Dindill.is - Forsíða

Ég gleymi orðum en man rímið

Dindill.is

EF EINHVER biður þig að stíga um borð í skipið, hvað hugsarðu? Ég veit ekki með þig, en ég hugsa alltaf bara hluti eins og: Gripið. Eða: Klipið. - Og hverju svararðu til, ef einhver spyr: „Er til salt?“ Aftur veit ég ekki með þig, en ég mundi hugsa: Allt. Síðan myndi ég ná í malt.

Sjáðu til, ég á við ákveðið vandamál að stríða: Ég gleymi orðum, en man rímið.

Michael Jordan sést á tveimur stöðum í einu

Dindill.is

SÁ UNDRAVERÐI atburður átti sér stað í gær að körfuboltagoðsögnin Michael Jordan sást á tveimur stöðum í einu vestanhafs. Ljósmyndir náðust af Jordan að taka við heiðursverðlaunum fyrir úrslitaleik í körfubolta milli menntaskóla í Norður Karólínu-ríki á sama tíma og hann var ljósmyndaður brosandi á golfvelli í fylgd með Tiger Woods í Flórída-ríki. Jordan hefur ekki viljað tjá sig um málið en fjölmiðlafulltrúi hans sagði að körfuboltahetjan hefði ekki verið á tveimur stöðum í einu enda „væri slíkt ekki mögulegt vegna þess að líkami Jordans væri bundinn lögmálum tíma og rúms líkt og annarra“.

Óli Tynes límir sig við hausinn á Jackie Chan

Dindill.is

Óli Tynes, fréttamaður, smurði lími á ennið sitt áður en hann hitti asísku kvikmyndastjörnuna Jackie Chan nú um helgina.

Alþingi samþykkir 15% álagningu á Ilmi Kristjánsdóttur

Dindill.is

Á TÓLFTA tímanum í nótt samþykkti Alþingi nýtt frumvarp sem gerir ráð fyrir því að álagning á Ilmi Kristjánsdóttur, leikkonu, aukist um rúm 15%. Hart var deilt um frumvarpið og hvatti stjórnarandstaðan eindregið til þess að það yrði dregið til baka. Samkvæmt höfundi frumvarpsins, Steingrími J. Sigfússyni fjármálaráðherra, á álagningin að auka tekjur ríkissjóðs og um leið sé hún til þess fallin að gera sjónvarpsefni fjölbreyttara.

„Álagningin á Ilmi er augljóslega nauðsynlegur þáttur í aðhaldsaðgerðum okkar og fyrsta skrefið af mörgum í tekjuöflun ríkissjóðs,“ sagði Steingrímur á Alþingi í gær. „Ilmur Kristjánsdóttir er vissulega hæfileikarík leikkona, en velgengni hennar hefur vaxið of ört á síðustu mánuðum og okkur fannst rétt að ríkið gripi til aðgerða til að jafna aðgengi annarra leikara að ljósvakamiðlunum. Hún er einfaldlega of sýnileg

Ný rannsókn leiðir ekkert í ljós

Dindill.is

NIÐURSTÖÐUR hafa nú fengist úr viðamikilli rannsókn á mannlegu atferli vegum tíu stærstu háskóla heims. Rannsóknin stóð yfir í þrjú ár og alls tóku 4.000 manns þátt í henni. Niðurstöður rannsóknarinnar voru engar.

Joshua Weidermann, prófessor í sálfræði við Stanford-háskóla í Bandaríkjunum, segir að rannsóknin hafi gengið vel á öllum sviðum og niðurstaðan sé þvert á ætlanir og spádóma fremstu fræðimanna heims. „Við athuguðum viðbrögð manna við mismunandi áreiti og könnuðum hvernig fólk tókst á við aðstæður sem það hafði aldrei upplifað áður. Úrtakið var stórt og mælingar ákaflega nákvæmar. Sameiginleg niðurstaða okkar var að rannsóknin hefði ekki leitt neitt sérstakt í ljós.“

Miklar væntingar voru bundnar við einn þátt rannsóknarinnar sem fólst í því að athuga hvernig grænmetisætur brugðust við

Eiður Smári gerir varamannabekkinn „kósý“ fyrir úrslitaleik Meistaradeildarinnar

Dindill.is

EIÐUR Smári Guðjohnsen, leikmaður Barcelona og íslenska landsliðsins í knattspyrnu, situr ekki auðum höndum í undirbúningi Barcelona-liðsins fyrir úrslitaleik meistaradeildarinnar gegn Manchester United. Hann hefur undanfarna daga unnið hörðum höndum við að gera varamannabekkinn á Ólympíuleikvanginum í Róm sem allra huggulegastan fyrir leikinn.

Vofa Bobby Fischer eyðileggur skákkennslu í Hagaskóla

Dindill.is

SKÁKSNILLINGURINN Bobby Fischer, sem lést í byrjun árs 2008, gengur nú aftur í Hagaskóla í Reykjavík og hefur að undanförnu ásótt skáksveit skólans og eyðilagt flestar æfingar liðsins undanfarnar vikur. Vofan endurraðar í sífellu skákmönnunum á borðinu í upphafi taflsins eftir reglum Fischer random-afbrigðisins af skák (einnig þekkt sem Chess960) þegar krakkarnir ætla að hefja tafl sín á milli.

Lebron James hittir þriggja stiga skoti með barni

Dindill.is

EINKENNILEGT atvik átti sér stað í annarri viðureign Orlando Magic og Cleveland Cavaliers í undanúrslitum NBA-deildarinnar í nótt þegar ungabarni var skotið fyrir utan þriggja stiga línuna og beint ofan í körfuna. Trey Johnson, leikmaður Cleveland, tók innkast í þriðja leikhluta, fékk barnið í hendur frá dómaranum og gaf það um leið á helstu stjörnu liðsins, Lebron James, sem skaut barninu með hnitmiðuðu þriggja stiga skoti, beint ofan í körfuna. Cleveland komst þá í fyrsta skipti yfir í leiknum, 68:70.

Ekki er vitað með hvaða hætti barnið barst inn á völlinn. Boltinn þeyttist út af vellinum í þriðja leikhluta og svo virðist sem áhorfandi við hliðarlínuna hafi þóst ætla færa dómara leiksins boltann en fært honum barn sitt í hendur í staðinn. „Ég fékk,

Húsleit í heitum potti athafnamanns

Dindill.is

HÚSLEIT var gerð í heitum potti í eigu athafnamannsins Ólafs Ólafssonar í gær. Potturinn er 60 fermetrar að stærð og stendur við sumarhús Ólafs í Miðnesi á Snæfellsnesi. Upphaflega var ætlunin að leita í pottinum á sama tíma og leit var gerð í sumarhúsinu sjálfu í gær en vegna umfangs hans og stærðar þurfti lögregla að fá sérstaka heimild til að leita í pottinum enda flokkast hann sem sérstakt mannvirki. Heimild fékkst með dómsúrskurði í dag og var þá leit gerð í pottinum. Að sögn lögreglu gekk leitin vel þegar þjónn Ólafs var búinn að spúla umtalsvert magn af gubbi úr pottinum.

Guð blessi sykurskattinn!

Dindill.is

Auðvitað finnst öllum ofboðslega gott að borða nammi. Til þess er nú leikurinn gerður, samanber upphrópunina góðu, Nammi namm! Fólk á sér sína eftirlætis-nammitegund, til dæmis Fruit Drops, Brak, Trítla, Bounty eða piparmyntu-súkkulaðið ljúffenga Pipp (með dökku súkkulaði!). Sumir eiga sérstaka nammidaga, sem eru nánast heilagir í dagatalinu! ;) Það er nú allt í lagi. En hverjum finnst gott að skemma allar tennurnar sínar? :O Engum! Þess vegna finnst mér að hækka eigi verðið á sælgæti og óhollum gosdrykkjum.