Мара аб трусіку - Галоўная старонка

Утрыманне трусаў у калоніі

Tue, 20 May 2014 02:02:58 +0000

Большасць людзей вырошчвае трусоў па асобку, у кратках. Я ўпадабала іншую сістэму, бо я адчувала, што звычайная не дазваляе трусам выказаць свае натуральныя жаданні і біялагічныя патрэбы, такія, як ўдзел у сацыяльным узаемаздеянні і капанне. Трусам падабаецца нават есць разам. Паасобку яны выглядаюць нейкімі звяўшымі.

Пажыўныя рэчывы

Mon, 08 Apr 2013 21:52:34 +0000

Інфармацыя на гэтай старонцы патлумачыць Вам, з якіх асноўных рэчываў складаецца харчаванне труса. Дзякуючы страваванню жывёла атрымлівае пажыўныя рэчывы, неабходныя для падтрымання функцый цела.

Як выбраць трусіка

Tue, 26 Oct 2010 01:25:55 +0000

Выбіраючы труса ў краме, звярніце ўвагу на ўмовы, у якіх трусікі там ўтрымоўваюцца. Таксама пацікаўцеся ўзростам, у якім абраны Вамі трус трапіў у краму, і чым яго там кармілі.

Страваванне труса

Mon, 01 Sep 2008 15:44:13 +0000

Эвалюцыя труса, як і іншых жывых істот, адбывалася ў працэсе прыстасавання да навакольнага асяроддзя. Мы можам ацаніць гэтую адаптацыю, назіраючы за ладам жыцця дзікіх трусаў. Свойскія трусы вонкава трохі адрозніваюцца ад дзікіх, але яны захавалі фізіялагічныя характарыстыкі сваіх дзікіх сваякоў, што працягваюць гойсаць па лугах. Стрававальны тракт труса - цуд прыроды, ён уладкаваны так, каб перапрацоўваць гэтую бедную на пратэіны ды багатую на валакно ежу. Трус здольны здабыць максімум карысных пажыўных рэчаваў з "нішчымных" прадуктаў, што не ў стане зрабіць большасць іншых жывёл.

Купанне

Sat, 27 Mar 2010 01:46:24 +0000

Важна, каб футра ды скура труса былі чыстымі, бо гэта паляпшае стан яго здароўя ды самаадчуванне. Але трусаў вельмі не пажадана купаць, яны даглядаюць за сабой самі. Калі ж трус па нейкай прычыне не ў стане пачысціць сваё футра сам (напрыклад, з-за доўгай ляксы, хваробы або паралюша), трэба яму дапамагаць. Ёсць некалькі спосабаў рабіць гэта, і Вам трэба высветліць, які з'яўляецца лепшым і найбольш прыемным для Вашага трусіка.

Чаму пазбаўляюцца ад трусаў

Sun, 01 Feb 2009 18:27:34 +0000

Не трэба ставіцца да труса як да рэчы, якую можна выкінуць, калі яна надакучыла! Яны - жывыя істоты, якія таксама маюць пачуцці і якія таксама пакутуюць, калі іх крыўдзяць.

10 найчасцейшых прычын, па якіх аддаюць труса (па словах гаспадароў)*:
* Мае дзеці больш не клапоцяцца аб жывёле
* У дзіця або некага іншага ў сям'і алергія
* У мяне ёсць новыя кошкі / сабакі / дзіця, таму я не магу больш утрымоўваць труса
* Я занадта заняты / Я не разумеў, як шмат працы патрабуе трус. Ён не атрымлівае увагі, якую ён заслугоўвае
* Гаспадар нашага дома кажа, што я не магу трымаць яго / Я пераязджаю ў хату, дзе не дазволена мець хатніх жывёл
* Ён стаў "завялікі"
* Ён агрэсіўны (драпаецца/кусаецца) ды псуе рэчы, ад яго дрэнны пах у хаце
* Мы збіраемся ў адпачынак і не можам узяць яго з сабой
* Ён хворы / паранены, мы не будзем плаціць столькі грошаў на лячэнне жывёлы, якая амаль нічога не каштуе
* Навучальны год скончыўся і ён нікому не патрэбны

Працягласць жыцця ды сацыялізацыя

Thu, 04 Feb 2010 06:19:44 +0000

Як сацыяльнае жыццё труса ўплывае на яго здароўе? У трусаў надзвычай сацыяльныя паводзіны ды стаўленне да сваіх суродзічаў. Я збіраю статыстыку па трусам. Пакуль сабрана толькі палова, таму высновы толькі прыблізныя, але агульная сітуацыя ўжо бачна. Я аналізавала, як уплываюць розныя фактары на працягласць жыцця труса (як памятаем, могуць жыць яны да 10-12 год). Напрыклад, вось так уплывае сацыялізацыя, даволі моцна:

Бэзавы белавухі

Wed, 13 Jan 2010 19:42:24 +0000

Стракаты трус з белымі вушамі. Генетычны код: афарбоўка aabbC_ddE_, плямістасць: En^Ween

Чорная

Sun, 13 Dec 2009 05:42:09 +0000

Поўсць глыбока-чорнай афарбоўкі, колер вачэй цёмна-руды.

Як вылекаваць труса з кішачным супынам?

Tue, 27 Oct 2009 01:50:26 +0000

Сапраўдная кішачная перашкода амаль заўсёды суправаджаецца сур'ёзным раздуваннем і вострым болем. У яе выпадку лекі, правакуючыя кішачную рухомасць, могуць толькі пагоршыць сітуацыю, пасунуўшы блакаванне ў вузкую вобласць, дзе яно цалкам заблакуе кішачнік. Аднак калі няма поўнага блакавання, то медыкаментознае лячэнне лічыцца лепшым за аперацыю. Гастратамію (хірургічнае адкрыццё страўніка) можна зрабіць і выдаліць перашкоду, але ў трусаў, якія падвяргаюцца гэтай аперацыі, жаласна нізкія паказальнікі выжывання. Тыя, хто перажываюць аперацыю, вельмі часта канаюць праз некалькі дзён ад перытаніту або ад іншых ускладненняў, нават пры доглядзе самага дасведчанага кваліфікаванага трусінага хірурга. Аперацыю на трусіным страўніку трэба разглядаць толькі як самы апошні варыянт.

Чорная куня

Thu, 27 Aug 2009 02:01:33 +0000

Падчас яе называюць "чорнае срэбра". У труса гэтай афарбоўкі аднаіста-цёмны колер спіны, белы брух і ніз бакоў.

Наступствы хібнага харчавання

Sun, 11 Oct 2009 16:16:00 +0000

Трусаў трэба карміць перш за ўсё травой (калі яе няма - сенам) з дадаткам гародніны. Гутарку на гэтым можна было б скончыць, але, нажаль, патрэбна патлумачыць шмат чаго яшчэ, бо многія працягваюць карміць трусаў хібным чынам. Як добра ведаюць ветэрынары, што спецыялізуюцца на хатніх трусах, вялікая частка іх хвароб у гэтых жывёл выклікана хібным харчаваннем (непасрэдна або ўскосна) і іх можна было цалкам пазбегнуць, калі б забяспечыць належнае харчаванне.

"П-А-В-А-Г-А - вось чаго чакае ад мяне мой трус" (крыўда)

Fri, 09 Oct 2009 03:59:53 +0000

Ці ведаеце Вы, што ў эскімосаў існуе мноства слоў ды выразаў для апісання колеру снегапада? Так і ў трусаў ёсць мноства "выразаў", каб перадаць адценні настрою "Ты мяне абразіў!", якія выказваюць, наколькі ён пакрыўджаны і ці збіраецца наогул мірыцца. Нязгода паміж Вамі не заўсёды прыводзіць да сваркі, але заўсёды будзе пакрыўджаны бок ды крыўднік, які павінен перапрасіць. Часта для гэтага трэба пачасаць трусу лоб, можна пачаставаць разынкамі. Падчас гэта не дапамагае, тады можна паказаць, як моцна Вы пакутуеце ад знявагі, што Вас пазбягаюць. Неўзабаве ён дазволіць Вам папрасіць прабачэння. Трус, у якога не папрасілі прабачэння, можа дзьмуцца шмат-шмат дзён.

Агульнае наконт здароўя

Sat, 19 Sep 2009 18:34:05 +0000

Кожны ўладальнік жадае, каб яго трус быў здаровым ды моцным. Таму так важна падтрымоўваць гігіену ды добра даглядаць за трусам. Таксама нельга ігнараваць захворванні, каб яны не паспелі нашкодзіць жывёле. Здаровы трус вясёлы, цікаўны ды энэргічны, ён рэагуе на тое, што адбываецца навокал. Футра чыстае, не выглядае тлустым (брудна-бліскучым), няма лысінак. Важна паглядзець на зубы: разцы на верхняй сківіцы павінны знаходзіцца ПЕРАД ніжнімі разцамі.

Хатка-пераноска

Thu, 27 Aug 2009 01:56:59 +0000

У мяне гэтая пераноска з'явілася некалькі месяцаў таму, мы таксама выкарыстоўваем яе як хатку-сховішча, калі ідзем на шпацыр. Майму трусу вельмі падабаецца гэта пераноска, ніякага параўнання да ўсіх папярэдніх, што я набывала або рабіла сама. З адваротнага боку сховішча я зрабіла другі ўваход, трусам падабаецца, калі ў хатцы ёсць 2 уваходы/выхады. Гэта пераноска складная, бо галоўныя часткі мацуюцца маланкамі.

Параўнанне насыпак

Sat, 08 Aug 2009 18:05:25 +0000

Які тып насыпкі выкарыстоўваць для прыбіральні? Варыянтаў досыць шмат, таму трапны варыянт можна знайсці для любога звярка і для любой клеткі. Выбар залежыць ад таго, што магчыма набыць у Вашым горадзе і якія звычкі Вашага труса. Майце на ўвазе наступнае, калі Вы выбіраеце сваю насыпку:
* большасць трусаў праводзіць шмат часу ў сваёй прыбіральні
* трусы будуць заўсёды з'ядаць частку насыпкі ды спрабаваць яе «на зуб»
* у брулей труса можа быць вельмі моцны водар.

Запатрабаванні труса

Thu, 12 Feb 2009 07:07:21 +0000

Харчаванне аказвае велізарны ўплыў на здароўе і адчуванне любой істоты, і трус тут не выключэнне. Ежа непасрэдна ды ўскосна ўплывае на жыццёвыя працэсы свойскіх жывёл. Да важных пажыўных рэчываў харчавання труса належаць вугляводы, бялкі, тлушчы, валакно, вітаміны і мінералы. Кожны клас выконвае асаблівую ролю ў дыеце.

* Валакно, верагодна, найважнейшае рэчыва ў харчаванні труса. Даросламу свойскаму трусу патрэбна 18-24% валакна, з яго 12.5% незасваяльнага. Нястача валакна наносіць моцны ўдар па іх складанай стрававальнай сістэме і можа выклікаць сур'ёзныя хваробы або нават смерць.
* Адэкватнае спажыванне вадкасці (ці то вадой, ці то праз спажыванне зеляніны). Вадкасць істотна для здароўя кішачніку і, нараўне з валакном, дапамагае падтрымаць кішачную рухомасць і прадухіляе кішачную непраходнасць.
* Неабходны абмежаваны ўзровень бялкоў, 12.5-16% у залежнасці ад узросту. Бялок дапамагае будаваць мускулы, косткі, поўсць, карацей кажучы, бялок неабходны, каб з'явіўся трусік. Недахоп бялку можа зрабіць труса хворым, але завялікая колькасць пашкоджвае ныркі.
* Падтрымаць здароўе Вашага труса дапаможа дыета, нізкая кальцыем. Раюць узровень 0.6-1%

Асабістая тэрыторыя

Mon, 20 Jul 2009 15:21:07 +0000

Варта памятаць, што трусіная каморка павінна быць бяспечным месцам, куды ён можа збегчы ў выпадку надзвычайнай сітуацыі. У прыродзе гэтую ролю адыгрывае лёх. Паважайце трусіную асабістую тэрыторыю. Трусы па сваёй прыродзе вельмі тэрытарыяльныя жывёлы. Таму можа здарыцца так, што дарослы трус будзе агрэсіўным у кртках - абараняць іх як сваю тэрыторыю. Гэта не азначае, што трус заганныя або дрэнны. Нават самаму дружалюбнаму з трусаў не будзе падабацца, калі нехта "завальваецца" у яго хату без папярэджання.

Прызвычайванне да ланцужка

Tue, 14 Jul 2009 18:47:56 +0000

Труса можна навучыць бегаць на ланцужку, аднак, мала трусаў, якія будуць паводзіць сябе на ланцужку як сабака: несціся пакорліва пабок гаспадара і сядзець, калі Вы спыніце хаду. Большасць трусаў спыняецца часта, каб агледзецца ды з'есці трохі травы. Вы будзеце здзіўленыя, якая колькасць прахожых будзе рабіць здымак таго, як Вы шпацыруеце з трусам.

Кальцый

Mon, 13 Jul 2009 16:33:45 +0000

Змест кальцыя ў некаторых раслінах:

Трусік выратаваў жыццё гаспадарам

Fri, 25 Jul 2008 18:54:06 +0000

Wed Jul 25

МЕЛЬБУРН, Аўстралія - Хатні трусік па мянушцы "Трус" выратаваў сваіх гаспадароў ад шалёнага агню, які ахапіў іх уласную хату раніцай у гэты чацвер.

Захворванні дыхальных шляхоў

Wed, 08 Jul 2009 20:29:45 +0000

Сімптомы захворванняў. Пачатковымі сімптомамі ў большасці выпадкаў з'яўляецца частае чханне, акрамя таго трус пачынае ўзмоцнена даглядаць за галавой. У прагрэсіўнай фазе прыбывае яшчэ катар, памяншаецца вага, трус адмаўляецца ад ежы, пачынаецца слёзацёк і да таго ж дыхавіца. Трус дыхае адчыненым ротам, можа выцягваць галаву і шыю, жывот і грудзі моцна ўздымаюцца і ападаюць пры дыханні, жывёла ляжыць, падвышаецца тэмпература. Часам даходзіць нават да касога трымання галавы і адначасова можа далучыцца атыт, бранхіт, ятрасць лёгкіх. Далей жывёла становіцца апатычнай і, нарэшче, памірае на працягу адносна кароткага часу, калі не звяртаюцца да ветэрынара. Пры першых прыкметах прастуды трэба адразу наведваць ветэрынара, бо інакш ад простага катару (рыніта) вельмі хутка можа дайсці да ятрасці лёгкіх!

Агуці

Thu, 16 Oct 2008 17:38:32 +0000

Як дапамагчы трусам пасябраваць

Sun, 28 Jun 2009 03:12:53 +0000

Трусаў лепш за ўсё ўтрымоўваць у групах па 2-4 жывёлы. Калі ў Вас няма магчымасці адразу ўзяць да сябе склаўшуюся пару, але Вы марыце завесці другога трусіка, то неабходна разабрацца з тэмай знаёмства. Спакласці трэба абодвух трусаў. Трэба зважаць на яшчэ адну рэч: дзікія трусы вельмі тэрытарыяльныя і жывуць у іерархічных суполках, свойскія трусы таксама ўладкоўваюць сваю іерархію. Аде лідэра трусы "абіраюць" сваім уласным чынам.

Гарманічнасць розных спалучэнняў

Fri, 20 Feb 2009 22:27:39 +0000

Два найважнейшыя аспекты, якія нельга выпускаць з погляду, набываючы другога труса - гэта рэпрадуктыўная здольнасць і імкненне трусаў абараняць сваю тэрыторыю.

Адмысловыя станы трусаў

Thu, 21 May 2009 21:37:04 +0000

Трусы з адмысловымі станамі: крывашыем, епілепсіяй, паралюшам і г.д. - маюць столькі ж сама правоў на поўнае, шчаслівае жыццё, як і звычайныя трусы. З невялікай дапамогай з нашага боку яны квітнеюць і адклікаюцца на далікатны догляд.

"Ах, вось гэта жыццё!" (пагляданне)

Wed, 15 Apr 2009 15:58:01 +0000

Акрамя пяшчотнасцяў трусам падабаецца тусавацца разам ды сачыць адзін за адным. Седзячы побач з трусам, чытаючы або размаўляючы, Вы выглядаеце для яго вельмі па-таварыску. Некаторым трусам падабаецца сядзець перад тэлевізарам, пакуль вы яго глядзіце. Па шчасцю, пры гэтым яны не здагадваюцца, што Вы за ім цалкам не назіраеце.

Генетыка афарбовак

Sun, 20 Dec 2009 17:18:17 +0000

Афарбоўка труса вызначаецца пяццю генамі, іх пазначэнні лёгка запомніць: A, B, C, D, ды E. Нажаль, астатняе трохі больш складана :) Узгадаем асновы генетыкі: жывёла пакідае нашчадку па аднаму гену з кожнай іх пары, такім чынам у нашчадка з'яўляюцца пары генаў - па аднаму ад кожнага з бацькоў. Калі ў пары генаў ёсць дамінантавы ды рэцэсіўны, будуць бачны праявы менавіта дамінантавага.

Ангоравы трус

Wed, 25 Mar 2009 18:15:19 +0000

Ангоравы трус вядомы сваім доўгім прыгожым футрам. Гэтыя круглыя шары пуху лёгка знайдуць свой шлях да Вашага сэрца.

Шпацыр на вуліцы

Mon, 09 Mar 2009 01:21:04 +0000

Калі вы выпускаеце труса на двор, Вы павінны за ім сачыць з асобай уважлівасцю! Небяспекі, якія падпільноўваюць труса, падчас шпацыраў на двары: драпежнікі, атрутныя расліны, цвіль ды грыбкі, таксічныя пестыцыды ды ўгнаенні, адчыненае сонца, спякота, непагадзь, вецер, вільгаць, бактэрыі, якія змяшчаюцца ў глебе, лічынкі мух, драпежныя жывёлы, птушкі і г.д. Суседскаму сабаку або котцы не запатрабуецца шмат часу, каб перабрацца праз агароджу і напасці на Вашага труса, пакусаць яго, напалохаць да смерці або забіць. Такія жывёлы, як лісіцы, драпежныя птушкі і лічынкі мух уяўляюць сур'ёзную небяспеку для труса пры вонкавым утрыманні. Пераканаецеся, што трава не была апрацаваная пестыцыдамі або ўгнаеннямі. Праверце зараснікі травы на наяўнасць атрутных для труса раслін. Лепш прадухіліць гэтыя небяспекі, але калі Ваш трус стаў ахвярай любой з іх, звяжыцеся з трусіным ветэрынарам неадкладна.

Агрэсія ў трусаў

Tue, 03 Mar 2009 23:09:16 +0000

Часта людзей здзіўляе, што яны сутыкаюцца з трусінай агрэсіяй. Яны не ведалі, што такія баязлівыя і мілыя трусы могуць балюча кусацца і драпацца. Але трусіная агрэсія сустракаецца даволі часта. Ваяўнічыя трусы звычайна больш разумныя, чым нясмелыя. Як толькі вы пачнеце паважаць свайго труса і пры зносінах з ім прытрымлівацца некаторых правіл, трусы вельмі хутка прывяжуцца да вас.

Памылкі ўтрымання ды іх наступствы

Wed, 04 Feb 2009 00:01:50 +0000

Памылкі ўтрымання могуць выклікаць сур'ёзныя хваробы. Распаўсюджаныя памылкі апісаны ніжэй па схеме: Памылка - магчымыя і характэрныя наступствы (сімптомы).

Як абраць добры камбікорм

Thu, 28 Aug 2008 14:36:55 +0000

Зараз у заакрамах з'явіліся разнастайныя віды трусінага корму, але гэта спрэчнае "блаславенне", бо завялікі выбар можа заблытаць. У той час, як большасць людзей думае, што ўсе віды корму аднолькавыя ды карысыя, гэта вельмі далёка ад праўды. Вытворцы разумеюць, што ў сярэдняга чалавека няма звестак пра тое, як адрозніць добры камбікорм ад дрэннага. Корм падыходзіць трусу, калі ён адпавядае пэўным патрабаванням.

Асфіксія

Mon, 12 Jan 2009 00:21:20 +0000

Трусы не могуць ванітаваць, але яны могуць задушыцца ежай. Калі ласка, прачытайце гэты артыкул пра асфіксію на ўсялякі выпадак. Мы спадзяемся, што такое ніколі не здараецца з Вашым трусам, але Вы будзеце падрыхтаваныя.

Галандзец

Mon, 22 Dec 2008 17:08:26 +0000

Галандэрская плямістасць.

Догляд за хворым на паралюш

Wed, 03 Sep 2008 13:54:12 +0000

Трусы здольны добра прыстасавацца да жыцця, калі яны падпалі слепаце, паралюшу, ампутацыі і г.д. "Калі бы я апусціў рукі з нагоды Скока (што мне прапанавалі 3 разы), зараз бы ў мяне не было б цудоўнага, шчаслівага труса, якім Скок з'яўляецца зараз. Запатрабаваўся год зашчыкаў, лекаў, кармлення са шпрыца і г.д. Скок не адчуваў сябе цалкам добра, але ён атрымліваў асалоду ад ежы, сяброўства з іншымі трусамі і любові".

Догляд за крывашыікам

Fri, 05 Sep 2008 22:07:03 +0000

Белабобка, пакладаная труска пароды белы фларындзец, трапіў да сваіх часовых гаспадароў пры Грамадстве Труса ў нядзелю днём. У наступны чацвер яна пачала нахіляць галаву. Інфармацыя, змешчаная на гэтай старонцы, з'яўляецца інфармацыяй, якую наглядчык Белабобкі вывучыў за той кароткі прамежак часу, які Белабобка ўжо мае гэтую хваробу.

Як нарыхтощваць ды захоўваць сена?

Mon, 03 Nov 2008 00:55:06 +0000

Думаю, шмат для каго актуальна пытанне захоўвання вялікай колькасці сена, корму ды насыпкі ў невялікіх кватэрах. Галоўнае, што трэба памятаць аб захоўванні сена - гэта сачыць, каб яно было цалкавіта сухім і каб яно "дыхала". Таму захоўваць яго трэба ў паветрапранікальным мейсцы: напрыклад, яно выдатна захоўваецца ў джутавых мяшках або ў старых навалках з бавоўны. Такім шляхам застаўшаяся вільгаць можа хутчэй выдзяляцца і не будзе даведзена да утварэння цвілі. Не прыстала захоўваць сена ў пакетах.

Інстынкт або інтэлект?

Wed, 29 Oct 2008 02:36:09 +0000

Дзесяць гад таму два мужчыны назіралі за тым, як мой трус, Піжама, піў са саёй бутэлькі. Абодва былі універсітэцкімі прафесарамі ў вобласці філасофіі, з падспецыяльнасцю "філасофія розуму". Адзін з іх яшчэ неяк раней распавядаў аб Піжамавым інтэлекце.

Паралюш, парэз ды яго прычыны

Tue, 07 Oct 2008 22:49:13 +0000

Вызначыце, якая канечнасць пашкоджаная. Асцярожна паспрабуйце паставіць труса на ўсё чатыры лапы на роўную, але не слізкую паверхню. Калі ён валачэ заднія лапы, перасоўваючыся толькі з дапамогай перэдніх, гэта кажа аб пашкоджанні хрыбетніка. Загарніце труса ў ручнік, пакладзеце акуратна ў скрынку і вязіце да ветэрынара.

Дзікія трусы

Sat, 04 Oct 2008 03:16:26 +0000

Натуральнае асяроддзе жыцця трусаў - месцы з травяным полагам і ўскраіны лесу; жывуць трусы ў глыбокіх лёхах, якія рыюць лапамі, дзе яны хаваюцца ад холаду і драпежнікаў. Вылазяць у змярканне і зранку, каб паесці, і сілкуюцца травой і іншымі раслінамі. Асабліва трэба падкрэсліць, што для дзікіх трусоў на волі натуральна жыць у вялікіх групах-сем'ях. Яны ўладкоўваюць разам падземныя лёхі, каля гэтых лёхаў знаходзіцца іх акруга. Прыручаныя трусы - прамыя нашчадкі еўрапейскіх дзікіх трусаў. Еўрапейскія трусы жывуць пад зямлёй у лёхах. Адна адзіная пабудова трусаў у Еўропе змяшчала 450 трусаў з 2 000 уваходамі! Хатнія трусы не могуць атрымаць нашчадства ад трусаў з Амерыкі, такіх, як белахвосты амерыканскі трус, у іх розная колькасць храмасом. Мы заахвочваем усіх утрымоўваць двух трусаў.

Шлейкі

Fri, 26 Sep 2008 23:44:59 +0000

Што спатрэбіцца. Калі вы плануеце шпацыраваць з трусам у парку, дзе ёсць іншая жыўнасць, то неабходна прышчэпка. Не факт, што на шпацыры яны адразу будуць пачуваць сябе вольна, бо яму патрэбны час для засваення тэрыторыі. Можна прывучыць труса шпацыраваць на ланцужку, пад клапатлівым гаспадарскім вокам, оберегаючым яго ад сустрэч з кім бы та ні была: коткамі, сабакамі, птушкамі, і некаторымі двухногімі. Ды і траўнічак для пашы зайкі павінен быць абраны такі, што аддалены ад трас, яго трэба абследаваць на прадмет чысціні. Так што пільнасць і яшчэ раз пільнасць, усёткі дамаседы яны, гэтыя нашы вушасцікі...

Карлікавы баран

Thu, 25 Sep 2008 21:49:49 +0000

Карлікавы баран - найбольш улюбёны ды папулярны зараз трус - на дзіва вялікі. Наперакор назве на самой справе гэта не карлікавы трус, а хутчэй паменшаная версія вялікіх францускіх баранаў.

Бескантактныя гульні, забаўкі

Tue, 26 Aug 2008 22:18:35 +0000

Трусам жыццёва неабходныя псіхалагічныя і фізічныя практыкаванні. Каб жывёлы заставаліся бадзёрымі і здаровымі, трэба забяспечыць ім магчымасць аддацца сваім натуральнымі заняткам: грызці, капаць, скочыць, бегаць і хавацца. Запатрабаванні і цікаўнасці труса змяняюцца ў залежнасці ад яго веку, полу і тэмпераменту, мэтазгодна прапаноўваць жывёлам разнастайныя цацкі і часцей спрабаваць што-небудзь новае. Не патрабуецца вялікіх выдаткаў, каб абудзіць цікаўнасць трусіка і падтрымаць яго ў добрым фізічным стане. Добра падыходзяць трусікам розныя гульні. Якія цацкі пасуюць для трусаў?

Адмысловыя выпадкі

Sat, 20 Sep 2008 03:24:49 +0000

Ёсць некаторыя адмысловыя акалічнасці, калі запатрабванні труса ды яго дыета змяняюцца. Так, доўгапоўсцевыя трусы павінны сілкавацца па большасці сенам (неабмежаваная колькасць), 229.6 мл гародніны (на 1 кіло вагі цела), а гранулы атрымоўваць з разліку 10 г (34.5 мл) на 1 кг вагі. Даўгапоўсцевым заводам патрэбна большая колькасць бялкоў для іх футра, таму ў камбікорме узровень бялку павінен быць 16%, таксама ім дазволена сілкавацца невялікай колькасцю сена з люцэрны (калі няма праблем з кальцыем), але яно ні ў якім разе не павінна давацца ў неабмежаванай колькасці, бо гэта можа стаць фатальным для ангоры.

Розныя узрастовыя групы

Sat, 20 Sep 2008 02:49:06 +0000

Рэкамендацыі па харчаванню. Трусяняты хутка растуць і патрабуюць больш ежы, чым дарослыя. Важна пачынаць карміць трусаў правільна з першых тыдняў іх жыцця.

Немаўляты: ад нараджэння да 8 тыдняў - матчына малако. 3 – 4 тыдні - матчына малако, трохі сена і сухога корму. 4-8 тыдняў - матчына малако, больш сена і сухога корму.

Дзіцяняты (ўзрост ад 8 тыдняў да 3 месяцаў) - дыета павінна быць высокаэнергетычнай, мець карысныя мінералы і пратэіны, каб падтрымоўваць гэты рост. Менавіта так і выгадоўваюць сваіх трусаў: у дзяцінстве кормяць іх якасна і без абмежавання з дастатковай колькасцю вітамінаў і мінералаў. Трусяняты ядуць неабмежаваную колькасць камбікорму (лепш на аснове вікі) і неабмежавана сена. У дадатак да неабмежаванага сена са звычайнай травы, трусяняты могуць сілкавацца штодня жменькай сена з люцэрны. Месяцаў да 5 (трэба глядзець індывідуальна) трусікам можна даваць геркулес. Далей трэба глядзець, каму можна, а каму зусім нельга. Да 5-6 месяцаў малая колькасць збожжавых кормаў можа прывесці да знямогі і згубы. Звычайна збожжавыя ідуць у харчовах сумесях, у якіх гэтак жа ёсць усё неабходныя вітаміны ды мінералы. Малеча павінен сілкавацца паўнавартасна, каб вырасці. Абмежаванне ежы трусікаў, а гэтак жа замена корму на выключна сена/галінкі затрымоўвае рост і можа прывесці да згубы.

Расліны

Sat, 30 Aug 2008 22:04:14 +0000

У базе раслін на сайце адлюстраваны ўзровень бяспечнасці розных раслін па клінічных крытэрыях:

ежавая расліна, сімптоваў атручвання не бывае.
дрэнна засваяльная/шкодная, прыкметы атручвання ад спажывання велізарнай колькасці.
атрутная, клінічныя парушэнні пасля таго, як спажыта вялікая колькасць расліны.
моцна атрутная, прыкметы атручвання пасля таго, як з'едзена маленькая колькасць.
вельмі моцна атрутная, пагроза ўзнікае ўжо пасля спажывання мізэрнай колькасці расліны.

Разглядаючы рацыён сучаснага чалавека, можна заўважыць, што ў крамах вырас попыт на паўфабрыкаты, а замест свежай садавіны і гародніны чалавек прымае вітаміны ў таблетках, грудное гадаванне немаўлят лёгка замяняецца штучным. Усё больш і больш такія прадукты з'яўляюцца і ў заакрамах. Яны абяцаюць уладальніку аптымальны клопат аб іх гадаванцы за малаважны час. Вядома, што такія прадукты зручна выкарыстоўваць, некаторыя заводчыкі ўжо папросту не могуць без іх абыйсціся, зусім забываючы пра правільнае збалансаванае сілкаванне.

Пры гэтым для свойскіх трусаў зеляніна - адзін з найважнейшых складнікаў здаровага сілкавання. Яна забяспечвае усе тую ж карысць, што мы пералічвалі для сена. Паняцце "зялёны корм" уключае ў сябе не толькі тое, што сапраўды зялёнае (напрыклад, моркву). Нягледзячы на тое, што паняцце "свежага корму" было б больш дакладным, у крузе ўладальнікаў трусаў кажуць "зялёны корм", таму мы будзем прытрымвацца гэтага азначэння. Чаму ён грае такую важную ролю ў рацыёне труса? Трава, лісце ды зёлкі неабходны трусам з ранняй вясны да глыбокай восені: яны змяшчаюць усе патрэбныя трусу пажыўныя рэчывы. Зеляніна ўтрымоўвае вялікую дзель непераварваемых грубых валокнаў, якія адказваюць за адчуванне сытасці, а таксама граюць важную ролю ў кішачнай перыстальтыцы. Для трусаў зеляніна з'яўляецца і важнай крыніцай вільгаці. А таксама з'яўляецца добрым заняткам, бо пры яе паглынанні трусы выдаткуюць нашмат больш энергіі, чым пры паглынанні грануляванага корму.

Трусы добра ядуць гародніну. Незвычайная зеляніна выклікае ляксу або мяккі надворак звычайна толькі ў тых трусаў, якія былі на высокакаларыйнай дыеце з нізкім утрыманнем валакна (гранулы+збожжа, мала сена) і ў каго з-за гэтага страўнікакішачны тракт стаў трохі млявым. Калі зеланіну прадстаўляюць такім трусам, кішачнік 'паскараецца' да больш нармалёвага рытму, і некаторыя з бактэрый у сляпой кішцы могуць змяніцца, прыводзячы да часавай 'дыярэі', якая звычайна стабілізуецца на працягу тыдня. Гэта не небяспечная хвароба, гэта толькі следства таго, што кішачнік труса пераходзіць ад млявай працы да больш актыўнага ладу. З-за таго, што ад незвычайнай гародніны могуць ўзнікнуць парушэнні стрававання: труса апушыць або пачнецца лякса. Таму важна, каб трус прызвычаіўся да свежага корму паволі, кожны дзень патроху. Такі падыход дапаможа выклікаць адпаведныя змены ў кішачным трактаце, уключаючы палепшыўшыся рух і вытворчасць цэкатроф. Такім чынам Вы можаце пазбегнуць праблем. Некаторыя прыклады пажыўнай зеляніны: дзьмухавец (і кветкі), лісце маліны, капуста, зялёныя буракі, морква, пятрушка, батва рэпы і г.д.

Калі выбіраеце і ўжываеце зеляніну, лепш кіравацца наступнымі прынцыпамі: лепш выкарыстоўваць гародніну, якую Вы вырасцілі самі, спачатку яна павінна быць вымытая, неспажыты прадукт павінен быць выдалены з каморкі праз 4 гадзіны, каб прадухіліць псаванне. Памятайце, што ў труса бывае індывідуальная неперанасімасць нейкай гародніны. Калі так, няма ніякага запатрабавання накарміць труса ежай, якая выклікае праблему. Ёсць шмат іншых зялёных прадуктаў, каб абраць сярод іх. Ёсць велізарная колькасць разнастайных зялёных прадуктаў, што Вы можаце прапанаваць сваёй свойскай жывёле.

Дзівіць тое, што, размаўляючы пра зеляніну, шмат хто з гаспадароў трусаў мае на ўвазе толькі гародніну ды садавіну. Перавага гародніны ў тым, што яна заўсёды дасягальныя: яе можна набыць нават узімку, у крамах прапануецца шырокі асартымент прадуктаў з розных кропак Зямлі. Але тут існуе і адмоўны бок. Па-першае, гародніна мала пажыўная, па-другое, значная частка такой садавіны і гародніны ўтрымоўвае пестыцыды. У гэтым выпадку карысць зеляніны хутка ператвараецца ў супрацьлеглае. Трусы добра ядуць храбусткую моркву і маркоўнік, батву буракоў, радыскі ды сцяблы кукурузы (не зерне), храпкі салаты, гарбуз, спаржу і інш., а вось садавіны трэба даваць патроху між іншым яблыкі, грушы, маліна, трускаўкі, бананы, суніцы, маліна. Костачкавую садавіну даваць не трэба.

Лепш не даваць ніякіх цытрусавых, бо яны ўтрымоўваюць шмат вітаміна C. З-за таго, што трусы здольныя, аднак, самі вырабляць вітамін C, можа дайсці пры перадазіроўцы да цяжкай ляксы. Калі Вы не ўпэўненыя, якія расліны і гародніну можна выкарыстаць у якасці корму для трусаў, і колькі яе падаваць, звярніцеся да БАЗЫ РАСЛІН на сайце. Шмат якія расліны могуць прывесці да цяжкіх праблем стрававання, таму іх не даюць шмат. Зерне - гэта ласунак, яго нельга даваць часта. Цьвёрдае зерне: гарох, кукурузу - за 2-3 гадзіны да скармливання замачываюць або расплюшчваюць-здрабняюць.

Могуць скормлівацца таксама ўсе гатункі капусты. Аднак з-за таго, што яна прыналежыць да гародніны, ад якой пушыць, пачынаць з ёй трэба вельмі паволі і павялічваць гэтак жа паволі. Калі ласка, добра назірайце, ці трывае жывёла дадзены від капусты. Як толькі ў труса назіраецца з-за яе лёгкае ўздуцце або лякса, выпрабаваны гатунак капусты нельга скармліваць. Акрамя таго, яе трэба даваць толькі трусам, якія не атрымліваюць вельмі мала сухога корму (90% захворванняў стрававання, такія як лякса, запарушванне, калі труса пушыць, сустракаюцца з-за таго, што труса перакармліваюць сухім кормам, НЕ зелянінай).

Дадаткова або пераважна (напрыклад, узімку, калі маюцца мала гародніны) можна падаваць сушаную гародніну.

Акрамя набытай зяляніны, у нашым распараджэнні ёсць зёлкі ды трава. Пра такі корм кажуць, што ён багаты вітамінамі і пры гэтым цалкам бясплатны. Не трэба прыкладваць асаблівых высілкаў для таго, каб яго сабраць, таму ён з'яўляецца аптымальным варыянтам корму для нашых гадаванцаў. Звыш таго, збор такога корму для ўладальнікаў грызуноў сугучны з "чыстае паветра", "рух" ды "яднанне з прыродай". Існуе незлічоная колькасць траў, якія выкарыстоўваюцца ў сельскай гаспадарцы як кармавыя, іх таксама можна знайсці на дзікарослых лугах. З вялікім апетытам трусы ядуць дзьмухавец, мурожніцу (да квітнення), трыпутнік, канюшыну (лепш толькі сухую), віку, рамонак і іншыя травы. У маленькай колькасці таксама зёлкі: кроп, пятрушку, базілік, лаванду, мялісу, мацярдушку ды кмен. Скармліванне раслін трэба чаргаваць або даваць іх у выглядзе сумесі. Не рэкамендуецца карміць трусаў увесь час той самай травой: заўважана, напрыклад, што трусікі, якіх кармілі толькі дзьмухаўцамі, прыкметна адстаюць у росце, у іх выяўляюца захворванні нырак. Бабовыя: люцэрну, віку, гарох і іншыя - уводзяць у рацыён патроху, каб труса не апушыла. Іх лепш скармліваць іх у сумесі са злакавымі. Тое самае датычыць маладой канюшыны. Жывёлы прагна з'ядаюць яе, аднак у свежым выглядзе яна небяспечная.

Але не будзем хаваць, што такі корм нясе ў сабе (хай нават і маленькую) рызыку пераносу захворванняў. Трава можа быць забруджаная птушкамі ці сабакамі (у парках выгулу), такую ні ў якім разе нельга даваць сваім гадаванцам. Нельга збіраць траву поруч загазаваных вуліц: трава, насычаная выхлапнымі газамі, не падыходзіць для корму трусам. Яна дрэнная тым, што забруджаная сабачым надворкам ды брулямі, яна не толькі не апетытна, але і пагражае рознымі захворваннямі. Заўсёды існуе небяспека, што трава, сабраная на лугах або ў лесе, нясе на сабе хваробы, якім падуладныя жывучыя тамака дзікія трусы (напр., гемарагічная ліхаманка трусаў). Таму варта рабіць трусам прышчэпкі ад такіх распаўсюджаных інфекцый, як гемарагічная ліхаманка і міксаматоз!

Збор зеляніны "на прыродзе" мае свае перавагі, аднак у сабраную вамі траву можа неспадзявана патрапіць атрутная для труса расліна. Цяжка пераблытаць з нечым дзьмухавец, але назвы новых раслін, з якімі вы яшчэ не сутыкаліся, перад кармленнем павінны быць дакладна вызначаныя. У гэтым вам можа дапамагчы рада сяброў, маючых адпаведны досвед, таксама не зашкодзіць зазірнуць у добры даведнік або вызначальнік раслін. Але ўсё гэта дапаможа толькі індэнтыфікаваць расліну, а вызначыць, атрутная яна або ежавая для труса, яны ці наўрад дапамогуць. Дакладна вызначыць, якія расліны атрутныя, вам дапаможа база раслін. Пры гэтым важна не толькі добра разгледзець расліну, але і вызначыцца з тым, якія "слабыя мейсцы" у здароўі мае ваш трусік. Цалкам адмоўцеся ад выкарыстання незнаёмых раслін у пазбяганне непрыемных неспадзевак.Такія эксперыменты недарэчныя.

З галін лепш за ўсё падыходзяць свежыя галіны з почкамі або лісцем, нельга карыстаць змерзшыя або апырсканыя галіны. Вецце вішні не скормліваюць, інакш узнікае небяспека здароўю. Вялікую папулярнасць у трусікаў маюць лясны арэх, бук, ня грэбуюць яны і вярбой. Елку можна падаваць толькі зімнюю.

Да прафілактыкі засмучэнняў стрававання і каб труса не апушыла, важна прапаноўваць яму толькі бездакорны сакавіты корм, да таго ж добрай тэмпературы. Да свежага зялёнага корму жывёл трэба прывучаць паволі, асабліва па вясне, а таксама ў самых маленькіх дозах. Тым самым чынам можна дасягнуць і перанасімасці капусты. Не рэкамендавана змяняць рацыён сілкавання трусаў, да любога прадукта трусу трэба прызвычаіцца. Уладальнікі трусаў, якія надаюць шмат увагі правільнаму сілкаванню, з часам набываюць досвед ды інтуіцыю, што іх гадаванцам карысна і смачна. Калі Вам прыходзіцца апынуцца перад выбарам, і вы не ведаеце, ці можна падаваць нейкую расліну, лепш не рызыкуйце: храбусткая морква або кавалачак яблыка спадабаюцца любому трусу і зробяць яго здаровым і бадзёрым. Перад тым, як даць трусу свежую садавіну і гародніну, іх варта памыць. Тую гародніну, якую трус не даеў да наступнага дня, выдаляеце, калі ласка, з яго каморкі, бо сакавіты корм хутка псуецца.

Ласункі

Mon, 01 Sep 2008 04:00:36 +0000

Многія кормяць трусаў хібным чынам: збольшасці збожжавымі сумесямі, шматкамі, сухарамі, кукурузай і нават сухафруктамі. Такі тып харчавання, нягледзячы на яго распаўсюджанасць, цалкам памылковы і, нажаль, з'яўляецца чыннікам праблем, сур'ёзных і нават невылечных. Акрамя таго, людзі схільныя саступаць прыхільнасцям трусаў і даваць ім ласункі. Будзьце вельмі асцярожныя з ласункамі, набытымі ў заакраме: шмат якія мудрагелістыя "трусіныя" ласункі фактычна прызначаны для людзей (каб візуальна заахвоціць спажыўцоў іх купіць) і шкодныя для саміх трусаў. Нельга забывацца на тое, што не кожная страва адпавядае прыроднаму сілкаванню трусаў. Мы разгледзім некалькі відаў ласункаў, якія найчасцей заклікаюць набываць заакрамы.

Вада ды паілкі

Sat, 30 Aug 2008 22:27:00 +0000

Акрамя сена, у труса заўсёды павінна быць чыстая пітная вада: і ўдзень, і ўначы. Нажаль, падчас сярод некаторых трусаводаў-аматараў яшчэ сустракаецца меркаванне, што трусаў не абавязкова паіць. Невядома, адкуль пачаўся гэты памылковы міт. Магчыма, з-за таго, што рэдка можна забачыць, як п'юць дзікія трусы. Іншае тлумачэнне складаецца ў тым, што дыета дзікіх трусаў з зяляніны насычана вільгаццю, таму трусам, здаецца, не абавязкова піць. Магчыма, міф з'явіўся ў выніку непаразумення - зімой трусаводы звычайна даюць сваім трусам лёд замест пітва, што магло прывесці да выразу "трусам не абавязкова даваць ваду." Але свойскім трусам, што ядуць сена ды сухі корм, вада абсалютна неабходна, без гэтага яны не будуць есць. Як ва ўсіх млекакормячых, у трусаў засваяльнасць корму непасрэдна залежыць ад паступлення вады ў арганізм. Пры недахопе вадкасці жывёлы дрэнна пераварваюць ежу, у іх зніжаецца апетыт, пагаршаецца агульны стан.

Бактэрыяльны дысбаланс

Wed, 03 Sep 2008 03:37:02 +0000

Бактэрыяльны дысбаланс можа забіць трусіка, яго чыннік - дражджавая параза. Але гэта заўсёды другасная хвароба, г.зн. на кішачную флору неспрыяльна ўдзейнічаюць і іншыя фактары. Да іх належаць хібы харчавання (забагатая легкатраўнымі вугляводамі ежа з недахопам грубых валокан), зубныя хваробы, наяўнасць паразітаў. Дыягностыка: даследуецца надворак, гэта танна, бо дрожджы бачныя пад мікраскопам. Лячэнне: з аднаго боку, дрожджы можна забіць актыўным рэчывам Nystatin. З іншага боку – і гэта значна важней – трэба ліквідаваць чыннікі, якія паспрыялі дражджавой паразе. Найчасцей паляпшэнне стану выклікае ўжо адна толькі спецыяльная дыета, так што медыкаментознае лячэнне становіцца не патрэбным. Падаванне антыбіётыкаў не мае сэнсу пры дрожджавай паразе, наадварот, грыбы растуць хутчэй.

Эпілепсія

Sat, 06 Sep 2008 14:09:11 +0000

Расповед з досведу:

"Першы прыступ, лета 2004. Гісторыя эпілепсіі Люсі пачалася ў 2-гадовым узросце. Яна ды яе сябра-трус Дробка цешыліся паблізу ў нашым садзе. Люсі пасвілася ў траўніку, прыкладна 3 м наводдаль ад нас. Мы назіралі за імі і заўважылі, што яна рптам кінулася ніц на бок.

Цеплавы выцень

Tue, 02 Sep 2008 20:41:02 +0000

Насуперак распаўсюджанаму меркаванню, трусы дрэнна пераносяць спякоту. У кожнага труса свая мяжа вышэйшых тэмператур, таму вельмі важна штодня назіраць за сваім гадаванцам. НЕБЯСПЕКА: спякота - вялікая пагроза трусам. Прамое сонца небяспечна амаль пры любой тэмпературы, а таксама самі па сабе тэмпературы большыя за 25° С. Нават калі ў Вас ёсць кандыцыянер, магчыма, што ў Вашай хаце на некаторы час знікне электрычнасць, так што не разлічвайце на гэтую абарону занадта, калі Вы далёка.

Сімптомы цеплавога выценю: слабасць, дыхавіца, парушэнне каардынацыі рухаў, вільготны нос, сутаргі, страта прытомнасці, тэмпература цела вышэй за 40° З, вушы могуць быць гарачымі.

Як прадухіліць цеплавы выцень:

Навошта патрэбны ветэрынар

Mon, 01 Sep 2008 04:39:26 +0000

Трусу неабходны штогадовы агляд, гэта дапаможа своечасова выявіць захворванні. Чаму трэба шукаць ветэрынара загадзя? Бо не ўсе ветэрынары згодныя аглядаць трусаў. Не ўсе ветэрынары, якія пагаджаюцца лекаваць труса ("Гэта ж усяго толькі трус"), ведаюць трусаў. Трусы - экзатычныя жывёлы, шмат якія лекары вывучалі толькі ветэрынарыю адносна котак ды сабак - і не ведаюць досыць аб трусах, каб агледзець іх належным чынам з медыцынскага пункту гледжання.

Ці трэба спакладаць

Mon, 08 Dec 2008 15:37:56 +0000

Калі Вы вырашылі завесці пару трусаў, самца трэба спакласці. Памятайце, што пасля аперацыі яго можна будзе выпускаць да самкі толькі праз 6 тыдняў. Самец, які быў ужо ў сталым узросце на момант спакладання, некаторы час пасля аперацыі яшчэ здольны пакрыць самку!

Хоць большасць неспакладзеных трусаў выкарыстоўвае прыбіральню, гармоны могуць прымусіць іх (самцоў ды самак) адзначаць тэрыторыю. Выдаленне яечнікаў або стэрэлізаванне труса палепшыць звычкі карыстання прыбіральняй, паменшыць прыхільнасць да згрызання рэчаў, паменшыць тэрытарыяльную агрэсію, і гарантуюць Вашаму трусу даўжэйшае жыццё.

Састарэлы трус

Wed, 03 Sep 2008 14:29:28 +0000

У труса, старэйшага за 7 год, могуць змяніцца паводзіны: ён становіцца менш рухавы, больш адпачывае і спіць, прывірэднічае ў ежы, яму цяжэй сачыць за чысцінёй футра. Таксама могуць з'явіцца новыя цяжкасці, такія як праблемы са стававаннем (неабходнасць новай дыеты), нетрыманне, змушаная маларухавасць або страта сатаварыша па клетцы - і гэтыя фактары маюць вялікую ролю.

Праблема ліпкага надворку

Tue, 09 Sep 2008 23:08:18 +0000

"У майго труса заўсёды на задку заўсёды вісяць кавалкі надворку. Што можа быць няправільным?"

Гэта, магчыма, найбольш частая скарга адносна здароўя труса. У большасці выпадкаў (у дарослых трусаў, прынамсі), гэтая маса зроблена з дрэнна сфармаваных цэкатрофаў, якія маюць форму пасты, а не звычайную - звязаных, мяккіх шарыкаў. Каб здабыць пажыўныя рэчывы з цэкатрфаў, трус з'ядае іх уначы, як толькі яны з'яўляюцца з задняга праходу, непасрэдна з анальнай адтуліны. А таму шмат хто з уладальнікаў рэдка бачаць іх. Цэкатрофы - гэта цёмная мяккая груда (як вінаградзіны), пакрытых сліззю і вельмі смуродная. Але калі ў труса ёсць медыцынская праблема, яна перашкаджае таму, каб ён дасягнуў задняга праходу і Вы можаце бачыць цэкатрофы на падлозе. Цэкатрофы падоўжаныя, зелянявыя па колеру, пакрыты сліззю і маюць моцны пах.

Нармалёва, калі Вы, зазірнуўшы ў краткі, знаходзіце там зрэдку цэкатрофы. Але калі Вы знаходзіце часта: у прыбіральні, на падлозе або на трусіку - сёе-тое з'яўляецца няправільным. Калі ласка, пракансультуйцеся са сваім ветэрынарам, калі Вы заўважыце вялікую колькасць цэкатрофаў у каморцы. Цэкатрофы - жыццёва важная частка дыеты Вашага труса, нельга пазбаўляць труса гэтага.

Як навучыць не брудзіць у памяшканні

Wed, 03 Sep 2008 14:03:59 +0000

Ці можа трус гуляць па хаце вольна 24 гадзіны на дзень? Калі я кажу людзям, што я жыву з вольна бегаючым па хаце трусам, яны заінтрыгаваныя. Калі я кажу ім, што трусоў можна навучыць карыстацца прыбіральняй, яны яшчэ больш здзіўляюцца. Трусы, якія жывуць вольна у кватэры або ў якіх ёсць шматгадзінны выпас, павінны захоўваць чысціню, інакш на іх будуць занадта сярдаваць або выпускаюць іх занадта рэдка. Трус, які ўжывае скрыню-прыбіральню рэгулярна, - добры кампаньён. Навучыць карыстацца прыбіральняй адносна проста, але сітуацыя кожнага труса ўнікальная. Метады, якія Вы выкарыстаеце для навучання, будзе залежыць ад Вашых спецыфічных запатрабаванняў, таксама як тып ды месцазнаходжанне прыбіральні, якую Вы выбераце, і тып выкарыстоўванага напаўніцеля.

"Папесці мяне" (іерархія)

Mon, 08 Sep 2008 02:55:08 +0000

У адрозненне ад большасці котак, затое так сама як і сабакі, хатнія трусы вельмі сацыяльныя жывёлы. Хатнія трусы завезеныя з Еўропы, дзе іх дзікія продкі жывуць хаўрусамі-калоніямі. У такой супольнасці яны дзеляць жыццёвую прастору і ежу, апавяшчаюць адзін аднаго аб небяспецы. У такім хаўрусе кожны трус ведае сваё месца і падпарадкоўваецца законам іерархіі. У адрозненне ад дзікіх, хатнія трусы, асабліва спакладзеныя жывёлы, жывуць з людзьмі, і ім не трэба думаць аб іерархіі (хто каго можа пабіць). Звычайна трусы дэманструюць дамінантнасць грумінгам (хто каго вылізвае). Не хвалюйцеся, вы можаце пачэсваць труса рукамі, зусім неабавязкова гэта рабіць языком.

Кантактныя гульні

Tue, 02 Sep 2008 21:48:46 +0000

Корм як забаўка:

Даганялкі.

Многія трусы ахвотна важдаюцца з анучамі: покрывамі, ручнікамі, дываныкамі. Могуць гуляць з кавалачкам тканіны - ухопяцца зубамі і бегаюць па колу або туды-сюды. Другі канец лепш трымаць у павтры рукой. Можна нават такім чынам навучыць гуляць у "карыду" з кавалачкам чырвонай тканіны. (Забіваць труса ў канцы дзідою не абавязкова). Тут можна паглядзець відэа, як гэта выглядае: http://lapinnain.free.fr/toreador.htm

Трус ды іншыя зверы - ці магчыма гэта

Wed, 03 Sep 2008 18:05:19 +0000

З якімі жывёламі могуць ладзіць трусы? З марскімі свінкамі яны маюць нейтральныя адносіны, але і не сябруюць, бо мова ды звычкі ў іх моцна адрозніваюцца. Хамякі ды мышы не падыходзяць для трусаў. Цяжка пераносяць трусы ціўканне птушак. Коткі і сабакі - прыродныя ворагі трусаў (адносіны драпежнік-ахвяра), але пры належных высілках яны могуць суіснаваць у адной хаце.

Каляровы карлік

Sat, 13 Sep 2008 21:53:54 +0000

Вага і целасклад: каляровы карлік - адна з самых малых парод, нармалёвая вага, як прадстаўніка сапраўднай карлікавай расы, - ад 1,1 да 1,35 кг пры мінімальнай вазе 1 кг і лімітавай вазе 1,5 кг. Гэта параода вельмі падабаецца людзям з-за вялікай і круглай галавы ды і вельмі кароткіх вертыкальных вушэй з ідэальнай даўжынёй у ад 4,5 да 6 см пры максімальнай даўжыні 7 см. Кідаюцца ў вочы маленькае, пранікальнае цела, плоская мордка.

Колькі на самой справе жывуць трусікі

Sat, 30 Aug 2008 20:25:44 +0000

Колькі жывуць трусікі? У розных краінах гэтыя паказальнікі розняцца. Напрыклад, на Берарусі працягласць жыцця трусаў прыкладна 5-7 год, у Канадзе 7-11, у Германіі ў сярэднім атрымоўваецца 8-12 год. Калі параўнаць з людзьмі, можна казаць, што адзін год труса адпавядае прыкладна 8 чалавечым гадам, а 10-гадовы трус - 80-гадоваму чалавеку старэчага веку.

Трусяняты

Sun, 14 Sep 2008 02:48:21 +0000

Сілкаванне цяжарных самак. Ёсць пэўныя нормы па вазе нованароджаных для трусаў буйных парод: 60-80 грам (пры вазе самкі 3-6 кг). Для карлікавых трусікаў вага нованароджаных у межах нормы, калі ён мае 30-40 грам для тарчавухіх і 40-60 грам для аблавухіх. Бываюць выпадкі, калі апетыт у самкі вышэй нормы і яна нараджае велічэзных трусянят, вагай ажно па 100 грам. Такія трусяняты могуць загінуць або самка не можа разрадзіцца і робяць кесарава.

Першая дапамога

Sun, 14 Sep 2008 03:29:51 +0000

Станы, якія патрабуюць неадкладнай дапамогі:
• непрытомнасць (трус не рэагуе на вонкавыя раздражняльнікі);
• моцная дыхавіца (выцягвае шыю і галаву ўверх), асфіксія;
• моцны крывацёк, які не атрымоўваецца спыніць;
• лякса, атручванне;
• анурыя (адсутнасць мачавыпускання);
• сутаргі;
• паралюш (у труса не дзейнічаюць пярэднія або заднія лапы).

Пярэстая ды хатот

Sun, 14 Sep 2008 16:41:28 +0000

Пярэстая афарбоўка.

Сутаргі і іх прычыны, дапамога трусу

Sun, 14 Sep 2008 14:21:49 +0000

Перш чым пачаць распявед пра сутаргі, хацелася б вызначаць дакладна, як яны выглядаюць, каб пагадзіцца, пра што менавіта мы размаўляем. Як выглядае "сутаргавы прыпадак"? Ён выяўляецца ў парушэнні каардынацыі, слабасці, лапы распаўзаюцца ва ўсе бакі, моцна дрыжаць, звычайна трусік ляжыць на баку, можа адбыцца міжвольныя мачавыпусканне і дэфекацыя. Пашча або расчыненая, або зацятая, закочаныя вочы. Сапраўдныя сутаргі рэдкія ў трусоў.

Зоррачка

Fri, 29 Aug 2008 15:34:31 +0000

Трус супраць кавуна: хто каго...
Які будзе вынік? Кавун будзе знаходзіцца ўнутры труса, ці трус унутры кавуна?

Уладкаванне загона/каморкі

Tue, 26 Aug 2008 20:57:09 +0000

Трусы могуць жыць не толькі на задворку, але і ў хаце, дзе яны будуць часткай сям'і. Краткі хатняму трусу трэба набыць самыя вялікія, якія знойдзеце, бо малыя ня здольныя забяспечыць трусу зручнае жыццё і ў іх ён не мае магчымасці прадэманстраваць свае звычайныя паводзіны: вольна рухацца, рыць ды скокаць. Стала зняволеныя трусы больш хварэюць і нават пры вельмі добрым доглядзе іх жыццё недзе на 30% карацейшае, чым ў тых, што вольна бегаюць па пакою. Пажадана адвесці для труса пакой ці зрабіць вялікі загон. Краткі пакідаюць адчыненымі ўвесь час у межах гэтай "трусінай" тэрыторыі (па-за німі ён будзе хавацца).

Міты пра самотных трусоў

Tue, 26 Aug 2008 20:45:40 +0000

Міт 1. "Трусу добра ў адзіноце". Мова ды паводзіны трусікаў не вельмі зразумелыя чалавеку і напачатку можа сапраўды падавацца, што трус задаволены. Справа ў тым, што яны добра хаваюць, што ім страшна ці дрэнна пры кепскіх умовах жыцця, пры хваробе. Што яму на самой справе падабаецца і наколькі ён таварыскі, становіцца відавочным толькі пасля таго, як прыгледзешся да яго ды апрабуеш абедзве сітуацыі.

Польскі трус

Tue, 26 Aug 2008 19:33:00 +0000

"Польскім" трусам называюць ажно тры розныя пароды і ў народзе (і нават у энцыклапедыях) склалася ўжо традыцыя ўсіх іх блытаць.