Thilina බුවා

LG G3

noreply@blogger.com (Thilina) — Sat, 21 Mar 2015 18:40:00 +0000

කාලයකට පස්සේ... අද LG G3 එක ගැන පොඩි දේවල් ටිකක් ලියන්න තමා කල්පනාව. G3 එක ගැන නම් ඕනෙ තරම් reviews නෙට් එකේ තයෙනවා. ඒත් මේක ගැන මගේ අත්දැකීම් ටිකක් ලියන්නයි හිතුවේ.

1 Design

G3 ස්කීන් සයිස් එක අඟල් 5.5. ඇත්තටම මේක ටිකක් ලොකු Phone එකක්. අතට ගත්තාම මහපට ඇඟිල්ලෙන් සම්පූර්ණ ස්ක්‍රීන් එකම ටච් කරන්න අමාරුයි. release වෙලා තියෙන අනිත් අඟල් 5.5 ස්කීන් phone වලට වඩා නම් G3 එක පොඩි. මොද මේකේ Bezels ඉතාම පොඩි නිසා. back cover එක removable. කේස් එකක් දාලා නැත්නම් Phone එක ඉතාම ලෙස්සන සුළුයි. අතෙන් ලේසියෙන්ම ලිස්සලා යනවා. power button & volume buttons තියෙන්නේ පිටිපස්සේ. පුරුදු වෙන්න ටික දවසක් යනවා. screen එක ටිකක් ලොකු නිසා තද ඩෙනිම් සාක්කුවක phone එක දාගෙන වාඩි වෙනවා නම් පරිස්සම් වෙන්න ඕනේ. මොකද තද වැඩි වෙලා නිකම්ම screen එක කැඩෙන්න තියෙන අවස්ථාව බොහොම වැඩි.

2. Screen

QHD 5.5 (2560 x 1440) colors නම් හොඳයි. ඒත් phone එක රත් වුනාම screen brightness 100% වැඩි කරන්න බැරිව යනවා. auto brightness දාලා තියෙන එක තමා හොඳම වැඩේ. text නම් crystal clear. මොකද high resolution නිසා. G3 screen එක ගැන වෙනමම review එකක් මෙතන තියෙනවා.

3. Performance

අවංකවම කිව්වොත් G3 එකේ පොඩි ලැග් එකක් තියෙනවා. මොකද QHD display නිසා සැහෙන වෙහෙසක් මේකේ processor එකට දරන්න වෙනවා. ගොඩක්ම ලැග් වෙන්නේ contacts tab අතරේ මාරු වෙන කොට (missed call, received calls, dial no) තව menu එකේ ඉඳලා home එකට එනකොටත් පොඩ්ඩක් විතර ලැග් එකක් තියෙනවා. G2 එකේ මිට වඩා හොඳ performance තියෙනවා කියලා ආරංචි. ඒ වුනාට game එකක් play කරනකොට, app එකක් run වෙනකොට, high resolution video එකක් play කරනකොට නම් කිසිම විදියක ලැග් එකක් නම් නෑ.

4. Software experience

LG software department එක ගැන නම් ටිකක් කණගාටුයි. මොකද G3 preinstall කරලා තිබුණේ KitKat 4.4.2 එතකොට නම් performance සැහෙන්න හොඳයි. පස්සේ මේක Lollipop 5.0 වලට update කලාම තමා ලැග් එක ආවේ. අප්ඩේට් කරනවා නම් දෙපාරක් හිතන්න වෙනවා. ඒත් LG health, smart notice, knock code වගේ software features නම් ගොඩක් හොඳයි. G3 එක power button නැතුව screen එකේ double tap කරපු ගමන් phone එක on වෙනවා. හැබැයි සමහර වෙලාවට සාක්කුව ඇතුලෙම දන්නෙම නැතුව phone එකේ screen එක on වෙලා.

5. Battery life

Lollipop update එකට පස්සේ battery life එකට ටිකක් විතර කෙළවුනා. gsmarena එකෙත් මේක කියලා තියෙනවා. KitKat වලදී නම් battery life එක උපරිමයි. ඒත් lollipop වලදි වුනත් heavy use එකක් එක්ක දවසක් කිසිම ගැටලුවකින් තොරව බැටරිය තියාගන්න පුළුවන්. නොමල් විදියට use කරනවා නම් දවස් 2 ක් ගේමක් නැතුව තියාගන්න පුළුවන්.

source gsmarena

6. Camera

මම නම් ලොකුවට කැමරාව use කරන්නේ නෑ. මේ තියෙන්නේ මම ගත්ත පින්තූරයක්. තව photos දෙකතුනක් පස්සේ වෙලාවක දාන්නම්.

full size

බොහොම කෙටියෙන් ලියනන් තමා උත්සාහ කලේ. සාරාංශයක් විදයට ගන්නවා නම්..

හොඳ design එකක් තියෙන uncommon phone එකක් හොයනවා නම්

හොඳ battery life එකක් තියෙන Phone එකක් හොයනවා නම්

crystal clear screen එකක් තියෙනව phone එකක් හොයනවා නම්

හොඳ කැමරාවක් තියෙන phone එකක් හොයනවා නම්

G3 එක ඔයාට ගැලපෙනවා

butter smooth software experience එකක් හොයනවා නම්

පහසුවෙන් use කරන්න අතට අල්ලාගන් පුළුවන් phone එකක් හොයනවා නම්

G3 එක ඔයාට ගැලපෙන්නේ නෑ

කෙල්ලන්...

noreply@blogger.com (Thilina) — Sat, 08 Feb 2014 09:07:00 +0000

කෙල්ලන් වූ කලහි අමුතුම සත්ව කොඨටාසයකි. ඒ ගැන බොහෝ ලිපි තිබුණත් මට ඒ ගැන සොයා බැලීමට තරම් අවශ්‍යතාවක් නොතිබුණි. නමුත් එය ඇත්තය. කෙල්ලන් යනු අමුතුම සත්ව කොඨටාසයකි. විටෙක ලස්සනට ගලා බසින ගංඟාවකි නමුත් එහි දිය කෙළිමට ගියහොත් එය මහා සැඬ පහරක් බට තේරුම් ගැනීමට වැඩි වේලාවක් ගත නොවේ. මේ අරුතම ඇති ගීයක් ඇති මුත් එය දැන් මාගේ මතකයට නැඟෙන්නේ නැත. කෙල්ලක් පිනවිම යනු හිල් කළයකට දිය පිරවීමකි. කොතරම් උත්සාහා ගත්තත් එය සම්පූර්ණ කළ නොහැක. කෙල්ලෙක් නැතුවත් බැරිය ඇතුවත් බැරිය. නමුත් සිටීම සිතනවාට වඩා බෙහෙවින් සංකීර්ණය.

ඈ...

noreply@blogger.com (Thilina) — Mon, 19 Nov 2012 16:36:00 +0000

සුන්දරය ඇය
සරළ විය ඇය
නිහඬය ඇය
මොහොතකින් සිත්ගත්ය, ඇය මගේ
දැක ඇත සුන්දර රූසපු ඇයට වඩා
නමුත් විශේෂ විය ඇය
කරගන්නට ඕනෑ විය ඇය මගේ
කැරකුනෙමි ඇය වටා
අහෝ.. ! දැන ගතිමි සොරාගෙන ඇති බව කවරෙකුද ඇය, මීට බොහෝ කළකට පෙර
කඩා වැටුනි මා මොහොතකින්
විය යුතුය පුදුම, සොරාගෙන නොතිබුනහොත් වැනි කෙනෙකු ඇය
ඕනෑ නැත වද දෙන්නට,‍ රිදවන්නට ඇය හට, සිත්ගත් නිසා අවංකවම, නිහඬ වෙමි මා කිසිවක් නොකියාම ඇය හට
පතමි හැම සතුටක්ම, ලැබෙන්නට ඇය පතන
දනිමි මම කවුරුන්ද යන වග මා
දනිමි නොහැකි බව ලබාගන්නට වැනි කෙනෙකු ඇය
මිරිඟුවකි ඇය, කාන්තාරයේ මා හට
කැමතිය පතන්නට, වන්නට ඇය මගේම මතු භවයකදී හෝ...

මේක ටික කාලෙකට කලින් ඩයරියේ ලියපු එකක්, බ්ලොග් එකේ දාන්න හිතුනා. ඔය පද වල නොගැලපීම් නම් ඇති. ඒවා ගනන් ගන්ට එපා ඕං..

වසරකට පසු

noreply@blogger.com (Thilina) — Mon, 12 Nov 2012 17:07:00 +0000

සෑහෙන කාලයක් බ්ලොග් එක ලියන්නෙත් නැතුව කියවන්නෙත් නැතුව ඉඳලා එක පාරටම නිකන් බ්ලොග් එක ලියන්න කියලා හිතුනා . සෑහෙන කාලයක් සිංහල බ්ලොග් වලන් ඈත් වෙලා හිටපු නිසා සිංහල බ්ලොග් අවකාශයේ අළුත් තත්ත්වය ගැන කිසිම අයිඩියාවක් මට නෑ. Blogger එකත් අම්බානකට වෙනස් වෙලා. හොයාගන්ත් බෑ . ඒත් හැමදේම හොඳින් සිද්ධවෙන හැඩයි.

මේදවස් වල මම නම් හරිම ඒකාකාරි ජීවිතයක් ගත කරන්නේ, උදේ වැඩට යනවා රෑ වෙලා ගෙදර එනවා, කනවා, නිදි, අයෙත් උදේට වැඩට යනවා. වෙනසකටත් එක්කයි ආයෙත් ලියන්න පටන්ගන්න හිතුවේ. ඒත් මොනවද ලියන්නේ....? කවි අනං මනං ලියන්න මං දන්නෙත් නෑ. දැන්නම් තාක්ෂණික දේවල් ලියන්න නම් මගේ වැඩි කැමැත්තකුත් නෑ. ඒත් VMware ගැන ලියන්නත් හිතෙනවා. අපේ office එකේ තියෙන නිසා මාත් පොඩ්ඩක් ඉගෙන ගන්න හිතුවා. ඒත් මන් Vmware වලට සෑහෙන්න අළුත්. Android ගැන පොඩි පොඩි දේවල් ලියන්නත් හිතෙනවා. එන හැටියට බලමු. ඔහොම කියලා මේ පෝස්ට් එකෙන්ම නතර වෙයිද දන්නෙත් නෑ . එහෙනම් ආයෙත් හම්බ වෙමු.

අම්මේ මම නුඹට ආදරෙයි...

noreply@blogger.com (Thilina) — Sat, 08 Oct 2011 11:03:00 +0000

කතාකරන්ට හැකි වූ විට පොඩි ළමයෙකුගේ මුවින් පිට වන පළමු වචනය "අම්මා" ය. ඇය එතරම් අපට සමීපය. මේ කතාව මගේ මගේ මව ගැනය.

වෘත්තියෙන් ඇය සාමාන්‍ය පෙළ විද්‍යා ගුරුවරියකි. විශ්‍රාම යන විට ඇගේ සේවා කාලය වසර 28 කට වැඩිය. දිනක් ඇය පාසලේ උගන්වමින් සිටින විට සිහිසුන් වීම නිසා එදිනම සවස රාගම පුද්ගලික රෝහලකට රුගෙන යන ලදී. එහිදී ඇගේ මොළය ස්කෑන් පරීක්ෂාවකට ලක්කල යුතුබව තීරණය විය. පසුව කොළඹ ආසිරි රෝහලේදී එම පරීක්ෂාව සිදු කළේය. එම පරීක්ෂණයෙන් ඇගේ මොළයේ කුඩා ගෙඩියක් ඇති බව තහවුරු විය. ඒ සමඟම ඇයව වැඩිදුර ප්‍රතිකාර සඳහා කොළඹ නවලෝක රෝහල වෙත යෙමු කෙරිනි. නවලෝක රෝහලේදී කළ පරීක්ෂණ කීපයකින් පසුව එම ගෙඩිය සැත්කමක් මගින් වහාම ඉවත් කල යුතු බව තීරණය විය. 2003 නොවැම්බර් මාසයේදී එම සැත්කම සාර්ථකව සිදු කෙරිනි. සැත්කම සඳහා ඇගේ කොණ්ඩය සම්පූර්ණයෙන්ම කපා දැමීමටත් සිදුවිය. ඒත් කබලෙන් ලිපට වැටීමකි. සැත්කමෙන් ඉවත් කල ගෙඩියේ පිළිකා සෛල වැඩී ඇති බව රෝහලෙන් දන්වන ලදී. පසුව මගේ මව මහරගම පිළිකා රෝහල වෙත යොමු කරන ලදී. පසුව පිළිකා රෝහලෙන් ඇයට මාසයක් නොකඩවා විකිරණ ප්‍රතිකාර හා එන්නත් ලබා දෙන ලදී. එම ප්‍රතිකාර ලබා දෙන කාලය තුල ඇය වේගයෙන් ශාරීරිකව පිරිහිනි. අඳුරාගැනීමට වත් නොහැකි වන ලෙස වෙනස් විය.

කෙසේ නමුත් සියළු ප්‍රතිකාර වලින් පසුව නැවතත් මොළයේ ස්කෑන් පරීක්ෂාවකින් සියළුම දේ යහපත් අතට හැරී ඇති බව තීරණය විය. පසුව ක්‍රමයෙන් ඇය නැවතත් පෙර සිටි තත්ත්වට පත් විය. 2004 වසරේ රුකියාවට නොගොස් විවේක ගත් ඈ 2005 වසරේ සිට නැවතත් පාසලේ ඉගැන්වීමේ කටයුතු වල නිරත විය. නමුත් 2005 අවසානයේ සෞඛ්‍ය හේතු නිසාත් ගෙදර අයගේ බලකිරීම නිසාත් ඇය විශ්‍රාම යන ලදී.

කාලය මෙසේ ගෙවෙද්දී මෑතක සිට ඇයට එදිනෙදා සිදුවූ දේ අමතක වීමට පටන් ගත් අතර එය ක්‍රමයෙන් වැඩි විය. නැවතත් ඇය ප්‍රතිකාර සඳහා යොමු විය. පසුව කල ස්කෑන් පරීක්ෂාවකින් හෙළි වූයේ ඇගේ මොළයේ "වතුර" පිරී ඇති බවයි. වෛද්‍ය වරුන්ගේ නිගමනය වූයේ බටයක් යොදා එම වතුර ඉවත් කළ යුතු බවයි. එහෙත් කලින්, ප්‍රතිකාර මගින් එය පාලනය කළ හැකිදැයි බලා ප්‍රතිකාර නියම කෙරිනි. වැඩක් වූයේ නැත. ඇගේ අමතක වීම එන්න එන්නම වැඩි විය. එය කොතරම් දැයි කිවහොත් දිනක් ඇය මාව අඳුරාගත්තේද නැත.

පසුගිය සැප් 26 වනදා ඇය නැවතත් නවලෝක රෝහලට පරීක්ෂාවක් සඳහා ගෙන යන ලදී. පසුව ඊලඟ සතියේදි ඇගේ මොළයේ ඇති වතුර ඉවත් කිරිමට තීරණය කරන ලදි. සැත් 27 උදෑසන 5.30 ට පමණ නිවසේ කුස්සියේ සිටියදී ඇය වැටෙන්නට ගොස් ඇති අතර තාත්තා විසින් ඇය වැටෙන්නට නොදී පුටුවක වාඩි කරවා ඇත. ඒ මොහොතේ ගෙදර කිසිවෙකුවත් ඇය හඳුනාගත්තේ නැත. නමුත් ටික වේලාවකින් ඇයට සියළු දේ මතකය. එවෙලේම ඇයව නවලෝක රෝහලට ඇතුලත් කෙරිනි. 27 රාත්‍රියේ ඇගේ මොළයේ වතුර ඉවත් කිරීමට තීරණය විය. නමුත් රාත්‍රියේ ඇගේ රුධිර පීඩනය අසමාන්‍ය ලෙස අඩු වීම නිසා දැඩි සත්කාර ඒකකයට (I.C.U) ඇතුළු කරන ලදි. සැප් 28 දවසම ඇය සිටියේ දැඩි සත්කාර ඒකකයේය. නමුත් ඒ වන විට සියළු දේ සාමාන්‍ය අතට හැරී තිබිණි. සැත් 28 රාත්‍රී 10 ට පමණ මම ඇය ළඟට යන විටත් ඇය හොඳ සිහියෙන් යුතුව මාත් සමඟ කතා කළේය. 29 උදෑසන ඇයව දැඩිසත්කාර ඒකකයෙන් ඉවත් කරන බව වෛද්‍යවරුන් පැවසූ අතර අපට රුදී සිටිම තේරුමක් නොමැති නිසා අපට නිවසට යන ලෙස පැවසීය. 29 උදෑසන අපට නවලෝක රෝහලෙන් ඇමතුමක් ලැබිණි.

පාන්දර 5 වන විට අප නවලෝක රෝහලට ගියේය. පසුව පවුලේ සියළු දෙනා ICU එක තුලට ගත් වෛද්‍ය වරයෙක් පැවසුවේ මගේ මවගේ රුධිර සීනි මට්ටම අසාමාන්‍ය ලෙස වැඩි වීම නිසාත්, රුධිර පීඩනය නැවතත් අසාමාන්‍ය ලෙස පහත වැටීම නිසාත් ඇය මෙලොව හැර දා ගිය බවකි.. ඒ වෙලාවේ ඇති වූ හැගීම වචනයෙන් විස්තර කළ නොහැක. ඇගේ නිසල සිරුර දෙස තත්පරයක් වත් මට බලා සිටීමට නොහැකි විය.

ඇගේ හදවත දුර්වලව පැවත ඇති බව වෛද්‍යවරුන් පසුව පැවසීය. අක්ෂි දාන සංගමයේ ලියාපදිංච් වී සිටි නිසා ඇගේ ඇස් දෙකද පරිත්‍යාග කෙරිනි. නැවතත් ඇය මට පුතා කියන්නේ නැත. නැවතත් ඇය මට උදේට කෝපි සාදා දෙන්නේද නැත. කෑම උයන්නේද නැත. මම ගෙදර එන්නට පරක්කු වූ විට බනින්නේද නැත. දින 9 ක් ගත වී ඇතත් ඇය අප අතර නැත කියා මට විස්වාශ කළ නොහැක. නමුත් එය ඇත්තය.

VGA card එකට වද දීම

noreply@blogger.com (Thilina) — Sun, 05 Jun 2011 15:52:00 +0000

කස්ටිය කොහොමද ඉතින්..? ඕං මාස දෙකකට පස්සේ බුවා නැවතත් බ්ලොග්කරණයේ . දන්නෙම නැතුම මම බ්ලොග් ලියන්න අරන් අවුරුදු 2 කුත් ගිහිල්ලා. අද කියන්නේ Video card එකට දසවද දීම ගැන. මීට අවුරුදු 1 1/2 කට විතර කලින් මාත් පෙරුම්පුරලා ගත්තනේ VGA card එකක් . ඕක දැන් ටික දවසක ඉඳලා (ටික දවසක් කියන්නේ හෙන කල් ඈ...) හෙන අප්සැට් විදියට තමා වැඩ කරන්නේ. ඒකියන්නේ මැසිම ටික වෙලවක් දාගෙන ඉන්නකොට Display නැතුව යනවා. BSOD එනවා, සමහර වෙලාවට මැසිම boot වෙන්නේ නෑ, වැඩ ගොඩයි . අන්තිමට boot up screen එකේ ඉඳලම එක එක පාට පාට අකුරු ඉලක්කම් ඉරිකෑලි වගේ ඒවා වැටිලා තිබිලා Windows boot වෙද්දිම මැසිම restart වෙන්න පටන්ගත්තා. මම දලා තිබුණු Mac OS එකටත් මේ සෙතේම තමා. Mac OS boot වෙන්නෙත් නෑ. මාත් VGA card එක පැත්තකට දාලා Onboard VGA වලින් වැඩ කලා.

ඊයේ ඕං මේක ඇදලා එළියට අරන් Google එකේ Search කරලා බැලුවා. card එකේ cooling system එක අල වුනාමත් ඔහොම වෙනවා කියලා සයිට් එකක තිබ්බා. මාත් heat sink එක ගලවලා ඒක සුද්ද කරලා අළුතෙන් heat sink compound දාලා බැලුවා. වැඩක් නෑ . පරණ ලෙඩේමයි. ඊලඟට search කරගෙන යනකොට card එක oven එකක bake කලාම හරියනවා කියලා හොයාගත්තා . YouTube එකෙත් බැලුවා. කරන විදිය ලස්සනට තියෙනවා. දැන් මේ කාඩ් එකට warranty ත් නැති එකේ, මේක තියන් බකන්නිලන් ඉන්නවට වඩා try කරන එක හොඳයි කියලා හිතලා මාත් වැඩේට බැස්සා. try & try one day you can fly කියනවනේ .

පොතේ හැටියට කාඩ් එකේ heat sink එක ගලවලා කලින්ම 375° - 390 °F (~200°C) වලට රත් කරපු අවන් එකක විනාඩි 5 - 10 ක් දාලා තිබ්බාම වැඩේ හරි. හැබැයි අවන් එකේ කොහේවත් නොගෑවෙන විදියට, තමා කාඩ් එක තියන්න ඕනේ. කාඩ් එක අවන් එකේ නොගෑවෙන්න තියන්න කෑම ඔතන අළුමේනියම් කොළ වලින් හදාගත්ත බෝල 4 ක් තමා පාවිච්චි කරන්නේ.

ඒත් මොන හිතකින් මේක අවන් එකකට දාලා පුච්චන්ද? වැඩේට කලින් test පාරක් දාන්න පරණ dialup modem එකක් හොයලා අරන් අවන් එක 190 °C කට විතර රත් කරලා විනාඩි පහක් දාලා තිබ්බා. ඒත් වෙනසක් නෑ. (මගේ කැමරාව පාපමිත්‍රයෙක් ගෙනගොස් ඇති නිසා පින්තූර ගැනීමට විදියක් තිබුණේ නැත ) පස්සේ ආයෙත් 200 °C විනාඩි 10 ක් දාලා තිබ්බා. ඒපාරත් එච්චරම විශේෂයක් නෑ. අවන් එකේ රස්නේ මදි ඇති කියලා හිතලා 250 °C ටම රත් කරලා මොඩම් එක ඇතුලට දැම්මා. විනාඩියක් ගියේ නෑ මොඩිම් එකේ පාස්සලා තිබුණු තරමක් ලොකු කෑලි ටික බෝඩ් එකෙන් ගැලවිලා වැටුනා . ඒක ඉවරයි. මේකෙන් සිද්ධිය තේරුම් අරන් 200 °C විනාඩි 6-7 ක් කාඩ් එක bake කරලා එළියට ගත්තා. කාඩ් එකේ ඊයම් වල විශේෂ වෙනසක් නං දැක්කේ නෑ. පස්සේ නිවෙන්න තයලා heat sink එක හයිකරලා මැසිමට දැලා බැලුවා.

ඉස්සෙල්ලා startup screen එකේ ඉඳලාම වැටුනු එක එක විකාර අකුරු වෙනුවට screen එකේ ඉරි කීපයක් යන්න ගත්තා. කොහොම හරි restart හෝ BSOD නොවී Windows වලට boot වුනා . ඒත් අඟලක විතර මහතට එක එක පාට ඉරි 5 ක් මොනිටරේ වැටිලා තියෙනවා. අළුතෙන් Drivers Install කරත් වැඩක් වුනේ නෑ. areo theme එක හෝ video palyback කරන්න බෑ. Device manager එකත් කාඩ් එකේ අවුලක් තියෙන බව කියනවා. GPU Z කාඩ් එක පෙන්වන්නේ මෙහෙමයි. nVidia Control panel එකත් වැඩ කරන්නේ නෑ.

ඉතින් දෙපාරක්ම bake කළත් මේ bake කිරිල්ල නං මට 100% ක් වැඩ කළේ නෑ. ඒත් අසාර්ථකත් නෑ. සාර්ථක වීම හෝ නොවීම තියෙන්නේ වාසනාව මත කියලා තමයි නෙට් එකේ තියෙන්නේ. කස්ටියගෙත් පරණ වැඩ නොකරන Motherboards, VGA cards තියෙනව නං මේ විදියට ට්‍රයි කරලා බලන්න. සමහර විට වැඩ කරයි. ඒත් කරන්න කලින් තව නෙට් එකේ හොයලා බලන්න. අනික මම නං පිච්චුනු කරවුනු අඟුරු වුනු උපාංග වලට වග කියනු නොලැබේ .

Mac OS X හා Windows අතර ඔරලෝසුවේ අවුල

noreply@blogger.com (Thilina) — Thu, 31 Mar 2011 06:46:00 +0000

කස්ටිය කොහොමද ඉතින්..? අද නං ලියන්නේ Mac OS ගැන. Mac OS සහ Windows Dual boot කරලා තියෙන එක්කෙනෙක් ඉන්නවා නං මේ OS දෙක අතර ඔරලෝසුවේ පොඩ් අලයක් තියෙනවා එක මීටර් වෙලා ඇති . මටත් මේ ළඟදී තමයි මේක මීටර් වුනේ . පොඩ්ඩක් Google දෙයියාගෙන් අහලා බලපුවාම තමා වැඩේ අහුවුනේ. මේකයි අවුල

අපේ මැසිමේ Bios වල තියෙන වෙලාව RTC (Real time clock) උදේ 9 යි කියලා හිතන්න. දැන් ලංකාවේ නියම වෙලාවත් උදේ 9 යි කියලා හිතන්න.

RTC - 9.00 am
Current time 9.00 am
Windows 7 time Zone - +5.30 GMT
Mac OS X leopard time zone - +5.30 GMT
Windows/Mac Internet time synchronize - OFF

දැන් Windows වලින් මැසිම Boot වුනාම වෙලාව නිවැරදිව උදේ 9.00 කියලා පෙන්වනවා. ඒත් restart කරලා Max OS වලින් boot කලාම වෙලාව සවස 2.30 (2.30 pm/ 14.30). . පේනවනේ වෙලාව වැරදියි කියලා. දැන් mac os වලදී Internet time sync දැම්මොත් මැක් වල වෙලාව නැවතත් උදේ 9.00 නිවැරදි වෙනවා. දැන් ආයෙත් Windows වලට ගියොත් වෙලාව උදේ 3.30 ට වෙනස් වෙලා තියෙනවා. මොකද මෙහෙම වෙන්නේ..?

Windows boot වෙනකොට තමන්ගේ (local time එක) වෙලාව විදියට අර bios එකේ වෙලාව අරගන්නවා. නමුත් Mac OS වෙනස් මැක් වලින් RTC එක Universal Time වෙලාව විදියට අරගෙන ඒකට තමන්ගේ time zone එක අනුව තව පැය 5.30 ක් එකතු කරලා වෙලාව පෙන්වනවා. මැක් වල වෙලව 14.30 වුනේ ඒකයි. දැන් Mac OS වල time sync දාපු නිසා නෙට් එකට අනුව වෙලාව 9.00 කියලා වෙනස් කරනවා. ඒ විදියටම Bios එකේ වෙලාව පැය 5.30 කින් අඩු කරලා උදේ 3.30 ලෙසට හඳනවා. දැන් Windows වලින් boot කරපුවාම වෙලාව උදේ 3.30 වෙන්නේ ඒකයි.

Windows වලත් මේ internet time sync තියෙනවා. නමුත් ඒක හරියටම වැඩ කරන්නේ නෑ. control panel > Date & time > internet time > change settings > update now දුන්නොත් නං වෙලාව නැවත නිවැරදි වෙනවා. මේ අවුලට විසඳුම් කීපයක්ම තිනෙවා.

1. Mac OS වල time Zone එක GMT London ලෙස වෙනස් කිරීම + time sync off කිරීම

2. Bios වල වෙලාව (RTC) GMT ලෙස ගෙන time zone එක අනුව වෙලාව වෙනස් කිරගනෑමට windows වල registry ය වෙනස් කිරීම

regedit ගහලා registry එකට ගිහිල්ලා, HKEY_LOCAL_MACHINE > SYSTEM > CurrentControlSet > Control > TimeZoneInformation > right click > New > DWORD පස්සේ එක RealTimeIsUniversal කියලා rename කරලා value data එකට 1 දාන්න.

3. තව විදියක් මෙතන තියෙනවා. මම try කලාට හරියට කරගන්න බැරිවුනා.

ඔන්න ඔහොමලු කරන්නේ. කස්ටියට තේරෙනවද මන්දා . දැනගත්ත විදියට ලිනක්ස් වලත් mac os වල වගේම RTC එක GMT විදියටයි ගන්නේ. ඒත් Windows සමඟ dual boot කරනකොට RTC එක local time එක විදියට ගන්නවා.

සුනඛ විශේෂ කීපයක්

noreply@blogger.com (Thilina) — Mon, 24 Jan 2011 06:44:00 +0000

කස්ටිය කොහොමද ඉතින්..? අද නං ලියන්නේ බල්ලන් ගැන. බල්ලො කියපුවාම සෑහෙන බලු වර්ග ප්‍රමාණයක් ලෝකයේ ඉන්නවා. ඔය සේරම ගැන නං මං දන්නේ නෑ. ලංකාවේ බහුලව ඉන්න බල්ලන් වර්ග කීපයක් ගැන පොඩි දේවල් ටිකක් ලියන්නංකෝ. ලංකාවේ නං වැඩියෙන්ම ඉන්නේ German Shepherd, Labrador Retriever, Golden Retriever, doberman, boxer, rottweiler, Dalmatian, Pomeranian , Ridgeback වගේ බල්ලන් තමා. ඒත් මේ සේරටම ලංකාවේ ගොඩක්ම ඉන්නේ වල් බල්ලෝ

German shepherd ලා මුලින්ම ගමුකෝ. කියන විදියට නං බුද්ධිමත් බල්ලන් විශේෂයක්. ගොඩක් පොලිස් සුනඛයන් GS ලා. train කරන්න ගොඩක් ලේස්යි කියලා තමා කියන්නේ. ඒත් හොඳට train කරපු ගෙදරක ඉන්න GS කෙනෙක් නං මම දැකලා නෑ. සෑහෙන ලොකුවට හැදෙනවා. තමන්ගේ පවුලටත් ඉතාම ලැදියි. ලංකාවේ GS කෙනෙක් රු 8000 සිට 15000/ 20000 අතර මිලක් වෙනවා. CKC ලියාපදිංචි බල්ලන් නං මීටත් වඩා මිල වැඩියි. (Picture)

Labrador Retriever ඉතාම බුද්ධිමත් සුනඛ විශේෂයක්. පොලිස් සුනඛයන් විදියටත් පාවිච්චි කරනවා. ගොඩක් වෙලාවට මිනිසුන්ව හපා කන්නේත් නැ. ලෝකයේ නං වැඩිම ප්‍රමාණයක් ලියාපදිංචි වෙලා තියෙන්නේ LR ලා. train කරන්නත් සෑහෙන පහසුයි. තමන්ගේ පවුලටත් කුඩා ළමයින්ත් ඉතාම ලැදියි. ලංකාවේදී නං LR ලාගේ මිල තරමක් වැඩියි. සාමාන්‍යයන් රු 17000 - 25000 ක් විතර වෙනවා. තනි කළු, ගෝල්ඩ්, චොකලට් වර්ණ වලින් ලබාගත හැකියි. (picture)

Doberman තරමක් සැර සුනඛ විගේෂයක්. ගොඩක් වෙලාවට මිනිසුන්ව හපා කන්න පෙළඹෙනවා. නම්‍රත් තමන්ගේ ස්වාමියාට නං ඉතාම ලැදියි. සෑහෙන බුද්ධිමත්. Doberman ලා ඉපදි දවස් 10 ක්න් විතර මොවුන්ගේ වලිගය කපා දමනවා. තුනී ලෝම පිහිටන නිසා නඩත්තුව තරමක් පහසුයි. ලංකාවේදී නං රු 8000 සිට රු 10000/15000 අතර මිලකට නියම වෙනවා. (picture)

Boxer තරමක් විශාල සුනඛ විශේෂයක්. ඉතාම ශක්තිමත් හකු වලින් boxer සමන්විතයි. ඒ කියන්නේ boxer එකෙක් හැපුවොත් නං සොරි.කොම්. සැහෙන දිග දිවකුත් boxer ලාට පිහිටනවා. ඒත් පිළිකා සෑදීමේ අවදානමක් බොක්සර්ලාටා තිබෙනවා. ඉතාම ක්‍රියාශිලි සුනඛ විශේෂයක්. ලංකාවේදි මිල නං රු 10,000 ත් 25,000 ත් අතර වෙනවා. (picture)

Rottweiler විශාලව වැඩෙන සුනඛ විශේෂයක්. ඒ වගේම ඉතා සැර සුනඛ වර්ගයක් වන අතරම නිතරම වෙනත් බල්ලන් සමග ආරවුල් ඇති කරගනි. මිනිසුන්ව හැපාකෑමේ සම්භාවිතාවත් වැඩියි. මොවුන්ගේ සපා කෑම් නිසා මිනිසුන් මරණයට පවා පත් වී තිබෙනවා. නමුත් තමන්ගේ පවුලට ඉතාම ලැදියි. මිල නං ඉතාම ඉහළයි. ලංකාවේදී නං එක පැටවෙක් රු 30,000 කට වඩා මිලයි. (picture)

Pomeranian ගොඩක් ගෙවල් වල මේ සුනඛයින් ඉන්නවා. දිග ලෝම නිසා නඩත්තුව නං තරමක් අපහසුයි. තරමක් කුඩා සුනඛ විගේෂයක්. සාමාන්‍යයෙන් රු 5000 කට පමණ ලබා ගත හැකියි.

තව නං ගොඩක් බල්ලන් වර්ග ලංකාවේ ඉන්නවා. දැනට ඔය ඇති. අපේ Google බස් එකේ යන කස්ටිය විසින් සංවිධානය කරපු බ්ලොග් සතිය වෙනුවනේ තමා හදිස්සියේම ලිව්වේ. ඕං ඉතින් මේකේ වැරදි එහෙම තියෙනවා නං හදන්න. බල්ලන්ගේ ගණන් නං පුද්ගලිකව විමසපු ඒවා. අනෙක් විස්තර නං එහෙන් මෙහෙන් හොයාත්තු ඒවා. ගොඩක්ම Wikipedia වලින්. අවසාන වශයෙන් කියන්න ඕනේ ඔෆීසයේ සිට බ්ලොග් ලියන එක නං මහ කැත වැඩක් .

2010 න් 2011 ට

noreply@blogger.com (Thilina) — Mon, 10 Jan 2011 03:07:00 +0000

කස්ටිය කොහොමද ඉතින්...? මාව මතකද මන්දා . කොහොම හරි ඕං මාස 2 කට විතර පස්සේ මටත් බ්ලොග් එකක් තියෙනවා කියලා මතක් වුනා . 2011 ත් ඇවිල්ලා. පහුගිය අවුරුද්දේ මගේ බ්ලොග් කෙරුවාව නං අන්තිම සවුත්තු වුනා. බ්ලොග් ලියන්න කම්මැලි වීම තමා ඇත්ත හේතුව . 2010 අවුරුද්ද ගැන පොඩ්ඩක් මතක් කරනවා නං අවුරුද්ද මුල හරියේ exam වගයක් කළා. පස්සේ ජොබක් හෙව්වා. ඒකෙ නං ලොකුම අලය වුනේ experience එක මදි කම. පස්සේ experience හදා ගන්න හෙන පොඩි තැනක් හොයාගත්තා. ඒත් salary කියන එක එතන තහනම් වචනයක් . දැන්නං එතන එපා වෙලා වෙන තැනක් හොයනවා. ඊලඟට Mac OS, මැක් වලට නං මාර විදියට ඇබ්බැහි වුනා කිව්වොත් හරි. බ්ලොග් එකේ මැක් ගැන පෝස්ට් එකක් දෙකක් දාන්නත් පුළුවන් වුනා. ඒත් අවුරුද්දේ අන්තිම හරියේදී පණ්ඩිත වැඩක් කොරන්න ගිහිල්ලා මැක්කාට කෙලවුනා. ආයෙත් අළුතෙන් install කරන්න DVD Drive එකක් හම්බ වෙනකං බලාගෙන ඉන්නවා. මගේ කෝපය පාලන කොරගන්න බැරීවීම නිසා මගේ DVD රයිටරයත් අවසන් ගමන් ගියා නෙවැ . Twitter එකේ කස්ටිය නං සිද්ධිය දන්නවා. මේක බලලා අදහසක් ගත්තනං. හික්... හික් . අල මොබිටෙලයට සමු දීලා ADSL ගන්නත් ගිය අවුරුද්දේ පුළුවන් වුනා. තාම නං අලයකින් තොරව ජංජාලය වැඩ. සාමාන්‍යයෙන් 25 - 30GB ක් විතර මාසෙකට බෑවෙනවා. 19 SBU G2G එකටත් ගියා නෙවැ. මෙච්චර කල බ්ලොග්, twitter, FB පිටිපස්සේ හිටපු සෑහෙන දෙනෙක් අඳුරගන්නත් පුළුවන් වුනා. 25 නත්තල් දවසේ යාළුවෙකුගෙ ගෙදර පාටි එකකුත් තිබුණා නෙවැ. බොන්න එහෙමත් තිබුණා. අන්තිමට බීලා වැඩි වෙලා යාළුවෙක්ව උස්සාගෙන ගිහිල්ලා ගෙදරට දාන්නත් වුනා .

ඒ 2010. මේ අවුරුද්දේ දී බ්ලොග් කෙරුවාව අල නොකර ටිකක් පිළිවෙළකට කරගෙන යන්න බලාපොරොත්තු වෙනවා. ඔය කිව්වට කොහොම වෙයිද කියලා දෙයියො තමයි දන්නේ. පෝස්ට් එකත් දික් වේගන එනවා. ICC world cup එකත් එනවා නෙවැ. එහෙනං ක්‍රකට් උණෙන් පිරුණු නව වසරක් වේවා කියලා කියමින් අදට නතර කොරනවා

ADSL ගැනීම

noreply@blogger.com (Thilina) — Sun, 31 Oct 2010 17:03:00 +0000

කස්ටිය කොහොමද ඉතින්.. ඕං මාසෙකට පස්සේ බ්ලොග් එක මතක් වුනා. පරණ තැටිය තමා. ඕං මටත් adsl ලැබුණා නෙවැ . මම අවුරුදු 2 ක්ම ප්‍රෙට්රල් පුච්චාගෙන කටු කාගෙන ටෙලිකොම් එකට බඩගාපු එකේ ප්‍රතිඵලේ මේ මාසේ තමා හම්බවුනේ. ඉතින් අවුරුදු 2 ක් වගේ සුළු කාලයකදී මේක ගන්න පුළුවන් වුනු එක නං ලොකුම දෙයක් . මේක ගන්න අවු 2ක් ගියේ ඇයි කියනවා නං slt exchange එකේ ඉඳලා අපේ ගෙදරට දුර වැඩි වීම තමා ප්‍රශ්නෙට තිබ්බේ. ඒ නිසා 4 පාරක්ද කොහෙද adsl සිග්නල් නෑ කියලා application එක reject කළා . ඊට පස්සේ දුර වැඩි වුනත් adsl ගන්න කැමතියි කියලා ලිවුමක් දෙන්න කිව්වා. ඒත් ගන්න බැරි වුනා.

වැඩේ අතඇරලාම ඉන්නකොට මෙච්චර කල් පාවිච්චි කරපු මොබිටෙලය චා මැක්ස් වුනු නිසා තව පාරක් adsl ගන්න ට්‍රයි කරන්න හිතුනා. මෙදා පාර නං ටෙලිකොම් එකේ හිටපු අංකල් කෙනෙක් තමා අහුවුනේ. මාත් ඉතින් මුල ඉඳලාම සිද්ධිය කිව්වා. පස්සේ ආයෙත් application එකක් දීලා ආවා. ඔය අතරේ ඉතින් මගේ ඉගෙන ගන්න වැඩ වලට නෙට් ඕනේ, අනං මනං බයිලා කියලා බටර් පාරකුත් ගාන්න අමතක කළේ නෑ . ඕං ගෙදර ගියාට පස්සේ ටෙලිකොම් කාරයා කෝල් කරලා කියනවා Cisco රවුටර් එකක් දානවා නං ADSL දෙන්නං කියලා. මං එහෙම්ම කිව්වා මං ගාව දැන් Cisco router එකක් තියෙනවා කියලා . ඒත් ඇත්තටම මගේ ළඟ cisco (linksys) router එකක් තිබ්බේ නෑ . පස්සේ රවුටර් එක ගත්තේ කොහෙන්ද අදී විස්තරත් ඇහුවා. මම ඉතින් ලස්සනට කිව්වා.

ඊට දවස් කීපයකට පස්සේ කෝල් එකක් දීලා කිව්වා adsl දුන්නා කියලා. ඒ වෙලාවේ මම ගෙදරත් නෙවේ හිටියේ. පස්සේ රෑ වෙලා ගෙදර ගිය ගමන් රවුටරේ ගහලා බැලුවා. මෙන්න බොලේ බඩු වැඩ . මීට අවුරුද්දකට විතර කලින් ගත්තු රවුටරෙන් වැඩක් ගත්තේ එදා තමා . ඒ වෙලාවේ නං මාර සතුටක් දැනුනේ. exchange එකේ ඉඳන් අපේ ගෙදරට 8.1 km දුරක් තියෙනවා . රවුටරේ නං TP -ink එකක්. SNR Margin (down/up) 6/30 අගයක තියෙනවා. ඒත් ඩිස්කනෙක්ට් වෙන්නේ නං නෑ. ඒත් සමහර වෙලාට අල වුනොත් router එක restart කරපු ගමන් හරියනවා. 8.1km දුර වෙලත් ලැබෙන වේගය ගැන නං ඇත්තටම සතුටුයි. 51 - 55kBps වගේ වේගයක් ලැබෙනවා. මොබිටෙලය වගේ වුරු වුරු ගාන්නේ නෑ. connection එක stable. ඉස්සර නං 10MB බාන්නත් දෙපාරක් හිතනවා. දැන්නං හිටු කියලා බානවා. ගෙදර ඉන්නවා නං ගොඩක් වෙලාවට දවසකට 1GB පනිනවා . දැන් ඉතින් බිල ආවාම තමා රත් වෙන්නේ.

මේ දවස් වල ජීවිතේ...

noreply@blogger.com (Thilina) — Sun, 26 Sep 2010 12:41:00 +0000

කස්ටිය කොහොමද ඉතින්..? ඕං ආයෙත් සෑහෙන දවසකට පස්සේ බ්ලොග් එක මතක් වුනා. ඒත් ලියන්න කියලා නං විශේෂ දෙයක් නං නෑ, බ්ලොග් එක පාළු වෙන නිසා බයිලා ටිකක් වත් දාන්නංකෝ . මේ දවස් ටිකේ BMICH book fair එක තිබුණා නොවැ. මමත් අද යනවා, හෙට යනවා කිය කියා හිටියා. දවසින් දවස කල් ගිහිල්ලා යන්නත් බැරිවුනා . ඕං ඉතින් අදින් book fair එකත් ඉවරයි. ඒත් ඕනෑ කරන පොතක් නං book fair එකට ගියපු එක්කෙනෙකුට කියලා ගෙන්නා ගත්තා. ටුවිටරේ කස්ටියත් Book fair එකට ගිහිල්ලා twitter updates එහෙම දාලා තිබුණා. ආයත් ලබන අවුරුද්දේ තමා යන්න වෙන්නේ..

Twitter කියනකොටයි මතක්වුනේ. ඕං දැන් ටුවිටරයත් අළුත් වෙලා . අළුත් පහසුකම් ගොඩක් එකතු වෙලා තිබුණා. මෙතනට ගියා නං New Twitter ගැන විස්තරේ බලා ගන්න පුළුවන්. ටුවිටර් එක ගැන කියනකොට අන්තර්ජාලෙ ගැනත් නොකියා බෑනේ . ඕං දැන් SLT එකත් FUP දාගෙන පිස්සු නටන්න යනවා කියලා ආරංචියි . අනේ මන්දා, පුදුම රටක් මේක. ලෝකෙ වෙන ISP ලා 100Mbps ලයින් ගෙදරට දෙන කොට අපේ අය 1Mbps ලයින් එකටත් FUP දාන්න හදනවා. මොබිටෙල් ගැන නං කතා කරලා වැඩක් නෑ. සියපාරක් විතර ඩයල් කරලා කනෙක්ට් වුනාම 100kbps (not 100kBps) විතර එනවා. මේල් එකක් එහෙම කියවලා බලද්දී ඕං ඩිස්කනෙක්ට් වෙලා .

බයික් ගැනත් කියමුකෝ, පහුගිය කාලේ අළුත් බයික් කීපයක්ම ඇවිල්ලා තිබුනා. TVS Apache RTR 180 එකත් ඇවිල්ලා තිබුණා. ගාන නං කීයද දන්නෑ. මං TVS වලට නං එච්චරම කැමති නෑ. ඒත් අඩුම මිලට rear disc brake තියෙන බයික් තමා ඒක. බයික් ගැන කියනකොට අපේ යාළුවෙකුට මේ ළඟදී වුනු කේස් එකක් මීටර් වුනා. මේකයි සිද්ධිය.

පහුගිය දවස් වල මමයි තව දෙතුන්දෙනෙකුයි පොඩි කොම්පියුටර් වැඩකට සෙට් වෙලා හිටියා. මීගමුවෙ තමා වැඩේ තිබුණේ. කස්ටියගෙන් එක්කෙනෙක් එන්නේ ටිකක් දුර ඉඳලා. එයාට කමල් කියමුකෝ. ඉතින් මෑන්ස් ගෙදර ඉඳලා බයික් එකේ ඇවිල්ලා, බයික් එක අඳුරන ගෙදරක දාලා එතනින් බස් එකේ නැඟලා තමා මීගමුවට එන්නේ. එක දවසක ඔය බයික් එක දාන ගෙදර කස්ටිය ගමනක් ගිහිල්ලා. ඒත් එදත් කමල් බයික් එක ඒගෙදරට දාලා මීගමුවට ඇවිල්ලා, ආපහු රෑ වෙලා ගෙදර යනකොට හෙල්මට් එක නෑලු . පස්සේ හෙල්මට් එක ගැන ආසාව අත්ඇරලා බයික් එක ස්ටාට් කරන්න යනකොට ඒකත් ස්ටාට් වෙන්නේ නෑලු. මොකද කියලා බැලින්නං බයික් එකේ කාබුරේටර් (carburetor) එකත් නෑලු . මොකෙක් හරි ඇවිල්ලා හෙල්මට් එකයි කාබුරේටර් එකයි දෙකම උස්සලා. පස්සේ මෑන්ස් බයික් එකත් තල්ලු කරගෙන පයින්ම ගෙදර ගිහිල්ලා . කමල්ට තිබුණේ Honda CM custom බයික් එකක්. පස්සේ මෑන්ස් රු 5000 - 6000 ක්ද කොහෙද වියදං කරලා හොරාගේ පරම්පාරාවටත් පිං දිදී carburetor එකක් දැම්මා .

Bajaj Discover 150

noreply@blogger.com (Thilina) — Tue, 31 Aug 2010 08:56:00 +0000

කස්ටිය කොහොමද ඉතින්..? ඕං සෑහෙන දවසකට පස්සේ බ්ලොග් එක පැත්තේ ආවා. ඕං අදත් බයික් එකක් ගැන ලියන්න තමා හදන්නේ. මේක ඇවිල්ලා දැන් ටික දවසක් වෙනවා. ඒ තමා Bajaj Discover 150. කලින් තිබුණු Discover 135 බයික් එක දැන් නවත්තලා ඒ වෙනුවට තමා මේ Discover 150 එක ඇවිල්ලා තියෙන්නෙ. පෙනුම ගැන කියනවා නං මෑතකදී ආපු Discover 100cc එකේ පෙනුමට සමානයි . වෙනස තියෙන්නේ එන්ජින් එකේ විතරයි

මේකේ තියෙන දේවල් බැලුවොත් එන්ජින් එක 150cc (144.8cc), 4-stroke single cylinder, 5 speed gearbox එකක් සහිත Air cooled engine එකක් තමයි. තව ඉඳිරි පස Disc Brake, Nitrox shocks, LED tail lamp, electric start, Auto Choke, වගේ විශේෂාංග තියෙනවා. speedometer එක නං Analog එකක්. දැනගත්ත විදියට නං ගාන රු 160,000/- කට පොඩ්ඩක් වැඩියි . ගාණ නං වැඩියි වගේ. Pulsar 135 එකත් දැන් ලංකාවේ තියෙනවා. ආරංචි වුනු විදියට ඒක රු 177,000 කට වගේ මිල නියම වෙලා තියෙනවා.

පින්තූර Bajajauto.com වලිනි

Mac OS X Snow Leopard Install කරමු

noreply@blogger.com (Thilina) — Fri, 30 Jul 2010 17:52:00 +0000

කස්ටිය කොහොමද ඉතින්..? සෑහෙන දවසකට පස්සේ.., ඕං අද Mac OS Snow Leopard දාන හැටි ලියන්නයි යන්නේ. තමන් ගාව තියෙන් USB Pen/Flash Drive එකට HDD එකට SSD එකට Mac OS දාන හැටි බලමු . මේක නං මීට කලින් ගොඩක් අය ලියලා තියෙනවා. ඒත් ඉතින් ඔන්න ඔහේ මමත් ලියන්නංකෝ . ඉස්සෙල්ලාම බලමු මොනවද ඕනේ කියලා.

Mac OS DVD එකක්

මම පාවිච්චි කරන්නේ නං Hazard Mac OS SL 10.6.2 DVD එකක්. ඒත් IAtkos මගින් 10.6.3 DVD එකක් නිකුත් කරලා තිබුණා. හැබැයි ඒක Intel only එකක් AMD අයට දාන්න බෑ. Hazard එන නං Intel/AMD දෙකටම දාන්න පුළුවන්.

SATA HDD එකක්

ටෙස්ට් කරන්න වගේ USB Flash drive එකක Mac OS X SL Install කරන්නත් පුළුවන්. Screen shots ලබා ගැනීමට මම අද Mac os ඉන්ස්ටෝල් කරන්නේ Imation 8GB USB 2.0 Flash Drive එකක. Flash Drive එකක ඉන්ස්ටෝල් කරනවා නං 8GB හරි ඊට වඩා වැඩි USB 2.0 Flash Drive එකක් භාවිතා කරන්න.

SATA DVD Rom එකක්

USB KB සහ USB Mouse

ඔය ටික තමා අත්‍යවශ්ය දේවල් ටික. සේරම හරි නං ඊලඟ පියවරට යමු. HDD එකේ data නොතිබෙන තරමට හොඳයි. ඕං HDD එකේ තිබුණු දේවල් වලට මම නං වගකියනු නොලැබේ .

ඉස්සෙල්ලාම Bios වලට යන්න. එකේ SATA Mode එක IDE වලින් AHCI වලට මාරු කරන්න. මේක නං අනිවාර්යයෙන්ම කළයුතු දෙයක් . මේක නොකළොත් අල පාත්ති සෙට් වෙන්න පුළුවන් . ඔය Serial, Parallel Ports Disable කරන්න. වැඩිපුර HDD තියෙනවා නං ගලවන්න. Flash Drive එකට install කරනවා නං Flash Drive එක සෙට් කරන්න. 1st Boot එක CD Rom දීලා DVD එක දාලා boot කරන්න.

ටික වෙලාවක් Apple logo එක වැටිලා තිබිලා Language එක අහයි. English තෝරලා ඉස්සරහට යන්න.

පස්සේ Welcome screen එක Continue කරලා ඉස්සරහට යන්න.

OS එක Install කරන තැන select කරන්න එන තැනදී උඩ තියෙන Utilities > Disk Utility යන්න.

Disk Utility වල වම් පැත්තේ තමන්ගේ HDD එක FD එක පෙන්නාවි. ඒක උඩ Right click කරලා Partition select කරන්න. අවශ්‍ය විදියට පාටිෂන් කරගන්න පුළුවන්. නැත්නං පාටිෂන් නොකර කෙලිම්ම Format කරනවා නං Erase එක select කරන්න.

Format එක විදියට Mac OS Extended (Journaled) තෝරන්න. ඊලඟට Erase

හරියට කළා නං Select a Destination කියන තැනට හදපු partitions ටික එයි. දැන් Continue

Install Summary එකේදී Customize select කරන්න.

මෙතනදී තමන්ගේ කොම්පියුටරයට ගැලපෙන Option එක විතරක් Select කරන්න ඕනෑ. මට මෙතනදී නං මේ Option එකම select කරන්න කියලා කියන්න බෑ. තමන්ටම තමා හරි Option එක තෝරා ගන්න වෙන්නෙ. හැම Option එකකටම ගිහිල්ලා ලැබෙන විස්තරය කියවන්න. හැමෝටම පොදු වෙන Option ටිකක් මම select කරලා තියෙනවා. තව Nvidia VGA card තියෙන අය NVEnabler select කරන්න. හරියටම තෝරා ගන්න බැරිවුනොත් Hazard Forum එකෙන් උදව් ගන්න. තමන්ගේ මැසිමේ විස්තර ටිත Forum එකට දුන්නාම ඒ අය අදාල Option ටික දෙයි .

පස්සේ Install කරන්න. විනාඩි 25-30 ක් විතර යන්න පුළුවන්. FD එකක Install කරනවා නං කාලය වැඩි වෙන්න පුළුවන්.

Install වෙලා ඉවර වුනාම restart කරලා ආයෙත් Bios වලට ගිහිල්ලා 1st boot එක HDD කරන්නත් අමතක කරන්න එපා.

හරියට Install වෙලා නං Video එකක් ගිහිල්ලා නම ගම විස්තර අහයි. ඔය රට අහන තැනදී හරියටම Sri Lanka කියලා දෙන්න. නැත්නං වෙලාව අල වෙන්න පුළුවන් . Do You Already Own a Mac එකෙන් එහාට යන්නේ නැත්නං Network කාඩ් එක Disable කරලා උත්සාහ කරන්න .

මේ තියෙන්නේ Flash Drive එකේ Install කරපු Mac OS X SL . Boot වෙන්න තරමක් වැඩියෙන් වෙලා ගන්නවා. ඒත් ලොකු අවුලක් නෑ. Mac OS දැම්මට පස්සේ කරන්න ඕනේ ටික ගයන්ත ලියලා තියෙනවා. ඕං ඔහොමලු Mac OS දාන්නේ, ප්‍රශ්න තියෙනවා නං අහන්න.

මේ දවස් වල ජීවිතේ

noreply@blogger.com (Thilina) — Thu, 22 Jul 2010 17:29:00 +0000

කස්ටිය කොහොමද ඉතින්..? ඔන්න සෑහෙන දවසකට පස්සේ බ්ලොග් එක පැත්තේ ආවා. පරණ තැටියම තමා . ලියන්න විශේෂ දේකුත් නැති එකේ පොඩි බයිලා පෝස්ට් එකක් වත් දාන්න හිතුවා. Mac OS X SL ඉන්ස්ටෝල් කරන විදිය ගැනත් පෝස්ට් එකක් දාන්න හිටියත් කම්මැලි කම නිසාම ඒකත් බගෙට ලියලා නවත්තලා තියෙනවා. කොහොම හරි ඒකත් ඉක්මනටම දාන්න ඕනේ. හැම එකකටම හරහට හිටලා තියෙන්නෙ අන්තර්ජාලය. මොබිටෙලය පහුගිය කාලේ චා මැක්ස් වුනා නෙවැ. ඔය අස්සේ මමත් ගත්තා ඩයලොග් 2GB අන්ලිම්ටඩ් පැකේජ් එකක් . ඒත් ඉතින් ඒකෙත් මහා ලොකු වෙනසක් තිබ්බෙ නෑ. මොබිටෙල් වගේම තමා . දවස් හතර පහක් යනකොට 2GB ඉවර වෙලා FUP සෙට් වෙලා ස්පීඩ් එක 8kBps - 10kBps වලට අඩුවුනාට පස්සේ ඩිස්කනෙක්ට් කළා . දැන් නැවතත් මොබිටෙල්. මේ ළඟකදි ඉඳලා ආයෙත් මොබිටෙලය ටිකක් විතර හොඳ අතට හැරෙම්න් තියෙන බවත් පේන්න තියෙනවා . BB කතා ඉවරයි.

ඔය අතරේ මම win 7 64bit එකත් දාගත්තා නෙවැ. හේතුව නං පස්සේ වෙලාවක කියන්නංකෝ . ඒත් 64bit දාගෙන සෑහෙන දුකක් විඳින්න වුනා . අංක එක වුනේ Mobile Partner software එක අල වීම. පස්සේ Mobile Partner එක විසිකරලා දාගත්තා Mobile Connect. ඒකත් දාලා Modem එකට Win 7 64 bit Drivers වෙනමම බාලා දාගත්තා. ඒක නං අලයක් නැතුව වැඩ. Modem එකේ Firmware එකත් අප්ඩේට් කළා. Huawei සයිට් එකේ දැන් අදාලා software නොතිබුණු නිසා Google කරන කොට වෙන සයිට් එකක් හම්බවුනා. මේකේ Huawei, ZTE වගේ ගොඩක් Modems වලට Firmware, Drivers වගේ දේවල් තියෙනවා. මෙන්න සයිට් එක. sterowniki.bez-kabli.pl. අවශ්‍ය අය firmware එකෙම අප්ඩේට් කරගන්න . ඒත් ඔන්න ඔය firmware update කරගන්න ගිහින් අල කරගෙන මොඩම් එක කඩා ගත්තොත් මම නං වගකියනු නොලැබේ . වින්ඩෝස් කතා ඉවරයි.

පහුගිය දවස් වල මමත් SQL class එකකට සෙට් වෙලා හිටියා නෙවැ. CCNA කිරීමේ ලොකු උවමනාවක් තිබුණත් තාම කරගන්න බැරිවුනා. ඔය අස්සේ ජොබ් වලට අප්ලිකේෂන්ස් දාන එක තමා මගේ විනෝදාංශය වෙලා තියෙන්නේ . ඔය විදියට කාලය ගිහිල්ලා දැන් අවුරුද්දෙන් බාගෙකටත් වැඩිය ඉවරත් වෙලා.

මමත් දැම්මා Mac OS X Snow Leopard

noreply@blogger.com (Thilina) — Mon, 28 Jun 2010 02:48:00 +0000

කස්ටිය කොහොමද ඉතින්..? ඕං ටික දවසකට පස්සේ ආයෙත් බ්ලොග් එක මතක් වුනා . ඕං මමත් Snow leopard දැම්මා. ඉස්සෙල්ලාම මට snow leopard DVD එකක් දීම ගැන ගයන්තට ස්තූතිවන්ත වෙන්න ඕනේ . මීට ඉස්සෙල්ලත් මම Mac OS දාලා තිබුණා. ඒ 10.5.2 වර්ෂන් එක. ඒකේ අවුල් කීපයක්ම තිබුණු නිසා වැඩිය පාවිච්චි වුනේ නෑ . ලොකුම අලය තමා resolution එක මගේ මොනිටරයට අවශ්‍ය විදියට වෙනස් කරන්න නොහැකි වීම. ඉතින් ඕක ඉන්ස්ටෝල් කරන්න නං එච්චඑර කරදර වෙන්න උවමනා වුනේ නෑ. එක පාරින්ම බබා වගේ ඉන්ස්ටෝල් වුනා . ඒත් එච්චර ලේසියට Snow leopard දාගන්න නං පුළුවන් වුනේ නෑ. දවස් 2-3 ක් කටු කාලා තමයි දාගත්තේ. අතුරු කතා හලලා කෙටියෙන් කියන්නංකෝ සිද්ධිය

මම SL ඉන්ස්ටෝල් කරනකොට DVD එකේ read error එකක් ආවා. වෙන DVD එකකින් ට්‍රයි කරත් ඒ error එකම ආවා. පස්සේ SL ඉන්ස්ටෝල් කිරීමත් එපා වෙලා ඉන්නකොට තමයි Hazard Forum එකෙන් උදවු ගන්න මතක් වුනේ. (මම දැම්මේ www.leohazard.com මගින් හැදූ Mac OS SL DVD එකක්) ඉතින් Forum එකේ රවුං ගහන කොට තමා දැනගත්තේ Snow leopard සඳහා IDE HDD, IDE DVD Drive සහාය නොදක්වන බව . ඒත් මගේ DVD Drive එකත් HDD එකත් SATA වුනාට Motherboard එකේ BIOS මගින් SATA Drives IDE විදියට වැඩ කරන්න තමයි settings හදලා තිබුණේ. පස්සේ SATA Drivers IDE mode වෙනුවට AHCI Mode තෝරලා Install කරන්න පටන් ගත්තම අර කලින් read error ආපු DVD හොඳින් වැඩ කරලා Mac OS ඉන්ස්ටෝල් වුනා. ඒත්....

ඊලඟ අලය, ඉන්ස්ටොල් වෙලා ඉවර වෙලා, කරදරයකින් තොරව Boot වුනා කියමුකෝ.., සිරාම Video එකකුත් play වෙලා ඔය නම ගම ර‍ට ආදි විස්තර අහන්න ගත්තා .

පස්සේ පරණ Mac එකකින් data transfer කරන්න පහසුකම් සලසන Do You Already Own a Mac වින්‍ඩෝවෙන් එහාට යන්නේ නෑ.. දෙතුන් පාරක් restart කළත් Already Own a Mac වින්‍‍‍ඩෝවෙන් එහාට යන්නේ නෑ. පස්සේ ආයේ Google කරලා බලනකොට උත්තරේ ලැබුණා. මෙන්න උත්තරේ. ඒත් ඕක කොරන්න ගිහිල්ලා මැක් එක Boot වෙන එකත් නතර වුනා . මොකක් හරි කමාන්ඩ් එකක් වරදින්න ඇති. උත්තරේට අනුව. ඒ ලෙඩේ එන්නේ Network කාඩ් එක නිසා. පස්සේ මම On board Network card එක disable කරලා තවත් Motherboard එකේ තියෙන අනවශ්‍ය කෑලි disable (serial, parallel ports) disable කරලා ආයෙත් Snow leapard දැම්මා. මෙන්න බාබා වගේ වැඩ . කලින් 10.5.2 වල තිබුණු අවුල් හැම එකක්ම වගේ විසඳිලා තිබුණා. මේ තියෙන්නේ මගේ Desktop එක.

(Desktop)

(VLC)

(සිංහල ත් වැඩ)

(Resolutions)

(Applications)

resolution, Audio, සියල්ලම වගේ හොඳින් වැඩ කරනවා. Huawei E160 ත් කරදරයකින් තොරව දාගන්න පුළුවන් වුනා. හැබැයි මගේ වෙබ්කෑම් එක නං වැඩ කළේ නෑ. සිංහලත් අකුරක දෙකක පොඩි අලයක් තිබ්බා. සිංහල ටයිප් කිරිමට නං qsfox addon එකේ පිහිට තමා.

ඉතින් Mac OS Snow leopard Install කරන්න යන අය‍ට මගේ අත්දැකීම අනුව පොඩි දේවල් ටිකක් කියන්නං

1. Image එක බාලා, රු 20 DVD වලට Burn කරන්නේ නැතුව හොඳ DVD එකක් පාවිච්චි කරන්න

2. අනිවාර්යයෙන්ම SATA DVD Drive හා SATA HDD භාවිතා කරන්න.

3. Motherboard එකෙ BIOS වලින් SATA mode එක AHCI වලට හරවන්න. මේක නොකොළොත් SL ඉන්‍ටෝල් වුනත් Boot වෙන්නේ නං නැත . ඒත් අනෙක් අලය තමා මේ AHCI mode එකේදී Windows XP වැඩ කරන්නේ නැත . ඒ ගැනත් පොඩ්ඩක් සැලකියමත් වෙන්න

4. SL ඉන්ස්ටෝල් වෙලා boot වුනත් Already own mac වලින් එහාට යන්න බැරි නං Network කාඩ් එක BIOS වලින් Disable කරන්න.

5. Serial ports, parallel ports වගේ එවා Disable කරන්න.

6. Customize වලදී හරියටම තමන්ගේ මැසිමට ගැලපෙන option එක විතරක් තෝරන්න.

7 Onboard VGA පාවිච්චි කරන්නේ නැතුව ගණන් අඩු nvidia වගේ VGA කාඩ් එකක් පාවිච්චි කරන්න.

මෙන්න ලින්ක් ටික

Hazard

මෙන්න Forum ලින්ක් එක

මෙන්න ටොරන්ට් ලින්ක් එක

මෙන්න Rapid ලින්ක් එක

Can You Run It ?

noreply@blogger.com (Thilina) — Mon, 14 Jun 2010 18:03:00 +0000

කස්ටිය කොහොමද ඉතින්..? ඔන්න ආයෙත් සෑහෙන දවසකට පස්සේ බ්ලොග් එක පැත්තේ ආවා. අද පොඩ්ඩක් විශේෂ දවසක්, ‍ඔන්න මම අද ලිපි 100ක් සම්පූර්ණ කරනවා . ඒත් ඉතින් පහුගිය අවුරුද්ද වගේ නෙමෙයි. මේ අවුරුද්දේ බ්ලොග් ලියන්න එච්චරම කික් එකක් නෑ . හේතුව තමා ලියන්න දෙයක් නැති වීම හා කම්මැලි කම.

අද කියන්න යන දේ නං සමහර අය දන්නවත් ඇති. අපි හැමෝම වගේ මොකක් හරි ගේම් එකක් ප්ලේ කරලා තියෙනවනේ. මීට ටිකකාලෙකට උඩදී ගොඩක් තිබුනේ කාටුන් රූප වගේ ගේම්ස් තමා . ගේම් එකේ graphics දැක්කම ගේම් එකම එපා වෙනවා. ඒත් දැන් තියෙන ගේම් වල වගේ graphics ඉතාම උසස් විදියට තියෙනවා. ගේම් එක ගොඩක් හොඳ graphics, sounds වලින් සමන්විත වෙනකොට ගේම් එකට වඩාත් හොඳ පරිගණකයක් ඕනෑ කරනවා. අපි ඉතින් ගේම් වල හොර කොපි පාවිච්චි කරනවා කියන එක ප්‍රසිද්ධ රහසක් නෙවැ . Unlimited නෙට් කනෙක්ෂන් එකක් තයෙන උදවිය ටොරන්ට් එකක් හොයාගන්නවා. අනෙක් අය DVD පාවිච්චි කරනවා. ඒත් තමන් බාන්න/ ගන්න යන ගේම් එකේ තියෙන system requirements මොනවද කියලා පළවෙනියටම දැන ගන්න එපායැ. ඒක නං ගේම් එකේ නමින් සර්ච් පාරක් දාලා හොයාගන්න පුළුවන් බව ඇත්ත . ඒත් සමහර වෙලාවට හොයාගන්න අමාරුයි . ඒවගේ වෙලාවට www.systemrequirementslab.com සයිට් එකෙන් තමන් බාන්න හෝ ගන්න යන ගේම් එක තමන්ගේ මැසිමේ ප්ලේ කරන්න පුළුවන්ද බැරිද කියලා විස්තර සහිතව බලාගන්න පුළුවන්. තව ගේම් එක ප්ලේ කරන්න බැරි නං ඒකට හේතුව හොයාගන්නත් පුළුවන්. මේක වැඩකරන්නේ IE හා FireFox Web browsers එක්ක විතරයි. කරන්න තියෙන්නේ අවශ්‍ය ගේම් එක තෝරලා Can You Run it කියන බොත්තම ඔබන එක විතරයි.

(ලොකු කරලා බලන්න)

ඕං මගේ දුප්පත් මැසිමේ නං Call of Duty Modern Warfare 2 ප්ලේ කරන්න බැරිලු. Processor එක හොඳ මදිලු

Bajaj Pulsar 220

noreply@blogger.com (Thilina) — Wed, 26 May 2010 07:49:00 +0000

කස්ටිය කොහොමද ඉතින්..? සෑහෙන දවසකට පස්සේ තමා බ්ලොග් එක පැත්තේ ආවේ... කස්ටියට මාව මතකද මන්දා? පහුගිය බ්ලොග් මැරතන් එකෙන් පස්සේ කිසිම දෙයක් ලියන්න බැරිවුනා. මැරතන් එකත් හරියටම ලියන්න බැරිවුනා. ඊලඟ පාරනං මැරතන් එකට සූදානං ශරීරෙන් එන්න ඕනේ. මැරතන් දුවන එකත් ලේසි දෙයක් නෙවේ.. හරි ඒ කතා ඉවරයි.

දන්නවනේ මං ඇවිල්ලා බයික් පිස්සා නෙවැ.. ඔන්න තවත් බයික් එකක් ලංකාවට ඇවිල්ලා. මේක ඇවිල්ලා Bajaj Pulsar 220 DTS-i මේක නං ඉන්දියාවට හඳුන්වලා දීලා සෑහෙන කල්. ඒත් ලංකාවට ඇවිල්ලා සති කීපයයි. මමත් දවස් කීපයකට උඩදී තමයි මේක දැක්කේ. ඉතින් ඊයේ හවස තව එකෙකුත් එක්ක පොඩි වැඩකට ජා ඇල ගිය ගමන් Bajaj එකටත් පොඩ්ඩක් ඔළුව දාලා Pulsar 220 බයික් එක බැලුවා. පිස්සු හැදෙයි, මාර බයික් එකක් .
මෙච්චර කල් තිබුණු Pulsar බයික් වල එකම පෙනුම වෙනුවට මේක ටිකක් වෙනස් විදියකට හදලා තියෙනවා. ඒත් මේ අළුත් පෙනුම සමහර අයට නං එච්චරම අල්ලන්නේ නෑ. මට නං අවුලක් නෑ. ඒත් මාත් එක්ක ගිය අනෙක් එකාට නං බයික් එකේ අළුත් පෙනුම අල්ලන්නේ නෑ.. engine එක බැලුවොත් 220cc 4-stroke single cylinder, 5 speed gearbox එකකින් සමන්විත Air & Oil cooled engine එකක් තමයි මේ බයික් එකට තියෙන්නේ. ඉන්දියවේ නිෂ්පාදිත වේගවත්ම බයික් එකත් මේ Pulsar 220.

තවත් විශේෂාංග විදියට තියෙන්නේ ඉදිරිපස හා පිටුපස Dics brakes, MRF Tubeless tires, Digital speedometer, Nitrox shocks වගේ දේවල් තමා. ඉතින් සේල්ස් බුවා ඔය විස්තර ටික එහෙම කිව්වට පස්සේ මම නිකමට වගේ ගාන ඇහුවා. වැඩිය නෑ රු 267400/- වගේ ගානක් කියනවා හීනෙන් වගේ ඇහුනා . බයික් එකේ ගාන නං ගාන නං බොහොම සැරයි. මම හිතන්නේ මාර tax එකක් වදිනවා ඇති බයික් එක ලංකාවට එනකොට, මොකද මේ බයික් එක ඉන්දයාවේදි මෙච්චර ගණන් නෑ.. ඉතින් ඔන්න 120kmph වගේ වේගයෙන් යන්න කැමති අය‍ට බයික් එකක් තියෙනවා. සේල්ස් බුවා කියපු විදියට තවම ලබා ගන්න පුළුවන් රතු හා කළු පාට දෙක විතරයිලු.

කියන්න අමතක වුනානේ මීට ටික දවසකට කලින් Discover 100cc බයික් එකකුත් ආවනේ. ඒක නං මහ චාටර් බයික් එකක්. ඒත් ගියර් 5ක් තියෙනවා. ඒක ගැනත් විස්තර ඕනේ නං මෙතනට යන්න.

පින්තූර නං ගත්තේ මෙතනින්

වසරක බ්ලොග් කරණය

noreply@blogger.com (Thilina) — Mon, 12 Apr 2010 04:44:00 +0000

කස්ටිය කොහොමද ඉතින්...? ඔන්න දන්නෙම නැතුම මමත් බ්ලොග් කරණයට ඇවිල්ලා අවුරුද්දකුත් ගෙවුනා... අවුරුද්දක් මේක ඇදගෙන ආව එක ගැන නං සතුටුයි. මොකද බ්ලොග් එකක් පටන් ගන්න යන්නේ විනාඩියකටත් අඩු කාලයක් වුනාට පටන් ගත්තාට පස්සේ පවත්වාගෙන යන්න නං පොඩි ගේමක් දෙන්න වෙනවා.

බ්ලොග් කරණයට ආවේ කොහොමද කියෙනව නං, මට මතක විදියට ඉස්සෙල්ලාම සිංහල බ්ලොග් එකකට කියලා දැක්කේ කාලිංග අයියගෙ බ්ලොග් එක. මොබිටෙල් එක ගැන මොකක් හරි හොයනකොට තමයි අහම්බෙන් වගේ අහුවුනේ. ඒත් මං ඒ වෙනකොට යුනිකෝඩ් ඉන්ස්ටෝල් කරලා තිබුණෙත් නෑ. පස්සේ යුනිකෝඩ් එහෙම දාගෙන ඒ බ්ලොග් එකේ තිබුණු ලින්ක් එකෙන් එකට ගිහිල්ලා තමයි සිංහල බ්ලොග් කියලා දෙයක් තියෙනව කියලා දැනගත්තේ.. ඔහොම මාස කීපයක් බ්ලොග් කියව කියව ඉන්නකොට තමා මටත් බ්ලොග් එකක් කරන්ක හිතුනේ. ඉස්සෙල්ලාම My blog.lk එකේ තමයි බ්ලොග් එක පටන් ගත්තේ. ඒත් එක පෝස්ට් එකක් වත් දැම්මෙ නෑ . පස්සේ Blogger වලට බැස්සා. මගේ පළවෙනි ලිපිය එක පේළියකට සීමා වුනා . පස්සේ පස්සේ තමයි ලියන්න පටන් ගත්තේ. පෝස්ට් 3 -4 ක් දානකොට සිංහල බ්ලොග් කරුවන්ගේ සංසදයටත් ඇතුළු වුනා. පටන් ගත්ත දවස් වල වේලි වේලි තිබුණු මේ බ්ලොග් එකට ඉස්සෙල්ලාම කමෙන්ට් එක දැම්මේ මගේ මරණය. ඒ දවස් වල තමයි 2009 බ්ලොග් මැරතන් තිබ්බෙ. එකෙනුත් ගොඩක් අය අඳුරගන්න පුළුවන් වුනා.

ඔං පටන් ගත්ත දවසේ ඉඳලා තිබ්බ බ්ලොග් එකේ පෙනුමත් පොඩ්ඩක් වෙනස් කළා . පුළුවන් තරං වැඩ කෑලි අඩු තීම් එකක් තමයි දාගත්තේ. මේකේ තාක්ෂිණික ලිපි වගේම බයිලාත් ලියවෙනවා. ‍මේකේ තියෙන සමහර පෝස්ට් දැක්කාම මේකත් මම ලිව්වනේ කියලා මටම හිතෙනවා . අවසාන ව‍ශයෙන් බ්ලොග් එක මෙච්චර කල් ඇඳගෙන එන්න පුළුවන් වුනේ මේක කියවන, කමෙන්ට් කරන ඔබ නිසාමයි. ඉතින් අවුරුද්දක් තිස්සේ මේක කියවපු, කමෙන්ට් කරපු ඔබට ස්තූතියි...

Picture

බ්ලොග් මැරතන්, Mobitel අල, ජීවිතේ...

noreply@blogger.com (Thilina) — Wed, 07 Apr 2010 12:59:00 +0000

කස්ටිය කොහොමද ඉතින්..? අවුරුද්දත් කිට්ටු නිසා මේ පාරත් බ්ලොග් මැරතන් තියෙනව නෙවැ . ගිය පාර බ්ලොග් මැරතන් වලට සහභාගි වෙන්න බැරි වුනු නිසා මේ පාර මමත් මැරතන් දුවන්න හිතුවා. ඕං මැරතන් එකටම බ්ලොග් එකකුත් යාන්තං හදාගත්තා . හැදුවයි කිව්වට තාම කිසිම පිළිවෙලක්, මැරතන් බ්ලොග් එකට නමක් එහෙම නෑ. තව පොඩි කෑලි දෙකතුනක් දාලා හදලා ගන්න ඕනේ. අර බ්ලොගර් වල අළුතෙන් හඳුන්වලා දුන්නු Blogger Template Designer එකත් මේ නිසා ටෙස්ට් කරලා බලන්නත් පුළුවන් වුනා. බො‍හොම ලේසියට තීම් එක හදාගන්න පුළුවන්. එත් මට ගැලපෙන තීම් එකක් තාම හරියට සෙට් වුනේ නෑ. Blogger Template Designer ගැන වැඩි විස්තර මෙතන තියෙනවා.

මොබිටෙල් ගැනත් පොඩ්ඩක් ලියමුකෝ.. Sri Lanka's National Mobile Service Provider කියලා තමයි කියන්නේ.. දැන්නං මේකට බැනලා බැනලා බනින්න වචනත් නෑ. පහුගිය මාස කීප‍ය ඇතුලෙ මොබිටෙල් Mobile BB අන්තිම චාටර් විදියට අල වුනා. දැනටත් තව තවත් අල වෙමින් තමයි තියෙන්නේ. දැන් සාමාන්‍ය ස්පීඩ් එක 30KBps - 20KBps විතර දක්වා අඩු වෙලා..

Gmail ලෝඩ් වෙන්නේ නෑ.. සයිට් එකකට යන්න බෑ. මේකෙ කස්ටම් care අක්කලාට අයියලාට මේ ගැන කිව්වොත් අඟේ තියෙන ලේ ටික පුච්ච ගන්නවාට වඩා වැඩි දෙයක් සිද්ධ වෙන්නේ නෑ. එක අතකට මේ BB කෙරුවාව ගැන කතා කරලා ඇති වැඩකුත් නෑ.. මේක ලංකාව ඒ නිසා ඔච්චර වත් speed එකක් තියෙන එක ලොකු දෙයක් කියලා හිත හදාගන්නවා . බලාගෙන යනකොට ජා ඇල ත් හෙනම ඩොටක් තමා. ADSL නෑ WiMax නෑ..

Twitter & Dialog

noreply@blogger.com (Thilina) — Sat, 03 Apr 2010 19:58:00 +0000

කස්ටිය කොහොමද ඉතින්..? කාලෙකට පස්සේ තමයි පෝස්ට් එකක් දාන්නේ... අද කියන්න යන දේ නං දැනටමත් ගොඩක් අය දන්නවත් ඇති. ඒත් ඔන්න ඔහේ මං ලියන්නංකෝ... දන්නවනේ ටුවිටරේ.. (twitter.com) ගොඩක් අය Facebook එක වගේම Twitter එකත් පාවිච්චි කරනවා නෙවැ. ගොඩක් අය ‍දැන් ටුවිටරේට ඇබ්බැහි වෙලා. (මාත් ඇතුළුව ) ගමන්ක් බිමනක් යනකොට මෙච්චර කල් කස්ටිය ටුවිටර් එකට සෙට් වුනේ තමන්ගේ Phone + net එකෙන්නේ. ඕං දැන් ලංකාවේ අයට SMS වලින් ටුවිටර් එකත් එක්ක සමිබන්ධ වෙන්න පුළුවන්. සේවාව දැනට නං ලැබෙන්නේ Dialog පාරිභෝගිකයන්ට විතරයි. GPRS නැති Nokia 1100 තියෙන එක්කෙනෙකුට වුනත් දැන් ගෙදර යන ගමන් ටුවිටර් updates දාන්න පුළුවන් .

මේ සේවය ඉස්සෙල්ලාම සක්‍රීය කරන්න ඕනේ. ඒකට ඉස්සෙල්ලාම ටුවිටරේට ගිහිල්ලා Settings > Mobile ගිහිල්ලා රට එහෙම තෝරලා තමන්ගේ ‍නොම්මරය ගහන්න ඕනේ. පස්සේ Start click කරන්න. එතකොටම පෝං කෑල්ල අරන් 40404 ට Go කියලා SMS එකක් යැව්වා නං වැඩේ ගොඩ. ටුවිටරේට යවන එක SMS එකකට රු 1.31 ක් කැපෙනවා කියලත් මතක තියාගන්න. ටුවිටර් අප්ඩේට් එකක් දානව නං අවශ්‍ය දේ phone එකේ කොටලා 40404 ට යැව්වා නං හරි.

වැඩි විස්තර වලට මෙතන & මෙතන කොටන්න.

මුද්දර

noreply@blogger.com (Thilina) — Sun, 21 Mar 2010 03:10:00 +0000

කස්ටිය කොහොමද ඉතින්..? මේ දවස් වල නං බ්ලොග් ලියවෙනවත් අඩුයි කියලා පරණ තැටියම දාලා අදත් පෝස්ට් එක පටන් ගන්නංකෝ. හික්.., ඉතින් මේ ළඟදී දවසක කාමරේ තිබ්බ පරණ පොත් ගොඩක් එහාට මෙහාට කරනකොට ඉස්කෝලෙ යන කාළේ ආසාවෙන් තියාගෙන හිටපු දෙයක් හම්බවුනා. ඒ තමයි මගේ මුද්දර එකතු කරපු පොත. හැමොම වගේ මේ මුද්දර එකතු කිරීම කරලා ඇති. ඉස්කොලේ 6 - 7 වසර වලදී තමයි මේ මුද්දර එකතු කිරීමේ උණ ගොඩක් උත්සන්න වුනේ. හැමෝටම ඕනේ වුනේ අනිත් එකාගේ මුද්දර පොතේ තියෙන මුද්දර ගානට වඩා වැඩි මුද්දර ගානක් තමන්ගේ ‍මුද්දර පොතේ තියෙනවා දකින්නයි. එකම වර්ගයෙන් වැඩිපුර මුද්දර තියෙනවා නං එවා වෙන මුද්දරත් එක්ක හුවමාරු කරගැනීමත්. මුද්දර සල්ලි වලට විකිණිමත් ජයටම කෙරුණා . ඉතින් ඔහොම එකතු කරපු මුද්දර 300 - 400 කි විතර අද වෙනකොට ඉතුරු වෙලා තියෙනවා. 8 - 9 වසරට එනකොට මුද්දර එකතු කිරීම අමතක වෙලාම ගියා. අපේ ඉස්කෝලේ නං මුද්දර එකතු කරන්නන්ගේ සංගමය කියලා එකකුත් තිබ්බා වගේ යාන්තමට මතකයි.

මට වැඩ්පුරම ඕනෙ වුනේ Ceylon කියලා ගහපු මුද්දර එකතු කරන්න. ඒත් මට Ceylon කියලා ගහපු මුද්දර ලැබුනේ අත් දෙකේ ඇඟිලි ගානටත් අඩු ප්‍රමාණයක්. මේ තියෙන්නේ ‍මගේ මුද්දර පොතේ පිටුවක්.

මේ මුද්දර දෙක තමයි මං ගාව තියෙන වටිනම මුද්දර දෙක. මම දන්න හැටියට ඔය රතු පාට Tapping Rubber මුද්දරය ලංකාවේ පළවෙනියට ගසක පින්තූරයක් දාලා හදපු මුද්දරය. (මම වැරදි නං නිවැරදි කරන්න)

අපි exercise පොතක මේ මුද්දර ඇලෙව්වට මේකටම විශේෂයෙන් හදපු පොත් තියෙනවා. මෙතන කොටන්නකෝ වැඩි විස්තර වලට. ebay එකෙන් නං මේ stockbooks මිලදී ගන්න පුළුවන් . පුළුවන් වුනු කාලෙක stockbook එකක් අරගෙන මේ මුද්දර ටික එකට දාන්න ඕනේ..

මුද්දර එකතු කිරීම ගැන වැඩි විස්තර මෙතනින් ගන්න පුළුවන්.

Mobile Partner අල වීම

noreply@blogger.com (Thilina) — Sat, 27 Feb 2010 19:00:00 +0000

කස්ටිය කොහොමද ඉතින්..? දැන්නං බ්ලොග් ලියවෙන්නෙත් නෑ වගේ. මේක පටන්ගත්තු දවස් වල මසෙට post 10 - 12 ක් දැම්මත් දැන්න ඒක 2 - 3 ක් දක්වා අඩු වෙලා . බ්ලොග් ලියන්න වෙලාවක් නැති කම නං නෙවේ ලියන්න දෙයක් නෑ.. බිලොග් එකක් පටන් ගන්න ලේසි වුනත් ඒක දිගටම පවත්වාගෙන යන්න කොච්චර අමාරුද කියලා හිතෙන්නෙ මේ වෙලාවට තමා .

ලියන්නේ මොනවද කියලා පහුගිය දවස් ටිකේම කල්පනා කරනකොට අද උදේ මම අඳුරන අක්කා කෙනෙක් මට කෝල් එකක් දුන්නා. ඒ අක්කා අළුතෙන් ලැපක් සහ සුපිරි අධීවේගි මොබිටෙල් උපහාර අන්තර්ජාල සම්බන්ධතාවකුත් අරගෙන ඒත් පොඩි අලයක් තියෙනවලු. අලේ තමා මොඩම් එක (Huawei E156G) Detect නොකිරීම. අනුන්ගේ කොම්පියුටර් හදන්න ගිහිල්ලා මම ඕනේ තරං පරිප්පු කාලා තිබුණත් අළුත්ම ලැප නිසා වැ‍ඩේ භාරගත්තා . ඔන්න ඒ අක්කා අළුත්ම ලැපත් උස්සාගෙන අපේ ගෙදර ආවා. ආසාවේ බෑ... කිරි කිරි ලැප.. හැබැයි ඒක celeron CPU එකක්, OS එක Genuine Windows 7 Home Basic 64bit තියෙන ලැපක්.

පස්සේ මමත් ඉතින් මොකද වෙලා තියෙන්නේ කියලා බැලුවා. මොඩම් එක plug කළාම මොඩම් එකේ Software එක CD Rom එක විදියට detect කරනවා ඇරෙන්න, මොඩම් එකක් විදියට detect කරන්නේ නෑ. ඒ අක්කා Mobile Partner එක Install කරන්න ගිහිල්ලා වැඩේ අල කරගෙන වගේ . ඉතින් මම Mobitel Partner එක අයින් කරලා ආයෙත් Install කරලා බැලුවා. එත් සිද්ධිය එකයි. Dvice Manager එකට ගිහිල්ලා බැලුවත් එතනත් මොඩමය නෑ. scan for hardware changes click කරලත් බැලුවා. කිසිම සද්දයක් නෑ . පස්සේ system restore කරන්න බැලුවම last restore point එක තියෙන්නෙත් සෑහෙන දවසකට කලින් එකක්. ඒ අදහසත් අත්ඇරලා මගේ මැසිමෙන් Google දෙයියන්ගේ උදව් පැතුවා. මෙන්න තියෙනවා උත්තරේ.., ඉතින් මේකෙ තියන විදිය කළාම ගානට මොඩම් එක Mobile Partner එකෙන් detect කරලා Signal එහෙම ආවා . අන්තර්ජාලය කොච්චර හොඳද කියලා හිතෙන්නේ මේ වෙලාවට තමා.

පස්සේ ලැපෙන් නෙට් ගිහිල්ලා, Windows Update කරලා, Avast Anti virus එකයි, VLC, Fire Fox, Skype, Office 2007 හොර කොපියකුත් දාලා (Open Office එපා කිව්වනේ ), Unicode ගැන විස්තරේකුත් කියලා ඒ අක්කව පිටත් කළා. සුපුරුදු පරිදි ස්තූතියක් හම්බවුනා . මේ කෙ‍නුත් අළුත් දෙයක් ඉගෙන ගත්තා + අළුත්ම ලැපක් පැය 2 ක් විතර පාවිච්චි කරන්න පුළුවන් වුනා. මොබිටෙල් එකේ සුපිරි බව නිසා Windows Update (~160MB) වෙන්නයි, අනෙක් Software බාන්නයි හිතුවට වඩා වෙලාවක් ගියා.

Bajaj Pulsar 135

noreply@blogger.com (Thilina) — Thu, 11 Feb 2010 01:23:00 +0000

කස්ටිය කොහොමද ඉතින්..? දන්නවනේ ඉතින් මම බයික් වලට මාර ආසයි නෙවැ . ඉතින් ලංකා‍වට එන අළුත් බයික් ගැන ටිකක් විතර සෙවිල්ලෙන් ඉන්නව. දැන් ලංකාවේ ගොඩක්ම තියෙන්නේ ඉන්දියන් බයික්නේ. ඒකෙනුත් Bajaj ඉදිරියෙන් ඉන්නව කියලා හිතෙනවා. මෙන්න දැන් Bajaj එකෙන් අළුත් බයික් එකක් ඇවිත් ඒ තමයි Pulsar 135 LS DTS-i. අළුත්ම කිව්වට මේක ඇවිල්ලා දැන් ටික දවසක් වෙනවා. ඒත් තාම ලංකාවේ නං නෑ. බයික් එකේ පෙනුම ගැන බැලුවොත් මේක ටිකක් විතර Bajaj XCD එකට සමානයි වගේ. engine එක ගැන බැලුවොත් 135cc 4 stroke, singal cylinder, 4 valve, 5 speed gearbox එකක් සහිත එන්ජින් එකක් තමයි තියෙන්නේ.

Pulsar 150, 180, 200 වල තියෙන ඉදිරිපස ‍disc brakes (240mm), LED tail lamp, සහ Digital speedometer, Nitrox shocks වගේ පහසුකම් තියෙනවා. දැනට තියෙන සාමාන්‍ය handlebar වලින් වෙනස්ව Pulsar 220 දී යොදාගෙන තිබුණු handlebar එකට සමාන handlebar එකක්ද නව Pulsar 135LS වලට අඩංගු කර තියෙනවා. කළු හා රතු වර්ණයෙන් ලබා ගැනීමටත් පුළුවන්. ලංකාවේ පෙට්රල් වල ගණනුත් වැඩි නිසා engine ධාරිතාව අඩු මේ Pulsar 135LS බයික් එක ලංකාවේ වඩාත් ජනප්‍රිය වෙයි කියලා හිතෙනවා.

වැඩි විස්තර ඕනේ නං මෙතන කොටන්න.

කොම්පියුටරය හා සෞඛ්‍ය

noreply@blogger.com (Thilina) — Wed, 03 Feb 2010 06:21:00 +0000

කස්ටිය කොහොමද ඉතින්..? හෆෝයි ජනවාරි මාසෙත් ගෙවිලා ඉවරයි, ඡන්ද උණුසුම හින්දා ඇඟටත් නොදැනිම ගෙවිලා ගියා කියලයි හිතෙන්නේ , දන්නවනේ මේ කාළේ කොම්පියුරෙයෙන් නොකරන්නේ මොනවද? නිවුස් බැලීමේ ඉඳලා රොකට් යවන එක දක්වා සේරම කරන්නේ කොම්පියුරයේ පිහිටෙන්. ගොඩක් අය දවස පුරාම කොමිපියුටරය ඉස්සරහා. මේ විදියට දවස තිස්සෙම කොමිපියුටරයත් එක්ක ඉන්නකොට අපිත් නොදැනිම අපිව ලෙඩ වෙන්න පුළුවන්.

සාමාන්‍යයෙන් ඉස්සෙල්ලාම ලෙඩ වෙන්නෙ ඇස්දෙක. ඊලඟට කොන්ද, බෙල්ල, වැලමිට, මැණික්කටුව, වගේ තැන් ටික ටික ලෙඩ දෙන්න පටන් ගන්නවා . ගොඩක් ‍ වෙලාවට වැරිදි විදියට කොම්පියුටරය ඉස්සරහ ඉන්නකොට තමයි මේ ආබාධ ‍වැඩි වෙන්නෙ. ඉතින් නිවැරදි විදියට කොමිපියුටරය ඉස්සරහ වාඩි වෙනව නං මේ ලෙඩ ටිකක් අඩු කරගන්න පුළුවන්. කොම්පියුටරය හා ඇස්දෙක ගැන ගොඩක් අය ලියලා තියෙන නිසා මම ඒගැන නොලියා ඉන්නම්. ඊලඟට වැඩියෙන්ම ලෙඩ වෙන්නෙ ‍බෙල්ල සහ කොන්ද. කොම්පියටරයේ තියෙන සමහර පොඩි අකුරු කියවනකොට මොනිටරය පැත්තට නැමෙන්නෙ නැතුව, කොමිපියුටරය ලඟ වාඩි වෙනකොට කොන්ද හොඳින් පුටු ඇන්දට ‍හේත්තු කරගෙ ඉන්නව නං කොන්දෙ අමාරු අඩුකරගන්න පුළුවන්. මොනිටරය ඇස් මට්ටමේ තියාගත්තොත් බෙල්ලෙ ඇතිවෙන අමාරු ගොඩක් වෙලාවට අඩුකරගන්න පුළුවන්. ලොකු පොත් කීපයක් තියලා මොනිටරේ ලේසියෙන්ම තමන්ගෙ ඇස් මට්ටමට උස්සලා ගන්න පුළුවන් .

ඊලඟට මැණීක් කටුව. අපි දවසකට mouse clicks කීයක් කරනව කියලා හිතනවද? clicks 1000 කට වැඩිය කරනවා . (කස්ටියටත් තමන් දවසකට clicks කොච්චර කරනවද කියලා බලන්න කැමති නං මෙන්න පොඩි ටූල් එකක් තියෙවා බාගන්න Workrave වින්ඩොස්, ලිනක්ස් දෙකටම) ඉතින් මේ clicks තොගය කරන්න මවුස් එක එහාට මෙහාට කරන කොට වගේම ටයිප් කරනකොටත් මැණික් කටුව වැරදි ඉරියව්වකින් තියාගෙන හිටියොත් වැඩි කාලයක් යන්න කලින් මැණික් කටුව ලෙඩ දෙන්න පටන් ගන්නවා. හැකි තරම් මැණික් කටුව නමන්නේ නැතුව, කෙලින් තබා ගත්තොත් ගොඩක් ආබාධ අඩු කරගන්න පුළුවන්. ඉතින් දවස තිස්සෙම කොම්පියුටරයට එබී‍ගෙන ඉන්නෙ නැතුව පොඩ්ඩක් ජිම් එකකට එහෙම ගිහිල්ලා ව්‍යායාම ටිකක් කරන්න පුළුවන් නං තමන්ගේ ශරීර සෞඛ්‍යයට හොඳ වෙයි .

2009 දී අන්තර්ජාලය

noreply@blogger.com (Thilina) — Sat, 23 Jan 2010 15:18:00 +0000

කස්ටිය කොහොමද ඉතින්..? හෆෝයි සෑහෙන දවසකට පස්සේ තමයි පෝස්ට් එකක් දාන්නේ.. මේ දවස් වල වැඩ වැඩ වැඩ.. අනෙක ලියන්න දේකුත් නෑ. මේ දවස් වල ඡන්දෙනේ.. ඉතින් ඡන්ද ඇඩ් දාන්නෙත් නෙට් එකේ youtube ගියත් වෙන සයිට් එකකට ගියත් ඡන්ද ඇඩ්. ඉතින් නෙට් එක අපිට කොච්චර සමීපද කියලා හිතෙනවා ඉතින් පහුගිය 2009 අවුරුද්දෙ අන්තර්ජාලය කොහොමද තිබුනේ කියලා බැලුවොත් ඇත්තටම පුදුම හිතෙනවා.

පහුගිය අවුරුද්දේ බිලියන 1.4 ක කස්ටියක් විසින් emails ට්‍රිලියන 90 (90 trillion) ක් හුවමාරු කරගෙන තිබෙනවා. ඒ කියන්නේ දවසකට emails බිලියන 247 ක් විතර හුවමාරු වෙනවා. මේ emails වලින් 81% ක්ම ස්පෑම්.. කොච්චර bandwidth එකක් නාස්ති කරලා තියෙනවාද කියලා හිතලා බලන්න . ඒවගේම 2009 දී අළුත් email user ලා මිලියන 100 ක් අන්තර්ජාලට එකතු වෙලා තියෙනවා.

web sites ගැන කතා කළොත් මිලියන 243 ක වෙබ් සයිට් ප්‍රමාණයක් 2009 දෙසැම්බර් වෙනකොට තිබිලා තියෙනවා. 2009 දී අළුත් වෙබි සයිට් මිලියන 47 ක් පමණ අන්තර්ජාලයට එකතු වෙලා. මිලියන 126 ක blog සයිට් ප්‍රමාණයකුත් අන්තර්ජාලයේ තියෙනවා. Domain Names ගැන බැලුවොත් මිලියන 81.8 ක .com Domains සහ මිලියන 76.3 ක country code top-level domains (අර .lk වගේ ඩොමේන්ස් ) 2009 අන්තිම වෙනකොට අන්තර්ජාලයේ තිබිලා තියෙනවා.

අන්තර්ජාලය භාවිතා කරන පිරිස බැලුවොත් බිලියන 1.7 ක පිරිසක් 2009 සැප්තැම්බර් වෙනකොට අන්තර්ජාලට භාවිතා කරනවා. 42% ක වැඩිම පිරිසක් සිටින්නේ ආසියාවේ.

ලංකාවේ සිටින හොර ISP ලා 2010 අවුරුද්දේ දී වත් වඩා හොඳ සේවයක් සැපයුවොත් අපිට තවත් අන්තර්ජාලයෙන් ඵල ප්‍රයෝජන ගන්න පුළුවන් වෙයි

වැඩි විස්තර බලන්න මෙතන කොටන්න