Porsche 911 GT3 R Hybrid поседува два електромотора што постигнуваат 136 коњски сили и ги задвижуваат предните тркала.

За разлика од обичните хибридни автомобили, во хибридниот 911 нема обични батерии за акумулирање на енергијата, туку има т.н. инерциски акумулатор.
Со енергијата што е собрана во него, Porsche добива дополнителна силина за кусо време, но и толку е доволно за да се освојат десетинките што решаваат за победникот.

За пофалба е тоа што Opel успеа да ја реализира во серија идејата што ја најавуваше студискиот автомобил од 2008 година. Секако дека не се напуштени и традиционалните квалитети од претходникот: Задната клупа се соборува во само еден потег.

Под хаубата на успешниот модел од Марторел работи дволитарски турбодизел со common-rail и со силина од 143 КС. Тоа е сосема доволно за крајна брзина од 210 километри на час и забрзување од 8,2 секунди до темпо 100. Но, во исто време моторот се грижи потрошувачката да не го оптовари премногу џебот на сопственикот. За секои 100 километри FR бара 4,6 литри гориво.

Тоа што го навестуваат спортските акценти во каросеријата, се покажува во целост кога болидот ќе се појави на тркачка патека, односно како во овој случај, на легендарната патека Нордшлајфе во Германија. Целиот пакет добива уште поголема смисла кога ќе се погледне податокот за цената: За 30.000 евра се добива тркач што може да ја поттикне истата возбуда како многу посилни од него.

Покрај семејните изведби на Doblo, со пет и седум седишта и со нормално и продолжено меѓуоскино растојание, во гамата се нудат и фургонските изведби, каде што дополнително стои на располагање верзија со повишен покрив.

Во споредба со претходната генерација, дизајнот на новата серија 5 повеќе се ориентира според класичните форми од историјата на лимузините на BMW.

Техничарите се особено горди на повозјето. Петката го дели подвозјето со лимузината од серијата 7. Големи очекувања побудува управуваната задна оска што е достапна како опција.

Формата на серискиот А1 ги следи концептните возила со кои што Audi почна да го најавува новиот модел уште пред две години. Во подвозјето, A1 се потпира на техниката од Volkswagen Polo, но додава спортска нота, за поголемо уживање во возењето. Во понудата од мотори ги очекуваме 1.2 и 1.4 TSI, како и новите TDI-CR.

Прв што ни ги претстави вредностите на идното благородно семејство на модели на Citroen е DS3.

На тест-возењето во Париз, DS3 не одушеви најмногу со квалитетите на подвозјето. Ќе биде штета доколку малечкото го добие епитетот на женски автомобил, затоа што и со возните својства и со моќните мотори, DS3 е способен да ги задоволи и барањата на спортски ориентираните возачи.

Новиот Citroen привлекува и со внатрешните вредности, не само со стилот.

За разлика од вообичаените конструкции, металниот покрив кај Wind не се собира во багажникот, туку легнува врз задниот капак. На тој начин волуменот на багажникот од 270 литри останува непроменет. Околу моторите Renault се уште не открива точни детаљи, но сосема е извесно дека под хаубата на Wind ќе работи 1,2-литарскиот бензинец со турбонатполнење и 105 КС.

Во гамата на втората генерација на Touareg влегува и изведбата со хибриден погон. Со бензински мотор од 333 коњски сили и со дополнителна поддршка од електромоторот од 52 КС, теренецот постигнува динамика на модел со осумцилиндарски мотор, но троши исто како да има четирицилиндарец под хаубата.