Beidh Agallaimh na bhFáinní á reachtáil againn i rith Sheachtain na Gaeilge, ón 5ú – 17ú Márta, agus ba mhaith linn cuireadh a thabhairt daoibh a bheith páirteach i mbliana!

Taistealaíonn foireann Feachtas chuig scoileanna éagsúla fud na tíre chun Agallaimh na bhFáinní a reachtáil agus bíonn agallamh deich nóiméad i gceist chun líofacht an dalta sa Ghaeilge a mheas. Bronntar Fáinne Ór nó Airgead orthu ag braith ar a gcaighdeán Gaeilge.

Is agallaimh neamhfhoirmeálta iad Agallaimh na bhFáinní a thugann bród do Ghaeilgeoirí óga as na hiarrachtaí a dhéanann siad chun ardchaighdeán a bhaint amach sa teanga. Beidh costas €10 ann do gach agallamh chun costais a chlúdach. Déan teagmháil linn chun lá ar leith le linn Sheachtain na Gaeilge a chur in áirithe. Bíonn an-tóir ar na hagallaimh mar sin déan teagmháil linn go luath chun clárú linn trí ríomhphost a sheoladh chuig ursula.feachtas@gmail.com nó trí scairt a chur ar 01 6725940/ 087 9046136. Bígí linn!

Beidh an chóisir ag Winter Wonderland ar siúl Déardaoin an 29ú Nollaig agus cruinneoidh baill Feachtas ag oifigí Feachtas ar Shráid an Dáma ag a 11.30r.n.

Beidh an chóisir sciála ar siúl Dé Céadaoin an 4ú Eanáir agus cruinneoidh Feachtas ag a 11r.n. ag oifigí Feachtas ar Shráid an Dáma.

Beidh costas €20 an duine ann do Chóisir na Nollag agus clúdaíonn an táille seo lón, taisteal agus imeachtaí.

Chun d’ainm a chlárú linn do cheachtar den dá imeacht seo cuir scairt ar 01 6725940/087 9046136 nó seol ríomhphost chuig Ursula ag ursula.feachtas@gmail.com. Bí linn!

Eagraíonn Feachtas an  Turas Teanga i mBéal Feirste agus i mBaile Átha Cliath do dhaltaí Gaelscoile i rith na scoilbhliana. Tugann na daltaí cuairt ar ionaid agus ar institiúidí lán-Ghaeilge atá ar fáil sna príomhchathracha chun blaiseadh a thabhairt dóibh ar an méad Gaeilge atá le cloisint sna cathracha agus chun an deis a thabhairt dóibh bualadh leo siúd atá ag obair in earnáil na Gaeilge. Cuireann na daltaí aithne orthu siúd atá mar chuid de mhórphobal na Gaeilge chomh maith. Tugtar cuairt ar an gCultúrlann i mBéal Feirste, ar Chonradh na Gaeilge agus ar Fhoras na Gaeilge i mBaile Átha Cliath agus ar na hionaid Ghaeilge eile atá le feiceáil sna príomhchathracha. Cuirtear lón ar fáil i rith an turais freisin. Déan teagmháil linn inniu chun clárú don Turas Teanga.

Reachtáileann Feachtas Cúrsa Ceannaireachta fud fad na tíre chun scileanna ceannaireachta a mhúineadh do Ghaeilgeoirí óga na hidirbhliana atá ag freastal ar Ghaelscoileanna agus ar scoileanna Gaeltachta. Is iad aidhmeanna an Chúrsa Ceannaireachta ná chun:

•Ceannairí Óga a fhorbairt chun an Ghaeilge a chur chun cinn ina bpobail féin

•Oiliúint ar chur ar dhaltaí maidir leis na sainscileanna a bhaineann le ceannaireacht

•Chun léargas a thabhairt don dalta ar an tábhacht agus fiúntas a bhaineann le pleanáil agus conas tabhairt faoi phleanáil éifeachtach

•Chun léargas a thabhairt don dalta ar na céimeanna a bhaineann le hathbheochan teanga agus ar chéimeanna praiticiúla chun an Ghaeilge a athbheochan sa phobal.

San iomlán bíonn sé uair a chlog i gceist leis an gCúrsa Ceannaireachta agus déantar é thar ceithre seachtaine. Fáilteofar roimh iarratais ó Ghaelscoileanna agus scoileanna Gaeltachta a bhfuil suim acu sa Chúrsa Ceannaireachta.

Chun do scoil a chlárú linn don chúrsa seo déan teagmháil linn ag: ursula.feachtas@gmail.com nó cuir scairt ar 01 6725940/087 9046136

Taithí iontach a bhí ann dóibh siúd atá ag ullmhú don Teastas Sóisearach agus don Ardteist i mbliana. Ghlac daltaí ó gach bliain páirt sna hagallaimh chun an leibhéal Gaeilge atá acu a thaispeáint agus chun fáinne airgead nó fáinne ór a bhaint amach.

Ciallaíonn an fáinne ór go bhfuil líofacht na Gaeilge agat agus ciallaíonn an fáinne airgead go bhfuil tú ábalta comhrá bunúsach a bheith agat trí Ghaeilge.

Má tá suim ag do scoil Agallaimh na bhFáinní a chur ar siúl ní ga ach dul i dteagmháil linn i Mí Feabhra chun dáta a chur in áirithe.

Séard atá i gceist le hAgallaimh na bhFáinní ná scrúdú béil ar dhaltaí meánscoile atá ag iarraidh an fáinne Ór nó Airgead a bhaint amach. Cuirfear agallamh thart ar 10 nóiméad ar dhaltaí agus bronnfar fáinne Ór orthu má tá líofacht na teanga acu nó fáinne Airgead má tá siad ábalta cómhrá bunúsach a bheith acu.

Tá costas €7.50 ar agallamh i mbliana. Má tá suim ag daltaí i do scoil féin an scrúdú seo a dhéanamh ní gá duit ach dul i dteagmháil linn roimh Sheachtain na Gaeilge agus socraigh dáta linn chun teacht amach chuig do scoil.

Is féidir leat dul i dteagmháil linn ar 01 8786424/ 087 9046131 nó is féidir leat ríomhphost a sheoladh chuig ursula.feachtas@gmail.com

Beidh na foirmeacha iarratais ag dul amach go luath ach más mian leat eolas a fháil uainn roimhe sin is féidir leat ríomhphost a sheoladh chuig ursula.feachtas@gmail.com nó cur scairt ar 01 8786424

Is cúrsa oiliúna é seo do dhaltaí a bhfuil spéis acu scileanna cinnireachta a fhoghlaim. Bíonn deireadh seachtaine traenála againn ina dhéantar forbairt ar scileanna an duine óig ionas go mbeidh siad in ann club Feachtais a bhunú ina scoil féin.

Tá an cúrsa oscailte do dhaltaí atá os cionn 14 bhliain déag d’aois agus níl ach costas €30 ar, sin bia, lóistín agus taisteal san áireamh. Má tá suim agat freastail ar an gcúrsa seo téigh i dteagmháil linn gan mhoill ar 01 8786424 nó seol ríomhphost chuig ursula.feachtas@gmail.com

[View with PicLens]

Bíonn Comórtais Díospóireachta a eagrú ag Feachtas gach bliain ag deireadh Mhí Mheán Fómhair/tús Mhí Dheireadh Fómhair. Faoi láthair eagraítear dhá chomórtas, ceann in Iarthar na tíre agus ceann san Oirthear. Cabhraíonn an comórtas díospóireachta go mór le cruinneas teanga chomh maith le buanna labhartha. Le cur le sin, is iontach an rud é a bheith ag plé cúrsaí sóisialta a dtéann i bhfeidhm go mór ar shaol an duine óig.

Téann buaiteoirí an chomórtais ar aghaidh chuig Scléip na hÓige le dul i gcoinne buaiteoirí chomórtais na nÓg eagras eile ó gach cearn den tír.

Tugtar dearbháin chuig Scléip na hÓige don bhfoireann a bhuann an Comórtas Díospóireachta. Clúdaíonn an dearbhán seo chuile costas - taisteal, loistín, srl.

Má tá suim ag do scoil páirt a ghlacadh sa chomórtas díospóireachta i mbliana téigh i dteagmháil linn gan mhoill ar 01 8786424 nó seol ríomhphost chuig ursula.feachtas@gmail.com

Is iad na duaiseanna a fhaigheann na buaiteoirí ná scoláireacht go dtí an Ghaeltacht, trófaí, dearbháin Dlúth dhiosca agus leabhair.

I 2009 b’iad na buaiteoirí ná Scoil Naomh Iosaif, Rinn na Spáinneach, Co. An Chláir.

Má tá suim ag do scoil páirt a ghlacadh sa chomórtas Thráth na gCeist téigh i dteagmháil linn chun clárú don chéad chomórtas eile.