ALMANJAKOLLAI

டாலரை காக்கும் செளதி அரேபியா!!!

noreply@blogger.com (almanjakollai) — Tue, 08 Oct 2013 07:53:00 +0000

அமெரிக்க மிரட்டலை நிராகரித்து ஈரானிடம் இருந்து இன்னும் அதிகமாக கச்சா எண்ணெய் வாங்கினால் இந்தியாவுக்கு ரூ. 57,000 கோடி மிச்சமாகும் என்று நேற்று கூறியிருந்தேன்.ஆனால், அதைச் செய்வது சாத்தியமா?கச்சா எண்ணெய் வர்த்தகம் என்பது உலகளவில் டாலரில் மட்டுமே நடக்கும் ஒரு வியாபாரம். கச்சா எண்ணெய்யை வளைகுடா நாடுகளே மிக அதிக அளவில் உற்பத்தி செய்தாலும் கூட அதன் விலையை நிர்ணயிப்பது லண்டன் பங்குச் சந்தை தான். இங்கு தான் சர்வதேச அளவிலான காரணிகளை வைத்து கச்சா எண்ணெய்க்கான விலை நிர்ணயிக்கப்படுகிறது. உலகில் பல்வேறு நாடுகள் தங்களுக்கு இடையிலான ஏற்றுமதி, இறக்குமதிக்கு டாலரையே பொது கரன்சியாக பயன்படுத்தி வருகின்றன.
இப்போது ஒரு பிளாஷ்பேக்...

ஹிட்லர் கொல்லப்பட்டு இரண்டாம் உலகப் போர் முடிவுக்கு வந்த நேரம். அமெரிக்கப் பொருளாதாரம் மீண்டும் சூடு பிடித்து, கார்கள் உற்பத்தியும் விற்பனையும் உச்சத்தை அடைந்த நேரம். உலகிலேயே மிக அதிகமான கச்சா எண்ணெய் உற்பத்தி செய்யும் நாடாக இருந்தாலும் அமெரிக்காவிலேயே எரிபொருளுக்கு தட்டுப்பாடு... தனது எதிர்காலம் கச்சா எண்ணெய்யின் வரத்துடன் சார்ந்து இருப்பதை அமெரிக்கா உணர்ந்த நேரம். அதே நேரத்தில் செளதி அரேபியாவில் தான் உலகிலேயே மிக அதிகமான கச்சா எண்ணெய் இருப்பு உள்ளதாக கண்டறியப்பட்ட நேரம்
கப்பலில் ரூஸ்வெல்ட்-செளதி அரேபிய மன்னர்:இந் நிலையில், அமெரிக்க அதிபர் பிராங்ளின் ரூஸ்வெல்ட் எகிப்துக்கும் செளதி அரேபியாவுக்கும் இடையிலான ரெட் சீ பகுதிக்கு ரகசியமாய் செல்கிறார். அங்கு நிலைநிறுத்தப்பட்டிருந்த USS Quincy போர்க் கப்பலில் ரூஸ்வெல்ட் மற்றும் அப்போதைய செளதி அரேபிய மன்னர் இப்ன் செளத் இருவரும் சந்தித்துப் பேசுகின்றனர். அமெரிக்காவுக்கு தடையில்லாத கச்சா எண்ணெய் சப்ளை வேண்டும். இதை செளதி அரேபியா நிறைவேற்றித் தர வேண்டும் என்ற ரூஸ்வெல்ட்டின் கோரிக்கையை இப்ன் செளத் மெளனமாய் கேட்கிறார்.

சிக்கல் இல்லாமல் ஆட்சியில் இருக்க:இதைச் செய்தால், உங்களது பரம்பரையே செளதியில் தொடர்ந்து எந்த சிக்கலும் இல்லாமல் ஆட்சியில் இருக்க அமெரிக்கா எப்போதும் துணை நிற்கும் என்ற வாக்குறுதி தரப்படுகிறது. அமெரிக்க ராணுவம் எப்போதும் செளதிக்கு (மன்னர் குடும்பத்துக்கு) ஆதரவாய் இருக்கும், உங்களுக்கு எந்த ஆபத்து வந்தாலும் நாங்கள் வருவோம் என்கிறார் ரூஸ்வெல்ட். ஆனால், நீங்கள் தரும் கச்சா எண்ணெய்க்கான பணத்தை நாங்கள் டாலர்களில் வழங்குவோம் என்கிறார். (அதற்கு முன் சர்வதேச வர்த்தம் பல்வேறு நாடுகளின் கரன்சிகளிலும் தங்கத்தையும் அடிப்படையாக வைத்து நடந்து வந்தது).இப்படித்தான் டாலரின் ஆதிக்கம் உலகில் ஆரம்பமானது: இதை செளதி மன்னர் ஏற்றுக் கொள்ள உலகின் மாபெரும் வர்த்தகம் (கச்சா எண்ணெய்) டாலர்களில் ஆரம்பிக்கிறது. இதன் பின்னர் உலகளவிலான பெரும்பாலான வியாபாரம் டாலர்களுக்கு மாறுகிறது. இப்படித்தான் டாலரின் ஆதிக்கம் உலகில் ஆரம்பமானது. எல்லா நாடுகளும் தங்களது வேண்டியதை இறக்குமதி செய்ய டாலர்களை சேமித்து வைக்க வேண்டிய நிலைக்குத் தள்ளப்படுகின்றன. பலவீனமான நிலை: இந் நிலையில் 1970ம் ஆண்டில் டாலரின் மதிப்பு சடாரென சரிந்தது. இதனால் கச்சா எண்ணெய்யை விற்று விற்று டாலர்களைக் குவித்து வைத்திருந்த வளைகுடா நாடுகளுக்கு பெரும் சிக்கல். அவர்களது அன்னிய செலாவணி கையிருப்பு (டாலர்கள்) வீங்கிப் போய், பலவீனமான நிலைக்குப் போனது. இதையடுத்து சில வளைகுடா நாடுகள் இனியும் டாலரை மையமாக வைத்து கச்சா எண்ணெய் வர்த்தம் செய்வது தவறு, இதை பல்வேறு கரன்சிகள் அடங்கிய வர்த்தகமாக மாற்ற வேண்டும் என்று குரல் தந்தன. குறிப்பாக, ஈரான். இதை கத்தார், இராக், யுஏஇ, வெனிசுவேலா ஆகியவை ஆதரித்தன.செளதி அரேபியா இதை ஏற்கவில்லை:ஆனால், உலகின் முன்னணி கச்சா எண்ணெய் ஏற்றுமதி செய்யும் நாடான செளதி அரேபியா இதை ஏற்கவில்லை. காரணம், செளதியில் அவ்வளவு டாலர்கள் இருந்தது தான். எண்ணெய் வர்த்தகத்தை மற்ற கரன்சிகளுக்கு மாற்றினால் அதனிடம் இருப்பில் உள்ள டாலர்களின் மதிப்பு பெருமளவில் சரிந்துவிடும். இது ஒரு குறுகிய கால பிரச்சனை தான். இருந்தாலும் அந்த ரிஸ்க்கை செளதி எடுக்கவில்லை. இதற்கு இன்னொரு முக்கிய காரணம், அமெரிக்காவை பகைக்க விரும்பாதது.
இது தான் பின்னணி: (இதை இன்னும் விளக்க வேண்டுமானால்... ரூஸ்வெல்ட் தந்த உறுதிமொழிப்படி செளதி அரச குடும்பத்துக்கு இன்று வரை உறுதுணையாக நிற்கிறது அமெரிக்கா. செளதியில் ஜனநாயகம் தளைக்க வேண்டும் என்றெல்லாம் அமெரிக்கா பேசுவதில்லை, அதே போல இஸ்ரேல் விவகாரத்தில் அமெரிக்காவுக்கு கோபம் வரும் அளவுக்கு, செளதியும் பெரிய அளவில் மூக்கை நுழைப்பதில்லை)இது தான் செளதி நிலைமைஇப்படியே பல ஆண்டுகளாய், டாலர்களிலேயே வர்த்தகத்தைத் தொடர்ந்து,தொடர்ந்து இன்று என்ன நிலைமை என்றால் டாலரின் மதிப்பைக் காப்பாற்ற அமெரிக்காவுக்கு அடுத்தபடியாக மிகவும் பிரயத்தனப்படுவது செளதி அரேபியா தான் என்ற நிலை வந்துவிட்டது. 1980 நிலைமையின்படி செளதி அரேபியாவின் வருவாயில் 90 சதவீதம் டாலர்கள் தான். அதே போல செளதி அரேபியாவின் முதலீடுகளில் 83 சதவீதம் டாலர்களாகவே இருந்தன. இப்போதும் நிலைமை அதே. இதனால், டாலர்களின் மதிப்பை காக்க வேண்டிய பொறுப்பு அமெரிக்காவை விட செளதிக்கே அதிகம் என்ற நிலைமை வந்துவிட்டது.இந்திய ரூபாயின் சமீபத்திய நிலைமை தான் உருவாகும்(இதன்மூலம் நாம் அறிவது என்னெவென்றால், டாலர் சர்வதேச கரன்சியாக கோலோச்ச வேண்டும் எனில் உலகளவிலான கச்சா எண்ணெய் வர்த்தகம் டாலர்களில் தான் தொடர்ந்து நடக்க வேண்டும். அது நடக்கும் வரை அமெரிக்காவுக்கு எந்தக் கவலையும் இல்லை. வேண்டும் அளவுக்கு டாலர்களை அச்சடித்து செலவிடுவார்கள். ஆனால், மற்ற நாடுகள் தான் டாலர்களின் பின்னால் ஓடி, ஓடி அதை சேர்த்து வைக்க வேண்டும். டாலர்கள் கையில் இல்லாத நாட்டின் கரன்சிக்கு இந்திய ரூபாயின் சமீபத்திய நிலைமை தான் உருவாகும்.)ஈரான் மட்டுமே இதில் விதிவிலக்கு:செளதியின் ஆதரவு இல்லாததால் டாலரைத் தவிர்த்த பிற கரன்சிகளில் வர்த்தகம் செய்யும் முடிவை மற்ற வளைகுடா நாடுகளும் நீண்ட காலததுக்கு முன்பே கைவிட்டுவிட்டன. ஆனால், ஈரான் மட்டுமே இதில் விதிவிலக்கு. நீண்ட காலமாகவே அமெரிக்காவின் டார்ச்சருக்கு உள்ளாகி வரும் ஈரான், ரஷ்யா- சீனா- இந்தியா போன்ற நாடுகளுடன் தனது வர்த்தகத்தை டாலரிலும் ரூபிளிலும், யுவான் மற்றும் ரூபாயிலுமாக மேற்கொண்டு வருகிறது. ஆனால், ஈரானுக்கும் டாலர் தேவை. வெறும் ரூபிளையும் யுவானையும் ரூபாயையும் வைத்துக் கொண்டு அந்த நாடு என்ன செய்ய முடியும்?.ஈரானுக்கும் டாலர்கள் வேண்டுமே..:ரஷ்யா, சீனா மற்றும் இந்தியாவிடம் இருந்து அரிசி, பருப்பு, டீ, மருந்துகள்,கருவிகள், ராணுவ தளவாடங்கள், மின்னணு சாதனங்களை இறக்குமதி செய்யலாமே தவிர, ரஷ்யா- சீனா- இந்தியாவில் கிடைக்காத, மற்ற நாடுகளில் கிடைக்கும் பொருள்களை இறக்குமதி செய்ய ஈரானுக்கும் டாலர்கள் வேண்டுமே.. இதனால்,அமெரிக்க மிரட்டலை நிராகரித்து ஈரானிடம் இருந்து இன்னும் அதிகமாக கச்சா எண்ணெய் வாங்கினால் இந்தியாவுக்கு ரூ. 57,000 கோடி மிச்சமாகும் என்றாலும்,இதற்கு மேலும் இந்தியாவுக்கு ரூபாயில் ஈரான் கச்சா எண்ணெய்யை விற்குமா என்பது சந்தேகமேயூகோ வங்கியில் ஈரானின் ரூ. 30,000 கோடி:(இந்தியாவுக்கு ஈரான் விற்கும் கச்சா எண்ணெய்க்காக அந்த நாட்டுக்கு தரப்படும் பணத்தில் 45 சதவீதம் கொல்கத்தாவில் உள்ள யூகோ வங்கிக் கிளை மூலம் ரூபாயாகத் தரப்படுகிறது. இந்தப் பணம் கொஞ்சம் கொஞ்சமாக சேர்ந்து ரூ. 30,000கோடிகளைத் தொட்டுவிட்டது. ஆனால், இதை ஈரான் இதை இன்னும் பயன்படுத்தவே இல்லை. காரணம், ரூபாயை வைத்துக் கொண்டு சர்வதேச சந்தையில் ஈரானால் ஏதும் வாங்க முடியவில்லை)கப்பல்கள் இல்லை:மேலும் ஈரானிடம் இருந்து கச்சா எண்ணெய்யைக் கொண்டு வர நாம் சார்ந்து இருப்பது அமெரிக்க- ஐரோப்பிய நாடுகளின் டேங்கர்களைத் தான். இந்த அளவுக்கு மாபெரும் டேங்கர்கள் இந்தியாவிடமும் இல்லை, ஈரானிடமும் இல்லை. அமெரிக்காவும் ஐரோப்பிய நாடுகளும் இந்த டேங்கர்களை ஈரான் பக்கமே போகக் கூடாது என்று உத்தரவு போட்டுவிட்டன. இதனால் ஈரானே முன்வந்தாலும் அதை இந்தியாவுக்குக் கொண்டு வருவது எளிதல்ல. மேலும் தனது கச்சா எண்ணெய்க்கு ஈடாக ஈரான் ரூபாய்க்குப் பதிலாக தங்கத்தைக் கேட்கலாம். அதைத் தருவதிலும் இந்தியாவுக்குப் பிரச்சனை இல்லை.பிரச்சனை அமெரிக்காவுக்கு அல்ல: ஆனால், இதில் அமெரிக்காவுக்குத் தான் பிரச்சனை. கச்சா எண்ணெய் வர்த்தகம் டாலர் தவிர்த்து வேறு எதிலும் (தங்கம் அல்லது ரூபாய்) நடக்கக் கூடாது என்பதில் தீவிரமாக உள்ளது அந்த நாடு. இதனால் இந்தியாவுக்கு மறைமுகமாக பலவிதமான நெருக்கடிகளைத் தந்து ஈரானிடம் இருந்து கச்சா எண்ணெய் இறக்குமதி செய்வதை குறைக்க வைத்துவிட்டது. இதனால் இழப்பு அமெரிக்காவுக்கு அல்ல. ஈரானுக்கும் இந்தியாவுக்கும் தான்! விழித்து கொள்ளுமா இந்தியா?

கிலாபத்தின் வீழ்ச்சியே மனிதகுலத்தின் சாபக்கேடு!

noreply@blogger.com (almanjakollai) — Wed, 02 Oct 2013 12:51:00 +0000

முஸ்லிம் உலகின் பாதுகாப்பு அரணாக விளங்கிய கிலாபா (இஸ்லாமிய அரசு) 1924ம் ஆண்டு மார்ச் மாதம் 3ம் திகதியில் (28 ரஜப் மாதம் ஹிஜ்ரி 1342) முஸ்தபா கமால் அதாதுர்க்கினால் துருக்கிய தலைநகரான ஸ்தான்புலில் நிர்மூலமாக்கப்படடு 2008ம் ஆண்டுடன் 84 வருடங்கள் கடந்துவிட்டன. கிலாபத்தை அழித்ததன் மூலம் காலனித்துவ பிரித்தானியாவும், முஸ்லிம் உலகிலே அவர்களின் கைம்பாவையாக தொழிற்பட்ட ஆட்சியாளர்களும் முஸ்லிம் உம்மத்திற்கு பாரியதொரு அதிர்ச்சியினையும், கேவலத்தினையும் ஏற்படுத்தினார்கள். இருபதாம் நு}ற்றாண்டு முழுவதும் முழு உலகும், முஸ்லிம் உம்மத்தும் ஒட்டுமொத்த அழிவை நோக்கி பயணிக்க வேண்டி ஏற்பட்டது. முஸ்லிம் உம்மா பொருளாதார பலமற்ற, சர்வதேச பொருளாதார நிதியத்தினதும் (IMF), உலக வங்கியினதும் கால்களில் மண்டியிடும் சிற்சிறு தேசிய அரசுகளாக கூறுபோட்டு பிரிக்கப்பட்டது. முஸ்லிம் உம்மத் இராணுவ அரசுகளையும், சர்வாதிகார ஆட்சியாளர்களையும், ஜனநாயக கொடுங்கோலர்களையும், மிகவும் பின்தங்கிய அரசியல், பொருளாதார, தொழிற்நுட்ப கட்டமைப்பையும் கொண்ட சேதமுற்ற தேசமாக மாறிவிட்டது.

இருபதாம் நு}ற்றாண்டு முழுவதும் முஸ்லிம்களும், அவர்களின் நிலங்களும் குப்பார்களின் தொடர்ந்தேர்ச்சையான வன்முறைகளுக்கு இலக்காகியது. யூதர்கள், பிராஸ்ஸியர்கள், பிரித்தானியர்கள், இந்துக்கள், இத்தாலியர்கள், அமெரிக்கர்கள், சேபியர்கள், ரஸ்யர்கள், சீனர்கள் என அனைவர்களும் மில்லியன் கணக்கான முஸ்லிம்களின் அவலத்திற்கும், கண்ணீருக்கும் காரணகர்த்தாக்களாக இருந்துள்ளனர். ஸ்திரமற்ற பொருளாதார நிலையினையும், உணவுக்கும், வாழ்விடத்திற்கும் அகதிமுகாம்களில் தஞ்சம் புகும் அவலத்தையும் தாண்டி பல்லாயிரக்கணக்கான முஸ்லிம்கள் படுகொலை செய்யப்பட்டும், படுகாயமடைந்தும் இருக்கின்றனர். இந்த மனித அவலத்தினை விளங்கிக்கொள்ள உங்கள் மனக்கண்முன் பலஸ்தீனம், ஈராக், ஆப்கானிஸ்;தான், செச்னியா, காஷ்மீர், கொசோவா, பொஸ்னியா, அரிட்ரியா போன்ற எமது பூமிகளின் கொடூரமான நிலவரத்தினை நிலைநிறுத்திப்பாருங்கள். இந்த அகோர நிலை அமெரிக்கா, பிரித்தானியா, பிரான்ஸ், ரஸ்யா போன்ற நாடுகள் பின்பற்றும் மிகக்கொடூரமான உலக ஒழுங்கினால் மென்மேலும் மோசமடைந்துள்ளது. உம்மத்தின் வளங்கள் அனைத்தும், குறிப்பாக எண்ணெய் வளம் முழுவதும் இஸ்லாத்தின் எதிரிகளின் கைகளால் கட்டுப்படுத்தப்பட்டு இஸ்லாத்திற்கு எதிரான குப்பார்களின் போர் இயந்திரத்தினை பலப்படுத்த பயன்பட்டு வருகிறது. இதனு}டாக முழு முஸ்லிம் உம்மத்தினையும் தமது இரும்புச்சப்பாத்திற்குள் அடக்குவதற்கு எதிரிக்கு வாய்ப்பேற்பட்டுள்ளது.

இருபதாம் நு}ற்றாண்டு இரு உலக மகா யுத்தங்களை சந்தித்ததுடன் அறுபது மில்லியன் மனித உயிர்களையும் அது பலிகொண்டது. பாரிய பொருளாதார ஏற்றத்தாழ்வுகள், எங்கும் வியாபித்த வறுமை, சமூக நோய்கள், பயங்கரவாதம், வாழ்வியல் சிதைவுகள், மனித விழுமிய வீழ்ச்சிகள் போன்றன உலகில் எங்கும் வியாபித்து இருபதாம் நு}ற்றாண்டை அவல நு}ற்றாண்டாக மாற்றின. அணுவாயுத யுத்தங்களும், பொருளாதார அனர்த்தங்களும் முழு மனித வர்க்கத்திற்கே பாரிய அச்சுறுத்தலாக மாறியுள்ளது. உலக அரங்கில் நீதியின் அச்சாணியாகத் திகழ்ந்த இஸ்லாமிய அரசின் வீழ்ச்சியின் இயற்கையான பின்விளைவுகளே முஸ்லிம்களுக்கும், ஏனைய உலக மக்களுக்கும் எதிராக நிகழ்ந்த கொடூரமான மனிதப்படுகொலைகளும், இன அழிப்புகளுமாகும் என்பதை முழு உலகமும் சேர்ந்தாலும் மறுக்க முடியாது. இந்நிலையில் இஸ்லாமிய முறைமை அரச மட்டத்திலும், பொருளாதார, சமூக, அன்றாட வாழ்வியல் மட்டத்திலும் பரிபூரணமாக அமுல்படுத்தப்படுவதே, குப்ரின் கொடுமையில் களைத்துப்போன மனிதகுலத்திற்கு ஒரேயொரு விமோசனமாகும்.

“ (நபியே) உம்மை அகிலத்தாருக்கு ஓர் அருளாகவேயன்றி நாம் அனுப்பவில்லை” (அல் அன்பியா: 107)

முஸ்லிம்களே! அல்லாஹ்(சுபு) எம்மை முழு மனிதகுலத்திற்கும் சாட்சியாளர்களாய் நியமித்துள்ளான் என்பதை மறந்து விட்டீர்களா?

அல்லாஹ்(சுபு) தனது திருமறையிலே கூறுகிறான்:

“ மேலும் (விசுவாசிகளே!) நீங்கள் ஏனைய மனிதர்களுக்கு சாட்சியாளர்களாக ஆகுவதற்காகவும், (நம் து}தர்) உங்களுக்கு சாட்சியாளராக இருப்பதற்காகவும் நீதி செலுத்தும் சமுதாயத்தினராக நாம் உங்களை ஆக்கினோம்.”(அல் பகறா: 143)

எனவே முழு மனிதகுலத்திற்குமான சாட்சியாளர்களாய் திகழும் பணி உறுதியான பலம், சுதந்திரமான அரசியல் நிலைப்பாடு, அரசியல் அதிகாரம் இவை எல்லாவற்றிற்கும் அடித்தளமான இஸ்லாமிய சிந்தனை என்பவற்றை கொண்ட ஒரு தலைமையின் கீழான முஸ்லிம் உம்மாவால் மாத்திரம்தான் முடியும்.

முஸ்லிம்களே! நாம் வாழ்ந்துவரும் சிதைவுற்ற வாழ்விலிருந்து து}ய்மைபெற்று இஸ்லாமிய வாழ்க்கை முறையை நோக்கி எழுச்சியடைய வேண்டிய பணி எமது கடமையும், அமானிதமுமாகும். இருபதாம் நு}ற்றாண்டில் நாம் இழந்த இஸ்லாமிய கிலாபாவை மீண்டும் நிலைநாட்ட வேண்டியது எமது அதிமுக்கிய கடமையாகும். ஒவ்வொரு முஸ்லிமும் ஒரு கலீபாவிற்கு தனது சத்தியப்பிரமாணத்தை (பையத்) செய்திருக்க வேண்டியது கடமையாகும்.

இப்னு உமர் (ரழி), ரசூல்(ஸல்) கூறியதாக அறிவிக்கிறார்கள்,“கலீஃபாவிற்கு கொடுக்கப்பட்ட சத்தியப்பிரமாணம் (பையத்) இல்லாத நிலையில் யார் மரணிக்கிறாரோ அவர் ஜாஹிலிய மரணத்தை அடைந்தவராவர்.” (முஸ்லிம்)

முஸ்லிம்களே! முழு முஸ்லிம் உம்மத்தும் இன்றுவரை அனுபவித்துவரும் அனைத்து பிரச்சனைகளுக்கும் இதுவரை காலமும் எமது மாநாடுகளிலும், கூட்டங்களிலும், நிறுவனங்களிலும், இயக்கங்களிலும் நாம் ஆராய்ந்து வரும் தீர்வுகள் முறையான நிவாரணத்தையும், நிரந்தரமான தீர்வினையும் வழங்கவில்லை என்பதை எம்மால் மறுக்க முடியாது. மாறாக முஸ்லிம்கள் எதிர்நோக்கும் அவலங்கள் நாளுக்கு நாள் அதிகரித்துக்கொண்டே செல்கின்றன. இதற்கு காரணம் எம்மை அழிக்க நினைக்கும் எதிரியை எதிர்கொள்வதற்கும், நாம் எதிர்நோக்கும் ஆபத்துக்களிலிருந்து எம்மை பாதுகாத்துக்கொள்வதற்கும் இறைது}தர் கேடயமாக உவமித்த நேர்வழிபெற்ற கலீபா எமக்கு இல்லாமையேயாகும்.

நபிகளார் (ஸல்) கூறியதாக அபுஹ_ரைரா (ரழி) அறிவிக்கிறார்கள்:“ இமாம் ஒரு கேடயம் போன்றவர்;. அவர் பின் நின்றே நீங்கள் போராட வேண்டும். அவர் மூலமாகவே நீங்கள் பாதுகாப்புத் தேடிக்கொள்ள வேண்டும்.” (முஸ்லிம்)

முஸ்லிம்களே! கிலாபாவை மீண்டும் நிலைநாட்டுவது என்பது ஒரு சில நல்ல முஸ்லிம்களின் கனவல்ல. அதேபோல அது வெறுமனவே எமது விருப்பத்திற்குரிய ஒரு சிந்தனை மட்டுமல்ல. அது முஸ்லிம்கள் அனைவரினதும் கடமையும், மனிதகுலத்தின் தேவையுமாகும். அதற்கான முன்னெடுப்பு பிரார்த்தனை செய்வதுடன் மட்டுப்படுத்தப்பட்டதல்ல, மாறாக அது ஒரு ஜீவ மரணப் போராட்டமாகும். முஸ்லிம்களே! கிலாபா என்பது ரசூலுல்லாஹ் (ஸல்) அவர்கள் தனது மரணத்திற்கு பின்னர் முஸ்லிம்களின் முக்கிய பொறுப்பாக விட்டுச்சென்றதாகும்.

அபுஹாசிம் அறிவிப்பதாக முஸ்லிமில் குறிப்பிடப்பட்டுள்ளதாவது :

“ நான் அபுஹ_ரைராவுடன் இருந்த ஐந்து ஆண்டுகளில் அவர் அடிக்கடி கூறிய ரசூலுல்லாஹ்வின்(ஸல்) கூற்று: ''நபிமார்கள் மக்கள் நலன்களை பேணிக்காத்தனர். ஒரு நபியின் மறைவிற்குப்பின்னர் வேறு நபிமார்கள் தோன்றினர். ஆனால் எனது மறைவிற்குப்பின்னர் வேறு நபிமார்கள் யாரும் வரமாட்டார்கள். ஆனால் அதிகமாக கலீஃபாக்கள் தோன்றுவார்கள்."" அப்போது ஸஹாபாக்கள் ரசூலுல்லாஹ்(ஸல்) அவர்களிடம் “ அந்த நிலையில் நாங்கள் என்ன செய்ய வேண்டும்? ” என வினவினார்கள். அதற்கு ரசூலுல்லாஹ்(ஸல்) கூறினார்கள் “ முதலாமவருக்கு பையத் செய்யுங்கள், பின்னர் அவரைத் தொடர்ந்து வருபவர்களுக்கும் பையத் செய்யுங்கள். அவர்களுக்கு அவர்களுடைய உரிமைகளை வழங்குங்கள். அல்லாஹ்(சுபு) அவர்களுக்கு வழங்கப்பட்ட பொறுப்புக்கள் குறித்து கவனித்துக் கொள்வான்.” என்றார்கள்.

கிலாபா ஆட்சி முறை என்பது அபு பக்ர் (ரழி), உமர் (ரழி), உஸ்மான் (ரழி), அலி (ரழி) அவர்களால் நடைமுறைப்படுத்தப்பட்ட ஆட்சிமுறையாகும். மேலும் அந்த ஆட்சி முறைக்கு கீழ்த்தான் சுமார் 13 நு}ற்றாண்டுகள் முஸ்லிம் உம்மத் தனது விவகாரங்களை தொடர்ந்து பராமரித்து வந்திருக்கிறது. எனவே எமதருமை முஸ்லிம்களே! எம்மால் 21ம் நு}ற்றாண்டை கிலாபா ராஷிதாவின் மீள் வருகையால் ஒளிர்வூட்ட முடியுமா? ரசூலுல்லாஹ் (ஸல்) அவர்கள் எம்மீது வைத்த நம்பிக்கையை நாம் புதுப்பிக்க முடியுமா? அல்லாஹ்(சுபு)வும், ரசூலுல்லாஹ் (ஸல்)வும் எமக்கு வாக்களித்த கிலாபத்தின் மீள்வருகையின் பயணத்தில் நாமும் பங்காளர்களாக முடியுமா?

“ மனிதர்களே! உங்களில் விசுவாசங்கொண்டு, நற்கருமங்களையும் செய்கிறார்களே அத்தகையவர்களுக்கு அவர்களுக்கு முன்னர் சென்றவர்களை அதிபதிகளாக்கிய பிரகாரமே, நிச்சயமாக பூமிக்கு அதிபதிகளாக்கி வைப்பதாகவும், அவன் அவர்களுக்கு பொருந்திக்கொண்ட மார்க்கத்தில் அவர்களை நிச்சயமாக உறுதிப்படுத்தி வைப்பதாகவும், அவர்களுடைய பயத்திற்கு பிறகு அமைதியை கொண்டு நிச்சயமாக மாற்றிவிடுவதாகவும் அல்லாஹ் வாக்களிக்கின்றான். அவர்கள் எனக்கு யாதொன்றையும் இணையாக்காது என்னையே வணங்குவார்கள். இதன் பின்னர் உங்களில் எவர் நிராகரிப்பவராகி விட்டாரோ நிச்சயமாக அவர்கள்தாம் அல்லாஹ்வின் கட்டளைகளை ஏற்காத பாவிகள்.” (அந்நு}ர்: 55)

முஸ்லிம்களே! எம் தோள்களிலே அல்லாஹ்(சுபு) சுமத்திய பணியை எம்மால் தாங்கிக்கொள்ள முடியுமா? வாழ்வில் மீண்டும் இஸ்லாத்தை கொண்டுவருவதன் மூலம் எமது கௌரவத்தை நாம் மீண்டும் பெற துணிவுடன் இருக்கின்றோமா? நீதி செலுத்தும் உம்மத் என்ற அடிப்படையில் முழுமனிதகுலத்திற்கும் சாட்சியாளர்களாக எம்மை நாம் மாற்றிக்கொள்ள எமக்கு தென்பிருக்கிறதா? கஃபாவை விட பரிசுத்தமான ஒன்றை பாதுகாப்பதற்காக எம்மால் உறுதிப்பிரமாணம் எடுக்க முடியுமா?

அப்துல்லாஹ் இப்னு உமர் (ரழி) அவர்கள் அறிவிக்கிறார்கள்.

“ ரசூலுல்லாஹ் (ஸல்) அவர்கள் கஃபாவை சுற்றி வரும் போது அதனைப் பார்த்து கூறினார்கள், “ உனது (கஃபா) சிறப்பு எத்தகையது! உனது (கஃபா) நறுமணமும், புனிதமும் எத்தகையது! ஆனால் எவனுடைய கரத்தில் இந்த முஹம்மத்தின் உயிர் உள்ளதோ அவன் மீது ஆணையாக, ஒரு விசுவாசியின் ஒரு துளி இரத்தமும், அவனது உடமைகளும் அல்லாஹ்(சுபு) முன்னிலையில் உன்னை (கஃபா) விட புனிதமானது. நல்லதைக்கொண்டல்லாமல் ஒரு விசுவாசியை கருத வேண்டாம்” ( சுனன் இப்னு மாஜா)

எனவே முஸ்லிம்களே! முஸ்லிம் தேசத்தின் ஒரு அங்;குலத்தையேனும் நாம் விடுதலை செய்யாமல் விடமாட்டோம் என கங்கனம் கட்டுவோமா? முஸ்லிம் பெண்களின் கௌரவத்தை பாதுகாக்க உயிரையும் துரப்போம் என உறுதிபூணுவோமா? எமது சிறார்கள் பட்டினியால் மடிவதை இனியும் பொறுக்க மாட்டோம் என சத்தியம் செய்வோமா? முழு மனித சமூகத்திற்கும் இஸ்லாத்தின் அருளை பரப்ப சிடகங்கட்பம் பூணுவோமா?

முஸ்லிம்களே! எமது பாதை ஜன்னத்தின் பாதையா? எம்மை நாம் ஜஹன்னத்தின் பிடியிலிருந்து பாதுகாக்க முடியாதா? ஜாஹிலிய மரணமாக எமது முடிவு அமைவதை தவிர்க்க, அல்லாஹ்(சுபு) ஷாPயா இந்த பூமியில் நிலைபெற்றிருக்க, தாஹ}த்களுக்கு சாவுமணி அடிக்க மீண்டும் கிலாபத்தை நிலைநாட்டும் பணியில் நாம் களம் இறங்கக் கூடாதா?

“ விசுவாசம் கொண்டோரே! அல்லாஹ்வுக்கும், (அவனது) து}தருக்கும் - உங்களை வாழ வைப்பதன்பால் (அல்லாஹ்வின் து}தராகிய) அவர் உங்களை அழைத்தால் பதில் அளியுங்கள்.” (அல் அன்பால்: 24)

source :warmcall

நபி (ஸல்) அவர்களின் முன்னறிவிப்புகள்

noreply@blogger.com (almanjakollai) — Mon, 30 Sep 2013 09:40:00 +0000

உலகில் மனிதர்கள் நேர்வழியிலிருந்து பிறழும் போது அவர்களை தூய்மைப்படுத்துவதற்காக அல்லாஹ் தூதர்களை அனுப்புகிறான். அவர்கள் தூதர் தாம் என்பதற்கு அத்தாட்சியாக சில அதிசயங்களை முன்னறிவிப்பு செய்யக் கூடிய ஆற்றல்களையும் வருங்காலத்தில் நடைபெறவிருக்கின்ற சில விஷயங்களை முன்னறிவிப்பு செய்ய கூடிய திறனையும் அல்லாஹ் கொடுத்திருக்கிறான். அவ்வாறு இறுதி நபியாக வந்த நமது நாயகம் (ஸல்) அவர்கள் அல்லாஹ்வின் அனுமதி கொண்டு சில விஷயங்களை முன்னறிவிப்பு செய்திருக்கின்றார்கள். அவற்றில் சில அவர்களின் வாழ்க்கையிலும் சில இனி வரக்கூடிய காலங்களிலும் நடைபெறவிருக்கின்றன இன்ஷா அல்லாஹ்.

நாயகம் (ஸல்) அவர்கள் மக்காவில் தன்னைப் பின்பற்றுவோர் படும் துன்பத்தை தடுக்க கூட முடியாத பலவீனமான நிலையில் இருந்த போது இஸ்லாத்தை ஏற்க தயங்கிக் கொண்டிருந்த கிறித்தவராயிருந்த அதீ பின் ஹாத்திம் (ரலி) அவர்களை நோக்கி சொன்னார்கள் “ஓ! அதீ பின் ஹாத்திமே! ஏன் இஸ்லாத்தை ஏற்கத் தயங்குகிறீர்கள்? இந்த சிறு கூட்டம் உலகில் என்ன ஒரு மிகப் பெரும் மாற்றத்தை ஏற்படுத்தும் என்று நினைக்கிறீர்களா? அறுதியிட்டு சொல்கிறேன் ஒரு காலம் வரும், ஸன்ஆ-விலிருந்து ஹலரமவத் வரை ஒரு பெண் அல்லாஹ்வின் அச்சத்தை தவிர வேறு எந்த அச்சமும் இல்லாமல் தன்னந்தனியாய் செல்வாள். தங்கத்தையும், வெள்ளியையும் தானம் செய்ய புறப்படுவீர்கள். ஆனால் அதை பெற்றுக் கொள்வோர் யாரும் இருக்க மாட்டார்கள். சீசர், கைசரின் சாம்ராஜ்யங்கள் எல்லாம் என்னை பிற்பற்றுவோரை வந்தடையும்”. அதீ பின் ஹாத்திம் (ரலி) அவர்கள் பின்னாளில் சொல்கிறார்கள் “என் வாழ்நாளிலேயே இவை நிறைவேறியதை கண்டுக் கொண்டேன்.
அது போல் ரசூல் (ஸல்) அவர்கள் ஹிஜ்ரத் செய்த போது அவர்களை கொலை செய்ய துரத்தி வந்த சுரகா இன்னு ஜுஷமை நோக்கி “சுரகாவே! ஒரு காலத்தில் ஈரான் மன்னரின் கைகளை அலங்கரித்த ஆபரணங்கள் உங்கள் கைகளை அலங்கரிக்கும்” என்று கூறினார்கள். இது இஸ்லாத்தின் இரண்டாம் கலீபா உமர் பின் கத்தாப் (ரலி) அவர்களின் காலத்தில் ஈரான் வெற்றி கொள்ளப்பட்ட போது நிறைவேற்றிக் காட்டப்பட்டது.
பெருமானார் (ஸல்) அவர்கள் ஒரு தடவை தோழர்களான அபூபக்கர் (ரலி), உமர் (ரலி), உஸ்மான் (ரலி) ஆகியோருடன் உஹது மலையடிவாரத்தில் இருந்த போது உஹது சற்றுக் குலுங்கியது. அப்போது நாயகம் (ஸல்) அவர்கள் “உஹதே! அமைதியாக இரு. உன்னில் ஒரு தூதர் இருக்கிறார். ஒரு வாய்மையாளர் இருக்கிறார். இரண்டு ஷஹீதுகள் இருக்கிறார்கள்” என்று சொல்லி பின்னாளில் உமரும், உஸ்மானும் ஷஹீதாக்கபடவிருப்பதை அப்போதே முன்னறிவிப்பு செய்தார்கள்.
தன் செல்ல மகள் ஃபாத்திமா (ரலி) அவர்கள் தான் தன் குடும்பத்தில் முதலாவதாக தன்னை வந்து அடைவார்கள் என்று நாயகம் (ஸல்) சொன்னதற்கேற்ப ரசூல் (ஸல்) இறந்த ஆறு மாதங்களுக்குள் ஃபாத்திமா (ரலி) இவ்வுலகை விட்டு பிரிந்ததை நாம் வரலாற்றில் பார்க்கிறோம். அதுபோல் தன் பேரரான ஹஸன் (ரலி) அவர்களை நோக்கி இவர் இரு கூட்டத்தினருக்கிடையில் சமாதானம் செய்து வைப்பார் என்று சொன்னது நிறைவேறியதையும் வரலாற்றில் பார்க்கிறோம்.
மறுமை நாளின் அடையாளங்கள் பற்றி குறிப்பிடும் போது “ஒரு பெண் தன் எஜமானியை பெற்றெடுப்பாள்” என்று கூறினார்கள். இன்று எத்தனையோ ஆண்மக்களை பெற்ற போதும் பெண்ணை அண்டி வாழும் நிலையையும், பெண் தன் தாயை வேலைக்காரியை விட மோசமாக நடத்துவதையும் நிதர்சனமாக பார்க்கிறோம். இன்று அரசாங்கங்களே சிவப்பு விளக்கு பகுதிகளை அங்கீகரிக்கும் கொடுமையும் மது அருந்துவது நாகரீகமாக கருதப்படும் அவலத்தையும் பார்க்கிறோம். இதை தான் நாயகம் (ஸல்) அவர்கள் “விபச்சாரம் பெருகும். மது அருந்தும் பழக்கம் பரவலாகும்” என்று முன்னறிவிப்பு செய்தார்கள்.
நாம் இருக்க கூடிய இந்த அமீரக பகுதிக்கு பொருத்தமான ஒரு முன்னறிவிப்பையும் நாயகம் (ஸல்) அவாகள் சொன்னார்கள்.“வறுமையின் காரணத்தால் வெறுங்காலுடன் ஆடு மேய்த்துக் கொண்டிருந்தவர்கள் எல்லாம் மிகப்பெரும் கட்டிடங்களைக் கட்டுவார்கள்”. இன்று உலகின் மிகப் பெரும் கட்டிடங்கள் எல்லாம் இங்கு கட்டப்படுவதை நாம் கண்கூடாக காணலாம்.
சிறந்த சமுதாயம் என்று அல்லாஹ்வினால் புகழப்டுகின்ற இந்த சிறந்த சமுதாயம் இன்று இறை நிராகரிப்பாளர்களாலும், யூத நஸ்ரானிகளிடத்திலும் சிக்கி தவிக்கும் அவல நிலையை நாயகம் (ஸல்) அவர்கள் அன்றே முன்னறிவிப்பு செய்தார்கள். “ஒரு காலம் வரும். அப்போது பிராணி தன் இரையை தேடி பாய்வது போல் பிற சமுதாயங்கள் உங்கள் மீது பாயும்” என்று சொன்னபோது ஸஹாபாக்கள் கேட்டார்கள், யாரசூலுல்லாஹ் எண்ணிக்கையில் நாங்கள் குறைவாக இருப்போமோ? என்று வினவியபோது இல்லைநீங்கள் எண்ணிக்கையில் அதிகமாக இருப்பீர்கள். ஆனால் உங்களிடத்தில் வஹ்ன் இருக்கும் என்று சொல்லி விட்டு வஹ்ன் என்றால் மரணத்தை பற்றிய அச்சமும், உலகத்தை குறித்த ஆசையும் என்று சொன்னார்கள்”. இன்று அந்த வஹ்ன் இந்த உம்மத்திடம் இருப்பதற்கு சாட்சிகள் தாம் குஜராத் முதல் பாலஸ்தீன் வரை நடைபெறும் நிகழ்வுகள்.
“காலம் சுருங்கும் வரை அந்த நாள் ஏற்படாது” என்று மறுமையை பற்றி குறிப்பிட்டார்கள். “சூரியன் மேற்கிலிருந்து உதித்தல், அதிசயப்பிராணி, தஜ்ஜால் மூன்றும் நிகழ்வதற்கு முன் ஈமான் கொள்ளுங்கள் ஏனென்றால் மூன்றும் நிறைவேறிவிட்ட பிறகு ஈமான் கொள்வது பலனளிக்காது”. என்று ஏந்தல் நபி (ஸல்) அவர்கள் பின்னாளில் இன்ஷாஅல்லாஹ் நடைபெறவிருப்பதையும் முன்னறிவிப்பு செய்துள்ளார்கள்.
இப்படி கடந்த, இன்றைய, வருங்காலத்தை பற்றி முன்னறிவிப்பு செய்திருக்கின்றன நமது முஸ்தபா நபி (ஸல்) அவர்கள் எக்காலத்திற்கும் பொருந்தக் கூடிய ஒரு முன்னறிவிப்பை செய்தார்கள் “என் உம்மத்தில் ஒரு கூட்டம் மறுமை நாள் வரை இருக்கும். அவர்கள் நன்மை செய்யும்படி தூண்டுவார்கள். தீமை செய்வதிலிருந்து தடுப்பார்கள். இவர்கள் தாம் வெற்றியாளர்கள் என்று கூறினார்கள்”. அவ்வாறு நன்மையை ஏவி, தீமையை தடுக்க கூடிய வெற்றியாளர்களுள் ஒருவராக எல்லாம் வல்ல அல்லாஹ் நம்மையும் ஆக்கி அருள்வானாக
ஆக்கம் : நெல்லிக்குப்பம் நர்கீஸ் அண்ணன் நன்றி : tamilislam.com

இஸ்லாமிய எழுச்சியின் மைல்கற்கள் பகுதி 3

noreply@blogger.com (almanjakollai) — Tue, 24 Sep 2013 08:52:00 +0000

புரட்சி - திருக்குர்ஆனின் வழியில்

மக்காவில் அருளப்பட்ட இறைவசனங்களின் மூலம் இறைவன் உலகுக்கு தந்த ஒளி மக்காவில் அருளப்பட்ட திருமறையின் இறைமொழிகள் ஒரு கேள்விக்கு தெளிவாகவும் தீர்க்கமாகவும் விடை தந்து கொண்டே இருந்தன. 13 ஆண்டுகளாக இந்த விடை கொண்டு அந்த மக்கள் அல்லாஹ்வின் வழிநோக்கி அழைக்கப்பட்டார்கள். இந்த 13 ஆண்டுகளிலும் இந்தக் கேள்விக்கு விடைதந்த இறைவசனங்களின் அடிப்படைத் தன்மைகள் மாறவில்லை. ஆனால் இந்தக் கேள்விக்கு விடைதந்த பாங்கும் பாணியும் மாறிக்கொண்டே இருந்தன. ஒவ்வொரு முறையும் திருக்குர்ஆன் இந்தக் கேள்விக்குப் பதில் தந்த பாங்கில், அந்தக் கேள்வி அன்று தான் புதிதாக எழுப்பப்பட்டது போலும், அன்று தான் அதற்கான பதில் அருளப்பட்டது போலும் இருந்தது. மக்கமா நகர் காலம் முழுவதும் இந்த அடிப்படைக் கேள்விக்கு தெளிவு தருவதில், அதைக் கொண்டு அந்த மக்களை இந்தப் பேரியக்கத்தில் பிணைத்திடுவதில் திருக்குர்ஆன் தன் முழுக் கவனத்தையும் செலுத்திற்று. புதமையும் புரட்சியும் நிறைந்த இந்த மார்க்கத்திற்கு இந்தக் கேள்விக்கான பதில்தான் அடித்தளம். இந்தக் கேள்வி அதன்பதில் இரண்டு முக்கியமான அடிப்படைகளைக் கொண்டது.

முதலாவது அல்லாஹ்வின் ஏக இறைவனின் ஆளுமை ஆற்றல் அதிகாரம் ஆட்சி இவற்றின் எல்லை. இந்த ஏக இறைவனுக்கு அல்லாஹ்வுக்கு கட்டுப்பட்டு நடக்கும் அடியானின் பணிவும் பக்தியும் இரண்டாவது இறைவனுக்கும் அல்லாஹ்வுக்கும் அவன்பால் பணிவும் பக்தியும் கொள்ளும் மனிதனுக்கும் இடையேயுள்ள தொடர்பும் உறவும் பிணைப்பும் இந்த இரண்டு அடிப்படைகளுக்கும் தெளிவு தருகின்ற போது திருக்குர்ஆன் இந்த உலகம் முழுவதும் உள்ள மனிதர்களை ஒட்டுமொத்தமாக நோக்கத்தின் தெளிவையும் விளக்கத்தையும் வழங்கிற்று. அவர்கள் அரேபியாவில் வாழ்ந்தாலும் சரி அரேபியாவுக்கு வெளியே இந்த உலகம் முழுவதும் பரவி வாழ்ந்hலும் சரி அவர்கள் திருக்குர்ஆன் அருளப்பட்ட காலத்தில் வாழ்ந்தாலும் சரி அதற்குப் பின்னே இந்த உலகத்தில் வாழவந்த மனித மகாக்கடலிலே கலந்தவர்களாக இருந்தாலும் சரி. அத்தனை மனிதர்களுக்கும் அத்தனை காலங்களுக்கும் பொதுவானவை திருக்குர்ஆன் தரும் தெளிவும் தீர்வும். இந்தத் தெளிவும் தீர்வும் மனிதனின் அடிப்படை இயல்புகளோடு தொடர்புடையன. அவை காலத்தால் ஞாலத்தில் வரும் மாறுதல்களால் மாறாதவை. எல்லாக் காலத்திற்கும் எல்லா மனிதர்களுக்கும் ஏற்புடையவை. மக்காவில் ஆரம்பநாள்களில் அருளப்பட்ட இறைவசனங்களில் மனித வாழ்வின் தன்மைகள் இந்த உலகிலிருக்கும் ஏனைய படைப்பினங்களுக்கும் அவனுக்கும் உள்ள தொடர்புகள் ஆகியவை தெளிவுபடுத்தப்படுகின்றன.

· மனிதன் ஏன் படைக்கப்பட்டான்?
· அவன் இறுதியாக எங்கே செல்லவிருக்கின்றான்?
· அவனை உயிர் தந்து வாழவிட்டது யார்?
· அவனுடைய வாழ்வை முடிவுக்குக் கொண்டு வருவது யார்?
· அவன் காணவியலாத ஆனால் அவனால் உணரவும் அறியவும் முடிகின்ற அந்த ஒப்பற்ற ஆற்றல் மிக்கவன் யார்?
· வனப்பும் வியப்பும் மிக்க இந்த உலகைப் படைத்தது யார்?
· இந்த உலகை இயக்கிக் கொண்டிருப்பது யார்?
· இந்த உலகில் காணும் பல்வேறு அற்புதமான மாற்றங்களை யார் கண்பாணித்துக் கொண்டிருக்கின்றார்?
· இத்தனையையும் செய்து கொண்டிருக்கின்ற அல்லாஹ்விடம் மனிதன் எப்படி நடந்து கொள்ள வேண்டும்?

என்பனவற்றையெல்லாம் மக்காவில் அருளப்பட்ட அந்த இறைவசனங்கள் தெளிவுபடுத்தின. முதல் 13 ஆண்டுகளிலும் இவைபோன்ற அடிப்படை விஷயங்களுக்கே அதிகமான முக்கியத்துவம் தரப்பட்டது. தௌஹீத் அல்லாஹ் ஒருவனே இறைவன் என்ற அடிப்படையில் அத்தனை விளக்கங்களும் தரப்பட்டு அந்த மக்கள் இந்த அடிப்படையில் தோய்த்தெடுக்கப்பட்டார்கள். அவர்களின் உள்ளங்கள் இந்த அடிப்படைகளில் தெளிவடைந்து தேர்ச்சி பெற்ற பின்னரே ஏனையவை விவாதத்திற்கு எடுத்துக் கொள்ளப்பட்டன. இந்த அடிப்படைகளில் அந்த மக்கள் ஐயங்களுக்கு அப்பால் நின்றிட வேண்டும் என இறைவன் விரும்பினான் காரணம் இந்த மக்களைக் கொண்டுதான் இந்த மார்க்கத்தை நடைமுறைப் படுத்திடவும் இந்த உலகில் நிலைநாட்டிடவும் முடிவு செய்திருந்தான் இறைவன். இன்றைக்கு அல்லாஹ்வின் இந்த வழிகாட்டுதலை மீண்டும் நிலைநாட்டிட வேண்டும் என்பதை இலட்சியமாகக்கொண்டு செயல்படுவோர், இந்த வாழ்க்கை நெறியைப் பிரதிபலிக்கும் ஓர் உலக சமுதாய அமைப்பை உருவாக்க விரும்புவோர், இந்த அடிப்படையை ஆழ்ந்து கூர்ந்து கவனித்திட வேண்டும். இந்த அடிப்படைகளைத் தெளிவுபடுத்திட இந்த அடிப்படைகளில் அந்த சமுதாயத்தினரை தேற்சிப் பெறச் செய்திட திருக்குர்ஆன் 13 ஆண்டுகளை எடுத்திருக்கின்றது. இந்த 13 ஆண்டுகளிலும் இந்த சமுதாய் அமைப்பில் கொண்டுவரவிருக்கின்ற சட்டதிட்டங்கள் பற்றி விவாதிக்க வேண்டும் என்பதற்காக. இந்த அடிப்படை செய்தியிலிருந்து அணுவும் பிறழ்ந்திடவில்லை அல்குர்ஆன். இறைவனின் இறுதித் தூதர் முஹம்மத் (ஸல்)அவர்களின் பணி தௌஹீத் இறைவன் ஒருவனே என்பதிலிருந்துதான் ஆரம்பித்தது. லா இலாஹ இல்லல்லாஹ_ அல்லாஹ் ஒருவனைத் தவிர வேறு இறைவன் இல்லை என்ற இந்த அடிப்படைதான். அத்தனை நபிமார்களும் மக்கள் முன்னே எடுத்து வைக்கும் முதற்செய்தியாக இருந்திட வேண்டும். இந்த அடிப்படையிலிருந்தே அவர்களின் புரட்சிப்பணி துவங்கிட வேண்டும் என்பது அல்லாஹ்வின் நாட்டம் திட்டம். இறைவனின் இறுதித் தூதர் முஹம்மத் (ஸல்)அவர்கள் மனித வரலாற்றில் ஒப்புவமையற்ற ஓர் சமுதாயத்தை உருவாக்கிக் காட்டினார்கள். அந்தச் சமுதாயத்தின் முன்பும் எடுத்து வைக்கப்பட்ட முதற்செய்தி இதுதான்.

அதாவது அந்த மக்கள் அல்லாஹ் ஒருவனைத் தவிர வேறு இறைவன் இல்லை என்ற சத்தியத்திற்குச் சாட்சியங்களாக வாழ்ந்திட வேண்டும். உங்களுக்க உணவளித்து உங்களைப் பாதுகாத்து பராமரித்து வருபவன் அல்லாஹ்தான். இந்த அல்லாஹ்வை மட்டுமே நீங்கள் கீழ்ப்படிய வேண்டும் என்பதையே அந்த மக்களுக்கு விளக்கிச் சொன்னார்கள் இறைவனின் தூதர் (ஸல்)அவர்கள். அந்த மக்களின் அன்றைய நிலையை வைத்துப்பார்த்தால், அஞ்ஞான அந்தகாரத்தில் மூழ்கியிருந்த அந்த மக்கள் இந்த அடிப்படைக் கொள்கையை தௌஹீத் இறைவன் ஒருவனே என்ற கொள்கையை ஏற்றுக் கொள்வார்கள் என்பது நினைத்துப் பார்க்கவியலாத ஒன்று. அரபிமொழி அந்த மக்களுக்குத் தாய்மொழி. அரபி மொழியில் அதன் இலக்கியவளத்தில் தங்களை ஆழமாகப் பதித்துக் கொண்டவர்கள் அவர்கள். அந்த மொழியின் நுட்பங்களையும் நுணுக்கங்களையும் நன்றாக அறிந்த அவர்கள் இலாஹ் இறைவன் என்ற சொல்லின் முழுப் பொருளையும் நன்றாக அறிவார்கள். அதேபோல் உளுகியாஃ என்றால் முழுமையான ஆளுமை எந்த இடைச் செருகலும் இடைத்தரகரும் இல்லாத ஏக அதிகாரம் ஆற்றல் என்பதையும் அந்த மக்கள் நன்றாக அறிவார்கள். இந்த முழமையான அதிகாரம் இந்த முழுமையான ஆற்றல் இந்த முழுமையான ஆளுமை அல்லாஹ்வுக்கு மட்டுமே சொந்தம் என்பதை ஏற்றுக்கொண்டால் தங்களிடம் அறுதியான அதிகாரம் செலுத்தி வந்த மதகுருமார்களின் கைகளிலிருந்து அதிகாரம் பறிக்கப்பட்டுவிடும். அந்த அதிகாரம் இனி அல்லாஹ்வுக்கு மட்டுமே சொந்தம். அதே போல் அந்த அதிகாரம் தங்கள் குலத்தின் தலைவர்களிடமிருந்து கோத்திரத்தின் தலைவர்களிடமிருந்து எடுக்கப்பட்டுவிடும். இனி அந்த ஏக இறைவனாம் அல்லாஹ்வே அதிகாரம் செலுத்துவான். அதே போல் செல்வத்தில் செழித்தவர்கள் என்பதனால் எல்லோர் மீதும் அதிகாரம் செலுத்தி வந்தார்களே அவர்களின் பிடியிலிருந்து அதிகாரம் அகற்றப்பட்டுவிடும். இனி அந்த அல்லாஹ்வுக்கே அனைத்து அதிகாரமும். இந்த உண்மைகள் அந்தத் (தௌஹீத்)இறைவன் ஒருவனே என்ற முழக்கத்தில் பளிச்சிட்டு பிரவாகமெடுத்து ஓடவதை அவர்கள் கண்ணெதிரே கண்டார்கள். லா இலாஹ இல்லல்லாஹ_ முஹம்மதர் ரசூலுல்லாஹ் அல்லாஹ் ஒருவனே இறைவன் முஹம்மத் (ஸல்)அவர்கள் அவனது திருத்தூதராவார்கள் என்ற திருக்கலிமாவை ஏற்றுக்கொண்டால் அடுத்த கணமே,

· எண்ணங்களில்
· இதயங்களில்
· மத அனுஷ்டானங்களில்
· வாழ்க்கை பிரச்சனைகளில்
· செல்வத்தை சேர்ப்பதில்
· செலவு செய்வதில்
· நீதி வழங்கப்படுவதில்
· திருமண ஒப்பந்தங்களைச் செய்து கொள்வதில்
· வியாபார பரிவர்த்தனைகளில்
· பரிமாற்றங்களில்
· அண்டை அயலாரோடு உறவு வைத்துக் கொள்வதில்

சுருங்கச் சொன்னால் வாழ்க்கையின் எல்லாப் பகுதிகளிலும் எல்லாத் துறைகளிலும் அல்லாஹ்வின் வழிகாட்டுதல்களே வாழும். ஆதுவரை (இஸ்லாத்தை ஏற்றுக் கொள்ளும் வரை)பழகி வந்த பழக்கங்கள் சிந்தனைகள் கோட்பாடுகள் நடைமுறை நாகரிகங்கள் மதச்சடங்குகள் மூடப்பழக்கங்கள் அத்தனையும் எடுத்து எறியப்பட வேண்டும். இத்தனையையும் அந்த மக்கள் இந்த முழக்கம் தங்கள் காதுகளை எட்டியதும் உணர்ந்தார்கள் புரிந்தார்கள். அதே போல் அதிகாரம் எனக்குச் சொந்தம் என்று யார் யாரெல்லாம் அல்லாஹ்வுக்கச் சொந்தமான அதிகாரத்தை அபகரித்துக் கொண்டார்களோ அவர்களுக்கு நேருக்கு நேர் எடுத்து வைக்கப்படும் சவால்தான் இந்த அல்லாஹ் ஒருவன் என்ற முழக்கம் என்பதையும் அவர்கள் நன்றாக அறிவார்கள். லா இலாஹ இல்லல்லாஹ_ அல்லாஹ்வைத் தவிர வேறு இறைவன் இல்லை என்ற இந்த சத்திய முழக்கம் மக்களைக் கட்டுப்படுத்தி தன் பிடிக்குள் வைத்திருந்த அத்தனை சடங்கு சம்பிரதாயங்களுக்கும் வாழ்க்கை வழிமுறைகளுக்கும் நெறிகளுக்கும் எதிராகக் கிளர்ந்தெழுந்திட முன் வைக்கப்பட்ட ஓர் விடுதலை முழக்கமே. அல்லாஹ் அனுமதிக்காத அங்கீகரிக்காத சட்டங்களை ஏற்றி அவற்றை மக்கள் மேல் திணித்துக் கொண்டிருக்கும் அத்தனை ஆட்சியாளருக்கும் எதிராக எடுத்து வைக்கப்பட்ட முழக்கமே இறைவன் அல்லாஹ்வைத் தவிர வேறு யாருமில்லை என்ற இந்த உரிமைப்போர். இந்த விடுதலை முழக்கம் தௌஹீத் என்ற அறைகூவல் எடுத்து வைக்கப்பட்ட அரபி மொழியின் நெளிவு சுளிவுகளை அரபு மொழியைத் தாய்மொழியாகக் கொண்ட அந்த மக்கள் நன்றாக அறிவார்கள். அந்த அரபு மக்கள் கண்டெடுத்து வைத்திருந்த வாழ்க்கை நெறிகளையும் சடங்கு சம்பிரதாயங்களையும் மூடப்பழக்க வழக்கங்களையும் அவர்களின் தலைவர்களையும் அதிகாரம் செலுத்தி ஆட்சி செய்பவர்களையும் சமருக்கு இழுக்கின்றது என்பதை உணர்ந்தார்கள். ஆகவே தான் அவர்கள் லா இலாஹ இல்லல்லாஹ_ என்ற இந்த முழுக்கத்தை வேறு சொற்களால் சொன்னால் இந்தப் புரட்சிப் பிரகடனத்தை வெறுப்பு குரொதம் கோபம் வன்முறை என்பனவற்றைக் கொண்டு எதிர்கொண்டார்கள். இந்தப் பிரகடனத்திற்கு எதிராக தங்கள் ஆற்றல்களையெல்லாம் ஒன்று திரட்டிப் போராடினார்கள். அவர்கள் எத்துணை வீம்போடும் வீறாப்போடும் எதிர்த்துப் போராடினார்கள் என்பதை வரலாறு நன்றாக அறியும். இங்கே சில வினாக்கள்.

· ஏன் இந்த பேரியக்கம் லா இலாஹ இல்லல்லாஹ_ என்ற முழக்கத்தை முன்வைத்து ஆரம்பித்தது?
· அனைத்தையும் அறிந்த இறைவன் ஏன் இந்த மகத்தான வாழ்க்கை நெறியை எல்லோரும் எதிர்க்கின்ற எதிர்த்துப் போராடுகின்ற ஓர் முழக்கத்தை (தௌஹீதை)முன்வைத்து ஆரம்பிக்கப் பணித்தான்?
· இந்த அழைப்பை இந்த முழக்கத்தை முன்வைத்து அழைக்கும் போது அந்த மக்கள், இந்த வாழ்க்கை நெறியை ஏற்றுக் கொண்டால் எண்ணற்ற துன்பங்களையும் துயரங்களையும் சந்திக்க வேண்டியது வரும் என்பதை அறிந்திருந்தும் அல்லாஹ் ஏன் இந்த முழக்கத்தை முன்வைத்து மக்களை இந்த வாழ்க்கை நெறியின் பக்கம் அழைக்கச் செய்தான்?
பெருமானார் (ஸல்)அவர்கள் ஏன் தேசியவாதத்தை முன் வைத்துத்தன் பணியைத் துவங்கவில்லை?

இறைவனின் இறுதித்தூதர் (ஸல்)அவர்கள் அல்லாஹ்வின் தூதர் என்ற கண்ணியமிக்கப் பொறுப்பை ஏற்ற காலக் கட்டத்தில் அந்த அரேபியாவன் சூழல் என்ன என்பதைச் சற்று ஏறெடுத்துப் பார்ப்போம். அந்த அரபுநாட்டின் வளம் நிறைந்த பகுதிகள் எதுவும் அந்த அரபு மக்களின் கைகளில் இருக்கவில்லை. செழித்துக் கிடந்த பகுதிகளெல்லாம் அரபுக்கள் அல்லாத வேற்று மக்களின் பிடியிலேயே இருந்தன. அரபு நாட்டின் வடபகுதியில் ரோமர்களின் ஆதிக்கம் நிலை பெற்றிருந்தது. இந்த ரோமர்கள் தங்கள் ஆதிக்கத்திலிருந்த அரபு நிலப்பரப்பை; பரிபாலனம் செய்திட அரபுக்கள் சிலரையே நியமித்திருந்தார்கள். அரபு நாட்டு மக்களி;ன் கைகளில் இருந்ததெல்லாம் வறண்ட மணற்பாங்கான பகுதிகள் மட்டுமே. இவற்றில் இங்கொன்றும் அங்கொன்றுமாக இருந்த நீர்ச்சுனைகளே. இவற்றிலிருந்த இந்த வறண்ட பகுதிகளிலிருந்த பெருஞ்செல்வம் (ஹிஜாஸ் திஹாமா நஜ்த் போன்ற பகுதிகள் இதில் அடங்கும்) இப்படி அரேபியாவில் வளம் வாழ்ந்த பகுதிகளெல்லாம் அரபுக்கள் அல்லாதவர்களின் ஆதிக்கத்திலிருந்த போது தான் பெருமானார்(ஸல்)அவர்கள் அந்த அரபுக்களால் நம்பிக்கைக்குரியவர்கள் உண்மையாளர்கள் என்றெல்லாம் புகழப்பட்டு போற்றப்பட்டு வந்தார்கள்.

முஹம்மத் (ஸல்)அவர்கள் நபி என்ற கண்ணியமிக்கப் பொறுப்பைப் பெறுவதற்கு 15 ஆண்டுகளுக்கு முன்னர்தான் அந்த அரபுக்களில் உயர்ந்த குலத்தினர் எனப் போற்றப்பட்டு வந்த குறைஷி குலத்தவர்கள் கஅபாவில் கருங்கல்லை எடுத்து வைப்பது யார்? என்ற வழக்கைத் தீர்த்திட முஹம்மத் (ஸல்)அவர்களை நடுவராக நியமித்தார்கள். இந்த அளவிற்கு அந்த மக்களின் நம்பிக்கை;குரிய நல்லவர்களாகத் திகழ்ந்தார்கள் முஹம்மத் (ஸல்)அவர்கள். இன்னும் முஹம்மத் (ஸல்)அவர்கள் அரபுக்களிடையே உயர்ந்த குலம் எனப் போற்றப்பட்டு வந்த குறைஷி குலத்தில் பிறந்தவர்கள். இந்த உயர்ந்த குலத்தில் உயர்ந்த கோத்திரம் எனப் பாராட்டப்பட்ட பனூஹாஷிம் கோத்திரத்தைச் சார்ந்தவர்கள் அவர்கள்ட இத்துணை சீலமிக்க சிறப்புத் தகுதிகளைப் பெற்றிருந்தார்ள் முஹம்மத் (ஸல்)அவர்கள். அவர்கள் நினைத்திருந்தால் அரபு தேசியம் என்ற தேசியவாதத்தை முன்வைத்து அந்த மக்களின் உணர்வுகளைத் தூண்டி தங்களுக்குப் பின்னால் அணி திரள வைத்திருக்கலாம். இதை அவர்கள் மிக எளிதாகச் செய்திருக்க இயலும் ஏனெனில், மௌட்டிகத்தில் மூழ்கி இருந்த அந்த மக்கள் இனவாதம் பேசியே பழி தீர்த்தல் பழிக்குப் பழி தீர்த்தல் என ரத்தத்தை ஆறாக ஓட்டி பெருமை கொண்டாடியவர்கள். ஆகவே அரபு தேசியம் என்ற வெறியை ஊட்டி அந்த மக்களை ஒன்று திரட்டி ரோமர்களின் ஆதிக்கத்தையும் பாரசீகர்களின் ஆதிக்கத்தையும் ஒழித்துவிட்டு தனது ஆதிக்கத்தை அந்த மக்களிடையே நிலைநாட்டிய பின்னர் இறைவன் ஒருவன் தான் என்பதை எடுத்துச் சொல்லி இருந்தால் எதிர்ப்புகளைக் குறைத்திருக்கலாம்.

ஒரு பெரும் கூட்டத்தினரை முஹம்மத் (ஸல்)அவர்கள் தங்களுக்குப் பின்னால் அணி திரள வைத்திருக்கலாம். 13 ஆண்டுகாலம் தங்களுக்கு ஏற்பட்ட இன்னல்களைப் பெருவாரியாகக் குறைத்திருக்கலாம். ஆனால் முஹம்மத் (ஸல்)அவர்கள் எடுத்து வைத்தக் கொள்கை முழக்கமோ அரபுக்களிலேயே ஒரு பெரும் கூட்டத்தைத் தனக்கு எதிராகக் கிளர்ந்திடச் செய்துவிட்டது. காரணம் எல்லாம் அறிந்த அல்லாஹ் தனது திருத்தூதரை வேறு அடிப்படையில் வேறு வழிமுறையில் நடத்திட விரும்பவில்லை. அல்லாஹ் ஒளிவு மறைவின்றி ஐயங்களுக்கு அப்பாற் நின்று ஓர் உண்மையை அல்லாஹ் ஒருவனே என்ற உண்மையை அந்த மக்கள் ஆரம்பத்திலேயே ஒத்துக்கொள்ள வேண்டும் இந்த அடிப்படையை அடிப்படையாகக் கொண்டு தான் அந்த மக்கள் வளர வேண்டும் வாழ வேண்டும் என விரும்பினான். இந்தக் கொள்கையை அந்த மக்களிடம் எடுத்த எடுப்பிலேயே எடுத்து வைப்பதால் ஏற்படும் இன்னல்கள் எவையானாலும் தன் தூதர் ஏற்றுக் கொண்டாக வேண்டும் என்றும் அல்லாஹ் விரும்பினான். தன் திருத்தூதர் மட்டுமல்ல தன் திருத்தூதருடன் அணிதிரளும் அத்தனை அடியார்களும் இதில் எதிர்ப்படும் எல்லா இன்னல்களையும் ஏற்றிட வேண்டும் என எதிர்பார்த்தான். நிச்சயமாக அல்லாஹ் தன் திருத்தூதரையும் தன்னை நம்பி தன் திருத்தூதரோடு சேர்ந்த நம்பிக்கையாளர்களையும் சிரமங்களுக்கும் சித்திரவதைகளுக்கும் உள்ளாக்க வேண்டும் என விரும்பியிருக்க மாட்டான். ஆனால் அவன் அறிவான் இந்தக் கொள்கையைத் தூய்மையாக நிலைநாட்டிட ஏற்புடைய வழி வேறொன்றுமில்லை என்பதை. அல்லாஹ்வின் அடிமைகள் ரோமர்களின் ஆதிக்கத்திலிருந்து விடுபட்டு பாரசீகர்களின் ஆதிக்கத்திலிருந்து விடுபட்டு அரபுக்களின் ஆதிக்கத்திற்கு ஆட்படுவது எந்த நியாயத்தின் கீழும் வராது என்பதை நீதிமிக்க அந்த இறைவன் நன்றாக அறிவான்.

அநியாயம் அடக்குமறை ஆதிக்கவெறி இவை எந்த உருவத்தில் வந்தாலும் யாரிடமிருந்து வந்தாலும் அதை ஏற்றுக்கொள்வதற்கில்லை. எல்லா நிலைகளிலேயும் அநியாயம் அநியாயமே. இந்த நீழ்நிலம் உலகம் அல்லாஹ்வுக்கு மட்டுமே சொந்தம். இங்கே நீதிமிக்க அந்த அல்லாஹ்வின் ஆட்சியும் அதிகாரமும் மட்டுமே நிலைநாட்டப்பட வேண்டும். அல்லாஹ்வின் ஆட்சியை ஆளுமையை நிலைநாட்டிட அல்லாஹ் ஒருவனே இறைவன் என்ற இந்த உண்மை முழக்கமே முதன் முதலில் முன் நிறுத்தப்பட வேண்டும். அரபு மொழியை நன்றாக அறிந்த அந்த மக்களுக்கு இந்த (தௌஹீத்)முழக்கத்தைச் செவிமடுத்தவுடன், தேசியம் என்பது இந்த இறை நம்பிக்கையைக் கொண்டே நிர்ணயிக்கப்படும் அல்லாமல் மனிதன் பிறந்த இடத்தைக் கொண்டோ இன்ன பிறவற்றைக் கொண்டோ நிர்ணயிக்கப்பட மாட்டாது. இந்த வகையில் எந்த நிறத்தைச் சார்ந்தவராக இருந்தாலும் எந்த இனத்தைச் சார்ந்தவராக இருந்தாலும் அரபு தேசத்தைச் சார்ந்தவராக இருந்தாலும் ரோமன் தேசத்தைச் சார்ந்தவராக இருந்தாலும் பாரசீக தேசத்தைச் சார்ந்தவராக இருந்தாலும் இந்த இறை நம்பிக்கையின் அடிப்படையில் அனைவரும் சமமானவர்களே. திருக்குர்ஆனின் பார்வையில் இந்தத் திருக்கலிமா அதாவது தௌஹீத் முழக்கம் மட்டுமே மனிதர்களை ஒன்றாய்ப் பிணைக்கும் ஒரே சக்தி (என்ற உண்மைகள் நன்றாகத் தெரிந்தன).

தொடர்ந்து வரும்...

sources from warmcall.blogspot.com

Dheenai Nilai Naatungal Athil Pirinthu Vidaatheergal

noreply@blogger.com (almanjakollai) — Tue, 24 Sep 2013 04:54:00 +0000

மிக மோசமாக ஒடுக்குமுறைக்கு உள்ளாகும் எகிப்து முஸ்லிம் சகோதரத்துவ அமைப்பு

noreply@blogger.com (almanjakollai) — Sat, 24 Aug 2013 15:55:00 +0000

எகிப்து முஸ்லிம் சகோதரத்துவ அமைப்பு தனது வரலாற்றில் மோசமான ஒடுக்குமுறைக்கு உள்ளாகி இருப்பதாக அவதானிகள் கருதுகின்றனர். இராணுவ ஆதரவு பெற்ற இடைக்கால அரசு கடந்த மூன்று தசாப்தங்களில் ஆட்சியில் இருந்த நிர்வாகம் எடுக்காத நடவடிக்கையாக அந்த அமைப்பின் உயர்மட்டத் தலைவர் மொஹமட் பதீயை கைது செய்து சிறைவைத்துள்ளது.

இதன்படி எகிப்தின் சமூக, அரசியல் மற்றும் மத அடிப்படையில் அதிக தாக்கம் செலுத்தும் அமைப்பை கட்டுப்படுத்துவதில் முன்னரைவிடவும் கடுமையான சட்டங்களைக் கையாள்வதை புதிய அரசை அமைத்த இராணுவத் தளபதி ஜெனரல் அப்தல் பத்தாஹ் அல் சிசி உறுதி செய்துள்ளார். 70 வயதான பதீ கடந்த செவ்வாய்க்கிழமை கெய்ரோவில் இருக்கும் குடியிருப்பு ஒன்றில் வைத்து கைது செய்யப்பட்டார். ஏற்கனவே முஸ்லிம் சகோதரத்துவ அமைப்பின் பல முன்னணி தலைவர்களும் கைது செய்யப்பட்டுள்ள நிலையில் அது மீண்டும் ஒருமுறை ரசகசியமாக இயங்கும் சூழலுக்கு தள்ளப்பட்டிருப்பதாக அவதானிகள் குறிப்பிட்டுள்ளனர்.

“நாஸர் காலத்தைப் போன்று நாம் இரகசியமாக இயங்க வேண்டிய சூழலை நெருங்கியிருக்கிறோம். ஆனால் இம்முறை மிக மோசமாக உள்ளது” என்று முஸ்லிம் சகோதரத்துவ அமைப்பின் பேச்சாளர் கிஹாத் அல் ஹதத் குறிப்பிட்டுள்ளார். 1954 ஆம் ஆண்டு அதிகாரத்திற்கு வந்த இராணுவ ஆட்சியாளர் கமால் அப்தல் நாஸர் சகோதரத்துவ அமைப்பை முழுமையாக அழிக்க முற்பட்டமை குறிப்பிடத்தக்கது.

இந்நிலையில் கண்காணிக்கப்படும் அவதானம் இருப்பதால் இணைய தளங்களூடான தொலைத்தொடர்புகளை தற்போது தவிர்த்து வருவதாக ஹதத் குறிப்பிட்டார். அத்துடன் பல தலைவர்களும் பொது இடங்களில் வெளிப்படாமலும், கண்காணிக்கப்படும் அவதானம் இருப்பதால் கையடக்க தொலைபேசிகளை தவிர்த்தும் ஒவ்வொரு 24 மணி நேரத்திற்கும் ஒரு முறை இடத்தை மாற்றியபடியும் இருப்பதாக ஹதத் விபரித்துள்ளார். கடந்த ஒருவார வன்முறைகளில் ஆயிரத்திற்கும் அதிகமான முர்சி ஆதரவாளர்கள் கொல்லப்பட்டனர். இதில் உயர்மட்ட தலைவர் பதீயின் மகன், மற்றொரு தலைவரான மொஹமட் அல் பல்தஜியின் 17வயது மகள் மற்றும் சகோதரத்துவ அமைப்பின் நிறுவனர் ஹஸன் அல் பன்னாவின் பேரன் காலித் பெர்னாஸ் அப்தல் பாஸித் ஆகியோரும் கொல்லப்பட்டோருள் அடங்குகின்றனர்.

“அமைப்பின் கட்டமைப்பு எவ்வாறு செயற்படுகிறது என்று கேட்பது இறந்துகொண்டிருப்பவரை பார்த்து எவ்வாறு செயற்படுகிaர்கள் என்று கேட்பது போல் உள்ளது” என்று கைதாகும் அபாயம் காரணமாக தமது பெயரை வெளியிடக் கூடாது என்ற நிபந்தனையில் முஸ்லிம் சகோதரத்துவ அமைப்பின் மற்றொரு தலைவர் குறிப்பிட்டுள்ளார்.

தொடர்ந்து ஆர்ப்பாட்டங்களை நடத்துவது, எதிர்த்து நிற்பதுதான் இராணுவ சதிப்புரட்சி தலைவர்களை பலவீனப்படுத்த ஒரே தேர்வாக உள்ளது என ஹதத் விபரித்துள்ளார். ஆனால் 48 நாட்கள் சகோதரத்துவ அமைப்பு இந்த கொடியை ஏந்தி நின்றது இப்போது அது எகிப்து மக்களிடம் உள்ளது என்று அவர் குறிப்பிட்டார்.

எனினும் ஜெனரல் சிசியின் வெற்றி குறுகிய காலமாகவே இருக்கும் என சகோதரத்துவ அமைப்பு நம்புகிறது. புதிய அரசின் ஒடுக்குமுறை படை நடவடிக்கை மூலம் தலைநகர வீதிகள் கட்டுப்பாட்டுக்குள் கொண்டுவரப்பட்ட போதும் நீண்ட கால அடிப்படையில் சகோதரத்துவ அமைப்பு ஆழமாக வேறூன்றவும் சாதகமான வாய்ப்புகள் இருப்பதாக அவதானிகள் கூறுகின்றனர்.

ஆனால் மொஹமத் பதீயின் கைதை தொடர்ந்து அந்த அமைப்பின் இடைக்கால உயர்மட்ட தலைவராகத் தெரிவாகி இருக்கும் மஹ்மூத் இஸ்ஸத் அந்த அமைப்பின் இரும்பு மனிதராக கருதப்படுபவராவார்.

அவரது பழைமைவாத சிந்தனை காரணமாக இவ்வாறு அழைக்கப்படுவதாக சகோதரத்துவ அமைப்பு தொடர்பான நிபுணர்கள் கூறியுள்ளனர். தலைவராக நியமிக்கப்பட்ட தைத் தொடர்ந்து இஸ்ஸத்தும் செவ்வாய்க்கிழமை தொடக்கம் தலைமறைவாகியுள்ளார்.

இது சகோதரத்துவ அமைப்பு சீர் திருத்தவாதிகளுக்கு பதிலாக கடும் போக்காளர்களின் கைகளுக்கு செல்ல வாய்ப்பாக அமையும் என வொஷிங்டனை மையமாகக் கொண்டு இயங்கும் மத்திய கிழக்கு நிலையத்தின் சகோதரத்துவ அமைப்பு தொடர்பான ஆய்வாளர் கலீல் அல் அனானி கூறியுள்ளார்.

மறுபுறத்தில் இடைக்கால அரசு மீண்டும் முபாரக் காலத்து அரசியல் சட்டமான மத அடிப்படையிலான கட்சிகளை அரசியலில் ஈடுபட தடைவிதிக்கும் சட்டத்தை கொண்டுவர திட்டமிட்டிருப்பதாக செய்தி வெளியாகியுள்ளது. அதேபோல் சகோதரத்துவ அமைப்பை சட்ட அடிப்படையில் தடை செய்யவும் இடைக்கால அரசு திட்டமிட்டுள்ளது.

இந்நிலையில் இராணுவம் ஒவ்வொரு நகரமாக கட்டுப்பாட்டுக்குள் கொண்டுவருவதால் தொடர்ந்து ஆர்ப்பாட்டங்களை நடத்துவதிலும் சிக்கலை எதிர்நோக்குவதாக தெரியவருகிறது. சகோதரத்துவ அமைப்பின் உள்ளூர் கட்டமைப்புகளின் ‘குடும்பங்கள்’ என்று அழைக்கப்படும் தொடர்ச்சியான கூட்டங்களும் குழம்பி இருப்பதாக நைல் பிராந்தியத்தின் சகோதரத்துவ அமைப்பின் முன்னணி உறுப்பினர் ஒருவர் குறிப்பிட்டுள்ளார். இதனால் ஆர்ப்பாட்டங்களுக்கு அதரவாளர்களை ஆனுப்புவதிலும் சிக்கலை எதிர்நோக்குவதாக அவர் கூறினார்.

‘சிசி இப்போது ஒரு இரயில் போலத்தான் செயற்படுகிறார். தனது வழியில் குறுக்கிடும் அனைத்துடனும் மோதிக்கொண்டு செல்கிறது” என்று குறிப்பிட்ட அவர், “சிசியின் செயலுக்கு ஆரவாரிப்பவர்களுக்கு தெரியாது அடுத்து அவர்கள்தான் அந்த இரயிலில் மோதவுள்ளார்கள் என்று” எனவும் தெரிவித்தார்.

அதேவேளை எகிப்து முஸ்லிம் சகோதரத்துவ அமைப்பை ஒடுக்கும் பாதுகாப்பு படையினரின் நடவடிக்கையின் ஒரு கட்டமாக அதன் ஊடக பேச்சாளர் அஹமட் ஆரிப் நேற்று கெய்ரோவில் கைது செய்யப்பட்டார்.ஆரிப் நஸ்ர் நகரில் உள்ள தனது சிற்றப்பா வீட்டில் தங்கியிருக்கும் தகவல் பாதுகாப்பு படையினருக்கு தெரியவந்ததையடுத்து நேற்று அதிகாலை அவர் கைது செய்யப்பட்டதாக செய்திகள் குறிப்பிட்டுள்ளன.

முஸ்லிம் சகோதரத்துவ அமைப்பு ஆர்ப்பாட்டக் காரர்களுக்கு எதிராக வன்முறையை தூண்டியது தொடர்பில் அதன் ஊடக பேச்சாளருக்கு உள்ள பங்கு குறித்து சட்ட மா அதிபர் விசாரணை நடத்த உத்தரவிட்டதையடுத்தே அவர் உடனடியாக கைது செய்யப்பட்டதாக உள்துறை அமைச்சர் லுதினன்ட் மொஹமட் இப்ராஹிம் குறிப்பிட்டார். ஏற்கனவே முஸ்லிம் சகோதரத்துவ அமைப்பின் உயர்மட்ட தலைவர் உட்பட பெரும்பாலான தலைவர்கள் கைது செய்யப்பட்டுள்ளமை குறிப்பிடத்தக்கது.-தகவல் தினகரன்

சிரியாவின் இரசாயன ஆயுதப் பிரயோகம் சொல்லும் செய்திகள்

noreply@blogger.com (almanjakollai) — Sat, 24 Aug 2013 15:46:00 +0000

சிரியாவின் இரசாயன ஆயுதப் பிரயோகம் பசர் அல் அசாத்தின் உண்மை நிலையை மீண்டுமொருமுறை தோலுரித்துக் காட்டியுள்ளது . அத்தோடு மேற்கின் பக்குவமான முதலைக் கண்ணீரும் அதன் மீடியாக்களால் இதன் விடயத்தில் வடிக்கப் பட்ட நிலையில் இந்த சம்பவத்தோடு சம்பந்தப்பட்ட இராணுவ அரசியல் பற்றிய பார்வைகள் இதன் மூலம் மறைந்து போகின்றது .

பசர் அல் அசாதின் தரப்பு குறித்த ராக்கெட்டுகளை தான் ஏவவில்லை என மறுப்பதுடன் வேண்டுமானால் அதுபற்றி ஆய்வு செய்ய சர்வதேச சமூகத்தை வேண்டியுமுள்ளது .சம்பவம் இடம்பெற்ற பகுதி தலைநகர் டமஸ்கசின் மாகாண எல்லையான Ghouta என்ற பகுதியே

கடந்த புதன்கிழமை அதிகாலை இந்த தாக்குதல் சம்பவம் இடம் பெற்றுள்ளதும் இன்னும் சில சந்தேகங்களை ஏற்படுத்தி நிற்கின்றது .பொதுவாக சிரியக்களம் அதன் புரட்சிப் போராளிகளால் மரபு + கெரில்லா உத்தி கொண்ட போராட்ட முன்னெடுப்புகளை கொண்டே நகர்த்தப்பட்டுள்ளது .பொதுவாகவே ஊடுருவித் தாக்குதல் போன்ற இராணுவ உத்திகளை கெரில்லா அணிகள் இருளோடு கூடிய அதிகாலை நேரத்திலேயே மேற்கொள்வர் . இதன் போது எதிரி அணியின் பலம் வாய்ந்த பாதுகாப்பு நிலைகள் உடைக்கப் படுவதோடு எதிரி வான் வழி உதவிகளை பெற்றுக் கொள்ள முடியாது போவதே அதற்கு காரணமாகும் .

பின்னர் சிதறிய எதிரிகளை 'கட் அவுட் ' போட்டு பிரித்து வேட்டையாடும் நிலை வரும்போது விடிந்து விடும் எதிரியோடு மிக நெருக்கமான சுடு தூரத்துக்குள் போராளிகள் வந்து விடுவர் இப்போதும் எதிரி ஆட்லறி உதவிகளையோ , வான் வழி உதவியையோ எதிர்பார்க்க முடியாது .அந்த வகையில் போராளிகள் குறித்த பகுதி ஊடாக டமஸ்கஸ் நகரை நெருங்கும் ஒரு பாரிய தாக்குதலை தொடுத்த வேலை சிரிய இராணுவத்தின் offensive line ,மற்றும் defensive line தாண்டிய நிலையில் இத்தாக்குதல் நடத்தப்பட்டு இருக்கலாம் .(கிடைத்த தகவல்களின் படி டமஸ்கஸ் நகரம் சிரியப் போராளிகளால் முற்றுகையிடப் பட்டுள்ளது .)

பசர் அல் அசாதின் அண்மைய அறிக்கைகள் இன்னும் ஒரு விடயத்தை குறித்துக் காட்டுகின்றது .அது சர்வதேச தலையீட்டின் தேவையை இப்போது அவர் சிரியாவில் எதிர் பார்க்கிறார் என்பதே ஆகும். . கடந்த 6 மாதங்களுக்கு முன்பு வரை இது சிரியாவின் உள்நாட்டுப் பிரச்சினையாகவும் இதில் வேறு தலையீடுகள் தேவையில்லை என்று காட்டமாக கூறிய அவர் இப்போது சர்வதேச தலையீட்டை வேண்டி வருகிறார். எனவே இந்த சில்லரைக் கடவுளின் அல்லது முதலாளிக் கடவுள்களின் வேலையாக கூட இரசாயன ஆயுதப் பிரயோகம் இருக்கலாம்.

ஜனநாயக சிரியா மீதான புதிய package , U.N மற்றும் NATO இராணுவ சப்பாத்துக்கள் சிறிய மண்ணில் கால் பதிக்க அவசியம் வந்ததை காட்டும் நியாய அடையாளமாக கூட இந்த சம்பவம் இருக்கலாம். இஸ்ரேலின் தூக்குக் கயிற்றையும் , முதலாளித்துவத்தின் தோல்வி அரசியலையும் , உருவாக விட்டு பார்த்துக் கொண்டிருக்கவா முடியும்!? அழிந்து போவதை விட ஆழித்தாவது சற்று வாழ்வோம். எனும் நப்பாசை தான் இன்றைய சிரியா மற்றும் எகிப்து சொல்லும் செய்திகள் ஆகும்

“மெட்ராஸ் கபே” படத்தில் விடுதலைப் புலிகளை எப்படி காட்டுகிறார்கள் தெரியுமா?

noreply@blogger.com (almanjakollai) — Sat, 24 Aug 2013 15:42:00 +0000

Source:viruviruppu.com

தற்போது சர்ச்சைகளில் பலமாக அடிபடும் மெட்ராஸ் கபே படம் திட்டமிட்டபடி நாளை வெளியாகுமா என்ற ஆவலை பலருக்கு ஏற்படுத்தியுள்ளன, அந்தப் படம் பற்றி வெளியாகும் செய்திகள். இந்தப் படம் விடுதலைப் புலிகள் இயக்கத்தையும. அதன் தலைவர் தலைவர் பிரபாகரனையும் பயங்கரவாதிகளாக சித்தரித்துள்ளது என்று கூறி படத்தை தடை செய்ய கோரியுள்ளன சில அமைப்புகள்.

பொதுவாகவே, அரசியல் ரீதியான படங்களுக்கு எதிர்ப்பு கிளம்பும்போது, எதிர்ப்பு தெரிவிப்பவர்கள் படத்தை முழுமையாக தடை செய்தால்தான் எதிர்ப்பின் பலனை அனுபவிக்க முடியும். எதிர்ப்பையும் மீறி படம் ரிலீஸாகி விட்டால், அது தலைகீழாக பலனைக் கொடுத்துவிடும்.

படத்துக்கு அதீத விளம்பரம் கிடைத்துவிடுவதால், அப்படி என்னதான் உள்ளது அந்தப் படத்தில் என்று, சாதாரணமாக படத்தை பார்க்க நினைத்திராதவர்களைக்கூட படம் பார்க்க வைத்துவிடும். வர்த்தக ரீதியாக வசூலை அள்ளிவிடும். இதற்கு சமீபத்தைய உதாரணம், விஸ்வரூபம். (தலைவா அரசியல் படமல்ல)

மெட்ராஸ் கபேயின் கதி என்னாகும் என்பது, அடுத்த ஓரிரு நாட்களில் தெரிந்துபோகும்.

போராட்டங்கள், உணர்வுகள் எல்லாவற்றுக்கும் வெளியே போய், இந்த படத்தின் பிசினெஸ்ஸை எப்படி திட்டமிட்டிருப்பார்கள் பார்க்கலாமா?

இது தமிழ் படமல்ல. இந்தியாவின் அனைத்து மாநிலங்களிலும் ரிலீஸ் செய்யப்படும் ஹிந்தி படம். தவிர ஹிந்திப் படங்களுக்கான வெளிநாட்டு மார்க்கெட்டும் உள்ளது.

சுமார் 35 கோடி ரூபா பட்ஜெட்டில் எடுக்கப்பட்ட ஹிந்தி படம் இது. அதில் எத்தனை சதவீதத்தை தமிழகத்தில் இருந்து வசூலிக்கலாம் என திட்டமிட்டிருந்தார்கள் என்பது தெரியவில்லை. சாதாரணமாக ஹிந்திப் படங்களின் வசூலில் சுமார் 8 சதவீதம் தமிழகத்தில் இருந்து கிடைக்கும் என்கிறார்கள்.

தமிழகத்தில் ஏற்பட்டுள்ள எதிர்ப்பு காரணமாக மற்றைய மாநிலங்களிலும் இந்தப் படத்துக்கு பப்ளிசிட்டி கிடைத்துள்ளது.

மற்றொரு விஷயம், பொதுவாக இலங்கை மற்றும் தென் இந்தியா தொடர்பான படமாக இருந்தால், வடக்கே ஆகா ஓகோ என்று பெரிய வரவேற்பு இருக்காது. அந்த வகையில் இந்தப் படத்துக்கும் ஆரம்பத்தில் பெரிய எதிர்பார்ப்பு இருக்கவில்லை. படத்துக்கு செய்யப்பட்ட விளம்பரங்களும் போதாது.

ஆனால், அரசியல் எதிர்ப்பு, அருமையான விளம்பரம் கொடுத்து, எதிர்பார்ப்பை ஏற்படுத்தியுள்ளது.

இந்த எதிர்பார்ப்பு, வசூலில் 7 சதவீதத்தை அதிகரித்து விட்டால், படம் தமிழகத்தில் ஓடாவிட்டாலும் நஷ்டம் ஏற்படாது.

ஒருவேளை அரசியல் பரபரப்பு காரணமாக வெளி மாநிலங்களில் வசூல் அதிகரிப்பு 7 சதவீதத்தை விட அதிகமானால், தயாரிப்பாளர் முகத்தில் புன்னகை தோன்றும்.

ஒருவேளை தமிழகத்திலும் படம் தடை செய்யப்படாமல் போய்விட்டால், அல்லது தாமதமாகவேனும் ரிலீஸ் ஆனால், தயாரிப்பாளருக்கு சுக்ரதிசை!

அப்படி நடந்து விட்டால், விஸ்வரூபம் கமல் இஸ்லாமிய அமைப்புகளுக்கு நன்றியுடையவராக இருப்பதுபோது, ஜான் ஆப்ரஹாம் இங்குள்ள சில அமைப்புகளுக்கு நன்றியுடையவராக இருப்பார்.

ஒருவேளை அந்த ரூட்டில் படம் ஓடிவிட்டால், இதைத் தொடர்ந்து இப்படியான சில ஹிந்திப் படங்களை எடுப்பார்கள்.

படத்தில் காண்பிக்கப்படும் தீவிரவாத இயக்கம் கற்பனையானது என்று பட யூனிட்டில் சொல்கிறார்கள். தமிழீழ விடுதலை புலிகள் (LTTE) என்ற பெயர் உபயோகிக்கப்படவில்லை எனவும், LTF என்ற பெயருடைய கற்பனை இயக்கமே கதையில் உள்ளது என்றும் அவர்கள் சொல்கிறார்கள்.

கற்பனை இயக்கத்தின் தலைவராக நடிப்பவர், அஜய் ரத்னம்.

இந்தப் படத்தில் இயக்க தலைவரின் பெயர் ‘அண்ணா’ பாஸ்கரன். இந்த கேரக்டர், ‘தம்பி’ பிரபாகரனை குறிக்கிறது என்கிறார்கள் எதிர்ப்பாளர்கள். (விடுதலைப் புலிகளின் வர்ணத்தில் யூனிஃபாரம் உள்ளது)

Source:viruviruppu.com

இஸ்லாமிய எழுச்சியின் மைல்கற்கள் என்ற நூலிலிருந்து... பகுதி 2

noreply@blogger.com (almanjakollai) — Sat, 24 Aug 2013 15:35:00 +0000

திருக்குர்ஆன் உருவாக்கிய ஒப்பற்ற சமுதாயம்

இஸ்லாத்தை மீண்டும் நிலைநாட்டிட வேண்டும். இஸ்லாத்தின் ஒளியில் முஸ்லிம்களைப் புனரமைத்திட வேண்டும் என் விழைவோர், ஓர் வரலாற்று உண்மையை ஊன்றிக் கவனித்திட வேண்டும். இது இஸ்லாத்தின் பக்கம் மக்களை அழைத்திடவும் முஸ்லிம்களை முறையாகப் பயிற்றுவித்திடவும் பெரிதும் பயன்படும். வரலாற்றின் ஒரு காலக்கட்டத்தில் இந்தத் திருத்தூது இஸ்லாம் ஒரு பெரும் சமுதாயத்தை உருவாக்கிற்று. அந்த சமுதாயம் நபிகள் பெருமான்(ஸல்) அவர்களின் தோழர்கள் என்ற முதல் சமுதாயம் தான். இந்த முதல் சமுதாயத்தைப் போன்றதொரு சமுதாயத்தை வரலாற்றின் பிந்தைய காலக்கட்டத்தில் ஏன் மனித வரலாற்றின் எந்தக் காலக்கட்த்திலும் நாம் சந்திக்கவில்லை.

இஸ்லாமிய வரலாற்றின் ஓட்டத்தில் இங்கொன்றும் அங்கொன்றுமாக சில மனிதப் புனிதர்கள் தோன்றுகின்றார்கள் என்றாலும் அந்த முதல் சமுதாயத்தைப் போன்றதொரு சமுதாயத்தை நாம் வரலாற்றில் சந்திக்கவே இயலவில்லை. அந்த முதல் சமுதாயத்தை உருவாக்கியவை இரண்டு பெரும் பொக்கிஷங்கள் அவை திருக்குர்ஆன் மற்றும் பெருமானார்(ஸல்) அவர்களின் சொல், செயல். இந்தத் திருக்குர்ஆன் அன்றுபொல் இன்றும் நம்மிடம் அப்படியே இருக்கின்றது. அது போலவே எம்பெருமானார்(ஸல்) அவர்களின் வாழ்வும் வாக்கும் அணுவும் திரிபடாமல் நம்மிடம் இருக்கின்றது. சிலர் இப்படிக் கருதலாம் அன்று அந்த முதல் சமுதாயத்தினரிடையே எம்பெருமானார்(ஸல்) அவர்கள் இருந்தார்கள் இன்று நம்மிடையே அவர்கள் இல்லையே. இஸ்லாம் என்ற இந்த இறைவழிகாட்டுதல் நிலைநாட்டப்படவும் பலன்தரவும் பெருமானார்(ஸல்)அவர்கள் இருந்திட வேண்டியது நிரந்தரதேவை என்றிருந்திருந்தால் அல்லாஹ் இஸ்லாம் தான் இந்த உலகம் உள்ளவும் மனித இனத்திற்கு உள்ள இறுதி இறைவழி காட்டுதல் என்றாக்கி இருக்கமாட்டான். திருக்குர்ஆனை அறுதி நாள் வரை அப்படியே பாதுகாத்திடும் பொறுப்பை இறைவனே ஏற்றுக் கொணடிரு;கின்றான். ஏனெனில் அவன் நன்றாக அறிவான் இந்த இஸ்லாம் இந்த இறைவழிகாட்டுதல்கள் பெருமானார்(ஸல்) அவர்களின் காலத்திற்குப் பின்னாலும் பலன் தரும். நிலைநாட்ட முடியும் (என்பதை இறைவன் நன்றாக அறிவான்) அதனால் தான் அந்தக் கருணையாளன் இறைவன் அந்த மனித மாண்பாளரைத் தன் கருணையின் பக்கம் அழைத்துக் கொண்டான். அதனால்தான் இந்த இஸ்லாத்தை இறைவனின் வழிகாட்டுதலை இந்த உலகம் உள்ளவரை மனிதனின் அறுதியான வழிகாட்டுதல் என அறிவித்தான். எம்பெருமானார்(ஸல்) அவர்களின் வாழ்வும் வாக்கும் நம்மிடையே அப்படியே இருக்கும் போது பெருமானார்(ஸல்) அவர்கள் நம்மிடையே இல்லை என்பது நாம் நமது பொறுப்புக்களிலிருந்து தப்பித்துக் கொள்வதற்கு கண்டெடுத்த வாதமே. இதனால் வரலாற்றில் அந்த முதல் சமுதாயத்தைப் போல் இன்னொரு சமுதாயம் அமையாமல் போனதற்கு வேறு காரணங்கள் உண்டு என்பதை நம்மால் உணர முடிகின்றது. இதனை ஆழ்ந்து கவனித்திடும் போது பல உண்மையான காரணங்கள் நமக்குத் தெரிகின்றன.

முதற்காரணம் : இறைவனின் இறுதித் தூதர் முஹம்மத்(ஸல்) அவர்களின் உற்றத் தோழர்கள் தங்கள் தாகம் தணித்திட்ட முதல் தடாகம் திருக்குர்ஆன் தான் திருக்குர்ஆன் மட்டுந்தான். நபிகள் பெருமானார்(ஸல்) அவர்களின் வாழ்வு வாக்கு என்பவையெல்லாம் இந்தத் தடாகத்தின் ஊற்றிலிருந்து பிறந்தனவே. ஆகவே தான் நம்பிக்கையாளர்களின் தாய் ஆயிஷா(ரலி)அவர்களிடத்தில் இறைவனின் தூதர் நபிகள் பெருமானார்(ஸல்)அவர்களின் வாழ்க்கை எப்படி இருந்தது? என வினவப்பட்ட போது நபிகள் பெருமானார்(ஸல்) அவர்களின் வாழ்க்கை திருக்குர்ஆனாக இருந்தது எனப் பதில் கிடைத்தது – அந்நஸயீ. அவர்கள் அப்படித் தங்களைத் திருக்குர்ஆனிடம் ஒப்படைத்து அதன் வழியில் தங்கள் வாழ்வை அமைத்துக் கொண்டதற்கான காரணம் அவர்களுக்கு அன்றைய சூழ்நிலையில் வழிகாட்டுவதற்கு வேறு மார்க்கங்களோ வழிகாட்டுதல்களோ நெறிமுறைகளோ இல்லை என்பதனால் அல்ல. அன்று

· அந்த மக்களிடையே ரோம நாட்டின் சட்டதிட்டங்கள் பண்பாடுகள் சித்தாந்தங்கள் சிந்தனைப் போக்குகள் இவையனைத்தும் இருக்கவே செய்தன.

· இந்த ரோம நாட்டுச் சட்டதிட்டங்களும் பண்பாடுகளும் தான் இன்று பீடுநடைபோடும் ஐரோப்பிய பண்பாடுகளின் அடிப்படைகள் எனப் போற்றப்படுகின்றன.

· அதே போல் கிரிஸ் நாட்டுப் பண்பாடுகளும் தத்துவங்களும் அறிவு விளக்கங்களும் அந்த மக்களிடையே பழக்கத்திலிருக்கவே செய்தன.

· பாரசீகத்துப் பண்பாடுகள் கலைகள் கொள்கைகள் மதவழிபாடுகள் அரசு முறைகள் இவையும் அந்த மக்களின் கைகளுக்கு எட்டவே செய்தன.

· சீனத்துச் சிந்தனைகளும்

· இந்தியாவின் புனஸ்காரங்களும் அந்த மக்களின் பார்வையில் படவே செய்தன.

· ய10தர்களின் பழக்கவழக்கங்களும்

· கிறிஸ்தவர்களின் மத நம்பிக்கைகளும் அவர்களிடையே செயலில் இருந்தன.

ஆகவே அந்த முதல் இலட்சியத் திருக்கூட்டம் திருக்குர்ஆனை மட்டுமே தங்களைத் தயாரிக்கும் ஆலையாக எடுத்துக் கொண்டது என்றால் வேறு கொள்கைகளோ கோட்பாடுகளோ வழிமுறைகளோ அவர்களுக்குக் கிடைக்கவில்லை என்பதனால் அல்ல. அவர்கள் வேற்றுக் கொள்கைகள் அவர்களை வழிநடத்துவதை விரும்பவே இல்லை. இதனால் தான் அன்று உமர்(ரலி) அவர்கள் தௌராத் வேதத்திலிருந்து சில வரிகளை எடுத்துக் காட்டியபோது இறைவனின் இறுதித் தூதர் நபிகள் பெருமானார்(ஸல்) அவர்கள் இறைவனின் பெயரால், நபி மூஸா(அலை) அவர்களே உங்களோடு இருந்தால் அவர்களுக்கும் என்னைப் பின்பற்றுவதைத்தவிர வேறு வழி இருந்திருக்காது என்று தெளிவு படுத்தினார்கள். இந்த நிகழ்ச்சி நபிகள் பெருமானார்(ஸல்) அவர்கள் அந்த முதல் சமுதாயத்தினரை முழுக்க முழுக்க இந்த இறைமறையாம் திருமறையிலேயே தோய்த்தெடுத்தார்கள். அவர்களை வேறு எந்தப் பாசறையிலும் பயிற்றுவிக்க விரும்பவில்லை என்பதையே எடுத்துக்காட்டுகிறது. அதனால் தான் உமர்(ரலி) அவர்கள் திருக்குர்ஆனுக்கு அப்பாற்பட்ட ஒரு வழிகாட்டுதலை எடுத்துக்காட்டிய போது தனது அதிருப்தியை வெளிக்காட்டினார்கள் நபிகள் பெருமானார்(ஸல்) அவர்கள். இதையே வேறு சொற்களால் சொன்னால் இறைவனின் இறுதித் தூதர் நபிகள் பெருமானார்(ஸல்) அவர்கள் எண்ணத்தில் நினைப்பில் வாழ்வில் தூய்மையானதோர் சமுதாயத்தை உருவாக்க விரும்பினார்கள். அந்தத் தூய்மையான சமுதாயம் திருக்குர்ஆன் எனும் தூய்மையான பாசறையில் பயிற்சி பெறவேண்டும் என்று விரும்பினார்கள். ஆகவே அந்த முதல் சமுதாயத்தினர் வரலாற்றில் இணையற்றதோர் சமுதாயமாக இலங்கினார்கள். ஆனால் இதற்குப் பின்னால் வந்த சமுதாயத்தினர் திருக்குர்ஆனை மட்டுமல்லாமல் இதரக் கொள்கைகளிடமும் அடைக்கலம் தேடினார்கள். இவர்கள் தங்களைச் சுற்றி இருந்த சித்தாந்தங்களுக்கும் சிந்தனைப் போக்குகளுக்கும் தங்களை அடிக்கடி ஆட்படுத்திக் கொண்டார்கள். கிரேக்க நாட்டுத் தத்துவங்கள். பாரசீகத்துப் பெருங்கதைகள் ய10தர்களின் பழக்க வழக்கங்கள், கிறிஸ்தவ மத நம்பிக்கைகள் இவையெல்லாம் இந்தப் பிந்தைய சமுதாயத்தினரின் சிந்தனையைப் பாதித்தன. பின்னர் இவர்கள் திருக்குர்ஆன் வசனங்களுக்கு விளக்கம் தந்தபோது இந்த மாற்றுச் சிந்தனைகளின் தாக்கமும் உடனிருந்தன. பிந்தைய சமுதாயத்தினர் இந்த மாற்றுச் சிந்தனைகளுள் விரவிவந்த விளக்கங்களில் தங்களைத் தயாரித்துக்கொண்டதால் அவர்கள் அந்த முதல் சமுதாயத்தினரைப்போல் இருக்கவில்லை. இதை நாம் எந்தத் தயக்கமும் இல்லாமல் சொல்லலாம்.

இரண்டாவது காரணம் : பின்னாளில் வந்த சமுதாயத்தினர் அந்த ஒப்புவமையற்ற முதல் சமுதாயத்தினரைப் போலல்லாமற் போனதற்கு இன்னொரு அடிப்படைக் காரணமும் உண்டு. அது திருக்குர்ஆனிலிருந்து பாடமும் படிப்பினையும் பெறும் பாங்கினைக் குறித்தது. அந்த முதல் சமுதாயத்தினர் வெறுமனே ஓசையிட்டு ஓதிவிட்டு ஒதுக்கி வைக்கின்ற ஒன்றாகத் திருக்குர்ஆனை அணுகவில்லை. அதே போல் சில பல புதிய தகவல்களைத் தருகின்ற தகவல் பெட்டகம் என்ற நிலையிலேயும் அவர்கள் திருக்குர்ஆனை அணுகவில்லை. அதே போல் சில விஞ்ஞானப் புதிர்களை அவிழ்க்கும் நூலாகவும் அவர்கள் திருக்குர்ஆனை அணுகவில்லை. அவர்கள் திருக்குர்ஆனின் பக்கம் திரும்பியதெல்லாம் தங்களது வாழ்வை எப்படி வழிநடத்த வேண்டும் என் அல்லாஹ் கட்டளை இடுகிறான் என்பதைத் தெரிந்து உடனேயே நடைமுறைப்படுத்துவதற்காகவே. போர்க்களத்தில் முன்வரிசையிலே நிற்கும் ஓர் போர் வீரன் தனது முதன்மை தளபதியிடமிருந்து என்னக்கட்டளை வரும் என்ன வழிகாட்டுதல் வரும் என எப்படி எதிர்பார்த்துக் காத்துக்கிடப்பானோ, இனி அந்தக் கட்டளைகள் வந்ததும் நிமிடமும் தாமதப்படுத்தாமல் எப்படிச் செயல்படுவானோ.. அதே போல் தான் அந்த மக்கள் திருமறையின் கட்டளைகளுக்குக் காத்துக்கிடந்தார்கள். அந்தக் கட்டளைகள் கிடைத்தவுடன் சற்றும் தயக்கமோ தாமதமோ காட்டாமல் அந்தக் கட்டளைகளை அசைபோட்டுக் கொண்டிருக்காமல் செயல்படுத்தினார்கள். அதாவது தங்கள் வாழ்வை அந்த வழிகாட்டுதல்களின் வழி அமைத்துக் கொண்டார்கள். அவர்கள் ஒரே நேரத்தில் ஏகமாய் அமாந்து பல வசனங்களை அல்லது பல அத்தியாயங்களை ஓதுவதில்லை காரணம் அப்படிச் செய்தால் ஒரே நேரத்தில் பல பொறுப்புக்களை தாங்கள் சுமந்திட வேண்டியது வரும் என்பதை அவர்கள் நன்றாக அறிவார்கள். மிக அதிகமாக அhவ்கள் பத்துத் திருக்குர்ஆன் வசனங்களையே ஓதுவார்கள். மனதிற் நிறுத்திக் கொள்வார்கள். அவற்றின் வழியில் தங்கள் வாழ்வை வடிவமைத்துக்கொள்வார்கள். இப்படித்தான் அவர்கள் திருக்குர்ஆனை அணுகினார்கள் என்பதை நாம் அப்துல்லாஹ் பின் மஸ்ஊத்(ரலி)அவர்கள் வழியாக அறிகின்றோம். திருக்குர்ஆனின் கட்டளைகள் வாழ்க்கையில் செயல் படுத்திடத்தான் என்ற உணர்வால் உந்தப்பட்டு அவர்கள் திருக்குர்ஆனின் கட்டளைகளைச் செயல்படுத்திய செயல்பாட்டு ஓட்டத்தி;ல் அவர்கள் திருக்குர்ஆன் அள்ளித்தந்த அறிவுப் பொக்கிஷங்களை அள்ளிப்பருக்pனார்கள். அதே போல் திருக்குர்ஆன் வழங்கிய இலக்கிய நயங்களை ரசித்தார்கள் சுவைத்தார்கள். அந்த முதல் தலைமுறையினர் திருக்குர்ஆனை ஓய்வாக அமர்ந்து ஒய்யாரமாய்ப் படித்து ரசித்திடத்தான் என்ற அடிப்படையில் அணுகி இருப்பார்களேயானால் அவர்கள்

· இறைவனை அஞ்சி வாழ்வதில்
· வேறு யாருக்கும் அஞ்சாது வாழ்வதில்
· ஒழுக்கத்தில்
· நீதியை நிலைநாட்டுவதில்
· தீமைகளுக்கும் அநீதிகளுக்கும் எதிராகக் கிளர்ந்தெழுந்திடுவதில்
· பிறர் உரிமைகளைப் பேணி நடந்திடுவதில்
· வழங்கி வாழ்வதில்
· வீரத்தில் விவேகத்தில்

அத்தகையதொரு ஈடிணையற்றச் சமுதாயமாக உருவாகி இருக்க இயலாது. திருக்குர்ஆனின் கட்டளைகள் தங்கள் வாழ்வை வடிவமைத்திட என்ற விழிப்புடன் அவர்கள் திருக்குர்ஆனை அணுகியதால் திருக்குர்ஆனின் போதனைகளைச் செயல்படுத்தித் தங்கள் வாழ்வை வடிவமைத்திடுவது அவர்களுக்கோர் பளுவாகத் தோன்றிடவில்லை. மகிழ்ச்சியான சாதாரண நடைமுறை சாத்தியமாகவே பட்டது. இதனால் அவர்கள் திருக்குர்ஆனின் கட்டளைகளின் நடமாடும் விளக்கங்களாக வாழ்ந்தார்கள். சிலரது அறிவில் வாழும் வழிகாட்டுதல்களாகவோ நூல்களில் வாழும் சித்தாந்தங்களாகவோ திருக்குர்ஆனின் கட்டளைகள் இருந்திடவில்லை. திருக்குர்ஆனின் கட்;டளைகள் அந்த மக்களின் வாழ்க்கையில் வெளிப்படும் வழிகாட்டுதல்களாக வாழ்ந்தன. அவர்கள் திருக்குர்ஆன் போதித்த நம்பிக்கையின் கலாச்சாரத்தின் பிரதிநிதிகளாக மிளிர்ந்தார்கள். இதனால் தான் அவர்களின் வாழ்க்கை மட்டும் மாறிப்போய் விடவில்லை. மனித இனத்தின் வரலாறே மாறிப்போய் விட்டது.

தங்கள் வாழ்வை திருக்குர்ஆனின் வழிகாட்டுதல்களின் வழி அமைத்திட வேண்டும் என்ற எண்ணத்தோடு அணுகுகின்றவர்களிடம் மட்டுமே திருக்குர்ஆன் தன் இரகசியங்களையும் அழகையும் வனப்பையும் திறந்து காட்டும்.

இன்னும் சொன்னால் திருக்குர்ஆன் வரலாற்றுக் குறிப்புகளின் பெட்டகமாகவோ விஞ்ஞான உண்மைகளை விளம்பும் குறிப்பிடமாகவோ இலக்கிய நயத்தில் இணையற்று இலங்கிட வேண்டும் என்பதற்காகவோ அருளப்பட்டதன்று. அது வாழ்க்கையை வடிவமைக்கும் வழிகாட்டுதல்களின் தொகுப்பு. இந்த வகையில் அது வரலாற்று குறிப்புகளையும், விஞ்ஞான உண்மைகளையும் கவின்மிகு இலக்கிய நடையையும் நயங்களையும் கொண்டது. திருக்குர்ஆன் எந்த வாழ்க்கை நெறி வாழ்க்கை முறை அல்லாஹ்வின படைத்தவனின் அங்கீகாரம் பெற்றது (என்பதை எடுத்துச்சொல்வது) அந்த மனிதர்களை நடமாடும் திருக்குர்ஆனின் வசனங்களாக ஆக்கிட வேண்டும் என்பதை மனதிற்கொண்டு அல்லாஹ் தன்னுடைய வழிகாட்டுதல்களை அந்த மக்களிடையே கொஞ்சம் கொஞ்சமாக அருளிச் செய்தான். அல்லாஹ் தன் அருள்மறையில் இதுபற்றி இப்படிக் கூறுகின்றான்.

மனிதர்களுக்கு நீர் சிறிது சிறிதாக ஓதிக் காண்பிக்கும் பொருட்டு இந்தக் குர்ஆனைப் பல பாகங்களாக நாம் பிரித்தோம். அதற்காகவே நாம் இதனைச் சிறுகச்சிறுகவும் இறக்கி வைத்தோம் - அல்குர்ஆன் (17:106)

திருக்குர்ஆனில் இடம் பெற்றுள்ள அத்தனை வசனங்களும் ஒரே நேரத்தில் ஒரேயடியாக இறக்கப்பட்டவையன்று. அவை அவ்வப்போது அந்த மக்களின் தேவைக்கேற்ப அருளப்பட்டவை. ஒரு வசனம் அல்லது ஓரிரு வசனங்கள் அந்த மக்களிடையே தோன்றிய சிறப்பான சூழ்சிலை குறித்து அருளப்படும். சில வினாக்கள் அந்த மக்களிடையே எழுந்தபோது திருக்குர்ஆன் வசனம் அல்லது வசனங்கள் அருளப்பட்டு அந்த மக்களின் ஐயங்கள் அகற்றப்பட்டன. இதனால் அவர்கள் செயற்களத்தில் எந்த நெருடலும் இல்லாமல் தொடர்ந்து இருந்து வந்தார்கள். இப்படி அந்த மக்கள் திருக்குர்ஆன் வசனங்களின் நேரடி வழிகாட்டுதலின் கீழ் வாழ்ந்து வந்தார்கள். இதனால் அந்த மக்களது வாழ்வின் ஒவ்வொரு நொடியும் அல்லாஹ்வின் வழிகாட்டுதல்களின் வழி அமைந்து கொண்டிருந்தது. அவர்கள் வானவர்கள் புடைசூழ அல்லாஹ்வின் அழகிய அடியார்களாக வாழ்ந்தார்கள். அல்லாஹ்வின் அன்பான வழிகாட்டுதல்கள் வழி அவர்கள் வாழ்ந்ததால் அவர்களுக்கு அல்லாஹ்வின் அருளும் அனுகூலங்களும் கிடைத்துக் கொண்டே இருந்தன. இதனை அவர்கள் உணர்ந்தார்கள். அகம் மகிழ்ந்து அல்லாஹ்வின் கட்டளைகளைக் காத்திருந்து காலந்தவறாமல் கடைப்பிடித்து வாழ்ந்தார்கள். ஆகவே நபிகளார்(ஸல்)அவர்களின் உற்றத் தோழர்கள் திருக்குர்ஆனின் வழிகாட்டுதல்கள் வாழ்ந்து காட்டுவதற்கே என்ற அடிப்படையில் தயாரிக்கப்பட்டார்கள். ஆனால் பிந்தைய தலைமுறையினர் திருக்குர்ஆனை ஓர் இலக்கிய நூல் என்றும் சில விஞ்ஞான உண்மைகளை அறியத்தரும் நூல் என்றும் அணுகினார்கள். ஆதலால் தான் இந்தப் பிந்திய தலைமுறையினரால் அந்த முதல் தலைமுறையினரைப் போல் தலையெடுத்து நிற்க இயலவில்லை.

மூன்றாவது காரணம் : பெருமானார்(ஸல்)அவர்களின் காலத்தில் ஒருவர் இஸ்லாத்தை ஏற்றுக் கொண்டார் என்றால் அந்தக்கணம் முதல் அவர் இஸ்லாம் அல்லாத தனது பழைய பழக்கவழக்கங்களிலிருந்து தனது முந்தைய சிந்தனைகளிலிருந்து தன்னை முற்றாக விடுவித்துக் கொள்வார். இஸ்லாத்தை ஏற்றுக் கொள்வது என்பது தனது வாழ்க்கையை முற்றாக மாற்றியமைத்துக் கொள்வதாகும் என்பதை நன்றாக உணர்ந்தார். தன்னுடைய முந்தைய வாழ்க்கை நிகழ்வுகளை எண்ணி எண்ணி வேதனைப்பட்டார். அறியாமையால் தான் செய்த தவறான செயல்களை எண்ணி உள்ளமெல்லாம் நொந்தார். அந்தப் பழைய பழக்கங்களை வேரோடும் வேரடி மண்ணோடும் கில்லி எறிந்தார். திருக்குர்ஆனின் ஒளியில் தனது வாழ்வை வடிவமைத்துக் கொண்டிருக்கும் போது எப்போதாவது தங்கள் மனம் அந்தப் பழைய இருண்ட நாள்களின் பக்கம் திரும்பினால் இந்த நேர்வழியிலிருந்து தாங்கள் சற்றேனும் தடம் மாறிட நேரிட்டால் தாங்கள் ஒரு பெரும் பாவத்தைச் செய்து விட்டதாகப் பதறினார்கள். பரிதவித்தார்கள் ஓடோடிச் சென்று பாவமன்னிப்பிற்காக மன்றாடினார்கள். இதனை அவர்கள் தங்கள் அடிமனதின் ஆழத்திலிருந்து செய்தார்கள். பின்னர் தங்கள் வாழ்வை திருக்குர்ஆனின் வழிகாட்டுதலின் வழி மாற்றிக் கொள்வார்கள். அவர்கள் தங்களைப் பிணைத்திருந்த அத்தனையையும் துறந்து திருக்குர்ஆனின் வழிகாட்டுதலுக்குள் தஞ்சம் புகந்த பின்னர் தங்களுடைய முந்தைய வாழ்விலிருந்து தங்களை முற்றாக விடுவித்துக் கொண்டார்கள் என்பது மட்டுமல்ல திருக்குர்ஆனின் நிழலில் தங்களது வாழ்க்கை அடி முதல் முடி வரை மாறிப்போய் விட்டதைக் கண்டார்கள். இஸ்லாத்தில் தங்களை இணைத்துக் கொண்ட நாள் முதல் அவர்கள் திருக்குர்ஆனின் நடமாடும் விளக்கங்களாக மாறினார்கள். ஜாஹிலிய்ய நாள்களின் பழக்கவழக்கங்கள் அறியாமை காலத்து இஸ்லாத்திற்கு முந்தைய காலத்து பழக்கவழக்கங்களை பண்பாடுகளை கொள்கைகளை கோட்பாடுகளை விட்டுவிடுவது தான் பல தெய்வ கொள்கையிலிருந்து விடுபடுவது என்று பொருள்படும். பின்னர் தம் வாழ்வை திருக்குர்ஆனின் வழியில் மட்டும் அமைத்துக் கொள்வது தான் இஸ்லாத்தை ஏற்றுக் கொள்வது என்று பொருள்படும்.

இதை அந்தத்தலைமுறையினர் நன்றாக அறிந்திருந்தார்கள். இப்படி அறியாமைக் காலத்துப் பழக்கவழக்கங்களிலிருந்து தங்களை விடுவித்திடவும் இஸ்லாத்தில் திருக்குர்ஆனின் வழிகாட்டுதல்களில் தங்களை முற்றாகப் பிணைத்திடுவதிலும் ஏற்படும் இழப்புகளை இன்னல்களை அவர்கள் இன்முகங்காட்டி வரவேற்றார்கள். அதில் அவர்கள் கிஞ்சிற்றும் கவலை கொள்ளவில்லை. நம்மைச் சுற்றியும் மௌட்டிகக் கொள்கைகள் பல தெய்வக் கொள்கைகள் மண்டிக் கிடக்கின்றன. அத்தோடு அறைகூவி அழைக்கவும் செய்கின்றன. இந்த அறியாமையை அடிப்படையாகக் கொண்ட கொள்கைகள் அன்றைய நிலையைவிட சற்று வலுவாக நம்மை வளைத்துப் பிடித்துள்ளன. இத்தோடு நில்லாமல் நம்மைச் சுற்றியிருக்கும் சுற்றுப்புறச்சூழல் அறியாமையில் புரையோடிக் கிடக்கின்றது. ஏன் அவை அறியாமையின் அசைக்கவியலாத பிடியில் சிக்குண்டு கிடக்கின்றன.

இந்த அறியாமையை அடிப்படையாகக் கொண்ட சூழ்நிலையின் தாக்கம் நமது எண்ணங்களில் நமது சிந்தனைகளில் நமது பழக்க வழக்கங்களில் நமது இங்கிதங்களில் நமது பண்பாட்டில் நமது கலாச்சாரத்தில் நமது கலையில் நமது இலக்கியங்களில் நமது நடைமுறை சட்டங்களில் திட்டங்களில் நிறைந்து காணப்படுகின்றது. எந்த அளவிற்கு என்றால் இவற்றில் பலவற்றை அதாவது இஸ்லாத்திற்கு எதிரான அறியாமையை அடிப்படையாகக் கொண்டவற்றை நாம் இஸ்லாம் என்று சொல்லிச் செயல்படுத்திடும் அளவிற்கு இவற்றின் தாக்கம் நம்முன் ஊடுருவிவிட்டது. இதனால் தான் பல இஸ்லாமிய எண்ணங்களும் கோட்பாடுகளும் நம் இதயங்களுக்குள் நுழைய மறுக்கின்றன. இதனால் தான் நமது உள்ளங்கள் இஸ்லாத்தின் போதனைகளால் விழிப்படையவும் விரிவடையவும் இயலாமற் போய்விட்டன. இப்படி மாற்றுச் சித்தாந்தங்களும் வேற்றுக் கொள்கைகளும் நம்முள் ஊடுருவி நிலைபெற்று விட்டதால்தான் நம்மால் அந்த முந்தைய சமுதாயத்தினரைப் போன்றதொரு சமுதாயமாக உருவாகிட இயலவில்லை. ஆகவே நாம் நமது பணியின் முதற்கட்டமாக இஸ்லாத்திற்கு எதிரான பழக்க வழக்கங்களையும் கொள்கைக் கோட்பாடுகளையும் விட்டொழிந்திட வேண்டும். இஸ்லாம் அல்லாத இந்த அறியாமைக் காலத்து சூழ்நிலைகளிலிருந்தும் அவை ஏற்படுத்திய நிறுவனங்களிலிருந்தும் நாம் பல பலன்களைப் பெற்றுக் கொண்டிருக்கின்றோம். அவற்றையும் விட்டுவிட்டு நாம் வெளியே வந்தாகவேண்டும் இவற்றால் நமக்கு எத்துணைப் பெரிய இழப்புகள் ஏற்பட்டாலும் சரியே இன்றைய இஸ்லாமிய இயக்கங்களின் முதல் தேவையும் இதுவே. அந்த முதல் சமுதாயத்தினரைப் போலவே நாம் வழி காட்டுதல் பெறும் அடிப்படைகளாக திருக்குர்ஆனின் வழிகாட்டுதல்களைக் கொள்ள வேண்டும்.

அல்லாஹ் எந்தவித வழிகாட்டுதல்களை இறுதிநாள் வரை பாதுகாப்பதைத் தன் பொறுப்பு என ஏற்றுக்கொண்டானோ அந்த வழிகாட்டுதலின் பக்கம் திரும்பியாக வேண்டும்.

திருக்குர்ஆன் என்ற இந்த அறுதி வழிகாட்டுதல்

· நாம் இந்த உலகை எப்படி அணுகிட வேண்டும் என்று எதிர்பார்க்கின்றதோ
· இந்த உலக வாழ்க்கையை நாம் எப்படி எடுத்துக் கொள்ள வேண்டும் என எதிர்பார்க்கின்றதோ
· நாம் நமது கொடுக்கல் வாங்கல்களை எப்படி நடத்திட வேண்டும் என எதிர்பார்க்கின்றதோ அப்படியே நமது வாழ்வை நாம் வடிவமைத்திட வேண்டும். இன்னும் நாம் எப்படிச் சிந்திக்க வேண்டும்

செயல்பட வேண்டும் என்பவையெல்லாம் இந்த அல்லாஹ்வின் வழிகாட்டுதல்களிலிருந்தே பெறப்பட வேண்டும். இதில் நம்மைச் சுற்றியுள்ள அறியாமையை (இஸ்லாம் அல்லாதவை)அடிப்படையாகக் கொண்ட கொள்கைகள் எள்முனை அளவு கூட தங்கள் தாக்கத்தை ஏற்படுத்திவிடாமல் தடுத்திட வேண்டும். திருக்குர்ஆன் என்ற இந்தத் தூய்iமாயன வழிகாட்டுதலின் பக்கம் திரும்பிடும்போது அதன் வழிகாட்டுதல்களை அறிந்திட வேண்டும். அறிந்ததை அப்போதே அந்தக் கணமே அப்படியே செயல்படுத்திட வேண்டும். செவியில்பட்டதைச் செயலில் கொண்டுவந்தோம் என் வாழ்ந்திட வேண்டும். விவாதங்கள் செய்திட வேண்டும். அந்த விவாதம் தரும் இதத்தில் சுகங்காண வேண்டும் என்ற எண்ணங்கள் எங்கேயும் எந்த நிலையிலும் தலைகாட்டிடாமல் பார்த்துக் கொள்ள வேண்டும். தனிப்பட்ட முறையில் நாம் எத்தகைய மனிதராக ஆகவேண்டும் எனத் திருக்குர்ஆன் எதிர்பார்க்கின்றதோ அத்தகையதோர் மனிதனாக நாம் மாறிட வேண்டும். இப்படி நம்மையும் நாம் சார்ந்த சமுதாயத்தையும் திருக்குர்ஆனின் வழியில் வடிவமைத்திடும் பாதையில் திருக்குர்ஆன் தரும் இலக்கிய நயம் சொற்சுவை எதுகை மோனையின் இயல்பான இணைப்பு. திருக்குர்ஆன் சொல்லும் வரலாற்று உண்மைகள் சமுதாயங்களின் எழுச்சியும் வீழ்ச்சியும் பற்றிய குறிப்பான புதுமையான சுவைதரும் செய்திகள், திருக்குர்ஆனின் தர்க்கத்திறமை, எதிர்ப்போரை வாகைகாண அது எடுத்துவைக்கும் எதிர்வாதம், மறுமை என்ற இறப்பிற்குப் பின்னால் வரும் வாழ்க்கையின் இரகசியங்கள் சுவர்க்கத்தின் வனப்பு இவையெல்லாம் எதிர்ப்படும்.

இவற்றையெல்லாம் அனுபவித்துக் கொண்டே நாம் நம்மை நமது சமுதாயத்தை அதன்வழியில் வார்த்திடும் தலையாயப் பணியைத் தடுமாறாமல் செய்திட வேண்டும். இந்த மகத்தான பணியை நம்மைச் சீரமைப்பது திருக்குர்ஆனின் பாதையில் வடிவமைப்பது என்பதில் ஆரம்பித்து இந்த (ஜாஹிலிய்யா)அறியாமையில் உழலும் (இஸ்லாம் அல்லாத சமுதாயத்தை)சமுதாயத்தின் அடிப்படையையே மாற்றி, அதனையும் இஸ்லாமிய மயமாக்கிவிடுவது என்பதில் முடிந்திட வேண்டும். இந்த இஸ்லாமிய எழுச்சியை ஏற்படுத்துவதின் முதல் அடியாகத்தான் நம்மை இந்த (இஸ்லாம் அல்லாத)அறியாமைத் தத்துவங்களின் எல்லாவிதமான தாக்கங்களிலிருந்தும் விடுவித்திட வேண்டும். இதில் இந்த இஸ்லாத்திற்குப் புறம்பான கொள்கைகளின் தற்காலிகக் கவர்ச்சி எத்துணை அலங்காரமானதாக இருந்தாலும் அதனை நாம் கருத்தில் எடுத்துக் கொள்ளக்கூடாது. அவற்றோடு ஊசிமுனை அளவுக்குக்கூட நாம் சமரசம் செய்திடக்கூடாது. நமது பாதை வேறு, அதன் பாதை (இஸ்லாம் அல்லாத இதரக் கொள்கைகளின் பாதை) வேறு. நாம் அவற்றின் வழியில் கடுகளவு தூரமே சென்று விட்டால் கூட நாம் நமது இலட்சியத்தில் முழுமையாகத் தோல்வியடைந்து விடுவோம். (அல்லாஹ் காப்பாற்றட்டும்). இன்றைய சூழ்நிலையில் இந்தப் பாதையில் (திருக்குர்ஆனின் பாதையில்) மட்டுமே நாம் பயணத்தைத் துவங்கினால், எண்ணற்ற இன்னல்களுக்கு ஆளாகுவோம். நாம் கடுமையான விலைமதிப்பற்றத் தியாகங்களைச் செய்திட வேண்டியது வரும். இதையெல்லாம் நாம் நன்றாக அறிவோம். ஆனால் நாம் ஒப்புவமையற்ற அந்த முதல் சமுதாயத்தைப் போல் ஆகிவிட வேண்டும் என்றால் இதைத்தவிர நமக்கு வேறு வழியே இல்லை. ஆகவே இஸ்லாமிய எழுச்சியை ஏற்றிவைக்கும் முதல் நடவடிக்கையாக நாம் பெருமானார்(ஸல்)அவர்களின் உற்றத் தோழர்களைப் போல் இஸ்லாம் அல்லாதவற்றிலிருந்து வெளியேறிட வேண்டும். திருக்குர்ஆனிடம் முழுமையாகத் தஞ்சம் புகுந்திடவேண்டும்.

தொடர்ந்து வரும்...

அதிபர் முர்ஸி தடுத்து வைக்கப்பட்டுள்ள “குடியரசு காவற் படையினரின்” தலைமையகத்தினுல் துப்பாபக்கி வேட்டு சத்தங்கள் கேட்டுள்ளன!!

noreply@blogger.com (almanjakollai) — Sun, 07 Jul 2013 06:17:00 +0000

Rabaa வில் பல்லாயிரக்கணக்கான எகிப்திய இஹ்வானிய ஆதரவாளர்கள் திரண்டு எகிப்திய இராணுவத்திற்கு எதிரான தங்கள் எதிர்ப்பை வெளிப்படுத்தியுள்ளனர். ரபாவின் ஜாமியா மஸ்ஜித்தில் இந்த எதிர்ப்பார்ப்பாட்டம் நிகழ்த்தப்பட்டுள்ளது. ஆர்ப்பாட்டக்காரர்களை நோக்கி எகிப்திய இராணுவம் துப்பாக்கி பிரயோகம் செய்துள்ளது. இதில் ஒருவர் கொல்லப்பட்டு பதின்மூன்று பேர் காயமடைந்துள்ளனர். கொல்லப்பட்டவர் இராணுவ நிலையில் முர்ஸியின் படம் பொருந்திய புரட்சிக்கான அழைப்பு போஸ்டரை ஒட்ட முற்பட்ட போதே தலையில் சுடப்பட்டுள்ளார்.

கெய்ரோவில் உள்ள Republican Guard headquarters-ல் எகிப்திய முன்னாள் அதிபர் முர்ஸி தடுத்து வைக்கப்பட்டுள்ளார். நேற்றைய தினம் குடியரசு காவற் படையினரின் கட்டடத்தின் உள்ளே சடுதியாக வேட்டோலிகள் கேட்டுள்ளன. முர்ஸிக்கு இராணுவ கோர்ட் மூலம் மரண தண்டனையை சத்தமில்லாமல் நிறைவேற்றி விட்டார்களா என்ற அச்சமும் மெல்ல எழுந்துள்ளது.

நேற்றைய தினம் வெள்ளிக்கிழமை அரச தொழலக்காட்சியில் தோன்றிய காபந்து அரசின் அதிபர் Adly Mansour பாராளுமன்றம் கலைக்கப்பட்டுள்ளதாக அறிவித்துள்ளார்.

எகிப்திய தேசிய தொலைக்காட்சி Ahdem Mohammed Farid Mansour என்பவரை நாட்டின் புலனாய்வு துறை பொருப்பாளராக நியமிக்கப்பட்டுள்ளாதாக அறிவித்துள்ளது. முர்ஸியால் நியமனம் செய்யப்பட்ட திணைக்களங்களின் தலைவர்கள் பலர் நீக்கப்பட்டு புதியவர்கள் அதற்கு அமர்த்தப்பட்டுள்ளனர்.

எகிப்திய முன்னாள் அதிபர் முர்ஸியினால் பதவியுயர்வு வழங்கப்பட்ட முப்படை அதிகாரிகளையும் இராணுவ பின்னரங்க செயற்பாடுகளிற்கு மாற்றம் செய்துள்ளது புதிய அரசு. அத்துடன் சில அதிகாரிகள் மீது கோர்ட் மார்ஷலை பிரகடனம் செய்துள்ளது. அல்-இஹ்வானுல் முஸ்லிமீன் அமைப்பின் பல தலைவர்கள் மீது கொலை குற்றச்சாட்டுக்களும், கொலை செய்வதற்கு திட்டம் தீட்டிய குற்றச்சாட்டுக்களும் அரசினால் இப்போது சுமத்தப்பட்டுள்ளது.

இஹ்வான்களிற்கு செய்வதற்கு ஒன்றும் இல்லை. அவர்கள் காலம் காலமாக வர்ணித்து வந்த புனித போரை தவிர !

மேற்கின் அரசியலில் சிக்கி தவிக்கும் அராபிய அரசியல் - ஒரு முஸ்லீம் மூலம் முஸ்லீம்கள் எவ்வாறு ஏமாற்றப்படுகிறார்கள் !?

noreply@blogger.com (almanjakollai) — Sun, 07 Jul 2013 05:56:00 +0000

எகிப்தின் இடைக்கால அரசிற்கு சவூதி மன்னர் அப்துல்லாஹ் வாழ்த்து தெரிவித்துள்ளார் . நிகழ்வுகளும் அங்கீகாரமும் திட்டமிட்டபடி நடந்துள்ளன . செக்கியுலரிசம் வேசஸ் இஸ்லாம் என மக்கள் இரண்டு முகாம்களாக்கப் பட்டு மோத விடப்பட்ட நிலையில் மீண்டும் இராணுவம் சூழ்நிலையை சாதகமாக்கிக் கொண்டு இந்த ஆட்சி மாற்ற நாடகத்தை பக்குவமாக அரங்கேற்றியுள்ளது . இந்த இடத்தில ஆட்சிக்கடிவாளம் யாரின் கையில் இருந்திருக்கின்றது என்ற இரகசியம் பகிரங்கப் படுத்தப் பட்டுள்ளது .

மார்க்கத்தை மதமாக்குதல் என்பதில் இருந்துதான் முர்சி தரப்பின் அரசியல் தளம் பரீட்சார்த்தமாக அரங்கேற அனுமதிக்கப் பட்டுள்ளது என்றே நிலமையை சந்தேகிக்க வேண்டியுள்ளது .அந்த வகையில் வாழ்வியலில் இருந்து மார்க்கத்தை பிரித்து அது விகிதாசார அடிப்படையிலான மனித விருப்பு என்ற ஜனநாயக பாடத்தை பக்குவமாக மீண்டும் செக்கி யு லாரிஸ்ட் தரப்பு நடத்திக் காட்டியுள்ளதா !? அதன் மூலம் ஜெஸ்மின் புரட்சியின் வெளித் தெரியாத சப் மிசன் அடையப்பட்டுள்ளதா !? என்றே பல கேள்விகளை நாம் கேட்க வேண்டியுள்ளது .

இஸ்லாத்தை வாழ்வியலாகவும் அது அல்லாததை குப்ர் என (ஜனநாயகம் உட்பட ) நேற்று பேசியவர்களை ஒரு அரசியல் குழப்பத்தை காரணம் காட்டி நிகழ்வு சித்தாந்த நடப்பை நம்பி ஆட்சி ஏறுவதற்கான நியாயங்களை இஸ்லாத்தை ஒப்புக்கு காட்டி பேசவைத்து முஸ்லீம் உம்மாஹ் திசைதிருப்பப் பட்டது .அந்த வகையில் குப்ர் தரப்பு தனக்கெதிரான ஒரு சித்தாந்த அரசியலை காலத்துக்கு ஒவ்வாத செல்லாக் காசாக ஒரு இஸ்லாமிய இயக்கத்தை !?வைத்தே பக்குவமாக பேச வைத்ததே கடந்த ஒரு வருடமாகும் .( பல வருட உழைப்பை ஒரு வருடத்தில் ஊதாரித்தனம் பண்ணிய உதாரண புருஷர்களாக முர்சி தரப்பு மாறியதுதான் இங்கு மிச்சமாகும் .)

1. போராட்டத்தில் தோல்வி என்பது வேறு எதிர்தரப்பில் இருந்து தனக்கெதிராக தானே பாவிக்கப் படுவதென்பது வேறு,

2. முஸ்லிமிடம் இருந்து இஸ்லாத்தை வேறுபடுத்துவது

குப்பாரின் துல்லியமான இலக்கு இந்த இரண்டு அடைவுகளும் தான் . முபாரக்கை தூக்கி முர்சியை காட்டி இந்த இலக்குகள் ஒரு படமாக ஒட்டப்பட்டது ;பின் அவரையும் தூக்கி அட்லி மன்சூர் இன்று அமர்த்தப் பட்டுள்ளார் . எப்போதும் இஸ்ரேலோடு ' கேம் டேவிட் 'போன்ற ஒப்பந்தங்கள் பக்குவமாக பேணப்படும் என்பது மட்டும் தான் நிலையான எகிப்தின் அரசியலாக இருக்க வேண்டும் என்பதே 'சியோனிசம் ' கருதும் அடைவு மட்டமாகும்

பாவங்கள் மன்னிக்கப்பட வேண்டுமா?

noreply@blogger.com (almanjakollai) — Thu, 04 Apr 2013 17:40:00 +0000

பாங்கு கூறுபவர் பாங்கு கூறி முடிக்கும் சமயத்தில், “அஷ்ஹது அன்லாஇலாஹ இல்லல்லாஹு வஹ்தஹு லாஷரீக்கலஹு வஅன்ன முஹம்மதன் அப்துஹு வரசூலுஹு ரளீத்து பில்லாஹி ரப்பன், வபி முஹம்மதின் ரசூலன், வபில் இஸ்லாமி தீனன் என யார் கூறுகிறாரோ அவரது பாவம் மன்னிக்கப்பட்டு விடுகிறது என அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் கூறினார்கள்.

அறிவிப்பவர்: ஸஅது பின் அபீவக்காஸ் ரளியல்லாஹு அன்ஹு

குறிப்பு: அதன் பொருள்:-

வணங்கப்படுபவன் அல்லாஹ்வையன்றி வேறெவருமில்லை, அவன் தனித்தவன் (எவ்வகையிலும் எவரும்) அவனுக்கு கூட்டில்லை என்றும் நிச்சயமாக முஹம்மது ஸல்லல்லாஹு அலைஹி வஸல்லம் அவர்கள் அவனின் அடியாரென்றும், அவனின் தூதர் என்றும் நான் சாட்சி கூறுகிறேன். அல்லாஹ்வை இரட்சகனாவும், முஹம்மதை தூதராகவும், இஸ்லாத்தை மார்க்கமாகவும் நான் பொருந்திக் கொண்டேன்.

முஸ்லிம் ஹதீஸ் எண் : 200

பாங்கு கூறுவோரின் சிறப்பு :

அறிவிப்பாளராகிய நான் ‘முஆவியா பின் அபீ ஸுஃப்யான் ரளியல்லாஹு அன்ஹு அவர்களிடம் இருந்தேன். (அப்போது) தொழுகைக்கு அவரை அழைப்பதற்காக பாங்கு கூறுபவர் அவரிடம் வந்தார். அப்போது முஆவியா, “பாங்கு கூறுக்கூடியவர்கள் மறுமையில் மனிதர்களில் நீண்ட கழுத்துடையவர்களாக இருப்பர், என அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் கூற நான் செவியுற்றிருக்கிறேன்” எனக்கூறினார்.

முஸ்லிம் ஹதீஸ் எண் : 197

பாலைவன சிங்கம் ஷஹீத் உமர் முக்தார்

noreply@blogger.com (almanjakollai) — Thu, 04 Apr 2013 17:14:00 +0000

உமர் முஃக்தார் (1862 – செப்டம்பர் 16, 1931) மினிபா எனும் பழங்குடி இனத்தைச்சார்ந்த இவர் லிபியாவில் பார்குவா எனும் சிறிய கிராமத்தில் பிறந்தார். 1912 ஆம் ஆண்டில் இருந்து 32 ஆண்டுகளாக லிபியாவில் இத்தாலியரின் ஆதிக்கத்துக்கு எதிராகப் போராடியவர். இவர் இத்தாலியர்களால் கைது செய்யப்பட்டு 1931 இல் தூக்கிலிடப்பட்டார்.

சிறு வயது வாழ்க்கை

16ம் வயதை எட்டுகையில் இவரது தந்தை காலமானார். இவருடைய மாமனார் ஹுசைன் எல் கரியானியின் பராமரிப்பில் வளர்ந்தார். அப்த் அகாதிர் போடியா இவருக்கு குர்ஆன் ஓதிக் கொடுத்தார்.
1912 ல் இத்தாலி லிபியாவை துருக்கியிடமிருந்து கைபற்றியது. அது முதல் இத்தாலி சுமார் சுமார் 30 வருடங்களுக்கும் மேலாக இத்தாலியின் காலணி ஆதிக்கத்தின் கீழ் லிபியா இருப்பதை விரும்பாத உமர் முஃக்தார் அவ்வாட்சியை எதிர்க்க எதிர்ப்பு இயக்கம் நடத்தி அதன் தலைவராக களம் கண்டவர். ஒமர் தன் எதிர்ப்பு இயக்கத்தை ஒழுங்கு படுத்தப்பட்ட, தீரமிக்க மற்றும் சீர்மிக்க இயக்கமாக வழிநடத்தி இத்தாலியை எதிர்த்தார்.

இத்தாலிக்கும் லிபியாவுக்குமிடையே உக்கிரப் போர் மூண்டது. தமது நாட்டு பாலைவனப் புவியியல் அமைப்பைப் பற்றி நன்கு பரிச்சயமுள்ளவர் உமர் முஃக்தார். அந்த அறிவைப் பயன்படுத்தி இத்தாலிக்கெதிராகப் போர்புரியும் உத்திகளைத் தன் படை வீரர்களுக்குக் கற்றுக் கொடுத்தார். அன்று உலகில் மிகவும் பலம் பொருந்திய ஒரு அணியாக பெனிட்டோ முசோலினியின் படை விளங்கியது. எனினும், பாலைவனப் புவியியலை அவர்கள் புரிந்துகொள்ள முடியாமல் தடுமாறினர்.

உமர் முஃக்தார் அவர்களை இத்தாலிய படைகள் கைது செய்து, தூக்கு தண்டனையை நிறைவேற்றுவதற்கு முன்பாக எடுக்கப்பட்ட புகைப்படம்: https://www.facebook.com/photo.php?fbid=546264592062411&set=a.544666148888922.1073741825.483014898387381&type=1&theater

உமர் முஃக்தார் தொழில் ரீதியாக குரானை போதிக்கும் ஆசிரியராக இருந்தார். ஆனாலும் மிகச்சிறந்த கொரில்லா முறை போர்தந்திரவாதியாக விளங்கினார். தன் இயக்கத்தினருக்கு இவரே ஆசானாக இருந்து கொரில்லா போர் முறையை பயிற்றுவித்தார். பாலைவனங்களில் போர் புரியும் தந்திரங்களையும் அறிந்தவர். பல நேரங்களில் இத்தாலியப் படையை தாக்குதலினால் நிலைகுலையச் செய்திருக்கின்றார். இருப்பினும் 1931ம் ஆண்டு செப்டம்பர் 11ம் திகதி பாசிஸ இத்தாலிப் படையினரால் உமர் முஃக்தார் சுற்றிவளைக்கப்பட்டு கைது செய்யப்பட்டார். இதனால் 20 ஆண்டுகாலம் தொடர்ந்த போர் முடிவுக்கு தளர்ந்தது இறுதியில் இத்தாலியப் படைகளால் சிறைப்பிடிக்கப்பட்டு மரணதணைடனை விதிக்கப்பட்டு தூக்கிலிடப்பட்டார்.

உமர் முஃக்தார் கைது செய்யபட்டு தண்டணையை எதிர்நோக்கியிருந்தபொழுது எடுக்கப்பட்ட புகைப்படம் இத்தாலி நாட்டுக்கெதிராக லிபியா மக்களை கிளர்ந்தெழச் செய்தது. இவருடைய வாழ்க்கை வரலாறு மற்றும் போராட்டங்களை சித்தரிக்கும் விதமாக ஆங்கிலத் திரைப் படம் ஒமர் முக்தார் என்ற பெயரில் 1980 களில் வெளியிடப்பட்டது. மக்களிடையே அத்திரைப்படம் மகத்தான வரவேற்பைப் பெற்றது என்பது குறிப்பிடத்தக்கது.

1930 -ல் இத்தாலியில் பாசிஸ்ட் முசோலினி உருமினான… ” ஏன் இன்னும் லிபியா விழவில்லை “

படைத்தளபதி பயந்து கொண்டே ” சர், அங்கு கலகக்காரர்களை அடக்குவது கடினமாக உள்ளது”

முசோலினி: ” யார் அவர்களை வழி நடத்துவது ?”

தளபதி: ” ஒமர் முக்தார் “

முசொலினி: “ஒமர் முக்தார் ?!! யார் இவன் ?!”

தளபதி: ” சர், அவர் ஒரு ஆசிரியர்…He is a teacher “ முசோலினி ஆச்சரியத்துடன் ” a teacher ?!!” பின் ஏதோ சிந்தனை வயப்பட்டவனாக தனக்குள்ளே ” Even I was a teacher ” என்கிறான்.

பாலைவன சிங்கம் என அனைவராலும் புகழப்பட்ட, கிட்டத்தட்ட 30 ஆண்டுகள் இத்தாலியின் கண்களில் விரலை விட்டு ஆட்டிய “ஓமர்-அல்-முக்தார்” பற்றி தெரிந்தவர்கள் இது உண்மையாக நடந்திருக்கும் என தயங்காமல் ஒத்துக் கொள்வார்கள்.

கிட்டத்தட்ட 30 ஆண்டுகள் இத்தாலிய அடக்குமுறைக்கு எதிராக கொரில்லா போர் முதல் கொண்டு அனைத்து உத்திகளையும் கையாண்டு போரிட்டு வந்த, இத்தாலியின் முழு லிபியாவையும் தன் ஆட்சியின் கீழ் கொண்டு வரும் ஆசையை நிறைவேற விடாமல் அடித்த, பெயர் கேட்டாலே லிபியா மக்கள் சிலிர்த்துப் போகின்ற ஓமர்-அல்-முக்தார் ஒரு சாதாரண பள்ளிக்கூட ஆசிரியர் என்றால் நம்ப முடிகிறதா?

இத்தனைக்கும் இவரது ஆட்களிடம் பயிர்ச்சியோ நவீன ஆயுதங்களோ, போக்குவரத்து சாதனங்களோ அல்லது தகவல் தொடர்பு சாதனங்களோ கூட கிடையாது. தணியாத சுதந்திர வேட்க்கையும், அந்நியரிடம் அடிமைப் படக் கூடாது என்ற வெறியும் ஒமர் முக்தார் என்ற ஆசிரியரின் வழிகாட்டுதலும் மட்டுமே இருந்தது.

ஒமர் முக்தார் வழி காட்டுவதுடன் நிறுத்திக்கொள்ளவில்லை. அவரே முன்னின்று போரிட்டார். முதிர்ந்த வயதில் நோய் வாய்ப்பட்ட பிறகும் மலையில் மறைந்து வாழ்ந்து கொரில்லா போர் புரிந்து கொண்டிருந்த போது, அவரது குழுவினர் அவரை தப்பித்து போய் விடும் படிவற்புறுத்தியதையும் மறுத்து சண்டையிட்டு கடைசியில் இத்தாலியப் படைகளிடம் சிக்கினார். இத்தாலியப் படை அவரை சலோக் நகரில், 1931 ஆம் ஆண்டு செப்டெம்பர் 16ஆம் தேதி எல்லா மனித உணர்வுகளையும் மீறி, சர்வதேச விதி முறைகளையும் மீறி, அவரது வயதையும் பொருட்படுத்தாமல் தூக்கிலிட்ட போது அவருக்கு வயது 80.(எண்பது).

சிறையில் சிறை அதிகாரி “ஆசிரியரான உங்களுக்கு ஏன் இதெல்லாம் வீண் வேலை?” என்ற போது ” ஆசிரியன் என்பவன் கற்பித்தால் மட்டும் போதாது அதை முழுவதும் நம்புபவனாகவும் அதன்படியே நடப்பவனாகவும் இருக்க வேண்டும்” என்றாராம் ஒமர் முக்தார்.

தாலிபானை ஒடுக்க இந்தியாவும் சீனாவும் ஓரே அணியில்

noreply@blogger.com (almanjakollai) — Tue, 02 Apr 2013 18:14:00 +0000

என்ன தலைப்பே ஆச்சரியமாய் உள்ளதா?. ஆப்கானிலிருந்து அமெரிக்க

படைகள் எப்போது வேண்டுமானாலும் முழுமையாய் வெளியாகும்

நெருங்கும் வேளையில் ஆப்கன் மக்களும் அரசும் அதை வரவேற்க,

ஆப்கனின் அண்மை நாடுகளோ கவலையுடன் அதை பார்த்து

கொண்டிருக்கின்றன.

ஆப்கனின் அண்டை நாடுகள் அமெரிக்காவின் வெளியேற்றத்தால் கவலைப்படுவதற்கு காரணம் அமெரிக்காவின் வெளியேற்றம் தாலிபான்களின் எழுச்சிக்கு காரணமாகி விடும் எனும் அச்சமே. அதனாலேயே தங்களுக்கிடையேயான வேறுபாடுகளை மறந்து விட்டு கூட்டணி வைத்து கொள்ள முயல்கின்றன.

அமெரிக்க வெளியேற்றத்திற்கு பின் தாலிபான்களை கட்டுப்படுத்த சீனா, ரஷ்யா மற்றும் பாகிஸ்தானுடன் இணைந்து செயல்பட முடிவெடுத்துள்ளது. மூவரின் கூட்டணி பேச்சுவார்த்தைகள் இன்னும் சில வாரங்களில் அதிகாரபூர்வமாக ஆரம்பிக்கப்பட உள்ளது.

ரஷ்யா, பாகிஸ்தானுடன் கூட்டணி பேச்சுவார்த்தையை ஆரம்பிக்க உள்ள சீனா அதற்கு முன்னதாகவே ரஷ்யா மற்றும் இந்தியாவுடன் இணைந்து முக்கோண கூட்டணி ஒன்றை ஆரம்பித்து மாஸ்கோவில் பேச்சுவார்த்தையும் முடிந்து விட்டது. இதன் மூலம் இந்தியாவுடன் பொது எதிரியை ஒழிக்க ஒன்று சேரும் அதே வேளையில் இந்தியாவிற்காக பாகிஸ்தானை பகைத்து கொள்ள தயாராக இல்லை என்றும் இந்தியாவிற்கு உணர்த்தவுமாக ஒரே கல்லில் இரண்டு மாங்காய் அடிக்கிறது சீனா.

ஆப்கானிஸ்தான் பிரச்னையில் சீனாவும் இந்தியாவும் வெவ்வேறு நிலைப்பாட்டில் இருப்பதாக சொல்லப்பட்ட நிலையில், இந்தியாவும் சீனாவும் எல்லை பிரச்னையில் விட்டு கொடுக்காமல் இருக்கும் சூழலில் இக்கூட்டணி அமைந்ததற்கான காரணமாக இருவருக்கும் பொதுவான எதிரி தாலிபான் என்பதாலேயே என கூறுகின்றனர் சர்வதேச அரசியல் நிபுணர்கள்.

பாகிஸ்தானுடன் நட்புறவு வைத்திருந்தாலும் பாகிஸ்தானின் ஐ.எஸ்.ஐ எப்போதும் தாலிபான்களை ஆதரிக்கும் என்பதாலேயே தாலிபான்களை ஒழிக்க இந்தியாவின் உதவியை நாடுகிறது சீனா. ஏனெனில் தன்னுடையை ஜின் ஜியாங் மாநிலத்தில் சீன அரசுக்கு எதிராக போராடும் இஸ்லாமிய போரளிகளுக்கு தாலிபானின் எழுச்சி ஊக்கமளிப்பதாக ஆகிவிடும் என்று பயப்படுகிறது சீன அரசு.

இந்தியாவும் ஆப்கானிஸ்தானில் தன்னுடைய முதலீடுகளுக்கு தாலிபானின் எழுச்சியால் பெரும் பாதிப்பு நேர கூடாது என்பதில் எச்சரிக்கையாக உள்ளது. வரும் மே மாதம் முதல் சீனாவின் CNPC எண்ணைய் நிறுவனம் வட ஆப்கனின் எண்ணைய கிணறுகளிலிருந்து எண்ணைய் எடுக்க உள்ளது. அது போல் ஆப்கானின் ஹஜிகாக் சுரங்கத்தில் இந்தியா ஏராளமான முதலீடு செய்துள்ளது.

எனவே தான் தம்முடைய பகைமையெல்லாம் மறந்து ஆப்கன் மூலம் எண்ணெய் வளம் பெறவும் தம்முடைய கனிம வளத்துக்காகவும் எதிரிக்கு எதிரி நண்பன் எனும் அடிப்படையில் தாலிபானுக்கு எதிராக இந்தியாவும் சீனாவும் கைகோர்ப்பதாக அரசியல் நோக்கர்கள் கருதுகின்றனர்.

at www.inneram.com

இஸ்லாமிய எழுச்சியின் மைல்கற்கள் ... பகுதி 1

noreply@blogger.com (almanjakollai) — Fri, 29 Mar 2013 19:01:00 +0000

அஸ்ஸலாமு அலைக்கும் (வரஹ்)!

முஸ்லிம் உம்மத்தின் மறுமலர்ச்சிப்பாதை பற்றி 20ம் நூற்றாண்டில் எழுதப்பட்ட நூற்களில் அஷ்ஷஹீத் செய்யித் குத்ப் அவர்கள் இறுதியாக எழுதிய “இஸ்லாமிய எழுச்சியின் மைல்கற்கள்” என்ற நூல் முக்கியமானது. ஜமால் அப்துல் நாசரின் எகிப்து அரசாங்கம், அரசைக் கவிழ்க்க சதி செய்தார் என அவருக்கு எதிராக தயாரித்த குற்றப்பத்திரிகைக்கு இந்நூலிலிருந்தும் சான்றுகள் முன்வைக்கப்பட்டன. இறுதியில் அவர் எகிப்து அரசினால் தூக்கிலிடப்பட்டு ஷஹீதாக்கப்பட்டார். ஒரு ஷஹீதின் இறுதி வார்த்தைகளான இந்நூலின் பகுதிகளை உம்மத்தின் மறுமலர்ச்சி நோக்கி இயங்கும் முஸ்லிம்களுக்காக இங்கே தருகிறோம்.

இஸ்லாமிய எழுச்சியின் மைல்கற்கள்
ஆசிரியர் : ஷஹீத் செய்யித் குதூப் (ரஹ்)

இந்நூலுக்கு ஷஹீத் செய்யித் குதுப் (ரஹ்) அவர்கள் வழங்கிய முன்னுரை

மனித இனம் தனது வாழ்வுக்கும் வளர்ச்சிக்கும் தேவைப்படும் மாண்புமிக்க நெறிகளை இழந்து நிற்கின்றது. இதனால் அழிவின் விளிம்பில் நின்று கொண்டிருக்கின்றது மனித இனம். வளர்ச்சியில் வானத்தை எட்டி முட்டி நிற்கின்றோம் என மார் தட்டிய மேலைநாடுகள் கூட மனித இனம் மனித இனமாக வாழ்ந்திட வழி காட்டிட வழி தெரியாமல் அங்கலாய்த்து நிற்கின்றன. (செய்யித் குதுப் அவர்கள் எகிப்தின் முதன்மைக் கல்வி கண்காணிப்பாளராக இருந்த போது இந்த மேலைநாடுகளில் சுற்றுப்பயணம் மேற்கொண்டு அவற்றின் ஒழுக்க வீழ்ச்சியை நேரில் கண்டார்கள் என்பது நினைவு கூரத்தக்கது.) மேலை நாடுகள் இன்று வரை பிரஸ்தாபித்துப் பேசி வந்த தத்துவங்கள் அவற்றைக் காப்பாற்றிடவில்லை. கீழை நாடுகளைக் குறைத்தும் குத்தியும் பேசி வந்தன அந்த மேலை நாடுகள். ஆனால் பல நேரங்களில் இந்தக் கீழை நாடுகளை அண்டித்தான் தங்கள் பிரச்சினைகளைத் தீர்த்திட்டன இந்த மேலைநாடுகள். இப்படிச் சொல்லி விடுவதால் இந்தக்கீழை நாடுகள் மேலை நாடுகளை விஞ்சிக் கீர்த்தி பெற்று விட்டன என்றில்லை. இந்தக்கீழை நாடுகளில் பல தங்களைக் கம்ய10னிசக் கொள்கையின் ஒளிவிளக்குகள் எனப் பிரகடனப்படுத்தின. உண்மையில் இந்த நாடுகள் எதிலும் கம்ய10னிசம் எள்ளளவும் வாழவில்லை. கம்ய10னிசம் என்ற இந்த மார்க்சிசம் வறுமையிலே மக்களை உழலவிட்டு உரிமைகளே அவர்களுக்கு இல்லை என ஆக்கி வேடிக்கை பார்க்கும் கொடுங்கோல் ஆட்சிகளிலே தான் எடுபடும். எங்கே எப்போது மனிதன் வறுமையிலிருந்தும் ஏழ்மையிலிருந்தும் விடுபட்டு விட்டானோ அந்த நொடியில் கம்ய10னிசம் அவனுடைய எதிரியாக மாறிவிடும். இதன் இன்னொரு வேதனையும் வேடிக்கையும் என்னவெனில் அநியாயமும் அக்கிரமும் செய்யும் ஆட்சியாளர்களின் மண்ணிலே கூட கம்ய10னிசம் எடுபடாமல் போய்க்கொண்டிருக்கின்றது.

கம்ய10னிசம் முழுமையாகச் செயல்படுகின்றது எனப் பிரகடனப்படுத்தப்படும் ரஷ்யாவிலேயே அது வாழ முடியாமல் வதைபடுகின்றது. (இன்று அது மாஸ்கோவில் மாண்டுவிட்டது. இது செய்யித் குதுப் அவர்கள் 1964களில் எழுதியது.) தனக்குத் தேவையான உணவுப் பொருட்களை உற்பத்தி செய்திட இயலாமல் வேற்று நாடுகளிலிருந்தும் மாற்றுக் கொள்கையைக் கொண்டவர்களிடமிருந்தும் இறக்குமதி செய்து தனது தங்க வளத்தைத் தாரை வார்த்துத் தந்து கொண்டிருக்கின்றது கம்ய10னிசம். கழனிகளும் காடுகளும் அரசுக்கே சொந்தம் என்று பொதுவுடைமை பேசி அரசே விவசாயம் செய்யும், விநியோகம் செய்யும் என்ற பிடுங்கி பறிக்கும் கொள்கைகளால் ஏற்பட்ட குளறுபடி தான் கம்ய10னிச புரட்சி பேசிய நாடுகளில் உணவுப் பஞ்சம். சுருங்கச் சொன்னால் மனிதனின் இயற்கையான இயல்புக்கு எதிராகப் போர் தொடுத்திடும் போக்கைக் கொண்டது தான் கம்ய10னிசத்தின் மிகப் பெரிய பலவீனம். இதனால் அது அழிவைத் தேடி விரைந்தோடிக் கொண்டிருக்கின்றது. மேலை நாடுகளின் முதலாளித்துவக் கொள்கைகள் மனிதனுக்கு வேண்டிய உயரிய வழிகாட்டுதல்களை வழங்கத் தவறி விட்டதால், கீழை நாடுகள் அதாவது கம்ய10னிச நாடுகள் அழிவைத் தேடி ஓடிக்கொண்டிருப்பதால், இந்த உலகை காப்பாற்றிட ஒரு கொள்கை அவசரமாகத் தேவைப்படுகின்றது.

இந்த மேலைநாடுகள் அது போலவே இந்தக் கீழைநாடுகள் விஞ்ஞானத்தில் அறிவுத்துறையில் தாங்கள் பெற்றிருந்த வளர்ச்சியிலே தளர்ச்சிக் கண்டு விட்டன. ஆதலால் அவை மனித இனத்திற்கு வழிகாட்ட இயலாமற் போய்விட்டன என நான் கூறவில்லை. அறிவுத்துறையில் இந்த நாடுகள் ஈட்டிய வெற்றிகள் மனித இனத்திற்குப் பயன்பட வேண்டும் என்றால் ஓர் உன்னதமான வாழ்க்கை நெறி உடனேயே தேவைப்படுகின்றது. இந்த உலகை அழிவிலிருந்து காப்பாற்றி ஈடேற்றத்தின் பால் இட்டுச்செல்லும் இந்த வாழ்க்கை நெறி நிச்சயமாக மனிதனின் இயற்கையான இயல்புகளோடு இயைந்து சென்றிட வேண்டும் இல்லையேல் இன்னொரு மாபெரும் தோல்வியை மனித இனம் சந்திக்க வேண்டியது வரும். தேசியம் தேசியம் என்று கூவி மக்கள் மத்தியில் வெளிகளைய10ட்டி இடைக்காலத்தில் எடுபட்ட கொள்கைகளும் அந்தக் கொள்கைகளைச் சொல்லி வாழ்ந்த இயக்கங்களும் தங்கள் வலுவை இழந்து தளர்ந்து நிற்கின்றன. உள்ளதைச்சொல்வதனால் மனித மூளைகளால் உருவாக்கப்பட்ட கொள்ககைகளெல்லாம் தங்கள் தோல்வியை ஒத்துக் கொள்ளத்; துவங்கிவிட்டன. (1993 ஆம் ஆண்டில் மட்டும் 8000 ஜெர்மானியப் பெண்கள் இஸ்லாத்தைத் தழுவினார்கள். இவர்கள் ஏன் இஸ்லாத்தைத் தழுவினார்கள் என்பதைக் கண்டறிய Human Sciences என்ற மனித விஞ்ஞானத்தைப் பற்றி ஆராய்ச்சி செய்யும் ஆராய்ச்சியாளர் ஒருவர் முற்பட்டார். இந்த ஆய்வின் முடிவில் அவர் கூறிய உண்மைகள் இங்கே கவனிக்கப்பட வேண்டியவை. அவை: மேலைநாட்டுக் கொள்கைகள் பெண்களுக்குத் தேவையான ஒழுக்கப் பாதுகாப்பினை தர இயலவில்லை. இதனால் பெண்கள் மன அமைதி இழந்து சதாசர்வ காலமும் பீதியிலேயே வாழ்ந்திட வேண்டியதாயிருக்கின்றது. இஸ்லாம் ஒழுக்கப் பாதுகாப்பையும் ஆன்மீக விடுதலையையும் நிரந்தரமான அமைதியையும் தருகின்றது. (Islamic Voice Dec 1994) தொடர்ந்து வந்த தோல்விகளால் துவண்டு நிற்கிறது மனித இனம். இதை மீட்டு மீண்டும் முன்னேற்றத்தை நோக்கி இழுத்துச் செல்லும் வன்மையும் திண்மையும் வாய்ந்த ஒரே கொள்கை இஸ்லாம் தான். உலக அரங்கில் அறிவுத் துறையில் (விஞ்ஞானத்; துறையில்) மனித இனத்திற்கு நன்மை பயக்கும் நல்ல கண்டுபிடிப்புகளை இஸ்லாம் எதிர்ப்பதில்லை. ஏற்கின்றது, உற்சாகமூட்டி உதவிகளை அள்ளித் தந்து வளர்க்கின்றது என்பது மட்டுமல்ல மனிதனின் நல்வாழ்வுக்காகத் தான் நிறைவேற்றிட வேண்டிய கடமை எனக் கருதுகின்றது. உலகில் கொண்டு வரப்படும் எந்த விஞ்ஞான கண்டுபிடிப்பும் அது எத்துணை விந்தையானதாக இருப்பினும் அது இறைவனை மறந்ததாயோ, அவனை எதிர்க்கின்ற தொனியிலேயோ இருந்திடக்கூடாது. அறிவுத் துறையில் அதிசயங்களை நிகழ்த்துவோர் ஓர் உண்மையை மனதிற்கொண்டாக வேண்டும். இந்த உலகை படைத்தவன் ஒருவன் இருக்கின்றான். அவன் படைத்தான் அனைத்தையும் மனிதனுக்காக அந்த மனிதனைப் படைத்தான் அந்த மாண்புமிக்க இறைவனை மாட்சிமைப்படுத்தவும் நன்றி கூறவும். மானிட இனம் மானுடம் மன அமைதியோடு வாழ்ந்திட வேண்டும் என்றால் இந்த உண்மை ஒத்துக் கொள்ளப்பட்டாக வேண்டும். இந்த உண்மையை உலகில் செயல்படுத்திக் காட்டிடும் நடைமுறை வழிகாட்டுதலும் செயல் திட்டமும் அதனை செயல்படுத்திக் காட்டிய வரலாறும் இஸ்லாத்திற்கு மட்டுமே சொந்தம். ஆகவே தான் இறைமறை முஸ்லிம்களைப் பார்த்து இப்படிக் கூறுகின்றது:

(விசுவாசிகளே) அவ்வாறே (ஏற்றத் தாழ்வற்ற) நடுநிலையான சமுதாயத்தினராகவும் நாம் உங்களை ஆக்கினோம். ஆகவே நீங்கள் (மற்ற) மனிதர்களுக்கு (வழிகாட்டக்கூடிய) சாட்சியங்களாக இருங்கள். (நம்முடைய) தூதர் உங்களுக்கு (வழிகாட்டக்கூடிய) சாட்சியாக இருப்பார்கள். (அல்குர்ஆன் 2:143)

(விசுவாசிகளே) நன்மையான காரியங்களை(ச் செய்யும்படி மனிதர்களை) ஏவி பாவமான காரியங்களிலிருந்து (அவர்களை) விலக்கி மெய்யாகவே அல்லாஹ்வை விசுவாசிக்கின்ற நீங்கள் தாம் மனிதர்களில் தோன்றிய சமுதாயங்களிலெல்லாம் மிக்க மேலானவர்கள். (அல்குர்ஆன் 3:110)

இந்த உன்னத பொறுப்பை உலக முஸ்லிம்கள் ஏற்றிட வேண்டிய காலம் எதிரே ஓடி வந்து கொண்டிருக்கின்றது.

முஸ்லிம்கள் செய்ய வேண்டியது என்ன?

இஸ்லாம் கொள்கை அளவில் ஈடு இணையற்றது. அதனால் அவனியில் தானாகவே நிலைபெற்றிடும் என்ற எண்ணத்தில் முஸ்லிம்கள் செயலிழந்து நின்றிடக் கூடாது. இஸ்லாம் அதனை ஏற்றுக் கொண்டோர் வாழ்க்கையில் செயலில் மிளிர்ந்திட வேண்டும். இஸ்லாம் காட்டும் வழிகளை வையகத்தில் வழிகாட்டியாகக் கொண்டு வாழும் ஓர் சமுதாயம் இருக்கின்றது. இதைத் தங்கள் நித்திய வாழ்க்கையை விளக்கிடும் வகையில் முஸ்லிம்கள் வாழ்ந்து காட்டிட வேண்டும். வனப்பான கொள்கை என்பதற்காக எந்தக் கொள்கையையும் அடுத்தவர்கள் ஏற்றிட முன்வர மாட்டார்கள்.

அவர்கள் அந்தக் கொள்கையை ஏற்றுக் கொண்டவர்களின் வாழ்க்கை எப்படி இருக்கின்றது எனப்பார்ப்பார்கள். இன்றைய உலகில் மனிதன் எதையும் கூர்ந்து கவனிப்பவனாக இருக்கின்றான். எதையும் ஆழ்ந்து சிந்திப்பவனாக இருக்கின்றான். எதையும் நடைமுறையில் கண்டாலன்றி நம்ப மாட்டான். நடைமுறை வாழ்க்கையைப் பொறுத்தவரை முஸ்லிம்கள் இஸ்லாத்திலிருந்து வெகுதூரம் விலகிச் சென்றுவிட்டார்கள். பல நூற்றாண்டுகள் இப்படியே வாழ்ந்து விட்டார்கள். இஸ்லாத்தை ஏற்று வாழும் முஸ்லிம்கள் எனப்படுவோர் ஏதோ ஒரு குறிப்பிட்ட நிலப்பரப்பில் வாழ்வோர் எனக் குறிப்பிடப்படுவதில்லை. அல்லது இன்ன காலகட்டத்தில் வாழ்ந்தவர்களுக்குப் பெயர் தான் முஸ்லிம்கள் எனக் குறிப்பிடப்படுவதுமில்லை. அது இஸ்லாம் என்ற கொள்கையை யதார்த்த வாழ்க்கையில் ஏற்று எல்லா நிலைகளிலேயும் அதை நடைமுறைப்படுத்தி வாழும் ஓர் சமுதாயத்தின் பெயர். ஆகவே இந்த சமுதாயம் எந்த அளவிற்கு இஸ்லம் சொன்ன கொள்கைகளை எடுத்து வாழ்கின்றது என்பதைக் கொண்டே அந்தக் கொள்கையின் பலமும் பலவீனமும் நிர்ணயிக்கப்படுகின்றது.

· எந்தச் சமுதாயத்தின் சிந்தனை முற்றாக இஸ்லாத்தின் அடிப்படையில் அமைந்திருக்கின்றதோ

· எந்தச் சமுதாயத்தின் வாழ்க்கை முற்றாக இஸ்லாத்தின் வழிகாட்டுதலின் வழி அமைந்திருக்கின்றதோ

· எந்தச் சமுதாயத்தின் இங்கிதங்கள் இஸ்லாத்தின் அடிப்படையில் அமைந்திருக்கின்றதோ

· எந்தச் சமுதாயத்தில் வழக்குகளும் பிணக்குகளும் அல்லாஹ்வும் அவனுடைய திருத்தூதரும் வழங்கியதைக் கொண்டு தீர்க்கப்படுகின்றனவோ

· எந்தச் சமுதாயத்தின் கட்டுப்பாடுகள் இஸ்லாத்தின் அடிப்படையில் அமைந்திருக்கின்றனவோ

· எந்தச் சமுதாயத்தின் இன்பமும் துன்பமும் இஸ்லாத்தின் அடிப்படையில் அமைந்திருக்கின்றனவோ

- அந்தச் சமுதாயமே இஸ்லாமிய சமுதாயம்.

இந்தப் பொன்னரிய வழிகாட்டுதலை முஸ்லிம்கள் புறக்கணித்து வாழ்ந்து வந்தால் நிச்சயமாக இறைவனின் தூதர் (ஸல்) அவர்கள் உங்கள் மீது சாட்சியாக இருக்கின்றார்கள் எச்சரிக்கை. முஸ்லிம் சமுதாயம் அதனுடைய அசல் வடிவை மீண்டும் பெற வேண்டும். அப்போது மட்டுமே அது உலகை வழி நடத்தும் பொறுப்பைப் பெற முடியும். அப்போது மட்டுமே அந்தப் பொறுப்பை நிறைவேற்றிடும் தகுதியைப் பெற்றிட முடியும். பல நூற்றாண்டுகளாக தங்கள் கொள்கையிலே இருந்து தடம் மாறிப் போய் மனிதர்கள் கண்டெடுத்த வழிமுறைகளிலும் பழக்கவழக்கங்களிலும் தங்களை புதைத்துக் கொண்ட முஸ்லிம் சமுதாயத்தை மீட்க வேண்டும். தனக்குக் கொஞ்சமும் சம்பந்தமில்லாத இஸ்லாத்தோடு எந்த விதத்திலேயும் தொடர்பில்லாத கொள்கைகளின் அழுத்தத்தால் தனதின் தன்மை(களை)யை இழந்து நிற்கும் இந்த முஸ்லிம் சமுதாயத்தைப் புனரமைத்துப் புடம் போட வேண்டும். இப்படி இஸ்லாத்திற்கு வெகு தூரத்தில் வாழ்ந்து கொண்டே நாங்கள் இஸ்லாமியப் பெருங்குடியினர் எனச் சொல்லிக் கொண்டிருக்கின்;றனர் முஸ்லிம்கள். இஸ்லாத்தை விட்டுப் பிரிந்து விலகி வாழ ஆரம்பித்த காலத்திலே தான் மேலைநாடுகள் விஞ்ஞானத்தில் சாகசங்களை நிகழ்த்தி உலகில் விரிந்து பரந்து உலகத் தலைமையைக் கைப்பற்றிக் கொண்டன. கிடைக்கவியலாத இந்த இணையற்ற வழிகாட்டுதலாம் இஸ்லாத்தை விட்டு வாழ்ந்து கொண்டிருக்கும் இந்த முஸ்லிம் சமுதாயத்தைச் சீரமைப்பதற்கும் அது உலகத் தலைமையை ஏற்பதற்கும் இடையே அகன்றதோர் இடைவெளி இருக்கின்றது. என்றாலும் முஸ்லிம்களைப் புனரமைப்பது என்பது அவசியம் நிறைவேற்றியாக வேண்டியதொரு கடமை. அதற்கான முயற்சிகளை முறையாக உடனேயே ஆரம்பித்தாக வேண்டும். இந்த முயற்சிகளை ஆரம்பிப்பதற்கு முன்னால் நாம் எந்த அடிப்படைகளில் இந்தச் சீரமைப்பை ஆரம்பிக்க வேண்டும் என்பதைத் தெளிவாகத் தெரிந்திட வேண்டும். ஏனெனில் நாம் எடுத்த எடுப்பிலேயே தவறுகளைச் செய்திடக்கூடாது. அறிவுத் துறையில் விஞ்ஞான வானத்தில் அதிசயங்களை இஸ்லாமிய சமுதாயம் செய்து காட்டி மேலைநாடுகளை தலைகுனியச் செய்திட வேண்டும் என்றில்லை. இதை இப்போது இஸ்லாமிய சமுதாயம் செய்திடவும் முடியாது. இப்படியொரு போட்டியில் இறங்கியாக வேண்டும் என்பது அவசியமும் இலலை. ஏனெனில் இந்தப் போட்டியில் இறங்கி அதில் வென்றால் தான் உலகத் தலைமையைக் கைப்பற்றலாம் என்றொரு நிலை இங்கே இப்போது இல்லை. இப்படிச் சொல்லி விடுவதால் நாம் அறிவுத்துறையைப் பற்றிக் கவலைப்படாமல் இருந்திடலாம் என்றில்லை. அந்தத் துறையில் அமிழ்ந்திருக்கும் அழிவு சக்திகளை அப்புறப்படுத்தி அந்தத் துறையில் இன்னும் பல அதிசயங்களை நிகழ்த்தி மனித இனம் வாழ வழிகாட்டிட வேண்டும். எனினும் அதற்கு முன் இன்றைய உலகம் தடந்தெறியாமல் தட்டுத் தடுமாறி நிற்கின்றதே அதனை நிலைபெறச் செய்து நிலையாக வாழ வைக்கும் உன்னதமான மாண்புமிக்க பண்பாடு கலாச்சாரம் ஆன்மீக வழிகாட்டுதல் நம்மிடமிருக்கின்றன. இவற்றைச் செயல்படுத்திக் காட்டிட வேண்டியது அதைவிட அவசர அவசியம். இஸ்லாமிய சமுதாயத்தைப் புனரமைத்திடவும் ஓர் இஸ்லாமிய எழுச்சியை ஏற்படுத்திடவும் சில மைல்கற்களை இங்கே தொகுத்திருக்கின்றேன். இந்த மைல்கற்கள் ஓர் இஸ்லாமிய எழுச்சிக்குக் கட்டியங் கூறிடும். இதில் நான்கு அத்தியாயங்களை நான் எழுதிய திருக்குர்ஆனின் நிழலில்.. என்ற திருமறை விளக்கத்திலிருந்து எடுத்துத் தந்துள்ளேன்.

இந்த நான்கு அத்தியாயங்கள்

(1) புரட்சி – திருக்குர்ஆனின் வழியில்
(2) இஸ்லாமிய கோட்பாடுகளும் கலாச்சாரமும்
(3) அல்லாஹ்வின் வழியில் போர்
(4) முஸ்லிம் சமுதாயத்தின் புனரமைப்பும் அதன் இயல்புகளும்

ஏனைய அத்தியாயங்கள் ஆழ்ந்த சிந்தனைக்குப்பின் நான் எழுதியவை. ஓர் இஸ்லாமிய எழுச்சிக்கு இவை மைல்கற்களாக அமையும் என விழைகின்றேன். இன்னும் சில அத்தியாயங்களை இனிவரும் நாளில் இணைக்க இருக்கின்றேன்.

(இந்நூலையே காரணங்காட்டி செய்யித் குதூப் அவர்கள் தூக்கிலிடப்பட்டுவிட்டதால் இந்த அத்தியாயங்களை எழுதிட அவர்கள் உயிருடன் இருக்கவில்லை)

அல்லாஹ் இதனை நிறைவானதாக ஆக்குவானாக. அறுதியான அறிவும் வழிகாட்டுதலும் அல்லாஹ்விடமிருந்து கிடைப்பனவே.

இவன்
உங்கள் உடன் பிறப்பு
செய்யித் குதுப்.

தொடர்ந்து வரும்...

பெற்றோரைப் பேணி நடந்தால் மறுமையில் சுவர்க்கம்!

noreply@blogger.com (almanjakollai) — Sun, 24 Mar 2013 17:15:00 +0000

நமது பெற்றோரைக் கவனிப்பது எந்தளவுக்கு சிறந்தது என்றால் ஹிஜ்ரத், ஜிஹாத் செய்வதைவிட சிறந்தது.

இன்றைய கால கட்டங்களில் நாம் சாலையோரம் அன்றாடம் பார்க்கும் ஒரு வாடிக்கையான காட்சி முதியோர்கள் முருங்கைக்காயை விற்கும் நிலை. முதியோர்கள் பிறரிடம் கையேந்தி நிற்கும் நிலை. முதியோர்கள் கவனிப்பாரற்று தெருவில் கிடக்கும் நிலை. ஏன் இந்தநிலை? அவர்கள் பெற்றெடுத்த பிள்ளை அவர்களை கவனிக்காதது தான் இதற்குக் காரணம்.

தாரம் வரும் முன்பு பெற்றோராய் கண்ணுக்குத் தெரிந்தவர்கள் தாரம் வந்த பின்பு வேற்றோராய் தெரிகிறார்கள் .

பத்து மாதம் சுமந்து பல துயரங்களையும் தாங்கிக் கொண்டு பிள்ளையை பெற்றெடுத்த தாய் பகல் இரவாய் கண் விளித்து ஈ எறும்பு கடிக்காமல் வளர்த்து மேதினியில் கல்வி பெற வைத்து சொந்த காலில் நிற்கும் வரை ஆளாக்குகிறாள். தந்தை தன் இளமையை வீணடித்து தன் சுகம் முக்கியமல்ல தன் பிள்ளையின் சுகமே தன் சுகம் என்று எண்ணி ஊரை விட்டு ஊர் கடந்து தன் தாய் நாட்டை விட்டு வேறு நாட்டை நோக்கி சென்று உழைத்து தன் பிள்ளைக்குப் பிடித்த பொருள் வாங்கிக் கொடுத்து தன்னை ஆளாக்குகிறார்கள் .

அந்த பெற்றோர் இவ்வளவு கஷ்டப்படுவது எதற்கு? தன்னை தன் பிள்ளை வயோதிராக ஆகும் போது கவனிக்க வேண்டும் என்பதற்காகத் தானே.

அந்த பெற்றோர் தான் முதிய வயதையடையும் போது தம்மை தம் குழந்தை கவனிக்காது என்று நினைத்து தனக்கு சேமித்து வைத்திருக்கலாமே.

அப்படி சேமித்து வைக்காமல் தன் பிள்ளை ஆசைப்படும் பொருளையெல்லாம் தனக்கென்றில் லாமல் வாங்கி கொடுக்க வேண்டும் என்பதற்காக கடன் வாங்கி கொடுக்கிறார்கள் .

நம்மை சிறுவயதில் கவனிக்காமல் சாப்பாடு போடாமல் படிக்க வைக்காமல் இருந்திருந்தால் நம் நிலை என்னவாகும் என்று சிந்தித்தோமா?

வறுமையில் இருக்கும் பலர் தன் தாயை, தந்தையை கண்ணுக்குள் போற்றி வைக்க முடியலையே என்று கவலையாகிறார்கள் . ஆனால் வசதி படைத்தவர்கள் தன் தாயை, தந்தையை முதியோர் காப்பகத்தில் போய் சேர்த்து விடுகிறார்கள். அல்லது மாத சம்பளத்திற்கு ஆளை வைத்து விட்டு, பெற்றோரை ஏறெடுத்தும் பார்ப்பதில்லை. இன்னும் சிலர் மாதத்திற்கொரு முறை 500 ரூபாயை அனுப்பி விட்டு தனது பொறுப்பு நீங்கிவிட்டது என்று எண்ணுகிறார்கள்.

முதிய வயதை அடைந்து விட்டால் அவர்கள் சிறு பிள்ளைக்கு சமமானவர்களே! சின்ன பிள்ளை நம்மை ஏதாவது சொன்னால் பொறுத்துக் கொள்ளத் தானே செய்வோம். அதைப் போன்று தான் பெற்றோர் எதையாவது சொன்னால் பொறுக்க வேண்டும். அதை விட்டு விட்டு, ஏய் கிளவி! ஏய் கிளடு! வாயை மூடு. எங்கையாவது ஒழிந்து போ, செத்து தொலை என்றெல்லாம் கூறக்கூடாது.

உம்முடைய ரப்பு அவனைத் தவிர (வேறு எவரையும் எதனையும்) வணங்கலாகாது என்று விதியாக்கியுள்ளான். இன்னும் தாய் தந்தையருக்கு (நன்கு) உபகாரம் செய்ய வேண்டும் என்றும் (விதியாக்கி யுள்ளான்) அவ்விருவரில் ஒருவரோ அல்லது அவ்விருவருமோ உம்மிடத்தில் திண்ணமாக முதுமையை அடைந்து விட்டால் அவர்களை (நோக்கி) ‘சீ...‘ என்று சொல்ல வேண்டாம். அவ்விருவரையும் விரட்டாதீர்கள் . அவ்விருவருக்கும் கண்ணியமான சொல்லைக் கூறவும். (அல்குர் ஆன் 17:23)

பெற்றோர் தன் பிள்ளை வாந்தி எடுக்கும் போதும், மலஜலம் கழிக்கும் போதும் சுத்தம் செய்கிறார்கள் . அறுவறுப்பு படுவதில்லை. வெறுக்கவில்லை. நாறுதே என்று திட்டவில்லை. விரட்டவில்லை. ஆனால் அவர்கள் முதியோராய் மாறி மேற்கண்ட செயலை செய்தால் முகம் சுளித்து திட்டித்தீர்த் து விடும் நிலை. அன்று அவர்கள் நம்மை இதைப் போன்று திட்டி தீர்த்து சுத்தம் செய்யாமல் இருந்திருந்தால் நாம் எப்படி இருந்திருப்போம். சிந்திக்க வேண்டுமே!

தாய் தனது வயிற்றில் கருவை சுமந்தவுடனேயே வாந்தி எடுக்கிறாள். எதையும் சாப்பிட முடிவதில்லை. நெஞ்சு எரிச்சல். வயிற்று வலி என்று ஒவ்வோரு வேதனையையும் அடைந்து தன்னை பெற்றெடுக்கிறாளே! அப்படிப் பட்ட தாய்க்கு நன்றி செலுத்தாமல் வீட்டை விட்டும் வெளியேற்றுகிறோமே! இது நியாயமா?

மனிதனுக்கு அவனுடைய பெற்றோரைக் குறித்தும் வலியுறுத்தியுள்ளோம். அவனை அவனது தாய் பலவீனத்துக்கு மேல் பலவீனப்பட்டவளாகச் சுமந்தாள். அவன் பாலருந்தும் பருவம் இரண்டு ஆண்டுகள். எனக்கும், உனது பெற்றோருக்கும் நன்றி செலுத்துவாயாக! என்னிடமே திரும்பி வருதல் உண்டு. (அல்குர் ஆன் 31:14)

பெற்றோரை கவனிப்பது ஆண் மக்களா? பெண் மக்களா? என்பதிலும் பிரச்சினை. பெண் பிள்ளைதான் தாயைக் கவனிக்க வேண்டும் என்று ஆண் வர்க்கத்தினரில் சிலர் கூறுகிறார்கள். ஆண் பிள்ளைதான் கவனிக்க வேண்டும் என்று பெண் வர்க்கத்தினரில் சிலர் கூறுகிறார்கள். ஆக ஒருவரையொருவர் குற்றம் சாட்டி தன் கடமையிலிருந்து தப்பிக்க நினைக்கின்றனர்.

ஆணுக்கும் பெண்ணுக்கும் தன் பெற்றோரைக் கவனிப்பது கடமை, ஓர் ஆண் தனது மனைவியிடம் தன் தாயை கவனிக்க சொல்ல வேண்டும். தன்னால் முடிந்த உதவிகளை செய்ய வேண்டும். பெண் தனது கணவரிடத்தில் தன் தாயை கவனிக்க வேண்டுதலை விடுக்க வேண்டும்.

ஒரு மனிதர் அண்ணல் நபி ஸல்லல்லாஹு அலைஹி வஸல்லம் அவர்கள் சமூகத்திற்கு முன்னோக்கி வந்து கூறினார்கள் இறைத்தூதர் அவர்களே) அல்லாஹதா ஆலாவிடம் நற்கூலியைத் தேடியவனாக ஹிஜ்ரத் செய்யவும் ஜிஹாத் செய்யவும் தங்களிடம் உறுதிப் பிரமாணம் செய்கிறேன்.

அப்பொழுது அண்ணல் நபி ஸல்லல்லாஹு அலைஹி வஸல்லம் அவர்கள் உம் பெற்றோரில் யாரும் உயிருடன் உள்ளனரா? என்று வினவினார்கள். அதற்கு அவர் ஆம்! இருவரும் உள்ளனர் என்றார். நீ அல்லாஹ்விடம் நற்கூலியைத் தேடுகின்றீரா? என்று வினவினார்கள். அதற்கவர் ஆம் என்று கூறினார். அப்படியானால் உம் பெற்றோரிடம் திரும்பிச் சென்று அவ்விருவரிடமும் அழகிய தோழமையை கடைப்பிடிப்பீராக என அண்ணல் நபி ஸல்லல்லாஹு அலைஹி வஸல்லம் அவர்கள் பகர்ந்தார்கள். (அறிவிப்பாளர்: அப்துல்லாஹ் இப்னு அம்ரு இப்னு ஆஸ் ரளியல்லாஹு அன்ஹு, நூல்கள்: புகாரி, முஸ்லிம்)

அண்ணல் நபி ஸல்லல்லாஹு அலைஹி வஸல்லம் அவர்கள் கூற நான் செவிமடுத்துள்ளேன் . உங்களுக்கு முன் வாழ்ந்த மக்களில் மூவர் வெளியே நடந்து சென்றார்கள். இரவு நேரமாகி விட்டதால் ஒரு குகையில் இரவைக் கழிக்க நாடி அதனுள் நுழைந்தனர். அப்பொழுது ஒரு பாறாங்கல் மலையிலிருந்து உருண்டோடி வந்து அக்குகையில் வாசலை அடைத்துக் கொண்டது. அப்பொழுது அவர்கள் (ஒருவருக்கொருவர்) கூறிக் கொண்டனர். நீங்கள் ஒவ்வொருவரும் உங்கள் நல் அமல்களைக் கொண்டு அல்லாஹூ தாஆலாவிடம் துஆச் செய்தாலே தவிர நீங்கள் ஈடேற்றம் பெற முடியாது.

அப்பொழுது அவர்களில் ஒருவர் கூறினார் இறைவா! எனக்கு வயது முதிர்ந்த பெற்றோர் இருந்தனர். அவ்விருவரையும் முந்தி என் குடும்பத்தினருக்கோ எனது அடிமைகளுக்கோ நான் பாலைப் புகட்டமாட்டேன் . ஒருநாள் நான் விறகைத் தேடி வெகுதூரம் சென்று விட்டேன். (இரவில் வெகு நேரம் கழிந்து அவ்விருவரும் உறங்கிய பின்னரே நான் வீடு திரும்பினேன். அவர்களுக்கு (புகட்டுவதற்காக) பாலைக் கறந்தேன். அப்பொழுது அவ்விருவரும் உறங்கிக் கொண்டிருந்தனர். அவர்களை உறக்கத்தில் இருந்து எழுப்புவதையும் அவர்களுக்கு முந்தி என் குடும்பத்தார்களுக்கும் என் அடிமைகளுக்கும் பாலைப் புகட்டுவதையும் வெறுத்தேன். பால் சட்டியை கையிலேந்தியவனாக வைகரைப் பொழுது வரை அவர்கள் விழிப்பதை எதிர்ப்பார்த்துக் கொண்டேயிருந்தேன். அப்பொழுது என் குழந்தைகள் எனது காலடியில் பசியால் கத்திக் கொண்டிருந்தனர். (வைகறைப் பொழுதின் நேரத்தில்) அவ்விருவரும் எழுந்து பாலைப் பருகினார்கள்.

இறைவா! இதனை நான் உனது திருப்பொருத்ததை நாடிச் செய்திருந்தால் இந்தப் பாறாங்கல்லை எங்களை விட்டு அகற்றுவாயாக என்று கூறினார்கள். அப்பொழுது அந்தப் பாராங்கல் ஓரளவு நகர்ந்ததுஸ. (அறிவிப்பவர்: உமர் இப்னு கத்தாப் ரளியல்லாஹு அன்ஹு, நூல்கள்: புகாரி, முஸ்லிம்)

அல்லாஹ்வின் திருப்பொருத்தத் தை நாடி பெற்றோருக்கு நன்மை செய்தால் மாபெரும் கஷ்டம் வந்தாலும் அல்லாஹ் காப்பாற்றுவான் .

பெற்றோருக்கு சேவை செய்தல் என்ற நல்லமல் செய்தால் சுவர்க்கம். இல்லையேல் நரகம்.

நபி ஸல்லல்லாஹு அலைஹி வஸல்லம் அவர்கள் கூறினார்கள், வயது முதிர்ந்த தன் பெற்றோர் இருவரையோ, அல்லது ஒருவரையோ பெற்றிருந்தும் சுவனம் செல்லாமல் போய் விட்ட மனிதன் நாசமடைவானாக! பின்னர் நாசமடைவானாக! பின்னர் நாசமடைவானாக. (அறிவிப்பவர்: அபூஹுரைரா ரளியல்லாஹு அன்ஹு, நூல்: முஸ்லிம்)

அல்லாஹ்வும் அல்லாஹ்வுடைய தூதரும் சொன்னவைகளை வாழ்வில் நடைமுறைப் படுத்தி எந்த சாக்குபோக்கும் சொல்லாமல் கனிவு மற்றும் பாசம் என்ற இறக்கையை விரித்து பெற்றோருக்கு பணிவிடை என்ற நல்லமல் செய்து சுவனம் என்ற நற்கூலியை பெற முயற்சிப்போமாக.

இஸ்லாம் கூறும் தண்ணீரின் தன்மைகள் .....

noreply@blogger.com (almanjakollai) — Fri, 22 Mar 2013 16:55:00 +0000

அன்றியும், வானங்களையும் பூமியையும் படைத்து, உங்களுக்கு வானத்திலிருந்து மழையை இறக்கி வைப்பவன் யார்? பின்னர் அதைக் கொண்டு செழிப்பான தோட்டங்களை நாம் முளைக்கச் செய்கிறோம். அதன் மரங்களை முளைக்கச் செய்வது உங்களால் முடியாது. (அவ்வாறிருக்க) அல்லாஹ்வுடன் (வேறு) நாயன் இருக்கின்றானா? இல்லை! ஆயினும் அவர்கள் (தம் கற்பனை தெய்வங்களை அல்லாஹ்வுக்கு) சமமாக்கும் மக்களாகவே இருக்கிறார்கள்.27:60

பூமியானது காய்ந்து வரண்டு கிடப்பதை நீர் பார்ப்பதும் அவனுடைய அத்தாட்சிகளில் நின்றுள்ளதாகும் அதன் மீது நாம் மழையை பொழியச் செய்தால், அது (புற் பூண்டுகள் கிளம்பிப்) பசுமையாக வளர்கிறது (இவ்வாறு மரித்த பூமியை) உயிர்ப்பித்தவனே, நிச்சயமாக இறந்தவர்களையும் திட்டமாக உயிர்ப்பிக்கிறவன் நிச்சயமாக அவன் எல்லாப் பொருட்கள் மீதும் பேராற்றல் உடையவன்.41:39

அன்றியும், நீங்கள் குடிக்கும் நீரைக் கவனித்தீர்களா?56:68

(நபியே!) நீர் கூறும்: உங்களின் தண்ணீர் பூமியினுள் (உறிஞ்சப்பட்டுப்) போய்விட்டால், அப்பொழுது ஓடும் நீரை உங்களுக்குக் கொண்டு வருபவன் யார்? என்பதை கவனித்தீர்களா? என்று (எனக்கு அறிவியுங்கள்).67:30

அதிலிருந்து அதன் தண்ணீரையும், அதன் மீதுள்ள (பிராணிகளுக்கான) மேய்ச்சல் பொருள்களையும் அவனே வெளியாக்கினான்.79:31

இன்னும், பூமியில் அருகருகே இணைந்தார்போல் பல பகுதிகளை (அமைத்து, அவற்றில்) திராட்சைத் தோட்டங்களையும், விளைநிலங்களையும், கிளைகள் உள்ளதும், கிளைகள் இல்லாததுமான பேரீச்சை (வர்க்கத்தை)யும் (அவனே உண்டாக்கினான்; இவையனைத்திற்கும்) ஒரே தண்ணீர் கொண்டு தான் பாய்ச்சப்பட்டாலும், அவற்றில் சிலவற்றை வேறு சிலவற்றை விட சுவையில் நாம் மேன்மையாக்கியிருக்கின்றோம்; நிச்சயமாக இவற்றில் உணர்ந்தறியும் மக்களுக்கு பல அத்தாடசிகள் இருக்கின்றன.13:4

அவன்தான் வானத்திலிருந்து மழையை இறக்கினான்; அப்பால் ஓடைகள் அவற்றின் அளவுக்குத் தக்கபடி (நீரைக் கொண்டு) ஓடுகின்றன அவ்வெள்ளம் நுரையை மேலே சமந்து செல்கிறது (இவ்வாறே) ஆபரணமோ அல்லது (வேறு) சாமான் செய்யவோ (உலோகங்களை) நெருப்பில் வைத்து உருக்கும் போதும் அதைப் போல் நுரை உண்டாகின்றது இவ்வாறு சத்தியத்திற்கும், அசத்தியத்திற்கும் அல்லாஹ் (உவமை) கூறுகிறான்; அழுக்கு நுரை (பலனற்றதாக இருப்பதால்) அழிந்துபோய் விடுகிறது ஆனால் மனிதர்களுக்குப் பலன் அளிக்கக் கூடியதோ, பூமியில் தங்கி விடுகிறது இவ்வாறே அல்லாஹ் உமமைகளைக் கூறுகிறான்.13:17

இன்னும் காற்றுகளை சூல் கொண்ட மேகங்களாக நாமே அனுப்புகிறோம்; பின்னர் வானத்திலிருந்து நாம் மழை பொழிவித்து, அதனை உங்களுக்கு நாம் புகட்டுகிறோம் - நீங்கள் அதனைச் சேகரித்து வைப்பவர்களும் இல்லை.15:22

அவனே வானத்திலிருந்து மழையைப் பொழியச் செய்கிறான்; அதிலிருந்து உங்களுக்கு அருந்தும் நீரும் இருக்கிறது அதிலிருந்து (உங்கள் கால்நடைகளை) மேய்ப்பதற்கான மரங்கள் (மற்றும் புற்பூண்டுகளும் உண்டாகி) அதில் இருக்கின்றன.16:10

"அல்லது அதன் நீர் முழுதும் உறிஞ்சப்பட்டதாகி - அதை நீ தேடிக்கண்டு பிடிக்க முடியாதபடியும் ஆகிவிடலாம்" என்று கூறினான்.18:41

நிச்சயமாக வானங்களும், பூமியும் (முதலில்) இணைந்திருந்தன என்பதையும், இவற்றை நாமே பிரித்(தமைத்)தோம் என்பதையும், உயிருள்ள ஒவ்வொன்றையும் நாம் தண்ணீரிலிருந்து படைத்தோம் என்பதையும் காஃபிர்கள் பார்க்கவில்லையா? (இவற்றைப் பார்த்தும்) அவர்கள் நம்பிக்கை கொள்ள வில்லையா?21:30

(ஆனால்) நம்பிக்கை கொண்டு நற்கருமங்கள் செய்வோருக்கு நன்மாராயங்கள் கூறுவீராக! சதா ஓடிக்கொண்டிருக்கும் ஆறுகளைக் கொண்ட சுவனச் சோலைகள் அவர்களுக்காக உண்டு, அவர்களுக்கு உண்ண அங்கிருந்து ஏதாவது கனி கொடுக்கப்படும்போதெல்லாம் "இதுவே முன்னரும் நமக்கு (உலகில்) கொடுக்கப்பட்டிருக்கிறது" என்று கூறுவார்கள்; ஆனால் (தோற்றத்தில்) இது போன்றதுதான் (அவர்களுக்கு உலகத்திற்) கொடுக்கப்பட்டிருந்தன, இன்னும் அவர்களுக்கு அங்கு தூய துணைவியரும் உண்டு, மேலும் அவர்கள் அங்கே நிரந்தரமாக வாழ்வார்கள்.2:25

இன்னும், நாம் உங்களிடம் வாக்குறுதி வாங்கி, ´தூர் மலையை உங்கள் மேல் உயர்த்தி, "நாம் உங்களுக்கு கொடுத்த (வேதத்)தை உறுதியுடன் பற்றிக் கொள்ளுங்குள்; அதிலுள்ளவற்றை நினைவில் வைத்துக் கொள்ளுங்கள். (அப்படிச் செய்வீர்களானால்) நீங்கள் பயபக்தியுடையோர் ஆவீர்கள்" (என்று நாம் கூறியதையும் நினைவு கூறுங்கள்).2:63

மேலும், வானத்திலிருந்து நாம் திட்டமான அளவில் (மழை) நீரை இறக்கி, அப்பால் அதனைப் பூமியில் தங்க வைக்கிறோம்; நிச்சயமாக அதனைப் போக்கிவிடவும் நாம் சக்தியுடையோம்.23:18

இன்னும், அவன்தான் தன்னுடைய கிருபை (மழை)க்கு முன்னே காற்றுகளை நன்மாராயமாக அனுப்பி வைக்கின்றான்; மேலும், (நபியே!) நாமே வானத்திலிருந்து தூய்மையான நீரையும் இறக்கி வைக்கிறோம்.25:48

இன்னும் அவன்தான் மனிதனை நீரிலிருந்து படைத்து, பின்னர் அவனுக்கு வம்சத்தையும், சம்பந்தங்களையும் ஏற்படுத்துகிறான்; மேலும் உம்முடைய இறைவன் பேராற்றலுள்ளவன்.25:54

சிந்தியுங்கள் சகோதர ...சகோதரிகளே படைத்த இறைவனின் அத்தாட்சிகளை .........

மஞ்சகொல்லையில் ஒரு புதிய உதயம்

noreply@blogger.com (almanjakollai) — Wed, 20 Mar 2013 11:19:00 +0000

ஆண்களுக்கான விசேஷ உணவு :-

noreply@blogger.com (almanjakollai) — Sat, 16 Mar 2013 17:17:00 +0000

பெண்களுக்கு பல பொறுப்புகள் உள்ளன. குடும்ப பராமரிப்பு, மகப்பேறு, குழந்தைகளை வளர்த்தல் முதலியன. ஆனால் ஆண்களுக்கு உள்ள பெரும் பொறுப்பு பாலியல் உறவில் மனைவியை மகிழ்விப்பது! அதில் சிறிய குறைபாடு இருந்தால் கூட ஆண்கள் மனமுடைந்து போகின்றனர். எனவே தான் ஆதி காலத்திலிருந்து பாலுணர்வை தூண்டி உடலுறவை மேம்படுத்தும் உணவு, மருந்துகளை ஆண்கள் அதிகமாக நாடுகின்றனர். தங்கபஸ்பம், சிட்டுக்குருவி லேஹியம் முதலியன ஆணுக்கான “ரகசிய” மருந்துகளாக இருந்தன.

கஜுராஹோவையும், காம சூத்திரத்தையும் உலகுக்கு அளித்த நம் தேசத்தில் 30 கோடி ஜனங்கள் பாலியல் குறைபாடுகளுடன் வாழ்கின்றனர். புராதன இந்திய சமையல் குறிப்புகளில், காதலை தூண்டும் உணவுக் கலவையாக கருமிளகு, தேன், மிளகாய் முதலியன கூறப்படுகின்றன.

உணவுகள் காதல் செயல்பாடுகளை தூண்டுமா என்ற கேள்விக்கு விஞ்ஞானத்தில் பதில் ஆமாம் அந்தந்த ஊருக்கு ஏற்றபடி காதல் உணவுகள் மாறுகின்றன. ஒட்டகத்தின் திமில் அரேபியர்களுக்கும் குங்குமப்பூ ஸ்பெயின் நாட்டவர்களுக்கும், கோகோ அஸ்டெக் இனத்தவருக்கும், பறவைக்கூடு சூப் சீனர்களுக்கும் முறையே ஆண்மைக்குறைவுக்கு மருத்துவ உணவாக கருதப்படுகின்றன.

சில பிரசித்தி பெற்ற உணவுகள்

ஆயுர்வேதத்தின் படி கோதுமை அரிசி, உளுத்தம் பருப்பு இவை ஆண்மையை ஊக்குவிக்கும், விந்துவின் தரத்தை உயர்த்தும்.

சோம்பு சமையலிலும் பயன்படுகிறது. மையலிலும் பயனாகிறது! இதன் விதைகளை உறிஞ்சி உண்டால் ஆசை அதிகமாகும்.

அஸ்பாரகஸ் சுவைவயுள்ள தோட்டக் கீரை.

பாதாம் பருப்பு – தொன்று தொட்டு ஆண்மையையும், மக்களைப் பெற சக்தி அளிக்கும் உணவாக கருதப்படுகிறது.

வாழைப்பழம் – வாழைப்பழத்தில் உள்ள பொட்டாசியமும் ‘பி’ விட்டமின்களும் செக்ஸ் ஹார்மோனை தயாரிக்கத் தேவை. எனவே வாழைப்பழம் ஒரு ஆண்மையை பெருக்கும் முக்கியமான பழம்.

துளசி – உடல் ஆரோக்கியத்தை பாதுகாப்பது துளசி. ஆண்களின் உடலுறவு ஆர்வத்தை தூண்டுகிறது.

சாக்லேட் – சாக்லேட்டில் தியோப்ரோமைன் இந்தப் பொருள் வேட்கையை பெருக்கும். தவிர சாக்லேட் ஒரு ஆன்டி – ஆக்சிடான்ட்.

காய்கறிகள் – பூமிக்கு அடியில் விளையும் கிழங்குகள், பூமியின் சக்தியை உறிஞ்சி, அதை நமக்களிக்கும். கேரட், முள்ளங்கி போன்றவை ஆண்மையை பெருக்கவல்லவை. தக்காளியும் சிறந்த பாலுணர்வு ஊக்கி. ஃப்ரான்ஸில் இதை ‘காதல் ஆப்பிள்’ – என்பார்கள். வெங்காயமும் தொன்றுதொற்று இந்தியாவில், எகிப்தில், அரேபியாவில் ஆண்மை ஊக்கியாக பயன்படுத்தப்பட்டு வரும் காய்கறியாகும். அதுவும் வெள்ளை வெங்காயம் சிறந்தது. வெள்ளை வெங்காயத்தை நெய்யில் வதக்கி உண்ண வேண்டும். ஆனியன் சூப் புத்துணர்ச்சி ஊட்டும். இவை தவிர குடமிளகாய், இஞ்சி, செலரி, வெள்ளரி, தனியா இவைகளும் உதவும். பிரசித்தி பெற்ற ‘அரேபிய இரவுகள்’ கதையில் ஒரு வியாபாரி 40 வருடங்களாக குழந்தையில்லாமல் இருந்து கொத்தமல்லி இலைகள் அடங்கிய மருந்தை உண்டு குழந்தை பெற்றுக் கொண்டதாக வருகிறது.

பழங்கள் – பப்பாளி, வாழைப்பழம், மாம்பழம், கொய்யாபழம் இவைகளும் சிறந்த இளமை காக்கும் பழங்கள். கொய்யாப்பழம் பெண்களின் ஜனனேந்திரிய உறுப்புக்களின் தசைகளை வலுப்படுத்தும். வாழைப்பழத்தில் உள்ள ஒரு வேதிப்பொருள் செக்ஸ் உணர்வை அதிகரிக்கும்.

பால் சார்ந்த உணவுகள் – பால் அதுவும் எருமைப்பால், தயிர்(பகலில்) மோர், வெண்ணை, நெய் இவை இல்லாமல் இந்திய உணவுகள் இல்லை. இவையெல்லாம் உடலுறவுக்கு வலிமை ஊட்டும் உணவுகள்.

மாமிசங்கள், மீன் – மாமிச வகைகளில் நீர் வாழ் பிராணிகளின் மாமிசம் உண்பது நல்லது. கடல் மீன்களை விட நதிமீன்கள் பாலியல் உணர்வை தூண்டுபவை. கடல் முத்துசிப்பி, சிறந்த ஆண்மை பெருக்கியாக கருதப்படுகிறது.

வெற்றிலை – உணவுக்கு பின் தாம்பூலம் தரிப்பது உடலுறவு ஆசையை தூண்டும். ஆனால் பாக்கு, புகையிலை, ஆல்கஹால் இவை எதிர்மாறான விளைவுகளை உண்டாக்கும்.

தேன் – எகிப்தியர்கள் காலத்திலிருந்தே பல பழங்கால மருந்துகள் தேன் அடங்கியவை. தேனிலிருந்து தயாரிக்கப்பட்டது. இது காதல் உணவை அதிகப்படுத்தும் மருந்தாக கருதப்படுகிறது.

வாசனை திரவியங்கள் – ஜாதிக்காய், ஏலக்காய், குங்குமப்பூ, இலவங்கப் பட்டை இவைகளும் ஆசையை அதிகரிக்கும் குறிப்பாக ஜாதிக்காய் “விந்து முந்துதலை” தடுக்கும். இந்த வாசனை திரவியங்களை பாலுடன் சேர்த்து உட்கொள்ள வேண்டும். ஞாபக மிருக்கட்டும் – இலவங்கப்பட்டை தான் ஆசைய ஊக்குவிக்கும். அதன் இலைகள், எதிர்மாறாக ஆண்மை ஆசையை குறைத்து விடும்.

தற்கால உணவு நிபுணர்களின் கருத்து

ஆண்மை வீரியத்தை அதிகரிக்க துத்தநாகம் இன்றியமையாதது. சர்க்கரை, மைதா மாவு, பாலிஷ் செய்யப்பட்ட பச்சரிசிகளில் துத்தநாகம் குறைவு. இந்த தாதுப்பொருளின் குறைவு பெண்களின் மாதவிடாய் சுழற்சியையும் பாதிக்கும். முழுத்தானியங்களில் துத்தநாகம் இருந்தாலும் அவற்றில் உள்ள பொருள், உடல் துத்தநாகத்தை உட்கிரகிப்பதை தடை செய்யும். துத்தநாகம் உள்ள இதர பொருட்கள் – சிவப்பு மாமிசம், முத்துச்சிப்பிகள், பரங்கி விதைகள், அங்கக மாமிசங்கள், முட்டைகள்.

எல்லா பழங்களிலும் காய்கறிகளில் இருக்கும் பொட்டாசியம் ஆண்மை வீரியத்தை அதிகரிக்கும்.

செலினியம் உள்ள வெண்ணெய், மீன்கள், முழுக்கோதுமை, எள் முதலியவைகளும் காதல் உணவுகள்

மங்கனீஸ் அடங்கிய கொட்டைகள், விதைகள், முழுத்தானியங்கள் முதலியவைகளும் பாலியல் ஆற்றலுக்கு உதவும்.

பாஸ்பரஸ் (பரங்கிக்காய், முழுத்தானியங்கள், சூர்யகாந்தி விதைகள்) தாதுப்பொருளும் ‘தாது விருத்திக்கு’ உதவும்.

ஆண்மை வீரியத்திற்கு தேவையான விட்டமின்கள்

விட்டமின்கள்

விட்டமின் ‘இ’

விட்டமின் ‘சி’

விட்டமின் ‘ஏ’

விட்டமின் ‘பி’ காம்ப்ளெக்ஸ்

ஃபோலிக் அமிலம்

விட்டமின் பி 6

விட்டமின் பி 12

இருக்கும் உணவுகள்

முழுத்தானியங்கள், முட்டை, சர்க்கரைவள்ளிக்கிழங்கு, பாதாம், கீரைகள்
எல்லா காய்கறிகளும், பழங்களும் குறிப்பாக சிட்ரஸ் பழங்கள், தக்காளி, நெல்லி முதலியன

லிவர், முட்டைகள், சர்க்கரைவள்ளிக்கிழங்கு, கேரட், மீன் எண்ணெய்
முழுத்தானியங்கள், லிவர்

அஸ்பாரகஸ், இதர கீரைகள், முளைகட்டிய உணவுகள், முழுக்கோதுமை, சீஸ், பருப்புகள், முழுக்கோதுமை, தவிடு, பால், வாழைப்பழம், வேர்க்கடலை, உலர் திராட்சை, லிவர், கிட்னி, மாமிசங்கள், மீன், இறைச்சி

பால், பால் சார்ந்த உணவுகள், முட்டை, லிவர்

பாலியல் இச்சையை குறைக்கும் உணவுகள்

ஒரு சராசரி மனிதனுக்கு தேவையான புரதம், கார்போஹைடிரேட், கொழுப்பு, விட்டமின்கள், தாதுப்பொருட்கள் செறிந்த உணவுகளை தேவையான கலோரிகளில் எடுத்துக் கொள்ளாவிட்டால், உடல் ஆரோக்கியத்துடன் பாலியல் திறனும் சிதைந்து விடும். சர்க்கரை, மதுபானங்கள், காப்பியில் உள்ள காஃபின் முதலியவை, ஊட்டச்சத்து உணவை, உடல் உட்கிரகிக்க விடாது. இதனால் ஆரோக்கியம் குன்றினால் ஆண்மையும் குறையும். எனவே அதீத காதல் உணர்வுகளால் கஷ்டப்படுபவர்கள் இனிப்பு, சோயா நிறைந்த உணவுகளால் இச்சையை ஒரளவாவது கட்டுப்படுத்திக் கொள்ளலாம். பாலியல் ஆசையை கட்டுப்படுத்த உதவும் உணவுகளில் ஒன்று சோயாவிலிருந்து தயாரிக்கப்படும் “டோஃபு” (ஜிஷீயீ.). சோயா பால் மற்றும் டோஃபூ, உடல் துத்தநாகத்தை கிரகிப்பதை தடுக்கிறது. வெள்ளரிக்காய், டர்னிப், முட்டைக்கோஸ் போன்றவைகளும் செக்ஸ் ஆசையை குறைக்கிறது. இந்த உணவுகள் தைராய்டு செயல்பாடுகளை குறைக்கும். தைராய்டு தான் பாலியல் உணவுகளை கன்ட்ரோல் செய்கிறது.

நண்பர் வேண்டுக்கொலுக்கு இணங்க, இத் தகவல் இங்கு பதிவு செய்யப்படுகிறது.

ரேஷன் கடையில் "ஸ்டாக் தீந்து போச்சு"ன்னு சொல்றாங்களா

noreply@blogger.com (almanjakollai) — Sat, 16 Mar 2013 17:14:00 +0000

இதோ நீங்கள் செய்யவேண்டியது! !!

உங்கள் ரேஷன் கடையில் ஏதோ ஒரு பொருளை நீங்கள் வாங்கச் செல்கிறீர்கள், ரேஷன் கடை ஊழியர் உங்களிடம் நீங்கள் கேட்கும் பொருளின் ஸ்டாக் இல்லை, தீந்து போச்சு, இன்னும் வரல்ல என்ற பதில்களை கூறுகிறார்களா? உண்மை நிலவரத்தை அறிய "உணவுப்பொருள் வழங்கல் மற்றும் நுகர்வோர் பாதுகாப்புத் துறை" ஒரு முறையை அறிமுகப்படுத்தியுள்ளது.

உங்க மொபைல் போனை எடுங்க அதுல கீழ சொல்ற நம்பருக்கு கீழ வர்ற மாதிரி எஸ்.எம்.எஸ். அனுப்புங்க அவ்வளவுதான் மேட்டர் ஓவர்:

எஸ்.எம்.எஸ். அனுப்பவேண்டிய தொலைபேசி எண்: 9789006492, 9789005450, இந்த 2 நம்பர்ல ஏதாவது ஒரு நம்பருக்கு கீழ வர்ற மாதிரி எஸ்.எம்.எஸ். பண்ணுங்க:

[PDS] ஒரு ஸ்பேஸ் விடுங்க பிறகு [மாவட்டக்குறியீடு] அப்பறம் ஒரு ஸ்பேஸ் விடுங்க பிறகு [கடை எண்]. இதை டைப் செய்து அந்த தொலைபேசி எண்ணுக்கு அனுப்புங்க. மாலை 5 மணிக்குள்ள அனுப்பினீங்கன்னா உடனே பலன் கிடைக்கும்.

மாவட்ட எண், கடை எண் உங்கள் ரேஷன் கார்டிலேயே இருக்கும். (படத்தைப் பார்க்கவும்

தர்பூசணி உடல்நல நன்மைகள்:-

noreply@blogger.com (almanjakollai) — Wed, 13 Mar 2013 17:52:00 +0000

இதை நம்ம ஊரு வயாகரா என்றும் கூறலாம்

இனி கோடை காலம் வந்து விட்டது உடல் சூட்டைத்தணிக்க தர்பூசணி சாப்பிடலாம் என்று அனைவரும் எண்ணுவோம். நம் ஊரின் முக்கிய வீதிகளில் இப்பொழுதே தர்பூசணி கடைகள் முளைக்க ஆரம்பித்து விட்டது. தர்பூசணி வெய்யில் காலத்தில் அதிகம் உண்ணக்கூடிய உணவாகும். இதில் பல பயன்கள் உள்ளன.

நம் ஊரில் சர்வசாதாரணமாக கிடைக்கும் தர்பூசணி பழத்துக்கு ஆண்மையை அதிகரிக்கும் சக்தி உண்டு என்பதை அமெரிக்காவில் உள்ள இந்திய டாக்டர் தலைமையிலான மருத்துவக் குழு மேற்கொண்ட ஆராய்ச்சி முடிவில் தெரியவந்துள்ளது. ஆண்மையை தூண்டும் சக்தியை பொருத்தவரை, மேலை நாட்டு வயாகரா மாத்திரைக்கு நிகராக இன்னும் ஏன் அதனையே விஞ்சக்கூடிய தன்மை தர்பூசணி பழத்துக்கு உள்ளதாக கூறப்பட்டுள்ளது.

தர்பூசணியை பிழிந்தால் ஓர் சுவையான ஜூஸ் மட்டுமே கிடைக்கும் என்று நினைத்து கொண்டிருந்தவர் எல்லாம், 'ஐயையோ, இவ்வளவு நாளா இது தெரியாமல் போச்சே...!" என்று அங்கலாய்க்கும் தகவல் இது.

அதாவது, தர்பூசணி பழம் ஓர் இயற்கையான 'வயாக்ரா' என்பது தான்.

அமெரிக்காவில் உள்ள டெக்சாஸ் ஏ&எம் புரூட்ஸ் அண்ட் வெஜிடபிள் இம்ப்ரூவ்மெண்ட் மையத்தின் இயக்குனரான பீமு பாட்டீல் என்ற இந்தியர், இதுகுறித்து மேற்கொண்ட ஆய்வில் பல்வேறு ஆச்சரியமான தகவல்கள் தெரியவந்துள்ளன.

அதன்படி, தர்ப்பூசணியில் உள்ள ஃபைட்டோ - நியூட்ரியன்ட்ஸ் என்ற சத்துக்கள், உடம்பை ஆரோக்கியமாகவும், சுறுசுறுப்பாகவும் வைத்திருக்கின்றன.இதில் உள்ள மூலப்பொருட்கள் ரத்தம் வழியாக சென்று நரம்புகளுக்கு கூடுதல் சக்தியை தருகிறது. அதாவது, ஒரு வயாக்ரா மாத்திரையில் அடங்கியுள்ள சக்தி, தர்பூசணி பழத்திலும் இருப்பது தெரியவந்துள்ளது.

தர்பூசணிக்கு என்ன சிறப்பு?

தர்பூசணியில் வெறும் தண்ணீர் சத்துதான் உள்ளது. அதில் வேறு சத்து எதுவும் இல்லை என்று கூறி வந்தவர்களுக்கு இந்த புதிய தகவலை இன்ப அதிர்ச்சியாக அவர்கள் வெளியிட்டுள்ளார்கள். தர்பூசணிக்கு `ஆசையை' அதிகரிக்கும் ஆற்றலும் கூட உள்ளதாக அவர்கள் கூறுகிறார்கள்.

மனித உடலில் நல்ல மாற்றங்களை ஏற்படுத்தும் சத்து பொருள்கள் சில காய்கறிகளிலும், பழங்களிலும் உள்ளன. தர்பூசணியில் அதுபோல் உள்ள `சிட்ரூலின்' என்ற சத்துபொருள், வயாகராவை போல் ரத்த நாளங்களை விரிவடைய செய்து, ரத்த ஓட்டத்தை அதிகரிக்குமாம். தர்பூசணியை சாப்பிட்ட பிறகு, ஏற்படும் வேதியல் மாற்றம் காரணமாக `சிட்ரூலின்', `அர்ஜினைனாக' எனும் வேதிப்பொருளாக மாற்றப்படுகிறது. அது இதயத்துக்கும், ரத்த ஓட்டம் சம்பந்தமான உடல் உறுப்புகளையும் ஊக்குவிக்கிறது.
வெள்ளை பகுதியில்தான்...

இந்த சிட்ரூலின்-அர்ஜினைன் வேதி மாற்றமானது, சர்க்கரை நோய்க்காரர்களுக்கும், இதய நோயாளிகளுக்கும் கூட நன்மை பயக்குமாம். இதில், முக்கியமானது என்னவென்றால், தர்பூசணியில் உள்ள மேல்பகுதி அதாவது, வெண்மை பகுதியில்தான் ஆண்மையை அதிகரிக்கும் சத்து உள்ளதாம்.

இது தெரிந்தால் நம்மவர்கள், வாழைப்பழத்தை விட்டு தோலை மட்டும் சாப்பிடுவதைப் போல், தர்பூசணியின் சிவப்பு பகுதியை விட்டுவிட்டு வெறும் வெள்ளை பகுதியை மட்டுமே சாப்பிடுவார்கள் என்பது நிச்சயம்.

தர்பூசணியின் பயன்கள்:

கோடைக் காலத்தில் கிடைக்கும் தர்பூசணிப் பழம், உடலுக்குக் குளிர்ச்சியை தருவதோடு, இரும்புச் சத்தும் நிறைந்ததாகும். இதில் இருக்கும் இரும்புச் சத்தின் அளவு, பசலைக் கீரைக்கு சமமானதாகும். மிகச்சிறந்த விடமின் ஸீ யும் விடமின் அ (ஒரு துண்டு பழத்தில் 14.59 . ஆஃப் விடமின் ஸீ அண்ட் 556.32 . ஆஃப் விடமின் அ) இதில் உண்டு. இதைவிட தேவையான அளவு விடமின் ப்6 ம் விடமின் ப்1 ம், கனியுப்புக்களான . அண்ட் . மும் உண்டு.

பழத்தின், சிவப்பு பகுதியை மட்டும், கத்தியால் செதுக்கி எடுத்து, முள் கரண்டியால் விதைகளை நீக்கி விட்டு, துண்டுகளாக்கி அப்படியே சாப்பிடலாம்.
சிறிது உப்பும், மிளகுத்தூளும் அதன் மேல் தூவியும் சாப்பிடலாம்.

மிகவும் எளிமையான, புத்துணர்ச்சியூட்டும் பானமாகவும் தயாரிக்கலாம்.

விதை நீக்கப்பட்ட, தர்பூசணித் துண்டுகளை, மிக்ஸியில் போட்டு, ஒன்று அல்லது இரண்டு வினாடி ஓடவிட்டு, குளிர்பதனப் பெட்டியில் வைத்து பரிமாறலாம். விருப்பமானால், சிறிது சர்க்கரை, எலுமிச்சம் பழச்சாறு, ஒன்றிரண்டு புதினாத் தழையும் சேர்க்கலாம்.

வெப்பத்தை தணிக்க, இந்தப் பழத்தை வேண்டுமட்டும் உண்ணுங்கள். கோடையைக் கொண்டாடுங்கள்.

சீர்திருத்தம் தேவை !

noreply@blogger.com (almanjakollai) — Wed, 13 Mar 2013 02:53:00 +0000

இன்றைய காலத்துக்கு மிகவும் தேவையான கட்டுரை
சீர்திருத்தம் செய்யுங்கள்!
இஹ்யா உலூமித்தீனிலிருந்து...

[ ஒரு காலம் வரும். அப்போதைய மக்கள் எப்படி இருப்பார்கள் தெரியுமா? சீர்திருத்தக்கூடிய மனிதனைவிட அவர்கள் செத்த கழுதையை மேலானது என்று கருதுவார்கள்.

''தவறு நடப்பதை கண்டு உங்கள் மனம் புண்படுகிறதா? அப்படியானால் அந்த கூட்டத்தில் நீங்கள் கலந்து கொள்ளவில்லை என்பதே பொருள். உங்களை அந்த கூட்டத்தில் ஒருவராகக் கணக்கிட முடியாது. அதே சமயம் தவறு நடக்கும் இடத்தில் இல்லாத ஒருவன் அந்த தவறை மனத்தால் விரும்பி வரவேற்றால், அவன் அந்த கூட்டத்தில் ஒருவனாகக் கணிக்கப்படுகிறான்!'

அளவுக்கு மீறிய அட்டூழியம் நடந்த ஓர் ஊரை அழிக்குமாறு இறைவன் வானவர் ஒருவருக்கு செய்தியனுப்பினான். அந்த ஊரில் ஒரு நல்ல மனிதர் இருந்தார். அவரைச் சுட்டிக்காட்டி வானவர் இறைவனிடம் ''அவன் நல்ல மனிதன்; அவன் எந்த தவறும் செய்யவில்லையே!'' என்று கேட்டார். ''அவனையும் மற்றவர்களையும் சேர்த்து அழிக்கவே நான் கட்டளையிட்டேன். ஏனெனில் மக்கள் தவறு செய்வதை எண்ணிப்பார்த்து அவன் ஒருநாள் கூட வேதனைப் படவில்லை! என்று இறைவன் கூறினான் என்பதும் நபிமொழி.]

''மக்களை நன்மையின் பக்கம் அழைக்கக்கூடிய ஒரு குழு உங்களில் இருக்க வேண்டும்'' என்று திருக்குர்ஆன் கட்டளையிடுகிறது.

''அவர்கள் நல்லதை வலியுறுத்துவார்கள்; தீயதை தடை செய்வார்கள். இவர்களே வெற்றியாளர்கள்'' இந்த திருவசனம் மற்ற அனைத்தையும் விடத் தெளிவான ஆதரவை நமக்குக் கொடுக்கீறது.. ''ஒரு குழு உங்களுக்கு மத்தியில் இருக்க வேண்டும்'' எனும் வார்த்தைகள் சீர்திருத்த முயற்சியின் முக்கியத்துவத்தை எடுத்துரைக்கின்றன. இதே வார்த்தைகள் சமுதாயத்தில் ஒவ்வொருவரும் இந்த வழியில் இறங்க வேண்டியதில்லை - ஒரு சிலர் இறங்கினால் போதுமானது என்றும் தெளிவு படுத்துகின்றன.

எனவே சமுதாயத்தில் ஒருவர் அல்லது ஒரு குழு சீர்திருத்த முயற்சியில் இறங்க வேண்டியது கடமையாகும். இந்த கடமையை யாரும் செய்யவில்லை என்றால் சமுதாயத்த்ல் அத்தனை பேரும் குற்றவாளிகளாகிறார்கள்.

மற்றோர் இறை வசனத்தில் ''முஸ்லிம் ஆண்களும், முஸ்லிம் பெண்களும் சிலருக்குச் சிலர் நண்பர்கள்; அவர்கள் நன்மையை வலியுறுத்துவார்கள்; தீமையைத் தடை செய்கிறார்கள்; இறை வணக்கத்தை நிலைப்படுத்துவார்கள். சீர்திருத்த மனப்பான்மை உள்ளவர்களே உண்மையான முஸ்லிம்களாக இருக்க முடியும் என்ற உண்மை இங்கு சுட்டிக் காட்டப்படுகிறது. இதனை வெறுக்கிறவர்கள் சிறந்த முஸ்லிம்களாக இருக்க முடியாது. என்பது உட்கருத்து.

திருக்குர்ஆன் மீண்டும் பேசுகிறது; ''தமக்குக் கூறப்பட்டதை எல்லாம் அவர்கள் மறந்திருந்தபோது, தீமையைத் தடுத்து நிறுத்தியவர்களை நாம் காப்பாற்றினோம். அட்டூழியம் செய்தவர்களுக்கு நாம் கொடிய தண்டனை கொடுத்தோம். ஏனெனில், அவர்கள் தவறு செய்து கொண்டிருந்தார்கள்!''.

அல்லாஹ்வின் அன்பையும் அருளையும் பெற்றவர்கள் சிலர், தமக்குக் கூறப்பட்ட எச்சரிக்கைகளை எல்லாம் மறந்துதான் வாழ்ந்தார்கள். இருந்தும் அவர்களுக்கு அல்லாஹ்வின் உதவி கிடைத்துவிட்டது. அவன் அவர்களைக் காப்பாற்றி விட்டான். ஏன் தெரியுமா? தீமைகளை விட்டு விலகி நின்றார்கள்; தீமையைச் செய்யக்கூடாது என மக்களுக்கு போதித்தார்கள்.

மற்றொரு இறைவசனம் இப்படி கருத்துத் தெரிவிக்கிறது; ''உங்கள் முன்னோரில் உறுதியுள்ள சிலர் நாட்டில் நடக்கும் தீய விளைவுகளைத் தடுத்துக் கொண்டிராவிட்டால் அவர்களில் பெரும்பாலோர் அழிந்து போயிருப்பார்கள்!'' அழிவுக்குக் காரணம் சீர்திருத்த முயற்சியின்மை என்னும் உண்மை இங்கு வெளியிடப்படுகிறது.

''முஸ்லிம்களில் இரு சாரார் போரிட்டுக் கொண்டால் அவர்களுக்கு மத்தியில் சமாதானத்தை ஏற்படுத்துங்கள்'' என்று திருக்குர்ஆன் மற்றோர் இடத்தில் கூறுகிறது.

''முரண் வழியில் செல்லும் சாராரை எதிர்த்துப் போராடுங்கள்!'' என்று வேறொரிடத்தில் அது தீர்ப்பு கொடுக்கிறது.

அடுத்து பெருமானார் ஸல்லல்லாஹு அலைஹி வஸல்லம் அவர்களுக்கும் அவர்களின் தோழர்களுக்கும் நடந்த விறுவிறுப்பான உரையாடலைப் பார்ப்போம்.

''ஒரு காலம் வரும். அப்போது பெண்கள் துரோகம் செய்வார்கள். ஆண்கள் நேர்மையை மறந்து குற்றம் புரிவார்கள். மனப்பயிற்சிக்கு முற்றுப்புள்ளி வைப்பார்கள்.!'' என்று பெருமானார் ஸல்லல்லாஹு அலைஹி வஸல்லம் கூறினார்கள்.

''அப்படியா நடந்து விடப்போகிறது?'' நண்பர்கள் திகைத்தார்கள்.

''நடக்காமல் என்ன! இறைவன் மீது ஆணையிட்டுக் கூறுகிறேன், இதைவிட மோசமான சூழ்நிலை ஏற்படும்!''

''இதைவிட மோசமான சூழ்நிலையா!'' நண்பர்களின் திகைப்பு இன்னும் அதிகமானது.

''அப்போது மக்கள் நன்மையை எடுத்துக் கூறிச் சீர்திருத்தம் செய்ய மாட்டார்கள்; தீமையைத் தடுக்க மாட்டார்கள்!''

''அப்படியா!'' என்று மட்டுமே நபித்தோழர்களால் திகைப்பும் கவலையுமாக கேட்க முடிந்தது.

''அப்படியேதான்!'' என்றார்கள் பெருமானார் ஸல்லல்லாஹு அலைஹி வஸல்லம் அவர்கள்.

தொடர்ந்து; ''அப்போது நீங்கள் உலகில் இருந்தால், நல்லதை கெட்டது என்று கருதுவீர்கள்; கெட்டதை நல்லது என்று நம்புவீர்கள்!' என்றார்கள் அண்ணலம் பெருமானார் ஸல்லல்லாஹு அலைஹி வஸல்லம் அவர்கள்.

நபித்தோழர்களில் ஒருவர் கேட்டார், ''யா ரஸூலல்லாஹ்! அப்படியொரு காலம் வருமா என்ன?''

''நிச்சயமாக வரும். இதைவிட மோசமான விளைவு ஏற்படும். அப்போது நீங்கள் நல்லதை கெட்டது என்று கருதுவதோடு நிறுத்திக்கொள்ள மாட்டீர்கள்; உங்கள் கருத்தை எடுத்துரைத்து மக்களைத் தூண்டுவீர்கள். இதே போன்று கெட்டதை நல்லது என்று எண்ணுவதோடு நிறுத்திக்கொள்ள மாட்டீர்கள். அதை மக்களுக்கு கூறி அவர்களையும் கெடுப்பீர்கள். நன்மை நடந்தால் அதற்கு தடை விதிப்பீர்கள். தீமை நடந்தால் அதற்கு ஊக்கம் கொடுப்பீர்கள்!''

நண்பர்கள் எதுவும் பேசமுடியாமல் மவுனமானார்கள். பெருமானார் ஸல்லல்லாஹு அலைஹி வஸல்லம் அவர்களே தொடர்ந்தார்கள்; ''இப்படியொரு காலம் ஏற்படத்தான் போகிறது! இதில் சிறிதும் சந்தேகமே இல்லை. சூழ்ந்து நிற்கும் துன்பங்களைப் பார்த்து பொறுமை சாலிகள் கதிகலங்கி நிற்பார்கள்!' -இந்த செய்தியை நமக்குக் கூறுபவர் அபூ உமாமா ரளியல்லாஹு அன்ஹு அவர்கள்.

தம் சமுதாயத்தைப் பார்த்துப் பெருமானார் ஸல்லல்லாஹு அலைஹி வஸல்லம் மீண்டும் பேசுகிறார்கள்: ''அநியாயமாக ஒரு மனிதனை மற்றொரு மனிதன் வதைக்கிறானா? அந்த இடத்தில் (வேடிக்கைப் பார்த்துக்கொண்டு) நிற்காதீர்கள். இந்த வேலையைத் தடை செய்யாமல் வேடிக்கை பார்த்துக் கொண்டிருப்பவர்கள் இறைவனின் சினத்துக்கு இலக்காகிறார்கள். தடை செய்யும் துணிவு உங்களுக்கு இல்லை என்றால் அந்த இடத்தை விட்டு விலகி விடுங்கள்!'

பெருமானார் ஸல்லல்லாஹு அலைஹி வஸல்லம் அவர்கள் கொடுத்த மற்றோர் செய்தி: ''உங்கள் நாவன்மையால் தீர்வு காண வேண்டிய பிரச்சனை எதிர்பட்டிருக்கும் போது வாயை மூடிக்கொண்டு இருக்காதீர்கள். உங்களுக்கு உரிமையுண்டு, துணிந்து தடை செய்யுங்கள். இதனால் உங்களுக்கு எவ்விதப் பாதகமும் ஏற்பட்டுவிடப் போவதில்லை!'' -இந்த செய்தியை அறிவிப்பவர் இப்னு அப்பாஸ் ரளியல்லாஹு அன்ஹு அவர்களாவார்.

''தவறு நடப்பதை கண்டு உங்கள் மனம் புண்படுகிறதா? அப்படியானால் அந்த கூட்டத்தில் நீங்கள் கலந்து கொள்ளவில்லை என்பதே பொருள். உங்களை அந்த கூட்டத்தில் ஒருவராகக் கணக்கிட முடியாது. அதே சமயம் தவறு நடக்கும் இடத்தில் இல்லாத ஒருவன் அந்த தவறை மனத்தால் விரும்பி வரவேற்றால், அவன் அந்த கூட்டத்தில் ஒருவனாகக் கணிக்கப்படுகிறான்!'

உலகில் தோன்றிய ஒவ்வொரு திருத்தூதர்களும் அவர்களது தோழர்களும் எப்படி செயலாற்றுகிறார்கள் என்பதை பெருமானார் ஸல்லல்லாஹு அலைஹி வஸல்லம் அவர்கள் விளக்குகிறார்கள்;

''உலகில் தோன்றிய ஒவ்வொரு திருத்தூதருக்கும் குறிப்பிட்ட சில நண்பர்கள் இருப்பார்கள். திருத்தூதர் மக்களுக்கு மத்தியில் சிறிது காலம் தங்கியிருப்பார்; இறை வேதத்தை அடிப்படையாக வைத்து வாழ்க்கை நடத்துவார். வாழ்க்கையைச் சொல்லிக் கொடுப்பார். சிறிது காலத்திற்குப் பிறகு அவர் இறந்து விடுவார்.

அதற்கப்புறம் அவர் நடந்து காட்டிய வழியில் அவரது நன்பர்கள் நடப்பார்கள். மக்களுக்கு வாழும் வழியைக் கற்றுக் கொடுப்பார்கள். தீயவற்றைத் தடுப்பார்கள். நல்லவற்றை எடுத்துரைத்துத் தூண்டுவார்கள். அவர்களும் சிறிது காலத்தில் இறந்து போய்விடுவார்கள்.

அதற்கப்புறம் மேடை ஏறிப் பிரச்சாரம் செய்யும் சிலர் சமுதாயத்தில் தோன்றுவார்கள். தமக்கு முன்னால் அறிவுரை கூறிய நபித் தோழர்களைப் பற்றி அவர்களுக்கு நன்றாகத் தெரியும். மேடையில் ஏறியதும் அவர்கள் தமக்குத்தெரிந்ததை மக்களுக்குக் கூறுவார்கள். தீயவற்றை ஒதுக்கி வைத்துத் தூய வழிட்யில் நடக்குமாறு போதனை செய்வார்கள். ஆனால், அவர்கள் மேடையை விட்டு இறங்கியதும் முற்றிலும் மாறுபட்ட விதத்தில் செயலாற்றுவார்கள். நல்லதை ஒதுக்கித் தள்ளுவார்கள். தீயதை எடுத்து நடப்பார்கள்.

இதுபோன்ற சூழ்நிலை ஏற்படும்போது உங்கள் சக்தி முழுவதையும், ஒன்று திரட்டிக் குவித்து வைத்துக் கொண்டு அவர்களை எதிர்த்து நீங்கள் போராட வேண்டும். இது உங்கள் கடமை. இது உங்களுக்கு சாத்தியமில்லாவிட்டால் உங்கள் நாவன்மையால் அவர்களை எதிர்த்து முறியடியுங்கள். இதுவும் அசாத்தியமாகத் தெரிந்தால் மனத்தலவிலாவது அவர்களை வெறுத்து ஒதுக்குங்கள்! இந்த அட்டூழியம் பரவினால் எங்கும் இஸ்லாம் இருக்காது' -இந்த செய்தியை அறிவிப்பவர் இப்னு மஸூத் ரளியல்லாஹு அன்ஹு அவர்கள்.

''அளவுக்கு மீறிய அட்டூழியம் நடந்த ஓர் ஊரை அழிக்குமாறு இறைவன் வானவர் ஒருவருக்கு செய்தியனுப்பினான். அந்த ஊரில் ஒரு நல்ல மனிதர் இருந்தார். அவரைச் சுட்டிக்காட்டி வானவர் இறைவனிடம் ''அவன் நல்ல மனிதன்; அவன் எந்த தவறும் செய்யவில்லையே!'' என்று கேட்டார். ''அவனையும் மற்றவர்களையும் சேர்த்து அழிக்கவே நான் கட்டளையிட்டேன். ஏனெனில் மக்கள் தவறு செய்வதை எண்ணிப்பார்த்து அவன் ஒருநாள் கூட வேதனைப் படவில்லை!'' என்று இறைவன் கூறினான் என்பதும் நபிமொழி.

ஒரு காலம் வரும். அப்போதைய மக்கள் எப்படி இருப்பார்கள் தெரியுமா? சீர்திருத்தக்கூடிய மனிதனைவிட அவர்கள் செத்த கழுதையை மேலானது என்று கருதுவார்கள்.

ஒரு நபிக்கு இறைவன் செய்தியனுப்பினான்; ''உம்முடைய சமுதாயத்திலிருந்து 1,00,000 பேரை நான் அழிக்கப் போகிறேன். அவர்களில் கெட்டவர்கள் 60,000 பேர்; நல்லவர்கள் 40,000 பேர்!'' என்று.

நபி ஸல்லல்லாஹு அலைஹி வஸல்லம் கேட்டார்கள்; 'இறைவனே! கெட்டவர்களைத் தான் அழிக்கிறாய். நல்லவர்களை ஏன் அழிக்க வேண்டும்?''

இறைவன் பதிலளித்தான்; ''தீமை நடக்கும்போது அவர்கள் சினமுற்று எழவில்லை!''

( - இஹ்யா உலூமித்தீனிலிருந்து... மொழியாக்கம்: மவ்லவி, எஸ். அப்துல் வஹ்ஹாப், பாகவி )

வெந்நீர்குடிப்பதின் பயன்கள் !

noreply@blogger.com (almanjakollai) — Tue, 12 Mar 2013 17:16:00 +0000

* சுக்கு கலந்த வெந்நீரை அடிக்கடிக் குடித்து வந்தால், வாயுத் தொல்லையே இருக்காது.

* அடிக்கடி வெந்நீர் குடிக்கும் பழக்கம் உள்ளவர்களுக்கு அஜீரணத்தால் ஏற்படும் தலைவலி வரவே வராது.

* வெந்நீர் ரத்தத்தில் உள்ள நஞ்சை வெளியேற்றுகிறது.

* வயிற்றுப் புண்ணினால் ஏற்படும் வலியைக் குறைக்க, மிதமான சூடான வெந்நீரைச் சிறிது சிறிதாகக் குடிப்பது நல்லது.

* நல்ல பலமான விருந்து சாப்பிட்ட பிறகு வெந்நீரைக் குடித்தால், சாப்பிட்ட விருந்தானது எளிதில் ஜீரணமாகி விடும்.

* மிருதுவான சருமம் பெற, பார்லி ஒரு தேக்கரண்டி போட்டு வேகவிட்ட வெந்நீரை அடிக்கடி குடித்து வர வேண்டும்.

* கால் பொறுக்கும் அளவுக்கு வெந்நீரை ஒரு டப்பில் விட்டு, அதில் கல் உப்பையும் போட்டுக் கலக்கவும். அந்த வெந்நீரில், கால் பாதங்களைப் பதினைந்து நிமிடங்கள் வைத்து எடுத்தால் கால் வலி குறையும்.

* பித்தவெடிப்பு உள்ளவர்கள் வெந்நீரில் கால் பாதங்களை வைத்து எடுத்த பிறகு, பாதங்களை பியூமிஸ் ஸ்டோன் கொண்டு தேய்த்தால், நாளடைவில் பித்த வெடிப்பு குணமாகி விடும்.

* தாகம் எடுத்தால் பச்சைத் தண்ணீரைக் குடிக்காமல், பொறுக்கும் அளவு சூடான வெந்நீரைக் குடித்து வந்தால், உடம்பில் உள்ள வேண்டாத கழிவுகள் வெளியேறும்.

* சாப்பிடுவதற்கு அரை மணி நேரம் முன்பு, ஒரு தம்ளர் வெந்நீர் குடித்து வந்தால் உடல் எடை குறையும்.

அழகுக்கு ஆசைப்பட்டு ஆண்மைய இழக்கும் ஆண்கள்:-

noreply@blogger.com (almanjakollai) — Tue, 12 Mar 2013 16:59:00 +0000

அழகு என்பது அவசியமானதுதான். அதேசமயம் ஆண், பெண் இருவருமே அழகுக்கு ஆசைப்பட்டு உபயோகிக்கும் பொருட்கள் ஆரோக்கியத்திற்கு வேட்டு வைக்கும் ஆபத்து உள்ளது என்று மருத்துவர்கள் எச்சரிக்கின்றனர். தலைமுடி வளர்ச்சிக்கு பயன்படுத்தப்படும் ஒரு மருந்து ஆண்களின் தலைமுறையையே அஸ்தமிக்கச் செய்யும் தன்மை கொண்டுள்ளது என்று அதிர்ச்சி ரிப்போர்ட் வெளியாகியுள்ளது.

பக்க விளைவு மருந்துகள்

தலைமுடி குறித்த கவலை பெண்களுக்கு மட்டுமல்ல ஆண்களுக்கும் அதிகம் இருக்கிறது. கவலை, மன அழுத்தம், ரசாயன கலவைகொண்ட ஷாம்பு, சோப்பு பயன்படுத்துவது, மாசடைந்த சுற்றுச் சூழல் போன்றவைகளினால் இன்றைக்கு பெரும்பாலான இளைஞர்களின் தலைமுடி உதிர்ந்து வழுக்கைத் தலையாக மாறிவருகிறது. வழுக்கையாக இருந்தால் திருமணம் நடப்பதில் சிக்கல் ஏற்படுமோ? பெண்ணுக்கு பிடிக்காவிட்டால் என்ன செய்வது என்ற எண்ணத்திலேயே அநேகம்பேர் தவிக்கின்றனர். முடி உதிராமல் தடுக்கவும், தலைமுடி நன்றாக வளரவும் ரசாயனக் கலவைகள் அடங்கிய எண்ணெய்களையோ, கிரீம்களையே வாங்கி உபயோகிக்கின்றனர். ஒரு சிலர் மாத்திரைகளையும் உட்கொள்கின்றனர். அழகை அதிகரிக்க அவர்கள் உபயோகிக்கும் அந்த மருந்துகளில் தான் ஆபத்து ஒளிந்திருக்கிறது என்பது அநேகம் பேருக்கு தெரிவதில்லை.

அமெரிக்காவிலும், பிரான்ஸ் நாட்டிலும் தலைமுடி வளர்ச்சிக்காக உபயோகப்படுத்தப்பட்ட புரோபேஷியா என்ற மருந்து ஆண்களுக்கு மலட்டுத்தன்மையை ஏற்படுத்தியது கண்டறியப்பட்டது.

ஹார்மோன் பாதிப்பு

பிரான்ஸ் நாட்டில் மட்டும் 2010ம் ஆண்டு 32,000 ஆண்கள் இந்த மருந்தை பயன்படுத்தியுள்ளனர். அவர்கள் இந்த மருந்தின் பயன்பாட்டை நிறுத்தி பல மாதங்களுக்குப்பின்னர் அவர்களை சோதனை செய்தபோது அந்த ஆண்களுக்கு ஆண்மைகுறைபாடு இருந்தது கண்டறியப்பட்டது.

இதற்கு காரணம் புரோபேஷியாவில் உள்ள பினஸ்டிரைடு (.) என்ற பொருள் டெஸ்ட்ரோஜன் என்ற ஆண்மைச் சுரப்பினைத் தடுப்பதுதான் என்று புரோபேஷியா மருந்தைத் தயாரிக்கும் மெர்க் என்பவர் கூறியுள்ளார்.

ஆண்களுக்கு ஆபத்து

புரோபேஷியா மருந்தினை உபயோகிப்பதன் மூலம் எழுச்சி நிலை குறைதல், தாம்பத்ய உறவின் போது உற்சாகம் இழத்தல், இயலாமை உள்ளிட்ட குறைபாடுகள் ஏற்படுவதும் கண்டறியப்பட்டுள்ளது. இதனையடுத்து இந்த மருந்தினை உபயோகிக்கவும், விற்பனை செய்யவும் அமெரிக்கா, ப்ரான்ஸ் நாடுகளில் தடை விதிக்கப்பட்டுள்ளன. இது குறித்து கருத்து தெரிவித்துள்ள பிரான்ஸ் நாட்டின் சுகாதார உற்பத்தி பாதுகாப்பு அமைப்பின் தலைவரான டொமினிக் மாரஞ்சி கூறியதாவது, புரோபேஷியா மருந்தின் அளவைக் குறைத்துப் பயன்படுத்தலாம், அவ்வாறு நீண்ட நாட்கள் பயன்படுத்தினால் 3 சதவீதம் தான் இழப்பு ஏற்படும் என்று கூறியுள்ளார்.

நம் ஊரிலும் தலைமுடி வளர்ச்சியை அதிகரிக்கவும், முடி உதிராமல் தடுக்கவும் இந்த எண்ணெயை பூசுங்கள், இந்த மாத்திரையை சாப்பிடுங்கள் என தினசரி விளம்பரங்கள் வந்த வண்ணம் உள்ளது. எனவே எந்த மருந்தில் என்ன பக்கவிளைவு உள்ளது என்பதை அறிந்து பயன்படுத்த வேண்டும் என்று மருத்துவர்கள் அறிவுறுத்தியுள்ளனர். இல்லையெனில் அழகுக்கு ஆசைப்பட்டு ஆண்மையை இழக்க நேரிடும் என்றும் அவர்கள் எச்சரித்துள்ளனர்.

பேரிச்சம் பழத்தின் உடல்நல நன்மைகள்:-

noreply@blogger.com (almanjakollai) — Tue, 12 Mar 2013 01:54:00 +0000

பழங்களிலேயே தனிச்சுவை கொண்டது பேரிச்சம் பழம். தரமான, நல்ல சத்துள்ள பேரிச்சம் பழங்கள் ஆப்ரிக்க, அரேபிய நாடுகளிலேயே விளைகிறது.

பேரிச்சம் பழத்திற்கு இரத்தத்தை விருத்தி செய்யும் ஆற்றலும், இரத்தத்தை வளப்படுத்தும் இயல்பும் உண்டு.

தினமும் இரவில் 4 பேரிச்சம் பழங்களை சாப்பிட்டுவிட்டு பின் ஒரு டம்ளர் பால் குடித்து வந்தால் போதும் இரத்தம் விருத்தி அடைவதோடு, உடலில் தெம்பும், வலிமையும் கூடும்.

உடலில் சர்க்கரைத் தன்மை குறைந்து சோர்வடையும் போது, சில பேரிச்சம் பழங்களைப் சாப்பிட்டாலே போதும் உடனே ரத்தத்தில் சர்க்கரைத் தன்மையை அதிகரித்து உடலை சமநிலைக்கு கொண்டுவரும்.

பேரிச்சம் பழத்தில் வைட்டமின் ஏ சத்து அதிகமாக உள்ளது. ஒரு அவுன்ஸ் பேரிச்சம் பழத்தில் 170 மில்லி கிராம் வைட்டமின் ஏ சத்து அடங்கியுள்ளது. மேலும் பி1 வைட்டமின் 26 மில்லி கிராமும், பி2 வைட்டமின் 9 மில்லி கிராமும் உள்ளது.

இரும்புச் சத்து 30 மில்லி கிராமும், சுண்ணாம்புச் சத்து 20 மில்லி கிராமும் உள்ளது.

பெண்களுக்குப் பொதுவாக கால்சியம் குறைபாடு அதிகம் ஏற்படுகிறது. இவர்கள் பேரிச்சம் பழத்தை தினமும் உட்கொண்டு வந்தால் கால்சியம் குறைபாட்டை தவிர்க்க முடியும்.

மேலும், மாதவிடாய் காலங்களில் பெண்களுக்கு ஏற்படும் சோர்வையும் பேரிச்சம் பழம் உட்கொள்வதால் போக்க முடியும்.

இளம் பெண்கள் பெரும்பாலானவர்களுக்கு இரத்த சோகை உள்ளது. இதனால் குழந்தைப் பேறு காலகட்டத்தில் பாதிப்பு ஏற்படுகிறது. இதனைத் தவிர்க்க பேரிச்சம் பழத்தை உட்கொள்ளுங்கள் இரத்த சோகையைப் போக்கிக் கொள்ளுங்கள்.

வளரும் குழந்தைகளுக்கு பேரிச்சம் பழம் கொடுத்து வந்தால் அது அவர்களின் ஆரோக்கியமான வளர்ச்சியை உறுதி செய்யும் என்பதில் ஐயமில்லை.

காச நோயால் பாதிக்கப்பட்டவர்கள் இழந்த உடல் வலிமையை மீண்டும் பெற பேரிச்சம் பழம் அதிகம் துணை புரியும் என்பது குறிப்பிடத்தக்கது.

Vitamins:

Vitamin A - 15 IU
Vitamin B1 (thiamine) - 0.076 mg
Vitamin B2 (riboflavin) - 0.097 mg
Niacin - 1.873 mg
Folate - 28 mcg
Pantothenic Acid - 0.866 mg
Vitamin B6 - 0.243 mg
Vitamin C - 0.6 mg
Vitamin E - 0.07 mg
Vitamin K - 4 mcg

Minerals:

Potassium - 964 mg
Phosphorus - 91 mg
Magnesium - 63 mg
Calcium - 57 mg
Sodium - 3 mg
Iron - 1.5 mg
Selenium 4.4 mcg
Manganese - 0.385 mg
Copper - 0.303 mg
Zinc - 0.43 mg