AL7AYAH

ديسمبر الذي يراودني

noreply@blogger.com (sakayar) — Tue, 13 Dec 2011 11:27:00 +0000

لم يكن الأمر كذلك عندما رحلت عن بيتي الصغير ، فقط مازالت الذكريات تثبت أنها الوحيدة القادرة على الحياة بكل قسوتها ودفئها وملمسها الرقيق ، المؤلم عندما يقترب منك!

استنزاف الذاكرة دليل على ضعف الحاضر في اثبات وجوده!

يومها ، كان عليّ ألا أستسلم لدقات القلب التي تسبق عادةً لحظات الوداع ، كان عليّ ألا أترك مشاعري في اتجاه يوقف ما أنا عليه من خطوات وتغييرات جديدة ربما تُغيّر شكل الخرائط التي درسناها في مادة الجغرافيا التي لازلت أكرهها بخرائطها وجبالها ، فقط أحب الوديان .. هذا كل ما أحببته في الجغرافيا!

أكره الحدود وأخشى المرتفعات وأرى البحر يدفعني للجنون رغماً عني ، لذا فهو أقوى منّي ويستطيع السيطرة عليّ كلّي!

سافرت رغماً عنّي ، أو بإرادتي ، لكنني سافرت!

سألني صديقي : تضحك بطريقة مستفزة ، هل تخفي حزن الوداع ؟

فأجبته : لا ، بل أنا حقاً سعيد ، أراها رحلة إلى المصيف

لم يكن عندي خيار آخر سوى أن أراها كذلك ، فأنا أحب الوحدة ، وأخشى أن أموت وحيداً ولا يعلم بموتي أحد - هل يا تُرى سأعود إليهم يوماً في تابوتي اللامع؟!

هنا ، عجبت من شاب أتى إلى دول الخليج ولم يكمل عام لكنه دائم الشكوى من الغربة ويشعرني بالبرود الشديد عندما يذكر حنينه إلى مصر وإلى الصُحبة والكورنيش والعماويد وليلة العيد وصلاته ، يذكر اجتماع العائلة والانفعال أمام المباراة ، يذكر مواجهته لوالده فهو لا يريد أن يصبح طبيباً ، يذكر وفاة والدته التي اختلف بعدها العالم ، الآن توجّب عليه الرحيل .. الآن!

هنا ، صديقي من إحدى دول شمال افريقيا يشرب الخمر فقط كل خميس ، يبهرني بحديثه عن فرنسا وشعبها وكأن فرنسا لم تحتل بلاده ، وكأنها جاءت بورود وأهدتهم برج إيفيل ثم رَحَلَت !

يدخل وهو في قمة فقدان الوعي يغلق أنوار الغرفة وأنا أقرأ في مصحفي الصغير ، قائلاً : "أطفيلك النور ولاّ الاضاءة كده هادية ؟" لم أكن أعلم وقتها هل أغضب من فعلته أم أبتسم من جملته التي كلما ذكرتها إلى الآن وأتذكره وهو يقولها مترنحاً في عالم اللاوعي ، أقع على ركبتي ضاحكاً!

هنا ، بدأت قصة حبي لها ، في مثل هذا الـ ديسمبر بل في مثل غدٍ الرابع عشر ، لازلت أرتدي الخاتم الفضي ، لازلت أذكر صوت حياءها ، ويعجب الكثيرون من قصة حب بدأت وانتهت ولم يلتقي طرفيها حتى في حفل الخطوبة!

ديسمبر ، لا أعلم أتأتي بكل هذا الحنين في كل عام لافتقارك للمطر في دول الخليج ؟ تعوّضني بالماء مطراً وبالاً من الذكريات!

رحل صديقي الذي كان شديد الشوق للعودة إلى مصر ؛ بل إنه بكى عندما قرأت عليه نص " أبويا في الخليج" للشاعر / يحيى قدري - وقرر العودة ، ورحل الرفيق التونسي إلى حيث لا أدري ، ورحلنا جميعاً حيث لا يكون اللقاء ممكناً ، ورَحَلَت ورَحَلْتُ أنا على أمل في حياة تكون فيها البدايات أبقى والنهايات مستحيلة!

ياللقاء!

يأتي حين يأتي وكأنه لن يذهب أبداً ، ويختفي حيث اللاوجود وكأنه لم يكن من قبل ، وأعجب كيف يتعلقون بقدومه وهو لن يكون مطلقاً!

فستك أنتوش

noreply@blogger.com (sakayar) — Thu, 27 Oct 2011 12:23:00 +0000

مع أول حرف من كتابتي لهذه التدوينة سمعت بالخارج صوت "تشش شش ش " ، صوت ارتطام كوب زجاجي على السيراميك ، أعتقد أنها دلالة كافية على أمر مش مهم ومش بالضروري أكون عارفه

اليوم تذكرتنا أنا وأخي في طريقنا للمنزل نتناقش في أمر خطير ومهم ولم يكن بالامكان العودة للمنزل قبل اتمامه والوصول لقرار مصيري فيه ، باختصار :

علي : نجيب بيتزا من الراجل اللي جنب المحكمة ؟ - نظراً لإن مكانش أيامها فيه حاجة اسمها بيتزا هت عندنا - اعتقد ولا الأيام دي

أنا : بيطوّل ، إذا قلتله يعملها ورجعتله في المعاد اللي قاله بتلاقيه لسه مخلصهاش وإذا اتأخرت شوية عن معاده ورحتله بعدها بتلاقيه خلّصها بدري وبقت باردة ، مفيش غير إنك تقف أدامه النص ساعة لغاية ما يخلصها

علي : نجيب كونو وآيس كريمات ولتر فيروز ولب وفول أسواني وفستك أنتوش ؟ - الفستك أنتوش هي مصطلح أطلقه أخي منذ سنوات على "درة الفيشار" نشتريه من الـ "مقلة" ونقوم بتجهيز الفيشار في المنزل لنستمتع بصوت الطرقعة لدرجة أن بعض الجيران كانوا يسمعوا الطرقعة أو يشموا ريحة الفيشار ويرن جرس الباب : اعملوا حسابنا معاكم في الفيشار : )

أنا : نِجِيب محفوظ

علي : نعم؟؟ عايز ايه ؟

أنا : يعني مبحبش متعة اللحظة ، لو جبت آيس كريم هيخلص في دقيقتين لو جبت فيروز أو بيبسي متعته في اللحظة اللي انت بتشربها لو جبت سوداني وأسواني وأنتوش متعتها لمجرد السهرة وهتنتهي المتعة بمجرد انتهاء كل الحاجات دي .. بص أنا جعان إيه رأيك نجيب بيتزا ؟

علي : ما هي برضه متعة لحظة بخلاف انك هتعمل مجهود – اللي هو الوقوف على رجليك نص ساعة لغاية ما الراجل يخلص – ولا إيه ؟

أنا : طالما كده لحظة وكده لحظة ... البيتزا حلوة

علي : اللي يمشي ورا العيال ميكسبش : )

الكلام ده مر عليه ما يزيد عن 15 سنة ، بعد فترة ودون أن أدري ولا أعلم السبب لذلك كنت أجدني مع الأصدقاء أكتر حاجة بنجيبها هي البيتزا .. الكوفي مكس .. البرجر .. ربما وجدت في هذه اللحظات متعة يومية ... كان ذلك قبل السفر وفراق الناس الحلوة
علمتني هي أن الحياة ما هي إلا لحظات متعة قليلة في وسط عمر طويل من التعب والجهد والارادة ، وحتى في أوقات النجاح المنتظر تكون متعة النجاح هي اللحظة التي حصلت فيها على هدفك ثم يبدأ العد التنازلي من جديد لمجهود جديد وهموم أخرى

علمتني هي أنه من أجل ذلك لابد أن تستمتع بهذه اللحظات التي تأتي سريعة ربما أسرع من الضوء والصوت ؛ بل ربما أسرع من الاحساس بالمتعة نفسها

تذكرت قول الشيخ وهو يحاضر في تفسير سورة البقرة قوله تعالى : "كُلَّمَا رُزِقُوا مِنْهَا مِنْ ثَمَرَةٍ رِزْقًا قَالُوا هَذَا الَّذِي رُزِقْنَا مِنْ قَبْلُ وَأُتُوا بِهِ مُتَشَابِهًا " كان يتحدث بأن الدنيا ما هي إلا صورة ترى فيها بعض الأشياء ولكن لا ترى كل الحقائق ويومها تحدث عن السعادة بأن السعادة السرمدية ليست على هذه الحياة إنما على هذه الحياة صورة بسيطة أو سمّه "نموذج" سعادة و "نموذج" حزن و "نموذج" ثواب و "نموذج" عقاب وهذا ربما نراه الآن لنعرفه عندما نراه في الدار الآخرة

وهنا استطرَدَت ذاكرتي لأتذكر الشيخ الآخر الذي تحدث عن الآية في سورة الحاقة عندما يقول المؤمن "فَيَقُولُ هَاؤُمُ اقْرَءُوا كِتَابِيَهْ " معلقاً الشيخ على ذلك قائلاً : عارف الواد في الملعب لما بيجيب جون ويبقى فرحان بيجري بطول الملعب ويطلع يحضن في اللعيبة ع الخط أو يتزحلق هو والفريق على "نجيلة" الملعب ويشاور للجمهور على عينيه ويقول لهم شوفتوا ؟ شوفتوا؟ أهو المؤمن علشان كان عارف في الدنيا جزاء الأعمال دي وشاف نماذج للسعادة في الحياة الدنيا وعارف إن السعادة سرمدية في الآخرة مش سنة وسنتين ولا ستين سنة ده خلووود فبيبقى فرحان وحاسس إنه جاب جون .. جون تاريخي كمان [1]

طالما أنها لحظات ولن تطول " ما تخلينا نستمتع باللحظات اللي بتيجي كده في السريع أهو ع الأقل نكون طولنا حاجة من اللحظات اللي بتيجي والواحد مبياخدش باله منها دي" ولا إيه ؟

الآن : أحاول اقتناص أي فرصة للاستمتاع ربما أجدها .. ربما تمرّ أمامي ولا ألاحظها

الآن : أقتنص ساعة ونصف أذهب إلى السينما لمشاهدة أحد الأفلام ، ربما أجد هذه المتعة هناك

أقتنص ساعات العمل في أوقات التخفيض - وليس أوقات الذروة - وأستمتع بقراءات الشيخ مشاري والشيخ سعد الغامدي ... بالمناسبة : ختمة كاليفورنيا 2010 للشيخ مشاري العفاسي تحفة لو سمعتوها هتعجبكوا :)

أقتنص ساعات قليلة من اليوم في قراءة أحد الكتب الخفيفة .. ربما أجد فيها لحظات المتعة

علمتني هي : أن متعة اللحظة ... أحسن من مفيش

سألني أحد الأصدقاء يوماً : انت ليه علطول مبتسم حتى وانت نايم ؟

فقلت : أصل الحياة أسرع من اللي عايشين فيها والحزن سهل نفتكره لكن لحظات السعادة قليلة لازم نديها دافع علشان تعيش أكتر

افرد جناحك لفوق طير وأحلامك معاك

الفكرة اللي تجيلك احسبها صح ونفذها واستمتع بيها وبكل لحظة فيها

مفوّتش لحظة فرح علشان خايف من حزن قريب

متفوّتش لحظة صدق علشان خايف من جرح ممكن ميجيش

متفوّتش لحظة حب لإن القلب مسيره هيتغير

[1] تفسير الآية من كلام للشيخ محمد حسين يعقوب أحد شيوخ السلفية بمصر

لا للمحاكمات العسكرية للمدنييـن

noreply@blogger.com (sakayar) — Sat, 27 Aug 2011 20:05:00 +0000

كل عام وأنتم بخير :)

noreply@blogger.com (sakayar) — Mon, 01 Aug 2011 10:54:00 +0000

أول مولود :)

noreply@blogger.com (sakayar) — Tue, 19 Jul 2011 20:21:00 +0000

ديوان " بسمة وداع فالصو " هو أول مولود يحمل اسمي :)

حفل توقيع الديوان هيكون في مكتبة البلد بالقاهرة

الديوان صادر عن دار دوّن للنشر والتوزيع

تصميم الغلاف للفنان : كريم آدم

هكون في انتظاركم بإذن الله

وهيسعدني رؤيتكم :)

Happy birthday to Us not only you :)

noreply@blogger.com (sakayar) — Sun, 03 Jul 2011 06:22:00 +0000

-لم أغادر البيت. فضلت أن أستفيد من ذاكرة الأمكنة .رائحتك ما زالت تسكن هذا البيت. إنها عقابك الجميل لي.

-لم أقصد ذلك..

-كان يمكن أن تفعلي، لو قرأت ما فعلت جوزفين بنابليون، عندما أجبرها على مغادرة القصر.

-ماذا فعلت؟

-رشت بعطرها غرفته، بما يكفي لإبقائه خمسة عشرة يوماً محاصراً بها، رغم وجوده مع

أخرى. وقبلها كانت كليوبترا ترش أشرعة باخرتها بعطرها، حّتى تترك خلفها خيطاً من العطر حيث حّلت.

أحلام مستغانمي

هـذا ما قد فعلتيه بنـا حقاً .. تسطع الشمس كل صباح على شكل زهرة التيوليب ممسكة بها فتاة تشبه اليابانيين : )

نصلي من أجلك أن تعودي من جديد في هيئتك البشرية لا في طيف الملائكة المتجولين حولنا

12 بتوقيت أبوظبي بقى :)
4th July .. how lucky you are :)

ومنهـم حيــاة

noreply@blogger.com (sakayar) — Mon, 16 May 2011 07:42:00 +0000

الصورة واخدها من هنا

حد فيكم فاكر مقولة : " لما نصحى من النوم " ؟

ده كان اسم المدونة .. وده كان أول بوست عليها كنت لسه وقتها في بداية كتاباتي : )

وده خلاني ابتسم بعد سنتين لما اتغنت أغنية : هتعمل ايه لو نمت يوم وصحيت

ولما كتب أحمد الصباغ موضوع عن نفس الفكرة بعد مرور سنتين او تلاتة بحالهم على الموضوع

توارد خواطر بيدل على ان الفكرة نفسها كتير مننا .. لأ غالبنا .. بيفكر فيها

لما تصحى من النوم .. تلاقي اللي فات كله كان حلـم

ومـع ان الموضوع مكتوب من أربع سنين تقريباً

لكن النهاردة حبيت اسألكم واسأل نفسي من تاني بس سؤال مختلف

لو كان عندك الاختيار .. تحب ترجع لأي سنة في حياتك وتبدأ من جديد؟

أحد الأصدقاء قاللي على البوست القديم إنه : الانسان مهما رجع بالحياة هيفضل يعمل نفس الحاجات ونفس الأخطاء

ونفس الحاجات الحلوة وهيستمتع بكل اللي استمتع بيه قبل كده

وهيحزن ويحس بكل المشاعر اللي حسها قبل كده بدون اختلاف واحد

ولو رُدّوا لعادوا لما نُهُوا عنه ... : )

خلوني أسألكم

حد فيكم فقد شخص عزيز عليه والحياة من وقتها عملت فول ستوب وقفلنا الكتاب معادش فيه من اول السطر ؟

كإني سامعكم بتقولوا ... كتييييييير ... بس مبيتقفلش الكتاب

أنا مثلاً فقدت أقارب عزاز عليّا .. وفقدت مدرس عزيز .. وجار أصغر كنا بنلعب سوا في الاجازة

كل دول فقدتهم بالموت

وفقدت أصحاب بالسفر .. وفقدت صحبة حلوة اشتغلنا سوا اتعلمت منهم وأثرت فيهم وكانت الحياة من بعدهم كإنها مش هتبدأ تاني

وفقدت ناس حبيتهم وافترقنـا

لكن حد فكّر إيه المغزى من فقد كل الناس دول ؟

انت مثلاً شوف فقدت كام واحد في حياتك بالموت والسفر والفراق والبُعد

يا ترى ايه السر اللي يخلي الناس دي تدخل حياتنا .. ويخرجوا مع أول نَفَس طالع ؟

كنت بقول زمان .. ربنا بيبقى عاوزنا نتعلق بيه هو وبس

فبيبعتلنا ناس في حياتنا نحبهم ونتعلم منهم ونعلم فيهم واذا شافنا اتعلقنا بيهم وانشغلنا بيهم عنه

ساعتها بس بياخدهم مننا وكإنه بيعاقبنا

بس لقيت ان الكلام ده مش مظبوط

لان فيه ناس كتير اجتمعنا على حب ربنا واتلاقينا في طاعته .. وبرضه اتفارقنا .. بالموت .. السفر .. الفراق والبُعد

السبب الوحيد اللي أقنعني بسر الفراق والافتقاد كان

إن ربنا فعلاً بيرزقنا بناس في حياتنا .. وبيرزقهم بينا

وبقول بيرزقنا وبيرزقهم لان الناس نفسهم رزق .. الاهل رزق والصُحبة رزق

فكأن ربنا بيرزقنا بناس ويرزقهم بينا نتعلم منهم ويتعلموا مننا ... ولما بتنتهي وظيفتهم ووظيفتنا في حياة بعض

بيبقى هو ده الوقت المناسب للفراق والبُعد .. بالموت .. السفر .. او الانسحاب

النجـاح الحقيقي وقتها إنك تلف وشك وتكمّل حياتك

لو فضلت متعلق بالشخص ده او الناس دي

يبقى انت انشغلت بالناس عن الغرض الاساسي من وجودهم في حياتك

انشغلت بالناس عن نفسك

ساعتها هيبقى صعب كتير انك تكمّل حياتك وهتكون هدمت المعنى الحقيقي من وجودهم وظهورهم في الحياة دي

لكن الشيء الأكيد

إنك لما تكمّل الحياة باللي اتعلمته على ايديهم واتعلمته منهم وبسببهم

ساعتها هيكون الوقت اللي ظهروا فيه ذكرى بتهوّن من الفراق

وكل ما نجحت وكمّلت في حياتك .. بيكون ردّ جميل للناس الحلوة اللي دخلت حياتك واتعلمت منهم

وردّ اعتبار لنفسك من الناس الوحشة اللي دخلت حياتك واتعلم عليك منهم : )

ساعتهـا بس

مش هتحتاج تصحى م النوم وانت على أمل يكون اللي فات كله كان حلم

أو حد يجيبلك هدية عيد ميلادك آلة زمن ترجع بيها لـ ورا

إلى شعلة الثورة العربية .. أحبائنا بتونس .. رداً للجميـل :)

noreply@blogger.com (sakayar) — Mon, 25 Apr 2011 09:47:00 +0000

عذراً لا أعلم المصدر الرئيسي للصورة :)

بعد انقطاعي عن التدوين في الفترة السابقة ... اليوم بعد قراءتي للتدوينة التي سأقوم بنقلها قررت العودة بهذه التدوينة قبل البدء من جديد في الكتابة ... وهذه تدوينة واجبة وحباً وتقديراً مني بالنيابة عني وعن جميع المدونين المصريين ... وكما وقفنا وقفة سلمية سابقاً في يوم التدوينة البيضاء اعتراضاً على حظر التدوين في تونس فالآن نتكاتف مرة أخرى من أجل تونس وشعبها .. شعلة الثورة العربية

التدوينة نقلاً عن مدونة : تونسي وأفتخر

من أم الثورات تونس إلى أم الدنيا مصر : عتاب ورجاء

أما بعد فهذا رجاء للثوار المصريين للبر بثورتهم الام
كما يهرول سارقو ثورتنا للغرب مستجدين الدعم لوأد ثورتنا فإني اكتب هذه التدوينة راجيا دعم الثوار العرب فإحدى مطالب الثورة كان الإستقلال الحقيقي وعودة تونس إلا حاضنتها العربية

العتاب :

في البداية أود أن أسأل المدونين المصريين بكل لطف: كم من تدوينة كتبتم عن تقدم الثورة التونسية بعد الخامس والعشرين من يناير؟

إذا استثنينا تلك التي كنتم تقارنون فيها بين مسار الثورتين قصد تحفيز الثوار المصريين فالعدد قليل جدا مقارنة بما كان قبل إندلاع الثورة المصرية، في المقابل حين كانت الثورة التونسية وليدة كان ثوار تونس يدعمون الثوار المصريين بوسائل تخطي الحجب لخبرتنا في التعامل مع الحجب و نصائح لتقليل مفعول القنابل المسيلة للدموع، ومع تأجج الثورة المصرية تحولت عدسات كل وسائل الإعلام إلى ميدان التحرير متناسين الثورة الوليدة، حتى وسم سيدي بوزيد على تويتر أصبح يعطي أخبار الثورة المصرية عوضا عن الثورة التونسية.

لا أقصد أبدا المن فنحن لم نفعل إلا واجبنا ولا نخفيكم سرا اننا كنا نشعر بالإنتشاء كلما تردد صدى ثورتنا في قطر عربي، لكن صراحة غير الشكر بالقول فإني أرى المصريين لم يوفوا حق الثورة التونسية عليهم، قد يكون ظنا منهم أن الثورة التونسية قد اكتملت وهذا عذر أقبح من ذنب يدل انكم لا تتابعون أخبار ثورتكم الام، اليكم إذا تذكير سريع:

1. بن علي لم يحاكم، هذه تعرفونها لأن أخبار الوكالات عن تونس اقتصرت على الحالة الصحية لبن علي

2. وزراء بن علي وقيادات التجمع ينشؤون أحزابا جديدة

3. إصدار قانون إنتخابي يعزز حظوظ الأحزاب الوليدة على حساب المستقلين

4. إقالة وزير الداخلية الذي حاول إصلاح الوزارة وتعويضه بوزير من رجالات بن علي أعاد القمع البوليسي

5. إحباط إعتصام القصبة الثالث بالقوة وسجن مراهقين

6. القناصة الذين قتلوا أكثر من مئتي شهيد لا يزالون احرارا

7. محاكمة عماد الطرابلسي صهر بن علي وأكبر رموز الفساد بتهمة تعاطي مخذرات

8. معارضة الحكومة لإقصاء قيادات التجمع من الحياة السياسية

9. تأجيج الإعلام التونسي للجدل بين الإسلامين والعلمانيين للتغطية على إستحقاقات الثورة
10. محاولة رئيس مجلس حماية الثورة فرض ايديولجيته للإنتقال الديمقراطي على طريقة العلمانية الفرنسية المتطرفة

وأسباب هذا التردي تعود أساسا :

1. كون رئيس الدولة هو رئيس برلمان بن علي الذي كان يحرف الدستور في كل مرة للتمديد لبن علي

2. رئيس الوزراء أيضا من حزب التجمع فكيف يقصي رفاقه

3. الإعلام الخاص في تونس يملكه أصهار بن علي

4. القضاء التونسي غير مستقل
5. غياب هيكل يجمع شباب الثورة التونسية على غرار ثوار 25 يناير

المزيد من الأسباب في هذه التدوينة حكومة السبسي، سياسة الأمر الواقع وجس النبض
الرجاء :
قد يكون لسان حال القارء المصري وما عسانا نفعل للثورة المضادة في تونس،
اعتبروا ثورتنا لم تندلع بعد وواصلوا الدعم الاعلامي، فنحن بأمس الحاجة لأي دعم مهما كان حجمه، فإن كنتم تعتبرون الإعلام المصري سيئا فلكم أن تتخيلوا أن الإعلام التونسي في أدنى دركات السوء فنحن ليس لنا لا إبراهيم عيسى ولا حمدي قنديل، بل عندنا صحافة صفراء انتقلت بقدرة قادر من وصف معارضي بن علي بالخيانة إلى إتهام زوجة بن علي بالعهر. والجزيرة التي كانت متنفسنا الوحيد انشغلت ببقية الثورات العربية.
بالإضافة إلى التفوق الإعلامي فصراحة الحياة السياسية في مصر أكثر ثراء والمصريون أكثر حنكة في التعامل مع أساليب التمييع فالتأجيج الإعلامي المفتعل للجدل بين الإسلامين والعلمانين آتى أكله لشق صف الثوار إلا من رحم ربي من القلة الذين ترفعوا عن خلافاتهم الإيديولوجية في سبيل تحقيق الحرية للجميع على غرار المدونعزيز عمامي الذي أهنئه بمناسبة خطوبته الليلة والتي كاد الأمن التونسي أن يعكرها حين إعتقل رفاقه المشاركين في مظاهرات اليوم قبل إطلاق سراحهم في حالة رثة،
بإختصار نحن بأمس الحاجة لأي دعم وأترك لكم حرية الابداع كعادتكم لتبروا أم الثورات.

وهـذا لينك المدونة

حبة حياة

noreply@blogger.com (sakayar) — Tue, 12 Oct 2010 19:05:00 +0000

شاب مصري ... من أسرة متوسطة ... عينيا خضرا ... أبيض البشرة ... وده مش اعلان أريد عريساً أو عروسة

أنا من الجيل اللي اتربى علشان يطلع ابن ناس .... لكن موصلش لقمة الأدب ... ولا خد نصيبه من الصياعة

اتفرجت على طوائف وأحزاب كتير من بره ومن جوه .... واستقريت على إني من جماعة المسلمين ... الناس الطيبة اللي بتصلي في الجامع الفرض بفرضه – زي ما بيقولوا – بس المهم تدّي لربنا حقه ف كل شيء حتى في معاملة عباده

الكنيسة اللي ورا بيتنا وبتدق كل يوم حد الصبح أجراسها .... علمتني ... إن الشيخ والقسيس ... سهل جداً يكونوا جيران .... خصوصاً وأنا بصلي التراويح في الجامع اللي ف نفس الشارع

اتعلمت ... اركز ع الحتة الحلوة في الناس .... والحتة الوحشة آخد بالي منها علشان متلمسنيش ... وحلو أوي لو غيرتهالهم

واتعلمت ... إن سوء الظن بالنفس ... أحسن كتير ألف مرة من طغيان الطاعة

واتعلمت ... إنه ما زاد الله عبداً بعفو إلا عزاً وما تواضع أحد لله إلا رفعه الله . الحديث عن أبي هريرة في صحيح مسلم

لسه بسمع بوداني كلمة ريسي ف مصر يوم ما سافرت الامارات .... اعتبر اللي انت فيه ده فيلم عربي قديم وهيخلص بنهاية سعيدة وكل الشخصيات هيبقوا ف الخلفية وانت البطل في القصة

ولسه بسمع أبويا يوم ما فوجئت بإن شريكي ف السكن بيشرب الخمر ... وإن غالب الأماكن لا تخلو من الدعارة وكان رده عليّا .... افتكر القابض على دينه كالقابض على الجمر ... مش كل الدنيا ناس بتصحيك للفجر وتحفظوا قرآن سوا

حبي لشخصية الفارس الأبيض على الحصان الأبيض - على رأي يحيى صاحبي - خلتني أمارس دور الملاك في انسحابي من حياة أكتر انسان دفّاني بروحه قبل ما تتكسر المركب و .. و .. "وحال بينهما الموج"

والحاجة الوحيدة اللي جرحتني كانت لما أخويا الكبير سافر علشان يكون آخر واحد فينا كان لسه عايش ف مصر ، لما قاللي أبويا : كنا مربيينكم وبنعلمكم علشان بدل ما نتجمع كلنا لما نكبر ... نلاقي كل واحد فيكم ف بلد

ورديت عليه : مصر ربتنا بطريقة مختلفة يا ابونا ... ولازم نسمع كلام مصر ... مش الجنة تحت أقدام الأمهات برضه؟

ساعتها بس صدّقت أبويا لما قاللي من 10 سنين : احنا – الأسرة – الخمسة زي العُقد لو واحد فينا بعد ... العقد كله هيتوه عن بعضه

أكلي بالشوكة والسكينة على سفرة بيتنا ... ممنعنيش أكون الشخص الشرس اللي يقطع بالسكينة حبل أي عروسة ماريونيت متعجبوش ... ويطلّع عينيها بالشوكة اللي ف ايديه

لسه مصمم إنهم ضحكوا علينا لما كانوا بيجيبوا في الافلام العربي زمان الخير منتصر في النهاية وان الراجل الشرير بيعترف بكل اخطاءه ويطلب السماح

علشان كده اتعلمت .... إن الطيبين مكانهم فوق ف السما مش موجودين ع الأرض

متآمنش لواحد لابس كم طويل وهو بيسلّم عليك ... كف ايده اللي نصه باين ليك ممكن يكون مخبي في الكم الخنجر اللي هيقطع بيه عروقك ويمحيك من الدنيا

لازلت مهتم بإني أجري في ملعب الحياة وأشوط ع الجون .... ومتأكد إن ربنا اللي خالقنا عارف ازاي هيحاسب كل واحد كويس أوي وعارف مصلحتنا فين وبيودّينا ليها

لسه بتطمن أوي لما أقرأ آية : الله ولي الذين ءامنوا يخرجهم من الظلمات إلى النور ... لما ربنا يكون وليّك هتخاف من ايه؟

مفتقد للكثيرين ... وعندي رغبة في مسامحة الكثيرين لكنهم لا يعطوني الفرصة إلا أن أبغضهم أكثر

الحياة اللي احنا عشناها قبل تلات سنين ليس لها أي علاقة بالنكتة البايخة اللي احنا فيها دلوقتي

نكتة ممكن تضحك منها ملء فمك ... قبل ما تعرف إنها حقيقة وتنخرط في البكاء

كلمة أخيرة لأبويا اللي عمري ما قلتله كلمة "أبويا" دي : مكانش لازم تتعب نفسك وتربينا على فكرة ... الدنيا بتربينا بما فيه الكفاية ... واظاهر كده الدنيا مبتربيش غير الطيبين ... لإن الآخرة بتربي ناس تانية

كل اللي فوق ده حاجة جت كده زي ما هيّ .... وعمو بلوجر غير مسئول عن أي لسعان في دماغ الكاتب

ACTIVATION

noreply@blogger.com (sakayar) — Sun, 26 Sep 2010 08:02:00 +0000

إذا كان هناك شيء تعلمته في حياة الانترنت من المواقع والبرامج التجريبية ... فهي أهمية تفعيل الاشتراك وإلا سيتم الغاء حسابك

عندما نقوم بعكس هذه الحالة في مرآة الحياة الحقيقية ستجد هناك الكثير في الحياة أشد أهمية وفي حاجة ماسة لتفعيل اشتراكك ... ولحسن الحظ أن بعض المواقع والبرامج تحتفظ بكل بياناتك لحين رغبت مرة أخرى بتفعيل اشتراكك بها ... فمهما أخذ منك الوقت فهي في انتظار عودتك للتفعيل .... ومن سوء الحظ أيضاً أن هناك مواقع أخرى لها أهمية أكبر تغلق حسابك لتبدأ التعامل بطريقة المال أو النسخ المضروبة

علاقاتنا مع الله وعلاقاتنا مع أنفسنا ... من أكثر ما نحتاج لتفعيل اشتراكه وإلا ضاع الحساب وضاعت البيانات وحتى المال أو النسخ المضروبة لن تفي بالغرض

العلاقة مع الله علاقة شديدة الخطورة وشديدة الحساسية ... التهاون بها لا يعني التهاون بفعل ما ورؤيته بأنه أمر هيّن وصغير ... ولكن يعني عدم رؤيتك لعظمة وجلال من تتعامل معه ... لذلك فهي حقاً علاقة ذات حساسية شديدة

وفي ذات الوقت ، الله يبعث لك بنفسه رسائل دورية يذكرك بتفعيل العلاقة معه واعادة مجرى الحساب ... ربما منع عنك شيء شغلك عنه ... ربما أعطاك شيء يذكرك به ... ربما حصل مكروه لشخص تعرفه ... أو حدث أمر مفرح لشخص آخر بعد انقطاع الأمل فترى قدرة الله فتعود إليه ... ربما ابتُليت أنت فتعود إليه رافعاً يدك وقلبك إليه فيدخلك برحمته إلى بستان الطاعة من جديد وتبدأ في تفعيل حسابك الربّاني مرة أخرى

شخصياً ... شخص لديه اعاقة في احدى قدميه وقف بجواري - على قدم واحدة - في صلاة القيام في رمضان حتى الركعة الأخيرة ... جعلني أخجل من شعوري بالألم طيلة الصلاة وجعلني أحمد الله على رسالته هذه

العلاقة مع النفس ... هي علاقة أساسها الحساب الربّاني الذي ذكرناه ... فإن لم يكن لديك حساب ربّاني فسارع بفتح هذا الحساب وتفعليه وإلا فاقرأ ما شئت : نسوا الله فأنساهم أنفسهم

من أجمل نعم الله عليك ساعة في خلوة تجالس فيها نفسك تعاود فيها الاتصال بنفسك ... أهم مخلوق على وجه الأرض لك وأصدقهم وأكثرهم تمنياً لسعادتك ... نفسك ... تعلمت في هذه الحياة أنه لا يستطيع أن يعطي السعادة من منعها عن نفسه ... وتعلمت أنك حين تفدي أحدهم بروحك ... انتهى الأمر عند هذا الحد فأنت الآن ميّت لا تشعر بشيء ... أما أن تفدي أحدهم بسعادتك فأنت تعطيه جزء من السعادة يحيا بها فيزيد نصيبك من السعادة أضعاف مضاعفة ... شخصياً اعتبر اسعاد الآخرين مثل قرض حسن تقرضه لله فيضاعفه لك أضعافاً كثيرة ... ولكن اذكر دائماً ... إن لنفسك عليك حقاً ... فاعط نفسك أيضاً نصيباً من السعادة ولا تبخل عليها

في ظل الحياة المادية والعملية البحتة التي نحياها اليوم ... هجمات شديدة وأمواج عاتية على سفينة الحياة ... جعلتنا نرى الجانب المظلم فقط من التجارب ومن المشهد ... نسينا في لحظة يأس أن التجربة ليست غاية ولكن الغاية اكتشافك لنفسك بعد هذه التجربة وبعد هذا الابتلاء أو المشروع أو العمل الذي قمت به وابتُليت فيه بالمصاعب

حرق القرآن ... فتنة النصارى والمسلمين ... توريث الحكم ... كهرباء ... غاز ... فساد ... كل هذه الأمور موجودة بصور مختلفة منذ الأزل

كل ما أعرفه وعلى يقين به أن الله لا يغير ما بقوم حتى يغيروا ما بأنفسهم ... لن يغيّر الله حالك من السعادة إلى الضنك إلا بذنب منك وسلوك أوقعك تحت وطئة هذا الضنك والظلم ...ولن يغيّر الله حالك من الضنك إلى السعادة ... إلا بطاعة وسلوك منك وسعي لتغيير هذا الفساد والحزن والألم

كل ما أعرفه في هذه الحياة ... أن الفجر تسبقه شدة العتمة ويتبعه شروق جديد ... وأن الشخص الفاسد لا يصلح حاله إلا بزلزلة أو رسالة تزلزله من الداخل فتكون بمسافة تكرير لكل ما سبق وبداية جديدة ... وهكذا الدول والمنظمات والشركات وكل جوانب الحياة

كل ما أعرفه في هذه الحياة .. وعشته وأتحدث فيه رغم سينن العمر البسيطة التي لم تتجاوز الثامن والعشرين بعد ولكن مروري بتجارب كثيرة جعلتني أوقن بأن جميع المشكلات والابتلاءات يسهل حلّها من الداخل ... من اليقين الداخلي والفعل والعزم وبالتوكل على الله بداية ونهاية ... إياك نعبد ... وإياك نستعين

بعد أن أراني الله آية رحيمة جداً في تجربة حياتية فخور جداً باجتيازها و رؤيتي لحكمته فيها ... أقولها بملء فمي ... "سعيد سعادة الجنة بتسبيح العباد لله"

أشعر الآن بحاجتي الشخصية لإعادة تفعيل الاشتراك في حسابي الربّاني ... واعادة تفعيل الاشتراك بيني وبين نفسي بحاجة شديدة لـ " الحياة .. لما تصحى من النوم " حتى لا ننسى أنفسنا في ظل ماديات الحياة وآلامها الكثيرة

ومالنا ألا نتوكل على الله وقد هدانا سبلنا

رحلة حياة

noreply@blogger.com (sakayar) — Fri, 03 Sep 2010 21:47:00 +0000

أكره الرحيل ... وبشدة ... ولكنني لا أكره الوداع لأن لحظاته السريعة ستحيا طوال العمر في جعبة الذكريات ... وسأهرب إليها كثيراً في أوقات الفرح لتدمع عيني وفي أوقات الحزن لأبتسم ... هكذا تعودت أن أحياها

انتقلت من مسكني القديم الذي دامت علاقتي به مايزيد عن عامين منذ أن استقر بي الحال في بلاد الغربة وحياة الدليفري

كل أركان المنزل تحمل في جدرانها ذكريات كثيرة

بين الضحكات العالية ... والجدال العقيم

بين الذكريات السعيدة ... والليالي الحزينة

بين الوحدة ... والأوقات المليئة بالعمل

بين غالب الطعام عديم الفائدة ... والكثير من الاتصالات المغذية

أقف في البلكون ... أذكر بداية دخولي لهذا المنزل قادماً من بلاد " دؤدؤ" الهلال والنجمة إلى بلاد "توحيد الأذان والباركن بفلوس" ... على استحياء يوماً بعد يوم تتم الخطة الغير معدة بإحكام فتجد نفسك في بلاد الغربة تشعر بالاستقرار ... مسجد تعودت على صوت امامه ... شوارع وطرقات تعودت على مرتاديها ... مطاعم وبقالة تسيطر عليك شهرة بلدك في انك "ابن نكتة" فتتحدث بكل اللغات "لما القافية تحكم" لتعلو الضحكات بلغة ال "هيك" ولغة ال " عيوز" (عجوز) ولغة ال "قشطة أوي" وال "مافي معلوم شو يخبّر" .... وتملأك رائحة الذكريات

تهرب إليك جملتك : " أصعب حاجة لما تبقى الذكريات متعلقة على حيطان أماكن انت عايش جواها " فتعجب كيف ستترك هذه الذكريات وترحل؟ رغم ما تحمله من أحزان ... ولكنها تحمل الكثير والكثير من الأفراح ... سُكان ومرآة و"صوت مصعد" يشعر كل من تحدثه على الهاتف أنك في المترو "ومفهمهم انك ف الخليج بتشتغل" ... لازلت في نفس البلدة ... ولكنك تنتقل من مسكن إلى آخر ... ولكنك تشعر بغربة جديدة ... تشعر بتجربة جديدة ... ذاكرة جديدة ... لتقفز إليك عن عمد لفظة "رحلة حياة"

مراحل انتقالية ... وكأنك تركب سفينة تهبط منها في كل يوم على تجربة جديدة وجزيرة جديدة ... تتعرف على شخصيات جديدة وتتعرف عليك الشوارع والجدران التي ستحيا حولها ... بوابة المعارف التي يخرج ويدخل منها البشر دون استئذان في كل يوم وفي كل انتقال من مكان لآخر ليصبح عليك مسئوليات لأشخاص جدد ... سواء بحفظ سر .. أو نصيحة ... أو مشاركة

يطرق أذنك صوت الميكروفون في صالة المطار ... الرحلة رقم 527 والمتجهة إلى أبوظبي الاقلاع في الساعة ال 1.30 .... أول لحظات الغربة ... أول مبيت لك خارج المنزل ... تحاول تفادي هذا الشعور الكلاسيكي للغربة فتقنع نفسك " اعتبر نفسك رايح المصيف " ... (بس المصيف المرة دي حر أوي ورطوبة) ... كانت هذه بداية الطريق ... لتجد نفسك فجأة في بلاد الغربة وتشعر بالاستقرار ... أعتقد أنه شعور قاسي بعض الشيء ... لكن بدأ هذا الشعور بالغربة هذه المرة عند الانتقال من هذا المسكن لمسكن جديد ... رغم أنني أتعامل بنفس الأسلوب هذه المرة وأتعامل بنفس الفكرة ... انتقال من شيء إلى شيء يعني فرصة جديدة لتجربة جديدة لا أدري ماذا تخفي في طياتها ولكن أعلم يقيناً أن هناك خيراً لا أعرفه

أسترجع قليلاً من الذاكرة لأنظر هل أنجزت شيئاً في هذه المرحلة الأولى قبل الانتقال؟ هل أثرت في شخص ما أو تسببت في تغيير ما لأحدهم يجعلني شخص ايجابي في مكاني؟

ثم وبدون سابق انذار طرق باب الأفكار سؤال أشد من وقوع الجبل ... حياتنا في مرحلة انتقالية بين ثلاث حيوات ... فهل في هذه الحياة كنت شخص صاحب نفع على الآخرين؟ أم أنك ستترك هذا المكان وهذه الدنيا بلا عمل ينتفع به الناس من وراءك؟

هناك أناس فراقهم نهاية الحياة عند الآخرين ... وهناك أناس موتهم بداية الحياة للآخرين ... فمن أيهم تكون ؟

هل اختيار الغربة عن الوطن كان اختياراً صحيحاً ؟

الغربة في بلاد تحترم المواطن ولا أحد يعلو فيها على القانون

أم الوطن الذي لا يحترم ذاته كي يحترم شعبه ؟

الوطن الذي شعرت فيه بالغربة ؟

أم الغربة التي شعرت فيها بالاستقرار ؟

أسئلة كثيرة طرقت آذاني وأنا أذكر أن أمس كان الثالث من سبتمبر العام الثالث لي في بلاد الغربة الاستقرارية

اللهم تقبل منا رمضان

noreply@blogger.com (sakayar) — Tue, 10 Aug 2010 15:10:00 +0000

مفيش مشكلة

noreply@blogger.com (sakayar) — Mon, 19 Jul 2010 07:48:00 +0000

اكتر حاجة اتعلمتها من صغري إن مفيش مشكلة ملهاش حل ... لذلك بالنسبة لي المشكلة مكانتش مشكلة

فمكانتش مشكلة بالنسبة لي لما معملش واجب العربي وانا ف ابتدائي واسيب الكشكول ف البيت ولما تسألني المدرسة عن الواجب أقف وأقول : " يا خبر ... آسف نسيت الكشكول" ... لكن المشكلة كانت بتبقى أكبر من كده لما الأبلة تقوللي : " بيتك قريب من المدرسة هناك أهو روح هات الكشكول وتعال " ... وكان حلها أبسط من كده لإني على ما رحت البيت واتفرجت ع الكارتون اللي شغال ف التلفزيون وجبت الكشكول الفاضي كنا بقينا في الفسحة

ومكانتش مشكلة لما أستاذ الحساب يعطيلنا واجب صعب وكتير مننا ميحلهوش وكل اللي الاستاذ يطلب حضور ولي أمرهم يقولوا " بابا بيشتغل في الخارج " ... المشكلة لما جه عليا الدور وقلتله " بابا في الخارج" وقاللي : باباك شغله هناك أهو ... وكان ردي ببساطة " بابا بيشتغل في الخارج ... بره البيت يعني يا أستاذ " .. ولما مقتنعش بالحل ده قلتله بشكل أبسط " المديرة تبقى عمتي "

ومكانتش مشكلة وأنا في الشرطة المدرسية لما ولد يهرب من المدرسة وباب المدرسة مفتوح لإني كنت بعرف أجري بسرعة وبالفعل مسكت الولد وقبضت عليه ... المشكلة الحقيقية إني لما مسكته في الشارع كان أدام أخوه ... اللي بالصدفة كان بيشتغل جزار وكان ماسك ساطور ف ايديه ... وحتى دي مكانتش مشكلة ... لإني زي ما قلت بجري بسرعة وأخدتها للبيت هرولة

ومكانتش مشكلة لما هددني ولد واحنا ف اعدادي انه "هيقطع زواق الفصل" علشان يكسب فصلهم ف مسابقة أجمل فصل ... كان أبسط تفكير عندي إني أتسبب ف رفد الولد ده النهاردة ومسكت عيني ورميت نفسي أدام مكتب المدير ... المشكلة لما ف نص اليوم المدير بعتلي علشان مامة الولد ده جت علشان تشوف الولد اللي انضرب "اللي هو المفروض انا" علشان تعتذرله ... وعلى ما وصلت مكتب المدير - اللي كان بالصدفة صاحب بابايا - كان المدير مصمم على رفد الولد والأم بتقول له : " ترفد مين" ؟ ده أنا مطلعكش لا انت ولا اهو من باب المدرسة ... ده احنا عيلتنا كلها ف المدبح ... وطبعاً افتكرت المشهد السابق بتاع الولد أخو الجزار ... وكان الحل بكل بساطة ... دخلت للمدير وقلتله بكل براءة : أيوة يا أستاذ؟ لأ أنا مسامحه ده زي اخويا برضه

المشكلة اللي عمري ما لقيتلها حل هو إني كنت لما أطلب من أمي فنجان قهوة أيام المذاكرة كانت تقوللي : لما تكبر ... ولما كبرت واشتغلت وسافرت بقول للأوفيس بوي : اعمللي فنجان قهوة قاللي : لما تتجوز ... ودخل عمللي كاكاو بالحليب ولما قلتله ايه ده؟ قاللي اهي حاجة بنفس اللون

Heart attach

noreply@blogger.com (sakayar) — Sun, 06 Jun 2010 15:05:00 +0000

بدايةً هي كما ترونها بنفس الحروف "هارت أتاتش" وليس "هارت أتاك" حتى لا يطير الدخان يا مدحت وتكثر الظنون

أحتسي كوباً من "الشاي بحليب" وأنا أمتطي كرسي المكتب وأجلس في فترة راحة قليلة من العمل المرهق طوال اليوم

لا تنتهي الفلاشات من العبور طوال أيام الأسبوع أو كما يحدث في الاعلانات 24 أور 7 دايز ... اقرأوها بلغة الفرنجة أثابكم الله

أسأل نفسي في صمت : هل سأكتب عنها ؟ فيأتيني صوت أخي الأكبر في ذاكرتي : " عمرك ما كتبت كلمة عني في مدونتك يا أخي " ولسان حاله يقول : "ربنا يجعلنا من محاسيبك يا عم " فأبتسم قائلاً : "انت مش محتاج اني اكتب عنك يا عمنا "

عندما وُلدت أعطى أبي موافقة ضمنية لأخي الأكبر بتولي مسئوليتي لذلك كان يسير بجواري في "عز الحر" واضعاً يده اليمنى على كتفي ولاحظت أنني حتى الآن أسير على اليمين بجوار أي شخص ولا أعرف السبب الحقيقي لذلك

ينتهي وقت العمل في الظهيرة ذاهباً لنفس المكان الذي أسكنه منذ أكثر من عامين ، أتذكر التدوينة التي كتبتها عن يومي في العمل وأتذكر أنني في هذا التوقيت على وجه الخصوص وأنا عائد إلى المنزل أخرج الهاتف المتحرك لأبعث برسالة نصية لأكبر طفلة و أطهر قلب شفاف أعرفه على هذه الأرض ثم أتذكر انتهاء الصلاحية ؛ بالفعل ليست صلاحية الكارت ولكن صلاحية اخراج الهاتف المتحرك لأبعث بهذه الرسالة ؛ ولكن تصميمي على اخراج الهاتف المتحرك من جيبي يجعلني أخرجه ثم أغلقه ، وهكذا أثير غضب كل من يعرفني بحملي لثلاثة هواتف متحركة كلها مغلقة ولا أحد يستطيع الوصول إلى الطاغية السكايار

أُكثر من الأذكار طوال الطريق حتى أصل إلى المنزل ولكن لا يلهيني كل ذلك عن ذكرها ، وأسأل نفسي رافعاً بصري إلى السماء : إذا كان هذا حب الأشخاص ... فكيف بحب العبد لربه ؟ ولكنها ليست سوى ملاكاً يرتدي ثياب انسان لذلك رغماً عنك تعشق هذه الأيام السعيدة
استمع لصوت ليس صوتي ولا أعلم من أين يأتي قائلاً : " لا تبكي على اللبن المسكوب " ، فأرد قائلاً : " تعودت أن أمسح اللبن المسكوب بشراب أبيض ... ولكن هذا ليس لبناً مسكوباً " وأذكر كلمة "ثورة " كأنها ترد على صاحب الصوت : " انتم قلبين محفورين ف بعض " فأبتسم وأستكمل الطريق .

لا أعرف لماذا أربط بين النقطة الماضية وبين "البرادعي" والخبر الذي قرأته برغبته في مغادرة مصر ... ثم أربط بينهما وبين الآية الكريمة : وَذَا النُّونِ إِذْ ذَهَبَ مُغَاضِبًا فَظَنَّ أَنْ لَنْ نَقْدِرَ عَلَيْهِ فَنَادَى فِي الظُّلُمَاتِ أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ (سورة الأنبياء : الآية : 87 )

يراودني كل جمعة صُداع شديد من ليلة الجمعة وحتى بداية يوم السبت ، وعندما ذهبت للطبيب أعطاني كبسولات - نظراً لأنني أعاني من حساسية ضد الكثير من الأدوية - ولكن لم ألمس لها نتيجة يوماً واحداً ، وأعتقد أن السبب نفسي أكثر منه عضوي ..... يوم الجمعة يوم اللقاء الذي يطول أكثر من 5 ساعات تقريباً بلا ملل ولا ارهاق ولكنه لم يعد كذلك لذلك لا أخرج من المنزل ولا أرغب في لقاء أي انسان في هذا اليوم حتى يلوح القمر في السماء لأخرج وأجلس قليلاً أمام مياه الخليج

أقرأ لأحدهم يكتب عن التفاؤل والأمل فأبتسم لعلمي بأن هذا الكاتب الذي أعرفه شخصياً ليس له تجارب حياتية فكيف لمن لم يخرج السيارة من الكراج أن يفتخر بعدم اصطدام سيارته حتى الآن ؟

أستدعي سبب التفاءل الوحيد الذي أعرفه : " الله دائماً يقضي لنا بالخير " ثم أستدعي سبب الأمل الذي عرفته متأخراً : " الدنيا دار زوال ولا خير إلا خير الآخرة ".

أبي أجرى عملية بسيطة منذ أسابيع قليلة ، وضحكت بشدة وهو يحكي لي أن أخي الأكبر هو من قام باجراء العملية .... ضحكت لأن أبي يشتكي لي قائلاً : " أخوك شكله كان بينتقم من كل الضرب اللي ضربتهوله وهو صغير" فأجبته قائلاً : " لأ يابابا انت كنت بتشتمه بس .... لكن أنا اللي كنت بنضرب " فلم يجد اجابة سوى : " بس أهو جه بفايدة " فأجبته على طريقة عمرو دياب قائلاً : أنا مش هقولك حاجة مش هلومك مش هعاتبك .... احنا اللي علينا الاستحمال يا حاج

أختي الكبرى ... أهدتني أختي في آخر زيارة طبقاً به " كيك شيكولا وبعض الحلويات" تعبيراً منها على وقوفها بجوار أخيها المغترب الأعزب في غربته ومحاولة اسعاده :) وعندما انتهيت منه في منزلي تذكرت كلمة أمي يوم أهدانا الجيران " طبق مشبك دمياطي " وأخذته لأعيده إليهم فقالت لي : " الطبق ميخرجش للجيران فاضي " فابتسمت بما إني أعزب ولا أعلم كيف سأملئ هذا الطبق فذهبت للبقالة وأحضرت 5 معلبات من "الكريم كراميل " الجاهز ووضعته في الطبق وأعدته لأختي

لا أتابع الأخبار المحلية ولا الاقليمية ولا الدولية منذ فترة تزيد عن 5 سنوات أو أكثر لأنني اعتبرتها نفس الأخبار مع تغيير تفاصيل قليلة في السيناريو ... مثلها مثل حلقات مازنجر ... نفس البطل ونفس طريقة الاثارة مع تغيير طريقة هجوم الأعداء ... ولكنني تابعت قناة العربية في أحداث أسطول الحرية لأنني ظننت " واهماً " أن هناك تغيير في الأحداث .... ولكن يبقى الحال على ما هو عليه وعلى المتضرر خبط دماغه ف الحيطة

هارت أتاتش ... موضوع كنت سأكتبه عن تخليص القلب من متعلقاته واعادة ملئه من جديد بما يفيد القلب ويفيد صاحب القلب في حياته وإعادة هيكلة الأشخاص والأشياء التي "يخف وزنها وتثقل قيمتها" ولكنني لم أتمكن من كتابته بالطريقة التي أريد وخرج الموضوع بهذا الشكل المختلف عن أشخاص متعلق بهم القلب

التغيير بين يدي عباس وسمير

noreply@blogger.com (sakayar) — Sat, 01 May 2010 06:09:00 +0000

ذكرت في التدوينة السابقة أنني كنت أميناً لفصلي في المرحلة الابتدائية وكنت رئيساً للاذاعة وجماعة الصحافة والالقاء وعضواً في لجنة الخطابة ورئيس اللجنة العلمية التي من شأن من يرأسها دائماً أن يكون هو المرشح لرئاسة الفصل ... وبالمناسبة المدرسة التي أتحدث عنها لو رأيتموها لآثرتم ألا أذكر شيئاً عن كوني أميناً أو حتى عن كوني أمر من أمامها في طريقي لأي مكان ... لكن هذه المدرسة تخرج منها الكثير من الكوادر فقد تخرج منها المدرسين والأطباء وظباط الشرطة والظباط الأطباء والمهندسين والمحاسبين و العجلاتي وجامع القمامة والحرامي ... نعم تخرج كل هؤلاء من مدرستي التي أتحدث عنها

وبالمناسبة أيضاً فالمدرسة كانت فترتين فكنت أنا في الفترة الأولى ويكون اسم المدرسة على الكشاكيل والسبورة ومكتوب بجوارها رقم واحد فنقول مثلاً مدرسة أحمد عيد 1 والفترة المسائية طلاب مدرسة أحمد عيد 2

في مدرسة أحمد عيد 1 كانت مديرة المدرسة هي بالصدفة البحتة .. عمتي وكانت تأتي لنا الفصل تحكي لنا قصص الأرنب المغرور والسلحفاة الشجاعة وكنت فخوراً بالطبع بأن حكايات عمتي تعجب زملائي ... وكانت فخورة بالطبع أن ابن أخيها هو سيادة الرئيس ... بدون واسطة أو رشوة أو تزوير ولم أقم يوماً ما بالاتيان بتلاميذ تخرجوا من المدرسة ليصوتوا لي في الانتخابات ولم يصوت لي أحد المنتخبين مرتين أو ثلاثة ليزيد من عدد أصوات المؤيدين بل كانت انتخابات نزيهة نزيهة نزيهة آخر 5 حاجات

تمر أول أربع سنوات من هذه المرحلة الابتدائية ويحل علينا فتاة جديدة ولسوء الحظ فإنها تأتي إلى فصلي أنا بالتحديد ... وهي فتاة ولدت في دولة الامارات وعاشت هناك في مراحل الابتدائية الأربعة الأول ... والآن تأتي إلى مدرستنا المتواضعة وهي لا تدري شيء عن هذه المدرسة ولا تدري شيء عن انجازاتي ومجهوداتي في هذا الفصل - لن أذكر بالطبع الانجاز السابق ذكره المتمثل في "خدوا فلوسي وهاتوا جوزي" - كما كان جميعنا يظن .... و جاءت تطلب التغيير ... تغيير ماذا ؟

في بادئ الأمر عندما كنت "سيادة الرئيس" كان الفصل مرتب بحيث صفين من الأولاد والصف في المنتصف هو للبنات ... قسمة عدل

عندما جاءت هذه الفتاة طلبت من المدرسين أن يكون صف ونصف للبنات وصف ونصف للأولاد ... وبالطبع .... لم يعيرها أحد اهتماماً لأنني "سيادة الرئيس" أعلنت أنني سأزيد الضرائب عليهم

كانت الانتخابات على الأبواب وقتها ولكنني رئيساً حتى تنتهي الانتخابات ... ولكن هذه المرة استجابوا لطلبها في التغيير ... فكان النظام الانتخابي في فصلنا هو أن التلاميذ المؤيدين للشخص يرفعوا أيديهم وتقوم المدرسة بالعد والاحصاء ثم تكتب رقم المؤيدين على "السبورة" وكان "المرشح" يعرف بالطبع من رفع يده ومن لم يرفع يده

ولكن هذه الفتاة الجديدة "ايناس عباس" اقترحت نظام جديد وهو أن يكتب كل فرد مرشحه في ورقة ثم تقوم المدرسة بفرز الأصوات منعاً من الحرج ... ولأنني أثق في "شعبي" وحبهم لي ... "خصوصاً إننا عشرة من أولى ابتدائي " فوافقت بالطبع مع عدم نسيان ابتسامتي الساخرة متبعاً إياها بكلمتي الشهيرة "هأو" .... ولكن صدق أو لا تصدق

رئيس اللجنة الفنية "نورا سمير" هي أحد المرشحين الدائمين لي وهي أيضاً أحد الوزراء الدائمين في حكومتي ... ولكنها تحصد جميع الأصوات ومن ثم ترشح نفسها للرئاسة بل وتصبح رئيس الفصل .... لأول مرة في تاريخ الفصل تصبح اللجنة الفنية هي المسئولة عن رئاسة الفصل

وصدق أو لا تصدق ... لم أحصل على أصوات تجعلني حتى عضواً في أي لجنة من لجان الفصل أو عضو من أعضاء ادارة الفصل

وبعد انتهاء الانتخابات قامت "سيادة الرئيس" ببدء مهامها فسلمتها مفاتيح خزينة الفصل وسلمتها الأموال التي كنت أجمعها من التلاميذ بالطبع ليست ضرائب ولكنني كنت أهتم بمظهر الفصل متناسياً الحالة الاجتماعية والفارق الاجتماعي بين التلاميذ فكنت لمرتين في الأسبوع أجمع الأموال لزينة الفصل ونظافة الفصل ولوحات الفصل وابتكارات كلما يأتي على ذهني .... وهنا علمت سبب انصياع هؤلاء التلاميذ الخونة إلى التغيير فلم يقدروا مجهوداتي لجعل فصلهم من أفضل وأنظف وأجمل فصول المدرسة ولم يكن عندهم هذا الوعي بأنني أجمع منهم الأموال وأنفقها على المرافق العامة في الفصل والقطارات ... نعم فقد كان المرور من "الدرج" إلى "السبورة" يحتاج هذه المصاريف جميعها ... ولكن ... من يُقّدر هذا المجهود ؟

وصدق أو لا تصدق أيضاً ... فها أنا ذا أرى الفصل أمامي ونحن نجلس صف ونصف أولاد وصف ونصف بنات

يــــالـــمهــذلــــــــــــة التاريـــــــــخ

ولكن لا أخفيكم سراً

فعندما سنحت لي الفرصة في ترشيح نفسي في المدرسة الاعدادية وكان في فصلي بعض أعضاء ادارتي القديمة "الحكومة القديمة" تنحيت جانباً وآثرت حب الشعب عن كوني رئيساً طاغية عليهم .... ولكنني لم أعلم لماذا لم أسمع نداءاً واحداً يهتف قائلاً : لا تتنحـــــى

دراسات اجتماعية

noreply@blogger.com (sakayar) — Sun, 18 Apr 2010 06:05:00 +0000

بدأنا نتكلم عن الأيام الخوالي والأيام العذارى والأيام الثكالى والأيام الحلوة بتعدي ف ثواني الأيام الحلوة مبترجعشي تاني وطعم المحشي اتغير وصابع الكفتة قصير صور العيلة وفيديو الشلة على اليوتيوب تتشير وقعد كل واحد فينا يتكلم عن اللي وصل له من انجازات واللي وصل له من تغييرات ونضحك على أيام البراءة والشقاوة وإنه واحنا صغيرين كنا دايماً نقول إننا لما نكبر هنعمل كذا وكذا وكذا علشان كنا بنشوف الكبار هما اللي ليهم الحق يعملوا كل اللي هما عاوزينه واحنا كل ما نسأل عن حاجة او نيجي نعمل حاجة يقولولنا لما تكبروا ... لكن للأسف لما كبرنا لقينا الحياة بتتعقد أكتر بكتير من أحلامك البسيطة وانت صغير

بدأ يكلمني عن فترات حياته الأخيرة وإنه الفترة الأخيرة من حياته قلبت بمسلسل من مسلسلات إم بي سي دراما وفيلم من أفلام إم بي سي أكشن .... مع انه مكانش فاكر ان الحياة هتقلب كده وكان فاكر انه هيفضل عايش ف سبيس تون أو إم بي سي ثري وإنه مش عارف ليه فجأة حس انه كل حاجة بقت غلط ومعادش قادر يفهم حاجة من اللي بتحصل ولا يتكيف مع حاجة

ابتسمت وقلتله متسيبش الموجة تاخدك وتستسلم

بص على أبسط الحلول ومتستكبرش انك تعملها

قاللي الواحد حاسس انه ف اختبار ومش عارف يصيغ الحلول ازاي

قلتله واحنا صغيرين كان أرخم مادة عندي ف ابتدائي هي الدراسات الاجتماعية وأنا كنت أمين الفصل وكنت رئيس الاذاعة المدرسية ء ورئيس جماعة الصحافة ورئيس جماعة الالقاء وكنا بنروح نمثل المدرسة ف أي مسابقة وعضو ف جماعة المناظرة لكن .... المهم كان المطلوب مني اني اكون من المتفوقين بناءً على مركزي الحساس :) وانا مكنتش كده أبداً بصراحة لإني كنت بحس انه اللي بدرسه مفيش منه فايدة ... لما اشتغل دكتور ايه اللي هيفيدني لما ادرس خريطة ؟ لما أشتغل مهندس ايه اللي هيفيدني اني اعرف ان الأسرة الخامسة كانت متضايقة من الأسرة السابعة علشان أخدت منها طبق فضي ومرجعتوش وأصول الزوق بتقول انك لما تدي لجارك طبق وفيه حلويات يرجعهولك وفيه حلويات من نوع تاني

المهم خلينا في الدراسات الاجتماعية

كان عندنا اختبار شهر وكان الوقت قرب من نهايته والبنات بيسلموا كشاكيلهم وحلولهم وأنا المفروض أمين الفصل ازاي حد يقدم كشكوله قبل مني ؟؟؟ وانا ادامي سؤال عارف اجابته لكن مش قادر أصيغ الاجابة خالص لدرجة ان الدم وقف ف كل جسمي من كتر التوتر اللي كنت فيه .... كان السؤال بيقول ماذا حدث لملك فرنسا في المنصورة وكيف خرج منها ؟ ولأني من أبناء المنصورة فعارف ان لويس التاسع لما أخدوه ف دار ابن لقمان وأسروه جت مراته الحاجة أم لويس الصغير وجابت فدية وسيبولي الراجل اللي حيلتي واحنا ناس طيبين سبنالها راجلها دي مهما كان ست مكسورة الجناح .... لكن الحمدلله ان اجابتي كانت ألطف من كده بشوية .... فكان كل اللي واقف ادامي مش قادر افتكر كلمة "فدية" ولا كلمة "افتدت" ولا كلمة "تركوه" أو "أفرجوا عنه " أو "أسير" وكانت الكلمات دي هي اللي هتحل المشكلة كلها .... لكن لضيق الوقت ولإني عارف الاجابة فمكانش أدامي غير اني ابتدع طريقة جديدة لحل المشكلة وأصيغها من منظوري الطفولي والمفروض ان المصححة "الأبلة" هتتفهم موقفي وهنتواصل لحل وسط في تصحيح السؤال أكيد :) .... وكتبت التالي

استطاع أهل المنصورة أن "يأخذوا" ملك فرنسا لويس التاسع و"حبسوه" في دار ابن لقمان حتى جاءت "مراته" وقالت لهم "خدوا فلوسي وهاتوا جوزي " فأعطوه لها مقابل "الفلوس" وهكذا خرج الفرنسيين من المنصورة

ضحك صديقي جداً حتى رأيته نسي كل ما أهمه حتى وقع على الأرض من كثرة الضحك ... وهو ما حدث بالمثل لمدرسة الدراسات الاجتماعية عندما أمسكت بدفتري ضاحكة حتى أوشكت تقع من على الكرسي وتلامذة الفصل ينظرون جميعاً كيف أبني قواعد المجد وحدي ثم قالت "سكايار ... تعال هنا " وقفت أمامها ثم قالت بصوت خافت : بقى مراته قالتلهم هاتوا جوزي ؟ وكنت خجولاً جداً فاحمر وجهي ونظرت إلى الأرض ثم قلت ... ما هي مراته مبتتكلمش عربي أصلاً بس ده اللي هي قالته ... فضحكت مرة أخرى ورأيتها تكتب لي الدرجة قبل النهائية ... قائلة : الدرجة اللي انت ناقصها دي علشان الصياغة بس ... وطبعاً مفهمتش يعني ايه كلمة "صياغة" إذا كنت كتبتلها "مراتي وجوزي" يبقى هعرف منين كلمة صياغة ؟؟؟

شعور بالحنين

noreply@blogger.com (sakayar) — Sun, 14 Mar 2010 08:25:00 +0000

هو ده الشعور اللي مسيطر عليا الفترة دي أوي

شعور بالحنين لكل حاجة

فجأة لقيتني بدخل ع اليوتيوب وأدوّر على كارتون كابتن ماجد

وأسمعه وأنا قاعد بشتغل

شغلت الجزء الأول والتاني والتالت ومشبعتش

ودوّرت على كارتون جونجر اللي كنت بتفرج عليه وانا صغير

كان الكارتون ده بيتعرض ف الكويت بس أيامها ومتهيألي برضه كان في السعودية

وكان خالي الله يرحمه بيجيبه على شرايط فيديو وهو نازل مصر هو وأولاده

وكنا بنقعد نتفرج عليه كلنا سوا

فاكر كمان كان فيه كارتون اسمه سالي بس كان كارتون حزين

معرفش ليه حاسس بحنين أووي للوقت ده

ممكن علشان براءتنا

سرحت في رمضان والشوارع

كنا عندنا فانوس خشب بنحطه من البلكونة ف طرف البلكونة علشان ينور الشارع

وكان بيبقى متغلف بجلاد ألوان أحمر وأزرق وأخضر

وكل رمضان بنغيّر الفانوس وأفتكر كنا عملنا فانوس معدن مرة

وكنا نغير أوي من أولاد الشارع وهما بيعملوا شراشيب وأطلع أنا واخواتي البلكونة نعمل الشراشيب بتاعتنا

ونعلقها على البلكونة

ولما كانوا ولاد الشارع يطلبوا يجولنا البيت علشان يعلقوا الشراشيب ف الشارع من بلكونتنا

كنا نفرح أوووي علشان ساعدنا الشارع في إنه يعلق الشراشيب

لسه فاكر صوت الأولاد بيلعبوا في الشارع

وصوت الأمهات وهما بيندهوا على أولادهم يلا ياولاد اتأخرتوا كملوا بكرة

ولسه فاكر صوت الرجالة الكبار في الشارع وهما بيلعبوا كورة

فاكر الضحك وفاكر فرحة الناس رغم هموم العيشة الكتيرة اللي ملياها

بس كانوا دايماً بيضحكوا ودايماً بيهزروا

الاجازة اللي فاتت لما نزلت مصر مكانش فيه الضحكة دي

أركب المواصلات مفيش أي نوع من الدفى اللي الواحد كان بيحسه في مصر

الناس من كتر الهم اللي عندها معادوش حتى بيعرفوا يبتسموا ف وش بعض

وأنا صغير كنت بقول الواحد كل ما بيكبر بيتعلم فبتبقى حياته أسهل

لكن لقيت ان الواحد كل ما بيكبر الحياة بتصعب أكتر

انا مكنتش بعرف أطلع البلكونة بتاعة بيتنا

لإن كان دايماً ف أي وقت كل ما أطلع ألاقي ستات خارجين ف بلكوناتهم من الجيران أو بنات

وواقفين يتكلموا

مكنتش أبداً بعرف أطلع البلكونة غير بالليل خالص

البلكونة بتاعتنا فيها ستاير كنت بقفلها كلها

وأجيب الكرسي وأقعد ورا الستاير وأخلي فاتحة بس من الستاير علشان أشوف الشارع

مكانش حد بياخد باله مني أبداً

وأنا مكنتش ببص على أي حد بجد

لكن كنت بحب أبص للسما وممكن أسهر للفجر قاعد في البلكونة

وكنت كتير وانا سرحان أفوق على كلام البنات بتوع الشارع وهما بيتكلموا على بيتنا

على أختي وانها مدرسة وبتعمل ماجيستير

وانهم نفسهم يبقوا زيها

وكانوا الرجالة لو قاعدين في الشارع ألاقيهم بيتكلموا عليا أنا وأخويا

ازاي اننا متعلمين وف جامعة وازاي اننا مش بنفوت صلاة في المسجد

كنت أبتسم دايماً

لإن مكانش حد بيعرف اني بسمع كلامهم بس بجد مكنتش بتعمد أسمع كلامهم

اتعلمت أشوف الحاجات اللي بتدور ف دماغ الناس من حاجة زي كده

يعني كان الولاد بيقعدوا في الشارع للفجر يتكلموا

أسمع مشاكلهم وكل واحد بيشتكي من ايه

وتلاقي الولد قاعد مع صاحبه بالليل بيقول انه حاسس نفسه ولا حاجة

نفسه يعمل كذا وكذا ويتكلم عن أحلامه

وليه لأ ؟ هما مش من حقهم يحلموا زينا؟؟

بدأت أبص للناس مش من المظهر

بدأت أبص للناس على ان المظهر ده مخبي وراه حاجات تانية كتير

والحاجات دي يا حلوة ... يا وحشة ... بس مفيش انسان بيتولد وحش

------------------

أحبة أفتقدهم

الشيخ علي طه

هو راجل قانون المفروض

ومع ذلك هو راجل بيعلم التجويد في القرآن

أول مرة اتكلمت معاه قاللي ان ليه جدول

كل فجر ف مسجد مختلف

وكل يوم الضهر في المسجد اللي ف بيته تحت بيته

وبعد صلاة العصر ف مسجد كذا

سبحان الله راجل وهب نفسه لتعليم كتاب الله

والأجمل العادة اللي عنده

كنا بنبقى 10 أو 15 واحد في جلسة التجويد

كل واحد يقرأ بالترتيب والشيخ ف ايده ورقة

بيكتب أسامي كل اللي قاعدين

وبيكتب كام غلطة غلطها

في الآخر بيطلع أقل 3 عندهم أخطاء

ويعطيلهم ورق يقول لهم روحوا مكتبة فلان اشتروا هدية ليكم

أنا كنت بروح اشتري شرايط القرآن بتاعة سعد الغامدي

لدرجة اني كملت المصحف المرتل بتاع سعد الغامدي من فلوس الشيخ علي طه

الهدايا اللي كنت باخدها

لكن كانت في الآخر بتبقى من نصيب العربيات

اللي بركب معاها وانا رايح الجامعة

تخيل كل يوم 3 هدايا ع الاقل الهدية ب 2.5 جنيه أيامها يعني ... يعني 225 جنيه في الشهر

وهو أصلاً في اليوم بيخرج حوالي 9 هدايا ع الاقل ... في صلاة الفجر والضهر والعصر

ومش بياخد أجر على التحفيظ ده ولا على التعليم ده

فاكر آخر لقاء بيني وبينه كان في الجمعية الشرعية ... مأخدتش جايزة مرتها

وبعدين قعدت علشان أسمع عليه سورة ابراهيم

لكن منتظرتش انه يختبرني فيها

لإنه كان اختباره صعب جداً

يجيبلك كلمة في السورة ويقول لك كمّل

زي مثلاً ... فبأي آلاء ربكما تكذبان التالتة ... كمّل

بدأت قراءة علطول ... وهو علشان ميحرجنيش سمع

وبعد ما خلصت قلتله عاوز اصح على حضرتك سورة

ابتسم وقاللي لأ انت مش محتاج تصح عليا ... انت تحفظ مع نفسك وتيجي تسمعلي علطول

وف فترة سفري الأولى اللي كنت فيها في الامارات عرفت بخبر وفاته ربنا يرحمه

---------------

الرجل الثاني

كان اسمه الشيخ نجيب

راجل فوق ال70 سنة

هو من أوائل الناس اللي كانت ملتزمة في بلدنا

وسمعت انه كان بيحارب الصوفيين دايماً ويروح ف مجالسهم ويدعوهم للسنة

وكانوا دايماً يضربوه

سمعت برضه انه ف يوم كان فيه مولد والصوفيين دول كانوا بيشربوا خمرة وبيرقصوا ووو

ومش عارف هو عمل ايه بالظبط بس كسر الكلوبات بتاعة النور بتاعهم وكده

وهما عرفوا انه الشيخ نجيب اللي ورا ده وراحوا ضربوه كلهم

الشيخ نجيب لما قابلته لاحظت انه حركة ايده اليمين بطيئة دايما ... هو كان نجار

عرفت انه عنده حاجة زي شلل نصفي كده

وفيه ناس قالت انه ده حصل له بعد ما الصوفيين دول ضربوه

بس مش عارف دي حقيقة ولا لأ

اللي حببني ف الشيخ نجيب انه دايماً مبتسم

هادي جداً ... مبيسبش المصحف طول ما هو قاعد في المسجد

لما كنت أروح المسجد انزل على ايديه وابوسها

ألاقيه هو بيمسك راسي ويبوسها ويقوللي نورتنا بريحتك الطيبة

هو اللي علمني دعاء "ربنا يبارك فيك ويعزك" ده

كانت آخر صلاة صليتها معاه كانت قبل سفر الزيارة ف صلاة العشا

وسلمت عليه وكالعادة بوست ايديه وباس راسي ف بوست كتفه وراسه وابتسمت

قلتله ادعيلي يا جدي أنا مسافر ... قاللي دعواتك لينا في السفر

ربنا يوفقك ويسعدك يا بركة

وعرفت برضه في نفس فترة السفر الأولى بتاعتي انه مات في صلاة الضهر وهو ساجد

جميل أوي ان الواحد يعرف ناس طيبين وقريبين من ربنا كده

رجعت لأول نقطة في الدايرة من جديد

وهي

اننا بنقابل ناس كتير

ويدخل حياتنا ناس كتير

لكن بنفس السرعة اللي بيدخلوا فيها حياتنا

بتكون نفس السرعة اللي بيخرجوا فيها من حياتنا ويسيبونا

بالسفر

أو البُعد

أو الموت

لكن متهيألي ان كل انسان بيظهر ف حياتنا

بيظهر علشان له مهمة ربنا باعته يعملها

ممكن نتعلم منه حاجة

ممكن يغير فينا حاجة

ممكن يحسسنا بحاجة

ولما تخلص المهمة

بيختفي من حياتنا ... بنفس الطريقة اللي ظهر بيها

وأحياناً ربنا بيكون عاوز يعرفنا انه زي ما ادانا ممكن ياخد مننا

وزي ما أخد مننا ممكن يدينا تاني

المهم تكون قلوبنا متعلقة دايماً بربنا

والمهم تكون المعرفة والعلاقة دايماً قايمة في الأساس على ربنا

بس الأكيد إن العلاقات مهما انتهت ... بتفضل الذكريات حبل واصل ما بيننا وبينهم

وبيفضل القلب شايل الحب اللي اتملى منهم

ملحوظة : هذا البوست منقول من يومياتي

وأحياناً تبدأ الحياة بالموت

noreply@blogger.com (sakayar) — Sun, 21 Feb 2010 13:41:00 +0000

هل جربت أن تموت يوماً ؟

والله بجد ؟ طب وكان احساسك ايه ؟

حلو احساس البنكرياس بدون دقيق ده فعلاً

تخيلوا معايا كده

انت ف السبعين من عمرك على سريرك ... في أنفاسك الأخيرة

فلاش باك على السبعين سنة اللي فاتوا .... بتفتكر كل حاجة وأدق تفاصيلك ... بتبتسم على شقاوة عملتها

أصحاب كنت معاهم

بتفتكر أحلام حققتها ووصلتلها

بتفتكر أحلام موصلتلهاش أو اتمنعت من تحقيقها

سبعين سنة كاملة

هتموت دلوقتي

انت ... أيوة انت ... هتموت دلوقتي

نفسك ترجع ؟

فيه حاجة نسيتها عاوز ترجعلها ؟

فيه سنة من السبعين سنة نفسك تغير فيها حاجة ؟

لو رجعت هترجع لحياتك اللي فاتت ؟

ولا هتحب تعيش حياتك بشكل مختلف ؟

ضحيت كتير في حياتك ؟

مستمتعتش بيها زي ما كان نفسك ؟

ضيعت أحلام كتير علشان ناس غيرك ؟

شكلك افتكرت حاجة عملتها وبتقول نفسي أرجع أعمل الحاجة دي بس وأرجع تاني أموت ... صح ؟

لم ورق الكوتشينة ده يابني ... لم لم ..... هات الواد م الأرض ... قصدي يعني ورقة الكوتشينة اللي فيها الواد

عندك كام سنة دلوقتي ؟ 20 ؟ 30 ؟

عارف ان الزمن بتاعنا ده هو زمن موت الفجأة وموت الشباب والاطفال اللي سنهم صغير ؟

طيب ما تيجوا نلحق اللي باقي ... قبل ما يضيع زي اللي راح ؟

معندكش حاجة ضاعت ؟

تمااااام تمام اوووي كمل زي ما انت حلو مش وحش .... واوعى تضيع في اللي جاي

الحياة لما بتصحى م النوم عمرك ما هتلاقي اللي فات كان حلم ... ولا هتلاقي اللي جاي برضه حلم

كلها حقايق احنا اللي بنرسمها بإيدينا

احنا اللي بنخلق ظروفنا ... واحنا اللي بنعيش فيها

واحنا اللي بنخلق احلامنا وواقعنا .... احنا وبس أنا وانت وهي

الشخص الوحيد اللي ربنا عطاله حق الاختيار والعقل والقلب اللي يعينوه على اختياراته دي

تحب ترجع دلوقتي وتقول حاجة لشخص معين ؟

تحب تيجي دلوقتي وتحقق حاجة بقالك كتير بتقول هعملها ولسه معملتهاش لغاية دلوقتي وبتأجلها ؟

طب آخر مرة قعدت فيها مع نفسك بعيد عن الناس تفكر في نفسك ولنفسك وف احوالك مع ربنا ومع نفسك ومع الناس وتفكر ف حياتك ... كانت امتى اخر مرة ؟

ممكن تقفل البلوج ده لو سمحت ؟

أيوة زي ما بقولك كده

اقفل البلوج

حاول تخرج بره جسمك كله

بص على نفسك كإنك بتتفرج على فيلم أو فيديو أدامك

حاول تعمل تقييم لبطل القصة ... وشوف ايه اللي ناقصه

ايه اللي كان نفسه يحققه محققهوش

ايه الحاجات اللي هتسببله السعادة وايه الحاجات اللي المفروض يتعلم منها

واقفل البلوج اللطيف اللي انت بتقراه دلوقتي

وبص على حياتك

sometimes, life can only really begin with the knowledge of your death

اعتبر نفسك صحيت من النوم وابدأ من جديد حياة كل مقاومتها وكل نجاحاتها واقفة عليك انت وحدك

وتوكل على ربنا

تفـاءل ... ابتسم

السعادة والخير موجودين في دنيتنا

بس منتظرين احنا اللي نكتشفهم

مش هما اللي يجولنا لغاية عندنا

----------------------------------------------

أتمنالكم كل الخير

هروح أنا كمان أصحى م النوم وافكر في حياتي من جديد

دمتم بكـل الخيـر

انت ست بيت قلبك

noreply@blogger.com (sakayar) — Wed, 03 Feb 2010 06:38:00 +0000

تخيل إن فيه ضيوف مهمين جداً جايينلك البيت

أصحاب أسرة بقالكم فترة متقابلتوش

جيران من الشارع القديم

شخص عزيز على قلبك وجاي من السفر وهتستقبله ف بيتك

إيه رأيك ؟

مش البيت هيبقى ف حالة طوارئ ؟؟

وزي ما ف شركة المرعبين المحدودة بيقولوا

حالة طوارئ جيم حالة طوارئ جيم :)

تخيلت معايا البيت هيكون عامل ازاي ؟

ست البيت والمساعدين ما بين تجهيز الغدا من يومين

و بين شراء طلبات البيت والتنضيف

وأكتر حاجة بيتحس بيها يومها .... هو الانطباع الأول عن البيت ... في النظافة

فلو الاكل لذيذ وكل الطلبات موجودة ... والبيت اتحس فيه بكركبة او اتشاف شراب تحت كرسي السفرة أو مناديل واقعة جنب باب الصالون .... هتفضل معلقة دي ف الدماغ

صح ؟

طيب يلا نهد الدور ونلعب من جديد

شوف انت عندك كام سنة دلوقتي

شوف كمية الكركبة اللي موجودة ف حياتك

شوف كمية التراب والبهدلة اللي ف قلبك

كام فردة شراب تحت كرسي السفرة ف قلبك ؟

وكام ورقة محدوفة فوق دولاب عمرك ؟

يا ترى لما بتبص لنفسك ف المراية بتقول يااااه أيام ما كنت بعمل كذا وكذا ؟

ولا بتقول الأيام دي أحلى أيام حياتي ؟

طب هقولك أقولك ..... امتى آخر مرة حسيت فيها بقرب من ربنا ؟

طب امتى آخر مررررررة امممممم حسيت إنك سعيد أو راضي عن يومك ؟

آخر سؤال آخر سؤال والله : ) قبل الأسئلة الجاية يعني : )

انت راضي عن ربنا ؟

ممكن نجيب المكنسة ؟

محدش يقوللي انت ف الخليج وهاتلنا مكنسة وانت جاي عااااااا

ممكن نجيب مكنسة ونجيب أدوات النضافة .... ونطلع كل الكركبة دي بره الأوض اللي ف قلبك ؟

ممكن نبدأ كنس ومسح وتنضيف وغسيل .... علشان ربنا لما يكون موجود ف قلوبنا يبقى موجود ف مكان نضيف ؟

ولا ينفع ربنا يكون موجود ف مكان كله كركبة كده ؟

ممكن لما نيجي نرجع الحاجات الكتير اللي طلعناها بره الأوض دي نبص عليها الأول بعد ما نضفنا المكان ؟

نشوف يا ترى هتبقى لايقة دي جنب حب ربنا اللي ف أوضة قلبك .... ولا هيبقى منظرها وحش وهتبوظ الشكل الحلو بتاع حب ربنا ؟

ممكن نرجع بالذاكرة شوية لورا ... نشوف إيه اللي اتغير ... وإيه اللي لو اتعمل هيخلينا أحلى وأسعد ف حياتنا ؟

بشرط طبعاً يقربنا من ربنا

طلب أخير بقى

ممكن نبطل نعمل اللي الناس عاوزاهولنا وشايفيننا فيه

ونبدأ نشوف احنا عاوزين إيه وحابين نكون إزاي ... ونبدأ نعمل احنا ؟

إذا عرفت الحل اتصل على 0900 خمسة وشايفين خمسة وسامعين

وافتكر دايماً إن دنيتنا دي : حسنات بتزيد وسيئات بتقل .... أو سيئات بتزيد .. وحسنات بتضيع

ورحمت ربك خير مما يجمعون

دمتم على خير وصلاح

وإذا شفتوا مصطفى بلغوه سلامي

معناة الكلام

noreply@blogger.com (sakayar) — Wed, 27 Jan 2010 05:40:00 +0000

كان نفسك تعيش ف مكان عالي

وتبص ع الناس اللي تحت

من غير ما يشوفوك

ولما وقفت أدام الشباك المتفيم

بتشوف الشوارع

ظهرت صورتها أدامك

فافتكرت كل المعاني اللي جواك

هي

طفلة بتقع من فوق العجلة

نفسك تجري عليها تشيلها

لولا أخوها اللي واقف جنبها

حنينك

يشبه شاي العصاري يوم الجمعة

وانت واقف بتتفرج

ع الولاد ف الشارع بيلعبوا الكورة

شوقك

زي واحد

نفسه ف سرير وبطانية

بعد الساعة 12

ف ليلة شتا باردة

رعشتها

نفس الاحساس

لما تشم ريحة المطر

نازل من السما

مخلوط بريحة تراب الأرض

شقاوتها

لما تسيب اصحابك تحت البلكونات

وتجري لنص الطريق

ف عز ما المطر بيزيد

ترقص من الفرحة

انت

مجرد انسان

لسه هيتولد

من حضنها الدافي

ويخرج يكتب الأشعار

آخر قصيدة روح

noreply@blogger.com (sakayar) — Wed, 30 Dec 2009 08:02:00 +0000

على طرف قرص الشمس

قاعد شعاع محني

يسطُر قصايد فجر

بسنان قلم مقصوف

من جوه حضن الألم

بتخرج الحكمة

ماسكة ف ديل فستان

دنيا

ماليها الخوف

آخر قصيدة شجن

بكتبها من قلبك

بنبض عالي الصوت

لكن مهوش مسموع

زي الجمال ف البُكا

والحُسن لحظة موت

الرقة جوه القلب

نابعة من القوة

القسوة شيء مخجل

والكبرياء م الضعف

والفرح قطر سريع

لكن أكيد موجود

آخر قصيدة روح

تتغنـّى ف الدنيا

كانت رسالة ف بحر

من شبكة الصياد

سمكة ضحية حب

واقفة مع حبيبها

جنب الصخور تضحك

من فرط ضحكتها

وقعت ف بطن الحوت

أيام على عتبات العمر

noreply@blogger.com (sakayar) — Mon, 21 Dec 2009 08:17:00 +0000

الصورة مأخوذة من هنا هووون

بالأمس أتممت عامي الخامس والعشرين

آه والله أتممته

ودخلت بقدمي للعام السادس والعشرين

قبلها بأيام قليلة كانت تتراقص أمامي فلاشات - كعادتي - على مدار هذا العمر القصير طولاً والكبير حجماً

تذكرت سحر الرقم "ستة" في حياتي

وأنا عندي ست سنين ... سبت البيت ودخلت المدرسة

وأنا عندي ستاشر سنة ... سبت أصحابي ودخلت الكلية

وأنا عندي ستة وعشرين سنة .... سبت كل حاجة ودخلت نمت ف أوضتي

هل لاحظ أحدكم أن كل فراق تبعه لقاء آخر؟

بعد ست سنين في بدء حياتي ... تركت حضن المنزل ... وحضن أمي الدافئ وبدأت حياة جديدة

ألتقي بأطفال في مثل عمري .... لنا نفس الأحلام ونفس الخيالات

مدرسين ومدرسات - نغضب ... نخاف .... نضحك .... نمرح

لي صديق هو أول صديق لي في حياتي تعرفت عليه في أول سنة دراسية ... لازلنا أصدقاء حتى الآن

رغم تغير شخصياتنا وطباعنا .... لكن لازال بيننا هذه الخيوط الرابطة للعلاقة

في سن السادسة عشر وبعد أن تعرفت على أجمل أصدقاء في المرحلة الثانوية

تفرق دمنا بين القبائل

أقصد .... تفرقنا على كليات مختلفة .... ولم نعد سوياً بالقدر الذي كنا عليه

أصبحت اهتماماتنا مختلفة ... ومشروعاتنا أيضاً مختلفة

لكن بقى لنا خيط الصداقة الذي مهما ذاب بفعل الزمن عاد من جديد مثل زهور الربيع

وفي هذا الفراق أيضاً .... تعرفت على أناس آخرون

هذه الحياة الجامعية المفتوحة

الخوف الشديد من كثرة الوجوه التي تقابلك بانطباعات مختلفة

سجائر - مخدرات - معاكسات من الشباب للفتيات - وفتيات غير مسئولات بالمرة

تيار اسلامي بعضه متشدد وبعضه طيب الأخلاق

شباب وفتيات آخرون لهم أحلام في بلد مات فيها الحلم وهو نائم

مجتمع جامعي يشبه المجتمع الحياتي الخارجي بصورة مصغرة

هو مجتمع رؤسه فاسدة ... والأكثرية فاسدون

كوسة - الأولوية لأولاد الدكاترة - عنصرية لأصحاب المظهر المتدين

فتيان وفتيات يحملون هموم وطنهم - يقابلهم على الناحية الأخرى فتيان وفتيات يحملون هموم الموضة والمقابلات والراندي تفوو

نسيت أن بعد ستاشر سنة تعليم .... وهو أيضاً مرتبط بالرقم ستة

انتهيت من الحياة الجامعية مفارقاً أصدقاء وعلاقات وذكريات جميلة

لأبدأ علاقات جديدة مع أناس آخرون ... وحياة جديدة أوسع بكثير من دائرة الحياة التعليمية التي لا تحمل طعماً حلواً سوا العلاقات

حياة عملية .... تعرفت فيها على أناس مخلصون لعملهم ... يعملون بطريقة لو كان الكل يخلص في عمله مثلما رأيت هؤلاء لكان حالنا في هذا الوطن مختلف تماماً عما نحن عليه

حقيقةً رغم أني من مواليد ثلاثة وثمانين ... إلا أني لا أعرف إن كان عمري الآن سبعة وعشرون أم ستة وعشرون

المهم

السنة الماضية ... كانت أسعد أوقات حياتي

ارتبطت بأجمل فتاة في العالـم وأرقهم على الاطلاق

دق قلبي لأول مرة ونطقت بكلمة لطالما أعجبتني نغمتها ولكن لم أكن قد ذقت طعمهـا

بحبـك

حققت أحلاماً لطالما حلمت بها

تعرفت على أناس جدد هم من أجمل الأصدقاء والأخوة الذين قابلتهم في حياتي

ولكنهم للأسف في عالم افتراضي سواء على الفيس بوك أو المدونات

ولكنني سعيت وسعوا أيضاً لنخرج من عالمنا الافتراضي إلى عالم حقيقي بعض الشيء

ولو بمكالمة هاتفية كما حدث مع الرائع محمد مفيد و أحمد البوهي وآخرون

أو مقابلة شخصية - كما حدث بيني وبين الجميل تامر طه - صاحب مدونة أكتب بالرصاص

والمبدع د . أحمد عبدالعدل - صاحب مدونة وماذا بعـد

نهايات مأساوية في حياتي الشخصية في النص الثاني من عامي السابق

ليُسفر عن سحر جديد للرقم ستة في عامي السادس والعشرين

وهو فراق جديد .... ولكن لن يعوضه لقاء بأشخاص آخرين

على أعتاب عامي الجديد

أحلام قادمة مازالت قيد التخطيط

أحداث ماضية تحمل فشل ونجاح .... وبينهما خبرة حياتية ولو قليلة

نِعم ربانية لازلت أنعم بها .... وأسعى لأن أؤدي شكرها بقدر ما أستطيع

أقصى لازال جريحاً .... ووطن لازال ينزف

أمـة لازالت تحلم بفارس يأتيها ليحرك فيها نبض الحياة

أسرة ... حبيبة .... أصدقاء ... هم غاية ما خرجت به من هذه الخمس وعشرين عام السابقة

وأنا عندي ستة وعشرين سنة .... سبت كل حاجة ودخلت أنام ف أوضتي .... ولسه مخرجتش .... لما تصحى م النوووم .... ياريت تبقى تصحيني معاك

هذه الصورة خاصة بالطاغية السكايار

مرضى فهم

noreply@blogger.com (sakayar) — Wed, 16 Dec 2009 11:52:00 +0000

تعصف بك الأمواج إلى جزيرة بعيدة عليها نفس الأشخاص الذين عرفتهم من قبل ولكن على هذه الجزيرة التعامل مختلف .... فالحياة اختلفت بكل ما فيها ... أو ربما أنت من اختلفت

ولأنك فوجئت بهذا التغير أو هذه الأحداث المتوالية

تأخذ وقتاً ليس بالقليل لتستطيع إما العودة لحياتك قبل هؤلاء

أو التكيف والتعامل بعد تغيير حياتك وشخصيتك

الخطأ الأكبر أن ينصحك أحدهم أنك تحتاج لأن تكون سعيداً وتترك الحزن

أو يظن أحدهم أنك تقف على ما جرى من أحداث ويجب أن تتركه وتبدأ الحياة من جديد والتكيف مع الوضع الجديد

ولكن المشكلة الحقيقية هي أنك لا ترغب في تدخل أحد ... فقط ترغب في إيجاد ذاتك

والمشكلة أيضاً ... عندما يصمم من حولك أن له الحق أن يدخل إلى عقلك ليعرف ما بها أو يترجم ويفكر لك على حسب هواه

بل ربما أراد أحدهم التخفيف عنك في مسألة ما فكان كلامه لك أشد ألماً مما أنت فيه

الكثير من الناس .... مرضى فهم

يظن الكثيرون في هذه الأيام أنهم " فهيمة" كل شخص شايف قدرته على النصيحة

وإنه ف أي وقت يقدر يدخل حياتك وينصحك ويترجم شخصيتك وأوجاعك واللي المفروض تعمله واللي المفروض متعملوش

حقاً ... غالب البشر أصبحوا مرضى فهم

أعجبتني مقولة آبي : لما حد يطلب منك نصيحه اوعى تديله النصيحه دى حسب شخصيتك وبرضه متديهاش له على هواه بس اديها له حسب ما يتناسب مع شخصيته

والنهاردة برضه قالت بوقين حلوين :)

عيش الحياه كما تحبها انت وليس كما يحبها الاخرين لأن نادرا ما يحب الاخرين حياتهم فلا تثق بحبهم لها .. المهم حب اللى بتعمله وخلاص ومتحبش اللى بيتفرض عليك بلاش وجع دماغ

الموضوع ده مع موضوع الجزيرة اللي فجأة لقيت نفسك عليها وجواك شخصية تانية مش متعود عليها اداني كلمتين يختصروا كل شيء في التعامل

فهم الذات ... وفهم الآخر

إذا استطعت فهم ذاتك ... استطعت اسعادها

وإذا استطعت فهم الآخر .... أصبحت لا تشكل عبئاً عليه

محتاجين أوي علشان نكمل في طريقنا .... محتاجين منكونش "فهيمة" محتاجين نكون بنفهم وبنقرا وبنسمع الناس

علشان نحسهم بجد ووقت ما نقول ان مصلحة فلان كذا .... يبقى بنتكلم باللي فلان نفسه مؤمن بيه مش باللي احنا مؤمنين بيه

كلمـة أخيـرة

ليس من المهم حبك ورغبتك في التواجد بجوار أحدهم ... ولكن الأهم حبه ورغبته هو في وجودك بجواره

ملح الحياة

noreply@blogger.com (sakayar) — Sun, 08 Nov 2009 08:01:00 +0000

الصورة نقلتها عن منتديات كورة ولا أعلم مصدرها الأصلي : )

ولمـا كانت الحياة أحلام نحيا بها على أرض الواقع

ولمـا كان لكل منـا حلم يسعى في تحقيقـه

ولمـا كان هناك من يجعل أحلامه هي رسالته الحياتية

ولمـا كانت تباغتنا كثيراً في مناماتنا كوابيس مرعبـة

كان على أرض الواقع أيضاً كوابيس مرعبة

هذه الكوابيس تجعلنا نعلم من أنفسنا ... هل نحن حقاً أصحاب رسالات ؟ وهل نحن جادون في تحقيق أحلامنا ؟

أم هو تعلق الواهم بالسراب لكي يشغل به فراغات حياتية ويصبح حلمه أشبه برجل عاجز دون أيد أو قدمين يتحرك بهما

لا أعتقد أن هناك شخص صادق في حمل رسالة أو تحقيق حلم ما إلا وتعرض لمثل هذه الكوابيس التي تنغص مناماته وحياته .... فقط إن كان صادقاً

العجيب في الأمر أننا عندما نتعرض لابتلاء ما أو تنغيصات حياتية نجد أمامنا سؤال يهاجمنا بشدة : إيه الحكمة من اللي حصل ده ؟ ولكن الصادقين من حاملي الرسالات أو أصحاب الأحلام يعلمون أن هذه الابتلاءات مجرد " ملح حياة " ليجعل للنجاح طعماً حلواً فبالضد تعرف الأشياء

دائماً ما تتراءى أمامي الآية في سورة البقرة : أم حسبتم أن تدخلوا الجنة ولما يأتكم مثل الذين خلوا من قبلكم مستهم البأساء والضراء وزلزلوا حتى يقول الرسول والذين ءامنوا معه متى نصر الله

فكل صادق في سعيه لحلمه وكل صادق في حمل وتبليغ رسالة لا بد أن يذق طعم الملح ليعلم من نفسه قوته وصدقه وصبره على هدفه وليهنئ بحلاوة طعم النجاح فلم أعلم حتى الآن إنسان صعد سلم النجاح ويداه في جيبه كما لم أعلم أحداً صدق مع الله وخذله الله أبداً

والدليل في نفس الآية : ألا إن نصر الله قريب

أعتقد علينا أن نقف قليلاً لنعلم إلى أين نذهب وماذا نريد ثم نحزم الأمتعة ونبدأ المسير ..... بصدق وصبر وحب

==================================================

اعذروني لعدم الرد على التعليقات الفترة السابقة وانقطاعي عن التدوين طوال هذه الفترة ... ونستكمل معاً إن شاء الله الحياة ... لما نصحى م النوووم

Don't Click

noreply@blogger.com (sakayar) — Thu, 16 Jul 2009 07:32:00 +0000

استعجبت من أحد الأصدقاء وهو بيعمل حساب على موقع من المواقع وواحد قاعد معاه بيقول له ريح نفسك ومتقراش اختار كلمة "أخرى" وقفت جنبه إلى أن انتهى من اختياراته وقبل ما يعمل "كليك" على الخطوة اللي بعديها ... قلتله استنى عاوزك تقرأ اللي انت اخترته

طلع الاختيار : النوع : أخرى ... الديانة : أخرى ... الوظيفة : أخرى ... التعليم : أخرى ... البلد : أخرى .... إلخ
قلتله بكل بساطة انت بتقول إنك ولا حاجة لما حد يدخل على البروفايل بتاعك هيلاقيك شخص "أنونيمس" مجهول .... لا شيء

وإذا عملت كليك مثلاً ذكر ... مسلم .... هل انت فعلاً مؤمن من جواك بإنك بتتعامل كراجل؟ هل اختيارك للديانة مسلم ... علشان ده ف البطاقة ؟ اشتراكك ف الموقع ده هتطبق بيه كلمة مسلم دي ازاي؟ هل هتفيد أو هتستفيد فعلاً من دخولك الموقع بتعليمك أو وظيفتك؟ ولا داخل تتواصل من أجل الكلام وبس؟ والكلام ده مفيد؟ ولا أهو كلام بنضيع بيه وقت؟ اختيارك للأصدقاء أو للمجموعات على موقع زي الفيس بوك مثلاً مجاملة؟ولا استفادة؟ ولا بوجهة النظر اللي بتقول "مايضرش"؟

أيام زمان كنت بحس وبشوف النجاح الحقيقي ف توفيق ربنا ليا ف عمل خيري أو اسعاد واحد من الناس ... الحصول على صديق حقيقي ... تسهيل حاجة انسان أو تعليم شخص شيء محتاجله

كان النجاح الحقيقي إنك تلاقي كل العلاقات اللي انت بتدخل فيها بتستفيد منها ... مش قصدي علاقات مصلحة ... لكن أقصد علاقات تخليك أعلى مش علاقات ولا كإنها موجودة أو تنزلك عن المكان اللي انت فيه

لو كل إنسان فينا قدر ينسى أهوائه شوية ويفكر فقط في الانجاز وتحقيق النجاح وأكيد مع بعض المتعة في الحياة ... هتلاقي حياتنا مليانة "كليك" مفيد جداً وهتلاقينا أفضل كتير من الحال اللي احنا بنشتكي منه

أفضل من إنك تعمل "كليك" لاضافة صديق ... اسأل الأول انت هتقدر تفيد أو تستفيد من الصديق ده بإيه

أفضل من إنك تعمل "كليك" لعتاب صديق في رسالة ... اعمل "كليك" عرفه فيها انت حبيته أد ايه

أفضل من إنك تعمل "كليك" تنزل بيها أغنية أو فيلم .... اعمل "كليك" لكتاب أو دروس بتتكلم عن دينك ورسولك اللي انت بالكاد تعرف 3 أو 4 من أسماء زوجاته وبتستغرب ان الناس ف الغرب بيستهزأوا بيه وبالاسلام

بالمناسبة .. مين ال10 المبشرين بالجنة ؟

عرفتوا اننا مش عارفينهم كلهم؟ ولو عارفين الأسامي مش عارفين هما ليه مبشرين؟

أفضل من إنك تعمل "كليك" تنشر أحزانك على الناس وتعيشهم ف جو من الحزن ... اعمل "كليك" وانشر موضوع ف ذكريات سعيدة أو اتكلم عن ناس ايجابية ... يديك دافع لترك الحزن والبحث عن السعادة

أفضل من إنك تعمل "كليك" على لسانك تقول بيه كلام يغضب ربنا ... اعمل "كليك" صامت أو افتكر قبل ما تتكلم " وما يلفظ من قول إلا لديه رقيب عتيد

أفضل من إنك تعلق على الكلام اللي مكتوب ف التدوينة ... اعمل كليك وقول قررت تعمل إيه إيجابي ف حياتك

اقرأ أيضاً

اقترب أكثـر - د. أحمـد عبد العدل

shift delete - sakayar