Весникот се повикува на анонимни извори кои објаснуваат дека преку Drive ќе може да се складираат фотографии, документи и видеа кои ќе можат да бидат споделени со други корисници. Aко корисникот сака да прати по имејл видео или слика од паметен телефон, ќе може да го закачи на Drive преку мобилна апликација и да го прати линкот за симнување.

Drive ќе биде бесплатен сервис за повеќето корисници и бизниси. Но, за повеќе простор ќе треба да се плати, пример 5 долари за 20 гигабајти.

Со овој сервис Google ќе се обиде да му конкурира на Apple iCloud, Microsoft SkyDrive и на помалата компанија Dropbox која е вистински хит во ИТ светот со над 45 милиони корисници кои споделуваат милијарда фајлови неделно.

Настанот треба да се одржи во Сан Франциско, во центарот за уметност Yerba Buena каде Apple вообичаено ги одржува своите настани. Најверојатно е дека уредот ќе се појави во продавниците една недела по претставувањето, како што беше и со iPad 2.

Според изворите, iPad 3 ќе биде хардверска подобрена верзија на iPad 2, со побрз процесор, графика и меморија, и ќе има Retina екран со резолуција блиску до 2048×1536. Голема веројатност е дека iPad 3 ќе има поддршка за говорниот асистент Siri, кој во моментов е достапен ексклузивно за iPhone 4S.

Oд Apple одбија да коментираат за настанот и за уредот.

„Тиме.мк користи содржина без дозвола и заработува од неа, додека медиумите не добиваат ништо.“, вели директорот на Канал 5, Иван Мирчевски. „Што се однесува до посетите, Канал5.com.mk сега е попосетен сајт.“

Основачот на Time.mk, Игор Трајковски, ни потврди дека имало средби со двата медиуми и дека тие барале да им се плати за содржината. Еве што вели тој во својот Twitter фид:

zoso barat pari za da gi referencirash @zlochko Зашо си одат Канал 5 и Сител од time.mk ???

— Igor Traikovsky (@mkrobot) February 8, 2012

Kanal5 izleze od time.mk barajkji iljadnici evra mesecno za svoite linkovi, Daily i Bukvar sluchajno da ne mu plakjaat ? Procenete sami.

— Igor Traikovsky (@mkrobot) February 7, 2012

Izleguvanjeto na Sitel i Kanal5 nema da ima NIKAKVO (0, Nula, null, None) vlijanie vo izborot na top temi na time.mk

— Igor Traikovsky (@mkrobot) February 9, 2012

btw. i IDIVIDI izlegoa od pred nekoe vreme ako ne zaprimetivte. Neoficialno dobile naredba od higher powers.

— Igor Traikovsky (@mkrobot) February 9, 2012

Двата медиуми, Канал 5 и Сител, и забавниот портал ИдиВиди, сè уште се присутни на останатите два .мк агрегатори, Daily.mk и Буквар.мк. За првиот, г. Мирчевски од Канал 5 вели дека ќе дојде на дневен ред. Toj вели дека и Daily.mk немале дозвола да агрегираат нивна содржина, додека со Буквар.мк постои договор.

До Сител испративме имејл за објаснување зошто се повлекоа од Time.mk, на кој сè уште ни немаат одговорено. Не би не изненадило и тие да потврдат дека се работи за комерцијални причини.

Според комуникологот Сеад Џигал, одлуката на Канал 5 и Сител може да им наштети и на нив, и на другите веб сервиси.

Повлекувањето на сител и канал5 од time.mk е потег на нивна штета, башка наметнува нерамноправни услови за работа на агрегаторите.

— sead93 (@sead93) February 9, 2012

Сите три агрегатори ги собираат на ист начин содржините од медиумите – преку RSS фид кој е јавно достапен на соодветните сајтови (*потоа ги анализираат преку свој софтвер). Eве го RSS фидот на Сител, еве го нa Канал 5. Јавниот RSS фид може да се додаде од корисниците во алатки – читачи на RSS канали, пример како Google Reader или FeedDemon, кој пласира реклами. Агрегаторите го прават тој процес автоматски, корисникот не мора сам да додава медиуми во RSS листата, и ги организираат локалните медиуми според категории и теми. Исто така, сите три .мк агрегатори користат горна рамка која што во еден период беше проблем за медиумите, кои уште од појавувањето на агрегаторите изразија незадоволствo бидејќи некој им ја агрегира содржината.

Што се однесува до посетите, Time.mk е најпосетуван .мк сајт, според Аlexa-mk. Според Google Analytics бележи околу 650.000 посети неделно. Конкурентниот Daily.mk е 31-ви според Alexa, а Буквар.мк сега е на 157-то место.

Токму поради статистикава на Тиме.мк, малку е чудно што новинарката на Сител, Славица Арсова, во твит рече дека посетите на сајтот на Сител кои стигаат од Time.mk се незабележителни. Според Alexa-mk, Сител е 10-от најпопуларен .мк сајт, а Канал 5 е на 12-то место.

*Ни беше посочено дека иако агрегаторите ги користат RSS фидовите да ги откријат најновите линкови, тие потоа користат свој софтвер да ја анализираат содржината од тој сат. Затоа и на агрегаторите може да се најде повеќе содржина од таа на RSS фид.

За да ја користите оваа алатка вас ви е потребно само да имате Twitter или Facebook профил, да кликнете на следниот линк и да следите едноставни упатства: http://mvfapp.com. А ако го споделите резултатот за највредниот пријател што го имате, ќе ви се прикажат и другите 5 највредни пријатели.

Оваа алатка нагло се прошири и стана доста популарна иако едноставно ви прикажува кои од вашите пријатели имаат највеќе пријатели, но замислете го потенцијалот за копање низ сопствените информации ако се направи алатка која прави детална анализа на секојдневните интеракции на пример: кое време сте најактивни, кога најчесто поставувате музички видео клипови на Facebook и слично. Вакви апликации можат да имаат огромна конкретна корист за нас бидејќи служат како еден вид Life Log кој лесно може да се анализира.

Моќните алатки за анализирање на посетите на веб страните со точни информации од каде колку и како влегуваат во интеракција луѓето што ни ја посетуваат страната би можеле да се искористат во овој случај како доста корисна алатка за прегледување на нашиот живот. Ваква уникатна перспектива врз сопствениот живот може да биде многу корисна ако се искористи заедно со моќта на статистичката анализа.

Наједноставен пример, може преку тоа што ќе се анализираат вашите пишани статуси, да се открие кога највеќе користите покомплексни зборови, и преку тоа ако постои корелација, да се забележи кој период сте најсконцентрирани и интелектуално плодни.

Едно нешто што двете компании го споделуваат освен рушењето на рекорди во специфичните класи на соларни колектори, е тоа што двете го користат материјалот наречен галиум арсенид за да направат поефикасни ќелии што ќе испијат повеќе светлина од предходните соларни ќелии базирани на силикон, што во основа е поефтин од галиум арсенидот. Но, количеството на галиум арсенид што се користи е доволно за да почнеме да живееме со идејата дека соларните колектори наскоро можат да станат поефтини и исплатливи дури и без огромни субвенции од државата.

Целта на двете компании е да ги усовршат нивните технологии за да искористат минимална количина на галиум арсенид и да ја симнат цената на соларните ќелии за да парираат на слободниот пазар наспроти другите извори на енергија.

„Робин Худ аеродромот е затворен, имате една недела да се соберете, во спротивно ќе го разнесам аеродромот до небото”

Ако нешто научивме од Холивуд, освен тоа да скокнеме во моментот кога ќе се случи експлозијата од која што бегаме, е никогаш да не викаме бомба додека сме на аеродром. Сега изгледа тоа важи и за твитање бомба.

Пол Чејмберс бeше осуден дека е виновен за праќање на порака која е навредлива, неугледна или агресивна по карактер, преку јавна мрежа за комуникација и е казнет 1.000 фунти. Ова е првиот случај на Twitter криминал во Велика Британија каде „криминалецот” е осуден за делото што го извршил. Ако оваа казна не е доволна, тој ја изгуби работата два пати поради неугледните криминални твитови.

Откако адвокатите од страна на Пол Чејмберс ја обжалија одлуката на судот, Twitter заедницата почнаа да праќаат твитови за поддршка на Чејмберс преку слични шеги за бомби, изгледа надевајки се дека нема сите да ги осудат. Дури Стивен Фрај, познатиот глумец и комедијант, се понуди преку Twitter да плати колку и да му одредат за казна на г. Чејмберс.

Полека но сигурно ограничувањето на слободата на говорот станува норма во држави и региони во минатото познати по либералниот пристап кон слободата на говорот.

Истражувачкиот тим од Делфт универзитетот на технологија кој работи на Tribler, за TorrentFreak објаснуваат дека затоа што Tribler работи чисто на peer-to-peer основа, единствен начин да се isklu Tribler, е да се исклучи интернетот.

Проблеми што настануваат поради оневозможување на големи пребарувачи на torrent датотеки како BTJunkie или домаќини на BitTorrent датотеки како Piratebay, со користење на Tribler ќе бидат надминати затоа што целиот процес на споделување содржина, комуницирање со други споделувачи и слично, се одвиваат децентрализирано без никаква база која што може да биде затворена.

Овој принцип на работење, според создавачите на Tribler, е апсолутно сигурен и мошне жилав од екстерни напади и обиди да се симне мрежата. Во основа овој софтвер може да ни понуди одлична алтернатива за симнување и споделување на содржини дури и во случајот сите веб страни за хостирање или пребарување торенти да бидат симнати преку нови ограничувачки закони. Постојат и ефективни децентрализирани начини корисниците на Tribler да се заштитат од спам, вируси или лажни содржини со тоа што торентите можат да се оценуваат од самите корисници.

Според Tribler единствен проблем може да претставува кога нови корисници ќе се приклучат, и нема да знаат со кој да споделуваат информации. За да се реши тој проблем, Tribler го нуди решението да се воведат одредени корисници што ќе поседуваат листи на корисници и канали што ќе можат да им ги понудат на новите корисници.

Во меѓувреме, додека сеуште нема потреба за тотално потпирање врз peer-to-peer мрежи за споделување на информации и комуникација, Tribler исто така може да работи со класични torrent и magnet линкови.

Ова се резултатите добиени од одговорите на 100 Twitter корисници во Македонија:

Најголем број од корисниците, 54 отсто, твитаат преку веб сајтот Twitter.com, но исто така користат и некоја од апликациите наменети за мобилни или паметни телефони. Па така најголем број, 53 oтсто од испитаниците одговорија дека ги користат официјалните Twitter апликации за Android, iPhone, iPad, BlackBerry и Windows phone.

Apple со утешително второ место и околу 29 отсто е далеку од 40% кои Nokia сè уште ги ужива на глобалната сцена. Но, Apple води во САД и Британија кои што се доста вредни пазари. Samsung, и покрај агресивните реклами исмевајки ги Apple фановите како чекаат да купат iPhone, е на третото место со 14 отсто од користењето на интернет преку нивните мобилни уреди. RIM е на четвртото место на кој стигна со неверојатен пад од 18 на 8 отсто.

Користењето на мобилни уреди за сурфање се покажува како се попопуларна алтернатива од веќе класичните методи за сурфање, со тоа што од 2009 година, секоја година двојно повеќе се зголемува користењето на интернет преку овие, споредени со десктопите или лаптопите, компактни и едноставни направи.

Во статистиката на StatCounter не се пресметани таблет компјутерите, бидејќи според компанијата тие не припаѓаат во мобилни телефони бидејќи не „можат да се стават во џеп“. Доколку се Apple би имал поголем удел благодарение на супериорноста која ја има iPad на пазарот. Таблетот на Apple има околу 60 отсто од пазарот на таблет компјутери.

Apple во жалбата за пресудата на 5 јануари објаснува дека Proview ги продале правата на името „iPad“ на една британска компанија од која Apple потоа го купиле името уште во 2010 година.

Властите во Пекинг, според GlobalTimes, започнаа активна истрага за можното прекршување на договорот, а високиот суд на народот во Гуангдонг провинцијата веќе пресуди во корист на Proview за правото да го користат името „iPad“.

Според Proview, iPad-oт е добар продукт и е многу вреден од Apple, но тоа не значи дека треба се поддржат нелегални активности. Proview вели дека се подготвени за долгорочна легална битка, што во слободен превод може да значи „дајте ваму дел од колачот, за долго да не ве замараме”.

„Разбирам дека многу луѓе мислат дека нашата компанија игра валкано и се обидува да го уценува Apple. Но ние правиме се според законот и правилата, ако луѓето го разбираат целиот процес за вакви работи. Има премногу заблуда за нас, но ние ќе продолжиме да тужиме се додека не го добиеме тоа што го и заслужуваме,“ вели претседателот на компанијата, Јанг Ронгшан.