ESQUERDA UNIDA LUGO

EU PRESENTOU UN ESCRITO NA XUNTA ELECTORAL RECLAMANDO OS 49 VOTOS QUE OBTIVO NUNHA MESA E QUE NON FORON CONTABILIZADOS

2012-02-08T18:11:00.001+01:00

Portomeñe e Vázquez entrando na Audiencia para presentar o escrito de reclamación

EU presentou hoxe na Xunta Electoral un escrito reclamando o recoñecemento oficial dos 49 votos correspondentes a Esquerda Unida-Os Verdes na mesa electoral da Escola infantil de Paradai, tal e como reflexa a acta oficial de escrutinio e, polo tanto, a rectificación dos resultados publicados polo Ministerio de Interior.

Como é coñecido, o pasado luns 30 de xaneiro procedeuse na Xunta Electoral de Zona de Lugo á revisión da acta de escrutinio correspondente ás pasadas eleccións xerais do 20 de novembro de 2011, do Distrito 3 da Sección 009, Mesa U do municipio de Lugo (028), emplazada na Escola Infantil de Paradai, na rúa Narciso Peinado. Dita acta adxudica a EU-OV a cifra de 49 votos como resultado real do escrutinio.

Sen embargo, nos datos emitidos polo Ministerio de Interior que figuran como definitivos se adxudican cero votos a EU-OV en dita mesa electoral. Efectivamente, nin o reconto provisional elaborado pola Subdelegación de Goberno nin o reconto definitivo realizado pola Xunta Electoral tiveron en conta os datos reflectidos na acta á hora de emitir os resultados electorais, alterándose igualmente o número de votantes total da mesa, constando na acta 778 votantes e nos resultados definitivos 729 votantes.

Este primeiro paso de carácter administrativo busca a rectificación da irregularidade cometida pola propia administración. Trátase dun primeiro paso que EU agarda sexa definitivo para que se contabilicen oficialmente os sufraxios de 49 lucenses que actualmente non figuran nin como votantes nas eleccións, nin como electores de EU.

En EU Lugo contamos co asesoramento xurídico de IU federal e desde o punto de vista administrativo, no caso de non admitirse as reclamacións de EU, non excluímos ningunha posibilidade, mesmo a de presentar un contencioso administrativo.

Desde o punto de vista político, a asemblea local barallará posibles accións atendendo ás propostas de colaboración que diferentes colectivos e persoas a título individual manifestaron en días pasados en solidariedade con EU.

ESQUERDA UNIDA ADVIRTE SOBRE O PROGRESIVO DETERIORO DOS SERVICIOS DE ATENCION PRIMARIA DA PROVINCIA

2012-02-08T11:49:00.001+01:00

Esquerda Unida considera inadmisible a situación que están a atravesar os Centros de Saúde da Provincia, como consecuencia do peche das axendas por parte da Xerencia de Atención Primaria

Esquerda Unida manifesta que o bloqueo das axendas de moitos profesionais sanitarios cando estes están de baixa, vacacións ou permiso, fai que neses períodos os cidadáns ademais de non ter acceso o seu medico de cabeceira, carezan da asistencia sanitaria ordinaria.

Dende mediados do mes de Novembro, o SERGAS non procede a substitución do persoal sanitario dos Servizos de Atención Primaria contratando médicos en paro ou prorrogando a xornada dos facultativos en activo, senón que se procede a chamada intersustitución que non é outra cousa que repartir os pacientes entre o persoal dispoñible. Outros días directamente se pasa a pechar a axenda do medico polo que os pacientes quedan sen atender. Esta situación afecta igualmente ao persoal de enfermería e administrativo, de feito para substituír a estes últimos, se ten instalada unha centraliña telefónica cara, pouco funcional e dificilmente entendible para os usuarios.

A precarización do servicio está levando a que cando a Consellería de Sanidade se ve obrigada a facer substitucións , sobre todo en centros pequenos e con pouco persoal, se procede a realizar contratos de media xornada, obrigando ao persoal contratado das listas do paro a realizar o traballo da xornada completa en media xornada.

Esta sobrecarga dos servicios sanitarios implica, entre outras consecuencias, que haxa días nos que os médicos cheguen a atender a perto de 60 pacientes ou que se de cita a tres persoas para a mesma hora. Esta irresponsable xestión por parte da Directora Xerente de Atención Primaria, dona Ana María García Cedrón, así como por parte da Conselleira de Sanidade, dona Rocío Mosquera Álvarez, está tendo como consecuencia un empeoramento da atención aos pacientes e un risco grave para a saúde dos cidadáns por carecer dunha atención sanitaria básica axeitada.

Esquerda Unida mantivo diversas reunións con traballadores dos centros de saúde da cidade, quenes advertiron do risco que conleva unha atención deficiente e masificada derivada desta situación. Neste momento, son cada vez mais os pacientes que non reciben atención nin cita, salvo "urxencia vital".

Por outra parte, este deterioro dos servicios sanitarios públicos, afecta a todas as áreas implicadas. Resulta especialmente grave a supresión das prazas de limpeza e o establecemento de persoal de limpeza itinerante ou reténs, que acoden baixo demanda dos facultativos, o que conleva que cando un paciente sufre algún tipo de incidencia derivada da súa doenza , teña que agardarse a chegada do persoal de limpeza dende outro centro ou que os usuarios sexan atendidos sen as debidas condicións de limpeza e hixiene.

EU reitera o seu compromiso na defensa da sanidade pública.

2012-02-07T00:45:00.001+01:00

IU LEVA AO CONGRESO A SÚA PROPOSTA PARA CREAR 2,8 MILLÓNS DE EMPREGOS, AFIRMA CAYO LARA: "CUMPRINDO COA NOSA PRINCIPAL PREOCUPACIÓN E COMPROMISO EN CAMPAÑA"

Luns, 6 de febreiro de 2012

Esquerda Unida defenderá mañá no primeiro Pleno ordinario do Congreso a súa primeira iniciativa parlamentaria desta legislatura. Esta non é outra que unha proposición non de lei coa que persegue que se creen 2,8 millóns de empregos en tres anos, a partir dun investimento público de 40.000 millóns de euros. Búscase así que a taxa de paro se reduza ata o 8 ó 9 por cento, a que existía antes do inicio da crise.

O coordinador federal de Esquerda Unida, Cayo Lara, explicou hoxe en roda de prensa a importancia que esta iniciativa ten para a súa formación. "É a primeira proposta de IU; eu diría que a máis importante que habemos ter ao longo da campaña e da precampaña electoral. Cumprimos así co que é o noso primeiro compromiso e a nosa primeira preocupación que é buscar a creación de emprego. Todo o mundo fala de crear postos de traballo, pero o certo é que nin co Goberno anterior nin con este do PP adoptaron medidas para crear nin un só posto de traballo; ao contrario, o que se está facendo é destruílo cada vez máis", detallou.

A proposición non de lei de IU, que será defendida polo deputado Alberto Garzón, incide nun plan de emprego público, nun plan de reforestación con creación de postos de traballo no sector, así como na ampliación de contratacións en puntos crave da Administración como son Xustiza, a Axencia Tributaria ou a Inspección de Traballo. O financiamento dos mesmos virá de "unha loita efectiva contra a fraude fiscal e a aplicación dunha reforma fiscal progresiva".

Esta iniciativa contempla tamén un importante apartado de apoio ás pequenas e medianas empresas para facilitar a contratación nelas, así como a aposta pola xornada laboral de 35 horas. "Traballar menos para traballar todos", resumiu Lara.

O máximo responsable de IU considerou "obvias" as razóns de que IU arranque a legislatura cunha iniciativa destas características. "Cun crecemento do 0,7 por cento da economía en 2011 non só non se creou emprego, senón que se destruíu. Estamos en 4,6 millóns de parados, 5,3 millóns segundo a EPA e crecemos no último mes 177.000 novos parados. Se con ese terrorífico dato de destrución de emprego espérase, segundo o Banco de España e o FMI que decrecerá o PIB en 2012 entre o 1,5 e o 1,7 por cento, a pregunta é cantos parados máis imos ter en España Imos chegar aos seis millóns de parados?", razoou.

Lara denunciou que coa estratexia actual de ‘axuste duro' por parte do Goberno de dereitas do PP "non se xera emprego" e adiantou que se non hai un "cambio de rumbo nas actuais propostas económicas" o único que haberá en "máis destrución de postos de traballo".

2012-02-06T12:38:00.005+01:00

IU rexeita os recortes en educación e reclama que se iguale o gasto público á media europea para alcanzar o 7% do PIB e o 2% para a Universidade

A portavoz de Esquerda Unida na Comisión de Educación e Deporte, Caridade García, trasladou ao responsable desta carteira, José Ignacio Wert, o seu "total rexeitamento aos recortes públicos en Educación" e reclamou que o Goberno "iguale o gasto público nesta política á media europea, ata acadar o 7% do PIB e o 2% do PIB para o ensino superior", ao ser a Universidade un "servizo público que ten como obxectivo a formación de persoas creativas e críticas cunha elevada formación cultural e profesional".

A deputada de IU fixo estas manifestacións durante a súa réplica ao ministro na primeira comparecencia deste no Congreso, na que tamén sinalou que, "nunha comparativa con outros países da nosa contorna", unha das "diferenzas máis claras é que o noso país investiu menos en Educación durante décadas. Ese si é un déficit histórico que influíu negativamente no resultado escolar. Non hai recursos suficientes, non hai medios axeitados para combater e previr o fracaso escolar".

Na súa argumentación sobre os insuficientes recursos en materia educativa, a portavoz en Educación de IU expuxo algúns datos, como que "a media da UE sitúase no 5,5% do PIB, mentres nós estamos no 4,3%; a Comunidade onde se sitúa este Parlamento, é dicir Madrid, gástase só un 2,46% do seu PIB, estando á cola en investimento educativo de Europa". Se se cumpren as previsións, "o descenso global en Educación dos dous últimos anos superará o 7%, malia que hai 520.000 estudantes máis, incluíndo os universitarios".

Nesta liña, argumentó que "nin a comunidade educativa (alumnos, pais e profesores), nin nós, nin ninguén con sentido común entende que agora, nos momentos onde máis necesaria se fai unha axeitada formación para paliar os efectos da crise que estamos atravesando, reduzan o investimento en Educación. A Educación non se pode considerar como gasto, é investimento".

García criticou que nun "Estado non confesional, como se define o noso, se derive cada vez máis diñeiro público a centros educativos privados (confesionais, na súa inmensa maioría), diñeiro público que deixa de investirse nos centros públicos, e que veñen reforzar a crecente privatización do sistema educativo, co consiguiente retroceso na súa equidade e na súa democratización e por suposto no avance cara a un modelo de educación laica".

Na súa intervención, Caridade García non desaproveitou a oportunidade de trasladar ao ministro algunhas demandas que se fixeron públicas desde a Comisión Permanente do Consello Escolar do Estado, como "que a crise non poña en perigo un servizo público que constitúe, xunto con outros, a columna vertebral da cohesión social do Estado", así como a solicitude de que "as administracións educativas negocien cos lexítimos representantes do profesorado, co fin de conseguir o necesario consenso de todos os sectores da comunidade educativa".

Pola súa banda o deputado de IU, Ricardo Sixto, na parte da comisión relativa a Deporte, requiriu a Wert a súa opinión achega da "futura lei antidopaxe", e entrando máis en detalle sobre este aspecto, inquiriu detalles sobre como abordará o Goberno a necesaria relación entre a "prevención do dopaje e a lei de prevención de datos", da cal se derivan aspectos espiñentos en cando a intervención das comunicacións entre "profesionais implicados en casos de dopaxe".

Sixto, asemade, referiuse ao proxecto de Madrid Olímpico 2020. "Xa temos –dixo- unha ampla experiencia en canto a eventos deportivos de calado, sen que cheguemos a entender cales serán os beneficios reais. En todo caso, gustaríanos saber canto diñeiro nos vai custar a promoción deste gran evento?"

2012-02-01T00:10:00.001+01:00

Acta oficial do colexio electoral onde constan os 49 votos a IU

A REVISIÓN DA ACTA NA XUNTA ELECTORAL DEMOSTRA QUE 49 VOTANTES A EU NON FORON CONTABILIZADOS NOS RESULTADOS DEFINITIVOS

O resultado real de EU é de 2.794 votos, o 5% do total no municipio

    Como é sabido, nas pasadas eleccións xerais do 20 de novembro EU triplicou no municipio de Lugo os votos acadados en 2008. De feito, os 2.745 votos (4,91%) fronte aos 970 (1,66%) de 2008, eran os mellores resultados da historia da agrupación luguesa nunhas eleccións xerais. Desde a mesma semana das eleccións, EU solicitou reiteradamente o CD cos resultados oficiais e definitivos da provincia sin éxito.
    A pasada semana, unha vez en posesión dos resultados, EU constatou que a única mesa electoral con cero votos era a correspondente ao Distrito 3 da Sección 009, Mesa U do municipio de Lugo (028), emplazada na Escola Infantil de Paradai, na rúa Narciso Peinado.
    Esta é tradicionalmente unha das principais mesas para EU en canto ao número de votos. Nas pasadas eleccións municipais o resultado para EU foi de 31 votos. De feito, é a mesa onde votan varios afiliados e familiares destes. Polo tanto, EU denunciou a imposibilidade de non contar con votos nesta mesa electoral e sinalou que a cantidade estimada era de 50, tendo en conta o incremento das mesas contiguas ao colexio, como se demostra no seguinte cadro:

                                         Municipais 2011   Xerais 2011    Incremento

Edificio Xunta de Galicia          A 14 (3,7%)           30 (7,44%)           16

                             B   21 (4,51%)         40 (8,53%)           19

Edificio de Sindicatos               A   28 (5,46%)            54 (7,69%)           26

                                             B   27 (4,13%)         32 (5,82%)            5

      Desde EU solicitamos á Xunta Electoral a revisión da acta, feito que se produciu o martes día 30 de xaneiro. O coordinador, o secretario de organización e o candidato ao Congreso poideron constatar que a acta reflexa os votos reais correspondentes a EU: 49 (6,47%).
    Queremos destacar a dilixencia y a correcta actuación dos compoñentes da mesa electoral que cumpliron o seu traballo respetando escrupulosamente a Lei Electoral (LOREG). Así se traduce da revisión da acta, onde constan correctamente todos os requisitos que marca a Lei.
    Hai que dicir que EU é nesta mesa a terceira forza máis votada, por enriba do BNG. Con esta mesa, EU supera en 52 mesas o 5% dos votos, e en 8 delas é a terceira forza política por detrás do PP e o PSOE.
    Ademais, a acta reflexa que nesta mesa votaron realmente 778 persoas, fronte ás 729 que reflicten os resultados definitivos ofrecidos polo Ministerio de Interior.
    É preciso sinalar que EU quedou, segundo os datos do Ministerio, a 48 votos de acadar o 5% de media na cidade. Cos 49 votos que realmente obtivemos na Escola Infantil de Paradai o resultado global no municipio é de 2.794 votos, o 5%. É dicir: extrapolando os resultados a unhas eleccións municipais EU tería representación asegurada e sería chave no Concello de Lugo.
    Contamos coas iregularidades de dúas administracións: a Subdelegación do goberno cando facilita os resultados provisionais, e a Xunta Electoral cando dá por bós os resultados sen revisalos. Ademais, non so se altera o resultado de EU, tamén se fai cadrar o número total de votantes para adaptalo aos resultados sen EU.
    Estes resultados afectan ao cómputo xeral dos resultados do municipio, por canto o número de votantes (57.048) facilitado polo Ministerio de Interior é menor ao real (57.097), en concreto 49 menos dos que realmente votaron. Reclamamos que se aclare que pasou para que os votos de 49 cidadáns e cidadás de Lugo non consten nos resultados definitivos aportados polo Ministerio de Interior.
    Estamos asesorados polos servizos xurídicos de IU federal para presentar as oportunas reclamacións. Pero mentras, podemos asegurar que, prospere ou non, nos dirixiremos aos veciños e veciñas que votan no colexio electoral da Escola infantil de Paradai para explicarlles os feitos e darlles a coñecer as nosas accións encamiñadas a conseguir que os seus votos se vexan reflectidos no total definitivo.

    EU ten unha sensación de indefensión e desconfianza. Non se trata dunha incidencia no colexio electoral que se poida subsanar coa presencia dun interventor ou un apoderado. Trátase dunha irregularidade cometida pola la Administración. Esta irregularidade está nos datos que se comunican ao ministerio, e para iso teñen que pasar tres cribas: o reconto provisional da Subdelegación de Goberno, outro reconto provisional da Xunta Electoral e o reconto definitivo.

Escola Infantil de Paradai

Resultados reais.

Nulos 18. Brancos 13.

votantes     PP    PSOE    EU                  BNG UpyD PACMA CXXI UCE

   778         390      252      49 (6,47%)    44       8         4      0      0

Resultados aportados polo Ministerio de Interior

Nulos 18. Brancos 13.

votantes     PP    PSOE    EU BNG UpyD PACMA CXXI   UCE

    729        390      252      0    44       8         4        0       0

2011-12-29T21:50:00.001+01:00

EU PRESENTA A SÚA CAMPAÑA CONTRA A PRIVATIZACIÓN DO SERVIZO DE AUGAS

Esquerda Unida aproveitou o día dos inocentes para presentar a campaña contra a privatización do ciclo completo da auga. O goberno municipal renunciou finalmente a levar hoxe a Pleno a constitución da nova empresa mixta pero segue adiante co proxecto. Semella unha mala inocentada de fin de ano. Pero non o é.

Centos de monigotes co lema "O Concello privatiza o servizo de augas. Non sexas inocente!" encheron o casco histórico de Lugo ata que "misteriosamente" desapareceron por orde dos que dirixen a institución municipal. Non é a primeira vez que sucede que a propaganda contraria aos seus intereses políticos desaparece na nosa cidade.

A campaña desenvolverase nos vindeiros días e inclúe a recollida de sinaturas de persoas e colectivos opoñéndose á privatización, así como contactos con sindicatos, asociacións veciñais, organizacións e colectivos para explicar a situación e a postura contraria de EU. Ademais, EU editará e distribuirá miles de boletíns explicando a intención do goberno municipal de deixar en mans da empresa privada a xestión de todo o ciclo da auga.

A privatización forma parte do acordo de goberno entre o PSOE e o BNG, que contempla a creación dunha "empresa mixta para o ciclo da auga". Estes dous partidos din representar a esquerda e privatizan como a dereita, abríndolle paso coas súas políticas. De feito, o Partido Popular opta pola concesión a unha empresa privada, é dicir, outra fórmula de privatización.

Texto díptico

O GOBERNO MUNICIPAL PRIVATIZA O SERVIZO DE AUGAS

PARECE UNHA MALA INOCENTADA DE FIN DE ANO. PERO NON O É

NON SEXAS INOCENTE!

O Goberno municipal está acelerando os trámites para privatizar o servizo de augas no ano 2012. A privatización forma parte do acordo de goberno entre o PSOE e o BNG, que contempla a creación dunha "empresa mixta para o ciclo da auga". Estes dous partidos que din representar a esquerda privatizan como a dereita, abríndolle paso coas súas políticas. De feito, o Partido Popular opta pola concesión a unha empresa privada, é dicir, outra fórmula de privatización.

¿Qué é unha empresa mixta?

É aquela que non é privada na súa totalidade porque parte do diñeiro que necesita para financiarse provén das arcas municipais. Trátase dunha entidade mercantil suxeita ao Dereito Privado.

¿Que é o "ciclo completo da auga"?

Todas as instalacións (as de captación de auga dos ríos, de tratamento da auga, de elevación e bombeo, de almacenamento, de distribución, os contadores, o saneamento, os tanques de tormentas e a nova depuradora), así como a xestión de abonados e facturación.

En EU temos a firme convicción de que a auga é un ben común, de que o acceso á agua é un dereito humano inalienable, e de que a agua non se pode privatizar nin comercializar. Polo tanto, A xestión da agua debe ser pública e de base comunitaria. O PSOE e o BNG non aportan un so argumento lóxico para privatizar o ciclo da auga.

1. Descartan a empresa totalmente municipal «porque o sector público ten unha serie de corsés á hora de tomar decisións».

Non é certo.

Desde o ámbito municipal e con cartos públicos poidéronse mellorar o servizo e as infraestruturas, ¿porque se privatiza a súa xestión unha vez feitas as inversións e as melloras que aínda están en marcha?

A modernización das infraestruturas supuxo a inversión pública de millóns de euros para traída, saneamento, etc, incluíndo os 44,5 millóns da nova depuradora (EDAR). Aínda está pendente de execución a terceira fase que costará máis de 10 millóns de euros públicos, é dicir, cartos de todos e todas.

Nada se gaña en termos sociais, laborais e de calidade do servizo cunha privatización.

2. O concelleiro de Medio Ambiente Lino González, do PSOE, di que o goberno local opta pola privatización para "incorporar os criterios profesionais dunha empresa, pero coa participación maioritaria do Concello para asegurarse o control da empresa". O BNG sostén que garante "o carácter público da empresa"

Non é certo.

O goberno municipal traspasa a xestión da empresa de augas a unha concesionaria privada, que a xestionará con arreglo ao dereito privado e co ollo posto en exclusiva nos beneficios económicos.

O Concello terá o 51% e participará na Xunta Xeral da empresa como un socio máis, pero non a Corporación. Serán uns políticos moi concretos os que cobrarán por pertencer á Xunta Xeral e aos órganos de administración da empresa. Por non falar dos casos de enchufismo na futura plantilla de traballadores.

3. A concelleira de Infraestructuras Paz Abraira, do BNG, sinala que coa privatización "se pretende mellorar o servizo aos lucenses".

Non é certo.

A privatización do servizo de augas non obedece a razóns de eficiencia.

Todo o contrario. A privatización é unha fonte constante de problemas, desde os seus trámites iniciais ata o desenvolvemento da xestión: o primeiro ano subirá o recibo da auga un 22%, prestará peores servizos, haberá conflictos para o cumprimento do contrato e especialmente os laborais, falla de transparencia, etc.).

Coa privatización, a realmente favorecida é a empresa de turno que se beneficia dun negocio sen riscos e con altas tasas de gañancia.

Ademais, dificulta o control municipal e impide a participación cidadá na xestión da auga.

4. Como en todas as privatizacións, cando hai beneficios lévaos a parte privada e cando hai perdas páganse cos cartos de todos e todas. As condicións de creación da empresa garántenlle un negocio si ou si: se a empresa presenta perdas anuais debe cubrilas o Concello; se a empresa presenta beneficios, embolsa os cartos no peto.

5. Ademais, a participación da empresa privada faise a cambio dun canon de moi dudosa legalidade, que en realidade é un préstamo a devolver polo Concello. Por suposto, a empresa renuncia a criterios de carácter social e sustentabilidade pola tentación de facer caixa.

Queremos que sexan as veciñas e veciños os que decidan que modelo de xestión da auga e do saneamento queremos para Lugo.

POR UNHA XESTIÓN SUSTENTABLE, SOCIAL E PARTICIPATIVA DO SERVIZO DE AUGA E SANEAMENTO.

PORQUE A AUGA ÉUN BEN PÚBLICO FUNDAMENTAL, NON UN NEGOCIO.

PORQUE A AUGA É COUSA DE TODAS E TODOS.

PAREMOS A PRIVATIZACIÓN DO SERVIZO DE AUGAS!

EU PRESENTA UNHA MOCIÓN INSTANDO AO PLENO A NON RECURRIR DE NOVO O INFORME DESFAVORABLE DE CULTURA SOBRE AS TORRES DO GARAÑÓN

2011-12-07T19:39:00.001+01:00

O coordinador de EU Lugo, Carlos Portomeñe, presentou hoxe unha moción no rexistro do Concello instando aos grupos municipais a discutir e aprobar no Pleno a decisión de non recurrir unha vez mais o informe desfavorable sobre as torres do Garañón, informe emitido pola Comisión Provincial de Patrimonio e ratificado pola Dirección Xeral do Patrimonio Cultural.

O concelleiro de urbanismo xa manifestou a súa vontade de recurrir novamente o dito informe. Haique lembrar que cando o goberno municipal solicitou por orde xudicial o preceptivo informe da Consellería de Cultura, este resultou negativo e daba a razón ás demandas da Asociación pola Defensa do Parque Rosalía. O goberno municipal decidiu entón recurrilo, pero novamente as súas alegacións foron desestimadas. Polo tanto, semella evidente que a presentación de recursos non consegue senón dilatar o litixio no tempo sen ningún resultado positivo.

Diversas resolucións xudiciais ordenaron a paralización das obras e anularon as licenzas de urbanización e de edificación, e nestes momentos a investigación segue aberta no Xulgado número 2 de Lugo. Segundo o auto xudicial emitido con data 23 de novembro de 2010 polo xulgado de instrución número 1 de Lugo, as autoridades municipais poideron cometer delitos de prevaricación urbanística e contra a ordenación do territorio. Posibles responsabilidades penais que se fan extensivas tamén ao propio promotor e sobre as que a Xustiza decidirá no seu caso.

Esquerda Unida ratifica o seu apoio ás demandas e reivindicacións da Asociación pola Defensa do Parque Rosalía, cuxa actuación está legitimada por 12.000 sinaturas que avalan a oposición á construción de seis bloques de nove plantas nunha das zonas máis emblemática e sensibles da cidade. Asemade, en EU agardamos que esté moi próximo o día en que o Parque Rosalía quede libre dese adefesio de cemento e ladrillo que constitúe o símbolo da especulación urbanística na nosa cidade.

ESQUERDA UNIDA DENUNCIA QUE LUGO FOI A SEGUNDA PROVINCIA NA QUE MAIS SUBIU O PARO DE TODO O ESTADO NO MES DE NOVEMBRO

2011-12-05T18:25:00.001+01:00

EU esixe que se adopte de maneira urxente un plan de choque para rachar esta tendencia.

Lugo foi a segunda Provincia de todo o estado na que mais se elevou o paro no mes de novembro, cunha subida do 7%, moi por riba do 1,37% de subida media estatal.

1.637 lucenses pasaron a engrosar as listas do paro no último mes, chegándose xa aos 25.031 parados na provincia, unha cifra imposible de asumir e que sitúa cada vez a mais persoas en risco de exclusión e desprotección social, pois mais de 10.000 parados da provincia carecen de prestación algunha. Dos novos parados, 814 pertencen ao sector servizos, 370 ó sector da construcción ,163 ó sector industrial e 105 á agricultura.

Polo que se refire a Galicia, cunha subida do 4,66%, alcánzase o teito histórico con 253.416 parados e sitúanos entre as comunidades líderes en destrucción de emprego do territorio español. Estes datos poñen de manifesto o nulo resultado das políticas de emprego desenvoltas en Galicia polo Partido Popular, e esixen asumir as competencias que ten atribuídas nesta materia o Goberno Galego.

Os sucesivos aumentos na tasa de paro constatan, ademais, o fracaso da contrarreforma laboral e das políticas de axuste, que non fan outra cousa que aumentar un problema para cuxa solución se fan imprescindibles a recuperación do crédito, unha política fiscal mais xusta, un impulso ao sector industrial, o apoio aos sectores productivos e axudas ás pequenas e medianas empresas, como sinala o programa político de EU.

A situación do desemprego en Lugo amosa a ineficacia das políticas desenvoltas polas diferentes instancias institucionais, polas que teñen pasado as forzas do tripartidismo, incapaces de ofrecer alternativas para unha mínima converxencia socio-económica da provincia. Lugo sufre as consecuencias do tradicional abandono institucional e dun modelo económico que estivo subordinado, fundamentalmente, ao sector do "ladrillo", o cemento e o alquitrán, e cuxa responsabilidade corresponde a determinados políticos e grandes empresarios que pensaron mais no beneficio a curto prazo que no desenvolvemento real da economía e dun reparto máis equitativo da riqueza.

Dende Esquerda Unida defendemos a necesidade dun Pacto polo Emprego dende o diálogo e a concertación social, para avanzar no establecemento de medidas conxuntas que vaian mais alá das estrictas políticas de reducción do déficit publico, que restan recursos á actividade económica e arrasan cos servizos públicos.

Carta de Cayo Lara e valoración dos resultados electorais

2011-11-25T11:01:00.001+01:00

Estimado/a amigo/a:

Hoxe enviamos a carta dirixida por Cayo Lara a todos os militantes e simpatizantes, así como unha primeira valoración dos resultados acadados en Lugo.

Queremos expresar o profundo agradecemento da nosa Agrupación comarcal a todos e todas os que nos destes a vosa confianza e decidistes ser partícipes co voso voto dun resultado histórico que marca, desde o noso punto de vista, a remontada da esquerda alternativa no noso país, na nosa provincia e na nosa cidade.

Estamos plenamente convencidos de que existe unha saída social á crise, e que podemos materializala entre todos e todas, na rúa e nas urnas. Xuntos podemos conseguir unha sociedade onde prevalezan os principios da igualdade, a liberdade, a solidariedade e a xustiza social, e podemos empezar pola nosa cidade. No noso afán estaba, e está, compartir esa ilusión.

Estamos moi satisfeitos. Pero os votos non son nosos, son vosos. Non miramos estes resultados con euforia nin triunfalismo, senón como unha responsabilidade. A responsabilidade de ser dignos merecedores da vosa confianza e seguir traballando codo a codo, día a día, para recuperar a dignidade da Política, tan escasa na actualidade.

Unha aperta,

Consello local de EU Lugo

VALORACIÓN PROVISIONAL DOS RESULTADOS ELECTORAIS DO 20-N

Á espera da celebración da Asemblea comarcal e a súa valoración, o Consello local de EU elaborou unha primeira análise dos resultados electorais en Lugo e provincia que fixeron pública en rolda de prensa Ramón Vázquez e Carlos Portomeñe.

O pasado 20 de novembro, a coalición electoral EU-V acadou na cidade de Lugo 2.745 votos (4,91%) e 6.448 votos (3,01%) na provincia. En ámbolos dous casos supón o mellor resultado de sempre en eleccións xerais, e mesmo supera os votos acadados en 1996 cando IU obtivo os históricos 2.639.774 votos, o 10,54%. Tendo en conta as cifras, podemos calificar os resultados de exitosos. Mesmo no voto CERA, o dos non residentes, somos a cuarta forza e acadamos 103 votos (3,8%), a só 4 votos dos 107 do BNG.

Somos, con diferencia, a forza política con maior crecemento en términos porcentuais. Na cidade de Lugo incrementamos os votos nun 183%, 1.775 máis que en 2008. Hai varias mesas electorais onde xa somos a terceira forza política. Cun sistema electoral xusto, coa barreira legal no 3% (pola que loitaremos nos vindeiros meses) EU xa podería acadar con este resultado en Lugo un deputado autonómico. Por suposto, loitaremos por superar o 5% necesario, porque é posible.

Estes datos amosan que imos polo bo camiño. Somos unha forza que ofrece alternativas claras e concretas para xerar emprego, que loita contra a corrupción política, que defende os servizos públicos (iniciaremos en breve unha campaña para frear a privatización do ciclo da auga polo goberno municipal), e que cre profundamente na democracia participativa, na elaboración colectiva: o programa participado por mais de 15.000 persoas é un claro exemplo.

Demostramos que cando hai ideas e cercanía coa cidadanía se poden facer campañas electorais austeras e sen grandes coberturas mediáticas. Co presuposto de campaña de EU Lugo os axentes do tripartidismo non alcanzarían nin para un anuncio na prensa.

De novo, o noso agradecemento. Atoparémonos na acción.

Arrieros somos, y en el camino nos hemos encontrado

2011-11-24T16:42:00.001+01:00

Cumplido ya el segundo aniversario de tan locuaz, gratificante y atinado escrito, me he tomado la libertad, desde mi modesta alcantarilla, de precisar varios puntos. Por supuesto, en la lengua de Cervantes para mayor comprensión de tan digna representante de las letras españolas:

1. Ciertamente, encuentro el escrito en exceso cargado de terminología escatológica, y no precisamente en su acepción apocalíptica. Además, sin ser un experto en hermenéutica, intuyo cierto tono rencoroso e intención de ofender en su verbosidad.

2. He sentido lástima intelectual (no me lo tome a mal) por una persona que, viviendo supuestamente de las letras y finalista del premio Planeta (ahí es nada), hace uso torticero de una obra insigne de la literatura universal sin habérsela leído o, cuando menos, comprendido. Triste elección la de Los miserables de Víctor Hugo para utilizar como arma arrojadiza e insulto de comunistas, cuando tradicionalmente ha constituido una obra de cabecera de los rojos impenitentes; los miserables representan el lumpen, los explotados, los "parias de la tierra".

3. Estoy tan "aterrorizado a ganarme la vida al margen de la protección de un partido político", que llevo diecisiete años de militancia altruista y sin remuneración. Algo quizás difícil de entender para quienes gozan de vecinos mecenas.

4. En este sentido, es de suponer que el "vademécum de la moral podrida" ha de referirse al de cierto empresario farmacéutico (qué coincidencia) cuyo altruismo le ha llevado a financiar radios, homenajes por jubilación y ediciones de libros con originales formatos de medicamento.

5. Lo del "partido agonizante que va perdiendo al mismo tiempo el oremus y los votos" ha de ser algún chiste que se cuenta en Madrid y no entendemos en provincias. En todo caso, he descubierto que existen vaticinios hereditarios. De hecho, su abuelo ya lo repetía cada vez que organizaba las misa por el "generalísimo" en la Iglesia Conventual de Santo Domingo. Precisamente aquel templo colindante con nuestra Sede política, y (otra coincidencia) cada 20 de noviembre, fecha de celebración de los últimos comicios electorales.

6. Resulta un pelín traicionero, desde mi humilde punto de vista, escribir libelos en determinada prensa amparándose en mi indefensión, conociendo que el hecho de no gozar del agrado de ciertos próceres de la libertad de información invalidaba la publicación de una posible réplica.

7. "Fiel y penoso ejemplo de un sector descompuesto de la política patria". No me siento merecedor de tanto halago. Teniendo en cuenta el nivel de podredumbre al que está sometida la política en su patria, creo excesivo situarme como referente con tan dignos representantes amigos de su merced.

8. En algo sí estoy plenamente de acuerdo. He adquirido el compromiso personal de intentar con todas mis fuerzas esparcir "el material del que están hechos los sueños hediondos de todos los miserables del mundo". Para que los perfumados hocicos de los privilegiados no tengan más remedio que olerlos cuando cambiemos el mundo de base.

Atentamente,

Carlos Portomeñe

VER ARTÍCULO ORIXINAL DE MARTA RIVERA

ESQUERDA UNIDA CONSIDERA IMPRESCIDIBLE O MANTENEMENTO DO SERVIZO EDUCATIVO DE PREESCOLAR NA CASA NA PROVINCIA DE LUGO.

2011-11-24T16:31:00.001+01:00

EU apoia a manifestación convocada para o sabado 26 en defensa de Preescolar na casa

Dende Esquerda Unida consideramos que Preescolar na Casa presta un servizo esencial a través dos seus programas educativos de atención a nenos e familias, cun modelo de traballo único ó conxugar a orientación ás familias co traballo directo cos nenos e nenas.

Nunha sociedade cada vez mais desestructurada, cabe resaltar a súa labor achegando a pais e nais a postulados coeducativos e de parentalidade positiva, procurando que as familias se recoñezan como principais educadoras, reflexionen sobre como están educando e descubran novas formas de actuación cos mais pequenos. Se favorece o traballo en grupo e se crea unha rede de apoio entre as familias que deste xeito comparten preocupacións, intereses e afeccións.

Destaca tamén, polo orixinal traballo en favor da cultura propia, dándoselle unha especial importancia a aspectos como:

· A posta en valor dos xogos populares.

· A creación e edición de recursos propios e o traballo con materiais de reciclaxe.

· A literatura infantil galega.

· O recoñecemento e dignificación do medio rural, da súa historia e de toda a riqueza das nosas vilas e aldeas.

Nun momento en que se demostra que os países que mais invisten en educación, son os que menos están a sufrir as consecuencias da crise e se constata a relación directa entre a prosperidade dos pobos e o nivel educativo da súa cidadanía, non parece razoable a liña de actuación do Goberno da Xunta de Galicia, suprimindo un servizo esencial para toda a comunidade educativa.

Preescolar na Casa leva mais de 30 anos funcionado, traballa en mais de 60 concellos da provincia de Lugo e presta unha acción educativa clave atendendo a centos de familias, nunha provincia na que a dispersión da poboación e unha das características clave no acceso aos servizos públicos. Preescolar na Casa é unha creación galega, un referente polo que amosan interés dende fora das nosas fronteiras e merecedora do recoñecemento de numerosas institucións, polo que non parece razoable que se deixe esmorecer por carecer do necesario apoio das administracións públicas.

Por todo isto dende Esquerda Unida DEFENDEMOS QUE PREESCOLAR NA CASA SE INTEGRE NO SISTEMA EDUCATIVO PÚBLICO GALEGO e apoiamos as reivindicacións expresadas polos traballadores e a manifestación prevista para este Sábado dia 26, que sairá dende a Praza do Ferrol as 12:00 horas.

A esquerda alternativa devolve a ilusión nunha saída social á crise.

2011-11-21T00:55:00.001+01:00

Grazas, Non pasarán.

2011-11-19T16:33:00.001+01:00

Dentro de cinco minutos remata a campaña electoral. Foron días intensos onde EU-V difundiu as súas propostas, cunha mensaxe esencial: é posible unha saída social á crise. O vindeiro domingo 20 de novembro saberemos se somos merecedores da confianza dos nosos concidadáns.

Somos xente sinxela e humilde, con defectos como calquera, pero xente sinxela e humilde que nos dedicamos á Política porque cremos nela con maiúsculas, porque estamos convencidos de ser capaces de dignificala e recuperar o seu auténtico significado, aquel que Anguita definía como "a arte de facer posible o imposible". Para o resto, para os do circo, para os do "tripartidismo armónico", o diccionario amosa riqueza abonda de epítetos. Os termos "Politiquería" e "politicastros" definen ben o cortoplacismo dos que abandonan a busca do ben común para satisfacer os interes propios.

A realidade é dabondo dura como para non permiitirse xogar con ela. Somos utópicos, sen complexos, porque a utopía é o motor da Historia. Se non tivesen existido os que antes ca nós soñaron, pensaron e loitaron por un mundo mellor nin sequera teríamos aquelo que intentan roubarnos. Pero non somos idealistas;analizamos a realidade concreta para loitar pola súa transformación e ofrecer alternativas reais. Como escribiu Galeano para o video de IU, "a realidade é real porque nos invita a cambiala e non porque nos obliga a aceptala". O programa é o noso contrato coa cidadanía e o noso grupo parlamentario vai traballar arreo para defendelo en calquera instancia. Por suposto, tamén nas rúas.

Grazas a todos e todas os que nestes días nos apoiastes, aos que difundistes as nosas propostas, aos que vos sentides orgullosos e orgullosas desa illa chamada Utopía.

Resulta unha obviedade destacar a importancia destas eleccións no actual contexto de crise estructural do sistema. E non só para a esquerda deste país. Oskar Lafonteine, o histórico dirixente alemán, transmitía nunha carta á dirección de IU: "Un éxito de Izquierda Unida en España fortalece a la izquierda en toda Europa y contribuirá, en ese sentido, enormemente al desarrollo de una Europa democrática, social, ecológica y pacífica". A esquerda alternativa europea está pendente destas eleccións xerais. Hoxe, como onte, facemos noso aquel berro histórico que recorreu o mundo enteiro e se convertiu en símbolo da loita contra o fascismo: "Non pasarán".

Adiante.

No último momento, a parte fundamental do noso programa.

PROPOSTAS DE ESQUERDA UNIDA PARA CREAR EMPREGO

Este é o núcleo central do noso programa. É o problema mais serio para a maioría da cidadanía. Mentres haxa unha taxa de paro significativa haberá crise.

O traballo humano é o único que xera riqueza. O paro representa a desesperación para millóns de persoas que se ven sen futuro e un retroceso social e económico para a sociedade.

Tres cifras resumen a situación da provincia de Lugo. 21000 parados e paradas co maior porcentaxe de paro xuvenil de Galicia, 5000 familias sen ningún tipo ingreso e 6 lucenses que perden a súa vivenda cada día.

O emprego por riba de todo, significa:

· Crear emprego desde o público, porque hoxe as empresas teñen moitas dificultades para crealo sen axuda.

· Apoiar ás pequenas empresas e autónomos para que estean en condicións de crear emprego.

· Redistribuír e racionalizar o emprego existente

Para iso propomos:

En 2012, un Plan de Choque polo Emprego:

1. Un Programa de empregos verdes que comprende reforestación, explotación e mantemento de superficies forestais. (300.000 empregos).

2. Un Programa de rehabilitación sustentable de vivendas residenciais e vivendas rurais (200.000 empregos).

3. Un Plan de Empregos Sociais, para asegurar o pleno desenvolvemento da Lei de Dependencia e mellorar saúde, educación (especialmente de 0 a 3 anos) e determinados

servizos da Administración. (170.000 empregos).

4. Un Plan de Formación/Emprego para atender a situación de parados que esgotasen as súas prestacións. En colaboración cos Concellos e combinando traballo e formación. (300.000 empregos, incluídos 20.000 formadores).

5. Reducir por Lei a Xornada Laboral a 35 horas (mantendo igual retribución) para repartir o traballo existente, elevar a calidade de vida e conciliar a vida persoal e laboral.

A compensación da redución de xornada nas empresas e as Administracións Públicas, xeraría 400.000 postos de traballo.

Para axudar á pequena e mediana empresa e traballadores autónomos para crear o emprego compensatorio derivado da diminución da xornada laboral establécese unha exención nas cotizacións patronais á Seguridade Social por importe de 8.000 millóns de euros. A prioridade nestas axudas orientarase cara ao emprego xuvenil a contratos de menores de 35 anos e ampliarase cos mesmos beneficios a contratos de substitución con ese límite de idade.

6. Un Acordo-Marco con empresas de servizos básicos (auga, gas, electricidade, etc.) (50.000 empregos)

7. Un Plan de Investimento en infraestructuras de proximidade. (80.000 empregos)

Este plan de choque terá dúas fases de ampliación para os anos 2013 e o 2015 no que se implementarán os puntos sinalados e se revisaran e actualizarán as necesidades dos sectores descritos.

E como se paga todo isto?

O custo teórico deste plan de emprego é de 40.000 millóns de euros a investir principalmente durante 2012. Pero crear emprego non é un gasto senón un investimento. Por cada 1.000 euros que se utilizan nun contrato de traballo, a Facenda pública recupera, polo menos, 586 euros entre impostos e cotizacións á Seguridade Social.

Por tanto, as necesidades de financiamento con efectos sobre o déficit e, por tanto, unha vez descontados os ingresos fiscais producidos, estímanse en 2 puntos de PIB durante o primeiro ano, que quedarían satisfactoriamente compensados pola reforma fiscal que propomos nos correspondentes puntos deste Programa e que se centra fundamentalmente na reforma do IRPF para que paguen mais os que mais teñen, na reforma e suba do imposto de sociedades para as empresas e sociedades con mais de 1 millón de euros de beneficios , na reforma do IVE e na creación dun imposto especial para a adquisición de bens de superluxo, en acabar coa economía sumerxida e o fraude fiscal, e na restauración do imposto do patrimonio e o imposto de sucesións.

ESQUERDA UNIDA DENUNCIA A PRIVATIZACION DE SERVIZOS SANITARIOS EN LUGO POR PARTE DO SERVICIO GALEGO DE SAÚDE

2011-11-18T14:53:00.001+01:00

No DOG do 11 de Novembro se anuncia a nova adxudicación dos servizos de fisioterapia, logopedia e fisioterapia respiratoria á empresa Fisioterapia Lugo S.L. por un importe de 1.543.590 euros.

Esquerda Unida ven denunciando a privatización progresiva á que a Xunta de Galicia está a someter os servizos sanitarios, dos que é clara mostra o anuncio realizado o venres pasado pola Xerencia do Servizo Galego de Saúde.

En dita resolución O SERGAS adxudica de novo a unha empresa lucense, por un importe de 1.543.590 euros, a prestación do servizo sanitario de fisioterapia, logopedia e fisioterapia respiratoria aos pacientes beneficiarios da Seguridade Social e protexidos polo servizo Galego de Saúde na provincia de Lugo.

Nun momento en que o recentemente estreado Hospital Lucus Augusti se encontra infrautilizado e con moitas das súas dependencias sen empregar, e tendo en conta que os pacientes beneficiarios destes servizos son enfermos de patoloxías tanto agudas como crónicas, é hora de que o hospital conte cunha área específica no servizo de Rehabilitación para asumir esas labores. Esquerda Unida mantén a súa defensa na xestión e prestación de servizos públicos da Sanidade e considera un gasto innecesario a especulación coas prestacións sanitarias básicas da cidadanía.

PARA MAIS INFORMACION…

Resolucion DOG 11 de Outubro de 2011 - Servicio Galego de Saúde

Crónica do acto central de campaña

2011-11-18T14:45:00.001+01:00

O centro social Uxío Novoneyra acolleu o acto central de Esquerda Unida-Os Verdes nas eleccións xerais en Lugo. O acto consistiu nun debate participativo entre o principal candidato de EU-V ao Congreso e o público presente. Sector público, sectores enerxéticos, sanidade, educación, sistema electoral ou emprego foron algúns dos temas sobre os que xiraron as preguntas dos participantes.

Ramón Vázquez sorprendeu de entrada aos presentes destruindo un falso billete de 500 euros como prólogo dunha intervención sumamente pedagóxica, na máis pura tradición da esquerda, desgranando a orixe da crise, as súas consecuencia e as súas alternativas.

Logo dunha breve intervención deuse paso ao turno de preguntas, para as que Ramón Vázquez tivo áxiles respostas que recollían, por suposto, os puntos fundamentais do programa electoral de EU-V. Nese sentido sinalou Ramón a importancia que o programa ten tradicionalmente para EU, pero especialmente nestes tempos onde se fai tan necesaria unha alternativa real na sociedade. Por elo recalcou a importancia do método escollido para a elaboración do programa, lembrando que é froito de máis de cincocentas asembleas realizadas ao longo do estado nas que teñen participado máis de quince mil cidadáns e cidadás.

Introduxo o acto a candidata nº2 ao Congreso, Isabel Sánchez. Destacou a importacia, nestes tempos que corren, de desvelar a verdade, así como o compromiso e a valentía de Ramón Vázquez sendo a voz dos perxudicados por esta crise e das miles de persoas que loitan para que esta sociedade cambie: " os muros non se tiran a cabezazos, se horadan e logo se empuxan para que caigan", sinalou Isabel.

O debate participativo culminou unha xornada electoral marcada polas noticias sobre a crise financieira en Europa. EU-V reafírmase, hoxe máis ca nunca, en que unha saída social á crise é posible, e que esta comenza co avance electoral da esquerda alternativa o vindeiro 20 de novembro.

PROPOSTAS DE EU-V POR UNHA EDUCACIÓN PÚBLICA, LAICA, DEMOCRÁTICA E DE CALIDADE

2011-11-15T02:02:00.001+01:00

Ramón Vázquez é psicopedagogo, e Isabel Sánchez é profesora de Filosofía

Durante os dous últimos anos asistimos aos maiores recortes no ensino en Galicia na historia da democracia. O goberno do PP leva recortado os cadros de persoal en mais de 1000 docentes, suprimiu a gratuidade dos libros de texto, pechou 8 comedores escolares, suprimiu mais de 300 ciclos formativos de FP e reduciu o presuposto en educación nun 7%, nun momento en que segue aumentando o alumnado.

Isto sucede á vez que a Consellería adica 1020 millóns de euros ao ensino concertado para esta lexislatura, incluíndo a subvención a centros que segregan ao alumnado en función do seu sexo como e o caso dos centros Las Acacias, Montecastelo e Aloya en Vigo ou Montespiño e Peñaredonda na Coruña. Tamén se conceden novos concertos en zonas sen necesidade de escolarización como é o caso do Guillerme Brown e Miraflores de carácter ultracatólico en Ourense ou Santa María del Mar na Coruña.

Na provincia de Lugo, a estes recortes temos que engadir o peche de 10 escolas e a supresión de 3 comedores no rural .

Se alguén ten dúbida de cal é o programa oculto do PP, non ten mais que observar a política educativa desenvolta por este partido en Madrid, verdadeira punta de lanza dos recortes levados a cabo noutras comunidades autónomas. En Madrid se viron recortados os presupostos de educación en 60 millóns de euros e se recortaron os cadros de persoal en 3000 docentes, que se suman aos 2000 recortados o curso pasado, o que implica a masificación das aulas con rateos de 30 e ata 40 alumnos. Todo isto sucede nunca comunidade na que perto do 50% do alumnado, vai xa a centro privados concertados e na que a matricula e adquisición de material para estes centros, desgrava a facenda nunca cantidade de 74 millóns de euros.

Fronte a esta concepción do ensino, Esquerda Unida defende que a educación pública de calidade debe ser unha prioridade política porque contribúe á cohesión social e á formación de persoas máis iguais, máis libres e máis críticas. Esquerda Unida reitera o seu compromiso en defensa dunha educación pública e laica de calidade e defendemos que a educación pública é un investimento, non un gasto. Unha educación pública de calidade é aquela que dá resposta ás diversas necesidades educativas do conxunto da poboación para lograr o seu éxito escolar, mediante unha efectiva igualdade de oportunidades.

As principais propostas de Esquerda Unida en materia educativa son:

-Ampliación da rede de escolas infantís de titularidade e xestión pública até cubrir toda a demanda de escolarización de 0 a 6 anos, especialmente no ciclo de 0 a 3 anos.

-Redución da rateo a 20 estudantes por aula como máximo nos ensinos obrigatorios.

-Gratuidade de libros e materiais didácticos de aula para facer efectiva a gratuidade do ensino básico.

-Sistema integral de bolsas e axudas ao estudo e gratuidade dos comedores escolares.

-Integración no sistema xeral das ensinanzas de réxime especial. (Música, Danza, Arte Dramática e Artes Plásticas).

-Creación dunha rede pública suficiente de centros integrados de FP en coordinación coas CCAA.

-Impulsar cambios curriculares, metodolóxicos e organizativos que permitan dar resposta á diversidade do alumnado.

-Incorporar novos perfís profesionais na escola: de educación social, de traballo social, de mediación intercultural...

-Estender os Programas de Reforzo, Orientación e Apoio, fóra do horario lectivo, a todos os centros públicos.

-Modificar a normativa necesaria co obxectivo de chegar a supresión progresiva dos concertos educativos, abrindo vías para avanzar cara a unha rede única de centros públicos.

-O chan público só para os centros públicos. Impedir cesións de chan municipal destinadas a centros privados concertados.

-Derrogación dos acordos co Vaticano e con outras confesións relixiosas para que calquera relixión quede fora do currículo escolar.

-Implantación de software libre de código aberto no sistema educativo e organizar desde a Administración Educativa unha rede de recursos dixitais, públicos, gratuítos e compartidos (wikieduca).

-Corpo único de profesorado, a partir dunha formación inicial con rango de posgrado.

-Aumento dos persoais de persoal docente e non docente para unha efectiva atención á diversidade ao longo de toda a escolaridade.

-Impulsar a participación da comunidade escolar en planificación educativa, potenciando o asociacionismo e o papel dos Consellos Escolares de centro, municipais, de distrito, das Comunidades e do Estado.

-Cumprimento inmediato o mandato de LÓE para igualar o gasto público educativo á media europea e que se aumente progresivamente até alcanzar un 7% do PIB, destinando ademais un 2% do PIB á Educación Superior.

-Establecer como obxectivo a gratuidade dos estudos universitarios, priorizándoa nos de Grao.

-Paralizar a Estratexia Universidade 2015 e abrir un debate social con toda a comunidade universitaria sobre a Universidade que realmente se necesita.

-Revisión do sistema de titulacións do proceso de Bolonia evitando en todo caso o seu supeditación ás empresas privadas.

-Para todo iso requírese incrementar o financiamento das universidades públicas até alcanzar o 2% do PIB, traducido nun gasto por alumno e alumna/ ano equivalente á media universitaria europea.

Acto central de campaña - DEBATE PARTICIPATIVO

2011-11-14T14:46:00.001+01:00

Convidámosvos a participar no noso acto central, o día mércores 16 ás 20:00h no Centro Social Uxío Novoneyra.

O evento alonxaráse do mitin tradicional para conformar unha asamblea cidadá onde os asistentes poderán facer as súas preguntas e propostas.

Porque non todos somos iguais en política, e en Esquerda Unida nunca nos deu medo debater cos cidadáns.

Rebeládevos participando!!

CRÓNICA DA FIN DE SEMANA

2011-11-14T11:48:00.001+01:00

Esquerda Unida continúa a súa campaña de contacto coa cidadanía, levando as propostas a pe de rúa. O venres, membros da candidatura, entre eles Ramón Vázquez e Isabel Sánchez, repartiron propaganda no mercado de abastos. Como anécdota humorística, dicir que os vendedores facían bromas aos membros de EU-V polo título do díptico electoral: Democracia ou mercados, ti elixes.

Na praza de abastos

O sábado foi un día completo. Pola mañá un nutrido número de candidatos e militantes situaron a carpa electoral na rúa da Raíña e repartiron numerosa propaganda (dípticos, pegatinas, marcapáxinas, bolígrafos, etc) pero a sorpresa máis agradable foi o importante número de persoas que solicitaron o programa de EU-V. Por suposto, EU-V reparte o seu programa porque pode presumir dun texto elaborado trala participación de máis de 15.000 cidadáns e cidadás logo de máis de 500 asembleas en todo o Estado.

Coa carpa na rúa da Raiña

Pola tarde, chegou o turno de debate para o noso candidato, Ramón Vázquez, participou no Lugo Pregunta organizado polo Movemento 15-M de Lugo na Praza Maior. Unha estupenda iniciativa e ben organizada polo 15-M que contou coas ausencias do PSOE e do PP. A este respecto Ramón comenzou a súa intervención destacando que "algo debe preocuparlles porque estamos condenados a non encontrarnos nos debates", "onde están eles non nos invitan e onde estamos nós non aparecen", dixo. Dúas horas contestando cuestións realizadas pola cidadanía presente e a través de internet, xunto coa candidata do BNG.

No debate 15M “Lugo Pregunta”

O domingo, visita a Meira e reparto polo pobo. Como tamén debe haber momentos de asueto, aproveitando a feira os candidatos e militantes "picaron" un pouco de polbo antes de regresar a Lugo.

Ramón Vázquez conversando con veciños de Meira

DEBATES ELECTORAIS. ISO QUE ALGÚNS CHAMAN "DEMOCRACIA"

2011-11-11T21:37:00.001+01:00

O pasado xoves 10 de novembro a UNAVE organizou no Instituto Virxe dos Ollos Grandes un debate electoral entre os candidatos do PSOE, PP e BNG no que, por certo, o ministro de Fomento excusou a súa ausencia.

Como ven sendo habitual nos debates electorais que organiza a "independente" Unión de Asociacións Veciñais e Culturais de Lugo nas diferentes citas coas urnas, Esquerda Unida foi excluída de participar. Cada vez lles resulta máis complexo explicar a exclusión de EU, pese a que neste caso o presentador sinalou na presentación do debate que estaban presentes os partidos con representación parlamentaria.

Non contentos con excluir a EU, o moderador e presidente da UNAVE, un "independente" habitual das listas do BNG, logo de sinalar que sería un acto de democracia pura no que os presentes poderían formular preguntas utilizou un dos trucos máis baixos nos que pode caer un manipulador. Sabendo que o primeiro en pedir a palabra era o candidato de EU ao Congreso sentado na parte traseira do salón de actos, decidiu conceder a palabra partindo da primeira fila ata o fondo. Preguntas xa previstas de "hooligans" aos seus candidatos, peroratas de candidatos non oficiais con afán de protagonismo e outras preguntas formais e serias alargaron o acto máis de dúas horas; algúns pedían a palabra conforme escoitaban as dos demais.

Pero aínda restaba por chegar a guinda. No momento no que lle tocaba o turno a Ramón Vázquez o moderador anunciou que había que acortar a duración do acto e o micrófono voltou en dirección contraria cara as persoas de adiante para novas preguntas. Ante as protestas de Ramón e algún asistente máis, finalmente logrou falar. O candidato presentouse e de forma moi correcta e amosou o seu malestar pola exclusión da terceira forza do país e ademais con representación parlamentaria, e formulou a seguinte pregunta: ¿Cales son as propostas concretas dos tres partidos para loitar contra a corrupción e para o control dos cargos públicos?. As respostas se moveron entre a indefinición, a retórica (a representante do PSOE dixo que "transparencia e democracia") e o esoterismo, porque só lles restou dicir que a corrupción era froito da confluencia de Xúpiter con Saturno.

Polo tanto, exclusión deliberada de EU, intento igualmente de exclusión no turno de palabra e comportamento que clarifica o talante dos que din representar aos veciños e veciñas de Lugo, dos que reclaman democracia para eles (ou pastel) marxinando a unha forza que hai cinco meses se erixiu en portavoz de 1.648 lucenses nas urnas. ¿Por que se teme a EU?¿Por que tanto encaixe de boliños para impedir que participe en debates cos tres partidos inmersos na corrupción na nosa cidade?

Pero non foi un caso aillado. Aos integrantes da Asociación na Defensa do Parque Rosalía denegouselles a palabra pese a ser dos primeiros en solicitala.

Polo demais, un debate insulso, sen contido, con candidatos que descoñecen o seu propio programa (dous deles deputados) que demostran claramente porque Lugo segue no tren de cola deste continente chamado Europa. A política en Lugo é precisamente como o tren do que tanto falan: discuten sobre o "AVE" e temos unha liña deseñada no século XIX, sen electrificar e sen doble vía. Políticos e ferrocarril son un tren de Famobil.

Vivimos momentos difíciles, con negros nubarróns no horizonte social, económico e político. O tripartidismo segue gozando do seu mediocre espectáculo onde cada un representa o seu papel para deixar todo como estaba. Pero a Historia dá leccións inolvidables, especialmente en periodos complexos onde os tempos cambian con rapidez. Nós ao noso, en positivo, con propostas e alternativas, pensando e actuando. Aló eles, xa nos deron por mortos demasiadas veces.

Ramón Vázquez no momento de dirixirse aos presentes no debate electoral

PROPOSTA DE EU PARA A PEQUENA E MEDIANA EMPRESA E AUTÓNOMOS

2011-11-11T21:28:00.001+01:00

Programa "primeiro traballador" para fomentar a contratación de traballadores

Esquerda Unida da prioridade nas súas propostas políticas ás pequenas empresas e ós autónomos por seren o sector que xera mais postos de traballo e constitúen a base do noso tecido productivo.
En España o 55,2 % das empresas son empresas sen ningún traballador (fundamentalmente autónomos) e outro 39% son empresas de 1 a 9 traballadores. Polo tanto as pequenas empresas e os autónomos conforman máis do 95 % do tecido empresarial do país, o 99% no caso de Galicia. Existen 3.117.000 persoas dadas de alta na Seguridade social como traballadores autónomos.
Mentres o señor Zapatero se reúne na Moncloa cos 44 directivos das maiores empresas españolas para abordar as reformas laborais, José Blanco con outros nas estacións de servizo para escoitar as súas propostas e Feijoo fai o mesmo no seu despacho, moitas pequenas empresas se ven abocadas a pechar ou pasar por serias dificultades para saír adiante sen que ninguén escoite as súas demandas. Así, no último ano levan pechado 962 empresas na provincia de Lugo, 66 no mes de setembro segundo os datos da Seguridade Social. Se temos en conta que as pequenas empresas contratan o 85% dos postos de traballo, un dos motores para a creación de emprego debe ser establecer políticas de apoio a este sector.
Algunhas das principais medidas concretas de Esquerda Unida neste eido son:

- Crearemos o Programa "primeiro traballador" para fomentar a contratación de traballadores por parte de PEME e autónomos mediante unha subvención durante dous anos a realización do primeiro contrato indefinido. Así, as empresas sen traballadores que accedan a esta subvención descontarían do Imposto de sociedades, IRPF ou IVE segundo o caso, o 30% da retribución bruta o primeiro ano, ate un máximo de 6.000 € e no segundo ano un 20% ate un máximo de 4.000 €.
- Estableceremos un Convenio entre o ICO e as Caixas de Aforro para facilitar crédito ás empresas avaladas polas Sociedades de Garantías Recíprocas, en condicións de interese preferentes.
- Subvencionaremos os intereses de préstamos da liña ICO-SGR en 3 puntos para empresas e autónomos de menos de 10 traballadores que serán facilitados directamente polo ICO.
- Reservaremos un 30% dos contratos e licitacións das Administracións Públicas, cuxos gastos de persoal supere o 50% do valor total do contrato, a empresas de menos de 20 traballadores.
- Reduciremos do prazo de pago das Administracións públicas e privadas aos seus provedores a 30 días e creación dunha conta fiscal que asegure o cobro das administracións públicas cos provedores unha vez pasados eses 30 días.
-Atrasaremos a obrigatoriedade do ingreso do IVE hasta que a factura teña sido efectivamente cobrada.
-Apoiaremos especificamente a pequena empresa agraria e ós autónomos do campo. A poboación activa na agricultura descendeu do 8% ao 4%, á vez que a dependencia da nosa agricultura das importacións é crecente. O impacto da Política Agraria Comunitaria (PAC) na nosa economía agraria non é positiva pois ten como único eixe o abaratamento dos prezos. O diferencial entre o pagado ó agricultor e o pagado polo consumidor se sitúa entre o 400% e o 500%. Faise imprescindible unha reforma da PAC, desenvolver un plan de soberanía alimentaria dando prioridade ós productos locais fronte ós monopolios e grandes corporacións e fomentar a agricultura e gandería ecolóxica.
MÁIS PROPOSTAS PEMES E AUTÓNOMOS NO PROGRAMA DE EU-V:
http://izquierda-unida.es/sites/default/files/doc/Programa_Electoral_IU_2011_0.pdf

EU-V EN CASTRO DE REI

2011-11-10T16:18:00.001+01:00

Continuando coa campaña electoral, os candidatos/as de Esquerda Unida-Os Verdes achegáronse este mércores a Castro de Rei, onde repartiron propaganda electoral e conversaron cos veciños e veciñas.

EU-V TEN ALTERNATIVAS PARA UN NOVO MODELO PRODUTIVO

2011-11-10T14:35:00.001+01:00

Urxe unha reforma empresarial e a derogación da actual "contrarreforma" laboral

Se algo demostrou a crise económica é que PSOE e PP están máis preocupados en salvar o balance dos bancos que en resolver o drama de 5 millóns de parados/as, o seu obxectivo é baleirar o Estado e favorecer os intereses privados. Non poden sacarnos da crise os que nos conduciron a ela. EU-V ofrece alternativas, non palabras baleiras.

En EU-V queremos defender o público e o papel do público na economía. O Estado debe requilibrar o mercado, non só corrixilo. O Estado debe volver entrar na economía, non só como salvavidas conxuntural, senón para quedar.

Por iso queremos:

• Recuperar para o sector público empresas públicas privatizadas, especialmente nos sectores estratéxicos: enerxía, comunicacións, transporte, soberanía alimentaria, correos, banca, ...

• Desenvolver a protección social, a Seguridade Social e os servizos sociais.

• Garantir a eficiencia e o desenvolvemento dos servizos públicos, con propiedade e xestión públicas.

Opómonos ao Pacto do Euro e reclamamos un cambio completo no modelo de construción europea, que nestes días compróbase que está fracturado.

Aplicaremos un cambio do modelo de relacións laborais, porque é en España o trazo máis negativo do actual modelo produtivo. Unha parte esencial do cambio no modelo de relacións laborais é a reforma empresarial e non a reforma laboral. Hai que cambiar os modos de xestión empresarial neste país: hai que penalizar o modelo de salarios baixos, precariedade e desregulación. Consideramos o pleno emprego, digno e de calidade como o eixo determinante do novo modelo produtivo con políticas de repartición do traballo e produción sustentable.

Nesa dirección, a renda básica é unha medida que permitirá superar as relacións laborais capitalistas no marco dunha sociedade avanzada. As formas e aplicación da renda básica universal deben entrar no debate económico e social, pero mentres non existan as condicións para a súa aplicación propomos a súa extensión a todas as persoas que non teñen outro tipo de ingresos e a homogeneización en cantidade e condicións dos actuais sistemas de rendas de inserción.

- Derogaremose a Reforma Laboral e recuperaremos a primacía da negociación colectiva. Melloraremos a calidade da democracia sindical e do papel das organizacións sindicais.

- Reduciremos a xornada laboral a 35 horas semanais sen diminución do salario mensual. Controlaremos e limitaremos as horas extras. Racionalizaremos os horarios de traballo

- Recuperaremos a xubilación aos 65 anos e aplicaremos un plan progresivo para alcanzar a xubilación aos 60 anos no marco temporal da lexislatura. Prestación máxima aos 35 anos e período de cotización de 15 anos. Melloraremos as pensións e reforzaremos a sustentabilidade do sistema mediante medidas que conduzan ao incremento dos seus ingresos por cotizacións. Elevaremos a pensión mínima ata alcanzar 1.100€/mes. Restituiremos o poder adquisitivo dos pensionistas.

- Situaremos como orientación na negociación colectiva a redución do abanico salarial nas empresas sobre a base da elevación dos salarios máis baixos.

- Elevaremos o salario mínimo a 1.100 €/mes.

- Eliminaremos os encadenamientos de contratos e os contratos de formación. Fomentaremos os contratos de substitución.

- Apoiaremos o cooperativismo mediante medidas laborais, fiscais e de crédito.

- Reforzaremos o Sistema Público de Pensións.

- Fortalecemos a Inspección de Traballo, dotándoa de maior orzamento e persoal ao obxecto de poder velar polo cumprimento efectivo dos dereitos laborais e reforzaremos, para iso, as súas competencias como órgano supervisor e sancionador.

- Limitaremos de maneira rigorosa as subvencións das cotizacións ao empresariado, reducíndoas a políticas de estímulo do emprego a condición de que se utilice un procedemento de avaliación dos seus resultados.

- Introduciremos a democracia na economía, desde a planificación sustentable do desenvolvemento ata a xestión de cada empresa concreta. Defendemos a participación democrática dos traballadores na planificación económica e na xestión das empresas. Apostaremos decididamente pola economía social.

- Queremos desenvolver legalmente a esixencia de cumprimento dos dereitos subxectivos establecidos na Constitución Española: dereito ao traballo, á vivenda, á saúde, á educación, etc. O recoñecemento da eficacia dos dereitos subxectivos establecidos no art. 27 e 35 da Constitución Española. O desenvolvemento do artigo 35 implica o recoñecemento do dereito ao traballo e alternativamente unha prestación económica digna e suficiente e unha formación durante todo o período de duración do desemprego.

- Priorizaremos sectores produtivos:

• Consideramos varios sectores básicos: Construción, Automoción, Turismo, Agricultura desde a perspectiva da soberanía alimentaria, e Química verde. Estes sectores son imprescindibles para manter o emprego e deben afrontar importantes procesos de modernización e de cambio. Son sectores esenciais nun cambio de modelo produtivo no noso país, tanto en por a súa importancia no PIB como na xeración de emprego.

• Os sectores emerxentes: agricultura ecolóxica, construción e reparación naval e de material ferroviario e servizos sanitarios e sociais. Estes sectores só poderán adaptarse e modificarse cara a un novo modelo produtivo desde o impulso público. Producir un cambio radical nos fundamentos da política agraria para que verdadeiramente apoie un modelo social de agricultura, produtivo e sustentable. A alimentación debe ser considerada un asunto estratéxico.

• Os sectores de apostas de futuro: mecatrónica, bioloxía médica, aparellos médicos e biocombustibles. Estes sectores están escasamente implantados

- Reconverteremos ecolóxica e socialmente a construción e o turismo.

MÁIS PROPOSTAS ECONÓMICAS NO PROGRAMA DE EU-V:

http://izquierda-unida.es/sites/default/files/doc/Programa_Electoral_IU_2011_0.pdf

EU-V PROPÓN UNHA REVOLUCIÓN AMBIENTAL

2011-11-09T16:42:00.001+01:00

Ao longo destes anos temos asistido a unha dobre moral en materia medioambiental e nas políticas aplicadas á nosa contorna, tanto por parte das distintas administracións e institucións como por parte dos partidos maioritarios. É habitual que digan unha cousa e fagan a contraria.

Din que hai que reciclar, reutilizar e reducir pero o modelo que impoñen é o de SOGAMA, o da incineración con emisión de dioxinas en oposición ás tres "R". Hai que manter as nosas costas limpas e protexidas, pero so en Barreiros, cunha poboación de 4.000 habitantes, se deron nun ano licenzas para máis de 3.500 vivendas, con visado para máis de 6.500. Fomentáronse, ademais, as piscifactorías en primeira liña de costa como a ubicada en Xove, coa consabida contaminación. Outro caso paradigmático é o que acontece no Caurel, un dos territorios de maior biodiversidade de Galicia, protexido oficialmente pero levando adiante unha "política solapada" de despoboamento interesado e devastación co único obxecto de favorecer os intereses de empresas privadas. Mostra disto foi a legalización da maior pizarreira por considerarse "compatible" co medio ambiente.

Por estes e moitos outros despropósito, Esquerda Unida-Os Verdes propón cambiar as tendencias do crecente consumo de recursos naturais, do incremento de emisións e aumento de traballo en precario para lograr o desenvolvemento social e ecoloxicamente sustentable dentro dun modelo económico concibido para atender as necesidades básicas das persoas. Precisamos unha sociedade que impulse o desenvolvemento humano, un territorio que cumpra as súas funcións ambientais e unha relación dos seres humanos coa natureza que garanta a integridade dos ecosistemas.

Para iso, é fundamental a propiedade e a xestión pública dos recursos naturais estratéxicos: auga, enerxía, aire e chan, evitando que se convertan en mercadorías. Impulsando as enerxías renovables, o "emprego verde" e o apoio a novas fórmulas de economía solidaria.

Así mesmo, o fin da era do petróleo barato debe levarnos a unha profunda reflexión sobre as alternativas enerxéticas e situar como eixo central de todo debate a necesidade de expor unha planificación democrática da economía e dos recursos. Unha planificación que atenda a criterios de demanda e necesidade cunha perspectiva de xustiza social e de repartición da riqueza. Entendemos prioritario cubrir as necesidades básicas do conxunto da poboación actual sen comprometer a satisfacción desas mesmas necesidades por parte das xeracións futuras.

Algunhas das PROPOSTAS de EU-V son:

-Reformaremos a lei do solo, introducindo criterios claros de obrigado cumprimento por parte das distintas autonomías, como o respecto pola particularidade, a biodiversidade, os recursos e a habitabilidade. Cunha regulamentación clara e reforzada, de forma que os plans de ordenación autonómicos e municipais manteñan a súa independencia, pero dentro dun marco previamente planificado e regulado que atenda ás necesidades de protección do medio e suficiencia de recursos.

- Estableceremos un modelo enerxético de enerxías renovables, descentralizado e público, xerando de forma distribuída a electricidade, producíndoa preto do consumo, con redes de distribución de proximidade de ámbito municipal e comarcal.

IMPULSAREMOS A ENERXÍA FOTOVOLTAICA en teito, SOLAR térmica para climatización e auga sanitaria; así como outro tipo de enerxías como a minieólica e xeotérmica, etc.

-Programa de peche de todas as centrais nucleares. Pecharemos, en primeiro lugar, todas as centrais nucleares, e en segundo lugar exporemos unha estratexia clara de xestión dos residuos nucleares que atenda a principios de seguridade e responsabilidade.

- Crearemos unha lei xeral de transporte sustentable que aposte polo sistema multimodal e integral de transporte, de carácter universal e público, que promova e abarate o transporte público colectivo, impulsando especialmente o criterio de a pé, en bicicleta ou en tren. Impulsaremos que o transporte motorizado se efectúe esencialmente por vía férrea, tanto no caso das persoas como no das mercadorías

- Garantiremos a XESTIÓN PÚBLICA da auga. A auga é un ben común que debe xestionarse como un recurso público non mercantil, un ben universal con acceso garantido como un dereito humano.

- Pelexaremos por unha Nova Política Agraria Común, PAC, na Unión Europea, capaz de defender a agricultura familiar, protexer o medio ambiente e pór coto ao control da cadea agroalimentaria por parte de grandes empresas. A reforma da PAC ofrece a oportunidade de reorientar o modelo agrogandeiro e que as políticas agrarias e alimentarias se establezan no marco da soberanía alimentaria.

- O 78% das vivendas construídas nos últimos dez anos na provincia de Lugo están baleiras. Propoñemos o ALUGUER SOCIAL, principal camiño para a satisfacción do dereito constitucional da vivenda.

MÁIS PROPOSTAS SOBRE MEDIO AMBIENTE NO PROGRAMA DE EU-V:

http://izquierda-unida.es/sites/default/files/doc/Programa_Electoral_IU_2011_0.pdf

PROPOSTAS PARA OUTRO MODELO DE INFRAESTRUCTURAS E UN TRANSPORTE SOSTIBLE

2011-11-08T13:07:00.001+01:00

Durante os últimos anos o modelo económico vixente caracterizouse por un “desarrollismo” baseado na dotación de infraestructuras e na construcción como eixos do suposto progreso e modernidade do pais.

A función do transporte é garantir a accesibilidade aos bens, servizos e contactos coas demais persoas, independentemente do lugar onde se viva, da renta, edade ou xénero. Crear accesibilidade coa mínima movilidade, sen xenerar máis movilidade da necesaria cun sistema de transporte universal e público.

Moitas das autovías e autopistas construídas nos últimos anos, foron deseñadas para un numero de vehículos moi superior ao tráfico que de verdade rexistran, e son polo tanto deficitarias e innecesarias. Un claro exemplo deste tipo de despilfarro son as autopistas radiais de Madrid R2, R3 , R4 e R5 cun trafico medio diario dun 30% do previsto e que fai necesario a transferencia dunha grande cantidade de cartos a modo de subsidio a empresa concesionaria, o que hai que engadir un custe de mais de 2500 millóns de euros na súa construcción . E hai moitos outros exemplos como a M12 e a AP 41 de Madrid, a AP 46 de Ocaña, a circunvalación de Alacante etc, etc.

Mentres tanto, outras obras da Provincia de Lugo como é o caso da Autovía da costa, a autovía Lugo- Santiago ou o corredor Sarria Monforte, se eternizan na súa construcción ou ven paralizadas as súas obras.

Algo moi semellante sucede co tema dos Aeroportos. Mentres que Alemania, un pais con 82 millóns de habitantes e o triple do PIB do noso territorio ten 38 aeroportos, España ten nada mais e nada menos que 50 aeroportos e varios máis en vías de construcción. O caso mais sangrante e o do Aeroporto de Castellón, cun custe de máis de 150 millóns de euros e sen ningunha compañía aérea operando nel, pero hai moitos outros tamén gravemente deficitarios como o dos Aeroportos de Huesca (40 mill de E), Lleida (100 mill. de E), Cidade Real (1000 mill. de E ), León ou Albacete, nos que se ronda o 20% de tránsito de pasaxeiros previsto e necesario para rentabilizar a súa posta en funcionamento.

Existen zonas, como nos arredores de Victoria onde hai 5 aeroportos a menos de 100 Km (Burgos , Logroño, Pamplona, san Sebastián, Bilbao e Santander). Por se fora pouco, isto implica que se teña que subsidiar con diñeiro publico as compañías de baixo custo para que se manteñan nos aeroportos cun número de pasaxeiros inferior ó previsto. En 2011 a Xunta de Galicia destinou mais de 3 millóns de euros para soster voos coas compañías low cost nos aeroportos galegos. E o actual ministro de Fomento, o que privatiza AENA, chegou a prometer un aeroporto para a Capital en Rozas nunca comunidade na que xa existen outros tres.

Contrariamente ó que puidera pensarse, España con 14.689 Km ( 31-12-2007) é o 3º pais do mundo con mais quilómetros de vías de alta velocidade, soamente superado por USA e China, países con unhas dimensións moi superiores, e supera con creces a Alemaña, Francia ou Reino Unido. Ademais ten 1.963 Km de nova construcción e 1.781 en construcción ( que fan un total de 3744 km)

O ministerio de Fomento do candidato por Lugo do PSOE , Pepe Blanco, ven de anunciar o peche da liña Toledo- Cuenca –Albacete por deficitaria, despois dunha inversión de 3500 millóns de Euros. E hai moitas outras moi deficitarias, como a liña a Valladolid como o propio Fomento recoñece. España transportou en AVE no ano 2008 a 16 mill. de pasaxeiros mentres que Francia transportou a 113 millóns e Xapón a 300 mill cunha rede bastante inferior de liñas de alta velocidade.

No caso da Provincia de Lugo, e mentres a posibilidade os prazos e as previsións sobre a existencia dun liña de AVE se dilúen no tempo, seguimos contando cunha rede viaria do século XIX sen dobre vía e sen electrificar, con medias de velocidade inferiores aos 50 Km /h, con frecuencias , tempos e combinacións insufribles.

Dende Esquerda Unida defendemos un plan de transportes e infraestructuras sostible e viable. Porque a o diñeiro publico vai dirixido a licitar as obras necesarias e non a soster a cleptocracia vixente na actualidade. Porque para xerar riqueza, ademais de construír infraestructuras, é necesario optimizar os recursos e dirixir os cartos de todos a crear emprego, mellorar os servicios sociais, mudar o modelo productivo, crear tecido empresarial ou axudar as pequenas empresas.

EU PRESENTA AS SÚAS PROPOSTAS PARA REMATAR COA CORRUPCIÓN E ASEGURAR O COMPORTAMENTO ÉTICO DOS CARGOS POLÍTICOS

2011-11-08T12:58:00.001+01:00

A campaña electoral arranca en Lugo coa pantasma da corrupción planeando sobre os tres partidos con responsabilidades institucionais. O enfrentamento bipartidista entre PSOE e PP sobre a Operación Campeón, o "e ti máis" habitual moi visible no tratamento das noticias nos grupos de comunicación afíns aos dous partidos, xenera unha cortina de fume sobre o problema real: a presunta implicación de cargos públicos de PSOE, PP e BNG na corrupción política en Lugo.

A corrupción é un cáncer para a democracia e causa de desprestixio da política e do público. Pero a corrupción non é so un problema moral, senón estrutural, con raíces económicas e sociais no propio sistema. No caso de Lugo, as causas abertas por corrupción nos xulgados amosan un problema estrutural onde se ve implicado o principal entramado político-empresarial da provincia.

A tolerancia social fronte á corrupción debe cambiar e de feito está cambiando; así o amosaron os centos de persoas que en Lugo saíron ás rúas Contra a corrupción e en defensa da Xustiza.

É absolutamente necesaria unha rexeneración democrática que require cambios normativos, pero tamén un cambio cultural impulsado por unha autorreforma dos propios partidos políticos. Dita rexeneración da vida democrática so será posible mediante:

• A aprobación dunha lei integral e severa anti-corrupción, incorporando o delito de enriquecemento ilícito (patrimonio inxustificado), ou presuncións sobre a titularidade de bens, ou obligacións de declarar, ou medidas cautelares que impoñan o cese de políticos imputados e o abandono do cargo. Os corruptos terán que asumir os costes directos e indirectos que reportan das súas accións delictivas: aquelo evadido ou dañado; prexuízos a terceiros, costes de restitución do dereito lesionado e costes xudiciais.

• Eliminación da inmunidade asociada ao cargo no relativo aos delitos de corrupción.

• A imprescriptibilidade dos delitos de corrupción.

• A redución dos cargos de libre designación. O Concello de Lugo e a Deputación son dous exemplos claros e negativos do uso da figura dos asesores.

• A publicación obrigatoria do patrimonio de todos os cargos públicos.

• O control estricto do absentismo dos cargos electos nas súas respectivas responsabilidades.

• Sancións específicas por deixación de funcións.

• Supresión dos privilexios de cargos electos no pago de impostos, os anos de cotización, a contía das pensións e en xeral calquera privilexio socio-laboral ou fiscal.

• Os salarios dos representantes electos non poden exceder o do funcionario de rango máis alto da administración na que exerce o seu labor.

• A regulación estricta de incompatibilidades durante o exercicio de cargos públicos para evitar a simultaneidade coa participación en entidades privadas con ánimo de lucro.

• A regulación estricta das incompatibilidades tralo exercicio do cargo público para evitar o enriquecemento baseado na información obtida durante o desempeño de ditos cargo.

• A Adopción de medidas estrictas contra o transfuguismo.

• A revocabilidade dos cargos públicos. Incluirase na Constitución o procedemento de revocatorio ou moción de censura cidadá do Presidente do Gobierno, dos presidentes das Comunidades Autónomas, dos alcaldes e dos diputados e senadores, adaptándoo aos diferentes procedementos de elección de cada un destes cargos. O procedemento de revocación poderíase poñer en marcha transcurrida a mitade do período para o que foi elexido o cargo público, por un número non menor do vinte por cento do electorado da circunscripción. Unha vez conseguidas as sinaturas suficientes someteríase a votación popular a proposta de revocación.