නුග ගහ යට ඇහෙන කතා

මන්නාරමේ තතු - Stories of Mannar

noreply@blogger.com (සඳුන් රත්නායක) — Fri, 13 Jan 2012 03:39:00 +0000

මන්නාරම අපේ පුංචි ලංකාවෙම කොටසක් උනාට සජීවී අත්දැකීමක් මේ වන තෙක් මට ලැබී තිබුනෙ නැහැ. මේ සටහන මගේ(අපේ) අත්දැකීම සහ ඒ හා බැඳුනු තොරතුරු සියල්ලන්ගේම දැන ගැනීම පිණිසයි.
ගමන ආරම්භ උනේ කොළඹින්.උදැසන 5.00 ට පමණ පිටත් උන අපි පුත්තලමට උදැසන 8.00 පමණ වෙද්දි ළඟා උනා.

පුත්තලමේ සිට මන්නරමට යාමට විල්පත්තු හරහා මාර්ගයත් අනුරාධපුර හරහා මාර්ගයත් භාවිතා කල හැකීයි. මෙයින් විල්පත්තු හරහා මාර්ගය වඩාත් කෙටිම මාර්ගයයි. බ්රි තාන්යා අධිරාජ්ය ආරම්භක සමයේ මන්නරම ප්රිධාන බලකො‍ටුවක්. මන්නරම කොළඹ යා උනේ මේ විල්පත්තු හරහා ඇති සොඳුරු වන මාර්ගයෙන්. පසු කාලීනව අනුරාධපුර නගරය නැවත පිබිදවීමත් සමග විපත්තු හරහා මර්ගයට තිබූ ප්රපමුඛතාව අනුරාධපුර මාර්ගයට ලැබෙනවා. දශක තුනක යුද්දයෙන් වල් වැදුනු මේ මාර්ගය දැන්(2012) ප්රාතිසංස්කරන කටයුතු ආරම්භ කර තිබෙනවා.

විපත්තු හරහා මාර්ගය ඉතාම අබලන් බැවින් මේ වැසි කාලයේ එම දුර ගමන් කිරීමට පැය 6කට වඩා ගත උනා.

විල්පත්තු උතුරින් මෝදරගම් ආරුවෙන්, දකුණෙන් කළා ඔයෙන්, බටහිරින් මුහුදෙන්ද පැහැදිලිව මායිම් වෙනවා. මෙය ලංකාවේ විශාලතම ජාතික වනෝද්යාෙනයයි.

විල්පත්තු දකුණු මායිම කළා ඔය දියමංකඩ (causeway)

කදිරමලේ තුඩුව

විල්පත්තු මාර්ගයේ අඩක දුර ප්රශමානයක් ගමන් කිරීමෙන් පසු තවත් කි.මී 5ක් පමන දුරක් වෙරල දෙසට ගමන් කල අපි කුදිරමලේ තුඩුව වෙත ළඟා උනා.

විජය කුමරු ගොඩබට තම්බපන්නිය නම් සුප්ර කට ප්ර දේශය පිහිටා ඇත්තේ කුදිර මලේයි. කුවේනිය කපු කෙටූ ස්ථානය මීට කි.මී 15ක් පමන දුරින් වනෝද්යාිනය මැද පිහිටා තිබෙනවායි සොයා ගෙන තිබෙනවා. රෝම, අරාබි වෙළඳාමට අතීතයේ කුදිරමලේ ප්රුසිද්ධියක් උසුලා තිබෙනවා.දැඩි පරිසර තත්ව වලට නිරාවරනය වූ මේ ප්රබදේශයේ අපූරු භූ රටා දැකගත හැකියි.

කුදිරමලේ නාමපුවරුව

කුදිරමලේ සුවිශේෂී භූ රටා

ඩොරික්

ෆෙඩ්රිවක් නෝ(ර්)ත් ඉංග්රී්සි ආණ්ඩුකාරවරයා මන්නරම අවට මුතු කිමිදීමේ ව්යා පාරය මෙහෙයවා තිබෙනවා. 1800 ආරම්භයේ මුතු කිමිදීම අධිරජ්යරවාදීන් මුදල් ඉපයූ විශාලතම මාර්ගයක්.ඉවක් බවක් නොමැති මුතු මුහුදෙන් ලබා ගැනීම නිසා ලංකාවේ මුතු සම්පත දැන්නම් අහිමි වී ගිහින්.අරිප්පු අවට මුතු කිමිදීම මෙහෙයවූ ෆෙඩ්රිුක් නෝ(ර්)ත් ආණ්ඩුකාරවරයා සිලාවතුර ආසන්නයේ මුහුද ආසන්නව තමාගේම සැලැස්මකට ග්රී ක ඩොරික් ගෘහ නිර්මානයට අනුව නිවසක් නිර්මානය කරනවා.පසුකාලීනව මෙය ඩොරික් නමින් හැඳින්වෙනවා.කාලයත් සමග අව්වට වැස්සට නිරාවරනය වීම නිසා අද පවතින්නේ කොටස් කැඩීගිය ගොඩනැගිලි සැකිල්ලක් පමනයි.

සිලාවතුර සිට අරිප්පු දෙසට මද දුරක් ගමන් කිරීමේදී ඩොරික් හමුවෙනවා.අප ඒ වෙත ලඟා වෙද්දී බොහෝ සවස් වී තිබුනා.ඉතාමත්ම නිසල මුහුදක් එහි තිබුනෙන් දවසේ ගමන් විඩාව සිංදවාගැනීමට මුදුදෙන් නා ගැනීමට අප අමතක කලේ නෑ.

නටඹුන් වූ ඩොරික්

ඩොරික් ආසන්නයේ ඇති කුළුන

මන්නාරම

ලංකාව හා ඉන්දියාව අතර කෙටිම දුර ඇත්තේ තලෙයිමන්නාරම හා රාමේශ්වරන් අතරයි.මන්නරම තරමක් විශාල දූපතක්.මෙය දූපතක් උනත් ඉතාම ප‍ටු බිම් කඩකින් ප්ර ධාන ගොඩබිමට සම්බන්ධ කර තිබෙනවා. ඉන්දියාව ලංකාව යාවන කෙටිම දුර කි.මී 30 යාවන කොටස වැලිපර කොදෙවු සමූහයකින් සමන්විත වෙනවා.පොත පතේ සඳහන්වන අයුරින් ක්රිම.ව 1500 වැනි කාලය දක්වා මේ ආදම්ගේ පාලම නම් වැලි පර සියල්ලම මුහුදු මට්ටමෙන් ඉහලට පැවතී තිබෙනවා. ඒ ආසන්න කාලයේ ඇතිවූ කුණා‍ටුවකින් මේ භූ කොටස් ඛාදනය වී කාලයත් සමග අද තිබෙන වෙන්වූ වැලිපර කොදෙවු බවට පත්ව තිබෙනවා.
වාරකන් කාලසීමා සමඟ රළපහරේ දිශා වෙනස් වීමට ගොදුරුව මෙම කොදෙව් වල ස්ථානය නිතර වෙනස් වීම අපූරු සංසිද්ධියක්.

ශ්රීඅ ලංකා නාවික හමුදාව දැන් මේ කොදෙවු වෙත සංචාරකයන් ගෙනයාමේ වැඩපිලිවෙලක් අරඹා තිබෙනවා.ඒ අත්දැකීම ලබාගැනීමට අපිත් අමතක කලේ නෑ.

යුද්දයෙන් විනාශ උනු තලෙයිමන්නරම් දුම්රිය පාලම

තලෙයිමන්නරම ජැටිය

ආදම්ගේ පාලමේ කොදෙව්

යෝධ වැව

මෙය ධාතුසේන රජසමයේ මල්වතු හරස් කිරීමෙන් ඉදිකල ලංකාවේ විශාලතම ජලාශයකි.18 වැනි සියවසේ ව් තිබූ මෙය නැවත කරලියට ගෙනා ඉංග්රීිසි ජාතිකයින් මෙය හැඳින්නුවේ ලාංකිකයන්ගේ තවත් මෝඩ අසාර්ථක නිර්මානයක් ලෙසයි. ලොවම මවිත කරමින් මෑත අතීතයේ මෙහි යොදාගත් ඉංජිනේරුමය ශිල්පක්ර ම වටහාගනු ලැබුවා. සහල් නැළිය නමින් ප්ර කට කෙත් යාය පෝෂණය වන්නේද මේ ජලාශයෙන්.වර්තමානයේ ප්රාතිසංස්කරන මට්ටමේ පවතින විනාශවී ගිය යෝධ වැව කුරුළු පාරාදීසයක්.

View Stories of Mannar in a larger

[සමහර කරුණු අන්තර්ජාලයෙන් ලබාගන්නා ලදී]

ඡායාරූප - චිත්‍රාල් ගමගේ

[දිමුතු,සඳුන්,උදය,චිත්‍රාල්,රුක්ෂාන්,සන්ජීව,දමිත්,බාසුරු,ජයන්ත,නුවන්]

නල්ලතන්නිය අවට...... Days in Nallathanni

noreply@blogger.com (සඳුන් රත්නායක) — Sun, 05 Jun 2011 04:57:00 +0000

මේ විස්තරයට පාදක උනේ නල්ලතන්නිය අවට ගතකල දින දෙකක අත්දැකීම්නුයි. නල්ලතන්නිය කියන්නෙ සුප්‍රසිද්ද හැටන්-සිරිපා මර්ගයේ වන්දනා නඩ ගමන් ආරම්භ කරන ස්ථානය. සිරිපා වාරයේ ජනතාවගෙන් පිරී ඉතීරී යන මේ ප්‍රදේශය අවාරයේ නම් දැඩි පාලු ස්වරූපයකුයි ගන්නේ.බස් රථ ගමනාගමනයත් ඉතාම අවම මට්ටමිනුයි සිදු වන්නේ.

ජල සම්පතින් බහුල මේ ප්‍රදේශය මාඋස්සාකලේ සහ කාසල්රී ජලාශ දෙකේ ප්‍රධානම පෝශක ප්‍රදේශයයි.

සිතියම

පෙර හැඳුනුම්කමත් මත ඩෙල්හවුස් වතු නිවහනක් අපේ නවාතැන ලෙස යොදාගැනීමට හැකි උනා.හැටන් දක්වා දුම්රියෙන් පැමිණි අපි නල්ලතන්නිය වෙත ළඟාඋනේ මස්කෙලිය දක්වා බස් රථයකිනුත් ඉතිරිය වෑන් රථයකිනුත් ගමන් කිරීමෙනුයි. එවිට හවස තුන පමන වී තිබුනත් වැසිබර කාලගුණය නිසා වටපිටාව රැ බෝවූ ස්වරූපයක් ගෙන තිබුනා.

නල්ලතන්නිය අවට ප්‍රදේශයේ සොඳුරු ස්ථාන ගණනාවක් දැකගත හැකියි.මේවා සියල්ලක්ම ජලය මූලික කරගත් නිර්මාන වීම විශේෂිතයි.

නල්ලතන්නියට දිස්වන සිරිපා මුදුන

මෝහිනී ඇල්ල

මස්කෙලිය නල්ලතන්නි මාර්ගයේ නල්ලතන්නියට ඉතාමත්ම ආසන්නයේ මාර්ගයටද පහසුවෙන් දැකගත හැකි වන ආකාරයෙන් මෝහිනී ඇල්ල නිර්මානය වෙනවා.මෙම ජලකඳ සීතගඟුලේ ජලපහරට එක්වී ම උස්සාකැලේ ජලාශය පෝශණය කරනවා.

මරේ ඇල්ල හා ගාට්මෝර් ඇල්ල

මරේ වතුයාය සිරිපා මායිමේ පිහිටා තිබෙන විශේශිත ප්‍රදේශයක්. රජමලේ-සිරිපා මාර්ගය ආරම්භ වන්නේත් මේ වතු මායිමෙන්.මෙම දිය ඇලි දෙක පිහිටා තිබෙන්නේ නල්ලතන්නියේ සිට කි.මී පහක පමන දුරින්. ගාට්මෝර් ඇල්ල ගාට්මෝර් වතු යායේ පිහිටා ඇති නිසා එම නමින් හැඳිනුවද ශ්‍රීපාද ඇල්ල නමින්ද ප්‍රසිද්ධියට පත්ව තිබෙනවා.

මේවායේ විශේෂත්වය වනුයේ දිය ඇලි දෙක ඍජුවම මාඋස්සකැලේ ජලාශයට වැටෙන පරිදි නිර්මානය වී තිබීමයි.ඉතා ලඟින් පිහිටි දිය ඇලි දෙකක් ඍජුව ජලාශයකට පතිත වීම ඉතාම දුර්ලභ සොඳුරු දර්ශනයක්.

ගාට්මෝර් ඇල්ල(වම) සහ මරේ ඇල්ල (දකුණ) එකම රාමුවේ.

ගාට්මෝර් ඇල්ල මාඋස්සාකැලේ ජලාශයට වැටෙන අයුරු.

මරේ ඇල්ල

ඡායාරූප-චිත්‍රාල් ගමගේ

ගිරිපුර විත්ති - Memories of Delft

noreply@blogger.com (සඳුන් රත්නායක) — Sun, 30 Jan 2011 09:41:00 +0000

ලංකාවේ උතුරු කොනේ තියන ඩෙල්ෆ්ට් (Delft) දූපතට කවදාක හරි යන්න ඕන කියල අපේ කන්ඩායමේ බලාපොරොත්තුවක් තිබුනා.ගමනට හොඳම වෙලාව මේක තමයි කියල තීරණය කලේ නම් සුපුන් තමයි.

ඩෙල්ෆ්ට් දූපත.......

යාපනය අර්ධද්වීපයේ තැන තැන විසිරුණු දූපත් සමූහයක් පිහිටා තිබෙනවා. නම් වශයෙන් කිව්වොත් කරෙයිත්වු, මණ්ඩතිවු, පුංකුඩුතිවු, කයිට්ස් හා ඩෙල්ෆ්ට් මින් කිහිපයක් පමනයි. මේවායින් ගොඩබිමට වඩාත්ම ඈතින් පිහිටල තියෙන්නෙ ඩෙල්ෆ්ට් දූපත. මේ නම ලැබිල තියෙන්නෙ ලංදේසීන්ගෙන් ඒ කියන්නෙ ඕලන්ද ජාතිකයන්ගෙන්.ඒ අය මේ දූපතේ බල කො‍ටුවක් ඉදි කරල පාලනය ගෙනිහින් තියනව තමන්ගෙ රටේ නගරයක් සිහිවෙන්න ඩෙල්ෆ්ට් කියන නමත් මේ දූපතට දමාගෙන. මේ පාලනයේ සාක්ෂි විදියට තැන තැන අදටත් ඉතිරිවෙලා තියන ගොඩනැගිලි වලට අමතරව දේශීය ජනතාව හා මුසුවී සෑදුනු අයගෙන් පැවතගෙන අය දක්වන්න පුලුවන්.

මුළු දූපතම එකම විශාල හිරිගල් කොදෙව්වක් ලෙස සැලකිය හැකිය.ගොවිතැන් කටයුතු නොකෙරෙන තරම්ම වන අතර ධීවර කර්මාන්තය දූපතේ ප්‍රධානම ‍රැකියාවයි.පානීය ජලය ඉතා සීමිත සම්පතක් වන අතර දූපතේ දකුණු ප්‍රදේශයේ ලිං මගින් ලබාගෙන බවුසරයක් මාර්ගයෙන් සියලු දෙනා අතර බෙද දේ.

රෝහල් බිමේ ඉතිරිව ඇති ලංදේසි බලකො‍ටුවේ නටඹුන්

කුඩා පරිපාලන ව්‍යුහයක් ඇති මේ දූපතේ ප්‍රාදේශීය ලේඛම් කාර්යාලයක්,පොලීසියක් තැපැල් කාර්යාලයක්,පාසල් කිහිපයක් පිහිටා තිබෙනවා.දූපතේ ආරක්ෂාව භාර උදාර මෙහෙය ශ්‍රී ලංකා නාවුක හමුදාව ඉ‍ටු කරනවා.මේ දූපතට මටනම් "ගිරිපුර" නම හොඳටම ගැලපෙතැයි සිතුනා.ඒ දූපත වටේටම හා සියලුම ඉඩම් මායිම් වෙන් කිරීමට ගල් එකිනෙක තබා සාදා ඇති ගල් තාප්ප එවන් හැඟීමක් ඇති කරන නිසා.

ඩෙල්ෆ්ට් හි අනන්‍යතාවය - ගල් තබා තැනූ තාප්ප

පළමු දිනය.....

හරියටම කිව්වොත් අපි මාතරින් තමා ගමන ආරම්භ කලේ. මාතර-ඩෙල්ෆ්ට් සැහෙන්න දිග ගමනක්.කොළඹින් රාත්‍රී බස් රථ ගොන්නක්ම යාපනය බලා පිටත් වෙනවා. අපිත් 8ට විතර පිටත් වෙන බසයකින් වැල්ලවත්තෙන් ගමන සකසා ගත්තා. උදැසන හත පමන වෙද්දී බොහොම නැවුම් හැඟීමකින් යාපනය නගරට සේන්දු උනා.

මීලඟ අදියර යාපනය නගරයේ සිට නාගදීප ජැටියට (කරිකට්‍ටුවාන්) වෙත යාමයි.ලංගම බසයත් 7.00 ට පමන පිටත් උනේ සියලු දේ හොඳින් වෙන බව ඉඟි කරමින්.පැය එක හමාරක පමන කාලයකින් එම කි.මී 32 දුර ගමන් කිරීමට හැකි උනා.ඩෙල්ෆ්ට් දූපත ප්‍රධාන ගොඩබිමට සම්භඳකම් පවත්වන්නේ බෝට්‍ටු මාර්ගයෙන්.පොදු ප්‍රවාහනය දිනකට ගමන් වාර දෙකක් ඩෙල්ෆ්ට්-කරිකට්‍ටුවාන් අතර පැවැත්වෙනවා.

උදේ 10.30ට පිටත් වන බෝට්‍ටුවෙන් ඩෙල්ෆ්ට් බලා යාමයි අපේ අරමුණ උනේ.නමුත් මේ පොදු(සීමිත) ප්‍රවාහන සේවයේ ප්‍රමුඛතාවය ඩෙල්ෆ්ට් වාසීන්ට හිමිවන නිසා අමතර ඉඩක් ඇතොත් අපේ වාරය ලැබෙන තෙක් ඉවසිලිවන්තව සිටීමට අපට සිදු උනා.

මේ මුහුදු ගමනට පැයක පමන කාලයක් ලබාගන්නවා.වාරකන් කාලසීමව නිසාවෙන් ආපු මෝඩකම සිහිවන තරමට මුහුදු ගමන් නුහුරු අප බිය ගැන්වීමට මුහුද සැහැසි උනා. ඩෙල්ෆ්ට් ජැටියට සහන් හැගීමකින් තෙත බරිතව පැමිනි අප නුහුරු දසුනක් මව පැ හෙයින් එහි සිටි සැමගේ අවධානයට ලක් උනා.

මේ දක්වා අපට මග පෙන්නුවේ වේලනෙයි ප්‍රදේශයේදී අපේ නඩයට එකතු වූ තැපැල් මහතෙක්.ඔහුගේ හැඳුනුම් කම මත ඩෙල්ෆ්ට් තැපැල් ස්ථානාධිපති මහතා සම්බන්ධකර ගැනීමට ලැබීම වාසනාවට හේතු උනා.නවාතැන් පහසුකමට අමතරව ආහාරපානාදියෙන් සංග්‍රහ කිරීමට එතුමා කාරුණික උනා.එදින හවස ඩෙල්ෆ්ට් වෙරළේ ගතකල අපි ඉක්මනින්ම නින්දට වැ‍ටුනේ අපිම සාදාගත් රස බෝජන සියල්ලටම වගකීමෙන් අනතුරුවයි.

දෙවන දිනය........

දෙවැනි දිනය දූපත දැක බලා ගැනීමට වෙන් කර තිබූ හෙයින් උදැසනම පිබිදී අහාර පිලියෙල කරකරගැනීමට සියලු දෙනා යොමු කිරීමට කම්මැලි නඩයේ ධෛර්යවන්ත සුපුන්ට සිදු උනා.දූපතට පැමිනෙන බොහෝ සංචාරකයින් ප්‍රවාහන මාධ්‍ය ලෙස යොදා ගන්නේ අත් ට්‍රැක්ටරයයි.කවදත් වෙනස් අත්දැකීම් ගැනීමට කැමති අපි බයිසිකල් සවාරියකින් දූපත නැරඹීමට කටයුතු යොදා ගත්තා.හයදෙනාගේ නඩයට බයිසිකල් දෙකක් ලබාදීමට තරම් ඩෙල්ෆ්ට් පොලීසියේ නිළධාරී මහතුන් හිතවත් උන අතර ඉතිරි බයිසිකලය හා මග පෙන්වන්නෙකු සොයාඅදීමට තැපැල් ස්තානාධිපති මහතා කාරුණික උනා.

උදැසන බොබැබ් ගස (Boabab) හා වැඩෙන ගල නැරඹූ අපි දහවල් වන විට චෛත්‍ය වල නටඹුන් දැකිය හැකි බටහිර ඩෙල්ෆ්ට් කලාපයට පිවිසුනා.මේවායේ ඉතිහාසය පිලිබඳ සටහනක් නම් එම ස්ථානයෙන් සොයාගැනීමට නොහැකි උනා.

ඩෙල්ෆ්ට් දූපතේ දැකිය හැකි එකම බොබාබ් Boabab ගස

බෝබැබ්(Boabab ) ගස

ස්වාභාවික ක්‍රියාවලියක් නිසා වර්ධනය වන ඩෙල්ෆ්ට් වාසීන්ගේ පූජනීයත්වයට ලක්වූ වැඩෙන ගල

අතීතයේ ප්‍රධාන ගොඩබිමට සංනිවේදන කටයුතු කිරීමට පරවියන් යොදාගන්නා ලදී.

ඔවුන්ට තැනූ නිවහනක්

සැඟවුනු ඉතිහාසය.බටහිර ඩෙල්ෆ්ට් හි චෛත්‍ය නටඹුන්

ඒ අවට තුරු සෙවනක හිඳ දිවා ආහාරය ලබාගත් අපි මුහුදු වෙරලේ ගිමන් හැරියේ කි.මී 20ක් පමන ඇතින් පිහිටි ඉන්දියාව දැකගත හැකි වේදෝයි කුතුහලයෙන්.

නැවත ගමන් ආරම්භ කල අපේ අරමුණ උනේ දූපතේ වැදගත්ම අංගය වන කැළෑ අශ්වයින් දැකගැනීමටයි.ලංදේසීන් ඇතිකල පෝනීන් නිදැල්ලේ හැසිරීම නිසා ශතවර්ශ කිහිපයකට පසු දූපතේ දකුණේ පිහිටි තණ පිටි වල 500 පමන රංචු ලෙස හැසිරෙනු දැකගත හැකියි.මේ අත්දැකීම ලබාගත හැකි ලංකාවේ එකම ස්ථානය මෙය නිසා හරිම අපූර්වත්වයක් දැනෙනවා.දකුණු වෙරළේ ගල්පර ආශ්‍රිතව මුහුදු පක්ෂීන් විශාල ලෙස දැකගත හැකියි.මෙම කුරුල්ලන් හඳුනා ගැනීමට තරමක වෙලාවක් මිඩංගු කල අපි නැවත නවාතැනට ලඟාඋනේ ඉතා අසීරුවෙන් ජලයෙන් පිරි මඩ සහිත මාවතක් හරහායි.

ඩෙල්ෆ්ට් කැළෑ අශ්වයින්

දකුණු ඩෙල්ෆ්ට් වෙරළේ පක්ෂී ජනපද

ඔබත් සංචාරයකට සූදානම් නම්.....
මේ දූපතේ වැලිබිම් ආශ්‍රිතව ශ්‍රී ලංකාවේ උග්‍ර විශ සර්ප විශේෂයක් වාසය කරණ බැවින් ඒ ගැන සැළකිළිමත් විය යුතුය.
දූපතේ නවාතැන් පහසුකම් සොයාගැනීම තරමක් අපහසු බැවින් කල් තබා සූදානම් කර ගැනීම වඩාත් සුදුසුය.

[සුපුන්,මාලක,සඳුන්,චිත්‍රාල්,දසුන්,උදය]
ඡායාරූප-චිත්‍රාල් ගමගේ,චමිල් මාලක සමරරත්න
{Delft, Baobab,Travel,Dutch Fort,Jaffna,Growing Stone}

වැල්ලවායේ මතකයන්...Memories of Wellawaya

noreply@blogger.com (සඳුන් රත්නායක) — Sat, 01 Jan 2011 11:34:00 +0000

විශ්ව විද්‍යාලය අවාරයේ වසා දමලා. ඒකෙ පසුබිම මොකක් උනත් ගෙදරට වෙලා සති දෙකක්ම ගතකලාම ඒ පරිසරයෙන් ඔලුව සංතෘප්ත වෙලයි තිබුනෙ.මේ අතරෙ තමයි වැල්ලවාය පැත්තෙ අත්දැකීම් සංචාරයක් අපි සූදානම් කලේ.මෙවරත් පහසුකම් සැපයුම් කරුවා උනේ මේ දිනවල වැල්ලවායේ ‍රැකියාව කරන හිමේෂ් (කුරුල්ලා) අය්යා තමයි.වැල්ලවායට A2 (කොළඹ-වැල්ලවාය), A4(කොලඹ-මඩකලපුව) , A23 (වැල්ලවාය-කුඹල්වෙල) මාර්ග වලින් ලඟාවීමට පුලුවන්.අතරමැදි කළාපයේ පිහිටා ඇති මෙම නගයයේ සිට ඉතාම කෙටි දුරකින් තෙත් කළාපයේ හා වියලි කළාපයේ ප්‍රදේශ පිහිටා ඇති නිසා ඉතාම සිත්ගන්නසුලු ස්ථාන බොහොමයක් මේ අවට පිහිටා තිබෙනවා.

අයිස් පීල්ල මාර්ගය

ගමනේ පළමු දිනයේ අපේ අරමුන උනේ වැල්ලවාය-බෙරගල මාර්ගයේ සැරිසැරීමයි. පොදු ප්‍රවාහන මාධ්‍ය හා දෙපා ගමනේ සවිය බවට පත් උනා.වැල්ලවායෙන් ගමන් ආරම්භ කල අපි කි.මී 3ක් පමන බසයෙන් ගමන් කිරීමෙන් පසු අයිස් පීල්ල හන්දියට ළඟා උනා.මෙතනින් ආරම්භ වන කැලැ මාර්ගය නිකපිටිය ගමටයි ඇදෙන්නේ.අයිස් පීල්ල කියාත් මේ ප්‍රදේශය හඳුන්වනවා.නමටම ගැලපෙන විදියට බොහොමත්ම අපූරු පරිසරයක් පාර දෙපැත්තෙ දැකගන්න පුලුවන් .නිකපිටිය ගමට කි.මී 2.5ක් දුර බව නාම පුවරුවක දිස් උනා.නිකපිටිය ගමට දෙවනි ප්‍රවේශ මාර්ගයකුත් තිබෙනවා.ඒ හීවැල්කඳුර දක්වා දිවෙන බස් ගමනා ගමනායද සහිත මාර්ගය.මේ දුරත් දෙපා පිහිටෙන් ගමන් කල අපි කලින් බසයෙන් බැසගත් ස්ථානයට කි.මී 2ක් පමන ඉහලින් නැවතත් බෙරගල මාර්ගයට පිවිසුනෙමු.

දියලුම

දැන් අපේ අදහස උනේ තවත් කි.මී 6ක් පමණ බෙරගල දෙසට වන්නට පිහිටා ඇති දියලුම ඇල්ල දැකගැනීමටයි.මේ මාර්ගයේ බස් ගමනාගමනය ඉතාම අඩු සංඛ්‍යාතයකින් කෙරෙන නිසා කෙටි දුරවල් ගමන් කිරීමෙන් බස් ගමන් දෙකකින් ඉතිරි දුර සම්පූර්න කිරීමට අපට සිදු උනා.දියලුම නිර්මානය වන්නේ පූනගල ඔය මහා ප්‍රපාතයකින් පහලට කඩා වැටීමෙනුයි.මේ දිය පහලට ගලා යාමේදී පලමුව කුඩාඔය බවට පත්වී කුඩා ඔය ගම් ප්‍රදේශයෙන් කිරිඳි ඔයට එක් වෙනවා.එතන මොහොතක් විඩාහල අපි දියලුමෙන් වැටෙන ජල බිංදු වලට තෙමෙමින්ම මහත් ආශ්වාදයක් ලබා ගත්තා. අපේ මිතුරෙකුට දියලුම ඉහලට නැගීමේ අශාවක් ඇති ඌයෙන් ඒ අසල ඇති රබර් වත්ත මැදින් ඇති මාර්ගයේ යාමෙන් පැයක පමන කාලයකින් ඉහලට ලඟා වෙන්න පුලුවන් උනා.තරමක වැඩි වෙලාවක් අපිට ගත් උනේ ගමන් ආරම්භයේම වැරදි ඉසව්වකට යොමු වීමෙන් ඉලුක් යායවල් අතර සෑහෙන වෙලාවක් එහා මෙහා වීමට සිදුවීමෙනුයි.ඉහලට නැගගත් පසු මුළු මහත් මිටියාවතම ඉතා පැහැදිලිව දැක ගන්න පුලුවන්.කොස්ලන්ද ප්‍රදේශයෙන් දියලුම ඉහල ප්‍රදේශය ආසන්නයටම වාහනයෙන් ගමන් ගමන් කල හැකි මාර්ගයක් තිබෙන බවත් ආරන්චි උනා. ඉහලට නැගගත් පිනෙන් දියලුමට ඉහලින් ඇති දිය ඇල්ල දැක ගැනීමේ වාසනාව අපටත් අත් උනා.සැහෙන වෙලාවක් ඉහල ගතකල අපි ඉක්මනින්ම ආපසු ගමන් ඇරඹුවේ ඒ මාර්ගයේ බස් ගමනාගමනයේ හිඟකම හොඳින්ම දන්න නිසයි.

දියලුම ඇල්ලේ ඉහලට වැල්ලවාය බෙරගල මාර්ගය දිස්වන අයුරු

දියලුමට ඉහලින් පිහිටි පූනගල ඔයෙන් ජනිතවන තවත් සුන්දරියක්

දවසක නිමාව......

දෙවනි දවසේ සැලසුම හඳපානාගල ඉසව්වට යොදා ගත්තේ අපට ප්‍රවාහන සහයෝගයක් ලැනුන නිසයි.හඳපානාගල වැව වැල්ලවාය නගරයේ ඉඳන් තණමල්විල දෙසට වෙන්නයි පිහිටල තියෙන්නේ.ප්‍රමානයෙන් කුඩා වැවක් උනත් සුන්දරත්වයෙන් නම් මොකටවත් දෙවනි නැති බවයි මටනම් පෙනුනෙ.පද රචකයෙක් "තණමල්විල මල් ගෝමර කැකුළු පිපෙන්න - හඳපානාගල මුදුනින් වැවට බහින්න " කියල ලියන්න ඇත්තෙ නිකමට නෙවෙයිනෙ.එ අවට දිය පෝශක ප්‍රදේශ වලින් ‍රැස්වෙන ජලය හඳපානාගල වැවට එකතුවෙනවා. අතිරික්ත ජලය නැවතත් කිරිඳි ඔයටයි මුදා හැරෙන්නේ.වැව් බැම්ම දිගේ දිගටම ගමන්කල අපි හඳපානාගල කියන නම වැටීමට හේතු වෙච්ච පර්වතය මුදුනටත් නගින්න අමතක කලේ නෑ.ඇත්තටම ඒ සුන්දරත්වය වචන වලට හරවන්න ගිහින් නාගන්න මම කැමති නෑ.එතන හෝරාවක් දෙකක් ගතකල අපි හඳපානාගල-වැල්ලවාය බස් රථයට ගොඩ උනේ බුදුරුවගල හංදියෙන් බැස ගනීමේ අදහසිනුයි.

බසයෙන් බැසගත් අපි සුළු අහරකින් සප්පායම් උනේ කි.මී 4ක පමන දුරක් එම ස්ථානයේ සිට බුදුරුවගල විහාරයට ඇති නිසයි.ඒ මාර්ගයේ අඩක් පමන දුර ගමන් කිරීමන් පසු බුදුරුවගල වැව හමුවෙනවා. වර්ෂා කාලය නිසාදෝ වාන් මට්ට්ටමටම ජලය ‍රැස්වී තිබුනා.බුදුරුවගල පිලිම සහිත භූමිය ඉතා පාලු ස්වරූපයක තිබූ නිසා ඉතාමත්ම නිදහස් ඉරියව් වලින් අපි විඩා නිව්වේ අසල තිබූ ගල් තලාවක ඇල වීමෙනි.එතන වැඩිපුර කල් ගත කල තරමටම එම නිර්මානයේ විශිෂ්ටත්වය තව තවක් අපට පහැදිලි විය.ඒ සොඳුරු නිදාහස් බිමෙන් හවස හතරට පමන සමුගත් අපි හෙමි හෙමින් ප්‍රධාන බස් රථ මාර්ගයට එන්න පිටත් උනා.

බුදුරුවගල

තෙවැනි දිනක අත්දැකීම් ලබා ගැනීමට අපි බලාපොරොත්තු උවත් කාළගුණය තරයේම එය ප්‍රතික්ශේප කල නිසා ඒ අදහස සිනිනයක් කර නැවතත් ගෙවල් කරා ආවෙමු.ජීවිතය යනු අත්දැකීම් ගොන්නක් නම් ඊට තවත් දිය දෝතක් එකතු කල බවක් මගේ හිත මට කියන්නේ ගමනේ මිහිරියාව ඇති කල පෙළඹවීම නිසා විය යුතුය.

ඡායාරූප-චිත්‍රාල් ගමගේ
[Wellawaya,Diyaluma,Buduruwagala,A4 Road,Handapanagala]

දුම්බර කඳුවැටි ඔස්සේ දුහුවිලි ඇල්ලට වනගත චාරිකාව......(Trails Through the Knuckles mountains in finding Duwili Ella)

noreply@blogger.com (සඳුන් රත්නායක) — Wed, 20 Oct 2010 13:23:00 +0000

දුම්බර එහෙම නැත්නම් නකල්ස් කියන්නෙ ඇත්තටම ලංකාවෙ මිල කරන්න බැරි බැරි සම්පතක්.ඉතාම මැත කාලෙකදි මෙම ප්‍රදේශය ලෝක උරුමයක් විදියට නම් කෙරුනෙ අපේ මේ සම්පතේ වටිනාකම ලෝකයම හඳුන ගත්ත නිසාවෙන්.මධ්‍යම කඳුකරයේ ඊසාන දිගින් පිහිටා තිබෙන නිසා ඉතා සුවිශේෂී දේශගුනික රටාවන් මෙම ප්‍රදේශයේ දකගන්න පුලුවන්.ප්‍රධාන කඳුවැටිය උතුරු-දකුණු දිශාවට විහිදෙන අතර ප්‍රධාන කඳු වැටියෙන් ආරම්බ වී වයඹ-ගිණිකොන දිශා ඔස්සේ විහිදෙන තවත් කඳු පෙළවල් කිහිපයකින් මෙම ප්‍රදේශය නිර්මානය වෙනවා.

ප්‍රධාන කඳු වැටියේ නැගෙනහිර බෑවුම නිරිතදිග මෝසම මගින් දැඩි වර්ෂාපතනයක් ලැබෙනවා.බට පඳුරු,ලයිකන වලින් පිරුණු ගස් වැනි දේවල් මේ දේශගුණය නිසා බහුලව දැක ගන්න පුලුවන්. ඒ හා සමග බටහිර බැවුමට වර්ශාපතනය ලැබෙන්නේ ඊසානදිග මෝසමෙන් වසරේ වැඩි කාලයක් වියලි දේශගුණයක්යි මේ පැත්තේ දකින්නට තිබෙන්නේ.තැනින් තැන ඇති පතන් මෙම වියලි දේශගුණය නිසාවෙනුයි බිහිවී තිබෙන්නේ.සුප්‍රසිද්ධ පිටවල පතන මේ සඳහා හොඳම උදාහරනයක්.මාතලේ සිට රත්තොට,රිව(ර්)ස්ටන් හරහා පල්ලෙගමට පැමිනෙන අයෙකුට ලංකාවේ දේශගුනික කළාප කිහිපයකම හැසිරීම කි.මී 40ක් පමන කෙටි දුරකදී විඳ ගන්න පුලුවන්.

අද මේ බ්ලොග් පෝස්‍ටුවට පාදක වෙන්නෙ මේ කඳු වැටි ඔස්සේ තෙත් කොටසේ සිට වියලි කොටසට යෙදුනු ගමනක අත්දැකීම්නුයි. අපේ ගමන ආරම්භකලේ (වනගත කොටස) බඹ‍රැල්ලෙනුයි. මහනුවර-ක‍ටුගස්තොට-වත්තේගම හරහා බඹ‍රැල්ලට ලඟාවෙන්න පුලුවන්.වත්තේගම නගරයේ සිට කි.මී 28 ක දුරිනුයි බඹ‍රැල්ල පිහිටල තියෙන්නෙ.බඹ‍රැල්ල මාර්ගයේ අන්තයක් වගේම දුම්බර කඳුපෙලට පිවිසුමක්.මේ ප්‍රදේශය ආසන්නයේ හුළුගඟ ඉතම අපූරු නිර්මාන කිහිපයක් මවා තිබෙනවා.හුළුගඟ දිය ඇල්ල,ජෝඩු ඇල්ල, ලෙබනන් වත්ත දිය ඇල්ල උදාහරන කිහිපයක්.මුලින් සඳහන් කල දෙක නම් ප්‍රධාන මාර්ගයේ සිට උවද

දැකගත හැකියි.

බඹ‍රැල්ල ආසන්නයේදි දැකගතහැකි "ජෝඩු ඇල්ල"

බඹ‍රැල්ලෙන් තේවතු හරහා ඇති අඩිපාරවල් ඔස්සේ ගමන් කිරීමෙන් ගමන ඇරඹෙනවා.ලෙබනන් වත්ත,රත්නගිරිය වත්ත හරහා ගමන් කිරීමෙන් වනාන්තරයේ සීමාවට ලඟාවෙන්න පුලුවන්.ඉන්පසු බට ගස් වලින් පිරුනු පෙර සඳහන් කල බටහිර බැවුමේ කඳු වැටි ඔස්සේ මර්ගය වැටී තිබෙනවා.මෙම ප්‍රදේශය 1:50000 සිතියමේ "සෙල්වාකන්ද සානුව" ලෙස හැන්දින්වෙනවා.අන්තර් මෝසම් කාලය හේතුවෙන් මේ දිනවල අඩිපාර දියපාරක් වවට පත්වී තිබුනා."හුලං කන්ද (ගැමියන්ගේ ව්‍යවහාරය)" එහෙම නැත්නම් මේ බට දඬු පිරුනු කඳු වැටිය තරනය කල විගස පරිසරයේ ගස්වල පවා විශාල පරිවර්තනයක් දැකගත හැකියි.

මේ අපි පිවිස තිබෙන්නේ කලුපහන ප්‍රදේශයටයි.ලංකාවේ සාර්ථකම ලෙස එනසාල් වගාව සිදු කරන්නේ මෙම ප්‍රදේශයේයි.එනාසාල් වගාව සිදු කල හැක්කේ මුහුදු මට්ටමින් අඩි 4000 ට වැඩි ප්‍රදේශ වල පමණි.මෙම දුම්බර කඳුවැටිමට සරු පස සහ ජල සම්පත මේ කාර්යයට හොඳටම ගැලපෙනවා.කැලෑ ප්‍රදේශයේම යටි රෝපනයක් ලෙස මෙම වගාව සිදු කරගෙන යනු ලැබෙනවා.නමුත් ඒ මගින් ජීවීන්ගේ ස්වාභාවික පැවැත්මට වන හානිය නම් ඉතාමත්ම වැඩි බව දැක ගැනීමට පිලිවන්.නමුත් මේ එන්සාල් වාඩි වල ජීවත් වන්නගේ සුහද සහෝදරාත්මක බව අගේ කොට සිහිපත් කල යුතු වෙනවා.

දුහුවිලි ඇල්ල.ඡායරූපයේ ඉහල කොටසේ ඇති කුහරමය අවකාශයේ ගල් ගුහාව පිහිටා ඇත

තුන්හිස්ගල (1:50000 සිතියමේ "කලුපහන 2") නමින් හැඳින්වෙන කඳු මුදුනට මෙම එනසාල් වගා හරහා ගමන් කිරීමෙන් ළඟා වීමට පිලිවන.තුන්හිස්ගල තරනය කඳු නගින්නන් අතර ඉතාම ජනප්‍රියම ස්ථානයක්.කඳු මුදුනේ සිට තුන් පැත්තකට දිවෙන කඳු වැටි 3ක් නිසාවෙනුයි මේ නම ලැබී තියෙන්නේ.අපේ ගමනේ සිහින අරමුන උනේ දුහුවිලි ඇල්ල වෙත ලඟා වීමයි.කලුපහන කඳු වැටි වලින් ආරම්භ වී මහවැලි ගඟට වැටෙන කලු ග‍ඟේ දිය පෝෂක ප්‍රදේශයෙදියි මෙම දිය ඇල්ල නිර්මානය වෙන්නෙ.මෙහි ඇති අපූරුම ආකර්ශනය වෙන්නේ දිය ඇල්ලේ මැද හරියේ ඇති ස්වභාවිකව නිර්මානය උන ගල් ගුහාවයි.දස දෙනෙකුට පමන නැවතී සිටීමට මෙහි ඉඩ කඩ ඇත.ජලය දිය ඇල්ලෙන්ම ලබාගැනීමට පිලිවන් වන අතර කැමැත්තක් ඇති අයෙකුට දිය ඇල්ල මැද ඇති ප‍ටු වේදිකාව වැනි කොටසට වී ඉතාම අපූරුවට ස්නානය කිරීමේ අත්දැකීමත් ලබා ගන්න පුලුවන්.

ගල් ගුහාවේ ඇතුලත දර්ශනයක්

ශිකර සහිත භූ පිහිටීම නිසා දුහුවිලි ඇල්ලට අමතරව තවත් දිය ඇලි හත අටක්ම කලු ග‍ඟේ අතු ශාඛා මගින් නිර්මානය වෙනාවා. දුම්බර ඇල්ල මීට හොඳ උදාහරනයක් බොහෝමයක් දිය ඇලි වලට තවමත් නමක් යොදා නැත්තේ මේවා ඇස ගැ‍ටුනු පිරිස් ප්‍රමානය ඉතාමත් සීමිත බැවිනි. දුහුවිලි ඇල්ල අසල ගල් ගුහාවට මුලුමහත් ප්‍රදේශයම ඉතාම අප්පූරුවට දිස්වෙනවා.රිව(ර්)ස්ටන් ප්‍රදේශ්ය හොඳින්ම දැකගත හැකි අතර මානිගල, වල්පොලමුල්ල (අලි තර්ජන නිසා අත්හරින ලද ගමක්) දිවෙන අතර හොඳින් නිරීක්ශනය කරන්නෙක්ට පිටවල පතන ප්‍රදේශයේ ඉතාමත්ම කුඩාවට වාහන ගමන් කරනු දක ගන්නට පුලුවන්. ගල් ගුහාවේ ගතකල ඒ රාත්‍රිය හැමදාටමත් මතකයේ තියෙන තරමට අපූරුයි.

අපේ නඩේ

ගිනිකෙලියාව පතන

මේ දිය පහර දර්ශන පථයෙන් ඉවත යන්නේ මීටර 50ක් පමන උසැති දිය ඇල්ලක් නිර්මානය කරමිනි

රිවර්ස්ටන් කුලුණු ඇතින් දිස්වන අයුරු ( ඡායාරූපයේ විශාලනය දස ගුණයක් පමන වන බව සලකන්න)

මෙයට කියන නමක් නොදත් හෙයින් "ඇල සීගිරිය" යයි අපි නම් තැබීමු.දුම්බානාගල කන්දේ කොටසක පිහිටා ඇත.

ඡායාරූප - චිත්‍රාල් ගමගේ

ඩබල් ටේප්

noreply@blogger.com (සඳුන් රත්නායක) — Sun, 26 Sep 2010 14:23:00 +0000

මම නොමිලේ වෙළඳ ප්‍රචාරනයක් කරන්න හදන්න එහෙම නෙවෙයි හදන්නෙ.
මේ දවස් වල අපේ අලුත්ම trend එක ගැනයි මේ කියන්න හදන්නේ.සරලවම කිව්වොත් ඩබල් ටේප් ගැන.
සෙලෝ ටේප් වගේ නෙමෙයිනෙ මෙකෙ දෙපැත්තම ඇලවෙනව
ඒකම කොච්චර දෙයක්ද???

අපේ කවුන්ටරේ තනිකරම ගොඩ දැම්මෙ ඩබල් ටේප් තමා.කොච්චරනම් දේවල් ඇලෙව්වද මේවයින්....
මගේ ජංගමයේ කවරයේ කෑල්ලක් මගේ අතින් කැඩුන වෙලාවෙත් ඒ කෑල්ල ලාවට අලවල තියාගන්න උදවු කලේ ඩබල් ටේප් තමා.තාමත් ෆෝන් එක කිසි කැතක් නැතුව පාවිච්චි කරනවනේ.
බිත්තියක ඕනම දෙයක් අලවගන්න පොතක පතක පින්තූරයක් අලවගන්න නැතුවම බැරි දෙයක් තම මේ ඩබල් ටේප් කියන ජාතිය.
මේ ලඟදි ලියුම් කවරයක් අලවගන්න ගම් නැතිවෙලාවක ලස්සනට වැඩේ ගොඩ දැම්මෙ ඩබල් ටේප් පිහිටෙන් තමයි.

තව කල්පනා කලොත් අලුත් වැඩ ඕන තරම් හොයාගන්න පුලුවන් වෙයි.
අපේ හොස්ටල් එකේ වැසිකිලියේ දොරත් හරියට වැහෙන්නෙ නැති ප්‍රශ්නයක් තියනව.
අපේ යාලුවෙක්ගෙ අදහස මේකටත් ඩබල් ටේප් පාවිච්චි වන විසඳුමක් ගේන්නයි.

කෑම්පස් එකේ කපු‍ටුටන්ගේ අන්දරය

noreply@blogger.com (සඳුන් රත්නායක) — Thu, 16 Sep 2010 05:39:00 +0000

අදත් ලියන්න තියෙන්නෙ කැම්පස් එකේ කතාවක් තමයි.
මේවට මම tag කරන්නෙ "ආගිය කතා" කියලා.
ඒ කියන්නෙ එහෙ මෙහෙ යද්දි දකින ඇහෙන දෙවල්නෙ මේවට වස්තු බීජය වෙන්නෙ.

මොර‍ටුව විශ්ව විද්‍යාලයේ ඉන්න උඩ බිම බලන කෙනෙක් නම් දැනටමත් මේක ඔයාලට මීටර් වෙලා ඇති.
විශ්ව විද්‍යාලයේ ප්‍රදාන ගේට්‍ටුවම පහු උන ගමන්ම පුස්තකාලය ඉස්සරහම පාර හරහා යන විදුලි ‍රැහැනක් තියනව. මෙතන තමා ස්ථානය.

විදුලි ‍රැහැන් වල ‍රැට කපුටො වහල ඉන්න එක සාමාන්‍ය සිද්දියක්නෙ.නමුත් මෙතන තියන විශේෂත්වය තමා කපුටො දෙන්නයි මෙතන හැමදාම ඉන්නෙ.
මීට අවුරුදු තුනකට කලින් අපි බච්චො වගේ කැම්පස් ආපු දවස් වලත් මුන් දෙන්න මෙහෙම හිටිය යාන්තන්මට මතකයි.
ඒ කාලෙ කැම්පස් එකෙන් පිටත බෝඩින් වෙලා හිටියට ‍රැට කන්න කැන්ටිමට ඇදෙනව.
ඔතන පහුවෙන කොට නිසර්ගයෙන්ම වගේ බැලෙනවා කපුටො දෙන්නගෙ චර්යාව ගැන.

සමහර දවස් වලට දෙන්න එක ලඟට වෙලා ඉන්නව. හිටපු ගමන් දෙන්න දෙපැත්ත බලාගෙන ඉන්න දවසුත් නැතුවම නෙවෙයි.එතකොට අපි කත වෙනව මොකද දන්නෙ නැ අවුල කියල........
තවත් කාල තියනව දෙන්නම හරි එක්කෙනෙක් හරි missing වෙච්ච.
කොහොම හරි මේ කපුටො දෙන්නත් අපිට කැම්පස් එකේ කොටසක් වගේ තමයි.

Industrial training කියල මාස හයක් එලියට ගිහින් ආවත් කපුටො දෙන්න නම් Training ගිහින් නැ වගේ.අපි එද්දිත් ඒ විදියටම හිටියා.
ඒත් මේ දවස් වල ආයෙත් එක්කෙනයි ඉන්නෙ....

මොකක් හරි අවුලක් වගේ...බලමු තව දවස් දෙක තුනක්........

ප.ලි
මේ පසුවදන ලියන්නෙ පෝස්ට් 1 දාපු දවසෙම රෑ.....
අද එතනින් යද්දි නිකමට වගේ පොඩ්ඩක් බැලුවම මෙන්න ආයෙමත් දෙන්නම
ඉන්නව...
All......is.....well........

මිනිස්සු ගනින කවුන්ටරේ........

noreply@blogger.com (සඳුන් රත්නායක) — Sun, 12 Sep 2010 13:47:00 +0000

මට හිතුන පොඩි සිද්දියක් ලියන්න.හරියට කතන්දරගෙ රාජකාරිය සඳුන් බාර ගත්ත වගෙ වේද දන්නෙ නෑ.............

මොර‍ටුව විශ්ව විද්‍යාලයේ පහුගිය දවස් වල තාක්ෂනික ප්‍රදර්ශනයක් පැවැත් උනානෙ.
තුන්වන වසරෙ ශිශ්‍යයො විදියට අපිට සැහෙන්න වැඩ කොටසක් බාර වෙලා තිබුනා.
මායි තව යාලුවෙකුත් නිකක් හිටියෙ නෑ(තව අයත් උදව්වට හිටිය. නැත්නම් කොහෙ කරන්නද ඕව.....).
අපිත් බාර ගත්ත ලොකු වැඩක්.......
ගේට්‍ටුව ගාව ප්‍රදර්ශනයට පැමිනි නරඹන්නන් ගාන දැක්වෙන ඩිජිටල් පුවරුවක් නිර්මානය කරන්න.

මුල ඉඳන්ම එක එක ප්‍රශ්න...
යාන්තම් අකුරක් පේන්න හදාගත්ත දවසෙ මාර සතු‍ටුයි.අපි ඉතින් හැම පුංචි ජයග්‍රහනයකදීම 5ක් දාල සතුට බෙදා ගන්නව.
මෙ ක්‍රමයෙ පොඩි පොඩි අඩුපාඩුත් තිබුන.කොටින්ම එතනින් මිනිහෙක් ඇතුලට ගියත් එලියට අවත් count එක වැඩි වෙනව.
දෙන්නෙක් ඇලීගෙන වගේ ආවත් වැඩේ අවුල් .......

ප්‍රදර්ශනේ දවසෙ එලි වෙනකන්ම වැඩ කරලත් එදා දවල් උනා ඔය ගැජට් එක හයි කරල ඉවර වෙද්දි....
අනිත් ළමයි ජැන්ඩියට උදේ ඇන්ද පැලඳ ගෙන එද්දි මෛ යාලුවයි තව ගිය ආත්මෙ අපිට ණය කීප දෙනෙකුයි පෙරේත පැටවු වගේ හරි හරියට වැඩ.

කොහොම කොහොම හරි හයි කලා කියමුකො.
අමුතුවෙන් කියන්න ඕන නෑනෙ ලෙඩ ගොඩයි.පොඩ්ඩ ඇත්නම් විකාර වෙනව.
එක්කො කෞරු හරි හැප්පිල වයර් එකක් ගැලවෙයි........නැත්නම් power නැති වෙයි...........

දෙවනි දවසෙ වැස්සකටත් අහු උනා.දැන්නම් සෙන්සර් no response.
මිනිස්සු හෝ ගාල යද්දිත් කවුන්ටරේ ඉලක්කම් හෙල වෙන්නෙවත් නෑ.

මෙ වැඩේ හරි යන්නෙ නැ. ටිකිරි මොලේට පොඩි අදහසක් ආව.මානව සම්පත තමා වැදගත්ම සම්පත කියල ඔලුවට ආව.
සෙන්සර් ඔක්කම ගලවල දාල පොඩි ස්විට්ච් 1ක් දැම්ම. පල්ලෙහා batch වල ඕන තරම් මල්ලිල ඉන්නවනෙ.
දෙන්නෙක්ව දැම්ම මිනිස්සු එන ගාන බලල ස්විච් එක ඔබන්න.

human සෙන්සර් ටික අගේට වැඩ කිසිම ලෙඩක් නැතුව.
ඔන්න ඔහොමයි කවුන්ටරේ ගොඩ දැම්මෙ............

Morning Side (හිමිදිරි පෙදෙස)

noreply@blogger.com (සඳුන් රත්නායක) — Tue, 13 Jul 2010 15:25:00 +0000

Morning Side (හිමිදිරි පෙදෙස) කියන්නෙ ලංකාවෙ තවත් අපූරුම ස්ථානයක්.ළඟා වෙන්න තියන අපහසුතාවය නිසාම මෙතන අගය තවත් වැඩිවෙනව කිව්වොත් නිවැරදී.

මේ අපූරු නම ලැබිල තියන විදිය ගැන හෙව්වම දැනගන්න ලැබුනෙ, මේ ප්‍රදේශයේ තේ වගාව කරපු ඉංග්‍රීසි ජාතිකයෙක් දේශගුණයේ තියන අපූරුම ස්වභාවය නිරීක්ශනය කලාම දැක්කෙ දවසේ ඕනැම වෙලාවක මීදුමෙන් බරවෙච්ච හරිම සෞම්‍ය ප්‍රදේශයක් විදියට. ඉතින් එයාට හිමිදිරි පෙදෙස කියන තේරුම තියන (Morning Side) කියන නම මතක් වෙච්ච එක පුදුමයක් නෙවෙයි.

හිමිදිරි පෙදෙසේ දසුනක්..

පිහිටීම...........

Morning Side පිහිටල තියෙන්නෙ සිංහරාජ වනාන්තර අඩවියේ නැගෙනහිර මායිමට ආසන්නවයි. A17 (දෙනියාය-රත්නපුර) රත්නපුර මාර්ගයෙන් අතුරු මාර්ගයක් ඔස්සේ කි.මි 7ක දුරක් ගමන් කලාම Morning Side සංචාරක නිවහන වෙත ලඟාවෙන්න පුලුවන්.මෙ ස්ථානය වන සංරක්ෂණ දෙපාර්තමේන්තුවේ පාලනය යටතේයි පවතින්නේ. බත්තරමුල්ලේ සම්පත්පායෙන් කල්තියා මේ ස්ථානය වෙන්කර ගත යුතුයි.

පිවිසුම

රත්නපුරයේ සිට පැමිනෙනවානම් රත්නපුර (start) -> පැල්මඩුල්ල( 19k.m) -> පාදම්පේ(32k.m) -> රක්වාන (48k.m)-> සූරියකන්ද(65k.m) පසු උනාම Morning Side දක්වා හැරෙන ස්ථානයේ නාමපුවරුව (67k.m) දැක ගත හැකියි. A17 මාර්ගය "වංගු දහයේ පාර" කියලත් හඳුන්වනවා.ඒ රක්වාන ආසන්නයේ තියනවැලමිටි වංගු නිසා.

දෙනියාය පැත්තෙ ඉඳල එනවනම් දෙනියායෙ ඉඳන් කි.මි 37ක් විතර දුරින් තමා ඔය කියන පිවිසුම් මාර්ගය තියෙන්නෙ.

දසුනක්...

මුලින් සඳහන් කරපු අවසාන කි.මි 7 මාර්ගය ඉතාම අබලන් තත්වයක තමා තියෙන්නේ.4WD රථයකට විතරයි මේ පාරෙ ගමන් කරන්න පුලුවන්.අපේ කණ්ඩායමටම් නම් පයින්ම තමා මේ ගමනෙ යෙදෙන්න උනේ.මේ පාරෙ තරමක් දුර යද්දි මුළු දකුනු පළාතම හරිම අපූරුවට පෙනෙන තැනකුත් හමු වෙනවා.අහස පැහැදිලි දවසට හම්බන්තොට මුහුද දක්වාම පෙනෙනවා කියලයි කියන්නේ.ඉත්තෑ කන්ද කියන ස්තානය ළඟින් ලංකාබේරිය වතුයාය,මෝ(ර්)නින්ග් සයිඩ් වතුයාය හරහාත් වඩා පහසු පිවිසුම් මාර්ගයක් තිබුනත් එය භාවිතා කිරීමටනම් එම වතු වලින් අවසර ලබා ගත යුතුයි.සිතියමේ කඩ ඉරි වලින් ළකුණු කර ඇත්තේ එම මාර්ගයයි.

දකුණු මිටියාවත් දක්වා වපසරිය...

දවස පුරාම වසර පුරාම සෞම්‍ය කාලගුණයක් තියන මේ අවට දවසක් දෙකක් ගෙවන්න තියනවනම් එදිනෙදා ජීවිතයේ පිරිල තියන ආතති ඔක්කොම අමතක කල්රල බොහොම සැහැල්ලුවෙන් ගතකරන්න පුලුවන්.සිංහරාජයේ මායිමේම පිහිටල තියන නිසා පරිසර අධ්‍යායන කටයුතු සඳහා ඉතාමත්ම සුදුසුයි.කඳුකර සිසිල් දේශගුණය නිසා මේ අවට කුරුලු නඩ bird flock සිංහරාජයේ පහතරට ප්‍රදේශයට වඩා වෙනස්.වඩා කඳුකර ප්‍රදේශවල දකිය හැකි Yellow-eared Bulbul මේ අවටත් දැකගත හැකියි.

Morning Side නවාතැන

[Morning side,Sinharaja,Madampe,]

දුම්බර වන පෙතේ....In the Knuckles Mountains....

noreply@blogger.com (සඳුන් රත්නායක) — Wed, 09 Jun 2010 13:54:00 +0000

නකල්ස් කඳු පන්තිය ලංකාවට හරිම විශේෂයි. මධ්‍යම කන්දුකරයට උතුරින් පිහිටා ඇති මෙම කඳු පන්තියේ නැගෙනහිර මුහුනත ඊසාන දිග මෝසමින් පෝෂණය වන අතර බටහිර මුහුනත නිරිත දිග මෝසමෙන් වැස්ස නිර්මානය කරනවා.

මානිගල B-38 මාර්ගයට පෙනෙන අයුරු

මාතලේ-රත්තොට-පල්ලේගම B-38 මාර්ගයේ ගමන් ගන්නා අයෙකුට මේ අපූරු අත්දැකීම හිතේ හැටියට විඳ ගන්න පුලුවන්.රත්තොට ප්‍රදේශය සාමාන්‍ය කඳුකර තෙත් ප්‍රදේශයක ලක්ෂණ පෙන්නුම් කරන අතර රිවර්ස්ටන් ප්‍රදේශය අවට නිතර මීදුමෙන් වැසුනු කඳුකර වනාන්තර ලක්ෂන පෙන්නුම් කරනවා.කන්දේ අනිත් බෑවුමට පැමිනි විගසම පිටවල ප්‍රදේශයේ කඳු මුදුන් පතන් ආකරයට හැඩ ගැසී තිබෙනු නිරීක්ෂනය කල හැකිය.නැගෙන හිර කඳු පාමුල පල්ලේගම ප්‍රදේශය ශුෂ්ක භූමියක ලක්ෂණ පෙන්වන්න්නේ සුළං මූනත සහ සුළං මුවාවට කෙතරම් පාරිසරික වෙනසක් කල හැකිදැයි සිහි ගන්වමිනි.

මේ මා ප්‍රවේශයක් ලබා ගත්තේ නකල්ස් කඳුපෙතේ කල තවත් ගවේශනයක තොරතුරු කියාපෑමටයි.මෙවර අපේ අරමුන උනේ මේ දුම්බර වනපෙතේ සැඟවී ඇති "දූවිලි ඇල්ල" නම් දැකුම්කලුයයි පවසන දිය ඇල්ල කරා යාමයි.අප සැලසුම් කර තිබුනේ මාතලේ-පල්ලේගම මාර්ගයේ රත්හිඳ හන්දියෙන් ගමන ආරම්භ කර ඇටන්වල, වල්පොලමුල්ල හරහා දූවිලි ඇල්ල කරා ලඟා වී කලුපහන කන්ද තරනය කර එන්සාල් වතු හරහා බඹ‍රැල්ල ප්‍රදේශයට පැමින මහනුවර නගරයෙන් ගමන අවසන් කිරීමයි.

මාතලේ-පල්ලේගම මාර්ගයේ පොදු ප්‍රවාහන සේවය පවතින්නේ ඉතාම දුර්වල මට්ටමකයි.පල්ලේගම කරා බස් රථය උදෑසන හතට පමන මාතලේ නගරයෙන් පිටත් වෙයි.රත්හිඳ හන්දියෙන් බැසගත් පසු පහලට ඇති මාර්ගය දිගේ ගමන් කිරීමෙන් ඇටන්වල ගමට පිවිසිය හැකියි.දුම්බර කඳු පෙතේ මායිමේ පිහිටා අති මෙම ගම මානිගල කඳු පාමුල පිහිටා ඇත.

ගමේ මායිමෙන් ගලායන තෙල්ගමු ඔය ඉලුක්කුඹුර ප්‍රදේශයේදී සංචාරක ආකර්ශනයක් ඇතිවන අයුරින් ගලාගොස් අඹන් ගඟට එක්වී අවසානයේදී මහවැලි දියවර හා එක්වේ.

තෙල්ගමු ඔය

තෙල්ගමු ඔය ඇටන්වල ගම ආසන්නයේදී "වැද්දා පැනි ඇල්ල" නම් දිය ඇල්ල නිර්මානය කරයි.මේ දිනවල තෙල්ගමු ඔය ඉතා සුමුදු ලෙස ගලා ගියද ඊසානදිග මෝසම ක්‍රියාත්මක වද්දී ඉතා ප්‍රචන්ඩ දිය කඳක් ‍රැගෙන යයි.

වැද්දා පැනි ඇල්ල

ඇටන්වල ගමින් පිටවූ අපෙ මීලඟ ඉලක්කය වූයේ මානිගල තරනයයි.රිවර්ස්ටන් ප්‍රදෙශයේදී මහා මාර්ගයට සමාන්තරව පෙනෙන මෙම කන්ද සිහිගන්වන්නේ දිග ඇදී වැතිරුනු හස්ති රාජයෙකි. සමතලා කඳු මුදුන හස්තිරාජයාගේ පිටට සමාන කල හැක.ඉලුක්කුඹුර ප්‍රදේශයේ සිටද මානිගල කරා පැමිනිය හැක.මෙම මාර්ගය වර්ණ සළකුණු මගින් ලකුණු කර ඇත.මානිගල මුදුනට නැගගත් පසු පහලින් ඇටන්වල ගමේ සරුසාර කුඹුරුද රිවර්ස්ටන් කඳු ප්‍රදේශයද දර්ශනයවේ.අනික් පසින් ලකේගල,වමාරපු ගල ආදී නකල්ස් කඳු මුදුන් දර්ශනය වේ.

මානිගල ඇටන්වල සමීපයේ දිස්වන අයුරු

ඇටන්වල ගමේ කුඹුරු මානිගල මුදුනේදී මවන රටා

මානිගලට දිස්වන ලකේගල

මින්පසු අපේ අද දවසේ ගමනාන්තය වන වල්පොලමුල්ල දක්වා ගමන ආරම්භ කලෙමු.වල්පොලමුල්ල යනු සුන්දර වනගත ගමකි.කලක් ලංකාවේ අඩුම පවුල් සංඛ්‍යාවක් ජීවත් වන ගම ලෙස නම් දරා තිබූ මේ ගමට දැන් එම වාර්තාව ගිලිහී ඇත්තේ වල් අලි තර්ජනය නිසා එම පිරිස් ගම අතහැර ගොස් ඇති නිසාය.දැනුදු කුඹුරු ගොවිතැන් කරන සමයේ මෙහි පැමිනෙන මොවුහු අස්වැන්න නෙලාගැන නැවත ගම් බලා පිටත් වේ.හෙල් මලු ක්‍රමයට කුඹුරු වගා කෙරෙන්නේ දොල පහරකින් සැපයෙන ජලයෙනි.සුලං කපොල්ලක් ආසන්නයේ පිහිටා ඇති නිසා නිරන්තරව ගම හරහා තරමක සුලඟක් හමා යයි.මීම හුලඟ අපේ කූඩාරමට අලාබහානි කිරීමටද සමත් විය.වල්පොලමුල්ල කුඹුරු යායට ඉතා විශාල දර්ශන පථයක් හසුවේ.කලු පහන කඳු, ඒ මත ඇද හැලෙන දුහුවිලි ඒල්ල සහ තවත් දිය ඇලි පෙලක්, ඊට තරමක් ඇතින් දිස්වන ලකේගල සහ කලු ග‍ඟේ ආරම්භක දිය කඳුරු නිම්න හරහා ඇදෙන අයුරු මෙතනට මනාව දිස් වේ.

වල්පොල මුල්ලේ අත්හැර දැමූ ගැමි නිවසක්..

වල්පොලමුල්ලේ කුඹුරුයායට දිස්වන ලකේගල

ලකේගලට වම්පසින් දිස්වන කුඩා සුදු පැහැ කොටස් දුහුවිලි ඇල්ල ආශ්‍රිත දිය ඇලි පන්ති වේ

දෙවනි දවසේ උදයෙන්ම අපි ගමන ආරම්භ කලේ අද රාත්‍රියේ දුහුවිලි ඒල්ල අභියස ගත කිරීම ගැන සිහින මවමිනි.වල්පොල මුල්ලේ සිට මාර්ගය කෙලින්ම කන්දක් පාමුලට දිවේ.මෙතනින් තරමක දොල පහරක් ගලා යයි.ඊලඟට හමුවන්නේ එතරම් නැග්මක් නැති කඳු ගැටයකි. මින්පසු නුගතලාව නම් ස්ථානයකට පැමිනේ.මෙය එලිමහන් බිමක් වන අතර නුග ගසක් ද දැකිය හැක.මෙතනින් ඇරඹෙන දැඩි බැවුම් සහිත මාර්ගය පහල ඔයක් අසලින් කෙලවර වේ(කුඩා ඔය).රඹුක්කොලුව ගමේ සිට දුහුවිලි ඒල්ල කරා අඩි පාර මෙතනදී සම්බන්ද වේ.

අඩිපාර අසලම ඇති දිය ඇල්ලක්

මින් පසු ඔය තරනය කර දිගටම ගමන් කිරීමේදී කුඩා දිය ඇලි කිහිපයක් හමුවේ.සලකුණු සහිත මාර්ගය පලමුවෙන් දුම්බර ඇල්ල කරා දිවේ.මෙය මීටර විස්සක් පමන උස දර්ශනීය දිය ඇල්ලකි.දිය ඇල්ලේ ජලය කලු පැහැ බේසමක් වැනි ජලාශයකට ඇද හැලේ.දුහුවිලි ඇල්ල කරා මාර්ගය ආපසු හැරී ගමන් කිරීමේදී වෙනත් දිශාවකට ඊතල මගින් දක්වා ඇත.

දුහුවිලි ඇල්ල

මෙයින් ඉදිරියට විශ්වසනීය තොරතුරක් ලබාදිය නොහැක්කේ පාර මගහැරීම නිසා දුහුවිලි ඇල්ල කරා යාමට අපට නොහැකි වූ බැවිනි.දිය පාරක් අසල ‍රැය පහන් කල අපි උදැසන අපහසුවෙන් මාර්ගය සොයාගෙන ආපසු ගමන ඇරඹුවෙමු.

ඇටන්වලින් ගමන අරඹා ඉලක්කය මග හැරී රඹුකොලුවෙන් ගමන නිමා කලෙමු.ඒ නුදුරු දිනකදීම මගහැරුනු අරමුණ වෙත යාමේ බලාපොරොත්තුව හිතේ දරාගෙනය.

[සුපුන්,නුවන්,මාලක,විනෝද්,කසුන්]

ඡායාරූප-චමිල් මාලක

யாழ்ப்பாணம்.....Month in Jaffna

noreply@blogger.com (සඳුන් රත්නායක) — Sat, 22 May 2010 03:50:00 +0000

දශක තුනක යුද්ධය නිමාවෙලා දැන් අවුරුද්දක් වෙන්නත් ආසන්නයි.යාපනයට ගොඩබිම් මාර්ගයකුත් විවෘත්ත කරල දීල.යාපනය මන්නාරම ගොඩබිම් මාර්ගයත් යෝජිත සංවර්ධන ව්‍යාපෘතියක්.මේ කඩිමුඩියෙ දකුණේ බොහෝ දෙනෙක් යාපනයේ සිරි නරඹන්න දිනපතා ඇදෙනවා.පසුගිය අවුරුදු නිවාඩු සමයේ මේ වන්දනා නඩ පැමිනීම උපරිමයක් පෙන්නුම් කලා.මේ පිරිස් වල වයසක අය යුද්දයට පෙර යාපනයට ගිය අය.ඒ අය පරන මතක සටහන් එක්ක සංසන්දනය කරල බලනව.තරුණ කොටස් ජීවිතේ මුල්ම වතාවට යාපනේ අසිරිය නරඹනව.බුද්ධගමට ලැදි අය ලද අවසරයෙන් සොළොස්මාස්ථාන වන්දනාව සම්පූර්න කර ගන්න වාසනාවන්ත වෙලා.

යාපනයේ ගොවි ජනතාවට,ධීවර ප්‍රජාවට තමන්ගෙ නිශ්පාදන වලට හොඳ වෙළඳ පොලක් ලැබිල.කලු කඩ මුදලාලිල නම් ටිකක් අසතුටෙන් කියලයි ආරංචිය.ඇඳිරි නීතිය මාර්ග බාධක අඩු වෙලා.හමුදාව ජන ජීවිතය සාමන්‍ය කරන්න පුදුමාකාර සහ යොගයක් දෙනව.මෙ අවසරෙන් ඔය පුංචි පුංචි කල්ලි වැඩ පෙන්නත් හදනව.ඒ යාපනේ වැ‍රැද්ද නෙවෙයි.ලංකාවෙ වැරද්ද.කොහෙත් ඉන්නවනෙ නිදහස වැරදියට ප්‍රයෝජනයට ගන්න අය.දෙමළ ඩයස්පෝරාව මෙහේ ජනතාව මතට බලෙන් අරගලය පටවන්න ගියාට යාපනේ ජනතාවනම් පසුගිය කාලසීමාවට වඩා කොච්චර සතුටින්ද ඉන්නෙ කියල පොඩිත්තක් කතා බහ කලාම බලා ගන්න පුලුවන්.ජනතාව යලි පදිංචි කිරීමේ ප්‍රශංශනීය මෙහෙවරට රජය වගේම NGO ආයතනත් උර දීල තියනව.NGO ත් වැරදියට භ්හාවිත වෙන තැන් ඇති .නමුත් හැම දෙයක්ම එකම මිම්මෙන් මන්නින බැනෙ.

මම කෙටි හැඳින්වීමක් ගත්තෙ.මගේ අරමුණ යාපනයෙ හිත ‍රැ‍ඳෙන තැන් ටිකක් ගැන සටහනක් තියන්න.ජන ජීවිතය ගැන මම අමුතුවෙන් කියවන්න ඕන නැ.ඇහැ කන තියණ සංවේදී හදවතක් තියන ඕන කෙනෙකුට තත්වය වටහා ගන්න පුලුවන්.

කීරමලේ පොකුණු

කීරමලේ පිහිටල තියෙන්නෙ යාපනයේ උතුරු කොනේ කංකසන්තුරේ ආසන්නයේ.යාපනය-කංකසංතුරේ මාර්ගයේ අතුරු මාර්ගයකයි පිහිටල තියෙන්නෙ.යාපනය කරේනගර් මාර්ගයේ පොන්නලේ හරහාත් කීරමලේට ලංගාවෙන්න පුලුවන්.මේ මාර්ගයෙන් අවොත් දඹකොල ප‍ටුන කියල ඉතිහාසයේ සඳහන් සුප්‍රසිද්ධ ස්ථානයත් බලා ගන්නපුලුවන්.කීර මලේට ජනප්‍රිය තාව ලැබිල තියෙන්නෙ හිදු ආගම නිසා.ඉතා අවලස්සන කාන්තාවො දෙන්නෙක්(එක්කෙනෙකුට සුනඛ මූනක් අනිත් කෙනට එලුවෙක් ගෙ මූනක් තිබුනයි කියලයි කියන්නෙ) මෙතනින් නෑවම ලස්සන උනාලු.මුහුද ලඟම තිබුනත් පිරිසිදු ජලය උල්පතකින් පොකුණට ජලය සැපයෙනව.කංකසන්තුරේ සිමෙන්ති කර්මාන්තශාලවෙ නටඹුනුත් මෙ අවටමයි තියෙන්නෙ.

කීරමලේ එක් පොකුණක්

පුරාවෘත්තය හා සබැඳි කතාව නිරූපනය කරන ප්‍රතිමා

පේදුරු තුඩුව

පොඩි කාලෙදිම ඉස්කෝලෙදි කියල දෙනව ලංකාවෙ උතුරෙම තියන තැන මෙතනයි කියල.එතන අඳුනගන්න සිමෙන්තියෙන් කල පුවරුවක ශ්‍රී ලංකා කොඩිය ඇන්දල තියනව.අපූරු අදහසක්.මේ තැන පැඉදුරු තුඩුව නගරයට ටිකක් බටහිර වෙන්නයි තියෙන්නෙ.පේදුරු තුඩුව නගරයේ තුයනව පොඩි ගොඩනැගිල්ලක් දැන් ප්‍රතිසංකරනය කරල තියෙන යාපනේ රජකම් කල සංකිලි නම් රජතුම තමයි මේක හදල තියෙන්නෙ.දෙමලෙන් මෙතනට කියන්නෙ "තෙරු මූඩි මඩම්" කියලයි.අපූරු ආඬියා ලිඳකුත් මේ ලඟම තියනව.යාපනෙත් දැන් ආඬියා ලිං හිඟයිනේ.

උතුරු කොන

තෙරු මූඩි මඩම්

කරෙයිනගර්

කරෙයි නගර් පිහිටල තියෙන්නෙ කරෙයිතිවු කියන දූපතේ.මේ දූපත ප්‍රධාන දූපතට සම්භන්ද වෙන්නෙ නොගැඹුරු මුහුද ගොඩ කරල හදපු පාලමකින්.සුප්‍රසිද්ධ කැසොරිනා වෙරල තියෙන්නෙ මේ දූපතේ උතුරු පැත්තෙ.මෙතන පිටින් එන සංචාරකයො වගේම යාපනේ ජනතාවත් ‍රැස් වෙන විනෝද මධ්‍යස්තානයක්.මේ දූපතේ ඉඳන් කයිට්ස් දූපතට යන්න පාලම් පාරු සේවයක් දැනට ක්‍රියාත්මක වෙනව.මේතන ජැටියට ගියාම හැමන්හිල් දූපතේ තියන කො‍ටුව පේනව.මෙතනනෙ ජවිපෙ නායක රෝහන විජේවීර හිර කරල තිබිල තියෙන්නෙ.

නාග දීපය

යාපනේ ඉඳන් යද්දිකයිට්ස් , පුන්කුඩුතිවු දූපත් දෙක පහු කරල පුංකුඩුතිවු ජැටියෙන් බෝට්‍ටුවක නැගිලයි නාගදීපෙට නැත්නම් නයිනතිවු වලට යන්නෙ.කයිට්ස්,පුන්කුඩුතිවු දූපත් දක නම් causeway මගින් ප්‍රදාන ගොඩබිමට යාවෙනව.ඩෙල්ෆ්ට් දූපතට බෝට්‍ටු සේවයත් මෙතනින් තමා පටන් ගන්නෙ.බෞද්ධ අපට නාගදීප විහාරය වැදගත් වගෙම හින්දු අය බොහොම ගෞරවයෙන් වඳින නාගභූෂන් කෝවිලත් මේ දූපතේ එක ලඟමයි තියෙන්නෙ.

බෝට්‍ටුවෙනුයි එහෙ යන්නේ...

නාගදීප පුදබිම

මහියංගණං....නාගදීපං....

කන්දරෝඩය සහ දඹකොළ ප‍ටුන

දඹකොළ ප‍ටුන කියන්නෙ ලාන්කීය ශිෂ්ටාචාරයේ වැදගත් තැනත්ම ස්තානයක්.මේ සංකේතාත්මක තැන තියෙන්නෙ පොන්නලේ කියන ප්‍රදේශ්ය ආසන්නයේ.මාර්ගය විදියට කිව්වොත් යාපනය-කරෛනගර්-කංකසන්තුරේ මාර්ගයේ.

පුරාතනයේ ඔය දඹකොළප‍ටුන කියන තැන ඉඳල යාපනය හරහා අනුරාධපුරයට ගොඩබිම් මාර්ගයක් තිබුනලු.මේ මාර්ගයේ ගමන් කල රහතන් වහන්සේලා පිරිසක් විවෙක ගැනීමට කන්දරෝඩය කියන ප්‍රදේශයේ නැවතුනාලු.යම් හදිසි රෝගාබාදයක් නිසා එතනදි අපවත් උන රහතන් වහන්සේලා සිහිවෙන්න කුඩා ප්‍රමානයේ චෛත්‍ය විශාල ප්‍රමානයක් එතන හදල තියනව.අදටත් යම් ප්‍රමානයක් ඉතුරු වෙලා තියනව.චුන්නාගම් නගරය ආසන්නයේ තමයි මේ ස්තානය පිහිටල තියෙන්නෙ..

මේවට අමතරව යාපනයේ පිවිසුම් දොර‍ටුව,යාපනයේ කො‍ටුව නරඹන්න පුලුවන්.විශ්හල ප්‍රමානයෙන් වගාකරපු මිදි ,කෙසෙල්, දුම්කොල වතු ඕන තරම්.මගෙනම් වඩාත්ම හිත් ගත්තෙ අහම්බු විදියට විසිරිලා තියන දූපත් පෙල තමා.මට අවස්තාවක් නොලැබුනත් ගොඩබිමට ඇතින්ම තියන දූපත වෙන කච්චතිවු දූපතට යන්න කාටද ආස නොහිතෙන්නෙ.

ජයග්‍රහණයේ යුධ ස්මාරකය-අලිමංකඩ

දැරණියගල-මාලිබොඩ හරහා සිරිපා කරුණාව...Sripada pilgrim via Daraniyagala - Maliboda

noreply@blogger.com (සඳුන් රත්නායක) — Tue, 30 Mar 2010 15:45:00 +0000

සිරීපාදෙ කියන්නෙ කී සැරයක් ගියත් එපා වෙන්නෙ නැති තැනක්නෙ.කතාවටනම් කියනව දෙතුන් පාර සිරීපාදෙ නගින එක මෝඩ කමක් කියල.කාටහරි එහෙම හිතෙනවනම් මොකටද එකම පාරෙන් සිරිපා කරුණා කරන්නෙ ඔය තියෙන්නෙ පාරවල් හයක්ම.හැබයි මම කියන්න යන ගමන නම් ආගමික මුහුණුවරක් නෙවේ තියෙන්නෙ. සොභා දහමේ අසිරිය විඳගෙන යන ටිකක් අභියෝගාත්මක විදියෙ ගමනක්.....

මම මීට කලිනුත් ලියල ඇති අවාරෙ සිරිපා ගියපු ගමනක් ගැන.මේ පාර අපි ‍තෝරගත්තෙ දැරණියගල මාර්ගය.සාමාන්‍යයෙන් කියන්නෙ මේක තමා දුෂ්කරම මාර්ගය කියල.

මාර්ගය මෙහෙමයි.

අවිස්සාවේල්ල>දෙහිඕවිට>දැරණියගල>මාලිබොඩ>උඩමාලිබොඩ

උඩමාලිබොඩින් තමා හරියටම ගමනෙ හොඳම හරිය පටන් ගන්නෙ.මම නාමපුවරුවක දැක්ක හැටියට මාලිබොඩ ඉඳන් කි.මි විස්සක් තියනව කියල.මාලිබොඩ ප්‍රදේශය ජල සම්පතින් අනූන හරිම අපූරු පළාතක්.කුඩා ජල විදුලි ව්‍යාපෘති කීපයක්ම මේ අවට තියනව.ඔය ඇලි හත කියල කියන දිය ඇල්ල දික් ඇලි කන්ද කියන හරියෙ තියෙන්නෙ .තව සුන්දර දිය ඇලි කිහිපයකුත් මේ අවට තියනව වැඩි දුර ආසනම් ලක්දසුන් එකේ මේ පොස්‍ටුව බලන්නකො.

මේ පුවරුව තියෙන්නෙ පන්දෙනිය ගං ඉවුරේ

පන්දෙනිය ගඟ

හරි... පන්දෙනිය ග‍ඟෙන් තමා කැලෑ මාර්ගය පටන් ගන්නෙ. දුක හිතෙන සිද්ධියකට කියන්න තියෙන්නෙ මේ අවට අපට ඇහුන Chain saw එකකින් ගස් කපන සද්දයක්.මේ සිරිපා වන රක්ශිතය විනාශ වෙන එකනම් සෑහෙන්න අවුල් වැඩක්.

කැළයට පිවිසුම..

ටිකදුරත් යනකම් මේ ග‍ඟේ නිම්නය දිගේ ගඟට සමාන්තරව අඩිපාර තියනව.ටික ටික නැග්මක් ආරම්භ වෙනව.මේ සූදානම් වෙන්නෙ හීන් පිදුරුතලාව කියන කන්ද තරණය කරන්න.අපි යන දවසෙනම් දිගටම වැස්සා.මේ අන්තර් මෝසම් කාලෙනෙ.කාළගුනයෙන් උත්තේජනය ගනිපු කූඩැල්ලො අපිට පුදුම ආදරෙන් සලකන්න පටන් ගත්තා.

මීදුම මැදින්

මේ මාර්ගයේදි තරමක දොල පාරවල් තුනක් හරහා පාර වැටිල තියනව.මේ සිරිපා වාරෙ වෙලත් ලඟදිත් අලි මේ අවට සැරිසරපු බවට සළකුනු හැමතැනව.අපි ඉදිරියට ගියේ පොඩි චකිතයක් නැතුවම නෙවෙයි.කැලේ ගමනින් කි.මි 4ක් ගියාම තරමක ලොකු ගඟක් හමුවෙනව මේක තමයි මේ පාරෙ සීතගඟුල.අපි මගදිගටම නාගෙන ආපු නිසා අමුතුවෙන් නාන්න නිකමටවත් හිතුනෙ නෑ.ග‍ඟෙන් එහා පත්තෙ අඩි පාර එක පාරටම හොයාගන්න අමාරුයි.අපි ඒ ගැන දැනුවත් වෙලා ආපු නිසා එච්චරම අමාරුවක් නැතුව ඒක හොයාගත්තා.

මේ ගං‍ඟේ පොඩි ගල් පොත්තකට වෙලා දිවා ආහාරයත් තෙමෙද්දීම ගන්න අමතක කලේ නෑ.තව කිලෝ මීටරයයිනෙ ඒටික තරමක නැග්මක්.මේ පාට්‍ර අවසානයේදි එරත්න හරහා එන සිරිපා මාර්ගයට සම්බන්ද වෙනවා.ඒ මැදහින්න හා ඉඳික‍ටු පාන අතරදි.මෙතන ඉන්දල සිරිපා මලුවට තව කි.මි 4යි තියෙන්නෙ.ඒ කියන්නෙ හැරමිටිපාන,ආඬියා මළ තැන්න,ඇහැල කණුව,අහස් ගව්ව පහුකරල සිරිපා මලුවට ලඟා වෙනව.

අපි නම් ඉන්දික‍ටු පානෙ නැවතිලා සැහෙන්න විවේකයක් ගත්ත.එතන තියන පුංචි කඩපොඩියෙන් තෙල් රොටී කන්නත් අමතක කලේ නෑ.ඉඳික‍ටු පානට රෑ උනාම හරිම ලස්සන දර්ශන පථයක් මැවෙනව.රත්නපුර හා එරත්න පාරවල් වල විදුලි ආලෝක නිසා ඒවා කැලේ මැදින් දෙපැත්තෙන් ඇවිත් හැරමිටි පානෙදි එකතු වෙන හැටි එහෙම හරි ම අපූරුයි.තව කුණුදිය පර්වතය හරිම ප්‍රතාපවත් විදියට ඉදිරියෙන් පේනව.කතාවල හැටියට බුදු හාමුදුරුවො ශ්‍රී පතුල තියන්න ඇවිත් තියෙන්නෙ මෙතනට.කන්ද උඩ පොකුණෙ ගැරඬියෙක් මැරිල ඉඳල තියනවලු.ඒකනෙ කුණුදිය පර්වතය කියන්නෙ. තව ඈත රත්නපුර කුරුවිට නගර වල විදුලි ආලෝකය පුංචියට දිලිසි දිලිසී පේනව.ඒක විස්තර කරන්න වචන නෑ බලලම ඒ හැඟීම ගන්න ඕන.

බෑණ සමනොළ

කුණුදිය පර්වතය

හැරමිටිපාන ඉහලින් දිස්වෙන අයුරු

ගමන ඔහොම නිමා කලා.සොඳුරු මතක පොදියක් ඉතුරු කරල.

මේ විස්තරය ගමනෙ දි මට හිතිච්ච දේවල් වල කෙටි සටහනක්.අවාරෙනම් ගමන සැහෙන්න අවදානම්.අලි තර්ජනය වගේම අතරමං වීමේ ලොකු ඉඩකඩක් තියනව.කාට හරි යන්න හිතෙනවනම් මුලින් හරියටම විතර හොයාගෙන යන එක තමා නුවණට හුරු.

ඡායාරූප--චමිල් මාලක සමරරත්න

[සුපුන්,සඳුන්,මාලක,උදය,උදාර]

[Sripada,Maliboda,Deraniyagala,Heramitipana,Pandeniya]

වෙහෙරගල............Weheragala

noreply@blogger.com (සඳුන් රත්නායක) — Fri, 11 Dec 2009 18:32:00 +0000

වෙහෙරගල කියන්නෙ මොණරාගල දිස්ත්‍රික්කයේ පිහිටලා තියන ප්‍රදේශයක්.හරියටම කිව්වොත් යාල ලුණුගම්වෙහෙර සීමාවෙ තමා තියෙන්නෙ.වෙහෙරගල වැදගත්වන කරුණු කිහිපයක්ම තියනව.

· වෙහෙරගල ජලාශය

· වනසතුන් ඉතා සුලබ ප්‍රදේශයක් වීම

·පුරාණ මාගම ශිෂ්ටාචාරයේ නටඹුන් පැතිර පවතින ප්‍රදේශයක් වීම.

කතරගම බුත්තල පාරෙ ගල්ගේ අසලින් තමයි වෙහෙරගලට යන පාර හැරෙන්නෙ. යාල block-5 එක පැත්තකින් තියනව, අනික් පැත්තෙන් ලුණුගම්වෙහෙර. මැණික්ගඟ සහ කිරිඳි ඔය මේ ප්‍රදේශයේදි ඉතා ආසන්නයෙන්ම(20 k.m) තමයි ගලන්නෙ. කිරිඳි ඔය හරස් කරල හදපු ලුණුගම්වෙහෙර යෝජනා ක්‍රමය ජල හිඟය නිසා මෑත කාලයේදි සෑහෙන්න අර්බුධයකට ලක්වුනා.මේකට විසඳුමක් විදියට මැණික් ග‍ඟේ ජලය ලුණුගම් වෙහෙරට ‍රැගෙන යාමේ අරමුනින් තමයි වෙහෙරගල ව්‍යාපෘතිය ආරම්භ වෙන්නෙ.

ගල්ගේ හංදිය අසල නාම පුවරුව

වෙහෙරගල ජලාශයේ දකුණු ඉවුරු අලෙන් ලුණුගම් වෙහෙරට ජලය ගෙන යද්දි මඩ සොරොව්වෙන් නිකුත් වෙන ජලය මැනික්ගඟ ලෙසට ගලාගෙන යනවා. මඩ සොරොව්ව ගැන කියද්දි පුරාතණ වාරි තාක්ෂණය මෑතකදි භාවිතාවට හොඳම නිද්ර්ශනය වෙහෙරගල (සමහර විට එකම නිදර්ශනය). වෙහෙරගලින් පටන් ගන්න වාරි ඇල යම් දුරක් භූගතවත් ගමන් කරනව. අවසානයේදි සිත්තරම් පාලම කියන තැනදි සිත්තරම් ඇල කියනස්වාභාවික ජල මාර්ගයට මේ වාරි ඇල වැටෙනවා. මේ සිත්තරම් ඇල ලුනුගම් වෙහෙරට වැටෙන්න කලින් රත්මල් වැවට වැටිල තමයි ගම්න ගවසන් වෙන්නෙ.මේ අවට ගව පාලනයට ඉතාමත්ම සුදුසුයි.

ලුණුගම්වෙහෙරට ජලය සපයන දකුණු ඉවුරු ඇල

පිටවාන

වෙහෙරගල ව්‍යාපෘති සිතියම

අතරමැදියකු ලෙස ක්‍රියාකරන රත්මල් වැව

මඩ සොරොව්ව ලෙස නැවත ජීවය ලබන මැණික් ගඟ

මේ ව්‍යාපෘතියට සමගාමීව වනෝද්‍යානයේ තැනින් තැන පුංචි පුංචි වැව්, පොකුණු එහෙම හදල තියනව.මේක සත්තුන්ට හිතකර පරිසරයක් නිර්මානය කරල තියනව. වැඩි කලක් ගත නොවී උනත් දැන්මම ඒ වෙනස අපට දැකගන්න පුලුවන්.යාලෙ වගේ සත්තුන් වියලි කාලයට අසරණ වීම මෙයින් වැලකෙනව.

සතුන්ට ජලය සැපයෙන සේ කල නිර්මාන

වනාන්තරේ කොටසක් යටකරල හැදුවට මේකෙ ප්‍රතිඵල මිනිසුන්ට වගේම මේ වනෝද්‍යානයටත් ලැබෙනව.ශ්‍රී ලාංකික ඉංජිනේරුවන් තමා සැලැස්ම ඉදිකිරීම සියලුම දේ කරල තියෙන්නෙ. කොහොමහරි ඇස්තමේන්තුගත වියදමටත් අඩුවෙන් නිමකරල තියෙන්නෙ.ඉදිකිරීමේදී පරිසරය ගැන සැලකිලිමත් වීම කොතරම්ද කියනවනම්, ස්වාභවික ජල මාර්ගයකට භාදා වීම වලක්වන්න ප්‍රධාන ඇල මාර්ගය කි.මි 1ක් විතර භූගතව යන විදියට හදලත් තියනව. මේ අයට ඇත්තටම ගෞරව කරන්න ඕන මොකද මේ ඉදිකිරීම් කල කාල සීමාවේ ත්‍රස්ථවාදය යාලේ අරක් ගැනීම ගනං නොගෙන ජීවිත කැපකිරීමෙන් කයයුතු කිරීම ගැන.

භූගත ඇලේ ආරම්භය

මාගම ශිෂ්ටාචරය පැවතුන බවට නටඹුන් මේ අවට සෑම ගල් පර්වතයක් කඳුගැටයක් ලඟම දැකගන්න පුලුවන්. ඒ කියන්නෙ පුරාණ විහාර වල නටඹුන් හැම තැනම දැකගන්න පුලුවන්. අපරාදේ කියන්න බෑ අපේ අය මේ හැම එකක්ම වස්තුව සෙවීමේ අරමුනින් හාරල,දැන් ඉතිරි වෙලා තියෙන්නෙ පාදම විතරයි. වෙහෙර හත, වෙහෙරගල මේවට උදාහරණ කිහිපයක්. වෙහෙරගල සෑය මේ ව්‍යාපෘතියට සමගාමීව ප්‍රතිසංස්කරනය කරල තියනව.වෙහෙර හත කියන තැන දැන් කඩා දමා තිබුනට චෛත්‍ය හතක් තිබිල තියනව. ලැබිච්ච ආරන්චි වල හැටියට මෙතන තියන ගල් කෙමෙන් වතුර බොන්න අලි කුඩා රංචු වශයෙන් එනවලු.

නිදන් හොරුන් විනාශ කල දාගැබක පාදම

වෙහෙර හත

ව්‍යාපෘතියට සමගාමීව සංචාරක කර්මාන්තය දියුනුකරන්න වනෝද්‍යානය ඇතුලත මාර්ග හදල තියනව. තණමල්විලට, සෙල්ලකතරගමට, බුත්තල කතරගම පාරට සම්බන්ද වෙන මාර්ගත් තියනව.ඊට අමතරව සන්චාරක නිකේතන දෙකක් හදල තියනව.එකක් වෙහෙරගල වැව ඉස්මත්තෙ අනික තවත් පුංචි වැවක වැව් පිටියෙ. දවස් ගානක් උනත් බලන්න දේවල් මේ අවට හැමතැනම.

මේ බ්ලොග් ලියමන ලියන්නෙ වෙහෙරගල අවට දවස් කිහිපයක් සැරිසැරීමෙන් ලබාගත්ත අත්දැකීම් වලින්.අපේ ගමනේ එක අරමුණක් උනේ Bird Watching. ඒ අරමුණ සැහෙන්න දුරට කරගන්න පුලුවන් උනා. ඇල මාර්ගය, තැනින් තැන තියන වැව් නිසා කුරුල්ලන්ටහිතකර වාතාවරනයක් හැම තැනම දැකගන්න පුලුවන්.පුංචි පුංචි සතුන්ට අමතරව මුවන්,ගෝනුන් අලින් දැකගන්න පුලුවන්. කොටින්ම ගම්වදින රටේම අලිගෙනත් දාන පුනුරුත්ථාපන මධ්‍යස්ථානයකුත් විදුලි වැටකින් ආවරනය කරල හදල තියනව. වාසනාව තිබුනොත් Panthera Pardus Kotiya ව ,අඩු ගනනෙ පා සටහනක් හරි දක ගන්න පුලුවන්.මේ කුඩා වැව් වල කිඹුලනුත් දැකගන්න පුලුවන්.

මෙන්න අපේ Check List එකෙන් පුංචි කොටසක්

Lesser Adjutant

White bellied sea eagle

Serpent eagle

Changeable hawk eagle

Orange breasted barbet (Copper smith)

Indian night jar

Eurasian hoo poo

Malabar pied hornbill

Indian night jar

Monkey puzzle

Grass jevel

Common piorette

අලියන්ට ළමයින්ට දඟලන්නමයි හිත

අත්වැල්තොට..............Athwelthota

noreply@blogger.com (සඳුන් රත්නායක) — Thu, 26 Nov 2009 05:02:00 +0000

බස්නාහිර පළාත කිව්වම පරිසරයට ආදරය කරන කෙනෙකුට පොඩි ඕලාරික ගතියක් එන්න පුලුවන්.

ෂහ්............හදිස්සියකට වැරදිලාවත් කුරුල්ලෙක් බලාගන්න, දොළකින් කකුල පොඩ්ඩක් තෙමාගන්න, තැනක් නෑ කියලා.එච්චරටම අවුල් යන්න ඕන නෑ බස්නාහිර පළාතෙ ඒ කියන්නෙ කළුතර දිස්ත්‍රික්කයේ මායිමක තියන පුංචි තැනක් ගැනයි මේ හෝඩුවාව.නමින්ම කිව්වොත් "අත්වැල්තොට" (නමත් ලස්සනයිනෙ.....).

මොර‍ටුව විශ්ව විද්‍යාලයේ "හරිත මිතුරෝ" එහෙම නැත්නම් Nature Team කියන්නෙ, කොච්චර වැඩ තිබුනත් පරිසරයට තියෙන අපේ බැඳීම අමතක නොකරපු පිරිසක් එකතුවෙච්ච තැනක්. අපේ අලුත්ම ක්ෂේත්‍ර චාරිකාව අත්වැල්තොට ගැන E -සටහනක් ලියාතියන්නෙ පරිසරය ගැන ඇල්මක් තියන අයත් එක්ක අත්දැකීම බෙදා හදා ගන්නයි.

අපේ නඩේ.......

මුලින්ම කියන්නම්කො මගතොට විස්තර...........

අත්වැල්තොට පිහිටල තියෙන්නෙ මතුගම-කලවාන මාර්ගයෙ. මතුගම ඉඳල එනවනම් ලත්පඳුර, බදුරලිය පහු උනාම ඊ ලඟට හම්බවෙන්නෙ අත්වැල්තොට හංදිය.මගුරු ග‍ඟේ පාලමක් එක්කම තමා තියෙන්නෙ.මෙතන ඉඳල ඉදිරි ගමන තියෙන්නෙ පොඩි පාරක් දිගේ (ජීප් රථ මාර්ගයක්).

ලෝක උරුමයක් වෙච්ච සිංහරාජය මීට කලකට පෙර දැනට වඩා ප්‍රදේශයක ව්‍යාප්ත වෙලා තියෙනව.ජනාවාස වල පැතිරීමත් එක්ක සමහර වනාන්තර කොටස් සිංහරාජයත් එක්ක තියන සෘජු සම්බන්ධතාවය කැඩිල දන් පුංචි පුංචි වනාන්තර කොටස් විදියට ඉතුරුවෙලා තියනව. අත්වැල්තොට, කන්නෙලිය, නාකියාදෙනිය කියන්නෙ මේ වගේ වනාන්තර වලට උදාහරණ.

අත්වැල්තොට තනි වනාන්තරයක්ම නෙමෙයි.මෙතන ගමයි වනාන්තරයයි සහයෝගෙන් පවතින තැනකට හොඳ උදාහරණයක්.අත්වැල්තොට හංදියෙන් පටන්ගන්න ඒ පාර සින්හරාජයේ මායිම දක්වාම දිවෙනව.කුරුල්ලන්, සමනළයින් ගැන අධ්‍යයනය කරන්න පටන් ගන්න සුදුසුම තැනක් කියල කියන්න පුලුවන්.එහෙම කියන්නෙ සිංහරාජයේදි අපි දකින කුරුලු නඩ (Bird Flocks) ඒ තරමටම සරුවට මෙහෙදිත් දැකගන්න පුලුවන්.

රුසිගල ගියන්නෙ මේ ගමනේ වැදගත් සංධිස්තානයක්.අර කලින් කියපු පාරෙ කි.මි 5ක් විතර ඇතුලට ගියාම රුසිගල කන්ද පාමුලට ලංඟා වෙන්න පුලුවන්. වාහනයකින් මේ කිට්‍ටුවටම යන්න පුලුවන් උනත් කුරුල්ලන් බැලීමේ අරමුනෙන් යනව නම් පයින්ම යන එක තමා වඩා හොඳ.රුසිගල කන්ද පාමුලම තියනවා රුසිගල ආරණ්‍යය.මේ ලඟ තියන දියපාරවල් වල තල්කොස්සා, උඩහඳයා, බුලත් හපයා ලේ තිත්තයා වැනි මසුන් වර්ග

දක ගන්න පුලුවන්.කඳු නැගීමේ ආශව තින කෙනෙකුට මේ රුසිගල තරණය කරන්න පුලුවන්. අහල තියන විදියට රුසිගල උඩ camp කරන්නත් පුලුවන්.

රුසිගල ආරණ්‍ය සේනාසනය

තවත් මේ පාර දිගේ ඉදිරිරියට ගියාම ගමේ බලපැම තුනී වෙලා වනාන්තර කොටස වැඩිවෙනවා.කිමි 2ක් විතර යද්දි පාර(ජීප් රථ මාර්ගය) හරහා තරමක දොළක් යනවා.මෙතනත් මිරිදිය මසුන් නිරීක්ෂනය කරන්න කියාපු තැනක්.අත්වැල්තොටින් පටන්ගන්න මේ දියපාරවල් කළු ග‍ඟේ අතු ගංගාවල් පෝෂනය කරනවා.

හරිම පුදුම වැඩේ කියන්නෙ මේ ජීප් රථ මාර්ගයේ ඉඳහිටල තේ දළු ලොරියක්, මෝටර් සයිකලයක් ගමන් කලාට,කුරුල්ලන් 40-50 පමන සිටින කුරුලු නඩ ඒ පාර හරහා ගමන් කිරීමට බයක් ඇති නොකර ගැනීමයි.නමුත් තවත් ජන ව්‍යාප්තිය වැඩි උනොත්නම් ඉදිරියට මේ වගේ දේවල් බලාපොරොත්තු වෙන්න බැරිවෙයි. වැඩිදෙනාගේ අවධානය යොමු නොවුනට සින්හරාජය වගේම rich තැනක් කියන එකනම් පිලිගන්නම වෙනව.

Commom Mime

Common Leopard

මේ පාර දැක්ක අයගෙ පොඩි check list එකකුත් දාන්නම්..........

Orange Billed Babler

Crested Drongo

Red Faced Malkoha****

Malabar Trogon

Black Bulbul

Black Caped BulBul

Serpent Eagle

තවත් ගොඩක් මග ඇරෙන්නත් ඇති.

මෙහේ තියන බටපඳුරු සහිත වාතාවරනය නිසා

Blue Oak Leaf සහ බට ඇටිකුකුලා වාර්තා වෙලා තියනවා කියල තමයි ආරංචිය.

[Athwelthota,Rusigala,Kalawana,Maguru ganga]

එක පුංචි පුරුද්දක් වෙනස් කරල ලොකු වෙනසක් කරමුද...

noreply@blogger.com (සඳුන් රත්නායක) — Tue, 01 Sep 2009 02:43:00 +0000

අන්තර්ජාලයේ කොයිතරම් search engine තිබ්බත් optimum සෙවුම කරන්න හරිම අමාරුයි. විශේෂයෙන්ම ලංකාවෙ දෙයක් හොයන්න ගනිද්දි මේ වැඩේ වෙනවා. මොකද ඒක කීප විදියකට ඉංග්‍රීසියෙන් ලියන්න පුලුවන් වෙලාවට හතර පස් සැරයක්ම search කරන්න වෙනව

උදා:- සඳලංකාව

sandalankawa

අපිට අනුමාන කරන්න බෑ වෙබ් පි‍ටුව හදපු කෙනා මොන වචනයද පාවිච්චි කරල තියෙන්නෙ කියල. හැබැයි සිංහල වචනයෙන් search කලොත් මේ පටලැවිල්ල නැති වෙලා යනව. මේ නිසා

අදාල search එක පහසුවෙන් කරගන්න පුලුවන්.

සෙවුමෙන් ලැබෙන ලිපිය සිංහල නිසා වටහාගන්න පහසුයි.

සිංහලෙන් ලිපි ලිවීමට පිරිස් උනන්දු වීම

අන්තර්ජාලයේ අපේ අනන්‍යතාවය පෙන්විය හැකි වීම

වගේ පුංචි පුංචි අරමුණු ඉ‍ටුකර ගන්න පුලුවන්.

මට හිතෙන විදියට දැනටමත් අන්තර්ජාලයේ blog ලිපි සහ වෙනත් ලිපි සෑහෙන ප්‍රමානයක් සිංහලෙන් තියනවා. ඉතින් බලබල ඉන්නෙ නැතුව මීට පස්සෙ ලංකාවෙ දෙයක් ගැන හොයද්දි සිංහලෙනුත් search පාරක් දාන්න අමතක කරන්න එපා.

පුංචි පැලේ ගස වෙනා කියල කියන්නෙ කට කහනවට නෙවෙයිනෙ.

SMS වල privacy ‍ රැකගන්න SecureSMS........

noreply@blogger.com (සඳුන් රත්නායක) — Mon, 24 Aug 2009 18:16:00 +0000

තමන්ගෙ ජංගම දුරකතනයට ලැබෙන හා මතකයේ ගබඩා වී ඇති SMS
අනවශ්‍ය අයගේ නිරීක්ශනයට ලක්වීමෙන් වලක්වා ගන්න ඕනද ????
පුංචි විසඳුමක් නිර්මානය කලා. ඒ තමා SecureSMS.
පොඩි Java Aplication එකක්.
වැඩ කරන්නෙ මෙහෙමයි....

මේ aplication එක ජංගම දුරකතනයේ install කරගන්න
ආරම්භයේදීම කැමති පාස්වර්ඩ් එකක් දාගන්න පුලුවන්
දැන් aplication එක හරහා කෙටි පණිවිඩ ලබන්න, යවන්න පුලුවන්.
log වෙන්න පාස්වර්ඩ් එක අවශ්‍යයි.

මේ aplication එක හරහා යවන SMS යන්නෙ මෙහෙමයි.....

අපි මේ aplication එක මගින් තවත් දුරකතනයකට SMS එකක් යැව්වම

අදාල දුරකතනයට කෙටි පණිවිඩය ලැබුනාම ඒකෙත් මේ aplication එක දාගෙන තියනවනම් aplication එක autorun වෙලා SMS එක බාරගන්නව
display එකේ notify කරනව අලුතෙන් SMS එකක් ආව කියල
ඒක කාගෙන්ද ආවෙ, SMS එක මොකද්ද කියල
බලන්න නම් පාස්වර්ඩ් එක ගහල ලොග් වෙන්නම වෙනව..

ඔය SMS එක ලැබෙන දුරකතනයෙ මේ aplication එක නැත්නම්
සාමාන්‍ය Inbox එකටම කෙටි පණිවිඩය යනව.

දුරකතන දෙකේම privacy ‍රැකෙන්න නම් දෙපැත්තෙම aplication එක install
කරල තියෙන්න ඕන
හැමතිස්සෙම run කරල තියන්න ඕන නෑ අවශ්‍ය වෙලාවම මෙයා autorun වෙනව

සාමන්‍ය SMS Composser එකක තියන features ටිකක් එකතු කලා..

Hints...
Inbox එකේ නොකියවපු sms නිල් පාටයි අනික්වා කලු පාටයි.
reciever ගෙ දුරකතන අංකය contacts වලින් ඇතුලත් කරන්න Lookup කියල option එකක් තියනවා.
sms ගොඩක් ගබඩා කරල තිබුනොත් aplication එක ටිකක් මන්දගාමී වෙනවා.

අඩුපාඩු.......
Draft ගබඩා කරන්න හැදුවෙ නෑ.
තනි SMS තමා යවන්න පුලුවන්.
පාස්ස්වර්ඩ් එක නැවත නැවත වෙනස් කරන්න බෑ.
user interface එක එච්චරම ලස්සන නෑ.
delivey report නෑ.

පොඩිපොඩි අඩුපාඩු තිබුනට මූලික පරමාර්තය නම් අගේට වෙනව.
පාවිච්චි කලොත් feedback එකක් දෙන්න අමතක කරන්න එපා.

download

සිහින දකින කලාව........

noreply@blogger.com (සඳුන් රත්නායක) — Sun, 23 Aug 2009 02:47:00 +0000

සිහින කියන්නෙ හැමෝම ආස දෙයක් (මේ අර රෑට පෙනිල බයවෙන ඒව නෙවෙයි). සිහින වලම ජීවත් වෙන්න ඇත්නම් කියල හිතෙන වෙලාවලුත් නැත්තෙම නෑ. පොඩ්ඩක් හිතල බැලුවම හීන කියන්නෙ පෙනිල (මැවිල) නැතිවෙලා යන දෙයක් විතරක් නෙවෙයි , අපිත් එක්කම ජීවත් වෙන දෙයක් කියල තේරෙනව. ඒකයි සිහින වලින් සැබෑ ජීවිතය වෙන් කරගන්න මෙච්චරම අමාරු.

සිහින එක්ක ගණුදෙනු කරද්දි අමතක නොකල යුතු දේවල් කිහිපයක් තියනව.

පළමුවෙනි දේ තමයි "සිහිනයක් යනු සිහිනයකි" කියන එක .ඒ කියන්නෙ සිහිනයක් නම් ජීවිත කාලයටම සිහිනයක් වශයෙන් පැවතිය යුතුයි. යම් දෙයක් වෙමින් පවතින හෝ වෙන්න පුලුවන් කියන පසුබිමක තියනවනම් ඒක සිහිනයක් කරන එක කරන්න පුලුවන් හොඳම ගොන් වැඩ කිහිපයෙන් එකක්.

අපට එදිනෙදා කොච්චරනම් කියවෙනවද ,"අනේ මේකනම් හීනයක්...." වගේ දේවල්. ඇත්තටම යතාර්ථවාදී දේවලුත් හීන ගොඩට දාලා ජීවිතේට ඔහේ ගලාගෙන යන්න දීල බලාගෙන්න ඉන්න එක මිනිස්කමට කරන නිගාවක්.

අපේ ඔලුවෙ (අදහස් විශ්ලේශනය වෙන තැන) නිතරම පසුබිමෙන් ධාවනය වෙන ක්‍රියාවලියක් තියනව. ඒක අපිට නිතරම පොඩි පොටවල් පාදල දෙනව අපේ බලාපොරොත්තු හා අරමුණූ කරා ලඟා කරගන්න . මෙතනට අපිට මැදිහත් වෙන්න පුලුවන් නම් අපිට පුලුවන් හිතේ තැන්පත් වෙලා තියන පුංචි පුංචි දේවල් වර්ගීකරනය කරගන්න.

හරියට Dreams සහ Reality වගේ. අපේ ආර්ථික සමාජීය වටපිටාව අනුව ලඟා වීමේ සම්භාවිතාව වැඩි දේවල් , ඒවට යතාර්ථවාදී ලේබලය දානව. විය නොහැකි පසුබිමේ තියන දේවල් වලට සිහින ලේබලය දානවා. මොන ගොඩට දාන්නඩ කියල හිතාගන්න බැරි දේවල් වලට සිහින ලේබලය දාන එක කෝකටත් හොඳයි.

දෙවැනි කාරනය තමයි සිහින පස්සෙන් යාම තහනම්.........

සිහින වලට තමාගෙම පැවැත්මක් තියනව. ඒවට අත දාල නිකන් වැඩ අවුල් කර ගන්න ඕන නෑනෙ. කෙටියෙන්ම කිව්වොත් "සිහින වලට අතතැබීම තහනම්".

අපිට ලඟාවෙන්න බැරිවුන දේවල් (වර්ගීකරනයට අනුව හීන) ගැන දුක් වෙන්න කිසිම හිතුවක් ඇත්තෙ නෑ. අපි මුල ඉඳලන දන්නව ඒක හීනයක් කියල. හීන කියන්නෙ දුක්වෙන දෙයක් නෙවෙයි නෙ ,හීන වලට සතුටේ බලාපොරොත්තුවේ උල්පත කිව්වත් වරදක් නෑ. ඒව හැමදාම හිත ඇතුලෙ තැන්පත් වෙලාතියේවි , මතක් වෙන වෙලාවට සතුට අරන් එන්න.

කම්මැලිකමක් , දුකක් දැනෙද්දි හීනපොදි අතර සැරිසරල පොඩ්ඩ්කක් සතු‍ටුවෙන්න පුලුවන්. තවත් දුර යනවනම් හීන වලම ජීවත් වෙන්න උනත් , නෑ ඒක හරියන්නෙ නෑ අපේ සමතුලිතතාවය නැතුව යනවා. වැදගත්ම දේ තමයි අපි මුල ඉඳලම දන්නව මේ මොන ජාතියෙ දෙයක්ද කියල ඒක නිසා අපිට මුල ඉඳලම හැකියාවක් තියනව හැඟීම් , බලාපොරොත්තු එක්ක ගණුදෙනු කරන්න . දන්නවනෙ බලාපොරොත්තු කියන දේ තමයි මිනිහෙක් ගෙ ජීවනාලිය. ඒව පලුදු කර ගැනීම ජීවිතය පලුදු කර ගැනීම නොකරගන්න , නිවැරදි අවබෝධයෙන් සිහින ‍තෝරා බේරාගෙන කලින්ම වෙන් කර තබා ගැනීමන් පුලුවන්.

තවත් පොඩ්ඩක් නම්‍යශීලී හා විමසිලිමත් නම් නිවැරදි වෙලාවට නිවැරදි දේවල් වල ලේබල් මාරු කර ගන්න එක අපිටම කරන්න පුලුවන්. මුලින් කියපු කරුනු එක්ක පොඩ්ඩක් පටහැනි වගේ පෙනුනට සිහින ගණුදෙනුවේ උච්චම ස්ථානය මේක තමයි. මේ පුචි ලේබලය එහා මෙහා කරල ජීවිතයෙ සැබෑ වෙනසක් කරන්න බැරිකමකුත් නෑ කියල පොඩ්ඩක් ඔලුවෙ තියාගන්න එක කෝකටත් හොඳයි.

කොහොමින් කොහොම හරි සිහින එක්ක පැටලෙන්නෙ නැතුව ජීවත් වෙන එක තමයි වැදගත්න්ම දේ. තමන්ගෙ සිහින වලට කවුරු හරි අතදමන්න ආවොත් එයාට කියන්න

මගෙ සිහිනය මට දකින්න ඉඩ හරින්න

ඒ සිහිනෙන් මා මුදන්න ලං නොවන්න........

අවාරේ සිරිපා.......................Sripada off season via Erathna

noreply@blogger.com (සඳුන් රත්නායක) — Tue, 04 Aug 2009 15:02:00 +0000

හමුදා සෙබලුන් ගොඩනැගූ පියගැටපෙල

ශ්‍රී පාදය කියල කියන්නෙ ආගමික භේදයක් නැතුව කවුරුත් වන්දනාමාන කරන තැනැක්නෙ. අභය භූමියක් මැදින් යන ගමනක මිහිරියාව විඳ ගන්නත් පුලුවන් නිසා අපේ අයටත් ඕන උනා අවාරයේ සිරිපා කරුණා කරන්න.

කරුණාවයි.............කරුණාවයි.................

ශ්‍රී පාදය නැත්නම් සමනළ කන්ද ලංකාවෙ උසම කඳු වලින්

හතරවෙනි ස්ථානයේ තමයි පවතින්නෙ. මීටර 2300 පමන උසයි.

ශ්‍රී පාදය තරනය කරන්න පුලුවන් මාර්ග හයක් සඳහන් වෙනව. මේව අතරින් වැඩිපුරම භාවිත වෙන්නෙ

හැටන්-නල්ලතන්නි මාර්ගය කි.මි 4

කුරුවිට-එරත්න මාර්ගය කි.මි 12

රත්නපුර-පළාබද්දල මාර්ගය කි.මි 8

කියන තුන තමයි. මේ මාර්ග හයම බාගයක් දුර යද්දි ප්‍රධාන මාර්ග දෙකකට ඌනනය

වෙනව. ඒ රත්නපුර පාර සහ හැටන් පාර කියල.

අපේ ගමන් සලැස්ම තමයි කුරුවිට පත්තෙන් ගමන ආරම්භ කරල පළාබද්දල පැත්තෙන්

අවසාන කරන්න. ගමන ටිකක් අභියෝගාත්මකයි, මොකද අවාරයෙ නිසා මිනිස් දසුනක්

දකින්න ලබෙන්නෙත් කලාතුරකින්. හදිස්සියක් උනොත් ඉතින් සමන් දෙය්යන්ගෙ පිහිටම තමයි.

ගමන සංවිධානය කලේ අරමුණු ගොඩක් ඇතුව.

Hiking සහ Bird watching දෙකම සමබර වෙච්ච අපේම ආරෙ ගමන් රටාවකට තමයි

ගමන සම්පූර්න කලේ.

කුරුවිට නගරයෙ ඉඳල එරත්නටත්, එතනින් අඩවි කන්ද කියන ප්‍රදේශයටත් ප්‍රාවාහන පහසුකම් තියනව

(අපිත් ගියෙ බස් එකේ). අඩවි කන්ද කියන තැනින් තමා ගමන හරියටම ආරම්භ වෙන්නෙ. අඩවි කන්ද තියෙන්නෙ කුරුවිටට කි.මි 14 ක් විතර ඈතින්.

අවාරෙ නිසා ගමනාන්තයට යනකන්ම කඩ නෑ. ඒ නිසා දවස් දෙක තුනකට අවශ්‍ය කෑම බීම

උයා පියා ගන්න භාජන එහෙමෙ අපි සූදානම් කරගෙන තිබුන.

මේ පාරෙ ප්‍රසිද්ධ මග සළකුනු ටිකක්...

ජම්බෝල ගහ යට අම්බලම

ඩයමන්ඩ් හිල් අම්බලම

වර්ණගල කුඩා ජල විදුලි බලාගාරය

වර්ණගල ඇල්ල

වර්නගල ප්‍රධාන නැවතුම්පොල (පළවෙනි දින නවාතැන)

සීතගඟුල අම්බලම

මැදහින්න අම්බලම

ඉඳික‍ටුපාන අම්බලම

හැරමිටිපාන (දෙවනි දින නවාතැන)

වර්ණගල කියන්නෙ හරිම සොඳුරු තැනක් කුරුවිටදි බෝපත් ඇල්ල නිර්මාණය

කරන "කුරුගඟ" මෙතනදි වර්ණගල ඇල්ල කියල අපූරු නිර්මානයකට පණ පොවනව.

මේ ජලය ඉන් පස්සෙ කුඩා ජල විදුලි බලාගාරයක විදුලිය නිපදවන්න නල මගින්

අඩවි කන්ද කියන ප්‍රදේශයට යනකම් ගෙනියනව.

සොබාදහමට පොඩ්ඩක් බාදා උනාට ඒ ව්‍යාපෘතිය හරි අපූරුවට කරල තියනව.

දැන් කුරු ග‍ඟේ කොටසක් තියනව ජලය අතිරික්ත කාලෙට විතරක් ගඟක් නිර්මානය වෙන අනිත් වෙලාවට

නිකම්ම නිකන් ගල් තලාවක් වෙලාතියනව.

වර්ණගල ඇල්ල පාමුල අතිරික්ත ජලය ගලන ගල් තලාව

කි.මි දෙකෙන් දෙකට වගේ නවාතැන් තියෙන නිසා තරමක වැස්ස තිබුනත් අපි යන්තමින් තෙමීගෙන ගමන

දිගටම යෙදුනා. දවසින් වැඩි හරියක් ගෙවෙන්නෙ කුරුල්ලන් බලන්න තමයි. වැස්සකට පස්සෙ එන

කාළගුණය නිසා කුරුල්ලන් හැම තැනම.

එරත්න පාරේ හමුවන සීත ගඟුල

ඉඳික‍ටුපාන අම්බලම

දෙවනි දවසෙ නවාතැන්පොල උනේ හැරමිටිපාන. මෙතන ඉඳල ඉතිරි කොටස සීග්‍ර නැග්මක් නගින්න තියනව. වැස්ස නැති වෙලාවට මෙතනට හරිම අපූරුවට ඉහල මළුව පෙනව. වළාකුළු එහෙ මෙහෙ වෙච්ච මොහොතක ඒ සොඳුරු දර්ශණය බලා ගන්න අපිත් පින් කරල තිබුන. හැබයි ඒ අඩුපාඩුව නැතිවෙන්න වාරෙට නොපෙනෙන දිය ඇලි කන්දෙන් කන්දට හරිම අපූරු දසුන් මවල තිබුන. අත්තටම heaven කියල හිතෙන තරමටම අපූරුයි.

හැරමිටිපාන හ ඉඳික‍ටුපාන ඉහලට පේන හැටි

උහුලගන්න අමාරු සීතල කාළගුණයත් එක්ක උඩමළුවටම නැග්ග. තෙත ඇඳුම් තමා වැඩියම අපහසු තාවයට පත් කලේ. මළුව බලාගන්න නැවතිල හිටපු මාම දීපු තේ කොප්පය ගැන වචනයක් නොකීවොත් ගුණමකු කමක් වෙනවනෙ.

ආපසු ගමන තියෙන්නෙ හැරමිටිපානට ඇවිත් රත්නපුර පැත්තට. මේ පාර අපි ආපු පාරට වැඩිය වෙනස්

කඳු හතක් නගිමින් බසිමින් තමා ගමන් මාර්ගය වැටිල තියෙන්නෙ.

මඟ සළකුණු......................

සීත ගඟුල

ධර්මරාජගල

ගෙත්තම්පාන

ක‍ටුකිතුලෙ වංගුවෙ දාන ශාලාව

ළිහිණි හෙළ

මේ පාර නම් ගොඩාක් දුරට යනකම් අලුතින් පඩි බැඳල. මේ සත්කාරය කරන්නෙ ශ්‍රී ලංකා යුද්ධ හමුදාවෙ ඉංගිනේරු සෙබලු.

හරිම කැපවීමකින් පඩි පන්දාහක් විතර බැඳල තියනව. අතරමගදි කලු ග‍ඟේ මවු ශාඛාව පාර හරහා යනව. ඒක

එතනදි පුංචිම පුංචි දියපාරක් විතරයි. හරිම අපූරුයි.......

අපේ තුන්වෙනි දවසෙ නවාතැන කරගත්තෙ ක‍ටුකිතුලෙ වංගුවෙ පුංචි නවාතැන. උදේට ඒ අවට bird flocks බහුලව ගැවසෙනව.

ඒ ගමයි කැලෙයි සීමාවෙ ප්‍රදේශවල කුරුලු ගහනය වැඩිනිසා වෙන්න ඕන. Bird watching ගැන කිව්වොත් feeding flocks අඳුරගන්න,

අලුතෙන් කුරුල්ලන් හඳුනාගන්න කියාපු පළාතක්. තව ටිකක් වාසනාවන්ත උනානම් සිරිපා අඩවියෙ ඉන්න අලි දැකගන්නත් තිබ්බ.

අපි නම් දැක්කෙ ඒ අය හිටපු බවට සළකුණු විතරයි.

වැස්ස කුරුල්ලන් ගහකොල දියසීරාව එක්ක දවස් හතරක්ම ගතකල නිසා, ගමන අවසාන කරද්දි ඇ‍ඟෙන් ඇටයක්

යනව වගෙ දුකක් දැනුන.

Sri Lanka Hanging Parakete

Black bulbul

Yellow yeared bulbul

yellow browed bulbul

Ceylon white eye

Malabar Trogen

Crested drongo

Dark fronted babler

Orange billed babler

Scimiter babler

Ashy headed laughing thrush

Bar winged flycatcher-thrush

අපේ Chek List එකට එකතු කරගන්න පුලුවන් උනා.

තවත් අපේ අතින් සැහෙන්න මගහැරෙන්නත් ඇති.......

කාට හරි තව විස්තර ඕන නම් Lakdasun වෙබ් අඩවියෙ හොඳ විස්තර

ටිකක් තියනව.

අවාරෙ ගමන යෙදෙන්න වඩාත්ම සුදුසු ජුලි සහ අගෝස්තු මාස දෙක.

ඒ මාස වලත් වැස්සෙන් බාදා නොවෙන දවස් ‍තෝර ගත්තොත්

ගමනේ උපරිම ඵලය ලබාගන්න පුලුවන්.

ගැට-හොඹු ක‍ටුස්සා

රයිනෝ අං ක‍ටුස්සා

[විනෝද් අසංක,චිත්‍රාල් ගමගේ,සුපුන් අසේල,මනෝජ් කුමාර,සඳුන් රත්නායක]

කොලොම්පුරේ නෙත් සිත් සනසන සොඳුරු නවාතැන-තලංගම...........Thalangama Lake

noreply@blogger.com (සඳුන් රත්නායක) — Wed, 29 Jul 2009 17:13:00 +0000

කොලොම්පුරේට වෙලා ගහක් කොලක් දකින්න නැතුව ලත වෙවී ඉන්න කෙනෙක් නම් මෙන්න පොඩි ආරංචියක්. තෙත් බිමක අසිරිය විඳ ගෙන කැමතිනම් වතුර පොඩ්ඩක් නාගන්න උනත් පුලුවන් තැනක්...

වැඩිය අ‍ටුවාටීකා ඕන නෑ... තලංගම වැව ගැනයි කියන්න යන්නෙ.

තලංගම වැව

මග සලකුණු කියනවනම් කොට්ටාව-බො‍රැල්ල මාර්ගයෙ අතරමැද හමුවෙන පැලවත්ත හංදියෙන් තමා යන්න තියෙන්නෙ. එතන හතරමං හංදියෙ ඉසුරුපාය පැත්තට තියන පාරෙ කි.මි 2 ක් විතර ගියාම වැව පාර කියල හැරෙන්න තියනව. ඒ පාර කෙලින්ම යන්නෙ තලංගම වැව ඉස්මත්තෙන්...

තලංගම වැව එච්චර ලොකු ප්‍රදේශයක පැතිරිලා නෑ................

වැවත් එක්කම වගුරු ලක්ෂණ තියන බිම් කඩකුත් තියනව. මේ නිසා Bird Watching පටන්ගන්න ආසාවෙන් නගරෙට වෙලා හිර වෙලා ඉන්න අයට මාර චාන්ස් 1ක් කිව්වොත් වැරදීද?

අපි (අපි කියන්නෙ අපිනෙ) ආධුනික කුරුලු නිරීක්ෂකයො නිසා හරියට අඳුනගත්ත ටිකදෙනෙක්ගෙ check list මම දානව

Pond Heron

Purple Heron

Cattle Egret

Black Headed Ibis

asian Openbill

Red wattled Lapwing

Pied Kingfisher

Yellow Wattled Lapwing

White Breasted Waterhen

Purple Coot

Pheasant-Tailed Jaccana

පොඩ්ඩක් උදෙන් ගියානම් තව නම් ටිකක් එකතු කරන්න තිබ්බා.................

වගුරු හා ජල පද්ධති දෙකම එකම තැනකින් නිරීක්ෂනය කරන්න පුලුවන් එක හැබෑම

වාසියක්.

ගමන multi purpose කරගන්න කවුරු උනත් කැමතීනෙ.....................

කැමතිනම් තලංගම වැවෙන් නාගන්න පුලුවන්. වැඩිය ගැඹුරුත් නෑ ආරක්ෂිතයි............

ඊට අමතරව පොඩි බෝට්‍ටු සේවයකුත් තියනව. පොඩි ඔරුවකින් තමන්ම පැදගෙන වැවේ සිරි නරඹන්න

පුලුවන්. ඒ අත්දැකීම නම් maxa.....

ගමනට හිතගියේ ලක්දසුන් සයිට් එකේ පෝස්ට් එකක් දැකල.

ඒකත් බලන්න

විස්තර ගොඩක් තියනව...........

පඳුරු ලැහැබ් තුලට බෝට්‍ටුවෙන්....

වගුරුබිමේ මවෙන රටා...

මෝසම් වැසි අතර අතරමං වූ මොරගහකන්ද,කළුගඟ ව්‍යාපෘති..........

noreply@blogger.com (සඳුන් රත්නායක) — Tue, 30 Jun 2009 07:02:00 +0000

මොරගහකන්ද, කළුගඟ කියල යෝධ සංවර්ධන ව්‍යාපෘති දෙකක් ක්‍රියාත්මක වෙනව කියල ලොකු කතාබහක් තියනව. මොරගහකන්ද ජලාශය නිර්මාණය කලාම ඒක ලංකාවෙ ගොඩනැගිච්ච විශාලම ජලාශය බවට පත්වෙනව. මේ කතන්දර මෙහෙම උනාට අලුත් ව්‍යාපෘති දෙකත් පරණ වාරි පද්ධතියත් සංසන්දනය කලාම කැපී පෙනෙන අඩුපාඩු ටිකක් පේනව.

ඒ ගැන තමයි මේ කතාබහ, වංසෙ කබල් ගාන්න නෙවෙයි.

ව්‍යපෘති දෙකේ ජල සම්පත් විදියට යොදාගන්නෙ

කලුගඟ ව්‍යපෘතිය-කලුගඟ

මොරගහකන්ද ව්‍යපෘතිය-අඹන් ගඟ

මේ ගංගාවන් දෙකම මහවැලියට වැටෙන්න යන අතුගංගාවල්.

ශ්‍රී ලංකාව වර්ෂාපතනය අනුව තෙත් කලාපය, වියළි කලාපය කියල කොටස් දෙකකට බෙදෙනව. තෙත් කලාපය ප්‍රධාන වශයෙන් වර්ෂාපතනය ලබන්නෙ නිරිතදිග මෝසමෙන්. වියලි කළාපය ඊසානදිග මෝසමෙන්.අපේ පැරණි රාජධානි වැඩිපුර තිබුනෙ වියළි කලාපය මූලික කරගෙනනෙ, ඊසානදිග මෝසමෙන් ලැබෙන වැහි මහ කන්නයට ප්‍රමාණවත් උනාට අනිත් කාලයෙ ගොවිතැනට ජලයක් වියලි කලාපයෙ ඉතිරි උනේ නැහැ.

වියළි කලාපයෙ එහෙම උනාට, වැඩිම වර්ෂාපතනයක් අරන් එන නිරිතදිග මෝසමෙ වතුර ටික මහවැලි,කැළනි ගංගා දිගේ මුහුදට ගියපු එක තමයි සිද්ද උනේ. අපේ අය මේ තත්වය වටහාගෙන නිරිතදිග මෝසම වියළි කලාපයට ගේන්න සැලසුම් කලා. ඒ අනුව තමයි මහවැලි ගඟට මිනිපෙන් අමුනක් හදල මහවැලි දියවර රාජධානි වලට ගෙනිච්චෙ.

අලුත් ව්‍යාපෘතියෙන් බලාපොරත්තු වෙනව ත්‍රිකුණාමලය, පොලොන්නරුව නගර වලට ජලය සපයන්න.ඒ උනත් මේ අලුත් ජලාශ පුරවන්න වතුර ලැබෙන්නෙ ඊසානදිග මෝසමෙන්මයි. අඹන් ග‍ඟෙයි කලු ග‍ඟෙයි ජල පෝෂක ප්‍රදේශ තියෙන්නෙ මධ්‍යම කඳුකරයෙ නැගෙනහිර පැත්තෙමයි. ඉතින් මේ මගින් හිරකරගන්නෙ කොහොමත් වියළි කලාපයට ලබෙන ජල සම්පතමයි.

ඉස්සර මිනිපෙ හරස් කරල හදපු වාරි පද්වතිය දැන් ජරාවාස වෙලා. පැරණි පද්වතියෙන් මහවැලියෙ ජලය වැව් වලට ගෙනියනව, ඒ වැව් වලට වැඩි වතුර තවත් වැව්වලට ගෙනියනවා. අන්තිමේදි අතිරික්ත ජලය වියළි කලාපය හරහා යන ගංගා වලට මුදා හරිනව. මේ පද්වතියෙ පුදුමාකාර සමතුලිතතාවක් සහජීවනයක් ගැබ් වෙලා තියෙනව.

අලුත් ව්‍යාපෘති සඳහා වෙන්කරන මුදල්, භූමි ප්‍රමාණය, විනාශවෙන වනාන්තර, වෙනස් වෙන ජනජීවිත ගැන හිතුවම සැළසුම් ගැන නැවත වාරයක් හිතන්න හිතෙනව. පිටරටවල් වලින් ණයත් එක්ක නොමිලයේ ලැබෙන විශේෂඥ උපදෙස් ගෙඩිය පිටින්ම ක්‍රියාත්මක නොකර අපට අවශ්‍යදේවල් (අඩුම ගානෙ පරණ පද්වතිය ) ක්‍රියාත්මක කරනවනම් වඩාත් සුදුසුයි කියල තමා කියන්න තියෙන්නෙ

නිරිත දිග මෝසම වියළි කලාපයට ගෙනගිය ඒ සොබා දහමත් එක්ක බැඳිච්ච දැනුමට පණ දෙන්න කාලය ආපහු ඇවිත්................

අදහස් පෝෂණය-හරිතමිතුරෝ

මොර‍ටුව විශ්ව විද්‍යාලය

Google similar images - මෙන්න මේ වගේ කියල click කරලම කියන්න

noreply@blogger.com (සඳුන් රත්නායක) — Tue, 16 Jun 2009 04:33:00 +0000

අන්තර්ජාලයේ කොච්චර පින්තූර තිබ්බත් මොකටද
ඕන වෙලාවට හොයාගන්න නැත්නම්
හදිස්සියකට ඉමේජ් එහක් සර්ච් කරාම ඕන නති ලටපට එද්දි

මට ඕන මෙන්න මේ වගේ කියල සරලව සර්ච් එන්ජින් එකට කියාගන්න පුලුවන් නම්
මරු නේද.............

මේ තියෙන්නෙ ආරම්භක සර්ච් ලිස්ට් එක

Google Labs මේ සඳහා අලුත් වැඩක් කරල

Google Similar Image කියලයි නම් කරල තියෙන්නෙ
අපි ලබා දෙන වචනයෙ පලවෙනි සර්ච් ලිස්ට් එක සාමන්‍ය විදියට එනව

ඒ එක එක පින්තූරයට සමාන තව ඒව තියනවනම්
පොඩි ලින්ක් එකක් දෙනව similar images කියල
ඉතින් ඊට පස්සෙ ලබා දෙන්නෙ අර පින්තූරෙට ගොඩාක් සමාන ඒව විතරයි

මෙන්න මේවගේ කියල වචනෙන් කියාගන්න බැරිනම්
Click කරල කියන්න කාලෙ ඇවිත්.................

පලවෙනි සර්ච් ලිස්ට් එකේ සිලෙක්ට් කරපු පින්තූරෙ similar images

ගිහිල්ලම බලන්නකෝ..............

http://similar-images.googlelabs.com/

අතන මෙතන කොතන හිටියත් අතටම මේල්.................

noreply@blogger.com (සඳුන් රත්නායක) — Sun, 14 Jun 2009 15:39:00 +0000

මග තොටදි ඊ මේල් චෙක් කරන්න විදියක් නැතුව

ලතවුන කාලෙ ඉවරයි

ෆොන් එක ජී-මේල් මොබයිල් ඇප්ලිකේෂන් එක දාගෙන හිටියත් හැමතිස්සෙම

බලන්න මතක් වෙන්නෙත් නැනෙ

ඇලර්ට් එකක් වත් එනවනම්

මරු..............

මොබිටෙල් භාවිතා කරන අයට

මේකයි කරන්න තියෙන්නෙ

G-Mail->Settings->Forwording and POP/IMAP

ඊ මෛල් ෆොව(ර්)ඩ් කරන්න ඔන ලිපිනයට

071xxxxxxx@mms.mobitel.lk

071xxxxxxx@sms.mobitel.lk

හරි දමන්න

හැම ඊමේල් එකම එන එක කරදරනම් Filter ඔප්ෂන් එක භාවිත කරල

තමන්ට අවශ්‍ය ඒව විතරක් ෆෝව්(ර්)ඩ් කරගන්න.......

දුම්බර මිටියාවතේ සැඟවුනු මීමුරේ..............Meemure

noreply@blogger.com (සඳුන් රත්නායක) — Sun, 14 Jun 2009 11:01:00 +0000

මීමුරේ ගැන කියන්න කලින් නිධාන කතාවක් තියනව කියන්න.

කැම්පස් නිවාඩු කාලයක් සෙට් උනා.අපි කට්ටිය වෙලාවක් එනකන් හිටියෙ nature දනුම පොඩ්ඩක් පොලිෂ් කරගන්න.

අපේ සීනියර්ලගෙන් පොඩ්ඩක් විපරම් කරල බැලුවම

knuckles(දුම්බර) පත්තෙ නම් හොඳ අත්දැකීම් ගන්න පුලුවන් කියල උපදෙසක් ලබුන.

වැඩේ නම් මරු ඒ වුනාට ගමනට ඊට කලින් ගියපු කෙනෙක්ව හොයාගන්න බැරි උනා.

ඒ උනාට මීට කලිනුත් එවගේ අත්දැකීම් තියන නිසා ගමනට සෙට් උනා.

විස්තර හොයාගන්න එක තමයි අමාරුම වැඩේ කොහොමින් කොහොම හරි ගමන සාර්තකව කලා.

මේ post එක විස්තර දැන ගන්න කැමති ඕනම කෙනෙකුට.........

අපේ knuckles පිවිසුම් අන්තය විදියට ‍තෝර ගත්තෙ හුන්නස්ගිරිය පැත්ත.

හුන්නස්ගිරිය තියෙන්නෙ මහනුවර-මහියංගනය ප්‍රධාන පාරෙ මහනුවර ඉඳල කි.ම් 39ක් විතර දුරින්.

ගමනාන්තය තමයි ලකේගල පාමුල තියන මීමුරේ කියන ගම ඒ මාර්ගය වැටිල තියෙන්නෙ නකල්ස්

රක්ශිත ප්‍රදේශය හරහා නිසා සෑහෙන දනුමක් එකතු කරගන්න පුලුවන්.

ගමන අතරමගදි සමනළයන් සෑහෙන්න නිරීක්ෂනය කරන්න පුලුවන්.

සමනළයින් නිරීක්ෂනය ආරම්භ කරන්න කාට හරි බය නැතුව නිර්දේශ කරන්න පුලුවන් තැනක්.

මේ නාමපුවරුව හුන්නස්ගිරිය හංදියෙදි දැක ගන්න පුලුවන්

මීමුරේට යන පාර වැටිල තියෙන්නෙ "ලූල්වත්ත" හරහා උදේ 9 ට විතර බස් එකක් යනව හුන්නස්ගිරියෙ ඉඳල

කි.මි 14ක් යන්න තියනව, ඉස්සරහට ගොඩක් පයින් යන්න තියන නිසා ඒටික බස් එකේ යන එක වඩා හොඳයි.

ඒ අතරමගදි දෝතලුගල ක්න්ද බලාගන්න පුලුවන්.

ගමනාන්තයෙ ඉඳල ඉතුරු ටික පයින් තමා.

එතන ඉඳල ටික දුරක් ගියාම "CORBET'S GAP" කියන කපොල්ල ගාවට යන්න පුලුවන්.

ටිකක් අමුතු තැනක් එතනට ගියාම පේනව නකල්ස් කඳු පන්තිය කොහොමද විහිදෙන්නෙ කියල.

සෑහෙන්න හුළං තදයි අමුතු ලෝකෙකට ගියාවගේ තේරෙනව.

Corbets Gap ලඟ දසුනක්

මේ පුවරුව තියෙන්නෙ Corbets Gap වල

එතන ඉඳල මීමුරේට තව කි.මි 15 ක් තියනව.අර කලින් කියපු සමනල නිරීක්ෂන ප්‍රදේශය

මේ අතර මඟ තමයි තියෙන්නෙ.

අපිනම් ඒ ටික දුර යන්න දවසක්ම ගත්ත. ගොඩක් දකපු සමනළයො කුරුල්ලො

අපි මුලින්ම දක්කෙ එදා, ඉතින් පොඩි සටහනක් දාගන්න පොඩ්ඩක් වෙලා බලාගෙන

ඉන්න වෙලාව යනවනෙ.

කලුවර වටෙද්දි පාර අයිනෙම පොඩි ඇළ පාරක් ල්ඟ කෑම්ප් කලා.

කලෑ ප්‍රදේශය ඉවර වෙන හරිය කයිකාවල.ඒ කිට්‍ටුව "කලු ගඟ" මහවැලියෙ අතු ගඟක් ගලනව.

කයිකාවල ගඟ (හීන් ගඟ) කියල තමයි ඒකට කියන්නෙ.

ගිමන් නිවන්න කියාපු තැන.දැන්නම් මීමුරේට හුඟක් කිට්‍ටුයි.

මීමුරේ කියන්නෙ සෑ හෙන්න හුදකලා ගමක්. ගමේ සංඛේතය තම්යි ගම මැද තියන මීගහ.

ඒ ලඟම තියනව මීමුරේ පාසල.සැහෙන්න ඉතිහාසයක් තියන තැනක්.

ගමේ ගෙවල් අතරෙ තියන්නෙ ගල් අඩුක්කරල හදපු පොඩි තාප්ප,ඒවගේ එකක්

මම නම් කවදාවත් දැකල තිබුනෙ නෑ.

ගමේ ගෙවල් අතර හදල තියන ගල් තාප්ප

ගම තියෙන්නෙ "ලකේගල" පාමුල ලකේගල කියල කියන්නෙ ඒ කන්ද එක පැත්තකින් පේන්නෙ ලංකා සිතියම වගේ.

ගමේ අයනම් තව කතන්දර කියනව..

හෙල්මලු ක්‍රමයට වවපු කුඹුරු අතරින් මීමුරේට ලකේගල පේන හැටි

අපි ගමේ අයිනෙ දොලක් ලඟ කෑම්ප් කලා.හැන්දැවෙ ගමේ වැඩිහිටි මාම කෙනෙක් සෑහන්න ගමේ විස්තර කියල දුන්න.

මුලින් හිතාගෙන හිටියෙ ඒපාරෙම ආපහු එන්න තමයි මුලින් ප්ලෑන් කරල

හිටියෙ.ඒ උනාට ලකේගල වටේ ගිහින් පල්ලෙගමට වැටිල යන පාරක් ගැන

ඇහුවම ඒක try කරන්න කාටත් ඕන උනා.

ඒක තනිකරම කැලේ මැදින් තමා යන්න තියෙන්නෙ. මුලින් නාරංගමුවට එතනින් පල්ලෙගමට ,පල්ලෙගම ඉන්දල පහසුවෙන් මාතලේට හරි නාඋලට යන්න පුලුවන්.

පල්ලෙගම කියන්නෙ ඉස්සරහට විදුලිබල ව්‍යාපෘතියකට යටවෙන්න තියන පලාතක්.

එහෙම තමා ගමන අවසාන කලේ.

අපි Ceylon white eye(ලංකා සිතෑසියා) හොඳට නිරීක්ෂනය කලා,

සමනළ්ලු ගැන කියනවනම් Tigers ල වර්ග කිහිපයක්

Ceylon-Tree nymph ව White orange tip ලව ගොඩක් නිරීක්ෂනය කලා.

noreply@blogger.com (සඳුන් රත්නායක) — Tue, 09 Jun 2009 04:57:00 +0000

පුංචි සතුටක්

මෝදු වෙනවා සිතේ

අවසරයි පිවිසෙන්න බ්ලොග්කරනයට

මටත්.........