စီးသွားကုန်ပြီ ဖြစ်သော်လည်း တိုက်ဆိုင်မှုလေးတွေ ရှိလာပြန်တော့ ပြန်သတိရနေဖြစ်သည်။ သူမ သတင်းသဲ့သဲ့ အချို့ကို ကြားမိသော်လည်း သူ အဝေးကနေပဲ အဆင်ပြေပါစေဟု ဆုတောင်းပေးနေတတ်ခဲ့သည်။ တစ်ခါတစ်ရံ သူငယ်ချင်းအဖြစ် စကားပြောဖို့ ဖုံးခေါ်သည့်အခါ ပြန်မဖြေတော့လည်း အော် သူ အဆင်ပြေနေတော့ ကိုယ်မလိုအပ်တော့ဘူးထင်ပါတယ်ဟု ဖြေသိမ့်တတ်လာခဲ့သည်။ အခုတော့ အချစ်ရွာ လက်ဘက်ရည်ဆိုင်မှ စ တင်မက်ခဲ့သော နိဗ္ဗာန်ဘုံကလေးသည် ကာလတစ်ခု၏တိုက်စားမှု၊ ဒေသတစ်ခု၏ ဝေးကွာမှု၊တို့ကြောင့် ပျောက်ဆုံးသွားသည်ဟု ခံစားရမိသည့်အခါတိုင်း ဘီးကလေးကိုစီး...နှစ်ယောက်စလုံးကို တင်ပြီး ကိုယ်သွားရတာလေ အင်မတန်ပျော်..စသည့် ဘီးကလေးကို စီး သီချင်းကို အမှုမဲ့ အမှတ်မဲ့ ညဉ်းနေမိပါတော့သည်။

ကိုယ်စီ ပျောက်ဆုံးဘူးသော နိဗ္ဗာန်ဘုံလေးများ ပြန်လည် တွေ့ရှိကြပါစေ။

(ဆရာစိုင်းခမ်းလိတ်၏ မူပိုင်စာသားများကို သိသိကြီးနှင့် ကူးယူသုံးစွဲထားကြောင်း ၀န်ခံအပ်ပါသည်။)

မိုးသက်လေပြင်းကြောင့် စာကြည့်တိုက်အဆောက်အဦ အနည်းငယ်ပျက်စီးသွား

2010-05-25T17:58:00.000-07:00

မေလ (၇)ရက်ခန့်က တိုက်ခတ်သွားသော မိုးသက် လေပြင်းကြောင့် ဘ၀ဘဏ်စာကြည့်တိုက်နှင့် စာဖတ် အသင်း အဆောက်အဦ အနည်းငယ်ပျက်စီးသွားပါသည်။ ထို့ပြင် စီမံကိန်းအရ ငွေသာတွင်း (တွင်းထဲ)ကျေးရွာ လူထု ပြောင်းရွေ့နေထိုင်ရန် ဆောက်လုပ်ပေးထားသည့် ရွာသစ်မှ အိမ်များ အားလုံးနီးပါးခန့် (သုံးလုံးသာကျန်) လည်း ပြိုလဲပျက်စီးသွားရာ အသစ်ပြန်လည်ဆောက်လုပ်ရန် ပြင်ဆင်နေကြပါသည်။ သို့သော် ယခုအသစ် ဆောက်ရမည့် အိမ်များအတွက် စီမံကိန်းမှ အနည်းငယ်သာ တာဝန်ယူကြောင်း သိရပါသည်။

သူတို့ဆီက နာမည်ကိစ္စ

2010-05-21T18:53:00.001-07:00

နာမည်တဲ့။ နှစ်လုံးတည်း။ ဒါပေမယ့် အဲဒီ နှစ်လုံးထဲရှိတဲ့ နာမည်ကြောင့်ပဲ ကိုယ်အခုတလော စိတ်ရှုပ်စရာတွေချည်း ကြုံနေရတယ်။ ကိုယ်တို့ ရွှေပြည်ကြီးမှာတော့ နာမည်ဟာ သိပ်ရေးကြီးခွင်ကျယ် မဟုတ်ပါဘူ။ ချစ်စရာ ၀ကစ်ကစ်ကလေးတစ်ယောက်ကို ၀တုတ်လို့ ခေါ်ရင် ၀တုတ်လေးဟာ နာမည်ရင်းဖြစ်သွားတတ်သလို့ ငရုတ်သီးမှုန့်ရောင်းလို့ ဘုတ်ဆုံမလို့ အပြောင်အပျက်ခေါ်ရင်း ဘုတ်ဆုံမလို့ တွင်သွားတာတွေ ရှိပါတယ်။ ပြီးတော့ မျိုးရိုးနာမည်ဆိုတာလည်း မရှိသလောက်ပါဘဲ။ ဦးတို့ ဒေါ်တို့ မောင်တို့ မတို့ဟာ နာမည်အရင်းတွေထဲ ထည့်ရေးလို့ ရပါသလား။ မစ္စတာဆိုတဲ့နာမည် မစ္စစ်ဆိုတဲ့ နာမည်တွေကကော ကိုယ်တို့တတွေသုံးတဲ့ ဦးတို့ မောင်တို့နဲ့ ထပ်တူပဲ မဟုတ်လား။ အခုတော့ ကိုယ်က အဲဒီနာမည်ဆိုတာလေးကြောင့် ဟိုပြေးရ ဒီပြေးရနဲ့ ။

ဒီလိုပါ...

ကိုယ်လက်ရှိနေတဲ့ နေရာမှာ ကိုယ်က ပြည်နယ်တွေ တစ်ခုပြီး တစ်ခု ပြောင်းရင်း အလုပ်တွေ လုပ်ရတယ်။ ဆိုတော့ PR ကဒ်မှာပါတဲ့ နာမည်မှာက First Name နဲ့ Last Name က တစ်မျိုး၊ Social Security နဲ့ ID မှာ ပါတဲ့ နာမည်ကတစ်မျိုး ဖြစ်နေတာကိုး။ တစ်မျိုးဆိုလို့ လုံးလုံး လွဲချော်နေတယ်ရယ်လို့တော့ မဟုတ်ပါဘူး။ ရှေ့နောက်လေး ပြောင်းပြန်ဖြစ်နေတာပါ။ ဥပမာ- နေသစ်မှူးဆိုရင် နေ,သစ်မှူးလို့ ဖြစ်နေသလိုပဲလို့ ပြော ရမလိုပဲ။ ဒါတောင် First Name က ဘာ၊ Last Name က ဘာလို့ မကြည့်ပဲ ဖတ်ရင် နေသစ်မှူးလို့ပဲ အတည့်ဖတ်လို့ရတဲ့နာမည်။ ဒါတောင် သူတို့က မရဘူး။ တိကျမှ စည်းကမ်းတကျရှိမှ ။ ပြီးတော့ သူတို့တတွေက စက်မှုတိုင်းပြည်ဆိုတော့ စက်ကိုပဲ အားကိုးရင်း ဖြတ်ထိုးဥာဏ်တွေ ပုတ်သိုးနေအောင် ထုတ်မသုံးဘဲ ထားတာကလား။ ဒါကြောင့် ရောက်တဲ့ ပြည်နယ်တိုင်း ဒရိုင်ဘာလိုင်စင်ဖြေဖို့ ကြိုးစားခဲ့တယ်။ မရဘူး။ အခု လက်ရှိရောက်နေတဲ့ ပြည်နယ်က တောင်ပေါ်ပြည်နယ်။ မြို့ကလေးက သံမဏိထွက်တဲ့ မြို့ကလေး။ ပညာရေးမြို့ဆိုလည်း ဟုတ်ပါတယ်။ တစ်ခါတစ်လေ မြို့ကလေးက အအေးပတ်တော့မယ့် အတိုင်း အနွေးဓာတ်တွေ သိပ်လိုအပ်တယ်။ တစ်ခါတစ်ရံ မြို့ကလေးဟာ နှင်းခဲတွေနဲ့ မြို့လေးဟာ ကြေကြေကွဲကွဲ အိပ်ငိုက်နေတတ်တယ်။ တစ်ကြိမ်တစ်ခါကျပြန်တော့ မိုက်ခရိုဆော့သူဌေးကြီး ဘီးဂိတ်က လာရောက်ဟောပြောလေ့ရှိတတ်တယ်။ ဒါပေမယ့်... မြို့ကလေးကတော့ ကိုယ့်အပေါ်သိပ်ရက်စက်တာပဲ။ မြို့ကလေးက ကိုယ့်ရဲ့ နာမည်ရှေ့နောက်ပြောင်းပြန်လေး ဖြစ်နေတာကို ခွင့်မလွှတ်ခဲ့ဘူး။

ပထမတစ်ကြိမ် လိုင်စင်ရုံးသွားတယ်။ လက်မခံဘူး။ နာမည်ကိစ္စ IRS ကိုပဲဖြစ်ဖြစ် Social Security ကိုပဲဖြစ်ဖြစ် သွားပါတဲ့။ ဒီနေ့တော့ ပျင်းတာနဲ့ ကိုယ်လည်း ရှော့ပင်ဝယ်ဖို့ ရှော်ပင်ထွက်တယ်ပဲ ပြောရမလား။ K Mart ကိုသွားတယ်။ ကေမတ်ရောက်တော့ ဟိုကြည့်ဒီကြည့်ကြည့်ရင်းနဲ့ ဒရိုင်ဘာလိုင်စင် ရုံးကို မြင်တာနဲ့ အနာဆွခံရသလို ခံစားရတယ်။ ဒီတော့ ပေါက်တဲ့ နဖူး မထူးဘူးဆိုတဲ့ စိတ်နဲ့ ၀င်ဖြေလိုက်တယ်။ တစ်ခါတည်း အမှားမရှိအောင်သွားတယ်ဆိုပါတော့။ ဒါပေမယ့်.......ဟုတ်တယ်ဗျာ။ ကိုယ့်ဘ၀မှာ မသုံးချင်ပေမယ့် မကြာမကြာ သုံးနေရတဲ့ ဝေါဟာရလေးက ဒါပေမယ့်ဆိုတာလေးပါ။ ဖြေပြီးလို့ အောင်တယ်လို့ ကောင်တာလူကြီးက ပြောတာနဲ့ အတူ နာမည်ကိစ္စပြောလာပြန်ပါတယ်။ သူတို့ လိုင်စင်ထုတ်ပေးလို့ မရပါဘူးတဲ့။ ပြဿနာ။ သူတို့က Social Security ရုံးကို သွားပြီး နာမည်ပြင်ပေးပါတဲ့။ ဒါဆို သူတို့ လိုင်စင်ပေးပါ့မယ်တဲ့။

သူတို့ပြောသလို သွားပြန်မယ်ဆိုတော့ နာမည်ပြောင်းဖို့ အချိန်က တစ်လလောက် စောင့်ရမယ်ဆိုပဲ။ ဆိုတော့ သင်္ခန်းစာရလိုက်တာကို ကိုယ်တို့နဲ့ မတူတဲ့ နာမည်ကိစ္စဟာ တော်တော်လေးကို အရေးပါလှပါလားဆိုတဲ့ အသိပါ။ ဘာပဲဖြစ်ဖြစ် ဘ၀မှာ အောင်မြင်မှုမှာ အိပ်မက်တွေမှာ နာမည်ဆိုတာလေးကို နှစ်လုံးထဲဆိုပြီး မထေမဲ့မြင် မပြုသင့်သလို စည်းကမ်းတကျ လုပ်ကြဖို့ လိုပါတယ်ဆိုတဲ့ အသိလေးနဲ့ ကျွန်တော် မောင်နေသစ်ခမျာ မခံစားနိုင်တဲ့ဝေဒနာတွေနဲ့ အချိန်တွေကို စောင့်မျှော်နေမိနေရတော့တယ်။

(ကိုယ်စိတ်ကူးအိပ်မက်လေးထဲက နာမည်လေးတွေကတော့ ကိုယ့်အတွက် Family Name က သစ်မှူး ပါ။ ကိုယ့်အတွက် နေဆိုတာ First Name ဆိုရင် ညီမလေးရဲ့ First Nameက သော်တာပေါ့။ ကိုယ်တို့ သားသမီးတွေအတွက်တော့ ကိုယ်မဆုံးဖြတ်ရသေးဘူး။ ဒူဝေ ဝေေေ၀၀၀၀၀၀၀၀၀၀၀၀၀၀၀၀၀၀၀းးးးးးးး D)

လက်ဖွဲ့

2010-05-14T20:29:00.001-07:00

နှစ်ယောက်တစ်အိပ်မက်လှေတစ်စီးနဲ့

ခရီးပင်လယ်ပြင်ကို စတင်။

သူက သူမကို လက်ဖွဲ့

သူမက သူ့ကို လက်ဖွဲ့

အခြမ်းနှစ်ခြမ်းရဲ့ ပေါင်းစည်းခန်းဟာ သိပ်ကို ကဗျာဆန်ဆန်။

အိပ်မက်လှေကလေးမှာ

နားလည်မှုဘီးကလေးတစ်စီးလိုမယ်။

တစ်ခါတစ်လေ ချော့တတ်ဖို့ လေနုအေးကလေး လိုမယ်။

တစ်ခါတစ်လေအားပေးဖို့ ကြင်နာမှုတွေ လိုမယ်။

တစ်ခါတစ်လေ စိတ်အပန်းဖြေဖို့ ဂစ်တာလေး တစ်လက်လိုမယ်။

တစ်ခါတစ်လေ ခရီးသွားဖို့ စာအုပ်တွေ ဖတ်ဖို့လိုမယ်။

တစ်ခါတစ်လေ ကိုယ်စီးနေတဲ့ ဘီးကလေးကို ထိန်းဖို့ ဘာသာတရားတွေ လိုမယ်။

တစ်ခါတလေ ကြည်နူးကြဖို့ ဘီးကလေးကို စီး သီချင်းဆိုတတ်ဖို့လိုမယ်။

အိပ်မက်လှေနဲ့ ခရီးထွက်သူများခများ….

ကျေးဇူးပြု၍ ကျွန်တော့်လက်ဖွဲ့ကို ဖွင့်ဖောက်မဖတ်ကြပါနဲ့။

ခများတို့ လှေအောက်က ရေလေးတွေ နောက်ကုန်တော့မယ်။

(မီးလေး (ခ) မကေသီအောင်က အွန်လိုင်းကနေ ဆီဒိုးနားမှာ ကျင်းပမယ့် သူမရဲ့ မင်္ဂလာပွဲဖိတ်စာလေး ပို့လိုက်ပါတယ်။ ဒီကလည်း လက်ဖွဲ့ထက် ခရီးစရိတ်က ပိုများကြီးနေမလားလို့ တွေးပူမိတာနဲ့ ဒီကဗျာလေးကို လက်ဖွဲ့လိုက်တာပါ။

ဒေါက်တာဝင်းထွန်း+ မကေသီအောင် (ခ) မီးလေးတို့ ဇနီးမောင်နှံ ရာသက်ပန် ပျော်ရွှင်ချမ်းမြေ့စွာ ပေါင်းသင်းနေထိုင်နိုင်ကြပါစေလို့ ဆုမွန်ကောင်းတောင်းပေးလိုက်ပါတယ်။ ၁၅ ရက်နေ့ ညနေ (၆)နာရီမှ မင်္ဂလာအချိန်စမှာဆိုတော့ ကျွန်တော့်လက်ဖွဲ့ အချိန်မှီရောက်လိမ့်မယ်လို့ မျှော်လင့်ပါကြောင်း :D )

Photo bye Naythit at U Kyaw Lin + Thiri's House

ကိုယ်မပြောချင်တဲ့အကြောင်းများ

2010-05-05T18:57:00.001-07:00

နိစ္စဓူဝ ပြေးလွှားနေတဲ့ ပြက္ခဒိန်တွေအကြောင်း
ကိုယ် မပြောချင်။

ကိုယ့်ဘာသာကိုယ် တူးထားတဲ့ လက်ယက်တွင်းလေး အေးတဲ့အကြောင်း
ကိုယ်မပြောချင်။

သမင်လည်ပြန်အကြည့်တွေ ခေတ်မမီတော့ဘူးလို့
ကိုယ်မပြောချင်။

နံရိုးတစ်ချောင်း အက်သွားရုံနဲ့
ဘ၀တွေက သေဆုံးသွားပြီလား။
ကိုယ်မပြောချင်။

ညီမလေးပေးထားတဲ့ ဆင်မြီးကွင်း လက်စွပ်လေးအကြောင်း
ကိုယ် မပြောချင်။

ညီမလေးဆင်ပေးထားတဲ့ ဦးဂျမ်းပုဆိုးလေးအကြောင်း
ကိုယ်မပြောချင်။

အဆက်ဟောင်းမလေးရဲ့ သစ္စာတရားတွေအကြောင်း
ကိုယ်မပြောချင်။

အဲဒီအဆက်ဟောင်းမလေးရဲ့ ညှင်းသွဲ့သွဲ့စကားလုံးတွေအကြောင်း
ကိုယ်မပြောချင်။

ကိုယ်တို့ရွာမှာ ကျင်းပမယ်ဆိုတဲ့ မဲပြာပုဆိုး ရွေးပဲအကြောင်း
ကိုယ်မပြောချင်။

ဒုက္ခရောက်လို့ ရှင်ကြီးကိုးမှ ကျားထက်ဆိုးနေသူတွေအကြောင်း
ကိုယ်မပြောချင်။

ဂလိုဘယ်လိုက်ဇ်ရွာကြီးမှာ အင်္ဂလိပ်စာမတတ်လို့ ရွားသားမဖြစ်တဲ့အကြောင်း
ကိုယ်မပြောချင်။

စကားလုံးတွေနဲ့ တည်ဆောက်နေတဲ့ ရွှေအိပ်မက်တွေအကြောင်း
ကိုယ်မပြောချင်။

သိတိုင်း မပြော၊ ရောက်တိုင်း မသွား၊ မြင်တိုင်း မကြည့်နဲ့ ဆိုတဲ့ အမေ့မှာတမ်းစကားတွေအကြောင်း
ကိုယ်မပြောချင်။

အားအားရားရား စကားလုံးတွေ ထွေးထုတ်နေတဲ့ သူတွေအကြောင်း
ကိုယ်မပြောချင်။

ကိုယ့်လိပ်ပြာ ကိုယ်ဝှက်ထားတဲ့ မိုးသားတွေအကြောင်း
ကိုယ်မပြောချင်။

အမြဲတမ်းသတိရနေတဲ့ အကို့ရဲ့ ညီမလေးဆိုတဲ့ စာကလေးတစ်စောင်အကြောင်း
ကိုယ်မပြောချင်။

ကမ္ဘာကြီး ပြားတယ်ဆိုတဲ့ အကြောင်း
ကိုယ်မပြောချင်။

ဘာကြောင့် မပြောချင်တာလဲဆိုတဲ့ အကြောင်းတွေကိုလည်း
ဘယ်သူ့မှ ကိုယ်မပြောချင်။

တစ်နှစ်စာ အလွမ်းများ

2010-04-22T16:16:00.000-07:00

2.အရင်ကဇာတ်လမ်းလေး.mp3

(၁)

တကယ်ဆိုမေ့ပစ်လိုက် နာကျင်ခြင်းတွေ မေ့ထားလိုက်၊ အမျှော်လင့်ဆုံးကလေးရေ....

ဟန်ထွန်းရဲ့ သီချင်းသံလေးက သူ့ရင်ဘတ်တစ်ခုလုံးကို ဆွဲဖြစ်ညှစ်လိုက်သလို ခံစားလိုက်ရသည်။ အရင်တုန်းကဆို အားအားရှိတိုင်း သည်သီချင်းသံလေးကို အမြဲနားထောင်ဖြစ်သည်။ အခုတော့ အလုပ်က ဇိမ်ပြေနပြေထိုင်လုပ်ရသည့် အလုပ်မဟုတ်တော့ ကိုယ်လည်း တစ်နေ့တစ်ခေါက် ၊ ဒါမှမဟုတ် နှစ်ရက်သုံးရက်မှ တစ်ခါသာ နားထောင်ဖြစ်သည်။ သည်နေတော့.... ဟုတ်သည်၊ သည်နေ့။ ဧပြီ (၂၄)ရက်နေ့ရဲ့ မိုးဖွဲဖွဲညလေးတစ်ခုတွင် သည်သီချင်းကို ကောင်မလေးတစ်ယောက်ဆီမှ လက်ခံခဲ့ရသည်။ ပြီးတော့ သည်နေ့သည် ကိုရွှေအမေရိကားသို့ သွားရမည့်နေ့ဖြစ်သည်။ ဆိုတော့ အရင်ဇာတ်လမ်းသီချင်းလေးက သူ့ ကို အရင်ကဇာတ်လမ်းတွေကို မေ့ခိုင်းနေသည်။ သူ သည်တစ်နှစ်တာလုံးလုံး မေ့ထားနိုင်ခဲ့ပြီလား။ မေ့ရက်ခဲ့ပြီလား။ မေ့ဖို့ရော ကြိုးစားမိခဲ့ပြီလား။ သည်နေ့ညမှာပင် အဲဒီအရင်ကဇာတ်လမ်းလေးနှင့် အလွမ်းတွေ၊ သင်္ခန်းစာတွေကို ဥဏှောက်နှင့်ရော နှလုံးသားနှင့်ပါ နုတ်ထုတ်နေမိသည်။

(က)

"သော်တာသစ်မှူးဆိုတဲ့ ဇာတ်ကောင်က ဘ၀မှာတော်တော်ကိုအရေးပါခဲ့မယ်ထင်တယ်..... ပြောပြချင်တဲ့ဆန္ဒ ရှိမယ်ဆိုရင်တော့ နားထောင်ချင်ပါတယ်...ပြောပြချင်တဲ့ဆန္ဒရှိတဲ့အချိန်ပေါ့.......ခဏနေက သီချင်းပို့ပေး လိုက်တယ်...နားထောင်ပြီးသားလည်းဖြစ်ချင်ဖြစ်မှာပေါ့...နေရာသစ်ကိုသွားရမှာဆိုတော့ စိတ်လှုပ်ရှားပြီး ပျော်နေမယ်ထင်ပါတယ်...... လမ်းခရီးအဆင်ပြေချောမွေ့ပါစေ"

အိမ်ပြန်ရောက်တော့ ကိုယ့်အခန်းကျဉ်းလေးထဲဝင် ကိုယ့်ရဲ့ မဖြစ်ညစ်ကျယ် ကွန်ပျူတာလေးဖွင့်။ အီးမေလ်းစစ် ပြီးတော့ အရင်ကဇာတ်လမ်းသီချင်းလေးဖွင့်။ သီချင်းကတော့ မေ့ပစ်ခိုင်းနေသည်။ သီချင်းလက်ဆောင်ပေးသော ကောင်မလေးကလည်း မေ့ပစ်ခိုင်းနေသည်။ ကိုယ်ဘာဆက်လုပ်ရမလဲ။ မေ့ပစ်စေချင်နေကြမှ ကိုယ့်မှာက မေ့မရ။ သီချင်းကိုလည်း မမေ့။ အရင်က ဇာတ်လမ်းကိုလည်း မမေ့။ အရင်ကဇာတ်လမ်းသီချင်းလေးကို ပေးနားထောင်ပြီး မေ့ခိုင်းသော ကောင်မလေးကိုလည်း မမေ့။ မမေ့... မမေ့........။

(ခ)

ချန်ဂီလေဆိပ်ကနေထွက်တော့ ည နှစ်နာရီခွဲ။ ဆယ်နှစ်နာရီလောက်ကတည်းက လေဆိပ်ထဲ ရောက်နှင့်တော့ အရင်ကဇာတ်လမ်းလေးကို နားထောင်ဖြစ်သည်။ လေယာဉ်ပေါ်ရောက်တော့ အိပ်မရ။ ခရီးစဉ်က တစ်နေကုန် လေယာဉ်စီးရမည့် ခရီးစဉ်။ ကိုယ့်နံဘေးခုံက ခရီးသွားဖော်တွေက သီဟိုဠ်ကျွန်းသူ သီဟိုဠ်ကျွန်းသားတွေ။ သူတို့ပြောသည့် အင်္ဂလိပ်စကားကို ကိုယ်ကနားမလည်။ သို့ဖြင့် စကားဆက်မပြောဖြစ်တော့။ ပထမ ဂိမ်းကစားပြီး မေ့ဖို့ ကြိုးစားသည်။ ကြာတော့ ငြီးငွေ့လာသည်။ ဂိမ်းကို ပိတ်ပစ်လိုက်သည်။ ရုပ်ရှင်ကြည့်သည်။ ရုပ်ရှင်ကလည်း ပိုက်ဆံပေးမှ အပြည့်ရမှာဆိုတော့ ကြာကြာ မကြည့်လိုက်ရ။ သို့ဖြင့် ကိုယ့်လွယ်အိပ်လေးထဲက မာမိုရီစတစ်လေးကို ထုတ်ပြီး စတစ်လေးကို လေယာဉ်ထိုင်ခုံနှင့် ဆက်သွယ်လိုက်သည်။ ပြီးတော့ စတစ်လေးထဲက သီချင်းနားထောင်မိသည်။

မနက်ကိုးနာရီခွဲလောက်ရောက်တော့ မော်စကိုမှာ တစ်ထောက်နားသည်။ တစ်နာရိမျှ ကြာမည်ထင်သည်။ လေဆိပ်ထဲ ဟိုငေးဒီငေးဖြင့် ဒေါက်တာဇီဗားဂိုးကို သတိရသည်။ ဗော်ဒကာအရက်ကို လွမ်းသည်။ အေဗရာမိုဘစ်နှင့် အာရှာဗင်ကို တွေ့ချင်သည်။ အောက်တိုဘာတော်လှန်ရေးကို တမ်းတမိသည်။ မေ့မရပါဘဲလား ကောင်မလေးရေ..။ ကိုယ့်အတွက် မေ့စရာတွေ များသလိုပဲ အမှတ်တရတွေကလည်း ဟိုတစ သည်တစ်စ ပွစာကျဲလို့။

(ဂ)

ညနေ လေးနာရီခွဲလောက်ရောက်တော့ တက္ကဆပ်ပြည်နယ်က ဟူစတန်လေဆိပ်ကို ရောက်သည်။ တစ်ခါတုန်းက ရွာပြန်နွားကျောင်းဖို့ စိတ်ကူးခဲ့သည်။ အခုတော့ မစ္စစ္စပီမြစ်နံဘေး နွားကျောင်းဖို့အတွက် ဖြစ်လာသည်။ ခုတ်ရာ တစ်လွဲ ရှရာတစ်ခြား။ ဒါ လူ့ဘ၀ပဲ ဖြစ်လိမ့်မည်ထင်သည်။ တက္ကဆပ်ပြည်နယ်ရောက်တော့ တစ်ခါတုန်းက တက္ကဆပ်ပြည်နယ်က လယ်သမားတွေကို သတိရသည်။ ကိုယ်သိပ်တန်ဖိုးထားမိသော တက္ကဆပ်သားတစ်ဦးရဲ့ စကားတစ်ခွန်းရှိသည်။ “ ဒဏ်ရာများကို မမေ့သလို ဒဏ်ရာပေးသူများကိုလည်း လုံးဝမေ့လိမ့်မည်မဟုတ်”ဆိုသော စကား။ ပြောသူက ဂျော့ဒဗလျူ ဘုတ်ရှ်။ 9/11 အရေးခင်းပြီးတော့ မိန့်ခွန်းပြောသည့်စကား။ ကိုယ်သိပ်ကြိုက်သည့် ဒဿန။ မေ့လို့မရတာလည်း မပြောနဲ့။ ကိုယ်တန်ဖိုးထားသည့်စကားကိုက အမှတ်သည်းခြေကြီးသည့်စကား။ မေ့ဖို့ ကြိုးစားပါလို့ မပြောပါနဲ့တော့ ကောင်မလေးရေ...။

တက္ကဆပ်ပြည်နယ် အော်စတင်မြို့ကနေ မေရီလန်းပြည်နယ်ကို အလည်ရောက်သွားသည်။ ၀ါရှင်တန်ဒီစီကို နှစ်နာရီလောက်ပဲ ကားမောင်းရသည်ဆိုသဖြင့် ဒီစီကို ဆက်သွားဖြစ်သည်။ အိမ်ဖြူတော်၊ ကွန်ကရက်အဆောင်အဦး၊ လင်ကွန်းပြတိုက်.. ဘာညာ စုံနိုင်သမျှ စုံအောင်လျှောက်သွားဖြစ်သည်။ ကိုယ်တို့ရောက်တာ နည်းနည်းနောက်ကျတော့ ချယ်ရီတွေ ဝေနေတာ မမြင့်ခဲ့ရ။ ပြင်းရှရှ ကျောက်တိုင်နှင့် ပန်းခြံတွေသာ ထိရှခံစားခဲ့ရသည်။ ကြည့်စမ်း။ တစ်ကမ္ဘာလုံးက စောင့်ကြည့်နေရသော အိမ်ဖြူတော်။ တကမ္ဘာလုံးက လေးစားကြည်ညိုကြသော သမ္မတကြီးလင်ကွန်း။ ကိုယ်မမေ့။ ကော်လင်းပါဝဲလ်ကို မမေ့။ ဗီယက်နမ်စစ်ပွဲကို မမေ့။ လပ်ဇပ်ကားနှင့် သံလွင်ပင်ကို မမေ့။ 9/11 တုန်းက ဘင်လာဒင်တို့ ပစ်မှတ်များကို မမေ့။ ဂျော့်ဒလျူဘုတ်ရ်ှရဲ့ သမိုင်းဝင်စကားကို မမေ့။ သမ္မတကြီးလင်ကွန်း အိမ်ဖြူတော်ကို လာသည့် ဘော်လ်တီမိုးက ရထားဘူတာရုံလေးကို မမေ့။ မမေ့နိုင်သေးဘူး ကောင်မလေးရေ...။

အဲသည်ကနေ ကိုယ်နေရမယ့် မေပယ်ရွက်ကြွေတောကို ခရီးဆက်သည်။ မေပယ်မြို့လေးကို ရောက်ရောက်ခြင်း Welcome to United State ဆိုသော Homeland Security က ပို့သည့် စာလေးက နွေးထွေစွာ ကြိုနှင့်နေသည်။ တစ်လလောက်ရောက်တော့ ဂရင်းကဒ်ရောက်လာသည်။ စာတိုက်က။ ဂရင်းကဒ်အလာကို စောင့်နေရသည့် ကာလလေးမှာ နေတိုင်းကြည့်နေသည့် စာပို့ကားလေးကို မမေ့။ ခြံနောက်တွင် ညဘက်ညဘက်ရောက်လာတတ်သည့် ယုံကလေးများကို မမေ့။ အအေးဓာတ်လေးထဲမှာ အနွေးဓာတ်ရအောင် ဆေးလိပ်သောက်ခဲ့ရသည်များကို မမေ့။ ကိုယ်ကိုယ်တိုင် ဦးစီးခဲ့ရသော ရှင်ပြုရဟန်းခံပွဲကို မမေ့။ စာကြည့်တိုက်လေးကို မမေ့။ ထမင်းရှင် ဟင်းရှင်များကို မမေ့။ ညဉ့်သန်းခေါင်ကျော်ကိုယ်က လ ကိုကြည့် စကားပြောရင် နေကို ငေး စကားပြောနေသည်ဆိုသော သော်တာကိုလည်း မမေ့။ ကျောင်းတက်ဖော် အီသီယိုးပီးယားက မွတ်စလင်မလေးကို မမေ့။ ရှေးဟောင်း အမေရိကန်လယ်သမားများရဲ့ သစ်လုံးအိမ်ကို မမေ့။ ကမ္ဘာ့အကြီးဆုံး ရေကန်ကြီးကိုလည်း မမေ့။ ကိုယ်စင်္ကာပူပြန်မယ်ဆိုတော့ ၀မ်းနည်းစကား ဆိုသူများကိုလည်း မမေ့။ မမေ့စရာတွေက အများသား ကောင်မလေးရေ........။

(ဃ)

အောက်တိုဘာရောက်တော့ ကာလဖိုးနီးယားကို အလည်ရောက်သည်။ လော်စ်အိန်ဂျလိစ် အင်တာနေရှင် နယ်လေဆိပ်ရောက်တော့ ဟိုတယ်ကာလဖိုးနီးယားသီချင်းကို သတိရမိသည်။ ဟောလိဝုဒ်တောင်တန်းကို သတိရသည်။ ယူနီဗာဆယ်စတူဒီယိုကို သတိရသည်။ စကြာဝဠာအကြောင်း လေ့လာခဲ့ရသည့် ဂတ်တီစင်တာကို သတိရသည်။ တစ်သက်တွင် တစ်ခါသာစီးဖူးသော BMW ကားစီးချိန်ကာလလေးကို သတိရသည်။ ကမ္ဘာကျော် ဒေါ်လာငါးဆယ့်ငါးသန်းကျော်တန် ပန်ချီကားတွေကို သတိရသည်။ ပြီးတော့ သူငယ်ချင်းမိဝေ မုန့်လိုက်ကျွေးတာကို သတိရသည်။ သတိအရဆုံးက အပျက်မဘ၀ကနေ ရုန်းထွက်ပြီး နာမည်ကျော်အဆိုတော်မလေးဘ၀ကို တက်လှမ်းခဲ့သည့် အဆိုတော်မလေးကို သတိရမိခြင်းဖြစ်သည်။

အဲသည်ကနေ ဆန်ဖရန်စစ္စကို ခရီးဆက်ဖြစ်သည်။ တစ်ခါက ဆန်ဖရန်စစ္စကိုဆိုသော မေဆွိသီချင်းလေးကို မေ့မရ။ မိုးထဲရေထဲ ဂိုးဒင်းဂိတ်တံတား ပြေးလွှားခဲ့သည်ကို မေ့မရ။ ရိုက်ထားသည့်ဓာတ်ပုံများ မှားဖျက်မိခဲ့သည်ကိုလည်း မေ့မရ။ မားသားထရီး ဖားသားထရီးကိုလည်းမေ့မရ။ ဘေးဧရိယာက တံတားကြီးများကိုလည်း တအံ့တသြမေ့မရ။ ကမ္ဘာမြေဆွဲအားကို ပြောင်းပြန်ဖြစ်နေသော နေရာလေးကိုလည်း မေ့မရ။ လိုက်ပါပို့ဆောင်ပေးသော မိတ်ဆွေများကိုလည်း မေ့မရ။ ဆန်ဒီရေးဂိုးက လေယဉ်တင်စစ်သင်္ဘောကြီးကိုလည်း မေ့မရ။ ဆန်ဖရန်ကနေ အမေ့ကို တရားချတဲ့ ကာလလေးကိုလည်း မေ့မရ။ ကောင်မလေးရေ.. ကိုယ့်ကို မေ့လိုက်ပါလို့ မပြောပါနဲ့တော့ ။ ကိုယ့်ရင်မှာ မေ့မရတာတွေ များလွန်းလို့ ကိုယ့်မှာ သတိရဖို့တောင် အချိန်လုနေရတယ်လေ။

(င)

ဘ၀တစ်ခုကို ပြောင်းလဲတော့မည်ဆိုတော့ ကိုယ့်မိတ်ဆွေ သူငယ်ချင်းကောင်းတွေရှိရာ ပင်ဆယ်ဗေးနီးယားဆိုတဲ့ ပြည်နယ်လေးဆီ ခြေဦးတည်လိုက်တယ်။ ဘ၀တစ်ခုကို နိဂုံးသတ်လိုက်တဲ့ နိုဝင်ဘာ (၂၁)ရက်ညလေးက ည (၇)နာရီ မိနစ်လေးဆယ်ကို မေ့မရ။ အဲသည်ကနေ ဖလော်ရီဒါပြည်နယ်က မိုင်ယာမီကမ်းခြေအလှကိုလည်း မေ့မရ။ ကန်တကီပြည်နယ်က သမ္မတကြီးလင်ကွန်း မွေးဇာတိ ယာသမားအိမ်လေးကိုလည်း မေ့မရ။ ကိုမိုးထက်အောင်နှင့် အရက်ဆိုင်သွားရသည်ကိုလည်း မေ့မရ။ ကိုရွှေသူဌေးရဲ့ ကောင်းကွက်ဆိုးကွက်များကိုလည်း မေ့မရ။

ကန်တကီ၊ တန်နက်စီ၊ ဂျော်ဂျီယာ၊ မြောက်ကာရိုလိုင်းနား၊ တောင်ကာရိုလိုင်းနား၊ ဗာဂျီးနီးယားနှစ်ပြည်နယ်နှင့် မေရီလန်းပြည်နယ်တို့ကို နှစ်ညအိပ် သုံးရက်ခရီး ကားနှင့် ပတ်ခဲ့ရသည့် ကာလလေးကိုလည်း မေ့မရ။ အခုတော့ မေ့မရမှုများနှင့် အသားကျနေသည့် ကိုယ်က မေ့လိုက်ပါဆိုသည့် ဟန်ထွန်းသီချင်းလေးကို နားထောင်နေမိပြီ။

(၂)

“ဟေ့ နေသစ် ဘာလုပ်နေတာလဲ”

ဒူဘိုင်းက သူငယ်ချင်းက အွန်လိုင်းကနေ မေးနေသည်။ ကောင်းမလေးကို လွမ်းနေတာကိုယ့်လူရေဆိုတော့ မေ့ပစ်လိုက်တဲ့။ လာပြန်ပြီ။ သည်မေ့ပစ်လိုက်ဆိုကြီး။ ကိုယ်ကတော့ မမေ့ဘူးကွာဆိုတော့ သူက တစ်ဘက်သတ် အချစ်သာ ကြားဖူးတာ၊ တစ်ဘက်သတ်သစ္စာဆိုတာကို အခုမှကြားဖူးတာတဲ့။ သူပြောသွားသည့်စကားလေးက တော်တော်ကောင်းသည်။ တစ်ဘက်သတ်သစ္စာဆိုပါလား။ တော်တော်လတ်ဆတ်သည့်အတွေးပဲ ဟု ကောက်ချက်ဆွဲလိုက်မိသည်။ သစ္စာတရားဆိုသည်မှာ ဆိုထားမှ၊ ဘုရားရှေ့တိုင်တည်အဓိဌာန်ထားမှ သစ္စာမည်သည်မဟုတ်ပါ။ ကိုယ့်စောင့်ထိန်းမှုသည်သာ သစ္စာဖြစ်သည်ဟု ယုံကြည်နေမိသည်။ သို့ဆိုလျင် သူငယ်ချင်းပြောသလို ကိုယ့်ဘာသာ စောင့်ထိန်းပြီး ကျန်တဲ့တစ်ယောက်က မစောင့်ထိန်းရင်ကော..။ တစ်ဘက်သတ်ချစ်၊ တစ်ဘက်သတ်သစ္စာများ ဖြစ်နေမလား။

ဟိုးလွန်ခဲ့သော ၂၀၀၉ ခု ဧပြီလတုန်းက ကောင်မလေးက ကိုယ့်ရဲ့ အရင်ကဇာတ်လမ်းတွေကို မေ့ပစ်ဖို့ သီချင်းလေးနှင့် သတိပေးနေသည်ဟု ကိုယ်ခံစားရမိခဲ့သည်။ အခု နားဆင်နေချိန်မှာတော့ ကိုယ့်ကို သူနဲ့ ပတ်သက်ခဲ့တာတွေ မေ့ခိုင်းနေသည်ဟု ခံစားနားလည်နေမိသည်။ Time will heal our wounds.ဟူသော အဆိုလေးက လောလောဆယ် သူ့ကို မထိရှသေး။ ဘာပဲဖြစ်ဖြစ် သူမ နောက်ဆုံးပြောသွားသည့် အတိတ်ကို ပြန်တူးဆွမနေနဲ့ ဆိုသော စကားလေးကတော့ သူ့ရင်ထဲတွင် ယနေ့ထိ မမေ့နိုင်သေးပေ။

(ကိုယ့်ကို အ၀ါရောင်တိမ်တိုက်တွေအကြောင်း သင်ပေးသွားတဲ့ ကောင်မလေးကို ဒီနေရာကနေ ကျေးဇူးစကားဆိုပါတယ်။ ပြီးတော့ ကိုယ့်ရဲ့ တစ်နှစ်စာအလွမ်းတွေကို ကူနားလည်ပေးတဲ့ သူငယ်ချင်းတွေနဲ့ ကိုရွှေအမေရိကားခရီးစဉ်အတွက် ကူညီပေးသူတွေရဲ့ ကျေးဇူးကိုလည်း မေ့မရပါကြောင်းလည်း ပြောပါရစေ လား။)

Type the rest of your post here.

နိုင်ဂရာရေတံခွန်ပုံရိပ်များ

2010-04-15T19:05:00.001-07:00

နိုင်ဂရာရေတံခွန်

အမေရိကန်+ ကနေဒါ နယ်စပ်တံတား

နိုင်ဂရာရေတံခွန်အလှ (Panorama ရိုက်ချက်)

ကနေဒါဘက်ခြမ်းက မီးပြတိုက်

တလောက နိုင်ဂရာဖောကို ရောက်တော့ ပုံလေးတွေ ရိုက်ဖြစ်ခဲ့တယ်။ ကိုယ့်ပုံက လွဲရင်ပေါ့ဗျာ။ ဖုံးကင်မရာနဲ့ ရိုက်ထားတာဆိုတော့ ဒီလောက်တော့ ရှိမှာပေါ့လို့ သည်းခံကြည့်ပေးတော်မူပါဗျာ။ :D

အိမ်အပြန်

2010-04-03T00:01:00.000-07:00

(နိဂုံး)

တစ်ရက်လုံးလုံး စီးနင်းလိုက်ပါခဲ့ရသော ဒဏ်ကြောင့် လူတစ်ကိုယ်လုံးလည်း ပင်ပန်းနွမ်ချည့်နေသည်။ လေယဉ်ပေါ်တွင် ပါသော ဂိမ်းများလည်း ကစားရသည်မှာ ငြီးငွေ့လာသည်။ မာမိုရီစတစ်ထဲ ထည့်ထားသော အဆိုတော်စိုးထီးဆိုင်ရဲ့ သိပ်သိပ်ချစ်ရတဲ့ နွဲ့တယ်ရယ်ဆိုသော သီချင်းလေးခမျာလည်း ဖွင့်နားထောင်ရလွန်းလို့ တော်တော့်ကို ငြီးငွေ့ဖွယ်လို ဖြစ်လာသည်။ သို့ဖြင့် တိုင်ပေကနေ ဘန်ကောက်သို့ အသွား တစ်လမ်းလုံး ပြန်အိပ်ကြည့်သော်လည်း အိပ်မပျော်။ အသင့်ဆောင်ထားသော စာအုပ်ကလေးသာ ကုန်သွားသည်။ မျက်လုံးက စင်းတောင် စင်းမသွား။ ထားတော့။ အပြန်လမ်းတစ်လျှောက်လုံး ပင်ပန်းမှုတွေက အိမ်ပြန်စိတ်ကလေးတစ်ခု ထဲနှင့် သူ့ ပျော်ဝင်နေပုံရသည်။ ဘန်ကောက်ကနေ ရွာဦးက လေဆိပ်ကို ဆက်စီးတော့မည်ဆိုတော့ သူ ဘယ်လိုမှ နေမထိထိုင်မသာခံစားနေရမှုကို မချိုးနိုင်ခဲ့ချေ။

(၁)
“အကို ရန်ကုန်ရောက်တော့မယ်ဗျ။ ”

ဘန်ကောက်ကနေ လိုက်ပါလာသော နံဘေးခုံက မိတ်ဆွေက အသိပေးတော့မှ ပြတင်းဝကို ငေးကြည့်ဖြစ်သည်။ ၁၉ရာစုနှစ်က အတိုင်း၊ ကိုယ်တို့နိုင်ငံက ထိန်းသိမ်းထားသည်မှာ အံ့ဖွယ်သရဲဆန်လွန်းလှသည်။ ကြည့်ပါဦး။ သူ ဆန်ဖရန်စစ္စကိုလေဆိပ်ကနေ လေယဉ်တက်တော့ ကြည့်လိုက်ရသည့် မြင်ကွင်းတွေ၊ တိုင်ပေ၊ ဘန်ကောက်က ကြည့်ခဲ့ရသည့် မြင်ကွင်းတွေနှင့် လားလားမျှမတူအောင် ရှေးဟောင်းအမွေအနှစ်တွေကို ထိမ်းသိမ်းတတ်သော ကိုယ့်နိုင်ငံကို ဂုဏ်ယူရမလိုလိုပင် စိတ်ထဲ ဖြစ်နေမိသည်။ ဆန်ဖရန်၊ တိုင်ပေ၊ ဘန်ကောက်မှာတော့ တိုက်မြင့်မြင့်ကြီးတွေ ၀ံ့ကြွားနေတာကို မြင်ခဲ့ရသလောက် ကိုယ်တို့ရွာဦးက လေဆိပ်မှာတော့ တဲပုပ်လေးတွေပဲ မြင်နေရသည်။ အထင်းသားမြင်ရတာဆိုလို့ ရွှေတိဂုံစေတီတော်ကြီးသာ ရှိသည်။

နံဘေးက ခရီးဖော်က ကျွန်တော်တို့လေဆိပ်ကတော့ဗျာ ကျွန်တော်လွန်ခဲ့တဲ့ ငါးနှစ်က စထွက်ခဲ့တုန်းက အတိုင်းပဲ ဘာမှ မပြောင်းလဲဘူးဗျတဲ့။ သူက ဘာတွေ ပြောင်းလဲစေချင်တာပါလိမ့်။ ကျွန်တော်မစပ်စုမိ။ ပြောင်းလဲခြင်းဆိုသည်မှာ မပြောင်းလဲသည့် အရာတစ်ခုတဲ့။ တကယ်သာ အဲဒီသဘာဝ မှန်ကန်ပါက ကျွန်တော်တို့ ပြောင်းလဲနေကြရမည်မှာ သေချာသည်။ ကျွန်တော်တို့ ရွာနှင့် ပတ်သက်လျင် အဲဒီသဘာဝအမှန်တရားက လျစ်လျူရှုထားဟန်ရှိသည်။ ဘာမှ မပြောင်းလဲ။ အဲ ...ကျွန်တော်ကတော့...။ ပြောင်းလဲသွားတာ သေချာပါသည်။ ၂၀၀၉၊ခု၊ ဧပြီလ (၄)ရက် နေ့တွင် စင်္ကာပူအဲယားလိုင်းဖြင့် ပြည်ပသို့ ထွက်ခဲ့သည့်နေ့က စတွက်လျင် ၂၀၁၀၊ ဧပြီလ (၄)ရက်နေ့အတွင်း အပြောင်းအလဲတွေ သိပ်များခဲ့သည်။ ပြောင်းလဲလွန်းအားကြီးသဖြင့် ကျွန်တော့်ကို မည်သူကမျှ ရုတ်တရက်မှတ်မိနိုင်ကြမည်မထင်ပေ။

ပြည်ပသို့ စထွက်လာစဉ်က ခေါင်းကို ပြောင်အောင်တုံးထားသည့် ကတုံးကေနှင့်။ အခုတော့ ဆံပင်ရှည်ရှည်၊ နှုတ်ခမ်းမွှေးတွေ ပသိုင်းမွှေးတွေနှင့် လမ်းသရဲဆန်ဆန်ဟု ပြောလိုက ပြောနိုင်လောက်သည်။ ဒါက ပထမ အပြောင်းအလွဲ၊ နောက်တစ်ခုက သည်တစ်နှစ်တာက ကာလအတွက် သင်္ခန်းစာတွေ များစွာရခဲ့သည်။ အသဲလည်း ကွဲခဲ့ရသည်။ (ဆရာစံဇာဏီဘိုကတော့ ကန်ရာသီဖွားများသည် အသဲကွဲသူများမဟုတ်၊ အသဲနာသူများ ဖြစ်သည်ဟု ဟောထားသည်။ ကျွန်တော်ကတော့ ဆရာရယ် အသဲလည်း ကွဲ၊ အသဲလည်း နာပါတယ်ဆရာရယ်။ သေချာတာတော့ ကျွန်တော်အသဲနာလွန်းလို့ စင်္ကာပူကနေ မပြန်ဘဲ တိုင်ပေကနေပဲ ပြန်တာသာ ကြည့်ပါတော့ဆရာ။) ကျွန်တော်တွေ့ခဲ့ရသော အပြောင်းအလဲများကိုသာ ရေးပြနေလျင် တစ်ထောင်တစ်ညပုံပြင်က အရှုံးပေးရလိမ့်မည်ထင်သည်။ သည်အတိုင်းပဲ သည်နားမှာပဲ ထားပါရစေတော့။

(၂)

သူ ရုတ်တရက် အရေးပေါ်ကိစ္စဖြင့် မြန်မာပြည်သို့ ပြန်လာသည်။ ဘယ်သူမျှ မသိ။ မြန်မာကနေ မပြန်တော့ဘဲ ရွာမှာပင် အပြီးအပိုင် နွားကျောင်းတော့မည်ဆိုသည်မှာလည်း ဘယ်သူမျှမသိ။ အမေကကော အရင်လို မျက်ရည်ဝဲနေဦးမှာလား။ တစ်ယောက်ကို တစ်ယောက် သမီးရည်းစားစကား မပြောပါဘဲ နားလည်မှုတွေ၊ သစ္စာသိမှုတွေနဲ့ ရှင်သန်နေတဲ့ ညီမလေးသော်တာသစ်မှူးကကော “ရွာမှာ အပြီးနွားကျောင်းတော့မှာလား အကို”လို့ မေးနေဦးမှာလား။ ဘာမျှ မသေချာ။ မသေချာမှုတွေနဲ့ သေချာခဲ့တဲ့ သူ့အဖို့ မျှော်လင့်ချက်တွေဆိုတာ သူနှင့် ဘာမျှ မဆိုင်သလို ခံစားခဲ့ရသည်မှာ ကြာပြီ။ ရေးဖော်ရေးဖက်၊ သောက်ဖော်သောက်ဖက် သူငယ်ချင်းတွေကကော “ငါတို့တွေ လေထန်ကုန်း ချီတက်ကြစို့”လို့ ခေါ်နေကြဦးမှာလား မပြောတတ်၊။ လွယ်အိပ်ကလေးတစ်လုံးနဲ့ လှည်းတန်း မြေနီကုန်းတစ်ဝိုက်က လဘက်ရည်ဆိုင်လေးတွေကကော အရင်လို ဖန်ချိုတစ်ခွက်နဲ့ မျှော်လင့်ချက်တွေ ထပ်ပေးနေကြဦးမလား။ မရေရာ။ အိမ်အပြန်ခရီးက မသေချာ မရေရာမှုတွေနဲ့ မနွေးထွေးလိုက်တာ အမေရာ။

အရင်က စားနေကျ မြေနီကုန်းသိန်းဇော်ကွမ်းယာဆိုင်လေးကော ရှိမှ ရှိသေးရဲ့လား။ သည်ကောင်က အလောင်းစားဝါသနာပါသူမို့ သူ့အတွက် တခုတ်တရ သတိရမိခြင်းဖြစ်သည်။ ပြီးတော့ ကိုယ်တက်နေကျ ဆရာကြီးဦးမြကြိုင်ရဲ့ အင်္ဂလိပ်စာသင်တန်းကကော အရင်လို စည်ကားသေးရဲ့လား။ နေရာပြောင်းသွား ပီဖြစ်တော့ ကိုယ်ထိုင်နေကျ ဦးရှည်ကြီးလက္ဘက်ရည်ဆိုင်ကလေးကော လိုက်ပြောင်းသေးရဲ့လား။ ကန်းစွန်းရွက် ကြော်နဲ့ ဆွမ်းတော်တင်ခဲ့ရတဲ့ လ တွေကလည်း ရှည်းလျားချေရဲ့ ကိုရန်နောင်ရေ။ ပြီးတော့ နယ်သစ်ဦးမှာ သူများတွေ အတွဲလေးကိုယ်စီထိုင်နေတာ မြင်တော့ ကိုယ်လည်း ထိုင်ချင်တာပေါ့ကွာ။ ဖက်တီးက သွားကို ဖြီးလို့ သူ့နားမှာ ကောင်မလေးတွေ ၀ိုင်းနေရင်။ အခုတော့ ဖက်တီးရော ကိုမင်းသိန်းပါ စင်္ကာပူမှာ ကွမ်းယာလေးတွေ မြုပ်လို့။ ကိုယ့်ရဲ့ အိမ်ထောင်ရေးဖတ်စာ စာအုပ်လေးလုပ်တုန်းက စစ်တမ်းတွေ ၀ိုင်းတွက်ပေးကြတဲ့ သူငယ်ချင်းတွေ (မျိုးမျိုးမော်။ ပန်းအိ။ ထမင်း။ ဇော်လင်းထွေး၊ မေသူ။ ဇော်ကြီးတို့ကော အိမ်ထောင်ရေး စာအုပ်လေးဖတ်ပြီး အိမ်ထောင်တွေ ကျကုန်ကြပြီးလား မသိ။)

(၃)

“အကို ပစ္စည်းတွေ ချဖို့ ပြင်တော့လေ။ ခများကလည်း ရွာနဲ့ ခွဲနေတာ ကြာလို့လား၊ ဒါမှမဟုတ် ကိုယ်တို့အပြည်ပြည်ဆိုင်ရာ ရွာလေဆိပ်ကြီးကိုက ခမ်းနားနေလို့လား။ ဒီလောက် ငေးနေတာ။”

ဟုတ်ပါရဲ့။ လေယဉ်က ရပ်တောင်နေပြီ။ ကိုယ်က အတွေးတွေ မရပ်နိုင်သေး။ ရှိစုမဲ့စု ထည့်လာတဲ့အိပ်ကလေးကို ဆွဲချပြီး လေဆိပ်အဆောက်အဦထဲ ၀င်ဖို့ စောင့်နေကြသည်။ မကြာဘူး။ စက်လှေကားလေးစီးပြီး အောက်ကိုရောက်သွားသည်။ မြန်မာပါတ်စ်ပို့ဆိုတဲ့ နေရာလေးမှာ ၀င်တန်းလိုက်ပြီးတော့ လေယဉ်ဝမ်းဗိုက် ထဲက ပစ္စည်းတွေအလာကို စောင့်နေလိုက်သည်။ ကိုယ့်အိပ်ထွက်လာပီဆိုတော့ ကိုယ့်အိပ်လေးကို ဆွဲ ပြီး လာကြိုသူတွေကို ပြုံးပြနှုတ်ဆက်လိုက်သည်။ ညီမလေးလဲ ပါမလာပါလား။ ဘာကြောင့်ပါလိမ့်..........

“အကို့ အိပ်ကလေး ခဏလောက် စစ်ကြည့်ချင်လို့”

“ ဟာ ရပါတယ် ။စစ်ပါ၊ ဥပဒေနဲ့ မလွတ်တာမပါပါဘူးဗျ၊”

“ ဒီ Appleလက်တော့က သယ်ခွင့်မရှိဘူး။ အခွန်ဆောင်ရမယ်ဗျ။”

“ ဟာ အကိုကလည်း ဒါ ကျွန်တော်သုံးနေကြ အဟောင်းလက်တော့လေးပါ။ အသစ်မှမဟုတ်တာ။ ကျွန်တော့် တစ်ကိုယ်ရေသုံးပစ္စည်လေဗျာ”

“ မရဘူးဗျ။ မဆောင်ရင်တေ့ာ ဗိုလ်မှုးနဲ့ ပေးတွေ့လိုက်ရုံပဲလေ”

သည်လူငွေညစ်နေမှန်းသိသည်။ ကိုယ့်အိမ်ကို ပြန်တာတောင် မလွတ်လပ်၊ မနွေးထွေး။ ရန်သူ သရဲသဘက်တစ်ယောက်လို အစစ်ခံရ၊ အမွှေခံရ။ ဖွတ်ဖွတ်ကျေနေသော ကိုယ့် အိပ်ကလေးကို ပြန်စီထည့်ရင်း စိတ်က တစ်ခါတည်း လေယာဉ်ပေါ်တက် ပြည်ပပြန်ထွက်လိုက်ချင်သည်။

“ အကို ညီမက ဒီမှာလေ”

အသံရာလှမ်းကြည့်လိုက်တော့ ညီမလေး သော်တာသစ်မှူး။ ခုနက ပါမလာဘူးထင်နေတာ။ အခုတော့ ကြည့်စမ်းပါဦး။ ကိုယ့်ညီမလေးက လှလို့။ နည်းနည်းလေးတော့ ပိန်သွားသလိုပဲ။ အမေ့ကို ကြည့်လိုက်တော့ အမေက မျက်ရည်တွေ ရွှဲလို့။ အဖေကတော့ သူ့ပုံစံအတိုင်း အေးတိအေးစက်။ ပစ္စည်းတွေကို ၀ိုင်းသယ်နေတဲ့အချိန် အဖေနဲ့ အမေမသိအောင် ညီမလေးလက်ကို အသာလေး လှမ်းဆွဲလိုက်တာ။ နွေးနွေးနုနု အထိတွေ့လေးကို ရုတ်တရက်ခံစားလိုက်ရသည်။ ကိုယ်တို့ ခံစားချက်တွေကလည်း နွေးနေတုန်းပဲ မဟုတ်လား ညီမလေးရယ်။

(နိဒါန်း)

“မဆုံနိုင်ခင်မှာ မျက်ရည်လဲ ကျရမယ်၊ အချစ်စစ်ရဲ့ သဘော မဖြောင့်ဖြူးဘူးကွယ်။ ဒီလိုချိန်မှာ အားငယ်တိုင်း အရှုံးမပေးနဲ့............”

အဆိုတော် ဆိုင်းထီးစိုင်ရဲ့ သိပ်သိပ်ချစ်ရတဲ့ နွဲ့တင်ရယ်ဆိုသော ဖုံး Ring-toneသံလေးက လူကို တော်တော်ဒုက္ခပေးလိုက်သည်။

“ဟဲလို ပြောပါ။ ကျွန်တော် နေသစ်ပါ”

“ဟဲ့ နေသစ်၊ ငါ နွယ်လေ။ အခု ငါ လေဆိပ်ရောက်နေပီ။ အဲဒါနင့်ကို လှမ်းဖုံးဆက် နှုတ်ဆက်တာ။ နင့်မိဘတွေအတွက် ထည့်ပေးလိုက်တဲ့ ဆေးတွေ ငါသေချာပေးလိုက်ပါ့မယ်။ နင်ကလည်း တစ်ခါတစ်လေ အိပ်ရေးပျက်တာများ။ အခု နင်တို့ဆီမှာ မနက် (၅)နာရီလောက်ရှိပီပေါ့။ ဒီမှာက မနက်စောစော သုံးနာရီဆိုတော့။ ကဲကဲ သေနာ ပြန်အိပ်။ ငါ ဗမာပြည်က ပြန်လာမှ ထပ်နှိပ်စက်တော့မယ်၊ ဒါပဲ။”

ကာလဖိုးနီးယားက သူငယ်ချင်း ဖုံးချသွားတော့မှ ကိုယ့်ကိုယ်ကို ပြန်သေချာ ဆန်းစစ်နေမိသည်။ ခုနက ကိုယ်တ ကယ် ရွာပြန်ရောက်တာ မဟုတ်ဘူးလား။ ဒါဆို အိပ်မက်ပေါ့။ သြော်........အိပ်မက်ထဲမှာတောင် ကိုယ့်ရွာ ကို လွတ်လွတ်လပ်လပ် ပြန်ခွင့်မရှိတဲ့ ဘ၀ပါပဲလားလေ.....။

(ရွှေပြည်ကြီးနှင့် ခွဲခဲ့ရသည့် ကာလတစ်နှစ်ပြည့် အမှတ်တရ)

ညီမလေးလက်ရေး

2010-03-31T19:27:00.000-07:00

စကားလုံးတွေနဲ့ တန်ဆာဆင်ထားတဲ့မြို့ကလေး
အဖိုးတန်တံဆိပ်ခေါင်းတစ်ခု ရင်ဘတ်မှာ ထိုးလို့။

ညီမလေးရဲ့ စာထဲမှာ....

အကိုက လ ကိုကြည့်စကားပြောရင်
ညီမက နေကို ငေးပြီး စကားပြောမယ့်အကြောင်း၊

အကိုက ကောင်ကင်ကို မှီနေချိန်မှာ
ညီမက ကြယ်ကလေးတွေကို ခူးဆွတ်မယ့်အကြောင်း၊

အကိုက နေ၀င်ချိန်ကို ရစ်မူးနေချိန်မှာ
ညီမက ဆည်းဆာနဲ့ ရေချိုးမယ့်အကြောင်း၊

အကိုက လ တစ်ခြမ်းပဲ့လေးကို လွမ်းရင်
ညီမက နေတစ်ခြမ်းပဲ့ကို သတိရနေမယ့်အကြောင်း၊

အကိုက ကြယ်ကြွေကောက်နေချိန်မှာ
ညီမက ခရေတွေ ကောက်နေမယ့်အကြောင်း၊

အကိုက နှင်းတွေကြား ကစားနေချိန်မှာ
ညီမ နေခြည်နုနုမှာ ဆော့နေမယ့်အကြောင်း၊

အကိုက ကဗျာတွေ ရေးနေချိန်မှာ
ညီမက အကို့စာတွေ ဖတ်နေမယ့်အကြောင်း၊

အကိုက မိသားစုကို မေတ္တာပို့နေချိန်မှာ
ညီမက မိသားစုထမင်းဝိုင်း ပြင်နေမယ့်အကြောင်း၊

အကိုက ကွန်ပျူတာကိုင်နေချိန်မှာ
ညီမ ဂဏန်းပေါင်းစက်ကိုင်နေမယ့်အကြောင်း၊

အကိုရေ...
အဝေးမှာ နေရတာ ပျော်ရဲ့လား၊
ညညမှာ ထ ထ ငိုနေတုန်းပဲလား၊
ချစ်သော သုဿာန်အဟောင်းမလေးရေလို့ အော်ခေါ်နေတုန်းပဲလား၊
ရန်ကုန်မှာ လိုင်းကားစီးရသလိုပဲ လွမ်းပါတယ်လို့ ပြောချင်တုန်းပဲလား၊
မကြားရတော့တဲ့ အကို့ညာဘက်နားကလေးလိုပဲ တမ်းတတုန်းပဲလား၊
အိပ်မပျော်တဲ့ ညတွေမှာ ကော်ဖီ ထ သောက်တုန်းပဲလား၊
....................................................................လား၊
..........................................................လား၊

တကယ်ဆို
ယုံကြည်ရာမြစ်တစ်ဆင်းနဲ့ စီးဆင်းနေရသူဆိုတာ ကိုယ်ပါ။
အကို့ရဲ့ ညီမလေး

ဘယ်လိုဖြေရပါ့ (တစ်မျက်နှာ ၀တ္တုတို)

2010-03-24T17:17:00.000-07:00

(၁)

အဲဒီနေ့က မိုးတွေ သည်းသည်းမဲမဲရွာနေတယ်။ ကျွန်တော်တို့အဖွဲ့စီးလာတဲ့ ဆိုင်ကယ်တွေလည်း အားလုံးရွံ့တွေ ပေကျန်လို့။ ဆိုင်ကယ်ကို ထိန်းမောင်းရင်း ပြန်လာခဲ့ရတယ်။ ဒီလိုနဲ့ လမ်းတစ်ဝက်မှာ ဇရပ်တစ်ခုတွေ့တာနဲ့ ဇရပ်ထဲ ၀င်ပြီး မိုးခိုဖြစ်ကြရော။

“မိုးကလည်း စဲမှာ မဟုတ်ဘူးနဲ့တူတယ်ဟ၊ ဘယ်နှယ်လုပ်ကြမလဲ”

“မိုးမစဲတော့ ငါတို့တတွေ ဒီဇရပ်တဲလေးမှာပဲ စခန်းချတာပေါ့ကွာ”

“ဟေး ငါတော့ စခန်းမချနိုင်ဘူးကွ၊ အခုမှ အသစ်စက်စက် ဇနီးကျပ်ချွတ်လေးကို စိတ်မချဘူး”

မင်္ဂလာဆောင်ထားတာမှ မကြာလှသေးတဲ့ နီပုက ၀င်ပြောတာပါ။

“ အံမာ မင်းကများ ဇနီးအသစ်ကျပ်ချွတ်တွေ ဘာတွေ ပြော ကြွားမနေနဲ့ ဟေ့ကောင်။ မင်းတစ်ယောက်တည်း အိမ်ထောင်သည် မဟုတ်ဘူး။ ငါတို့တတွေလည်း အိမ်ထောင်သည်တွေပါကွ။ ညားခါစ မဟုတ်တာ တစ်ခုတည်း။ အဲ...ကိုကြီးမြင့်ဇော်ကတော့ ချွင်းချက်ပေါ့ကွာ။ သူက လူပျိုကြီးဆိုတော့...”

(၂)

ဟုတ်တယ်။ ကျွန်တော်တို့ အခု အခြားရွာက မင်္ဂလာဆောင်က ပြန်လာကြတာ။ သတို့သမီးရော သတို့သားရော ပညာတွေ ငွေတွေ ဘာတွေ ညာတွေ အစုံအပြည့်။ နေနဲ့လ ရွှေနဲ့မြ ပေါ့ဗျာ။ သူတို့ မင်္ဂလာဆောင် ဖိတ်စာမှာလည်း သူတို့နာမည်တွေနောက်မှာ ကွင်းစကွင်းပိတ်တွေနဲ့ ဘာတွေလည်းတော့ မသိဘူး။ အံမယ် ခေတ္တ ဘာပူဆိုလားပါလိုက်သေးတယ်။ ကျွန်တော်တို့က သူတို့ မိဘတွေနဲ့ ခင်လို့ ဖိတ်ခံရတာပေါ့။ သူတို့က နိုင်ငံခြားသွားနေတော့ ကျွန်တော်တို့နဲ့က စိမ်းတယ်လေ။ သူတို့နာမည်နဲ့ သူတို့ရုပ်ရေလေး သိတယ်ဆိုရုံလေး သိတာပေါ့။ ဒါတောင် သူတို့ မိဘတွေက ကြွားလွန်းလို့ သိတာ။ ဧည့်ခံကျွေးမွေးရေးကလည်း ကောင်းမှကောင်းပဲဗျ။ ၀က်သားဆီပြန်နဲ့ ရွာလုံးကျွတ်ကျွေးတယ်။ ပြီးတော့ ရပ်ဝေးဧည့်သည်တွေဆိုလည်း တခုတ်တရ ဟင်းတွေနဲ့လေ။ တကယ်တော့ သူတို့က နိုင်ခံခြားမှာ မင်္ဂလာဆောင်ပီးသား ဆိုလား။ အခုဟာက ရွာမှာ ပြန်လာဆောင်ဖြစ်တယ်ဆိုတာက မိဘတွေ ဆန္ဒနဲ့ပေါ့။ မိဘတွေက တောသူဌေးတွေဆိုတော့ သူတို့သားသမီးတွေကို တကယ့် နိုင်ငံခြားဆိုတာကြီးထိ ပို့ပေး ပညာသင်ခိုင်း၊ အလုပ်လုပ်ခိုင်းတာ။ ကျွန်တော်တို့လို တစ်နေ့လုပ်မှ တစ်နေ့စားရမယ့် သူတွေအဖို့ အခု ကျွန်တော်တို့ စီးနေတဲ့ လိုင်စင်မဲ့ဆိုင်ကယ်ဆီဖိုးလေးတောင် မနည်းရှာနေရတာ။ အေးလေ ရှေးကုသိုလ်ကိုး။ သူများတွေ ချမ်းသာတာကြည့်ပြီး မုဒိတာ ပွားနေရုံပေါ့ဗျာ။

(၃)

“ဟေး မိုးကလည်း တိတ်ကို မတိတ်နိုင်ဘူးကွာ။ မင်္ဂလာဆောင်က မီးခိုးတိတ်ကျွေးတာကိုများ အားကျပြီး မိုးမတိတ်ရွာချနေတာ ထင်ပါရဲ့ကွာ။”
“ ဟုတ်တယ်ကွ။ မင်္ဂလာဆောင်ကတော့ ငါတို့နယ်မှာတော့ အကြီးကျယ်ဆုံးမင်္ဂလာဆောင် ဖြစ်တယ်ထင်ပါရဲ့။ ငါ့တုန်းကတော့ မင်္ဂလာပရိတ်ရွတ်တာတောင် အုန်းပွဲငှက်ပျော်ပွဲကို ဘကြီးဘုန်းကြီး စွန့်ထားတာလေးနဲ့ ပြန်ကန်တော့လိုက်ရတယ်။ ဘ၀တွေများ ကွာပါ့။”

“ဒါနဲ့ ကိုကြီး မြင့်ဇော် ကျွန်တော်တို့ အခုအဖွဲ့ထားမှာ ကိုကြီးတစ်ယောက်ထဲ လူပျိုကြီးဖြစ်နေတာနော်။ ဘယ်လိုလဲ မိန်းမမယူတော့ဘူးလား။ သူများတွေ မင်္ဂလာဆောင်တာ အားမကျဘူးလားဗျ။ ကိုကြီးမြင့်ဇော် မင်္ဂလာဆောင်ရင် ကျွန်တော်တို့ ကူပါ့မယ်ဗျ။ အားမငယ်ပါနဲ့”

“ဟုတ်တယ် ကိုကြီးမြင့်ဇော်၊ ဘာကြောင့်မိန်းမမယူသေးတာလဲ၊ ပြောစမ်းပါဦးဗျာ။ပွင့်ပွင့်လင်းလင်း ရွာသွားချင်းပဲလေ။”

ကျွန်တော်တို့ တစ်ယောက်တစ်ပေါက်နဲ့ ကိုကြီးမြင့်ဇော်ကို ၀ိုင်းစနေကြတာ။ ကိုကြီးမြင့်ဇော်ခမျာတော့ မျက်နှာကြီးထူးအမ်းနီမြန်လာပြီး မင်္ဂလာဆောင်က ဧည့်ခံလိုက်တဲ့ Red Ruby ဆေးလိပ်လေးကို တစ်ချက် မီးညှိလိုက်တယ်။ ပြီးတော့ မိန်းမမယူဖြစ်တဲ့အကြောင်း လေးလေးနဲ့ တွေးတွေးပြီး ပြောချလိုက်တဲ့ စကားလုံးတွေကြောင့် ကျွန်တော်တို့တစ်ဖွဲ့လုံး မိုးနဲ့ အတူ ရော မငိုလိုက်ရုံတမယ်ပဲဗျာ။ ဘာတဲ့။ သူက....

“မင်းတို့နှယ်ကွာ။ အခု မင်္ဂလာဆောင်ပဲကြည့်လေကွာ။ သတို့သား သတို့သမီးတွေရဲ့ နာမည်နောက်မှာ ကွင်းစကွင်းပိတ်ဘွဲ့တွေ၊ အလုပ်တွေ၊ ခေတ္တ..ဘာ...ပူတွေနဲ့ဆိုတော့ သတို့သားဘက်ရော သတို့သမီးဘက်ကရော နေနဲ့လ ရွှေနဲ့မြလို ပွဲလယ်တင့်လို့။ ကောင်မလေးကဆို ပြောတာ မကြားဘူးလား။ ကျွန်မအမျိုးသား ကိုကလေ ဘယ်လိုတော်တာ၊ ဟိုမှာ ဘာလုပ်ရတာနဲ့ ရွှန်းရွှန်းကို ဝေလို့ ပြောနေလိုက်တာ။ ပြီးတော့ သူ့မိဘတွေဆိုလည်းကြည့်။ ကျွန်မသမက်ကလေးက ဘယ်လိုနဲ့။ ”

“ အား အဲဒါ ကိုကြီးမြင့်ဇော်နဲ့ ဘာဆိုင်လို့တုန်းဗျာ။ ခများကတော့ လုပ်ပြီ။ တောင်တွေး မြောက်တွေး တွေးပြီး”

“သိပ်ဆိုင်တာပေါ့ကွာ။ တကယ်လို့ကွာ ငါက မိန်းမယူပြီဆိုပါတော့။ ငါယူလိုက်တဲ့ ကောင်မလေးကကော၊ ငါ့ရဲ့ယောက္ခမတွေကကော ခုနက မင်္ဂလာမဏ္ဍပ်ထဲမှာ ပြောနေသလို လူတောသူတောထဲမှာ ပြောနိုင်ကြ မယ်ထင်လား။ ပြောနိုင်ဖို့ နေနေသာသာ ပြောတောင် ပြောရဲပါ့မလား မသိဘူးကွာ”

“ ဟာ ကိုကြီးမြင့်ဇော်ကလည်း၊ ဘာစကားမို့လဲဗျ”

“ကျွန်မအမျိုးသားကလေ ဘုန်းကြီးလူထွက်၊ ကျွန်မသမက်ကလေ လူပျံတော်၊ဘုန်ကြီးလူထွက် လူတော်လေးရှင့်လို့.......လေ...ကွာ”။

(ဒီအိုင်ဒီယာလေးကို သူငယ်ချင်းတစ်ယောက် မင်္ဂလာဆောင်ကအပြန် ရလို့ စိတ်ကူးနဲ့ ရေးကြည့်လိုက်တာပါ။ တိုက်ဆိုင်မှုရှိလျင် ခွင့်လွှတ်တော်မူကြပါခများ။ မခွင့်လွှတ်နိုင်လျင်လည်း ဆဲဆိုတော်မူနိုင်ကြပါသည်ခများ :) )

Photo by http://americanretirementsolutions.wdfiles.com/local--files/start/Worry.png

Type the rest of your post here.

ပစ်မှတ်

2010-03-19T03:08:00.000-07:00

“May I help you? Please...........”

“I don't know what I want.”

ကိုရွှေတောသားကြီး မောင်နေသစ် အလုပ်လုပ်တဲ့နေရာမှာ မကြာမကြာ ကြားရတဲ့စကားလေးတွေပါ။ တချို့ သူတို့ မားကက်ထဲ ဘာလာလုပ်တယ်ဆိုတာ သိတယ်။ တချို့က ရေရေရာရာ မရှိဘူး။ ထင်သလောက်ပြောရရင် အချိန်တွေကို ဈေးဝယ်ရင်း သုံးဖြုန်းတယ်ပဲ ပြောရမလား။ အဲလိုလူတွေကျတော့ မောင်နေသစ် အလုပ်လုပ်တဲ့ ကောင်တာရှေ့ရောက်လာရင် ဟိုဟာ ၀ယ်နိုးနိုး ဒါလေး ယူနိုးနိုး ကိုင်ကြည့်နေတာနဲ့ ဆယ်မိနစ်မက ရှိတယ်။ ကိုယ်ကလည်း အခစားဝန်ထမ်းဆိုတော့ ဘာကူညီရမလဲ မေးရတော့တာပေါ့။ တချို့ကတော့ ဘာမှမဆိုင်တဲ့စကားတွေ ပြောတယ်။ တချို့ကတော့ ကိုယ့်အကြောင်းမေးတယ်။ တချို့ကတော့ ကိုယ်တို့နိုင်ငံအကြောင်းမေးတယ်။ ခပ်တော့ ခပ်ရှားရှားပါ။ ကိုယ့်နိုင်ငံကို သိတဲ့သူက။ ထိုင်းနဲ့နီးတယ်ပြောမှပဲ အော် ဟုတ်လား။ ငါသိပြီလို့ ထပ်ရွှီးတတ်တယ်။ တခေါက်ကတော့ ထူးထူးဆန်းဆန်း ကိုရွှေငမဲတစ်ယောက်က ဘာမေးသလိဆိုတော့ “ငါတို့ Black People တွေအတွက် သီးသန့်လုပ်ထားတာ ရှိလား”တဲ့။ အဲဒါက ပြဿနာ။ သူတို့ကိုသူတို့တောင် အသားအရောင် ခွဲခြားနေမှတော့ ဘယ်အဆင်ပြေတော့မလဲ။ မောင်နေသစ်လည်း ခပ်တည်တည်ပဲ ပြန်ရွှီးလိုက်တာပေါ့။ ငါတို့ဆီမှာ လူမျိုးဘာသာမရွေး အားပေးလို့ရတယ်ဆိုတဲ့သဘောမျိုးပေါ့။ ထားပါ။ ကိုရွှေတောသားကြီး မောင်နေသစ်က ဒီမက်ဆေ့ကို ပေးချင်တာ မဟုတ်ပါဘူး။ ပေးချင်တာက. I don't know what I want. ဆိုတဲ့ စကားလေးနဲ့ ပတ်သက်တဲ့ အတွေးစလေးကိုပါ။

ခဏခဏကြားရဖန်များလာတော့ အဲဒီစကားလေးကို မောင်နေသစ် ထပ်ခါတလည်းလည်း ရေရွတ်၊ အပြန်ပြန် ထပ်စဉ်းစားနေမိတယ်။ မောင်နေသစ် ကိုရွှေအမေရိကားလာတဲ့ ရည်ရွယ်ချက်က ဘာလဲ၊ ကိုယ်တို့ လူ့ပြည်မှာ ဘာကြောင့် အသက်ရှင်နေချင်ကြတာလဲ၊ ဘာကြောင့် ငွေကုန်၊ အချိန်ကုန်ခံ ပညာသင်ချင်ရတာလဲ၊ ဘာကြောင့် ဒီနေရာကို ရောက်လာနေကြတာလဲ။ ဘာကြောင့် နိုင်ငံရေးလုပ်ကြတာလဲ။ ...............လဲ၊ ...........................လဲ။
အဖြေက ခုနက ကိုရွှေအမဲလို I don't know what I want. ဆိုရင်တော့ သေပြီပဲ။

ကဲ...ချစ်သော စာဖတ်သူ..
မိတ်ဆွေ အခုလုပ်နေတဲ့ အလုပ်တွေ၊ သင်နေတဲ့ ပညာတွေ၊ ဘာညာသာရကာတွေကို သေသေချာချာ ဘယ်နှခါ ပြန်မေးကြည့်ဖူးလဲ။ မမေးဖြစ်သေးဘူးဆိုရင် သေသေချာချာ မေးကြည့်လိုက်ဦးဗျာ။ ကိုယ့်ကိုယ်ကို...။ ကျွန်တော်ကတော့ ပြန်မေးကြည့်တဲ့ မေးခွန်းတစ်ခုရှိတယ်။ “မင်း ဘာကြောင့် ဒီကောင်မလေးကို ချစ်မိတာလဲ”လို့။ အဖြေကတော့ I don't know what I want တဲ့။ သေရော...။

Type the rest of your post here.

မိမိနှင့် မသက်ဆိုင်သော သူ

2010-03-15T18:56:00.000-07:00

အခုတလော ရွာကို ဖုံးဆက်ရမှာ လန့်နေမိသည်။ တစ်ခါဆက်လျင် အရေးကိစ္စတစ်ခု ကြားရစမြဲ။ အခုတစ်ပါတ်ကြားရသည့် သတင်းများ လူသေသည့် သတင်းချည်းဖြစ်နေသည်။ တစ်ခုက မွေးစားမိခင်ပဲ ပြောရမလား။ သူ့ကို ငယ်ငယ်ကတည်းက ဂရုတစိုက်ရှိခဲ့သူ။ ကိုယ့်အိမ်က ငါးကျပ်မုန့်ဖိုးပေးရင် သူက တစ်ဆယ်ပေးတတ်သည်။ ပြီးတော့ ကိုယ် စိတ်ညစ်နေပြီဆို မိခင်လိုတစ်မျိုး၊ အဒေါ်လိုတသွယ် ဖေးမကူညီ ဆုံးမတတ်ခဲ့သူ။ မထင်မှတ်ဘဲ ရုတ်တရက် ဆုံးသွားတာတဲ့။ အလုပ်ပိတ်တဲ့ရက်မှာ ကြားလိုက်ရတာမို့ ဘီယာဗူးတစ်ချို့နဲ့ ၀မ်းနည်းမှုတွေကို သွန်ထုပ်ပစ်ခဲ့လိုက်မိသည်။

ပေါင်းသင်းခဲ့သည့်သူငယ်ချင်းတစ်ဦးက ကျွန်တော်ငိုတာ တစ်ခါမှ မတွေ့ဖူးလို့တဲ့။ တော်တော်လေး အံ့သြသွားသလို တော်တော်လေး ကိုယ်ချင်းစာသွားပြီး အမေနဲ့ ပတ်သက်သည့် သီချင်းတွေ ပို့ပေးသည်။ ညရောက်တော့ ညီမလေးဆီ ဖုံးခေါ်သည်။ ညီမလေးအသံက အရင်လို မလန်းဆန်း၊ မတက်ကြွ။ အကြောင်းစုံမေးကြည့်တော့ ညီတော်မောင် ဆိုင်ကယ်ဖြင့် တင်ခေါ်လာသော လူတစ်ယောက် ဆိုင်ကယ်ပေါ်က ပြုတ်ကျ သေဆုံးသွားသည်ဟု ပြောပြသည်။ သို့ဖြင့် မေတ္တာဖြင့် လိုက်ပို့ပေးရသော ညီတော်မောင်က ကွယ်လွန်သွားသူရဲ့ မိသားစုကို လျှော်ကြေးတွေ မနည်းမနော ပေးရသည်ဟူ၏။ ပြီးတော့ ကွယ်လွန်သွားသော မွေးစားအမေအတွက် ရည်စူးပြီး ကုသိုလ်လုပ်ပေးဖို့နဲ့ အဲဒီလိုလုပ်ရင် အကိုလည်း တာဝန်ကျေသလို ခံစားရ တာပေါ့ဟု အကြံပေးခဲ့သေးသည်။

အဲသည်ည။ လုံးဝအိပ်မရတော့။ ကွယ်လွန်သွားတဲ့ မွေးစားအမေ၊ ပြီးတော့ မေတ္တာစေတနာနဲ့ ကူညီပေးရာက ငွေတွေ လျှော်လိုက်ရသည့် ညီတော်မောင်။ ကြားရသည့်သတင်းတွေက တော်တော် တုန်လှုပ်စေခဲ့သည်။ တုန်လှုပ်စေသကဲ့သို့ တစ်ယောက်ထဲ ငိုလိုက်၊ မော့လိုက်၊ မူးလိုက်။

+++++++++++++++++++++++++++++++++++++++

ကိုယ့်ခံစားချက်တွေ ပေါ့စေဖို့ ကိုယ်သံယောဇဉ် ရှိသူတစ်ဦးထံ ဖုံးဆက် ရင်ဖွင့်သည်။ သူမက ဘာမှမဖြစ်သလို။ ပြီးတော့ လူမှုရေးအရတောင် အားပေးစကား ပြောမသွား။ ကသုတ်ကရက် ပြော၊ ကသုတ်ကရက်ဖုံးချသွားသည်။ သူမကလည်း ကိုယ့်ကို ကသုတ်ကရက်ချစ်ပြီး ကသုတ်ကရက်ပဲ မေ့ပစ်လိုက်ဟန်တူပါရဲ့။ နောက်ရက် ရောက်တော့ အွန်လိုင်းမှာရော သူငယ်ချင်းတွေကို ပြောပြဖြစ်သည်။ နားထောင်နေသည့် သူအချို့ထဲက တစ်ယောက်က အော် ဟုတ်လား..တဲ့။ ပြီးတော့ ခပ်နော့်နော့် စကားလုံးနဲ့ ခပ်လိုက်သေးသည်။ အစတော့ တော်တော် စိတ်ထဲ နာကျဉ်သွားသည်။ အလိုလိုမှ စိတ်ဖြေနေသည့်ထဲ စကားလုံးတွေ ထိုးစိုက်ခံလိုက်ရသော ရင်ဘတ်တွင် ပို၍ ခံစားရသွားသည်။ အေးလေ.. ကိုယ်သံယောဇဉ်ရှိသူကတောင် လူမှုရေးအရလေးပဲ ဖြစ်ဖြစ်(အားနာပါးနာတောင်) အားပေးစကား မပြောမှတော့ ကျန်တာတွေ အပြစ်မတင်ရက်တော့။ အပြစ် မမြင်ခဲ့တော့။

++++++++++++++++++++++++++++++++++++++++++

လူတိုင်း ကိုယ့်နံဘေးဝန်းကျင်မှာ သေဆုံးသွားတာတွေ မြင်ဖူးကြပါသည်။ ကြုံဖူးကြပါသည်။ မည်သူတွေ ကျန်ရစ်သူမိသားစုနှင့် ထပ်တူထပ်မျှ ၀မ်းနည်းပေးကြပါသလဲ။ အားပေးစကားပြောကြပါသလဲ။ သတင်းစာထဲ တွင် ထပ်တူထပ်မျှ ၀မ်းနည်းပါကြောင်း စကားများဆိုသည်မှာ ဖတ်ကောင်းရုံ ထည့်ကြဟန် တူပါသည်။ မည်သို့ ပင်ဖြစ်စေ ဘ၀ဆိုသည်မှာ မွေးခြင်းနဲ့ သေခြင်းအကြား ခပ်ပါးပါးလေး ဆွဲထားသည် အချိန်ကာလ မျဉ်းကြောင်း လေးသားထားခြင်းဟု ယူဆမိပါသည်။ တကယ်တော့ ကိုယ်နှင့် တိုက်ရိုက်သက်ဆိုင်သော သူ ကွယ်လွန်သည် မဟုတ်ပါက မည်သူမျှ ထပ်တူထပ်မျှ ၀မ်းနည်းနေကြမည် မဟုတ်ပေ။ အော်ဟုတ်လား.. လောက်ဖြစ်သာ ပြီးဆုံး သွားတတ်သလို၊ ဘ၀ဆိုတာ ဒီလိုပါပဲဗျာ လို့ ပြောပြီး နှုတ်ဆက်သွားကြ မည်ထင်ပါသည်။

ကိုယ့်ကိုယ်ကိုတော့ သတိပေးနေရသည်။ ကိုယ်နှင့် တိုက်ရိုက်မသက်ဆိုင်ရင်တောင်... ထပ်တူထပ်မျှ ၀မ်းမနည်းနိုင်ရင်တောင် အားပေးစကားလေးတော့ ပြောတတ်အောင် ကြိုးစားထားဦးမှ...။ ။

“ အော်.......... မိမိနှင့် မသက်ဆိုင်သူတွေပါလား”
“အော်........... ကိုယ်နဲ့ မသက်ဆိုင်သူတွေပါလား”
“အော်........... အခြားသူနဲ့သာ သက်ဆိုင်သူတွေပါလား”

Type the rest of your post here.

...............................................................

2010-03-13T08:13:00.000-08:00

ကောင်းကင်တစ်ခုစာ လွှတ်တင်လိုက်ပီလား၊
အဝေးမှာ ပြန်ဝဲနေတဲ့ ငှက်ကလေး
တစ်ကိုယ်ရေ လမ်းလျှောက်တတ်ပြီပဲ ဆိုပါတော့ အမေ၊
ငှက်ကလေး ပြန်ချိန်ဆို မေမေ မျက်ရည်တွေ စီးဆင်းလို့၊
ငှက်ကလေး ပြန်ရင် ရှိစုမဲ့စု အိပ်ကပ်ထဲက ငွေတွေ ထုတ်ရေလို့၊
ငှက်ကလေးဟာ ငှက်ကလေးသာသာပဲ အမေရယ်။

ဒီလိုနဲ့ အမေနဲ့ ပြန်မတွေ့နိုင်တော့တဲ့ နယ်ကျွံငှက်ကလေးတစ်ကောင်..
သံသရာကွင်းပြင်တစ်ခုလုံးစာ နှုတ်ဆက်သွားတာလား၊
ကံမကုန်ရင် ပြန်ဆုံကြမှာပေါ့လို့ ငှက်ကလေးရဲ့ နှုတ်ဆက်သံ
တကယ်လက်တွေ့ပြလိုက်ပီလား အမေ၊

အမေက ငှက်ကလေးရဲ့ လက်ကို ကိုင်ပြီး ငို၊
ငှက်ကလေးက အမေ့ရဲ့ မျက်နှာလေးကို ကြည့်ရင်း ငို၊
အမေရေ...
သားကို အများကြီး စိတ်မချခဲ့ပါနဲ့၊
ငှက်ကလေးဟာ ယောနသံဇင်ယော်မှ မဟုတ်တာ။

(လွန်ခဲ့တဲ့ တစ်ပါတ်က ကွယ်လွန်သွားတဲ့ ကျွန်တော့်ရဲ့ ဒုတိယကောင်းကင်ကြီးရဲ့ ကျေးဇူးတွေကို အောက်မေ့လျက်)

ကျွန်တော် အမေရိကားခရီးစဉ်မစခင်မှာ အမေ့ကို ကျွန်တော်နှုတ်ဆက်သွားတော့ ။ ဘာလို့ ဒီလောက် အဝေးကြီးသွားနေချင်ရတာလဲတဲ့။ ပြီးတော့ အမေ့ကို ကျွန်တော်က အမေ ကံမကုန်ရင် ပြန်ဆုံကြမယ်နော်လို့ ဖွဖွလေး ပြောခဲ့ဖူးတယ်။ အဲဒီတုန်းက အမေက မျက်ရည်တွေ ၀ဲလို့။ ကျွန်တော်ဆန်ဖရန်စစ္စကို ဂိုးလ်ဒင်းဂိတ်တံတားကို ညဘက်ကြီး အလည်ရောက်တော့ အဲဒီတံတားကြီးထိပ်ကနေ ကွယ်လွန်သွားတဲ့ မေမေနဲ့ နောက်ဆုံး စကားပြောခွင့်ရခဲ့တယ်။ အမေက “ အဲဒီမှာ ပျော်ရဲ့လား”တဲ့။ မေမေ ကောင်းရာသုဂတိလားပါစေ။
(ကျွန်တော် ကဗျာကို နာမည်မပေးလိုက်တာက အမေ့ရဲ့ ကျေးဇူးတွေကို ဘောင်ခတ်ရာ ရောက်မှာစိုးလို့ပါ။ သူငယ်ချင်းတွေပဲ ကိုယ့်ဘာသာ ကိုယ့်စိတ်ကြိုက်နာမည်တပ် ခံစားကြပါတော့ဗျာ)

Type the rest of your post here.

နှလုံးသားနုနုလေးနဲ့ ရင့်ကျက်တဲ့ချစ်သူများအကြောင်း

2010-03-08T17:12:00.001-08:00

(၁)

(၂)

(၃)

အခုတလော ဘာရယ်မဟုတ်ဘူးလို့ ဆင်ခြေပေးရမလား၊ တစ်ခုခု ဒါမှမဟုတ် တစ်စုံတစ်ရာကြောင့်လို့ ဆင်လက်ပေးရမလား။ မပြောတတ်တော့ပါဘူး။ စာရေးချင်စိတ်မရှိဘူး။ ပြီးတော့ စိတ်ကို အတတ်နိုင်ဆုံး တည်ငြိမ်အောင် ကြိုးစားယူနေရတယ်။ စာတော့ ဖတ်ဖြစ်ပါတယ်။ ကျွန်တော်က စာဖတ်ရင် လူတစ်ယောက် ဒါမှမဟုတ် ပြဿနာတစ်ခုနဲ့ ရင်ဆိုင်နေရရင်တော့ ပျော့ပြောင်းတည်ငြိမ်သွားတတ်တာနဲ့ စာတွေပဲ ဖတ်ဖြစ်နေပါတယ်။ ကြည်အေးရဲ့ ၀တ္ထုတိုပေါင်းချုပ်၊ ကိုယ်ရေးပြီး ကိုယ်ပြန်မေ့မေ့နေတဲ့ စာအုပ်တွေနဲ့ ကိုယ့်အိပ်ယာနံဘေးမှာ အဆင်သင့်ရှိနေတဲ့ မဟေသီမဂ္ဂဇင်းတွေ ဖတ်ဖြစ်တယ်။ အထူးသဖြင့် ဆရာမောင်သာမညရဲ့ ရင့်ကျက်မှုအတွက် ကွင်းဆက်များဆိုတဲ့စာအုပ်လေးပါ။ မြန်မာနိုင်ငံကနေ တခုတရ ဆောင်လာတဲ့ စာအုပ်လေးပေါ့။ အကြိမ်ကြိမ်ပြန်ဖတ်။ ကိုယ့်ကိုယ်ကို ရင့်ကျက်ပီလား ပြန်မေးမေးနေရတဲ့ စာအုပ်လေးလေ။

ရင့်ကျက်သော ချစ်သူတို့သည် တစ်ဦးကိုတစ်ဦး လုံးဝ

ပြီးပြည့်စုံသူများအဖြစ် မမျှော်လင့်တတ်ကြ။ တစ်ဦးကို တစ်ဦး

လက်ခံတတ်ဖို့သာ ကြိုးစားကြ၏။

ကျွန်တော် ဒီစာအုပ်ကို စာဖတ်ဝါသနာပါတဲ့သူငယ်ချင်းတွေကို ညွှန်းဖူးသလိုပဲ အချစ်ကြောင့် တစ်ခုခုဖြစ်နေတဲ့ သူတွေကိုလည်း အချစ်၌ ရင့်ကျက့်ခြင်းဆိုတဲ့ အပိုင်းလေးကို စကန်ဖတ်ပြီး ဖတ်စေခဲ့ဖူးပါတယ်။ အခုတော့ အချစ်ကြောင့် တစ်ခုခုဖြစ်နေတဲ့ ကျွန်တော် မောင်နေသစ်လည်း ကိုယ့်ကိုယ်ကို ပြန်ဖတ်ဖို့ ညွှန်းလိုက်မိပါတယ်။ တကယ်လည်း ပြန်ဖတ်ဖြစ်ပါတယ်။ ပြီးတော့ အချစ်မှာ မရင့်ကျက်သေးတဲ့ ကိုယ့်ရဲ့ မခို့တရို့ စိတ်ထားတွေကို လည်း ရှက်နေမိပါတယ်။ တကယ်လို့သာ မိတ်ဆွေလည်း ကိုယ့်ချစ်သူနဲ့ အိမ်ထောင်ကျပြီး ကလေးတွေ လေးငါးယောက် ပိုင်ဆိုင်ထားသည့်တိုင် စာအုပ်ထဲက သုံးသပ်ထားတဲ့အချက်လက်တွေနဲ့ မကိုက်ညီသေးဘူး ဆိုရင် ရင့်ကျက်တဲ့ ချစ်သူမဖြစ်နိုင်သေးပါဘူး။

ရင့်ကျက်သူများသည် နိမ့်နိမ့်ပစ်မှတ်ကို ချိန်ပြီး ထိအောင်

ပစ်ခတ်ခြင်းမျိုးထက် မြင့်မြင့်ပစ်မှတ်ကို မှန်းပြီး လွဲချော်ခြင်းမျိုးကို ပို၍

သဘောကျသူများ ဖြစ်ပါ၏။

ဘာပဲဖြစ်ဖြစ်...
မိတ်ဆွေလည်း အချစ်နဲ့ မကင်းသေးသူဆိုရင် ကိုယ့်အချစ်ဟာ တကယ်ရင့်ကျက်နေပြီလားဆိုတာ ချိန်ကြည့်ဖို့ မျှဝေလိုက်ပါတယ်။ အချစ်မှာ ရင့်ကျက်သူတွေ ဖြစ်နိုင်ကြပါစေဗျာ။

Type the rest of your post here.