Mensaxe nunha botella

Botella ao mar

noreply@blogger.com (Xoán) — Mon, 30 Jun 2008 14:41:00 +0000

Con este mesmo título iniciamos este caderno e con el o pechamos cando moitos dos alumnos e alumnas que o abriron están a punto de comezar os seus estudos na Universidade, e as Técnicas de expresión escrita desaparecen do currículo de Secundaria. Grazas a tod@s polo aprendido.

Xavier Alcalá e Andrés Dobarro

noreply@blogger.com (Xoán) — Wed, 04 Jun 2008 18:24:00 +0000

Efectivamente, como dixo Xavier, hai moitas maneiras de iniciarse na literatura.

Voz: Andrés Dobarro.
Letra: Xavier Alcalá.

Versión de Ugia Pedreira __________

Obradoiro literario con Xavier Alcalá

noreply@blogger.com (Xoán) — Fri, 02 May 2008 21:05:00 +0000

Un grupo de alumnos e alumnas de 3º de ESO participará nos próximos días nun obradoiro literario impartido por Xavier Alcalá e organizado pola Asociación de Escritores en Lingua Galega (AELG).

Sigue as ligazóns que levan á súa páxina persoal e encontrarás moita información sobre el e sobre a súa obra, pero para comezar deixa que Xavier che conte unha historia...

Piñón de Ferrol, incluído en Narradio. 56 historias no ar. Ed. Xerais, 2003.

Non sigas lendo...

noreply@blogger.com (Xoán) — Mon, 21 Apr 2008 21:01:00 +0000

... ou se queres podes descargar os textos biónicos de Estíbaliz Espinosa, en pdf, desde A Regueifa Plataforma.

Novos poemas en Son de poetas

noreply@blogger.com (Xoán) — Wed, 26 Mar 2008 20:07:00 +0000

"As froliñas dos toxos", Antonio Noriega Varela. Laura Alonso.
"Cántiga", M. Curros Enríquez. Los Tamara (Voz: Pucho Boedo).
"Cantiga 166", Afonso X, O Sabio. In Itinere.
"Unha canción foi prohibida no sur", Álvaro Cunqueiro. César Morán.
"Ule esta hora como cando regresas", Ana Romaní. Rodrigo Romaní.
"Conto", X. L. Méndez Ferrín. Suso Vaamonde.
"Pois naci nunca vi Amor", Nuno Fernandez (Torneol?). Legião Urbana.

Ligazón: son de poetas

Poetas na súa voz: Xosé Miranda.

noreply@blogger.com (Xoán) — Tue, 04 Mar 2008 15:13:00 +0000

Se da miña paixón medra unha abidueira
que do teu colo nazan pombas,
que nos teus ollos, miña amiga, de lobo deixe o día
unha cor toda azul de adeus ou de chegada.

Se da miña paixón botan ramallos verdes
que do teu seo xurdan fontes,
que no sorriso dos teus beizos haxa un niño dourado,
ou un sol ou un vento que queime as despedidas.

Se da miña paixón amencen flores
que do teu sexo xermolen as folgueiras,
que o teu corpo estea cheo de bicos e de apertas
como un vaso de viño, porque o tempo non pase.

Se da miña paixón o froito cae en ti
que da túa gorxa saian as palabras,
que nos dedos das túas mans o silencio arda nun lume novo
que bote moito fume, porque se perdan tódolos camiños
e teña que quedarme.

Con Xosé Miranda falamos do lobo da xente, de lambiróns, de Fole, de Lovecraft... e logo, ao final da tarde, deixounos a súa voz neste poema do seu libro Carozo azul [1985], incluído en As cidades mergulladas. Poesía reunida 1973-2002 [2003]

Poema e voz: Xosé Miranda.
Gravación: 03/03/08. Realizada por Miguel Souto e Alejandro Mella (4º B)
Música: Memórias de Rodrigo Leão

Extraescolares

noreply@blogger.com (Xoán) — Tue, 05 Feb 2008 17:50:00 +0000

Urbano Lugrís nos fondos da Colección Caixa Galicia é o título da exposición que poderedes ver no Centro Sociocultural Fundación Caixa Galicia da Coruña até o 16 de febreiro.

Urbano Lugrís na Galipedia

Colaxe realizada con Ript a partir de fotos da Colección Caixa Galicia.

Novos poemas en Son de poetas

noreply@blogger.com (Xoán) — Tue, 29 Jan 2008 09:30:00 +0000

"No bicarelo do bico do brelo", Uxío Novoneyra. Na Virada.
"Amor apresurado", Francisco Añón. Suso Vaamonde.
"Romance do pescador peleriño", X. M. Álvarez Blázquez. Suso Vaamonde.
"Pido talvez o que nom podes dar-me", Ricardo Carvalho Calero. Marful.
"Os pinos", Eduardo Pondal. Milladoiro.
"A dona que eu am'e tenho por senhor", Bernal de Bonaval. Amancio Prada.
"Noiturno do adoescente morto", Federico García Lorca. Xoán Rubia.
"Verbas a un irmau", Manuel María. A Quenlla.
"¿Como hei vivir mañá sen a luz túa?", Bernardino Graña. Suso Vaamonde.
"Santa Maria/Srela do dia", Afonso X. La Capella Reial de Catalunya/Hespèrion XX - Jordi Savall

Ligazón: son de poetas

Hoxe pintei un bisonte na caverna

noreply@blogger.com (Xoán) — Thu, 24 Jan 2008 22:16:00 +0000

Estíbaliz Espinosa convídanos cada xoves a pintar un bisonte na caverna. Esta semana acompañamos a Sara Jess ou a Lara Bacelo que nos presentou a Turi e revisou connosco algúns dos seus videopoemas

...e nestas navegacións sempre descubrimos algunha nova botella.

Manuel Castells en ElPaís.com

noreply@blogger.com (Xoán) — Tue, 08 Jan 2008 09:30:00 +0000

A primeira pregunta que os gobernos fan sempre é: como podemos controlar internet? A resposta é sempre a mesma: non se pode.

Entrevista completa en elpais.com
Manuel Castells

Made in Séchu

noreply@blogger.com (Xoán) — Tue, 18 Dec 2007 10:05:00 +0000

A Asociación Galega de Editores ecolleu Made in Galiza de Séchu Sende como o mellor libro do ano (Premio Ánxel Casal). Houbo máis galardoados nos III Premios da Edición de Galicia, pero nós alegrámonos especialmente dos éxitos de Séchu. O autor de Orixe, novela coa que gañou o Premio Blanco Amor de 2003, foi profe no instituto de Carral e participou connosco, como presidente do xurado, na entrega de premios do XII Certame Literario de Cambre. A súa amabilidade permitiu que publicásemos naquela ocasión un breve e tenro relato que despois aparecería en Made in Galiza. Grazas e parabéns.
Recomendado: As palabras que Séchu pronunciou no acto de entrega de premios e que recolle no seu blogue.

Faleceu Alberto Datas

noreply@blogger.com (Xoán) — Wed, 12 Dec 2007 21:42:00 +0000

Foto: EFE, El País

O pintor coruñés Alberto Datas faleceu onte en Madrid. A Fundación Luís Seoane estaba a preparar unha exposición antolóxica da súa obra que poderemos ver a próxima primavera.

Ligazóns: Galicia-Hoxe, El País.

Poesía e tolerancia

noreply@blogger.com (Xoán) — Tue, 27 Nov 2007 18:11:00 +0000

O alumnado de 4º de PDC, con motivo do Día Internacional pola Tolerancia, convocou un concurso de ilustración de poemas coas seguintes bases:

Dirixido ao alumnado de 1º e 2º ciclo da ESO.
Farase a ilustración dun poema que teña como motivo central a tolerancia.
O prazo para a entrega de traballos rematará o 18 de xaneiro.
Haberá 3 premios. A entrega dos mesmos terá lugar o 30 de xaneiro, Día da Paz.

Entre os poemas que nos propoñen para ilustrar encontramos este de Manuel María, "Verbas a un irmau", do seu poemario Mar Maior, que é ademais o poema incluído esta semana en son de poetas, interpretado polo grupo A Quenlla.

Día Internacional contra a violencia sexista

noreply@blogger.com (Xoán) — Sun, 25 Nov 2007 15:55:00 +0000

Aínda que non a vexas... está aí!

De Correa Corredoira a Francisco Miguel

noreply@blogger.com (Xoán) — Sun, 18 Nov 2007 10:20:00 +0000

De pintor a pintor. Xabier Correa Corredoira expón na Galería Sargadelos de A Coruña do 7 de novembro ao 8 de decembro. A mostra está dedicada á memoria do pintor coruñés Francisco Miguel, asasinado en setembro de 1936.

Por pintor e coruñés, síntome herdeiro de FM (Francisco Miguel), de Urbano Lugrís, de Antonio Tenreiro e coma no espírito da época que corre, respiro a crise da man na arte (o reducionismo actual é dixital: chega o dedo) non podo coutar os aleixandrinos:

Tras cortarlle as santas mans a Francisco Miguel
os verdugos da guardia civil observaron
como pintaba coas sangraduras dos cotos
nunha laxe estrelecida pola peneira
dun castiñeiro ergueito na noite de verán.
A coraxe do mártir asustou aos covardes
e machucáronlle a testa a culatazos.
Foi daquela cando a nai da mar se revolveu
coas cunchas, nubes e rochedos que o pintor
quería e decidiu verter o seu recomezar
nas outras mans dos imaxineiros coruñeses
para que o grave crime ancorase na luz
lonxincua das conciencias contemplativas.

_______________Correa Corredoira. 2007

Fonte do Vídeo: NovaXove

RSS, deixa que internet veña a ti

noreply@blogger.com (Xoán) — Tue, 13 Nov 2007 10:20:00 +0000

Colocar subtítulos nun vídeo aloxado en dotSub é moi fácil, só necesitarás abrir unha conta e un pouco de paciencia para ir traducindo as liñas de texto que che ofrecen desde a páxina. Nós fixemos a proba con este vídeo onde se explica esoutra maneira de moverse por internet: a sindicación, o formato RSS Queremos saber que novidades hai nos cadernos do grupo sen necesidade de ir abrindo un a un cada blogue, así que necesitamos un "lector", un "agregador" que nos permita centralizar as novidades daquelas páxinas que nos interesan. Isto é o que nos vai facilitar Bloglines.
Para saber máis: Bitácora de Anibal de la Torre.

Despreocupado mais non indiferente

noreply@blogger.com (Xoán) — Mon, 12 Nov 2007 10:36:00 +0000

Foto: Salvador Dalí e Man Ray. Autor, Carl Van Vechten.
Library of Congress, Prints and Photographs Division, Van Vechten Collection.

Despreocupado mais non indiferente é o epitafio de Emmanuel Radnitzky, Man Ray (Filadelfia, Estados Unidos, 1890-París, 1976) e serve de título á exposición que podemos ver na Fundación Caixa Galicia na Coruña até o 6 de xaneiro. A estrutura da mostra segue os catro períodos da obra de Man Ray: Nova York, París, Los Angeles e outra vez París. Máis de 300 pezas entre debuxos, fotografías, pinturas, esculturas e numerosos obxectos persoais procedentes da Man Ray Trust.

Actividades extraescolares

noreply@blogger.com (Xoán) — Fri, 09 Nov 2007 11:17:00 +0000

Novos poemas en Son de poetas

noreply@blogger.com (Xoán) — Mon, 05 Nov 2007 10:20:00 +0000

Ondas do mar de Vigo. Martín Códax. Grupo de Música Antigua de Compostela.
O Maio, M. Curros Enríquez. Luís Emilio Batallán.
No niño novo do vento, Álvaro Cunqueiro. Amancio Prada.
Chachauí, Avilés de Taramancos. Rodrigo Romaní. Voz de María Arribe.
Xaneiro 1972 II (Moraima), Celso Emilio Ferreiro. Manuela e Miguel.
Penélope, Díaz Castro. Aurora López, arranxos de Teresa Luján.
Os cóbados n-o barandal, Manuel Antonio. Emilio Cao.
Tiven medo de bogar, María Mariño. Uxía.
Impre(ci)sión, Pilar Pallarés. César Morán.

Ligazón: son de poetas

Poetas na súa voz

noreply@blogger.com (Xoán) — Mon, 29 Oct 2007 20:33:00 +0000

Flores, por exemplo, non recordo, non sei
se valen os peixes de cores que había encima da vanguard
que mercaron cando nacín. Vivíamos no segundo,
ao redor dun patio cincento, unha sucesión de plásticos
particulares. As veciñas cantaruxaban
sobre eles. Eran gotas soas de auga na tarde inmensa,
a hora que paraba a televisión.
No piso ras do chan dúas vellas
amoreaban leña e varredura. A porta
cheiraba tanto que estaban soas, ou tolas,
como se non vivisen na cidade.

----------------de A vella peneira a noite.

Xabier Cordal (A Coruña, 1965) le para nós o poema que serve de autobiografía na súa ficha da Biblioteca Virtual Galega.

Na rede:
Ronseltz: a revolución en verso
Unicornio de cenorias que cabalgas os sábados (escolma)

Tu quoque Iolanda?

noreply@blogger.com (Xoán) — Sat, 20 Oct 2007 18:03:00 +0000

Seguro que podemos aprender algo de todo isto... sen prescindir do humor dos Aduaneiros.
Para facerse unha idea: Vieiros, As túas balas, Made in Galiza, Calidonia, Dias estranhos...

Biblioteca Underwood

noreply@blogger.com (Xoán) — Wed, 10 Oct 2007 11:06:00 +0000

INTENCIÓNS, 2005, 30x26,5x9,5
Pepe Cáccamo, Vigo, 1950.
Os 14 títulos da súa obra poética publicada até hoxe foron reunidos en Acoradoiro, Espiral Maior, 2003. A súa autobiografía, Memoria de poeta, foi publicada pola editorial Galaxia en 2006.

Co título de Underwood, Pepe Cáccamo presenta un conxunto de pezas a cabalo entre o mundo poético e o escultórico. Todo o traballo de Xosé María Álvarez Cáccamo e o seu compromiso vital e social son testemuño dunha actitude poética excepcional que sempre o situou alén de calquera camiño poético doado, á marxe das regras máis convencionais da industria cultural e revelándose contra das convencións dominantes.

Carlos L. Bernárdez

Na Galería Sargadelos, rúa Real, 56, até o 20 de outubro.

Actualización (261107): accede a todos os obxectos da exposición.

Son de poetas

noreply@blogger.com (Xoán) — Sat, 29 Sep 2007 18:07:00 +0000

Son de poetas é un proxecto de traballo para este curso. Coa vosa colaboración iremos seleccionando poemas galegos musicados de todas as épocas. Colocaremos un acceso directo á antoloxía na barra lateral e publicaremos aquí tamén as novidades que se vaian incluíndo. Comezamos con dúas versións desta "Negra sombra" de Rosalía de Castro (Follas Novas, 1880). Escoita as dúas versións que che propoñemos e dinos cal é a que máis che gusta.

Cando penso que te fuches,
negra sombra que m' asombras,
ó pé dos meus cabezales
tornas facéndome mofa.
Cando maxino qu' es ida,
no mesmo sol te m' amostras,
i eres a estrela que brila,
i eres o vento que zoa.
Si cantan, es ti que cantas;
si choran, es ti que choras;
i es o marmurio do río,
i es a noite i es a aurora.
En todo estás e ti es todo
pra min i en min mesma moras,
nin m' abandonarás nunca,
sombra que sempre m' asombras.

ROSALÍA de CASTRO, Follas Novas, Vigo, Galaxia, 1993.

Versión de Amancio Prada.

Luz Casal e Carlos Núñez.

Comezo de curso

noreply@blogger.com (Xoán) — Mon, 10 Sep 2007 08:20:00 +0000

Así o ve Xaquín Marín. Recollido en culturagalega.org.

Obras

noreply@blogger.com (Xoán) — Mon, 03 Sep 2007 12:06:00 +0000

O servidor da AulaCesga permanecerá pechado entre os días 2 e 10 de setembro. Nos últimos tempos, grazas á amabilidade dos seus xestores, estivemos utilizando este servidor para almacenar algúns arquivos que Blogger non nos permitía subir. Primeiro foron algúns pdf, despois os audios das nosas gravacións e finalmente fixemos algunha experiencia con imaxes. Mentres duren estas operacións de mantemento, a nosa páxina mostrarase con algunhas deficiencias. Aproveitamos a ocasión para agradecer as axudas prestadas e o esforzo de actualización do servizo. Grazas.