Pinayagan naman umano ng korte ang pagkuha ng kapatid ni Ariel sa kaniya para ilayo ito sa kanilang ina. Si Shanelle Gray na isa ring aktres ang kasalukuyang nagsisilbing guardian ng Modern Family star dahil na rin sa mga alegasyong pananakit ng ina nito sa kaniyang kapatid. Kinakailangan na rin umano lumayo ng ina ni Ariel Winter ng halos 100 yards mula sa kaniyang anak. Nang makausap naman ang nakakatandang kapatid ni Ariel na si Jimmy Workman ay agad nitong itinanggi ang mga naging alegasyon laban sa kanilang ina.

Ang mga naging alegasyon umanong ginawa noong 20 taon na ang nakakaraan at ang kasalukuyan ay malaking kasinungalingan. Matatandaang nireklamo rin ng nakakatandang kapatid ni Ariel Winter na si Shanelle ang sariling ina nito dahil na rin sa pananakit. Hindi naman hahayaan ng dalagang aktres na makaapekto sa kaniyang sitcom na Modern Family ang kaniyang personal na problema sa pamilya. Huling namataan si Ariel na lumabas sa tahanan ng kaniyang kapatid suot pa ang New York Giants cap at pumunta sa set ng Modern Family sa Fox Studios. 

Hanggang ngayon ay hindi pa rin naman daw nawawala ang pagmamahal at respeto sa isa't-isa. Hindi rin umano totoo na third party ang naging dahilan kung bakit nagdesisyon na maghiwalay na sina Erin at Leonardo. Ang aktor ay kasalukuyang abala sa mga proyektong kaniyang ginagawa na kinakailangang lumipad sa iba't-ibang bansa. Samantalang si Erin Heatherton naman ay may mga obligasyon din sa kaniyang modeling agency na dapat niyang tuparin. 

Ayon naman sa kaibigan ng dalagang model ay hindi matatagalan ang pagiging single ng dating nobyo ni Leonardo DiCaprio. Ang aktor ay kasalukuyang abala sa paggawa ng pelikulang Django Unchained sa New Orleans kasama si Jamie Foxx at Quentin Tarantino. Bago pa ito ay naging abala na ito sa Australia para tapusin ang pelikulang The Great Gatsby at Moulin Rouge. Naintindihan naman ni Erin Heatherton ang trabaho ng dati nitong nobyo dahil maging siya ay marami ring ginagawa.

Marami ang nag-akala na magiging maganda na ang takbo ng sampung buwang relasyon nina Erin at Leonardo. Dumating na rin umano sa punto na ipinakilala pa ni Leonardo DiCaprio ang modelong girlfriend nito na si Erin Heatherton sa kaniyang ina nang magbakasyon sila sa Mexico noong January. Hanggang ngayon ay hindi pa rin nagbibigay ng opisyal na statment ang magkasintahang Erin at Leonardo. Matapos nito ay balita namang ibebenta na ni Leonardo DiCaprio ang kaniyang Malibu mansion na minsan na nilang pinuntahan ng dalagang si Erin Heatherton. 

Dinepensahan naman ni Simon ang ginawang pagpili ng awitin at nilinaw kay Demi na ito ay nagsilbing tribute para sa grup na kaniyang pinasikat. Sa darating naman na Huwebes ay inaasahan na magpeperform ang naturang grupo sa X Factor.  Matatandaang si Simon Cowell ang bumuo ng grupo at ang naging dahilan kung bakit ito sumikat. Bago nangyari ang tensyon kay Demi Lovato at kapwa hurado ay pinuri na ng binatang judge ang grupo sa ilalim ng pangangalaga ng dalaga. Bagamat nagandahan si Simon sa performance ng contestants ay hindi naman daw niya nagustuhan ang pagkawala ng magandang imahinasyon ni Demi pagdating ng production ng awitin. 

Hindi naman nagpatalo si Demi Lovato na halatang nainsulto sa sinabi ni Simon Cowell. Ayon sa dalaga, halos lahat umano ng kanilang audience ay hindi naniniwala sa mga sinabi ni Simon. Ang naging theme sa naturang programa ay mga awiting ginamit sa pelikula. Marami naman ang nagulat nang pabalikin ng mga hurado ang isang tinanggal na contestant. Ayon kay Simon Cowell, nagkamali umano sila ng mga kapwa hurado na sina Britney Spears, L.A. Reid at Demi Lovato sa desisyon na tanggalin ito sa kumpetisyon. 

Sa kalagitnaan ng pag-uusap ay nagulat na lamang si Miley nang lumabas ang dalawang machong lalake sa entablado at sinamahan sila. Biniro pa ni Ellen ang dalaga na kinakailangan ng maintenance ang nasirang ilaw kung kaya kinakailangan ng mga taong mag-aayos. Hindi naman naiwasan ni Miley Cyrus na hindi maging kumportable sa mga nagsasayaw na lalake sa harap nila ni Ellen DeGeneres at hindi mapigilan ang kaniyang pagtawa. 

Hindi rin napigilan ni Miley na takpan ang kaniyang mukha habang sinasayawan siya ng dalawang lalake sa harap. Nang hubarin ng mga ito sa harap nila ni Ellen  ang kanilang mga t-shirt ay hindi na napigilan pa ng dalaga ang pagkahiya habang tumatawa. Bagamat halatang-halata kay Miley Cyrus na hindi niya inaasahan ang naging surpresa sa kaniya ni Ellen DeGeneres ay nagpasalamat pa rin siya sa naganap na bachelorette party na hindi lang nasaksihan ng live TV audience kundi pati na rin ng buong mundo na nakatutok sa programa ng host. 

Bukod dito ay naging bukas din si Miley kay Ellen sa mga gagawin niyang plano para sa nalalapit niyang kasal. Aniya, ayaw niyang masyadong mamroblema sa mga maliliit na detalye ng kaniyang espesyal na araw. Naisip din umano ni Miley Cyrus na marami pala ang dapat paghandaan sa kasal lalo na at nang makuha niya ang kaniyang wedding planning book. Nilinaw din ng dalaga kay Ellen DeGeneres ang usapin patungkol sa lumalabas na balitang magkakaroon ng tatlong kasal ang dalaga sa kaniyang nobyo. 

Ayon kay Miley, magkakaroon siya ng isang kasal kung saan siya lamang ang mahalaga. Nabanggit din ng aktres kay Ellen na gusto niyang maging isang tila pelikula ang nalalapit niyang kasal. Gusto niyang maging perpekto ang oras na makikita siya ni Liam na suot ang kaniyang wedding dress. Dagdag naman ni Miley Cyrus kay Ellen DeGeneres, gusto niyang maging espesyal para sa kanila ng binatang aktor ang kanilang pag-iisang dibdib.

Ang 18-taong-gulang na si Conor na bahagi ng sikat na Kennedy clan at ang 22-taong-gulang na si Taylor ay nagkaroon ng relasyon noong summer. Nagkahiwalay naman ang dalawa dahil sa hectic schedule ni Taylor Swift. Nagkataon din na naging abala ang dalaga sa promotion ng kaniyang bagong album kung kaya hindi na nagkaroon ng sapat na oras para kay Conor Kennedy. Bagamat tuluyan nang naghiwalay sina Taylor at Conor ay nananatili pa ring malapit ang singer sa pamilya ng dating nobyo. 

Maging ang mga kamag-anak ni Conor Kennedy ay hindi pa rin daw nawawala ang paghanga kay Taylor Swift sa likod ng mga nangyari. Iba't-ibang bansa ang pinupuntahan ngayon ng dalaga para sa bagong album samantalang si Conor naman ay abala sa kaniyang pagpasok sa kolehiyo. Ang magaganap na Ripple of Hopoe Gala ay para sa Robert F. Kennedy Center of Justice and Human Rights. Ang naturang event ay pangungunahan ng lola ni Conor Kennedy na si Ethel na malaking tagahanga ni Taylor Swift. Magaganap ito sa Marriott Marquis hot ng New York Time Square. 

Wala namang kasiguraduhan kung makakapunta ang binata dahil kasalukuyan itong nag-aaral sa Massachusett's Deerfield Academy. Pinag-uusapan naman ngayon ang hit song ni Taylor na may pamagat na We Are Never Ever Getting Back Together pero maaaring hindi ito mangyayari sa kanila ni Conor dahil nananatili pa rin ang kanilang magandang samahan. Nakilala si Taylor Swift sa pagsusulat ng mga kanta patungkol sa kaniyang mga naging ex-boyfriend. Bagamat hindi sila nagkatuluyan ni Conor Kennedy ay naniniwala pa rin umano ang dalaga na may naghihintay na magandang pagkakataon sa kaniya pagdating sa relasyon.

Isang blogger ang naglabas ng naturang litrato nina Emily Maynard kung saan nakayakap pa ito kay Jason White habang sumasayaw sa isang bar. Kitang-kita rin sa mukha ng dalaga ang kaniyang abot-tenga na mga ngiti habang ang binata naman ay nakahawak sa kaniyang likod. Hindi ito ang unang lugar na pinuntahan nina Emily at Jason dahil namataan na silang magkasama sa isang concert kasama ang kanilang mga kaibigan. Ayon sa mga nakakita kay Emily Maynard, hindi umano humihiwalay kay Jason White sa buong gabi nilang pagsasama. Kitang-kita umano na malapit na sa isa't-isa ang dalawa dahil na rin sa kanilang mga ikinikilos. 

Matatandaang ang namayapang boyfriend noon ni Emily Maynard na si Ricky Hendrick ay isa ring Nascar driver katulad ni Jason White. Bago pa maugnay ang dalaga kay Jason ay una nang naibalita ang relasyon nito sa isa pang Nascar driver na si Dale Earnhardt Jr. noong 2006. Marami naman ang tumaas ang nagdududa sa umuusbong na relasyon nina Emily at  Jason matapos na maisapubliko ang pakikipaghiwalay ng dalaga sa binatang si Jef Holm. Kamakailan lang ay nakita pang magkasama ang dating magkarelasyon kung saan pupunta pa ang mga ito sa tahanan ng mga magulang ng reality star.

Mas masaya naman daw ngayon si Emily Maynard sa piling ng bagong nobyo na si Jason White dahil pakiramdam niya ay tila natural lamang para sa kaniya ang relasyon sa Nascar driver. Bago pa ang bagong pag-ibig ng single mom ay nabalita na ang pakikipagtaksil nito sa kaniyang dating fiancé. Agad umanong hiniwalayan si Emily ni Jason nang mahuli nito ang nobya na nakikipagpalitan ng malalaswang text message sa Oakland Raiders quarterback na si Matt Leinart.

Noong October 16 ay kinumpirma mismo ni Emily Maynard sa publiko ang kanilang paghihiwalay ng nobyo matapos ang ilang espekulasyon. Aniya, masaya umano ang pinagsamahan nila ni Jason ngunit dumating na umano sa punto na hindi na nila kayang ipaglaban pa ang kanilang relasyon. Umaasa naman si Emily na ang pagpasok ni Jason White sa kaniyang buhay ang magiging sagot sa kaniyang matagal na pinapangarap na magandang relasyon. 

Naniniwala naman si Kirstie na kapag ang isang tao sa Hollywood ay umabot na sa matinding kasikatan at tagumpay ay agad na gagawan ng isyu katulad na lang ng droga at pambababae. Isang malaking insulto umano para kay John Travolta ang isyu na ibinabato sa kaniya dahil ito ay malayong-malayo sa katotohanan. Kasalukuyang may asawa at anak ang aktor kung kaya maging ang pamilya nito ay apektado rin sa mga ibinabatong intriga sa Pulp Fiction star. Hanggang ngayon ay nananatili namang magkaibigan sina Kirstie Alley at John Travolta dahil na rin sa kanilang pinagsamahan bilang magkaibigan.

Matatandaang nagkasama sina Kirstie at John sa pelikulang Look Who's Talking noong 1989. Hindi itinanggi ng Cheers star na nahulog ang loob niya kay John Travolta kahit pa kasalukuyan siyang kasal sa dati nitong asawa na si Parker Stevenson. Naudlot ang relasyon noon ni Kirstie Alley at John Travolta dahil alam nilang parehong masasaktan ang kani-kanilang mga asawa kapag tinuloy pa nila ang kanilang bawal na pag-iibigan. Naniniwala ang aktres na kinakailangan nila ng kaniyang mister na ayusin ang relasyon nila para ito ay maging matatag ngunit matapos ang ilang taon ay nakipaghiwalay din si Kirstie kay Parker. 

Samantalang si John naman at asawa nitong si Kelly ay nananatiling matatag ang relasyon bilang mag-asawa. Napatunayan umano ng 58-taong-gulang na si John Travolta na mahal na mahal niya nga ang asawa na 20 taon niya nang kasama. Sa lahat ng mga naging akusasyon laban sa aktor ay hindi lamang si Kirstie Alley ang nasasaktan kundi ang misis nito na si Kelly Preston na hindi pinabayaan ang asawa sa kalagitnaan ng intriga. Nagawa pang sumama ng asawa ni John sa premiere night ng pelikula nitong Savages ilang araw lamang matapos lumabas ang mga alegasyon patungkol sa kaniyang pagkalalake. 

Nagsimulang magtrabaho bilang aktres ang dalaga sa edad na pito. Kasalukuyan naman itong gumaganap sa karakter na si Alex Dunphy ng ABC comedy hit show na Modern Family. Ayon sa isinumiteng reklamo, sinasaktan umano ang batang aktres ng ina sa pamamagitan ng pagsampal at pag-insulto rito. Nang tawagan naman ang ina ni Ariel ay inamin nito na kasalukuyan pa lamang siyang naghahanap ng kaniyang abogado. 

Nais naman ng mga abogado ni Ariel Winter na isara na ang account ng dalaga kung saan pumupunta ang kita nito mula sa Modern Family. Ito ay dahil may kontrol pa rito ang ina ni Ariel. Hindi naman pinayagan ng korte ang pakiusap nito susubukan naman daw pag-aralin ang naturang hiling. Bukod sa kasalukuyang serye ay lumabas na rin si Ariel Winter sa iba't-ibang proyekto nito sa telebisyon katulad ng ER at Phineas and Ferb. Pagdating naman sa pelikula ay lumabas na ito sa Kiss Kiss Bang Bang, Ice Age: The Meltdown at ParaNorman.

Kinakailangan namang lumayo ng ina ni Ariel Winter sa anak ng halos 100 yards sa magaganap na court hearing ngayong darating na October 3. Una nang naibalita ang insidenteng ito kung saan sinasabing gusto umanong lumayo ng Modern Family star sa kaniyang ina dahil gusto niyang makasama ang nobyo. Pinasinungalingan naman ito ng kampo ni Ariel Winter at nilinaw na ang pang-aabuso ng ina nito ang naging dahilan ng isinampang reklamo. Hindi rin nagbigay ng komento ang mga tagapagsalita ang isa sa mga bida ng Modern Family series patungkol sa naturang isyu. 

Ang huling naging awayan ng dalawang X Factor judge ay naganap sa isang audition ng kanilang singing competition. Hindi umano nagustuhan ni Nicki ang pagiging mapagmataas ni Mariah kung kaya hindi na nito napigilan pa ang kaniyang sarili. Ayon sa rapper, wala umano siyang pakialam kung ano ang magiging opinyon nig One Sweet Day singer. Bagamat maaaring maapektuhan ang programa dahil sa pag-aaway nina Nicki Minaj at Mariah Carey ay naniniwala naman daw ang mga producer na maaaring maging maganda ang epekto nito sa kanilang ratings. 

Tila malabo na rin daw ang pagkakasundo ng dalawa dahil matagal nang hindi gusto ni Mariah ang ideyang may kasama siyang babaeng hurado sa X Factor. Ang pagiging diva at maarte umano ni Mariah sa set ang isa sa mga dumadagdag sa inis ni Nicki sa kapwa judge. Matatandaang nagawa nang magsama nina Nicki Minaj at Mariah Carey sa isang collaboration kung saan nagsimula rin umano ang magandang pagkakaibigan ng dalawa. Maging ang mga judge na sina Randy Jackson at Keith Urban ay naiipit na rin sa tensyon ng dalawang babae. 

Halos hindi naman naghiwalay sina Johnny at Amber ng buong gabi habang malambing sa isa't-isa. Apat na buwan na ang nakakaraan nang unang maugnay ang 26-taong-gulang na aktres sa 49-taong-gulang na Dark Shadows star. Lumabas ang balita noon na nagkahiwalay pa sina Johnny Depp at Amber Heard dahil na rin umano sa mga nangyayari sa kanilang kapaligiran. Sinasabing ang aktres ang naging dahilan kung bakit nakipaghiwalay ang binata sa kinakasama nitong si Vanessa Paradis. 

Hindi naman pumayag si Johnny na basta-basta na lang mawawala sa kaniya si Amber. Balitang ginawan pa ng aktor ang dalaga ng isang tula at nagpadala pa ng bouquet ng bulaklak araw-araw sa buong buwan ng September. Ito ay para raw kumbinsihin ang dalaga na kinakailangan niya pa ng pangalawang pagkakataon. Nang makumbinsi naman si Amber Heard ni Johnny Depp ay agad silang lumipad sa Bahamas kung saan nagbakasyon sila sa Little Hall's Pond Cay na kilalang pribadong isla ng aktor. 

Matapos ang naturang bakasyon ay umuwi na bilang magkasintahan ang dalawa. Hindi namn daw makakapayag si Johnny na pakawalan pa si Amber dahil alam niyang bukod sa ito ay maganda ay matalino pa ito kung kaya lalo pang nahulog ang loob ng aktor. Matapos gawin ni Amber Heard ang pelikula nila ni Johnny Depp ay balitang nakipaghiwalay ito sa kaniyang girlfriend na si Tasya van Ree na nakasama niya ng halos apat na taon. 

Si Johnny naman ay tinapos na ang 14 taong pagsasama sa French Actress nitong partner kung saan siya ay may dalawang anak. Bago pa umano pumasok sa eksena si Amber ay nagkakaroon na ng problema ang aktor sa pagsasama nila ni Vanessa. Hindi naman kinukumpirma nina Johnny Depp at Amber Heard ang kanilang relasyon ngunit hindi naman nila itinatago sa publiko kung ano ang mayroon sila dahil nagagawa pa rin nilang lumabas na magkasama.