Community Of Tanzanians in Ukraine.. CTU

Serikali yawakemea Mengi na Rostam

2009-05-12T18:11:00.000+03:00

SERIKALI imetoa tamko rasmi kubeza malumbano yaliyoibuka hivi karibuni kati ya Mwenyekiti Mtendaji wa makampuni ya IPP, Reginald Mengi na mfanyabiashara mwenzake, Mbunge wa Igunga, Rostam Aziz (CCM).

Akizungumza na waandishi wa habari jijini Dar es Salaam jana, Naibu Waziri wa Habari, Utamaduni na Michezo, Joel Bendera, alisema serikali inawataka Mengi na Rostam, kuacha mara moja malumbano yao kupitia vyombo vyao vya habari wanavyovimiliki na badala yake wawasilishe madai na vielelezo vyao kwa mamlaka husika ili hatua zinazofaa zichukuliwe.

Akisoma tamko hilo lililosainiwa na Waziri wa wizara hiyo, Kapteni mstaafu George Mkuchika, aliyeko Busanda, wilayani Geita, mkoani Mwanza, kwa ajili ya kampeni za uchaguzi mdogo, alisema uchunguzi walioufanya na vyombo vya dola, umebaini kuwa Rostam na Mengi, wamekiuka sheria kwa kutumia vyombo vyao vibaya na wanaweza kuligawa taifa.

“Serikali imetafakari kwa makini malumbano ya wafanyabiashara hawa na kubaini kuwa wanalipeleka taifa pabaya, kwani malumbano yao yanaweza kuligawa taifa na kutishia uvunjifu wa amani, kama yataachwa yaendelee.

“Serikali imebaini kuwa malumbano ya Mengi na Rostam, yamewagawa wananchi katika makundi mawili, ya wale wanaounga mkono kauli za Rostam na wanaomuunga mkono Mengi,” alisema Naibu Waziri Bendera.

Bendera alienda mbali kwa kusema kuwa malumbano hayo, yamesababisha kuwapo kwa matumizi mabaya ya vyombo vya habari vinavyomilikiwa na Mengi (redio, magazeti na televisheni), na Rostam, ametumia vibaya magazeti yake, kwa manufaa binafsi, kinyume cha maelekezo ya sera ya habari na utangazaji ya mwaka 2003.

“Sera ya habari ya mwaka 2003, imekataza chombo cha habari kutumika kwa manufaa binafsi ya mmiliki au mtendaji, bali kitumike kwa manufaa ya umma, chombo cha habari kiongozwe na maadili ya taaluma na jamii husika na chombo cha habari kisitangaze habari kwa misingi ya ubaguzi wa rangi, kabila, dini, jinsia, au ulemavu au kuchochea uhasama.

“Kwa hali hiyo, malumbano ya Rostam na Mengi yakiachwa yaendelee, yanaweza kulitumbukiza taifa pabaya katika uvunjaji wa amani,” alisema.

Alionya kuwa serikali haitakubali kusikia malumbano ya Rostam na Mengi, ambayo yanaweza kuhatarisha hali ya utulivu na amani nchini yakiendelea bila sababu za msingi.

“Serikali pia haitavumilia kuona vyombo vya habari nchini vikichangia kuligawa taifa katika makundi na kudumaza maendeleo,” alisema.

Aliwataka Rostam na Mengi, kukumbuka kuwa malumbano yao kwa kutumia vyombo vyao vya habari na wakati mwingine kuonekana kana kwamba wanalihutubia taifa, ni kutowatendea haki watu wengine ama kampuni au mashirika ambayo yametajwa katika malumbano hayo lakini hawana vyombo binafsi.

“Hawa wengine wameonewa, hawana vyombo vya habari, unanitaja mimi Bendera, sina gazeti, nitatumia nini kuzungumzia? Nitajielezea wapi kama walivyotumia Rostam na Mengi?” alihoji Bendera.

Naibu waziri huyo alizidi kueleza kuwa serikali inasikitishwa na kitendo cha Mengi cha kuzungumzia kesi ambazo tayari zipo mahakamani wakati sheria za nchi zinakataza mtu, watu, kuzungumzia ama kujadili suala ambalo lipo mahakamani, kwani kufanya hivyo ni sawa na kuwahukumu na kuwatia hatiani wahusika bila wao kupewa fursa ya kujitetea au kusikilizwa.

“Serikali inawataka wahariri na wanahabari kwa ujumla kuwa makini katika kutimiza wajibu wao kwa weledi na kuzingatia maadili ya taaluma yao badala ya kuandika au kutangaza kulingana na matakwa ya wamiliki wa chombo husika,” alisema.

Hata hivyo Naibu Waziri hakuweza kujibu maswali ya wanahabari kwani kila alipoulizwa swali, alitoa majibu ya mkato na kudai kuwa huo ndio msimamo wa serikali na taarifa yake inajitosheleza.

“Hii taarifa ni msahafu tosha, kila kitu kipo hapa, someni mstari kwa msitari, tumefanya uchunguzi wa kitaalamu,” alianza kuwaeleza waandishi wa habari kabla ya kuuliza maswali.

Alipoulizwa kuhusu uhalali wa Televisheni ya Taifa (TBC1) kurusha kipindi maalumu cha Rostam, wakati alitumia nafasi hiyo pia kumsema Mengi kwamba alitumia kituo chake cha ITV vibaya, Bendera aliruka kwa kusema hiyo si kazi yake, bali ya Bodi ya TBC1 na ndio wanaopaswa kuulizwa na kujibu swali hilo.

“Mimi si msemaji wa TBC1, kuna Tido na bodi yake, kawaulize kama Rostam alikuwa sahihi au alikosea,” alisema waziri huyo kwa ufupi.

Alienda mbali zaidi na kusema kuwa kuanzia sasa serikali haitasita kuchukua hatua za kisheria dhidi ya wamiliki wa vyombo vya habari ambao hawatazingatia sheria ya magazeti ya mwaka 1976 na sheria ya utangazaji ya mwaka 2003 katika kutekeleza kazi zao za kukusanya na kusambaza habari.

Alipoulizwa ni kwanini serikali isitunge sheria ya kukataza viongozi wa umma, kama wabunge kumiliki vyombo vya habari, alisema serikali haijachelewa bado kwani inaweza kufanya hivyo ikiona inafaa.

Tamko hilo la serikali kupitia wizara hiyo limekuja wakati yalishatolewa matamko mengine mawili kwa nyakati tofauti na viongozi wa juu wa serikali.

Waziri Mkuu, Mizengo Pinda, alikwisha kutoa msimamo wa serikali alipokuwa akijibu maswali ya papo kwa papo mjini Dodoma wakati wa mkutano wa 15, akiwataka waliokashifiwa na Mengi kwenda mahakamani, huku vyombo husika vikichunguza tuhuma hizo.

Mbali na Pinda, Waziri wa Nchi, Ofisi ya Rais (Utawala Bora), Sofia Simba, alishatoa msimamo wa serikali, kwa kusema Mengi amechemka kuwataja wenzake mafisadi papa, kwani hana mamlaka ya kufanya hivyo.

Hata hivyo, Waziri Bendera alisema kauli aliyoitoa ndio msimamo unaotambuliwa na serikali na si vinginevyo.

“Nimesema, msemaji wa serikali ni mimi, wizara yangu ndiyo yenye mamlaka ya kuzungumzia lolote linaloigusa serikali, taarifa yangu ndiyo inayopaswa kuzingatiwa,” alisema huku akionyesha karatasi zake juu na kuongeza kuwa:

“Hii ndiyo taarifa ya serikali, waziri wangu yupo makini, tunakwenda kwa data (takwimu), tuna watu weledi na wataalamu, vingine hatuvitambui,” alisema.

Pia naibu waziri hakuweza kuwaeleza wanahabari sababu za kuzungumzia suala hilo, hasa la kuchafuana kati ya wafanyabiashara hao wawili, wakati tayari walishapelekana mahakamani kwa kesi hiyo hiyo, na kudai kuwa serikali haikurupuki na haijachelewa kutoa tamko lake.

“Serikali haikurupuki, na haifanyi kazi kwa kuendeshwa na watu, haijachelewa kutoa tamko hili,” alisema naibu waziri bila kufafanua.

Aidha, swali jingine ambalo waziri hakutaka kulijibu ni lile lililohusu tuhuma za ufisadi zilizowahi kutolewa na Katibu Mkuu wa Chama cha Demokrasia na Maendeleo (CHADEMA), Dk. Wilibrod Slaa, aliyetaja majina ya watu 11, mwaka 2007.

Swali hilo lilitaka kujua kwanini serikali haikutoa tamko badala yake ikawachunguza kimya kimya watuhumiwa na baadhi yao kufikishwa mahakamani, lakini kwanini tuhuma alizotoa Mengi zinapaswa kutolewa vielelezo na ushahidi?

Tuachane na mambo ya zamani, tuangalie yaliyopo leo,” alimalizia Waziri Bendera na kuondoka huku waandishi wa habari wakinung’unika kwa baadhi ya maswali yao ya msingi kutopewa majibu ya kuridhisha.

Wakati serikali ikitoa tamko lake jana, tayari Mengi amekwisha kumshitaki Rostam kwa kumkashifu, akitaka amlipe sh bilioni 10, huku Rostam akiwa amepeleka vielelezo vyake dhidi ya Mengi katika Taasisi ya Kuzuia na Kupambana na Rushwa (TAKUKURU), wakati Manji amekimbilia Mamlaka ya Mawasiliano Tanzania (TCRA) na Mahakama ya Kisutu, akilalamika kukashifiwa na anadai kulipwa fidia ya sh moja.

Naibu waziri alihitimisha kwa kusema kuwa serikali kwa mara nyingine inasisitiza kuwa malumbano dhidi ya ufisadi na vitendo vya rushwa bado yanaendelea na inawahimiza wananchi wenye taarifa za vitendo kama hivyo watoe taarifa kwenye vyombo vya dola.

Malumbano hayo yalianza pale Mengi alipoitisha mkutano na waandishi wa habari na kuwataja wafanyabiashara watano wenye asili ya Kiasia kuwa ni ‘mafisadi papa’, wanaolifilisi taifa.

Mengi aliwatuhumu wafanyabiashara wenye asili ya Kiasia, Jeet Patel, Rostam Aziz, Yusuf Manji, Subhash Patel, na Tanil Sumaiya kuwa ni mafisadi papa wanaoliibia taifa mabilioni ya fedha.

Mbunge wa Igunga, Rostam, ndiye alikuwa wa kwanza kujibu tuhuma hizo, lakini naye alimtuhumu Mengi kuwa ni fisadi nyangumi kwa kumhusisha na kukopa fedha za Mpango wa Kusaidia Wafanyabiashara - Commodity Import Support (CIS).

Juzi mfanyabiashara mwingine Shubhash Patel, aliyetuhumiwa na Mengi kuwa miongoni mwa mafisadi papa, alijitokeza na kudai kuwa Mengi amemkashifu, lakini hajaamua endapo atakwenda mahakamani.

Source: Tanzania Daima

Lupe Fiasco fears Mount Kilimanjaro Climb

2009-05-12T10:51:00.001+03:00

In an effort to bring awareness to the worldwide water crisis, Chicago lyricist Lupe Fiasco has confirmed plans to ascend Tanzania’s Mount Kilimanjaro. Fiasco was recruited for the stunt by Ethiopian pop singer Kenna, whose father nearly perished as a child due to a lack of clean drinking water.

“My dad almost died as a child from waterborne diseases in Ethiopia, and he had talked to me about digging a well there,” Kenna explained to Elle Magazine. “I thought, 'I have too many friends who would be concerned with the subject of clean water.’ Maybe I can help out.”

Mount Kilimanjaro boasts the highest peak on the African continent at 19, 330 feet. Most routes to the top of the mountain take a maximum of 6 to 7 days. Although the voyage is a popular retreat amongst climbers, the journey is not without its dangers.

An estimated 10 people die every year attempting to climb Kilimanjaro. The majority of the fatalities are due to altitude sickness, which can cause swelling of the brain tissue (high altitude cerebral edema).

Despite the risks for a novice climber, Fiasco plans to make the event a light-hearted competition with his friend Kenna. “I'm an adventure junkie,” Fiasco stated. “Part of the motivation is beating Kenna to the top. Sabotaging his tent, taking the lining out of his coat, [and] lacing it with ants or something like that.”

Along with Kenna and Fiasco, pop superstar Justin Timberlake is expected to participate. The Mount Kilimanjaro charity climb is scheduled to take place this Fall.

At press time, Lupe’s anticipated third studio album Lasers is due out in June 2009.

Source: SwahiliRemix

'Muuaji' asimulia walivyomchinja albino

2009-05-12T10:12:00.002+03:00

JESHI la Polisi wilayani Bariadi mkoani Shinyanga kwa kushirikiana na wanannchi wa kijiji cha Mkingwabie, wamefanikiwa kukamata kichwa na miguu miwili iliyonyofolewa kwenye mwili wa albino, Bw. Lyaku Nkanyabilu (50), aliyeuawa kikatili mjini hapo na kuzikwa mwishoni mwa wiki iliyopita.

Viungo hivyo vilipatikana jana nyumbani kwa Bw. Mbonje Mawe (41), mkazi wa kijiji hicho na Majira ilishuhudia polisi wakishirikiana na wananchi kufukua kichwa cha marehemu Nkanyabilu nyumbani kwa mtuhumiwa wa mauaji.

Baada ya kufukuliwa kichwa hicho, Bw. Mawe aliongoza kundi la polisi na wananchi hao kwenda sehemu iliyokuwa imefukiwa miguu ya albino huyo ambapo ilifukuliwa ikiwa imefungwa na gunia.

Bw. Mawe alikiri kushiriki mauaji hayo na kuwataja wenzake sita anaodai kushirikiana nao, akiwemo Mwenyekiti wa kijiji hicho, pamoja na wenyeviti wawili wa vitongoji. Alisema walikuwa na nia ya kuuza viungo hivyo kwa wateja ambao walikuwa wakiwasiliana.

Akisimulia tukio zima lilivyokuwa, Bw. Mawe alidai siku ya tukio akiwa na wenzake sita, walipanga kumuua Bw. Nkanyabilu kwa kushirikiana na shemeji yake, Bw. Sayi Gamani.

Alidai Bw. Gamani alimdanganya Bw. Nkanyabilu kuwa anampeleka hospitali kumtibu maradhi yaliyokuwa yakimsumbua kabla ya kushirikiana kumkamata na kwenda kumuua.

"Ilipofika saa saba usiku, tulimkamata Bw. Lyaku (Nkanyabilu) na kumpeleka mtoni, tulipofika huko tulimlazimisha kuingiza kichwa kwenye maji hadi alipokufa, tukamchinja, tukamkata miguu na baada ya hapo, tukaiingiza viungo hivyo kwenye gunia moja na mwili wake kwenye gunia lingine na kutumbukiza mwili wake kwenye maji," alidai.

Alidai baada ya hapo, walibeba kichwa na miguu na walishauriana waviweke nyumbani kwake (kwa Bw. Mawe) wasubiri wateja hao ambao walikuwa wakiwasiliana nao kutoka Mwanza mjini, Lamadi na Kahama

Mkuu wa Polisi wilayani Bariadi, Mrakibu wa Polisi, Bw. Paul Kasabago, akiwa eneo la tukio alisema kupatikana kwa viungo hivyo kumetokana na ushirikiano mkubwa wa wanakijiji hicho ambao aliwashukuru kwa kuonesha ushirikiano wa dhati na ulizi shirikishi.

Aliwataja wanaoshukiwa na Polisi kuhusika katika tukio hilo kuwa ni Mwenyekiti wa kijiji hicho, Bw. Chenyenye Kishiwa (64), Bw. Sayi Gamanya (47), Bw. Gumbu Nzige (48), Bw. Mboji Mawe (48), Bw. Sayi Mafize (32) na Bw. Salum Mshamamba (52). Wote ni wakazi wa Mkingwabie.

Naye Anneth Kagenda anaripoti kuwa Mkurugenzi Mtendaji wa Shirika la Walemavu la Haki za Kisheria na Maendeleo, Bw. Gidion Mandesi, jana jijini Dar es Salaam alisema Serikali imeshindwa kudhibiti mauaji ya albino yanayoendelea.

"Serikali inataka kutuambia imani za kishirikina zimeanza wakati huu, mbona hata zamani zilikuwapo na (albino) walikuwepo mpaka wamezeeka hawa kuuawa kama ilivyo sasa," alisema Bw. Mandesi.

Bw. Mandesi alishauri serikali itumie raslimali zake kuwakusanya maalbino na waganga wa jadi, ili wajadili jinsi ya kukomesha mauaji hayo.

Naye Gladness Mboma, anaripoti kuwa Kitengo cha Makosa Dhidi ya Wanadamu kimewanasa zaidi ya watu 57 wakiwemo waganga wa jadi, wafanyabiashara wa madini na wavuvi na kuwafungulia mashtaka ya kuhusika na mauaji ya albino katika maeneo mbalimbali nchini.

Mdhibiti Mkuu wa Kitengo hicho, Bibi. Sidney Mkumbi, alisema hayo juzi wakati alipokuwa akiojiwa katika kipindi cha kipima joto kilichorushwa na kituo cha televisheni cha ITV.

Bi. Mkumbi alisema watuhumiwa hao walikamatwa katika mikoa sita baada ya polisi kufanya msako mkali dhidi ya wahusika wa vitendo hivyo na kwamba wengi wa watuhumiwa hao wanatoka katika mikoa ya kanda ya ziwa ikiwemo Mwanza, Shinyanga, Mara, Kigoma, Kagera na Mbeya.

"Watu wengi wanadhani sisi hatufanyi kazi dhidi ya matukio haya ya kikatili, juhudi zipo na mafanikio yake ni kukamatwa kwa watu zaidi ya 57 wakiwemo wafanyabiashara 13 miongoni mwao watano walikutwa na viungo vya binadamu ambavyo havijathibitishwa kama ni vya albino au la," alisema.

Source:Majira

Arsenal Charii!, Yabugizwa 4-1 na Chelsea Emirates.

2009-05-10T23:59:00.001+03:00

Timu ya Arsenal imepewa kipigo cha nguvu ambacho hawakukitegemea toka kwa Chelsea kwenye uwanja wao wa Emirates baada ya kukubali kubugia magoli 4-1.
Timu zote mbili ziliingia uwanjani leo zikiwa na majeraha ya kutupwa nje ya kombe la mabingwa wa ulaya katikati ya wiki iliyopita.

Uzoefu katika soka ulidhirika kuwa ni muhimu sana baada ya vijana wa Arsene Wenger kutawala dakika zote 45 za kipindi cha kwanza lakini mwishoni mwa kipindi hicho Arsenal ilikuwa tayari imeishabugia mabao mawili.

Chelsea waliwashtua wenyeji wao kwa mabao mawili ya haraka haraka katika kipindi cha kwanza kupitia kwa Alex na Kolo Toure na kuifanya Chelsea iende mapumziko ikiwa kifua mbele kwa mabao 2-0.

Dakika nne baada ya kuanza kwa kipindi cha pili jahazi la Arsenal lilizidi kuzama baada ya beki wake Kolo Toure kuizawadia Chelsea goli la tatu katika dakika ya 49 kwa kuuzamisha nyavuni kwake mpira wa krosi iliyochongwa na Asheley Cole.

Nicklas Bendtner aliifungia Arsenal goli la kufutia machozi katika dakika ya 70 kabla ya Malouda kuhitimisha karamu ya magoli ya Chelsea katika dakika ya 86.

Chelsea kwa ushindi wa leo imejihakikishia nafasi ya tatu katika msimamo wa ligi ya Uingereza.

Katika mechi nyingine iliyochezwa leo, Manchester United imekinyakua tena kiti chake cha uongozi wa ligi baada ya kuwagaragaza mahasimu wao Manchester City kwa mabao 2-0.

Baada ya Kumtosa Chris Brown, Rihanna Amrudia Mpenzi wake wa Utotoni.

2009-05-10T23:58:00.001+03:00

Rihanna mwenye umri wa miaka 21 alikuwa akitoka na Negus Sealy ambaye sasa ana umri wa miaka 24 kabla hajamtosa alipokuwa maarufu.

Taarifa za udaku zilisema kwamba wapenzi hao wa zamani wameamua kuyakumbukia mapenzi yao baada ya Rihanna kuachana na Chris Brown ambaye alimshambulia.

Sealy ametajwa kama ndiye mtu anayemliwaza Rihana na kuwa bega la kulilia la Rihanna baada ya kuvunjwa moyo wake na Chris Brown ambaye alimshambulia na kumjeruhi usoni.

Chanzo hicho cha udaku kililiambia gazeti la News of the World la Uingereza: 'Sealy ndio sehemu ya kujiliwaza ya Rihanna, ni kijana mtanashati, mwenye busara na mpole".

"Mademu wote wanamzimia na kumuita 'mtaalamu wa mapenzi' alikuwa akionekana na Rihanna kabla Rihanna hajawa maarufu".

Wapenzi hao walionekana wakila raha katika ufukwe mmoja katika kisiwa cha Barbados ambapo Rihanna alikuwa amevaa bikini nyeusi na kofia vilivyomkaa vilivyo na kumfanya aonekane 'Hot'.

Rihanna inasemekana kwa jinsi alivyojitosa mzima mzima kwa Sealy huwaambia rafiki zake na familia yake kwamba mapenzi yake na Chris Brown yatabakia kuwa historia.

Chris Brown alipandishwa kizimbani jijini Los Angeles mwezi na alikataa madai ya kufanya shambulizi, akipatikana na hatia anaweza akapewa kifungo cha hadi miaka mitano jela.

Jacob Zuma Amchagua Mke Mkubwa Kwenye Kuapishwa Kwake.

2009-05-10T23:51:00.002+03:00

Jacob Zuma akiambatana na mke wake mkubwa Sizakele Khumalo katika kuapishwa kwake
Jacob Zuma ameapishwa kuwa rais wa nne wa Afrika Kusini akipewa kampani na chaguo lake la kwanza katika wake zake watatu, mke wake mkubwa Sizakele Khumalo huku wake zake wadogo wakiangalia tukio hilo kwa mbali kwenye jukwaa la VIP.
Kwa viongozi wengine huenda wasingehitaji kufikiria sana ni nani wa kuambatana naye katika tukio muhimu kama hili lakini Jacob Zuma alikuwa na wakati mgumu wa kumchagua mke wake mmoja ambaye atapewa heshima ya kiserikali katika tukio hilo la kihistoria la kuapishwa kuwa rais wa Afrika Kusini.

Vyombo vya habari vya Afrika Kusini kwa miezi kadhaa vilikuwa na shauku kubwa ya kufahamu mke yupi wa Zuma kati ya wake zake watatu angepata nafasi hiyo muhimu na ya kihistoria.

Alikuwa ni mke wake mkubwa Sizakele Khumalo aliyepata nafasi ya kupata heshima hiyo na kupanda na mumewe kwenye jukwaa kumpa kampani katika tukio hilo muhimu.

Bi Khumalo alimshuhudia mumewe akipiga magoti mbele ya Nelson Mandela kama heshima kwa mzee Mandela.

Wake wengine wawili wa Zuma waliachwa wamesimama pamoja kwenye sehemu ya wageni VIP wakishuhudia kwa mbali tukio hilo.

Katika hotuba yake baada ya kuapishwa mbele ya watu elfu 30 waliohudhuria sherehe hizo, Rais Zuma aliahidi kufuata nyayo za kiongozi wa zamani Nelson Mandela katika kuliongoza taifa hilo.

Chama cha African National Congress, ANC kilipata ushindi mkubwa katika uchaguzi uliofanyika tarehe 22 mwezi Aprili.

Kiongozi huyo wa chama cha ANC mwenye umri wa miaka 67 alikabiliwa na kashfa za ubakaji na rushwa mashtaka ambayo yalitupwa nje na mahakama muda mfupi kabla ya uchaguzi kufanyika.

Sherehe hizo zilihudhuriwa na viongozi wengine wa mataifa mbali mbali kama vile Kiongozi wa Libya Muammar Kadhaffi na Rais wa Zimbabwe Robert Mugabe.

Madaraja mikopo Elimu ya Juu kuongezwa

2009-04-27T15:20:00.000+03:00

KUANZIA mwaka ujao wa fedha Serikali itaongeza madaraja ya mikopo kwa wanafunzi wa vyuo vya elimu ya juu nchini kutoka matano ya sasa na kufikia 11

Akizungumza na wahariri wa vyombo vya habari ofisini kwake Dar es Salaam jana, Waziri Mkuu Bw. Mizengo pinda alisema hatua hiyo imelenga kutoa nafasi zaidi kwa wanafunzi kupata elimu chini ya utaratibu huo.

Alisema utaratibu wa sasa uligawa makundi hayo katika madaraja matano ambapo Kundi la A lilipewa mkopo wa aslimia 100, Kundi B asilimia 80, Kundi C asilimia 60, Kundi D asilimia 40 na Kundi E asilimia 20.

Kunzia mwaka ujao wa fedha, 2009/10 Serikali itaongeza madaraja hayo ambapo kundi A litapata mkopo wa asilimia 100, Kundi B asilimia 90, Kundi C asilimia 80, Kundi D asilimia 70, Kundi E asilimia 60, Kundi F asilimia 50, Kundi G asilimia 40, Kundi H asilimia 30, Kundi I asilimia 20,Kundi J asilimia 10 Kundi J asilimia 0.

Bw. Pinda alisema Serikali itajitahidi kusimamia utaratibu huo ili kuhakikisha hauleti manung'uniko kwa wananchi.

"Tutazingatia mambo mengi ikiwa ni pamoja na hali ya mwombaji, wazazi , shughuli za kiuchumi , mali za mwombaji, wazazi, hali ya maisha ya mwombaji na hali ya kijamii ya mwombaji" alisema.

Alisema pamoja na nia njema ya Serikali kutahakikisha wanafunzi wote wenye sifa wanapata elimu ya juu chini ya utaratibu huo, bado kuna ugumu wa kutoa mikopo wa asilimia 100 kwa kila wanafunzi kutokana na matatizo ya kiuchumi.

Hata hivyo alisema sera ya uchangiaji elimu ya juu si mbaya na kuwataka wenye uwezo kuitekeleza ili kutoa nafasi kwa wanafunzi wengine kupata elimu.

Akizungumzia madai ya mishahara ya walimu alisema Serikali imejitahidi kwa kiasi kikubwa kulipa madai hayo na kuahidi kuendelea kutekeleza jambo hilo hilo.

Hata hivyo alisema yamejitokeza mambo yanayochangia ulipaji madai mbalimbali ya walimu na kuyataja kuwa ni pamoja na kukosekana kwa nyaraka na viambatanisho vingine, vyeti vya ndoa na watoto, fomu za likizo, barua za uhamisho na vibali vya waajiri, vivuli vya risiti, udanganyifu wa kughushi.

Alisema Serikali itaendelea kulipa madeni hayo na kukubaliana na hoja inayotolewa na walimu kuwa matatizo yao mengine yamechangiwa na idara hiyo kuwekwa katika mamlaka mbalimbali.

Akizungumzia matokeo ya kidato na sita aliwataka walimu waliochelewesha taarifa za alama za majaribio ya wanafunzi kuhakikisha wanatekeleza jambo hilo haraka vinginevyo watachukuliwa hatua stahiki.

Hali ya chakula

Alisema taarifa zilizopo zinaonesha kuwa hali ya chakula nchi si nzuri na kuwataka wananchi kutunza chakula na kueleza kuwa Serikali itaendelea kudhibiti uuuzaji chakula nje ya nchi.

Alisema tatizo hilo limechangiwa na baadhi ya mikoa nchini kukosa mvua za vuli na hivi sasa Serikali inafanya utaratibu kusambaza mbegu mazao ya muda mfupi yanayostahimili ukame, mihogo na viazi.

Alitaaja baadhi ya mikoa yenye nafuu ya chakula kuwa ni pamoja na Kigoma , Rukwa Mbeya, Iringa , Morogoro, Dodoma, Singida, Manyara na Tabora.

Mikoa inayokabiliwa na upungufu mkubwa wa chakula ni pamoja na Pwani, Lindi, Mtwara na Dar es Salaam.

Alisema mtikisiko wa uchumi duniani umeathiri bei ya zao la pamba katika soko la dunia hata hivyo alisema bei za mazao mengine kama sukari, tumbaku, korosho,chai pareto zimeendelea kuwa nzuri.

Happy Muungano Day

2009-04-26T10:47:00.002+03:00

CTU inawatakieni sherehe njema ya miaka 45 ya Muungano kati ya Tanganyika na Zanzibar.

Chid Benz kupumzishwa na 20 kali

2009-04-25T15:21:00.003+03:00

KABLA ya kupumzika kujishughulisha na muziki wa kizazi kipya, Chid Benz amesema atatoa nyimbo zaidi ya 20 zitakazoweza kufanya vizuri hata baada ya hatua yake hiyo
Akizungumza na mtandao huu mapema wiki hii, Chid alisema kuwa kabla ya kuachana na muziki kwa lengo la kufanya mambo yake ya kifamilia anatarajia nyimbo hizo zitakuwemo katika albamu yake mpya ambayo ataizindua Mei mwaka huu.

Chid alisema kuwa licha ya kujiweka katika mapumziko ya mambo ya muziki, ana uhakika wa kuendelea kusikika katika vyombo vya habari kwa kipindi kirefu kutokana na ubora wa nyimbo zitakazokuwa zikitoka kila wakati.

“Nina nyimbo zaidi ya 20 ambazo naziandaa, hata kama nikiachana na muziki kwa kipindi cha miaka kumi lakini nina uhakika wa nyimbo zangu kutesa katika vituo mbalimbali vya redio na luninga kutokana na ubora na ujumbe uliomo ndani yake,” alisema Chid.

Mbali ya kutingwa na masuala ya kifamilia, Chid anatarajiwa kukitumia kipindi cha mapumziko yake kwa kujiendeleza kielimu kutokana na elimu aliyonayo kutokidhi mahitaji.

Rais Obama Akimbizwa Mafichoni baada Ndege Mbili Kutinga Anga ya Ikulu

2009-04-25T15:18:00.001+03:00

Rais Barack Obama na makamu wake Biden walichukuliwa na kufichwa mafichoni ndani ya ikulu ya Marekani kwa kipindi kifupi baada ya ndege mbili ndogo kukatiza mipaka na
kuingia kwenye anga ya ikulu jijini Washington.
Maafisa wa ulinzi ndani ya White House waliwaondoa watalii na watu wote waliokuwa nje ya majengo ya ikulu.

Ndege zote mbili zilivunja mipaka ya anga iliyowekwa karibu na ikulu na kukatiza katika eneo ambalo ndege huwa haziruhusiwi kupita.

Hatua hiyo ilileta hofu na kukumbushia mkasa wa septemba 11 mwaka 2001 ambapo ndege za magaidi ziligonga jengo la Pentagon, majengo ya World Trade towers jijini New York na ndege moja kudondoka kwenye viwanja vya Pennsylvania.

Rais Obama na makamu wake wa rais Biden walifichwa kwa muda katika maficho ambayo msemaji wa White House Robert Gibbs hakutaka kuyataja.

Gibbs alisema kwamba tukio hilo lilikuwa la muda mfupi sana na Obama na watu waliokuwemo ndani ya ikulu waliendelea na kazi zao baada ya ndege hizo kuonekana sio tishio na kuondolewa maeneo ya ikulu.

Helikopta mbili za ulinzi na ndege mbili za kijeshi Air Force F-16 zilitumwa kuziongoza ndege hizo kuelekea nje ya mipaka ya anga ambayo ndege zingine huwa haziruhusiwi kupita.

Taarifa zilisema kwamba marubani wa ndege hizo mbili walikuwa hawajuani na walikuwa wakielekea sehemu tofauti.

Jacob Zuma juu zaidi

2009-04-25T15:15:00.000+03:00

Sasa ni miujiza tu itamfanya Jacob Zuma wa chama tawala cha African National Congress (ANC), asiingie ikulu ya Afrika Kusini kama rais wa nne mweusi wa taifa hilo lenya nguvu kubwa za kiuchumi barani Afrika, baada ya ushindi wa kishindo aliokwisha kujikusanyia.

Katika kura zilizokwisha kutangazwa si tu kwamba Zuma maarufu kwa jina la JZ anaongoza kwa mbali, bali anaelekea kupata ushindi wa zaidi ya theluthi mbili ya kura, tofauti na makadirio ya awali.

ANC ina zaidi ya kura milioni 12 ambazo zimeshahesabiwa, ambayo ni sawa na asilimia 67.2.

Chama cha Democratic Alliance (DA) kinashikilia nafasi ya pili kwa kupata asilimia 16 na Chama kipya cha Congress of the People (Cope), kilichojimega kutoka ANC kwa ghadhabu za kuenguliwa madarakani Rais Thabo Mbeki, kina asilimia 7.6.

Matokeo kutoka maeneo yanayokaliwa na weusi wengi, ikiwemo Soweto bado yanasubiriwa. Matokeo ya mwisho yanatarajiwa kutangazwa leo.

Matokeo hayo yanaipa ANC theluthi mbili ya kura zote, Lakini ilikuwa mbele kwenye majimbo manane kati ya tisa nchini. Asilimia 80 ya waliotarajiwa kupiga kura walijitokeza kupiga kura Jumatano wiki hii.

Usiku wa kuamkia jana, Mwenyekiti wa ANC, JZ, aliueleza umati wa wafuasi wake kuwa ushindi huo ni imani ya wananchi kwa chama chao. JZ aliungana na maelfu ya wafusi wa ANC kusherehekea mjini Johannesburg ushindi wa chama hicho ambao unamsimika kuwa rais wa taifa lenye uchumi na ushawishi mkubwa kidiplomasia duniani.

JZ bingwa wa kuhasisha umma, alikuwa akicheza na kuimba wimbo maalum uliokuwa ukitumika wakati wa ukombozi kutoka kwa makaburu wa 'nipe silaha yangu'.

``Chama hiki ni tembo. Huwezi kushindana na tembo,`` alisema JZ akishangiliwa na wafuasi wa ANC, waliojipamba na mavazi ya rangi za njano, kijani na nyeusi.

``Huhitaji theluthi mbili kuongoza nchi. Unahitaji utashi wa kisiasa kufanya hivyo,`` alisema msemaji wa ANC, Jessie Duarte.

Wabunge wamuunga Mengi mkono dhidi ya...

2009-04-25T15:14:00.000+03:00

Mbunge wa Karatu (Chadema), Dk. Wilibrod Slaa, amepongeza hatua ya Mwenyekiti Mtendaji wa IPP, Reginald Mengi, kuwataja kwa majina hadharani, watu wanaotuhumiwa kwa ufisadi akisema ni ujasiri ambao wananchi wengi wenye uchungu na nchi wanapaswa kufuata nyayo hizo.

Akizungumza na Nipashe nje ya viwanja vya Bunge hapa mjini Dodoma jana, Dk. Slaa alisema: ``Nina gazeti hapa (la Nipashe), lakini sijalisoma kwa undani na hivyo siwezi kutoa maoni yangu kwa undani sana.

Hata hivyo, kitendo tu cha kwenda hadharani na kuwataja watuhumiwa, ingawa sijui vyema ushahidi uliomfikisha hapo litakapokuja suala la uthibitisho mahakamani, ni ujasiri mkubwa sana ambao mimi nina upongeza.``

Dk. Slaa alisema majina aliyoyataja Mengi ni yale ambayo hata yeye anayajua kwamba yamebobea katika ufisadi.

``Majina haya si mageni. Ni yale yale ambayo yameshatajwa kila mara kuhusika na ufisadi,`` alisema.

Alipoulizwa kama hatua hiyo ni muhimu katika kupambana na ufisadi nchini, Dk. Slaa alijibu. ``Definitely (swadakta). Hiyo ni hatua muhimu sana katika kupambana na ufisadi.

Tunahitaji raia wengi kama Mengi wajitoe mhanga kupigania nchi yetu dhidi ya mafisadi ambayo katika siku za karibuni yalianza kutumia fedha kuanzisha magazeti na kuyatumia kwa lengo la kujisafisha.``

Naye Shoka Khamis Juma, Mbunge wa Micheweni (CUF) ambaye pia ni waziri kivuli wa Ofisi ya Rais anayeshughulikia utawala bora, alisema Mengi anatakiwa kuungwa mkono kwa gharama yoyote kwa sababu amefanya kile ambacho vyombo husika (polisi) wameshindwa kufanya.

Alisema kama mbunge anayehimiza utawala bora, sambamba na wabunge wengine wanaoamini katika hilo, wanamuunga mkono Mengi.

Alisema kundi la mafisadi-papa limekuwa likiwaumiza sana Watanzania kutokana na rushwa ambayo inawaongezea umaskini wananchi na kwamba hatua ya Mengi ni muhimu sana, kwani pia inachangia harakati za wabunge wa upinzani na wale wa CCM wanaochukia ufisadi katika kuindolea nchi tatizo hilo.

``Tusamaki tudogo tudogo nditwo tumekuwa tukitajwa (samaki wadogo wadogo ndio wamekuwa wakitajwa), lakini mapapa haya ndio hatari zaidi. Yanapaswa yatajwe hadharani na huu ndio uzalendo,`` alisema na kuongeza ``Hongera Mengi, sisi tutashirikiana nawe kupambana na ufisadi.``

Akiongea huku akiwa na wabunge wenzake watatu baada ya kumalizika kwa kipindi cha maswali na majibu, Mbunge Juma alisema, China inafanya maendeleo makubwa kwa sababu haina utani na mafisadi (kwani sheria zao hutoa adhabu ya kifo).

Alisema ukimya limekuwa si jambo la kusaidia na kilichokuwa kinatakiwa ni kuwataja watuhumiwa hadharani kama alivyofanya Mengi na kwamba hakuna sababu ya kuwaonea aibu mafisadi.

Akizungumza na waandishi wa habari jana jijini Dar es Salaam juzi, Mengi alisema nchi inapata matatizo mengi kutokana na rushwa kubwa kubwa zinazofanywa na mafisadi-papa.

``Mafisadi wote na hasa wale wanotuhumiwa kuwa mafisadi-papa ni lazima washughulikiwe, la sivyo watayumbusha na kutingisha nchi yetu. Ni lazima tuone sasa tumefika mahali pa kusema inatosha,`` alisema.

Aliwataja watuhumiwa watano kati ya aliyosema hawazidi 10 kuwa ni Rostam Aziz, Tanil Somaiya, Yusuf Manji, Jeetu Patel na Subash Patel.

Wamiliki wa ZE UTAMU Wasakwa na Jeshi la Polisi

2009-04-24T23:23:00.001+03:00

JESHI la Polisi nchini linawasaka wamiliki wa mtandao unaojulikana kama ZE UTAMU ambao unakwenda kinyume na maadili za Kitanzania.
Jeshi hilo limetowa tamko kuwa wapo kwenye mikakati mikali ya kubaini wamiliki na wanaoendesha mtandao huo kwa nia ya kuwatia hatiani kwa kile kinachodaiwa kuwa wanadhalilisha watu mbalimbali wakiwemo viongozi wa nchi.

Msemaji wa jeshi hilo amesema kuwa kutokana na vitendo vinavyofanywa na wamiliki wa mtandao huo Jeshi hili halitavumilia na limeamua kuwasaka moja kwa moja watu hao.

Amesema kuwa mtandao huo umekuwa ukitumia nafasi ya uhuru wa vyombo vya habari kwa kutoa picha mbalimbali za kudhalilisha na za ngono ikiwemo na kukashifu viongozi.

Amesema kuanzia jana Maofisa wa Polisi ikiwemo na Tume ya Uchunguzi wa Mawisiliano wanakutana kwa kujadili kwa kina suala hilo ikiwemo na kubaini wamiliki.

Amesema hatua iliyofikia ya mtandao huo kudhalilisha wananchi pia na kutotoa maadili mazuri kwa jamii vitendo hivyo havitavumiliwa na Jeshi hilo.

Pia baadhi ya wananchi waliyohojiwa na NIFAHAMISHE walisema kuwa hatua iliyochukuliwa na JEshi la Polisi ni la msingi kwa kuwa Mtandao huo ulikuwa unaweka picha za kipuuzi na fedheha kwa umma wa Watanzania.

“Tunaomba wasakwe haraka iwezekanavyo ili mkondo wa sheria ushike mahali pake kwa kuwakamata wote wanaojihusisha na mtandao huo”.

SALES, SALES,....

2009-04-23T16:56:00.001+03:00

" kwa wale watakao Computers,hasa haya ma Desk Top,wanaweza kuonana na mimi hapa Jipya shenko kwa maelezo zaidi,na sample zake nikiwa nazo hapa Atakara yarasha,bei ni chweeeeeeeeeeeeeeeeeeeeeeee na maelewano kwa undani,wafike bila kukosa.
kwa habari zaidi wasiliana nami kwa :+380 93 65 0 61 33,au geompa2@yahoo.com

Details Za PC:

Intel Pentiam 4 CPU, 736 @1.73GHz and 1.99GB RAM
Bado nzuri na inatumia Monitor origional yake ya Samsung.

Sababu Ya Kuuza:
Mimi muuzaji nimeamua kuuza sababu inaleta vumbi chumbani
sio ati sababu ni mbovu,lahasha!! imekosa nafasi so itajaa vumbi.

na kama kutakuwa na wadau wanaotaka Configurations zozote za Computer,hata kama ni hizo muziitazo Notebook,basi msisite pia kuuliza,kuna ma alwatani wanadalali pia"

Haya Mdau, DeskTop Computer (PC) inauzwa bei cheeee, changamkia ofa hiyo.-Reedz

Breaking News: Msiba Bakulina 12

2009-04-23T16:34:00.003+03:00

Mfanyakazi, Mlezi na Msaidizi wa Mkuu wa Hostel Namba 2, Mtaa Wa Bakulina, 12 almaarufu kama East Africa, Bi Luda, Ametutoka.
Habari Zaidi zitawajia Punde.

Jumuiya Afrika Mashariki: Ardhi itaendelea kuwa mali ya Watanzania

2009-04-23T12:17:00.004+03:00

SERIKALI inafanya juhudi za makusudi ili suala la ardhi lisijumuishwe kwenye makubaliano ya itifaki ya soko la pamoja la Afrika Mashariki na badala yake, sera na sheria za ndani ya nchi zinafanyiwa marekebisho kutokana na suala hilo kuwa nyeti.

Habari Zaidi Kong'oli Hapa.

Baada ya DECI: Upatu mwingine uitwao Masebe wanaswa

2009-04-23T11:21:00.001+03:00

Siku chache tu baada ya Waziri Mkuu Mizengo Pinda kutoa agizo la kufuatiliwa kwa taasisi nyingine za upatu haramu wa aina ya DECI ambao huwezesha watu kupanda na kuvuna mapesa kwa faida nono, hatimaye Jeshi la Polisi Jijini Dar limefanya kweli na kuinasa taasisi nyingine ya aina hiyo iitwayo Masebe Business Group.

Kwa mujibu wa taarifa za Kipolisi, taasisi hiyo iko pale Buguruni Jijini na kwamba hadi sasa, ina wanachama kibao ambao wamepanda mapesa yao kwa matarajio ya kuyavuna kwa faida nono.

Akizungumza na Alasiri leo asubuhi, Kamanda wa Polisi katika Kanda Maalum ya Dar Es Salaam, Suleiman Kova, amesema polisi wanaendelea na msako mkali dhidi ya taasisi za aina hiyo kama ilivyoagizwa na Waziri Mkuu Pinda wakati.....

Kwa Habari Zaidi Nenda Hapa.

Ukumbi wa Mijadala na Maongezi Yetu

2009-04-22T09:30:00.005+03:00

Habari!

Hii Ni Mojawapo Ya Mafanikio Kutoka Kwa Mmoja Wa Wenzetu Jijini Odessa, Katika Libeneke La Sheria.. Anasemaje....

" Jiunge nasi mtandaoni mijadala na maongezi forum aka ukumbi! tuweze kusikia hoja na mada zako mbalimbali, katika ulingo wowote uupendao kwa maisha ya yetu ya kila siku na jamii yetu!!

Jisikie huru kutumia uhuru wako wa kujieleza kikatiba na kidemokrasia kama mwananchi, msomi au mpenda maendeleo!

Karibu sana ! "

Reedz!

Welcome.

2009-04-21T00:18:00.002+03:00

Ndugu zangu nyote muishio nchini Ukraine, basi tumekianzisha chombo cha kufikishiana habari za kila siku zinazojili nchini Ukraine na nyumbani na ulimwenguni kwa ujumla.

Ikiwa hiki ni chombo chetu, basi tusisite kufikishiana habari kwa ujumla.
Ukiwa na habari yako usisite kuniandika na kunitumia kwa email yangu ..... solo6k@yahoo.co.uk

Natumaini chombo hiki kitapokelewa kwa mikono miwili na wanajamii wote wa Kitanzania nchini Ukraine.
Natanguliza Shukrani Zangu.