අලුත් ගෙදර

Kaputa Sinhala Unicode (Adobe friendly beta version)

2009-10-29T15:24:00.004+05:30

දැනට මුදා හැරීමට අවසර ලබාගැනීමට හැකිවූයේ කපුටා‍ ෆොන්ටය සඳහා පමණයි. කැන්ඩි ෆොන්ටයත් ලඟදීම මුදා හරින්නට හැකිවේවී. මෙහි වැරදි ඇති තැන් දැනුම් දෙන්න. බාගත කිරීම සඳහා මෙතනට(http://cplus.lk/kaputa-adobe-friendly/) යන්න.

Sinhala Unicode in Apple

2009-10-28T23:31:00.003+05:30

මේ දැන් සහතික කරගත් ආකාරයට නැවත සකස් කරන ලඳ ඔපන්ටයිප් ෆොන්ටය ඇපල් පරිගණකවලද ක්‍රිය කරනවා. පොඩි පොඩි අඩුපාඩුකම් කීපයක් තියනවා. ඒවා සකස් කළ හැකි තත්වයන්. මේ සඳහා ඇපල් පරිගණකයේ පරීක්ෂා කිරීමට සහය දුන් චින්තක අබේරත්න මහත්මයාට මගේ ස්තූතිය.

Graphic Designing සඳහා සිංහල යුනිකේත නිර්මාණය සාර්ථකයි

2009-10-27T15:41:00.001+05:30

ඇති යන්තම් මෙන්න වැඩේ ඉවර කළා.. මේ සඳහා යොදාගත්තේ ඉස්කෝල‍ පොත ෆොන්ට යයි. නීතිමය පසුබිම විමසා බලා ලඟදීම ඔබට ලබාදෙන්න බලාපොරොත්තුවෙනවා.

Sinhala Unicode වල අල වලට විසඳුම්

2009-10-18T19:40:00.009+05:30

බොහෝමයක් බ්ලොග් සටහන්වල යුනිකේත වලට විවේචන, ඒවයේ තියෙන අඩුපාඩුකම් කතා වෙනව නිතරම. බ්ලොග් සටහනක් ලියන්න තරම් ඉස්පාසුවක් නැති වුනත්, මේක ‍නොලියා ඉන්න එක නොකර බැරි නිසා අත්‍යාවශ්‍ය කරුණු කෙටියෙන් සටහන් කරන්නම්.

මුලින්ම කියන්නට ඕනා සිංහල යුනිකේත වල කිසිම ආකාරයක වරදක් නැති බව. වරදක් තියේනම් ඒ සිංහල යුනිකේත භාවිතා කරන මෘදුකාංගයේ හෝ භාවිතා කරන පුද්ගලයාගේ යි. යුනිකේත ගැන අදහසක් නැතිනම් සිංහල යුනිකේත සැකසී ඇති ආකාරය ගැන ලියැවුනු මේ ලිපිය කියවන්න කියලා ආරධනා කරනවා. නමුත් වැඩැක් කරන්න ගියාම ඒක කරන්න බැරිනම් සිංහල යුනිකේත වල වරදක් නෑ කියන කතාවේ තේරුමක් තියනවද? දැනට මූලික ව‍ශයෙන් පවතින ගැටලු ටික මතක් වෙන හැටියට කෙටියෙන් කියනවනම්,

1. යතුරු ලියනයේ ගැටලු

මැසිවිලි,
විජේසේකර යතුරු පොවරුව පුහුණු වීම අපහසුයි.
අකුරු හරියට යතුරු කරන්න බෑ එහාට මෙහාට පනිනවා.
XP SP3 වල යතුරු පොවරුව ස්ථාපනය ගැටලු පැන නැගීම.
වින්ඩොස් සෙවන්/විස්ටා වල යතුරු ලියන ගැටලු.

2. වෙබ් අඩවි වලට සිංහල යුනිකේත භාවිතා කළ විට යුනිකේත ස්ථාපනය නොකරන ලද පරිගණකවල දී සිංහල නිවැරදිව නොපෙනීම හෝ කොටු පමණක් පෙනීම.

3. ෆොටෝෂොප්/ඉලස්ට්‍රේටර්කොර්ල්ඩ්‍රෝ ආදි ග්‍රැෆික් මෘදුකාංග වල සිංහල යුනිකේත භාවිතා කිරීමට ඇති ‍නොහැකියාව.

දැන් උත්තර,

1. යතුරු ලියනය අපසුනම් ෆොනටිකල් ආකාරයේ යතුරු පොවරුවක් භාවිතා කිරීම වැරැද්දක් නොවේ. නමුත් අමාරුවෙන් හරි විජේසේකර යතුරු පොවරුවට පුරුදුවෙනවා නම් ඉතාමත් වටිනවා. අඩුම යතුරු පහර ගණනකින් වේගයෙන් යතුරුලියට නම් ඉතින් විජේසේකර යතුරු පොවරුව තමයි. ආධුනිකයන්ට තියෙන ප්‍රධානම ගැටලුව සිංහල අකුරු පිහිටා ඇති තැන් අඳුරාගනීමේ අපහසුව. හොඳම ක්‍රමය තමයි සිංහල යතුරු මුද්‍රණය කරල තියෙන යතුරු පොවරුවක් මිලදී ගැනීම. නැතින්ම් සිංහල අක්ෂර සහිත ස්ටිකරයක් යතුරු පොවරුවේ අලවාගැනීම.(ICTA මගින් මෙවැනි ස්ටිකර් බෙදාදීමේ ව්‍යපෘතියක් ක්‍රියාත්මක වන බව අසන්නට ලැබුනා.)

දැනට සෑම වින්ඩොස් පද්ධතියකටම වගේ සිංහල යතුරු ලියන සඳහා IME(Input method editor) එකක සහය ලබාගැනීමට සිදුවීම කනගාටුවට කරුනක්. වින්ඩෝස් සෙවන් වලදී මේ තත්වය වෙනස් වන බවට ‍ඉඟි පල‍වෙතත් ඒ පිලිබඳ විශ්වාසක් නෑ. සමහර අවස්තාවලදි Windows XP SP3 පද්ධතියේ දෝෂ නිසා සියබස් අඩවිය විසින් ලබාදෙන IME එක නිවැරදිව ක්‍රියාත්මක නොවන අවස්ථා අප දැක තියෙනවා. මා විසින් keyTouch නමින් IME එකක් නිර්මාණය කර ඇති අතර එම මෘදුකාංගය නොමිලේම නුදුර අනාගතයේ නිකුත් කිරීමට මා අදහස් කරනවා. ඕනෑම වින්ඩෝස් පද්ධතියක ස්ථාපනය කළ හැකිවීමත් තමන්ට කැමති ආකාරයට යතුරු පොවරුව සකස් කරගැනිමට හැකි විමත්(විජේසේකර/ෆොනටික්/සිංහල/දෙමළ/හින්දි ඕනෑම යුනිකේත භාවිතා කරන භාෂාවක් සඳහා භාවිතා කළ හැකියි.) මෙහි විශේෂත්වක්.

2. අලුතින් නිකුත් වන පද්ධති සියල්ලම වගේ යුනිකේත දර්ශණය හොඳින් කරනවා. නමුත් සමහර පැරණි පද්ධති(Windows XP) යුනිකේත ස්ථාපය නොකර පරිගණකයන් වෙබ් අඩවියට පැමිණි විට යනිකේත ස්ථාපනය කරන්න යොමු වෙනවා. සාමාන්‍ය තාක්ෂණ පිලිබඳ දැනුමක් ‍අඩු අයමේ නිසා වෙබ් අඩවිය නැරඹීම අධෛර්‍යය කරවන බව සමහර ලාභ පරමාර්ථ කර ගත් වෙබ් අඩවි නිර්මාණකරුවන් නිතර කියන කතාවක්. මේක වැරදියි කියන්න බෑ. නමුත් මේසඳහා විසඳුමක් නැත්ද? මේ පිලිබඳව පොඩි පරීක්ෂණ කීපයක් කරලා විසඳුමක් හොයාගත්තා. මේ වැඩේට කරගෙන යද්දී මලින්තත් සහය දුන්නා. නමුත් මේ ක්‍රමයේ තවමත් ගැටලු කීපයක් තියෙනවා.

1. Firefox 3.5, Safari, Opera 10 and IE6 (chrome officially not yet) හෝ ඉහල සංස්කරනයන් හී පමණක් ක්‍රියා කිරීම.
2. පද්ධතියේ රෙන්ඩරින් සහය නැති විට කොම්බුව නිවැරදිව දර්ශණය නොවීම.(මේ සඳහා විඳුමක් සොයමින් සිටී)

පරික්‍ෂා කිරීමට ඇවැසිනම් http://www.cplus.lk/font-embedding/ අඩවියට යන්න. සාමානයෙන් css3 ක්‍රමයේ @font-face භාවිතයෙන් තමයි මේක කලේ. නමුත් මෙ‍හිදි මම කපුටා ෆොන්ටයට අලුතින් රූල්ස් කීපයක් ඇතුලත් කළා. ඒ නිස යුනිකේත රෙන්ඩරින් සහය නැති පද්ධතියකදී වුවත් බොහෝමයක් අක්‍ෂර නිවැරදිව පේනවා. අවාසනාවකට කොම්බුව සහිත අක්‍ෂර තාමත් නිවැරදිව ක්‍රියා කරන්නෑ. මේ සඳහා විසඳුමක් ලැබේවි කියලා හිතනවා. මේය සිදු කරන ආකරය ගැන සම්පූර්ණ විස්තරයක් කාලවේලාව ලැබෙන හැටියට ඉදිරියේදි ලියන්න බලාපොරොත්තු වෙනවා.

3. Adobe CS4 වලදී හොඳින් යුනිකේත ෆොන්ටයේ අභ්‍යන්තර රූපක සහ රූල්ස් වෙනස් කිරීම මගින් නිවැරදිව දර්ශනයවෙන තත්වයට සකස් කරන්න පුලුවන්.

ඉහත දැක්වෙන්නේ ඒ ආකරයට වෙනස් කරන ලද කපුටා ෆොන්ටයකින් යුනිකේත දර්ශනය වෙන ආකාරය, රේපය වැරදියට දර්ශනය වීම රූල්ස් මගින් නැවැරදි කළ හැකි තත්වයක්. නමුත් ‍වේලාව ගැටලුවක් නිසා තවම සම්පූර්ණ කරන්න ලැබුනේ නෑ. ‍ICTA එක මගින් පවත්වනු ලැබූ ෆෝන්ටයන් පිලිබඳ සම්මන්ත්‍රණයේදී බොහෝ දෙනා නව යුනිකේත ෆොන්ටයන් නිර්මාණය කරණු ලැබුවා. අනාගතයේදී ඒවාද නිකුත්වේවි. (මේ සඳහා ICTA, UCSC හා දේශන මගින් දැනුවත් කිරීම් කරන ලද ආචාර්ය වරු අතුලු සියලු දෙනාට ‍මාගේ ස්තූතිය.) මේ ආකරයට ග්‍රැෆික් සඳහා භාවිතා කළ හැකි ආකාරයට ඒවා සකස් කිරීමට ඉදිරියේදි බලාපොරොත්තු වෙනවා. කොරල් X4 ඕපන්ටයිප් සඳහා සහය දක්වන බව වෙබ් අඩවියේ සඳහන් කර තිබුනිසා බොහෝ දුරට එහිද මේ ආකාරයට සකස් කරන ලද යුනිකේත අක්ෂර නිවැරදිව දර්ශනය වේවීයැයි බලාපොරොත්තු වෙන්න පුලුවන්. නමුත් අත්හදා බලා නොමැත.

Panorama ක්‍රමේට ගත්ත පිංතූරයක්.

2009-10-10T18:28:00.002+05:30

මේ අත්හාදා බැලීමකට ගත්ත පිංතූරයක්. colour balance එහෙම ටිකක් අප්සට්.
http://s.dasun.googlepages.com/rooftop.html

සංයුක්ත තැටියෙන් එන ඊ-සඟරාවක්

2009-08-20T12:35:00.001+05:30

අලුත් අවුරුද්දේ අලුත් වැඩකට අත ගහන්නයි යන්නේ. ඊ-සඟරාවක් කළ යුතුයි කියන එක කාලයක සිට සිතේ තිබ්බ අදහසක්. නොයෙක් හේතුන් නිසා මේ අදහස යට ගිහින් තිබ්බේ. නමුත් ලබන වසර ආරම්භයත් සමග අලුත් සඟරාව එළි දක්වන්නයි අදහස් කර සිටින්නේ. සංයුක්ත තැටියකින් සහ කුඩා මුද්‍රිත සඟරාවකින් යුත් පැකේජයක් ලෙස නිකුත් කරන්නට අදහස් කර සිටින මෙය තොරතුරු තාක්ෂණය සහ අධ්‍යාපනික වටිනාකමකින් යුත් විෂයන් අලලා සකස් කෙරෙනවා. බ්ලොග්කරණයේ ක්‍රියාශීලි සාමජිකයන්, ක්‍ෂ්ත්‍රයේ ප්‍රවිණයන් ගේ දායකත්වය සහිතව මාසිකව නිකුත් කරීමට අදහස් කර සිටින මෙම සඟරාව දිවයින පුරා බෙදා හරිනු ලබනවා. මේ සඟරාව රුපියල් සියයක් වගේ පහසු මිලකට ලාබා දෙන්න කටයුතු කරමින් සිටිනවා.

සංයුක්ත තැටියකින් එන නිසා ශ්‍රව්‍ය දෘශ්‍ය මාධ්‍යයන්ද එක්ක කළ හැකි වීම විශේෂ වාසියක්. සෑම විටම සඟරාව තුල අඩංගු වන සියලු අංගයන්ගේ ප්‍රතිරූපණ අයිතිය(copyrights) සුරැකීමටත් අන් අයගේ ප්‍රතිරූපණ අයිතීන් ආරක්ෂා කිරීමටත් බැඳී සිටිමු.

සඟරාව සඳහා විවිධ නාමයන් කීපයක්ම ඉදිරිපත්ව ඇතත් ඔබටද මෙවන් සඟරාවකට උචිත නමක් යෝජනා කළ හැකිනම් ඉතා අගෙයි. තවද සඟරාව සඳහා තාක්ෂණික, අධ්‍යාපනික හා වෙනත් විශේෂාංග ලිපි ලිවීම මගින් හෝ ශ්‍රව්‍ය දෘශය වැඩසටහන් සම්පාදනය මගින් මේ සඳහා දායකත්වය දැක්වීමට කැමති අය info@sigma.lk ලිපිනයට ලියන්න.

Airtel අලද? පොඩි සිම්පල් ප්ලෑන් එකක් ට්‍රයි කරලා බලමුද?

2009-05-29T12:42:00.004+05:30

දැනට තියෙන හැම මොබයිල් බ්රෝඩ්බෑනඩ් කනෙක්ෂන් එකක්ම බලලා සාක්කුවට හොඳම සේවය වශෙයෙන් Airtel තෝරගත්තට මොකද? යුරෝපීය සහ ඇමරිකානු සර්වර් වල ඇති අඩවි වලට සම්බන්ධ වීමේදී ඉතා අඩු වේගයක්තමයි ‍තියෙන්න්. Torrent වගේ p2p වැඩ කරන වෙලාවටනම් ඉතාමත් සතුටු දායක වේගයක් තියෙනවා.

කොහොම වුනත් Airtel ලගේ තියෙන ලොකු අලයක් තමයි ඒ අයගේ DNS server එක මගින් IP එකක් තොරලා දෙන්න තත්තපර කීපයක් ‍ගත වෙන එක. සමහර වෙලාවට තත්පර 10ක් පමණ යනවා. මේක ‍සම්පූර්ණයෙන්ම වගේ නවත්තන්න පුළුවන් Open DNS වලට මාරු වුනානම්. http://www.opendns.com ගිහින් OpenDns වලට මාරුවෙන්න. ‍ඒ අඩවියේ අවශ්‍ය උපදෙස්තියෙනවා. OpenDNS සෙටප් කරාට පසු Mobile Partner මගින් අන්තර් ජාලයට සම්බන්ද නොවන්න. ඒ සඳහා නෙට්වර් කනෙක්ෂන් එක භාවිතා කරන්න(ex: start>Connect to> Airtel). නැතනිම් Mobile Partner මෘදුකාංගය මගින් නැවතත් DNS Server එක මාරු කරනවා. මේ ඉඟිය ඔබට ප්‍රයෝජනවත් වේවි කියලා හිතනවා. ;)

Windows XP x64 Edition එක සඳහා සිංහල කියවීමේ පහසුකම

2009-05-21T16:32:00.005+05:30

ගිනි මකරාගේ කාර්යාලය පරිගණකයත් සමග පොඩි සෙල්ලන් ටිකක් දාලා මේක හොයාගත්තේ.

මුලින්ම ඕනෑම සිංහල යුනිකේත ෆොන්ට් එකක් ස්ථාපනය කරන්න. iskoola pota වඩාත් හොඳයි. ඉන්පසු usp10.dll(http://www.sinhalawebdirectory.com/usp10.dll) එක ඔබ භාවිතා කරන මෘදුකාංග පිහිටි ස්තාන වලට පිටපත් කරන්න. එච්චරයි.
උදා-
C:\Program Files\Mozilla Firefox
C:\Program Files\Internet Explorer
%USERPROFILE%\Local Settings\Application Data\Google\Chrome\Application
C:\Program Files\Google\Google Talk

සැ.යු. system32 වල ඇති usp10.dll එක replace කරන්නට එපා. ඔබට අවධානමක් ගත හැකිනම් උත්සාහ කරලා බලන්න ;)

අපි නැවතත් නිදහස් වුනෙමු

2009-05-18T16:08:00.004+05:30

නැවතත් අප දේශය එක්සේසත් කිරීමට වෙර දුන් සැමට මාගේ ප්‍රණාමය.

ප්‍රීතී වෙසක් - Happy Wesak

2009-05-11T19:08:00.012+05:30

වෙසක් දවසේ හතර වටෙන් යාළුවෝ සුභපතන්න ගත්තා ප්‍රීතී වෙසක් කියලා. බොහෝ වෙලාවට මුකුත් නොකියා ඉන්න බැරි නිසා සුභ වෙසක් දිනයක් වේවා කියලා ප්‍රතිචාර දැක්වුවා. කාලීනව සිංහල බෞද්ධ සංස්කෘතියට වෙනත් ආගම් වල සම්ප්‍රධායන් එකතු වෙලා තියෙනවා. උදාහරණයක් ලෙසට කැරොල් ගීත ගායන භක්ති ගීත ලෙසින් බෞද්ධයන් අනුගමනය කළා. එයින් බෞද්ධ කමට හානියක් වුනේ නෑ.(මෙය ඕල්කට් තුමා විසින් සිංහල බෞද්ධයන්ට හඳුන්වා දුන්නක්.) බෞද්ධයන් වෙසක් කාඩ් යවන්න පටන් ගත්තා. මේකත් බටහිර අභාෂයෙන් ගත්ත දෙයක්. නමුත් එයින් බෞද්ධ කමට හානියක් වුනේ නෑ. නමුත් happy x-mas වගේ happy wesak කියන්නත් දැන් පුරුදු වෙලා. (නත්තල් දිනයට happy x-mas කීමත් සමහර ක්‍රිස්තියානි භක්තිකයන් ප්‍රතික්ෂේප කරනවා.)

සතුටු වීම බෞද්ධ කමට හානියක් නෙවෙයි. නමුත් වෙසක් දිනය යනු කුමක්ද කියා අවබෝධයෙන් ඉන්න කෙනෙක්ට මේ විදියට ප්‍රීති වෙසක් කියලා කියන්න කොහොමට වත් හිතෙන්න ‍විදියක් නෑ. වෙසක් දිනයට සුභ පැතීමත් අවශ්‍ය නෑ. එහෙම දෙයක් ඕනෙමයි කියලා හිතෙනවනම්. ආධ්‍යාත්මය වර්ධනය වෙන වෙසක් දිනයක් වේවා! වගේ දෙයක් කීවට වරදක් නෑ.

විදෙස්ගත සිංහලයන්ට සිංහල අවුරුද්ද සමරන්න වේලාවන්

2009-04-13T12:10:00.029+05:30

ග්‍රිනිච් වේලාවෙන් 2009 අප්‍රේල් 13 වන දින පැය 19 මිනිත්තු 17 දී අවුරුදු උදාව සිදුවේ.

ශ්‍රී ලංකාවට,ඉන්දියාවට 14 දින පාන්දර 00 47ට ද,

එංගලන්තයට 13 දින රාත්‍රී 8:17ට ද,

ඇමෙරිකාවට මධ්‍යම වේලා කලාපයෙන් 13 දින දවල් 2:17ට ද,
ඇමෙරිකාවට කඳුකර වේලා කලාපයෙන් 13 දින දවල් 1:17ට ද,
ඇමෙරිකාවට කඳුකර වේලා කලාපයෙන් 13 දින දවල් 1:17ට ද,
ඇමෙරිකාවට පැසිපික් වේලා කලාපයෙන් 13 දින දවල් 12:17ට ද,

කැනඩාවට නිව් ෆවුන්ලනජ් වේලා කලාපයෙන් 13 දින සවස 4:47ට ද,
කැනඩාවට අත්ලාන්තික් වේලා කලාපයෙන් 13 දින සවස 4:17ට ද,

ඉතාලියට 13 දින රාත්‍රී 9:17ට ද,
කුවේට්/රියාද්/සෞදි අරාබියට 13 දින රාත්‍රී 10:17 ට ද,
අබුඩාබි/දහරාන් 13 දින රාත්‍රී 11:17 ට ද,
ටෙහෙරාන්/ඕමාන් 13 දින රාත්‍රී 10:47 ට ද,

ජපානයට 14 දින උදේ 4:17ට ද,

ඔස්ට්‍රේලියාවට 14 වන දින උදේ 5:17 ට ද,
දකුණු ඕස්ට්‍රෙලියාවට 14 වන දින උදේ 4:47 ට ද,
බටහිර ඕස්ට්‍රෙලියාවට 14 වන දින උදේ 3:17 ට ද,

අවුරුදු උදාව සිදුවේ.

ඉහත වේලාවන්ට දිවා ආලෝක සුරැකුම්(Daylight Saving Time) කාලය සහිත රටවල් සඳහා එය ඇතුලත්ව නිවැරදි වේලාව සටහන් කර ඇත.

විදෙස් ගතව සිටියද අවුරුදු චාරිත්‍ර ඉටු කරනු කැමති අය ඉහත ‍දක්වා ඇති වේලාවන්ගෙන් පැය 6යි මිනිත්තු 24ට පෙර සිට පුන්‍ය කාලය එලබෙන බව දත යුතුය. ඒ කාලයට පෙර කාබී සියලු වැඩ අත හැර පුන්‍ය කාලයේදී ආගමික වතාවත් හී නිරතවීම මැනවී. අවුරුදු උදාවෙන් පසුව එළබෙන පැය 6යි මිනිත්තු 24 දී ළිප ගිනි මොළවා අහාර පිසීම, ගනුදෙනු කිරීම ආදී චාරිත්‍ර ඉටුකිරීම මැනවී.

ලොව කොතැන සිටියත් ඔබ සැමට සුභ අලුත් අවුරුද්දක් වේවා!!!

මම Airtel වලට මාරුවුනා!!!

2009-03-22T17:13:00.013+05:30

ඩයලොග් එකට පයින් ගහලා ගත්තා Airtel එකක්. FUP අරව මේව්වා. සිග්නල් ප්‍රශ්ණ එකක්වත් නෑ. ඒක කොච්චර සිම්පල් ප්ලෑන් එකක්ද. :D හරි ඔව් ඉතින් අද Airtel එකට කඩේයනව තමා. ඉතින් මොකෝ. :P

මුල සිට කතාව කියන්නම්. ඔන්න ඩයලොග් එකේ මාස 6 ඉවර වෙන දවට කලින් දවසේ ගියා කොල්ලුපිටියේ Airtel එකට. රැ 500ට වඩා සතයක්වත් ගත්තේ නෑ. සල්ලි දුන්නා සිම්එක ගත්තා. කලින්ම ගයන්ත ගේ බ්ලොග් එකේ තිබුනු විදියට Huawei මොඩම් එක අන්ලොක් කරලා තිබ්බේ. (ගොඩක් අය මේකට ඩොන්ගල් එක කියලා කියනවා හැබැයි මම දන්න විදියටනම් මොඩම් එකක්. මටත් පුරුද්දට වගේ ඕක කියවෙනවා ඒ වුනාට.) එතන තවත් එ‍ක් අයෙක් ඇවිත් හිටියා broadband කනෙක්ෂන් එකක් ගන්න. හික්! මිනිහත් අපි වගේ ඩයලොග්වලින් Airtel වලට මාරු වෙන්න ආපු කෙනෙක්, අන්ලොක් කරගෙනම ඇවිත් තිබ්බා. ගෙදර ගෙනල්ලා බැලුවා වේගය එහෙම කොහෙමද කියලා 512kbps වඩා එහා යන්න අමාරු වුනා. එත් ඉතින් අන් ලිමිටඩ්නේ කියලා හිත හදාගත්තා. වටිනම සිද්දිය ගේ ඇතුලටත් ෆුල් HSDPA සිග්නල් තිබිමයි. තව දුරටත් මොඩම් එක ජනේලේ එලියට දැමීමට අවශ්‍ය නෑ.

ඊල‍ඟ දවසේ ගියා dialog එක සිම් එක රිටන් කරන්න. මම ගියේ මැයි 18 වෙනිදා. හරියටම මාස 6 ඉව‍ර වෙන දවසේ. හපොයි ඩයලොග් එකට ගිය කළ. මම HSDPA connection එක ගන්න ගියපු දවසේ මට පැයක් පමණ ඉන්න වුනා. අද එතන හිටපු එකම පාරි‍භෝගිකයා මම. මට ඩයලොග් ගැන සංවේග‍යකුත් ආවා. මොනා කරන්නද. (ඩයලොග් කාරයට ඒරාශ්ඨකයක්ද කොහෙද :D ). ගියපු ගමන් ටයි පොල්ලක් දාගත්ත හයේ හ‍තරේ තරුණයෙක් හිටියා. මිනිහා ආපු ගමන් අත්දෙක එකට තියලා ආයිබෝවන් කිව්වා නේ. මට හිතුනා වැරදි තැනකටවත් ආවද කියලා. මම මෑන්ට කිව්වා අපේ ගෙවල් පැත්තේ සිග්නල් නෑ. මේ මාස හය ඉවරවෙනකන් හිටියේ කියලා මේක ඩිස්කනෙක්ට් කරන්න කියලා.( Airtel ගැන කියලා හිත තලන්න හිතුනේ නෑ. පව්නේ!!!) මෑන් කියපි මේකේ මාස 6ක කමිට්මන්ට් එක තිබ්බාට ඊට කලින් කැමතිනම් විසන්දි කරන්න පුළුවන් කියලා. මම ඇහුවා එතකොට කමිට්මන්ට් එක මොකටද තියෙන්නේ කියලා. මැන් කියපි මේක තියෙන්නේ පැකේජ් එක වෙනස් කරන්න බැරි එක (ඩයලොග්හී වෙනින් HSPDA පැකේජ් එකකට මාරු වෙන්න බැරි එක) කියලා. නැතුව ඩිස්කනෙක්ට් කරන්න පුළුවන් කියලා. මම දෙපාරක්ම ඇහුවා. ඕකම තමා කිව්වේ. අනේ මන්දා ඇත්ත නැත්ත එහෙම තමා කිව්වේ. යුනි පැකේජ් එක තියෙන ඕන කෙනෙක් ඉන්වනම් හොයල බලන්න.

අනිත් කාරණය මේක ඩිස්කනෙක්ට් කරන්න ගියේ 18 වෙනිදා නේ. මේ කොළුවා කියපි මේ මාසයටම මුදල් අයකරනවා කියලා. මම කිව්වා. ඉතින් මම මේ මාසෙට දවස් තුනයි නේ තාම ගිහින් තියෙන්නේ කියලා(ඩයලොග් බිල් කරන්නේ සෑම 15 දවල් 12 සිට). ඒ වුනාට ඩිස්‍කනෙක්ට් කරන කොට එහෙමයි ගනන් ගන්නේ කිව්වා. මම නිකමට වගේ ඇග්රිමන්ට් එක දිග ඇරලා බැලුවා. හපොයි මේ තියෙන්නේ. කව්ද ඔව කියවන්නේ. :( ඕන නම් මේ මාසේ පාවිච්චි කරලම disconnect කරන්න කිව්වා. මම කිව්වා ඉතින් වැඩැක් නෑනේ මේක සිග්නල් නැතුව. ඕන නෑ කියලා. අපරාදේ නිකන් මාසෙටකම ගෙවන්න වුනා. ඒත් ඉතින් අපි වැඩිපුරු මාසෙකට ගෙවල තියන නිසයි. ඩිපොසිට් එකයි තියන නිසා ඒ දෙක චෙක් එකකින් ගෙදරට එවනවා කිව්වා. එහෙම බැලුවම. Dialog සිට Airtel වලට මාරු‍වෙනකොට වාසියි. ඩයලොග් එකෙන් රු. 3000ක් පමණ නැවතත් අපිටම ලැබෙනනවනේ. ඒකෙන් Airtel sim එකට යන රු. 500 අඩු කළාම අන්තිමට රු. 2500 කුයි Airtel සම්බන්ධ තාවයකුයි ලැබිලා වගේ. :)

අද උදේ බලද්දී පොඩි අමුතු සීන් එකක් වෙලා තියනවා. මොකද මන්දා. දැන්මේක 1600kbps වලටත් වඩා යනවා සමහර වෙලාවට. හිටපුගමන් 2400kbps දක්වාත් යනවා. ඉරිදා නිසාද දන්නෑ. බලමු හෙට කොහොමද කියලා. මම Fedora-10-x86_64-DVD ටොරන්ට් එකක් භාන්න දැන්මා. මේ වෙනකොට පැය 5ක් ඇතුලත 2.77GB භාලා තියනවා. :) දළ භාගත කිරීමේ වේගය. 1176 kbps ට වැඩියි.

වැල්දොඩම් වැල්

2009-02-22T11:27:00.008+05:30

අපි හැමෝම ආසයි තමන් කරපු හපන්කම් ජයග්‍රහණ ගැන කතා කරන්න , හිතන්න කැමතියි. නමුත් අපි හැමෝගෙම ජීවිත ගොන්කම්, පරාජය වීම්, මතක් කළ විට ලැජ්ජා හිතෙන දේවල් වලින් පිරිලා.

අද මට ලියන්න හිතු‍නේ ඒවගේ කරපු ගොන් කමක් ගැනයි. මේ සිද්දිය මතක්වෙන කොටත් මට ලොකු කනගාටුවක් දැනෙනවා. සම්පූර්ණයෙන් කළු හෝ සම්පූර්ණයෙන් සුදු කිසිම කෙනෙක් මේලෝකේ නෑ. ඒ වගේම අංග සම්පුර්ණත් නෑ. අපි කෙනෙක්ට ආදර කරනකොට ඒ කෙනාගේ හොඳ ගුණාන්ග විතරයි දකින්නේ. ඒ අයගේ කොච්චර වැරදි තිබුනත් එපි ඒවා ගණන් ගන්නේනෑ. යම් දිනක ඒ පුද්ගලයා කරදයක් වුනොත්, ඒවගේම එපා වුනොත්, තමන්ගේ ජීවිතයෙන් ඈත් කරන්න ඕනා වුනොත්, එ දිනට ඒ කෙනාගේ වැරදි දකින්න පටන්ගන්නවා. නිවැරදි කරගන්න කොච්චර අවස්තා තිබ්බත් ඒවා අපිට දැකින්න ඕන වෙන්නේ නෑ. මට මතක්වෙන්නේ තායිචී වල භාවිතා කරන යින් යැන්ග් සලකුණ.( - taoist Taijitu) සම්පූර්ණයෙන් කළු හෝ සම්පූරණයෙන් සුදු කිසිවෙක් නෑ. කාර්‍ය බහුල දවසක වුනත් මේක ලියලාම ඉවරයක් කරන්න හිතුනේ තවදුරටත් හිත තුල හිර කරගෙන ඉන්න බැරි නිසා.

මේ සිද්ධිය වෙනකොට මට වයස අවු. 9ක් පමණ වන්නට ඇති. ඒ දවස්වල මගේ පුරුද්දක් තිබ්බා කෑමට ලැබෙන ඔනෑම බීජ සහිත පළතුරක ඉතුරු ‍වෙන ඇට පැළ කිරීමේ. ඒ වුනාට ඒ‍වා බොහෝමයක් පැළුවුනේ නෑ. සමහරක් ඒවා කුඩා කාලයේම මිය ගියා. මට මතකයි ඒදවස්වල ඇපල් ඇටත් පැළ කරන්න උත්සාහ කරලා තියෙනවා. ඒත් ඒ දවස් වල අපි හිටයේ කුලී නිවසක. ඒත් ඒ පුරුද්ද අත හැරියේ නෑ.

දවසක් මේ විදියට බීමට ලැබුනු වැල්දොඩම් වීදුරුවක අඩියේ ඉතුරු වුන ඇට කීපයක් පැල කළා. මෙයින් වැල් දොඩම් වැල් දෙකක් හට ගත්තා. නිවසේ දෙර කඩ අයිනේන් ඉනි වැටක් තිබ්බා. මේ දොඩම් වැල ඒ වැට අල්ලාගෙන වැට දිගේ ඉදිරිට කෙමෙන් කෙමෙන් වැඩුනා. ගෙවත්තේ ඉනි වැටට ආසන්නයේ කසිදා ඵල හට‍නොගත් මහා අඹ ගසක් තිබුනා. මාමා කෙනෙකුගේ උපදෙස් අනුව ඵල හට ගනී යන බලාපොරොත්තුවෙන් බඳවටේ පැල්මක් යෙදා වයර් එකක් බැඳ දැමුවද කිසිදා ඒ අඹ ගසේ අඹයක් හටගත්තේ නෑ.

වැට‍දිගේ ඉහල ඇදුනු දොඩම් වැල් දෙක එකිනෙක හා වෙලෙමින් අඹ ගසට ගොඩ වැදුනා. අවසානයේ අඹ ගස සම්පූර්ණයෙන්ම දොඩම් වැල ආක්‍රමණය කළා. දොඩම් ඒක ලිංගික ශාකයක්. ඒ කියන්නේ ගැහැණු දොඩම් වැල් සහ පිරිමි දොඩම් වැල් ගස් වෙන විදියට වෙනම වර්ග කරන්න පුළුවන්. ඵල හට ගැනීමට නම් පිරිමි ගසක හටගන්නා මල්වල පරාග ගැහැණු ගසක මල්වට යෘමට අවශ්‍ය නිසා සාමාන්යෙන් වැල්දොඩම් වලින් හොඳ ඵලදාවක් ලබාගන්න පරාගනය කෘතිමව කරනන සිදුවෙනවා.

වාසනාවකට මේ දොඩම් වැල්දෙක ගැහැණු සහ පිරිමි ගස් දෙකක්. ඒ ගස් දෙක එකිනෙක හා ‍බැ‍ඳෙමින් ආසන්යෙන් වැඩීතිබුනු නිසා පරාගනයද කිසිදු අපහසු තාවයකින් තොරව සිද්ද වෙලා තිබ්බා. දැන් අඹ ගස පූරා වැල් දොඩම් ගෙඩි. සාමාන්යෙන් බාල්දි දෙක තුනක් පිරෙන්න ගෙඩි හට ගන්නවා. කාටද ආඩම්බර!

මම කලින් කිව්වා වගේ අපි හිටියේ කුලී ගේක. ඒනිසා අපිට මේගෙදර දාලයන්න සිද්ද වුනා අළුතින් මිලදී ගත් නිවසකට. ඒ නිවසට යෑමට දින ආසාන්න වෙත්ම මම අම්මාගෙන් ගිහින් අහුවා. අම්මේ අපි ගියාම මේ ‍ෆ්‍රැෂන් ෆෘට් ගහට මොකක්ද වේන්නේ කියලා. මේ ගෙදර අපේ‍ නෙමෙයිනේ. ඒක මෙහේ තියේවි කියලා. එතකොට මම හිටවපු පැලෙන් වෙනින් අයනේ ප්‍රයෝජන ගන්නේ. ඔව් ඉතින් මොකද අම්මා ඇහුවා. අම්මා නම් කියයි. මටනේ දුක.

මට මේ ගහගැන තියෙන තන්හාව තවත් වැඩිවුනේ මට ඒ වැල නැතිවෙනවාට වාඩා වෙනින් අය ඒ ගහෙන් ගෙඩි කඩාගෙන කාවිය කියන එක නිසා වෙන්න ඇති. ඒක කොච්චර අප්පිරිය කැත අදහසක්ද කියලා එදා මට ‍නොවැහිටුනා ද කියලා කියන්න දන්නේ නෑ. අවු 9ක් වුනත් සිතීමේ හැකියාවක් තිබුනේ නෑ කියන්නත් බෑනේ.

ඔන්න දැන් නිවසෙන් පිටවෙන්නට තව ඇත්තේ එක දිනයි හෝ දෙකයි. කරන්නට දෙයක් නැ. ගත්තා පිහියක් හිමින් සීරුවේ වැල්දොඩම් වැල්දෙකෙන් එක වැලක මුලින් තියලා පිහිය දෙපැත්තට ඇදලා ඇදලා කඩලා දැන්මා. මේ කාරනාව කාටවත් නොකියන්න මම වග බලාගත්තා.

වසරකට පමණ පසු ඒ නිවසට යෑමට අවස්තාවක් ලැබුනා. ඒ විට වැල්දෙඩම් වැලක් තිබුනු බවට සලකුණක්වත් තිබුනේ නෑ. මා විසින් මාරා දැමූ වැල මුලිනුත් ඊට ටික කලකට පසු අනිත් වැලත් මිය ගිය බව ඒ අවට දන්නා හඳුනන අසල් වැසියන්ගෙන් දැන ගත්තා. පළමු වැල මිය යෑමේ දුක නිසා අතිවූ වියෝ දුකින් අනිත් වැලත් මිය යන්නට ඇති.

බෞද්ධයාගේ සීලය

2009-02-09T16:30:00.001+05:30

බෞද්ධයාගේ සීලය තියෙන්නේ සිතේය..
බෞද්ධයාගේ සිතේ ඇති සීලය ගතින් මැනීමට අපහසුය..
බෞද්ධයාගේ සිල්රෙද්දේ පාට ඊට අදාල නැත..
බෞද්ධයාගේ ඒ සීලය ගැන ප්‍රශ්න කළ යුතුද නැත..
අබෞද්ධයෝ බෞද්ධයාගේ සිල්ගැන ප්‍රශ්න කළ යුතුද නැත..
බෞද්ධයාගේ සිල් රෙද්ද ගැනද ප්‍රශ්න කළ යුතුද නැත..
බෞද්ධයාගේ අනුන්ගේ සීලයෙන් ගැන නොවෙහෙසෙයි..
බෞද්ධයා සිල් නොරකින අයට වෛර කරන්නේද නැත..
බෞද්ධයා සිල් රකින අයට වැඩියෙන් ආදරය කරන්නේද නැත..
බෞද්ධයා අනුන්ගේ සීලයේ ගැන වෙහෙසීමට පෙර තමාගේ සීලය ගැන‍ වෙහෙසෙයි..
බෞද්ධයා තමාගේ සීලය අනෙකා සමග සංසන්දනය නොකරයි..
බෞද්ධයා තමාගේ තමාගේ සීලය ලෝකයට ප්‍රදර්ශනය කිරීමට නොසිතයි..
බෞද්ධයා තමාගේ තමාගේ සීලය ලොකයෙන් සඟවා ගැනීමටද නොසිතයි..

පෙම්වතියගේ අසූච් බඳුන

2009-01-30T14:01:00.005+05:30

ඔබේ පෙම්වතිය/පෙම්වතා ඔබව හැරදා ගියා ද?
විරහ වේදනාව ඉවසා ගන්නට බැරිද ?
ඔබ වෙනුවෙන් ඇයට/ඔහුට කරන්නට තව එකදෙයක් ඉල්ලා සිටිය හැකි ද?
හැකිනම් ඇ‍යගේ /ඔහුගේ අසූච් බඳුනක් ඉල්ලා සිටින්න.
ඔබට ඇය/ඔහු මතක්වන සෑම විටම එය දෙස බලන්න.
මෙය ඇ‍යගේ/ඔහුගේ නොවේදැයි සිතන්න.

ඔබට තවමත් ඈ ගැන හැඟුම් පහලවේ නම් මානසික රෝහලකට යන්න.

සටහන: අදහස පූජ්‍ය අජාන් බ්‍රහ්මවංසෝ හිමියන්ගේ ග්‍රන්තයක් මගින් ලබාගත්තක්. පුජ්‍ය අජාන් චා හිමි තම ශිෂ්‍ය හිමි නමකට දුන් උපදෙසක් අනුව ලීවෙමි.

ඇසට හසු නොවන කැමරා ඇසට හසුවන ආලෝක ලප

2009-01-29T14:33:00.001+05:30

කාලෙක ඉඳන් ලියන්න හිතේ තිබ්බ දෙයක්. නමුත් ලියන්න බැරිවුනා. කොහොම හරි අද ලියන්න පටන් ගත්තා. බොහෝමයක් භෟතික වාදීන් මේක පිලිගන්න එකක් නෑ. ඒත් පුද්ගලිකව මගේ මතය ඉදිරි පත් කිරීමට අවසර.

මුලින්ම මම මේ ගැන දැක්කේ ඩිස්කවරි නාලිකාවේ ගිය වැඩ සටහනක. ඒක භූතයන් ගැන කරපු වැඩ සටහනක්. භූතයන් ඉන්නවා කියන ස්ථාන වල ගත්ත ඡායාරූප වල තියෙන කුඩා ආලෝක ලප වගයක්. අන්ත ගාමීනොවී සකස් කළ එම වැඩසටහනේ එම ආලෝක ලප භූතයන්ගේ වන බවට හා එසේ ‍නොවන බවට අදහස් ඉදිරිපත් වෙලා තිබුනා. සමහර අය කිව්වේ ක්ෂණික ආලෝකය(‍ෆ්ලෑෂ් ලයිට්) දූවිලි අංශුමත වැටීමෙන් ඇතිවන දිලිසීමක් විය හැකි බවයි. කොහොම වුනත් ඒවා අරන් තිබුනේ ඩිජිටල් කැමරා වලින්. ඒ රූප වල පෙන්වපු ආලෝක ලප තරමින් බොහෝමයක් කුඩායි. නමුත් දූවිලි අංශුවකට වඩා බොහෝ සේ විශාලයි.

මාගේ මිත්‍ර කපු මහතෙකු(බන්ඩාර) විසින් මට ඔහු විසින් කරන ලද බහිරව පූජාවක දී ගන්නා ලද ඡායා රූප වගයක් මට‍ පෙන්වූවා. ඒකෙත් මම අර කලින් කියූ ඩිස්කවරි වැඩසටහනේ තිබූ පරිදි ආලෝක ලප වගයක් සටහන් වෙලා තිබුනා. ඔහු විසින් තවත් පුවත් පතක පලවීතිබූ පංසලක බෝගසක් අසල මෙවන් ආලෝක ලප කීපයක් ඇති ගත් ඡායරූප කීපයක් පෙන්වූවා.(ඒ ලිපියේ ගැන ලියූ හිමිනම ගැන නම් මතකයක් නෑ) මෙම ඡායාරූපද රැගෙන තිබුනේ ඩිජිටල් කැමරාවකින්(මෙගාපික්සල් 7ක පමණ). අර ලිපිය ලියූ හිමිනමගේ මතය වූවේ මේවා දෙවි වරුන්ගේ හෝ අමනුශ්‍යයන්ගේ බව යි.

පහත දැක්වෙන්නේ බන්ඩාර කපු මහතා විසින් කරනු ලැබූ බහිරව පූජාවේ ගත් ඡායාරූප කීපයක්.(පැහැදිලිව නොපෙනේ නම් පිංතූරය මත ක්ලික් කරන්න.)

1 රූපය

2 රූපය

3 රූපය

4 රූපය

5 රූපය

1 සහ 2 රූප වලින් දැක්වෙනුයේ බහිරව පූජාව ආරම්භයට පෙර ගත්ත ඡායාරූප කීපයක්. 3 රූපය එය ආරම්භ කරන ලද අවස්ථා‍වේ ගත් ඡායාරූපයක්. 4 සහ 5 රූප 3වන රූපයෙන් කපාගත් කොටස් දෙකක්.

1 සහ 2 රූප හොඳින් පරික්ෂා කර බැලුවහොත් විවිද ආලොක ලප බොහෝ ගණනක් ඔබට සොයා ගත හැකි වේවි. වඩාත් වැදගත්ම ඡායා රූපය 3වන ඡායාරූපය යි. එහි තට්ටුව මත ඇති විශාල ආලෝක ලපය බලන්න. එය හරියටම තට්ටුව මැද්දේම ඇත. එහි කපා මෘදුකාංගයක් මගින් ලෙවල් සකස් කර පැහැදිලි කරන ලද ඡායාරූපයක් 4වන රූපයේ දැක්වේ. ඒ අතරම 3වන ඡායාරූප‍යේ තවත් විවිද ප්‍රමානයේ ආලෝක ලප තැන තැන විසිරී ඇති ආකාරය පරීක්ෂා කර බලන්න. වඩා වැදගත්ම කාරනාව ඇත්තේ 5වන රූපයේ ය. ඒ බන්ඩාර කපුමහතාගේ කය මැඇති විශාල ආලෝක ලපය යි.

මට පුද්ගලිකව අන්තර්ජාලයේ පළ කිරීමට අවසර ගැනීමට නොහැකිවූ තවත් මෙවැනි ආලෝක ලප ඇති ඡායාරූප ගණනාවක්ම මා සතුව සහ මා දැක තිබෙනවා. ඒවායින් කීපයක් රුවන්වැලිසෑය අසල කරන ලද පිච්ච මල් පූජාවේදී ගත් ඡායරූපයි. මා දැක ඇති වඩාත් ලස්සනම ආලෝක ලප දුටුවේ එම ඡායාරූප වල යි. ඒවා විවිද ‍වර්ණයන් ගෙන්(නිල්,කහ,රතු ආදී) යුක්ත යි. එසේම තවත් මගේ මිතුරෙකු විසින් බෝදි පූජාවක් කරන අවස්ථාවක දීද මෙවන් ආලෝක ලප විශාල ගණනක් තිබුනා. ඉදිරීයේදී ඒවායින් කීපයක් පලකිරිමට අවසර ගත හැකි වේවි. තවත් එකක් රැගෙන තිබුනේ දෙහිවල ඇන්ඩෙන්සන් කෝවිලේය. ඒවාගේද මෙවන් ආලෝක ලප ගණනාවක් තිබුනා.

අනෙත් කාරනාව මේ සියළු කැමරා හොඳ ක්‍රියා කාරීත්වයකින් යුක්ත ඒවා. ඒවා මගින් වෙනත් ස්ථාන වල ගත් ඡායාරූප වල මෙවන් ආලෝක ලප සටහන් වෙලා නෑ.
දැනටමත් හිතුවාට වඩා මේ ලිපිය දිගින් වැඩි වූනිසා මේ ආලෝක ලප පිලිබඳ මගේ පුද්ගලික මතය වෙනත් ලිපියකදී ඉදිරි පත් කරන්නම්. එසේම ඔබටම ඒවා අත්හදා බැලිය හැකි ආකාරයක් ද කියා දෙමි.

Note: The photographs and articles in this section are copyrighted material and cannot be used, copied or inserted in another website(or in any media) without the written permission from copyright holder. I (Dasun Sameera Weerasighe) only have right to publish those pictures in this site. Text Content Copyright belong to me.

Airtel වල සල්ලි ‍කැපෙන්නේ නෑති අලයක්.

2009-01-25T18:17:00.005+05:30

මම නම් ඔන්න තාම ඕක ගත්තේ නෑ. ඒත් අපේ ගෙදර අනිත් අය නම් ගත්තා. කියන්න දෙයක්නෑ හරි අමාරුයි කෝල් එකක් ගන්න. ඒත් ඒ ‍ඔක්කොමට හරියන්න නියම අලයක් තියෙනවා. සමහර වෙලාවට ගන්න කෝල් වලට සල්ලී‍ කැපෙන්නේ නෑ. ඔන්න ටරයි කරලා බලන්න. :)

මොකක්ද මේ තෛයි පොංගල්

2009-01-14T22:15:00.002+05:30

සාමාන්යෙන් තෛයි පොංගල් සමරන්නේ විශේෂයෙන් දෙමළ ජාතිකයන්. ඒත් මොකක්ද මේ? වචනාර්තයෙන් නම් උතුරායන කිරි කියන එකයි. හරියට අපි සිංහල අලුත් අවුරුද්දට කරනවා වගේ. ඒත් ඇයි මේක ජනවාරි 14ටයි 15ටයි මාරු‍ වෙන්නේ. පිළිතුර සරලයි හරියට අපේ සිංහල අලුත් අවුරුද්ද අප්‍රේල් 13 හෝ 14 හෝ තියෙන හේතුවම යි. තව දුරටත් පැහැදිලිව කියනව නම් සිංහල අලුත් අවුරුද්ක කියන්නේ සූර්යා මීන රාශියෙන් මේෂ රාශියට මාරු වීම. තෛයි පොංගල් කියන්නේ සූර්යා ‍ධනු රාශියෙන් මකරයට පැමිණීමයි. මකරය පැමිණීම වශේෂ වන්නේ මේ නිසයි. සූර්යා පෘථිවිය වටේ ගමන් කරන්නේ සාපේකෂ ඇලයකින්. ක්‍රාන්තිය කියලා කියන්නේ අහල ඇතිනේ. එත‍කොට පෘථිවි සමකයෙන් දක්ෂිණ ධ්‍රැවය දෙසට ගමන් කර සූර්යා නැවත උත්‍ර ධ්‍රැවය දෙසට ගමන් කිරීම අරඹන දවස තමා තෛයි පොංගල් දිනය. මෙතනදී මෙතරම් කල් පහලට ගමන් කරන ලද ඉර ඉහලට ගමන් කිරීම ඇරඹීම තමා සමරන්නේ. නැතහොත් ‍ධනු රාශියේ සිට මකර පැමිණීම යි. සිංහල අලුත් අවරුද්දේ දී ඉර සමකයට පැමිණීම සමරනවා. ඒ ‍මීන රාශියේ සිට මේෂයට පැමිණීම යි.

ඇඩ්මින් බලය නැති පරිගණකයක සිංහල යුනිකේත කියවන හැටි.

2009-01-05T13:34:00.007+05:30

සමහර විට සේවා ස්ථානයේදී නැතිනම් internet cafe එකකදී ලැබෙන පරිගණකයක සිංහල ස්ථාපනය කරන්න ඇඩ්මින් බලතල ලබා ගැනීම ගැටළුවක් වෙන්න පුළුවන් ඒ වගේ වෙලාවකට කියවීමේ පහසුකම විතරක් හදාගන්න පුළුවන් පොඩි උප්පර වැට්ටියක් මේ. නමුත් font එකක් පිටපත් කිරීමේ හැකියාව තිබිය යුතුයි. වින්ඩොස් xp මෙ‍හෙයුම් පද්ධතියේ තමා අත්හදා බැලුවේ.

පොර්ටබල් FireFox සඳහා
http://portableapps.com/apps/internet/firefox_portable

මුලින්ම පොර්ටබල් firefox එක නිවැරදිව පෙන්ඩරයිවර් එකට ස්ථාපනය කරන්න. ඉන්පසු
දැනට නිවැරදිව සිංහල දර්ශණය වන පරිගණකයක C:\WINDOWS\system32\usp10.dll කියන dll ගොනුව පොර්ටබල් FireFox ස්ථාපනය කරනු ලැබූ ඩිරෙක්ටරිය තුල ඇති FirefoxPortable\App\firefox\ යන ‍ඩිරෙක්ටරිය තුලට පිටපත් කරන්න.
එසේම ඔබ කැමති සිංහල යුනිකේත ෆොන්ට් ගොනුවක්(*.ttf) පෙන් ඩරයිවරය තුලට පිටපත් කරන්න.
දැන් දැනට යුනිකේත නැති පරිගණකයට පෙන්ඩරයිවරය ඇතුලත් කර ෆොන්ට් ගොනුව ස්ථාපනය කරන්න(%systemroot%‍\fonts\ ‍ඩිරෙක්ටරිය). ඉන්පසු පොර්ටබල් FireFox වලින් නිවැරදිව සිංහල දිස්වෙනු ඇත.

නිවැරදිව සිංහල පෙන්වන පොර්ටබල් firefox සහ ෆොන්ට් ගොනුව පමනක් ස්ථාපනය කල විට IE වල දිස්වෙන ආකාරය.

IE සඳහා

දැනට නිවැරදිව සිංහල දර්ශණය වන පරිගණකයක C:\WINDOWS\system32\usp10.dll කියන dll ගොනුවක් පෙන් ඩරයිවරය තුලට පිටපත් කරන්න.
එසේම ඔබ කැමති සිංහල යුනිකේත ෆොන්ට් ගොනුවක්(*.ttf) පෙන් ඩරයිවරය තුලට පිටපත් කරන්න.

දැන් දැනට යුනිකේත නැති පරිගණකයට පෙන්ඩරයිවරය ඇතුලත් කර ෆොන්ට් ගොනුව ස්ථාපනය කරන්න. ඉන්පසු usp10.dll එක %programfiles%\Internet Explorer\ කියන ඩිරෙක්ටරියට පිටපත් කරන්න. දැන් IE වල නිවැරදිව සිංහල දිස්වෙනු ඇත.

ගවයන් නිදහස් කරන ගොන්නු

2008-12-30T21:04:00.000+05:30

ලංකාවේ ඉන්න බොහෝමයක් උපතින් සිංහල බෞද්ධයන් තමන්ගේ අපල ගෙවා ගන්න පිං වැඩි කරගන්න කියලා කරන ගොන් වැඩැක්. මැරෙන්න යන කෙනෙක් බේරගන්න යන එක කොච්චර හොඳ දෙයක් ද? කියලා ‍හිතෙනවා ඇති. ආ එහෙනම් කවදාවත් හරක්මස් කඩයක හරක් මස් නැති වෙලාවක් දැක තියෙනවාද? අද එක්කෙනෙක් හ‍රකෙක් නිදහස් කළා ඒ නිසා අද හරක් මස් නෑ .

ඇත්තටම වෙන්නේ ඒ හරකා ගත්ත මුදලාලිට ඒ හරකා ගන්න වියදම් වුන මුදල වගේ 10 ගුණයක් විතර සල්ලි දීලා ගොනෙක් ඒ හරකාව එතනින් අරන් එනවා. ඊට පස්සේ මස් මුදලාලි ඒ සල්ලි වලින් හරකුන් දහයක් මිලට ගන්නවා. මිනිහා‍ පොසත් වෙනවා. තව හරකුන් දහයක් මරණයට කැප වෙනවා. අපේ ගොන්නු දුප්පත් වෙනවා. මේක හොඳ සූදුවක් කිසිම මහන්සියකින් තොරව හරක්මරණ වසලයෙකුට මේ ගොන්නු සල්ලි දෙනවා. මේක කියවන අයටත් ඔය විදියේ ගොන් මොළයක් නැතිව ඇති කියල හිතනවා. මටත් ඕක වැටහුනේ අපේ අමිතානන්ද ස්වාමීන් වහන්සේ කිව්වට පස්සේ තමා.

ඩයලොග් ඊසීජී

2008-12-19T09:29:00.004+05:30

මේතියෙන්නේ ඊසීජී වාරතාවක් නම් නෙමෙයි. වැටි වැටි නැගිටින ඩයලොග් HSDPA අනත්රජාල සේවාවේ භාගත වේග සටහනකු යි.
‍

මේ තමයි වැඩියෙන්ම හොඳට සිග්නල් ලැබුනු වේලාව. ඒත් ඩවුන්ලෝඩ් වේගය බිංදුවයි.

PIDGIN Facebook plugin

2008-11-27T16:51:00.000+05:30

සීමාසහිත භාගත කිරීමක් සහිත අන්තර්ජාල පහසුකම් ඇති අයගේ දැන ගැනීම පිනිස.

ළඟදි මම චැටි කරන්න pidgin භාගත කළා. ‍ඒකේ ෆේස්බුක් චැට් එක නැති නිසා ඒකටත් ඔන්න ගූගල් කොඩ් වල තිබුනු ‍ඕපන් සෝස් ප්ලගින් එකක් දාගත්තා. ඊට පස්සේ කාලිංග ගේ බ්ලොග් එකේ තිබුනු විදියට යුනිකෝඩ් ප්‍රශ්න ටිකත් විසඳ ගත්තා. අවුලක්නෑ. ගින්දර වගේ වැඩ. ඕන්න අද උදේ වෙනකොට මම මේ මාසෙටම ඩවුන්ලෝඩ් කරල තිබ්බේ 1.45GB හවස බලනකොට 2.5GB වෙලා. ඔන්න එතකොටයි තුරු පෙනුනේ. මම භාවිතා කරන්නේ නිතර ලෙඩ දෙන ඩයලොග් HSDPA කනෙක්ෂන් එකක්. ‍මාසේ ඇතුලත කොහොම හරි 5GB වලින් ෂේප් වෙනවා. බැලින්නම් අර pidgin-facebookchat එක තමයි ඔය වැඩේ කරල තියෙන්නේ. දැනට pidgin හා සීමාසහිත භාගත කිරීමක් සහිත අය http://code.google.com/p/pidgin-facebookchat/downloads/list කියන ප්ලගින් එකෙන් ප්‍රා‍වේසම් වුනොත් හොඳා.

zeebra

2008-11-21T09:28:00.001+05:30

කළු ඉරි සහිත සුදු සතෙක් ද? සුදු ඉරි සහිත කළු සතෙක් ද?

හොරා

2008-11-18T19:23:00.008+05:30

මෑතකදී සිදුවුනු සිද්දීන් දාමයක් නිසා මේ කතාව ලියන්න හිතුනා.

මේ සිද්ධිය වෙනකොට මම හිටියේ ඉසිපතන විද්‍යාලයේ 10 ව‍සරේ. මම පාසලේ බ්‍රයිට් පොරක් නම් නෙවෙයි. යන්තන් වාර විභාගේ ගොඩ යනව විතරයි. කවර දාවත්ම ගෙදරදි පාඩම් වැඩැක් කියල දෙයක් කරන්නේ නෑ. ඕලෙවෙල් ලඟ වුනත් ඒක එච්චර ලොකුවට හිතුවෙ නෑ. කොහොම හරි ඒලෙවල් කරන්න ගොඩ ගියොත් ඇති කියලා තමයි හිතන් හටියේ. එකදු උපකාර පංතියකට වත් ගියේ නෑ. ඕන කමක් තිබුනෙත් නෑ. 10 ශ්‍රේණියේ මැදක ඉඳන් ගණිතයට තියන ආසවට හා දහම් පාසලේ යළුවො සෙට්එක කියපු නිසා උපකාරක පංතියට ගියා.

‍කුඩා කාලේ ඉඳන් මගේ ප්‍රියතමත විෂය තමයි විද්‍යාව සහ ගණිතය. විද්‍යාවට කොච්චර ආසද කියනවනම්. 11 වසර දක්වා විද්‍යාව සඳහා ලැබන මුද්‍රිත පොත් සියල්ල 8 වසරේදිම කියවල හමාරයි. ඒත් ඉතින් පංතියේ විද්‍යාව පාඩම යනකොට මම දන්න දේවල්ම කියවන නිසා පො‍රක් වෙන්න කියලා මම උත්ත‍ර දෙන්න යන්නේ නෑ. කරබාගෙන ඉන්නවා. සාමන්යෙන් විද්‍යාවට වුනත් මම වැඩි ලකුණු ප්‍රමාණයක් ගන්න කෙනක් නෙමෙයි. මොකද විභාගෙට කියලා ලොකුවට හිතන්නේ නැති නිසා ඔහේ විභාගෙට ගිහින් ලියල එනවා. සමහර දවස්වලට විභගෙ ඉක්මනට ලියපු අයට කලින් ගෙදර යන්නත් දෙනවා. විභාගය කියලා නෑ පට පට ගාල මොනවහරි ලියලා ගෙදර දුවනවා. ඒක නිසා කොහොමටත් මාව පංතිය තුල වැඩි කැපී පෙනීමකට ලක්වුනේ නෑ. මට එහම කරන්න ඕන කමක් තිබුනෙත් නෑ.

ඔන්න ඉතින් 10 වසර අවසාන වාර පරීක්ෂණය දවස් අවා. විද්‍යාව පේපර් එකත් අවා. ඒකටත් දන්න දන්න විදයට උත්තර ලීවා. එච්චරයි. පංතියේ හැම ළමයෙක්ම වගේ මේ පාර විද්‍යාව පේපර් එක අමාරුයි කියනවා. මටනම් ඉතින් එච්චර ගානක් නෑ. විභාගෙ ඉවර වෙලා වුනත් කොයි වෙලාවෙත් බලන්නේ ගයාන් එක්ක(පංතියේ සිටි මිතුරෙක්ක) චෙස් ගේමක් ගහන්න. කොහොමටත් මට ගයාන්ව පරද්දන්න හම්බු වෙන්නේ ඉඳල හිටල තමයි.

දැන් විභාහගයත් ඉවරයි. පංති වල ඉගැන්වීම් කටයුතු කලේ නැතත් ඉස්කෝලේ එනවා. මොකද ගෙදර හිටියා කියලා තනියෙන් චෙස් ගේමක් වත් ගහන්න පුළුවනෑ. දැන් ඉතින් ගුරුවරු උත්තර පත්ත්‍ර බලනවා. අපිට ආරංචියක් ආව විද්‍යාව බාර සිල්වියා ගුරුතුමියත් ඔන්න දැන් උත්තර බලනවා කියලා. කට්ටි කියනවා මේපාර විද්‍යාවටනම් ලකුණු ‍අඩු ඇති කියලා. මම ගයාන්ට කිව්වා මට නම් අඩුම තරමේ ලකුණු 80ක් වත් ඇති කියලා. මිනිහත් එච්චරම ගණන් ගත්තේ නෑ. පංතියේ සෙට් එකම ගියා ඔන්න ලකුණු බලා ගන්න.

කවුද සමීර කියන්නේ. මිස් මම දසුන් සමීර. ආ ඔයාද? ඔයා විද්‍යාවට ක්ලාස් යනව ද? නෑ මිස්. ඔයාගේ කවුරු හරි නැදෑයෙක් ඉන්නවද විද්‍යාව උගන්නවන? නෑ මිස් එහම කෙනෙක් නෑ. ඔයාට කොහොම හරි විභාගෙට කලින් උත්තර පත්තරේ ලැබිල තියෙනවා. ඔයා ගේ උත්තර හරියටම උත්තර පත්තරේ උත්තර වලට සමානයි. මේ බලන්න උතතර පත්තරේ ලියල තියනවා B හී දීප්තිය වැඩියි. ඔයාගේ උත්තරේ B හී දීප්තිය වැඩියි. මේවගේ සමාන ඒවා ‍ගොඩක් ඔයාගේ උත්තර වල තියනවා. අනිත් එක මේ පාඩම අපි කරලත් නෑ. ඔයා ක්ලාස් යන්නේ නැතිනම් කියල දුන්නේ නැති දේවල් දන්නේ කො‍හොමද? අනිත් එක මේ සෙක්ෂන් එකේම දක්ෂම ළමයි පවා මේ ප්‍රශ්ණ පත්තරේට අඩු ලකුණු අරන් තියන්නේ. ඔයාට ලකුණු 84ක් තියනවා. මේ වෙනකොට ඇය පංතියක උගන්වමින් හිටියේ ඒ 8 වසර හෝ 7 වසර මල්ලිලා කට්ටියකට. ළමයි මේ බලන්න මේ අයියා හොරෙක්. එයාට විභාගෙට කලින් පිළිතුරු පත්තරේ ලැබිලා. ඔ‍යගෙල්ලෝ මේ වැගේ වැඩ කරන්න ‍එපා. වරදක් කලොත් කවද හරි අහුවෙනවා.

මට කිසිවක් සිතා ගත නොහැකි විය. මම නිරුත්තර විමි. මගේ මුවින් කිසිදු වචනයක් පිට කල නොහැකි තත්වයකයි මම හිටියේ. උ‍ගුරේ යමක් හිර වලො වගේ කියලා මට දැනුනා. මට ඔයාට මීට වඩා දෙයක් කරන්න පුළුවන් ඒත් මම එහෙම කරන්නේ නෑ. මම ඔයාට ගත්ත ලකුණු ඒ විදයටම දෙනවා. ඊට පස්සේ මොනව වුනාද කිලා මට තාම මතක නෑ. ඇයි මම කට වහන් හිටියේ මට තිබුනේ එවෙලෙම අහන ඕන ප්‍රශ්ණයක්ට උත්තර දෙනවා කියලා කියන්න. නැතිනම් මුළු පේපර් එකම අයිත් එතන ඉඳන් කරල දීල එන්න. ඔය වගේ ගොඩක් දේවල් මගේ ඔළුවට ආවා. කොහොම වුනත් ගයාන් සහ මම ලඟින් ඇසුරු කරපු ළමයි කීපදෙනක් මගේ පැත්තේ හිටියා. එත් මුළු සෙක්ෂන් එකේම වගේ මේ ආරංචිය පැතිර ගිහින් තිබුනා. සමහර අය මගෙන් ඇවිත් අහනවා උඹ කොපි කරන්න ගිහින් මාට්ටු වුනා නේද කියලා. මම හිනා වෙනවා. වෙන මොනව කියන්නද?

මම මේ ගැන ඉලෙක්ට්‍රොන්කි පංතියේ ගුරුවරයාට දැන්වුවා. මමත් ඔහුට කිව්වේ කොහොමද මගේ උත්තර උතත්ර පත්‍රයේ උත්තර වලට සමාන වුනේ කියලා මටත් හිතා ගන්න බැහැ කියලා. ඔහු දුන් උත්තරය මට ඉතා සැනසිලි දායක එකක් විය. ඔයා ගිහින් කියන්න මිස්ට අපි යමක් හරියට ඉගන ගත්තානම් තියන්න පුළුවන් එක උත්තරය යි. එක නිසා උත්තර පත්‍රය වෙනින් උත්තරයක් තිබුනොත් තමා ගැටළුව කියලා. අනිත් එක මම සාමාන්‍ය යෙන් උත්තර ලියනකොට මට පුළුවන් ආකාරයෙන් ඒක කියන්න තියන කෙටිම සහ හොඳම ක්‍රයට තමයි ලියන්නේ. ඉතින් උත්තර පත්‍රයත් එහෙම එකක් වෙන්න එපෑයි. මටම හිතුනා.

ඊලඟ දවසේ මම විවේක කාලයේ පිට්ටනියේ තනිව ඇවිදමින් සිටියා. විවේක කා‍ලයේ පිට්ටනියේ තනිව ඇවි‍දීමේ පුරුද්දක් මට 3 ව‍සරේ ඉඳන් තිබුනා. ඔන්න එතකොටම මල්ලි කෙනෙක් ඇවිත් තවත් මල්ලි කෙනක්ව පෙන්නමින් “අයියේ මෙන්න මෙයා ඔයාටත් වඩා ‍‍ලොකු හොරෙක්” කියලා මට පෙන්නුවා. මා මුව කොනින් සිනා සී ඔහු දෙන බලුවා. එදා ගුරුතුමිය උග්නවමින් සිටි පංතියේ සිසුවෙකු විය යුතුයි.

ඊලඟ වාරය උදාවිය. දැන් මට අභියෝගයක් ඇත. ඒ මම නිකමෙකු නොවන බව සිල්වියා මිස්ට ඒත්තු ගැන්වීමයි. ඊට ඇති ‍හොඳම අවස්තාව ඊලඟ වාර විභාගය බව මම හොඳටම දනී. ගැටළුව විසඳුම හා මාර්ගය සියල් පැහැදිලිය. දැන් ඇත්තේ ක්‍රියාත්මක වීම පමණයි. එදා සිට මට විද්‍යාව පොතේ පිටුවක් නෑර මතකය. මූද්‍රණ දෝෂ පවා මතකය. පිටුව අංකය පවා ‍හොඳින් මතකය. නමුත් පංතියේ දී සාමාන්‍ය ලෙස හැසිරෙමින් අන්තිමට ගේම ගහන්න හිතා ගත්තා. කොහොමින් කොහොම හරි කාලයත් ගෙවී ගියා. වසර මැද වාර විභාගය පත්‍රිකාව සාදන්නේ එම ගුරුතුමිය මයි. නියමයි. ‍මේ වතාවේ ‍උත්තර පත්‍රය ගන්නවනම් ඉතින් සිල්වියා මිස් ගෙන්ම ගන්න එපැයි. ;)

විභාග දිනයද ලඟාවිය. මට ෆුල් හැපි. පිළිතුරුද ලියා ලකුණුද ලැබෙන දින ලඟාවිය. ඔන්න දැන් සිල්වියා ගුරුතුමිය නම සහ ලකුණු කියමින් පිළිතුර පත්‍ර ලබ‍ දෙනවා. ඒ අතර පංතියේ ලමයෙකුගේ නමක් කියා ඔහුට ලකුණු 94ක් ලැබී ඇති බව පැවසුවා. ඔයාට තමයිස්ට් මාර්ක් තියෙන්නේ. අයියෝ මගේ සිහිනය කඩා වැටුනා. දැන්නම් ඉතින් ඉඳල හමාරයි ලකුණු කීයක් ගත්තත් වැඩැක් නෑ. ඔය අතරේ දසුන් සමීර කියන නමද ඇසුනා. මමත් ගියා, ලකුණු ගැන සඳහනක් නොකර ඇය ‍මගේ අතට පළිතුරු පත්‍රය ලබා දුන්නා. ලකුණු 94යි . අහ් මම හයස්ට්‍ නෙමෙයි වුනාට හයස්ට් ගත්ත එක්කෙනාට සමාන ලකුණු අරන් තියෙනවා.

මම හොරෙක්ය කියන ප්‍රවෘතිය තරම් මේ ප්‍රවෘතිය ජනප්‍රිය වුනේ නෑ. කොහොම වුනත් මේ සිද්ධිය නිසා කිසිදු අරමුනකින් තොරව සිටිමට අරමුනක් ලැබුනා. සමහර විට මේ සිද්ධිය නොවන්නට මගේ ජීවිත කථාව මීට ගොඩක් වෙනස් වෙනන් තිබුනා. ඒ වෙලාවේ කොච්චර දුක හිතුනත් ඒ සිද්ධි ‍මගේ මුළු ජී‍වතේටම ආශිර්වාදයක් වුනා.

ඔන්න දැන් අවසාන වාර විභාගයත් අවසන්ව O/L සඳහා මුහුන දීමට පෙර පාසල් යන අවසන් දියනද උදා වුනා. විෂය භාර ගුරුවරු ගාවට එක්කගෙන යන්න ඕනා. විද්‍යාව භාර ගුරුතුමිය ගාවටත් ‍ඔන්න මං අපේ තාත්තාව එක්කරගෙන ගියා. ඈතදීම මා සහ පියා දුටු ඈ. ෂුවර් ඒකටම A එකක්. කථා කරන්න දෙයක් නෑ මට හොඳටම ෂුවර් මෙයා A එකක් ගන්නවා කියලා.

FOSS වලින් වෛරස්

2008-11-14T23:13:00.002+05:30

FOSS මෘදුකංග සමග ඔබ ‍පරිගණකයට වෛරස.

Ref:
http://ethalaya.com/slt.html
සයිබර් සොරුන්ගෙන් ආරක්ෂා වෙමු කියන අනු මාතෘකාව යටතේ
උපුටා දැකවීම.
-----------------------------------
ඔහු තවදුරටත් පැවසුවේ, නොමිලේ ඉන්ටර්නෙට් තුළින් ලබාගත හැකි මෘදුකාංග (free and open source software) බා ගැනීමේදී ප්‍රවේශම් විය යුතු බවය. එසේ ලබාගත හැකි ඇතැම් මෘදුකාංග සමග අනවශ්‍ය හා හානිකර දෑ තම පරිගණකයට ඇතුළු වීමේ අවස්ථාවක් ද ඇත.
-----------------------------------
උපුටා දැක්වීම අවසන්.

මේක දැක්කම මට හිතා ගන්න බැරුව ගියා මොනාද මේ කියන්නේ කියලා. නිකමට වගේ අන්තර්ජාලයේ සිංහලයා(www.ethalaya.com) අඩවියේ සැරි සරන විට දුවුව කරුණක්. බොහෝ දුරට මේක පරිවර්තන දොෂයක් විය හැකියි. නමුත් නම ගිය මාධ්‍ය ආයතනයක් ලෙස මීට වඩා වගකීමකින් කටයුතු කරන්න ඕන කියල තමයි කියන්න තියෙන්නේ. කොහොම වුනත් මේ ආයතනය නමගිය ග්රේට් මිස්ටේක් ගණනාවකටම වැරදිකාරයෝ වෙලා තියෙන බව තතු දත්තෝ දනිති.

කොහෙම වුනත් ජෙෆ් ෆොක්ස් ඇත්තටම මේවගේ දෙයක් කිව්වද කියලා මටත් ෂුවර් නෑ. හරියටම දන්න කේනෙක් ඉන්නවනම් දන්වන්න.