IdlyVadai - இட்லிவடை

குடியரசு தின நல்வாழ்த்துகள்

2012-01-26T14:24:00.000+05:30

BarbarVsBarkha

2012-01-23T14:29:00.006+05:30

கடந்த இரண்டு நாட்களாக ட்விட்டரில் #Barkhabarks, #BarkhaDutt என்ற Tagல் ஒரு பெரிய யுத்தமே நடந்துக்கொண்டு இருக்கிறது. ஆனால் இதை பற்றி எந்த நியூஸ் பேப்பர் டிவியிலும் வரவில்லை. சரி எதிராஜ் தான் சரியான ஆள் அவரிடம் கேட்கலாம் என்று அவரிடம் சாட்டில் பேசினேன். பேசிய பிறகு பார்த்தால் இதுவே மினி கட்டுரையாக எழுதலாம் போல இருக்கு அனுப்புங்க என்றேன். அது கீழே...

இரண்டு நாட்களாக ட்விட்டரில் நடந்து வரும் ஒரு பஞ்சாயத்து பற்றியது இவ்விஷயம். #Barkhabarks, #Barkha Dutt இவ்விரண்டு ஹேஷ் டேக்’களும் இரண்டு நாட்களாக போட்டி போட்டுக் கொண்டு முதலிரண்டு இடங்களில் ட்ரெண்டிக் கொண்டிருக்கின்றன. @Primary_red என்பவர் தனது வலைப்பக்கத்தில், கார்கில் யுத்தக்கள நிலவர செய்தியாக்கத்தில், செய்தியாளர் பர்கா தத், இந்திய வீரர்களின் யுத்த நிலைகளையும், போர்த் தந்திரங்களையும் அவ்வப்போது நேரடி ஒளிபரப்பில் தெரிவித்த்தால்தான் பெருமளவில் இந்திய வீரர்கள், பாகிஸ்தான் ராணுவத்தினரால் கொல்லப்பட்டனர் என்று எழுதியிருந்தார். இதனை பிரபல ட்விட்டர் @barbarindian என்பவர் ஆமோதித்து, அதற்கு காரணம் பர்கா என்றும், அதனை ஒரு Manslaughter என்றும் வர்ணித்திருந்தார். இது போன்று ட்விட்டியதற்காக @barbarindian மீது வழக்கு தொடுப்பேன் என்று பர்க்கா ட்வீட்டியிருந்தார்.

இதற்கு பதிலடியாக ட்விட்டரில் @barbarindian னின் ஆதரவாளர்கள் மேற்கூறிய இரண்டு # Tags மூலமாக போர் தொடுத்து, இரண்டு நாட்களாக இவ்விரண்டும் முன்னணியில் இருக்கின்றன. இதுதான் விஷயம். எழுத்து சுதந்திரம், பேச்சு சுதந்திரம், கருத்து சுதந்திரம் என ஸர்வ சுதந்திரங்களுக்கும் உரிமை கொண்டாடும் மீடியாக்கள், தங்களை யாரேனும் விமர்சனம் செய்தால் பொசுக்கென்று கோர்டுக்கு இழுக்கின்றனர். இதே பர்கா தத் ஏற்கனவே ஒருமுறை ஒரு வலைப்பதிவாளரை நீதிமன்றத்திற்கு இழுத்திருக்கிறார். காரணம் இதேதான், மும்பை மற்றும் கார்கில் தாக்குதலின் போது நேரடி கவரேஜ் கொடுத்த்தை விமர்சித்ததற்காக.

2008 மும்பை தாக்குதலின்போது, தாஜ் ஹோட்டல் கடுமையாக தாக்குதலுக்காட்பட்டிருந்த சமயம், தொலைக்காட்சி செய்தியாளர்கள், இந்திய பாதுகாப்புப்படையின் ஒவ்வொரு அசைவையும் நேரடி ஒளிபரப்பில் காண்பித்துக் கொண்டிருந்தனர். ஹோட்டலினுள்ளிருந்த தீவிரவாதிகள் இதனைத் தொலைக்காட்சி மூலம் கண்டு, அதற்கேற்ப வியூகங்களை வகுத்ததால், இந்த தாக்குதல் சுமார் 36 மணிநேரம் வரை நீடித்தது. இம்மாதிரியாக மீடியாக்கள் அடித்த கூத்திற்கு அப்போதே பலத்த கண்டனக்குரல்கள் எழுந்தன. இத்தாக்குதலில் யூதர்கள் சிலர் கொல்லப்பட்டதற்கு இஸ்ரேல் கடும் கண்டனம் தெரிவித்த்தோடு மட்டுமல்லாமல், இஸ்ரேலின் உளவு அமைப்பான மொஸாத், இந்தியா நடத்திய ஆபரேஷனின்போது, அங்கு மீடியாக்களை நேரடி ஒளிபரப்பு செய்ய அனுமத்தித்திருந்ததற்கு கடுமையான கண்டனங்களைத் தெரிவித்திருந்தது குறிப்பிடத்தக்கது.

ட்விட்டரில் நடக்கும் இவ்விஷயம் அவ்வளவாக ஒன்றும் பெரிதில்லை என்ற போதிலும், மீடியாக்கள் தங்கள் பொறுப்புணர்ந்து எதை எப்போது எப்படி கையாள வேண்டும் என்பதைத் தீர்மானித்துக் கொள்ள வேண்டும். கார்கில் யுத்தமாகட்டும், அல்லது மும்பை தாக்குதலாகட்டும், மீடியாக்கள் செய்தது அட்டூழியம், நிச்சயம் அங்கு நடந்த கொலைகளில் தீவிரவாதிகளுக்கு இணையாக அவர்களுக்கும் பங்குண்டு என்பதை யாராலும் மறுக்க இயலாது. பரபரப்பாக செய்தி தருகிறேன் பேர்வழி என்று இவர்கள் அடித்த கூத்தினால் பல குடும்பங்கள் இன்று தெருவில் நிற்கின்றன. இதை யாரேனும் விமர்சனம் செய்யும்போது, அவர்களை அடக்குவதற்காக சட்டரீதியான நடவடிக்கை என்ற பெயரில் மிரட்டுகிறார்கள்.

பாகிஸ்தானிலுள்ள ஒஸாமாவைத் தீர்த்துக்கட்ட சிஐஏ, பாகிஸ்தானுக்கே தெரியாமல், கச்சிதமாக ஆபரேஷனை நிகழ்த்தி வெற்றி கண்டது. ஆனால் நம்மூரிலோ, கட்டெறும்பை நசுக்கினால் கூட மீடியாவிற்கு எப்படியோ தெரிந்து வந்து விடுகிறார்கள்.

விஷயம் ரொம்ப சிம்பிள், மீடியாக்கள் பொறுப்புணர்ந்து செயல்பட வேண்டும்; சரியோ, தவறோ அடுத்தவர்களை விமர்சனம் செய்ய நாம் தயங்காத போது, நம்மீதான விமர்சனங்களையும் அதே போலவே எதிர்கொள்ள வேண்டும்.

மீடியாவிற்கு பரபரப்பு வேண்டும் என்றால் இருக்கவே இருக்கு யானை சிலைகளும் அதற்கு போடும் முக்காடுகளும்.

Angry Salman Rushdie

2012-01-22T21:17:00.004+05:30

( படம் உதவி : http://www.techno18.com/2011/05/how-to-play-angry-birds-online-for-free/
)

ஜெய்ப்பூர் இலக்கிய விழாவில் கலந்துகொள்ளக் கூடாது என்பதற்காகவே, தன்னைக் கொல்ல சதித்திட்டம் தீட்டப்பட்டுள்ளதாக ராஜஸ்தான் போலீஸார் பொய் சொல்லியுள்ளனர் என்ற குற்றச்சாட்டு பொய்யாக இருந்தால் ராஜஸ்தான் போலீஸார் அவர் மீது வழக்கு தொடர வேண்டும். ஆனால் அவர்கள் செய்ய மாட்டார்கள்.

மைடியர் பாடிகாட் முனீஸ்வரனே! - 19-1-2012

2012-01-19T21:19:00.010+05:30

ஹாய் முனி!

பொங்கல் நல்லாக் கொண்டாடினாயா? புத்தகக் கண்காட்சியில் சரக்கு நிறையக் கிடைச்சதா? என்ன புஸ்தகம் படிச்ச இந்த நாலு நாள் லீவுல?

புத்தகக் கண்காட்சியில் மலையாள மனோரமா கடை சம்பந்தமாக பத்ரி பதிவு எழுத, அங்கே ஒரே ரகளை. சாரி ஆர்ப்பாட்டம். அங்கேயும் பின்னூட்டதிலும் ஆர்ப்பாட்டம் செய்த 'தமிழர்கள்' எல்லாம் டேம் 999 என்ற படத்துக்கு ஆஸ்கர் விருது கிடைக்க இறைவனைப் ப்ராத்திக்கிறேன் என்று சொன்ன ஏ.ஆர்.ரஹமான் பற்றி ஒன்றும் பேசவே இல்லை. இதில் என்ன வேடிக்கை என்றால் அவர் பதிவில் பின்னூட்டதிலும் ஃபேஸ் புக்கில் திட்டிய தமிழர்களும் இப்ப தமிழ்நாட்டில் இல்லை, வெளிநாட்டில் இருக்கிறார்கள். அது சரி ரஹ்மான் இந்த படத்தை பற்றி புகழ்ந்து பேச என்ன நிர்ப்பந்தம்? யாருக்காவது தெரியுமா? இல்லை மக்களின் கவனத்தை ஈர்க்க பரபரப்புக்குப் பேசினாரா?

தில்லி பத்திரிகை விழா ஒன்றில் பேசிய பிரதமர் மன்மோகன் சிங், ‘வாசகர்களின் கவனத்தை ஈர்க்க வேண்டும் என்பதற்காக பத்திரிகைகள் பரபரப்புக்கு முக்கியத்துவம் தருவதைக் கட்டுப்படுத்திக் கொள்ள வேண்டும்,’ என்று அக்கறையுடன் அளித்திருக்கும் ஆலோசனை வரவேற்கத்தக்கது. இந்த ஆலோசனையை முதலில் திக் விஜய் சிங் பேசும் அபத்தங்களிலிர்ந்து ஆரம்பிக்கலாம். ஆனால் அன்னாவைப் பின்னாலிருந்து இயக்குவது ஆர்.எஸ்.எஸ். என்று சொன்ன கருத்து மட்டும் உண்மை என்று நம்பத்தோன்றுகிறது. இல்லை என்றால் ஏன் அவருக்கு காங்கிரஸ் மீது இந்த கொலைவெறி?

ஒய்திஸ் கொலை வெறிடி’ இந்த அளவுக்கு தனக்குப் பேர் சேர்க்கும் என்று தனுஷே நினைத்திருக்கமாட்டார். இப்போது இப்பாடலைக் கேட்ட ஏ.ஆர்.ரஹ்மான் தமது ‘வந்தே மாதரம்’ இசை ஆல்பத்துக்காக, தனுஷை பாட வைக்க இருக்கிறார். தனுஷுக்கு முன்பு பாட இருந்தவர் கமல்.

கமல் பற்றி ஒன்று சொன்னால் ரஜினி பற்றி ஒன்று சொல்லியே ஆக வேண்டும் என்ற மரபின் படி ரஜினியின் பஞ்ச்தந்திரம் என்ற காமெடி நிகழ்ச்சியை ராஜ் டிவியில் பார்க்க நேர்ந்தேன். ரஜினியின் எல்லா பஞ்ச் வசனத்துக்கும் தொழிலுக்கும் எப்படி பொருத்திக் கொள்ளலாம் என்று பிதற்றும் நிகழ்ச்சி. கல்லூரி மாணவர்களை வைத்துக்கொண்டு. சோ எழுதிய சாதல் இல்லையேல் காதல் என்ற நாடகத்தில் சண்டே மண்டே கவிதைக்கு விளக்கம் சொல்லுவது போல இருந்த நிகழ்ச்சியில் கொஞ்சம் கூட மனசாட்சியே இல்லாமல் விளக்கம் சொல்லிக்கொண்டு இருந்தார்கள். மாணவர்களை நினைத்தால் பாவமாக இருக்கிறது +2விற்கு பிறகு என்ன செய்யலாம் என்ற புத்தகத்தில் இந்த நிகழ்ச்சியை பார்க்க வேண்டாம் என்று இலவச இணைப்பு கொடுத்து இருந்தால் நன்றாக இருந்திருக்கும்.

லேட்டஸ்ட் நீயா நானா நிகழ்ச்சியில் ஒரு ஆண் என் மனைவிக்கு நல்லா சமைக்க தெரியணும், வீட்டு வேலை செய்யத் தெரியணும் என்று அடுக்கிகொண்டே போனார். சில வாரங்களுக்கு முன் துள்ளுவதோ இளமை படத்தின் நாயகி ஷெரீன் தன் பேட்டியில் என் நாயை நன்றாக கவனித்துக்கொள்பவர்தான் எனக்குக் கணவராக வர முடியும் நான் அவரிடம் வேற எதுவும் எதிர்பார்க்க மாட்டேன் என்று கண்டிஷன் போட்டுள்ளார். ஆக பெண்கள் வேலைக்காரியாகவும், ஆண்கள் Veterinary டாக்டராகவும் மாறினால் நாட்டில் பல பிரச்சனை இருக்காது என்று நினைக்கிறேன். இவை எல்லாம் உண்மையே என்றாலும் மைக் முன்னாடி சொல்லலாமா ?

துக்ளக் ஆண்டுவிழாவில் சோ கூட தான் பேசினார் ஆனால் மைக் முன்னாடி சில விஷயங்களை அவர் பேசவே இல்லையே! விழாவில் ஹிந்து பத்திரிகையைப் போட்டு சாத்தினார் சோ. சில நாட்களுக்கு முன் தினத்தந்தியில் வந்த தலையங்கத்தை பலர் பார்த்திருக்க மாட்டீர்கள். அது கீழே......

இது நல்ல மாற்றம். ஆனால் பிஜேபியின் மாற்றம் கேவலமானது. பாபுசிங் குஷ்வாஹா என்ற ஊழல் அரசியல்வதியை தங்களுடன் சேர்த்துக்கொண்டு வெட்கம் இல்லாமல் பேட்டிக்கொடுத்துக்கொண்டு இருக்கிறார்கள். லோக்பால் மசோதா பற்றி வாய் கிழியப் பேசுகிறவர்கள், அத்வானி ரத டூர் எல்லாம் டுபாக்கூர் ஆகும் வகையில் இதைச் செய்துள்ளார்கள். ஊழல் புகாரில் சிக்கியவரை ஏன் சேர்த்தார்கள்? இதை பற்றி சோ ஏன் துக்ளக் நிகழ்ச்சியில் வாயே திறக்கவில்லை? எடியூரப்பா கூடத் தப்பித்தார். பாஜக இந்த மாதிரி 'கேடி'களை அழைத்தால் 'மோடி'வித்தைகள் பலிக்காது என்று யாராவது அவர்களுக்குப் புரியவைத்தால் நல்லது. சோ இவர்களை பற்றி பேசாதது மறதி என்று நினைக்கிறேன்.

மறதியினால் ஏற்படும் விபத்தைப் பற்றி கேள்விப்பட்டிருக்கிறோம், ஆனால் இந்த நியூஸ் கொஞ்சம் வித்தியாசம். திருவனந்தபுரத்தில் இருந்து கோழிக்கூட்டுக்கு செல்ல வேண்டிய விமானத்தைத் தவறுதலாக கொச்சியில் இறக்கிவிட்டுள்ளார் ஒரு பைலட். இந்திய கிரிக்கெட் அணியை ஜிம்பாப்வேவிற்கு பதிலாக ஆஸ்திரேலியாவில் இறக்கிவிட்ட மாதிரி என்று வைத்துக்கொள்ளுங்களேன்.

ஆஸ்திரேலியாவுக்கு நல்ல காலம் ஆரம்பம் ஆகி விட்டது போல, சனி பெயர்ந்தவுடன். இந்தியக் கிரிக்கெட் அணியை நிமிர விடாமல் போட்டுக் கும்முகிறார்கள். சச்சினோ, முன்னொரு காலத்தில் கபில்தேவ் அந்த 434-க்கு நாக்குத் தள்ளியதைப் போல, நூறாவது நூறுக்கு முக்குகிறார். முரளிதரன் மாதிரி அடுத்த மேட்ச்தான் கடைசி என்று தைரியமாச் சொல்லி, முரளி 800 விக்கெட்டுகள் எடுத்ததைப் போல, நூறடிச்சுச் சாதனை செய்தால்தான் இது வரை செய்ததெல்லாம் சாதனை என்று சச்சின் ரசிகர்களே குமுறுவதைக் கேட்க முடிகிறது. இது இப்டி இருக்க, இன்று சீனு மாமாவோ கொஞ்சம் லக் இருந்தா இன்றைய இந்திய அணி உலகின் எந்த அணியையும் தோற்கடிக்கும் என்று காமெடியாப் பேசி இருக்காரு. ஒருவேளை பதினெட்டு டிகிரி மெட்ராஸ் குளிரில் உளரறாரோ என்னவோ.

குளிர் காலம் வந்தவுடன், டெல்லியில் அதிக குளிரால் பலர் இறந்து போனார்கள் என்று நியூஸ் போடுவது போல, ஜல்லிக்கட்டுப் போட்டி வேண்டுமா வேண்டாமா என்ற வழக்கு டிசம்பர்-ஜனவரியில் கோர்ட்டுக்கு வந்து ஜல்லிக்கட்டு முடிந்த பின் கிடப்பில் போட்டுவிட்டு மீண்டும் அடுத்த ஆண்டு கோர்ட்டுக்கு வருவது ஒரு சடங்காகிவிட்டது. இந்த வருஷம் போட்டி ஒருவழியா நடத்தினாங்க, அதை தமிழ்க் குடிதாங்கி டிவில ரொம்ப சந்தோஷமாக் காமிச்சாங்க. ஆங்கில சேனல் ஒன்றில் குஷ்பு, ஹேமாமாலனி இதை பற்றி விவாதித்தார்கள். பகுத்தறிவுப் பாசறையிலிருந்து வரும் குஷ்பு கலைஞரிடம் நல்ல டியூஷன் எடுத்திருப்பார் என்று நினைக்கிறேன். ஒரே வழ வழ கொழ கொழ.. பாவம் ஒரே கேஸுக்கு பல கோர்ட்டுக்கு அலைந்து நொந்து நூடுல்ஸ் ஆகிவிட்டார்.
( வீடியோ பார்க்க இங்கே செல்லவும் )

அடுத்த நூடுல்ஸ் செய்தி சல்மான் ருஷ்டி ஜெய்ப்பூருக்கு வருவதை ராஜஸ்தான் மாநில மக்கள் விரும்பவில்லை. அவர் வருவாரா என்பது குறித்து எனக்கு அதிகாரப்பூர்வ தகவல் ஏதுமில்லை' என ராஜஸ்தான் மாநில முதல்வர் அசோக் கெலாட் கொடுத்த பேட்டி தான். இதே மாதிரி எந்த காங்கிரஸ் முதலமைச்சரும் எம்.எஃப்.ஹூசேனுக்கு பேட்டி கொடுத்ததாக ஞாபகம் இல்லை. சல்மான் ருஷ்டியின் மீது ஷூ வீசினால் அவருக்கு பரிசு வழங்கப்படும் என ஒரு அமைப்பு அறிவித்துள்ளது. இலக்கிய விழா என்றால் இது கூட இல்லாமல் எப்படி ?

வடக்கிலிருந்து தமிழ் இலக்கியத்துக்கு வரலாம் சு.வெங்கடேசனுக்கு சாகித்ய அகாதமி விருது பற்றி உயிர்மையில் வந்த தலையங்கம். இரண்டு விதமான வயிற்றெரிச்சல் நம் தமிழ் இலக்கியவட்டதில் இருக்கிறது என்று தெரிகிறது. ஒன்று இள‌ம் வயதில் சாகித்ய அகாதமி விருதை எப்படி ஒருவருக்கு கொடுக்கலாம். இரண்டாவது ஒரே நாவல் எழுதிய படைப்பாளிக்கு எப்படி விருது கொடுக்கலாம் என்கிற கேள்வி. இப்ப சிவாஜிக்கு தேசிய விருது கிடைக்கவில்லை, ஆனால் தனுஷுக்கு கிடைக்கிறது உடனே சிவாஜிக்குக் கோபம் வரலாமா? ஆனால் இலக்கிய வட்டத்தில் இருக்கும் எம்.ஜி.ஆர், சிவாஜி, ஜெமினிக்கு போன்ற ஓவர் ஆக்டிங் நடிகர்களுக்குக் கோபம் வருகிறது. இலக்கிய பஜனோஸ்தவம் நடத்தும் ஒரு பழம் பெரும் தமிழ் இலக்கிய நடிகர் இந்த புத்தகம் ஆயிரம் பக்க அபத்தம் என்று விமர்சனம் எழுதியது நினைவிருக்கும். விளாசுவதற்காகவே முழு விஜய் படத்தையும் இட்லிவடை முதல் நாள் பார்த்துவிட்டு விமர்சனம் எழுதுவதை போல எழுதியுள்ளார். முருகனிடம் சொல்லி இவருக்கு அரை டஜன் டைஜின் கொடுக்க சொல்லணும். அவரிடம்தான் நிறைய ஸ்டாக் இருக்கும். கஷ்ட காலம்!

கஷ்ட காலத்தில் எல்லாம் அவரோடு குடும்பம் நடத்திவிட்டு, 'எனக்கு எல்லாமே என் உடன்பிறவா தோழிதான்’ என்று கூறிவிட்டு வாழ்வு வந்ததும் விரட்டியடிக்கும் சுயநலமி, நான் அல்ல என்று கலைஞர் ஜெ-சசிகலா பற்றி கூறியிருக்கார். அவருக்கு இந்த வயசிலும் `லொள்ளு ஜாஸ்தி.

நடிகர் மன்சூர் அலிகான், `லொள்ளு தாதா பராக் பராக்' என்ற புதிய படத்தில் கதாநாயகனாக நடிக்கிறார். சும்மா இல்லாமல் மன்சூர் அலிகான், எருமை மாடு மீது ஊர்வலமாக வருவதுபோல் ஒரு பாடல் காட்சி படமாக்கப்பட்டது. அப்போது படப்பிடிப்பை வேடிக்கை பார்க்க வந்தவர்களின் கூட்டம் அதிகரிக்க ஆரம்பித்தது. கூட்டத்தைப் பார்த்து எருமை மாடு மிரண்டு ஓடியதால், கீழே விழுந்து கையை உடைத்துக்கொண்டார். லொள்ளு பேசி பின்பு தன் கையையும் மற்றவர்கள் 'கை'யும் உடைத்துக்கொள்வது இவர்களுக்கு வாடிக்கை தானே!

வாடிக்கையாக போகும் புத்தகக் கண்காட்சியில் ஒருவர் "சார் நல்ல தமிழ் புத்தகத்துக்கும் டைனோசருக்கும் என்ன ஒற்றுமை?" என்று கேள்வி கேட்டார். நான் தெரியாது என்று முழித்தேன். அதற்கு அவர் சொன்ன பதில் "ரெண்டுமே இப்போ இல்லை, பல வருஷத்துக்கு முன்னாடியே அழிஞ்சாச்சு" என்றார் வாஸ்துவம் தானே !

இப்படிக்கு,
இட்லிவடை

கடைசியாக ஒரு கேள்வி: இளையராஜா நிகழ்ச்சியில் மனோ ஏன் பாடவில்லை ?

சிக்கலில் சிதம்பரம்

2012-01-19T11:08:00.005+05:30

ரீஸண்டாக நடந்த சனி பெயர்ச்சியில், சனி பகவானின் உக்கிரப் பார்வை அதிகமாகத் தாக்கியிருப்பது மத்திய உள்துறையமைச்சர் ப.சிதம்பரத்தைத்தான் போலும். ஏற்கனவே அலைக்கற்றை வழக்கில் சுப்ரமணிய ஸ்வாமி ரூபத்தில் சனி பகவான் சிதம்பரத்தை சின்னா பின்னப்படுத்திக் கொண்டிருக்கிறார். எந்த நேரத்திலும் தலைக்கு மேல் தொங்கு கத்தி அறுந்து விழலாம் என்ற நிலை. இப்பொழுது இது போறாதென்று இன்னொரு பக்கமிருந்தும் புதிதாக சிக்கல் ஒன்று திக்விஜய் சிங் ரூபத்தில் கிளம்பியிருக்கிறது.

உத்திரப் பிரதேத்தில் எதிர்வரவிருக்கும் சட்டசபைத் தேர்தலுக்கான பிரசாரம் விறுவிறுப்பாக நடைபெற்று வருகிறது. அதன் ஒருபகுதியாக உத்திரப் பிரதேச மாநிலம் ஆஸம்கார்க் பகுதியில் ராகுல் காந்தியும், திக்விஜய் சிங்கும் தீவிரமான பிரசாரத்தில் நேற்று முன்தினம் ஈடுபட்டனர். இந்த ஆஸம்கார்க் பகுதி உத்திரப் பிரதேசத்திலேயே சற்று உக்கிரமான பிரதேசம். இது பற்றி ஏற்கனவே இட்லிவடையில் பார்த்துள்ளோம், தெரியாதவர்கள் இங்கு http://idlyvadai.blogspot.com/2010/03/blog-post_29.html தெரிந்து கொள்ளலாம். இங்கு நடைபெற்ற பிரசாரப் பொதுக்கூட்டத்தில் பேசிய திக்விஜய் சிங், 2008, செப்டம்பர் 19 ஆம் தேதி தில்லி பாட்லா ஹவுசில் நடைபெற்ற என்கவுண்டர் போலியானது என்றும், இது பற்றி மறுவிசாரணை செய்ய வேண்டுமென்று நான் பிரதமரிடமும், உள்துறையமைச்சர் சிதம்பரத்திடமும் செய்த முயற்சிகள் பலிக்கவில்லை என்றும் பேசினார்.

முன்னதாக, 2008 செப்டம்பர் 13 ஆம் தேதி தில்லியில் ஐந்து தொடர் குண்டுவெடிப்புகள் நிகழ்ந்தன. இதில் சுமார் 35 பேர் கொல்லப்பட்டனர். இது இந்தியன் முஜாஹிதீன் என்ற தீவிரவாத அமைப்பினுடைய சதி என்று தெரியவந்தது. இந்த அமைப்பின் தீவிரவாதிகளில் பெரும்பாலானோர் ஆஸம்கார்க்கைச் சார்ந்தவர்கள்; தவிர இந்த தீவிரவாத சம்பவத்தின் மூளையாக தெரிவு செய்யப்பட்ட அட்டிஃப் அமீன் என்பவரும் ஆஸம்கார்கைச் சேர்ந்தவர், பல தீவிரவாத சம்பவங்களின் பின்னணியில் இருந்து செயல்பட்டவர் என்று போலீஸாரால் தேடப்படுபவர். அவரும், மேற்கூறிய சம்பவத்தில் தொடர்புடைய இன்னும் நால்வரும் தில்லியின் ஜாமியா நகர் பகுதியிலுள்ள “பாட்லா ஹவுஸ்” எனும் அடுக்குமாடிக் குடியிருப்பில் பதுங்கியிருப்பதாக தில்லி போலீஸாருக்குக் கிடைத்த தகவலையடுத்து, மோகன் ஷர்மா என்ற தில்லி போலீஸின் என்கவுண்டர் ஸ்பெஷலிஸ்ட் தலைமையிலான குழு ஒன்று அந்த இடத்தை முற்றுகையிட்டு நடத்திய துப்பாக்கிச் சூட்டில் அட்டிஃப் அமீன் உட்பட இருவர் கொல்லப்பட்டனர், வேறு இருவர் கைது செய்யப்பட, ஒருவர் தப்பியோடிவிட்டார். இந்த என்கவுண்டரில் என்கவுண்டர் ஸ்பெஷலிஸ்ட் மோகன் ஷர்மா தீவிரவாதிகளால் கொல்லப்பட்டுவிட்டார்.

இச்சம்பவம் பெரும் சர்ச்சையைக் கிளப்பியது. சமாஜ்வாதி கட்சியும், பகுஜன் சமாஜும் பாராளுமன்றத்தில் நீதி விசாரணை கோரின. பிறகு ஒரு NGO, தில்லி உயர்நீதிமன்றத்தில் வழக்கு ஒன்றைத் தாக்கல் செய்ய, இந்த சம்பவம் தொடர்பாக விசாரணை நடத்தி, அறிக்கை தாக்கல் செய்யுமாறு தேசிய மனித உரிமை ஆணையத்திற்கு தில்லி உயர்நீதிமன்றம் உத்தரவிட்டது. இதனை ஆய்வு செய்த மனித உரிமை ஆணையமும், இந்த என்கவுண்டர் போலியானதல்ல என்று நீதிமன்றத்தில் அறிக்கை தாக்கல் செய்து, NGO வின் வழக்கு தள்ளுபடி செய்யப்பட்டு, பைசல் செய்யப்பட்டது.

இப்போது இந்த விவகாரத்தைத்தான் திக்விஜய சிங் கையிலெடுத்துள்ளார். உள்துறையமைச்சர் சிதம்பரத்தையும் சந்திக்கிழுக்கிறார். திக்விஜய் சிங்கிற்கும், சிதம்பரத்திற்குமுண்டான புகைச்சல்கள் ஏற்கனவே காங்கிரஸில் பிரசித்தம். சிதம்பரம் ஒரு “இண்டெலெக்சுவல் அரோகண்ட்” என்று சில வருடங்களுக்கு முன்னர் ஒரு டெலிவிஷன் பேட்டியில் திக்விஜய் சிங் குறிப்பிடப் போக அது சர்ச்சைக்குள்ளானது. பிறகு மேலிடத் தலையீட்டின் பேரில் சமாதானம் ஏற்படுத்தப்பட்டது. இப்பொழுது திக்விஜய் சிங்கின் பேச்சைக் கையிலெடுத்துக் கொண்டு பாஜகவும், இந்த என்கவுண்டர் வழக்கில் மறு விசாரணை வேண்டுமென்று கோருகிறது.

நேற்று பேட்டியளித்த உள்துறையமைச்சர் சிதம்பரம் இதனை முற்றாக மறுத்துள்ளார். தாம் ஏற்கனவே இச்சம்பவம் குறித்து ஆய்வு செய்து விட்டதாகவும், இது போலியல்ல எனவும், இதில் மறுவிசாரணை என்ற பேச்சுக்கே இடமில்லை எனவும் திட்டவட்டமாக மறுத்துவிட்டார்.

இப்பொழுது கேள்வி என்னவெனில், ராகுல்காந்தி இருந்த மேடையில், திக்விஜய சிங், பகிரங்கமாக ப.சிதம்பரத்தை வம்பிற்கிழுக்க வேண்டிய அவசியம் என்ன? ஆஸம்கார்க் தீவிரவாதிகளின் நதிமூலம்; திக்விஜய் சிங் அவர்களுக்கெல்லாம் ஆதரவாளர்; சிறுபான்மையினர் வீட்டில் எலி செத்தால் கூட ஆர்.எஸ்.எஸ்தான் காரணம் என்று கூறும் திக்விஜய் சிங், இச்சம்பவத்தில் குறிப்பாக சிதம்பரத்தை வம்பிழுக்கும் நோக்கம்? காரணங்கள் இரண்டு இருக்கலாம் என்பது யூகம். ஒன்று, உத்திரப் பிரதேசத்தை ஐந்தாண்டுகள் எங்கள் கையில் கொடுங்கள், ஊழலை ஒழித்துக் கட்டுகிறோம் என்று ராகுல் காந்தி கங்கணம் கட்டிக் கொண்டு பிரச்சாரம் செய்கிறார். உங்கள் கட்சியிலேயே ஊழல்கார்ர்கள் இருக்கிறார்களே என்பது பாஜக, பகுஜன் சமாஜ் உட்பட அனைத்து கட்சிகளின் பதிலடி. இப்பொழுது பிரதானமாக ஊழல் குற்றச்சாட்டில் சிக்கியுள்ள காங்கிரஸ் பிரபலம் ப.சிதம்பரம். அலைக்கற்றை வழக்கில் சிக்கிக் கொண்டு காங்கிரஸுக்கு தர்ம சங்கடத்தை விளைவித்து வருகிறார். தவிர சிவகங்கை தேர்தல் வெற்றி குறித்த வழக்கும் இவர்மேல் இருக்கிறது. ஆகவே சிதம்பரத்தை ஓரங்கட்டுவதன் மூலம் தாங்கள் ஊழலுக்கெதிரானவர்கள் என பெயர் பெறலாம் என்பது ஒரு நோக்கமாக இருக்கலாம். இரண்டாவது, அடுத்த பிரதமர் யார் என்பது என்ற போட்டியில் பதவிக்கான குடும்பத்தின் சட்டபூர்வ வாரிசு ராகுல் நீங்கலாக, மூத்தவர் பிரணாப் மற்றும் சிதம்பரம் ஆகிய இருவரும் உள்ளனர். இதில் இப்போது அதிக சங்கடம் தோற்றுவிப்பவர் சிதம்பரம்தான், எனவே அவரை முதலில் ஏறக்கட்டுவது என திக்விஜய் சிங் மூலம் காங்கிரஸ் காய் நகர்த்துகிறது என்று எண்ணமிட வழியிருக்கிறது.

இவ்விரண்டு நாட்களாக நடைபெற்று வருகிற இந்த சர்ச்சைகள் தொடர்பாக ராகுல், சோனியா ஆகிய இருவரும் இதுவரை மூச்சு விடவில்லை என்பதுவும், திக்விஜய் சிங் பேச்சிற்கு மேலிட ஆதரவு இருக்குமோ என்ற எண்ணத்தையே தோற்றுவிக்கிறது. திக்விஜய் சிங் பேசி முடித்தவுடன் பேசிய ராகுல் காந்தியும் இது குறித்து எதுவும் பேசவில்லை என்பது குறிப்பிடத்தக்கது. இதுபற்றி காங்கிரஸ் மேலிடம் ஏன் இன்னும் எவ்வித கருத்தையும் வெளியிடவில்லை என பாஜகவும் கேள்வியெழுப்பியுள்ளது. இதிலும் காங்கிரஸுக்கு தர்மசங்கடம்தான். மேலிடம் திக்விஜய் சிங்கிற்கு ஆதரவாக கருத்து தெரிவித்தால், சிதம்பரத்தின் அதிருப்திக்கு ஆளாக நேரிடும்; திக்விஜய் சிங்கைக் கண்டித்தால் மைனாரிட்டி ஓட்டுகள் பறிபோகும் வாய்ப்பும் இருக்கிறது. இதுமாதிரியான ஒரு சந்தர்ப்பத்தைத்தான் பகுஜன் சமாஜும் எதிர்நோக்கிக் கொண்டிருக்கிறது. எனவே, மெளனம் சர்வார்த்த சாதகம் என்பதுதான் இவ்விஷயத்தில் காங்கிரஸின் நிலைபாடு.

இதில் மற்றொரு அபாயகரமான அம்சம் என்னவெனில், ஆட்சியைப் பிடிப்பதற்காக, காங்கிரஸ் எவ்வளவு கீழ்த்தரமான வேலையையும் முனைந்து செய்யும் என்பதற்கு இந்த பேச்சு மற்றுமொரு உதாரணம். தீவிரவாதத்தை ஒழிப்போம் என்று ஒருபுறம் பிரசாரம் செய்து கொண்டே, இன்னொருபுறம் தீவிரவாதிகளின் பிறப்பிடத்திற்குச் சென்று அவர்களுக்கு ஆதரவாக, ஏற்கனவே ஊத்தி மூடப்பட்ட ஒரு வழக்கில், தீவிரவாதிகளுக்கு ஆதரவான வகையில் மறுவிசாரணை கோருவது பச்சை தேசத் துரோகம். இதே துரோகத்திற்கு பாஜகவும் துணை போவது பச்சை சந்தர்ப்பவாத அரசியல்.

தீவிரவாதமும், அதனை ஊக்குவிக்கும் தீவிரவாதிகளையும் என்ன விலை கொடுத்தேனும் ஒழித்துக் கட்ட வேண்டும். அவர்கள் கொல்லப்பட வேண்டியவர்கள், அவர்கள் எவ்வகையில் கொல்லப்பட்டாலும் அது நியாயமே! ஓட்டிற்காக இதுபோன்று தீவிரவாதத்திற்கு ஆதரவாகப் பேசுவது தேசத்திற்கு நல்லதல்ல. இத்தேர்தலில் காங்கிரஸ் தோற்கடிக்கப்படுவதே தேசத்திற்கு நன்மை பயக்கும்.

- எதிராஜ்

துக்ளக் 42 ஆம் ஆண்டு விழா விடியோ

2012-01-18T14:23:00.005+05:30

ஜெயா டிவியில் ஒளிபரப்பியது. TechSatish வழியாக இங்கே...

மா(டு)யா(னை)வதி போட்டி முடிவுகள்

2012-01-18T08:43:00.004+05:30

மேலே உள்ள படத்துக்கு நல்ல கமெண்டுக்கு பரிசு என்ற பதிவை போன வாரம் போட்டிருந்தேன்.

ஒருவருக்கு தான் பரிசு என்றாலும், பலர் நல்ல கமெண்ட் கொடுத்திருந்தார்கள். பரிசுக்கு தேர்ந்தெடுக்கப்பட்ட மூன்று கமெண்ட் கீழே

1. மாட்டுக்கு யானை வேஷம் போட்டாலும், அது 'மா... மா...' னுதான் கத்தும்.. ஏன்னா.. எல்லாமே 'மாயா'தான, இந்த பாடா'வதி' உலகத்துல. - Madhavan Srinivasagopalan

2. இது யானைதானுங்க. மன்மோகன் சிங் ஆட்சியில எருமையா இளைச்சுப் போச்சுங்க. - kg gouthaman

2. தப்பி தவறி மாயாவதி கண்ணுல பட்டுட போகுது, பாவம் மாடுங்க.
அப்புறம் எல்லா மாட்டுக்கும் இந்த மாதிரி பண்ண சொல்லி சட்டம் போட்டுடுவாங்க கோடி கணக்குல செலவாகும் - Prabu

இவர்கள் மூவருக்கும் புத்தகம் பரிசாக அனுப்பிவைக்கப்படும்.
( மாதவன், கௌத்தமன், பிரபு எனக்கு உங்கள் முகவரியை idlyvadai2007@gmail.com என்ற முவரிக்கு அனுப்புங்கள். நன்றி )

கலந்துக்கொண்ட் அனைவருக்கும் வாழ்த்துகள் !

அடுத்த போட்டி விரைவில்...

அல்வா - அருவா - சுபத்ரா(லே)

2012-01-16T20:17:00.006+05:30

“நீங்க எந்த ஊரு?” யாரோ.
“திருநெல்வேலி” இது நான்.
“ஓ... தின்னவேலியா? (நக்கலாக) சரி சரி”
“இல்ல, திருநெல்வேலி” எரிச்சலுடன் நான்.
“நானும் அதைத் தான் சொன்னேன்.. தின்னேலினு தானே சொல்வீங்க?” இன்னும் சிரிப்புடன்.
“தின்ன எலியுங் கிடையாது.. திங்காத எலியுங் கிடையாது...எங்க ஊரு பேரு திருநெல்வேலி!” (ஹ்ம்க்கும்)

ஒரு தடவ ரெண்டு தடவயில்ல.. நெறைய தடவ இது நடந்துருக்கு. அது ஏன்னே தெரியல. திருநெல்வேலின்னாவே எல்லாருக்கும் எங்கயிருந்து தான் வருதோ ஒரு நக்கல் தெரியல. ஊருக்குள்ளயே இருந்தவரைக்கும் ஒன்னுமே தெரியாது. டிவியில விவேக்கு பேசுனாலும் வடிவேலு பேசுனாலும் விஜய் பேசுனாலும் விக்ரம் பேசுனாலும் வேற யாரு பேசுனாலும் ஜோக்கோடு ஜோக்கா பார்த்துச் சிரிச்சிக்குவோம். ஆனா பன்னெண்டாப்பு முடிச்சிக் காலேஜில சேரனும்னு வெளியூருக்குப் போவும்போது தான் தெரியும்.. நம்மளும் நம்ம ஊரும் எப்படியெல்லாம் அல்லோல கல்லோலப் படுதோம்னு. ஏன் அப்படிப் பண்ணுதாங்கன்னு நமக்கே வெளங்காது. என்ன பேச்சிப் பேசுனாலும் சிரிப்பு தான். பெறவு வேற வழியில்லாம நாம ‘அல்வா’, ‘அருவா’ன்னு செல்லமாப் பேசுனாத் தான் அமைதியாப் போவாங்க.

சென்னை, கோவை, மதுரைன்னா கூட பரவால்ல அவங்கவங்களுக்குத் தனித்தனியா பாசையிருக்கும். ஆனா இந்தத் திருச்சி, தஞ்சாவூர்க்காரங்க இருக்காங்களே.. அடடடடா.. உலகத்துலயே நாங்க ஒருத்தங்க தான் கலப்படமில்லாத தூயதமிழ் பேசுதோம்னு ஒரே பெரும பீத்திக்குவாங்க. சரி போனாப் போவுதுனு உட்டுக்குடுக்குறதுக்கு நமக்கு மனசு வராது. “என்னயிருந்தாலும் எங்க ஊரு தமிழ்தான் அழகாயிருக்கும் அம்சமாயிருக்கும்”னு என்னத்தையாவது சொல்லிட்டு ஆஸ்டல் ரூமுக்குள்ள போயி அன்னைக்கே ஒரு முடிவு எடுப்போம். இனிமே நாமளும் இவங்க பேசுதத மாரியே பேசனும்னு. அங்கயே முடிஞ்சிபோவுது திருநெல்வேலி பாசையெல்லாம்! பெறவு லீவுக்கு ஊருக்கு வந்தாக் கூட அம்மாவோ ஆச்சியோ எப்பவும் போலப் பேசயில “ஏன் இப்படிப் பேசுதாங்க”னு வித்தியாசமா நெனைக்கும் இந்தக் கூறுகெட்ட மனசு. ஆனா நாலு வார்த்த பேசுறதுக்குள்ள நாமளும் ஒன்னுக்குள்ள ஒன்னா அயிக்கியமாயிருவோங்கது வேற கத.

கொஞ்ச நாளைக்கு முன்னாடி ஃப்ரெண்ட் கூடச் சேர்ந்து ‘ஒஸ்தி’ படத்துக்குப் போனேன். “ஏ... உங்க ஊரு பாஷை தான் டீ”னு அவ சாதாரணமாச் சொன்னாக்கூட நக்கலாத் தான் தெரிஞ்சிச்சி எனக்கு. ஒன்னுஞ் சொல்லாம படத்தப் பார்க்க ஆரம்பிச்சேன். காக்கிச் சட்டயில கதாநாயகன் பேசுதது கூடப் பரவால்ல. ஆனா சீரியஸான காட்சியில வில்லனும் திருநெல்வேலி பாசய பேசுதத மாரி காட்டும் போது தேட்டர் முழுசும் சிரிப்பாச் சிரிச்சிச்சே.. கடவுளே.. அதென்னமோ தெரியல.. டயலாக் ரைட்டருக்குக் கூட திருநெல்வெலின்னவொடனே காமெடி(மாரி) டயலாக் எழுதத்தான் கைவரும் போல. எப்பிடியும் போங்க..

சரி நமக்குத் தான் இந்தக்கதன்னா ஊருக்குள்ளப் போயி பார்ப்போம்னு பார்த்தா, பள்ளிக்கூடத்துல கூட பிள்ளைங்க எல்லாம் திருநெல்வேலி ஸ்லாங்குல பேச மாட்டேங்குதுங்க. “ஏல.. வால.. போல”ன்னு பேசிட்டிருந்தது எல்லாம் “ஏடா.. வாடா.. போடா”ன்னு ஆயிட்டு. “ஏபிள்ள வாபிள்ள”ன்னு பேசுனதுங்க எல்லாம் “ஏடி.. வாடி.. போடி”ன்னு தான் பேசுதாங்க.

பொங்கல் சமயத்துல காய்கறி வாங்கனும்னு வண்டிய உட்டுட்டு மினிபஸ் புடிச்சி மார்க்கெட்டுக்குப் போயி நிக்கும் போது அங்குன கூட்டம் நம்மள நவுலவுடாது. கரும்பு, காய், மஞ்சளுனு மூட்ட மூட்டையாத் தூக்கிட்டுப் போற கிராமத்து ஆளுங்க பேசுவாங்கப் பாருங்க.. “ஏல.. அங்குன சீட்டப் போடு.. இங்குன எடத்தப்புடி.. இத ஒருகையி தூக்கிவுடு.. ஆ.. அம்புட்டுத்தான்” “காருக்கு(பஸ் தான்) ருவா எடுத்துவையி..” “என்னது டிக்கெட்டு ஏழாருவாய்யா? என்னத்த தான் அலுவசமா பஸ்ஸு ஓட்டுதானோ தெரியல.. நாய்வெல பேய்வெல சொல்லுதான்.. காரவுட்டுட்டு நடந்துதான் போவனும்பொலுக்க”னு நம்ம ஊரு மக்கள் பேசுற பேச்ச வீட்டுக்குத் திரும்பிவராம கூட கேட்டுகிட்டேயிருக்கலாம். ஆனா என்ன, வீட்டுக்கு வாறதுக்கு முன்னாடியே யாராது “உங்க மவள மார்க்கெட்டுல பார்த்தேன். அந்தக் கரும்புச்சாறு கடைக்கு முன்னாடி நின்னுகிட்டு போற வாறவகுள எல்லாம் வாய்ப்பார்த்துகிட்டு நின்னா”ன்னு போட்டுக்குடுத்துருப்பாங்க.

வீட்டுக்கு வந்து வலது கால உள்ளயெடுத்து வைக்கதுக்குள்ள “உனக்கெல்லாம் அறிவியே கெடையாது.. ஒரு கூறுவாடு கெடையாது.. எதுத்தவீட்டுப் பிள்ள (போட்டுக்குடுத்தவங்களோட மக) எப்படிக் கட்டும் செட்டுமாயிருக்கு?”ன்னு அம்மா ஏசும்போது நம்மளே கெஸ் பண்ணிகிடவேண்டியது தான். ஒடனே நாமளும் “நான் டென்த்துல டிஸ்ட்ரிக்ட் ஃபோர்த் எடுத்தேன். அவ எடுத்தாளா? நான் காலேஜுல இத்தன கப் வாங்கிருக்கேன். அவ என்னத்த வாங்கிருக்கா?”ன்னு கேப்போம். “ஆமா.. ஒலகத்துல இல்லாத சாதன படச்சிருக்கா.. ஏட்டுச் சொரைக்கா கறிக்கு ஒதவாது.. வாழ்க்கைக்கி எது ஒதவுதுனு பாரு.. அந்தக் கப்பையெல்லாம் தூக்கிக் குப்பையில போடு”னு ஒரு சொலவடையச் சேர்த்துச் சொல்லும்போது “ச்ச்ச..” அப்படின்னு இருக்கும். அதெல்லாம் தனிக்கத...

சமீபத்துலஃபேஸ்புக்குல திருநெல்வேலியோட புராதான போட்டோஸ் நெறைய ஷேர் பண்ணியிருந்தேன். ஒடனே ஒரு பிரபல எழுத்தாளர் வந்து, “திருநெல்வேலிக்கு இலக்கிய உலகத்துல முக்கிய பங்கு இருக்கு.. புபி” அப்படின்னு ஒரு காமெண்ட் போட்டிருந்தார். பெறவு தான் யோசிச்சுப் பார்த்தேன்.. புதுமைப்பித்தன்ல இருந்து சாகித்ய அகாதமி விருது வாங்குன தி.க.சிவசங்கரன், தொ.மு.சி ரகுநாதன், வல்லிக்கண்ணன், ரா.பி. சேதுப்பிள்ளை, வண்ணநிலவன், வண்ணதாசன்னு, சுகா.. எத்தன எழுத்தாளர்கள் பொறந்திருக்காங்க.. சாதனையாளர்கள் வாழ்ந்துருக்காங்க.. நம்ம பாளையங்கோட்டைய ‘ஆக்ஸ்ஃபோர்ட் ஆஃப் சவுத் இண்டியா’னுலாச் சொல்லுதாங்க.. நம்ம பேரும் ஒருகாலத்துல இந்தமாரி லிஸ்ட்டுல எல்லாம் வரனூனு நெனைச்சு மனச ஆறுதல்படுத்திக்கிட வேண்டியதுதான்.

‘காணி நிலம் வேண்டும் பராசக்தி’னு பாடுன பாரதியார மாரி என்னையப் பாடவுட்டாங்கன்னா, ‘அந்தக் காணிநெலமும் திருநெல்வேலில ஒரு கிராமத்துல வேணும்..’ ‘சீக்கிரமா குஜராத்த உட்டுட்டுத் திருநெல்வேலிக்கு ட்ரான்ஸ்ஃபர் வாங்கிகிட்டுப் போவனும்’ ‘எங்க அம்மா அப்பா திருநெல்வேலிலயே எனக்குவொரு 'ஒஸ்தியான' பையனைப் பார்த்துக் கல்யாணம் பண்ணிவைக்கனும்’னு வேண்டிக்கிடுவேன் ;-)

படிக்கிறவுக உங்க மனசுக்குள்ள இப்பம் என்ன விசயம் ஓடுதுன்னு எனக்குத் தெரிஞ்சிப் போச்சி.. நான் சொல்லுதேன் கேளுங்க.. இந்த இட்லிவடையைப் பாத்தா திருநெல்வேலிக்காரர் மாரிலாம் தெரியல.. வெறும் எலைய போட்டுப் பேருக்கு ரெண்டுமூனு இட்லியையும் வடையையும் மட்டும்தான் வச்சிருக்காரு.. நாங்க எங்க ஊருல சட்னியும் சாம்பாரும் தொட்டுக்கூடு சேத்துத் தான் சாப்புடுவோம் :-)

பின்குறிப்பு : என்னமோ இவ்வளவு நாளா குஜராத் குஜராத்துனு பேசுன இந்தப்பிள்ள இன்னைக்குத் திருநெல்வேலி திருநெல்வேலினு பேசுதே.. என்னலேன்னு யோசிக்காதீய. திருநெல்வேலி உட்பட இந்தியா ஃபுல்லா குஜராத் மாரியே ஆட்சி வரப்போவுதுலே அதான் ;-)

புத்தகக் கண்காட்சி புதிர்

2012-01-16T08:46:00.003+05:30

நேற்று புத்தகக் கண்காட்சியில் பிரபல எழுத்தாளர் ஒருவர் 7வது வழி ஸ்டாலில் பேசியது.

"தற்போது புத்தகக் கண்காட்சியில் தங்களை எம்.ஜி.ஆர், சிவாஜி ஜெமினி கணேசன் என்று நினைத்துக்கொண்டு இருக்கும் மூன்று எழுத்தாளர்களை பற்றி குறிப்பிட்டார். கூட இருந்தவர்கள் புரிந்துக்கொண்டு சிரித்தார்கள்...

ஒன்றும் தெரியாத அப்பாவியாக "சார் அவர்கள் யார் என்று சொல்லிவிடுங்கள் இல்லை என்றால் என் மண்டை வெடித்துவிடும்" என்றேன்.

அவர் சொன்ன விடை -
எம்.ஜி.ஆர் -
சிவாஜி -
ஜெமினி -
யார் என்று நீங்களே கண்டுபிடித்து பின்னூட்டத்தில் தெரிவிக்கவும்.... சரியான பின்னூட்டம் பிரசுரம் ஆகாது :-)

பிகு: போன யானை புதிருக்கு பரிசு இன்னும் சில நாட்களில்...

42 துக்ளக் ஆண்டு விழா ஒலிப்பதிவு

2012-01-15T00:11:00.010+05:30

துக்ளக் 42 ஆம் ஆண்டு விழா ஒலிப் பகுதிகளை அப்லோட் செய்துள்ளேன்.

1. வாசகர் கேள்விகள், சோ பதில்

2. சோ உரை

3. அத்வானி உரை

4. நரேந்திர மோடி உரை

5. மீண்டும் சோ உரை

டெய்ல் பீஸ்

அத்வானி, நரேந்திர மோடி வந்ததால் சோவிற்கு அவ்வளவாக பேச அவகாசம் கிடைக்கவில்லை என்று தான் சொல்ல வேண்டும் ( கனிமொழி, அழகிரி, விஜயகாந்த், சசிகலா போன்ற பெயர்களை குறிப்பிடவில்லை என்றால் பாத்துக்கொள்ளுங்களேன்!). அடுத்த ஆண்டு யாராவது ஒருவரை கூப்பிட்டால் நல்லது என்று தோன்றுகிறது.

கூட்டம் முடிந்து எல்லோரும் வெளியே வரும் போது சென்னை காவல்துறை வயதானவர்களையும், பெண்களையும் பாதுகாப்பாக கையை பிடித்து படிகளில் ஏற்றிவிட்டார்கள். பெண் காவல்த்துறையினர் பொறுமையாக எல்லோருக்கும் "சார் அங்கே படி இருக்கு பாத்து போங்க" என்று எல்லோருக்கும் சொல்லிக்கொண்டு இருந்தார்கள்.

பலர் போலீஸுக்கு "ரொம்ப நன்றி" "வெல் டன், கிரேட் ஜாப்" என்று சொல்லிவிட்டு போவதை பார்க்க முடிந்தது. "போலீஸ் உங்கள் நண்பன்" என்பதை நேற்று நிஜமாகவே நிருபித்தார்கள். ஹாட்ஸ் ஆப்!

ஆடியோ தரம் சுமார் தான், Audacity Software கொண்டு கேட்டால் நன்றாக இருக்கிறது. ஆடியோவை எடிட் செய்யாமல் முழுமையாக கொடுத்திருக்கிறேன், சில இடங்களில் என் பேச்சு கூட கேட்கும், கண்டுக்காதீங்க ;-)

எல்லோருக்கும் இனிய பொங்கல் வாழ்த்துகள் !

துக்ளக் 42 - LIVE

2012-01-14T14:38:00.093+05:30

துக்ளக் 42-ஆம் ஆண்டு நிறைவு விழா. நேரடியாகக் கவர் செய்வதில் இட்லிவடைக்கு மகிழ்ச்சி.

மாலை ஆறரை மணிக்குக் கூட்டம் ஆரம்பம். இப்போதே களை கட்டத் தொடங்கி இருக்கிறது. அரங்கில் அல்ரெடி பாதிக்கு மேல் மக்கள். தண்ணீர் பாட்டில், செய்தித் தாள்கள் அனுமதி இல்லை. Even கீதை போன்ற புஸ்தகங்கள் கூட உள்ளே அனுமதிக்கப் படவில்லை.

மேடையில் நான்கு சேர்கள். அத்வானி, மோதி, சோ மற்றும் மற்றொருவர். நான்காமவர் யார் என்ற டிபேட் ஓடுகிறது. ரஜினியோ என்று நிறையப் பேச்சு அடிபடுகிறது.

நிறைய போலிஸ். கடுமையான பாதுகாப்பு சோதனை, அத்வானி வருவதால். நிறையப் பெண்கள் கூட்டம். ஒரு குழந்தை லாலிபாப் சாப்டுகிறது, போலிஸ் அனுமதியுடன். போலிசார் காமெராவில் படம் பிடிக்கிறார்கள். இங்கே போடப்படும் படங்கள் அவர்கள் எடுத்தது அல்ல.

சிலர் தூங்கி வழிகிறார்கள். எப்போ வந்து சீட் பிடித்தார்களோ பாவம். மைக் டெஸ்டிங் செய்து அவர்களை டிஸ்டர்ப் செய்கிறார்கள். சரி. நானும் ஒரு குட்டித் தூக்கம் போட்டு வந்து தொடர்கிறேன். :-)

இரண்டே முக்கால் மணி நிலவரப் படங்கள் இரண்டு, அரங்கின் வாயிலில் மற்றும் உள்ளே இருந்து.

நாலு மணி நிலவரம்:

கிட்டத்தட்ட அரங்கம் நிரம்பி விட்டது என்றே சொல்லணும். இப்போது அரங்கின் இரு புறமும் குடி தண்ணீர் வசதிசெய்து விட்டார்கள். உள்ளே விற்கப்படும் அலையன்ஸ் புஸ்தகங்கள் மட்டும் போலிசால் அனுமதிக்கப் படுகிறது. போலீசிடம் கேட்டால், இந்தப் புஸ்தகங்களை யாரும் தூக்கி எறிய மாட்டார்கள் என்று சொல்கின்றனர். அலயன்சை தூக்கி எறியலாம், புஸ்தகங்களை எறிய மாட்டார்களோ என்னவோ!

ஒரு காராச்சேவு மற்றும் மிச்சர் சாப்டும் மக்களாக இருக்கிறார்கள். ஒருவேளை ஐயங்கார் மற்றும் ஐயரா இருப்பார்கள் என்று நினைக்கிறேன். உள்ளே ஒரு புறா பறக்கிறது. இது பிஜேபி-அதிமுக சமாதானப் புறாவாக இருக்குமோ?

யாரோ ஒருவர் வாசகர் கேள்விகளை கேட்டு எழுதிக் கொண்டு இருக்கிறார். நானும் ஒன்று கேட்டேன். செலெக்ட் ஆகுமா ஆகாதா என்று தெரியாது.

கேள்வி : போன ஆட்சியில் ஒரே பாராட்டு விழா, இந்த ஆட்சியில் ஒரே பதவி ஏற்பு விழா, சோவின் கருத்து என்ன? :-)

அரங்கம் நிரம்பி விட்டது. இரு புறமும் எல்சிடி ஸ்க்ரீன்கள். நல்ல அரேஞ்ச்மென்ட். அரங்கம் நிரம்பி இருந்தாலும் போன முறைகளைப் போல முண்டி அடிக்கும் கூட்டம் இல்லை. மூன்று காரணங்கள் இருக்கலாம் : 1) வந்தாலும் இடம் கிடைக்காதோ என்று (2) வள்ளுவர் கோட்டம் என்பதால் வேண்டாம் என்று (3) எப்படி இருந்தாலும் இட்லிவடையில் லைவ் பார்த்துக் கொள்ளலாம் என்று!

சரி. போய் சமோசாவும் பிஸ்கட்டும் சாப்டுட்டு வரேன். நாலு மணிக்கு அரங்கத்தில் போட்டோ.

ஐந்து மணி நிலவரம்:
கரண்ட் போய் விட்டது. ஆனால் ஸ்பீக்கர்கள் மட்டும் வேலை செய்கின்றன. சோவின் பக்தி மார்க்கம் ஓடுகிறது. கிட்டத்தட்ட எல்லாரும் இப்போ ஸ்நாக்ஸ் சாப்டும் மூடில் இருக்கிறார்கள்.

வழக்கமான பேக் டிராப் பேனர் இந்த முறை மிஸ்ஸிங். பக்கத்தில் ஒருவர் "சோ சார் கனிமொழி பற்றிப் பேசுவாரா என்று அக்கறையாக் கேக்கறார்". பாவம், அவர் கவலை அவருக்கு. ஒரு வேளை பிஜேபி ஆட்சிக்கு வந்தால் பிரதமர் மோதியா அல்லது அத்வானியா என்ற கேள்விக்கும் சோ பதில் சொல்வாரா என்ற டிஸ்கஷனும் நடக்கிறது. அரங்கில் யாரும் சோவின் கீதா கேட்பதாக இல்லை. எல்லாரும் ஸ்நாக்ஸ் சாப்டுவதிலும் பக்கத்தில் அரட்டை அடிப்பதிலும் பிஸி.

சஃபாரி போட்ட மக்கள் சிலர் திரும்பவும் மேடையை செக் செய்கின்றனர். அலையன்சில் ஒரு புக்கு: சர்வம் காமெடி மயம். நிறையப் பேர் அதை வாங்குகின்றனர், சல்லிசு விலையில் இருப்பதால்.

போன கரண்டு வந்து விட்டது. சிலர் போலீசுடன் வாக்குவாதம் செய்கின்றனர், எப்படி துண்டு/கர்சீப் போட்டு இடம் பிடிக்கலாம் என்று. ஐயா ஆட்சியில் நில அபகரிப்பு. அம்மா ஆட்சியில் சீட்டு அபகரிப்பு.

எங்கே பார்த்தாலும் ஒரே பச்சை பேட்ச். எல்லாம் துக்ளக் எம்ப்ளாயிகள் போல இருக்கார்கள். அரங்கின் உள்ளே சூரியன் நேர் வழியில் வர முடியல. சைடு வழியா வரப் பாக்கறார். என்னதான் நடக்குது என்று பார்க்க. சொல்ல மறந்து விட்டேன். ஹிந்து முன்னணி ராம கோபாலன் ஆஜர். இல. கணேசனும் கூட.

கூட்டத்தில் புஸ்தகம் புரட்டும் ஒருவர்.

கருப்பு சட்டை போட்டவர்களுக்கு அனுமதி இல்லை. நல்லவேளை நான் மஞ்சளில் இருக்கேன்.

கூட்டம் ஆரம்பம் ஆனதும் ஃபரீக்வென்ட்டாக அப்டேட் வரும். :-)

மணி ஆறாகப் போகிறது. மூச்சாப் போக எழுந்தாலும் உடனே பத்து பேர் எழுகிறார்கள், யாரோ வந்திருக்கிறார் என்று பார்க்க. மேடையில் இப்போ ரெண்டு ஏர் கூலர்கள். குருமூர்த்தி மற்றும் சிலர் கண்ணில் படுகின்றனர். கூட்டம் பரபரப்பாகிறது.

மக்கள் ரஜினியை எதிர்பார்க்கின்றனர். மணி சரியாக ஆறு. துக்ளக் ஆட்கள் மேடையில் அங்குமிங்கும் செல்கின்றனர்.

கே. பாலச்சந்தர் வந்துள்ளார். மணி ஆறேகால். போன முறைகள் போன்று இன்றும் டான் என்று ஆறரை மணிக்கு ஆட்டத்தை ஆரம்பிப்பாரா சோ?

குருமூர்த்திக்கு ஸ்டான்டிங் ஓவேஷன்.

நரேந்த்ர மோதி அத்வானியுடன் உள்ளே வருகிறார். சோ வந்ததும் ஒரே ஆரவாரம். வந்தவுடன் கரண்டு இருக்கா? ஏன் ஆடியோ கம்மியாக இருக்கு என்று கேக்கறார் சோ. சத்தம் கம்மியா இருந்தாலும் தனக்குப் பிரச்சினை இல்லை என்று வழக்கம் போல நக்கலாச் சொல்றார். இப்போது துக்ளக் மக்கள் அறிமுகம் நடக்கிறது.

குருமூர்த்திக்கு மீண்டும் ஒருமுறை பெரிய கரகோஷம்.

முதல் செட் கேள்விகள், கல்பனாவிடம் இருந்து. பெண்ணுரிமை. :-)

இலவசம் எப்போது தமிழ் நாட்டை விட்டுப் போகும்? நீங்க உங்க நண்பர் ஜெவிடம் சொல்வீர்களா? மோதி பிரதமர் ஆவாரா?

சோவின் பதில் : இதுக்குதான் பெண்களை அனுமதிக்கக் கூடாது.

ரஜினி வந்தாச்சு!

இலவசம் குடுத்து இருக்காவிட்டால் திமுக ஜெயிச்சு இருக்கும். அதனால் ஜெ செய்தது சரிதான் என்கிறார் சோ. சொன்னதை ஜெ செய்து விட்டார் என்று பாராட்டுப் பத்திரம் வாசிக்கறார்.

தனக்கும் இந்திய மக்களுக்கும் மோதி பிரதமராவதில் ஆசை என்று ரெண்டாம் கேள்விக்குப் பதில்.

அடுத்த கேள்வி: சசிகலா வெளியேறியதைப் பற்றி உங்க பங்கு/கருத்து என்ன?

இப்டிக் கேள்வி கேட்டு ஆடியன்சை அவமதித்து விட்டார் என்று சோ பதில். :-)

ஹிந்து - நக்கீரன் பற்றியது

அடுத்த கேள்வி.

பதில் : இந்த மாதிரி ஆர்டிகிள் நக்கீரன் போடுவது ஆச்சர்யம் இல்லை. நக்கீரன் சரக்கை ஆங்கிலத்தில் போடும் அளவுக்கு ஹிந்து தரம் தாழ்ந்து விட்டது என்று பதில்.

அடுத்த கேள்வி: சீனாவுடன் போட்டி போட மோதி பிரதமாராக வேண்டும். உங்க கருத்து என்ன?

பதில் :குஜராத் மாதிரி ஆட்சி இந்தியாவில் வரணும். அப்போதான் இது சாத்யம்.

அடுத்த கேள்வி விலைவாசி பற்றி.

பதில்: விலைவாசி ஏற்றம் தவிர்க்க முடியாதது. என்னோட ட்ராமாவுலையே சொல்லி இருக்கேன்.

சோ பேசுகிறார். கொஞ்சம் கேட்கணும். அதனால குட்டி பிரேக்.

விரைவில் ஆடியோ அப்லோட் செய்கிறேன். :-)

மன்மோகன் சிங்கைப் போட்டுத் தாக்குகிறார், சோ. நல்ல விளாசல் நன்றி சோ.

பிரதமர் பதவிக்கு நிதிஷ்குமாரை விட நரேந்த்ர மோதி கண்டிப்பா பெட்டெர் எனகிறார்.

அடுத்த பதில் : விநாயகா பீடிக்கும் விநாயகருக்கும் என்ன சம்பந்தமோ, அதே சம்பந்தம்தான் அன்னாவுக்கும் காந்தியிசத்துக்கும்.

கிரண் பேடி நல்ல சியர் லீடராம்! :-)

யாரோ ஒருவர் கலைஞர் பற்றிப் பேசுமாறு சோவிடம் சிட்டு அனுப்பி இருக்காரு. செமக் காமெடி. :-)

கேள்வி பதில்கள் முடிந்தது என்று நினைக்கிறேன். சிட்டுக் குடுத்த புண்யவான் தயவில் கருணார்ச்சனை ஓகோவென்று நடக்கிறது. சோ மட்டும் மேடையில். மேடை ஏறப் போடும் அந்த நான்காவது நபர் யார் என்று அறிய ஆவலாக இருக்கு.

தமிழ் நாட்டை குஜராத் போல மாற்ற ஜெ முயற்சிக்கறார் என்று சோ சொல்கிறார். Nation will become electrified if Modi becomes PM என்கிறார். கூடங்குளம் போராட்டம் ஸ்பான்சர் செய்யப் பட்டது என்கிறார்.

சோவின் கேள்வி பதில் பேச்சு முடிந்தது. மணி ஏழு முப்பத்தி ஐந்து.

அத்வானி பேசப் போகிறார்.

மேடையில் இப்போது.

இத்தோடு லைவ் அப்டேட் முடிந்தது. விழா முடிந்ததும் ஆடியோ வரும். :-)

வழக்கம் போல தேசிய கீதத்துடன் விழா முடிந்தது. இன்னும் சில மணி நேரத்தில் ஆடியோ அப்லோட் செய்கிறேன், எடிட்டிங் மற்றும் ஈட்டிங் முடிந்தவுடன். :-)

என்ஜாய் செய்தது திரும்பும் திருவிழாக் கூட்டம்.

முத்தான வரிகள்

மோதி பிரதமர் வேட்பாளர் என்பதில் பெருமிதம் கொள்கிறேன் - அத்வானி.

டைனாஸ்டி அரசியலைத் தூக்கி எறியவேண்டும் - மோதி.

தை பிறந்தால் வழி பிறக்கும் - தமிழ் வருஷப் பொறப்பு அல்ல - சோ.

முல்லைப் பெரியாறு - ஜெ போராடுகிறார். முக லெட்டர் மட்டுமே எழுதினார். இனியும் எழுதுவார் - சோ.

வேட்டை FIR

2012-01-14T12:57:00.006+05:30

லிங்குசாமியின் அடுத்த ரன். மாதவன், ஆர்யா கூட்டணியில்.

கதை: டிரைலர் பார்த்தவுடன் நினைத்த அதே கதை தான், மசாலாவுடனும் இரண்டு அழகான ஹீரோயின்களுடன் கொஞ்சம் காமெடி கலந்து தந்திருக்கிறார். லாஜிக், அறிவுஜீவித்தனம் எல்லாவற்றையும் கழட்டி வைத்து விட்டு பார்த்தால் நல்ல மசாலாப் பொங்கல்!.

திரைக்கதை: படம் ஆரம்பித்தவுடன் 30 நிமிடத்தில் 3 பாட்டு, ஏதோ தப்பாக இருக்கிறதே என்று நினைத்தால் மீதி கதை வேகமாக பயணிக்க வேண்டும் என்று லிங்குசாமியின் டெக்னிக் என்பது புரியும். அண்ணன் போலீஸ் தம்பி வேலை வெட்டி இல்லாத முரடன். நிச்சயம் அண்ண்ன் போலீஸ் தம்பியை கடைசியில் கைது செய்ய போகப் போகிறார் என்று நினைத்தால் நமக்கு ஏமாற்றமே!. திரைக்கதையில் முழு கவனம் செலுத்தி காமெடி, சண்டை என்று கலக்கியிருக்கார் என்றே சொல்ல வேண்டும்.

இசை பிரமாதம் என்று சொல்ல முடியவில்லை, ஆனால் இந்த படத்துக்கு ஏற்ற அளவு செய்துள்ளார். Especially சண்டை காட்சிகளில். பாடல்கள் இரண்டு பரவாயில்லை ரகம். படத்தைத் தூக்கி நிறுத்தியிருப்பது எடிட்டிங். கச்சிதம். காமெடி என்று தனியாக சந்தானம் வகையரா யாரும் வரவில்லை, மாதவனும், ஆர்யாவுமுமே செய்துவிடுகிறார்கள். "எனக்கே ஷட்டரா?" என்ற மாதவனின் வசனத்துக்குப் பலர் கைத்தட்டுகிறார்கள். பட இடங்களில் கேமரா நன்றாக இருக்கிறது. கடைசிப் பாட்டு "வாடி வாடி நாட்டுக்கட்டை" என்ற லொக்கேஷனை நினைவுப்படுத்தினாலும், கலர்புல்லாக இருக்கிறது.

அமலா பால் கல்யாணத்தில் ஆர்யா, மாதவன் காமெடியை வேட்டை ஆடுகிறார்கள். தியேட்டரில் பலர் விழுந்து விழுந்து சிரிக்கிறார்கள்.

'தல' அஜித் மங்காத்தா காட்சியில் வர்ற 'தல ஃபைட்' என்று சொல்லும் காட்சியில் மக்கள் எழுந்து நின்று கைதட்டுகிறார்கள். எல்லா சீனிலும், ஆர்யா, மாதவன் மாறி மாறி வருவதால் இதில் முதல் ஹீரோ யார் செகண்ட் ஹீரோ யார் என்று தேர்ந்தடுப்பது கஷ்டமாக இருக்கிறது. மாதவனுக்கும் சமீரா ஆன்டிக்கும் கெமிஸ்டரி இருக்கோ இல்லையோ மாதவனுக்கும் ஆர்யாவுக்கும் நல்ல கெமிஸ்டரி. சமீராவின் தங்கையாக அமலா பால் வருகிறார். பால் விலை போல இவர் கவர்ச்சியும் எகிறிவிட்டது. மசாலா படத்தில் அக்கா தங்கை வந்தால் அண்ணன் தம்பியை திருமணம் செய்துக்கொள்ள வேண்டும் என்ற விதியின் படி இவர்களும் செய்துக்கொள்கிறார்கள்.

அக்கா முழுகாமல் இருந்தால், கடைசி காட்சியில் வில்லன் உதைக்க மோதிக்கொண்டு விழும் சமயம் ஹீரோ வந்து காப்பாத்த வேண்டும் என்ற அடுத்த விதியும் இதில் நடக்கிறது.

சொல்ல மறந்துவிட்டேனே இதிலும் வில்லன் திருநெல்வேலி பாஷை பேசிக்கொண்டு அடியாட்களுடன் வந்து அடிவாங்குகிறார்கள். ஆரம்ப காட்சிகளில் மாதவன், ஆர்யாவாக வரும் அந்த சிறுவர்கள் படத்துக்கு பிளஸ். பெரிய பிளஸ் - மசாலா படத்தை தன்னுடைய கதை சொல்லும் திறமையால் நம்மைப் பார்க்க வைப்பது லிங்குசாமியின் 'ரன்' திரைக்கதை.

எவ்வளவு நாள் தான் வெண் பொங்கலையே சாப்பிடுவது, ஒரு மாறுதலுக்கு வேட்டையாடிய பிரியாணியையும் சாப்பிடணும், கொஞ்சம் மசாலா தூக்கலுடன்.

இட்லிவடை மார்க் - 6/10

கூடிய சீக்கிரம் இந்தி, தெலுங்கு என்று இந்த வேட்டை தொடரும்...

துக்ளக் 42

2012-01-13T22:45:00.003+05:30

எச்சரிக்கை: இங்கே அப்டேட் ஆகலாம் ...
முடிந்தால் யாராவது இட்லிவடைக்கு லைவ்வாக அப்டேட் செய்யுங்கள் :-)

ஒபாமா வாழ்த்தும், நக்கீரன் மன்னிப்பும் !

2012-01-13T06:16:00.009+05:30

ஜெயலலிதா பற்றி அவதூறு செய்தி வெளியிட்டதற்கு, நக்கீரன் வாரப்பத்திரிகையின் முதல் பக்கத்தில் வருத்தம் தெரிவிக்க வேண்டும் என்று சென்னை ஐகோர்ட்டு உத்தரவிட்டுள்ளது.
விபரம் கீழே...

நேற்று நடந்த விசாரனையில் விசாரணையில் நடந்த விவாதம்

(ஜெயலலிதா தரப்பில் வக்கீல் நவநீதகிருஷ்ணன், கோபால், காமராஜ் தரப்பில் வக்கீல் பி.டி.பெருமாள் ஆஜரானார்கள்)

பெருமாள்:- ஜெயலலிதா பற்றி வெளியிட்ட செய்தியை நாங்கள் திரும்ப பெற்றுக் கொள்கிறோம். எங்கள் தவறை உணர்ந்து கொண்டோம்.

நவநீதகிருஷ்ணன்:- இவர்கள் இங்கு தெரிவிக்கும் வருத்தத்தை நக்கீரன் பத்திரிகையில் வெளியிட வேண்டும். அதுவும் அந்த செய்தியைப் போலவே வெளி அட்டையில் வெளியிட வேண்டும்.

பெருமாள்:- பத்திரிகையில் முக்கிய பக்கத்தில் அதை வெளியிடுகிறோம்.

தலைமை நீதிபதி:- ஜெயலலிதா பற்றி ஏற்கனவே வெளியிட்ட செய்தி, முன் அட்டையில்தான் வெளியிடப்பட்டது. ஆகவே அதற்கு வருத்தம் தெரிவிக்கும் செய்தியையும் முன்அட்டையில்தான் வெளியிட வேண்டும். அதுவும் வரும் இதழில் அந்த செய்தி இடம் பெற்றிருக்க வேண்டும்.

பெருமாள்:- வரும் இதழுக்கான அச்சடிப்புப் பணி முடிந்துவிட்டது. 21/2 லட்சம் புத்தகங்கள் அச்சடிக்கப்பட்டுள்ளன. எனவே இந்த இதழில் இல்லாமல் அடுத்த இதழில், கோர்ட்டு உத்தவின்படி வருத்தம் தெரிவிக்கும் செய்தியை வெளியிடுவோம்.

நவநீதகிருஷ்ணன்:- அலுவலகத்துக்கு மின்சார இணைப்பு இல்லை என்றுதான் நேற்றெல்லாம் வாதிட்டனர். ஆனால் இவ்வளவு புத்தகத்தை அச்சடித்திருப்பதாக இப்போது தெரிவிக்கின்றனர்.

தலைமை நீதிபதி:- மின்சாரம் இல்லாமல் எப்படி பத்திரிகைகளை அச்சடித்தீர்கள்?

குற்றச்சாட்டு திரும்பப் பெறப்பட்டது

நீதிபதிகள் பிறப்பித்த உத்தரவு: நக்கீரன் கோபாலும், காமராஜ×ம் தங்களது தவறை உணர்ந்ததாகவும், இதுதொடர்பாக வருத்தம் தெரிவித்து அடுத்த இதழில் முன் அட்டையில் (கவர் பேஜ்) செய்தி வெளியிடுவதாகவும் அவர்கள் தரப்பு வக்கீல் பி.டி.பெருமாள் மிகுந்த நேர்மையுடன் தெரிவித்தார்.

மேலும், அந்த செய்தியில் கூறப்பட்டுள்ள குற்றச்சாட்டை திரும்பப் பெற்றுக் கொள்வதாகவும் அவர்கள் தரப்பில் பெருமாள் கூறினார். இது சம்பந்தமாக அவர்கள் தரப்பில் மனு தாக்கல் செய்யப்பட வேண்டும், பிரதிவாதிகளின் இந்த கருத்தை ஏற்றுக் கொள்கிறோம். வழக்கு விசாரணை 18-ந் தேதிக்கு தள்ளி வைக்கப்படுகிறது.
தற்போதைய இதழில் வந்த அட்டைப்படமும், முதல் பக்க செய்தியும்.

ஐகோர்ட்டில் தலைமை நீதிபதியிடம் காட்டப்பட்ட நக்கீரன் பத்திரிகையின் தற்போதைய இதழின் முதல் பக்கத்தில் வருத்தம் என்ற தலைப்பில் செய்தி வெளியிடப்பட்டுள்ளது. அதன் முன் அட்டையில் அதுபற்றிய தகவல் இடம் பெறவில்லை.
உடனுக்குடன் செய்தியும் படமும் போடும் நக்கீரன் வலைப்பக்கத்தில் இதை பற்றி ஒன்றும் வரவில்லை, பாவம் பவர் இருந்திருக்காது. ஒபாமாவிடம் வாழ்த்து பெற்ற அவர்களுக்கு தேவை ஒரு இன்வர்டர்

நண்பன் FIR

2012-01-12T15:18:00.006+05:30

January 08, 2010 அன்று 3 இடியட்ஸ் படத்துக்கு எழுதிய விமர்சனம்.
இன்று நண்பன் படம் பார்த்துவிட்டு அதே விமர்சனத்தை கொஞ்சம் ரீமேக் செய்து உங்களுக்கு தருகிறேன். ரிமேக் விமர்சனம் பச்சையில்...

வழக்கமாக சினிமா விமர்சனம் எழுதும் போது முதலில் 'எச்சரிக்கை' என்று போடுவது தான் வழக்கம் ஆனால் இந்த படத்துக்கு பிராத்தனை என்று ஆரம்பிக்கிறேன். நகைச்சுவை படம் ஆனால் படம் முழுக்க நான் பயந்துக்கொண்டே பார்த்தேன். அந்த பயத்தினால் பிரார்த்தனையுடன் ஆரம்பிக்கிறேன்...

பிராத்தனை: இறைவா, தயவு செய்து இந்த படத்தை தமிழில் ரிமேக் செய்கிறேன் என்று யாரும் சொதப்பாமல் இருக்கணும்.

ரீமேக்: என் பிராத்தனை பலித்துவிட்டது. ஷங்கர் கையில் கிடைத்த பூமாலை மணக்கும் என்ற நம்பிக்கையுடன் இந்த படத்துக்கு சென்றேன். நம்பிக்கை வீண் போகவில்லை. கதையை அப்படியே உள்வாங்கி எங்கே மெருகேற்ற முடியும் என்று யோசித்து ஒவ்வொரு சீனாக செதுக்கியுள்ளார் ஷங்கர். பல இடங்களில் ரீமேக்கில் 'லோக்கல்' வசனங்கள் எவ்வளவு முக்கியம் என்பதை படத்தில் பல இடங்களில் பார்க்க முடிகிறது. "Principalலின் பொண்ணு நீங்க தான் அவருக்கு Profit", "அரை மணியில ஃபீட்சா வந்துவிடுகிறது, ஆம்புலன்ஸ் வரமாட்டேங்குது"

3 இடியட்ஸ் என்று படம் பெயர் இருந்தாலும் படத்தில் எல்லோரும் செம இண்டெலிஜெண்ட். நல்ல இசைக்கு மொழி தேவையில்லை அதே போல ஒரு நல்ல திரைப்படத்துக்கும் என்று நிருபிக்கிறது இந்த படம்.

ரீமேக்: இசை ஓ.கே ரகம் தான். ஹிந்தியில் இருப்பது போல இல்லை. சில இடங்களில் அந்த விசில் சத்தம் மட்டும் நன்றாக இருக்கிறது.

திரைக்கதை: திரைக்கதை எப்படி இருக்க வேண்டும் என்பதற்கு இந்த திரைப்படம் எடுத்துக்காட்டு. டிவிஸ்ட், செண்டிமெண்ட், நகைச்சுவை இருக்க வேண்டும் என்று நினைத்து காட்சிகளை புகுத்தாமல் கதையோட்டத்திலே அவைகளை சொன்னதற்கு சபாஷ்!. போனஸாக நம் மனப்பாடம் செய்து தங்க மெடல் வாங்கும் கல்வியமைப்பு, டாக்டர், என்ஜினியராக வர வேண்டும் என்று பிறந்த பத்தாவது நிமிஷம் கனவு காணும் நம் பெற்றோர்களையும் ஒரு குட்டி குட்டி, குழந்தைகள் அவர்கள் விருப்பம் போல விடுங்கள் என்ற மெசேஜ் - அட !. பாடம் பார்த்துவிட்டு யோசித்தால் அமீர் கானை அலைந்து தேடும் படலம் நமக்கு கதை சொல்ல என்று புரியும், திரைக்கதை நுணுக்கம்!. ஒருவொரு சீனையும் அழகாக செதுக்கியிருக்கிறார்கள். !

ரீமேக்: அச்சு அசலாக அப்படியே இருக்கிறது, தமிழ் ரீமேக்கும்.

கதை: தமிழ் படம் என்றால் கதை சொல்லலாம் உங்களுக்கு புரியும். இது ஹிந்திப் படம், கதை சொன்னால் உங்களுக்கு புரியாது அதனால் சொல்லவில்லை. முழு கதையும் சொன்னால் படத்தை அனுபவிக்க முடியாது என்ற காரணத்தால் இரண்டு வரி - கல்லூரியில் சேரும் மூன்று பேர் சுற்றி நடக்கிறது கதை. எப்படி நண்பர்கள் ஆகிறார்கள். கறார் புரொஃபசர். அங்கே நடக்கும் கூத்துக்கள் தான் கதை. சில இடங்களில் ஸ்டூடண்ட்ஸ் ( தெலுங்கு ), முன்னாபாய் எம்.பி.பி.எஸ் ( ஹிந்தி ) படத்தை நினைவு படுத்தினாலும் கதை ஸ்டிராங்காக இருந்தால் ஹீரோ பற்றி கவலை பட வேண்டாம் என்று நிருபிக்கும் படம் இது! கட்டிபிடி வைத்தியம் மாதிரி, “ஆல் இஸ் வெல்” என்று இந்த படத்தில் வருகிறது

ரீமேக்: ஆல் இஸ் வெல் :-)

நம்ம கோலிவுட் மக்கள் "இவர் தான் ஹீரோ" இவருக்கு ஏற்ற கதை சொல்லுங்க என்று கேட்பதை எப்போது விடுவார்களோ அன்று தான் இவர்கள் உருப்புடுவார்கள். அதே போல "சார் இந்த சீன் இருந்தா நல்லா இருக்கும் என்று ஹீரோ ஃபீல் செய்கிறார்" என்று ஷூட்டிங் ஸ்பார்ட்டில் சீன் வடிவமைத்து SMS-இல் வசனம் வந்து.. இவை எதுவும் இல்லாமல் இந்த படத்தை செய்திருக்கிறார்கள்.

நடிப்பு: எப்படி எல்லோரும் நடிக்கிறார்கள் என்று ஹிந்திப் படம் வியக்க வைக்கிறது. 44 வயதில் காலெஜ் சேரும் மாணவனாக எப்படி இவரால் முடிகிறது ? வந்தவுடனேயே சுவிங்கமை மேலே போட்டு, இரண்டு மொட்டை தலையை அடித்துவிட்டு திரும்ப சுவிங்கமை வாயில் வாங்கி தலையில் இருக்கும் கூலிங் கிளாஸ் வந்து விழும் எண்டரி, அல்லது 'ஆழ்வார் பேட்டை ஆண்டவா' என்று ஹீரோ வர்ஷிப் செய்யும் பாடல் என்று எதுவும் இல்லாமல், ஒன்றும் தெரியாத குழந்தை மாதிரி வந்து போகிறார் அமிர்கான். படத்தில் ஒரு பஞ்ச் டயலாக் கூட பேசாமல் எப்படி இவர்களால் படம் எடுக்க முடிகிறது ? எங்களுக்கும் கொஞ்சம் சொல்லி தாங்களேன் ?

காலேஜ் ஸ்டுடண்ட் எப்படி பையை மாட்டிக்கொள்வார், எப்படி நடப்பார், எப்படி ஹேர் ஸ்டைல் வைத்துக்கொள்வார், டிரஸ் செய்துக்கொள்வார் என்று அழகாக எல்லாவற்றையும் கொண்டு வந்திருக்கிறார்.

ரீமேக்: விஜய்க்கு ஓபனிங் சீனில் பாட்டு, ஃபைட் இல்லாத முதல் படம் என்று நினைக்கிறேன். விஜய்யும் சங்கர் சொன்னவற்றை 'சரிங்கண்ணா' என்று சொல்லி கேஷுவலாக நடித்திருக்கிறார்.

அமீரின் நண்பர்களாக வரும் மாதவன், ஷர்மான் ஜோஷியும் ஓவர் ஆக்ட் செய்யாமல் கொடுத்த வேலையை ஒழுங்காக செய்திருக்கிறார்கள். ஜப் வி மெட் படத்தில் பார்த்த கரீனா கபூர் மாதிரி இல்லை என்பது கொஞ்ம் வருத்தம். வயது அதிகமாக தெரிகிறது அம்மனிக்கு!.

ரீமேக்: ஸ்ரீகாத்தா இவர் ? காச்சேரியில் பக்கவாத்தியம் பாக்கா வாத்தியமாக இருக்க வேண்டும் என்பதை போல மிக சிறப்பாக நடித்துள்ளார். ஜீவாவும் சளைத்தவர் இல்லை என்று பல காட்சியில் 'அட' போட வைக்கிறார். ஸ்ரீகாந்த் தன் அப்பாவிடம் மனம் திறந்து பேசும் காட்சியும், ஜீவா இண்டர்வியூவில் பேசும் காட்சியும் பலரை அழ வைக்கிறது.

இலியானா நல்ல தேர்வு. இவர் போல பெண் கிடைத்தால் காலேஜில் தேர்வு எழுதவே மறந்துவிடும் :-). அவர் அழகிற்கு அவர் வரும் முதல் காட்சியியிலேயே கைத்தட்டல் கிடைக்கிறது. நிச்சயம் கரீனா கபூரின் தங்கை மாதிரி இருக்கார்!. ஜிவாவின் சகோதரியாக வருபவர் சிவாஜி படத்தில் வரும் அங்கவை சங்கவை நினைவுப்படுத்துகிறார்கள். இதை நிச்சயம் இந்த படத்தில் காமெடிக்கு கொண்டு வந்திருக்கிறார் ஷங்கர். தவிர்த்திருக்கலாம்.

முசுடு, கிடுக்கிப்பிடி புரொஃபசராக வரும் போமன் இரானி முதலில் பார்க்க கொஞ்சம் நாடகத்தனமாக இருந்தாலும் சம்பவங்களின் தோரணத்தால் அவர் கேரக்டர் அழுத்தம் பெருகி நாடகத்தன்மை மறைந்துவிடுகிறது.

ரீமேக்: சத்தியராஜ் குரல் மட்டும் கொஞ்சம் செயற்கையாக இருக்கிறது. மற்றபடி ஹிந்தியை காட்டிலும் நாடக தன்மை தமிழில் கொஞ்சம் கம்மி என்றே சொல்ல வேண்டும்.

அப்பறம் சொல்ல மறந்துவிட்டேன் இவர்களுடன் இன்னொரு மாணவர் சத்தூர் வருகிறார், முக்கியமான கதாப்பாத்திரம் ஆனால் படம் முடிந்த பின்பு தான் அது நமக்கு தெரியும்!.

ரீமேக்: சத்யன் ஷங்கருக்கு நன்றி சொல்ல வேண்டும். அருமையான ஒரு கதாபாத்திரம் கொடுத்ததற்கு. சில இடங்களில் கொஞ்சம் ஓவர் ஆக்டிங் என்றாலும் நன்றாகவே செய்துள்ளார். ஆனால் இந்த கதாபாத்திரம் ஹிந்தியில் இன்னும் நன்றாக இருந்தது.

எடிட்டிங், ஒலிப்பதிவு, இசை: படம் ஆரம்பித்து 10 நிமிஷத்தில் இசை பிரமாதம் என்று சொல்ல வைக்கிறது. பாடல்கள் எப்ப வருகிறது ( ஒரு பாடல் தவிர ) எப்ப போகிறது என்று தெரிவதில்லை. இயற்கையை இயற்கையாக காண்பிக்கும் ஒளிப்பதிவு, தேவையிலாமல் டார்ச் லைட் அடித்தும், நீல கலர் ஃபில்டர் போட்டு இருட்டு செய்தும் எதையும் காண்பிக்கவில்லை. ஒரு காட்சியிலிருந்து அடுத்த காட்சிக்கு செல்வதை நம் உணரமுடியாத எடிட்டிங். தேவையில்லாமல் ஹீரோவை ஸ்டில் செய்தும், வில்லனுக்கு பஞ்ச் வைக்கும் போது ஹீரோவை ஒரே ஸ்கிரீனில் ஐந்து ஹீரோவாக காண்பிக்கும் மாயாஜாலம் போன்ற செலவு எதுவும் செய்யாமல் எடுத்திருக்கிறார்கள்.

ரீமேக்: முதல் பாதி ஏனோ கொஞ்சம் பெரிதாக இருக்கிறது. "இருடா கண்ணா இதோ இண்டர்வெல் வந்துவிடும் பாப்கார்ன் வாங்கி தரேன்" என்று கேட்க முடிந்தது. அந்த தற்கொலை செய்துக்கொள்ளும் மாணவன் கிட்டார் வைத்துக்கொண்டு ஒரு சின்ன சோக பாடல் எல்லாம் இந்த கதைக்கு தேவையே இல்லை. அதனாலோ என்னவோ அந்த மாணவன் எப்போது தூக்கு போட்டு தொங்கும் காட்சி வரும் என்றாகிவிட்டது.

தமிழில் இதை நிச்சயம் ரீ-மேக் செய்வார்கள். மூன்று ஹீரோ சப்ஜட் அதனால் ஹீரோவுடன் டம்மியாக இரண்டு பேர் நடிக்க ஒத்துக்கொள்ளுவார்கள். அவர்கள் இரண்டு பேரும் ஹீரோவுக்கு கூஜா தூக்குவார்கள், காதலுக்கு ஹெல்ப் செய்வார்கள், தியாகம் செய்வார்கள். அப்படியே செய்தாலும் அமீர் கான் ரோலை யார் செய்வார்கள் ? விஜய், அஜித், சூர்யா, விகரம், ரஜினி, (மேக்கப் போட்ட) கமல், பரத் என்று யாரை யோசித்தாலும் பயமாக இருக்கிறது. யாராவது இருக்கிறார்களா ? இருந்தால் சொல்லுங்க நீங்க "இண்டலிஜண்ட்" என்று நான் ஒத்துக்கொள்கிறேன்!

ரீமேக்: விஜய் இந்த படத்தில் அமீர்கானுக்கு போட்டியாக நடித்திருக்கிறார். சபாஷ். ஆனால் விஜயை தூக்கி நிறுத்துவது ஸ்ரீகாந்த், ஜீவாவின் நடிப்பும் ஒத்துழைப்பும் தான். ஷங்கர் தான் பெரிய டைரக்டர் என்றாலும் ஒரு பாட்டை தவிர வேறு எங்கும் அவருடைய பிரமாண்டத்தை காண்பிக்காதது பெரிய பிளஸ். இலியானா இடுப்பை கூட ஒல்லியாக தான் காண்பித்துள்ளார். தமிழிலும் சிலர் ஒழுங்காக ரீமேக் செய்வார்கள் என்பது நமக்கு பெரிய ஆறுதல்.

படத்தில் கதை தான் ஹீரோ, நடிகர் ஹீரோ இல்லை என்று அழுத்தமாக சொல்லும் படம். இது மாதிரி தமிழ் படங்களை எடுக்க கற்றுக்கொள்ளுங்கள், இல்லை என்றால் கோலிவுட்டில் இருப்பவர்கள் எல்லோருக்கும் மஸ்லி பவர் எக்ஸ்டரா இட்லிவடை செலவில் தருகிறேன்.

ரீமேக்: நல்ல கதையை ஒழுங்காக எடுத்தால் வெற்றி பெறலாம் என்பதை நிருபிக்கும் படம். பரதம் என்ற நல்ல மலையாள படத்தை சீனு என்று சொதப்பியதை போல சொதப்பாமல் அப்படியே தமிழில் கொடுத்த ஷங்கர் & டீமுக்கு வாழ்த்துக்கள்.

இட்லிவடை மார்க்: படத்தில் மார்க் வாங்குவதை பற்றி மெசேஜ் சொல்லுகிறார்கள். அதனால் நானும் திருந்திவிட்டேன். இந்த படத்துக்கு( மட்டும் ) மார்க் கிடையாது !

ரீமேக் மார்க்: நமக்கு பின்னாடி உட்கார்ந்து காப்பி அடிக்கும் நண்பன் சில சமயம் நல்ல மார்க் வாங்குவதில்லையா ? அதே போல சில காட்சியில் ஹிந்தியைவிட நல்ல மார்க் நம் நண்பன் வாங்குகிறான்.

இரண்டு பக்க குமுதம் கதை

2012-01-11T17:48:00.006+05:30

இந்த வார குமுதத்தில் வந்த இரண்டு பக்க கதை இது.

கிளிக் செய்து படிக்கவும் !
தொடர்புடைய பழைய பதிவு இது
பல கிசு கிசுக்களை எழுதிய குமுதத்தின் கதையும் அதே போல ஆனது தான் வேடிக்கை !

கடைசி செய்தி: என்.டி.டி.வி- த ஹிந்து பத்திரிக்கை ஆகியவை இணைந்து தொடங்கிய செய்தி சேனலை தமிழின் நம்பர் ஒன் நாளிதழான தினத்தந்தி நிர்வாகம் வாங்கியிருப்பதாகவும், ஏப்ரல் 14ம் தேதி தமிழ்புத்தாண்டு முதல் இந்த புதிய டிவி தந்தி நிர்வாகத்திலிருந்து வெளியாகவுள்ளதாகவும் மீடியா வட்டாரத்தில் பரபரப்பாகப் பேசப்படுகிறது. புதிய தலைமுறை டிவிக்கு போட்டியாக இருக்கும் என்று நினைக்கிறேன்

மா(டு)யா(னை)வதி போட்டி

2012-01-09T21:53:00.003+05:30

இந்த படத்துக்கு நல்ல கமெண்ட் போடுபவர்களுக்கு ஒரு புத்தகம் பரிசு.

மைடியர் பாடிகாட் முனீஸ்வரனே! - 8-1-2012

2012-01-08T19:40:00.002+05:30

ஹாய் இட்லி & வடை,

எப்படி இருக்கே ?
அன்னா பற்றி நீ ஒன்றும் புத்தகம் எழுதலையா ? நேற்று அன்னா பற்றி புத்தகம் வாங்கலாம் என்று புத்தகக் கண்காட்சிக்குப் போனால் எல்லாம் எக்கச்சக்க விலை. சரி என்று எனக்கு தேவைப்படும் சமையல் குறிப்பு, ஜோசியம் புத்தகங்கள் இரண்டை வாங்கிக்கொண்டு வந்தேன். அன்னாவிற்கே பணம் தேவைப்படும் போது அவர் பற்றிய புத்தகங்களை வாங்கும் எனக்குப் பணம் தேவைப்படாதா? "கூட்டம் ரொம்ப இல்லையே?" என்று மீடியா கேட்ட கேள்விக்கு "என்னிடம் பணம் இல்லை" என்று பதில் சொல்லுகிறார் ஹஸாரே. அப்படி என்றால் டில்லியில் கூடிய கூட்டம் பணம் கொடுத்து கூடிய கூட்டமா? எனக்கு தெரிந்து மோதி பிரதமராக வந்தால் தான் இந்தியாவிற்கு ஏதாவது நல்லது நடக்கும். லோக்பால் என்ற யானை குட்டி போடும் என காத்திருக்க அது லத்தி போட்ட கதையாய் முடிந்துவிட்டது தான் 2011ல் பெரிய ஏமாற்றம்.

யானை என்று சொன்னவுடன்தான் நினைவுக்கு வருகிறது. உத்தரபிரதேசத்தில் மாயாவதியின் ராஜ்யத்தில் சட்டசபை தேர்தல் நடைபெற உள்ளது. அங்கே இருக்கும் மாயாவதி சிலைகள் மற்றும் அவரது கட்சியின் சின்னமான யானை சிலைகளை அகற்ற வேண்டும் என்று புகார்கள் எழுந்தன. இதனால் தேர்தல் கமிஷன் மாயாவதி மற்றும் யானை சிலைகளைத் துணி போட்டு மூடுகிறார்கள். ஆனால் பல இடங்களில் இந்த சிலைகள் இருப்பதால் பெரிய துணியை கொண்டு மாநிலத்தையே மூடிவிடலாமா என்று யோசிக்க தொடங்கியுள்ளார்கள். அப்படிச் செய்தால் தேர்தலுக்கு முன்பே மக்கள் தலை மீது துண்டைப் போட்ட மாதிரியும் இருக்கும்.

யானைக்கு ஒரு காலம் வந்தால் பூனைக்கு ஒரு காலம் வரும் என்று சொல்லுவார்கள். ஒரு காலத்தில் வில்லனாகப் பலரை போட்டு அடிச்ச நடிகர் மன்சூர் அலிகான் புழல் சிறையில் கொசுக்களிடம் சிக்கி படாதப்பாடு பட்டுவருகிறாராம். இப்போது எல்லாம் ஊழல், கொள்ளை அடிப்பதற்கு மக்கள் அஞ்சுவதில்லை, ஆனால் கொசு, மூட்டைப்பூச்சி போன்றவற்றுக்கு அஞ்சுவது நல்ல வேடிக்கை தான். கருப்பாக ஓடும் கூவம் நதிக்கரையில் கொசுக்கு அஞ்சாத ஏழைகள் இருக்கிறார்கள், ஆனால் கருப்பு பணம் நிறைய வைத்திருக்கும் ஏசி பங்களாவில் இருப்பவர்கள் கொசுக்காக அஞ்சுகிறார்கள்.

கருப்பு தான் எனக்கு பிடிச்ச கலரு என்று ஹீரோயின்கள் பாடியது அந்த காலம், ஆனால் இப்போ நடிகைகளை மட்டும் அழகழகானவர்களாக அறிமுகப்படுத்துகிறீர்களே அதேபோல எங்களைப் போன்ற பெண்களுக்காக எம்.ஜி.ஆர், கமல், அரவிந்த் சாமி, அஜித் போன்ற ஹேண்ட்சம் ஹீரோக்களை அறிமுகப்படுத்துங்கள் என்று கூறியுள்ளார் நடிகை சுஹாசினி. இவர் தர்மத்தின் தலைவன்(ர்) படத்தில் ரஜினியுடன் நடித்துள்ளார் என்பது பழைய தகவல்.

இந்தியாவின் பழைமை வாய்ந்த பழைய பகவத் கீதை தீவிரவாதத்தை ஊக்குவிப்பதாகவும், அதனால் அதைத் தடை செய்ய வேண்டும் என்றும் ரஷ்யாவில் வழக்குத் தொடுக்கப்பட்டு தீர்ப்பை ஒத்தி வைத்துள்ளார்கள். உடனே இங்கே இருக்கும் பிஜேபி கட்சிக்காரர்கள் குதியோ குதி என்று குதிக்கக் கிளம்பியுள்ளார்கள். ரஷ்யாவில் கீதையை படித்தால் என்ன படிக்காவிட்டால் என்ன? முதலில் இந்தியாவில் இருக்கும் மக்கள் படித்தார்களா என்று இவர்கள் கணக்கு எடுக்கட்டும். கூடவே அந்த கீதையை பிஜேபிகாரர்கள் ஒழுங்காப் படித்து இருந்தாலே அவர்கள் நல்ல அரசியல்வாதிகள் ஆக சான்ஸ் இருக்கே. ஆனால் வருடம் ஒன்னாம் தேதி போடும் நக்கல் படத்துக்கு ஆபாசமாக கமெண்ட் எழுதுவதே இவர்களுக்கு நேரம் சரியாக இருக்கு. புலி தூங்கும் போது அதை நீ எழுப்பினாலும், நீ தூங்கும் போது உன்னை புலி எழுப்பினாலும் பிரச்சனை உனக்குத்தான் என்று எந்த ஆசாமியோ சொல்லியிக்கிறார்.

சாமி என்று சொன்னவுடன் தான் நினைவுக்கு வருகிறது, இந்தியாவில் ஆங்கிலேய புத்தாண்டு அன்று எல்லா ஹிந்து கோயில் சாமிக்களும் ஓவர்டைம் செய்துள்ளார்கள், திருவேற்காடு கருமாரி அம்மன், வடபழனி , மைலாப்பூர் முதல் பார்த்தசாரதி பெருமாள் வரை மக்கள் கூட்டம் அலை மோதியுள்ளார்கள். அதுவும் ட்விட்டரில் போகிறேன் தன் followersஸிடம் என்று சொல்லிவிட்டு ( உஷார் இந்த ட்விட்டர் கூட நாளை புத்தகமாக வரலாம் ) அங்கே கூட்டத்தை ஃபாலோ செய்ய போய்விட்டார்கள். இந்த வழக்கம் தமிழக கோயில்களுக்கு புதுசு என்பதை நாம் புரிந்துக்கொள்ள வேண்டும். சுமார் 20 வருடம் முன் வந்த வழக்கம் தான் இது, அதற்கு முன் கோயில்களில் ஆங்கில புத்தாண்டுக்கு இவ்வளவு கூட்டம் கிடையாது, அதற்காக அன்று சிறப்பாக நடை எல்லாம் திறக்க மாட்டார்கள்.
சிறப்பு பூஜை அலங்காரம் எல்லாம் கிடையாது, வேண்டும் என்றால் அர்ச்சனை செய்வார்கள். மார்கழி மாதம் என்பதால், சில கோவில்களை சீக்கிரம் மூடிவிடுவாகள். ஆனால் ஆங்கில புத்தாண்டுக்கு மட்டும் Exception கொண்டு வந்துவிட்டார்கள். அதே போல தான் தமிழகத்தில் பிள்ளையார் சதுர்த்தி ஊர்வலமும் 25-30 வருடம் முன் பிஜேபினார் வடக்கிலிருந்து கொண்டு வந்தது, அதற்கு முன் கலர் அடிக்காத களிமண் புள்ளையாரை வாங்கி கிணற்றில் போடுவது தான் தமிழர்களின் வழக்கம். காதலர் தினமான வேலண்டைன்ஸ் டே போன்ற தினங்கள் 20 வருடம் முன் யாருக்கும் தெரியாது என்பது குறிப்பிடத்தக்கது. இவை எல்லாம் எப்படி உருவாகிறது? எப்படிப் பரவுகிறது? அது சரி. சாதாரண கொலைவெறி பரவும் போது இது எல்லாம் பரவியது ஒன்றும் வியப்பு இல்லை.

நேற்றும் இன்றும் நக்கீரன் பத்திரிக்கை மீது கொலைவெறித் தாக்குதல் நடத்தியுள்ளார்கள் அதிமுகவினர். கிட்டத்தட்ட பத்திரிக்கைக்கு தர்மம் நடந்துவிட்டது என்று சொல்லலாம். நக்கீரனுக்கு யாரும் வக்காலத்து வாங்க முடியாது. ஏன் என்றால் அவர்கள் நடத்துவது பத்திரிக்கை இல்லை. கலைஞர் விடுவாரா? உடனே அதை கண்டித்து அறிக்கை விட்டுவிட்டார். வழக்கமாக பழைய கதையை தேதியுடன் மேற்கோள் காட்டி அறிக்கைவிடுவார் ஆனால் பாவம் தினகரன் பத்திரிகை ஆபீஸ் கொளுத்தியது அதில் 3 உயிர் போனது பற்றி எல்லாம் அவருக்கு நினைவுக்கு வரவில்லை. வயதாவிட்டது இல்லையா ? இந்த மாதிரி சம்பவங்களை பாருக்கும் தமிழர்கள் பேசாமல் வேடிக்கை பார்ப்பது தான் நல்லது. இப்ப இந்தியா ஆஸியிடன் அடிவாங்குவதை நாம் வேடிக்கை பார்க்கவில்லையா? அதே மாதிரி தான். இந்த மாதிரிப் பிரச்சனைக்கு எல்லாம் தீர்வே கிடையாது.

பா.ம.க.வைப் போல் எல்லாப் பிரச்னைகளுக்கும் போராடி, தீர்வு சொன்ன கட்சி வேறு எதுவும் இல்லை என்று கூறியுள்ளார் காமெடி கிங் ராமதாஸ். காவிரி, முல்லை பெரியாறு, கல்பாக்கம் போன்ற பிரச்சனைகளுக்கு என்ன தீர்வு சொல்லியிருக்கார் என்று பார்க்க வேண்டும். அன்புமணி ராமதாஸை மினிஸ்டராக்க வேண்டும் என்று தீர்வு சொன்னாலும் சொல்லுவார். பாவம் அவருக்கு இப்ப அரசியலில் யாரும் நண்பர்கள் கிடையாது.

பொங்கலுக்கு வரும் படங்களில் 'நண்பர்களுடன்' சேர்ந்து பார்க்க தகுதியான படம் சமீரா ரெட்டியும், அமலாபாலும் நடித்துள்ள வேட்டை படம்தான். படத்துக்கு 'யூ' சர்ட்டிபிகேட் வேற கொடுத்துள்ளார்கள். இந்தப்படத்தில் ஆர்யாவும் - மாதவனையும் பார்த்து சர்டிபிகேட் கொடுத்திருப்பார்களோ?

இந்த சர்டிபிக்கேட் கூட பரவாயில்லை, ஆனால் கனிமொழிக்கு அவர் அம்மா கொடுத்திருக்கும் சர்டிபிக்கேட் பாருங்க - கனிமொழிக்கு ஸ்பெக்ட்ரம் பற்றி ஒன்றுமே தெரியாது. அவர் கலைஞர் தொலைக்காட்சியின் வாசலைக்கூட அவர் மிதித்ததில்லை என்று சர்டிபிக்கேட் கொடுத்துள்ளார். எல்லோரும் கிளம்பி போங்கப்பா அவங்களே சொல்லிவிட்டாங்க.

மனசுக்குள் ஆயிரம் விஷயம் இருக்கும் ஆனால் எழுத வராது அது லவ்-லெட்டர்
மனசுக்குள் ஒண்ணுமே இருக்காது ஆனா எழுத வரும் அது செமஸ்டர் அப்பறம் முனி லெட்டர்
இப்படிக்கு
(3 பட விழாவை சன் டிவியில் பார்த்துக்கொண்டு இருக்கும்)
முனி

பலர் கேட்டுக்கொண்டதால் 2012 காலண்டர் படம் இல்லாமல், தேதி மட்டும் கீழே...எல்லா மதமும் நமக்கு சம்மதம் தான்!...

2012 !

2012-01-01T00:00:00.003+05:30

பதிவு போட்ட சில நிமிடங்களிலேயே நகைச்சுவையை பலர் ரசித்தார்கள், ஆனால் சிலர் ஆபாசமாக திட்டவும் ஆரம்பித்தார்கள்......ஆபாசமாக வரும் பின்னூட்டத்தை என்னால் மட்டுறுத்த நேரம்மில்லை அதனால் இந்த பதிவை எடுத்துவிடுகிறேன்... யாரையும் புண்படுத்தும் நோக்கத்தில் இந்த பதிவை போடவில்லை என்று இட்லிவடை வாசகர்களுக்கு தெரியும்.

( படத்தை கிளிக் செய்து பார்க்கவும் )

2011 டாப் 10+1 படங்கள்

2011-12-30T11:25:00.002+05:30

1.

2.

3.

4.

5.

6.

7.

8.

9.

10.

11.

எல்லோருக்கும் 2012 புத்தாண்டு வாழ்த்துகள் !

12. வாசகர் விருப்பம்

சசிகலா - சோ பேட்டி

2011-12-27T06:44:00.001+05:30

பலர் இந்த பேட்டியை படித்திருக்க மாட்டீர்கள்..அதனால் இங்கே..

நன்றி: தினமலர்

மலையாளக் கரையோரம் தமிழ் பாடும் இளையராஜா

2011-12-26T23:17:00.004+05:30

இந்த வாரம் நடைபெற இருந்த இளையராஜா இன்னிசை நிகழ்ச்சி இப்போது சர்ச்சையில் சிக்கியுள்ளது. மலபார் கோல்டு ஹவுஸ் என்ற கேரளா நிறுவனம் இந்த நிகழ்ச்சியை ஸ்பான்சர் செய்வதால் சர்ச்சை. சர்ச்சை செய்பவர்கள் பெரியார் திகவினர்.
தமிழர் என்ற உணர்வு தேவைதான். ஆனால் அதுக்கும் ஒரு வரம்பு இருக்கிறது. கோடீஸ்வரன் நிகழ்ச்சியில் தமிழ் தாய் வாழ்த்தின் முதல் வார்த்தை என்ன என்று ஆப்ஷன் A,B,C,D என்று எஸ்.எம்.எஸ் செய்வதுடன் நிறுத்திக்கொள்ளுவது நல்லது.

இந்த சர்ச்சைக்கு இளையராஜாவின் பதில் "இந்த நிகழ்ச்சியை நடத்தினால் தமிழர்களின், தமிழ் அமைப்புகளின் பலமான கண்டனத்துக்கு ஆளாவேன் என்பது எனக்கும் தெரியும். அவர்களின் உணர்வுகளை நான் புரிந்து கொள்கிறேன். எனவே எப்படியாவது நான் நிகழ்ச்சியை ஒத்திப்போடுவதற்கோ, கலந்து கொள்ளாமல் தவிர்ப்பதற்கோ ஏற்பாடு செய்கிறேன்" என்று சொல்லியுள்ளார். அவரின் மனசாட்சி இதை நிச்சயம் சொல்லியிருக்காது.

இசைக்கு மொழி கிடையாது என்று சொல்லுவார்கள், ஆனால் முல்லை பெரியாறு பிரச்சனையினால் இசைக்கு மொழி உண்டு என்று இளையராஜாவே நிருபித்துவிட்டார்.

நாளைக்கே கன்னடர்களிடம் ஏதாவது பிரச்சனை என்றால் பெரியார் திகவினர் என்ன செய்வார்கள் ? பெரியார் கன்னடர் என்பதால் கண்டுகொள்ளாமல் விட்டுவிடுவார்களா ?

அச்சமில்லை அச்சமில்லை என்ற தமிழ் கவிஞர் பாரதியார் "கேரள நாட்டிளம் பெண்களுடனே" என்று பாடினார். இன்று கேரளாவை காட்டிலும் தமிழ்நாட்டில் தான் அதிக பெண்கள் இருக்கிறார்கள் என்று பலர் நிருபிக்கிறார்கள்.

பிகு: இளையராஜாவை பற்றி சில வரிகள் இங்கே எடுத்திருக்கிறேன். அவரை விமர்சிக்கும் எண்ணத்தில் பதிவு எழுதவில்லை - இட்லிவடை

ராஜபாட்டை விமர்சனம்

2011-12-26T07:50:00.004+05:30

ராஜபாட்டை சில குறிப்புகள்

1. இந்த படத்தின் மூலம் ஒஸ்தி சிம்புவிற்கு தான் சளைத்தவர் இல்லை என்று நிருபித்துள்ளார் விகரம். தமிழ் சினிமா உலகத்துக்கு நல்ல எதிர்காலம் இருக்கிறது.

2. 'வாப்பா' என்ற முஸ்லீம் கேரக்டர் 2G பாட்ஷாவை குறிப்பது போல உள்ளது. அப்ப அந்த 'அக்கா' காதாபாத்திரம் யார் ?

3. விக்ரம் படத்தில் ஏன் பெண் வில்லியே வருகிறார்கள் ? விக்ரமுக்கு வயதாகிவிட்டதால் இந்த ஏற்பாடா ? மார்கழி மாதம் வீட்டு வாசலில் கலர் கோலம் போடுவார்கள், இயக்குனர் அதை விக்ரம் தலையில் போட்டுள்ளார்

4. வழக்கமாக தீவிரவாதிகளாக முஸ்லீகளை காட்டி வந்த தமிழ் சினிமா, இதில் மாஃபியா கும்பலாக காட்டியுள்ளது. படத்தின் மிகப்பெரிய பட்ஜெட் இதில் வரும் அருவாள் தான்.

5. தசாவதாரம் கமல் போல விகரம் இந்த படத்தில் ஒரு காட்சியிலும், பாடல்களிலும் பல வேஷங்களை போட்டு தன் ஆசயை நிறைவேற்றிக்கொண்டுள்ளார். படம் பார்க்கும் நமக்கே இவர் விக்ரம் என்று தெரியும் போது வில்லனுக்கு தெரியாதது காமெடி !

6. ஸ்ரேயா, ரீமாவுடன் பாடல் எடுத்துவிட்டதால் எங்கே போடுவது என்று குழம்பிய இயக்குனர் கிளைமாக்ஸ் முடிந்த பின் நமக்கு போட்டு காண்பித்துவிட்டார், அதை வீணாக்காமல்.

7. கமலுக்கு நான் தான் நடிப்பு சொல்லித்தந்தேன் என்ற வசனம் பேசிக்கொண்டு கே.விஸ்வநாத் படம் முழுக்க பரிதாமகாக வருகிறார். சினிமாவில் நல்லவர்கள் அனாதை இல்லம் நடத்துவார்கள், இவரும் நடத்துகிறார். வில்லன் இவர் நடத்தும் அனாதை இல்லத்தை அடித்து நொறுக்கும் போது இவரை போலவே நமக்கும் நெஞ்சு வலி வருகிறது, மொக்கை படத்துக்கு டிக்கெட் எடுத்து பார்த்தன் விளைவு.

8. வடிவேலு, சந்தானம் காமெடி டிராக் இல்லை, பாவம் விக்ரம் ஓவர் டைம் செய்ய வேண்டியுள்ளது. ஹீரோயின் கடத்தப்படும் காட்சி காமெடி டிராக் இல்லாத இந்த ஒரே காட்சி தீர்க்கிறது.

9. ராஜபாட்டை நம் முகத்தில் போடும் பட்டை !

10. உங்களுடைய சனி சனி பெயர்ச்சி பலன்கள் பொறுத்து ஒஸ்தியா ? ராஜபாட்டையா ? என்று நீங்களே முடிவு செய்துக்கொள்ளுங்கள் !

கிருத்துமஸ் வாழ்த்துக்கள் !!

2011-12-24T21:53:00.005+05:30

பல்வேறு கட்சிகளின் பலத்த எதிர்ப்புக்கிடையே மக்களவையில் லோக்பால் மசோதா வியாழக்கிழமை தாக்கல் செய்யப்பட்டது. மீடியா வழக்கம் போல இதை ஊதிப் பெரிசாக்கியது. தாக்கல் செய்யப்பட்ட மசோதாவில் உள்ளே சிறுபான்மையினருக்கு இடஒதுக்கீடு என்ற டைம் பாம் வைத்து லாலு திரியை கொளுத்த, நன்றாகவே வெடித்தது.

தமிழ் மேட்ரிமோனி டாட் காமில் வருவது போல எல்லோருக்கும் இடஒதுக்கீடு வழங்கிவிடலாம். ஊழல் பெருச்சாளிகளை விசாரிக்க எதற்கு இடஒதுகீடு தேவை? ஊழல் செய்த ராசாவை கலைஞர் தலித் அதனால் தான் எல்லோரும் அவரை டார்க்ட் செய்கிறார்கள் என்று ஜோக் அடித்தார்.

காங்கிரஸ் நாங்களும் ஜோக் அடிக்கிறோம் என்று 50% இடஒதுக்கீடு தேவை என்று சொல்லிவிட்டது. அவர்களுக்கு தேவை இந்த மசோதா நிறைவேறக்கூடாது அதே சமயம் சிறுபான்மையினருக்கு நாங்கள் நண்பேண்டா என்று கூற வேண்டும். ஓட்டு தேவை இல்லையா?

இந்தக் காமெடி பாராளுமன்றத்தில் நடந்துக்கொண்டு இருக்கும் போது அன்னா சும்மா இருப்பாரா? காங்கிரஸுக்கு போட்டியாக நானும் காமெடி செய்கிறேன் என்று மைதானத்தைக் குத்தகைக்கு எடுத்து உண்ணாவிரதம் இருக்கத் தயாராகிவிட்டார். 2G ஊழலுக்கு பின் தான் அன்னா பிறந்தாரா? அதற்கு முன் பீரங்கி ஊழல், லாலு செய்த உர ஊழல், சுடுகாடு ஊழல் எல்லாம் நடந்த போது எங்கே போனார் இவர்? இவர் குழுவில் உள்ள ஒருவர் நீதிமன்றம் போக...

ஒரே ஆறுதல் மும்பை நீதிமன்றம் இவருக்கு எதிராக கூறிய கருத்துக்கள் தான். உங்களுக்கும் (ஜெயமோகன் போன்றவர்களுக்கும்) அது சத்தியாகிரகமாக இருக்கலாம் ஆனால் மற்றவர்களுக்குத் தொல்லைதான் என்று சொல்லிவிட்டது. நாடாளுமன்றத்தில் விவாதம் நடக்கும் அதே நேரத்தில், மசோதா இன்னும் நிறைவேறவில்லை. அதில் என்ன அம்சங்கள் இடம்பெறப் போகிறது என்பதும் யாருக்கும் தெரியாது.அப்படி இருக்க எப்படிப் போராட்டம் நடத்தலாம்? உங்கள் போராட்டம் நாடாளுமன்ற நடவடிக்கையில் தலையிடுவதுபோல் இல்லையா? இவர்களுக்கு சேரும் கூட்டதின் பிரதிநிதிகள் தான் பாராளுமன்றத்தில் இதை விவாதித்துக்கொண்டு இருக்கிறார்கள்.

சட்டம் வகுக்க தெரிந்தவர்களுக்கு இது கூட தெரியாதது வெட்கக்கேடு!

அன்னா குழுவினருக்கு கொஞ்சமாவது தலையில் மசாலா இருந்தால் நீதிமன்றம் கூறிய கருத்துக்குத் தலைவணங்கி பாராளுமன்றக் கூட்டம் முடிந்த பின் போராட்டத்தை ஆரம்பிக்க வேண்டும். ஆனால் அவர்களுக்கு அது இல்லாததால் அன்னா "சிறையில் உண்ணாவிரதம் இருப்பேன். ஆசாத் மைதானத்தில் ஒரு லட்சம் பேருக்கு இடம் போதாது. எனவே, எம்எம்ஆர்டிஏ மைதானத்துக்கு வேண்டிய கட்டணத்தை செலுத்த, பொதுமக்களிடம் நன்கொடை வசூலிப்பேன்‘‘ என்கிறார். அதுவும் கேஷ் என்றால் வேண்டாம், செக் என்றால் ஓகே என்கிறார்.

இவர் எதற்குக் கூட்டம் சேர்க்க வேண்டும்? மைதானமும், மீடியாவும் இல்லாமல் இவரால் உண்ணாவிரதம் இருக்க முடியாதா? மொத்தத்தில், குளிர்கால கூட்டத்தொடர் பாராளுமன்றத்திலும் அதற்கு வெளியிலேயும், ரெண்டுமே மகாகாமெடி.
குளிர் அதிகம் என்பதால் ஹசாரேயின் உடல் நலம் காரணமாக தில்லி ராம்லீலா மைதானத்தில் அவரால் உண்ணாவிரதம் இருக்க முடியாது என்பது கிரன் பேடி சொன்ன தகவல்!

எஸ்.வி.சேகர் திரும்பவும் அம்மா பக்கம் போவாரா, பாராவின் குற்றியலுகரம் புத்தககண்காட்சியில் டிமாண்ட் இல்லாமல் கிடைக்குமா ? ..கொக்கரகோ என்று கூவுவது எல்லாம் சேவலா, சாருவா ? .. பேச ஆயிரதெட்டு சமாசாரம் நமக்கு...... இதில இந்த லோக்பால் வேற. அனைவருக்கும் கிருத்துமஸ் வாழ்த்துக்கள்.

சென்னை திரைப்பட விழா - A Separation

2011-12-19T21:41:00.007+05:30

அந்த தாத்தாவிற்கு எப்போதும் வீட்டில் ஒரு மரியாதை உண்டு. டைட்டில் போட்டு முடிக்கும் போது அவர் இறந்து விட குடும்பத்தில் கடுமையான குழப்பம் ஏற்படுகிறது. அந்த வீட்டில் இருக்கும் ஹீரோயின் கடுமையாக பாதிக்கப்படுகிறார். அப்போது இவருக்கு துணையாக ஒரு பெண்மணி தோழியாக படத்தில் நுழைகிறார்.

இந்த இடத்தில் இசையோடு வரும் "நீங்கள் நல்லா இருக்கோணும் நாடு முன்னேற..." என்ற பாட்டு தாளம் போட வைக்கிறது.

கொலைவெறியுடன் அடித்துக் கொண்ட குடும்பமும் கொஞ்ச நாளில் முன்பு போல ஒன்று சேர, குடும்பத்தில் தோழிக்கு அதிக முக்கியத்துவம் கொடுக்கிறர் ஹீரோயின். இதனால் குடும்பத்தில் உள்ள சின்ன பசங்க கடும் கோபத்தில் இருக்க அதை எல்லாம் கவலை படாமல் ஹீரோயின் தோழியுடன் இருக்க பலர் விமர்சிக்கவும், கிண்டலுக்கும் பயப்படாமல் தன்னுடைய பிடிவாதத்தைக் காட்டுகிறார். கோவில் கோர்ட் குளம் என்று எங்கே போனாலும் சின்ன பசங்களை விட்டுவிட்டு தோழியுடனேயே போகிறார்.

ஒரு காட்சியில் பிடிவாதத்தைக் காட்டுவதற்கு தோழியின் உறவினரை தன்னுடைய பிள்ளையாகப் பாவித்துத் தத்து எடுக்கிறார். இந்த இடத்தில் இந்த தீடீர் திருப்பம் யாரும் எதிர்பார்க்காத போது வைத்தது இயக்குனரின் சாமர்த்தியம். இந்த திருமணத்தை காட்டியவிதம் பலரை ஆச்சரியப்பட வைக்கிறது. ஷங்கர் படம் போல பிரமாண்டமாக இந்த திருமணத்தை எடுத்துள்ளார். திருமணத்துக்கு போடப்பட்டிருக்கும் செட் பிரமாதமாக இருக்கிறது - ஆர்ட் டைரக்டருக்கு சபாஷ்!.
விதவிதமான நகை, செருப்பு என்று கம்பியூட்டர் கிராபிக்ஸில் காண்பித்துள்ளார்கள்.

சில வருடங்களுக்குப் பிறகு சின்ன சண்டை வர சில பல சின்னப் பசங்க எல்லாம் பக்கத்துவீட்டு மஞ்சள் துண்டு தாத்தாவை சப்போர்ட் செய்ய குடும்ப சொத்து அவருக்கு போகிறது. பிறகு அந்த வீடு அலங்கோலமாகிறது. வீட்டை காண்பித்துவிட்டு அப்படியே கூவத்தை காட்டியது பல வசனங்களுக்குச் சமானம்.

சில மாதங்களில் தாத்தாவின் பசங்கள் வீட்டை மூன்றாக பிரிக்க, சின்ன பசங்க விளையாடும் இடம், அவர்களுடைய பொம்மை செல்போன் ஆகியவற்றை இவர்கள் அபகரிக்க, மீண்டும் சண்டை வர குடும்பத்தில் ஹீரோயின் தலைவர் ஆகிறார். சுபம் என்று போடும் இடத்தில் இயக்குனர் யாரும் எதிர்ப்பாக்காத திருப்பதை வைக்கிறார். ஹீரோயின் தோழியை வீட்டை விட்டு விரட்டுகிறார்

குணசித்திர நடிகராக வரும் நம்பர் ஓபி சில காட்சியிலே வந்தாலும் தன் பார்த்திரம் உணர்ந்து அடக்கமாக நன்றாக நடித்துள்ளார். இவருக்கு தமிழ் திரைப்பட உலகத்தில் நல்ல எதிர்காலம் இருக்கு. டென்ஷனான வில்லன் போல எப்போதும் நட நட என்று நடக்கும் ராஜனுக்கு சரியான ரோல் கொடுக்காமல் படத்தில் அவரை வீண் செய்துள்ளார்கள்.

வீடியோ கடை வைத்திருப்பது போல ஹீரோயினுடைய தோழியை காண்பித்தது லாஜிக்கில் பெரிய ஓட்டை. இந்த காலத்தில் எல்லோரும் டவுன்லேட் செய்து தான் படம் பார்க்கிறார்கள், அப்படி இருக்க வீடியோ கடை எல்லாம் வைத்திருப்பது என்ன லாஜிக் ?

காமெடி டிராக் என்று தனியாக படத்தில் இல்லை என்றாலும், அடிக்கடி எல்லோரும் எங்கோ இருக்கும் ஒரு சிங்கிற்கு தந்தியும், கடிதமும் எழுதுவது நல்ல தமாஷ்! படம் ஆரம்பிக்கும் போது சிங் வீட்டில் இருக்கும் குப்பை தொட்டி இங்கிருந்து போகும் கடிததிற்கு பிறகு பெரிதாவதாக காண்பிப்பது வயிறு குலுங்க வைக்கிறது.

பாலிவுட் கிழவர் 6 விக்கெட் எடுத்தால் கோலிவுட் அம்மா 12 விக்கெட்டை எடுக்க முடியும் என்ற வசனத்துக்கு தியேட்டரில் பலத்த கைத்தட்டல் !

இட்லிவடை மார்க் - (-)/(:>)
A separation - விரைவில் கூடல் :-)