Musikaz blai

Musika munduaren inguruan

noreply@blogger.com (Sofía Santos) — Thu, 04 Jun 2009 17:16:00 +0000

Denok dakigu musika nazioarteko lengoaia dela. Horiek horrela, espero izatekoa da musikaren bitartez mundua elkarri eragitea.

Askotan musika kalean entzutea gustatzen zaigu eta gelditzen gara ondo ikusteko. Baina, munduko herrialde ezberdinetatik musika bera jo egingo balute aldi berean, zer izango litzateke? Hori erakusten digu "Concord Music Taldea-k.

Kontua ez da bakarrik musika ikastea baizik eta musikaz blaitzea eta gozatzea, eta holako moduan gauza pilo bat gehiago ikasiko dugu.

Hemen duzue bideo hau. Hitzak soberan daude, soilik GOZATU

Eta berri honekin "agur" esaten dizuet hurrengo kurtso arte. Azterketetan sorte on eta ondo pasa oporrak.

Iraila arte.

Ezagutzen dituzue konposagileak?

noreply@blogger.com (Sofía Santos) — Sat, 23 May 2009 04:04:00 +0000

Askotan entzuten dugu musika eta ezer ez dakigu bere konposagileei buruz eta askoz gutxiago zer garaietan dago kokatuta. Horregatik taula hau egitea pentsatu dut. Bertan agertzen diren garaiak eta dagozkien konposagileak. Horrez gain, kliklatzen baduzue konposagile bakoitzaren gainean bere bizitzari buruz gehiago ikasiko duzue eta bideo bat ikus dezakezue. Eta gauza bera garaiekin.

Garaiak	Konposagileak
Barrokoa	MONTEVERDI	J.S. BACH	VIVALDI	HAENDEL
Klasizismoa	BEETHOVEN	MOZART	HAYDN	CLEMENTI
Erromantizismoa	BRAHMS	SCHUBERT	CHOPIN	TCHAIKOVSKY
Nazionalismoa	ALBENIZ	SIBELIUS	SMETANA	MUSSORGSKY
Inpresionismoa	RAVEL	DEBUSSY	FALLA	DUKAS

Konposagileei buruz ikasten jarraitzeko egin dezakezue komikia honekin

Horrez gain, aurkeztuko dizkizuet bideo batzuk .... Haien hoberena Madrileko Arula Ikastetxeko DBHko ikasleek eginda izatea da. PLASTILINAZ EGINDAKO MUSIKAREN HISTORIA non ikusiko dugun zelan musika eboluzionatzen joan zen denboran zehar.

AUPA ATHLETIC

noreply@blogger.com (Sofía Santos) — Wed, 13 May 2009 05:29:00 +0000

Kopako finalean Bartzelonaren kontra lehiatzeko eguna da gaur. Bilbo hiriaren kolorea gorri-zuria da eta ikurrinaz beteta dago, neuk ere nirea balkoian jarri dut. Eta gure Athletic-ari aupatzeko denok bere himnoa abestuko dugu ilusioz, gogoz eta indarrez.

Baina himnoaren historia ezagutzen duzue? Badago himno batzuk, hala ere 3 izan dira ezagunenak, behintzat gure aitona-amonentzat.

Himno gorri-zuriaren ibilbidea gogora dezagun. Bere jatorria 1913. urtean dago Teresita Zazá kupletista ezagunak kuple bat aurkeztu zuenean. Kuple honen letra Alvaro de Retana-rena zen eta bere musika Gaspar de Aquino-k konposatua izan zen. Garai hartan kupleko doinuak arrakasta handia izan zuen eta holan hasten zen: “En Madrid está de moda/ la canción del Alirón/ y no hay nadie en los “madriles”/ que no sepa esta canción./Y las niñas ya no entregan/ a un galán su corazón/ si no sabe enamorarlas/ al compás del ¡Alirón!/ ¡Alirón, Alirón, pom, pom, pom !”. Baina egun hartan publikoak azken errepika aldatu zuen: “Empezando por Pichichi/ y terminando por Apón/ ¡Alirón, Alirón, el Athletic es campeón!”. Errepika horrek hainbeste ospe handia zuen non mantendu zen eta garai bakoitzari egokitu zen jokalarien arabera. Hartako abesti osoa ezagutu nahi baduzue hemen duzue letra

1913ko HIMNOA
Geroago, 20. hamarkada inguruan, badirudi Gallartako musika bandako zuzendariak Beobide maisuaren biribilketa bat gehitu zuela: "Altza gastiak!", gaur egungo himnoaren oinarria dena. Himnoak letra ofiziala ez zuenez herrian abesten zen “Al Athletic como era vasco,/ todos le tenían asco/ ahora que es campeón/ ¡todos le piden perdón !”. Eta biribilketarekin jarraitzen zen "¡Athletic, Athletic,/ nadie te puede ganar!" esaldiarekin amaitzeko.
50. hamarkadaren hasieran beste himno berri bat agindu zioten Timoteo de Urrengoetxea musikariari, nor Goyo Nadal-ekin elkartu zen musikari letra jartzeko, eta "Bilbainada"rako letrak konposatzen zituenak letra asmatu zuen. Bien artean arrakasta handia izan zuen himnoa konposatu zuten: "Tiene Bilbao un gran tesoro..." Letra jakiteko kliklatu hurrengo loturan.

1950ko HIMNOA

1983an, Pedro Aurtenetxe Athletic-ko lehendakariari bururatu zitzaion Beobidek egindako himnoari aldaketa batzuk egitea, jokalari txapeldunak gabarran egongo zirenean, itsasadarra zeharkatzen, abesteko.

Gure gaur egungo himnoa ATHLETIC GORRI TA ZURIA...

Eta hemen daukazue PARTITURA

Horrez gain, interesgarria iruditu zait hurrengo bideoa jartzea.

COOPERA ONG-en bitartez Athletic Klubak kirol materiala bidali zien Lwiroko umeei, Kongoan, eta umeek Athletic Himnoa abestuz ezkerrak eman zizkioten.

Beste himno ezagun bat Kepa Junkerak egindakoa da "Harrobiaz harro"

ORKESTRA HARRIGARRIAK

noreply@blogger.com (Sofía Santos) — Thu, 07 May 2009 20:09:00 +0000

Kontzertu batera zoaztenean, zer espero duzue entzutea?

XVII. mendean, Barrokoan, orkestra musika-tresnen talde aldakorra zen, instrumentuen aukeraketa momentu eta leku zehatz batean zeuden musikarien menpe zegoelako.

XVIII. mendean orkestraren estandarizazioa hasi zen eta musika-tresnak apurka-apurka partituran idazten joan ziren. 1750. eta 1800. urteak bitartean orkestra sinfonikoa gotortzen da eta garatuko da bai musika-tresnen kopuruan bai euren kalitatean hobekuntza teknikoengatik.

XIX. mendean bultzada handia orkestrari eman ziona BEETHOVEN izan zen, eta posibilitate instrumentalaren mugara eraman zuen orkestra.

XX. mendean ikertzeko eta esperimentatzeko garaia izan zen. Sonoritate berriak bilatu ziren tinbreekin jolastuz, eta musika-tresnen posibilitate berriak ustiatu ziren arreta handiago ematen perkusioari.

- Hau guztiari buruz aurki dezakezue ORKESTRA hitzaren gainean kliklaten baduzue -

Gaur egun betiko orkestrari alternatiba ezberdinak aurki ditzakegu. Hauek dira orkestra kuriosoak eta harrigarriak. Hementxe bertan bideo batzuk dituzue. Gehien gustatzen zaizkidanak utzi dizkizuet eta espero dut zuek goza ditzazuen.

Bideo gehiago ikusteko

orkestra harrigarriak

Egun zoriontsua amatxo

noreply@blogger.com (Sofía Santos) — Sun, 03 May 2009 02:34:00 +0000

Musika komunikatzeko da. Alaia, tristea, arina, lasaia, gogorra, suabea... , musikak sentimenduak transmititzen ditu. Gainera hitzekin lagundua badoa bere zentzua askoz biziagoa da.

Gaur amatxuren eguna da, horrexegatik musika hau konpartitu nahi dut amatxuekin. Oso espeziala eta ederra, musika hau entzuteko eta ezer ez esateko da.

Sergéi Prokófiev

noreply@blogger.com (Sofía Santos) — Sat, 02 May 2009 19:19:00 +0000

Lehengo egunean, nire seme-alabekin "Peru eta Otsoa" musika-lanari buruz hitz egiten nengoenean, datorren larunbataren kontzerturako haiek prestatzeko asmoz, nire semeak galdetu zidan ea Prokofiev nor zen. Orduan konturatu nintzen, bai, musika eta istorioa ezagutzen zituztela, baina konposagilea ez.
Momentu hartan bere historioa kontatu nien eta pentsatu nuen zuei kontatzea ona izango zela.

SERGÉI PROKÓFIEV Errusian jaio zen 1891. urtean. 1917an, handik joan behar izan zuen 1936an bueltatzeko. Urte horretan bertan ipuin musikal hau konposatu zuen, narratzaile eta orkestrarako ipuin bat non hitza musikaren menpe dagoen.
Ipuin honekin, umeek musika-tresnak ezberdintzen ikas zezaten nahi zuen eta musika klasikora hurbiltzea modu dibertigarrian.

Prokófiev-ek, txikitatik musikarako talentu handia irakatsi zuen eta jada, 1902an, musika-lan batzuk aurkeztu zituen. Bere lan ezagunenaren artean dauzkagu "El amor de las tres naranjas" opera (1921) eta "Alejandro Nevski" (1938an Sergéi Eisenstein-en filmerako konposatuta).

Bera Moskun hil zen 1953. urtean.

Bai "Peru eta Otsoa" obraren pertsonaien aurkezpena eta istoriaren zati bat, bai "El amor de las tres naranjas" obraren pasarte bat, aurki ditzakezue MUSIKAZ GOZATZEKO atalean (eskuineko zutabean). Hauek eta beste pasarte batzuk.

EZ AHAZTU! Pasa den astean esan nizuen: datorren larunbatean Peru eta otsoa egongo dira Euskalduna Jauregian. Eta, non dago jauregi hau? Ba Bilbon. Hemen dekozue mapa bat ondo aurkitzeko.

Joan eta gozatu

tagzaniapaste
josnek map

MUSIKAREN OSAGAIAK

noreply@blogger.com (Sofía Santos) — Thu, 30 Apr 2009 21:41:00 +0000

Zuetariko askok klasean ikasi duzue musikaren osagaiak zeintzuk diren, jakina, melodia, armonia, erritmoa... testura eta forma ezberdinak sortuz. Azken bi osagai hauek agian institutora joan arte, Bigarren Hezkuntzan, ez zarete ikasten hasiko. Halere, zuen neba-arreba nagusiei web-orri interesgarri hau ikustea primeran etorriko zaie, zeren kontzeptu hauek ikasi ahal izango dituzten.

"Los elementos de la música" orri bikaina da, Andaluziako Mateo Alemán institutoko musika departamenduak egindakoa, non dena ondo azalduta agertzen den bideo eta adibide musikalekin lotuta.

Zuei gomendatzen dizuet ere bai, klasean ikasitakoa hobeto ulertuko duzue eta gauza berriak ikasiko dituzuelako.

Bestalde, Magisteritza Eskolako kideei, musika ikasten dutenei, ondo datorkiela ziur nago, hortaz halaber haiei ere gomendatu nahi nuke web-orri hau

"LOS ELEMENTOS DE LA MUSICA"

Dena dela, hemen uzten dizkizuet adibide batzuk hau guztia osatzeko:

-Lehenengo eta behin "b-vocal" taldearen bideo bat. Bertan "Carolina" abestia interpretatuz musikaren osagaiei buruz eskola ona ematen digu.

- Ematen dizuet ere bai mapa kontzeptual baten beste lotura bat kontzeptuak ondo ulertzeko.

musika lengoaia

- Lehen hezkuntzako lehenengo mailakoentzat beste ikasleek egindako powerpoint batzuk, soinuaren ezaugarriaz direnak (oso garrantzitsua musikaren elementuak ulertzeko)

Iraupena Tinbrea Intentsitatea

- Nagusientzat testura ez melodikoaren adibide hau

Artikulation - Ligeti (musika elektronikoa)

Ligeti - Artikulation
by tonicadominante

Peru eta Otsoa Euskalduna Jauregian

noreply@blogger.com (Sofía Santos) — Sat, 25 Apr 2009 21:22:00 +0000

Bilbao Orkestra Sinfonikoa 1984-1985 Denboraldian hasi zen kontzertu didaktikoak sartzen bere jardueren barruan. Urte hauetan, gazteei denbora eta espazio jakin bat eskaintzeko konpromisoa hartu du BOSek. 2008-2009 denboraldi honetan, kontzertuak aste barruan eta eskola-orduetan dira. Modu horretan, ikastetxeek aukera gehiago dute ikasleak kontzertu didaktikoetara joan daitezen.

Gainera, 2004an, BOSek konturatu zen urrats bat gehiago eman behar zela: gazteenek gurasoekin batera gozatu behar zuten musikaz. Gauzak horrela, helburu hori lortuta, BOSen Kontzertuak Familian ekimenaren xede nagusia beteko da: denbora eta espazio bat eskaintzea, familia osoak batera goza dezan musika klasikoarekin.

Bi aste barru, Maiatzaren 9an, Per-Poc txotxongilo konpainia izango da Euskalduna Jauregian Sergei Prokofiev-en “Peru eta Otsoa” egiteko. Nik sarrerak badauzkat nire seme-alabekin joateko eta gauza bera egitera aholkatzen dizuet. Ipuina ezagutzen duzue eta ziur aski musika ere bai. Gosea pizteko eta zuei animatzeko hemen duzue bideo bat.

ANIMA ZAITEZTE!

Informazio gehiago

Klasiko handiak marrazki bizidunetan

noreply@blogger.com (Sofía Santos) — Thu, 23 Apr 2009 21:40:00 +0000

Gogoratzen duzuenez, pasa den astean bideo hauek ikustea proposatu nizuen eta astero bideo berri bat jarriko nuela esan nuen. Aurrekoa BACH-ena izan zen eta aste honetan bi proposatu dizkizuet, bata MOZART-en "Gaueko Musika" da eta bestea TCHAIKOVSKY-ren "Cascanueces"- Mirlitonen dantza.

------

Dena dela, aurkitu ahal dituzue eskuineko zutabeko "KLASIKO HANDIAK TXIKITXUENTZAT" atalean. Han kokatzen joango naiz bideoak.

"Ume guztiek talentua dute..." Suzuki

noreply@blogger.com (Sofía Santos) — Fri, 17 Apr 2009 20:43:00 +0000

Umeen heziketan musika oso garrantzitsua dela argi dago, horrexegatik guk -maisu eta maistrok, eta gurasook- bultzatu, bideratu eta hobetu behar dugu.

"Ume guztiek nahi dutena egiteko gaitasuna dute" - zion Suzuki-k-

edo "Musika bizitzaren lehen premia bat da" - zion Kodaly-k. Holako esaldiak entzutea oso ondo dator eta gozamen bat da.

XX. mendean musika pedagogoek ideia handiak utzi zizkiguten, eta orain ideia horiek gogoratzea ondo legoke. Pedagogo hauek metodo ezberdinak sortu zituzten umeen ikaskuntzarako musikaren munduan eta irakasleek bai gurasoek ezagutu behar ditugu. Horretarako "solohijos.com" web-orriaren lotura uzten dizuet, non Musika Ikaskuntzaren Metodoei buruzko artikulu bat aurki dezakezuen, bertan Kodaly, Dalcroze, Segarra, Orff eta Suzuki-ren metodoen oinarrizko printzipioak laburtzen dira.

Bestalde, badago beste blog bat, "MUSIKARITZA" izenekoa, non aurki dezakezuen beste artikulu bat Suzuki-ren metodoaz. Gainera blog hau haurraren garapen prozesuan musikak duen garrantzia kontuan hartzen dugunontzat oso egokia da eta musika lantzeko baliabide eta materialak aurkezten ditu.

INTERNET, ikaste eta irakasteko modu berria

noreply@blogger.com (Sofía Santos) — Thu, 16 Apr 2009 16:01:00 +0000

Gaur egun denok dakigu Internet zer den eta zertarako balio duen. Hala ere, teknologiak oso arin aurreratzen dira eta, gero eta gehiago beraien erabilerak aldatuz doaz.

Agian, begiratu batean, artikulu hau ez zaizue hainbeste interesatzen, baina ziur aski zuen gurasoei bai. Dena dela, 3. zikloan zaudetenoi ondo datorkizue irakurtzea, batez ere Internet erabiltzen duzue zuen denbora, argazkiak, e.a. besteekin konpartitzeko Chat-ak edo foroak erabiliz, edota informazioa ateratzeko bilatzailaren baten bitartez.

Baina, Internet-ek gauza gehiago egiteko balio du.
Noizbait gogoeta egin duzue nola ikas daiteken interneten bidez? Gero eta irakasle gehiago erabiltzen hasi dira klasean emandako edukiak osatzeko, edo ikasleekin beste informazio batzuk konpartitzeko, eta baita ere ikasleen lanak kokatzeko eta partekatzeko. Gaur egungo oinarrizko materia EZAGUTZA da. Orain ezagutza kontsumitzeaz gain, sortzen, kudeatzen eta banatzen da.

Ezagutzaren gizartean, ezagutzaren administrazioa eta ezagutzaren elkarrekintza oso garrantzitsuak dira. Gure alfabetatze digitala eta gure Web-aren erabilera markatzen ari dira etorkizuna: etengabeko formakuntza da.

Zertan datza, zer dakar eta ikasteko orduan zer suposatzen da Internet. Hau guztia azaltzeko mapa kontzeptual bat egin dut non holako kontzeptuak nolabait argitzen saiatu naizen. Ondo ikusteko irudiaren gainean kliklatu.

Mapa hau egiteko oinarritu naiz 2008an ospatutako III. Hezkuntzaren gaineko berbaldietan ("Eskolaren erronka berriak"). Zehazki, Ikasketa Prozesuaren Erronka Ezagutzaren Gizartean izeneko kapituluan, Carlos Castaño-k eta Inmakulada Maiz-ek idatzitakoa.

EMAKUMEA MUSIKAN

noreply@blogger.com (Sofía Santos) — Wed, 15 Apr 2009 10:18:00 +0000

Lehengo egunean web-orri bat aurkitu nuen, nire aurreko "Emakume konposagile"-ei buruzko artikuluarekin erlazio handia duena. Gogoratzen duzue?. Web-orri hau oso interesgarria da, batez ere 3. zikloko ikasleentzat, eta baita ere gai honetan interesa dutenentzat, noski. Interesgarria, bai, eta beste alde batetik, garrantzitsua. Zergatik? Musikaren munduan emakumeak ahaztu handiak izan direla eta, mundu honetan emakumeen rola kontuan hartu behar delako.

Nire asmoa gai horri buruz hausnartzea da eta horretarako web-orri honetan sartzea proposatzen dizuet. A.J. Ortega Bernal-en lan bikaina da eta Musika eta konposizioaren munduetako emakumeei eskainita dago. Ortega Bernal-ek Musikaren historiaren garai bakoitzetik ibilbide bat egiten du eta gaiari buruzko iharduerekin osatzen du.

Hurrengo loturan aurki dezakezue lan bikain hori. Zure gustokoa izatea espero dut eta orain irudiaren gainean kliklatu eta ikasi.

KLASIKO HANDIAK TXIKITXUENTZAT

noreply@blogger.com (Sofía Santos) — Mon, 13 Apr 2009 05:47:00 +0000

Egun hauetan Aste Santuko oporretan gaude eta momentu ona da musika entzuteko lagunekin dibertitzeaz gain.

Horrexegatik proposatzen dizuet bideo hauek entzutea (eta bai! ikustea!). Klasiko Handiak marrazki bizidunetan. Oso bideo politak dira eta baita laburrak ere, non musika-lan klasikoak marrazki bizidunen bidez adierazten diren. Txikitxuentzat modu ezin hobea da musikazale bihurtzeko. Leo Delibes, Erik Satie, Tchaikovsky, Saint-Saëns, Bach, Bartok, e.a. Astiro-astiro ikusten eta entzuten joango zarete.

Gaurdanik, eta hurrengo astean, bideo hauen bat jarriko dizuet. Hortaz, hemen daukazue lehenengoa: J.S. BACH - Suite No. 1 Sol M (preludio)

Musika eta Artea

noreply@blogger.com (Sofía Santos) — Sat, 11 Apr 2009 01:31:00 +0000

Gaur aurkeztuko dizuet blog interesgarri bat. Blog hau arte garaikideari buruz ari da eta jakin-mina handia duzuenentzat da. Aurkeztuko dizuet nirearekin nolabait erlazionatuta dagoelako.

Esan dudanez, Artearen inguruko gaiak ikus ditzakezue blog honetan, eta badakizuenez Musika Artearen barruan dago. Izanez, pasa den mendean konposagile askok euren musika lanak arte lan bihurtu zituzten, batez ere FLUXUS mugimenduaren barruan. Adibidez, John Cage konpoagileak Nam June Paik artistarekin lan egin zuen "performance" egiten. Blog honetan horri buruz asko ikasi ahal duzue.

Eta nola deitzen da blog hori? TXIRULIKLIK, ARTEA BETI. Kliklatu bere irudiaren gainean hara joateko eta, ondo pasa!

Flauta, betiko musika-tresna

noreply@blogger.com (Sofía Santos) — Fri, 03 Apr 2009 00:40:00 +0000

Flauta gozoa, antzinako instrumentu bat da. Oso ezaguna Erdi Aroan Barrokoaren hondarreraino, apurka-apurka bere erabilera murrizten joan zen orkestra klasikoaren garapenagatik, zeren eta orkestrak gero eta instrumentu ozen gehiago zeukan.

XX. mendetik aurrera, flauta museoetatik itzultzen da. Alde batetik, Errenazimendu eta Barroko garaiko musika jatorrizko instrumentuekin interpretatzearen interesagatik, eta bestetik, flautaren posibilitate pedagogikoagatik, eskoletan flauta erabiltzen hasten da musika irakasteko tresna bezala. Azken honek, zabalkuntza mundiala emango zion flautari.

Flautari buruzko alderdi ezberdinak ezagutzeko interesa baduzue (nolakoa da, nola jotzen da, bere historioa eta eboluzioa, e.a.), eskuineko zutabean loturak aurkituko dituzue, nik zuentzat bereziki prestatutako informazioa dutenak.

ITSASO-ORGANOA

noreply@blogger.com (Sofía Santos) — Thu, 26 Mar 2009 15:28:00 +0000

Zadarko itsaertzean, Kroazian, itsaso-organoa dago. Agian inoiz ez duzue haren entzuera baina han dago, 2005. urtean Nikola Basic arkitektoak sortutakoa.

Harrizko eskalinaten azpian 35 hodi eraiki zituzten, eta hodi bakoitzak bere muturretan irekidura bat du.

Itsasoaren mugimenduak hodietan haizea bultzatzen du, eta olatuaren tamaina eta abiaduraren arabera akorde ezberdinak sortzen dira. Horrelako akordeak zorizkoak dira, Naturak sortutakoak.

Turista asko joaten dira entzutera eta paregabeko kontzertuaren interpretatzaile bihurtzen dira.

Noizean behin kontzertu hori entzuteko han esertzea gustatuko litzaizuekela ziur nago. Badakit ez dela gauza bera baina... agian, gogo asko badaukazue, zuen desioa beteko da eta entzun dezakezue hurrengo loturetan klikatzen baduzue.

Itsaso-organoa entzun nahi dut edo Youtube-n ikusi nahi dut

Figura musikalek Pachebel-en kanona adierazten dute

noreply@blogger.com (Sofía Santos) — Sun, 22 Mar 2009 23:13:00 +0000

Hau da orain dela bi urte Barbara Posadak egin zuen bideo bat. Neska hau Asturiaseko Rosario de Acuña institutoan zegoen Batxillergoko 2. maila ikasten, eta badirudi bere momentu libreetan holako gauzak ordenagailuan egiteko aprobetxatzen zuela.

Hau adibide bat da nola musika eta imajinak erabil daitezken ikusteko.

Emakume konposagileak

noreply@blogger.com (Sofía Santos) — Sun, 08 Mar 2009 22:56:00 +0000

Badakizuenez, gaur Emakumeen Nazioarteko Eguna ospatzen da. Hori dela eta, Musikaren munduan emakumearen rola azpimarratzea gustatuko litzaidake. Ezagutzen ditugu abeslari nagusiak, besteak beste Monserrat Caballé edo Ainhoa Arteta, besteak beste. Badaude ere biolinjoleak, pianojoleak.... baina ezagutzen al duzue konposagileren bat?

Aurten batzuen jaiotzeko urteurrena ospatzen da.

Elisabeth-Claude Jacquet de la Guerre orain dela 350 urte jaio zen konposagilea izan zen.

(Frantzia, 1665-1729)

Grazyna Bacewicz beste konposagile bat izan zen, orain dela 100 urte jaio zena. Bere obra nahiko handia da.

(Polonia, 1909-1969)

Gainera, jakitea gustatuko zaizue Getxon urtero "Mujeres en la música" jaialdia ospatzen dela. Aurten XIX. jaialdia izango da (maiatzaren 8, 9 eta 10an). Eta bertan, bizi direnen zein bizi ez direnen lanak entzuteko dira, esaterako Sofía Gubaidulina, Zuriñe Fernández Guerenabarrena, eta baita ere Fanny Mendelssohn edo Clara Schumann, besteak beste.

Informazio gehiago aurki dezakezue web orri honetan:

http://www.mujeresenlamusica.blogspot.com/

Musika eta janaria

noreply@blogger.com (Sofía Santos) — Wed, 25 Feb 2009 11:13:00 +0000

Bideo hau aurkitu dut Youtube-n. Musika eta janariarekin jolastu, zergatik ez?

On egin.