Cable சங்கர்

சா…பூ… த்ரீ…- திரை விமர்சனம்

2009-11-07T00:30:00.003+05:30

பதிவர் சந்திப்பு தள்ளிவைப்பு
பெருமழை காரணமாய் சென்னை முழுவதும் தண்ணீர் சூழ்ந்திருபப்தாலும் இன்றைக்கு நடக்க விருந்த பதிவர் சந்திப்பு தள்ளி வைக்கப்படுகிறது..
அது என்ன மாயமோ.. தெரியலை.. பதிவர் சந்திப்பு நடத்துறோம்னு தெரிஞ்சாலே மழை பிச்சிட்டு கொட்டுது.

உங்கள் ஊரில் மழையில்லையா..? பதிவர் சந்திப்பு நடத்த எங்களை அணுகவும்..:)
அடுத்த பதிவர் சந்திப்பை பற்றிய அறிவிப்பு மீண்டும் அறிவிக்கபடும்..

நன்றி.. நன்றி... நன்றி..
**************************************************************************************

காதல் திருமணம் செய்து, இருவருக்கும் இடையே இடைவெளி ஏற்பட்டு அதனால் வெறுமையின் உச்சத்தில் இருக்கும் தம்பதிகள், ஒரு பெண்ணை காதலிப்பதுதான் முக்கிய விஷயமாய் நினைத்து அலைந்து, தனக்கு எது வேண்டும், அல்லது வேண்டாம் என்று முடிவெடுக்க முடியாத ஒரு இளைஞன், பிகர்களைவிட ஆண்டிகளிடம் மனதை பறிகொடுக்கும், காலேஜ் பையன் பால் இப்படி ஒரே காலனியில் வேறு வேறு ப்ளாட்டுகளில் வசிக்கும் மூவரை பற்றிய படம்.

படத்தில் இண்ட்ரஸ்டாய் சொல்ல முயற்சி செய்து வெற்றி பெற்ற கேரக்டர், பால் எனும் பழனியப்பன் என்கிற ஆண்டிகளை சைட் அடிக்கும் கேரக்டர். நல்லா ரீச் ஆகியிருக்கு. மிக இயல்பான நடித்திருக்கிறார். ரியாக்‌ஷன்களை உடனக்குடன் கொடுத்து சிரிப்பை வரவழைக்கிறார்.

அதே போல் பிரஜன் ஜோடிக்கான பிரச்சனை. இருவ்ருக்குமிடையே ஆன வெறுமையை இன்னும் நன்றாக சொல்லியிருக்கலாம். ரொம்பவும் ஆங்கில பட தாக்கத்தினால் பட்டும் படாமல் காட்சியமைத்திருந்ததால் பெரிதாய் பாதிப்பு ஏற்படுத்த தவறிவிட்டார். இயக்குனர்.

பிண்ண்னி பாடகி உஜ்ஜெயினி பால் காதலிக்கும் ஆண்டியாய் வருகிறார். நல்லா…… இருக்கிறார்.

படத்தின் முக்கிய கதையான கதாநாயகனின் காதல் கதை ரொம்ப குழப்பமாகிவிட்டது. ஏற்கனவே ஒரு பெண்ணை காதலித்துவிட்டு, தேவையில்லாமல் வீட்டில் பார்த்த பெண்ணை திருமணம் செய்ய முடியாது என்று சொல்லிவிட்டு, அவளை நண்பியாய் ஏற்று கொள்வது கூட ஏற்றுக் கொள்ளலாம். ஆனால் கதையில் இந்த பெண்ணை அவன் காதலிக்க வேண்டியிருப்பதால் கதையும் அதற்காக வளைத்து இலக்கில்லாத காட்சியமைப்புகளால் சொதப்பி விட்டார்கள்.

படம் நெடுக, டபுள் மீனிங் இல்லை ஸ்ட்ரெயிட் மீனீங்கிலேயே வசனங்களும், காட்சிக்ளூம் வருகிறது. பட் ஒன்றும் தப்பாக படவில்லை. அதிலும் பால் வீட்டில் பழைய ஜெயமாலினி பாடலை பார்த்தபடி, திரும்பிக் கொண்டு ஷூக்கு பாலீஷ் போட்டுக் கொண்டுடிருக்க, பின்னாலிருந்து பார்க்கும் ஒரு பெண் அவன் சுயமைதுனம் செய்து கொண்டிருப்பதாய் நினைத்து பார்க்கும் போதெல்லாம் சிரிப்பதும், உச்சயினியை கரெக்ட் செய்ய, பிரியா வீட்டிற்கு வந்து மொட்டை மாடியிலிருந்து, எட்டிப் பார்க்கும் போது, ப்ரியா அவன் தன்னுடன் தனியாய் இருக்கத்தான் மாடிக்கு வந்தான் என்று நினைத்து கொண்டு, லொட, லொடவென பேசுவதும்.. என்று இவரின் காட்சிகள் இண்ட்ரஸ்டாக போகிறது. படத்தின் இயக்குனரே இந்த கேரக்டரை எடுத்திருப்பதினால் எக்ஸ்ட்ரா கவனத்துடன் இருக்கிறது.

கதாநாயகிகள் அபப்டி ஒன்றும் சொல்லிக் கொள்கிறார் போல இல்லை.. மற்ற நடிகர்களும்./

டிஜிட்டல் கேமராவில் படம் பிடிக்கபட்ட இந்த படத்தில் எல்.சஞ்செயின் ஒளிப்பதிவு கச்சிதம். பாடல்கள் பெரிசாய் இம்பாக்ட் ஆகவில்லை. இம்மாதிரியான படங்களில் வசனங்கள் மிக முக்கியமான இடத்தை பிடிக்க வேண்டும், அது இதில் மிஸ்ஸிங். அதனாலேயே பல இடங்களில் தொய்வு ஏற்படுத்துகிறது.
பதினெட்டு வயது பையன், முப்பது வயது பெண்ணை காதலிக்கிறான், இருபத்தியைந்து பாலாவுக்கு காதலியுடன் பிரச்சனை, பிரஜனுக்கும் ஜோவுக்கு மணவாழ்க்கை விரிசல்.. இப்படி மூன்று பக்கமும் போகிற திரைக்கதை. ரொம்ப இண்ட்ரஸ்டாய் சொல்லியிருக்க வேண்டிய படம். கொஞ்சம் அமெச்சூர் தனமான திரைக்கதையாலும், நடிப்பாலும் இறங்கிவிட்டது. என்றே சொலல் வேண்டும்.

சா… பூ.. த்ரீ…- என்ன்னனு சொல்லலாம்..????

Technorati Tags: திரை விமர்சனம்,சா.. பூ.. த்ரீ..,tamil film reveiw

உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..

சினிமா வியாபாரம் -11

2009-11-06T09:09:00.003+05:30

இப்போது தமிழில் பெயர் வைத்திருக்கும் படத்திற்கு வரி கிடையாது என்பதால் வரும் பணத்தை அப்படியே பிரித்து கொள்கிறார்கள். இதற்கு முன்னால் இவர்கள் ஒப்பந்தம் போடும் போது கிராஸில் 60-40, அல்லது நெட்டில் 60-40 என்று போட்டு கொள்வார்கள்.

அதென்ன க்ராஸ் என்றால் டாக்ஸுடன் வரும் தொகை (Gross Amount). வரி போக வரும் தொகை நெட்(Net amount). என்று சொல்வார்கள். விநியோகஸ்தரை பொருத்தவரை க்ராஸில் பிரித்தால் அவர்களுக்கு லாபம், அதே சமயம் தியேட்டர்காரர்களுக்கு நெட்டில் பிரித்தால் இரண்டு லாபம், ஒவ்வொரு டிக்கெட் விலையிலும், வரியை கழித்துவிட்டு மீதம் வசூல் ஆகும் தொகையில் அவருடய எம்.ஜி பணத்தை கழிக்கலாம். வரியை பிடித்தால் எப்படி அவருக்கு இரட்டை லாபம் என்று கேட்பவர்களுக்கு, வரியை ஏய்க்கும் தியேட்டர்காரர்களின் தில்லு முல்லுகளை பின்னால் வரும் அத்யாயங்களில் பார்ப்போம்.

அட்வான்ஸ்(முன்பணம்)

ஒரு படத்திற்கு எம்.ஜிக்கு பதிலாய் ஒரு குறிப்பிட்ட தொகை அதாவது அதே ஐந்து லட்சம் என்று வைத்து கொண்டால். மேற்குறிப்பிட்ட அதே சதவிகித அடிப்படையே ஒப்பந்தத்தில் இருக்கும். ஆனால் வசூல் ஆகும் விநியோகஸ்தர் பங்கில், தியேட்டர்காரர்கள் கொடுத்திருக்கும் ஐந்து லட்சம் வசூல் ஆனபிறகு மேல் வசூல் ஆகும் பணத்தை எம்.ஜிக்கு எவ்வாறு பங்கு பிரித்து கொண்டார்களோ அதே முறையில் பரித்து கொள்வார்கள்.

ஒரு வேளை விநியோகஸ்தருக்கு கொடுத்த ஐந்து லட்சம் வசூல் ஆகவில்லை என்று வைத்து கொள்ளுங்கள் தியேட்டர்காரர்களுக்கு ஏதும் பிரச்சனையில்லை. அவர்கள் கொடுத்த ஐந்து லட்சத்தில் எவ்வளவு வசூல் ஆகியிருக்கிறதோ, அது போக மீதம் உள்ள பணத்தை விநியோகஸ்தர் திரும்ப கொடுக்க வேண்டும். இதனால் தியேட்டர் அதிபர்கள் லாபம் அடைவார்கள். ஆனால் இந்த மாதிரியான ஒப்பந்தங்கள் எல்லாம் வழக்கமாய் விநியோக துறையில் பேர் பெற்ற கம்பெனியாக இருந்தால்தான். ஏனென்றால் பணத்தை திரும்ப கொடுக்கும் கம்பெனி என்றால்தான் அட்வான்ஸ் கொடுப்பார்கள், அப்படியில்லாத கம்பெனியில் பணத்தை கொடுத்துவிட்டு மீத பணத்தை வாங்க அலையும் தியேட்டர் அதிபர்கள் நிறைய. அதனால் தான் பெரிய விநியோகஸ்தர்கள் படமாய் இல்லாவிட்டால் இந்த ஒப்பந்ததிற்கு தியேட்ட்ர்காரர்கள் ஒப்பு கொள்ள மாட்டார்கள். ஆவரேஜ் நடிகர்கள், இயக்குனர்கள் பங்கு பெற்ற படங்களுக்கும், எந்த படத்தை போட்டாலும் மற்ற தியேட்டர்களை விட அதிக வசூலை கொடுக்கும் தியேட்டர்களுக்கு தான் இந்த முறை.

மிக சிறிய படங்களுக்கு ஐந்து லட்சம் போன்ற பணம் இல்லாமல அந்த தியேட்டருக்கான பிரிண்ட் செலவை மட்டும் வாங்கிக் கொண்டு வெளியிடப்படும் படங்களும் உண்டு. பங்கு எல்லாம் அதே விதிமுறைகள் தான்.

டெர்ம்ஸ் (Terms)

இந்த முறையில் படங்களை தங்களது தியேட்டர்களில் வெளீயிடுவதற்கு எந்த விதமான எம்.ஜி.யோ, அட்வான்ஸோ இல்லாமல் நீ உன் படத்தை என் தியேட்டரில் வெளியீட்டுக்கொள், வருவதை பிரித்து கொள்ளலாம் என்ற ஒப்பந்தத்தில் வெளியிடுவது. பெரும்பாலும் சிறிய படங்களுக்கான நிலைமை இதுதான். பல சிறு படங்கள் விநியோகஸ்தர் கூட இல்லாமல் தயாரிப்பாளரே நேரடியாய் வெளியிடும் படங்களுக்கு இந்த முறையில் தான் ஒப்பந்தம் போடுவார்கள் தியேட்டர்காரர்கள்.. யாருக்கும் பிரச்சனையில்லாத ஒரு முறை.. சில சமயங்களில் தியேட்டர்காரர்கள் தயாரிப்பாளருக்கோ, விநியோகஸ்தருக்கோ, அவர்களுடய பங்கை ஒழுங்காய் தராதவர்களும் உண்டு.

வாடகைக்கு (Hire)

படத்தின் ஒரு பிரதியை மொத்தமாய் வாடகைக்கு எடுத்து கொள்வது. அதாவது படத்தின் ஒரு பிரதியை ஏதாவது ஒரு தியேட்டரில் ஓட்டி வசூல் செய்வது வரைக்கும் தான். பெரும்பாலும் இம்மாதிரியான் ஒப்பந்தம் ரிலீஸுக்கு பிறகு சில எதிர்பார்காமல் ஒடும் படஙகளை கொஞ்சம் முன்னமே போய் தியேட்டர்காரர்களே ஹையருக்கு பேசி.. முடித்து தங்களது தியேட்டரில் வெளியிடுவார்கள். சுமாராய் ஒரு 2 லட்சத்திற்கு வாடகைக்கு எடுக்கப்பட்டு வெளியிடப்படும் படம் எவ்வளவு வசூல் செய்தாலும் அது அந்த தியேட்ட்ர் அதிபருக்கே. அதே போல் வரவில்லை என்றாலும் அவருக்கே.. பல சமயங்களில் தியேட்டர் அதிபர்களுக்கு லக்கியாய் அமைவது இம்மாதிரியான ஒப்பந்தங்கள்தான்.

பல சமயங்களில் புதிதாய் திரைப்பட விநியோகத்தில் நுழையும் புதியவர்கள் இந்த முறையில் தங்களுக்கு தெரிந்த தியேட்டரில் முதல், முதலாய் ஏதாவது ஒரு படத்தை போட்டு வியாபாரம் பழகுவது இந்த முறையில் தான்.

மல்டி ப்ளெக்ஸ் எனப்படும் தியேட்ட்ர்களை பற்றியும், அவர்களது ஒப்பந்தஙக்ளை பற்றியும் பின்னால் பார்க்கலாம்.

விநியோகஸ்தர்/தியேட்டர் வசூல் கணக்கெடுப்பு

என்னதான் ஒப்பந்தம் போட்டாலும் தியேட்டரில் எவ்வளவு டிக்கெட், எந்த எந்த காட்சிக்கு, எவ்வளவு ரூபாய் சீட்டு என்று புள்ளிவிவரம் இருந்தால் தானே கணக்கெடுக்க முடியும். அதனால் விநியோகஸ்தர்கள் என்ன செய்வார்கள் என்றால் ஒவ்வொரு ப்ரிண்ட் வெளியிடப்படும் தியேட்டருக்கும் ஒரு ரெப்ரசெண்டேட்டிவ் ஒருவரை கூடவே அனுப்புவார். அவருக்கு ஒரு நாளைக்கு 100 ரூபாய் சம்பளம். அதை தவிர படம் ஓடும் நாள் வரை அவர் அந்த தியேட்டரிலேயே தங்கிக் கொள்ளவும் செய்வார். அல்லது சில பெரிய கம்பெனிகள பக்கத்தில் எதாவது சின்ன லாட்ஜுகளில் தங்க ஏற்பாடும் செய்வது உண்டு.

அவருடய பணி என்னவென்றால் தினமும் காட்சிக்கான டிக்கெட் கொடுக்கும் முன் டிக்கெட்டின் ஆரம்ப நம்பரை குறித்து வைத்து கொள்வார். காட்சிக்கான டிக்கெட் கொடுத்து முடிந்ததும் டிக்கெட்டின் கடைசி நம்பரை குறித்து கொண்டு ஐம்பது ரூபாய் டிக்கெட் இந்த நம்பரிலிருந்து இந்த நம்பர் வரை, நாற்பது ரூபாய் டிக்கெட் இதிலிருந்து இதுவரை என்று எத்தனை டிக்கெட் போயிருக்கிறது என்று எழுதி வைத்து கொண்டு, தியேட்டரிலிருந்தே விநியோகஸ்தருக்கு தொலைபேசி தெரிவிப்பார்.

அதை தவிர தியேட்டர் மேனேஜர், டி.சி.ஆர். எனப்படும் டெய்லி கலெக்‌ஷன் ரிப்போர்ட் என்று ஒரு ரிப்போர்ட்டை அந்த தியேட்டரின் மேனேஜர் தயார் செய்து ஒவ்வொரு வாரமும் தருவார்.. அதுவும், ரெப் கொடுக்கும் ரிப்போர்டும் ஒத்து போக வேண்டும். 99 சதவிகிதம் ஒத்து போகும். அதை வைத்துதான் தினமும் ஆகும் க்ராஸ் கலெக்‌ஷன் இவ்வளவு, டாக்ஸ் போக நெட் இவ்வளவு என்று கணக்கெடுப்பார்கள்.

சில சமயங்களில் இந்த ரெப்புகளும், தியேட்டர் ஊழியர்களும் கைக்குள் கை போட்டுக் கொண்டு, தியேட்டர் டிக்கெட் கணக்குகளில் தில்லாலங்கடி செய்வதும் உண்டு. இம்மாதிரியான சமயங்களில் சில விநியோகஸ்தர்கள் திடீர் செக்கப் செய்வதும் உண்டு. அந்த செக்கப்பில் மாட்டி கொள்ளும் விஷயங்களும் நடந்துதிருக்கிறது. எவ்வாறு அப்படி திருடுவார்கள் என்றால் டிக்கெட்டை கொடுக்காமல் கூப்பனை கொடுத்து உள்ளே விடுவது, அல்லது, எதுவுமே இல்லாமல் ஆட்களை உள்ளே அனுமதிப்பது போன்ற செயல்களால் இது சாத்தியப்படும். கூப்பன் என்றால் எந்த விதமான அனுமதி கட்டண விஷயங்களும் பிரிண்ட் செய்யப் படாது இருக்கும் அனுமதி சீட்டு. தியேட்டர்களில் ஒரிஜினல் டிக்கெட்டுக்கு பதிலாய் இதை கொடுத்து தான் வரி ஏய்ப்பு செய்வார்கள். அரசுக்கு இவர்கள் வரி ஏய்ப்பு செய்தாலும் விநியோகஸ்தர்களுக்கு நேர்மையாய் உள்ள தியேட்டர்களுக்கு மிகுந்த மரியாதை உண்டு..

Technorati Tags: சினிமா வியாபாரம்,தொடர்,Cinema Business

டிஸ்கி: மேலே சொன்ன டெக்னிக்கல் விஷயங்கள் புரிபடவில்லையென்றால் தயவு செய்து பின்னூட்டங்களில் தெரிய படுத்தவும். மேலும் தெளிவாக விவரிக்க முயற்சிக்கிறேன்.

உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..

நிதர்சன கதைகள் –13- காமம் கொல்

2009-11-05T09:52:00.004+05:30

அடித்து பிடித்து எழுந்தேன். மணி ஆறு ஆகியிருந்தது. எழுந்த வேகத்தில் பக்கத்தில் படுத்திருந்த கேட்டியை உலுக்கி..” ஏய்.. கேட்டி.. கேட்டி.. வேக் அப்” என்று திரும்ப, திரும்ப உலுக்க, கேட்டி மிகுந்த அயர்ச்சியுடன் எழ, உடலில் பொட்டு துணி கூட இல்லாமல் ஷாம்பெயின் மார்பகத்துடன் நின்று..

”வாட்ஸப்.. விசு.. ஏன் இப்படி அதிகாலையில் எழுப்புகிறாய். ஐயாம் டாம் டயர்ட்.. நேற்று நீ ரொம்பவே வேகம்.. நாளை என்பதே இல்லை என்பதை போல..:” என்று தூக்க கலக்கத்தில் அவள் கையை ஆட்டி, ஆட்டி பேசும் போது, லேசாய் அதிர்ந்த மார்பகங்களை பார்க்க, பார்க்க உடல் வெப்பமானது. ஆனால் அதற்கெல்லாம் நேரமில்லை.

“என்னை பொருத்த வரை இன்னும் 15 நாளுக்கு நாளை என்பது இல்லை தான். கமான் குவிக்.. நான் உடனே எர்போர்ட் போகவேண்டும்,” என்று சொல்லிக் கொண்டே நிர்வாணமாய் எழுந்து சரக்கென்று என்னுடய ஜாக்கியை தேடி இழுத்து விட்டுக் கொண்டே ஜீன்ஸை மாட்டிக் கொண்டு, “கேட்டி ஹனி.. ஒரு உதவி.. இங்கேயிருக்கும் பியர் பாட்டிலகளையும், காண்டம் குப்பைகளையும், எடுத்து வெளியே எறிந்துவிட்டு, பார்த்தால் ஒரு கன்னி கழியாத இந்திய பாச்சுலர் அறை போல மாற்றி விட்டு போகிறாயா.? ஐ காட் எ விசிட்டர் ப்ரம் இண்டியா.. ? ஹோலி மேன் என்று அவளை இறுக அணைத்து முத்தமிட்டுவிட்டு “ மறக்காமல் உடை மாட்டி கிளம்பு”

“நிச்சயம்.. போன முறை போல் நடக்காது.. பை டேக் கேர்..” அவள் வழியனுப்ப பை சொன்ன நேரத்தில் என்னுடய கார் ஹைவேயில் வழுக்கிக் கொண்டிருந்தது.

பதினைந்து நாள சைவ சமய சொற்பொழி செய்ய ஆதீனம் அமெரிக்கா வருவதாகவும், அவரை வீட்டில் தங்க வைத்து மரியாதை செய்து அனுப்பும் படி அப்பா உத்தரவு. கிராமத்து கோயில் பூசாரியான அப்பாவுக்கு குல சாமியே ஆதீனம்தான். ஆனால் அவர் இது வரை ஆதினத்தின் மடத்தின் வாசல் வரை தான் அனுமதிக்கபட்டிருக்கிறார். அப்பாவே நெருங்க முடியாத ஆதீனம் இன்று முதல் தன்னோடு இருக்க போவதை நினைத்து, உள்ளுக்குள்ளே சிரித்துக் கொண்டேன்.

வீட்டில் என்னை இன்னமும் அதே தேவாரம், திருவாசகம் படித்தவனாகவே பாவிக்க, நடித்து கொண்டிருப்பது ஒரு ஓரத்தில் குற்ற உணர்வு மேலோங்கினாலும், அமெரிக்காவின் விஸ்தீரணமும், அதன் கவர்ச்சியின் ஆக்கிரமிப்பும், என்னை விழுங்கி வருடங்களாகிவிட்ட நிலையில் பணமும் அது தரும் போதையும், சுகமும் பழகிவிட்டது.

ஏர்போர்ட் சேர எட்டு மணியாகிவிட்டது. பார்க்கிங் தேடி காரை வைத்துவிட்டு, உள்ளே போகவும், காவி வேட்டி ஆதீனம் வரவும் சரியாய் இருக்க, அமெரிக்க வழக்கப்படி கையை உயர தூக்கி ‘ஹாய்” என்பது போல் சைகை செய்துவிட்டு, சட்டென குழப்பமாகி ஹாய் சொல்வதா.. வணக்கம் சொல்வதா என்று யோசித்திருக்கும் நேரத்தில் ஆதீனம் அருகே வந்து விட சட்டென அறைகுறையாய் காலில் விழுந்தேன்.

வெளியே ஜெர்கினை மீறி குளிர் குத்தியது. வெற்றுடம்பு ஆதினத்துக்காக், எடுத்து வந்திருந்த ஜெர்கினை அவருக்கு கொடுத்து போட சொல்ல.. ஆதீனம் மெதுவாய் சிரித்து “ சிவன் உள்ளிருக்கும் போது குளிர் தெரியாது. இருந்தாலும் கொடு.. உனக்காக..” என்று ஜெர்கினை வாங்கி போடுவதற்கு முன் அதை ஆழ்ந்து முகர்ந்து பார்பதை பார்த்து, “சாமி.. வேறு வழியில்லை என்னுடயது தான் அவசரத்துக்கு வேறு உடனே வாங்க முடியல..” என்றது.. “சேச்சே அதில்லை. நல்ல வாசனை” என்றார். அவர் சிவன் என்று சொன்னதும் வேறு ஞாபகம் வந்தது. ஆம் சிவன் உள்ளிருக்கும் போது குளிர் என்ன எதுவுமே தெரியாதுதான்.

வீட்டிற்குள் அவருக்கான அறையில் எல்லா வசதிகளையும் செய்துவிட்டு, கிளம்ப எத்தனிக்கும் போது சுவாமி :”விசு உனக்கு பெயர் வைத்ததே நான் தான் தெரியுமா.?”

“அப்பா ..சொல்லியிருகார் சாமி”

”உன் அப்பா கஷ்டப்பட்டு உன்னை படிக்க வைத்து, அமெரிக்கா வரை உன்னை அனுப்பி நீ உயர எவ்வளவு கஷ்டபட்டிருக்கிறான் தெரியுமா.?” மீண்டும், மீண்டும் பலர் இதையே சொல்லி என்னை கடுப்பேற்றியிருந்தாலும், வேறு வழியில்லாமல் அமைதியாய் முகத்தை வைத்து கொண்டு கேட்டு கொண்டிருந்தேன்.

“அப்படி கஷ்டபட்டு படித்து அமெரிக்கா வரும் இந்த இளைஞர்கள், பெண் சுகத்துக்கும், போதைக்கும் அடிமையாகி அலைவது மனசுக்கு கஷ்டமாக இருக்கிறது. நீ இன்னும் திருமறை ஓதுறயாமே . அப்பா சொன்னார். தென்னாடுடய சிவன் உன்னை காப்பார்.” என்று ஆசீர்வதிக்க, நான் சிரித்தேன்.

“என்ன விசு சிரிக்கிறாய். ஒரு வேளை அமெரிக்கா உன்னையும் விழுங்கி விட்டதோ.?”

“சேச்சே.. நான் அப்படியில்லை சாமி.. எனக்கு பெண்கள் என்றாலே பிடிக்காது.. நான் உண்டு என் வேலையுண்டு என்று இருப்பவன். ஆண் நண்பர்களிடம் கூட ஒரு சிலரிடம் மட்டுமே நெருக்கமாய் இருப்பவன் என்று சொல்லும் போது கேட்டியின் மார்பகம் ஞாபகம் வர, சாமி என்னை உற்று பார்த்து கொண்டேயிருந்தார்.

“நான் உன்னை சந்தேகபடவில்லை.. காமம் கொடியது, அதிலும் பெண் மயக்கம் வாழ்க்கையையே புரட்டி போட்டு விடும். பட்டினத்தார் பாடியிருக்கிறார் :” எத்தனை பேர் நட்ட குழி, தொட்ட முலை” தெரியுமல்லவா.. என்னையே எடுத்துக் கொள் பத்து வயதில் இளைய பட்டம் கட்டிக் கொண்டேன். இப்போது என் வயது நாற்பது என்றால் நம்புவாயா..?

பார்பதற்கு என்னை விட இளைமையாக்வே இருந்தார். “காமத்தை வென்றதால் தான் இவ்வளவு இளமையாகவும், சுறுசுறுப்பாகவும் இருக்கிறேன்.”

”இவர் பேச, பேச என்னுள் கேட்டிக்களும், லிசாக்களும், அம்மணமாய் ஓட, “சாமி. தவறாய் எடுத்து கொள்ள மாட்டீர்கள் என்றால் ஒன்று கேட்கிறேன். சாமி என்னையே பார்த்து கொண்டிருக்க, “ பத்து வயசில வேண்டுமானால் காமத்தை பற்றி தெரியாமல் இருக்கலாம் ஆனா வாலிப வயசில பெண் வாடையில்லாவிட்டாலும், உங்களுக்குள் எழும் காமத்தை எப்படி அடக்கினீர்கள்?”

என்றதும் மெல்ல என் அருகில் வந்து தோளை தொட்டு அணைத்தபடி, மெல்ல நடந்து, வீட்டின் பால்கனிக்கு அருகே நின்று, என்னையே பார்க்க, பார்வையின் அர்த்தம் புரியாமல் நான் அதை தவிர்க்க, சாமி ஏதோ சொல்ல வாயெடுக்க, குரல் ஒரு மாதிரி பிசிறடிக்க, தொண்டையை கனைத்து கொண்டு

”உன்னை மாதிரியான இளைஞர்களை பார்க்கும்போது எனக்குள் ஒரு எழுச்சி வரும். அவர்களால் ஒரு மகிழ்ச்சி கிடைக்கும் அது போதும்,” என்றபடி மெல்ல அவர் கை என் ஜீன்ஸின் பின்பக்கத்தை தடவ ஆரம்பிக்க, “ரொம்ப குளிராயிருக்குல்ல” என்ற சாமியின் கண்கள் பளபளவென இருந்தது.

Technorati Tags: நிதர்சன கதைகள்

Paranormal Activity –2007

2009-11-03T22:42:00.002+05:30

எவ்வளவோ கோரமான பேய் படங்களை பார்த்திருப்பீர்கள், மிரட்டலான கம்ப்யூட்டர் கிராபிக்ஸில் நம் வயிற்றை கலக்கிய பேய் படங்களை பார்த்திருப்பீர்கள்.. இது எதுவுமே இல்லாமல் தக்குணியூண்டு பட்ஜெட்டில், மிகப் பெரிய டெக்னாலஜி இல்லாமல் நம்மை சைக்கலாஜிகலாய் கதிகலங்க வைக்கும் படம்.

காதல் ஜோடிகள் ஒரு வீட்டிற்கு வருகிறார்கள், அதில் வரும் கதாநாயகிக்கு ஒர் பிரச்சனை, அவளை ஏதோ ஒன்று தன்னுடய எட்டு வயதிலிருந்து தொடர்வதாக ஒரு உணர்வு என்று சொல்ல, அவளுடய காதலன் அப்படி ஏதாவது வந்தால் தான் தொடர்ந்து தான் வாங்கிய புதிய வீடியோ கேமராவில் படமெடுத்து பார்த்துவிடலாம் என்று சொல்ல, படம் ஆரம்பிக்கிறது.

புதுவீட்டில் குடியேறி தினத்திலிருந்து ஒவ்வொரு நாள் இரவும் அவர்களின் தூக்கத்தை கூட தொடர்ந்து கேமராவால் படமெடுக்கிறான். அடுத்த நாள் அதை போட்டு பார்க்கிறார்கள். முதல் மூன்று நாட்களுக்கு ஒன்றுமில்லை. அதன் பிறகு ஒரு நாள் கதவு மட்டும் ஆட, அதிலிருந்து ஆரம்பிக்கிறது நம்முடய அட்ரிலின் பம்பிங். அவர்கள் தூங்குவதை பார்க்கும் போதெல்லாம், எப்போது எது வருமோ என்று நாடி துடிப்பு எகிற, அடுத்தடுத்ததாய் நிகழ்வுகள் நிகழ, நாம் கால்களை எடுத்து மடித்து வைத்துக் கொண்டு படம் பார்த்துக் கொண்டிருப்போம்.

இதற்கு மேலும் படத்தை பற்றி சொன்னால் அது அவ்வளவாக நன்றாக இருக்காது. தயவு செய்து படம் பார்த்து தெரிந்து கொள்ளவும்.

படத்தில் மொத்தமே நான்கு நடிகர்கள் தான். அதிலும் மற்ற இரண்டு பேர் முழுசாய் இரண்டு காட்சிகள் மட்டுமே வருகிறார்கள். இரண்டே நடிகர்களை மட்டும் வைத்து கொண்டு ஒன்ணறை மணி நேரம் சில்லிட வைக்கிறார்கள்.

மிகப்பெரிய டெக்னாலஜி ஏதுமில்லாமல் ஹாண்டிகேமில் ப்டமாக்கப்பட்ட காட்சிகளையும், அவர்களை படமாக்கிய கேமராவின் காட்சிகளையுமே வைத்து மிரட்டி எடுத்திருக்கிறார் இயக்குனர். வெறும் பிசியில் எடிட் செய்யப்பட்ட படமாம்.

அமெரிக்காவில் பெரிதும் எதிர்பார்க்கப்பட்ட SawVI விட இரண்டு வாரங்களாய் முதலிடத்தில் தக்க வைத்து கொண்டு, சுமார் 65 மில்லியன் வசூல் செய்திருக்கிறது இந்த 15,000 டாலர் குட்டி பட்ஜெட் படம்.

இரண்டு வருடங்களாய் ரிலிசே செய்ய முடியாமல், திண்றி, திணறி, ஸ்பீல்பெர்க்கின் ரெக்கமண்டேஷனில் வெளிவந்திருக்கிறது. படத்தின் க்ளைமாக்ஸை நாலு நிமிடம் மட்டும் மாற்றி வெளியிட்டிருக்கிறார்கள். படம பார்க்கும் நமமை ஒரு விதமான ஹாண்டட் ஸ்டேஜுக்கு கொண்டு வந்துவிடுகிறார்கள்..

Paranormal Activity – Don’t Miss It

Technorati Tags: english film reveiw,paranormal Activity

உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..

பதிவர் சந்திப்பு –07/11/09

2009-11-02T23:41:00.007+05:30

செப்டம்பர் மாதம் 27ஆம் தேதி பதிவர் சந்திப்பு ”ஜில்லுனு” மழையின் காரணமாய் நடைபெற்றாலும், யாரும் சரிவர சந்தித்து பேச முடியாமல் போனது மனதை உறுத்திக் கொண்டேயிருந்தது.

அது மட்டுமில்லாமல் பெரும்பாலும் பதிவர்கள் ஒன்று கூடவே இருள் வரும் நேரம் வந்துவிடுவதால், ஒருவர் முகத்தை ஒருவர் பார்த்து பேசுவது கூட முடியாமல், அவரவர் அருகில் இருப்பவர்களிடம் குழு, குழுவாய் பேசிவிட்டு, மிச்சமிருக்கிறவர்கள், டீக்கடையில் சந்திப்பு நிகழ்வதே வாடிக்கையாகிவிட்ட நிலையில், மழைக்காலமாக வேறு இருப்பதால் அடுத்த சந்திப்பிலும் மழை வரக்கூடிய வாய்ப்பு இருப்பதாலும் ஏன் நாம் எல்லாம் ஒரு ஹாலில் சந்திப்பை ஏற்பாடு செய்யக்கூடாது என்று தோன்றியது.

போன மாதம் பண்டிகை மாதமாகையால் எல்லோரும் பிஸியாகிவிட, தேடி பிடித்து ஒரு நல்ல இடத்தை தேர்தெடுத்திருக்கிறோம். மழை பிரச்சனையில்லை, நல்ல வெளிச்சத்தில் ஒருவர் முகம் ஒருவர் பார்த்து பேசி அளவளாவுவது மட்டுமில்லாமல், வெறும் சந்திப்பாய் மட்டுமே இல்லாமல் ஒரு நிகழ்ச்சி நிரலாய் இருந்தால், இன்னும் நன்றாக இருக்குமே என்று ஒரு சிறிய நிகழ்ச்சி நிரலை அமைத்திருக்கிறோம்.

திரைப்பட இயக்குனர், எழுத்தாளர், திரு. ஷண்முகப்பிரியன் அவர்கள் தங்களுடய சினிமா அனுபவங்களை நம்முடன் பகிர இசைந்திருக்கிறார். இவர் ஒருவர் வாழும் ஆலயம் படம் உட்பட நான்கு படங்களை இயக்கியும், சின்னதம்பி, வெற்றிவிழா, பிரம்மா போன்று 35க்கும் மேற்பட்ட வெற்றி படங்களின் எழுத்தாளரும், பதிவரும் ஆவார்.

மேலும் பதிவர்களுக்காக, பதிவர்களுக்கு பயன்பட கூடிய ஒரு முக்கிய விஷயத்தை பற்றியும் நாம் கலந்தாலோசிக்க இருக்கிறோம்.

புதிய, பழைய என்றில்லாமல் பதிவர்கள் அனைவரும் திரண்டு வந்து கலந்து கொள்ளுமாறு அன்புடன் அழைக்கப்படுகிறார்கள் பதிவர்கள் நமக்குள் நாமே அமைத்து கொள்ளூம் சந்திப்புதான். அனைவரும் அமைப்பாளர்களே..

சந்திப்பு நாள் : 07/11/09 சனிக்கிழமை மாலை 5.00 – 7.30

இடம் : Discovery Book Palace

No. 6. Mahaveer Complex

1st Floor, Munusamy salai,

West K.K. Nagar, Chennai-78

Ph; 65157525
Nearest Landmark : பாண்டிச்சேரி ஹவுஸ்

மேலும் விபரங்களுக்கு
பாலபாரதி: 9940203132
கேபிள் சங்கர் :9840332666
தண்டோரா :9340089989
நர்சிம் :9841888663
அகநாழிகை பொன்.வாசுதேவன்:9994541010
முரளிகண்ணன் :9444884964

Technorati Tags: பதிவர் சந்திப்பு

உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..

கொத்து பரோட்டா –02/11/09

2009-11-02T08:23:00.005+05:30

நேற்று இரவு விஜய் டீவியில் “நீயா நானா?” பார்த்து கொண்டிருந்தேன். அதில் ஒரு பெண் தன் காதலர், தனக்கு மனம் கஷ்டமாய் இருக்கும் போது ஒரு பாடலை பாடுவார் என்றும், அதை கேட்டு நான் அழுது மனம் கரைவேன் என்று சொன்னார். உடனே அவர் எதிர் திசையிலிருந்து அவர் பாட, உடனடியாய் இன்ஸ்டெண்டாய் இவரும் பிழிய, பிழிய அழுதார். என்ன கொடுமைடா சாமி என்று சேனலை மாற்றினால் கலைஞர் டிவியில் ரோஸ் நேரம் ஓடிக் கொண்டிருந்தது.

ஏதோ ஒரு ஓப்பன் பூங்காவில் இரவு நேரத்தில் உட்கார்ந்திருந்த ஆட்களின் முகத்தில் லைட் அடித்து, காட்டிக் கொண்டிருந்தார்கள்.என்னடாவென பார்த்தால் பேய் இருக்கிறது என்று ஒரு கும்பலும், இல்லை என்று ஒரு கும்பலும் பேசிக் கொண்டிருக்க, அதில் இருக்கு கும்பலில் ஒருவர் தன்னால் பேயை இரண்டு நிமிடத்தில் ஒருவர் மீது பேயை ஏவி விட முடியும் என்று கூற, எதிர் கும்பலில் ஒரு புதுமண தம்பதிகளீல் ஒருவரின் கணவர் பேயே இல்லை என்று முடிந்தால் ஏவி விடுங்கள் என்று கூறி போட்டிக்கு வர, முடிவில் அவர் மீது நேற்று பேயை ஏவி விட்டார்கள். அது 30 நாட்களூக்கு பிறகுதான் தெரியுமாம். நிகழ்ச்சி மிக கேவலமாய் படமாக்க பட்டிருந்தது. சமயங்களில் ரோஸ் தான் பேய் போல இருந்தார்.
@@@@@@@@@@@@@@@@@@@@@@@@@@@@@@@@@@@@@@@@@@@
செவிக்கினிமை
படம் பார்க்கும் போது பெரிதாய் ஈர்க்க வில்லை. திரும்ப ஒரு நாள் எத்தேசையாய் கேட்கும் போது பேராண்மை படத்தில் “துப்பாக்கி பெண்ணே” பாடல் பிடித்திருக்கிறது. அதை படமாக்கியிருக்கும் அருமை.
@@@@@@@@@@@@@@@@@@@@@@@@@@@@@@@@@@@@@@@@@@@
குறும்படம்
உலகளவில் இஸ்லாமியர்கள் எதிர் நோக்கும் பிரச்சனைதான். கருத்தாய் சொன்னதை விட மேக்கிங் இதிலும் அருமை.

@@@@@@@@@@@@@@@@@@@@@@@@@@@@@@@@@@@@@@@@@@@@
சாப்பாடுக்கடை
டி.நகர் உஸ்மான் ரோட்டில் சரவணபவன் எதிரே விவேகானந்தா காபி இருக்கும் அதனுள் மதுரை அருளானந்தம் மெஸ் என்று ஒரு ஓட்ட்ல இருக்கிறது. இவர்களின் ஸ்பெஷாலிட்டி எல்லா அயிட்டங்களும் நன்றாக இருப்பது. முக்கியமாய் மட்டன் சாப்பாடு சாப்பிட்டீர்கள் என்றால் அதனுடன் கொடுக்கும் மட்டன் சுக்காவும், கிரேவியும் ம்ம்ம்ம். சும்மா பின்னி எடுத்திரும். முக்கியமாய் ரசம் சாப்பிடாமல் வராதீர்கள். தேவரசம்.

@@@@@@@@@@@@@@@@@@@@@@@@@@@@@@@@@@@@@@@@@@@@
ஏ.ஜோக்
அம்மா நீ வெள்ளையாக இருக்கிறாய், நான் மட்டும் கருப்பாக இருக்கிறேன் ஏன்..? என்று கேட்டான் மகன்

”அந்த கொடுமையை மட்டும் கேட்காதே அன்னைக்கு பார்ட்டியில நடந்ததுக்கு நீ குரைக்காம இருக்கியே அதுவே பெரிசு” என்றாள் தாய்.
@@@@@@@@@@@@@@@@@@@@@@@@@@@@@@@@@@@@@@@@@@@@@
சமீபத்தில் ஒரு நண்பரின் வீட்டு விழாவில் இவரை சந்தித்தேன். மிக இனிமையானவர். பேசிக் கொண்டிருக்கும் போதே சடசடவென கவிதை படித்தவர். சொன்ன சில வரிகள் என்னை மிகவும் நெகிழ வைத்தது. திருக்குமரன் என்ற பெயரில் எழுதிக் கொண்டிருக்கிறார். இவர் ஒரு இலங்கை தமிழர்.
மெளனம்
ஓசைப்படாமல் இருத்தலில்
உள்ளேயே ஓராயிரம் கோடி
உணர்வுகளைச்சுமந்த படி
ஆசைகளை எல்லாம்
அனுபவித்துப்பார்க்கையிலே

ஆண்டவனின் குணமே
மெளனமே
உனக்கிணையாய்
எந்த ஒருகுருவும்
எச்சகத்தும் இல்லையப்பா

இசையின் உறைநிலையே
இங்கிதத்தின் அடிப்படையே
எத்தனையோ உயிர்காத்த
ஆயுதமே..

மனமொன்றி
முத்தாய்க்கணச்சூட்டில்
வேர்வைப்பூ பிறப்பெடுக்க
அகன்ற விழி கவ்வுதலால்
அரைவிழியாய் ஆகிவிட
எல்லா உணர்வுகளும்
ஓர்மையப்புள்ளிக்குள்
தியான நிலை அடையத்
திசைமறந்து ஒன்றாகும்
உச்சக்கலவியின் பின்
உள்ளாடும் ஓர் அமைதி
மூச்சை உரைபெயர்க்கும்
முழுமைநிறை வாழ்வியலை
எந்த மொழி உரைத்து விடக்கூடும்
என் நிம்மதியே..

நீ இல்லா இடமெல்லாம்
நிச்சயமாய்ச் சுடுகாடே
அட கொஞ்சம் பொறுப்பாயடா
நீ அங்கேதான் பிறப்பாயடா..

தி.திருக்குமரன்
@@@@@@@@@@@@@@@@@@@@@@@@@@@@@@@@@@@@@@@@@

உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..

கண்டேன் காதலை – திரை விமர்சனம்

2009-10-31T10:01:00.004+05:30

thi

தன் அம்மா கம்பெனி ஆடிட்டருடன் ஓடி போய், அப்பா இறந்து கம்பெனியில் சேர்ம்ன் போஸ்டுக்கு நிற்க, அதே நேரத்தில் காதலியும் பரத்தை விட்டு வேறு ஒருவனை திருமணம் செய்து கொள்ள, மனம் குழம்பி, டிப்ரஸ்டான நிலையில் எல்லாவற்றையும், விட்டு சாகலாம் என்று ஏதோ ஒரு ரயிலில் ஏறும் பரத், லொட,லொட ஓட்டை வாய் தமன்னாவை பார்க்க, அட காதல் வரப்போகிறது என்று நீங்கள் நினைத்துக் கொண்டிருக்கும் போது, தமன்னா தான் கெளதம் என்பவனை காதலிப்பதாகவும், ஓடிப் போய் கல்யாணம் செய்து கொள்ள போவதாகவும் சொல்ல, பரத்தினால் தமன்னாவும் ரயிலை விட, அந்த ஒரு நாள் டிராவலில் இருவருக்கும் ஒரு புரிதல் ஏற்பட்டு, நட்பாக , தமன்னா விட்டில் அவரை சந்தானத்துக்கு திருமணம் செய்ய முடிவு செய்ய, வேறு வழியில்லாமல் அவரும் பரத்தும் வீட்டிலிருந்து ஓடிவிடுகிறார்கள். தமன்னா அவரின் காதலரை பார்க்க, பரத் மீண்டும் தன் பாதைக்கு. பிறகு என்ன?

பரத் பெரிய கோடீஸ்வர பையன் என்பதை அவ்ர்கள் சொல்வதால் நம்ப வேண்டியிருக்கிறது. என்ன தான் மேக்கப், ஹேர்கட் என்று மெனக்கெட்டாலும் ஆறுமுகம் முகம் தான். அதிலும், மீண்டும் கம்பெனிக்கு வந்து அவர் பேசும் வசன காட்சி இருக்கிறதே. அய்யோ..

தமன்னா முடிந்தவரை கரீனா கபூரை பாலோ செய்திருக்கிறார். அப்போ இருந்த அவரின் உடல் அளவு உட்பட, பட் கரீனாவின் ஹிந்தி கேரக்டரில் அவர் ஒரு லொட, லொட, பெண் என்றளவில் தான் நம் மனதில் நிற்பார். இதில் தமன்னாவை பார்க்கும் போது லூசோ என்று கேள்வி எழுந்து, பரத் வேறு அதையே கேட்டு, உறுதிபடுத்துகிறார். அதனால் கொஞ்சம் தமன்னாவின் கேரக்டர் மேல் ஈடுபாடு குறைவது நிஜம்.

படத்தில் ஒருவர் வந்தால் மட்டும் தியேட்டரே குபீரென சிரிக்கிறது. அவர் வேறு யாருமில்லை சந்தானம் எண்ட்ரியில்தான். மனுஷன் இன்னொரு கவுண்டராகி கொண்டிருக்கிறார். படம் நெடுக அவரின் ராஜ்யம் தான். படத்தை பெரும்பாலும் கீழே விழும் போது இவர்தான் காப்பாற்றுகிறார்.

ஹிந்தியில் படத்திற்கு மிகப் பெரிய பலம் வசனங்கள், அதிலும் பரத்தும், தமன்னாவும் ஓட்டலில் பேசும் வசனங்கள், சின்ன சின்னதாய் இருந்தாலும் ஷார்ட் அண்ட் ஸ்வீட்டாய் இருக்கும், ப்ட்டுக்கோட்டை பிரபாகர், இந்த காட்சியில் நிறைய இடங்களீல் மொழிமாற்றம் செய்திருக்கிறார். பல இடங்களில் சவ, சவ வென்று பேசிக் கொண்டேயிருக்கிறார்கள். காரணம் மொழிமாற்றம்.

ஹிந்தியில் இப்ப்ட வெற்றிக்கு மிக உறுதுணையாய் இருந்தது பாடல்கள், ஏதோ கேட்க சுமாராய் இருக்கிற மாதிரியான பாடல்கள்தான். மெலடி கிங் வித்யாசாகர் என்று டைட்டிலில் போடுகிறார்கள். ஏமாற்றி விட்டார்.

முத்தையாவின் ஒளிப்பதிவு கண்ணில் ஒற்றிக் கொள்ளலாம் போலிருக்கிறது. வயல் வெளி, நடுவில் குடில் என்று பஞ்சாப் வயல் வெளியை மீட்டு எடுத்து வந்திருக்கிறார்கள்

ஹிந்தியில் ஷாகித்துக்கு, கரினாவின் வீட்டிற்கு போனதும் ஒரு கலாச்சார மாற்றத்தை அவரின் பஞ்சாபி பிண்ணனியில் இன்ரஸ்டாக சொல்லியிருப்பார்கள். இதில் அதில் மிஸ்ஸிங். திரைக்கதையில் தேனிக்கு வந்தும் எல்லோரும் ஒரு டீவி சீரியல் குடும்பம் போலவே இருப்பது ஒட்டவில்லை. கொஞ்சம் இயக்குனர் மெனக்கெட்டிருக்கலாம்.

ஹிந்தியில் இப்படத்தின் வெற்றிக்கு மிகப் பெரிய காரணமாய் இருந்தது படத்திற்கும் அப்பாற்பட்ட, சாகித், கரீனா, காதல் முறிவு, சமயத்தில் வெளியான காதல் படம். அதுவே பெரிய ட்ராயிங் அட்டென்ஷனாய் படத்தில் அமைந்தது, அதே போல் அவர்களுக்குள் படத்தில் தெரிந்த கெமிஸ்ட்ரி. இதில் மிஸ்ஸிங்}

படத்தில் எனக்கு பிடித்த காட்சி.. தமன்னா தண்ணீர் பாட்டிலை அதிக விலைக்கு விற்கும் கடைக்காரனிடம், தண்ணி காசு கொடுத்து வாங்குறதே அநியாயம் இதில அதிக விலை வேறயா.. யாரும் கேட்காததினாலேயே நீங்க செய்யறது சரிங்கிற மாதிரி ஆயிருச்சு.. நான் கம்ப்ளெயிண்ட் பண்ணுவேன் என்று சண்டை போடும் காட்சி, இதில் ஒரு கருத்தை மக்களுக்கு வைப்பது மட்டுமில்லாமல், இவ்வாறு சண்டை போடும் நேரத்தில் மீண்டும் தமன்னா ரயிலை மிஸ் செய்கிறார். ஐ.லைக்.. இட்

கண்டேன் காதலை – கண்டாச்சு.. காதல் எங்கே..?

Technorati Tags: திரை விமர்சனம்

டிஸ்கி:

உ.பொ.ஒ.வில் நான் ஹிந்தி படத்தை கம்பேர் செய்ய வேண்டாம் என்றிருந்தேன். ஆனால் இந்த படம் பார்க்க, பார்க்க, அந்த படம் ஞாபக்ம் வ்ந்து தொலைக்கிறது. அதுதான் உ.பொ.ஒவில் கமலின் வெற்றி.

சினிமா வியாபாரம் - 10

2009-10-30T09:46:00.003+05:30

திரையரங்க வெளியீடு

வாடகை முறை (Rental)

ஏற்கனவே சொன்னது போல சென்னை மற்றும் பெரும்நகரங்களில் பெரும்பாலும் சிங்கிள் ஸ்கீரின் எனப்படும் ஒற்றை திரையரங்குகளாக இருந்தாலும், காம்ப்ளெக்ஸ் என்கிற அடுக்கக திரையரங்குகளாய் இருந்தாலும் வாடகை முறைதான் நடைமுறையில் இருக்கிறது. அது ஒவ்வொரு திரையரங்குக்கும், ஏரியா, மற்றும் அரங்கில் ஆட்கள் கொள்ளவை பொறுத்து மாறுபடும். சென்னையில் உள்ள ஒரு சுமாரான ஏசி, டி.டி.எஸ்ஸுடன் உள்ள திரையரங்குக்கு சுமார் ஒரு லட்சம் வரை வார வாடகையாய் வாங்குகிறார்கள் என்று கேள்வி. பகல் காட்சி போன்ற ஒரு காட்சிக்கு ஒரு வாடகையாகவும் வாங்குகிறார்கள். தேவி போன்ற திரையரங்குகளில் வாரத்துக்கு இரண்டரை லட்சம் வரை வாடகை வாங்கியிருக்கிறார்கள். தேவிபாலாவில் நாங்கள் வெளியிட்ட உயிரிலே கலந்தது படத்திற்கு கொடுத்திருக்கிறோம்.

இதில் ஒரு காமெடி என்னவென்றால் அவர்கள் முதல் வார வசூலில் வரும் பணத்தில் இரண்டரை லட்சம் ரூபாயை எடுத்து வைத்து கொண்டு மீதியைதான் தருவார்கள் ஏன் என்று கேட்டால் அதை ‘புரொட்டக்‌ஷன் மணி” என்பார்கள். யாருக்கு என்று கேட்ட போது.. உங்களூக்கு தான் ஒரு வேளை அடுத்த வாரம் வாடகை பணம் கூட வசூல் ஆகவில்லை என்றால் நீங்கள் பணத்துக்காக கஷ்டபட வேண்டாமே.. என்றார்கள்.. இது யாருக்கு புரொடெக்‌ஷன்..??. ஆனால் இப்போதெல்லாம் சில சமயம் சென்னை மற்றும் பெரு நகரங்களில் உள்ள தியேட்ட்ர்களிலும் பர்செண்டேஜ் எனப்படும் சதவிகித முறையில் கூட படங்களை திரையிடுகிறார்கள்.

எம்.ஜி.(Minimum Gurentee)

தயாரிப்பாளர்களிடமிருந்து விநியோகஸ்தர்கள் எம்.ஜியில் (Minimum Gurantee) வாங்குவது போல தியேட்டர் அதிபர்கள் பெரிய படங்களுக்கு இம்முறையில் திரையிடுவார்கள். இப்போது விநியோகஸ்தர் ஒரு படத்தை சுமார் 80 லட்ச ரூபாய்க்கு செங்கல்பட்டு ஏரியாவுக்கு வாங்கியிருக்கிறார் என்று வைத்து கொள்ளுங்கள். செங்கல்பட்டு ஏரியாவில் ரிலீஸ் சென்டர் மட்டும் சுமார் 50 தியேட்டர்கள் உண்டு. ரிலீஸ் சென்டர் என்றால் புதிய படங்களை மட்டுமே வெளியிடுகிற திரையரங்குகள். அப்படி ரிலீஸ் சென்டர் என்ற வகையில் ரஜினி, கமல், விஜய், அஜித், படமாய் இருந்தால் சுமார் 18 தியேட்டரிலிருந்து 25 தியேட்டர்களில் கூட ஒரே சமயத்தில் வெளியிடுவார்கள். அப்போது ஒவ்வொரு தியேட்டர் அதிபரும் தங்கள் ஏரியாவில் இதற்கு முன்பு அந்த நடிகர் நடித்த படங்கள் எவ்வளவு வசூல் செய்தது, இப்போது எவ்வளவு வசூல் செய்யும் என்றெல்லாம் கணக்கு போட்டு, இவ்வ்ளவு வசூல ஆகும் என்று எண்ணும் ஒரு தொகைக்கு அவர் பேரம் பேசி விநியோகஸ்தர்களுடன் ஒப்பந்தம் போட்டு கொள்வார்.

ஒரு கணக்குக்கு பதினைந்து தியேட்டர்களில் வெளியிடப்போகும் படத்துக்கு, ஒவ்வொரு தியேட்டருக்கும் சுமார் ஐந்து லட்சம் எம்.ஜி என்று வைத்து கொள்ளுங்கள்.. பதினைந்து தியேட்டருக்கு எழுபத்தியைந்து லட்ச ரூபாய் விநியோகஸ்தர்களுக்கு கிடைத்துவிடுகிறது. மீத இருக்கிற ஐந்து லட்சம் ரூபாய்தான் அவர்கள் முதலாக இருக்கிறது. மேலும் படத்துக்கான போஸ்டர்கள், அது இது என்று செலவுகள் ஒரு சில லட்சஙக்ள் ஆனாலும், அவர்கள் கையிலிருந்து போடும் தொகை மிக சொற்பமானதாகவே தெரியும் ஆனால் அதுவல்ல உண்மை.

ஐந்து லட்ச ரூபாய் முதலீட்டில் ஒரு பெரிய படத்தை வெளியிட முடியுமா என்று நீங்கள் நினைப்பது தெரிகிறது. நிச்சயமாய் முடியாது. பெரிய நடிகர்கள் நடிக்கும் படத்திற்கு படம் ஆரம்பித்தவுடனேயே சில சமயம் வியாபாரம் பேச் ஆரம்பித்து விடுவார்கள். அதிலும் அவர்களுடய முந்தைய படம் ஹிட்டாகியிருந்தால் நிச்சயம் போட்டா போட்டி நடக்கும். அப்படி போட்டி இருக்கும் பட்சத்தில், விநியோகஸ்தர்கள் முன் பணமாய் ஒரு சில லட்சங்களை கொடுத்துக்கூட வைத்து விடுவார்கள். இல்லையேல் ஒரு கோடி ரூபாய் படத்திற்கு சில தயாரிப்பாளர்கள் முன் பணமாய் சில லட்சத்தையும், ஆடியோ ரிலீசுக்கு முன் சில லட்சஙக்ளையும், ரிலீஸ் அன்று மீதம் இருக்கிற பணத்தை கட்டி படத்தின் பிரதியை எடுப்பார்கள்.

இம்மாதிரியான சமயங்களில் சில பெரிய படங்கள் ஆறு மாதம் கூட தயாரிப்பில் இருக்கும். அப்போது விநியோகஸ்தர்கள் கொடுத்திருக்கும் முன்பணத்துககான வட்டியை கணக்கில் இட்டால் உங்களுக்கு புரியும்.

ஒரு நடிகரின் படம் முந்தைய படம் சூப்பர் ஹிட்டாகிவிட்டால், அடுத்த பட தயாரிப்பாளருக்கு ஜாக்பாட்தான். அப்படித்தான் விஜயின் கில்லி திரைப்படம் ரிலீஸாகி சூப்பர் ஹிட்டான நேரம். அந்த படம் வெளிவருவதற்கு முன்பே இயக்குனர், தயாரிப்பாள்ர் மாதேஷ் விஜய்யை வைத்து ‘மதுர்’ என்கிற படத்தை ஆரம்பிக்க பூஜை போட்டிருக்க, பூஜை போட்டவுடன் செங்கல்பட்டு ஏரியா விநியோக உரிமையை பேச போன என் நண்பர் ஒரு அவர் சொன்ன விலையை கேட்டு மிரண்டு போய் வந்துவிட்டார். அவரை போலவே மேலும் பல விநியோகஸ்தர்கள் திரும்ப, கில்லி படம் ரிலீஸ் ஆனது.

அப்படத்தின் மாபெரும் வெற்றி.. அதே மதுர படத்திற்கும் மாதேஷுக்கு பெற்றுதந்த செங்கல்பட்டு ஏரியா விநியோக உரிமைக்கான பணம் எவ்வளவு தெரியுமா? சுமார் ஒரு கோடி ரூபாய்க்கு மேல். இதற்கு முன்பு மாதேஷ் அவர்கள் விநியோகஸ்தர்களிடம் கேட்ட தொகை வெறும் 75 லட்சங்கள். இதுதான் சினிமா. சரி திரையரங்கு அதிபர்களூக்கும் விநியோகஸ்தர்களுக்குமான எம்.ஜி விஷயத்துக்கு வருவோம்.

அப்படி ஐந்து லட்ச ரூபாய்க்கு தியேட்டரில் போடப்படும் ஒப்பந்தம். சதவிகித முறையில் தியேட்டர்காரர்களும், விநியோகஸ்தர்களும் பிரித்து கொள்வார்கள். அதாவது.. முதல் வாரத்தில் அறுபது சதவிகிதம் விநியோகஸ்தர்களுக்கும், மீதம் 40 சதவிகிதம் தியேட்டர்காரர்களுக்கும் என்றும், அடுத்து வரும் வாரங்களில் 55-45, அதற்கு அடுத்து வரும் வாரங்களில் 50-50 என்ற முறையில் பிரித்து கொள்வார்கள்.

இதில் விநியோகஸ்தர்களுக்கான சதவிகிதத்தில் அவர்களின் ஐந்து லட்ச ரூபாய் வசூல் வரும் வரை அவர்கள் விநியோகஸ்தர்களுக்கு கணக்கு மட்டும் கொடுத்தால் போதும். எப்போது அவர்களின் ஐந்து லட்சத்தை அவர்கள் வசூல் செய்துவிடுகிறார்களோ.. மீதி வரும் வசூல் எல்லாம் அவர்களின் ஒப்பந்தப்படி ஆளுக்கு 50-50 என்று பிரித்து கொள்வார்கள்..

இதெல்லாம் வசூல் ஆகும் போதுதான். அதே சமயம் கொடுத்த ஐந்து லட்சம் கூட வசூல் ஆகவில்லை என்றால் விநியோகஸ்தர்களுக்கு கவலையில்லை.. ஏனென்றால் ஐந்து லட்சத்திற்கு குறைவாக வந்தால் எம்.ஜி எனப்படும் மினிமம் கேரண்டி என்ற முறையில் நஷ்டம் அவர்களை சாராது.

அட பரவாயில்லையே விநியோகஸ்தர்களுக்கெல்லாம் கொள்ளை லாபம் போலருக்கிறதே என்று நினைப்பவர்களுக்கு.. இந்த மாதிரி எம்.ஜி எல்லாம் விநியோகஸ்தர்கள் பெரும் விலை கொடுத்து வாங்கும் பெரிய நடிகர்கள், இயக்குனர் படங்களுக்குத்தான். மற்றவர்களுக்கெல்லாம் வேறு கதை.

அதென்ன க்ராஸ் என்றால் டாக்ஸுடன் வரும் தொகை (Gross Amount). வரி போக வரும் தொகை நெட்(Net amount). என்று சொல்வார்கள். விநியோகஸ்தரை பொருத்தவரை க்ராஸில் பிரித்தால் அவர்களுக்கு லாபம், அதே சமயம் தியேட்டர்காரர்களுக்கு நெட்டில் பிரித்தால் இரண்டு லாபம், ஒவ்வொரு டிக்கெட் விலையிலும், வரியை கழித்துவிட்டு மீதம் வசூல் ஆகும் தொகையில் அவருடய எம்.ஜி பணத்தை கழிக்கலாம். வரியை பிடித்தால் எப்படி அவருக்கு இரட்டை லாபம் என்று கேட்பவர்களுக்கு, வரியை ஏய்க்கும் தியேட்டர்காரர்களின் தில்லு முல்லுகளை பின்னால் வரும் அத்யாயங்களில் பார்ப்போம்.

Technorati Tags: சினிமா வியாபாரம்,தொடர்

This Is It – A Musical Ecstasy

2009-10-29T09:02:00.005+05:30

மைக்கேல் ஜாக்ஸன் இறப்பதற்கு முன் ஏற்பாடு செய்யப்பட்டிருந்த This is it என்கிற கான்செர்ட்டுக்கான முன் நடந்த ஏற்பாடுகள், ரிகர்சல்கள் எல்லாவற்றையும் தொகுத்து ஒரு டாகு- மியூசிகல படமாய் வெளிவந்திருக்கிறது.

வழக்கமாய் பேக் ஸ்டேஜ் விஷயங்களை பார்ப்பதற்கு எல்லோருக்குமே பிடிக்கும். அதிலும் பிரபலமான ஆட்களின் பேக் ஸ்டேஜ் விஷயஙக்ள் என்றால் நம்முடைய ஆர்வம் இன்னும் அதிகமாய் எகிறும். அப்படியிருக்க, எம்.ஜேவின் பேக் ஸ்டேஜ் ரிகர்சல்கள் என்றால் கேட்க வேண்டுமா..? அதிலும் அவருடய நடக்காத சோல்ட் அவுட் கான்செர்டுக்கான ரிகர்சல் என்றால் ..? உலகம் முழுக்க ரத்தத்தில் அட்ரிலின் எகிற ரசிகர்கள் கோடிக்கணக்கான பேர். அதில் நானும் ஒருவன்.

முதல் காட்சியில் அவருடன் பணியாற்றும் சிலருடய பேட்டியுடன் படம் ஆரம்பிக்கிறது. இளைஞர்கள், மிகவும் இளைஞர்கள், எம்.ஜேவுடன் பணியாற்றுவதே பெரிய பாக்கியமாய் உணர்ச்சிவசப்பட்ட நிலையில் ஓவராய் சிரித்து, பேச முடியாமல் கண்களில் கண்ணீருடன் ததும்ப, This is it என்று டைட்டில் ஆரம்பிக்க உலகின் ஈடு இணையில்லா எண்டர்டெயினரின் படம் ஆரம்பிக்கிறது. தியேட்டர் எங்கும் உற்சாக கூச்சல்கள் தியேட்டர் கூரைகளில் அதிர, எம்.ஜேவின் கான்செர்ட்டுக்கான பாடல்களின் ரிகர்சல்கள் வரிசையாய் அணிவகுக்க, எம்ஜே

எம்.ஜேவின் பாடல்களை பற்றி இதில் நான் சொல்லப்போவதில்லை. அது உலகம் அறிந்தது. ஆனால் எம்.ஜே. என்கிற ஒரு கலைஞனின் ஈடுபாடு, திறமை, முயற்சி, இன்வால்மெண்ட், தான் என்னை பிரம்மிக்க வைக்கிறது.

ஒரு காட்சியில் பியானோ நோட்களில் உள்ள சிறு நுணுக்கத்தையும், சொல்லி அதை வெளீ கொணரும் காட்சி, அதே போல் லீட் கிடாரிஸ்ட் பெண் பாடல் முடியும் போது தனி ஆவர்தனம் போல தனியே வாசித்து முடிக்கும் இடத்தில் ஒரு இடத்தில் நிறுத்த, எம்.ஜே. அதை இன்னும் ப்ரோலாங் செய்யச் சொல்லி “இங்கே உனக்கான பெயர் வாங்கும் இடம்” இன்னும், இன்னும் என்று சொல்லி சக் கலைஞரை ஊக்குவிக்கும் காட்சி, ஒரு இடத்தில் இசையும் அவரது நடன அசைவும் ஒருங்கே ஆரம்பிக்கும் இடத்தில் பிசிறடிக்க, மீண்டும் ஒரு முறை ரிகர்சல் என்று சொல்லிவிட்டு, இதுற்காகத்தான் இவர்கள் காத்து கொண்டிருக்கிறார்கள் என்று ஆடியன்ஸ் இருக்கும் சைடை காட்டி சொல்லும் காட்சியை பார்க்கும் போதும், உடலில் ஆயிரம் பிரச்சனைகளை வைத்து கொண்டு பாடல்களை பாடி ஆடி, அங்கேயிருக்கும் அனைவருக்குமான் எனர்ஜி லெவலை தன்னுடய பெர்மான்ஸின் மூலமாய் ஏற்றி கொண்டிருக்கும் எம்.ஜேவை ஏன் உலகின் சிறந்த கலைஞனாய் மக்கள் கொண்டாடினார்கள் என்பது புரியும்.

பிண்ணணியில் உள்ள டெக்னாலஜியில் ஆரம்பித்து தன்னுடய கம்பேக் கான்செர்டாக வர அவரின் உழைப்பும், அதற்கு உறுதுணையாய் இருந்த டெக்னீஷியன்களின் உழைப்பு, அவர்களின் பேட்டி என்று அருமையாய் எடிட் செய்து, தேவையில்லாமல் அவரின் கடைசி காலஙக்ளை காட்டி பச்சாதாபத்தை ஏற்படுத்தாமல், எம்.ஜேவின் இசை எப்படி இசையுள்ள வரை வாழுமோ, அது போல நம்மிடையே இன்றும் இசையால் வாழ்ந்து கொண்டிருக்கும் ஒரு மூழு நீள மீயூசிகல் டாகுமெண்டரியாய் கொடுத்திருக்கும் இயக்குனர் கென்னி ஒரட்டேகா வுக்கு இசை ரசிகர்கள் தலையில் வைத்து கொண்டாடத்தான் போகிறார்கள்.

இசையெனும் உற்சாக போதையை, அது தரும் எக்ஸ்டஸியை உணர துடிப்பவர்களூக்கு This Is It

டிஸ்கி: இன்னும் எழுத வேண்டும் போல் தான் இருக்கிறது, படம் பார்க்கும் போது கிடைக்கும் உணர்வை படிப்பவர்கள் மிஸ் செய்ய வேண்டாம் என்று தான் எழுதவில்லை. Long Live MJ

Technorati Tags: This is it,Review,Mj

துரை..நான்.. ரமேஷ் சார்.. படிக்க இங்கே அழுத்தவும்
உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..

துரை.. நான்.. ரமேஷ் சார்..

2009-10-28T09:01:00.002+05:30

ரமேஷ் சாருக்கு என்னை பார்த்து என்ன பேசறுதுன்னு தெரியாம முவமெல்லாம் வேர்த்து போயிருந்தார். அழகாய் ஒரு பொம்மை லாகா.. பார்த்த என்னை, இப்படி இந்த இடத்தில பாக்கிறதுக்கு அவருக்கு கஷ்டமாதானிருக்கும். என் பேச்சில் ரொம்ப தெலுகு வந்திச்சின்னா மன்னிச்சிக்கங்க.. ரேணிகுண்டா தான் என் ஊரு.. நா பேரு ராஜீ..

ஆந்திராவிலிருந்து ஓடி வந்து ’துரை’னி பெல்லி சேசின.. அதான் கல்யாணம் செஞ்சதுக்கப்புறம், சாப்பாட்டுக்கு இல்லாமல் துரை ப்ரெண்டு வீட்டில் தங்கியிருந்த போது.. துரை என்னை பார்த்து ‘நீ ஏன் சினிமால நடிக்க கூடாதுன்னு” கேட்டான். அவன் ப்ரண்டு சினிமால சாப்பாடு போடுற வேலையில இருந்தான். எனக்கும் சின்ன வய்சிலேர்ந்து மனசுல ஆசை இருந்திச்சு. நா கொஞ்சம் கறுப்பா இருந்தாலும் களையாத்தான் இருக்கேன்னு எங்கம்மா சொல்லிகிட்டேயிருக்கும். வாணிஸ்ரீ, ரோஜா எல்லாம் கருப்புதானாமே..? எவனாச்சும் கொத்திக்கிட்டு போயிருவான் நா கூத்துர என்று சொல்லிக்கிட்டேயிருப்பாள். அவளோட சின்ன வயசில நிறைய ஆசைப்பட்டு ஆகல. ஆனா அவள ஆசப்பட்டவங்க நிறைய பேர். அப்படி ஆசைபட்ட ஒருத்தனுக்கு பொறந்தவதான் நான்.

துரை அப்படிதான் என்னை கொத்திகிட்டு போக வந்தான். பக்கத்தூரூ ரைஸ்மில் ஓனருடய மகன். சென்னையில் படிச்சுட்டு ஊருக்கு வந்தவனை மயக்கி போட்டேன்னு, அம்மா புத்திதானே எனக்கும் வரும்னு என்னன்னவோ பேசினாங்க.. நா அம்மா குரிஞ்சி அந்தரூ செப்பினதி தப்பில்ல. நிசம் தானே அவங்க சொன்னது. பணம், குடும்பம் எல்லாத்தையும் தூக்கி போட்டுட்டு யாரும் வேணாம்னு எனக்காக வந்தவன் நா துரை.. என் மேல அவ்வளவு லவ்வா..ன்னு கேட்டப்ப ஒரு மாதிரி சிரிச்சி என்னை கட்டிக்கிட்டான். உள்ளுக்குள்ள சந்தோஷமா இருந்திச்சி..

சென்னை வந்து வேலைதேடி அலைஞ்சப்பதான் தெரிஞ்சுது அவனிக்கு படிப்பு பெரிசா இல்லைன்னு. அவனால லைன் குடித்தனவீட்டில கக்கூஸூ லைன்ல கூட நிக்க முடியல.. வசதியா வாழ்ந்த புள்ள.. எனக்காக கஷ்டப்படுறத பார்த்தா மனசு கேக்கல. துரை என்னை சினிமால நடிக்கிறியானு கேட்டதும்.. அதுனாலதான் ஏதும் பேசாம உடனே சரின்னுட்டேன். யார் கேட்டாலும் ”என் அக்கா வீட்டுக்கார்ன்னு” துரை சொல்ல சொன்னான். ஏன் கேட்டதுக்கு கல்யாணமான பொணணுன்னா சான்ஸ் கிடைக்காதுன்னான். கழுத்தில இருக்கிற தாலிய கழட்டி வச்சிருன்னு சொன்ன போதுதான் மனசு ரொம்பத்தான் கஷ்டப்பட்டுது. எங்கம்மாவுக்கு கிடைக்காதது.. சரி இவ்வளவும் துரைக்காகத்தானேன்னு மனசை தேத்திக்கிட்டேன்.

அப்பத்தான் ரமேஷ் சாரை பார்த்தேன்.. நான் மொத, மொத நடிக்க போன படத்தோட அஸோஸியேட் டைரக்டர். “நீ தமிழா.. இதுக்கு முன்ன நடிச்சிருக்கியா..? டயலாக் பேசுவியான்னு? கடகடன்னு கேள்வி கேட்டுகினே இருக்க, நான் சட்டுனு தமிழ்ல சொல்லாம தெலுகுல “லேது.. நேனு தெலுகண்டி..” என்று சொல்லிவிட்டு, நாக்க கடிச்சிகிட்டே கொஞ்சம் நாணி கோணி நின்னதை ஒரு நிமிஷம்.. என்னை உத்து பாத்துட்டு ”சரி நாளைலேர்ந்து சூட்டிங்குக்கு வான்னு சொன்னாரு”. எனக்கு தெரிஞ்சு.. நான் டைட்டா போட்டுட்டு போயிருந்த டீசர்ட் பனியனை பார்த்துகிட்டே பேசுனவங்க நடுவுல ரமேஷ் சார்தான் முஞ்சிய பார்த்து பேசுனாரு. நாக்கு சால சந்தோஷம்.. அதுல எனக்கு ஹீரோயின் பிரண்டு கேரக்டரு.. ஷூட்டிங்ல ஆளாளுக்கு ஒன்னு சொன்னாங்க, நா மொரண்டு போயி நின்னப்ப எல்லாம் ரமேஷ் சார் தான் வந்து பொறுமையா சொல்லி கொடுப்பாரு.. என்னவோ தெரில அவரு சொன்னா நா உடனே செஞ்சிருவேன். அதனால அங்க இருந்தவங்க, சாரை கிண்டல் பண்ணாங்க.. ஆனா அவரு அதை பத்தி கவலைபடவேயில்ல..

சூட்டிங் நடந்த முத அஞ்சு நாள்ல ஏதாச்சும் சாக்கு வச்சு என்னய தொட்டவங்க சாஸ்தி.. ஹீரோ ஒரு தடவ இங்க வந்து நில்லுன்னு கூப்பிடற மாதிரி என் மாரை அழுத்தினான். துரைகிட்ட சொன்னப்ப.. சினிமான்னா அப்படித்தான்னு அட்ஜஸ்ட் பண்ணிக்க சொன்னான்.. உள்ளுக்குள்ள கூசிச்சு.. துரைக்காக பொறுத்துகிட்டேன்.

கடைசி நாளனைக்கு டைரக்டர் பச்சையாவே என்கிட்ட கேட்டுட்டாரு.. எனக்கு அழுகையா வந்திருச்சு.. என் அம்மா ஞாவகம் வந்திச்சு.. என் முவத்தை பாத்தவரு.. ஏதும் பேசாம.. போயிட்டாரு. அதுக்கு அப்புறம் என் கிட்ட எறிஞ்சு, எறிஞ்சு விழுந்தாரு.. ஏன்னே தெரியல.. எல்லாத்தையும் விட்டு ஓடிடலாமான்னு நினைச்சா துரைய பாக்க பாவமாயிருந்தது. இதோட கடைசின்னு முடிவு பண்ணி பல்லை கடிச்சிட்டு நடிச்சேன்.. ரமேஷ் சார் தான் பாவம்.. டைரக்டர் கிட்ட நிறைய திட்டு வாங்கினாரு..

இதுக்கு பொறவு நான் நடிக்க மாட்டேன் சொன்ன போது தான் துரை என்னை மொத, மொதலா அடிச்சிட்டான். உள் கன்னத்துல பல்லு பட்டு ஒரே ரத்தம். ரண்டு ரோஜூ நான் அவனோட பேசல.. சூட்டிங் போய் வந்த காசுல ஒரு அஞ்சு நா ஓடிச்சி., திரும்பவும் கையில காசில்லாம அலைய ஆரம்பிச்சோம். அந்த நேரத்திலதான் மறுபடியும் அந்த படத்து டைரக்டர் கூப்ட்டு அனுப்சாரு..

”தபாரு.. வயசிருக்கும் போதே எல்லாத்தையும் பார்த்தாத்தான் உனக்கும் நாலு படம் கிடைக்கும், சும்மா அது, இதுன்னு பேசினேன்னு வச்சிக்க நாலு வீட்டுல பத்து பாத்திரம் தேய்க்க வேண்டியதுதான்.”ன்னுனார் டைரக்டர். இதை பேசும் போதும் என் மாரை பாத்துக்கிட்டேதான் பேசுனாரு. யாராச்சும் முதுகு பக்கம் உத்து பாத்தாலே எனக்கு உள்ளுக்குள்ள உறுத்தும். துரைய பாத்தேன். அவன் டைரக்டர பாத்து வழிஞ்சிட்டு சிரிச்ச மாறி இருந்திச்சு. “நான் சொல்லி கூட்டியாறேன் சார்.” என்று அவரிடம் சொல்லிவிட்டு என் கையை பிடித்து வெளியே வந்து லிப்டில்.. என்னிடம் “அவரு சொன்னது புரிஞ்சுது இல்ல..?” என்றான்.

“என்ன இவன்.. புரிஞ்சிட்டுதான் சொல்றானா..? கட்டின புருஷனே இன்னொருத்தனோட படுக்க சொல்றது என்ன அநியாயம்..?” ன்னு கோபம்..கோபமா வந்திச்சு... எதுவும் பேசாம வீட்டுக்கு வ்ந்திட்டோம்.. வந்து சாப்டவுடனே.. பெட்ல வந்து என் பக்கத்துல படுத்துக்கிட்டு என்னை கட்டிகிட்டான். மெதுவா என் கன்னத்துல முத்தம் கொடுத்தான். அவன் முகத்தில அவனுக்கு ”ஏங்காவாலி”ன்னு புரிஞ்சிச்சி.. அவன் கேட்ட கேள்விக்கு அவன் மேல கோபம் இருந்தாலும், என்னால துரைக்கு முடியாதுன்னு சொல்ல முடியாது. அவன் முடிக்கிற வரைக்கு படுத்திருந்தேன்.. எல்லாம் துரைக்காக..

அன்னைக்கு துரை ரொம்பவே முரட்டுதனமா இருந்தான். வேர்த்து முடிஞ்சி பக்கத்தில படுத்தப்ப.. “இப்ப என்கூட படுத்தப்ப... இருந்தியே அதேபோல டைரக்டர் கூட படுத்தேன்னா என்ன குறைஞ்சா போயிருவே..?”ன்னு கேட்டதும். எனக்கு அழுகை அழுகையா வந்திச்சு. அவன் சீரியஸ்சதான் பேசுறான்றது புரிஞ்சிச்சு.. எனனை லவ் பண்ணின துரையா இப்படி பேசுறான்னு தோணிச்சு. ஓன்னு வாய் விட்டு அழுதேன். கோவத்துல ”ஒரேய்.. தொங்கனா கொடுக்கா. கட்டின நீயே கூட்டி கொடுக்கிறீயே.. உனக்கு வெக்கமாயில்லை..”ன்னு கத்தி அவனை அடிச்சேன். கத்தினேன். ஆர்பாட்டம் பண்ணேன். துரை எல்லாத்துக்கு அமைதியாவே இருந்தான். ஓஞ்சு போய் உக்காந்தப்ப.. “ நல்லா யோசிச்சு பாரு.. எனக்கோ படிப்பில்ல.. நான் வேலைக்கு போய் சம்பாதிச்சு நல்லா வாழ்றதுங்கறது அவ்வளவு ஈஸியில்ல.. சான்ஸு வருது. இன்னைக்கு என்கூட படுக்கிறதுக்கு உனக்கு இஷ்டமில்லைன்னாலும்.. கண்ணை மூடிட்டு படுத்தேயில்ல அதே போல அவன் கூட படுத்தா.. சான்ஸுக்கு சான்ஸு.. பணத்துக்கு பணம்.. ஒரு வாட்டி.. எனக்காக ஒருவாட்டி.. அதுக்கப்புறம் வாணாம்.. நாம செட்டில் ஆவணும் ராஜீ.. ஒரு நாலு படம் பண்ணிட்டன்னு வச்சிக்க.. அப்புறம் நம்மள எல்லாம் தலைல தூக்கி வச்சு ஆடுவாங்க.. வசதியா ஊரை சுத்திட்டேன்.. என்னால கஷ்டப்பட முடியாது..மூட்டை தூக்கியாவது காப்பாத்துறேன்னு சொல்றது சினிமால வேணும்னா நல்லாருக்கும் நிசத்துக்கு ஆவாது.. ஒருவாட்டி.. ஒரே ஒரு வாட்டி”னு கெஞ்சினான். துரையோட நிஜ மொகம் தெரிஞ்சிச்சி..

எனக்கு அவன் சொல்றது புரிஞ்சிச்சி.. அவனால கஷ்டப்பட முடியாது. அப்படியே அவ்னை தள்ளிவிட்டுட்டு ஊருக்கே திரும்ப போலாமான்னு தோணிச்சு.. போனா.. மறுபடியும் அம்மாவுக்கு கிடைசச் பேருதான் எனக்கு கிடைக்கும். அங்க போய் பேர் கெட்டு.. அம்மா தொழிலையே செய்யறதுக்கு.. இங்க புருசன் ஹெல்போட செய்யப்போறேன். அவ்வளவுதான். அதிலேர்ந்து வெளிய வரணும்னுதான் நான் துரைனி லவ் பண்ணினேன். தேவுடு சித்தம்.ன்னு நினைச்சிகிட்டு.. கால் மனசா சரின்னு சொன்னேன். அப்படி சொன்னாலும்.. மனசுக்குள்ள அழுகை, அழுகையா வந்திச்சு.. இதுவரைக்கு துரை தவிர யாரும் என்னை தொட்டது கூட கிடையாது. நிசங்கா.. நா மீது ஒட்டு.. அம்மாவுக்கு தெரிஞ்சவங்க பதிமூணு வயசில என்னை கூப்ட போது கூட நா முடியாதுன்னு சொன்னவ.. இன்னைக்கு துரைக்காக..

டைரக்டர் ரொமப் லவ் ஆளு.. பாட்டு பாடுனாரு.. ஒரு க்ளாஸுல பீரை ஊத்தி எனக்கு ஊட்டி விட்டாரு... ஓரே கசப்பு.. சில்லுன்னு உள்ளுக்குள்ள இறங்கிச்சு.. சாப்டான ஆளு.. மொதல்ல அவரு தொடும் போது, கூசிச்சி.. துரை ஞாபகம் வந்திச்சு.. இன்னொரு க்ளாஸ் பீரை குடிச்சதும்.. கொஞ்சம் கிரக்கமா இருந்திச்சு.. அதுக்கு அப்புறம்.. கூச்சம் குறைஞ்சிச்சு.. இன்னொரு க்ளாஸ்.. க்ளாஸ்... க்ளாஸ் என்று கூச்சம் எனக்கு குறைய.. குறைய.... டைரக்டர்க்கு வெறி பிடிச்சு.. புரட்டி எடுக்க. அடுத்த படத்துல செகண்ட் ஹீரோயின் சான்சு தரதா சொல்லி, இருபதாயிரம் பணம் கொடுத்தார். ”அடுத்த வாரம் புரொடியூசர் வர்றாரு வந்து ஒரு வாட்டி பாத்துரு”ன்னாரு.. துரைக்கு ஒரே சந்தோசம்.. வெளியே வரும் போது ரமேஷ் சார் பக்கத்து ரூமிலேர்ந்து வெளியே வ்ந்தாரூ.. என்னை பார்த்தாரூ.. தெரியாத மாதிரி போயிட்டார். எனக்கு ஒரு மாதிரியா இருந்திச்சு..

அனனிக்கு பூரா துரை என்னை கட்டி பிடிச்சு முத்தம் கொடுத்துகிட்டே இருந்தான். வீட்டுலேயே பீர் வாங்கி வந்து குடிச்சான்.. என்னை பார்த்து குடிக்க்றியானு கேட்டான். நான் வேணாம்னு சொல்லிட்டேன். என் பதிலுக்கு எதிர்பாக்காம கடகடன்னு குடிச்சான். ரொம்ப சந்தோஷமாயிருந்தான்.. அவன் சந்தோஷமா இருக்கிறதுக்கு எது வேணும்னாலு செய்யலாம்னு தோணிச்சு. அவன் என்னை யூஸ் பண்றானோன்னு கூட தோணிச்சு... உடம்பு வலிச்சுது.. இப்ப கூட கெட்டுறல.. ராஜீ.. போயிருன்னு மனசு சொல்லிச்சு.. ஆனா எல்லாம் என் துரைக்காகத்தானே...

அடுத்த நாள் ரமேஷ் சார்.. என்னை ஷூட்டிங் ஸ்பாட்டில வந்து பார்த்தாரூ.. ஏதுவும் கேட்கல.. ஆனா நானா சொன்னேன். டைரக்டர் அடுத்த படத்துல செகண்ட் ஹீரோயின் கேரக்டர் தர்றேன்னு சொன்னதை.. சிரிச்சாரூ.. நீ இத்தோட அஞ்சாவது செகண்ட் ஹீரோயின்னாரு.. எனக்கு தூக்கி வாரி போட்டிச்சு.. அன்னைக்கு உன்னை கூட்டி வந்தது யாருன்னு கேட்டாரூ.. அது என் மாமான்னதும் சிரிச்சாரு.. நான் தயங்கி என் வீட்டுக்காரர்ன்னு சொன்னேன். வேணாம்னு சொல்லல எடுத்தவுடனேயே இதுல மாட்டின சீரழிச்சுருவாங்க.. ராஜீ.. ஏதாவது வேலை வெட்டி பாக்க சொல்லு உன் புருசனை.. இதுல சம்பாரிச்சு பழகிட்டான்னா.. உனக்கு இதிலேர்ந்து வெளிய வர விடவே மாட்டான். உன் வீட்டுகாரருக்கு டிரைவிங் வேலை தெரிஞ்சா சொல்லு.. எனக்கு தெரிஞ்ச டிராவல்ஸுல வேலை வாங்கி தர்றேன்னு சொன்னாரு.. சொல்லிட்டு ஏன் இவ்வளவு பேர்ல உன் கிட்ட மட்டும் இன்வால்வ்மெண்டுன்னு புரியல..ன்னு எம் கண்ணை பார்த்து சொல்லிட்டு போயிட்டாரு.. டைரக்டர் நாங்க பேசுறத பாத்து அவரை தாண்டி போன ரமேஷ் சாரை கூப்ட்டு கோபமா பேசினாரு.. ரமேஷ் சார்..தலைகுனிஞ்சியிருக்க, திடீர்னு அவரு கையில இருந்த பேப்பர் பேடை எல்லாம் டைரக்டர் பக்கத்தில வச்சிட்டு.. அங்கிருந்து ஒரு மாதிரியா என்னை பார்த்துட்டு வெளியே போயிட்டாரூ. அவரு என்னை லவ் ப்ண்ணுறாறோன்னு தோணிச்சு. அதுக்கு அப்புறம் அவரு சூட்டிங்கிக்கு வரவேயில்லை.

துரைகிட்ட வேலை பத்தி சொன்னதும் விழுந்து, விழுந்து சிரிச்சான். ”நாம நினைச்சா இன்னும் ஒரு வருசத்துல பத்து காருக்கு டிரைவர் போடலாம்.. காரியம் கைகூடுறப்போ இந்த மாதிரியெல்லாம் எவனாவது எதையாவது சொல்லிட்டுதானிருப்பான்.”

ரமேஷ் சாரை யாரோன்னு துரை சொன்னது வருத்தமாயிருந்தது. அவர்தானே என்னை முதல்ல செலக்ட் செஞ்சாரு.. துரை அதுக்குள்ள மற்ந்துருச்சேன்னு வருத்தமாயிருந்தது.

கையில கிடச்ச காசுல தனியா சாலிக்கிராமத்துல வீடு எடுத்து, தினம் ஒரு ப்ரோடியூசர், டைரக்டர்னு போட்டோ எடுத்துட்டு துரை அலைய ஆரம்பிச்சான். ஒன்னு ரெண்டு படத்துல ஹீரோயின் ப்ரெண்டு, கல்யாண பெண் சிநேகிதின்னு சான்ஸ் வரத்தான் செஞ்சிச்சு.. நடிச்சதுக்கு பணம் வாங்கினதைவிட, படுத்ததுக்கு வாங்கினதுதான் ஜாஸ்தி.. ஒவ்வொரு வாட்டியும் இத்தோட லாஸ்டு.. இத்தோட லாஸ்டுன்னுதான் சொல்லுவான். இப்பெல்லாம் துரை என் கிட்டயே வரதில்லை.

ஆனா எனக்கொன்னுன்னா துடிச்சிருவான். ரமேஷ் சார் சொன்ன மாரி.. முத டைரக்டர் சொன்ன படத்துல செகண்டு ஈரோயினின்னு சொன்னது டுபாக்கூர்னு தெரிஞ்சிருச்சு.. அவர் கிட்ட கேட்டேன். எப்ப சொன்னேன்னார்.. தொங்க சச்சினோடான்னு மனசுக்குள்ள திட்டிட்டு வந்திட்டேன்.

எனக்கு இப்ப சினிமா புரிஞ்சிருச்சு.. துரை இல்லாமயே ஷூட்டிங் போக ஆரம்பிச்சிட்டேன். கையில ஓரளவுக்கு காசு தேற ஆரம்பிசிருச்சு.. டைரக்டரோ.. புரோடியூசரோ.. பாக்கிற பர்வையிலேயே அவங்களுக்கு என்ன் தேவைன்னு எனக்கு தெரிஞ்சிரும். ஒரு ரோஜூ உடம்புக்கு முடியல.. யாரோ புரொடியூசரை பாக்கணும்னு சொன்னான். முடியல வேணாம்னு சொன்னேன்.. நம்ம கிட்ட தான் காசு கொஞ்சம் இருக்கு.. வேற வேலை பாக்காலாமே.. எதாவது கடை கிடை போட்டுக்கலாம்னு சொன்னதுக்கு.. இப்பதான் வாழ்கையில சந்தோஷமா இருக்கேன். அது ஒனக்கு பொறுக்கலையான்னு கேட்டான். எனக்கு புரிஞ்சி போச்சு.. இனி இவன் நம்மள வச்சுதான் பொழைகக் போறான்னு.. கோவம் வந்திச்சு.. ஆனா அவனை விட்டு பிரிய முடியல.. ஏன்னே தெரியல.. சில சமயத்துல் இந்த மாரி வலிக்க, வலிக்க, அடங்கிட்டுருக்கிறது கூட ஒரு மாதிரி நல்லாத்தான் இருக்குன்னு தோணுது.. எல்லாம் என் துரைக்காகத்தானே..

ஒரு நாள் ஷூட்டிங் கேன்சலாகி கூட்டிட்டு போறதுக்கு துரைக்கு போன் பண்ணேன். எடுக்கவேயில்ல.. சரின்னு யூனிட் கார்லேயே கிளம்பி வீட்டுக்கு போனப்ப.. ஆடிப்போயிட்டேன். ரூமில துரையும், வீட்டுகார அம்மா பொண்ணும்.. ஒட்டு துணியில்லாம செஞ்சிட்டுருந்தாங்க.. சத்தம் கேட்டு திரும்புனவன்.. எதுவும் நடக்காத மாதிரி.. அந்த பொண்ணை அனுப்பிச்சிட்டு.. பதட்டமேயில்லாம லுங்கிய கட்டிட்டு வந்தான். என் கண்ணுல தண்ணி வ்ந்திட்டேயிருந்தது. உள்ளுக்குள்ள அவன் எனக்கு செஞ்ச துரோகம் புரியவேயில்லை. அப்படியே அவன் தலை முடிய பிடிச்சி இழுத்து உலுக்கினேன். ”எந்துக்குரா.. எந்துக்குரா.. இலா சேசாவூ.. “ன்னு வெறிபிடிச்ச மாதிரி அவனை அடிச்சேன்.. ”நூகோசம்.. அன்னி நூகோசம்.. உனக்காத்தானே.. இப்படியெல்லம் சம்பாரிக்கிறேன். எனக்கு நீ இப்படி பண்ணலாமா..?னு கேட்டேன். அவன் அப்படியே பதில் சொல்லாம கூட விட்டிருந்தா பரவாயில்லை. நேரே என்னை பாத்து “உன் கூட படுத்தா.. எனக்கு அயிட்டம் கிட்ட படுக்கிற மாரி இருக்கு.. எவ்வளவு நாள்தான் .. அதனாலதான்.. நான் அவளை கட்டிக்க போறேன்னான்.” எனக்கு அப்படியே துர்கம்மா போல ஆவேசம் வந்திச்சு பாருங்க அப்படி ஒரு ஆவேசம் எங்கிருந்து வந்திச்சினே தெரியல.. துரையோட சந்தோஷத்துக்காக.. அவன் கஷ்டபடக்கூடாதுங்கிறதுக்காக,னு எல்லாத்தையும் அவனுக்காகவே செஞ்சி இப்ப வேற ஒருத்திய கட்டிக்க போறேன் சொன்னத கேட்டவுடனே.. பக்கத்து டேபிள் மேல இருந்த கத்திய எடுத்து அவனோடத பிடிச்சி அழுத்திட்டே.. “இது இருக்கிறதுனாலதானே.. இவ்வளவு திமிரா பேசினே..ன்னு கத்திட்டே.. சர..சர.. சர...ன்னு அறுத்திட்டேன்.. ரூம் பூரா உடைச்ச பைப்லேர்ந்து வர்றா மாதிரி ரத்தம் பீச்சிச்சி.. என் மூஞ்சி.. உடம்பு, மாரூ.. இடுப்பு எல்லா இடத்திலேயும்..அவன் துடிச்சி.. துடிச்சி.. மயங்கி செத்ததை பாத்துகிட்டேயிருந்தேன்... கொஞ்சம் சந்தோஷமாவும், ப்ரீயாவும் இருந்திச்சு.

கொல கேசாயிருச்சு.. கேஸுக்கு வக்கீல் வைக்க, கொள்ளன்னு ஹெல்ப் வேணுமில்ல.. யாராச்சும் தெரிஞ்சவங்க இருந்தா கூப்பிடுன்னு சொன்னாங்க்.. எனக்கு தெரிஞ்சி இங்க எனக்கு உதவுறதுக்கு உங்கள விட்ட யாரும் தெரியாது. இஷ்டமிருந்தா உதவி செய்ங்க.. இல்லேன்னா தேவுடு சித்தம்..னு சொன்னவுடனே.. ரமேஷ் சார். என் கைய அழுத்தி பிடிச்சாரூ.. கண்ணு கலங்கி இருந்தது.. அவரு பிடியில ஒரு நம்பகம் ஒச்சிந்தி. எனக்கென்னவோ ரமேஷ் சார் இப்பவும் என்னை லவ் பண்றாரூன்னு தோணுது. அன்னி தேவுடு சித்தம்..

Technorati Tags: சிறுகதை

ஆதவன் திரைவிமர்சனம் படிக்க இங்கே அழுத்தவும்
உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..

தியேட்டரிலிருந்து மல்டிப்ளெக்ஸ்-2

2009-10-27T09:57:00.003+05:30

சென்னையில் அன்றைய காலகட்டத்தில் பிரபலமாயிருந்த திரையரங்குகள், காமதேனு, சித்ரா, கெயிட்டி, கேசினோ, பிளாசா, பைலட்,அலங்கார், மினர்வா, ஸ்ரீகிருஷ்ணா, செலக்ட், க்ரவுன், புவனேஸ்வரி, பாரத், பிரபாத், பிராட்வே, எலிபெண்ட்ன், நட்ராஜ், பத்மனாபா, வெலிங்டன், மகாலஷ்மி, சரஸ்வதி, முருகன் டாக்கீஸ், ராக்ஸி, வீனஸ், சயானி போன்ற தியேட்டர்களில் பெரும்பாலான தியேட்டர்கள் இப்போது ஷாப்பிங்க் காம்ப்ளெக்சாகவோ, அல்லது குடோனாகவோ, பூட்டியோ கிடக்கிறது. இவை எல்லாமே சிங்கிள் ஸ்க்ரீன் எனப்படும் ஒற்றை தியேட்டர்களே.

இப்படி ஆயிரக்கணக்கான சினிமா ரசிகர்களை தங்கள் வசம் வைத்திருந்த திரையரங்குகள் ஏன் திடீரென மூடப்பட்டது? எதனால்?

என்பதுகளில் திரையரங்குகளை தவிர வேறு பொழுது போக்கே இல்லை என்ற நிலையில் வந்த தொலைக்காட்சி பெட்டி தமிழ் சினிமாவை மட்டுமல்ல, இந்திய சினிமாவையே ஒரு ஆட்டு ஆட்டியது என்றால் அது மிகையில்லை. வெள்ளிக்கிழமை ஒளியும் ஒலியும் நேரத்திற்காகவே சாயங்காலமே எல்லா வேலைகளையும் முடித்துவிட்டு ரெடியாகிவிடுவார்கள். திரையரங்குகளீல் மாலை காட்சி காற்றாட ஆரம்பித்தது இந்த காலங்களில் தான். கூடவே ஞாயிற்று கிழமை சினிமா வேறு மக்களை கட்டி போட ஆரம்பிக்க, டிவி மெல்ல எல்லார் வீடுகளிலும் ஆக்கிரமிக்க ஆரம்பிக்க, மெல்ல உள்ளே வந்தது விடியோ கேசட் என்னும் ஒரு மாற்று பொழுதுபோக்கு,.

சினிமாவை தியேட்டரில் மட்டுமல்லாமல், வீட்டின் தொலைக்காட்சியிலும் காணலாம் என்றிருந்த காலத்தில் நாம் விரும்பும் படங்களை விடியோகேசட்டாய் வெளிவர, மக்களுக்கு இன்னும் சந்தோசம். வீடியோ கேசட்டுகள் பிரபலமாக, பிரபலமாக, ஒவ்வொரு ஏரியாக்களீலும் வீடியோ லெண்டிங் லைப்ரரிகள் புற்றீசல் போல் உருவாக, மெல்ல பழைய படஙக்ள் மட்டுமே லைப்ரரிகளில் கிடைத்துவந்த காலங்களில் புதிய படங்கள் திருட்டு தனமாய் தியேட்டர்களிலிருந்து ஒளிப்பதிவு செய்யப்பட்டோ, அல்லது தியேட்ட்டர்களில் பெட்டியை கொண்டு போகும் ஆட்களூடன் அக்ரிமெண்ட் போட்டுக் கொண்டு, திருட்டு தனமாய் ஒளிப்பதிவு செய்தோ, படங்கள் வெளியான அடுத்த சில நாட்களிலேயே வெளிவர ஆரம்பிக்க, தியேட்டர்களில் கூட்டம் குறைய ஆரம்பித்தது.

தியேட்டர்களில் கூட்டம் குறைய குறைய என்ன செய்வது என்று புரியாமல் விழித்தனர் திரையுலகினர். விடியோ பைரசிக்காக ஒரு தனி டீமையே படப் பெட்டிகளுடன் அனுப்பி பார்த்தார்கள், படம் ரிலீஸானவுடன் ஒரு பக்கம் தயாரிப்பாளர் போலீஸ் ரைய்ட் விட, இன்னொரு பக்கம் வீடியோ ரைட்ஸ் வாங்கிய உரிமையாளர்களே, பைரஸியாய் படஙக்ளை வெளியிட ஆரம்பித்தனர். ஏனென்றால் அவர்கள் குறைந்த பட்சம் மூன்று வருடங்களுக்கு பிறகு தான் ஒரிஜினல் கேசட்டை வெளியிட உரிமையிருக்கும் அதனால் முன்பே பைரஸி கேசட்டை விட்டு சம்பாதிக்க ஆரம்பித்தனர். பின்பு இதையே காரணம் சொல்லி தயாரிப்பாளர்களிடம் மூன்று வருடம் என்பதை கொஞ்சம் கொஞ்சமாய் குறைத்து இரண்டு வருடம், ஒரு வருடம், ஆறு மாதம் என்று ஆகி படம் ரிலீஸ் ஆன ரெண்டாவது நாள் வீடியோ கேசட் வெளியிட்டார்கள்.

அப்படி விடியோவிலும், தியேட்டரிலும் ஒரே நேரத்தில் தமிழ் திரையுலக வரலாற்றிலேயே ரிலீஸாகி வெற்றி பெற்ற முதல் படம் நாயகன்.
தொடரும்…

Technorati Tags: தியேட்டரிலிருந்து மல்டிப்ளேக்ஸ்,தொடர்

உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..

கொத்து பரோட்டா –26/10/09

2009-10-26T10:28:00.005+05:30

சில பேர் தாங்கள் செய்தது தவறு என்று “போதையின்” உச்சத்தில் இருக்கும் போது, தலையில் அடித்து கொண்டு ஒத்து கொண்டதும், அதற்கு சாட்சியாய் தான் போதையின் உச்சத்தில் இருந்ததாய் நிருபிக்க, அங்கிருந்த மருத்துவருக்காக, பின்னூட்ட பெட்டியை திறந்திருப்பதும், அடிபட்டவர் நடந்த சம்பவத்தை எழுதிவிட்டார் என்பதும், மேலும் தான் குடித்திருந்ததை நிருபிக்க, வந்திருந்த நண்பர்கள் கூட மதுவருந்தி போதையில் இருந்ததாய் ஆளுக்கொரு ஒரு பீர் அடித்திருந்து, அதுவும் இந்த பிரச்சனையை கேள்விபட்டு டென்ஷனாகி, மூச்சா போய்விட்டு வந்தவர்களை பார்த்து போதையில் இருந்தார்கள் என்று சொன்னது எவ்வளவு மிகைபடுத்தல் என்பதை, கூட இருந்து பீரடித்து, மூச்சா போனவர்கள் இல்லாமல் யார் வேண்டுமானாலும் பின்னூட்ட என் பாக்ஸ் திறந்தே இருக்கும்.

******************************************************************
செவிக்கினிமை
ரொம்ப நாளாகிவிட்டது இந்த பாட்டை கேட்டு, ரட்சகன் படத்தில் நாகார்ஜுன், சுஷ்மித சென்னை அலேக்காய் தூக்கிய படி பல மாடி கட்டிடங்களில் படியில் ஏறி போவதாய் காட்சி, “கனவா.. இல்லை காற்றா.?” என்ற ஸ்ரீனிவாஸ் உருகியிருக்கும் அந்த பாடல். சுகம். முக்கியமாய் வைரமுத்துவுன் வரிகள் அருமையோ.. அருமை.

நிலவில் பொருள்கள் எடை இழக்கும்,

நீரில் பொருள்கள் எடை இழக்கும்,

காதலில் கூட உடல் எடை இழக்கும்

என்று கண்டு கொண்டேனடி, நான் கண்டு கொண்டேனடி,

என்பவர், அடுத்த வரியில்

காதல், தாய்மை இரண்டு மட்டும் பாரம் என்பதை அறியாது. என்று முடித்திருப்பார். ஹாட்ஸ் ஆப்.

கிட்டத்தட்ட இதே ட்யூனை ஹாரிஸ் கொஞ்சம் ரிதமை மாற்றி, தாம் தூம்\என்ற படத்தைல் “ ஆழியிலே முக்குளிக்கும் அழகே” என்று போட்டிருப்பார்.

********************************************************************
இந்த வார குறும்படம்
மிரட்டலான படம. கொஞ்சம் லாஜிக் இடிச்சாலும்…

***********************************************************
சாப்பாடுக் கடை
சைதாப்பேட்டை பூக்கார தெருவுக்கு எதிர் தெருவில் சப்பாத்தி கடை சேட் என்றால் எல்லோருக்கும் தெரியும், சப்பாத்தி என்றால் சைதப்பேட்டையில் மிகவும் பேமஸான கடை. ஒரு காலத்தில் மிக சின்ன கடையாய் இருந்த இடம், இப்போது, சற்றே பெரிய கடையாய் ஆகியிருக்கிறது. கையேந்தி பவன் தான். ஆனால் சூடான சப்பாத்திக்கு அவர்கள் கொடுக்கும் சென்னா,மற்றும் தக்காளி குருமா, ப்ளஸ் பச்சை வெங்காயம் எல்லாவற்றையும் சூடான மிகவும் சாப்டான, அதிகமாய் எண்ணையில்லாத சப்பாத்தியுடன் சப்பிட்டால் ம்ம்ம்ம்ம் .. அங்கேயே தோசை, இட்லி, சாம்பார் சாதம் கூட கிடைக்கிறது. குறைந்த விலையில்.

********************************************************************
பிக்ஸார் கம்பெனி உருவான கதை மிக அருமையாய் எழுதப்பட்ட ஒரு தொடர், Informative and Interesting. நகைச்சுவை ததும்ப எழுதப்பட்ட இந்த தொடர் என் நண்பர் HollyWood Bala எழுதியது என்று நினைக்கும் போது சந்தோஷமாய் இருக்கிறது. நிச்சயமாய் இது ஒரு முதுகு தொறிதல் ரெபரன்ஸ் அல்ல. படிப்பவர்களுக்கு நிச்சயம் பயனுள்ள தகவல் உள்ள பதிவு. புத்தகமாய் வருவதற்கு ஏற்ற பதிவுகள். எழுதிய ஹாலிவுட் பாலாவுக்கு பாராட்டுக்கள்.

********************************************************************
ஏஜோக்

ஒரு மாமிச கடைக்காரனின் முன் ஒரு பெண் கைகுழந்தையுடன் வந்து நின்று இது உனக்கு வாபிறந்தது என்று கூறி பிரசச்னை செய்ய, வேறு வழியில்லாமல் அந்த குழந்தை 16 வயது வரும் வரை, இலவசமாய் மாமிசம தருவதாய் ஒத்துக் கொண்டான். இப்படியாய வருடங்கள் போக, அந்த பையனும் தன்க்கு நாளை பதினாறு வயதாக போகிறது என்று சொல்ல அந்தா நாளுக்காகத்தான் காத்திருந்தேன். என்று சொல்லிவிட்டு.. உன் அம்மாவிடம் போய் இதுதான் நான் கொடுக்கும் கடைசி மாமிசம் என்று சொல்லிவிட்டு அவளின் முகத்தில் தெரியும் எக்ஸ்ப்ரெஷனை பார்த்து சொல்ல சொல்ல, அதை அப்படியே சொன்ன மகன், அதை கேட்ட அவள், இத்தனை வருடமாய் இலவச மளிகை, இலவசபால், இலவச வாடகை என்று இலவசமாய் தான் வாங்கி கொண்டிருந்ததாய் சொல், அவன் எக்ஸ்பிரஷனை பார்த்து சொல் என்றாள்.

All The Best- Hindi Film Review

2009-10-23T17:36:00.006+05:30

பர்தீனும், அஜெயும், நண்பர்கள், பர்தீனின் பணக்கார அண்ணன் சஞ்செய் தத் மாதம் தரும் லட்ச ரூபாய் பாக்கெட் மணியை வைத்து காலத்தை ஓட்டுபவன். அஜெயும், அவனது மனைவி பிபாஷாவும் ஒரு நொடித்து போன ஸ்டாப் பட்டனை அழுத்தினால் நிற்காத டிரெட்மில்லை வைத்து ஜிம் நடத்தி நொந்து போனவர்கள்.

பர்தீனும் அவனது காதலியும் கல்யாணம் செய்து கொண்டுவிட்டதாய் அவனது அண்ணனிடம் சொல்லியிருக்க, அதே நேரத்தில் செலவுக்காக லோக்கல தாதா ஜானிலீவரிடம் கடன் வாங்கியிருக்க, அந்த கடனை அடைக்க, பங்களா வீட்டை வாடகைக்கு விட லாட்டரியில் விழுந்த காசினால் பணக்காரனான ஒருவனுக்கு வாடகைக்கு விட அட்வான்ஸ் வாங்கி அந்த பணததை தாதாவிடம் கொடுத்துவிட, அந்நேரத்தில் பர்தினின் அண்ணன், ப்ளைட் கேன்ச்லாகி வெளிநாட்டிலிருந்து வந்து கோவா எர்போர்டிலிருந்து பேச, குழப்பத்துடன் அவரை வீட்டுக்கு கூட்டி வர, வீட்டில் இருக்கும் அஜயின் மனைவி பிபாஷாவை பர்தீனின் மனைவி என்று சஞ்செய் நினைப்பதிலிருந்து ஆரம்பிக்கிறது குழப்பம், ஒரே கலாட்டா தான்

படம் நெடுக டயலாக் காமெடிதான். பர்தீனை விட அஜய் தூள் பரத்தியிருக்கிறார். க்ளாஸ் டம்பளரில் ஸ்பூனினால் அடித்து சங்கேதமாய் பேசும் தாதா ஜானி லீவர், பர்தீனின் காதலி வித்யாவின் அப்பா அஸ்ரானி, கடித்து, கடித்து ஹிந்தி பேசும் சமைல்காரி, ஜானிலீவரின் அல்லக்கைகள், வீட்டை வாட்கைக்கு எடுத்து, சாமான்களுடன், வீட்டு வாசலில் காத்திருக்கும் புது பணக்காரன், அவனுடன் நிறைமாத கர்பிணி மனைவியை ஹாஸ்பிடலில் போய் சேர்க்க காத்திருக்கும் டிரைவர், இவர்கள் சொல்வதையெல்லாம், நம்பியும், நம்பாமலும், அரைகுறையாய் குழம்பி போய், பார்பவனையெல்லாம் அடித்து துவம்சம் செய்யும் சஞ்செய்தத். க்ளைமாக்ஸில் வரும் டபுள் ஆக்‌ஷன் பிபாஷா. என்று எல்லோருமே தங்கள் பாத்திரஙக்ளை உணர்ந்து ஜாமாய்த்திருக்கிறார்கள்.

காமெடி படமென்பதால் பெரிசாய் லாஜிக்கெல்லாம் பார்க்க கூடாது. படம் முழுவதும் நகைச்சுவைக்கான இயல்பான ஒன்லைனர்களும், பரபரப்பான திரைக்கதையும், படத்திற்கு பெரிய பலம்.

ஜானி லீவர் ஒரு ஹிந்தி மயில்சாமி. மனுஷன் படம் முழுக்க பேசாமலேயே கலக்க, க்ளைமாக்ஸில் சஞ்செய் அடித்த அடியில் அவருக்கு பேச்சு வந்து சஞ்செய்யும், நீக்ரோ ஆட்களும் பேசும் பாஷையை இவர் மொழி பெயர்த்து சொல்லும் காட்சியில் சிரிக்காமல் இருக்க முடியாது மனுஷன் பின்னி பெடலெடுக்கிறார். அதே போல் சஞ்செயும், அஜய்யும் ஒருத்தரை ஒருத்தர் ஏமாற்றி தூங்க போகும் இடமும் அதகளம்.

All The Best – Laugh Riot

Technorati Tags: Hindi Film Review,All the Best

சினிமா வியாபாரம்-9 படிக்க இங்கே அழுத்தவும்
உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..

சினிமா வியாபாரம்-9

2009-10-23T09:12:00.002+05:30

திரையரங்குகளில் வெளியீடு..

தயாரிப்பாளர் படத்தை முடித்து, வெளியீட்டு தேதியையும் அறிவித்து, படத்தை ஏரியா வாரியாக விற்பனையும் செய்தாயிற்று. அத்தோடு அவர்களது வேலை முடியவில்லை.. தியேட்டருக்கான போட்டோகார்டுகள், போஸ்டர்கள், பத்திரிக்கையாளர்கள் காட்சி, பத்திரிக்கை விளம்பரம் என்று பல வேலைகள் அவர்களுக்கு இருக்கிறது. படததை மக்களிடையே கொண்டு செல்ல, டிவி விளம்பரங்கள், பேட்டிகள் என்று பல விதங்களில் படத்தின் மார்கெட்டிங்குக்காக செலவு செய்ய வேண்டும். அவ்வாறு செலவு செய்யாத படங்கள் மக்களிடயே சென்றடைவது மிகவும் கஷ்டமான விஷயம்.. எனவே இக்காலத்தில் அது மிக முக்கியம்.

உதாரணத்திற்கு உன்னை போல் ஒருவன் படத்தை எடுத்து கொள்ளுங்கள், படம் வெளியாவதற்கு முன் பாடல் வெளியீட்டில் ஆரம்பித்து, டிவீ, மற்றும் பத்திரிக்கை மீடியாக்களில் கவரேஜ் செய்ய ஆரம்பித்து, மெல்ல, சின்ன,சின்ன பத்து செகண்ட் விளம்பரங்கள் தொலைக்காட்சிகளில் வெளியாகி படத்தை பற்றிய ஒரு எதிர்பார்ப்பை ஏறப்டுத்தியிருக்க, அதனுடய வெளிப்பாடு படத்தின் முன்பதிவில் தெரிந்தது.

பின்பு படம் வெளியாகி நல்ல ரிப்போர்டை கொண்டிருந்தாலும், அதை மேலும் உற்சாகபடுத்த, கதாநாயகன் கமல் எல்லா டீவிகளிலும் பேட்டிகள், கலந்தாய்வுகள் என்று தொடர்ந்து கலந்து கொண்டு, மேலும் படத்தை பற்றிய விஷயங்களை பேச அதனால் மேலும் படத்தை பார்க்க கூட்டம் கூடியதை மறுக்க முடியாது.. இந்த காலங்களில் இம்மாதிரியான அக்ரசிவ் மார்கெட்டிங் என்பது மிக மிக அவசியம்.. பெரிய படங்களுக்கே.. இம்மாதிரியான மார்கெடிங் விஷயங்கள் தேவையாய் இருக்கும் போது, சிறிய படங்களுக்கு எவ்வளவு தேவை என்று பாருங்கள். இது எல்லாம் தயாரிப்பாளரின் வேலைகளில் முக்கிய பங்காகும். தாரை வார்த்து கொடுக்கும் பெண்ணுக்கு புகுந்த வீட்டில் போய் நன்றாக வாழ, எல்லா வசதி வாய்ப்புகளையும் ஏற்படுத்தி தருவதை போல..

சின்ன படங்களுக்கான மார்கெட்டிங் உதாரணம் என்றால் சமீபத்தில் வெளியான இரண்டு படங்களை சொல்லலாம். ஒன்று சுப்ரமணியபுரம். படம் வெளிவருவதற்கு முன்பே வித்யாசமான கவர்ந்திழுக்கும் பேப்பர் விளம்பரங்கள் தொடர்ந்து எல்லா பத்திரிக்கைகளிலும் வெளிவர வைத்தார்கள். பின்பு. படத்திற்கு சம்மந்தமேயில்லாத ஒரு அல்ட்ரா மார்டன் பாடலை.. ஒளிப்பதிவு செய்து எல்லா டீவி சேனல்களுக்கும் கொடுத்து இம்மாதிரியான் படம் ஒன்று வெளிவர இருக்கிறது என்கிற எதிர்பார்ப்பை ஏற்படுத்தினார்கள். அந்த எதிர்பார்ப்பு படத்தை வாங்க வந்த விநியோகஸ்தர்களுக்கும் ஏற்பட, படத்தின் ஏரியா எம்.ஜியிலேயே போனது.

இன்னொரு படம் ‘சிலந்தி” மிக சிறிய படமான, டிஜிட்டல் தொழில்நுட்பத்தில் வெளியான படம்.. சுமார் 45 லட்சத்தில் தயாரிக்கப்பட்ட அந்த பட்த்திற்கு, எல்லா பத்திரிககைகளிலும், கதாநாயகியின் கிட்டத்தட்ட அரைநிர்வாண படத்தை போட்டு, காதல் காட்சிகளில் கதாநாயகன் அங்கே தொட்டுவிட்டார், இங்கே தொட்டுவிட்டார் என்பது போன்ற விஷயங்களை தயாரிப்பு பக்கமே வெளியே விட்டு ஒரு பரபரப்பை ஏற்படுத்தினார்கள். அது ரசிகர்களிடையே மிகப் பெரிய எதிர்பார்ப்பை ஏற்படுத்தி சின்ன படத்திற்கு நல்ல ஓப்பனிங்கை தந்து சுமார் 1 கோடி ரூபாய் வசூல் செய்தது.

திரையரங்கு வெளியிடல்

சிட்டி சென் டர் ஐநாக்ஸ் மால்

படத்தை வாங்கிய விநியோகஸ்தர் வெளியீட்டு தினத்தை நிர்ணயத்தவுடன் பரபரப்பாக படத்துக்கான தியேட்டர்களை புக் செய்ய ஆரம்பிக்க வேண்டும். பெரிய படமாய் இருந்தால் நிறைய பார்வையாளர்களை கொள்ளும் தியேட்டர்களை முன் பதிவு செய்து வைக்க வேண்டும். தியேட்டர் முன்பதிவு செய்வது என்பது எல்லா ஏரியாக்களிலும் படத்தை பொறுத்தது என்றாலும். சென்னை மற்றும் பெரிய நகரங்களில் விநியோகஸ்தர்கள் வாடகை கொடுத்துத்தான் புக் செய்ய வேண்டும்.

சென்னையில் எல்லா தியேட்டர்களுக்கும் வாடகை இருக்கிறது. உதாரணமாய் கமல்/ரஜினி படம் ஒன்று வெளியாகிறது என்று வைத்துக் கொள்ளுங்கள், மிக பெரிய ஓப்பனிங்கை எதிர்பார்க்கும் விநியோகஸ்தர் ரசிகர்கள் அனைவரும் முடிந்த வரை முதல் வாரத்திலேயே பார்க்கக்கூடிய வகையில் பெரிய தியேட்டர்களாகவும், அல்லது ஒரே காம்ப்ளெக்ஸில் இரண்டு தியேட்டர்களாகவும், போட்டு ஒரே வாரத்தில் பெரிய வசூலை பார்க்க புக் செய்வார்கள். அப்படி புக் செய்யப்படும் தியேட்டர்களுக்கான வாடகை பணத்தை முன் கூட்டியே இரண்டு வாரங்களுக்கு கொடுத்துவிட வேண்டும். பல தியேட்டர்கள் பில்லில் ஒரு வாடகையும், தனியே மிச்ச வாடகையை பில் இல்லாமலும் வாங்கி கொள்வார்கள்.. நாம் முன் பணம் கொடுக்கும் போது பில் இல்லாமல் கொடுக்கப்படும் “பி’ அமெளண்ட் எனப்படும் கணக்கில் வராத பணத்தை அட்வான்ஸாக கொடுக்க வேண்டும்.

ஒரு படம் நன்றாக ஓடுவதற்கு நல்ல தியேட்டர்களை தேர்ந்தெடுப்பது மிக முக்கியம். வசதி குறைவான தியேட்டர்களிலோ, அல்லது, செக்ஸ் படங்கள் ஒடிய தியேட்டர்களிலோ படத்தை வெளியிட்டால், ஏற்கனவே அந்த திரையரங்கின் மேல் இருக்கும் வெறுப்பின் காரணமாய் அங்கே போகவே மாட்டார்கள். சில சுமார் படங்கள் கூட நல்ல தியேட்டரில் வசூல் கொடுப்பது இதனால்தான்.

உதாரணமாய் தசாவதாரம் படம் சென்னை உட்லெண்ட்ஸ் தியேட்டரிலும் வெளீயானது.. அதே சமயம் அருகில் உள்ள சத்யம் திரையரங்கினுளும் வெளியானது. சத்யமில் வசூல் செய்ததை விட, குறைவாகவே உட்லெண்ஸில் வசூல் ஆனது. ஓடிய நாட்களும் குறைவு.. ஏன் ஒரு வெற்றி பெற்ற படம், கம்பேரடிவாக பார்த்தால் அனுமதி கட்டணமும் குறைவாய் இருக்கும் தியேட்டரில் நிறைய நாட்கள் ஓடி வேண்டிய படம். அருகே உள்ள சத்யம் தியேட்டரில் அதிக நாள் ஓடியது.? இத்தனைக்கும் சத்யமில் அனுமதி கட்ட்ணம் அதிகம் இருந்தாலும் பார்வையாளனுக்கு அவ்ர்கள் செய்து தரும் டிஜிட்டல் தொழில்நுட்பம், ஏசி, ஒலி போன்ற வசதிகளுக்காக நல்ல தியேட்டரில் மக்கள் அதிக செலவு செய்தாவது படம் பார்க்க விரும்புகின்றனர். எனவே நல்ல படம் நன்றாக ஓட நல்ல தியேட்டர்கள் தேவை.

Technorati Tags: சினிமா வியாபாரம்,தொடர்

தியேடடரிலிருந்து மல்டிப்ளெக்ஸ்-1

2009-10-21T09:46:00.003+05:30

திபாவளி,பொங்கல் என்ற பண்டிகை நாட்கள் வந்தால் பண்டிகையை அடுத்து ஞாபகத்துக்கு வருவது சினிமாதான். அதிலும் முதல் நாள் முதல் காட்சி பார்பது என்றால் அதில் இருக்கும் கிக்கே தனிதான் இளைஞர்களுக்கு எந்த காலத்திலும்.

எம்.ஜி.ஆர், சிவாஜி காலத்தில் கூட ஒவ்வொருத்தருக்கும் ஒவ்வொரு தியேட்டர் ராசியாய் இருந்த காலம் இருக்கிறது. சென்னையில் சித்ரா என்று ஒரு திரையரங்கம் இருந்தது அங்கே வழக்கமாய் எம்.ஜி.ஆர்.படம் ரிலீஸ் ஆகும் என்று சொல்லியிருக்கிறார்கள். அங்கே வெளியிட்டால் நிச்சய வெற்றி என்கிற நம்பிக்கை ரசிகர்களிடையே இருந்தது. சிவாஜி படங்கள், பிளாசாவிலோ, அல்லது கொஞ்ச காலங்களுக்கு பிறகு சாந்தியிலேயோ வெளியாகும்.

இப்படி ஒவ்வொரு தியேட்டருக்கு பின்னால் ஒரு கதை இருக்கிறது. சினிமாவின் மீதுள்ள ஆர்வம் மக்களிடையே அதிகம் ஆக, ஆக, தியேட்டரில் ஆட்கள் உட்கார்ந்து பார்க்கும் இருக்கைகள் அதிகமாகி கொண்டே வர ஆரம்பித்தது. மதுரை தங்கம், திருச்சி, கலையரங்கம் போன்ற அரங்கங்கள் தமிழ்நாட்டிலேயே அதிக இருக்கைகள் கொண்ட திரையரங்குகளாய் இன்று வரை இருக்கிறது.. மதுரை தங்கம் தெற்கு ஆசியாவில் பெரிய தியேட்டராய் இருந்தது. இப்போது பல பிரச்சனைகளால் மூடிக்கிடக்கிறது.

நடுவில் அதை ஜி.வி.பிலிம்ஸ் வாங்கிவிட்டதாக கூட சொன்னார்கள். அதை பற்றிய தகவல்கள் அவ்வளவாக அதன் பிறகு வரவில்லை.

மதுரை தங்கத்தில் ஹவுஸ்புல் காட்சிகள் என்றாலே ஒரு காட்சிக்கு இரண்டாயிரம் டிக்கெட்டுக்களுக்கு மேல் என்று சொல்வார்கள். அந்த திரையரங்கில் பாக்யராஜ் கொடி கட்டி பறந்த காலத்தில் தூறல் நின்னு போச்சு படம் நூறு நாட்களுக்கு மேல் ஓடியது என்றால் பார்த்து கொள்ளுங்க்ள் படம் எவ்வளவு பெரிய ஹிட் என்று. அந்த படத்திற்கு பிறகு என் தங்கச்சி படிச்சவ என்கிற படத்திற்கு ஓரளவுக்கு நல்ல கும்பல் வந்ததாம்.

நாடகம், தெருகூத்திலிருந்து மெல்ல, சினிமா தன் ஆக்கிரமிப்பை ஆரம்பிக்க, மக்களுக்கு சினிமாவை தவிர வேறு பொழுது போக்கு விஷயங்கள் இல்லாததால் சினிமாவிற்கான வரவேற்ப்பு அதிகமாக, அதிகமாக், புதிதாய் நிறைய திரையரங்குகள் ஆரம்பிக்க பட்டது.

ஒவ்வொரு தியேட்டரிலும் ஒவ்வொரு விதமான ஸ்பெஷல் இருக்கும். அந்த காலங்களி பெண்கள் நிறைய பேர் சினிமா பார்க்க வந்த காலங்களில் தியேட்ட்ர்காரர்கள் பெண்களுக்கு முக்யத்துவம் கொடுத்து பெண்களுக்கான டிக்கெட்டுகள் கொடுத்துவிட்டுதான் ஆண்களுக்கு கொடுத்த காலஙக்ள் உண்டு.

தியேட்ட்ர்கள் அதிகமாகும் காலகட்டத்தில்தான் 70mm, சினிமாஸ்கோப் திரைகள், நல்ல ஒலியமைப்பு உள்ள் தியேட்டர்கள் என்று பல புதிய தொழில்நுட்பங்களை கொண்டுவர ஆரம்பித்தார்கள் திரையரக்கு உரிமையாளர்கள்.

டிஸ்கி:

இந்த தொடர் பற்றிய கருத்துகளையும், உங்களுக்கும் தெரிந்த தியேட்டர்களை பற்றிய செய்திகளையும் நீங்கள் பின்னூட்டினால் உதவியாக இருக்கும். எனக்கு சென்னை பற்றிய அறிமுகம் உளள அளவிற்கு மற்ற ஊர்களை பற்றி இல்லாததால், உங்கள் அனுபவஙக்ளை, சொல்லுங்கள்.

Blue – Hindi Film Review

2009-10-20T09:38:00.003+05:30

நான்கரை லட்சம் ஹிட்ஸ் தந்த பதிவர்கள், வாசகர்கள் அனைவருக்கும் நன்றி..நன்றி..நன்றி...

ஆத்துல போட்டாலும் அளந்து போடணும்னு நம்மூர்ல சொல்வாங்க. ஆனா இவங்க அளக்காம கடல்ல 95 கோடிய போட்டுருக்காங்க. இந்தியாவிலேயே அதிக பட்ஜெட்டில் எடுக்கப்பட்ட படம், அக்‌ஷய்குமார், சஞ்செய்தத், லாராதத்தா, காத்ரீனா கைஃப், என்ற நட்சத்திர பட்டாளம், ஏ.ஆர்.ரஹ்மான், ரசூல் பூக்குட்டி என்ற டெக்னீஷியன்கள் பட்டாளம், என்று எதிர்பார்ப்பு எகிற வைத்த படம்.

1949ல் Lady of Blue என்கிற கப்பல் இந்தியாவுக்கு சொந்தமான பல கோடி ரூபாய் மதிப்புள்ள பொக்கிஷஙக்ளை ஏற்றி கொண்டுவந்த கப்பல் பஹாமாஸ் தீவில் மூழ்கிவிட, அதை எடுக்க போகும் மூவர் பற்றிய கதை.

சஞ்செய், அக்‌ஷ்யின் கப்பல் கம்பெனியில் வேலை செய்பவன், நேர்மையானவன், ஆழ்கடல் நீச்சலில் ஜித்தன், தன் முந்தய அனுபவத்தினால் அந்த பொக்கிஷத்தை அடைய ஆசைபடாதவன்
அக்‌ஷய் பணக்காரன், எப்போதும் வெற்றியை மட்டுமே பேசுபவன், ஸ்திரிலோலன், என்றாவது ஒரு நாள் அந்த பொக்கிஷத்தை அடைய சஞ்செய்யை உசுப்பேற்றி கொண்டே இருப்பவன்.

சாம் அவனுடய வீக்னெஸ் பைக், மற்றும் பைக் ரேஸ்.. ஒரு பிரச்சனையில் தாதா ராகுலிடம் மாட்டிக் கொண்டுவிட, அவனுக்கு பணத்தை திரும்ப கொடுக்க முடியாததால் அங்கிருந்து தப்பித்து, அண்ணிடம் வந்து தஞ்சம் அடைகிறான்.

மோனா லாராதத்தா சஞ்செய்யின் காதலி. காத்ரினா சாம் காதலிக்கும் பெண். ஒரு கட்டத்தில் வில்லன் சாமை தேடி பஹாமாஸ் வந்து சஞ்செய்யின் காதலியை கடத்தி போய் சாம் கொடுக்க வேண்டிய பணத்தை க்கொடுத்துவிட்டு போ என்று சொல்ல வேறு வழியில்லாமல் மூவரும், கடலுக்குள் பொக்கிஷத்டஹி தேடி போகிறார்கள். அவர்களுக்கு பொக்கிஷய்ம் கிடைத்ததா..? வில்லன் என்ன செய்தான்? என்பது போன்றா கேள்விகளுக்கு 95 கோடி செலவு செய்து பதில் சொல்லியிருக்கிறார்கள்.

கதையின் ப்ளஸ் பாயிண்டான அண்டர் வாட்டர் காட்சிகள் மிரட்டல். அருமையா ஒளிப்பதிவு, அதற்கான லைட்டிங் என்று மிரட்டியிருக்கிறார்கள். அதே போல அந்த காட்சிகளுக்கான பிண்ணனி இசையும சூப்பர். அதே போல் அந்த பைக் சேஸிங் காட்சிகளும் மிரட்டல்.

மிக மிக செயற்கையான காட்சிகளால் நம்மை டேய் போய் சீக்கிரம் எடுங்கடா என்று புலம்ப வைகிற அளவுக்கு திரைக்கதை மொக்கை. இத்தனைக்கும் 2 மணி நேர படம்தான். ஆனால் டயர்ஸம்.

லாரா அண்டர்வாட்டரில் அழகாய் இருக்கிறார். கச்சிதமான உடலமைப்பு. சஞ்செய், அக்‌ஷய், என்று எல்லோரும் பெரிதாய் சொல்ல முடியாவிட்டாலும் அவர்களுக்கு கொடுத்த பணியை செவ்வனே செய்திருக்கிறார்கள்.

புது இயக்குனர் ஆண்டனி டிசோஸாவுக்கு இது ஒரு பெரிய ப்ரேக். கதை திரைக்கதையில் கவனம் செலுத்தியிருந்தால் எங்கேயோ போயிருக்க வேண்டிய படம். கதையின் முக்கிய தளத்துக்கு வருவதற்கே ஒண்ணேகால் மணி நேரம் ஆகிவிடுகிறது. அதே போல் அந்த அண்டர்வாட்டர் காட்சிகள் எல்லாம் நன்றாக இருந்தாலும் கூட பெரிய அட்வென்சர் ஏதுவுமில்லாத விஷயஙக்ளாகவே காட்டியிருப்பது பெரிய மைனஸ். இம்மாதிரியான காட்சிகளை நாம் டீவியில் நேஷனல் ஜியோகிராபியில் பார்த்திருக்கிறோம். என்ன பெரிய திரையில் நிச்சயம் பிரம்மாண்டமாய் இருக்கிறது.

க்ளைமாக்ஸில் ட்டுவிஸ்ட் வைத்து கதை சொல்கிறேன் பேர்விழி என்று அக்‌ஷய்க்கு ஒரு கதை சொல்வது செம காமெடி. ஏ.ஆர்.ரஹ்மானின் இசை தனியே கேட்பதற்கு நன்றாய் இருந்தது படத்தில் ஒட்டவில்லை.

Blue – Go For the Exotic Under Water Visual.

டிஸ்கி:

படத்திற்கு ஐடிபிஐ பேங்க் மட்டும் 40 கோடி ரூபாய் கடன் கொடுத்திருக்கிறது.

படத்தின் ப்ரோமோஷனுக்கு மட்டும் சுமார் 17 கோடி செலவு செய்திருக்கிறார்கள்.

தேவி பாரடைஸ் சீட் மட்டும் ஓகே. முன்பிருந்த சவுண்ட் இல்லை. ஏசியும் அவ்வப்போது கட் செய்துபோடுவது மிக அநியாயம். சத்யம ஏன் சென்னையின் முக்கியமான ஒரு எணடர்டெயின்மெண்ட் செண்டராக இருக்கிறது என்பதற்கு இதுவே ஒரு உதாரணம்.

Technorati Tags: Hindi Film Review,Blue

கொத்து பரோட்டா –19/10/09

2009-10-19T10:11:00.003+05:30

இந்த வருஷம் தீபாவளி அவ்வளவு சுரத்தாவே இல்லைன்னு தோணுது. ரிஸெஷன் கூட ஒரு காரண்ம்னு சொல்றாங்க. ரிலீஸான படங்களும் பெரிசா இல்லை. மக்கள் கையில காசு அவ்வளவா இல்லை. அதனால பட்டாசு, மற்றும் பல விற்பனைகள் கூட மந்தமாயிருந்த நிலையில. ஒரு இடத்தில மட்டும் மந்தமேயில்லாம, கொஞ்சம் கூட சுணக்கமில்லாம இருந்தது எதுன்னா அது டாஸ்மாக்ல மட்டும் தான் மப்பும் மத்தாப்புமா.. சாரி மந்தாரமா வியாபாரம் நல்லா நடந்திச்சி.. தமிழ் நாடு முழுக்க 240 கோடி வசூலாம். ஹாப்பி தீபாவளி. அது எல்லாம் சரி மப்புனா புரியுது.. மந்தாரம்னா..?

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

விரைவில் கோயம்பேடு ரோகிணி தியேட்டருக்கு ஒரு எச்சரிக்கை மணி அடிக்கப் போகிறது. மிக மட்டமான தியேட்டர் பராமரிப்பு, டி.டி.எஸ், க்யூப் டிஜிட்டல் புரொஷக்‌ஷன், நல்ல சீட்டுகள், முழு ஏசி போன்ற எந்தவிதமான அடிப்படை வசதிகளையும் மக்களுக்கு கொடுக்காமல், அநியாய கொள்ளையாய் 100,80,70 என்று புதிய படங்களுக்கு டிக்கெட் கொடுத்து கொள்ளையடிக்கும் திரையரங்குக்கு அந்த ஏரியாவை சுற்றியுள்ள, அண்ணாநகர், மதுரவாயல், அமிஞ்சிக்கரை போன்ற இடங்களில் உள்ளவர்கள் தான் வருவார்கள். விரைவில் பூந்தமல்லி நெடுஞ்சாலையில் திறக்கவிருக்கும் பி.வி.ஆர். மல்டிப்ளெக்ஸ் இவர்களின் கொட்டத்தை அடக்கும் என்றே தோன்றுகிறது. எந்த விதமான வசதிகளையும் பெறாமல் நூறும், நூற்றி இருபதும் கொடுத்து பார்க்கும் மக்களுக்கு ஒரு பெரிய ரிலீப்
. $$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
குறும்படம்
Mathieu Ratthe என்கிற கனடிய குறும்பட இயக்குனர், இயக்கியுள்ள இந்த ப்டத்தின் மேக்கிங்கை பார்த்து மிரண்டு விட்டேன். சினிமாடோகிறாபியாக இருக்கட்டும், எடிட்டிங்காய் இருக்கட்டும் மிரட்டியிருக்கிறார். LOVEFIELD. இவர் படமெடுப்பதற்காக ஸ்டீபன் கிங்சின் ஒரு கதையின் ஒரு சீனை மட்டும் படமாய் உருவாக்கி தயாரிப்பாளருக்காக காத்திருக்கிறார். அவரின் குறும்படம் உங்கள் பார்வைக்காக.

#######################################################################
சாப்பாட்டுகடை
ஏற்கனவே சத்யமில் முதல் மாடியில் இருக்கும் இட்லி எனப்படும் 100% வெஜிடேரியன் புட் ஜாயிண்டை பற்றி எழுதியிருந்தேன். அங்கே சமீபத்தில் ஒரு கார்பரேட் லஞ்ச் ஆபர் போட்டிருந்தார்கள் நூறு ரூபாய்க்கு, இரண்டு இட்லியோ, ஆப்பமோ, பொங்கலோ, தோசை, அல்லது அடை, அல்லது பெசரட்டு, மெதுவடை அல்லது மசால் வடை, அல்லது கீரைவடை, காபி/டீ/ ஜூஸ்/லஸ்ஸி. நிச்சயமாய் அந்த ரெஸ்டாரண்டுக்கு 100ரூபாய் ரொம்பவும் சீப். நான் கீரைவடையும், அடை அவியல், இரண்டு இட்லியும், ஒரு லஸ்ஸியும் சாப்பிட்டேன். டிவைன்.
#########################################################################

ஏஜோக்
ஒரு விமானம் க்ராஷ் ஆகும் நிலைமையில் இருக்க, விமானத்தில் இருந்த ஒரு பெண் தன் உடைகளை எல்லாம் களைந்துவிட்டு,”நான் சாகப்போறேன் அதுக்கு முன்னாடி இங்கே யாராவது ஆம்பளை இருந்தா வாங்க.. சாகறதுக்கு முன்னாடி என் பெண்மையை நான் உணரணும் என்று கூப்பிட. ஒரு ஆம்பளை எழுந்து தன் சட்டையை கழட்டி “ அப்படின்னா போய் இந்த ஷர்டை அயர்ன் பண்ணிட்டுவா” என்றான்.
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
ஒரு அழகான பெண் ஒருத்தி டாக்டரை பார்க்க வர, அவளின் அழகில் மயங்கிய டாக்டர் தன் தொழில் தர்மத்தை மீறி அவளை பேண்டை கழட்ட சொல்ல, “ எதுக்காக இப்படி சொல்கிறேன் தெரியுமா என்று டாக்டர் கேட்க, தொடைகளில் ஏதாவது தழும்பு இருக்கான்னு பார்க்க தானே என்றாள். அடுத்து அவளவு மேலுடை, ப்ரா எல்லாவற்றையும் கழட்டி விட சொல்லி, அவளது மார்பகத்தை பிசைய, “எதுக்காக இப்படி பண்றேன்னு தெரியுமா..? என்று கேட்க, அவள் தெரியுமே.. ப்ரெஸ்ட் கேன்ஸர் இருக்கான்னு பார்க்கத்தானே என்றாள். இப்போது டாக்டர் இன்னும் முன்னேறி அவளை மேட்ட்ர் செய்து கொண்டிருக்க,” இப்ப எதுக்காக இதை செய்யறேன்னு தெரியுமா..? என்று கேட்க, “தெரியுமே. எனக்கு வி.டி. அதுக்குத்தான் ட்ரீட்மெண்டுக்கு வந்தேன். அது உங்களுக்கு வரப்போவுது” என்றாள்.
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^
என் டிஜிட்டல் கேமராவில் எடுத்த முதல் படங்கள்

Technorati Tags: கொத்து பரோட்டா

ஆதவன் – திரைவிமர்சனம்

2009-10-18T11:02:00.006+05:30

தசாவதாரத்துக்கு பிறகு, கே.எஸ். ரவிகுமார், அயனுக்கு பிறகு சூர்யா, ஹாரிஸ்ஜெயராஜ் காம்பினேஷன், குருவியின் தோல்விக்கு பிறகு உதயநிதி ஸ்டாலின் என்று ஏகப்பட்ட எதிர்பார்ப்புடன் படம் பார்க்க உட்கார்ந்தால், நீங்கள் இதுவரை பார்த்த தமிழ் சினிமாக்களை அத்தனையையும் உங்கள் ஞாபக அடுக்குகளிலிருந்து ஒவ்வொரு காட்சியிலும் கொண்டு வர வைக்கும் படம்.

காசு கொடுத்தால் கொலை செய்யும் ஆதவன். அல்வா சாப்பிடுவது போல் கொலை செய்பவன். ஜட்ஜை கொலை செய்யும் முயற்சியில் ஃபெயிலியர் ஆகிவிட, அதனால் பணம் கொடுத்த ஆள் இவர்களை மிரட்ட, இன்னும் பத்து நாட்களில் அவனை கொல்லாமல் விட மாட்டேன் என்று அவர்களின் வீட்டோடு வடிவேலுவை மிரட்டி உள்ளே போக, அதற்கு அப்புறம் என்ன நடக்கும் என்று தமிழ் கூறும் நல்லுலகத்துக்கு தெரியாதது இல்லை. பிறந்த குழந்தை கூட சொல்லிவிடும் அடுத்த காட்சி என்னவென்று. அவ்வள்வு அற்புதமான திரைக்கதை.

ரவிகுமார் ஏற்கனவே மின்சார கண்ணாவில் ஒரு கும்பலை வைத்து செய்த விஷயத்தை மீண்டும் தூசு தட்டி மேலும் குடும்ப கும்பலோடு கொடுக்க நினைத்து இருக்கிறார். சேம் ப்ளட்.

வடிவேலு, சூர்யா காம்பினேஷனில் படம் பூராவும் வருகிற நகைச்சுவை காட்சிகள் மட்டும் இல்லையென்றால் அவ்வளவு தான். நயன்ந்தாரா வழக்கம் போல் சிக், கிக்காக இருக்கிறார், முகத்தில் தான் கிழடு த்ட்டி இருக்கிறது. மற்றபடி படம் பூராவும் ஒரு மூன்று குடும்பம், அதன் குழந்தை குட்டிகள், குடும்பமாய் பாட்டு, என்று 50பேர் இருந்து கொண்டு வெறுபேற்றி இருக்கிறார்கள்.

இருக்கிற வெறுப்பில் எண்ணையை ஊற்றுவது பொல் சரோஜாதேவி. பார்க்கிற வயசிலேயே அவர் கொஞ்சி, கொஞ்சி பேசும் வசங்கள் எனக்கு எரிச்சல் மூட்டும், இதில் இன்னும் எரிச்சலாகவே இருக்கிறது. கொடுமைடா சாமி. கதை ரமேஷ்கண்ணா என்பதாலும் அவ்ர் ரவிகுமாஅரின் நண்பர் என்பதாலும் படத்தில் சம்பந்தமே இல்லாத ஒரு கேரக்டரில் வந்து உயிரை எடுக்கிறார்.

சூர்யாவின் பத்து வயது நடிப்பு சி.ஜியின் தோல்வி அந்த ப்ளாஷ் பேக் படு அமெச்சூர் தனம்.

ஹாரிஸ் வழக்கம் போல் ஹிட்டடித்து இருக்கிறார். பிண்ண்னி இசை மிகவும் சொதப்பல். கனல் கண்ணனின் சண்டை பயிற்சி அயனின் மிச்சம் District B17ல் விடுபட்ட சில ஷாட்களின் ரி ஷூட். டோன் மாக்ஸின் எடிட்டிங் ஓகே.

சூர்யா போன்ற நடிகர்களிடமிருந்து கமர்ஷியல் படமென்றாலும் கூட ஏதாவது இருக்கும் என்று எதிர்பார்த்து போகும் ரசிகர்களை சூர்யாவும் ரவிகுமாரும் சேர்ந்து ஏமாற்றிவிட்டார்கள்.

சூர்யா உங்களையும் விஜய் அஜித் என்ற லிஸ்ட்லில் சேர்த்துவிட்டுட்டாங்களே.. கமர்சியல் வெற்றி பெற்ற ஹீரோக்கள் இம்மாதிரி நேரங்களில் தான் உசாரா இருக்கணும். சூர்யா பார்த்து நடந்துக்கங்க.
சூர்யாவின் “ஆதவன்” என்று டைட்டில் போடுவதற்கு பதிலாய் வடிவேலுவின் “ஆதவன் “ என்று போடலாம்.
ஆதவன் – மொக்கை (வடிவேலுவை தவிர)

டிஸ்கி:
நைட் ஷோ படம் பார்த்ததில் படத்தின் மொக்கை தாஙக் முடியாமல் தூக்கம் வேறு சொக்கி, சொக்கி அடிக்கிது. அதனால் நைட்ஷோ தவிர்பது .நல்லது. இன்னொரு எச்சரிக்கை உதயநிதி ஸ்டாலின் நடித்திருக்கிறார். ஆதரவு தெரிவிப்பவர்களுக்கு அவர் ஹீரோவாக ஒரு நடிக்கிறாராம்.

Technorati Tags: திரைவிமர்சனம்,ஆதவன்.

வாசகர்களுக்கும், சக பதிவர்களுக்கும் கேபிள் சங்கரின் மனம் கனிந்த தீபாவளி நல்வாழ்த்துக்கள்
உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..

பேராண்மை – திரைவிமர்சனம்

2009-10-16T20:05:00.008+05:30

வாசகர்களுக்கும், சக பதிவர்களுக்கும் கேபிள் சங்கரின் மனம் கனிந்த தீபாவளி நல்வாழ்த்துக்கள்

கோட்டாவில் படித்து பாரஸ்ட் ரேஞ்ச் ஆபீஸராய் உயர்ந்து நிற்கும் துருவனும், ஐந்து என்.சி.சி கேடட் பெண்களும் சேர்ந்து நம் நாட்டின் பசுமை புரட்சிக்காக அரசு ஏவ இருகும் ராக்கெட்டை அழிக்க வரும் வெளிநாட்டு கூலிப்படையின் முயற்சியை தடுப்பதே கதை.

மேம்போக்காக பார்த்தால் ஏதோ பாண்டஸி வகையை போல தெரிந்தாலும் படம் முழுக்க இயக்குனரின் உழைப்பு, உழைப்பு, உழைப்பு.. ஒவ்வொரு காட்சியிலும் தெரிகிறது. என்.சி.சி பயிற்சிக்காக வரும் ஒரு காலேஜ் குரூப் வந்து சேர, அங்கே பயிற்சியாளராக வருகிறார் துருவன் எனும் ஆபீஸர். அவர் பழங்குடியினர் கோட்டாவில் சீட் வாங்கி, படித்து முன்னேறியவர். ஊருக்குள் வரும் முன்னரே பழங்குடியினராக பார்த்த ஒருவனை தங்களது பயிற்சியாளராய் ஏற்க மறுக்கும் ரவுடி பெண்களான ஐந்து பேர். அவரை துரத்த நினைத்து இந்த மாணவிகள் செய்யும் முயற்சிகள் எல்லாம் பாதி வெற்றியும், தோல்வியுமாய் முடிய, அதில் ஒரு பெண் ஒரு தலையாய் அவரை காதலிக்கவே ஆரம்பிக்கிறார்.

ஒரு கட்டத்தில் கடைசி நாளாக இது வரை மக்கள் நடமாட்டமே இல்லாத காட்டு பகுதிகுள் ஒரு நாள் பயிற்சிக்கு ஐந்து பேரை செலக்ட் செய்து துருவன் செல்ல, அடாவடி ஐந்து பெண்கள் அவனை பிரச்சனைக்குள்ளாக்க, முயற்சிக்கும் வேளையில் ஆள் நடமாட்டமே இல்லாத காடுகளில் நடமாட்டத்தை பார்க்கும் ஒரு பெண் துருவனிடம் சொல்ல அன்னிய சக்திகளில் சதி திட்டத்தை முறியடிக்க, ஐந்து பெண்களுடன் போராட்டத்தில் இறங்குகிறான் துருவன் , அவன் ஜெயித்தானா, அந்த பெண்கள் அவனுக்கு உதவினார்களா..? என்பது வெள்ளிதிரையில்.

ஜெயம் ரவிக்கு வாழ்நாளில் இது மாதிரி ஒரு கேரக்டர் அமைவது மிக கடினம். கமலஹாசனுக்கு பிற்கு கோவணத்துடன் ஒரு நீள காட்சியில் வலம் வருகிறார். பயிற்சியாளராய் அவரின் பாடி லேங்குவேஜ், சண்டை காட்சிகளில் அவர் காட்டும் வேகம், பெண்களிடம் அவரின் அதட்டல் உருட்டல் செல்லுபடியாகாமல் திண்டாடும் போது காட்டும் பொறுமை. அவரின் ப்ளான் எக்ஸிகியூஷன் போன்றவற்றில் காட்டும் நிதானம், ஆக்‌ஷன் காட்சிகளிலும், மரம், மலையில் ஏறும் காட்சிகளில் அங்கேயே வாழ்ந்தவர் போல் காட்டும் லாவகம், ரவி உங்கள் உழைப்புக்கு ஒரு சல்யூட்.

அவரின் உயர் அதிகாரியாய் வரும் பொன்வண்ணன் கேரக்டரும் அருமை. மலைஜாதியிலிருந்து ஒருவர் இந்த நிலைக்கு வந்ததை ஒவ்வொரு முறை பேசும் போதும், மட்டம் தட்டியே பேசுவதும், அவனின் வளர்ச்சி பொறுக்காமல், அவனை ஒரு காம கொடூரன் ரேஞ்சில் பில்ட்ப் செய்து அவனை கொல்ல ஆர்டர் வாங்குவதும், கடைசியில் வீர பராக்கிரம விருதை அவர் வாங்குவதும். படம் முழுக்க, இயக்குனர் தான் சொல்ல நினைக்கும் கருத்துகளை எல்லாம் இவரின் கேரக்டர் மூலமே சொல்லியிருப்பது அருமை.

ஐந்து பெண்களும் ஆரம்ப காட்சிகளில் அடிக்கும் லூட்டிகளுக்கும் இணையாய் காட்டில் அவர்கள் துருவனுடன் செய்யும் சாகசங்களில் அவர்களின் முழு ஒத்துழைப்பு தெரிகிறது. ஐந்து பெண்கள் இருந்தாலும் அடர் காட்டை போலவே ஒரு இறுக்கம் படம் ம்ழுவதும் இருக்கிறது. ஒருதலையாய் துவனின் மீது காதல் வயப்படும் சரண்யாவை தவிர. ஏதோ வந்தோம், ஆடினோம், பாடினோம் என்றில்லாத கேரக்டர்கள்.

அந்த அமெரிக்க வில்லன் 70mm சைஸ் உடம்பை வைத்து கொண்டு பயமுறுத்துவதை தவிர, வேறேதும் பெரிதாய் செய்யவில்லை. டெர்மினேட்டர் பட ஹீரோவாம் மெஷின் போலவே படம் முழுவதும் வருகிறார்.

படத்தின் கேமராமேன் சதீஷ்குமாருக்கு சுற்றி போடுங்கள்.. அடர்காடுகளுக்குள் ஓடுகிறார், தாவுகிறார், நடக்கிறார், பாய்கிறார், தண்ணீரில் நடக்கிறார். நம் கண் முன்னே காட்சிபடுத்தியிருக்கிற உணர்வே இல்லாத வகையில் காட்டையும், அருவியையும், ஏரியையும், விரித்திருக்கிறார். இடைவேளையின் போது ஒரு காட்சியில், ஒரே ஷாட்டில் ஒரு மலையில் இருக்கும் கதாநாயக, ஹீரோயின்களிலிருந்து கிளம்பும் கேமரா, அப்படியே பயணித்து கீழே இருக்கும் வில்லன் இடத்தையும், அங்கேயிருந்து அவர்கள் போக இருக்கும் இடத்தையும், ராக்கெட் தளத்தையும் காட்டி இடைவேளை போடும் போது எழுந்து நின்று கைதட்ட வேண்டும் போலிருந்தது.. படம் முழுக்க இவரின் ஆளுமை அதிகம் என்றால் அது மிகையில்லை.

வித்யாசாகரின் பிண்ணனி இசை சுமார் ரகம் தான். பாடல்கள் படத்தில் பெரிதாய் பிரஸ்தாபிக்க படவில்லை என்றாலும், முதல் பாடல் பரவாயில்லை ரகம், காட்டில் மாண்டேஜில் பாடப்படும் பாடலில் வைரமுத்துவின் ஆளுமை.

பாராட்ட பட வேண்டிய இன்னொருவர் ஆர்ட் டைரக்டர். காட்டில் எடுக்கப்பட்டிருக்கும் படத்திற்கு என்ன ஆர்ட் டைரக்டர் என்று கேட்பவர்களுக்கு படத்தின் உபயோக படுத்தபட்டிருக்கும் அனைத்து தளவாடங்களும் அவர்கள் அமைத்ததுதான் தத்ரூபம்.

இயக்குனர் ஜனநாதன் தன்னுடய் கம்யூனிச கருத்துகளை எல்லாம் படம் பூராவும் ஏதாவது கொரு கேரக்டர் மூலம் வாய்ப்பு கிடைக்கும் போதெல்லாம் சொல்லிவிடுகிறார். பெண்களுக்குள் பேசிக் கொள்ளும் வசனங்களில் இளமை துள்ளல். படத்தில் இவரது உழைப்பு மிக அதிகம். ஜெயம் ரவியுடன் பெண்கள் காட்டில் மாட்டியவுடன் அவரின் மூலம் காட்டின் நிகழ்வுகளை வசனங்களாய் அவர் சொல்ல, சொல்ல, கொஞ்சம், கொஞ்சமாய் நாமும் அவருடன் பயணிக்க ஆரம்பிக்கிறோம். அதே போல் அவர் எதிரிகளை எதிரி கொள்லும் முயற்சிகளை, அந்த பெண்களுக்கு சொல்லும் போது, சின்ன சின்னதாய் எவ்வளவு விஷயங்களை அவர் சொல்லி கொண்டே போகிறார், யானை சாணம், மரத்தின் கிளைகளை ஒடிக்கும் காரணம், சட்டை துணி மெல்லியதய் கேட்டு அதை அடையாளமாய் கட்டும் யுக்திக்கான் காரணம், போகும் வழியை படத்தில் கேரக்டர்கள் ம்றந்தாலும் நாம் மறக்க மாட்டோம் போலிருக்கிறது. அவ்வளவு தூரம் நம்மை பிரிபேர் செய்து கூட்டி போகிறார்..

இவ்வளவு தூரம் உழைத்தவர் திரைக்கதையில் அந்த ஐந்து பெண்களுக்கான கேரக்டர்களை கொஞ்சம் கவனித்திருந்தால் இன்னும் நம்பகத்தன்மை வ்ந்திருக்க கூடும். என்னதான் என்.சி.சியில் அவர்கள் இருந்தாலும, பட்டின காலேஜ் ஸ்டூடண்டுகள் தான். அவர்கள் திடீரென காட்டுக்குள் தனியே அலைய ஆசைப்படுவதும், திடீரென நாட்டுக்கு பிரச்ச்னை என்றதும் உயிரை பணயம் வைத்து ராணுவ தளவாடங்களை துருவன் சொல்லி கொடுத்த உடனேயே லாவகமாய் பயன் படுத்துவதும், சாட்டிலைட் ஏவுகணைகளை அனாயாசமாக கையாள்வதும், வந்திருக்கும் வில்லன்கள் எந்த நாட்டுகாரர்கள், என்ன காரணத்திற்காக நம் ராக்டெட் திட்டத்தை முறியடிக்க நினைக்கிறார்கள் என்று சொல்வதற்கு பதிலாய் கூலிப்படை, அந்நிய சக்தி என்று சொல்வதும் கதையின் மீதான நம்பகத்தந்மையை குறைந்து ஒரு சாதாரண பேண்டஸி சப்ஜெக்டாய் போய்விடுகிறது. என்பதுதான் வருத்தம்

இந்த படத்தில் உழைத்த அனைவரின் உழைப்பிற்காக ஒரு ராயல் சல்யூட்

பேராண்மை – வீர்யம்

டிஸ்கி:

வில்லு, ஏகன் போன்ற மொக்கை படங்களை எடுத்து சுட்டுக் கொண்ட ஐங்கரனுக்கு இதிலாவது ஒரு லைட் அடிக்கிறாதோ இலையோ.? அட்லீஸ்ட் ஒரு நல்ல படத்தை எடுத்த திருப்தியாவது அவர்களுக்கு கிடைத்திருக்கும்

Technorati Tags: திரைவிமர்சனம்,பேராண்மை

உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..

சினிமா வியாபாரம்-8

2009-10-16T09:21:00.004+05:30

இப்போது விநியோகஸ்தர்களுக்கான கமிஷன் தொகை10-15 சதவிகதத்திலிருந்து 5-10 சதவிகிதமாய் தயாரிப்பாளர்களால் குறைக்கப்பட்டுவிட்டது.. ஏன் என்றால் விநியோகஸ்தர்களின் நேர்மையின்மையே ஆகும். பெரிய விநியோகஸ்தர்களுக்கு மட்டுமே இப்போது பத்து சதவிகிதம் எல்லாம். சிறிய விநியோகஸ்தர்களுக்கு இப்போதெல்லாம் ஐந்துதான். அது எப்படி அவர்கள் தவறான கணக்கை கொடுத்து தயாரிப்பாளர்களை நோகடிக்கிறார்கள் என்பதை வரும் அத்யாயங்களீல் பார்க்கலாம்.

சுய வெளீயீடு.

சில சமயம் மேலே சொன்ன எந்த முறையிலும் சில படங்கள் விற்பனையாகாமல் போகக்கூடிய வாய்ப்பு அதிகம் இருக்கிறது.. அது பெரும்பாலும் புது முகங்கள் நடித்த, சிறு முதலீட்டு படங்களுக்கும், ஏற்கனவே ஒரு படம் நடித்து வெற்றி பெறாத நடிகர்கள் நடித்த படத்திற்கும் தான் இம்மாதிரியான பிரச்சனைகள் ஏற்படும்.. அப்போது வேறு வழி கிடையாது.. ஒன்று விநியோக துறையில் உள்ளவர்கள் யாராவது ஒரு பெரிய விநியோகஸ்தர்களை அணுகி வெளியிட வேண்டும்.. இல்லையென்றால் இதற்கான மீடியேட்டர்களையும், நேரடியாய் தியேட்டர்களையும், அணுகி அந்த தயாரிப்பாளரே நேரடியாய் வெளியிடுவார்.

இது படம் தயாரிப்பதை விட கஷ்டமான விஷயம். ஏற்கனவே பெரிய அனுபவமில்லாமல் தயாரிப்பில் அவஸ்தைபட்டிருக்கும் அவர், மீண்டும் கண்ணை கட்டி காட்டில் விட்டதை போல இந்த துறையில் இறங்க வேண்டும். பெரும்பாலும் அவர்களே நேரடியாய் வெளியிடும் பட்சத்தில் மீடியேட்டர்கள் பெரிதாய் அடித்துவிடுவார்கள்.

அதைவிட கொடுமை என்னவென்றால் தியேட்டரில் வசூல் கணக்கை பார்பதற்காக, விநியோகஸ்தர்கள் தங்கள் சார்பாக ஒவ்வொரு தியேட்டருக்கும் ஒரு ஆளை போட்டிருப்பார்கள், அவர்தான் விநியோகஸ்தர்களுக்கான சரியான் டிக்கெட் விற்பனையை சொல்வார்கள். சில சமயம் தியேட்டர் மேனேஜர் அவர்களையும் கையில் போட்டுக் கொண்டு லவுட்டி விடுவதும் உண்டு.. விநியோகஸ்தர்களுக்கே இந்த கதி என்றால், புதிதாய் இதில் இறங்கும் தயாரிப்பாளர் எவ்வளவு அவஸ்தை படுவார் பாருங்கள். அந்த கடவுளுக்கே வெளிச்சம்.

இவ்வாறு சுயவெளியீடு செய்த சில படங்கள் மிகப்பெரிய வெற்றி பெற்று அவர்கள் எதிர்பார்தத வசூலை விட அதிகம் செய்த கதை நிறைய.. உதாரணமாய். பிரபல் விநியோகஸ்தர் சிவசக்தி பாண்டியன் அவர்கள் தயாரிப்பில் வான்மதி படத்திற்கு பிறகு காதல் கோட்டை தயாரித்து வெளியிட இருந்த நேரத்தில் அதை வாங்க வந்த விநியோகஸ்தர்கள் விலை அதிகம் என்று பின்வாங்கிவிட, வழக்கமாய் செங்கல்பட்டு ஏரியாவில் மட்டுமே விநியோகம் செய்து வந்த பாண்டியன், தமிழகம் முழுவதும் தானே ரீலீஸ் செய்தார். பிறகு நடந்தது வரலாறு..

ஒரு காலத்தில் மிகப்பெரிய வெற்றி படமான ஒரு தலை ராகம் படம் கூட தயாரிப்பாளரே முதலில் வெளியிட்ட படம் என்று தான் தகவல்.

திரைப்பட வெளியீடு..

சரி.. படத்தை தயாரித்தாகிவிட்டது, அதை முன் அத்யாயங்களில் சொன்ன ஏதோ ஒரு முறையில் விற்பனையும் செய்தாகிவிட்டது. அத்துடன் ஒரு தயாரிப்பாளரின் வேலை முடியவில்லை. படத்தை சரியான நேரத்தில் வெளியிட வேண்டும். சரியான நேரம் என்றால். உதாரணமாய் என்னதான் தான் எடுத்த படம் நல்ல படமாய் இருந்தாலும் ரஜினி படமோ, கமல் படமோ ரிலீஸாகும் நேரத்தில் புதுமுகங்கள் நடித்த படத்தையோ, அல்லது அவ்வளவாய் பிரபலமில்லாத நடிகர்கள் நடித்த படத்தையோ ரீலீஸ் செய்வது, சொந்த செலவில் சூன்யம் வைத்து கொள்வதை போல..

நல்ல படம் என்னதான் ஓடும் என்றாலும்.. மிகப்பெரிய நடிகர்கள நடிக்கும் படத்தைதான் மக்கள் முதலில் பார்க்க விரும்புவார்கள். அப்படியிருக்கும் போது, சின்ன படங்களை பார்க்க ஆளில்லாமல காத்தாட, படம் ஒரு வாரம் கூட தாக்கு பிடிக்காமல் போய் தோல்வி படமாய் ஆகிவிட வாய்ப்பு உள்ளது.

அதே போல் பண்டிகை காலங்களுக்கு முன் வெளியாகும் சிறு படங்கள், மிக சிறப்பாய் இல்லாவிட்டால் சரியான வரவேற்பை பெறாது.. ஏனென்றால்.. அந்த சமயங்களில் மக்களின் கவனமெல்லாம், பண்டிகைக்கான செலவுகள், புத்தாடை, விழாவுக்கு ஊருக்கு போவது என்று ஏகப்பட்ட விஷயங்களில் அவர்களின் கவனம் இருக்கும், செலவுகளுக்கும் பஞ்சமில்லாத நேரம். பெரிய நடிகர்கள் நடிக்கும் படங்களுக்கு என்னதான் இருந்தாலும் அதற்குரிய கவனம் பெற்று விடும்.. மற்ற படஙக்ளுக்கு நிச்சயமாய் வரவேற்பு கிடைப்பது அரிதே..

அதற்காக எந்த படமுமே பெரிய நடிகர்கள் நடித்து வெளிவந்த நேரத்திலோ, அல்லது பண்டிகை காலங்களுக்கு முன் வெளீயான படம் வெற்றி பெற்றதேயில்லையா என்று கேட்டீர்களானால்.. ஆம் வெற்றி பெற்றிருக்கிறது.. ஒரு பொங்கலுக்கு முன்னால் டிசம்பர் கடைசியில் வெளியான விஜயின் காதலுக்கு மரியாதை பல தியேட்டர்களில் பொங்கல் வரை என்கிற ஒரு அக்ரிமெண்டில் போடப்பட.. படம் பொங்கல தாண்டியும் வெள்ளி விழா கொண்டாடியது.

ஒரு தீபாவளிக்கு அஜித்தின் வரலாறு வந்த சமயம் அப்போது பெரிய நடிகராய் இல்லாது இருந்த ஜீவா நடித்த ஈ ப்டம் பெரிய படங்களோடு வந்தது.. ஆனால் வந்த படங்களில் ஈ பெரிய வெற்றி பெற்றது.. என்பதை மறுக்க முடியாது.. மீண்டும் சொல்கிறேன். இம்மாதிரியான சிறப்பான படங்கள் மட்டுமே சில விஷயங்களை உடைத்து வெற்றி பெரும்..

படத்தை வாங்கிய விநியோகஸ்தர் எவ்வாறு திரையரங்குகளில் படத்தை வெளீயிட ஒப்பந்தமிடுகிறார்?.. என்ன நடைமுறை விஷயங்கள் இருக்கிறது.. அது என்ன பொங்கல் வரை, தீபாவளி வரை, என்பது போன்ற பல விஷயங்கள் எக்ஸிபிஷன் எனப்படும் திரையங்கு பற்றிய விஷயங்களில் இருக்கிறது. அதை வருகிற அத்யாயங்களில் பார்ப்போம்.

Technorati Tags: சினிமா வியாபாரம்,தொடர்

உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..

நிதர்சன கதைகள்-12- நேற்று வரை

2009-10-15T10:57:00.003+05:30

எல்லோரும் இப்படித்தான் பார்ப்பார்களா..? என்ற கேள்வி என்னுள் எழுந்து கொண்டேயிருந்தது. அப்படி எழுந்தாலும் ரோட்டில் இறங்கியவுடன், கண்களும் மனதும் அதை தேடி அலையத்தான் செய்தது நேற்றுவரை.

நான் செய்யும் காரியஙக்ள் எனக்கு கேவலமானதாகவோ, அவமானகரமானதாகவோ தெரிந்ததில்லை நேற்றுவரை.

ஒவ்வொன்றும் ஒவ்வொரு வகையாய், இறுக்கமாய், உள்ளங்கை அளவாய், அளவுக்கதிகமாய், அபரிமிதமாய், டென்னிஸ்பந்தாய், தளர்வாய், சரிந்து சாய்ந்தாய், இருக்கா இல்லையா என்று கண்ணாமூச்சி காட்டு சிலதுமாய், டென்னிஸ் கோர்ட்டாய், அவைகளை பார்த்ததும் கிடைக்கும் போதையின் கிறக்கத்தை வேறு ஏதாவது தந்திருக்குமா என்று கேட்டால் இல்லையென்றுதான் சொல்லியிருப்பேன் நேற்று வரை.

பல சமயங்களில் என்னுள் ஏற்படும் கிளர்ச்சிகளுக்கு வடிகாலாய் அவைகள் இருந்திருக்கிறது. ஒவ்வொரு முறையும் ஒன்று.. என்று பார்தவைகளை வரிசை படுத்தியிருக்கிறேன். ஒவ்வொன்றும் ஒவ்வொரு கிளர்ச்சியின் உ தரும் வித்யாச உச்சம். இவைகள் எல்லாமே எனக்கு அஃறிணைகளாகவே தேன்றியது நேற்று வரை.

இரவுகளின் ஓட்டத்தில், அங்கும் இங்கும் அலையும் வெளிச்சத்தின் ஊடே தெரியும், அந்த வெளிச்சத்திலிருந்து தப்பிக்க வேகமாய் ஓடும் போது துரத்தி, துரத்தி பார்க்கும் போது, சில சமயம் கிடைக்கும் அழைப்பும், பல சமயம் கிடைக்கும் எரிப்பும், கொடுக்கும் த்ரில்லுக்கு இணையாய் ஒரு எக்ஸ்டெஸியை கிடைக்கவே கிடைக்காது என்று தோன்றியது நேற்றுவரை.

”சுகுணா. புடவையை நல்லா ஏத்திவிட்டு போத்திக்க” என்றேன் இன்று என் புது மனைவி வண்டியின் பில்லியனில் உட்காரும் போது..

டிஸ்கி:

தண்டோரா எழுதிய கவிதையின் கதை வடிவமாய்தான் இதை எழுதியிருக்கிறேன். நன்றி தண்டோரா..

உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..

Acid Factory - Film Review

2009-10-14T10:35:00.009+05:30

ஒருவன் திடீரென கண்முழித்து பார்க்கிறான். தான் ஒரு பாழடைந்த பேக்டரியில் இருப்பதை உணர்கிறான். தன்னை பற்றி ஏதும் அவனுக்கு தெரியவில்லை. சுற்றும் முற்றும் பார்த்தால் ஒருவன் கைவிலங்கிட்டு அந்தரத்தில் தொங்கிக் கொண்டிருக்க, இன்னொருவன் ஒரு சேரில் கட்டப்பட்டு, மயக்கமாக இருக்க, இன்னொருவன் தரையில் மயங்கி இருக்கிறான். ஒவ்வொருவராக மயக்கம் தெளிந்து எழுந்திருக்கையில் யாருக்கும் அவர்களை பற்றிய ஞாபகங்கள் இல்லை. தாங்கள் யார் எதற்காக வந்தோம், தங்களது பெயர் என்ன என்பது கூட தெரியாமல் இருக்க, அப்போது ஒரு போன் வருகிறது அங்கிருக்கும் ஒருவனை கொல்ல வேண்டும் என்று நான்கு ஐந்து பேர்களின் பெயரை ஒருவன் குறிப்பிட, குத்துமதிப்பாக அவனுடன் பேசி, இவர்களுள் யார், யாரை கொல்ல போகிறார்கள் என்று பயத்தினூடே, அலைய, திடீரென இன்னொருவன் வர, அவனை தொடர்ந்து ஒரு பெண்ணும் அங்கே தோன்ற, அவளுக்கும் அதே பிரச்சனை தான் யார் என்பதுதான். அவர்களூடய ஞாபக மறதிக்கு காரணம் அவர்கள் இருக்கும் ஆசிட் பாக்டரியில் உள்ள பெண்டேன் என்கிற ஆசிட்டினால் என்பதை அறிகிறார்கள்.

இதற்கு நடுவில் கதையின் போக்கில் முன்னும் பின்னும் ஓடுகிறது அதில் படத்தில் காட்டப்படும் கதாபாத்திரங்கள் எல்லோருமே ஒன்றாக இருக்கிறார்கள். கொள்ளையடிக்கிறார்கள். ஐந்துவாரஙக்ளுக்கு முன்பு என்று ஆரம்பித்து, சொல்லப்படும் கதையில், இங்கே ஆசிட் பாக்டரியில் மாட்டியிருக்கும் ஒவ்வொரு கேரக்டரும் ஒவ்வொரு வார கழித்து நிகழும் நிகழ்வுகளில் வர, கதையின் முடிச்சு மேலும் இறுகுகிறது. இவர்களுக்கெல்லாம் தலைவனாய் ஒருவன் வெளியே வேறு ஒரு பெண்ணிடமிருந்து அவளது கணவனை கடத்தி வைத்துள்ளதாய் தெரிவித்து, பணத்தை கொண்டுவர சொல்ல, அவளின் உதவியுடன் போலீஸ் தலைவனை பிடிக்க முயல, பணத்தை மிக திறமையாய் கடத்துகிறான் தலைவன்.

நேரம் போகப் போக ஒவ்வொருவருக்காய் ஞாபகம் வர ஆரம்பிக்க, பிரச்சனை வலுக்கிறது. ஒரு வழியாய் தலைவன் அங்கே வர, கடத்தி வரப்பட்ட பணத்தை பங்கு பிரிக்க பிரசச்னை வருகிறது. ஏனென்றால் அந்த கும்பலில் ஒருவன் போலீஸ் ஆள் என்பதால் அது யார் என்ற ப்ரச்சனை வர.. மேலும் சண்டைகளும் சச்சரவுகளும் வெடிகக், க்ளைமாக்ஸ்

கொஞ்சம் அசந்தால் கூட அடுத்த சீன் புரியாமல் போவதற்கான வாய்ப்பு அதிகம் உள்ளதால் மிகவும் கவனமாய் பார்க்க வேண்டும் அவ்வளவு நுணுக்கமான திரைக்கதை.
அதுமட்டுமிலலாமல் சரியான நடிகர்களை தேர்வு செய்திருப்பதை பாராட்டாமல் இருக்க முடியவில்லை. பழைய் வில்லன் நடிகர் டேனி, தியாமிர்ஸா, இர்பான்கான், மனோஜ்பாஜ்பாய், என்று ஒரே நடிகர்கள் அணிவகுப்புத்தான்.

படத்தின் மிக சிறப்பான விஷயங்கள், ஒளிப்பதிவு, எடிட்டிங், ஒலி, மற்றும் ஆக்‌ஷன் காட்சிகள், ஒலிப்பதிவுக்கு ரசூல் பூக்குட்டி,

எவ்வளவுதான் இண்ட்ரஸ்டான திரைக்கதையாக இருந்தாலும் சில காட்சிகளில் இருக்கும் வேகம், வேறு சில காட்சிகளில் இல்லாமல் தொய்யத்தான் செய்கிறது. அது மட்டுமில்லாமல் போலீஸ் ஆபிஸராய் வரும் குல்ஷன்குரோவர் அவ்வப்போது வில்லனை திட்டிவதும், திட்டியே பாராட்டுவதும் என்று இருந்தாலும் பெரிதாய் ஒன்றும் செய்யாமல் வெறும் வெத்து வேட்டாய் இருப்பது ஒரே காமெடி.

இர்பான் கானுக்கு இதெல்லாம் ஜுஜுபி கேரகடர் ஊதி விட்டு கொண்டே போகிறார். வழக்கமான சஞ்செய்குப்தா ஸ்டைல் த்ரில்லர் படம்தான். இயக்குனர் சுபான் வர்மா அதை ஸ்டைலிஷாக கொடுத்திருக்கிறார்.

Acid Factory – வித்யாசமான த்ரில்லர் விரும்பிகளுக்கு

டிஸ்கி:
இந்த விமர்சனத்தை படித்ததும், ஹாலிவுட் சைக்கலாஜிகல் த்ரில்லரான “Unknown” மற்றும் “Saw” ஞாபகம் வந்தால் கம்பெனி பொறுப்பேற்காது..

தமிழ் சினிமாவின் 30 நாட்கள்-Sep 09

2009-10-13T09:41:00.006+05:30

1. நினைத்தாலே இனிக்கும்

வழக்கம போல் சன்பிக்ஸர்ஸின் அதிரடி மார்கெட்டிங்கில் கவனிக்கப்பட்ட படம். மிக சுமாரான ஓப்பனிங். படம்மும் பெரிதாய் ஏதும் அதிரடி செய்யவில்லைன் என்றாலும் சென்னை போனற தமிழகத்தின் முக்கிய நகரஙக்ளில் சொல்லிக் கொள்ளும்படியான வசூல் என்றே சொல்கிறார்கள்.

2. மதுரை சம்பவம்

ஹரிகுமார் நடித்து?? வெளிவந்த இரண்டாவது படம். ராம.நாராயணன் வாங்கி வெளீயிட்டதால் கலைஞர் டிவியின் திரும்ப திரும்ப, ட்ரைலர் காட்டப்பட்ட படம். மிக மிக சுமாரான ஓப்பனிங். ஹரிகுமாரின் நடிப்பை தவிர படம் மோசமில்லை என்றாலும் அவரே மைன்ஸ் ஆகிபோனதால் வசூல் ஒன்றும் சொல்லிக் கொள்ளும்படியாய் இல்லை.

3. ஈரம்

ரியாலிட்டி, லைவ் மேக்கிங் என்று தில்லாலங்கடி அடித்து கொண்டிருந்த தமிழ் சினிமாவை ஹாரர்/ த்ரில்லர் வகையில் வந்து கலக்கி கொண்டிருக்கும் படம்.

4. உன்னை போல் ஒருவன்

இணையத்தில் அந்த இசம், இந்த இசம், இந்துத்துவா, அவா, இவா, என்று ஜல்லியடித்துக் கொண்டிருந்தாலும், இந்த மாதத்திற்கான சூப்பர் ஹிட் என்றால் மிகையாகாது. மிக பெரிய வசூலை படம் எடுத்து கொண்டிருக்கிறது. தமிழ் சினிமாவிற்கு தேவையான வெற்றி

5. மதுரை தேனி- வழி ஆண்டிப்பட்டி

மிக குறைந்த பட்ஜெட்டில் தயாரிக்கப்பட்டு டிஜிட்டல் தொழில் நுட்பத்தில் வெளியான திரைப்படம். சின்ன படமாய் இருந்தாலும் அதை மக்களிடம் சரியாக சேர்த்த படத்தின் பி.ஆர்.ஓ. சக்திவேலை பாராட்ட வேண்டும். திரைக்கதையில் சுவாரஸ்யம் கூட்டியிருந்தால் பிழைத்திருக்கும். அவ்ர்களது குறைந்த பட்ஜெட் கொஞ்சம், கொஞ்சமாய் அவர்களை காப்பாற்றவும் கூடும்.

6. கண்ணுக்குள்ளே..

வர வர இளையராஜா இசையமைத்தாலே மொக்கை படமாய் ஆகிவிடும் என்ற எண்ணம் மக்களிடையே வ்ந்துவிடும் போலிருக்கிறது. ஆனால் அதற்கு காரணம் ராஜா இல்லை படத்தின் இயக்குனர் என்பதை தெள்ள தெளிவாக உணர்த்தியிருக்கிறது இந்த படம். சட்டியில் இருந்தால் தானே அகப்பையில் வரும். படு ஸ்லோவான திரைக்கதை, சுவாரஸ்யம் இல்லாத காட்சிகள், என்று படுத்திவிட்டார்கள். ஒரே வாரத்தில் போட்ட எல்லா தியேட்டர்களிலும் எடுக்கப்பட்ட படம்.

7. ஆறுமுகம்

பரத், ரம்யாகிருஷ்ணன், சுரேஷ்கிருஷ்ணா, என்று பெரிய படமாய் வந்திருக்க வேண்டிய படம் தான். அண்ணாமலையையும், பாட்ஷாவையும், படையப்பாவையும் திரும்ப, பரத்தை வைத்து பார்க்க விருப்பமில்லாமல் ரசிகர்கள் நிராகரித்த படம்.

8. சொல்ல சொல்ல இனிக்கும்

சில படங்கள் சுமாராய் இருந்தாலும் சரியான தியேட்டர்கள் கிடைக்காததால் கவனிப்பில்லாமல் போகக்கூடிய வாய்ப்பு இருக்கிறது. அந்த கேட்டகிரியில் விழுந்து விட்ட படம். சரியான தியேட்டர்கள் இல்லாமை, அதைவிட் முக்கியம் உன்னை போல் ஒருவனுடன் வெளியானது எல்லாம் சேர்ந்துவிட்டது.

9.திரு திரு துறு துறு

டிஜிட்டல் தொழில் நுட்பத்தில் சத்யம் சினிமாஸும், ரியல் இமேஜும் சேர்ந்து தயாரித்திருக்கும் ப்டம். ரொம்ப நாளுக்கு பிறகு ஒரு ஃபீல் குட் தமிழ் படம். மீண்டும் ஒரு அர்பன் ஹிட்.

இதை தவிர மேலும் ஒன்று இரண்டு ப்டஙக்ள் வெளிவ்ந்திருக்கிறது. அதை பற்றி பேசுவதற்கு ஏதுமில்லாததால். இம்மாத ரிசல்ட்.. சூப்பர் ஹிட் உன்னை போல் ஒருவன், ஹிட் கேட்டகிரியில் ஈரம், நினைத்தாலே இனிக்கும், அபவ் ஆவரேஜில் திருதிரு துறுதுறு.

இந்த மாதத்திலும் இரண்டு டிஜிட்டல் படங்கள். உன்னை போல் ஒருவன், மதுரை டூ தேனி ஆகியவை.

Technorati Tags: தமிழ் சினிமா

உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..

கொத்து பரோட்டா-12/10/09

2009-10-12T10:22:00.006+05:30

சனியன்று இரண்டு சந்தோசமான விஷயஙக்ள். தமிழ் ஸ்டூடியோ காரர்கள் கொடுத்த விருதுகளில் ஒன்று நண்பர் தண்டோராவின் சியர்ஸ் குறும்படம் சிறந்த படமாய் தேர்ந்தெடுக்க பட்டதும், இன்னொன்று என்னுடய ஆக்ஸிடெண்ட் குறும்படத்திற்கு சிறந்த எடிட்டிங் பரிசு பெற்றதும் ஆகும். கடந்த ஒரு வருடமாய் தொடர்ந்து தவறாமல் ஒவ்வொரு இரண்டாவது சனிக்கிழமையும், குறும்பட வட்டம் நடத்தி பதிவர்களையும், குறும்பட ஆர்வலர்களையும் அறிமுக படுத்தி அங்கீகரிக்கும் அவர்களுக்கு என் நன்றிகள். சனி பெயர்ச்சி வேலை செய்யுதோ..
**************************************************************
அகநாழிகை
இன்னொரு சந்தோஷமான விஷயம் நம் பதிவர்கள் எல்லாம் பதிவர் திரு. பொன்.வாசுதேவன் ஆசிரியராய் பொறுப்பேற்று புதிதாய் வந்திருக்கும் அகநாழிகை என்கிற சிற்றிதழில் எழுதியிருப்பது. இலக்கிய உலக ஜாம்பவான்களான பாவண்ணன், கெளதம சித்தார்த்தன், யுவன் சந்திரசேகர், லீனா மணிமேகலை, தமிழ் நதி, அஜயன்பாலா,போன்றவர்களுடன் நம் பதிவுலக நண்பர்களான யுவகிருஷ்ணா, ஜ்யோவ்ராம் சுந்தர், மண்குதிரை, நிலா ரசிகன், சேரல், ரெஜோவாசன், நர்சிம், குடந்தைஅன்புமணி, விதூஷ், நேசமித்ரன், ரிஷான் ஷெரிப், ஆதிமூல கிருஷ்ணன், போன்றவர்களின் படைப்புகளோடு என்னுடய ஒரு பங்களிப்பும் இருக்கிறது என்பது பெருமையாய் இருக்கிறது. மேலும் விபரங்களுக்கு http://www.aganazhigai.com/2009/10/2009.html நிச்சயமாய் ஒரு வித்யாசமான வாசிப்பனுபவத்தை உங்களுக்கு கொடுக்கும் இந்த சிற்றிதழ்..
*********************************************************
லெபனானில் ஒரு சேனலில் நான்கு குழந்தைகளுக்கு தகப்பன் ஒருவன் கொடுத்த பேட்டி அவனுக்கு சவுதி அரேபியாவில் ஜெயில் தண்டனையும், சவுக்கடியையும் கொடுத்திருக்கிறது. அவரு ஒரு ஸ்திரி லோலன். இளம் பெண்களை பேசி, பேசியே மயக்கி விடுவதில் தில்லாலங்கடி, எப்படி பேசுவது, மடக்குவது, மேட்டர் முடிப்பது என்று விலாவாரியாய் டீவியில் சொல்ல, அதை பார்த்த சவுதி அரேபியா காரர்கள் கொந்தளித்து போய்.. அவனை கைது செய்து மேற் சொன்ன தண்டனை கொடுத்திருக்கிறார்கள். சில விஷயஙக்ளை பத்தி வந்தமா, பாத்தமா, பேசினமா கரெக்ட் பண்ணமான்னு இல்லாம பிரஸ்தாபிச்சிட்டுருந்தா இப்படித்தான்.
*********************************************************
சாப்பாட்டுகடை
குரோம்பேட்டையில் துணிகடை பெருசுக்கு ஒரு ஆப்பக்கடை. நளாஸ்.. ஆப்பத்தில் இவ்வளவு வெரைட்டியா என்று அதிர வைத்துவிட்டார்கள். அதிலும் மட்டன் கைமா ஆப்பம். சூப்பர்ப்.. கூட வரும் சைட்டிஷ்களும் அருமையான டேஸ்ட். ஆனால் பர்சை பதம் பார்க்க கூடிய இடம்தான். சொல்லிட்டேன்.
************************************************************
இந்த வார குறும்படம்
நிமிட நேர சபலத்தை, சில நிமிடங்களில் விளக்கும் படம். “Consequences”

************************************************************
ஏஜோக்
எமலோகத்தின் க்யூவில் இரண்டு பேர் நின்று கொண்டிருந்தார்கள், முதலாமவன் அடுத்தவனை பார்த்து நீ எப்படி இறந்தாய் என்று கேட்க, அவன் நான் குளிரில் உறைந்து இறந்தேன். அதற்கு முதலாமவன்.. அய்ய்யோ. ரொம்ப கொடுமையா இருந்திருக்குமே.. என கூற ஆமா அதையேன் கேட்குறே.. மொதல்ல கொஞ்ச நேரத்துக்கு ஒன்னும் முடியல.. பின்னாடி உறைஞ்சி போய் எதுவும் தெரியல்.. அது சரி நி எப்படி.. நான் ஹார்ட் அட்டாக். என் பொண்டாட்டி எனக்கு துரோகம் பண்ணுறானு தெரிஞ்சு கண்டுபிடிக்க ஒளிஞ்சிருந்து வீட்டுக்கு போனேன். அவ நேக்கடா இருந்தா, கட்டிலுக்கு அடியில, அலமாரிலன்னு வீட்டுல ஒரு இடத்துல விடாம தேடினேன்.. ஓடி ஓடி தேடினதுல எனக்கு ஹார்ட் அட்டாக் வந்து செத்துட்டேன். முதலாமவன் “ அடப்பாவி கொஞ்சம் பீரீஸரை திறந்து பாத்திருந்தா நம்ம ரெண்டு பேரும் செத்திருக்க மாட்டமே..:” என்றான்
***************************************************************
உங்கள் ஓட்டை தமிழ்மணத்திலும், த்மிலிஷிலும் குத்துங்க.. எசமான் குத்துங்க..

சுந்தர், ரோசா, மற்றும் சில அனானிகளூம்

2009-10-11T10:14:00.004+05:30

என்ன பிரச்சனை என்று தெரியாமல் ஒருவர் உயிருக்கு போராடி கொண்டிருக்கிறார் என்ற செய்தி வந்தவுடன், அதுவும் நமக்கு தெரிந்தவர் என்றது எவ்வளவு பதை பதைக்கும், அந்த பதைபதைப்போடு நானும் சுகுணாவும் ஓடினோம். புருனோவிற்கும் போன் செய்ய, அவருக்கு முன்பே சிவா சொல்லிவிட்டதால் அங்கே வார்டுக்குதான் போய் கொண்டிருப்பதாகவும், உடனே வாங்க என்றார்.

அங்கே சுந்தர் இருந்த நிலையை கண்டதும் கொஞ்சம் ஆடித்தான் போனேன். சட்டை, பேண்ட் எல்லாம் ரத்தம், ஒரு அரை கண் திறப்பு, ஒரு பக்கம் ஸ்லைன் ஏற்ற ஸ்டாண்ட் இல்லாததால் சுந்தரின் நண்பர் ஒருவர் தன் கையை ஸ்டாண்டாய் வைத்து நிற்க, புருனோவிடம் தனியே அழைத்து என்னவென கேட்ட போது, ஓண்ணுமில்லை ஹி இஸ் ஓகே. என்றதும் தான் நிம்மதி அடைந்தேன்.

முடிந்தால் இவரை வெளியே கூட்டி போங்கள் என்ற ஒருவரை காட்டினார் அவரை சுகுணா வெளியே கூட்டி வர, தலையில் அடித்து கொண்டார், அழுதார், என்னோட கில்டி கான்சியஸ் என்னை கொன்றுவிடும் என்றார். நான் தான் அடித்தேன் என்றார். எனக்கு புரிந்தது அதுதான் ரோசா என்று. மேலும் அவரை அங்கே இருந்தாலும் நன்றாக இருக்காது என்று அவரை ஜி.எச்சுக்கு வெளியே கூட்டி போய் நிற்க வைத்து விட்டு, அவரை ஆசுவாச படுத்தி டீ சாப்பிட வைத்துவிட்டு, சுகுணாவிடம் விட்டு விட்டு, உள்ளே போய் மீண்டும் சுந்தரையும், புருனோவையும் பார்த்துவிட்டு ஒரு ஸ்கேன் எழுத்துவிட்டு அனுப்பிவிடுவதாய் சொன்னார். ஸ்கேன் முடிந்து கிளம்பியதும், நாங்கள் சுகுணாவும், ரோசாவும், ஒரு வண்டியில் வர, நான் என் தனியே கிளம்பினேன்.

வண்டியில் போகும் போது எனக்குள் ஒர் எண்ண ஓட்டம் ஓடத்தான் செய்தது. தன்னுடய் கருத்தை எதிராளியிடம் பேசியோ, அல்லது எதிர் பதிவு எழுதியோ, நிருபிக்க முடியாமல் அந்த கோபத்தை நேரில் பேசும் போது, தனியாய் ஊற்றி கொடுத்துவிட்டு, வீட்டிற்கு போகும் போது அடிப்பது எவ்வள்வு ஈனமான செயல். தன் கருத்திற்கு எதிர் கருத்து இருக்கும் ஒரு நபரோடு சந்தித்து பேச அழைத்ததும், கருத்து வேறு, நட்பு வேறு என்ற பெருந்தன்மையில் வ்ந்திருக்கும் ஒருவரை அடித்ததை பற்றி, அடித்தற்கான காரணத்தை ரோசாவின் பக்கத்தை கேட்டுவிட்டுதான் சொல்வேன் என்பதும்,

சுந்தரின் பதிவில் ஆனானியாய் உனக்கு ஒரு குத்து தானா..? என்று கேட்டிருப்பதும், நீங்கள் குடித்துவிட்டு அடித்து கொண்டீர்கள், உங்களை பார்க்க வந்த ஆட்களும் குடித்துவிட்டு வந்தார்கள், குடிகார கூட்டம் என்றும் கிண்டலடிக்கும் அனானிகளுக்கும், பெயரோடு எழுதுபவர்களுக்கும் ஒன்று சொல்லிக் கொள்கிறேன். அடித்தவரே நான் அப்படி செய்திருக்க கூடாது என்று ஒத்து கொண்டிருக்கும் போது நீங்கள் எல்லோரும் என்ன பெரிய பு..ங்கிகளா.? ஒருத்தனுக்கு பிரச்சனைன்னா போய் நிக்கிறதுதான் நட்புக்கு அழகு.

ஒருவரை அடிப்பது சரி தான் என்கிற எண்ணம் இருப்பதால் தானே இம்மாதிரியான பின்னூட்டகள். அடிப்பது வீரம் என்று நினைத்து கொண்டிருப்பவர்களுக்கு ஒரு விஷயம் . அதை போல மிக கேவலமான கோழைத்தனம் கிடையவே கிடையாது..

சுந்தருக்கு ஏதாவது ஆகியிருந்தால் ரோசாவின் கதி.. சுந்தரின் பார்ட்னர் ஒருவர் வெளியே வ்ந்து டாக்டர் என்ன சொன்னார் என்று கேட்ட போது, நிலையை சொல்லிய பிறகு ரோசாவிடம் சொன்னார் “எங்களுக்கு எல்லாமே அவ்ர்தான் சார்” என்று

வன்முறை எதற்கு எதிராக இருந்தாலும் தேவையில்லாதது. தீர்வாகாது.