Infoasturies - Información alternativa d'Asturies y del mundu

Agora les llinies d'alta tensión son necesaries pol pelligru d'apagones elléutricos

Wed, 11 Nov 2009 18:06:55 +0100

Graciano Torre: "Podemos quedanos ensin suministru elléctricu"

Pese a que ye conocío que n'Asturies produzse'l doble de la ellectricidá que consumimos, el conseyeru d'Industria, Graciano Torre, nun se cortó en defender la instalación de nueves llíniess d'alta tensión n'Asturies argumentando un supuestu pelligru de sufrir apagones elleutricos «d'incalculables consecuencies». L'argumentu siempres fora la so importancia pa la esportación y el negociu elléutricu. Agora, paez que la gran contestación social a les llinies y a la política enerxértica, lleven a los gobernantes del "Principado" a usar el catastrofismu y la política del miéu.

Ex dirixentes de CCOO pasen a la Corriente Sindical d'Izquierda

Wed, 11 Nov 2009 10:02:50 +0100

Militantes destacaos de Comisiones Obreres (CCOO), dirixentes de l'anterior executiva de la federación de enseñanza, como Primitivo Abella Cachero o Herminia González pasarán a militar na Corriente Sindical de Izquierdas (CSI) por tar en desalcuerdu cola direición n'Asturies del sindicatu na tema de la carrera profesional de los empleaos públicos. Ayeri un docena de profesores, ente los que taben los citaos, ficieron pública la so renuncia al carné de CCOO.

Promoción de segunda a primer categoría

Wed, 11 Nov 2009 14:13:06 +0100

Esta fin de selmana, el sábadu 14 de payares, a les 17 hores, y el domingu 15, a les 12:30, van xugase les elliminatories de promoción de segunda a primera categoría de cuatreada. El sábadu xuguen en casa los xugadores provenientes de segunda categoría y el domingu fairánlo los que defenden la primera categoría.

Preséntase "Dende a llareira con señardá. Cocina de Bual y del occidente asturianu"

Wed, 11 Nov 2009 10:37:01 +0100

La Fundación Nueva Asturies presenta na Escuela d`Hostelería (Paséu de Begoña, 30), en Xixón “Dende a llareira con señardá. Cocina de Bual y del occidente asturianu” mañana xueves 12 de payares a les ocho la tarde. La autora ye María Teresa López García (Bual, 1950).

"Muros" por Eduardo Galeano

Tue, 10 Nov 2009 22:03:37 +0100

"Muros" d'Eduardo Galeano

Testu d'Eduardo Galeano pa la campaña de solidaridá "Toos col Sah.ara"

La llingua veneta a la escuela

Tue, 10 Nov 2009 22:48:16 +0100

Venecia va vivir, el sábadu 28 de payares un manifestamientu vindicando que la llingua s'enseñe na escuela.

El manifestamientu pola llingua veneta ye cultural y entámalu Raixe Venete. Col llema "Si a la lengoa veneta insegna a escola. Lengoa veneta=indetita´ e futuro".

Vascos, catalanes y asturianos los menos s'identifiquen con España

Tue, 10 Nov 2009 14:20:50 +0100

Un 25,2% los asturianos y asturianes nun s'identifica con España.

Según una nueva encuesta de la fundación Bertelsmann, los asturianos y asturianes somos, depués de vascos y catalanes, los que tamos menos identificaos con España. Tocantenes a la identificación con Europa, namás un 42,9% de la población asturiana s'identificaria con Europa, el menos porcentaxe del Estáu. Estremeños, madrileños y "castellanolleoneses" los más identificaos son los más identificaos con España.

Payares Antifacista 2009

Tue, 10 Nov 2009 16:05:57 +0100

La Cordinadora Antifacista d'Asturies tien entamaes delles actividaes esti mes de patares. Les Xornaes Antifacistes entamen el sábadu 14 de payares y finen el día 20, con un manifestamientu y un conciertu, nel cabudañu de la muerte del dictador Francisco Franco. Una xornada Senegal abre'l Payares Antifacista asturianu, el llunes 16 y el miércoles 18 tán programaes les charres de los historiadores Rubén Vega y Rafael Rodríguez Valdés.

EL PCA podría competir ellectoralmente con IU

Tue, 10 Nov 2009 10:25:53 +0100

Según el secretariu xeneral del Partíu Comunista d'Asturies, Francisco de Asís Fernández, nel congresu del PCE cellebráu esti fin de selmana, onde s'escoyó a José Luis Centella como nuevu secretariu xeneral en sustitución de Francisco Frutos, aprobóse una disposición adicional nos estatutos pa los prósimos cuatro años que tien que ver coles rellaciones del partíu con entidaes esternas como pueden ser CCOO, IU y otros movimientos político sociales converxentes y que podría dar pie a una participación ellectoral n'Asturies del PCE distinta a IU.

II Certame de Microrellatos de Formientu

Tue, 10 Nov 2009 12:26:52 +0100

L’asociación Xareos! Xestión Cultural y la revista Formientu, en collaboración cola editorial La Cruz de Grau, convoquen la segunda edición del Certame de Microrrellatos Mozos “Formientu”, que nesta ocasión ha escribise con llinguaxe SMS embaxo’l títulu “¡Si nun llego a recibir aquel SMS…!”. En Formientu, faciendo gala del so “espíritu innovador” conviden a los escritores a que-yos dean “una vuelta lliteraria intentando enzarrar nes poques frases que caben na pantalla d’un teléfonu móvil toa una historia onde s’intuyan dos o más personaxes y un puntu d’inflexón na relación ente ellos”.