جاپان مقیم زیادہ تر پاکستانیوں  کی انکم ہی اس صارف ٹیکس کی واپسی پر منحصر ہے ،۔

مقیم لوگ جس سہولت سے فائیدہ اٹھاتے ہیں اصل میں یہ تورسٹ لوگوں کی سہولت کے لئے ہے ،۔

جاپان میں سن دو ہزار اکیس میں صارف ٹکس کے متعلق ایک اسانی پیدا کی گئی تھی ۔

کہ ٹوریسٹ لوگ شاپنگ کے وقت اپان پاسپورٹ دیکھا کر کہ واقعی جاپان مقیم نہیں ہیں شاپنگ کے وقت صارف ٹیکس کے دس فیصد منہا کر کے ادائیگی کریں گے ،۔

اس سے پہلے یہ ہوتا تھا کہ ٹوریسٹ ایک دفعہ شاپنگ کے وقت ٹیکس ادا کرئے گا  اور ڈیپارچر کے وقت رسیدیں اور پاسپورٹ دیکھا کر ٹیکس کی رقم  ری فند کر لے گا ،۔

اب سن دو ہزار اکیس میں دی جانے والی سہولت میں سقم تلاش کر کے کچھ چالاک لوگوں نے سسٹم کو دھوکا دینا شروع کر دیا ہے ،۔

2021 میں حکومت کی جانب سے اس سہولت کو متعارف کرائے جانے کے بعد سے ٹیکس سے استثنیٰ کے اس نظام کاکتنا  غلط استعمال کیا گیا ہے ؟

آساہی (خبر رساں)کے مطابق مالی سال 2022 میں، 374 افراد نے ڈیوٹی فری شاپس پر  ہر فرد نے 100 ملین ین (ایک اوکھ یعنی دس کروڑ ین)سے زیادہ خرچ کیے، اس سال مجموعی طور پر 170.4 بلین ین جو کہ اوسطاً 450 ملین ین فی شخص  بنتا ہے  (چار اوکھ پانچ ہزار مان یعنی پنتالیس کروڑ ین)۔

یعنی اوسط ہر شخص نے ساڑھے چار کروڑ ین کی رقم کی بچت کی ،۔

کسٹم حکام نے ایئر لائنز کے تعاون سے ان 374 بڑے خرچ کرنے والوں میں سے 57 افراد  کا معائنہ کیا جس میں صرف ایک شخص تھا جس نے  ڈیوٹی فری اشیاء کو جاپان سے باہر لے جانے کی تصدیق ہوئی۔

جس کا مطلب ہے کہ ٹورست لوگوں نے بغیر ٹیکس کے خریدا ہوا مال یہیں جاپان میں فروخت کر کے دس فیصد منافع پر فروخت کر لیا ،۔

ہر فرد نے اوسط چارکروڑ پچاس لاکھ کی انکم کمائی جس کا کوئی آڈت نہیں اور اور جاپان میں کہیں خرچ کا کوئی ریکارڈ نہیں ،۔

اس لئے حکومت سنجیدگی سے سوچ رہی ہے کہ اس سہولت کو ختم کر دیا جائے ،۔

پاکستانیون کی بزنس کمیونٹی میں افواہ پھیلی ہوئی ہے کہ حکومت شو ہی زے کی واپسی بند کر ہی ہے ،۔

جو کہ غلط ہے ، بزنس میں لوگ جو شوہی زے واپس لے رہے ہیں وہ بند نہیں ہوں گے ، بلکہ ٹورسٹ لوگ بھی پاکستانی بزن مینون کی طرح ایک دفعہ شاپس (اپ اوکشن سمجھ لیں ) پر شوہی زے ادا کریں گے ، اور ائیر پورٹ پر واپسی کا تقاجا کریں گے جیسا کہ اپ لوگ ہر تین ماھ بعد  “ زے مو شو “ میں تقاضا کرتے ہیں ،۔

جاپان ، جہاں اج اکیسویں صدی کی  دوسری دہائی میں لاتعداد مساجد ہیں ،۔

ان لاتعداد مساجد میں سے دس قابل ذکر اور خوبصورت مساجد کا ذکر ،۔

نمبر دس : شیزواوکامسجد

بہت ہی خوبصورت ماحول یعنی سینری  سی لگتی ہے ۔

پرسکون ماحول ، میں اس مسجد کی عمارت مدعو کرتی ہوئی لگتی ہے ،۔

نمبر نو : سیندائی مسجد ، سیندائی

توہوکو کے علاقے میں میں پہلی مسجد، سینڈائی مسجد، نے دیگر علاقائی نماز کی جگہوں کے لیے راہ ہموار کرنے میں مدد کی ہے۔

یہ مسجد 2007 میں کھولی گئی تھی اور یہ توہوکو یونیورسٹی کے کاوا اٗوچی کیمپس کے مرکز میں ہے، اس لیے یہ مسلمان طلباء کے لیے عبادت کے لیے ایک جگہ ہے۔

ایک سادہ عبادت گاہ ہونے کے علاوہ، مسجد مسلم کمیونٹی کے لیے اجتماع کی جگہ ہے۔

جہاں اسلامک کلچرل سینٹر آف سیندائی (ICCS) ہیڈ کوارٹر ہے۔

نمبر آٹھ : یوکوہاما  بڑی مسجد یوکوہاما

یوکوہاما مسجد جس کو جامع مسجد بھی کہا جاتا ہے ، سن دو ہزار جھ میں تعمیر کی گئی تھی ،۔

اگر آپ اس مسجد میں داخل ہوتے ہیں تو آپ اس کی باوقار اور خوبصورت شکل سے متاثر ہوں گے، خاص طور پر سنہری رنگ کے استعمال سے۔

یہ مسجد یوکوہاما میں وسیع پیمانے پر مسلم کمیونٹی کی خدمت کرتی ہے، جو نماز کے لیے ایک جگہ ساتھ ساتھ بچوں اور خواتین کے پروگراموں سمیت متنوع تعلیمی اور ثقافتی پروگراموں کے لیے ایک مرکز کے طور پر کام کرتی ہے۔

نمبر سات : اوتسکا مسجد ٹوکیو

جاپان اسلامک ٹرسٹ کے زیر انتظام، اوتسوکا مسجد توشیما وارڈ، ٹوکیو میں ہے۔

مسجد کے اندر، آپ شووا (سن انیس سو اٹھاسی سے پہلے) دور سے ایک پرانی یادوں کا ماحول محسوس کریں گے

جو وہاں کی مسلم کمیونٹی کی گرمجوشی کے ساتھ مل جاتا ہے۔

یہ مسجد وسیع پیمانے پر تعلیمی پروگراموں کی میزبانی بھی کرتی ہے اور کمیونٹی میں بہت سی سرگرمیاں انجام دیتی ہے۔

نمبر چھ : فوکوکا مسجد ،النور اسلامک کلچر سنٹر ،۔

2009 میں باضابطہ طور پر کھولی گئی، فوکوکا مسجد النور اسلامک کلچر سینٹر کیوشو جزیرے پر پہلی مسجد ہے۔

اس مسجد کی عمارت جاپان کی جمالیات کے ساتھ روایتی اسلامی تعمیراتی ڈیزائن کو شامل کرتی ہوئی نظر آتی ہے۔

ایک مذہبی سہولت کے طور پر کام کرنے کے علاوہ، اس میں کئی دیگر فائدہ مند سرگرمیاں بھی ہوتی ہیں، جو اسے فوکوکا کی مسلم کمیونٹی کے لیے ایک اہم اجتماع کی جگہ بناتی ہے۔

یہ مسجد  جاپان کی مقامی اور ایکسپورٹ منڈیوں کے لیے حلال سرٹیفیکیشن جاری کرنے کا پروگرام بھی ہے۔

نمبر پانچ : اوساکا اباراگی مسجد اوساکا۔

اپنے جدید اور ملائم ڈیزائن کے ساتھ، جس میں براون اور سنہری رنگت جھلکتی ہے۔

اوساکا ایباراگی مسجد اوساکا یونیورسٹی کے ایباراکی کیمپس اور کئی جاپانی کمپنیوں کے بالکل قریب واقع ہے۔

2006 میں اپنے دروازے کھولنے کے بعد سے، یہ مسجد اپنے ارد گرد کے مسلمان طلباء اور کارکنوں کی روحانی زندگی کا ایک اہم حصہ رہی ہے۔ یہ اوساکا میں بڑھتی ہوئی مسلم کمیونٹی کے لیے ایک سیمبل کے طور پر بھی کام کرتی ہے۔

نمبر چار : آراتاما مسجد ناگویا ۔

1998 میں تعمیر کی گئی ناگویا مسجد کو “اراتما مسجد“ کہا جاتا ہے۔ روایتی اسلامی طرز تعمیر کی موجودگی اس مسجد کے جدید ڈیزائن میں توازن رکھتی ہے۔

جو جدید اور اسلامی ورثے کا اظہار کرتی ہے۔

یہ مسجد مسلمانوں اور غیر مسلموں کے لیے اجتماع کی جگہ بن گئی ہے، جہاں ہفتہ اور اتوار کو باقاعدہ مقامی کلاسز، چائے کی پارٹیاں اور دیگر تقریبات منعقد ہوتی ہیں۔

یہ ناگویا اور آس پاس کے علاقے میں مسلمانوں کے لیے مشاورت اور معلومات کے تبادلے کے لیے ایک اڈے کے طور پر بھی کام کرتا ہے۔

نمبر تین :  اسلاما مسجد وینو اوکاچی ماچی مسجد ۔

رونق  سے بھرپور Ueno میں واقع، السلام مسجد واقعی ایک خوش آئند منظر ہے۔

فن تعمیر سادہ ہے، لیکن مسجد ایک بہترین دار کوشش اور عبادت اور غور و فکر کے لیے کامل سکون کی جگہ ہے۔

اگرچہ اجتماعی عبادت ایک اہم پہلو ہے، لیکن اس جگہ کی کوششوں میں ٹوکیو میں ثقافتی میل جول کے مرکز کے طور پر کام کرنا بھی شامل ہے۔

جس میں متعدد کمیونٹی تقریبات اور تعلیمی پروگرام باقاعدگی سے طے کیے جاتے ہیں۔

نمبر دو :  ٹوکیو کامی مسجد ترکش  کلچر سنٹر ۔

جاپان کی سب سے بڑی (اور سب سے مشہور) مسجد ٹوکیو کامی ہے۔ اس کے اونچے مینار اور آسمانی نیلے گنبد ترکی اور جاپانی ثقافتوں کے ملاپ کی علامت ہیں۔

شاندار عثمانی ترک فن تعمیر کا نمونہ، ٹوکیو کامی مسجد کو اصل میں 1938 میں تعمیر کیا گیا تھا اس کے بعد اسے 2000 میں دوبارہ تعمیر کیا گیا ۔

محرابی ستون پر کھڑے ایک بہت بڑے گنبد نما ہال میں نماز کی دائیگی ہوتی ہے ۔

انتہائی خوش رنگ  ، رنگوں اور ڈیزائین  نے اس مسجد کو روحانی  ماحول دیا ہوا ہے،۔

باقاعدگی سے ہونے والی تقریبات نے اس مسجد کو مذہبی مرکز ہونے کے علاوہ ٹوکیو کا ایک مرکزی ثقافتی مرکز بنا دیا ہے۔

نمبر ایک :  کوبے مسلم موسک ، مسجد ۔

کوبی مسجد 1935 میں تعمیر کی گئی تھی ، اور یہ جاپان کی قدیم ترین مسجد ہے۔

اس کی فنڈنگ ترکی، اور ہندوستانی مخیر لوگوں سے آتی تھی۔

مسجد میں روایتی اسلامی فن کی نمائش کی گئی ہے، جیسے کہ ایک مینار اور ایک گنبد۔

اسلامی دنیا کے ساتھ جاپان کے تعلقات کا ثبوت ہے۔

جو کہ پرانے زمانے سے جاری ہے۔

اس مسجد نے دوسری جنگ عظیم اور عظیم ہینشین زلزلے (سن انیس سو پچانوے ) کے طوفان کو برداشت کیا ہے، لیکن یہ اب بھی اپنی جگہ پر کھڑی ہے۔

اور ان تمام لوگوں کا خیرمقدم کرتی ہے جو جاپان میں اسلامی روایت کے بارے میں مزید جاننا چاہتے ہیں۔

تحریر اور تحقیق : خاور کھوکھر۔

ایچی پریفیکچرل پولیس نے بتایا ہے کہ ایک 43 سالہ بے روزگار شخص، جسے اوکازاکی کے ایک پولیس سٹیشن کے سیل میں نظر بند کیا جا رہا تھا، تین دن تک کھانا نہ کھانے کی وجہ سے 4 دسمبر کو جان سے گزر کیا ہے ۔

پولیس نے ہی  بتایا ہے کہ زیر حراست شخص، جو ذیابیطس کا مریض بھی تھا، کو حراست میں رہتے ہوئے بھی کوئی دوا نہیں دی گئی۔

تعزیری حراستی سہولیات کا ایکٹ واضح کرتا ہے کہ جو قیدی کوئی کھاناکھانے سے یا کہ پینے سے انکار کرئے ایسے بندے کو طبی توجہ دی جانی چاہیے۔

نیوز ایجینسی کی  رپورٹ کے مطابق 4 دسمبر کو  ہوش کھونے کے بعد، زیر حراست شخص کو ہسپتال لے جایا گیا

جہاں اس کی موت ہو گئی۔

پوسٹ مارٹم سے معلوم ہوا کہ موت کی وجہ گردے کی خرابی اور پانی کی کمی تھی۔

یہ بھی انکشاف ہوا ہے کہ یہ شخص 140 گھنٹے سے زیادہ بغیر کپڑوں کے حوالات کے سیل میں قید رہا، ۔

پولیس نے بتایا کہ اس شخص کو 25 نومبر کو “ کار سرکار میں دخل اندازی کے شبہ میں گرفتار کیا گیا تھا۔

پولیس نے کہا کہ ملزم ہاتھا پائی پر اتر آیا تھا، اپنے کپڑے بھی اتار دیے اور افسران کے ساتھ تعاون کرنے سے انکار کر دیا۔

بعد میں اس نے پولیس کو بتایا کہ وہ ذیابیطس کا مریض ہے ۔

لیکن افسران نے اس کے لیے کوئی دوا لینے کا بندوبست نہیں کیا اور نہ ہی ڈاکٹر سے معائنہ کرایا۔

ایک جاپانی بائیوٹیک فرم کا کہنا ہے کہ اس نے لبلبے کے کینسر کے لیے دنیا کا پہلا ابتدائی اسکریننگ ٹیسٹ تیار کیا ہے، جس میں چھوٹے کیڑوں کی طاقتور ناک استعمال کی جاتی ہے۔

اس وقت Hirotsu Bio Science نےنومبر دوہزار بائیس میں اپنا N-NOSE پلس لبلبہ ٹیسٹ شروع کیا، جس کی جاپان میں  مارکیٹنگ براہ راست  صارفین کے لیے کی گئی اور اس کا مقصد 2023 تک اس ٹیسٹ کو ریاستہائے متحدہ میں لانا ہے۔

صارفین پیشاب کا نمونہ ایک خاص میل پاؤچ کے ذریعے لیب میں بھیجتے ہیں، جہاں اسے پیٹری ڈش میں نیماٹوڈز کی ایک قسم کے ساتھ رکھا جاتا ہے۔

کمپنی کا کہنا ہے کہ یہ مخلوق، جسے سائنسی طور پر C. elegans کے نام سے جانا جاتا ہے، کتے کے مقابلے میں سونگھنے کے حواس بہت زیادہ طاقتور ہوتے ہیں، اور وہ کینسر کے خلیوں کی طرف اپنی ناک کا رخ کرتے ہیں۔

کمپنی کے بانی اور چیف ایگزیکٹو تاکاکی ہیروتسو کا کہنا ہے کہ یہ چیز  1 ملی میٹر کے منے سے جانوروں کو ایک طاقتور تشخیصی آلہ بناتا ہے، تاکاکی سان  28 سالوں سے ان پر تحقیق کر رہے ہیں۔

تاکاکی ساں کا کہنا ہے کہ ،کینسر اور اس قسم کی بیماریوں کی جلد تشخیص  بہت اہم ہے۔ اور صحیح تشخیص کے لئے ڈاکٹر کو بہت زیادہ توجہ دینے کہ ضرورت ہوتی ہے۔

سمجھتا ہوں کہ مشینی تشخیص کی نسبت جانداروں سے کہ گئی تشخیص کہیں بہتر ہوتی ہے ۔

آنے والے سالوں میں، کمپنی جگر کے کینسر کے ساتھ ساتھ سروائیکل اور بریسٹ کینسر کے لیے ٹارگٹڈ ٹیسٹ شروع کرنے کی توقع رکھتی ہے۔

لبلبے کے ٹیسٹ کٹ کی قیمت 70,000 ین ($505) تک ہے، جو جاپان میں تشخیصی ٹیسٹ کے لیے نسبتاً مہنگی ہے، جاپان میں صحت کی دیکھ بھال کا قومی نظام ہے اور ادویات اورعلاج معالجہ کے لیے قیمتیں مقرر ہیں۔

انہوں نے مزید کہا کہ کمپنی کی سیل بڑھنے  کے ساتھ ہی قیمت کم ہو سکتی ہے۔

کچھ ڈاکٹروں نے صارفین کے لیے اس طرح براہ راست کمپنی سے ٹیسٹ کروانے پر  تنقید کی ہے اور نتائج کی طبی افادیت پر شک کیا ہے۔

ٹوکیو میں میڈیکل گورننس ریسرچ انسٹی ٹیوٹ کے تھنک ٹینک کے سربراہ ماساہیرو کامی نے کہا کہ فالس پازیٹو رزلٹ لبلبے کے کینسر کے حقیقی کیسز سے بہت زیادہ ہو سکتے ہیں، جس سے نتائج “یوز ایبل نہیں ” رہتے ہیں۔

کمپنی کا کہنا ہے کہ N-NOSE کی درستگی دیگر تشخیصی ٹیسٹوں کے مقابلے میں اچھی  ہے ۔

اور اس کا مقصد ابتدائی اسکریننگ ٹولز کے طور پر ہے جو مریضوں کو جلد مزید جانچ اور علاج کے لیے رہنمائی کر سکتی ہے۔

ترجمعہ خاور کھوکھر

انتونی انوکی  (محمد حسین) انتقال کر گئے ہیں ،۔

پاکستان میں انکو انیس سو چھہتر میں ہونے  “اکّی پہلوان” کے ساتھ ہونے والے مقابلے کی وجہ سے جانا جاتا ہے ،۔

پاکستان میں ہونے والے اس مقابلے میں انوکی نے اکی پہلوان کا بازو توڑ دیا تھا ، بقول انوکی اکی پہلوان نے انوکی کو چیلچ کیا تھا ، انکو پاکستان کے کسی پہلوان کی طرف سے چیلنج پر حیرت کا اظہار کیا کرتے تھے ،۔

تین سال بعد انیس اناسی میں اکی پہلوان کے بھتیجے  جھارا پہلوان سے مقابلے میں انوکی ہار گئے تھے ،۔

انوکی صاحب کے پہلوانوں کے اس خاندان سے بہت اچھے تعلقات بن گئے اور جھارے  کا ایک بھتیجا انہون نے  پہلوانی کی تربیت دینے کے لئے اڈاپٹ کر کے جاپان بلوا لیا تھا ،۔

انوکی ، خاور اور سفیر محترم جادمانی صاحب

انتونیو انوکی، ایک جاپانی پیشہ ور ریسلنگ سٹار,اور سیاست دان تھے ، جو کہ جاپان میں عالمی شہرت یافتہ باکسر محمد علی کے ساتھ میچ اور شمالی کوریا سے تعلقات کی ایک گھڑکی کے طور پر بڑے پیمانے پر جانے جاتے تھے، ایک نامراد  بیماری سے برسوں سے لڑنے کے بعد 79 سال کی عمر میں بروز ہفتہ یکم اکتوبر دو ہزار بائیس  انتقال کر گئے، ۔

“نیو جاپان پرو ریسلنگ نامی کمپنی کے بانی بھی انتونیو انوکی تھے،” جس کمپنی کو انہوں نے 1972 میں شروع کیا تھا۔

انوکی 1960 کی دہائی کے اخری سالوں میں جاپان کے پرو ریسلنگ سرکٹ کا سب سے بڑا نام بن گیا۔

 عالمی سطح پر ان کی شہرت 1976 میں اس وقت  ہوئی جب انہوں نے باکسنگ کے لیجنڈ محمد علی کے ساتھ ایک مکسڈ مارشل آرٹس میچ کھیلا، جسے صدی کا عجب ترین مقابلہ کہا جا سکتا ہے ا۔

لالٹین کے جبڑے والے، 1.9 میٹر لمبے پہلوان نے  1989ء میں  سیاست میں قدم رکھا۔

 میں جاپان کی پارلیمنٹ کے ایوان بالا کی نشست جیت کر اس نے اگلے سال خلیجی جنگ کے دوران عراق جاکر  اور جاپانی یرغمالیوں کی مدد  کرتے ہوئے  اخباروں کی سرخیاں بنائیں۔

انہی دنوں اس زمانے میں انوکی نے اسلام قبول کیا اور اپنا مسلم نام محمد حسین رکھا،۔

انوکی نے شمالی کوریا کے ساتھ قریبی تعلقات استوار کیے ، انوکی کے ابتدائی اتالیق، پرو ریسلنگ کے سپر اسٹار ریکی دوزان کا تعلق شمالی کوریا سے تھا جو کہ کوریا کی  جنگ سے جزیرہ نما کے تقسیم ہو کر نارتھ اور ساؤتھ بن جانے کے بعد وہ کبھی بھی اپنے ابائی گھر جو کہ نارتھ کوریا میں رہ تھا ، نہیں جا سکے۔

انتونی انکوی نے ایک قانون ساز کی حیثیت سے پیانگ یانگ کے متعدد دورے کیے اور اعلیٰ عہدے داروں سے ملاقات کی اور جاپان کے جوہری ہتھیاروں سے لیس پڑوسی کے ساتھ ثالثی کا کردار ادا کرنے کی کوشش کرتے رہے ۔

1995 میں، اس نے پیانگ یانگ کے مئی ڈے اسٹیڈیم میں 100,000 سے زیادہ شائقین کے سامنے دو روزہ ” ریسلنگ مقابلوں کا اہتمام کیا۔

جاپان جہاں کہ سو سال سے زیاد عمر کے ہزاروں لوگ ہیں  یہاں

صرف انساسی سال کی عمر میں انتقال جاپان کے حساب سے ایک جوان سال موت ہے ، ،۔

انتقال سے پہلے بیماری کی وجہ سے انوکی صاحب بہت زیادہ  کمزور اور ضعیف دیکھائی دینے لگے تھے م،۔۔

یہ نظام، حادثات، قدرتی آفات اور دیگر واقعات کے لیے استعمال کیے جانے کی کوشش ہے، اس کا مقصد پولیس اہلکاروں کو دیکھ اور سن کر جائے وقوعہ کی صورت حال کو سمجھتے ہوئے ایک تیز ابتدائی ردعمل کے لئے تیار کرنا ہے۔

چھ ماہ کی آزمائشی مدت کا یہ سسٹم  بہتری کی نشاندہی کے بعد اگلے سال اپریل  (2023ء) سے باضابطہ طور پر کام کرنا شروع کر دے گا۔

خبروں کے سورس کے مطابق، متعلقہ ویڈیو یا فوٹو کو اپ لوڈ کرنے کے لیے ایس ایم ایس کے ذریعے ویب سائٹ پر لنک بھیجے جانے سے پہلے ایمرجنسی کال کرنے والوں سے ان کی رضامندی طلب کی جائے گی۔

جاپان میں یہ سال اولمپک کیمز کے انعقاد کا سال ہے

جاپان  مسلمان ممالک کے کھلاڑیوں  ان کے سپوٹروں اور دیگر شائقین کو وارم ویلکم کرنے کے لئے ان کی عبادات کا بھی انتظام کرتا ہے ،۔

ٹوکیوں میں جہاں ہوٹلوں اور پارکنگز میں نماز ادا کرنے کے مصلے مہیا کئے جا رہے ہیں ،۔

وہیں  جاپان کی ایک  فلاحی تنظیم نے چلتی پھرتی مسجد بنائی ہے ،۔

مسجد ایک ٹرک پر بنائی گئی ہے جس کی شکل بس کی طرح ہے ،۔

یہ بس نما  مسجد کہیں بھی پارک کر کے اس کے پچھلا حصہ کھول کر سیڑھیاں بن جاتی ہیں اور دونوں اطراف کو کھول کر اڑتالیس سکوائیر میٹر کا مصلہ بن جاتا ہے ،۔

نماز کی ادائیگی کے پہلے وضو کرنے کے لئے ٹوٹیوں کا بھی انتظام کیا گیا ہے ،۔

مسجد میں عربی زبان میں تعزئے تغرے بھی لگائے گئے ہیں ،۔

یہ موبائل مسجد  جاپانی تکنیک اور مہارت کے ساتھ ساتھ دیگر مذاہب کی رسپکٹ کرنے کی روایت کا بھی شہکار ہے ،۔

جاپانی کوبتسشو کے متعلق

جاپان میں کام کرنے کے لئے خرید فروخت کرنے کے لئے ہر بندے کو خود کو پولیس کے پاس رجسٹر کروانا ہوتا ہے ،۔

اس رجسٹر کو کوب تسشو کہتے ہیں ،۔

اس  پرمیشن کا ایک نمبر ہوتا ہے  جس کی  ایکسپائیری ڈیٹ نہیں ہوتی ہے ،۔

جاپان میں اب تک یہ نمبر کروڑوں کی تعداد میں ایشو ہو چکے ہیں ،۔

جاپان کی حکومت نے فیصلہ کیا ہے کہ   ۳۱ مارچ دوہزار بیس تک  ایسے کوب تسشو  جو ایکٹو ہیں ان کا تعین کیا جا سکے ،۔

کچھ لوگ جو مر چکے ہیں ، جو لوگ کام چھوڑ چکے ہیں یا کہ وہ بوڑھے لوگ جو اب کوب تشو استعمال نہیں کر رہے ،۔

ایسے لوگوں کے کوب تسشو کو منسوخ کرنے کے لئے ،۔

پولیس نے یہ طریقہ کار اختیار کیا ہے کہ

جو لوگ ایکٹو کوب تسشو ہولڈر ہیں وہ اپنے متعلق پولیس میں اطلاع کریں ،۔

جہان جس پولیس اسٹیشن سے کوب تسشو بنوایا تھا یعنی کہ جہان کا اپ کا ایڈریس ہے ، وہاں کے پولیس اسٹیشن جا کر ایک فارم بھر کر ان کو  دے دیں ،۔

تاکہ پولیس کے ریکارڈ میں اپ کا کوب تسشو ایکٹو رہے  ،۔

جو لوگ اکتیس مارچ تک پولیس میں اطلاع نہیں کرتے ، ایسے لوگون کے متعلق یہ فرض کر کے کہ یہ لوگ اب مر چکے ہیں یا پھر بزنس نے نکل چکے ہیں ، ان کا ریکارڈ تلف کر دیا جائے گا ،۔

اکتیس مارچ کے بعد اگر اپ جاتے ہیں تو اس طرح ہی ہو گا کہ جیسے اپ نیا کوب تسشو بنوانے گئے ہیں ، جس کی ریکوائیرمنٹ ہو گی اور ماضی کے مقابلے میں مشکل ہوں گی ،۔

اس لئے کوشش کریں کہ اکتیس مارچ سے پہلے اپنے متعلق پولیس اسٹیشن میں اطلاع کر دیں ،۔

خاور کھوکھر

اس پوسٹ کو شئیر کریں تاکہ سب تک اطلاع پہنچ سکے ۔

ہمارے گھر میں ماں کو گوشت کھانے کا شوق تھا ، لیکن ہم غریب لوگ تھے اس لئے اس زمانے میں یعنی ستر اور اسی کی دہائی میں سری پائے ، کلیجی ،اور پھیپھڑے سستے مل جاتے تھے ،۔
اج جب یہ چیزیں لگژری بن چکی ہیں ، ہم اپنے پچپن میں یہ کھایا کرتے تھے ،۔
پکھی واس (خانہ بدوشوں کی ایک شاخ ) لوگ پرندون کا شکار کر کے لایا کرتے تھے ، ان بے چاروں کا شکار گاؤں میں گھوم گھوم کر آوازیں لگانے سے بھی بہت کم بکا کرتا تھا ،۔
میری ماں ان سے شکار کئے پرندے خرید لیا کرتی تھی ،۔
گندم کے پودوں پر آنے والی بڑی چڑی ، شارق ، تلئیر ، بٹیرے ، تیتر ،فاختہ
اور بہت ہی کم بلکہ شائد ایک کہ دو دفعہ ہی کھایا ہے ،۔
ایک پرندہ ہوتا تھا جس کو ہریل کہا کرتے تھے ، طوطے کے رنگ کی فاختہ کہہ لیں ، فاختہ سے تھوڑے جسامت میں بڑے اس پرندے کا گوشت بہت ہی لذیذ ہوا کرتا تھا ،۔
گوشت کھانے والے جانتے ہیں کہ گوشت میں ایک ریشہ ہوتا ہے جو دانتوں میں پھنس جاتا ہے ،۔
فاختہ کے سینے کے گوشت میں یہ ریشہ بہت کم ہوتا ہے ،۔
اور ہریل کے گوشت میں تو بلکل بھی نہیں ہوا کرتا تھا ،
اب شاید پاکستان میں نئی نسل نے ہریل کا نام بھی نہ سنا ہوا ۔
گھر کی مرغی دال برابر ؟
یہ محاورہ تو سنا ہی ہوگا
کہ گھر کی پلی ہوئی مرغیاں یا مرغے دال سے بھی سستے ہوتے تھے ،۔
یا پھر گوشت کے لئے ہمارے گھر میں بطخیں پالی جاتی تھیں ،۔
بطخ کا انڈہ بھی بڑا ہوتا ہے اور مرغی کی نسبت گوشت بھی زیادہ ہوتا ہے ،۔
یہ علحیدہ بات ہے کہ
میرا چھوٹا بھائی بطخ کا گوشت نہیں کھاتا تھا
اس کے کہیں بطخ کو بول براز کھاتے دیکھ لیا تھا ،۔
اس لئے ہم نے بطخیں پالنی بھی چھوڑ دی تھیں ،۔
شائد سن اکیاسی کی بات ہے ،۔
ماں نے کہیں سے فارمی مرغی کا سنا تھا ؟
مجھے پیسے دے کر شہر بھیجا کہ فارمی مرغی کا گوشت لے کر آؤں ،۔
ان دنوں پونڈاں والے اڈے(گوجرانوالہ) پر تانبے کی دیگیں اور دیچکیاں کوٹ کوٹ کر بنانے والے سڑک کے جنوبی طرف ہوتے تھے اور شمالی طرف دیس مرغوں کو پنجرے میں لئے مرغی کا گوشت بیچنے والوں کی دو تین دوکانیں تھیں ،۔
میں ان سے فارمی مرغی کا پوچھا تو انہوں نے مجھے ایک ریڑہی والے کی طرف اشارہ کیا تھا ، جہاں سے میں کوئی ادھ کلو گوشت لے کر آیا تھا ،۔
اس چکن کو ماں نے “ روسٹ “ کر دیا تھا ،۔
مجھے تو ذائقہ یاد نہیں لیکن ، مان کے الفاظ یاد ہیں ،۔
نہ مزھ نہ سواد ! ایہہ کی اے ؟
ان الفاظ کی معونیت صرف وہی جانتا ہے جس نے دیسی مرغ کھایا ہو،۔

تو جی بات ہو رہی تھی جاپان میں ملنے والے مرغی کے گوشت ناگویا کوچین کی !،۔
جاپان کا ناگویا کوچین ، بلکل اپنے یہاں کے دیسی مرغ کی طرح کا پرندہ ہوتا ہے ، جس کی کلغی لال ہوتی ہے اور نر بڑا رنگین پرندہ ہوتا ہے ،۔
یہاں ایتا کورا میں ایک دوست ہے جس کا تعلق لاؤس سے ہے اور اس نے جاپان میں شادی کی ہوئی ہے اس کی بیوی کے میکے مرغیان پالا کرتے تھے اس لئے اس سسر کے مرغون کی پرورش اور انڈوں کی رسد کا کام چھوڑ دینے کے بعد بھی ، کچھ مرغیاں پالی ہوئی ہیں ،۔
لاوؤ کا یہ دوست خود بھی خوش ذوق بندہ ہے اور میرے ذوق سے بھی واقف ہے تو اس نے کل تین پرندے ، دو مرغ اور ایک مرغی لا کر دی ہے ۔
میں آج ان پرندوں کو حلال کر کے گوشت بنانے کا ارادہ رکھتا ہوں ،۔
جاپان میں ناگویا کوچین ایک برانڈ کا نام ہے ، ۔
دیسی مرغ کا گوشت یہان جاپان میں میں دفعتاً فوقتاً کھاتا رہتا ہون ،۔
لیکن ناگویا کوچین کھانے کا اتفاق پہلی بار ہو گا ،۔

خاورکھوکھر

فوجین!،(婦人)۔
یہ یہ لفظ جاپان میں رہنے والوں نے ٹی وی پر سنا ہو گا ، لیکن استعمال شائد ہی کیا ہو ،۔
انڈونیشا کے پہلے صدر سکارتو کی بیوہ یہاں ٹی وی پر نظر آتی رہتی ہیں ،۔
انکو دیوی فوجین کہہ کر بلایا جاتا ہے ، کیونکہ مصوفہ ایک صدر کی بیوی رہ چکی ہیں ،۔
سیاستدانوں یا کہ بڑی کمپنیوں کے لیڈروں کی بیویوں کو فوجین کہہ کر بلایا جاتا ہے ،۔
اپ اس کو فرانسیسی کے لفظ مادام یا کہ انگریزی کے لفظ لیڈی کی طرح کا سمجھ لیں !،۔

خاورکھوکھر!۔

تینتیس کھیلوں کے لئے جو ٹکٹ فروخت کئے جائیں گے ان کی قیمت 2500 ین سے لے کر تین لاکھ ین تک ہو گی ،۔
ایک سپیشل ٹکٹ 2020ین کی بھی فروخت کی جائیں گی ،۔
اولمپک کے انعقاد کے سال 2020کی نسبت سے سستی ترین یہ ٹکٹ فیملی گروپ ، بزرگ شہریون اور معذور لوگوں کے لئے ہو گی ،۔
جاپان مقیم غیر ملکی یا کہ جاپانی لوگ مندرجہ ذیل کے لنک والی سائیٹ پر ٹکٹ اپلائی کر سکتے ہیں ،۔
https://id.tokyo2020.org/oidc/login.html

یہاں گزری رات کو کلینڈر تبدیل ہوا ہے ،۔

جی

ہاں کلنیڈر کی تبدیلی دیگر دنیا مٰں یہ کام صدیون بعد بھی نہیں ہوتا ،۔

کہ

اسلام میں کلینڈر کی تبدیلی نبی پاک ﷺ کے ہجرت کے سال سے شروع  ہوتی ہے ،۔

اس سے پہلے کے زمانے کو مکے کی زندی کہتے ہیں ،۔

یورپ میں گریگوری کلینڈر کوئی سولہ سو سال پہلے رائج ہوا تھا اور

ہند میں بکرمی کلینڈر کی ابتدا دو ہزار اسی سال پہلے ہوئی تھی ،۔

دنیا میں ہزاروں سال میں کبھی ہونے والے کلینڈر کی تبدیلی کا کام یہان جاپان میں ، پر شہنشاھ کی تحت نشینی سے شروع ہوتا ہے ،۔

اور اگلے شہنشاھ کی جانشینی تک جارہ رہتا ہے ،۔

ہر نئے بادشاھ کی  تاج پوشی یا تحت نشیشنی  گزرے بادشاھ کی رحلت پرہوتی ہے اس لئے اگرلوگ بھالے تاج پوشی کا جشن مناتے ہیں تو پرانے بادشاھ کا سوگ بھی شامل ہوتا ہے ،۔۔

لیکن

اج کے جاپان میں تاریخ سیکنڑوں سال بعد ایسا ہوا ہے کہ شہنشاھ زندگی میں نئے شہشناھ کی تحت پوشی ہو رہی ہے ،۔

اس بات نے جاپان کو بہت ایکسائیٹڈ کیا ہوا ہے ،۔

شہنشاھ اکی ہیٹو ، جس سے جاپانی عوام بہت پیار کرتے ہیں ،۔

اس کے بیٹے نارو ہیٹو کو شہنشاھ بنا کرجگہ جگہ جاپان نے گزری رات کو نئے سال کی طرح کاؤنٹ ڈاؤن کے منایا ،۔

شالا وسدا رہے جاپان ۔

جاپان زندہ باد، پائیندہ باد !،۔

خاور کھوکھر