Big Brother Albania 3 - Live

Seldi ka dyshime për Klodin

2010-04-29T10:48:00.000-07:00

Domenika dhe Seldi dalin në kopsht, vec të tjerëve. Ndërsa bisedojnë e rrinë bashkë, Seldi hap bisedën për provën e javës dhe pikërisht për dëshirën dhe propozimin e Klodit që ai të bëhej një balerin tek emisioni i tij, të cilën Seldi e refuzoi. Ai shprehet i habitur për këtë kërkesë për të kërcyer djemtë, ndërsa Domenika thotë vetëm se kjo është dëshira e tij. Të dy qëndrojnë pa folur për pak caste, deri sa Seldi shprehet se ndonjëherë duhet të kesh kujdes nga ata që të fërkojnë krahët, pasi nuk e kupton kur ta punojnë pas krahëve. Domenika e kundërshton dhe i thotë se Klodi ua ka thënë që më parë se do vijë një moment që do nominojnë njeri-tjetrin. Ajo tregon se Klodi e ka thënë këtë gjë dy herë dhe shton se ia ka thënë duke qeshur. Domenika mendon se nëse duan, ata e kanë mundësinë të mos e nominojnë njeri-tjetrin, pasi ka ende të tjerë, duke pretenduar që të jenë të gjithë në finale. Seldi shprehet se tani ka filluar ta shohë këtë fërkimin e krahëve si pjesë të lojës së Klodit. Ai vë në dukje se Klodi nuk është nominuar fare. Domi ia kthen se nuk kanë përse ta nominojnë, por Seldi sqaron se e ka fjalën për banorët e tjerë. “E kanë lënë për në fund se u prish më pak punë”- arsyeton ajo. Domenika largohet për pak caste dhe në kopsht del Klodi. Ai shikon Seldin i cili i duket i mërzitur dhe ia thotë këtë gjë. Seldi ia kthen se është shumë mirë dhe se nuk do rrijë gjithë kohën duke qeshur. Ai shton se ka dy javë që ndjehet në mënyrën më të mirë të mundshme. Klodi e uron dhe pas kësaj, të dy djemtë rrinë në kopsht pa folur.

Seldi imiton Jonën

2010-04-29T10:47:00.001-07:00

Banorët janë ndarë në grupe pune, ku disa merren me punët e drekës, disa qetësohen në dhomën e gjumit, ndërsa të tjerët mendojnë dhe fantazojnë për provën. Seldi sëbashku me Domenikën, Jonën dhe Hakiun janë në dhomën e gjumit. Seldi ka marrë përsipër që të imitojë Jonën. Ai fillon të flasë e të bëjë zërin përafërsisht si ajo duke e imituar në mënyrën e të folurit. Domenika qesh, ndërsa Jona, duke qeshur, e korrigjon Seldin në disa momente. Ajo nuk pranon që flet ashtu, por sërish qesh dhe kënaqet me imetimet e tija. Më pas, Domenika u komunikon banorëve se duhet të fillojnë përgatitjet për provën. Fillimisht bëjnë kërkesat për materialet që u duhen e më pas, disa prej tyre fillojnë nga puna. Domenika fillon të ndërtojë televizorin e saj, ndërsa Miri krijon poezi dhe proza, të nevojshme për emisionin e tij. Ai ia lexon prozën e tij Hakiut e cili e pëlqen. Miri insiston për një mendim më të gjerë dhe Hakiu i thotë se është shumë domethënëse, pasi tema e saj ka lidhje me të drejtat e njeriut. Banorët vazhdojnë secili krijimin e vet për të realizuar provën e kësaj jave.

Biseda dhe ngacmime

2010-04-29T06:34:00.000-07:00

Banorët ngrihen thuajse të gjithë nga gjumi. Kështu, Seldi dhe Hakiu fillojnë të merren me përgatitjen e drekës për banorët, ndërsa të tjerët me punët e mëngjesit. Disa nga banorët dalin në kopsht ku fillojnë t’i hedhin njeri-tjetrit batuata. Jona dhe Klodi merren me përgatitjen e disa mesazheve të cilat do t’i përdorin gjatë kësaj mbrëmjeje tek prova. Këto mesazhe ata i hkruajnë nëpër pankarta të cilat do të vendosen tek “televizori” që do të krijojnë. Pasi përfundon këtë punë, Klodi shkon të bashkohet me Mandin dhe Erionin në kopsht të cilët deri në atë kohë ishin duke folur pak për të. djemtë u shprehën se Klodi ka një tip ndryshe nga të tjerët që pavarësisht nëse është vendi dhe koha e duhur apo jo, ai e thotë atë që ka ndërmend, pa u ngutur fare. Kur Klodi shkon pranë tyre, djemtë i tregojnë se po flisnin për të, por ai nuk kërkon të dijë bisedën. Kështu edhe ai bashkohet tek biseda me ngacmime. Djemtë duke qeshur shprehen se duken të lodhur nga sistemi, ndërsa Mandi e vecon veten dhe thotë se ai është i ri. Dy të tjerët qeshin, ndërsa Klodi e kthen bisedën më serioze duke folur për sisteminm e kaluar. Ai tregon se u ka ecur ters e nuk kanë patur fatin t’u realizoheshin shumë ëndërra. Mandi ia kthen se fat kanë patur, por të zi, kurse Klodi shton se gjithsesi, kanë ecur e nuk e kanë vuajtur shumë atë periudhë. Por, përfundimi i kësaj bisede nuk sjell përfundimin e ngacmimeve mes djemve, sidomos mes Mandit dhe Klodit.

Seldi: “Nuk dua të mbeten gjëra pa thënë”

2010-04-29T06:33:00.001-07:00

Hakiu zgjohet dhe del në kopsht ku qëndron sëbashku me Seldin. Ndërsa bisedojnë, Hakiu përfiton nga rasti që janë vetëm dhe fillon ta këshillojë atë. Ai i thotë Seldit që të ketë kujdes në ato që bën e që thotë, pasi nuk është nevoja që ta ekzagjerojë, por thjesht të përpiqet t’i shijojë edhe këto ditë qëndrimi që i kanë mbetur në shtëpi. Seldi e dëgjon me vëmendje dhe pranon këshllën, por shton se ka edhe disa gjëra të fundit që do donte t’ia thoshte Erionit e më pas nuk do merret më me këtë gjë. Ai fillon të sqarojë se situata ndërmjet djemve dhe Jonës është kthyer njësoj si me atë ndërmjet tyre dhe Pamelës. Seldi spjegon se kur sheh padrejtësitë që po ndodhin me Jonën, nuk mund të rrijë pa reaguar, pasi është kundër tipit të tij. Ai përforcon idenë se kjo që po bën nuk ka lidhje me nominimin, por vetëm se sjellja e Erionit i duket e ndikuar nga Miri. Kika e këshillon që gjërat t’i sqarojë vetëm me Erionin e jo të futet në debatet e të tjerëve sic bëri mbrëmë. Seldi përsërit disa raste me Pamelën që i duken të ngjashme me ato të Jonës, duke thënë se vajza e parë u dogj pikërisht nga dy djemtë. Seldi pranon vetëm këshillën që të bisedojë vec me Erionin dhe shton se nuk do që të dalë nga shtëpia me keqardhjen që nuk tha cdo gjë që mendonte. Ai thekson se nuk do që të quhet një person pa personalitet nëse vecse do sillej mirë me të tjerët e t’u bënte lajka, pa u thënë ato që mendonte vërtetë për ta. Hakiu insiston vetëm tek qetësia kur thuhen mendimet, por Seldi ia kthen se pavarësisht se ai ka të drejt për këtë, Kika nuk ishte prezent kur Erioni u acarua gjatë debatit me Jonën duke iu kthyer asaj me ton shumë të ashpër që sipas tij nuk është normale dhe e drejt. Ai shton se nuk po ia bën Erionit me tendencë, por këto devijime, ndikime dhe sjellje jo të duhura, dikush duhet t’ia thotë atij, gjë që po e bën Seldi në këtë rast. Seldi kujton se një debat të tillë e ka bërë me Erionin kur ishin te shtëpia e vjetër dhe ky i fundit kishte pranuar se ka qënë i ndikuar nga Miri, e cila po përsëritet edhe këtë herë. “Ose është pa personalitet që ndikohet, ose po nxjerr fytyrën e vërtetë tani”- shprehet ai për Erionin dhe thotë se të dy rastet janë gabim për Erionin.

Lidhja Erion-Bertina në pikëpyetje

2010-04-29T06:30:00.002-07:00

Ndërsa banorët diskutojnë Klodi i thotë Seldit se ai e kishte nisur që javën e kaluar debatin me Erionin duke i thënë se që kur iku Bertina, Erioni u fut në në krevatin e Oltës. Klodi sërisht del në mbrojtje të Erionit duke i thënë se kur ka shkuar te krevati i Oltës ai ka qënë prezent dhe nuk e sheh si diçka të keqe në këtë mes. Seldi i thotë se ai e kishte parë si mungesë respekti nga ana e Erionit për Bertinën. Klodi e kundërshton duke i thënë se edhe me Domin ndodhi e njëjta gjë kur mes tyre hyri Enxhi dhe Seldi shkoi të rrinte me Enxhin pa e vrarë mendjen se Domi, vajza që ai thotë se e dashuron ishte vërtet e prekur nga kjo. Seldi thotë se me të kundër Erionit nuk do të flasë më sepse po e vërteton që Klodi e ka pikë të dobët Erionin. Klodi i thotë se këtu kështu ka qënë dhe nuk ka lidhje pika e dobët. Domenika thotë se është e vërtetë ajo që thotë Seldi sepse Bertina bëhej gjithmonë xheloze për Oltën. E ndërsa ata diskutojnë për raportin e Erionit me Bertinën Erioni i dëgjon që jashtë dhe shkon aty dhe i kërkon Seldit që të sqarojë këtë pikë me të sepse ëështja e bertinën e lëndon shumë. Banorët e ftojnë të ulet me ta dhe u kërkojnë atij dhe Seldit që të flasin qetësisht, pa kaluar në debate. Kështu ai ulet dhe i thotë Seldit se ai ka ndenjur me Oltën edhe kur Bertina ka qënë në shtëpi, por duke qënë se Bertina ishte e dashura e tij dhe si e tillë rrinte më shumë kohë pranë saj. Kur ajo doli kishte më tepër kohë që të rrinte me Oltën. Ai thotë se ndër të tjera Seldi nuk e di se në ç’pikë ka qënë lidhja e tij me Bertinën kur ajo ka dalë. Këtë herë Erioni konfirmon se lidhja e tij me bertinën ka ngelur në pikëpyetje. Erioni thotë se Bertina para se të dilte i kishte thënë që nëse do të rrinte do t’a shihte si banor të ri dhe nëse do të dilte nuk e dinte si si mund të vazhdonte më tej raporti i tyre. Ai thotë se me Bertinën e ka lënë që t’i sqarojnë gjërat jashtë, ndërsa Oltën e ka pasur gjithmonë shoqe dhe nuk e ka ngacmuar asnjëherë në asnjë kuptim. Ai i thotë Seldit se nuk ka pse t’i shohë gjërat me këtë sy. Pas kësaj ata sqarohen për debatet e mëparshme.

Erioni nën tensionin e nominimit

2010-04-29T06:30:00.001-07:00

Erioni ka dalë këtë javë në nominim, pasi kishte shumë javë qëndrimi në shtëpi që nuk nominohej. Jetmiri i thotë se i duket sikur Erioni është vënë nën trysni dhe nën presion duke u tensionuar shpesh këtë javë. Edhe Erioni e pranon këtë fakt dhe thotë se është i tensionuar sepse këtë javë përveçse është në nominim është kapur me fjalë me të gjithë. Ai është vërtetë i mërzitur dhe Kika me Jetmirin e këshillojnë që të mos nervozohet nga Seldi dhe Jona, por të mundohet që të veprojë me qetësi pa pasur nevojë të acarohet vetë. Kika i thotë se ndjehet i zhgënjyer nga Erioni sepse ky i fundit javën e kaluar këshilloi Kikën për të mos u acaruar, të ruante qetësinë e tij, marrë shkak nga debatet që Kika pati pothuajse me të gjithë, ndërsa tani nuk arrin që të ruajë qetësinë me të tjerët. Erioni thotë se kur konfrontohet me ndonjërin prej banorëve e vuan edhe vetë nervozizmin. Erioni thotë se ndoshta qetësia do të bjerë në shtëpi nëse ai do të dalë këtë javë. Jetmiri i thotë se nuk ka për të dalë ai, por ka të tjerë që duhet të dalin përpara tij. Jetmiri i thotë se ai u largua nga tavolina e ngrënies sepse Erioni nëse edhe ai do të nxiste më tepër debatin erioni mund edhe të kalonte limitet e lejuara dhe të thyente rregullat. Të dy djemtë thonë në mënyrë të tërthortë se Seldi nxitet nga dikush tjetër.

Erioni debaton në tavolinën e ngrënies

2010-04-29T06:22:00.000-07:00

Banorët vazhdojnë të jenë ulur në tavolinën e ngrënies e ndërsa janë në përfundim e sipër të darkës shkëmbejnë biseda të ndryshme mes tyre. Një ndër bisedat më interesante lind mes Jonës dhe Erionit. Banorët flain për spikerat e lajmeve të motit. Pjesa më e madhe e tyre ndajnë mendimin se në televizion vendosin spiker një person të paraqitshëm, kryesisht vajza të bukura. Në një moment Erioni thotë: “do vishem unë me minifund dhe do shkoj të jap lajmet e motit në televizion”. Shprehja e tij ngjall debate në tavolinën e ngrënies. Jona thotë se është e pahijshme që të vlerësosh një femër nga minifundi. Mandi duke parë që Jona ngre zërin i thotë që të mos kalojnë në debat. Jona thotë se acarohet pasi për çdo gjë që ajo thotë, Erioni është gati t’a kundërshtojnë. Erioni i thotë se për të mbrojtur idetë e tij është gati gjithmonë dhe nëse Jona është lodhur me këtë gjë ai i thotë që të mos flasë kaq shumë. Seldi i thotë Erionit se atij nuk i duket sikur Jona flet shumë. Aty vjen Kika i cili duke treguar një histori me spikerat e lajmeve të motit, vendos pak qëtësi. Pasi ai përfundon banorët nisin përsëri diskutimet. Erioni i thotë Jonës nëse ajo e kishte kuptuar sensin e shprehjes së tij. Jona i thotë “Jo.” dhe i kërkon që t’ia shpjegojë ai dhe Erioni i thotë se tha se do të vishej me minifund sepse është jo normale që një femër e veshur në mënyrë të tillë të japë lajme moti, por e bëri për të nxitur debat mes banorëve të tjerë. Jona i thotë se ai sapo e kundërshtoi veten e tij. Në mbrojtje të Jonës del Seldi i cili i thotë që të mos i mohojë ato që thotë. Erioni u shpjegon se ai nuk kundërshton veten sepse nga puna e tij në televizion i di shumë më mirë se ata disa gjëra. Seldi i thotë se ai nuk sheh se çfarë ka bërë ai në të shkuarën, por se çfarë po jep aty dhe më pas shton se është aftësi që të ndërrosh muhabetin si të duash. Erioni i thotë se në shtëpi dihen se kush e ka këtë aftësi. Seldi këmbëngul dhe Erioni i thotë se këtë aftësi e ka Seldi dhe Jona insiston që ai t’a thotë se përse mendon se Seldi ka një aftësi të tillë. Erioni i thothe Seldit se ai është ndër ata që i ndërron sjelljet e tij dhe mohon ato që ka thënë dhe këtë gjë e bëri javën e kaluar me Jetmirin. Ai thotë se Jashtë Seldi i kishte thënë Mirit, “bravo të qoftë, unë nuk të nominoj më, fajin ma ka dikush tjetër”, por më pas tha shumë gjëra të tjera kundërshtuese me këto. Seldi i thotë se ai doli pikërisht ku ai kishte dashur dhe ndër të tjera thotë “bravo që i mban pishtarin Mirit”. Erioni duke dalë i thotë: “unë nuk i mbaj pishtarin njeriu, pishtarët i mban ti dhe shifi ti ku i ke” dhe del jashtë. Seldi i kthehet Mandit i cili i kërkon Seldit gjatë diskutimeve të flasë me tone të ulta dhe të mos debatojë. Ai i thotë Mandit që të mos bëjë si avokat i Erionit. Kështu Seldi debaton edhe Mandin i cili e sqaron se ai nuk bën avokatin e askujt.

Zënka e debate brenda grupit

2010-04-05T06:51:00.000-07:00

Pasi zgjohen banorët dalin jashtë pasi tashmë shiu ka pushuar dhe bisedojnë për gjëra të ndryshme. Aty vjen Olta dhe Mandi e pyet se përse ajo nuk i tha as mirëmëngjes dhe as në darkë atën e mirë dhe i kërkon që të shpjegohet për këtë. Olta i thotë se në darkë kur ajo shkoi për të fjetur Mandi ishte në gjumë, por Mandi ia hedh poshtë këto shpjegime dhe i thotë se ai jo vetëm që ishtë zgjuar, por ishte ngritur disa herë të shihte Oltën e cila përgatitej të flinte. Të njëjtën gjë ai thotë se ia kishte thënë edhe Domenikës ku të dyja vajzat nuk i kishin folur fare atij. Domenika del në mbrojtje edhe të Oltës dhe thotë se ato nuk e kishin me qëllim që të mos i flisnin. Mandi u thotë se nëse ka ndonjë arsye, ato mund t’ia thonë. Në debat ndërhyn edhe Seldi dhe Klodi të cilët thonë se nuk mund ta detyrosh tjetrin që të thojë atë që ti do. Mandi i kundërshton dhe thotë se kjo është një çështje respekti dhe nuk ka të bëjë me detyrimin. Ai shprehet se duke qënë se vajzat e përshëndesnin gjithmonë dhe këtë herë nuk i thanë as natën e mirë dhe as mirëmëngjes, për të do të thotë se diçka nuk shkon. Mandi u thotë se me këto veprime ata kanë humbur pikë në sytë e tij. Mandi debaton me grupin të cilët po i kundërshtojnë akuzat e tij.
Gjatë kohës që debatojnë me Mandin, Seldi i thotë me të qeshur Domenikës përse doli jashtë pa atë dhe më pas shton “apo ta mori mendjen Klodi?”. Klodi që është i pranishëm i thotë që të bëjë kujdes me shprehjet që bën sepse vjen një moment që edhe ai nuk mund të mbajë më. Seldi ia kthen me ironi se ai nuk do ta lejojë Klodin që të shfryhet tek ai. Klodi pasi has në kudërshime të vazhdueshmë në çdo fjalë që i thotë Seldit, i kërkon këtij të fundit që emrin e tij të mos e përmend më fare në muhabetet që kanë të bëjnë me Domenikën. Ndërsa ata debatojnë pjesa tjetër e grupit rrinë në heshtje me përjashtim të Mandit i cili i del në mbrojtje Klodit. Klodi i thotë Seldit se me Domenikën mund të sillet si të dojë dhe për këtë ai nuk e ndalon dot. Seldi e ofendon Klodin duke i thënë se po flet gjëra që nuk janë dhe Klodi e paralajmëron duke i thënë të bëjë kujdes me shprehjet që përdor ndaj tij. Teksa ata diskutojnë për Domenikën si “mollë sherri”, vajza rri e heshtur dhe nuk reagon fare, duke mos mbajtur anën e askujt.

Olta dhe Erioni komentojnë ngjarjen me Bertinën

2010-04-05T04:34:00.000-07:00

Olta dhe Erioni shtrihen pranë njeri-tjetrit në kopsht. Ata përfitojnë nga rasti dhe vazhdojnë bisedën e lënë përgjysmë të një nate më parë, pas spektaklit, ku Olta nisi t’i tregojë për debatin e saj me Bertinën. Ajo i tregon shkurtimisht ato që ndodhën duke nisur që nga akuzat e Bertinës për raportin e saj me Erionin, që gënjen para publikut se e ka vetëm shok, për raportin me Bledin, për fjalët e Erionit të cilat iu dukën montazh, ndërhyrjen e Arbanës etj. Erioni e dëgjon i habitur dhe shprehet se mendonte se Bertina do kishte ndryshuar jashtë, ndërsa Olta thotë se nuk i pëlqeu mënyra se si foli Bertina me të. Ajo i tregon se foli edhe me Adën. Erioni interesohet se cfarë kishte thënë Ada dhe Olta i tregon se vetëm i kishte thënë të vazhdonte kështu sic është. Ata i rikthehen sërish bisedës për Bertinën ku ajo e akuzonte se ishte puthur në buzë me Erionin dhe Olta mendon se Bertina është komplet gabim. Erioni ia kthen se nuk mund ta sqarojë pasi nuk është afër saj, por uron që ajo ta ketë kuptuar tani situatën mes tij dhe Oltës se cdo gjë që ajo mendonte në kokën e saj, nuk ekzistonin. Erioni vihet në mendime dhe shprehet se nuk i pëlqejnë aspak këto mendime të Bertnës. Ai vret mendjen se si mund ta interpretojnë familja e tij gjithë këtë histori dhe shton se kur të dalë, do e shohë me kujdes këtë ngjarje. Olta e përcakton Bertinën si një njeri të vështirë që me këdo që do ketë në krah, do ketë probleme të tilla. Më pas ata komentojnë edhe pjesë të tjera nga spektakli.

Olta: “Tatiana po luan me ne”

2010-04-05T04:33:00.001-07:00

Vajzat, përfundojnë bisedën për Seldin dhe fillojnë të flasin për banorët e tjerë në shtëpi. Ato flasin fillimisht për Tatianën e cila u duket e influencuar nga Miri. Olta i tregon Domit për një rast, kur Tatiana kishte ardhur të bisedonte me të dhe i ishte dukur njësoj sikur të kishte vepruar Miri ashtu. Ajo mendon se Tatiana nuk ka pse të justifikohet se nuk ka folur me Oltën sepse sipas saj, mundësitë i ka patur gjatë gjithë javës, por ka qënë ajo që nuk është hapur me të duke ia vështirësuar edhe Oltës që t’i bëjë pyetje. Sipas saj, këto janë mekanizma të mësuara prej Mirit e këtëe thotë me bindje, pasi ai i mban të dyja vajzat e reja afër me orë të tëra. Ato fillojnë të flasin për Mirin dhe të dyja pohojnë se cdokush që rri afër tij, herët ose vonë do dalë dhe marrin shembullin e Valonit dhe të Rezartës. Olta ironizon Mirin kur tek klipi ishte shprehur se ajo nuk ka se cfarë t’i japë më atij, kur deri pak më parë, ai thoshte se ajo ishte enigmatike për të. ato i rikthehen sërish bisedës për Tatianën dhe Olta shprehet se edhe ajo i ka qëndruar larg, madje as pyetjet më elementare për ta njohur, ajo nuk ia ka bërë. Sipas saj, Tatiana po përpiqet që ta mbajë mirë me të gjithë që të ecë në lojë. Edhe Domenika e mendon kështu, ndërsa Olta shton se nuk i pëlqen të flasë në sy të Tatianës sepse ajo mund t’i tejcojë informacionet tek të tjerët.
Më pas, Olta fillon t’i tregojë Domenikës për surprizën që iu bë nga Vëllai i Madh kur arriti të takonte babanë e saj. Olta i tregon historinë me të atin, kur ai nuk pranonte që ajo të futej në BB dhe ikjen fshehurazi tij, natën kur filloi spektakli.

Domenika flet për zënkën me Seldin

2010-04-05T04:31:00.000-07:00

Domenika i tregon Oltës atë që ndodhi pak më parë mes saj dhe Seldit, nga biseda e nisur me Mandin. Ajo e krahason bisedën e Mandit sikur të ishin në gjykatë e i merrnin në pyetje, duke treguar se nuk i pëlqeu aspak kjo gjë. Domenika shprehet se Seldi po e mërzit me ato xhelozitë e kota ndaj Mirit dhe që nuk arrin ta kontrollojë veten se cfarë thotë. Ajo i tregon disa biseda mes saj dhe Seldit të cilat nuk i kanë pëlqyer se si janë interpretuar prej tij, pasi sipas saj, kanë qënë sa për të dalë nga situata. Edhe Olta mendon kështu dhe e këshillon Domin që të mos lërë asnjë person që të ndikojë në lidhjen e tyre, duke nënkuptuar këtu Mandin. Ajo e këshillon që edhe keqkuptimet mes saj dhe Seldit, t’i sqarojë sic duhen. Domenika është e mërzitur edhe me Seldin pasi pret më shumë prej tij dhe që gjërat t’i bëjë në mënyrë spontane e jo i ndikuar nga të tjerët dhe merr shembullin e Mandit i cili i tha që t’i dedikonte një këngë Domit, apo edhe asaj dicka të ngjashme me këtë. Domenika ankohet se me Seldin sapo sqarohet, më vonë ai fillon përsëri avazin dhe shton se nuk mund të bëjë përditë të njëjtat biseda me të.

Tatiana: “Dua të njoh Valonin”

2010-04-05T02:05:00.000-07:00

Tatiana, ndërsa bisedon, shprehet se nëse do t’i bënin asaj një surprizë, do donte që t’i sillnin Valonin e të njihet me të. Ajo u thotë sërish banorëve se i pëlqente, me aq sa e kishte parë dhe natën kur hyri ajo në shtëpi, nuk arriti t’i fliste sepse Valoni doli. Miri flet fjalë të mira për Valonin dhe shprehet se ndoshta banroëve të rinj nuk i dhanë shumë rëndësi, pikërisht se u befasuan nga dalja e tij. Tatiana tregon se niset vetëm nga impakti, nga përshtypja e parë dhe për Valonin mund të thotë fjalë shumë të mira, edhe pse nuk e njeh. Ajo shprehet se edhe Ada i ishte dukur vajzë e mirë dhe Miri e mbështet mendimin e saj. Ata vazhdojnë të flassin edhe për provat e javës. Hakiu i thotë Mirit se ata e dogjën mundësinë që të shtonin cmimin final, por mendon se do kenë sfida të tjera për të bërë në javët në vazhdim. Ata kujtojnë disa nga provat e kaluara dhe ia tregojnë vajzave të cilat nuk kanë qënë prezente. Ata i klasifkojnë ato si të bukura e të vështira.

“Mos t’i japim rëndësi Mirit”

2010-04-05T02:04:00.000-07:00

Ndërsa grindet me Domenikën, Seldi përmend Mirin dhe disa debate që janë krijuar mes të treve. Pasi largohet Domenika, Seldi i tregon Mandit debatin e parë që ka patur me Mirin në lidhje me Domin. Mandi e dëgjon dhe bën disa gjeste duke treguar që Miri nuk i pëlqen. Seldi i thotë Mandit që të mos diskutojë fare me Mirin, por ai ia kthen se biseda do kenë, por nuk do t’i japë rëndësi atyre. Në të njëjtën kohë, edhe Mandi e këshillon Seldin që të mos hapë debate të kota me Mirin, por kur t’i vijë rasti, t’ia thojë të gjitha ato që mendon për të e të tregojë se cili është ai në të vërtetë.
Domenika vjen sërish pranë djemve dhe Mandi e shikon se ajo është e mërzitur me ta dhe i sqaron se biseda e tij nuk u nis me qëllim të keq. Domenika ia kthen se me të nuk ka asgjë, por qejfi i ka ngelur me Seldin, i cili nuk di të flasë sic duhet me të, duke nënkuptuar ironitë pavend të Seldit gjatë diskutimit. Seldi justifikohet se ata nuk mund të rrinë vetëm duke biseduar apo të puthen, por do bëjnë edhe shaka. Ai thotë gjithashtu se sa herë do të diskutojë me Domenikën, ajo kërkon të largohet, por Domi sqaron se e bën këtë që të mos e kthejë diskutimin në debat. Edhe Seldi duket i mërzitur me Domenikën dhe ndërsa vazhdojnë të grinden, ai shton se as ai nuk do të diskutojë me të sepse gjithmonë debatojnë më pas.

Raporti Domenika – Seldi

2010-04-05T02:03:00.000-07:00

Mandi fillon të pyesë Domenikën se si ka filluar lidhja e saj me Seldin. Ai tregon se i është krijuar përshtypja se ka qënë ajo që i ka shprehur ndjenjat e para Seldit, por Domi e mhon këtë gjë dhe refuzon të tregojë pasi mendon se Mandi ka biseduar tashmë me Seldin për këtë temë. Mandi pranon se kjo ishte përshtypja e tij, ndërsa me Seldin nuk ka folur me hollësi. Ai fillon ta ngacmojë duke i imituar Domin në momentet kur i shprehete dashurinë Seldit, por Domenika e kundërshton dhe i thotë se ai nuk është versioni i saktë i historisë. Mandi e kupton se ka qënë Seldi ai që ka hedhur hapin i pari, por vazhdon të ngacmojë Domenikën dhe i thotë se nëse Seldi s’do kishte guxuar i pari, atëherë ajo do rrinte pa i shprehur ndjenjat e saja. Sipas Domenikës, nëse Seldi nuk do ishte shprehur i pari, do e kishte bërë ajo kur ta ndjente se do kishte ardhur momenti i duhur. Mandi insiston të dijë se si filluan ndjenjat e saja dhe ajo tregon se Seldi ia kishte sjellë rrotull se e pëlqente, por nuk ia kishte thënë tamam e aty filloi edhe ajo të ndjente. Domi tregon se i pëlqente mënyra si silleshin, si flisnin, si bënin shaka. Mandi mendon se Seldi ka më shumë ndjenja se ajo, të paktën i shpreh më shumë, por Domenika tregon se ajo vë re edhe veprime e mendimet e tija dhe kjo nuk do të thotë se Seldi e do më shumë se ajo, sic pretendon Mandi. Ajo tregon se edhe ata kanë patur uljet dhe ngritjet në lidhjen e tyre. Seldi ndërhyn dhe thotë se ai dashurinë e ka treguar edhe me shikimet ndaj saj, por Domi mendon se përvec shikimeve që kanë shprehur dashurinë, ai e ka parë edhe ndryshe, ndërsa Seldi e mohon këtë gjë. Ai shprhet se të gjithë banorët janë të bindur se ai e do atë, por Domi mendon se ata thonë fjalët që u ka thënë ai. Të dy fillojnë të kapen me fjalë për raportin e tyre ku Domenika tregon se Seldi nuk ka i ka dhënë gjithnjë siguri asaj për ndjenjat, duke i kujtuar periudhën kur ishte Enxhi në shtëpi. Seldi bën sikur nuk e di se cfarë ka ndodhur dhe të dy vazhdojnë të grinden.

Dashuri me shikim të parë

2010-04-05T02:02:00.001-07:00

Jetmiri u tregon vajzave për lidhjen e tij me Rrezartën. Jetmiri u thotë vajzave se me vajzën kosovare është dashuruar me shikim të parë dhe më pas u tregon se si ndodhi e gjithë historia e tyre. Ai thotë se ishte pyetur në dhomën e rrëfimit disa herë nëse pëlqente ndonjë vajzë brenda shtëpisë dhe Jetmiri kishte thënë se asnjëra prej tyre nuk i pëlqente. Natën që Rrezarta hyri si banore e re në BB, hynë edhe 4 banorë të tjerë Klodi, Bledi, Valoni dhe Ada, por menjëherë edhe pse në shtëpinë e re dhe pjesa tjetër në shtëpinë e vjetër, Jetmirit i ra në sy Rrezi dhe gjatë gjithë kohës e shikonte dhe vuri re që edhe vajza bënte të njëjtën gjë. Pas këtij momenti jetmiri thotë se hyri në dhomën e rrëfimit dhe tha se do të tentonte që të krijonte një afrimitet, një lidhje me banoren e re. Ditën tjetër ai vuri re se Edi i kishte shprehur hapur simpatinë vajzës së bukur kosovare. Kjo gjë e frenoi Jetmirin i cili për hir të shoqërisë dhe respektit ndaj Edit jo vetëm që nuk po fliste fare me Rrezartën, por as edhe shkimet nuk i drejtonte më drejt saj. Më pas ai thotë se Rrezi e kishte pyetur se përse ai nuk fliste asnjëherë me të dhe kjo e kishte bërë që të mos dinte se çfarë shpjegimi t’i jepte. Pas dënimeve që iu dhanë atij dhe Erionit për shkeljen e rregullave midis dy shtëpive, Jetmiri filloi të fliste më tepër me Rrezin dhe ngacmoheshin, por pa shprehur asgjë. Më pas ai tregon se si u lidh me të. Ndërsa Jetmiri tregon për Rrezartën, Tatiana e pyet se çfarë kanë menduar banorët e tjerë për lidhjen e Seldit me Domenikën, pasi Jetmiri u thotë se ata e kishin komentuar shumë si fallco lidhjen e tij me Rrezin. Jetmiri tregon se Seldi dhe Domenika u ndanë pas disa bisedave të Enxhit me Seldin, por ai nuk e kishte kuptuar se çfarë kishte ndodhur me lidhjen e tyre. Duke e treguar shumë shkurt lidhjen e Seldit me Domenikën, Miri tregon për lojën e Enxhit që po shtirej si e dashuruar me të.

Tatiana për fëmijën e humbur

2010-04-05T02:00:00.000-07:00

Tatiana shkon dhe ulet pranë Jetmirit dhe djali e pyet se si po ia kalon ditën dhe më pas e pyet për telefonatën që pati nga ish i dashuri i saj. Tatiana tregon për Letrën që shkroi ku i rrefente ish të dashurit të saj që tashmë është një ndër miqtë e saj më të mirë, sekretin e saj ku të dy mund të kishin një fëmijë të cilin Tatiana e humbi në muajin e gjashtë të shtatzanisë. Jetmiri e pyet dhe Tatiana i tregon për bisedën që pati nëpërmjet telefonit me djalin nga Laçi dhe shprehet e shqetësuar sepse ka frikë se mos ai nuk e ka kuptuar plotësisht letrën. Ajo tregon edhe për bisedën që pati me Arbanën dhe koplimentet e Arianit gjatë qëndrimit të saj në dhomën e rrëfimit, në pritje të telefonatës. Aty vjen dhe Manal dhe bashkë më Mirin dëgjojnë rrëfimin e Tatianës për momentin kur ajo kishte humbur fëmijën e saj. Tatiana thotë se në momentin që vendosi që t’i tregonte ish të dashurit të saj se prisnin një fëmijë, u sëmur dhe nuk kishte mundësi që të shkonte t’i tregonte pasi ndenji edhe dy muaj në spital. Ajo thotë se e kishte diskutuar më parë me të dashurin e saj që nëse ajo do të ngelte shtazënë, ata do ta mbanin fëmijën edhe pse ajo ishtë shumë e re. Tatiana thotë se e donte shumë atë fëmijë dhe e ka përjetuar pak keq këtë histori në jetën e saj. Tatiana u thotë Mirit dhe Manalit se ajo vendosi që ta tregonte sekretin e saj në momentin që Seldi dhe Domenika bën një lojë të tillë me rastin e 1-prillit. Tatiana thotë se ajo nuk e kishte kuptuar se ishte shtatzanë dhe gjatë tre muajve të parë ajo konsumonte alkol dhe medikamente qetësuese dhe fakti që ka humbur fëmijën e saj ka bërë që ajo tashmë të mos pijë më alkol. Menel i thotë se përse vendosi që ta bante fëmijën në atë moshë që ishte dhe Tatiana thotë se pavarsisht se nuk ishte e parashikuar dhe ndodhi ajo që ndodhi, ajo dhe i dashuri i saj e deshën një fëmijë nëse do të kishte ardhur në jetë, por fati i saj i keq që fëmija i tyre lindi në muajin e gjashtë dhe nuk mundi të mbijetonte.

Kika dhe Miri për Rrezartën

2010-04-04T12:52:00.000-07:00

Kika e ka quajtur Rrezartën si “muza” e Jetmirit dhe pas surprisës gjatë spektaklit, tashmë Jetmiri i kërkon që Kika t’i shpjegojë arsyen dhe kuptimin e muzës. Kika i thotë se muza është frymëzim, ose inspirim në gjuhën e artit, krijimtarisë dhe poezisë. Jetmiri i thotë se ai donte të kuptonte se në ç’kuptim Kika e kishte përdorur këtë fjalë për Rrezartën sepse ai kishte kuptuar sikur Kika kishte dashur që t’i thoshte se Rrezi është frymëzimi i lojës së Mirit. Miri i thotë Kikës se përse ai e mëndon si lojë lidhjen e tij me Rrezin dhe nëse është kështu ku e kupton ai që është lojë dhe jo e vërtetë. Kika i shpjegon kuptimin e muzëz dhe i thotë se ai e ka menduar lidhjen e tyre si lojë në fillim, por më pas mendimi i tij ndryshoi duke parë veprimet e Rrezartës dhe pas disa bisedave me Jetmirin. Kika thotë se në këtë rast nuk e kishte në atë kuptim, por në kuptimin e mirë të fjalës e quajti Rrezin si muza e Jetmirit. E ndërsa dy djemtë sqarojnë keqkuptimet ndërmjet njëri-tjetrit, banorët e tjerë ndodhen brenda në kuzhinë duke u marrë me sistemimin e ushqimeve që kanë ardhur nga buxheti i përgjysmuar i kësaj jave.

Tatiana për mardhënien me nënë e saj

2010-04-04T12:51:00.000-07:00

Kika i kërkon Tatianës që ajo ta ndihmojë që të mësojë gjuhën italiane. Kështu ata bisedojnë për një kohë të gjatë për gjuhën shqipe dhe atë italiane. Pas bisedave për gjuhën Kika e pyet Tatianën se përse ajo nuk ka madhënie të mira me nënën e saj. Tatiana nis të tregojë se mardhënia e saj me nënën është jo si mardhëniet që kanë zakonisht nënat shqiptare me fëmijët e tyre. Tatiana thotë se nuk e pëlqen faktin që nëna e saj i kërkon Tatianës të bëjë diçka për të, por duke ia kërkuar si urdhër, si detyrim dhe jo duke përdorur fjalët e nevojshme si të lutem, a mundesh etj. Tatiana thotë se nëna e saj nuk e respekton sepse edhe kur e merr në telefon për t’i kërkuar diçka, nuk e pyet fare se si ajo ka kaluar, madje as e përshëndet fare. Kika e pyet se përse mardhëniet e tyre kanë arritur në këtë pikë dhe thotë “a është kujdesur ajo për ty kur ke qënë e vogël?”. Tatiana thotë se kur ajo ishte 13 vjeçe flinte pjesën më të madhe të kohës në shtëpinë e ish të dashurit të saj nga Laçi, ose nga tezja e saj dhe nëna e saj nuk pyeste se nga kishte fjetur vajza. Ajo thotë se edhe kur ishte e vogël ka ndenjur më tepër nga tezja e saj sesa pranë nënës, jo sepse kjo e fundit nuk e donte, por sepse ishte në punë në pjesën më të madhe të kohës. Tatiana thotë se nënën e saj nuk e ka pasur pranë në ato momente kur kishte më tepër nevojë për të dhe tregon një rast kur ishte 13 vjeçe dhe shoqet e saj të shkollës i kishin ofruar që të pinin hashash në formën e cigares. Tatiana thotë se në momentin që ajo kishte në dorë për të pirë këtë “cigare”, vjen ish i dashuri i saj (shqiptar) dhe kur kishin shkuar në shtëpi, ai e kishte goditur. Tatiana thotë “falë asaj shpulle unë nuk e provova më atë gjë” dhe më pas shton se nëse nuk do të kishte qenë i dashuri i saj ajo sot ndoshta do të ishte në një rrugë të gabuar dhe nëna e saj nuk do të kishte shmangur këtë gjë. Kika i thotë se lidhja e saj në moshën 13-vjeçare është diçka jo normale sepse është mosha delikate që të shtyn në gabime. Tatiana thotë se te ish i dashuri i saj, ka gjetur gjithë mbështjetjen që kërkonte dhe nuk e kishte nga nëna e saj. Tati thotë se nëna e saj ka natyrë të egër, nuk e përkëdhel asnjëherë, e ka të vështirë që të thotë të dua. Megjithatë Tatiana thotë se ajo pavarsisht të gjithave, ajo e do nënën e saj dhe kjo e fundit po ashtu.

Erioni mes një zgjedhjeje

2010-04-04T12:50:00.000-07:00

Pasi përfundojnë buxhetin, banorët diskutojnë për debatin e sotëm. Ata mendojnë se kjo erdhi si rezultat i buxhetit të përgjysmuar, por që sipas tyre, nuk e justifikon debatin pasi duhej të kishin diskutuar të gjitë. Domenika i thotë Mandit se bëri mirë që iu kundërvu Mirit për buxhetin, ndërsa ai ia kthen se këtë do e kishte bërë për këdo sepse të gjithë ishin të impenjuar, ndërsa ai rrinte shtrirë e nuk donte t’ia dinte fare. Ata dalin në kopsht ku bashkohen me oltën dhe Klodin, ndërsa Erioni qëndron pak më larg tyre. Mandi ngacmon Erionin me batuta që të vendosë se ku do të pozicionohet, në cilin nga grupet. Të gjithë plotësojnë njeri-tjetrin për t’ia bërë më të qartë Erionit, ndërsa Mandi shton se edhe Edi ndaj doli sepse vendosi të rrijë me grupin tjetër. Erioni nuk pranon të zgjedhë por, pasi qëndron për ca kohë i distancuar nga ata, më vonë shkon të bashkohet. Banorët vazhdojnë të hedhin batuta mes tyre, si dhe të njomin njeri-tjetrin me ujë, ndërkohë që bëjnë banjo dielli.
Domenika merret me gatimin duke e patur disi të vështirë të gatuajë dicka pikërisht sepse banorët nuk kanë më ushqime. Kështu ajo përpiqet të sajojë dicka e pasi e përgatit, i fton banorët të vinë të hanë të cilët deri në atë kohë ankohen se kanë uri.

Miqësia dhe simpatia mes banorëve

2010-04-04T12:49:00.001-07:00

Erioni dhe Klodi diskutojnë vendimet e publikut për nxjerrjen e banorëve nga loja. Erioni mendon se publiku nuk gabon asnjëherë në zgjedhjen e vetë pasi cdokush ka mundësinë që të tregojë veten se cili është. Ata diskutojnë se në shtëpi ka patur persona që kanë qënë më të sigurt sec duhet në vetvete, deri në teprim gjë që nuk është pozitive në këtë lojë. Erioni mendon se nëse Vëllai i Madh do u jepte ndonjëherë mundësinë që ata vetë të zgjedhin një banor se kë do duan që të eleminohet direkt, ai person me kaq shumë vetbesim, mund të ikë nga loja menjëherë dhe vetbesimi hidhet poshtë. Sipas tij, në fund ngelen gjithnjë ata që e meritojnë të jenë në lojë. Duke folur për finalen, Klodii shprehet se ka menduar që në finale do jenë tre vajza dhe dy djem, ndërsa Erioni e mendon finalistin e këtij edicioni një nga vajzat.
Në të njëjtën kohë, në kopsht, Miri, Manal dhe Haki vazhdojnë bisedën për daljen e Edit, duke përsëritur mendimet e tyre se ai duhej të kishte bërë më shunmë për të ndenjur në shtëpi, sado që ata u përpoqën që t’ia bënin të qartë këtë gjë. më pas, Miri diskuton për surprizën me Rezartën dhe fotot që i treguan. Ai mendon se ato nuk kishin asgjë të keqe dhe se i pëlqen që Rezarta po argëtohet. Miri tregon se beson shumë tek Rezi dhe tek ndjenjat e saja për të dhe ndaj ka besim tek ajo. Me ta bashkohet edhe Erioni dhe Miri e këshillon që të mos mërzitet e të harrojë lojën e vetë. Hakiu i rikthehet sërish bisedës për pyetjen e Arbanës që e bëri të mendojë sëtepërimi. Ai ua tregon djemve që pyetja ka të bëjë me miqësinë brenda shtëpisë. Miri ia kthen se ai duhet të ketë gjithnjë parasysh se ka hyrë vetëm e do dalë vetëm dhe të mos ngatërrojë miqësinë me simpatinë për ndonjë banor. Sipas tij, brenda shtëpisë ka simpati e jo miqësi dhe simaptia konsolidohet më shumë jashtë duke u kthyer në miqësi, ose të ndodhë e kundërta. Por Erioni e kundërshton, sipas tij, miqësia ekziston dhe kthehet nga Hakiu. Edhe Miri shprehet se mendon se bertinën do e ketë mike të mirë dhe tregon se ajo është femër me shumë karakter, ndërsa Erioni shton se dhe me krenari e dyshim të tepruar. “Nuk do lodhesha kurrë me Bertinën”- shprehet Miri.

Haki: “më shqetëson nominimi”

2010-04-04T03:47:00.000-07:00

Manal dhe Haki flasin për nominimin, pasi të dy janë përsëri në nominim. Hakiu duket i mërzitur dhe kjo gjë vihet re prej Manal. Ai ia kthen se gjithnjë e ka patur të vështirë këtë moment dhe sado që përpiqet që t’i duket normale, sërish e mundon. Sipas tij, fakti që banorët e tjerë e kanë nominuar e rrezikojnë që ai të dalë, pavarësisht nëse del apo jo dhe kjo gjë e bën të ndjehet keq. Ai është në dyshim për arsyet që mund të thonë banorët kur e nominojnë atë, sa reale mund të jenë ato, por shton se e ndjen edhe vetë se diku po calon. Hakiu mendon se po përpiqet të japë më të mirën, por sidoqoftë, vështirësia kur është në nominim, ndikon tek ai. Hakiu, me insistimin e Manal, tregon se Arbana i bëri një pyetje dhe se ajo pyetje e ka bërë që të fillojë t’i mendojë pak më ndryshe gjërat tashmë e të ketë parasysh se janë në një lojë, por ai nuk i jep sqarime të tjera asaj. Më pas, ata fillojnë të flasin edhe për largimin e Edit. Kika tregon se gjithnjë ishte përpjeur ta këshillonte Edin që të aktivizohej më shumë e t’i menaxhonte më mirë disa situata. Ai mendon se Edi është njeri shumë i mirë, por ky ishte problemi i tij që bëri që ai të jepte këtë opinion e të dilte. Të dy fillojnë të flasin për surprizat që kanë marrë në BB si përshembull ardhja e familjarëve të tyre dhe tregojnë emocionet që i kanë përshkuar në ato momente.

Komente mbi Bertinën dhe klipin e Erionit

2010-04-04T03:45:00.000-07:00

Erioni bisedon me Oltën për klipin që panë të dy, pasi ai nuk është i qartë se cfarë ka ndodhur. Olta i tregon me pak fjalë dyshimet e Bertinës për klipin dhe i tregon se ai u thirr që të pohonte nëse ishin fjalët e tija apo jo. Olta i tregon gjithashtu se Bertina e kishte akuzuar se ajo me Erionin ishin puthur në buzë. Erioni habitet, por ajo ia kthen duke ironizuar fjalët e Bertinës se këtë gjë e di vetëm Bertina, ndërsa ata të dy nuk e dinë që paska ndodhur. Me ta bashkohen edhe të tjerët e kështu vazhdojnë të bisedojnë për klipin dhe fjalët që ka thënë Erioni. Ai u sqaron banorëve se ishte shprehur se nëse do futej sërish në BB, nuk do krijonte më lidhje, pasi nuk ka patur atë lirshmërinë që a dashur, ndërsa për Adën, ai sqaron se ka thënë se do donte të kishte afrimitet me të në kontekstin shoqëror, gjithnjë nëse do futetj sërish në BB. Erioni tregon se kjo nuk do të thotë se kur të dalë nuk do të ketë më të bëjë me Bertinën, përkundrazi mund ta vazhdojnë lidhjen, nëse do funksionojë, por për kohën brenda shtëpisë, ai thotë përsëri se e pa veten shumë të mbyllur e nuk diti të menaxhojë lidhjen dhe shoqërinë me banorët e tjerë, por iu përkushtua ë shumë lidhjes. Banorët komentojnë sjelljen e Bertinës jashtë duke u nisur nga kjo ngjarje. Klodi mendon se cdo gjë varet nga mënyra se si është komentuar në studio klipi, por Olta mendon se varet se si e ka kuptuar Bertian atë. Domenika mendon se e gjitha është e lidhur me mënyrën se si e ka thënë Erioni. Lta me Domenikën vazhdojnë që të bisedojnë vetëm për diskutimin me Bertinën gjatë spektaklit dhe ndërsa Olta i tregon, të dyja mendojnë se këto janë vec imagjinatë e sajë. Olta shprehet se Bertina ka dashur që të hedhë baltë mbi të, por duke diskutuar me Domin, shton se i vjen keq për Bertinën që po sillet kështu duke thënë gjëra të paqëna. Në të nëjjtën kohë, edhe Erioni i tregon Mirit aq sa di nga kjo ngjarje që ia tregoi Olta. Miri e këshillon që të mos i marrë për të mirqëna të gjita ato që i tha Olta, ndërsa ai shprehet se Bertina vazhdon ende me dyshime e xhelozi edhe jashtë. Erioni uron që Bertina të mos jetë keqkuptuar me fjalët e tija në klip dhe i sqaron Mirit kuptimin e tyre.

Bertina përballet me Adën dhe Oltën

2010-04-04T00:37:00.000-07:00

Bertina ndodhet në studion e BigBrother dhe Vëllai i Madhi jep mundësinë që ajo të përballet me Adën. Kështu të dyja vajzat shkojnë në qendër të studios dhe fillojnë të debatojnë e replikojnë njera-tjetrën dhe arsyeja është Erioni dhe ndjenjat për të. bertina shprehet se nuk e dinte se vfarë kishte ndodhur, por kur i a parë kur doli, nuk i priste fjalët e Adës të cilat iu dukën tepër fyese dhe ofenduese, të thëna për të. ajo shprehet se ndjehet mirë që nuk e bëri shoqe atë. Në lidhje me Erionin, ajo shprehet se Ada nuk duhet të sillet si adoleshente, por ajo ia kthen se nuk e di se cfarë ka kuptuar Bertina, por ajo që ka thënë Ada, ka të bëjë vec me miqësinë mes saj dhe Erionit.

Bertinës i jepet mundësia që të flasë edhe me Oltën. Olta shprehet se me Erionin ka një miqësi dhe e shikon atë si mik të vërtetë. për të shfaqet një klip me momente ku ajo me Erioni qëndrojnë pranë, përkëdhelen e puthen në faqe, ndarja mes Erionit e Bertinës pas eleminimit të saj e gjendja e keqe emocionale e tij, apo edhe komentet e gjykimin e Seldit ndaj Oltës për sjelljet e saja. Bertina flet me Oltën dhe e pyet nëse ndjehet e liruar tashmë, por ajo përgjgijet se Erioni ndihet i tillë. Bertina e pyet se cfarë nënkupton ajo kur përqafon Erionin dhe i shkel syrin grupit të saj për këtë veprim, ai i bëhet një shoku të ngushtë kjo. Olta përgjigjet se në një miqësi të sinqertë, bëhen edhe sjellje të tilla, brenda limiteve. Bertina i thotë gjithashtu se lta është shprehur se donte ta demaskonte e ta degjeneronte Erionin, por ajo e mohon këtë fakt. Olta shprehet se ka patur tendencën që me sjellejt e saja, të bëjë Bertinën të pranojë ndjenjat për Erionin, ndërsa Erioni që të shtendosej. Për ta jepet edhe një klip ku shfaqet Erioni i cili shprehet se nuk do donte të krijonte lidhje, se një lidhje nuk e bën që të jetë i lirshëm dhe se me Adën do donte të kishte afrimitet. Bertina e kundërshton këtë klip dhe mendon se është montazh.

Në dhomën e rrëfimit thirret Erioni i cili konfirmon se është fjala e tij dhe se do donte që me shprehejn e fundit, të tregonte se do donte të kishte shoqëri me Adën. Ada mendon se kjo ishte përgjgija më e mirë për Bertinën. Bertina kërkon të flasë me Erionin, por nuk mundet më të paktën për momentin.

Takimi me vëllain, surprizë për Manal

2010-04-04T00:36:00.000-07:00

E vetmja që nuk e ka parë ende përmbajtjen e zarfit të kuq është Manal. Të gjithë janë kuriozë, ndërsa Manal hap zarfin e aty gjen një foto. Asaj i shkon në mendje se dikush a ardhur për të. Arbana e fton që të dalë në kopsht e ajo niset me vrap dhe gjen vëllain e saj. Ajo i hidhet në qafë e fillon të qajë fort, ndërsa e puth dhe e përqafon plot mall. Vëllai i Manal është pjesë e një grupi muzikor të cilët kanë përgatitur një surprizë për banorët, muzikë dhe valle orientale të cilat banorët i shijojnë me dëshirë. Ata fillojnë të ndjejnë ritmin e të kërcejnë me balerinën duke mësuar prej saj disa nga lëvizjet

Tatiana rrëfen historinë e saj prekëse

2010-04-04T00:34:00.000-07:00

Vëllai i Madh u ka dhënë mundësinë cdo banori që të hedhin në një letër mendimet e tyre për një person të afërt, të rrëfejnë dicka nga jeta e tyre apo t’i dërgojnë një mesazh kuptimplotë dikujt. Një ndër to është edhe Tatiana e cila ka preferuar që të shkruajë dicka nga e kaluara e saj, një rrëfim të cilin nuk e ka bërë më parë. Ajo ia dedikon një njeriu të shtrenjt, ish të dashurit të saj, të cilit i ka mbajtur sekret dicka që lidhej me ata të dy, humbja e fëmijës së tyre, kur ajo ishte shtatzanë. Arbana e fton Tatianën në dhomën e rrëfimit dhe në një klip të përgatitur për të, shfaqen këto momente. Ajo i shikon e trishtuar e në faj për atë që ka ndodhur, por Arbana i jep forcë se ajo ishte një fatkeqsi, të cilën nuk mund ta ndryshoje dot. Arbana shprehet se ish të dashurit të saj, i është dhënë mundësia që të flasë sonte me Tatianën dhe kjo është një zgjedhje e tij që pritet të ndodhë. Tatiana tregon përsëri shqetësimin e saj se ai nuk ka për ta kuptuar se përse ajo nuk ia kishte rrëfyer më parë, por tashmë e ka kuptuar se ka bërë gabim. Tatiana tregon se në shtëpinë e BB, ata reflektojnë shumë mbi jetën e tyre dhe ky ka qënë një moment i tillë, duke u nisur edhe nga loja e Seldit me Domin. Ndërsa presin të ndodhë lidhja, opinionisti e përshëndet për inisiativën e saj që e mori guximin ta shprehë edhe pse pak vonë ashtu sikurse edhe për sinqeritetin e saj. lidhja me ish të dashurin e saj nuk ndodh dhe Tatiana shprehet se e kupton vendimin e tij. Ajo tregon se ai ka qënë dhe mbetet një pjesë e rëndësishme në jetën e saj dhe se e do fort. Por duke diskutuar me Arbanën, telefonata ndodh ndërmjet Tatianës dhe ish të dashurit të saj. tatiana e pyet nëse ai e dëgjoi rrëfimin, por fatkeqsisht jo. Tatiana i thotë vetëm se kur ta dëgjojë, të ketë parasysh kushtet e tyre dhe se i kërkon të falur. Ajo i thotë sërish se e do dhe i shpreh frikën se ndoshta ai nuk do t’i flasë. Ai ia kthen se gjithashtu e do fort dhe se nuk e mendon kurrë se nuk do t’i flasë ndonjëherë.