බිன்kuගේ සිත් කොදෙව්ව

ලංකීක කලාවට ආදර කරන ඔබට...

noreply@blogger.com (~බිன்ku~) — Wed, 30 Dec 2009 04:37:00 +0000

කලා ලැදි පාඨක මිත්‍රයන්ට,

නුර්ති හා වේදිකා නාට්‍ය ගී - නූර්ති හා වේදිකා නාට්‍ය වල ගී පද මාලා ඒවායේ ශ්‍රව්‍ය මාධ්‍යත් සමඟ ලබා දෙන අනගි බිලොග් අඩවියක් :

තුන්පත් රටා - ලංකීක නර්තනයේ විස්තරයන් හා තොරතුරු භාෂා දෙකෙන්ම (හැකි පමණින්) ඉදිරිපත් කිරීම උදෙසා නර්තනයට ලැදි පිරිසගේ උත්සහයක් :

එම අඩවියේම ඉංශ්‍රිසි අඩවිය :
http://en-thunpathrataa.blogspot.com/

මෙම අඩවි තුළින් ඔබේ කලා රසයට හේතුකාරක වේවා, ලාකේය කලාවට ඔබේ බැඳිම වැඩි දියුණු වේවායැයිද ඉතසිතින් පතමි.

එසේමැ මෙවැනි වටිනා සත්කාර්්‍යයන් කරන, ඒ සදහා කැප මහන්සි වෙන ලිපිකරුවන්ට තව තවත් ලියන්නට දිරිය ශක්තිය ලැබේවායැයිද ප්‍රාර්ථනා කරමි, ඔවුන්ට පින් අනුමෝදනා වේවා!

පාඨක ඔබට සුභ නව වසරක් වේවා!

-බින්කු-

EAVB_WLRWVJZLTJ

නුවර වසන්තය

noreply@blogger.com (~බිன்ku~) — Sun, 29 Nov 2009 05:20:00 +0000

නුවර වැව් කෙම් කොණට
වසන්තය ඇවිතින්
රොබරෝසියා මල් තවම පිපෙනවා ඇති
මල් පෙති මතින් පිය නඟන
අපි නැතිමුත්
ඉස්සර පුරුද්දට...

පිණි වැටෙනා හිමිදිර
මිඳුමෙන් පෙවෙන
හන්තාන තවම බැලුම්ලානවා ඇති
මං මාවත් සැරිසරන
අපි නැතිමුත්
ඉස්සර පුරුද්දට...

රෑ අඳුරු අහසට
සිතුවම් රටා මවන
තරු මල් තවම පිපෙනවා ඇති
තරු ගැන කවි ගොතන
අපි නැතිමුත්
ඉස්සර පුරුද්දට...

නුවර අහස් බිම යට
හෙලු මතක සුසුම් පෙළ
අපේ සමනළ වසන්තයැයි
සිතුවේ නෑ කවුරුත්
ඒත් නුවරට වසන්තය ඇවිත් ඇති
අපි දැන් නැතිමුත්
තවමත් ඉස්සර පුරුද්දට....

කොමඩි විනිසුරුවන්ගේ හැඳි මිටේ නුවණ

noreply@blogger.com (~බිன்ku~) — Mon, 05 Oct 2009 03:35:00 +0000

පූජා දිසානායක
at විකල්ප

පිට කොටුවෙන් තමාට ගැලපෙන රොබෝ කාන්තාවක් මිල දී ගෙන ගිය කොමඩි ස්ටාර් කෙනෙක් කාන්තාවන් අපහාසයට, උපහාසයට, අවමානයට හා අවතක්සේරුවට ලක් කරමින් කළ, බාල බොළඳ විහිළු රස වින්ද කොමඩි විනිසුරුවන් එය ඉහළින්ම අගය කිරීම හාස්‍යජනකය. මෙය සිදු වූයේ ස්වර්ණවාහිනියේ කොමඩි ස්ටාර් වැඩ සටහනේ විනිශ්චයකදීය. එම වැඩ සටහනේ අවසන් හතර දෙනාගේ වටයේදී එක් තරඟකරුවකු ඉදිරිපත් කළ අංගය කාන්තාවන් අපහාසයට, උපහාසයට, අවමානයට හා අවතක්සේරුවට ලක් කළ අගතිගාමී එකක් විය. තමා මිල දී ගත් රොබෝ ගැහැණියගේ අංගෝපාංග ගැන විස්තර කරන ඔහු ගැහැණුන්ගේ නුවණ හැඳි මිටට සමාන කළේය. රොබෝ ගැහැණිය වගේම සැබෑ ගැහැණුන්ද හදවතක් නැති අය බව උපහාසමය ආකාරයට ඇඟවීම් කළේය. එම ආචීර්ණකල්පිත අගතිගාමී මත පුනරුච්චාරණයෙන් විනිසුරු මඩුල්ලද හොඳහැටි විනෝද වූ ආකාරයක් පෙනෙන්නට තිබිණ. එපමණක් නොව, තද කර ගත් සිනාවෙන් යුතුව ඔවූහූ තරඟකරුවාට උපරිම ලකුණු ලබා දෙමින් ඔහුගේ දක්‍ෂතාවය අගය කළහ.

විනිසුරුවන් ලෙස එදා කටයුතු කළේ රෝයිද සිල්වා, රොනී ලීච් හා කුමාර තිරිමාදුර යන තිදෙනාය. තිදෙනාම එකසේ තරඟකරුවා අගය කරමින් මුළු ලකුණුම ඔහුට ලබා දුන්හ. මේ විහිළුවේ විහිළුව ගැන මට මතක් වූයේ ඊට පෙර වැඩ සටහනකදී කාන්තාවන් අපහාසයට පත් කරන අංගයක් ඉදිරිපත් කළ තරඟකරුවකුට එදින විනිශ්චය මණ්ඩලයේ කටයුතු කළ සුමණා අමරසිංහ සහ වසන්ත මොළගොඩ යන දෙදෙනා කළ ප්‍රකාශයන් නිසාය. එදින සුමණා අමරසිංහ කාන්තාවන් අපහාසයට පත් කරන විහිළුවලට එකඟ වන්න බැරි බව කියමින් හා එවැනි විහිළුවලින් වළකින ලෙස කියමින් එම තරඟකරුවාට අඩු ලකුණු ලබා දුන්නාය. වසන්තද ඒ ආකාරයටම ප්‍රකාශ කරමින් අඩු ලකුණු ලබා දුන්නේය. අනෙක් විනිශ්චයකරුවා ලෙස කටයුතු කළේ රෝයිද සිල්වාය. එදා ඔහුද සුමණා අමරසිංහ සහ වසන්ත මොළගොඩ අනුව යමින් එවැනි විහිළුවලට එකඟ නොවන ප්‍රකාශයක් කළේය. එහෙයින් මේ කියන දිනයේ අවම වශයෙන් රෝයිද සිල්වාටවත් පෙර දිනයේ සුමණා අමරසිංහ සහ වසන්ත මොළගොඩ සමඟ දුන් විනිශ්චය මතක් වේයැයි බලා සිටියෙමි. එවැනි කිසිදු මතකයක් ඔහු තුළ නැති බවත් ඔහුද ගැහැණුන් අවතක්සේරුවට, අපහාසයට, අපහසුවට පත් කරන සමාජ නිර්මිතයේ තවත් එක් පුරුෂයකු පමණක් බව ඔප්පු කරමින් අනෙක් දෙදෙනාට සමාන වී සිටියේය. තරඟකරුවන් විනිශ්චය කරන්නන් තරඟකරුවට වැඩි ඉදිරි දැක්මක් හෝ දැනුමක් ඇත්තන් නොවන බව සනාථ කරමින්, තමාගේ උරුමයට පත් ගැහැණිය සුරතල් කළ තරඟකරුවාට එම තිදෙනාම සමාන වී සිටියහ.

මේ සිදුවීම හරහා මේ රටේ පුරවැසියන් වූ ස්ත්‍රී පාර්ශ්වය සම්බන්ධයෙන් මේ රටේ ජනමාධ්‍ය කටයුතු කරන ආකාරය හා ඔවුන්ගේ අගතිගාමී ආකල්ප ගැන දිගු කතිකාවක් කළ හැකිය. මේවා සම්බන්ධයෙන් මේ රටේ පුරවැසි ස්ත්‍රී පුරුෂයන් හඬක් නොනැගීමේ අනතුර ගැන කතා කළ හැකිය. නමුත්, අපේ පුරුවැසි සමාජයට ඉතා කෙටි ප්‍රශ්න තුනකින් දමා ගසමින් මම මගේ විරෝධය පළ කරමි. එදා වැරැද්ද පෙනුනේ කාන්තාවක් විනිශ්චය මණ්ඩලයේ සිටි නිසාද? මෙදා වැරැද්ද නොපෙනුනේ කාන්තාවක් නොසිටි නිසාද? එයින් පෙනෙන්නේ ස්ත්‍රී පුරුෂ සමබර බවක් නැති විනිශ්චය මණ්ඩල තීරණවල අයුක්ති සහගත බවද? එසේත් නොමැතිනම් මෙයට හේතුව, ස්ත්‍රී පුරුෂ සමාජභාවය පිළිබඳව අසංවේදී, පුරුෂ බල පරාක්‍රමයම ක්‍රියාත්මක ජනමාධ්‍ය භාවිතාවේ ඇති සදාචාර විරෝධී බවද?

අනේ හාමුරුදුරුවනේ...

noreply@blogger.com (~බිன்ku~) — Tue, 22 Sep 2009 14:12:00 +0000

උපාසකම්මා ඉපදුනු හීන කුලේ

මහණ කරන්නයි යන්නේ ඇගේ කොළු..

ඌට නිකායක් වෙන් කර තබා තියේ

අප මුණි බණේ ඒකද හාමුදුරුවනේ...

පිරිත් නූල් බඳිමින් ජන හතුරන්ට
යතුරු කැරළි අදනය යට ගසාගෙන..
අපවත් වෙන්න පෙර සහලේ ඥාතිවරූ
මහණ කරණ එකදැයි මුණි බණේ අණේ...

කුණු හෝදන්න මහතැන් වල අපේ රටේ
පන්සල තමුන්නැහෙගේ හොද වෙල්ලාව..
ටිකට් විකුණලා පෙරහැර කරන කොට
කරඬුවෙ ඉදීවිද ධාතුන් වහන්සෙලා...

රට දැය සමය රැක ගත්තේ චීවරයයි
රට දැය සමය සුරකින්නෙත් චීවරයයි..
එවන් සසුන සමහර හිමිවරු නසතී..
කුලගොත් ඥාති සංග්රලහ නිලතල සොයමින්...

කුඩාපොල වගේ විරු හාමුදුවරූ
අදත් අප අතර හිද මේ ලෙස කියතී..
රටකන උන්ව වනසා රට දැය රැකුම
තමයි අපෙ අද දවසේ මහණකම...

රනිල් ගුණසේකරයන්ගේ කල්පනා වෙතින් වැඩවම් කරන ලද්දකි.

හිතාදර හිච්කොක් වෙත,

noreply@blogger.com (~බිன்ku~) — Mon, 31 Aug 2009 04:29:00 +0000

සම්මත සිනමා න්‍යායගත කිරීම්වලට අනුව සිනමාව
අඳුරත් – ආලෝකයත් – චලනයත් අතර ක්‍රීඩාවකි.
අපගේ ඊනියා දැනුමේ ආධිපත්‍යයට පටහැනිව
අප දෙස බලා සිටින්නෙකු බලාසිටින්නේ
ආලෝකයේ සිට නොව, අඳුරු ලපයක
සිටය. එනිසාවෙන් අපගේ දැක්මට
අන්ධ ලක්ෂ්‍යක්ද ඇත.
අපගේ යථාර්ථවත් තිරය
සිදුරු කරන මේ ලක්ෂ්‍ය
පෙරලා අප දෙස බලා සිටිනා නිසා
මට මාව අහිමිවන තත්ත්වයක්
දක්වා මගේ දැක්ම අභියෝගාත්මකය.
මේ බැල්ම අයෙකුට සිය ආශාව පරිපූර්ණ
කරගැනීමට කිසිවිටෙකත් ඉඩ නොතබයි.
අප සිදුර දෙස බලන්න කරනා උත්සාහය ව්‍යර්ථ
කරමින් සිදුර නිරන්තරව චලනය වේ. ඒ අනුව
මගේ ආශාවේ චලන ආධිපත්‍ය මගෙන් පරිබාහිරය.
මෙතුවක් මා සිතා සිටියේ 'මම' සිනමාව බලනා
බවයි. නමුත් සිනමා තිරය මා දිහාද බලා සිටී. දන්
මගේ ආශාව කෙවැනිද? ආශාවන් කිසිවිටෙකත් පරිපූර්ණ වේද?
යන ගැටලූව දැන් ජිජැකියානු පරාවර්තනයකින්
මෙසේ විමසීමට හැක. ආශා කරන්නේ කෙසේදැයි අපි දන්නේද?
සිනමාව අපිට ආශාකරන හැටි කියාදෙනවා ද?

මීට,
ලූමියර් දරුවන්.

උපුටා ගැනීම පෙරදිග සුළං සඟරාවෙනි.

(කල්පනා) අභිනික්මනය by ප්‍රීතී රන්දෙණිය

noreply@blogger.com (~බිன்ku~) — Fri, 28 Aug 2009 02:49:00 +0000

නොඅසන්න හිමි සඳේ...
සැරසෙන්නෙ කිම මෙසේ...
ඔබෙ සිරගෙයින් මිදී...
යමි යලි නො එන සේ...
නොකියන්න යළි යළි... නවතින්න පෙර ලෙසේ...
ඔබෙ නපුරු කුරුරු කම්...
විඳවූ තරම් ඇතී...

ගිනි පුපුරු වදන් වැල්...
සිත දෙපලු කරන කල්...
එක් වදන හෝ නැතා...
සිත බිඳෙනු අස්වසා..
සිප ගත්ත දෙපතුලේ...
අත් පහර රිදුම් දේ...
මේ කඳුළු තිලිණ මල්...
ඔබ දුන් තරම් ඇතී...

කුල ගෙදර රකිනටා...
මා සිරුර දව දවා...
අළු වුණත් පිච්චිලා...
ඔබ නෑ වෙනස් වෙලා...
ඔබට වැරදුනේ...
නෑ මටයි වැරදුනේ...
මින් මනත මගතොටේ...
ඉමු දුටු නොදුටු සේ...

පද රචනය : ප්‍රීතී රන්දෙණි
උපුටනය : රනිල් ගුණසේකරගේ "කල්පනා" සටහන් පෙලින්.

(Port of Thoughts) අහිංසක සෙනෙහස by සමර බණ්ඩාර රත්නායක

noreply@blogger.com (~බිன்ku~) — Wed, 26 Aug 2009 23:28:00 +0000

යන්න පාරක් එන්න පාරක් නොදැන යන දිවි මංපෙතේ…
සොඳුරු මොහොතක හමුවි ඔබ මට පෑ අහිංසක සෙනෙහසේ…
කිසිඳු අඩුවක් දැනුනෙ නෑ හද පිනාගියෙ ඇයි නොමදැනේ…
පිවිතුරුය සිත මහට දුන් ඔබෙ එයයි හද සොරකම් කලේ…

දිවිය සරලව ගතවුනද ආදරය නැත මට ලං වුනේ…
ලංවූ දෙයකින් හද බිඳුන මිස නැතිය ඒ හද පිනවුනේ…
අතීතය මිරිඟුවක් පසුපස ලුහුබඳිනු දුටු පෙර දිනේ…
කෙලෙස අමතක කරන්නද එය නිසා දිවියම නැතිවුනේ…

දයාවක සෙවනැල්ල යට හිඳ ඔබට ඇමතූ මුල් දිනේ…
දැනුනු සිසිලස නැතිය ආයෙත් කිසිඳු හදකින් හමුවුනේ…
අතැර දැමු ඒ අතීතය පොළොවට ම පස්කර විගසිනේ…
පිදුවෙ සිත්මල ඔබේ පාමුල පරව යන්නට පෙර දිනේ…

පරව යන්නේ කෙලෙසකද එය සොඳුරු හදකට හිමි වුනේ…
ආදරය නම් කිමද යන්නට නියම අරුතද හමු වුනේ…
දිවිය දිරියක් කරන්නට ඔබ පෑ සෙනේ මිස අද දිනේ…
කුමක් හදවත ඉතිරි වේවිද ඔබෙ සුවඳ ලෙස හෙට දිනේ…

පැදි පෙල : සමර බණ්ඩාර රත්නායක (සමබර)
උපුටනය : කල්පනා (port of thoughts) බිලෝගයෙන්

(විල්තෙර) තිබුණාවේ, ඒ මල් පොකුණ by D.M.ටිම්රාන් කීර්ති

noreply@blogger.com (~බිன்ku~) — Wed, 26 Aug 2009 22:58:00 +0000

‘අද උදේත් ඇය දොරටුව පාවුලේ
සිනහ මල් පොකුරක් තබා ගියාය’

කොල් බඩ මිතුරු සුළඟට
පිටුපා
ගං දියේ කසු කුසුව
දෙසවනින් පලවා
බොල් පිළිම වෙස් බැන්ද
තවත් එක දවසක
ඉන්ද්‍රජාලික
දියසරැල්ලක් වගේ
මතුවුනා නුඹ පුංචි කිඳුරිය

හඹා යන ජීවිතය
කරදරකාරී හිරුට එරෙහිව
වියදම් කරන
සිනහ මල් කිනිත්තයි නුඹ
අලුත් දවසක පෙරමගට
පිරිත් පැන් ඉහින

වෙන වෙන අරුත් දෙන
එකම ගමනක ඇදෙන
මා ඔයට බඳු
නියත දහමක්
අපට නැති හැටි සොඳුර

මංසලක් වේ
අප අපවම සොයා
තනි තනිව යා යුතු ….

කවි නිමිත්තක පැටලුනත්
නුඹ අද
යාන්ත්‍රික කය රැගෙන
යාත්‍රා කළ යුතුය
තවත් තැනකට හෙට මම
රැහැන් පැටලුම් හැර
තිබුණාවේ
එතන එහෙමම
‘අර මල් පොකුර’
සුසුම් පදයක රුඳුන
තෙපුල් දෙන
සැමරුමක් විලසින

පද පෙළ :
ඩි.එම්. ටිම්රාන් කීර්ති
‘විල්තෙර-ලංකා’ (2009 අගොස්තු 09 ඉරිදා)

උපුටන : Quote Poems Though
රූපය : MoBlog

තේ වත්තේ සංචාරක නිකේතනය

noreply@blogger.com (~බිன்ku~) — Wed, 12 Aug 2009 03:27:00 +0000

No hotel inside Sinharaja Reserve - Gammanpila
Daily News (Sri Lanka), July 28, 2009 Tuesday. Quoted from HotelsMag.

Colombo, July 28 -- There is no chance for the construction of an "eco-tourist hotel" inside the Sinharaja Forest Reserve or inside its buffer zone, former Chairman Central Environment Authority and current Western Province Agriculture, Agrarian Development, Irrigation, Livestock Production and Development, Trade and Environment Minister Udaya Gammanpila said yesterday.

Dismissing media claims that he had given approval to build a tourist hotel in the country's primary rain forest which holds a large number of endemic flora as "false" and "baseless", Gammanpila said: " there is a hotel being put up, but the area in which it is constructed does not belong to the declared forest land nor its buffer zone as some media have claimed." Gammanpila was speaking at a press conference held at Central Environment Authority, Battaramulla, yesterday. Some reports have hinted that "gene thefts" of endemic fauna have taken place with allegations leveled against the hotel as the centre of operations. But the hotel does not have facilities to carry out bio-thefts of the nature, Chairman Central Environment Authority Dr. Wimaladharma Abeywickrema said. "However, the Central Environment Authority is on the alert about such possibilities to prevent them," Dr. Abeywickrema said. Gammanpila said, reports have claimed that permission for the putting up of the hotel structure concerned had been given without consulting the Forest Department, whereas permission had been granted for its construction after an Initial Environment Impact Assessment carried out by the CEA and the Forest Department. CEA Director General Pasan Gunasena said, there was a request for the construction of a laboratary with the hotel's project proposal. "We have refused it," he said. "The land which the hotel is being built, is located on a tea estate that belongs to Mathurata Plantations," he added.

ඒ ප්‍රවෘත්තිය අනුව ඔහුට එසේ නම්,
ඔබ දකිනා අයුරට මේ කුමක්ද? වානේ උඩ තේ වත්තක්ද?

මේ කුමන්තණය ගැන විදුසර පුවත්පතින් බොහෝකලකට පෙර හෙළිදරව් කළ අතර ඒ ගැන හෝ එම පුවත් පළ වු දින ගැන දන්නා කෙනෙකු වේ නම් කොදෙව්වට දන්වන්න.

පසු සටහන : (2009-09-24)

මේ ලිපිය හරහා සඳහන් කිරිමට අමතක වුවත් වැදගත් සාක්ෂි හා කරුණු මෙම මුහුණු පොතේ කණ්ඩායම හරහා දැන ගත හැකි වෙනු ඇත.

SAVE THE SINHARAJA RAIN FOREST SRI LANKA

මිත්‍යාවේ සෙවනැල්ල විසින් ඉතිහාසය අවිනිශ්චය කරනු ලැබීම හෙවත් The Beatlesහි විපල්වය

noreply@blogger.com (~බිன்ku~) — Thu, 30 Jul 2009 04:05:00 +0000

ලිපිය දිගු බැවින් අකුරු කුඩා කල අතර විශාලන කිරිමට Ctrl බොත්තම සමඟ + එබිම මඟින් විශාලනය කළ හැකිය. සිදුවන අපහසුතාවයට කණගාටුව.

1950, 60 සහ70 දශකයන් හි විශාල වාණිජ යතාර්ථයක් බවට ලෝක රොක් සංගීතය(Rock Music නොහොත් රොක් සංගීත විශය ලංකාවේ එතරම් ජනප්‍රිය වුයේ නැත. 70, 80 දශකය තුල ලංකාවේ ජනප්‍රිය වූ Disco, Pop හා පසුව තරමක් දුරට Reagge රැල්ල තුල ලංකාවේ වැඩිහිටි පරම්පරාව තුල තරමක් දුරට හෝ දැනුවත් භාවයක් ඇත්තේ බිට්ල්ස්ට පමණි. එය ද තනිකරම ඔවුන් ලොව පුරා රැඳවූ දැවැන්ත ජනප්‍රිය බව හේතුවෙනි.) තුල අධිනිශ්චය වු බිට්ල්ස් ගායක කණ්ඩායම විදහා දැක් වූ සංගීතමය නිපුණතාවය හා සමාජ තේමාවක් ආශ්‍රය කර ගනිමින් බිට්ල්ස් (Beatles) සම්බන්ධයෙන් ගොඩ නැඟී ඇති මිත්‍යාමය (වාණිජ) සමාජ අවකාශය විසින් බහිස්කරණය වී ඇති සැබෑ රොක් සංගීත ප්‍රවණතාවය ශාස්ත්‍රීය ආකාරයකට නැවත සම්බන්ධකරණ කෙරේ. බිට්ල්ස් විසින් උපයා ගන්නා ලද ජනප්‍රියවාදී සංකේත ප්‍රාග්ධනය හේතුකො‍ට ගෙන එම කණ්ඩායමේ සාමාජිකයන් හතරදෙනා(ජෝන් ලෙනන්(1940 -1980), පෝල් මැකාත්(1942 - ), රින්ගෝ ස්ටාර් (1940 - ) සහ ජොර්ශ් හැරිසන් (1943-2001) එසේ වුවත් මොවුන් සංගීතමය වශයෙන් එතරම් කුසලතා නොදැක්වු බව විචාරකයන්ගේ මතයයි. Piero Scaruffi රචිත History of Rock Music 1950-1990 ග්‍රන්ථය කියවන්න), තරුණ වීරයින් (teen idols) බවට පත්වීමත් එම නිසාම ලොව කිසිම සංගීත කණ්ඩායමකට නොදෙවෙනි ආකාරයේ වාණිජ සාර්ථකත්වයක් සහ සමාජ අවකාශයක් අදටත් ඔවුන් සතු කර ගැනීම නිසා සැබෑ රොක් සංගීත වීරයින් වීමට අවකාශය හා හැකියාව තිබූ අනිකුත් සමකාලීන සංගීතකරුවන් මෙම ප්‍රධාන ධාරාවේ වාණිජ යතාර්ථය තුල බහිස්කරණය වීම නිසා අවම වශයෙන් 50 අග හා 60 දශකය ආරම්භය පමණ වන තුරු සැබෑ රොක් සංගීතයෙහි ව්‍යක්ත විප්ලවීයත්වය ලොව බොහෝ දෙනාට අහිමි විය. දක්‍ෂතාවය, රොක් තේමාවන්ට අනුගතවීම හා එම යුගයේ දේශපාලන සමාජ යථාර්ථයන් ප්‍රතිබිම්භනය කිරීම වෙනුවට වාණිජ ප්‍රාග්ධන අවකාශය විසින් බිට්ල්ස් මධ්‍යම පංතික නිද්‍රාකාරකයක් (middle class tranquilizer)ලෙස ඌණනය කිරීම නිසා අදාල සමාජ යතාර්ථයන් පුපුරායාමට හා ඒ මඟින් වඩා රැඩිකල් නැඹුරුවක් තිබූ යුරෝපීය සමාජ දේශපාලන අවකාශයේ සමාජ විප්ලවීයත්වය ත්‍රීව්‍ර කිරීමේ සමකාලීන වගකීම ඉටු කිරිම පසෙක තබා තමා ගොඩ නැංවූ ව්‍යාජ වාණිජ යතාර්ථයේම සිරකරුවන් බවට පත්වීමත් එම නිසාම තම ජීවිත කාලයෙන් විශාල ප්‍රමාණයක් ‘ළමා-වැඩිහිටියන්’ ලෙස බිට්ල්ස් ට ගත කිරීමට සිදු වූ අලකලංචියත් මෙහි දී සාකච්ඡාවට බඳුන් වේ. ඒ අනුව ඔවුන් දේශපාලනික අර්ථයෙන් රොක් සංගීත ලොවට සත්‍ය ලෙසම අයිති ද යන්නත්, පදමාලා සංසන්දනය කරමින් බිට්ල්ස් අව්‍යාජ අර්ථයකින් ස්වකීය භාවිතාව තුල විප්ලවීය ද යන්න උත්හෝටිකට අසුවෙයි. රොක් සංගීතයේ මූලික ප්‍රභේද හා එහි පරාමිතීන් බිට්ල්ස් හා අනෙකුත් සමකාලීන රොක් සංගීත කණ්ඩායම් වල ආරම්භය, විපරිණාමය කැටුව මාක්ස්වාදය, පශ්චාත්-මාක්ස්වාදය හා ව්‍යුහවාදය මෙන්ම මනෝ විශ්ලේශණය බිට්ල්ස් හා අනෙකුත් සංගීත කණ්ඩායම් වල දේශපාලන භාවිතය අර්ථකතනය කර ගැනීම සදහා භාවිතා කරන දෘෂ්ඨිවාදී හා න්‍යායික ප්‍රවේශ හදුනාගත හැකි වනු ඇත.

රොක් සංගීතය යනු 50, 60 හා 70 දශකයන්හි සංගීත ආධිපත්‍යය දැරූ ලෝක රොක් සංගීත ප්‍රවණතාවය පුළුල් සමාජ-දේශපාලනික-මානසික-මත්ද්‍රව්‍ය- සංගීත අවකාශයක් ලෙස සවිස්තරාත්මකව සාකච්ඡා කිරීමට මෙහි දී අදහස් නොකල ද මෙම ලිපියේ අධ්‍යයන පරමාර්ථයට පාත්‍රවිය යුතු හා අදාල දුරින් යම් විශ්ලේෂණයක් කරමු. රොක් සංගීතය යනු ඉලෙක්ට්‍රොනික ගිටාරය, ඩ්‍රම්ස් හා බේස් ගිටාරය මුලික කර ගත් කටහඬ ප්‍රමුඛ වු ජනප්‍රිය සංගීත විශේෂයකි(මෙයින් අදහස් වන්නේ වාණිජ ප්‍රාග්ධනය විසින් නිෂ්පාදනය කරන සමාජ යථාර්තයයි. මෙය මිත්‍යාමය ප්‍රපංචයක් (mythical phenomenon) වන්නේ බුර්ෂුවා වෙළඳපල විසින් තමාට අසම්මත ලෙස සංඥා (signs) හසුරුවන බැවිණි. (ති‍යඩෝර් අඩොනෝගේ The Culture Industry ග්‍රන්ථය බලන්න.)
කෙසේ වුව ද රොක් සංගීතය තුල කොතරම් සංකීර්ණතාවයක් ඇත්ද යන්න තේරුම් ගැනීමට ඒ තුල බිහිවී ඇති උප-විශේෂ (sub-genres) සංඛ්‍යාව දෙස බැලීමෙන් පැහැදිලි වේ. උදාහරණ ලෙස පූර්ව බ්‍රිතාන්‍ය රොක් සිට අධ්‍යතන ‘නව රැල්ල’ (new wave) හෝ පන්ක් රොක් (punk rock) දක්වා මූලික රොක් විශේෂ දහයකටත් වඩා ඇති අතර ඒවාද උප විශේෂ ගණනාවකට බෙදී ඇත. එම ප්‍රධාන ධාරාවේ රොක් විශේෂ නම් කලින් සඳහන් කල බ්‍රිතාන්‍ය රොක් (British rock), ගරාජ් රොක් (garage rock), සර්ෆ් (surf), ජන සංගීතය මිශ්‍රවූ රොක් (folk rock) සයිකෙඩෙලික (නොහොත් ආත්ම මූලික) රොක් (psychedelic rock), ප්‍රොගෙසිව් රොක් (progressive rock), සුගම රොක් (soft rock), දෘඩ රොක් හා හෙවි මෙටල් (hard rock and heavy metal), ඇරිනා රොක් (arena rock), පන්ක් (punk rock), නව රැල්ල (new wave), ග්ලෑම් මෙටල් (glam metal), ඉන්ස්ට්‍රමෙන්ටල් (instrumental) හා ඔල්ටනෙටිව් සහ ඉන්දියානු රොක් (alternative or Indie movement) ය. කෙසේ වුවද මෙම වර්ගීකරණය පිළිබදව ඒකමතිකත්වයක් නොමැති අතර මෙහි සඳහන් කල ‍විශේෂයන්ට පිටින් තවත් බොහෝ වැදගත් ශෛලීන් කිහිපයක්ම අපට ලෝක රොක් සංගීතය තුල හමුවේ. එයට හොඳම උදාහරණය වන්නේ blues rock යන රොක් සංගීතය ‍ශෛලියයි. බ්‍රිතාන්‍ය රොක් විශේෂය තුල එය ස්ථානගත කළ ද එම ශෛලිය දැවැන්ත ලෙස ලොව ජනප්‍රිය වූ මෙන්ම විශාල බලපෑමක් සහිත ගායක කණ්ඩායම් ගණනාවක් විසින් අනුදත් ශෛලියකි. කෙසේ වුවද රොක් හි වර්ගීකරණ සංකීර්ණතාවය ගැන දීර්ඝ ලෙස කථා කිරීම මෙම අධ්‍යයනයේ අරමුණ නොවේ.

රොක් සංගීතය යන්නෙහි නිර්වචනයන් :

Advanced Cambridge Dictionary යට අනුව රොක් (රොක් ඇන්ඩ් රෝල්) සංගීතය නිර්වචන කරන්නේ, “(n) නාම පදයකි; (rock ‘n’ roll) සුදු ජාතික කන්ට්‍රි ඇන්ඩ් වෙස්ටන් (Country and Western) සංගීත ආරත් කලු ජාතික රිදම් ඇන්ඩ් බ්ලූස් (rhythm & blues) හා එකට එක් වූ, 1950 ගණන් වල උපත ලැබූ ජනප්‍රිය සංගීත විශේෂයක්” ලෙසය. (බලන්න)

මුල් අවස්ථාවේදී, රොක් සංගීතය මුලිකව සරල වු අතර ක්‍රමයෙන් නැටුම පාදක කරගත් රිද්මයක් හා තීරණාත්මක ව කටහඬ (ගායනය) මුල් කරගත් ශෛලියකින් යුක්ත යැයි කිව හැකි වුවත්, සංගීතාත්මක අර්ථයෙන් පමණක් රොක් නිර්වචනය කිරීමට යාම නිශ්ඵල කාර්යයකි. රොක් සංස්කෘතියේ වැදගත්කම තේරුම් ගැනීම සඳහා යමෙකුට එහි සමාජීය භාවිතය ද සලකා බැලිය යුතු වේ. එමෙන්ම එය අවංක බව, නිර්මාණශිලීත්වය, සංගීතමය කවිය, විවාදාපිත බව ද සැලකිල්ලට ගත යුතුය. රොක් හොඳින්ම හඳුනා ගත හැකි සන්දර්භය වන්නේ 1950 හා 60 දශක වල තරුණ පරම්පරාවයි. (බලන්න)

විස්තාරණය කරන ලද (amplified) හා කැපී පෙනෙන තාලයකින් සමන්විත ජනප්‍රිය සංගීත ව්‍යුහයක් ලෙස රොක් හැඳින්විය හැක. ප්‍රධාන ශබ්ද මූලාශය වන්නේ ඉලෙක්ට්‍රොනික ගිටාරය යි. (Encyclopedia Americana - බලන්න )

All Music Guide වෙබ් අඩවිය පෙන්වා දෙන්නේ 'රොක් යනු, එහි පිරිසිදුම ආකෘතියෙන් ගත් කල සංගීත ‍කෝඩ් (chords) තුනක්, දැඩි බැක් බීට් (back beat) එකක් සමඟ සිත් බඳනා සුළු තාලයකින් සමන්විතයි' යනුවෙනි. මුල් කාලීන රොක් ඇන්ඩ් රොල්, සංගීතධාරා ගණනාවක ආභාෂය ලබා ඇති අතර ඒවා නම් බ්ලුස් (blues), ආර් ඇන්ඩ් බී (R & B), කන්ට්‍රි (country), ගොස්පල් (gospel) සහ සම්ප්‍රදායික පොප් (traditional pop), ජෑස් (jazz) හා ජන සංගීතය (folk) ය. මේ සියලු ශෛලින්ගේ බලපැවැත්විමෙන් හා සුසංයෝගයෙන් ඇති වූ බ්ලුස් (blues) පාදක කරගත් වේගවත්, නැටුම සඳහා පහසුවෙන් භාවිත කල හැකි, සිත් ගන්නා සංගීත ව්‍යුහය (music structure) රොක් ඇන්ඩ් රොල් යනුවෙන් එය තවදුරටත් පවසයි. (බලන්න)

තවත් නිර්වචනයන් www.encyclopedia.comහි සඳහන්වේ.

මෙම වෙනස් සංගීත ව්‍යුහයන්හි සුසංගත වීම නිසා ආරම්භයේ පටන්ම විවිධ රොක්‍ විශේෂ නිර්මානය වූ අතර ඒවා අතර ප්‍රමුඛ වන්නේ ලොව ඉතාම ජනප්‍රිය සම්භාව්‍ය රොක් (classic rock), බ්ලුස් රොක් (blues rock), ජන සංගීත ශෛලියේ රොක් (folk rock), ජෑස් රොක් (jazz rock) සහ 70 දශකයේ වඩාත් ජනප්‍රිය වූ හා Beatles මහත් වෙර වෑයමකින් අනන්‍යවිමට උත්සහ කල psychedelic rock ය. මෙම අවසන් ශෛලිය සඳහා කාල මුද්‍රාවක් (time signature) නොපවතී.

ඉහත දැක් වූ නිර්වචනවල හරය සලකා බැලූ කල්හි බැලූ බැල්මට පෙනෙන ප්‍රධානම ලක්‍ෂණය නම් රොක් සංගීතය මුලික වශයෙන් බ්ලුස් හා රොක් ඇන්ඩ් රොල් සංගීත ධාරවන්හි එකතුවක ප්‍රතිඵලයක් වන බව ය. නො‍එසේ නම් රොක් සම්ප්‍රදාය මඟ හැර යා නොහැකි පරදි රොක් ඇන්ඩ් රෝල් හා බ්ලුස් යන සංගීත ධාරාවන්ට අනන්‍ය වන බවත් ඒවායේ බොහෝ ලක්‍ෂණ රොක් තුල ව්‍යුත්පන්නව පවතින බවත් ය. පසුකාලීනව රොක් ඇන්ඩ් රෝල් ශෛලියෙන් රොක් තීරණාත්මකව මුදා ගැනිමේ අවශ්‍යතාවය ලෝක සංගීතයේ ප්‍රභල පෙරලියක් විම දක්වා විතැන් වීම වඩා ප්‍රභල ආත්ම ප්‍රකාශණයක් ලෙසට රොක් සංගීතය ඉස්මතුවීමට බල පෑවේය.

‍ඓතිහාසිකව ගත් කල මෙම නිර්වචනීය අර්ථයන් ඉක්මවා යන සන්දර්භයක් හා ඓන්ද්‍රීය සම්බන්ධයක් රොක් සංගීතය හා වහල්භාවය අතර පවති. රොක් සංගීතය හා කළු වහලුන් පිළිබඳ ඉතිහාසය කොතරම් සමපාතී වේද යන්න පිළිබඳව වඩා අප දෙනෙත් විවර කරන ලිපියක් ලියන ටවුන්ෂෙඩ් නම් විචාරකයා පවසන්නේ 'රොක් ඇන්ඩ් රෝල් තේරුම් ගැනීමට අප ප්‍රථමයෙන් වහල් ක්‍රමය තේරුම් ගත යුතුය. ඇමරිකානු හා යුරෝපීය සංස්කෘතිය පිළිබඳව හසරක් නොදත් කළු ජාතික දූපුතුන් අත් විදි වහල් ක්‍රමය අපට පරිපූර්ණ සබුදිසිකත්වයක් හා විග්‍රහ කිරීමක්, රොක් ඇන්ඩ් රෝල් අනෙකුත් සංගීත ශෛලින්ගෙන් වෙන් විය යුත්තේ මන්ද යන්න පිළිබඳව, නිවරුදිව ගෙන එයි. 'සෑම සංස්කෘතියක් තුලම එම ජන කොටසට වින්දනය ගෙන එන, අභිචාරී විධි, උත්සව හා බැදුණු, ඉතිහාසය සංරක්‍ෂණය කරන හා ප්‍රති-කථනය කරන එකට බැදුණු බලවේගයක් හා කතාන්තර විධියක් ලෙස වූ ජන සංගීතයක් පවතී.' ලෙසයි. මේ අර්ථයෙන් ගත් කල, ජන සංගීත වින්දන අවකාශයකටත් වඩා තම මර්ධනිය ආත්මය ප්‍රභල ලෙස විදාරණය කල හැකි වූ රොක් ඇන්ඩ් රෝල්, නූතන ඇමෙරිකානු ජන සංගීතයයි. (බලන්න)

රොක් ඇන්ඩ් රෝල් හා බ්ලුස් යනු යටත් විජිත අප්‍රිකාවේ තමන්ගේ නිජභූමි වලින් උගුල්ලා දැමු කළු ජාතිකයින් විසින්, තමන් ව නව ලෝකය තුල නැවත ස්ථාපනය කිරිම හේතුවෙන් තමාට අහිමි වී ගිය ස්වකීය භූමිය, සංස්කෘතිය, අනන්‍යතාව, වාර්ගිකත්වය (මෙයින් අදහස් කරන්නේ අප්‍රිකාව තුල විෂම ජාතීයව වාසය කල ඔවුන් බලහත්කාරිව සමජාතිකකරණය නිසා හටගත් බලහත්කාරි වාර්ගික සම්මිශ්‍රණයයි) මෙන්ම ඔවුන්ට විදිමට සිදු වූ ගැහැට, ගුටිබැට, දම්වැල්, තුවාල, අධිකතර ශ්‍රමවැගිරීම, මහන්සිය, හුදකලාව හේතුවෙන් අවිච්චින්නව වසර එකසිය පනහකට වැඩි කාලයක පතුලක් නොපෙනෙන‍ කෝපාග්නිය නම් කලු ආත්මය තුල තැන්පත් වී තිබු ‍ගිණි පුලිඟු ර‍ළු එහෙත් ප්‍රාණවත්, මරණීය එහෙත් හැඟිම්බර, ආත්මීය එහෙත් වේදනා බර ආකාරයකට මහේෂ්ක, ආධිපත්‍යධාරි සමාජය වෙත නැවත මුදා හැරිමයි.

ධනේෂ්වර ප්‍රාග්ධන සූරාකෑම, ලෝක යුද්ධයේ කුරිරු බව, පරාරෝපණය, ලිංගික නිදහස, පරම්පරා කෝපය ප්‍රකාශ කිරීමට ප්‍රභල සංගීත අවකාශයක් සොයමින් සිටි තරුණ පරම්පරාව (ධනවාදයට නම් පාරිභෝගිකයින්)

සුදු ජාතිකයන් සතු වූ ප්‍රාග්ධනය හා අතිරික්තය: මෙයට මුලින් කළු ජාතිකයින්ගේ ශ්‍රම සුරා කෑම හා වහල් ශ්‍රමය ද ඇතුලත් ය.

කළු ජාතිකයන් ස්වකීය පරාරෝපණ ආතතිය හා වි-ප්‍රදේශකරණය නිසා ආත්ම ප්‍රකාශන මාධ්‍යයක් ලෙස රොක්, ඡෑස් හා බ්ලුස් යන තම අප්‍රිකානු නාජබිම් වලින් රැගෙන ආ සම්ප්‍රදායික සංගීතය

මෙම නැවත මුදාහැරිම තුල ඉතා ප්‍රභල ආත්මීය ප්‍රකාශන මාධ්‍යයක් ලෙස වර්ධනය වු රොක් ඇන්‍ඩ් රෝල් සිය වේගවත් බව හා ප්‍රකාශණ ශීලීබව නිසාම, තම ප්‍රාථමික අමුණ තුලම රැඳි සිටියා වුවත්, බ්ලුස් හා ජෑස් යන ශෛලීන් වඩා රොමාන්ටික පුද්ගල අත්දැකිම් විදාරණය සඳහා භාවිතා විය. එම නිසා අභ්‍යන්තර අඩංගුව තුලදී මේ ශෛලීන් එකිනෙකට වෙනස් මාවත් දිගේ වර්ධනය වූ අතර රොක් තරම් ප්‍රභල විරෝධාකල්පිත, නාස්තිකවාදී (nihilistic) හා අවේගාත්මක බවක් එම ශෛලීන් ප්‍රකට නොකළේ පෑස් හෝ බ්ලූස් සතුව තිබූ ආවේණික සීමාකම් නිසා බව අපට පෙනී යයි. මේ අර්ථයෙන් විරෝධාකල්පිත රැඩිකල් තරුණයින්ට තිබූ එකම ඓතිහාසික සංගීතමය අවිය වන්නේ රොක් ශෛලීයයි. මේ ලේඛනය දේශපාලනිකව රොක් දෙසට දිශානත වන්නේ එබැවිනි. රොක් සංගීතය නිර්වචනයට යටින් දිවෙන සමාජ යථාර්තය තවදුරටත් ග්‍රහණය කිරීමේ දී අපට පෙනී යන්නේ rock ‘n’ roll, blues මෙන් ම jazz යන සංගීත අනන්‍යතා වාර්ගික වර්ණ‍භේද, සහසම්බන්ද ප්‍රතිපක්‍ෂ (binary opposition) ලෙස ස්ථාපිත වී තිබූ බවයි. මේ අනුව සංගීත හැකියාව, එහි සැබෑ අයිතිය සතුව තිබුණේ කළු ජාතිකයන්ට වු අතර එහි ජනප්‍රියතාව හා විකිනිමේ හැකියාව (marketability) තිබුණේ සුදු වාර්ගික ජන කොටස් අතර වේ. සත්‍ය ලෙසම වාණිජ අවකාශය සකස් වී තිබුණේ මෙම සහසම්බන්ධ ප්‍රතිපක්‍ෂ අහෝසි වූ මොහොතකටය. වාණිජ අවකාශයට කලු ජාතිකයන් සතු වූ හුදකලා සංගීත කුශලතාවයෙන් ඵලක් නොවු අතර හුදු සුදු වාර්ගික සංගීත ලෝලීයන් අත තිබූ අතිරික්ත ප්‍රාග්ධනය වෙලඳපල අවකාශයක් වෙත ලබා ගැනීමට නම් මෙම අනනතා හිඩැස් අවසන් කල, සුදු-කලු සහසම්බන්ධ ප්‍රතිපක්‍ෂය අවසන් වු පැරදිග්මතික තැන්මාරුවක් නොහොත් පාරමීඩ ඉලිප්පීමක් (paradigm shift) එයට අවශ්‍ය විය. ලෝප්‍රකට මෙම්පසිප්හි (memphis) හි Sun Record අධිපති සෑම් පිල්ප්ස් (Sam Phillip) වරක් සඳහන් කල පරිදි, “මට නිග්‍රෝ රිද්මයට ගායනා කල හැකි සුදු ජාතිකයෙක් හමු වුවහොත්, මිලියන ගණනක් උපයන එක අරුමයක් නොවේ” යනුවෙනි. (ස්කැරුෆි - බලන්න) සාමාන්‍යයෙන් දියුණු ධනවාදය (සුවිශේෂයෙන් වානිජ ප්‍රාග්ධනය) සහසම්බන්ධ ප්‍රතිපක්‍ෂ වාෂ්පීකරණය කරන අතර එම ප්‍රතිපක්‍ෂ බෙදා වෙන් කරන ලිවරය ද අහෝසි කර දමයි.

පශ්චාත් මාක්ස්වාදියකු වන ජීන් බ්‍රෝදිලාද් පවසන්නේ; ‘පාරිභෝගික සමාජය තුල, සමාජ තත්වයන් හැඟවුම්කරණය කරණ වස්තූන් සමාජ ධූරාවලීන් ගෙන් සමන්විත අනෙකුත් සියලු බෙදීම්; උදාහරණ ලෙස පංති, ලිංග හා ජාතීන් විතැන් කර දමන බවයි. (බ්‍රෝදිලාද්: පිටු 17-26). මෙම සහසම්බන්ද ප්‍රතිපක්‍ෂ වාණිජ අවකාශය පහත දැක්වෙන පරිදිය.

ධනේෂ්වර ප්‍රාග්ධන සූරාකෑම, ලෝක යුද්ධයේ කුරිරු බව, පරාරෝපණය, ලිංගික නිදහස, පරම්පරා කෝපය ප්‍රකාශ කිරීමට ප්‍රභල සංගීත අවකාශයක් සොයමින් සිටි තරුණ පරම්පරාව (ධනවාදයට නම් පාරිභෝගිකයින්)

සුදු ජාතිකයන් සතු වූ ප්‍රාග්ධනය හා අතිරික්තය: මෙයට මුලින් කළු ජාතිකයින්ගේ ශ්‍රම සුරා කෑම හා වහල් ශ්‍රමය ද ඇතුලත් ය.

කෙසේ වුව ද පැවති රොක් ඇන්ඩ් රෝල් අවකාශය තුල කළු ජාතිකයකුට විශාල ජනප්‍රියතාවක් ඇති කර ගැනීම පහසු නොවීය. මෙහිදි විශ්ලේෂණය කරනු ලබන්නේ පුර්ව රොක් අවධියේ සමාජ දේශපාලනය තේරුම් ගැනීමට හා ඒ හා බැඳුනු පශ්චාත් රොක් හි වේදනාව තේරුම් ගැනීමටත්, බිට්ල්ස් හි ආස්ථානය පැහැදිලි කර ගැනීමටත් ය. රොක් ඇන්ඩ් රෝල් ශෛලියෙහි ගිටාරය ප්‍රධානම අවිය බවට පත් කලේ ලොව පහල වූ සුවිශේෂි කළු ජාතික ගි‍‍ටාර් වාදකයකු වු චක් බෙරි (Chuck Berry)ය. රොක් ගිටාරයේ හරය වූ අවරෝහණ පෙන්ටොමැටික ද්විත්ව නැවතුම (descending pentatiomtic double stop) මෙන්ම තහනම් ආදරය, පරම්පරා ගැටුම යන සමාජීය තේමාවන් සෘජුවම කරලියට ගෙන ආවේ ද මොහු ය. ඔහුගේ ගී අතර ‘Sweet Little Sixteen’ සහ ‘Johnny B. Goode’ (1938) යන ගීත ද්විත්වය රොක් ලෝකයේ පුරාවෘත්ත ලෙස ඉතිහාස ගත වී ඇති අතර ඒවා මිලියන ගණනක් සුදු ජාතික තරුණයන් විද්‍යුත්කරණය (electrify) කලේය. සමකාලීන බ්ලුස් ගිටාර් වාදකයෙක් වූ Bo Diddleyද අගනා මෙහෙයක් රොක් සංගීතයට කලේ ය. අවාසනාවකට මෙන්, මොවුන් දෙදෙනාම කළු ජාතිකයන්වීම නිසා කිසිවිටක Sinatra හෝ Presley තරම් ලොව වාණිජ අවකාශය තුල ඉස්මතුවිමට එම වාණිජ ප්‍රාග්ධනයේ හිමිකරුවන් ඉඩ නොදෙන ලදී. නිව් ඕර්ලියන්ස් හි (New Orleans) ජනප්‍රිය වූ සුවිශේෂී පි‍යානෝ වාදකයෙක් වූ ලිට්ල් රිචඩ් (Little Richard), විසින් decadence-rock(පරිහානි නොහොත් නටබුන් රොක්) යනුවෙන් ශෛලියක් සොයා ගත් අතර එම උන්මාදී රොක් ශෛලිය අද දක්වාම (වඩාත් නිවැරදිව punk rock දක්වා) ලොව තුල හිස්ටීරියානු ආදර්ශයක් (hysterian specimen) ලෙස පැවතුන ද ඔහුගේ දෛවය පවා මුලින් සඳහන් කල රොක් කලාකරුවන්ගේ දෛව‍යෙන් වෙනස් වුයේ නැත. මෙයට ප්‍රධාන හේතුව වූයේ කොතරම් දක්ෂ හා නිර්මාණශීලී වුව ද සුදු වාර්ගික ව්‍යුහයක් තුල කළු ජාතිකයෙකුට වාර්ගික ජේදනය අභිබවා ඉස්මතු වීමට නොහැකි වීමයි. මෙම සදර්ශණය රොක් ලෝකයේ පමණක් බල නොපෑ අතර පසුගිදාක මියැදුණු මයිකල් ජැක්සන්ද තම ජනප්‍රියත්වය හිමිකර ගැනීමට මෙම උපක්‍රමය භාවිතා කල අතර මාටිං කිං ලුතර් හා මොහොමඩ් අලිට තම කළු ජාතිකත්වය නිසාම වන්දි ගෙවන්නට වුණමේ අනුව එල්විස් ප්‍රෙස්ලි (Elvis Presley), ශ්‍රී ලාංකිකයින් වන අප විසින් දැනගෙන සිටීමත් චක් බෙරි නොදැන සිටීමත් අහම්බයක් නොවන්නේ එබැවිනි.ලංකාවේ අ.පො.ස. (සා/පෙ) ඉංග්‍රීසි සාහිත්‍යය සඳහා Lennon හා McCartny ගේ Elenor Ragby යන ගීතය ඇතුලත් කර තිබේ. උසස් පෙළ සඳහාද Michael Jackson ගේ Heal the World ගීතය ද ඇතුලත් කර ඇති මුත් වෙනත් රොක් හො රේගේ ගායකයන්ගේ පදමාලා ඇතුලත් නැත.

පෙර සඳහන් කල Sun Recording හි සෑම් පිලිප්ගේ සිහිනය මල්ඵල ගැන්වුයේ ඔහුට එල්විස් ප්‍රෙස්ලි මුණ ගැසුනු දිනයේ දී ය. තවත් දශක ගණනක මූලාදර්ශය (prototype) බවට පත් වූ, රොක් ඇන්ඩ් රොල් හි ප්‍රථම ඇස්බැන්දුම්කරු (හෝ වංචනිකයා) ලෙස සැලකිය හැකි Presley, සැම් පිලිප්ස් විසින් රොක් ඇන්ඩ් රෝල් ලෙස වෙස් ගන්වා තමාට කිසිදු එකට එකේ සම්බන්ධයක් නොතිබු බාල අපරාධකරුවෙකු(Juvenile delinquent) යන ලේබලය ද සහිතව පෙර සඳහන් කල වාර්ගික-කළු-සංගීතමය සහ සුදු අතිරික්ත වාණිජ ප්‍රාග්ධන අවකාශය වෙත විසිකර දමන ලදී. එතැන් පටන් වාර්ගිකව දෙගොඩ ගැසී තිබුණ ඇමෙරිකානු එක්සත් ජනපද වාණිජ අවකාශය තුල ප්‍රෙස්ලි අමු අමුවේ කළු ජාතිකයන් විසින් නිර්මාණය කර තිබූ විශිෂ්ඨ ගනයේ ගීත මංකොල්ලකන්නට වූ අතර ඔහු විසින් කොපි කල ගීත අතර ආතර් කූඩප් (Arthur Crudup)ගේ ‘That’s All Right Mama’ (1954) { නියම පිටපත / කොපි පිටපත } හා රෝයි බ්‍රවුන්ගේ (Roy Brown) ගේ ‘Good Rocking Tonight’ (1955)ද විය { නියම පිටපත / කොපි පිටපත }. එමෙන් ම Carl Perkins හා Mae Axtom මෙන්ම Lieber හා Stollerගේ ගීත කිහිපයක් ද ගැයු ඔහු අවසානයේ ඉතාලි ජාතික ගීත කිහිපයක් ද කොපි කරන ලදී. එයින් ‘Love me Tender’ (1956) හා ‘Can’t Help Falling in Love’ (1961) යන ගීත දෙක ලොව පුරා ඉතා ජනප්‍රියත්වයට පත්විය. කළු ජාතික සුවිශේෂ වාර්ගික අනන්‍යතාවයක් හා වස්තු විෂයන් තිබූ ගීත, දහස් ගණනක් වූ සුදු ජාතික තරුණ පරපුර අතර ජනප්‍රිය කිරීමේ ‍ඵෙතිහාසික වැදගත්කම ප්‍රෙස්ලිට හිමිකර දිය යුතු වුවත්, තම සංගීතයට, එහි භාවයන්ට, විශේෂයෙන් රොක් සතුවූ එයටම අවේණික අශ්ශිල හෙවත් වියරු ස්වභාවයට සාපේක්‍ෂව ගත් කල්හි සමකාලීන සුදු ජාතික රොක් සංගීතකරුවකු වූ Jerry Lee Lewis තරම් රොක් සංගීතයට අවංකවීමට හෝ අනන්‍යවීමට හැකියාවක් දැවැන්ත වාණිජ සාර්ථකත්වයක් සහිත වූ ප්‍රෙස්ලිට කිසි දා නොවීය. (බිට්ල්ස් ට භාවිතා කළ හැකි වන්නේ ද මෙම ප්‍රෙස්ලීකරණය වූ වටපිටාවයි) අප බීට්ල්ස්හි විප්ලවයට ගමන් කිරීමට ප්‍රථම සඳහන් කල යුතු අනෙක් වැදගත්ම සමකාලීන වර්ධනය නම් ටෙක්සාස් හි උපන් බඩී හොලී (Buddy Holly) නම් තරුණ රොක් ගායකයා රොක් සංගීතයේ පැවති බාහිර මුහුණුවර රැඩිකල් ආකාරයට වෙනස් කිරීමයි. ඔහු රොක් සංගීතයේ වේදිකා මුහුණුවරට පාසැල් නිල ඇඳුම් හා කණ්නාඩි සහිත ‘ළඳරු’ පෙනුමක් ද (ප්‍රෙස්ලිට ප්‍රතිපක්‍ෂ), රොක් හි අශුභවාදයට සුභවාදී තේමාවක් ද, ළමා හඬට සමාන්තර වූ ධ්වන්‍යානුකරණයක් ද(Onomatopoeia), මො‍්ඩ පහේ පුනරුක්තිය ද, ඉක්කාව ද, විස්මය ජනක පෙනුම ද, ළමා ගිත ද, අත්පුඩි ගැසීම ද රැගෙන ආ අතර එම ගීත පාසැල් වයසේ ගැහැණු ලමුන් (මෙන්ම පිරිමි ලමුන් ද) අතර විශාල ජනප්‍රියතාවයක් හිමිකර ගැනීමට සමත් විය. බඩී ලොව ප්‍රථම වරට රොක් ගායනය හා ගීත ලිවීම යන අංග දෙකම එකට කල සංගීතඥයා වේ. ඔහුගේ Buddy Holly & Cricketers* ලොව ප්‍රථම රොක් සංගීත කණ්ඩායම ලෙස සැලකිය හැකි අතර(මෙය විවාද සම්පන්නය. Rocket 88 (1951) හා Blue Caps (1956) යන ගායක කණ්ඩායම මුල්ම රොක් ගායක කණ්ඩායම ලෙස මතයක් පවතී.) රොක් සංගීත ප්‍රමිතියට වංචාකල පලමුවැන්නා ද වේ. ඔහු පවත්නා වාණිජ යතාර්ථය සමඟ වසඟකාරී (seductive) ආකාරයට අනන්‍යකරණය වීමට දැරු උත්සාහය මෙමඟින් ස්ථුටයි.

*නිල අඩවිය : http://www.buddyhollyonline.com/

දැන් බිට්ල්ස්හි ආගමනයට පෙර පැවැති සමාජ, දේශපාලනික භූමිකාව සලකා බලමු. බිට්ල්ස් සඳහා වූ ප්‍රාග්ධන-සංස්කෘතික අවකාශය ගොඩ නැගෙන්නේ මීට පෙර සඳහන් කල වාර්ගික ඡේදනය තුල ගොඩ නැඟුණු කළු සංගීත රිද්මයට අවශ්‍ය වූ සුදු ජාතික ශරීරය තුලයි. 1950 දශකය අග වන විටත් වාර්ගික කළු ජාතිකයින් සංගීතයෙන් පලවා හැරීමට අවශ්‍ය වාණිජ ප්‍රාග්ධන-සංස්කෘතික පසුබිම ගොඩ නැඟී තිබුණි. ප්‍රෙස්ලි සහ බඩී හොලී වැනි ජනප්‍රියවාදි චරිත යොදා ගනිමින් සැබෑ රොක් ගායකයන් වාණිජ අවකාශයෙන් පිටමන් කිරීම අවශ්‍යතාවයක් ලෙස තවදුරටත් කළු ජාතිකයන් හා ඔවු‍න්ගේ දේශපාලන අභිප්‍රායන් තර්ජනයක් ලෙස සිතු, එවකට අධිපති ප්‍රාග්ධනය අයත් සුදු ජාතිකයන් කල්පනා කළේය. මේ වන විටත් විශාල වාණිජ සාර්ථකත්වයක් තිබියදිත් රොක් ඇන්ඩ් රෝල් විරෝධී සමාජ-දේශපාලනික ප්‍රපංචයන් තුනක් ස්කැරුෆි හඳුනා ගනී. ඒවා නම්;

දේශපාලන බලවේගය - සමාජවාදී කඳවුරේ නැග්මත් සමගම විරෝධාකල්පික දේශපාලන තේමාවන් සහිත එමෙන් ම යම් ආකාරයක ලබ්ධියක් බවට පත්වෙමින් තිබූ රොක් ඇන්ඩ් රොල් සතුවූ විප්ලවිය සමාජ දේශපාලන ව්‍යාපාරයක් මතුකර ගැනීමට අවශ්‍ය ගතිකය සැඟ වී පැවතීමත් එහි දැවැන්ත ජනප්‍රියවාදි බව නිසාම එය අනන්‍ය කර ගැනීමට තරම් මිලියන ගණනක තරුණ පරම්පාරාවක් ඒ වන විටත් සිටීමත්ය. එම නිසා රොක් ඇන්ඩ් රොල් සම්පූර්ණයෙන් අවසන්කර එහි ජීව ගුණය විනාශ කර එහි ක්‍රම විරෝධී, සංස්ථාපිත විරෝධී බව මකා දමා සරල වින්දන මාධ්‍යයක් බවට කප්පාදු කල යුතු විය.

ආගමික බලවේගය - යම් යම් වැඩිහිටි සමාජ කොටස් අතර තව දුරටත් වික්ටෝරියානු සුචරිතවාදි ආකල්ප බලපැවැත්වුනු අතර ව්‍යුහයක් ලෙසට ‍බොහෝ වැඩිහිටියන් රොක් ඇන්ඩ් රෝල් හි දෘඩ, මත්ද්‍රව්‍ය ලෝලී, නිදහස් ලිංගික හා විදී පාතාල භාවිතය, නොරිස්සුවේ ය. ඒ වෙනුවට ඔවුන් තවමත් ප්‍රාර්ථනා කලේ තම දරුවන් තමන් මෙන්ම පල්ලියට යැවිමට ය. මෙම ප්‍රපංචය බරපතල ලෙස බටහිර සමාජයහි පරම්පරා වෙනස තුල නව තරුණ තරුණියන් ගෘහමය ස්ථාපිතයෙන් වෙන් කිරීමට බල පෑ ප්‍රභලම සාධයක් විය.
වාර්ගික බලවේග - කළු ජාතික උරුමයක් හා හැඟිම් ප්‍රකාශනයක් වූ රොක් ඇන්ඩ් රෝල් භාවිතාව සුදු මධ්‍ය පන්තිකයන් විසින් නොඉවසීය. ඇ‍මෙරිකානු එක්සත් ජනපදය තව දුරටත් වාර්ගික ඡේදනයක් මත ගොඩ නැගී තිබුණු අතර වාණිජ ප්‍රාග්ධනයේ හිමිකාරිත්වය හා අධිපතිත්වය තව දුරටත් සුදු ජාතිකයින් අතර තිබිණි. රොක්හි, දැක්ම, ප්‍රකාශනය හා අරගලකාරි විරෝධාකල්පික බව කෙතරම් ප්‍රභලවි ද යත් පෙර කී මධ්‍යම පන්තිය තම සුදු ජාතික දරුවන් මෙම විප්ලවකාරී භාවිතාව සමඟ අනන්‍ය වෙනු කිසිදා කිසිම විටක නොඉවසීම සුදු ජාතිකයින්ගේ ඇසින් ගත් විට තේරුම්ගත හැකි යථාර්තයක් විය.

මෙම කරුණු වලට සමාන්තරව 1950 ගණන්වල අග භාගයේ දී රොක් ඇන්ඩ් රෝල් හි කේන්ද්‍රය එක්සත් ජනපදයේ සිට ලන්ඩනයට විතැන් වෙනු අපට දැක ගක හැකි ය. එක්සත් ජනපදය තුල පැවති රොක් ඇන්ඩ් රෝල් විරෝධී වෛර සහගත වට පි‍ටාවත් එමෙන් ම එයට තිබූ වාණිජ අවකාශය හීන වීමත් (මෙය ස්වාභාවිකව සිදු වුවක් නොවේ) මෙයට බලපෑවේය. අනතුරුව ලන්ඩනය තුල දිස් වුයේ සුදු ජාතිකයින් විසින් කළු ජාතිකයින් සතු වූ සංගීතය (රොක් ඇන්ඩ් රෝල් මෙන් ම Jazz ද) වාණිජ අවකාශය තුල මතු කරවන ආකාරයයි. මේ කාලයේ Alexis Korner, Lonnie Donegan හා Chris Barber වැනි අයගේ වේගවත් Jazz සංගීතය නැටුමට අවශ්‍ය වන ආකාරයෙන් රොක් ඇන්ඩ් රොල් සමඟ සම්මිශ්‍රව හා හුදකලාව ඉස්මතු විය.

1955 පසුව 1964 වන තුරු කාලය රොක් ඇන්ඩ් රෝල් හි ‘අඳුරු යුගය’ ලෙස සමහර විචාරකයන් හඳුන්වයි. ඒ රොක් ඇන්ඩ් රෝල් සංගීතමය භාවිතාවක් ලෙසත් දේශපාලන ප්‍රකාශණය මාධ්‍යයක් ලෙසත්, ජිවන ශෛලියක් ලෙසත් අත්කර ගෙන තිබූ අධිකාරිමය තත්වය වාණිජ ප්‍රාග්ධනයේ හැසිරීම සමඟ සම්පූර්ණයෙන් ම සමාජ කොටස් අතරින් අතුරුදහන් විමයි. වාණිජ ධනවාදය ඉඩකඩ ලබා දුන්නේ ‘ළමාකරණය’ වු රොක් හි සැබෑ ආත්මීය බව සාරයක් ලෙස අහිමි කල පශ්චාත්-‍ප්‍රෙස්ලිකරණ Buddy Holly, The Everly Brothers, Simon & Garfunkel වැනි ජන සංගීතය රොක් ඇන්ඩ් රෝල් සමඟ සම්මිශ්‍රණය කර ගත් ජන සංගීත රොක් (folk rock) අවකාශයයි. ගැඹුරු තේමාවන් සුසංයෝග කල හැකි අවකාශයක් ලෙස (folk rock) අවධිය ද (මෙයට හොඳම උදාහරණය ඇතැම් Garfunkel හා Everly Brothers ගීත සහ ලොව සුවිශේෂි folk rock සංගීතවේදියෙකු වූ Bob Dylan ගේ ගීතයි.) විකාශනය වූ නමුත් ශෛලියක් ලෙස ගත් විට එය නිශ්චිත වශයෙන්ම කලින් පැවති රූට් රොක් (root rock) නොවේ.

බිට්ල්ස්හි ආගමනය ඔවුන්ගේ දේවෝප්තික වාසනාව : 1960 එංගලන්තයේ ලිව(ර්)පූල් හි ආරම්භ කල පොප් -රොක් ගායක කණ්ඩායමක් වන බිට්ල්ස් රොක් සංගීතයේ ‘බ්‍රිතානය ආක්‍රමණය’(British Invasion) යන්න මුලින් ජනමාධ්‍ය විසින් භාවිතා කරණ ලද පසුව ක්‍රමාණුකූලව පාරිභෝගිකයින් අතට මාරුවූ බ්‍රිතාන්‍ය සංගීතකරුවන් එක්සත් ජනපදය තුල (පසුව ඔස්ට්‍රේලියාවේ හා කැනඩාවේ) ජනප්‍රිය වීම සම්බන්ධයෙන් පාවිච්චි කල වචනයකි.) ලෙස හඳුනා ගැනෙන, 1960 දශකයේ මැද භාගයේ එක්සත් ජනපදය තුල වාණිජ ආධිපත්‍ය හිමිකර ගත් ලොව අතිශයින් ම ජනප්‍රිය වූ පොප් රොක් සංගීත ශෛලියේ සමාරම්භකයන් ලෙස හඳුනා ගත හැකිය. ඔවුන් 1950 දශකයේ ජනප්‍රිය වූ රොක් ඇන්ඩ් රෝල් ශෛලියේ හා ස්කිෆල් (skiffle) යන ධාරාවන්ගේ සුසංයෝගයෙන් තමාටම සුවිශේෂී අනන්‍යතාවක් වාණිජ අවකාශය තුල ගොඩනගා ගත් තම ඇඳුම් මොස්තර, තමා විසින් නිකුත් කළ පුවත්පත් නිවේදන හා ජීවන ශෛලිය විසින් ද පසුව තමා තුලම ගොඩනැගුණු සමාජ -දේශපාලනික අවබෝධය ද හේතු කොට ගෙන සමකාලීන සමාජය මත සමාජ-සංස්කෘතික විප්ලවයක් ඇති කල ගායක කණ්ඩායමක් ලෙස ද දැක්විය හැකිය. 1970 දී මෙම කණ්ඩායමේ සාමාජිකයින් වෙන් වී ගොස් තමන්ගේ තනි පුද්ගල සංගීත ජීවිත පටන් ගැනීම නිසා එහි පැවැත්ම අවසන් වුව ද ඔවුන් රොක් සංගීතය හා පොදුවේ සමාජය තුල කළ බලපෑම අදටත් ශේෂව පවතී
මීට පෙර සඳහන් කල වාර්ගික ඡේදන අවකාශය (ethnic segregate space) තුල නිර්මාණය වූ වාණිජ කළු-සුදු නිර්-ප්‍රතිපක්‍ෂයට අමතරව පහත සඳහන් කාරණා ද බීට්ල්ස් හි ජනප්‍රියතාවයට බල පෑ සාධක ලෙසද ගණනය කල හැකිය.

ලන්ඩනය තුල පශ්චාත් කාර්මික විප්ලව මහේෂ්ක නගරයක් ලෙස අත්ව තිබූ කාර්මික නිෂ්පාදන අවකාශය විසින් පුද්ගලයින් විශේෂයෙන් තරුණ පරම්පරාව දැවැන්ත ලෙස පරායත්තකරණයට හා පරරෝපණයකට ලක්කර තිබීම ලන්ඩනය නාගරිකකරණය හා නිෂ්පාදන ප්‍රාග්ධනය විසින් පුද්ගලයන් මත ඇති කරන ලද බලපෑම යුරෝපය තුල ප්‍රථමයෙන්ම අත් කරන ලද නගර කිහිපයෙන් එකකි. පවුල යන සමාජ ඒකකය තුල ඇති වූ බරපතල වෙනස්කම්, දෙමාපිය ආදරය අහිමිවිම, කම්කරු ශ්‍රම සුරා කෑම, අඩු වැටුප් තත්වය, කාර්මික උපකරණ හා යන්ත්‍ර සුත්‍ර විසින් මිනිස් ශ්‍රමය විතැන් කිරීම, විරැකියාව, පුද්ගලියින් ජිවත් වූ ප්‍රදේශවලින් වෙනත් ප්‍රදේශවලට ප්‍රාග්ධන අවශ්‍යතා බලහත්කාරීව මත පලවා හැරීම හෝ පලා යාමට බල කිරීම, ආචාර ධර්මයන්ගේ පිරිහීම, පුද්ගල අනන්‍යතාව අහිමිවීම, අසමානතාව, ළමා ශ්‍රමය, සාක්‍ෂරතාවය හීනවීම, සිරගත කිරීම හා දඬුවම්, ජනගහන වර්ධනය හා ආහාර හිඟය හා යුධ තත්වය. යුරෝපීය පුද්ගල ජිවිතය මත ධනේෂ්වරය කරන ලද බලපෑම මින් පෙර අප සඳහන් කල අප්‍රිකානු වහල් ශ්‍රමිකයන් මත පුර්ව කාර්මිකකරණ යුරෝපීය සුදු පීඩකයන් විසින් කරන ලද බලපෑම තරම් ම ප්‍රභලය. නිෂ්පාදන නිමේෂයන් දෙකක දී කළු ජාතිකයන් හා සුදු ජාතිකයන් ‍යන දෙකොට්ඨශය මතම කරන ලද මානසික හා කායික බලපෑමත් ඒ හා බැඳුනු පරාරෝපණය හා පරායත්තතාවයත් දෛවෝපගත සාංද්‍යෂයක් පෙන්වයි.

මේ කාරණය නිසාම ඔවුන්ට තම සංවේදනයන් ප්‍රකාශනය සඳහා වේගවත් තාලයන් සහිත, ඝොෂාකාරී, පොළඹවන සුළු, සාමුහිකව එක්විය හැකි සංගීතයක් අවශ්‍ය විය. මේ අවශ්‍යතාවය මුලින් සෑහෙන දුරකට සැපයුවේ Jazz හා Blues සංගීතයෙනි.

සන්තාපය හා ඉඡචාභංගත්වය (Angst & Frustration) ප්‍රකාශණය සඳහා අමෙරිකාවේ මෙන් ‘තනි පුද්ගල වීරයන්’ වෙනුවට ලන්ඩනය තුල ‘කණ්ඩායම්’ ඉස්මතු විම.

1940 හා 1950 දශකවල දී සාන්දෘෂ්ධිකවාදය ඉතා ප්‍රභල ලෙස අනුදත් සංස්ථා විරෝධිත්වය හා බැඳුණු ශිෂ්‍ය දේශපාලනයේ ඉස්මතු විම සහ එම දේශපාලන ප්‍රපංචය විසින් ප්‍රභල ලෙස වියට්නාමය තුල අමෙරිකානු මැදිහත්විම් නිශේධනය කිරීම.

ස්කැරෆිට අනුව මේ අවධිය වන විට රේඩියෝව ප්‍රභල සන්නිවේදන උපකරණයක් ලෙස ඉස්මතු විම හා ගීත පටිගත කිරිමේ සමාගම් රාශියක් වෙළඳපල තුල සැරිසැරීම. (Sun recording, EMI, Atlantic මින් සමහරකි.)

පශ්චාත් යුධ ප්‍රපංචය විසින් වියෝවීම, විතැන්වීම, වි‍-ප්‍රදේශගතකරණය, කාංසාව හා ආතතිය අමතක කිරීමේ තේමාවක් ලෙස ‘රොක් ඇන්ඩ් රෝල්’ ප්‍රචලිත විම නිසා ශිෂ්‍යයන් තුලට එම මතවාද කාංදු වීම.

මාක්ස්වාදය අනුදත් ප්‍රභල ‍විවේචකයින් සිටියදීම පරාරෝපණ ගැටලුව සම්බන්ධයෙන් මාක්ස්වාදී අර්ථකතනය අභිබවා සාන්දුෂ්ටිකවාදී අර්ථකතන යුරෝපය තුල ඉස්මතු වීම හා සාන්දුෂ්ටිකවාදී සාහිත්‍යය ඇකඩමිකරණය වීම නිසා ශිෂ්‍යයන් තුලට එම මතවාද කාංදු වීම.

සංස්කෘතික ප්‍රතික්‍රියා කණ්ඩායමක් (counter-culture) ලෙස හිපි සංස්කෘතිය හා මත්ද්‍රව්‍ය යුරෝපීය තරුණ-තරුණියන් තුල ප්‍රභල බලපෑමක් ඇති කිරීම. මෙය සංස්ථා විරෝධී ශිෂ්‍ය දේශපාලනයේ හා අත්වැල් බැඳගත් අතර එය තව දුරටත් යුරෝපය තුල පැවති දෙමව්පිය ආධිපත්‍යය හා වික්ටෝරියානු සුචරිතවාදී සංස්ථාපිතයන් හා ආකල්ප අභියෝගයට ලක් කිරීම. යෞවන-යෞවනියන්, පවුලෙන් විදියට බැස ලිංගිත්වය, මත්ද්‍රව්‍ය හා මෝස්තර සමඟ අනන්‍ය වීම. මෙම මෝස්තර හා අනන්‍යකරණය කොතරම් ප්‍රභල වි ද යත් තවත් දශක ගණනක් යන තුරු ‍හොඳින් මැදිහත්, පිරිසිදු, දිලිසෙන ඇඳුම් සමාජය තුල අධිනිශ්චය නොවීම. (අදටත් ඇමෙරිකාව තුල නිල් ඩෙනිම පාසැල් ඇඳුමක් ලෙස පිළි ගැනීම).

මේ සියල්ලම අබිභවා යන පරිදි බිට්ල්ස්හි සංගීත නිෂ්පාදකයා වූ George Martin සතු වූ වාණිජ ප්‍රාග්ධනය හා සංගීතය එකට ගැටගැසීමට තිබූ මනා හැකියාව ඔවුන්ගේ සාර්ථකත්වයේ පදනම විය. ජනප්‍රිය කල හැකි වන ආකාරයේ සංගීතයක් බීට්ල්ස් ලවා ගායනා කරවන්නේ කෙසේ ද යන්න ඔහු දැන සිටීයේ ය. එ‍තෙක් ජනප්‍රියව තිබූ Merseybeat සංගීතයට සරල තනු යොදා සරල පදමාලා සහිතව, ඔවුනට පෙර රොක් ඇන්ඩ් රෝල් සංස්කෘතිය එක්තරා දුරක‍ට 'ලමාකරණය' කර තිබු බඩි හෝලි ගේ රූපය එකට එකතු කර වාණිජ පරමාර්ථයට ගැලපෙන පරිදි රොක් මුහුණුවර වේශ නිරූපනය කලේ George Martin විසිනි.

පශ්චාත් යුධ තත්වය වඩා කේන්ද්‍රියව එංගලන්තය දැනීම. ලෝක යුධ තත්වය හා යටත්විජිතකරණය යන කාරණාවලදි කේන්ද්‍රියව එම ප්‍රපංචයන්ට සම්බන්ධව සිටි එංගලන්තයට පශ්චාත් යුධ ක්ෂිත්මය අත්දැකිමෙන් මිදිමට ඇමෙරිකාවට තරම් වේගයෙන් නුපුළුවන් විය. මෙම රටවල් දෙකෙහි වඩා අධිපතිත්වය ගත් ප්‍රාග්ධන මාදිලිය මෙයට බලපෑ සාධකයක් විය. ඇමරිකාව තුල වෙළඳ ප්‍රාග්ධනයට අධිපතිත්වය දරණ අතර එංගලන්තය තුල අධිනිශ්චය වූයේ නිෂ්පාදන ප්‍රාග්ධනයයි.

කෙසේ වුවද, බිට්ල්ස් හි ජනප්‍රියත්වය ලොව තුල සමකාලීන ලෙස කොතරම් අධිනිශ්චය වී තිබුනා ද යන්න සදහා ඉදිරපත් කල හැකි හොදම උදාහරණය නම් බීට්ල්ස් හි ප්‍රධාන ගායකයෙක් වූ ජොන් ලෙනන් විසින් කරන ලද ප්‍රකාශයකි. ඔහු වරක් කියා සිටියේ බීට්ල්ස් ජේසුස් වහන්සේටත් වඩා ජනප්‍රිය බවකි. මෙම ප්‍රකාශය ලොව විශාල ආන්දෝලනයක් කල අතර පසුව ඒ පිළිබඳව කණගාටුව ප්‍රකාශ කිරීමට පවා ඔවුනට සිදුවිය (බලන්න). එමෙන්ම බොහෝ විචාරකයින් ගේ සමකාලීන මතය වූයේ ඔවුන් එවකට සිටි ජනාධිපතිවරුන්ටත් වඩා ජනප්‍රිය වූ බවකි. කෙසේ වුවද ජනප්‍රියතාව යම් සංගීතාඥයෙක්ගේ නිපුණතාව මණින හොදම මිනුමක් නොවන වගට බිට්ල්ස් හොඳ උදාහරණයක් වෙයි. දෘෂ්ඨිවාදී කෙතරම් දුප්පත්වුව ද බිට්ල්ස්ගේ ජනප්‍රියතාවයට ඔවුන් විසින් සිය ගීතවල රැකගත් විශිෂ්ඨ ගීතවත් බව හේතු වූ බවට සැක නැත.

බිට්ල්ස් නිර්මාණය කරන ලද සමාජ, දේශපාලනික හා සංස්කෘතික පසුබිම අපි ඉහතින් සඳහන් කල අතර එම යුගයේ ප්‍රකාශකයා විමට බිට්ල්ස් ගායක කණ්ඩායමට හැකි වුව ද යන්න අප මෙතැන් පටන් සාකච්ඡා කරමු.
රොක් සංගීතය යනු සමාජ ව්‍යාපාරයක්, ජිවන ශෛලියක් හා සංස්කෘතියක් ද බොහෝ කොටම දෘෂ්ධිවාදයක් ද වන බව අප මුල් නිර්වචනයේ දී සාකච්ඡා කලෙමු. එමෙන් ම රොක් සංගීතය එයටම අවේණික විප්ලවිය, අරගලකාරී දේශපාලනික ප්‍රකාශයක් ද වන බව කලින් සඳහන් කල ටවුන්ෂෙඩ් නම් රොක් විචාරකයා සදහන් කරයි. ‍එමෙන් ම ස්කැරුෆි සඳහන් කරන්නේ; “මුලික ‍රොක් පරාමිතින්, නිවැරදි හෝ වැරදි යන ආචාර ධාර්මික නිශ්චයන් පසෙක ලු විට, අවශ්‍යයෙන් ම මනෝ විද්‍යාත්මක පසුබිමක් සහිත අඛ්‍යානමය, සංස්ථා විරෝධී උපහාසය, දේශපාලනික ප්‍රතිශෝධනය, මත්ද්‍රව්‍ය, ලිංගිකත්වය හා මරණ ආශ්‍රය හා සුසංවාදී තේමා සහිතය" යන්නය.

බිට්ල්ස් ලොව ජනප්‍රිය ම හා ශ්‍රේෂ්ඨතම රොක් සංගීත කණ්ඩායම යැයි කියන බො‍හෝ විචාරකයන් ‍එසේ කියනු ලබන්නේ බිට්ල්ස් සත්‍යවාදී ලෙස ම එම සංගීත සංස්කෘතිය හා අනන්‍ය වූ නිසා නොව ඔවුන්ගේ වාණිජ ජනප්‍රියතාවයෙන් අන්ධ වී බව ඉහත දැක් වූ ස්කැරුෆි තව දුරටත් පෙන්වා දෙයි. බිට්ල්ස්හි ජනප්‍රියතාවය කොතරම් ඉහල තලයක තිබේද යත් විකිපීඩියාවට අනුව ගත්විට බිට්ල්ස් අද දක්වා අලෙවි කල ඇල්බමයන් සාපේක්‍ෂව ආසන්න වශයෙන් බිලියනකි.

ඔවුන්ගේ ජනප්‍රියත්වය, තවත් අතකින්, එවකට ජනප්‍රිය වූ ‘බිට්ල් මේනියා’ (Beatlemania) යන තත්වය සමඟ ද ගැට ගැසී තිබිණි. බිට්ල්මේනියා යනු බිට්ල්ස් ගායක කණ්ඩායමේ අතිශය ජනප්‍රියතාවය නිසා සමකාලීන තරණ පරපුර අතර පැතිර ගිය උන්මාදී සමාජ සංස්කෘතික මෙන්ම වෙළඳපල අවකාශයයි. මෙම වචනය 1960 ගණන්වලදී සංගීත රසිකයින් විශේෂයෙන් ම තරුණ ගැහැණු ළමුන්, බිට්ල්ස් ජනප්‍රියත්වයේ හිණී පෙත්තේ සිටින යුගයේ, ඔවුන්ගේ ගීත හා පොදුවේ එම සාමාජිකයින්හට දැක් වූ අධිකතර ප්‍රේක්‍ෂක උන්මාදය සඳහා යොදන කෙටි නමකි. බීට්ල්ස් (විශේෂිත නාමය) හා මේනියා (උන්මාද - පිස්සුව) යන උපසර්ගය එකතුවෙන් ජනිත වූ මෙම නාම පදය මුලින්ම භාවිතා කලේ 1963 වසරේ ඇන්ඩි ලෝතියාන් (Andy Lothian) නම් ස්කොට්ලන්ත ජාතික සංගීත නිෂ්පාදකයා විසිනි. මෙය කොතරම් සුවිශේෂි ද යත් සංගීත රසිකයින් විසින් උන්මාදීව පැවැත්වු ඝෝෂාව නිසා බිට්ල්ස් සහභාගී වු බොහෝ සංදර්ශන වලදී ඔවුන්ගේ හඬ නැසී යන තරම් විය. එසේ වුවත් මෙම බිට්ල්මේනියාව ඇත්ත වශයෙන් ම සමකාලීන වාණිජ සංස්කෘතික නිර්මිතයක් ලෙස පැවති බිට්ල්ස් රසිකයින් විසින් දැක් වූ උන්මාදනීය ප්‍රතිචාරය නොගැඹුරු රැල්ලක් මිස එය ඔවුන්ගේ සංගීතමය නිපුණතාවය හා නිර්මාණශීලීත්වය පදනම් කර ගත් යමක් නොවීය. බිට්ල්ස්ට වඩා අර්ථවත් හා සමකාලීන සමාජ යථාර්තයන් නිරූපිත ගීත ගායනා කල සංගීත කණ්ඩායම් බොහෝමයකට මෙවැනි රසික ප්‍රතිචාරයක් නොවිම වාණිජ රසිකයින්ගේ අන්ධවිමේ ප්‍රතිඵලයක් විනා අන් යමක් නොවේ.

මීට පෙර සඳහන් කල ලෙසම බිට්ල්ස් ප්‍රථමයෙන්ම කලේ සැබෑ රොක් සංගීතකරුවන්ගේ බාහිර ස්වරුපය වෙනස් කරමින් වඩා මධ්‍ය පන්තිකයන්ට දිරවා ගත හැකි පරිදි වසඟකාරි සිනහවකට තම රූපය, බාහිර පෙනුම රූපාන්තරණය කිරීමයි. මෙම වේෂ නිරුපණය පිටුපස සිටියේ එක් අතකින් පවත්නා ධනේෂ්වරයට පක්‍ෂපාතී විරෝධාකල්පික රොක් සංස්කෘතිය තර්ජනයක් ලෙස දුටු අනෙක් අතින් සම්ප්‍රදායික වික්ටෝරියානු මත තවමත් තම හිස තුල පුරවා ගත් වැඩිහිටි වාණිජ මධ්‍යම පංතියි. කළු ජාතිකයන් තම ‍ඓතිහාසික වේදනාව කියා පෑමට යොදා ගත් වෛර සහගත, විරෝධා කල්පික, තියුණු රිද්මය වෙනුවට සරල රේඛීය සුමධුර බටහිර තණුවක්; රාගික නිග්‍රෝ ආකල්පය වෙනුවට හුරුබුහුටි ලමා-සිනහවක් වාණිජ වෙළඳ ප්‍රාග්ධනය විසින් කරළියට රැගෙන ආවේය. තර්ජනයක් රහිත එහෙත් යම් සමාජ-විවේචනයක් ද සහිතව කරළියට ආ මෙම ‘නව නිර්මාණය’ වාණිජ මධ්‍යම පංතියේ ‘වරදකාරී විංඥාණය’ වසා ගැනීමට ද උපකාරී විය.

කෙසේ වුව ද, සමකාලීන රොක් සංගීතඥයන් බොහොමයක් තම නිර්මාණ අභිබවා බිට්ල්ස්ගේ නිර්මාන වඩා ඉස්මත්තට පැමිණිම ගැන‍ බොහෝ විට පුදුම විය. එය ඔවුනට සිතා ගත හැකි වු කාරණයක් නොවුයේ බැලු බැල්මට ම ඔවුන් බිට්ල්ස් පරයායන නිර්මාණ ඒ වන විටත් කර තිබු බැවිණි. සම්ප්‍රදායික රොක් සංගීතකරුවන් ඊට දශකයකට පමණ පෙර වුව ද බිට්ල්ස්ට වඩා ඉතා අග්‍රගණය නිර්මාණ එලි දක්වා තිබුණි. කලින් සඳහන් කල ස්කැරුෆි සඳහන් කරන්නේ “බිට්ල්ස් සංගීත කණ්ඩායමේ ඇල්බමයක් විශාල ලෙස අලෙවි වුයේ ඒවා සරල ලෙස අලෙවි කල හැකි පරිදි තනා තිබු නිසා මිස ඔවුන් සතු වූ විශිෂ්ඨ සංගීත හැකියාව නිසා නොවේ. බිට්ල්ස් සතුව තාක්‍ෂණික නව සොයා ගැනීමක් වත්, නිර්මාණශිලී ගැඹුරක්වත් නොවීය. බිට්ල්ස් යනු මිනිත්තු තුනේ, පහසුවෙන් මතක තබා ගත හැකි ගීත රචනා කල, ඡායාරූප වලට ලස්සනට පෙනී සිටි නඩයක් විය. 1963 වසරේ දී ‘බිට්ල්මේනියා’ යන්න කවුරුන් හෝ සොයා ‍නොගත්තේ නම්, යමෙක් තම ජිවිතයෙන් විනාඩි පහක් බිට්ල්ස් නම් නොසලකා හැරිය යුතු තරමේ සංගීත කණ්ඩායම ගැන කියවීමට මිඩංගු නොකරනු ඇත.” යනුවෙනි.

කළු ජාතිකයන්ගේ පරායත්තාව හා පරාරෝපණයත් ධනවාදය විසින් සුදු ජාතික තරුණයන් තුල ජනිත තර තිබු ආතතිමය කාන්සාවත් ගැන යුරෝපීය මධ්‍යම පන්තිය නොදැන සිටියා නොවේ. ඇකඩමික ආකාරයටත්, සමාජීය ආකාරයකටත් ඔවුන් මේ සම්බන්ධව දැන සිටි අතර පශ්චාත් යුධ පරාරෝපණය සම්බන්ධයෙන් 1940 ගනන් වල සිට ම යුරෝපීය ඇකඩමියාව තුල බොහෝ අධ්‍යයනයන් මේ සම්බන්ධයෙන් කර තිබු අතර සාන්දෘෂ්ඨික වාදය ද ඉතා ප්‍රභලව යුරෝපය තුල ඉස්මතු ව තිබු කාලයයි මේ. නමුත් ඇකඩමික සවිඥාණකත්වය හා විරෝධය අබිභවා රොක් සංගීතකරුවන් ‘රොක්වලට අවේණික පාතාලමය ස්වරූපයකට’ පැවති රේඩියෝ හා එළිමහන් සංදර්ශනවල දී(alternative space(මෙම සංදර්ශන බොහෝ විට මත්ද්‍රව්‍ය සහිත නොදැමුණු තරුණයන්ගෙන් සැදි ‘විකල්පීය අවකාශයයි’) පවත්නා සමාජ සංස්ථාපනය ප්‍රභලව ප්‍රශ්න කල අතර එය සමාජය හෙල්ලුම්කන තරමට ප්‍රභල විය. මේ හේතු‍ව නිසා අරමුණු වශයෙන් ගත් විට අවශ්‍යයෙන්ම රොක් හා දේශපාලනය එකට කේන්ද්‍ර ගත විය. 1960 දශකයේ විරෝධාකල්පිකයන්ගේ ප්‍රධානම ප්‍රකාශන මෙවලම බවට පත් වුයේ මේ අයුරින් රොක් සංගීතයයි. තමාට හොදින් ම ඥාණනය කර ගත හැකි සමාජ ප්‍රපංචයක් ගැන ගොලුවතින් සිටි මධ්‍ය ම පන්තියට තම නිහඩතාව ගැන වරදකාරීත්වයක් තමන් තුලම තිබුණු අතර බිට්ල්ස් විසින් නිවෙස තුල සිරගතව සිටි මෙම මධ්‍ය ම පන්තියට නිවෙස් තුලම සිට තම විරෝධය රසවිදිය හැකි ‘අලුත් මඟක්’ සොයා දුන්නේ ය. ඒ තම සංගීතය නම් නිද්‍රාකාරකයයි (Tranquilizer). මෙමගින් තම විරෝධය ගෘහියමය, අන්තරාවර්තී, කිසිවකුට කරදරයක් නැති, තම ඇඟට ද වෙහෙසක් නැති හුදු සනීප මානසිකමය විරෝධයක්, මනස තුල විප්ලවියත්වයක් බවට ඌනනය කර ගැනීමට මධ්‍යම පන්තියට ඉවහල් වුවෝ බිට්ල්ස් ය. මේ කාරණාව නිසා ම ඇතැම් බිට්ල්ස් පදමාලා ඇකඩමික අධ්‍යයනයන් සඳහා ද යොදා ගත් අතර කිසිවිටක දැඩි අරගලකාරිත්වයක්, නොසන්සුන් බවක් හා අව්‍යාජ බවක් පල කල The Who, Velvet Underground හෝ Rolling Stones ගේ පදමාලාවලට මේ ‘ගරු කටයුතු සැලකිල්ල’ මධ්‍ය ම පන්තික බුද්ධිමතුන් අත්කර දුන්නේ නැත. මේ අනුව සමකාලීනව පැවති විරෝධය අරගලයක් බවට පත් කරනවා වෙනුවට Beatles කලේ එම විරෝධය වාණිජ වශයෙන් ලාභ උපරිම කර ගත හැකි ‘වි‍නෝදයක්’ ලෙසට ඌනනය කිරීමයි.

තව දුරටත් අධ්‍යයනය කිරිමේ දී පෙනී යන්නේ සමකාලීනව වර්ධනය වෙමින් පැවති Hippie සංස්කෘතිය හා ශිෂ්‍ය අරගලකාරිත්වය යන ප්‍රපංචයන්ට ද ඔවුන් සාවධාන නොවු බවකි. ශිෂ්‍ය අරගලකාරිත්වය සමඟ Bob Dylan ගේ ගීත අනන්‍ය වු අතර ඔවුන්ගේ අරගලකාරි තේමා Dylan ගේ ගීතවලට පසුබිම විය. එමෙන් ම හිපි සංස්කෘතික දේශපාලනය බොහෝ ලෙසම සමකාලීන Velvet හා The Who යන සංගීත කණ්ඩායම් වල තේමා විය. පසුව හිපි සංස්කෘතියේ සෘජු ගායක කණ්ඩායම් ලෙස Grateful Dead හා Jefferson Airplane වැනි රොක් හා Punk සංගීත කණ්ඩායම් මතුවන තුරුම එම සංස්කෘතීන්ගේ ප්‍රකාශකයා වුයේ විය යුතු පරිදි බිට්ල්ස් නොව ඔවුන් තරම් ලොව තුල ජනප්‍රිය නොවූ හා කිසිසේත්ම සමකාලීනව කිසිවෙක් දැන නොසිටි රොක් ඉතිහාසය තුල ලොව නිර්මානශිලී බවින් ශ්‍රේෂ්ඨතම රොක් ගායක කණ්ඩායමක් වු Velvet Underground ය.

මෙම The Who සහ Velvet Underground යන සංගීත කණ්ඩායම් දෙකම වියට්නාම යුද්ධය හා එය අතුරුඵල ලෙස ඇමෙරිකාව තුල ඇති වූ සමාජ විපර්යාසය, පරම්පරා ගැටුම, දේශපාලන ආතතිය, මත්ද්‍රව්‍ය සංස්කෘතිය හා සෘජුවම අනන්‍යවුවෝ වෙති. ධනවාදයේ අතුරුඵල ලෙස ඉතිරි වන පාතාලය හා එම ආර්ථිකය, මර්ධිත ලිංගිකත්වය, වාර්ගික බහිස්කරණය හා ආතතිය ඔවුන්ගේ සැම ගීතයකට දක්නට ලැබෙතත් මේ කිසිවක් (යාන්තමින් යුද්ධය හැරුණු කොට එය ද වාණිජමය පෙළඹවිමක් මත) බිට්ල්ස්ගේ ඓන්ද්‍රිය මාතෘකා නොවුවා පමණක් නොව ඔවුන් එම කළු, අදුරු පාතාල ගත ධනේෂ්වර බහිස්කරණය ගැන කිසිවක්ම දැන සිටියේ ද නැත.
නමුත් සමකාලීන හාඩ් රොක් (hard rock) හා සම්භාව්‍යය රොක් (classic rock) යන විශේෂයන් තම මත්ද්‍රව්‍යලෝලී, නපුරු සිහිනයන් ගෙන් පිරුණු, අධියතාර්ථවාදී අත්දැකීම් ප්‍රකාශණය සඳහා ප්‍රමාණවත් නොවේ යැයි සිතූ Velvet, ඉන්දියානු මන්ත්‍ර, අප්‍රිකානු ග්‍රොත්‍රික සංගීතය හා වෙනත් සංගීත විශේෂයන්ගේ (උදාහරණ ලෙස සම්භාව්‍ය සංගීතයේ) ආභාෂය ලබමින් විවිධ අත්හදා බැලීම් කිරීම දක්වා දුර දිග ගියේය. මේ අර්ථයෙන් ඔවුන් ලොව නිර්මාණශීලිම රොක් ගායක කණ්ඩායම බවට පත්විය.

ආධිපත්‍යධාරි ධනවාදය හා එහි දේශපාලන අධිකාරිත්වය කෙරෙහි දැක් වූ විරෝධාකල්පික, ප්‍රචන්ඩ, දෝෂාරෝපිත (accusatory) වදන් වලින් සන්නද්ධ යුධකාමී (militant) රොක් ගායනය වෙනුවට ලමා ගී සාහිත්‍යයක් රොක් සඳහා එකතු කල වුවෝ බිට්ල්ස් ය.

මී‍ටත් අමතරව, හිපි හා ශිෂ්‍ය දේශපාලනය සමඟ 1960 දශකයේ යුරෝපය තුල මතුව ආ තවත් වැදගත් ප්‍රවණතාවයක් වුයේ මත්ද්‍රව්‍ය හා තරුණ සංස්කෘතියත් ඒ හා බැඳුණු ලිංගික විමුක්තිය පිළිබඳ සංකල්පනාත් ය. ගායක කණ්ඩායම් තුලට ද මෙය ඉතා ප්‍රභල ලෙස දැණුනු අතර බොහෝ රොක් ගායකයන් විශාල ලෙස මත්ද්‍රව්‍යවලට ඇබ්බැහිව සිටියේ ය.එම තත්වය මාක්ස්වාදී හා සාංදෘෂ්ඨිකවාදී අවකාශය අර්ථ නිරූපනය කෙරෙන බව සැලකේ. මත්ද්‍රව්‍ය උන්මාදය නිසා බොහෝ ගායක ගායිකාවන් ඉතාම තරුණ වියේ දී අකාලයේ මරු වළඳ ගැනීම ද සංස්කෘතියක ලක්‍ෂණයක් ලෙස මතුව ආයේ ය. ලොව විශිෂ්ඨතම රොක් ගායකයන් මෙන්ම වාදකයන් ද වු Brain Jones, Tim Morrison, Jimi Handrix හා Cate Cobian මේ සඳහා හොඳ උදාහරණ වේ (ටවුන්ෂන්ගේ Changing the World: Rock 'n' Roll Culture & Ideology) . මත්ද්‍රව්‍ය බොහෝ විට තම මව්බිමෙන් ඈත්ව සිටි ඇමෙරිකානු යුධ භටයන් සඳහා තායිලන්තයෙන් හා අනෙකුත් පෙරදිග හා අප්‍රිකානු ‍ර‍ටවලින් ආනයනය කල අතර ඇමෙරිකානු සෙබලුන් අතර මෙය ඉතාම ප්‍රභලව පැතිර ගියේ ය. මත්ද්‍රව්‍ය හා බැඳුණු මරණ ආශ්‍රය (death drive) කුළු ගැන්විමේ පෙළඹුම් කාරකයක් ලෙස ද රොක් මේ යුගයේ දී හඳුනාගත හැකි විය. බිට්ල්ස් හි ගීත තුල හා භාවිතය තුල එවන් ගතිකයන් හා තේමාවන් රැදී නැත. ඔවුන්ගේ පදමාලා තුල ඇතැම් විට අඩංගුව පැවති විරෝධාකල්පිත, වාමවාදී, සංස්ථාපන විරෝධි දෘෂ්ඨිමය පෙළඹවිම් බොහෝ විට මෝස්තරමය ස්වභාවයකට වඩා දුර නොගියේ ය. ඔවුන්ගේ පුවත්පත් නිවේදන සම්බන්දයෙන් ද කිව යුත්තේ මෙයමයි. නමුත් ඔවුන්ගේ ජනප්‍රියත්වය හේතු කර ගෙන එම ආකල්ප සඳහා ලැබුණ ජනප්‍රියත්වය හා ප්‍රචාරය එම යුගයේ මතවාදය සකස්වීමේ දී ප්‍රභලව බලපෑ බව අප පිළිගත යුතුවේ. එමෙන් ම අද දවස තුල පවා එම යුගයේ මතවාද හා භාවිතාවන් සම්බන්ධව ඇති අතීතකාමී කුතුහලය (nostalgic curiocity) ජනනය කිරීම සඳහා එම ජනප්‍රියතාව ඇති කල බලපෑම මෙයින් අවතක්සේරු නොවේ. නමුත් යුගයේ තරුණ කො‍ටස්වල, ශිෂ්‍ය දේශපාලනයේ හා වාමවාදී බලවේගයන්ගේ, යුධ විරෝධී හිපියන්ගේ, ලිංගික නිදහස ප්‍රමුඛ කරගත් රැඩිකල් කොටස්වල මතවාද‍යන්ගේ සත්‍ය ප්‍රකාශකයා විමට බිට්ල්ස්ට නොහැකි වු බව මෙහි සඳහන් කල යුතුයි.

බිට්ල්ස් ගායක කණ්ඩායමේ ඉතාම කතාබහට හා ජනප්‍රියතාවයට පත් වූ කිසියම් රැඩිකල් බවක් අඩංගු යැයි හැගෙන පදමාලා කිහිපයක් සමකාලීන රොක් සංගීත කණ්ඩායම් වූ The Who, The Velvet Underground හා The Rolling Stones හි පදමාලා සමඟ මෙහි දී සංසන්දනය කෙරේ. සංගීත කණ්ඩායම් තම තමන්ට අවේණික අනන්‍යතා සහිතව ස්වකීය තේමාවක් ඉදිරිපත් කිරිම තුලින් තම සුවිශේෂි බව ගොඩ නගා ගත් බව සිහි කරමින් ම එම නිසාම යම් යම් සාන්ද්‍රශ්‍යයන් ඉදිරිපත් කිරිම එක්තරා දුරකට අසාධාරණ යැයි සිතිය හැකි වුවත්, එම සුවිශේෂී අනන්‍යතා අභිබවා යමින් සමකාලීන සමාජ අත්දැකිම් නිරූපණයෙ හි ලා මෙම කණ්ඩායම් වල දෘෂ්ඨිවාදය හා පොළඹවන සුළු බව මෙන්ම අරගලකාරිත්වය කොතරම් දුරකට මෙම පදමාලා තුල අන්තර්ගත ද යන්න හා එම ගායක කණ්ඩායම් කොතරම් දුරකට එම අන්තර්ගතයට හා දෘෂ්ඨිවාදයන්ට ඵෙන්ද්‍රිය ද යන්නත් මෙහීදී සලකා බලමු

මුලින් ම අප බිට්ල්ස්ගේ Love Me Do හා Hello Goodbye යන ස්ත්‍රීය හා ආදරය සම්බන්ධයෙන් වු ගීත දෙක හා Velvet Underground ගේ Venus in Furs (ලොම් හැඳි වීනස්) යන ගීතය හා විමසා බලමු.
මෙම සියලු ගීතවල මුල් ඉං ග්‍රීසි පදමාලා සඳහා නාමයේ ඇමුණුම් කර ඇති ලින්කය බලන්න.

Beatles ගේ Love Me Do (මට ආදරය කරන්න) ගීතයේ පද මාලාව ( අසන්න )

ආදරය, මට ආදරය කරන්න
ඔබ දන්නව මම ඔබට ආදරය කරන වග
මම හැම විටම සත්‍ය ගරුකයි
කරුණාකර මට ආදරය කරන්න
කාටහරි ආදරය කරන්න
කා‍ටහෝ ආදරය කරන්න
ආදරය, මට ......

රචනය - Lennon & McCartney
Love Me Do (1962) ඇල්බමයෙන්

බිට්ල්ස්ලාගේ Hello Goodbye (හලෝ ආයුබෝවන්) ගීතයේ පද මාලාව ( අසන්න )

ඔබ ඔව් කියයි
මම නැහැ කියයි
ඔබ නවතින්න කියයි
මම යන්න කියයි, යන්න, යන්න
ඕ නැහැ,
ඔබ සමුදෙන්න කියයි
මම ආරාධනා කරයි
හලෝ හලෝ
මම දන්නේ නැහැ
ඇයි සමුදෙන්න කියන්නේ
මම ඇයි ඉන්න කියන්නේ
මම ‘හායි’ කියයි

Magic Mistery Tour (1967) ඇල්බමයෙන්

මීලඟට පහත දැක‍්වෙන්නේ Velvet Underground ගායනා කල Venus in Furs (ලොම් ඇඳි වීනස්) නම් ගීතයේ පද මාලාවයි. ( අසන්න )

ලොම් හැඳි වීනස්
දිලිසෙන, දිලිසෙන හම් බුට් සපත්තු
ඉක්මනින් ඇවිදින ගැහැණු කෙල්ලක් කරුවලේ
සීනු හඬවා එයි, ඔබ සේවක
සමාව නොදෙන්න, පහර දෙන්න
කාරුණික ප්‍රියාව ඔහු හදවත සුවපත් කරන්න
විසිතුරු නගර ආලෝකයේ පහත් පව්
අද ගැල්විය යුතු විලවුන් හඹායයි
අර්මයින් සම් මහේශාක්‍ය ලෙස පොරවා
සෙවරින් ඔබ එනතුරු බලා සිටී
මට වෙහෙසයි, මට මහන්සියි
වසර දහයක් හෝ මට නිදාගත හැකියි
වෙනස් වෙනස් පාට සහිත කඳුලු
සිහින දහසක් මා අවදි කරයි
සිප ගන්න, දිලිසෙන, දිලිසෙන, දිලිසෙන
සම් සපත්තු අඳුරේම,
කසයේ දිව, ඔබ වෙනුවෙන් බලා සිටින
සම් පටිය, පහර දෙන්න
කාරුණික ප්‍රියාව, සුවපත් කරන්න ඔහු හදවත
සෙවරින්, සෙවරින් මදුව තෙපලන්න
සෙවරින්, නැමුණු ඔ‍බේ දන හිස් මත
කසයේ මිහිර විදින්න
සැහැල්ලුවෙන් නොදෙන ආදරය
කසයේ මිහිර විඳින්න
මා වෙනුවෙන් ආයචනා කරන්න
මට මහන්සිය, මට වෙහෙසයි
මට දහස් වසරක් ....

රචනය: Lou Reed හා John Cale
Velvet Underground හා Nico (1967) ඇල්බමයෙන්

බිට්ල්ස් විසින් රචිත ඉතාම ජනප්‍රියත්වයට පත් වූ (විශේෂයෙන් රේඩියෝ චැනල වල නිරන්තරව ප්‍රචාරය විමත් සමාන්‍යයෙන් බිට්ල්ස් කළමනාකරණය සැම විටම විශ්වාස කල ප්‍රචාරණයත් නිසා) ඉහත ගීත දෙකම ඔවුන්ගේ මුල් කාලීන ඇල්බමයන්ගෙන් උපුටා ගැනුන අතර ඒවා සරල ස්ත්‍රී-පුරුෂ රොමෑන්ටික ආදරය ගැන කතා කරන ගීත දෙකකි. හුදකලා පිරිමියෙක් විසින් ගැහැණියකට ඇගේ ආදරය ලබා දෙන ලෙස ආයාචනය කරන Love me do ගීතය ඉතාම මිහිරි, සරල සහ කන්ක‍ළු එකක් වේ. ආදරයේ දී සත්‍යවාදී බව මෙන් ම යමෙක් යමෙකුට ආදරය කල යුතු බව කියවෙන ස්වභාවයක් ද මේ තුල පවතී. කෙටි හා පුනරුක්තිය සහිත පදමාලාව ඉතාම පහසුවෙන් මතක තබා ගත හැකි අතර එය මෙම ගීතවල ජනප්‍රියත්වයට ද හේතු වුවාට සැක නැත. එමෙන් ම ඔවුන්ගේ Hello goodbye ගීතය ආදරය තුල ඇති ආතතිමය ස්වභාවය එහි ප්‍රතිවිරුද්ධතා සමගම ආදරය ගොඩනැගීම පිළිබදව ප්‍රතිශේධනාත්මක සංකේතීය බවක් ගීතයේ ගැබ්ව පවතී. ආදරයේ ප්‍රකාශනය හා විෂයෙහි අවිනිශ්චිත බව, අසන්නාට කියන්නාගේ ව්‍යුහයෙන් නොඇසීම වැනි කාරණා ද මෙම ගීතය තුලින් මතුකර ගත හැකි අතර ආත්ම ප්‍රකාශණයෙහි ලා ප්‍රථම ගීතයට වඩා සංකීර්ණ බවක් මෙම ගීතය තුල සටහන් වී ඇති බව කිව හැකි වුවත් මෙම ගීත ද්විත්වය ඉහත දැක් වු ‘Venus in Furs’ යන ගීතය හා සසඳා බැලීමේ දී ඉතාම නොපැසුණු සරල බවක් සමකාලීන සමාජ විපරිණාමයේ සංකීර්ණත්වයට සාපේක්‍ෂව දැක ගත හැකිය.

මේ යුරෝපය තුල පශ්චාත් කාර්මික වාණිජ ප්‍රාග්ධනය විසින් සමාජ ව්‍යුහයන් නැවත සකස් කිරිම ආරම්භ කල අවධියයි. නිෂ්පාදන ආර්ථිකය, සේවා ආර්ථිකය ලෙසට පොලා පැනීම ආරම්භ වන්නේ මේ අවස්ථාවේ දීය. දැවැන්ත යුධ අත්දැකීම් රැසකට හා වියට්නාම යුද්ධය යුරෝපය තුල වෙනස් සමාජ පරාමිතීන් සඳහා සමාජ ඉඩකඩ විවර කල යුගයයි. යුරෝපීය සමාජය හා ඇකඩමියාව තුල නව වටිනාකම් ආරෝපණය කර ගත්, සංස්ථාපනයන් දෙස අවංඥා සහගතව බැලීමට හුරු වු යුගයයි. කෙටියෙන් කිවහොත් සමාජ මතවාදය ප්‍රංශ සාන්ද්‍රෘෂධිකවාදය හා ජර්මන් ප්‍රකාශණවාදය විසින් තීරණය කල යුගයයි. සමාජ විපරිණාමය හා එයින් ජනනය කල ආතතිය තව දුරටත් යතාර්ථවාදි ක්‍රමයකට තේරුම් ගැනීමට නොහැකි වු යුගයයි. මනුෂ්‍ය විෂය වෙන කවරදාකටත් වඩා අර්බුදකාරීත්වයකට ගමන් කල අවධියයි.

Velvet හා අප පසුව සලකා බලන The Who ගායක කණ්ඩායමේ ගීත යනු මෙම යුගය තුල නාස්තිකවාදී, සංශයවාදී හා විනාශකාරී (nihilistic, sceptistic and subversive) බව නිරූපණය කල ගීත වේ. පවත්නා අධිපති සාන්ද්‍රෘෂ්ධිකවාදය හා ප්‍රකාශණවාදය අබිභවා යෑමට Velvet ගත් සම්භාව්‍යවාදී උත්සහය අප ඉහත ගීතය තුලින් තෙරුම් ගැනීමට උත්සාහ කරමු.

‘ලොම් හැඳි විනස්’ ගීතයේ දී Velvet ඉතාම ලාබාල (ලොලිටාකරණය වූ) වසඟකාරී, විපරිතකාමී (pervert) පරපීඩක ගණිකාවක්ගේ රූපකය වෙත අප ඇස ගෙන යයි. විපරිත බව හා පරපීඩිත බව හැඟවුම්කරණය කරන සපත්තු (බුට්) දිලිසෙන හම් පටි, (ලිංගික සිනමාව තුල වර්තමාන fetish යන විශේෂයට අයිති) පරපීඩක ලෙස පහරදීම හා එය සුවපත් කිරිමේ shock treatment එකක් ලෙස පාවිච්චි කිරිම හා ගැහැණු පිරිමි ‍රොමැන්ටික ආදරය වෙනුවට වසඟකාරි, විනාශකාරී, පරපීඩක සැඩෝමැචෝසටික අවකාශයක් තුලින් තම නිර්මාණය සමාජයට ලිබිඩෝමය මුදාහැරිමක් ලෙස, බිට්ල්ස්ගේ (හා තවත් අයගේ) සර්ව සුභවාදයට ප්‍රතිපක්‍ෂව අශුභවාදි ආකාරයකින් නිරාවරණය කරයි. සියල්ලටම කිරිමට බල කෙරෙන පාපය හා එම පාප ශෝධකය ලෙස ගැහැණිය විෂය තුල ජනනය කරන ලිබිඩෝමය මුදාහැරීම, එනිසාම ඇතිවන මහන්සිය, ශෝකය හා ආතතිය සමඟ නිරුපණය කරන සදාකාලික නින්ද හා මෙලොවින් ස්වප්නමය ලෙස පලායාමට ඇති ආසාව නිරූපනය කරන,

‘වසර දහසක් හෝ මට නිදාගත හැකියි
වෙනස් වෙනස් පාට කඳුලු
සිහින දහසක් මා අවදි කරයි.’

යන පදමාලාව බිට්ල්ගේ සරල ප්‍රකාශණාත්මක බවට සාපේක්‍ෂව කොතරම් විශිෂ්ඨ දැයි බලන්න. මායාමය වසඟකාරි ගැහැණියට ඇතිවන අවිඥාණික බැඳීම එයින් පලා යා නොහැකි බව එහි තාවකාලික මිහිර හා පාපශෝධනය ලෙස ඇ‍‍‍ගේ භූමිකාව කිසිලෙසකින් හෝ බිට්ල්ස් සමඟ සංසන්දනය කල හැකිද? මෙම ගීතය මෙන්ම Velvet ගේ අනෙකුත් ගීත වල ද අධිපති විෂම ලිංගිකත්වය වෙනුවට අධියථාර්තවාදී සමලිංගික, ලෙස්බියානු, සංක්‍රාන්ති ලිංගික (trans-sexual) සැඩෝමැචෝසටික (sadomachostic) පරපීඩක හා ස්වපීඩක පාතාලමය ස්වභාවය ඉතා සම්භාව්‍ය අකාරයට නිරූපණය වී ඇත. එමෙන් ම ඔවුන්ගේ ගීතවල ඇති කාව්‍යමය බව අන් කිසිදු රොක් ගායක කණ්ඩායමක අන්තර්ගත නොවන වග ද මෙහි දී සදහන් කල යුතුය. ඔවුන් සමකාලීන සමාජ ආතතිය හා විනාශකාරිත්වය අධියථාර්තවාදී ආකාරයකට වීර කාව්‍ය ලෙස නිරූපනය කලෝ වෙති. ඔවුන්ගේ ගීත කිසිම විටක සෞන්දර්යාත්මක ගීත නොවේ. මන්දයත් මත්ද්‍රව්‍ය මුලික කරගත් සවප්නමය තරුණ ලෝකය තව දුරටත් සෞන්දර්යාත්මක හෝ යථාර්තවාදී එකක් නොවිමය.

ආදරය සම්බන්ධයෙන් Velvet සමඟම බිට්ල්ස් හා සමකාලීනව පැවති Rolling Stones ගායක කණ්ඩායමේ ඇතැම් ගීත ද නිසැකවම බිට්ල්ස්හි ගීතවලට වඩා පුළුල් තේමාවන් කතා කල සංකීර්ණතාවයක් පාදක කර ගත් ඒවා විය. ඔවුන්ගේ I can get no (satisfaction) ගීතය මෙයට හොඳ උදාහරණයකි. යුද්ධය, ද්‍රරිද්‍රතාව හෝ අයුක්තිය යන කිසිවක් ගැබ් නොවුනු මෙම ගීතයේ ස්පර්ශීය බව, Mick Jagger (මෙම ගායක කණ්ඩායමේ ප්‍රධාන ගායකයා) ගේ රළු, ප්‍රචන්ඩ හා විප්ලවීය ගුණය හා මුසු වු විට අන් කිසිදු ගීතයකටත් වඩා නැවුම් බවක් හා අවංක බවත් අද දිනටත් ජනනය කරයි. තරුණයින් ලෙස බලාපොරොත්තු රහිත බව, පැරණි පරම්පරාවේ වංචනික හා කුහක බවට දක්වන විරෝධය, මර්ධිත ලිංගිකත්වය හා පරිකල්පනය කිරිමට නොහැකි බව සම්ප්‍රදාය විරෝධී ආකාරයකට නිරූපණය කරන මෙම ගීතය මධ්‍ය පන්තික සමාජ සංස්ථාවට එල්ල කරන ලද මරු පහරකි. එබඳු වු එකඳු ගීතයක් හෝ නිර්මාණය කිරිමට හා නිරූපණය කිරිමට ස්වකීය සමස්ත ජිව කාලය තුලම බිට්ල්ස් ට කිසිදා හැකි නොවිය.

තම පරම්පරාව නිවැරදි ආකාරයට නිරූපණය කිරිමට ඉතාම රැඩිකල් රොක් ගායක කණ්ඩායමක් වු The Who සමත් වුවේය. ඔවුන්ගේ My Generation ගීතය සලකා බැලුවිට තම පරම්පරාව සම්බන්ධයෙන් ඔවුන් තුල වූ හැඟිම ඉතාම නිර්ව්‍යාජ ආකාරයට ප්‍රදර්ශනය කල බව අපට දැක්විය හැකිය. තම පරම්පරාවේ නැගිටීම වෙනුවෙන් ඔවුන් දිගින් දිගටම තම ධජය ලෙලවිය. මෙහි මුඛ්‍ය උදාහරණ දෙක නම් ඉහත සදහන් My Generation (1968) හා We won’t get ‍fooled again (1971) යන ගීත ද්විත්වයයි. ඔවුන්ගේ My Generation ඇල්බමයෙහි හි එන “People try to put us down, talking about my generaion” ගීතය තුලින් තම පරම්පරාව යටපත් කිරිමට හා හෙලා දැකීමට තමාට පුර්ව පරම්පරාව උත්සහ කරන ආකාරය ඉතාම ප්‍රගතිශීලි දෘෂ්ඨියක් සහිතව එහෙත් යම් ඉච්ඡාභංගත්වයක් ද සහිතව නිරූපනය කරයි. ඔවුන් නිසැකවම සමකාලීන පරම්පරා ගැටුම තුල තමන්ගේ පාර්ශවය වෙනුවෙන් කොන්දේසි විරහිත පෙනී සිටීමක් කල අතර ඔවුන් තම පරම්පරාවේ තත් රූපය ප්‍රකාශ මාන කල සෘජු නියෝජිතයින් වුහ. මෙවන් පරිණත බවක් ප්‍රකාශනවාදි බවක් හෝ නියෝජනයක් බිට්ල්ස් අතින් කිසි දා එම බලාපොරොත්තු විරහිත තම පරම්පරාවට සිදු වී නැත.

සමාජ යථාර්තය සමඟ දෘෂ්ඨිවාදි පොරබැදිම කොතරම් සජීවි ව, තියුණුව සමකාලීන අනෙකුත් රොක් ගායක කණ්ඩායම් කලේ ද යන්නට හොඳම උදාහරණය Velvet Underground හි Sunday Morning යන ගීතයයි. අපි එම ගීතය බිට්ල්ස්ගේ ‘A Hard Days’ Night යන ගීතය සසඳා බලමු. එවිට දිනපතා ජිවිතය සමඟ ඔවුන් දැක් වු දෘෂ්ඨිවාදී සම්බන්ධය එළිදරව් කර ගැනීමට අපට හැකි වේ.

A Hard Day’s Night (කටුක වූ දිනයක රාත්‍රියයි) යන ගීතයේ පදමාලාව (අසන්න)

වෙ‍හෙසකර දිනයක රාත්‍රිය යි
සුනඛයෙක් සේ වැඩකරමින් සිටියෙමි
වෙහෙසකර දිනයක රාත්‍රිය යි
ලී ‍කොටයක් මෙන් මා නිදාගත යුතුයි.
එසේ වුවත් මා ආපසු ඔබ ලඟ
බව කරනා දේ දුටුවිට
මා නැවතත් පෙර පරිදිම සුවෙනි,
දිනය පුරා මා වෙහෙසෙන අයුරු ඔබ දනී,
ඔබ වෙනුවෙන් දේ ගැනීමට මුදල්
ඇසුමත් වටීවි ඔබ කියනා විට
ඔබ මට සියල්ල සපයතැයි කියා
මොන එහෙකට මට දුක්විය යුතුවෙද
ඔබ පමණක් මා හිමිකර ගත් විට
ඔබ දනිමි මා සුවෙන් යැයි කියා.
සියල්ල සතුටින් මා පවසන විට
තදින් ඔබ මා වැළඳ මා පවසන විට
තදින්, තදින් ඔව්,
වෙහෙස කර දිනයක රාත්‍රිය යි
දිනය පුරා මා වෙහෙසෙන අයුරු ඔබ දනී

(A Hard Day’s Night- 1964 ඇල්බයෙන්)

බිට්ල්ස් ස්වකීය A Hard Day's a Night නම් ගීතය තුලින් දිනයක් පුරා වෙහෙසකර ලෙස වැඩ කිරීමෙන් ඇතිවන තෙහෙට්ටුවත් එම නිසාම නිදා ගැනීමට ඇති ආශාවත් තුලින් කාර්මික සාමාජයේ නිෂ්පාදන ඒකාකාරිත්වය තුලින් මිනිසා තෙහෙට්ටු කිරීමත් එම නිසාම මිනිසාගේ පරාරෝපණයත්, නිෂ්පාදන දැවැන්තකරණය ඉදිරියේ ඔහුගේ කුඩා බවත් (belittle) මේ සියල්ලට ප්‍රතිපක්‍ෂව ඔහු සුවපත් කිරීමට 'නිවස' කරා ආපසු පැමිණීමෙන් ලබාගත හැකි මෝක්‍ෂයත් ප්‍රකට කරවයි. ඔහුගේ සුවපත් වීම පරිපූර්ණ වන්නේ ඇය ඇයට අවශ්‍ය සියලු දේ ගැනීමට මුදල් ඔහු උපයනවායයි ඇසූ මොහොතේය. ඇය සතුටු කිරීමෙන් ඔහු ලබන තෘප්තිය ගීතයට නැගීමේ වරදක් නැතත්,

'සියල්ල සතුටින් මා නිවසෙහි විට
තදින් ඔබ වැළඳ මා නිවසෙහි විට
තදින්, තදින් 'ඔව්'

යන ඉහත ගී ඛණ්ඩය තුලින් ගැහැණිය සමඟ නිවසෙහි සිට සියල්ල අවසන් කල හැකි බවත් එම තෘප්තිය පවුල් ගත කිරීමෙන් තමා විඳවන, තමා පෙලෙන ආර්ථික හා දේශපාලන යතාර්ථයත් කෙරෙහි මෙම තේමාව දිගු නොකිරීමට බිට්ල්ස් වග බලා ගනී. ඔහුගේ තෘප්තිය ඇගේ වචනය අබිභවා සමාජීය කිරීමේ ‍ ඓතිහාසික වගකීම බිට්ල්ස් මඟහැර ඇති සෙයකි.

එසේ වුවද Velvet Underground ගායක කණ්ඩායමේ Sunday Morning ගීතය කොතරම් ව්‍යක්ත හා අරුත්බර දැයි පහත ගී පදමාලාව දෙස බැලීමෙන් ඔබට ඒත්තු ගැන්වෙනු ඇත.

Sunday Morning (ඉරිදා උදෑසන) යන ගීතයේ පද මාලාව (අසන්න)

ඉරිදා උදෑසනයි, පාන්දරම තුති කරන්න
මට ඇත්තේ විරාමයක් නැති හැඟුමක්
උදේ පාන්දරම, ඉරිදා උදෑසන
සමීපවම පිටුපස ඇති
ගෙවුණු වසර ගනනක් වේ
බලාගෙනයි, ඔබ පිටුපස ඇති ලෝකය
ඒ වුනාට, ඔබ ලඟ ඇති කවුරුන් හෝ
'එහි ඇති කිසිවක්ම නැතැයි' කියයි
සෑම විටම
ඉරිදා උදෑසනයි, මම ඇඳ වැටෙමින්
මට තිබේ හැඟීමක්, මම දැනගත යුතු
නැතැයි කියා
හිමිදිරි පාන්දර, ඉරිදා උදෑසන
වැඩි ඈතක එහෙම නොවෙයි
ඔබ පසු කල මේ මාවත
මට තිබේ හැඟීමක්,
මම දැනගත යුතු
නැතැයි කියා
හිමිදිරි පාන්දර, ඉරිදා උදෑසන
වැඩි ඈතක එහෙම නොවෙයි
ඔබ පසු කල මේ මාවත
බලා ගෙනයි, ඔබ පිටුපස ඇති ලෝකය
ඒ වුනාට ඔබ ලඟ ඇති කවුරුන්හෝ
'එහි ඇති කිසිවක්ම නැතැයි' කියයි
බලාගෙනයි ඔබ පිටුපස ඇති ලෝකය

(Velvet Underground and Nico-1967 ඇල්බමයෙන්)
රචනය -Lou Reed හා John Cale

ඔවුන් ස්වකීය ගීතය ආරම්භ කරන්නේ ඉරිදා උදෑසනෙණි. බටහිර ක්‍රිස්තියානි සන්දර්භය තුල ඉරිදා, දිනය ආගමික මෙහෙයක් අතින් ගත්තත් යම් සුවිශේෂිත්වයක් දරයි. දිනයට ස්තුති කර ගීතය පටන් ගන්නා ඔවුන් එය සම්බන්ධ කරන්නේ තම නිමක් කොණක් නැති ශූන්‍ය, අවිනිශ්චිත මෙන්ම හැඟවුම් කරණය නොවූ (unsignified) නාස්තිකාරී (Wasted) බවටයි. ඔබ ගෙවා දැමූ නිශ්චිත අරමුණකින් අර්ථවත් නොකල වසර ගණනක කාලයත්, ඔබ සංවේදී නැති තමා පිටුපස ඇති, වහා සැලකිල්ලට භාජනය විය යුතු ලෝකයත්, එම ලෝකය සමඟ විෂය මූලිකව සම්බන්ධවීමට, අනුභූතිමය ලෙස විෂය බද්ධව එහි ඇති අසාධාරණය, අසමානතාව හා වේදනාව ගැන සංවේදී වීමට හා වෙනස් කිරීමට යමෙක් ඒ දෙස බලන විටම තවත් යමෙක්, 'ඒ තුල කිසිවක්ම නැතැයි' යන නාස්තික මෙන්ම නොසැලකිලිමත් බවක් පළ කිරීමට Velvet දක්වන විරෝධය මෙම ගීතය පුරාවට ගැබ්ව පවතී. මිනිසුන් තුල ඇති දෘෂ්ඨිවාදයන් විසින් හෞතික ලෝකයෙහි ඇති යථාර්ථය අමතක කරවීමට ඇති පෙළඹුම,

'ඉරිදා උදෑසනයි, මම ඇද වැටෙමින්
මට තිබේ හැඟීමක්, මම දැනගත යුතු නැතැයි කියා'.

යන බාර බාහිර ලෝකය පිළිබඳව කියවෙන සංශයවාදී ශූන්‍යතා ප්‍රකාශයෙන් ඔවුන් මොනවට පිළිඹිබු කර ඇත. යතාර්ථය පය හැපෙන දුරින් ඇති බව Velvet අපට මතක් කර දෙයි.

'වැඩි ඈතක එහෙම නොවෙයි
ඔබ පසු කල මේ මාවත'.

යතාර්ථය කෙරෙන් විෂය මෑත් කිරීමට, නිවසට ගෙනවිත් නිද්‍රාකරණය කිරීමට, වීදියේ ඇති සත්‍යය ගැබ් වූ සැබෑ ලෝකය මනසින් ගොඩනගන පරිකල්පනයෙන් වසා දැමීමට එරෙහි වන Velvet ගේ මෙම ගීතය ආගමික මිත්‍යාව මෙන්ම දෘෂ්ඨිවාදී පාරභෞතිකයන් මෙන්ම යතාර්තයෙන් පලායෑමට විෂය තුල ඇති කැමැත්ත සහසම්බන්ද ප්‍රතිපක්‍ෂමය ආකාරයකට නිරූපනය කළ ලොව ඉතාම විශිෂ්ඨ ගණයේ රොක් ගීයක් වේ. ගීතය තුල ඇති සම්භාව්‍යමය, ව්‍යක්ත බව මෙන්ම දෘෂ්ඨිවාදී පොහොසත් බවත් මිනිසා නිවස තුලට ගාල් කරමින් ඒ තුල ගැහැණිය ගේ උකුලේ විමුක්තිය සොයන්නට උඩ ගෙඩි දෙන මධ්‍ය පංතික දුක් ගීයට වඩා කොතරම් පොහොසත් දැයි ඔබට වැටහෙනවා ඇත.

බිට්ල්ස්ගේ තවත් ජනප්‍රිය ගීතයක් වන 'Let It Be' (එසේ වුවා වේ) ගීතය Velvet Underground ගේ Femme Fatale (දෛව ස්ත්‍රීය) ගීතය සමග මීලඟට අප සලකා බලමු.

බිට්ල්ස් හි Let It Be යන ගීතයේ පරිවර්තනය (අසන්න)

කරදරයක මා සිටිනා විට
මේරි මාතාව මා අසලට ඒ.
ප්‍රඥාවේ වදන් තෙපලමින්, එසේ වූවාවේ,
මේ අදුරු පැයේ දී
මා අබියස ඈ සිටගෙන සිටීවි.
ප්‍රඥාවේ වදන් තෙපලමින්, එසේ වූවා වේ.
එසේ වූවා වේ, එසේ වූවා වේ.
ප්‍රඥාවේ වදන්
සිත් බිදුන මිනිසුන්, ලොව එකඟව ජීවත් වී
තිබේවි පිළිතුරක් , එසේ වූවාවේ.
වෙන් වුනත් ඔවුන් ඇතැම්විට, තවදුරටත්
වාරයක් තිබේවි, තිබේවි පිළිතුරක්, එසේ වූවා වේ.
රාත්‍රිය වලාකුලෙන් බර වූ විට
තවදුරටත් මා මත දිලෙනා එළියක් වී
මා හෙට වන තුරු ජීවත්වී, එසේ වූ වාවේ.
සංගීතයේ හඬට මා අවදිව
මේරී මාතාව මා අසලට ඒ
ප්‍රඥාවේ වදන් තෙපලමින්, එසේ වූවාවේ,

(බිට්ල්ස් ගායක කණ්ඩා‍යමේ Let It Be- 1987 ඇල්බමයෙන්)

Let It Be ගීතය ආරම්භ වන්නේ ආගමික මුහුණුවරක් සහිතව මේරී මාතාවට කරන වන්දනීය මෙන්ම තමා පරාරෝපණයමය ලෙස එකඟතාවයකින් යුක්තව කරන නිරීක්‍ෂණයකිනි. අප මුලින් සඳහන් කල ධනේෂ්වර නිෂ්පාදනයේ අතුරුඵලයක් ලෙසින් පුද්ගල පරාරෝපනය හා හුදකලාභාවය මෙම ගීතය තුලින් බිට්ල්ස් මතු කළ ද එය පෙරළා ආගමික හැඟවුම්කරණයක් සමඟ බද්ධ කිරීම ගීතයේ විෂය මූලික අර්බුදයයි. කථකයා කරදරයක සිටින විට ප්‍රඥාවේ වඳන් තෙපලමින් එන මේරී මාතාව ඔහු දැන් ගත කරන අදුරු පැයේ දී ඔහු අබියස සිටගෙන සිටී. ‘එය එසේ වූවාවේ’, යනුවෙන් කියන බිට්ල්ස් එම ආගමික තෘප්තිමත් බවින් මිදී මිනිසුන් විසින් තම ලෝකය නිර්මාණය කර ගැනීමටත් එම ලෝකය දෙස සබුද්ධික හා භෞතිකවාදී බවකින් (rationalistic) බලා එයට මැදිහත් විය යුතු ආකාරයත් ගැන කිසිදු සඳහනක් නොකරයි. කෙසේ වුවත් සිත් බිඳුණ, අපේක්‍ෂා භංගත්වයට පත්වූ මිනිසුන්ට බලාපොරොත්තුවේ එළියක් 'තිබේවි පිළිතුරක්' යන වැකියෙන් ජනනය කිරීමත් හෙට දිනයේ යම් ආලෝකයක් මතුවිය යැකි බවට කරන ඉඟියකුත් නිසා ගීතයේ සප්‍රාමාණික බව මෙන්ම සජීවී බව ද රැදී තිබෙන බව කිව යුතුය.
‍
Velvet Underground ගේ “දෛව ස්ත්‍රීය” ගීතයේ පරිවර්තනය (අසන්න)

ඇය එනවා ඔන්න, ඔබ ප්‍රවේශමෙන් පය තැබුවොත් හොඳයි
ඇය ඔබ හඳවත දෙපළු කරයි, එය ඇත්තයි
හිතා ගන්න අපහසු නැහැ
බොරුපාට ඇගේ ඇස් දෙස බැලු විට
ඈ ඔබව ගොඩ නඟයි
ඔබව විනාශ කිරීමට
කෝනංගියා, මොකද

හැමෝම දන්න නිසා (ඈ දෛව ස්ත්‍රීයයි)
ඔබ සතු‍ටු කිරීමට ඈ කරනා දේ (ඈ දෛව ස්ත්‍රීයයි)
ඈ විහිළුවක්ය (ඈ දෛව ස්ත්‍රීයයි)
ඈ ඔබව මුලා කරයි (ඈ දෛව ස්ත්‍රීයයි)

බලන්න ඈ පිය නඟනා හැටි
අසන්න ඈ කතා කරන හඬ
ඔබගේ නම ඇගේ පොතේ සටහන් ව ඇත
බලන්න ඔබේ අංකය 37 නේද?
ඈ සිනා වන්නේ ඔබව රැවීමයි
කෝනංගියා
පොඩි කොල්ලෝ
ඈ එන්නේ මහ පාරෙන්
ඔබ පටන් ගන්න පෙරම
ඔබ තලා දමයි

ඈ ඔබව මොඩයෙක් කරයි
හැමෝම දන්න නිසා (ඈ දෛව ස්ත්‍රීයයි)
ඔබ සතු‍ටු කිරීමට ඈ කරනා දේ (ඈ දෛව ස්ත්‍රීයයි)
ඈ විහිළුවක්ය (ඈ දෛව ස්ත්‍රීයයි)
ඈ ඔබව මුලා කරයි (ඈ දෛව ස්ත්‍රීයයි)

(Velvet Underground ගේ ‘Velvet Underground and Nico’ (1967) ඇල්බමයෙන්)

නමුත් මේරී මාතාව වෙනුවට ස්වයං පීඩක හා පරපීඩක අර්ථයෙන් සමකාලීනව විපරීත ලිංගික යතාර්ථයන් මෙන්ම ගැහැණියකගේ ෆැන්ටසිය (fantasy) දරා සිටීම තුල එම වස්තුවට ඇති සවිඥානයික යටත් වීම (සාමාන්‍යයෙන් මෙම යටත් වීම අවිඥාණයිකයි) ප්‍රකට කරන තවත් විශිෂ්ඨ නිර්මාණයක් ලෙස Famme Fatale නොහොත් දෛවය ස්ත්‍රීය ගීතය හදුන්වා දිය හැක. ඇයගේ වසඟකාරී පරපීඩකත්වය භාවශෝධනයක් ලෙස (cathartic) මතුව ඒ. එය කලින් ගීතයේ මෙන් මාතෘමය කරුණාවක් හෝ ප්‍රඥාවක් දරා ගෙන නොවේ. පසු නූතන මොහොත තුල හමුවන්නේ මිනිස් ශරීරයයි. ඒනම් 'යථ' යි. ඔබගේ ආශාව ගොඩ නගන ඇය එම ආශාවේ වස්තුව හමුවීමට සැලැස්වීමෙන් එම ආශාව දරා සිටින විෂය මරා දමයි. ඇය ඔබගේ ආශාව බවට පත්වේ. ඇය සරදමක් ය. මහා අනෙකා මෙන්ම සංකේතීය පියාගේ මරනයෙන් උපන් ඇය නූතන පිරිමියාට සරදම් කරයි. නූතන පිරිමිකම ඇය ඉදිරියේ කෝනංගියෙක්, බහුබූතෙයක් බවට රූපාන්තරණය වෙයි. ඇය ඔබ සමඟ සෙල්ලම් කරණ බව අපිට Velvet පවසයි.

වාණිජ ප්‍රාග්ධන අවකාශය තුල වියැකි යන පිරිමි ලෝකය හා නීතියේ බිඳවැටීම තුල මතුවන විපරිත ලිංගිකය හා ඒ හා බැඳුණ ස්ත්‍රීය හා වසඟකාරී, පරපීඩක සැඩෝමැචෝසටික අවකාශය නිර්සෞන්දර්යකරණය කිරීමක් ලෙස මෙම ගීතය හැඳින්විය හැකිය. මත්ද්‍රව්‍ය අවකාශය තුල මෙම ගීතයට දැඩි අධි යථාර්ථවාදී බවක් එක් කළ ද මෙම ගීතය සමකාලීන සමාජ සංස්කෘතික හා ලිංගික යථාර්ථයන් පිළිඹිඹු කිරීමේ දැඩි පොහොසත්කමක් දක්වන ගීතයකි. සමාජය තුල පැවැති අඳුරු පාතාලමය ස්වරූපය හා විපරීත ෆැන්ටසිමය ස්වරූපය තුල නිමග්න වෙමින් වඩා යහපත් ලොවක් සඳහා වූ දැක්ම බීට්ල්ස් හි සියලුම ගී අබිභවා යන සුළුය.

අප විසින් මෙතෙක් සලකා බලන ලද බිටිල්ස් විසින් ගායනා කරන ලද 'Love Me Do' 'Hello Goodbye', 'Its a Hard Days Night' , 'Let It be' ගීත හතෙරහි සඳහන් ආදරය හා ආතතිය පදනම් කරගත් ගීත මීට සමකාලීන රොක් සංගීත කණ්ඩායමක් වු The Who නම් සංගීත කණ්ඩායෙම් 'Behind Blue Eyes' (නිල් පාට ඇස්වලට පිටුපසින් ) යන ගිතය හා සලකා බලමු.

The Who ගායක කණ්ඩාමේ 'Behind Blue Eyes' ගීතයේ පරිවර්තනය (අසන්න)

කිසිවෙක් නොදනී, නිල්පාට නෙත් පිටුපසින්
ඇති නරක මිනිසා කෙබදුදැයි කියා.
කිසිවෙක් නොදනී, වෛර කිරීමත් දෛවෝපගත වීමත් කෙබඳුදැයි කියා,
එසේ වූවත් මා සිහින ශූන්‍ය නොවේ,
මා සිහිය මෙන්.
ඇත මා හට හුදකලා පැය ගණන්
මා ආදරය වෛරයයි,
නොමිදුනු,
දැනීම මේ සිතුවිලි
මට මෙන් කෙබදුදැයි කියා
මා ඔබට දෝෂාරෝපනය කරමි.
තම කෝපය දෙස කිසිවෙක් නොබලා වි
මේ තරම් තදින්
මා ශෝකය හා වේදනාව කිසිවක් නොපෙන්විය හැකියි.
මා සිහින ශූන්‍ය නොවී
ඇත මා හට හුදකලා පැය....
මා අත මිටි කරනා විට
දිග හරින්න එය
මා කෝපවී පහර දීමට පෙර
මා හිනහෙන විට, කියන්න මට නපුරු දේ
මෝඩයෙක් සේ මා සැනසීමට පෙර
මා නපුරු දෙයක් ගිල දැමූ විට
ඔබ ඇඟිල්ල මා උගුරෙහි රුවන්න
මා වෙව්ලන විට , දෙන්න ඔබ බැලැන්කට්ටුව
උණුසුම් කරන්න මා, දෙන්න ඔබ කබාය.

(The Who ගායක කණ්ඩායමේ Who Are You, 1978 ඇල්බමයෙන්)

ආදරය වෙනුවට වෛරය ආදරය ලෙස සලකන මෙම ගීතය ඉතා උද්වේගකර, ගිණි ඇවිලෙන සුළු හා අරගලකාරී බවකින් යුක්තය. මෙම ගීතය තුලින් The Who මිනිසාගේ මතුපිට දෘෂ්‍යයට ඇතුලතින් ඇති වේදනාත්මක හුදකලාව හා වෛරය මතුපිටට ගෙනන අතරතුරේ ම මිනිස් විෂය තුල ඇති බලාපොරොත්තුව හා සිහින මරා නොදැමීමට වග බලා ගනී. තමා තුලම තමා පුපුරායෑම නිසා මනුෂ්‍ය විෂය මානව විරෝධීවීමට ප්‍රථම, තමාගෙන් බාහිර අනෙකාගේ මැදිහත් වීමේ අවශ්‍යතාවය ඉස්මතු කිරීමට තරම් මෙම ගීය බුද්ධිමත් ය. එමෙන්ම නපුර පිළිබදව ඇති ස්වයං සවිඥානවිකත්වය ද සියල්ල බිඳ වැටීමෙන් ගොඩනැගෙන ශූන්‍යභාවය හා මෝඩ තකතිරු බව තමා තුලම විනාශ කිරීමට ඇති ආශාවක් ද මෙම ගීතය ජනනය කරයි. තම ප්‍රේක්‍ෂකයා දෙසට මෙන්ම සමකාලීන සමාජයට ද දෝෂාරෝපණය කරන The Who තම ප්‍රේක්‍ෂකයා සතුටු කිරීමට, නිද්‍රාකරණය කිරීමට, ඔවුන් ස්වප්නමය මායා ලොවකට රැගෙන යනවා වෙනුවට මා 'ඔබට දෝෂාරෝපනය කරමි යි' කියමින් තම කෝපය හා බලාපොරොත්තු රහිත බව මහා සමාජය දෙසට විතැන් කරයි. The Rolling Stones, The Who මෙන්ම Velvet Underground යන 60 හා 70 දශකයේ කීර්තිමත් සියලු රොක් ගායක කණ්ඩායම් තම රසිකයින් ඔවුන් සමකාලීනව ගත කල මානසිකත්වයෙන් හා බුද්ධියෙන් ඔසවා තැබුවා විනා කිසිවිටක 'හුරතල්' කලේ නැත. මෙය බිට්ල්ස් හා අනෙකුත් රොක් කණ්ඩායම් අතර ඇති මූලිකම වෙනසකි.

Velvet තරම් දුරට නැතත් ඉහත කී ඉච්චාභංගත්ව‍යෙන් සිටි පරම්පරාවට සෘජූවම ගීත ගායනා කල රොක් සංගීතයේ ද උරුමකරුවන් බවට බොහෝ විචාරකයින් එකඟතාවයට පලකරන Rolling Stone ද ඉහත කී මත්ද්‍රව්‍ය ලිංගික අවකාශය හා බොහෝ කොටම අනන්‍ය වූ ගායක කණ්ඩායමකි. ඔවුන් විසින් ගායනා කළ Satisfaction ගීතය එම පරම්පරාවේ අතෘප්තිමත් බව හා කෝපය වීර කාව්‍යමය ආකාරයකින්, දැඩි දැවෙන සුළු බවකින් හා ප්‍රචන්ඩ ආකාරයකින් සමකාලීන රසිකයින්ට සම්ප්‍රේෂණය කිරීමට සමත් වූ ගීතයකි. රොක් සංගීතය හා ඉලෙක්ට්‍රොනික ගිටාරය සත්‍ය ලෙසම ඒකිනෙකට බද්ධ කෙලේ ඔවුන්ය. කොතරම් උත්සාහ කළ ද එම පරම්පරාව සමාජීය හා ආත්මීය තෘප්තිමත් බවෙන් ඈත්වීමත්, සියලු මනුෂ්‍ය සම්බන්ධතා බිඳවැටෙන සුළු බවකින් විෂයෙන් ඈත්වීමත්, ආදරය වෙනුවට වසඟය (seduction) තමා කරා පැමිණීමත්, නිෂ්පාදන අවකාශය තුල පරරෝපණකරණය මෙන්ම හුදකලාවත් සංයුක්තව ගත්විට එක් නමකින් හැඳින්විය හැකි ‘පරම්පරාමය ක්ෂිතිය’ (generational trauma) සැබැ ලෙසම නියෝජනය කළේ ඔව්හුය. ඔවුන් ගායනා කළ Paint it, Black, Get off of my Cloud, Dead Flowers, Under my Thumb, She's a Rainbow හා තවත් බොහො‍් ගීත අමරණීය මෙන්ම රොක් සංගීතයේ මූලිකම (fundamental) ගීත ලෙස හදුනා ගත හැකිය. බීට්ල්ස් සරල, සුගම සංගීත තනු ගායනා කරන අවදියේම Rolling Stone ඒම සංගීත විශේෂය තුලම වෙනස් ලොවක් නිර්මාණය කල බව කලින් සඳහන් කල ස්කැරුෆි නම් විචාරකයා පවසියි. මීට අමතරව කලින් සඳහන් කල ටවුන්ෂෙඩ් නම් විචාරකයා පවසන්නේ, ‘වාණිජ සාර්ථකත්වය හා ජනප්‍රියතාවය මත ඇති වූ හදිසියත්, ඇස ගිණිකරණා වැටීමත්, හිස තෝන්තු වීමත් නිසා 'බිට්ල්ස්' තම ආරෝහනයේදී තමා විසින් රැගෙන යා යුතුව තිබූ ලෝකය හා ඔවුන්ගේ පරම්පරාව අවාසනාවන්ත ආකාරයෙන් හැර දමා ගියේය. ඔවුන් විසින් වංචනික ලෙස හැරදමා ගිය තරුණයා වත්තම් කර ගත්තේ Stone විසිනි’ යනුවෙනි.

එම විචාරකයාම නැවත පවසන්නේ 'Jagger (The Rolling Stones හි ප්‍රධාන ගායකයා) ගෙන් පසු තරුණයාගේ විප්ලවීයත්වයට තව යායුතුව තිබුණේ කෙටි දුරක් බවත් ඔවුන් (The Rolling Stones) වංශවතුන්ගේ සුමුදු, සුවපහසු සංවේදනයන්ට හා ස්වයං ප්‍රීති ප්‍රකාශකත්වයට මරු පහරක් ඒල්ල කෙලේය' යනුවෙන්ය.

ඔවුන්ට වෙනස් කල යුතුව තිබුණේ දේශපාලනයවත්, අදහස් වත් නොව වටිනාකම්ය. ඔවුන් ප්‍රශ්න කළේ ඉංග්‍රීසි සමාජය විසින් අධිනිශ්චය කර තිබූ (over –determined) සිවිල් මිනිසා පිළිබඳ රූපකයයි. තම පරම්පරාවේ වටිනාකම් සම්බන්ධෙයන් Rolling Stone කල වෙනස 'දැවැන්ත වෙනසක්' (momentous shift) ලෙස අද දවසේ දී අප පසු ආවර්තිතව බලන කල පෙනී යයි. කෙස් වුව ද අද දවසේ ඔබ දකින යුරෝපීය තරුණයා Rolling Stone හි විප්ලවීය මැදිහත්වීමේ ප්‍රතිඵලයක් ලෙස ව්‍යුත්පන්න වූවකි. ඔවුන් සමාජ යටත්කරණය හා අනුරූපකරණය, ආයතනික සංස්ථාපනීකරණය තීරණාත්මක ලෙස ප්‍රශ්න කළ නමුත් එම උරුමය ඔවුන්ට පෙර සත්‍ය ලෙසම හිමිකර ගැනීමට ශක්‍යතාවය මෙන්ම අවකාශය තිබූ බිට්ල්ස්ට එය කිරීමට නොහැකි වූයේ ඔවුන් වාණිජ ප්‍රාග්ධනයට තමන් හැසිරවීමට කැමැත්තෙන් ම ඉඩ දී තිබීම නිසාවෙනි.
කෙසේ වුවද ඉහත සඳහන් කළ ගායක කණ්ඩාමේ ද මීට අමතරව Jefferson Airpalne හා Grateful Dead යන හිපි සංස්කෘතික අවකාශය හා ප්‍රති - සංස්කෘතික විරෝධාකල්පික අවකාශය සඳහා ගීත ගායනා කල ගායක කණ්ඩායම් ද වාණිජ අවකාශය තුල ගිලි යනු අපිට දැකගත හැකිය. Velvet හැර අනෙකුත් සියලු රොක් ගායකයින් විශාල ලෙස මුදල් ඒකරාශී කර ගනු අපට දැකගත හැකිය. Velvet පවා වාණිජ අවකාශය වෙත රැගෙන එන්නේ Andy Warhol විසිනි. රොක් සංගීතය තුල තිබූ විප්ලවීයත්වය සැබෑ ලෙසම පංති පරතරය අහෝසි කරන සුළු, පූර්ණ විප්ලවීය ගතිකයක් නොව වාණිජ ව්‍යාජ විප්ලවීයත්වයක් ද යන්න පිළිබඳව අපට කුකුස් උපදී. රොක් සංගීතයේ අවසානය දක්වා සමකාලීන රොක් ගායකයින් කොතරම් විප්ලවීය ජීව ගුණයකින් යුක්තව තම ගීත ගායනා කල ද ඔවුන් එම ගීත ගායනා කළේ තම පාරිභෝගකයින් හට මිස මිනිසුන්ට නොවේ. අද්‍යතන මිනිසා කවරෙක්ද (පොදුවේ මහජනයා) යන්න පිළිබඳව වඩා දාර්ශනික මානයක් බ්‍රෝද්‍රිලාද් අප වෙත ගෙන එයි.
"මහජනයා විසින් සියලු සමාජ ශක්තීන් තමා වෙතට උරාගන්නා නමුත් කිසිවක් ඔවුන් පරාවර්ථනය නොකරයි. ඔවුන් සෑම සංඥාවක්ම මෙන්ම සෑම අර්ථයක්ම අවශෝෂණය කරගනී, නමුත් කිසිවක් පරාවර්තනය නොකරයි. ඔවුන්ට ඉදිරිපත් කරන සෑම ප්‍රශ්නයකටම බහු අර්ථ ජනනය කරමින් චක්‍රිය, වෘත්තාකාර ප්‍රතිචාරයක් අප වෙත රැගෙන එයි".

රොක් සංගීතය තුලින් ජනනය කරන අර්ථ සමුදාය හා විරෝධය අප ඉහත සඳහන් කළ මහජන අවකාශය‍ට මුදා හැරිය ද ඔවුන් කෙරෙන් සමස්ත ක්‍රමය වෙනස් කිරීම සදහා වූ රැඩිකල්, විප්ලවීය ප්‍රතිචාරයක් පෙරළා ලබා දුන්නේ නැත. පාරිභෝජනය කළා මිස සමාජයක් ලෙස, රොක් සංගීතය විසින් විදාරණය කළ සමාජ වටිනාකම් සමඟ සුසංවාදී වෙමින් පූර්ණ විප්ලවයක් සදහා ජවසම්පන්න ලෙස නැගී සිටීමක් 60, 70 හා 80 දශකයේ යුරෝපීය සමාජ ව්‍යුහයක් විසින් නොකළේ ය. එසේ වූයේ බොහෝ විට බ්‍රෝද්‍රිලාද් කියන පරිදි ;
"සමාජය නොපවතී. පවතින මිනිසුන් ද නිෂ්ක්‍රීය කරනු ලැබ ඇත. ඔවුන් මනුෂ්‍ය හෝ දේශපාලන නාමයකට වඩා පාපන්දු තරඟයක් සදහා උද්යෝගී වෙයි. ඔවුන් සතුන් තරම් බිහිරිය. ඔවුන්ගේ නිශ්ෂබ්දතාවය සතුන්ගේ නිශ්ෂබ්දතාවයට සමානය. "

සමාජය පාරිභෝගික ධනවාදය විසින් නිශ්ශබ්ද කරණු ලැබ තිබේ. පොදු සමාජීය ක්‍රියාවන් (common social acts) තවදුරටත් වලංගු නොවන තැනක රොක් සංගීතය කුමන විප්ලවීය ගුණයකින් යුතු වුවත් එහි සංඥා පද්ධතිය සමාජය විසින් විනෝදය සඳහා පමණක් අර්ථ සම්පාදනය (mean) කර ගන්නේ නම් එම සංඥා පා‍රිභෝගික යථාර්තය තුල වැලලී යයි. රොක් විසින් අපට උගන්වන පාඩම එයද?

නිර්වචනීය ලෙස ගතහොත් රොක් සංගීතය හා එහි මූලික පරාමිතීන්, ආචාරවාදී පරාමිතීන් පසෙක ලූ විට, අවශ්‍යයෙන්ම මනෝ විද්‍යාත්මක පසුබිමක් සහිත ආඛ්‍යාන (psycho-narrations), සංස්ථා විරෝධී උපහාසය, දේශපාලන ප්‍රතිශෝධනය, මත්ද්‍රව්‍ය, ලිංගිකත්වය, සංස්ථා විරෝධිත්වය සහ‍ අනුරූපකරණ විරෝධීත්වය හා මරණය යන තේමා හා ව්‍යක්ත ලෙස සුසංවාදී වූ අතර සමකාලීන බොහෝ සංගීත කණ්ඩායම් 50, 60 හා 70 දශකයන් පුරාවට ඒම තේමා හා අනුගත වෙමින්, තම වානිජ සාර්ථකත්වය හා ජනප්‍රියත්වය පසෙක තබා තම ‍‍‍ ‍ඓතිහාසික වගකීම තම පරම්පරාව වෙනුවෙන් ඉටු කරමින් සිටිය ද බිට්ල්ස් මේ එකඳු සංරචකයකට හෝ සවිඥාණික හෝ සංවේදී නොවෙමින් වාණිජ ප්‍රාග්ධනයේ විනෝද අවකාශය තුල සැරිසරමින් සිටියේය. එම යුගයේ තේමාවන් ඔවුන් අතින් යම් දුරකින් හෝ නිරූපනය වූයේ අනෙක් ගායක කණ්ඩායම් ඒවා ස්වකීය ගායකයන් තුල ප්‍රතිස්ථාපනය කළාට පසුව එය අනුකරණය කිරීමක් (එය ද අසාර්ථක ලෙස) ලෙස ය. බිට්ල්ස් තම කළමණාකාරීත්වයේ සිරකරුවෙක් බවට පත්වීමට සිදු වූයේ තමාගේම කියා අනන්‍යතාවක් හෝ දක‍්ෂතාවක් නොතිබූ නිසාවෙනි.

මෙහිදී ශ්‍රේෂ්ඨ සංගීතකරුවන් ලෙස බිට්ල්ස් නාමකරණය නොකලද, බිට්ල්ස් හා ඇතැම් විට බීච් බොයිස් (Beach Boys) විසින් ජනනය කල රොක් සංගීතය සතු ඉහල වාණිජ සාර්ථකත්වය හා එනිසාම ලොව මිලියන ගණනක් තරුණ තරුණයින් එයට කල ආදරය විශ්වසනීය කිරීමටත්, පසුව වඩා බැරෑරුම් තේමා සහිත සංගීත කණ්ඩායම් ඇති කිරීමට එම තරුණයින් තුල ජනනය කල අභ්‍යන්තර ප්‍රේරනයත් ගත් කළ ඔවුන්ට හිමිවන ඓතිහාසික ගරුත්වය නොසලකා හැරීමක් මෙහි දී සිදු නොවූවත්, බිට්ල්ස් සැබෑ ලෙසම තමා ජීවත් වූ ලෝකයේ ඓන්ද්‍රිය ගැටළු හා තත්වයන් (conditions) හා නැඹුරුවීම් (හිපින්, ශිෂ්‍ය දේශපාලනය හා නව වාමාංශික වැනි) වලට සිය සංගීතය තුල නිශ්චිත අවකාශයක් ලබා නොදුන් එම නිසාම භෞතික ලෝකයෙන් වියුක්තව වාණිජ ස්වප්න ලෝකයක සැරිසරූවන් බවට මා මෙම ලිපියේ නිගමනයේ සඳහන් කොට තබමි. එම සැරිසරිමට අමතරව තමා නිර්මානය කල ගීත මධ්‍ය පන්තික තරුණ තරුණියන් තාවකාලිකව සනසාලන නිද්‍රාකරණයක් ලෙස භාවිත කලා විනා ‍‍ඓතිහාසිකව තම වගකීම ඉටුකිරිම වෙනුවෙන් කැප නොකලා පමණක් නොව සමකාලීන තරුණ පරපුර අත්විදි දුක්ඛදායක තත්වය ඇසීමට මැලිවු බුර්ෂුවා මධ්‍යම පන්තිකයන්ට ඇසීමට සුවපහසු යමක් තනා දී එය වෙළඳපලකරණයට ලක්කලවුවෝ ද බිට්ල්ස් ය.

1960 දශකයේ සොයා ගැනීම් හා බද්ධ වූ දේශපාලනික රැඩිකල් බව, අරගලකාරීත්වය, වාර්ගික ඡේදනය, ආතතිය, පරාරෝපනය කරණ කොට ගෙන වඩා විප්ලවිය ලෙස තරුණ පරම්පරාවන් සංයුක්ත අරගලකාරී මාවතකට රැගෙන ඒම පරක්කු කිරීමේ ඓතිහාසික කාර්යය දැනුවත්ව හෝ නොදැනුවත්ව බිට්ල්ස් අතින් සිදුවු අතර වාණිජ මිත්‍යාව ඉතිහාසය අවනිශ්චය කරන්නේ හා විකෘති කරන්නේ කෙසේද යන්නට පාඨ ග්‍රන්ථ උදාහරණයක් (text book example) සපයන්නේ කෙසේද යන්නත් බිට්ල්ස් හි සංගීත උරුමය විසින් අපට කියා දෙයි.

රොක් විශේෂය : එමෙන්ම සින්තසයිසරය, මෙලෙට්‍රොන්, පියානෝව හා ඉලෙක්ට්‍රොනික ඕගනය යොදා ගත් ජනප්‍රිය රොක් ආරවල් ද පවතී. රොක් සංගීතය තුල පාවිච්චි වන අනෙ‍කුත් භාණ්ඩ අතර බටනලාව, වයලීනය, බැන්ජෝ සහ ටිම්පනි ද වේ. රොක්හි මුලිකම ලක්‍ෂණය සොලිස් ඉලෙක්ට්‍රොනික, සෙලෝ ඉලෙක්ට්‍රොනික හෝ එකෝස්ටික් ගි‍ටාරය වටා ගොනු වූ බැක් බිට් (back beat) සම්ප්‍රදායයි. පියානෝව වයලීනය හා බටනලාව මෙන්ම සිතාරය අවම වශයෙන් පාවිච්චි කල රොක් සංගීතකරුවන් බොහෝ විට උත්සාහ කළේ තම සංස්කෘතික අනන්‍යතාවය අදාල රටෙහි සංස්කෘතිය සමඟ ගලපා ගැනීමටයි. අද්‍යතන ජනප්‍රිය සංගීතකරුවන් වූ Phil Collins හා Carlos Santana මේ පිළිබඳව හොඳ නිදර්ශනයකි. උදාහරණ ලෙස ඉන්දීය සංගීත භාණ්ඩයක් වන සිතාරය පාවිච්චි කිරීමෙන් ඉන්දීය සංගීත සම්ප්‍රදාය හා රොක් සංගීතය සුසංයෝජනයෙන් නව අනන්‍යතාවයක් ගොඩනඟා ගැනීම මෙහිදී ඉදිරිපත් කල හැකිය. (උදාහරන ලෙස Brain Jones ‍ගේ Paint it, Black යන ගීත). කෙසේ වුව ද රොක් සංගීතය 1940 හා 50 දශකවල ප්‍රධාන ධාරාවේ සංගීත ආරවල් වූ රොක් ඇන්ඩ් රොල් (Rock ‘n’ roll) සහ රොක්බිලි (Rockabilly) හි මුලාරම්භය වශයෙන් සැලකෙන බ්ලුස් (Blues), කන්ට්‍රි (Country) සහ අනෙකුත් ශෛලින්හි ව්‍යුත්පන්නයක් ලෙස සැලකේ.

ආශ්‍රිත මුලාශ්‍රයන් :

Prof. Mahesh Hapugoda - Re-contextualization of the Musical Role of the Velvet Underground
Adorno, Theodor - The Culture Industry
Jean Baudrillard, Jean The Consumer Society: Myth and Structures / System of Objects
Katherine Charlton - Rock Music Styles
Fredrick Engles, Frederick - Condition of the Working Class in England
Karl Marx and Friedrich Engles - Communist Manifestor
Edward. W Said - Culture and Imperialism
Piero Scaruffi (2003) History of Rock Music (1951- 2000) / History of Popular Music before Rock Music. / History of Jazz
David Townshed - Changing the World: Rock 'n' Roll Culture and Ideology
Leon Trotsky, Leon - The Living Thoughts of Karl Marx
Holly George Warren - The Rolling Stone Encyclopedia of Rock and Roll
Zygmunt Bauman - Work, Consumerism and the New Poor
www.Wikipedia.com
www.Youtube.com
www.Lyrics007.com
www.goodreaders.com
www.boondi.lk
www.history-of-rock.com
www.rocklibrary.com
www.rollingstone.com
www.scaruffi.com/history/cpt2.html
www.songmeanings.net
www.wayoflife.org
www.google.com
www.beatles.com
www.beatlesagain.com

ආචාර්්‍ය මහේෂ් හපුකොට මහතාගේ "Recontextualization of the revolutionariness of the Beatles" ලිපියේ සිංහල අනුවාදනය සංස්ශෝධන කර පළ කරන ලදී.
SUSL journal හි 2009 කලාපයේ මෙම ලිපිය පළ කර ඇත.

ලාකේය නුතන යාචක මාෆියාව හා සමාජ විෂමතාවය

noreply@blogger.com (~බිன்ku~) — Mon, 13 Jul 2009 19:16:00 +0000

පින්වත පින්වතිය අද දින වෙන්න සමා

කියනව මගේ දුක ඔහෙලට සිරස නමා
උරුම වෙන්න තිබුණේ මේ දුකම තමා
පිහිටක් වෙලා යනවද පින් පතමි මෙමා

(උපුටා ගැනීම. "යාචක සන්නිවේදනය" මෙත් ලාල් වීරසූරිය පිට 49)

70 දශකයේ විසූ යාචකයින් බස් රථයේ හෝ දුම්රියේ ගමන්ගන්නා මගීන්ගෙන් සහ මහමග ගමන් ගන්නා පුද්ගලයින්ගෙන් යම් මුදලක් ඉල්ලා ගැනීම සඳහා මෙවන් කවි ගායනා කිරීම පුරුදු පුහුණු වී සිටියහ. නමුත් වර්තමානයේ මෙවන් කවි ගායනා කිරීම විශාල වශයෙන් අඩුව ඇත. එහෙත් ඊට වඩා දියුණු සන්නිවේදන ක්‍රම භාවිතා කරමින් අද යාචක වෘත්තියේ යෙදෙන පිරිස තම ජීවිකාව සරිකර ගනිති.

මෙම නවීන ක්‍රම භාවිතා කරන යාචකයින් තමන් යාචකයින් යැයි හඳුන්වා ගැනීමට ද මැලිකමක් දක්වති. යාචක වෘත්තිය හුදෙකලා පුද්ගලයින් මෙන්ම සංවිධානාත්මක පිරිස් විසින් මෙහෙය වන බව අපි කවුරුත් දන්නා කරුණකි. යාචකයින් පිළිබඳ අගනා පර්යේෂණයක යෙදෙමින් "ශ්‍රී ලංකාවේ යාචකයා" නමින් ඉතා වටිනා ග්‍රන්ථයක් සම්පාදනය කළ මහාචාර්ය නන්දසේන රත්නපාල මහතා තම කෘතියේ මේ පිළිබඳව සවිස්තරාත්මකව කරුණු පෙන්වා දි ඇත. මෙත්ලාල් වීරසූරිය මහතා විසින් රචිත "යාචක සන්නිවේදනය" කෘතියේ ද මේ පිළිබඳව තොරතුරු රැසක් අනාවරණය කර ඇත.

මෙම ලිපිය ලිවීම සඳහා මා පෙළඹවූයේ මා ලැබූ අත්දැකීමක් නිමිතිකොට ගෙනයි. සැහැල්ලූවෙන් ආරම්භ කළ මෙම සොයා බැලීම නොසිතූ ලෙස ගැඹුරු අධ්‍යයනයක් බවට පත්වූයේ මා ද විශ්මයට පත්කරමිනි.

නෙත් සිත් පැහැරගන්නා රුව සහ කට

මීට මාස දහයකට පමණ පෙර එක් දිනක මා මගේ මිත්‍රයෙක් සමඟ මහරගම නගරයෙන් බසයකට ගොඩවූයේ පිටකොටුව බලා ගමන් කිරීම සඳහායි. අප පැමිණි බසය නුගේගොඩ ඉන්ධන පිරවුම්හල පසුකොට, ඊට තරමක් ඉදිරියෙන් ඇති පන්සල ඉදිරිපිට නතරකරවී ය. නැවත බස් රථය පිටත්වීමට මොහොතකට පෙර බස් රථයට ගොඩ වූයේත ලිපිගොනු රැසක් සුරතෙහි දරාගත්, හොඳින් හැඳ පැළඳ ගත්, කඩවසම් තරුණයෙකි. දුටු පළමු මොහොතේම ඔහු කෙරෙහි ආකර්ෂණය නොවන පුද්ගලයෙක් නොවේනම් ඔහු හෝ ඇය දෙනෙත් අඳ පුද්ගලයෙකු විය යුතුය. ඔහු එතරම් කඩවසම් තරුණයෙකි. බසයට ගොඩවූ ඔහු බස් රථයේ ඉදිරි අසුන් පෙළ අසල සිටගත්තේ මුළු බස් රථය ම තමන්ට පෙනෙන පරිදිය.

"ආදරණිය අම්මේ තාත්තේ, අක්කේ අයියේ, මොහොතකටවත් හිතන්න එපා මම හිඟන්නෙක් කියල. මම දැනට පුද්ගලික ආයතනයක කාර්යාල කාර්ය සහයකයෙක් ලෙස සේවය කරනවා. මට ජීවත්වීම සඳහා කිසි අපහසුවක් නෑ අම්මේ තාත්තේ. නමුත් මේ මොහොත වනවිට මගේ බිරිඳ (පෞද්ගලික රෝහලක නමක් පවසයි.) හැට තුන්වන වාට්ටුවේ ප්‍රතිකාර ගනිමින් සිටිනවා. ඇය සුව කිරීමට අපහසු සුසුම්නාවේ රෝගයකින් පෙළෙනවා. මෙම රෝගය සුව කිරීම සඳහා කල යුතු සැත්කමට ලක්ෂ පහක මුදලක් ඕන වෙනවා අම්මේ තාත්තේ, මට ලැබෙන වැටුපෙන් කවදාවත් මේ මුදල එකතු කරගන්න ලැබෙන්නේ නැහැ. අක්කේ , අයියේ. නමුත් අම්මේ තාත්තේ මට ජනාධිපති අරමුදලෙන් පනස්දාහක් ලැබෙනවා. මා සේවය කරන ආයතනයෙන් පනස්දාහක් ලැබෙනවා. ඒත් මම තව ලක්ෂ හතරක් හොයන්න ඕන. ඒ නිසයි අම්මේ තාත්තේ මම මේ විදියට බස් එකට නැගල ඔයාලට අතපාල කීයක් හරි ඉල්ලන්නේ. "

මෙම පුද්ගලයාගේ චතුර වාග් විලාසයත්, ඔහුගේ හැඟිම්බර ආයාචනයත් නිසා බස් රථයේ සිටි පිරිස අතරින් සියයට අසූවක් පමණ පිරිසකගෙන් එක් අයෙකුගෙන් ඔහුට අවම වශයෙන් රුපියල් දහයක්වත් ලැබුණි. මමත් මගේ මිත්‍රයාත් ඔහුට මුදල් දීම සඳහා නොපෙලඹුණි. ඒ, මෙය සංවිධානාත්මක පිරිසකගේ කාර්යයක් බව අප සැක සිතූ බැවිනි. බස් රථයේ සිටි කිසිවෙක් ඔහුගේ අනන්‍යතාව සෙවීමට නොපෙළඹුණි.

මෙම සිදුවීම මෙසේ සිදුවී මසක් පමණ ගතවූ පසු මා, මළ ගෙදරකට සහභාගී වීම සඳහා පානදුර සිට හොරණ දක්වා ගමන් කරන බස් රථයකට ගොඩවූයේ තවත් මිතුරන් තිදෙනෙකු සමඟිනි. ඒ මොහොතේ ද පෙර කී පුද්ගලයා මෙම බස් රථයට ගොඩවිය. අසල සිටි මිතුරාට මෙම පුද්ගලයා පිළිබඳ තොතුරු පැවසූ මා ඔහුට නිහඬව සිටින ලෙස පවසා මෙම පුද්ගලයාගේ දේශනාවට සවන් දුන්නෙමි.

මීට පෙර නුගේගොඩ දී පැවසූ දෙයට වඩා හාත්පසින් ම වෙනස් හේතුවක් පවසා මොහු බස් රථයේ සිටි මගීන්ගෙන් මුදල් එකතුකර ගත්තේ ය. අද මොහු පැවසුවේ තම දරුවාගේ හෘද සැත්කමක් සඳහා මුදල් එකතු කරන බවයි. මමත් මගේ මිත්‍රයාත් එදා සැක කළ කරුණු අද ප්‍රත්‍යක්ෂ වී ඇත. අප සිව්දෙනා එක්ව රහසේ කතිකා කරගත්තේ මෙම පුද්ගලයා බසයෙන් බැස ගිය පසු ඔහු හමුවීමට යි.

ඔහු බසයෙන් බසිනවාත් සමග ම අපි සිව් දෙනා ඔහු පසුපස ඇදෙන්නට වූවෙමු. ඔහු කඩිමුඩියේ රිංගා ගත්තේ අසල තිබූ රේස් ඔට්ටුපලට ය. අප සිතුවේ ඔහු පැමිණියේ රේස් ඔට්ටු ඇල්ලීමට කියා ය. එහෙත් සිදු සිදුවූයේ වෙනත් දෙයකි. එම ස්ථානයේ රේස් පත්‍රිකාවක් කියවමින් සිටි තරමක් හැඩි දැඩි සිරුරකින් හෙබි පුද්ගලයෙකු අසලට ගිය මෙම තරුණයා තමා බස් මගීන්ගෙන් එකතුකරගත් මුදල් සියල්ල එම පුද්ගලයා වෙත භාර දුන්නේ ය. මගේ සැකය තහවුරු වීම තවත් කඩිනම් විය.

එම ස්ථානයෙන් පිටවූ තරුණයා නැවතත් බස්නැවතුම්පළ දෙසට ගමන් කරන්නට විය. බස් නැවතුමට යාමට පෙර මම ඔහුට කතා කළෙමි.

"මල්ලි...මල්ලි...පොඩ්ඩක් ඔහොම ඉන්නවද?" අත්පුඩි ගසා ඔහුට අඬගැසූ විට ඔහු අප දෙස බැලූවේ තරමක කුතුහලයකිනි. එහෙත් ඔහු නතර විය.

"ඇයි දන්නෑ මට කතා කරේ?" මේවන විට අපි හතරදෙනා තරුණයා වටකොට සිටි බැවින් ඔහු තරමක් බියපත් වී ඇති බව අප වටහා ගත්හ.

"නෑ මල්ලි අපිට මේ... පොඩි කාරණයක් දැනගන්න." ඔහුගේ බියපත් බව තව තවත් උත්සන්න විය.

"ඔ...ඔය...ඔය මහත්තුරු කවුද? පොලීසියෙන් ද?" වෙව්ලන ස්වරයෙන් ඇසූ ඔහු අප වෙතින් පලා යාමට මෙන් වට පිට බලන්නට විය.

"නෑ...නෑ...මල්ලි...කලබල වෙන්න එපා. අපි පොලීසියෙන් නෙවෙයි. අපි පත්තරේකින්. ඔයා මොකද කලබල වෙන්නෙ?" මගේ මිතුරෙක් ඔහුගේ අතකින් අල්ලා තමා දෙසට හරවන අතර ඇසී ය.

"අනේ අයියෙ මගේ පිංතූරෙ නම් පත්තරේ දාන්න එපා. මම මේක කරන්නෙ කැමැත්තකින් නෙවෙයි." මමත් මුන්ට අහුවෙලයි ඉන්නෙ.

මෙම තරුණයාගේ ප්‍රකාශය තුළ යමක් සැඟවී ඇති බවත්, එය සුළුපටු කරුණක් නොවන බවත් තේරුම් ගැනීමට අපට අපහසු නොවී ය. ඔහුගේ බිය තුරන් කළ අපි, ඔහු සමඟ නගරයට තරමක් නුදුරින් පිහිටි ආපන ශාලාවට ගොඩවූනෙමු. දිවා ආහාරය ලබාගන්නා වෙලාව ආසන්න වුව ද අපි "ෂෝට් ඊට්ස්" ඇණවුම් කළෙමු. තේ පානය කරන අතරතුර තමන් පත්වී සිටින තත්ත්වය අප හට පැවසුවේ ඔහුගේ අනන්‍යතාව කිසි ලෙසකින්වත් හෙළි නොකරන බවට අප පොරොන්දු වූ පසුව ය.

මෙතැන් සිට ඔහුගේ කතාවට සවන් දෙමු.

ආදරයක් කළ හදියක්

මෙම තරුණයාගේ ගම්පියස වුණේ ගාල්ලෙ නාකියාදෙණිය. අපි ඔහු ප්‍රදීප් නමින් හඳුන්වමු. උසස් පෙළ සමත් වුව ද අවම ලකුණු මට්ටම සපුරා නොතිබූ බැවින් සරසවි වරම් අහිමි විය. තම තේ ඉඩමේ කටයුතුවල නියැලී සිටි ඔහු රැකියාවක් පිළිබඳ වැඩි අවධානයක් යොමු නොකළේ ය. ඔවුන් ප්‍රදේශයේ කුලවත් යැයි කියාගන්නා පරපුරකින් පැවත එන අතර අඩු කුලය යැයි සම්මත පිරිසක් ද එම ගම් පියසේ එක් කොටසක කල් ගෙවූහ. තම වත්තේ තේ දළු, තේ කර්මාන්ත ශාලාව වෙත රැගෙන යන අතරතුර හඳුනාගත් අඩු කුල තරුණියක් සමඟ ඔහු සබඳතාවක් ඇතිකර ගත්තේය. එහෙත් කුල මානයෙන් හිස උදුම්මාගත් වැඩිහිටියන් මෙම සම්බන්ධය නවතාලීම සඳහා නොයෙක් උපක්‍රම යෙදූහ. නමුත් ප්‍රදීප් ඒ සියලූ බාධක මගහැර තම හිතගත් තරුණිය සමඟ රහසේම ගමෙන් පිටවී කොළඹ සිටි තම හිතවතකුගේ මාර්ගයෙන් කුඩා කාමරයක් කුලියට ගෙන රානි සමඟ එහි පදිංචි විය. ප්‍රදීප් ආරක්ෂක නියාමක රැකියාවකට යොමු වූ අතර රානි රැකියාවකට යොමු නොවී ය.

කාලය ඉක්ම යාමත් සමඟම ප්‍රදීප් පිය පදවියත් රානි මව් පදවියත් දැරීමේ ලකුණු පහළ විය. එතැන් සිට ඔවුන්ගේ ජීවිතයේ ඒකායන පැතුම වූයේ ඉපදෙන්නට සිටින කිරිකැටියායි. නියමිත කාලයට වඩා පෙර රානි රෝහල්ගත කිරීමට සිදු වූ අතර දරු ප්‍රසූතියේ දී කිරිකැටියා ප්‍රදීප්ගෙ දෝතට දුන් රානි කිසිවෙක් නොසිතූ ලෙස මිය ගියාය. ප්‍රදීප්ට කරන්න තිබුණෙ ගමට යන එක විතරයි. එතැන් සිට මේ දරුවට අම්ම වුණේ දරුවගෙ ආච්චි. ඒ කියන්නෙ බිරිඳගෙ අම්ම. ඒවනවිට බිරිඳගෙ සහෝදර සහෝදරියො තුන්දෙනාම විවාහ වෙලා වෙනත් ප්‍රදේශවල පදිංචියට ගිහින් තිබුණා. හිතුවක්කාරයට කරගත්තු කසාදයක් නිසා ප්‍රදීප්ගෙ දෙමාපියො ප්‍රදීප්ව පවුලෙන් අයින් කරල තිබුණා. ඔහු මෙදාපාර රැකියාව විදියට තෝරගත්තෙ කුරුඳු තැලීම. ජීවත්වෙන්න පුළුවන් තරමෙ ආදායමක් ඒ රැකියාවෙන් ලැබුනත් දරුවට මාස හයක් වෙනකොට ඒ කුඩා දරුවගෙ නාසයෙ කුඩා ගැටයක් ඇවිත් දරුවාට ආශ්වාස ප්‍රශ්වාස කිරීමේ අපහසුතාවයක් ඇතිවුණා. එතැන් සිට මාස නමයක් දරුව කරාපිටිය රෝහලේ දැඩි සත්කාර ඒකකයෙ ප්‍රතිකාර ගත්ත. දරුවගෙ රෝගය පිළිබඳ කටයුතු කරපු වෛද්‍යවරය කිව්ව ලක්ෂ පහක් හොයා ගත්තොත් දරුවව නිට්ටාවටම සුව කරන්න පුළුවන් කියල. ඔහු දරුවගෙ රෝගී තත්ත්වය පිළිබද සම්පූර්ණ වෛද්‍ය වාර්තාවක් ප්‍රදීප්ට දුන්නා. ඔහු එතනින් නතරවුණේ නැහැ. පුවත්පතකට දාන්න දැන්වීමකුත් හදල දුන්නා. පුවත්පත් දැන්වීමෙන් පස්සෙ ඔහුගේ බැංකු ගිණුමට යම් මුදල් ප්‍රමාණයක් ලැබුණත් ඒ මුදල දරුවගෙ අසනීපය සුව කරන්න තරම් ප්‍රමාණවත් වුණේ නෑ. මේවන විට දරුවගෙ ජීවිතය පිළිබඳ විශාල අවදානමක් තිබුණ නිසා ප්‍රදීප් හිටියෙ සෑහෙන්න හිත් අමාරුවෙන්.

ඔය අතරතුර අර වෛද්‍යවරය ප්‍රදීප්ට එක්තරා පුද්ගලයෙක් හඳුන්වා දුන්නා. වෛදවරයා කිව්වෙ එම පුද්ගලයා කියන විදියට වැඩ කරන්න කියලා. එවිට දරුවගෙ ජිවිතය බේරගන්න පුළුවන් වන බව වෛද්‍යවරයා පැවසුවා. ඔවුන්ගෙ යෝජනාව වුණේ සියලූ වෛද්‍ය වාර්තා අරගෙන ගමින් ගමට ගොස් ආධාර එකතු කරන්න. ඒත් ඒ වෙනුවෙන් වෙන් කරන්න තරම් කාලයක් ප්‍රදීප්ට ඉතුරු වුණේ නෑ. ඒ සඳහා ඔවුන්ම යෝජනාවක් ඉදිරිපත් කළා.

"නෑ නෑ මල්ලි. ඔයා මහන්සි වෙන්න ඕන නෑ. ඔයා ඔයාගෙ වැඩ ටික කරගෙන යන්න. අපි ඒ වැඩේ කරල දෙන්නම්. එකතුවෙන මුදලෙන් 60ක් අපිට දෙන්න. ඉතිරි මුදල් ඔයාගෙ දරුවගෙ වැඩේට යොදවන්න."

තමන් මුහුණපාලා ඉන්න තත්ත්වය අනුව වෙන කළ යුතු දෙයක් නැති නිසා ප්‍රදීප් ඒ වැඩේට කැමති වුණා. ඒ පුද්ගලය සති තුනක් ඇතුළත ප්‍රදීප් ට වුවමනා මුදල ඔහුගේ අතට ගෙනත් දුන්න. මුදල් හෙව්වෙ කොහොමද කියන එක ප්‍රදීප් ට හොයන්න වුවමනා වුණේ නෑ. ලංකාවෙ සුප්‍රසිද්ධ පෞද්ගලික රෝහලක දරුවගෙ ශෛල්‍යකර්මය කළා. ඒත් අවාසනාවක මහත ශෛල්‍යකර්මයෙන් සති දෙකකට පස්සෙ දරුව මිය ගියා.

දරුව මිය ගියාට පස්සෙ ප්‍රදීප් පිස්සෙක් වගේ තැන් තැන්වල ඉබාගාතෙ ඇවිදින්න පටන් ගත්තා. දවසක් ගාල්ලෙදි ප්‍රදීප්ට කෙනෙක්ව මුණ ගැහුණා. ඒ අර සල්ලි හොයල දීපු පුද්ගලය. ඔහු ප්‍රදීප්ව තමන්ගෙ තැනට අරගෙන ගියා. ටික දවසකින් ප්‍රදීප් සාමාන්‍ය තත්ත්වයට වුණා. එදා ඉඳල ප්‍රදීප් මේ විදියට මුදල් එකතු කළා. ලැබෙන ආදායමෙන් 30ක් ප්‍රදීප් ට ලැබුණා. සමහර අවස්ථාවලදි මිය ගිය ළමයින්ගෙ සහ වැඩිහිටියන්ගෙ තොරතුරු ජනතාවට ඉදිරිපත් කරලත් මුදල් එකතු කරා. එම මුදල්වලින් 50ක කොටසක් ප්‍රදීප් ට ලැබුණා. බොහෝ වෙලාවට ඒ අවස්ථාව ලැබෙන්නෙ ප්‍රධානිය එදිනෙදා තෝරන අනුපිළිවෙළට යි.

මේ විදියට මුදල් එකතු කරන්නේ ප්‍රදීප් පමණක්ම නොවේ. මෙම සංවිධානය වෙනත් පුද්ගලයින් ද යොදවා දිවයිනේ විවධ ප්‍රදේශ තුළ විවිධාකාරයේ උපක්‍රම භාවිතා කරමින් මුදල් එක්රැස් කරති. මෙය මත් ද්‍රව්‍ය ව්‍යාපාරය තරම් ම සංවිධාන ගත වූවකි. ප්‍රදීප් ගෙන් ලබා ගත් තොරතුරු මත මෙම මුදල් එකතු කරන්නන් පිටුපස ඇති සංවිධාන ජාලය පිළිබඳ තවත් වැදගත් තොරතුරු රැසක් සොයා ගැනීමට හැකි විය. මෙම සංවිධානය මගින් රජයේ සහ පෞද්ගලික රෝහල් තුළද තම නියෝජිතයින් යොදවා ඇත. විවිධ රෝගාබාධ සඳහා ප්‍රතිකාර ගැනීමට පැමිණෙන සෑම රෝගියෙක් පිළිබඳවම තොරතුරු මෙම සංවිධානය අතට පත්වන්නට ගතවන්නේ පැය හතලිස් අටක් පමණි. මොවුන්ගේ සංවිධාන ජාලයේ සූක්ෂම බව මින් මනාවට පැහැදිලි වේ. මේ සඳහා රෝහල් කාර්ය මණ්ඩලයේ අයගෙන් මෙන්ම, සෘජුවම වෛද්‍යවරුන්ගෙන්ද තොරතුරු ලබා ගන්නා අවස්ථා ඇත. එහෙත් මෙම සංවිධානය වඩාත් උත්සාහ කරණුයේ වෛද්‍යවරයාට රහසේ මෙම තොරතුරු එක්රැස් කිරීමටය. ඒ වෛද්‍යවරයා වෙත ගෙවිය යුතු මුදල ද තම බැංකු ගිණුම වෙත බැර කර ගැනීමේ පරමාර්ථයෙනි.

අතරමං වූ දේශපාලන සගයා

මෙම සංවිධානයේ බස්නාහිර පළාත භාරව කටයුතු කරන පුද්ගලයා හමුවීමේ අවස්ථාව ද මට ලැබිණි. ඔහුගේ මූලස්ථානය පිහිටා ඇත්තේ කොළඹ නගරයට ආසන්න නගරයක ය. කොන්දේසි ගණනාවකට යටත්ව ඔහු මා හා කතා බහක යෙදෙන්නට එකඟ විය. මෙතැන් සිට ඔහුව අනිල් නමින් හඳුන්වමු.

මම :– මට මුලින් ම කියන්න ඔබ කොහොමද මේ වගේ නීති විරෝධී කටයුත්තකට සම්බන්ධ වුණේ?

අනිල් :– අන්න...අන්න...මහත්තයා පටන්ගන්නකොට ම වැඩේ දෙල් කරන්නනේ හදන්නෙ. මේක නීති විරෝධී වැඩක් නොවෙයි කියන පදනමේ ඉඳල කතා කරනවනම් තමයි වඩා හොඳ.

මම :– හරි... හරි... මම ඒක ඉල්ලා අස්කර ගන්නම්කො.

අනිල් :– හරි එහෙනම් අපි පටන් ගමු. මගේ ගම ඇල්පිටියෙ. 87–89 කාලෙ අපිට තිබුණ උණට තමයි අපි ජේවීපී එකට බැඳුණෙ. එහෙම නැතුව මොනම හෝ දේශපාලන දැනුමක් තිබුණෙ නැහැ. දවසක් අපි හතර දෙනෙක් විරුද්ධවාදියෙකුගෙ ගෙදරට ගියේ ඒගොල්ලන් ව බය කරන්න. නමුත් අපේ අයගෙ අතින් පොඩි මිස්ටේක් එකක් වෙලා ඒ ගේ ගිනි ගත්ත. ඒ ගෙදර හිටිය ඇවිදින්න බැරි මනුස්සයෙක්. ඒ මනුස්සයව පිච්චෙන්න දීල බලන් ඉන්න තරම් ගල් හිතක් මට තිබුණෙ නෑ. මම ගේ ඇතුළට පැනල මනුස්සයව එළියට අරගෙන ආව. නමුත් මාව පිච්චුණා. මේ බලන්න. මේ තියෙන්නෙ ඒ ලකුණු තමයි. (ඔහු තම කමිසය ගලවා ඔහුගේ පිට පෙදෙස මා වෙත පෙන්වයි. පිට පෙදස සම්පූර්ණයෙන් ම පිච්චී ඇති බව දැකගන්නට ලැබුණි.)

මම :– ඉතිං එදා ඔයා නොමැරී බේරුණේ කොහොමද?

අනිල් :– ඒක ලොකු කතාවක්. එදා මම ජීවිතය බේර ගත්තත්, මගේ ගෙදර අය හතර දෙනෙක්ම හමුදාවෙන් මරල දැම්ම. ගෙදර අය මැරෙන්න කලින් එයාල මට බෙහෙත් කරේ කැලේ තියාගෙන. අන්තිමේදි මගේ තුවාල පැසවන්න ගත්ත. මම කැලෑ පාරෙන් නගරයට ඇවිත් හිගා කන්න පටන් ගත්ත. නමුත් මට එහෙම ඉන්න ලැබුණෙ දවස් දෙකයි. කව්දෝ කට්ටියක් මාව අරගෙන ගියා. ගියේ කොහේද කියලවත් මම දන්නෙ නෑ. මම ජීවිතය ගැන තියන ආශාව අත්හැරිය.

මම :– ඒත් ඔබ තාම ජිවතුන් අතර?

අනිල් :– ඔව්. මාව අරගෙන ඇවිත් තිබුණෙ හමුදාවෙන් නෙවෙයි. මේ සංවිධානයෙන්. එදා ඉඳල අවුරුදු තුනක් යනකම් මම කුරුනෑගල නගරයෙ හිඟා කෑව. මට යම් මුදලක් හම්බ වූණා. ඒ අතරෙ මම සංවිධානයට හොරෙන් තැන් තැන්වල හංගල සල්ලි ටිකක් එකතු කරගෙන එතනින් පැනල ආව.

මම :– ඒ ඇවිල්ලත් ඔයා නැවත මේ රස්සාවම තෝර ගත්ත.

අනිල් :– නෑ. මම නැවත ගියා පක්ෂයෙ අයව හම්බ වෙන්න. ඒත් ඒ එක්කෙනෙක්වත් මට කිසිම උදව්වක් කරන්න ඉදිරිපත් වුණේ නෑ. පස්සෙ මම නැවත හිඟා කන්න පටන් ගත්ත. හැබැයි ඉස්සර විදියට නෙවෙයි. අලූත් විදියකට.

ඔහුගේ මෙම ප්‍රකාශයෙන් පසුව මෙම ව්‍යාපාරය පිළිබඳ සාමාන්‍ය ජනතාව නොදන්නා විස්තර විශාල ප්‍රමාණයක් අනාවරණය විය. මෙම සංවිධානය බූවල්ලෙක් වැනි ය. සමාජයේ විවිධ අතවරයන්ට, අසාධාරණයන්ට, කොන්කිරීම්වලට සහ පසුබෑම්වලට ලක් වූ පුද්ගලයන් සංවිධානය විසින් තම ග්‍රහණයට හසු කරගෙන ඇත.

මේවන විට මෙම සංවිධානය ඉතාමත් සැලසුම් සහගත ලෙස මෙම ව්‍යාපාරය මෙහෙයවනු ලබයි. සංවිධානය තුළ ධනාත්මක වැඩ පිළිවෙලක් ද දක්නට ඇත. මත් කුඩුවලට ඇබ්බැහි වී විනාශ වීමට ගිය තරුණ ජීවිත පවා ඉන් මුදවා ගත් අවස්ථා ද ඇත. මේ පුද්ගලයා එවන් අයෙකි.

සමාජ විරෝධීත්වය සහ සුභ සාධනය

"මම මත් කුඩුවලට තදින් ම ඇබ්බැහි වෙලා හිටියෙ. දවසක් මම බස් එකෙන් බහින ගමන් ගෑනු කෙනෙකුගෙ චේන් එකක් කඩාගෙන දිව්ව. ඒ ගෑනු කෙනා කෑ ගැහුවට කව්රුවත් ආවෙ නෑ. නමුත් බස් එකේ හිටපු ටිකක් උස මහත කෙනෙක් මගේ පස්සෙන් එලවගෙන ඇවිත් මාව අල්ල ගත්ත. ඊට පස්සෙ මිනිස්සු මට වටකරල ගහන්න හදනකොට මාව අල්ල ගත්තු කෙනා කිව්ව එයා පොලීසියෙ කියල. පස්සෙ කව්රුවත් ගැහුවෙ නෑ. එයා මාව ත්‍රීවිල් එකක දාගෙන අරගෙන ගියා. හැබැයි පොලීසියට නෙවෙයි. දැන් මම විවාහකයි. මට කියල නිශ්චිත රැකියාවක් නෑ. එදිනෙදා වැඩ බෙදෙන විදියට තමයි වැඩ කරන්නෙ."

මොහු එදා අසු වී ඇත්තේ මෙම සංවිධානය විසින් යොදවන ලද ඔත්තුකරුවෙකුට ය. ඔවුන් යොදවා ඇත්තේ ප්‍රදේශයට අලූතෙන් එකතුවෙන හිඟන්නන් සොයා බැලීම සඳහා යි. ඒ ඒ ප්‍රදේශවල සාමාජිකයින්ගේ හැසිරීම නිරික්ෂණය කිරීම ද මොවුන්ගේ රාජකාරිවලට අයත් වේ. සංවිධානය විසින් එවැනි පුද්ගලයන් ගණනාවක් විවධ නගරවල යොදවා ඇත. තම සංවිධානයේ සාමාජියෙක් හට යම් කරදරයක් අතවරයක් සිදු වුවහොත් මොවුන් ක්ෂණිකවම ඒ වෙනුවෙන් මැදිහත් වේ. පසුගිය වසරේ පෙබරවාරි 2 වන දින දඹුල්ලේ පුපුරා ගිය බස් බෝම්බයෙන් මෙම සංවිධානයේ සාමාජිකයෙක් මිය ගොස් ඇති අතර ඔහු වෙනුවෙන් සංවිධානය රුපියල් 50,000ක මුදලක් මිය ගිය අයගේ යැපෙන්නන් වෙත පිරිනමා ඇත.

සංවිධානය වෙත තොරතුරු සැපයීම, ලබාගත් තොරතුරු අනුව අදාල පුද්ගලයින් මුණ ගැසීම, ඒ ඒ පුද්ගලයින්ගේ අවශ්‍යතාව අනුව විවිධාකාර ක්‍රමවේදයන් සැකසීම, එම ක්‍රමවේදයන් සඳහා පිරිස් පුහුණු කිරීම, ඔවුන් විසින් භාවිතා කළ යුතු ලියකියවිලි සකස් කිරිම, ඒ ඒ අවස්ථාවන්හි දී මිනිසුන් ආමන්ත්‍රණය කරන වාග් මාලාවන් සැකසීම, ඒවා ඉදිරිපත් කරන ආකාරය පිළිබඳ පුහුණු කිරිම, සහ නවක පුද්ගලයින් සංවිධානය වෙත බඳවා ගැනිම ආදී සියල්ල සිදුවන්නේ ඉතාමත් නිවැරදි සැලැස්මක් අනුවය. ඒ සඳහා නිසි පුහුණුවක් ලැබූ පුද්ගලයින් සංවිධානය තුළ වැටුපට සේවය කරති. ඔවුන්ගේ වැටුප් ඉහළ අගයක පවතී. නමුත් ඔවුන් දැඩි කොන්දේසි මාලාවකට යටත් විය යුතුය. තමන් වෙත ලැබෙන වැටුප පිළිබඳ සෑහීමකට පත්වන මොවුන් එම කොන්දේසි අකුරට ම පිළිපදී. තම තමන්ගේ හැකියාවන් අනුව සුදුසු රැකියාවන් මෙම සංවිධානය විසින් සපයනු ලබයි.

රෝගාතුර පුද්ගලයින් සඳහා ආධාර මුදල් එකතු කිරීමේ ජාවාරම මෙම සංවිධානයේ ප්‍රධාන ආදායම් මාර්ගය යි. මේ සඳහා දිවයිනේ ප්‍රසිද්ධ විශේෂඥ වෛද්‍යවරුන්ගේ සහය නීත්‍යානුකූල මෙන් ම නීතිවිරෝධී ලෙස ලබාගන්නා අවස්ථා ද ඇත. රෝගියාගේ පාර්ශවයෙන් වෛද්‍යවරයා ලවා නීත්‍යානුකූල ලියවිලි සකසා ගන්නේ ජනාධිපති අරමුදලින් යම් ආධාරයක් ලබාගැනීම සහ මහජන ආධාර ලබා ගැනීම සඳහා ය. එහෙත් එම ලියවිලි පිටස්තර පුද්ගලයින් අතට පත්වන්නේ කෙසේද? මේ සඳහා මෙම සංවිධානය විසින් රජයේ සහ පෞද්ගලික රෝහල් තුළ තම තැරැව්කරුවන් යොදවා ඇත. සමහර අවස්ථාවන්හි දී මිය ගිය රෝගීන් සඳහා ද ආධාර මුදල් එකතු කරනු ලැබේ. මේ අවස්ථාවේ දී ලැබෙන මුදලින් 50ක් ම ඒ සඳහා යොදවන පුද්ගලයින් වෙත ලබාදේ. වෛද්‍යවරුන්ගේ නිල මුද්‍රාව සහ නිල අත්සන ව්‍යාජ ලෙස යොදාගන්නා අවස්ථාද ඇත. එම ලියවිලි සොරකම් කොට මෙම සංවිධානය වෙත අලෙවි කරනු ලබන පුද්ගලයෙකු ගෙන් මේ පිළිබඳ විමසීමෙදී ඔහු පවසා සිටියේ, මසකට ලක්ෂ හතරක් ද ඉක්ම වූ වැටුපක් ලබාගන්නා විශේෂඥ වෛද්‍යවරුන් පවා මෙම ජාවාරමට තොරතුරු සපයන්නේ නම්, ඔවුන් වැනි සුළු සේවකයින් එසේ කිරීම වරදක් නොවන බවයි.

"වැටත් නියරත් ගොයම් කා නම් කාට කියම් ද මේ අවනඩුව"

60 දශකයේ සිට 90 දශකය දක්වා වු කාලය තුළ ද මෙරට යාචක වෘත්තිය මෙහෙය වනු ලැබූයේ ඒ සඳහා සංවිධාන ගත වූ පිරිසක් විසිනි. එදා යාචකයින්ගේ සන්නිවේදන ක්‍රම මෙතරම් දියුනු තත්ත්වයක නොපැවතිනි. ඒ සඳහා ඔවුන් භාවිතා කරනු ලැබූයේ කට පාඩමෙන් ගායනා කළ හැකි ලෙස පුරුදු පුහුණු වූ කවි, විරිඳු සහ ගීත වැනි දෑය.

අනේ පිංවතුනි මා දෙස බලන්න
පින නැහැ මෙමට ඔය හැඩ රුව දකින්න
මගෙ අඹු දරුවන්ගෙ කුස ගිනි නිවන්න
ඔබ සැම දෙනගෙ ආධාරය මට දෙන්න

මෙවැනි කවි ගායනා වත්මන් යාචකයින් භාවිතා නොකරයි. මොවුන් මෙහෙයවනු ලබන සංවිධානය විසින් අදට ඔබින සන්නිවේදන ක්‍රම මොවුන් වෙත සපයයි. අන්ධයින්, කොරුන්, ආබාධිතයින්, පිලිස්සුම් තුවාල ලැබූවන් සහ විවිධ ශාරීරික ආබාධයන්ට ලක්වූවන් යොදවා ගනිමින් මුදල් රැස්කරන්නන් ඉහත සඳහන් සංවිධානය විසින් පාලනය නොකරයි. ඔවුන් විසින් කරනු ලබන්නේ කලින් සඳහන් කළ ආකාරයේ ආධාර රැස්කිරීම ය.

පිනට දහමට නැඹුරු මිනිසුන් පව්කාරයාට සහය දැක්වීම

මා හඳුනන උසස් පොලිස් නිලධාරියකුගෙන් මේ පිළිබඳව විමසූ විට ඔහු පවසා සිටියේ,

"මේ වෙනකොට රටේ විවිධ පුද්ගලයන්, කණ්ඩායම් සහ සංවිධාන විවිධාකාරයේ වංචාකාරී ක්‍රියාවල නිරතවෙනව. ඒකට වගකිව යුත්තෙ ඒ පුද්ගලයින් පමණක් නෙවෙයි. මේ සමාජ ක්‍රමය විසින් එවැනි සංවිධාන බිහිවීමට අවශ්‍ය පසුබිම සකස් කරල තියනව. මේක එක රැයකින් විසඳන්න පුළුවන් ප්‍රශ්නයකුත් නෙවෙයි. "

"එතකොට ඔබතුමා කියන්නෙ මේ ජාවාරම්කාරයන්ට කැමති පරිදි ක්‍රියාකරන්න ඉඩ දීල නිඬව ඉන්න එක හරි කියල ද? "

"නෑ නෑ. මම අදහස් කරන්නෙ එහෙම දෙයක්නෙවෙයි. දැන් බලන්න ඔයා ඔය කියපු විදියෙ සිද්ධියක් ගැන කව්රුවත් පැමිණිල්ලක් කරල තියනවද? නෑ. යම් ආධාරයක් ඉල්ලන පුද්ගලයෙක්, එහෙම නැත්නම් යාචකයෙක් අපිට ඕන ඕන විදියට අත්අඩංගුවට ගන්න බෑ. මුලින්ම ඔහුට හෝ ඇයට විරුද්ධව ලිඛිත හෝ වාචික පැමිණිල්ලක් කරන්න ඕන. ඊට පස්සසෙ ඔවුන්ගෙ වංචාකාරී බව ඔප්පු කරන්න පුළුවන් සාක්ෂි තියෙන්න ඕන. ඊට පස්සෙ තමයි අපිට පුළුවන් වෙන්නෙ ඔවුන්ට විරුද්ධව නීතිමය ක්‍රියා මාර්ගයක් ගන්න. විශේෂයෙන්ම අපිට මහජනතාවගෙ සහයෝගය නැතුව මේ ක්‍රියාවන්ට එරෙහිව යම් පියවරක් ගන්න අපහසුයි.

"හොඳයි. එහෙනම් ඔබතුමාට කියන්න පුළුවන්ද මේ වෙනුවෙන් ජනතාව විසින් කළ යුත්තේ කුමක් ද කියලා?"

"මෙහෙමයි අපි කව්රුත් බෞද්ධයො හැටියට පිනට දහමට ලැදියිනෙ. ඒක නිසා කව්රුහරි පින් තකා මොනව හරි ඉල්ලූවම කිසි දෙයක් හොයන්නෙ බලන්නෙ නැතුව ඔහේ දීල දානව. එහෙම කරන්න එපා. යම් රෝගියෙකුට ආධාරයක් ඉල්ලන්න පිරිසක් හරි පුද්ගලයෙක් හරි එනවනම්, ඔවුන්ගෙන් ප්‍රශ්න කරන්න. මොකද ඒ සඳහා ඔබට අයිතියක් තියනව. එහෙම ප්‍රශ්න කරල ඒවට නිසියාකාරයෙන් පිළිතුරු දෙන්න ඔවුන්ට බැරි වුණොත් මුදල් දෙන්න එපා. ඒ විතරක් නෙවෙයි ඔවුන් පිළිබඳ ළඟම තියන පොලීසියකට හරි ඔබට මුලින්ම මුණ ගැහෙන පොලිස් නිලධාරියෙකුට කියන්න. හැබැයි තමන් නීතිය අතට අරගෙන ඔවුන්ට පහර දෙන්න එහෙම නැත්නම් ඔවුන්ගෙ දේපලවලට හානි කරන්න යන්න එපා."

"මහත්මය, අපිට ලැබුණ ආරංචිවලට අනුව ඔය බස්රථ තුළ ගීත, එහෙමත් නැත්නම් විරිඳු ගායනා කරන සමහර පුද්ගලයොත් මේකට හවුල්. මේ ගැන ඔබේ අදහස."

"මම කලින් කිව්වෙ ඒකයි. මේක සමාජ ප්‍රශ්නයක්. වංචාකාර ආකාරයෙන් මුදල් හොයනවට වැඩිය තමන්ගෙ යම් හැකියාවක් ඉදිරිපත් කරල මුදලක් හොයාගන්න එක සාධාරණයි කියලයි මගේ පුද්ගලික මතය. මොකද සුපර් ස්ටාර්ස්ල කරන්නෙත් තම හැකියාවන් ඉදිරිපත්කරල ජනප්‍රිය වෙන එකනෙ. එයාල එයාලගෙ හැකියාවන් විකුණන්නෙ නැද්ද? ඒ හැකියාවෙන් දැවැන්ත ව්‍යාපාරිකයො කෝටි ගණන් මුදල් හොයන්නෙ නැද්ද? එහෙම නෙවෙයි අපි නීතිය පැත්තෙන් ම විතරක් හිතන්න නරකයි. නමුත් අර ඔයා කියපු විදියට මිය ගිය පුද්ගලයින් පවා අළෙවි කරමින් මිනිස්සුන්ගෙ මුදල් ගසා කන අයට අනිවාර්යයෙන් නීතිය ක්‍රියාත්මක වෙන්න ඕන. ඒකට ජනතාවගෙ සහයෝගය අනිවාර්යයෙන් ම අපිට ලැබෙන්න ඕන."

"සමහර බස් රියදුරන් ඒවගේම බස් කොන්දස්තරවරුන් මේ පුද්ගලයින්ට සහයෝගය දක්වනව කියලත් යම් යම් චෝදනා තියනව. ඒ ගැන ඔබතුමාට මොනව හරි කියන්න පුලූවන් ද?"

"බස් කොන්දොස්තරවරුන් කියන්නෙ නිතරම විවිධ චෝදනාවලට ලක්වෙන පිරිසක්නෙ. සමහරවිට ඔබ කියන කාරණෙත් ඇත්තක් තියෙන්න පුළුවන්. ඒ වුනාට අපි මෙහෙම හිතුවොත්. යම් ආධාරයක් ඉල්ලන්න හරි ගීතයක් විරිදුවක් ගායනා කරන්න වගේ දේකට බස්රථයට ගොඩවෙන පුද්ගලයෙකුට කොන්දොස්තර බැනල එලව ගත්තොත් ඒකත් කොන්දොස්තරවරයට මගීන්ගෙන් බැනුම් අහන්නවෙන කාරණයක් වෙන්න බැරිද? අන්න ඒකයි. මිනිස්සුන්ගෙ අදහස් විවිධාකාරයි. ඔබ කියපු විදියට මෙතරම් සූක්ෂම ලෙස සංවිධානය වුණ පිරිසකට රියදුරා සහ කොන්දොස්තර තමන් වෙත නතු කර ගැනීම පහසු දෙයක් වෙන්න පුළුවන්. හැබැයි රියදුරාගෙයි කොන්දොස්තරවරයගෙයි වගකීමක් තමයි මගීන්ට කරදරයකින් තොරව ගමන් කිරීමට ඉඩ සලසා දීම."

විෂම සමාජ ක්‍රමයක් කේන්ද්‍රීය වුණ සමාජයක පරිධියේ ක්‍රියාකාරීත්වය පාරිශුද්ධ වූ දෙයක් ලෙස පවතී යැයි විශ්වාස කිරීමට නොහැක. එහෙත් වත්මනෙහි ජිවන බරින් මිරිකී සිටින මිනිසුන්ගේ මුදල් පසුම්බියේ ඇති සොච්චම් මුදල ද සූරාගන්නා මෙවැනි පිරිස් පිළිබඳව ජනතාව මීට වඩා අවදියෙන් සිටිය යුතුබව අමුතුවෙන් කිව යුතු නැත. මින් ඉදිරියට හෝ මෙවන් පුද්ගලයන් හෝ කණ්ඩායම් තමන් අබියසට පැමිණි මොහොතේ දී මින් පෙර මෙන් "පින්" තකා යමක් දීමට පෙර දෙවරක් සිතන මෙන් ඉල්ලා සිටිමු.

ලංකා ඊ නිව්ස්හි විශේෂ ලියුම්කරුවෙකු විසින් පළ කරන ලඳ මෙම ලිපිය ඔස්සේ සමාජය ගැන කියවීමක්ද කරන බැවින් කොදෙව්ව තුලින්ද පල කළ අතර ඒ තුලින් සමාජයේම පිඩීත තත්වයන්හි පෙරෙලන අපද රවටමින් කරන්නාවු මේ ජවාරම තුලින් පිඩීත කොටසක්ට කරන්නා වු සේවාවද මත්ද්‍රව්‍ය වලින් මුදවාගැනීමට කරන බවක් කියන සේවාද නිසා යහපතක් වුවත් වංචාව හා මියැදුණු/ බරපතල රෝගීන්ගේ නාමයන් අවසරැතිව / අනවරයෙන් කරන්නවු ක්‍රියා පිළිවෙත නිසා අනුමත කළ යුතුද? මෙහි විසදුමක් සඳහා අපේ සමාජයේම විශ්මතාවයට ඔබට කළ හැක්කේ කුමක්ද?

ලිපියේ අත්තර්ගතයේ අයිතිය ලංකා ඊ නිව්ස් සතුය.

ලිෂාන්ගේ "අන් සතු (මා) රුව" හා ලෝ දහම

noreply@blogger.com (~බිன்ku~) — Wed, 08 Jul 2009 20:06:00 +0000

මම විඳිමි ඈ රුව
පෙනෙන ලෙස තඹරුව
බිඟු ඇසින්
කරන ලෙද බලකලත් සිතුවිලි
ඇය හටම
කරන ලෙද ආලය හද තුලින්
කෙසේ කරමිද
ආලය වෙන කෙනෙකුට නතු වූ හදවතින්

නෙළුම් මල දිහා බඹරෙකු බැලුවත් එයට වසා පැණි බීවත් එය ඔහුගේ නොවෙයි, ඒ මල වැදු ජල නිම්නයටත් සදා අයිති විය නොවිය හැකියි. මන්ද එය කෙනෙකු නෙලා ගනු ඇති බැවිනි, ඉක්බිඳිව වුවද ඔහු මලට සුවදැති පැන් ඉස සරසා තවකෙකුට විකුණයි. මිලදී ගත් ඒ තැනැත්තා එය පන්සලට* පුදයි. නමුතු ඒ නෙළුම් මල කාලරූපීව පරවී බුදු ගෙදර සුවඳවත් කර රෑපයෙන් අලංකාරමත් කර පරවී කෙඩෑර වී යයි. ලෝ දහම එසේ නොවේද? මේ සංසාරේ පුරා දුකාත්මය හා සතුටාත්මක අතර දෝලන වෙමින් ප්‍රේමීය බව වියෝමීය බව අතර සැරී සරන්නට ඔබටත් මටත් සිදූ වනූ ඇති. ඔබ කුමක් කෙනෙක් වුවද, කුමන නීලයක කෙනෙකු වුවද කෙනෙකුට කොතරම් පෙම් කලද වැලපුණද එයයි යථාර්තය. ඔබට ඔබේම කියා කෙනෙකු ඔබට නැත්තේය, ඒ හුදෙක් ඔබේ කියා මවා ගැනීමකි.

*(මට මෙහීදි මැවෙන්නේ දළඳා මාලිගාවයි, මන්ද මාගේ කළුදුල් ඒ ප්‍රේමයේදීද මුලින් එතැන ගොස් නෙළුමක් පුදා පිරිත් නුලකින් ඈගේ අත සැරසු බැවිනි)

ලීෂාන්ගේ බ්ලොග් රෝල තුලින් සිතට මැව් වැකි පෙලක් ඔබ ඉඳිරියේ තබන්නට අවසර! ( වෙනත් නිදැස් කවි තුලින් මනෝකාමය අදහස් දැන්වුවත් නලීන්ගේ සඳ මුහුණ ගැන ලිව්ම හැරෙන්න තවම මට ලියන්නට බැරි විය. ඇතැම් නිර්මාණ තුලින් අදහස් දැන්වුවද ඒවා මෙහීලා සඳහන් කරන්නට බැරි වීම කණගාටු වෙමින් අදින් කොදෙව්වේද ඉඩ වෙන් කරමි. මා තව තවත් පෙරට වඩා අනුරාගී අකුරු පණගන්වමින් කලාව හුදෙකලා නොකර අත්වැල් බැද ගනිමි. මිනිස් සිතකට ස්පර්ශ කරන්නට සමත් විද්‍යාවෙන් පෝෂිත වන්නේද කලාවයි, නවීන විද්‍යාව තුලින් නැසී පූනරුත්තාපාන වෙමින් ලෝකය සරස්වයි. ( මේ ගැන යම් දිනෙක යම් ආකාරයක ඉදිරිපත් කරන්නට අවසර! )

ඩෝසන් ඔහුගේ ටැක්සියේද ලීෂාන්ගේ බිඟු ඇස කැටුව ගියේ මෙසේයි.

සීමන්ගේ A-ටූ-Z කෙරුවාව!

noreply@blogger.com (~බිன்ku~) — Mon, 29 Jun 2009 23:49:00 +0000

A මිනිහා අදත් Bලා නේද?
Cමන් අයියා ඔහොමම තමයි, ඩෝසරේට Dසල් ගහනවා වගේ තමයි බොන්න ගියාම, Eයේත් හොඳටම බීලා ආවේ, ඒයාගේ අයියා නම් හොඳ වැදගත් සල්ලිකාරයා. Fගනිස්තානේට ගල්කටස් විකුනණවා, මේකා Gවි‍තේ නිකං අපරාදේ කාලකන්නි කරගන්නවා.
Hච්චර හොඳ පරම්පරාවක මිනිහෙක්නේ
Iයියෝ කියලා වැඩක් නෑ, Jන් අක්කාටත් එපා වෙලා බැරිම තමයි දමලා යන්න ගියේ, Kළමක් කියනවා කියලා තුන් හිතකින් හිතන්නවත් එපා Lලෙන්න වැලේ වැල් නැතිව මිනිහා ඉන්නකොට තමයි දුක හිතිලා Mමා නෝන සීන් එකට Nටර් වුණේ. කෝ, Oවා මිනිහාට ගාණක්වත් නැහැ. Pටරයා රෑට රෑට රිගනවා කියලා කවුදෝ Qව්වාම "කමක් නෑ ඩෝ උගේ Rතිකේ ශක්තිමත්, මට ඊයෙත් බාගයක් අරං දුන්නා" කිව්වාලු, දැන් S පෙනීමත් හොඳටම අඩුයි, හන්දියේ කඩේ T මේකා ජොබ් එක කරන කාලේ Uත් කලබ් එකේ කොල්ලන්ට හොරෙන් Vවා හදලා දීලාත් මාට්ටු උනා, එක දවසක් නිවාඩු අරගෙන දවස් දෙකක් නෑවිත් ලිව් ඩබල් කරන නිසා ඒ දවස්වල මිනිහාට කිව්වේ W සීමන් කියලා. දොස්තර උන්නැහේ X රේ එකක් අරං කිව්වාලු මෙහෙම කේස් එකක් Yද්‍යා ඉතිහාසේමවත් නැතුව ඇති කියලා.
කරුමක්කාරයා! ඔය යන්නේ පාර පුරා Zග් සැග් වෙවී!

Assignments අස්සේ

noreply@blogger.com (~බිன்ku~) — Tue, 16 Jun 2009 19:22:00 +0000

අපේ සමහරක් බිලෝග්කරුවන් කාලයක් බිලෝග් පෝසට් එකක් ලියන්න බැරි වෙලා නැවත ලියන්න ගන්නකොට කියන්නේ "Assginements and Exams වල" හිර වෙලා හිටියා, ඒ හින්දා වෙලාවක් නැති වුණා කියලානේ. (කියන්නේ ඒ හින්දාම නෙමේ කියන එක වෙනම කතාවක්. එක්කෝ අන්තිම තත්පරයේ මැරිගෙන යන්න යන්නේ ( මාත් එහෙම නැත්තේම නෑ වෙලාවක, හික්ස් )). ඕකට හොඳ හෑල්ලක් තියෙනවා මෙන්න:

http://www.youtube.com/watch?v=BpWM0FNPZSs
Video Description: This is my senior project at Savannah College of Art and Design. Where my idea comes from is that every time when I am busy, I feel that I am not fighting with my works, I am fighting with those post-it notes and deadline. I manipulating the post-it notes to do pixel-like stop motion and there are some interactions between real actor and post-its.

මේකේ ඉතිං අවුලක් තියෙනවා Facebook එකයි Twitter එකයි අඩු එක. කොහොම වුණත් හොඳ කට්ටක් කාලා හඳපු එකක් මේක.

මේ කාට හරි උපන්දින සුභ පැතුමක් කරන්න ඔනේ නම් ඔන්න ප්ලෑනයක් තියෙනවා. මේ විඩියෝ එක යවන්න.

ප.ලි.: අපේ නම් මේ වගේ නිර්මාණශිලිත්වය තියෙන එව්වා අඩුයි, නැත්ත්නම් වෙනස් ආකාරයේ ඒවාත් ඊට වඩා අඩුයි එක්ක. එවැනි දෑ කරන්නට පෙළඹනවා අඩු ඇයි?

අනේ යකෝ! Sri Lankan Cricket Fans' party never stops at The cricket

noreply@blogger.com (~බිன்ku~) — Wed, 10 Jun 2009 02:46:00 +0000

ක්‍රිකට් යන නාමය ඇසුණත් කරමින් සිටින කාර්‍යන් ගසා දමා දුවන ලංකීකයන් අප අතර බෙහෙවින් සිටින අතර ඉන් ඇතැමෙක් ලංකාවේ ක්‍රිකට් තරඟයක් පැවැත්වන විට යෑමට අමතක නො කරයි ( මෙම ලියුම්කරුගේ පාසල් සමයේදිද එවැනි 'ක්‍රිකට වන්දනා' ගමන් නොවරදවා සිදු වු අතර ඉන් දෙතුනකටද ඔහු සහභාගි වි ඇත.). එහිදී ක්‍රිකට් වන්දනාකරුවන් රස විදමින් තරගාවලිය නැරඹිම, ඔර්ල්සවන් දීම වැනි ක්‍රියා වලට එහා ගිය රසවත් සිදුවීම් වලින් බහුල වෙයි. (අමිහිරි සිදුවිම් නැතුවා නොවේ) මෙම වීඩියෝ රාමුව එවැනි රස සිදුවීම් කිහිපයකුත් කැමරාවට අසුවන ලෝලියන්ගේද ක්‍රිඩකයන්ගේද ක්‍රියා දැකීමෙන් අපුර්තවයක් එක් කරන අතර විදේශිකයන්ද ලංකීක ක්‍රිකට් කණඩායමට ප්‍රිය කරනු දැකීම මඳ ආඩම්බරයකුත් දැනෙයි.

http://www.youtube.com/watch?v=khnjHhr_cis
Video Description:
මෙම විඩියෝ රාමුව 2008දී ආර්.ප්‍රේමදාස ක්‍රිඩාගණයේදී ලංකාව හා ඉන්දියාව අතර පැවැති තරගාවලියේදී අතරමඟ ඇඳ හැලුණු වර්ෂාවක් හෙතුවෙන් කල්දැමු විටදී එම කාලය තුළ රූපවාහිනී තීර තුලින් නරඹන අයට විනෝද වීම සඳහා විසින් අවස්ථාවක් දුන් අතර එහි මිහිරි මතකයන්ගෙන් කිහිපයකුයි මේ.

As seen on the giant screen at the R. Premadasa Stadium in year of 2008, A bevy of beauties swayed to live music from an impromptu brass band, the beer flowed, and a good time was had by all. People love seeing themselves on television. The cameras panned across the ground and that only sent the fans into a tizzy. Girls batted their eyelids, feigned beauty-pageant waves, high-fived each other; men and boys broke into dance; others showed off tee shirts with graffiti; some covered their faces momentarily before getting up to do something funny; and one elderly lady in a sari even did her own take on the Funky Chicken. Others mingled around at the Keels kiosk, munching on pizza or fish rolls, sipping beer, even as the rain dripped down and they dodged big puddles. Snack vendors went through the bleachers, serving soft drinks and hot dogs with a smile.

Unlike the Indian team, who had returned to their hotel, the Sri Lankan players sat around on the balcony, lapping up the festive mood. That only added to the crowd's vigor. When Jade Roberts, Sri Lanka's physiotherapist, tried to dodge the big screen the crowd started chanting for him to come back, and he sheepishly grinned. Cue hysteria from the ladies. Paul Farbrace, the assistant coach, wasn't as obliging, but did get a kick out of seeing himself on the screen.

The highlight, however, was when one sharp cameraman panned in on Lasith Malinga in the stands. The crowd went berserk as Malinga flashed his hundred-watt smile and waved back, and when his Sri Lankan team-mates on the dressing room balcony saw him, they engaged themselves in a bit of banter, communicated via the giant screen.

ජාති හා ආගම් විවිධත්වයෙන් යුත් නමුත් භේද දුරුලා රටක් වෙනුවෙන් තරඟ වදින ලංකා ක්‍රිකට් කණ්ඩායමට T20 තර්ගාවලියේදී ජයගෝස නවන්නට සුභාසිරි පතමු.

පොස්ටරය රාමචන්ද්‍රගේ අඩවියෙනි.

මහීෂ ප්‍රශ්ණය

noreply@blogger.com (~බිன்ku~) — Sat, 30 May 2009 05:26:00 +0000

රන්න වෙල්යායේ කන්න කියලා දෙයක් ඉතිරිවෙලා තිබුණේ නැහැ. කේඩෑරී වෙලා ගිය කෙසෙල් පඳුරක් නියර කෙලවරේ තිබුණා. ඒකත් පෑවිල්ලටම පරඩැල් වෙලා.

මමත්, අම්මාත්, තාත්තාත් ඉබාගාතේ උලාකමින් ගියා කෙසෙල් පඳුර ලඟට. කට තෙමෙන්න වතුර බිඳක් බීපු කාලයක් මතකත් නෑ. තාත්තා කෙසෙල් ගහේ පිති එකින් එක පහලට ඇද්දා. යාන්තමට කොලපාට කොලයක් දෙකක් තිබුණා. අමු කොලවල වතුර ගතිය හින්දා අපේ තිබහ නිව්වා. අම්මා පසෙකට වෙලා බලා හිටියේ මම තිබහ නිවා ගන්න තුරු වෙන්න ඕන. තාත්තා කෙසෙල් ගහ පෙරලලා කඳ පලන්න ගත්තා. අම්මාත්, තාත්තාත් මමත් කෙහෙල් බොඩේ කෑවේ මාස ගණනකින් වතුර ටිකක් බිව්වා වගේ. කෙහෙල් බොඩේ දිය සීරාව මැකිලා තිබුණෙ නැහැ.

වෙනදා අපි රන්න වැඩ ඉස්මත්තේ කැලෑ උලා කාලා තිබහ නිවාගන්න වැවට බහිනවා. ඇති තරම් වෙලා වතුරේ ඉඳලා අපි තුන්දෙනා ගොඩට එන්නේ. ඒත් අද වැව් පිටියම යකා නැටුව බිමක් වගේ. හතර අතට ඉරි තලලා - පැලිලා වතුර පොදක් තියා මඩ සීරාවක්වත් නෑ.

දවසක් හැන්දෑවේ අපි වතුරෙ බැහැලා ඉන්න කොට අම්මා කතාවක් කිව්වා. ඒ කතාවේ මාතෘකාව "අම්මාට තාත්තා හමුවුණ හැටි."

අම්මා කතාව කියන්න පටන් ගන්න කොටම තාත්තා හයියෙන් හිනාවෙලා....

"පුතා..........ට කියන්න හොඳ කතාවක්ම තමා." කියලා අම්මා දිහා ආදරෙන් බැලුවා. අම්මට ලැජ්ජා හිතුනා කියලා මට හිතුනේ. මොකද අම්මා ඔය විදිහට බලන්නේ බොහොම කලාතුරකින්. අම්මා වලිගය හෙමිහිට කරකවලා තාත්තාගේ පිටේ වදින්න පහරක් ගැහුවා. "මම හිනාවුණා" තාත්තාත් අම්මත් දෙන්නම හිනාවුණා.

"‍අම්මේ අර කතාව කියන්නකෝ..." මම කිව්වා.

අම්මා ආයෙමත් තාත්තා දිහා බලලා "හ්ම්" කිව්වා.

පුතේ, ඒ කාලේ උඹලගේ තාත්තා ගජ ඉලන්දාරියා. ඒ වගේම හැඩකාරයා මේ අහල පහල ගම් පහත හිටියේ නෑ ඔය වගේ රූප ලස්සන තිබුණ කෙනෙක්.

බලන්න එපායැ අටවක හ!දවගේ අං දෙක දිලිසෙනවා මුණේ තේජස;

කවුරුත් කෙලින් මුණ බලන්නේ නැහැ. ඇඟපත තෙල් බේරෙනවා...

ඒ වගේම චන්ඩියා

දැන් නම් උපාසකයා වගේ නේද පුතේ.... අම්මා කිව්වා.

මම "හ්ම්." කිව්වා.

අම්මා ආයෙත් කතාව කියන්න පටන් ගත්තා.

"‍ඒ කාලේ අපේ අය බොහොම හිටියා අද වගේ නොවෙයි. අපි සේරම හැන්දෑවට වැව් පිටියට එනවා. ඇති තරම් වෙලා වැවේ නානවා. අව්ව තපිනවා; කාගෙවත් කිසි කරදරයක් තිබුණේ නැහැ දැන් වගේ."

"දවසක් මමත්, මගේ නංගිත්, මල්ලිත් එක්ක හැන්දෑවේ වැව් පිටියට ආවා."

මගේ නංගීත් ඒ කාලේ හරිම හැඩකාරි.

"නංගි කිව්වේ අම්මේ කළු පුංචි ද...?" මම ඇහුවා. ඔව්, ඔව් පුතේ.... කලු පුංචි තමයි. අම්මා කිව්වා. ඉතින් පුතේ නංගිත්, මල්ලිත්....

"අම්මේ... මල්ලි කිව්වේ අර මම පුංචිම පුංචි කාලේ ලොරිකාරයෙක් ඕනෑකමින්ම ඇගේ හප්පලා කකුල කැඩුන රතුමාමද...?" "ඔව්, ඔව් පුතේ රතු මාමා තමයි." මට රතුමාමා ගැන හරිම දුකයි. කකුල කඩලා දෙපෝයක් යන්න ඇති. කකුල කඩපු ලොරි කාරයාම දවසක් රෑ රාත්‍රියේ කඹයක් දලා බැඳලා රතු මාමාව ලොරියේ පටවාගෙන යනවා වල්ග කොටා දැකලා තියෙනවා.

ඌ මොනවා කරන්නද මහ හයියෙන් කෑගැහුවලු කවුරුවත් අහල පහල ඒ ජාමේ ඉඳලා නෑ.

රතුමාමාට.... දුවන්න බැරි හින්දා. තමයි ලොරි කාරයාට අහුවෙන්න ඇත්තේ..... නේද අම්මේ "හ්ම්"

අම්මාගේ ඇහෙන් කඳුලක් වැටුනා. මම ටික වේලාවක් නිශ්ශබ්දව අම්මා දිහා බලා හිටියා. අම්මාගේ සිත ඈතට ඈතට පාවෙලා යනවා කියලා මම හිතුවේ.

"‍ඉතින් අම්මේ...."

අම්මා සුසුමක් හෙලලා ආයෙමත් කතාව කියන්න පටන් ගත්තා.

"‍ඉතින් පුතේ....." වැව් පිටියේ අපි ඉන්න කොට කළු පුංචිට කෝලිත්තන් කොරන්න ආවා එකෙක්.... වලිගය ගහනවා.... මුණට.... පිඹිනවා.... ඇගේ හැප්පෙනවා.ම

රතු මාමා පොඩි එකා ඌට යමක් තේරෙන එකෙක් නෙවෙයි. ඌ හිතුවේ සෙල්ලමට වෙන්න ඇති කියලා. "මම මහ හයියෙන් කෑගැහුවා."

එතකොට උඹලගේ තාත්තා එතැනට ආවා. මා දිහා බැලුවා. මම බිම බලා ගත්තා. ඉඳලා හිටලා වැව් පිටියේ දි උඹලගේ තාත්තා මා දිහා හොරැහින් බලනවා මට මතකයි. ඒත් කෙලින්ම මුණ දිහා බැලුවේ එදා. කළු පුංචි ලඟ හිටියා නාම්බා උඹලගේ තාත්තා.... ට පිම්බා. මං දැන ගත්තා මහ සෝලියක් වෙන වග. ඒත් මම කට පියාගෙන හිටියා. නාම්බා දෙවෙනි පාරටත් පිම්බා උඹලගේ තාත්තා.... ට

උඹලගේ තාත්තා පැන්න ගමන් නාම්බගේ කිරිජ්ජපල්ලට ඇන්නා. නාම්බා මොර දීගෙන වැව්පිටිය ඉස්මත්තටම දුවගෙන ගියා. ඊට පස්සෙ කළු පුංචි බයෙන් වගේ මගේ ලඟට තුරුල් වුණා.

උඹ බයවෙන්න එපා, උඹලට කරදරයක් වෙන්න මම ඉඩ තියන්නෙ නැහැ..... කියලා උඹලගේ තාත්තා කිව්ුවා.

එහෙම කියන කොට උඹලගේ තාත්තගේ මුහුණේ තිබුණේ මහා තේජස් පෙනුමක්. ටික වේලාවකට පස්සෙ උඹලගේ තාත්තා අපි ලඟින් ඈතට ගියා. තවත් එක වචනයක්වත් කතා නොකර පෙනෙන නොපෙනෙන දුරින් ලැගලා අපි දිහා වරින් වරේ බැලුවා.

"නෑ..... නෑ...... පුතේ......"

"‍උඹලගේ අම්මා මා දිහා දිගටම බලාගෙන හිටියා, තාත්තා මැද්දට පැනලා කිව්වාම අම්මගේ මුණ රතුවුණා."

ඔය විදිහට හැමදාම හැන්දෑවට උඹලගේ තාත්තා වැව් පිටියේ දී අපි දිහා බලලා යන්න යනවා.

කළු පුංචි වලිග කොටා එක්ක පෑහුනාට පස්සේ මං තනිවුණා.

දවසක් වැවේ වතුර බොන කොට කවුදෝ මගේ පස්සෙන් ඉන්නවා වගේ දැනුනා. මම ගැස්සිලා හැරිලා බැලුවා.

"මොකද බය වුණාද.....? වතුර බීලා ඉවරද....?" කියලා උඹලගේ තාත්තා ඇහුවා.

මම වැව ඉස්මත්තේ කුඹුක් ගහ ගාවට ගියා. උඹලගේ තාත්තා හෙමිහිට මගෙ පස්සෙන් ආවා.

"මම මේ.... යමක් කියන්න.... හිතාන හිටියේ. කලබල වෙන්න එපා. අකමැතිනම් මෙහෙම දෙයක් මම ඇහුවේ නැහැ කියලා හිතාගන්න.. මම ගැන... වැරදියට හිතන්න එපා. තනිවෙලා ඉන්න නිසයි අහන්නේ... ඔහේ කාටවත් බහදීලා තියනවද...?" උඹලගේ තාත්තා ඇහුවා. මට උත්තරයක් දෙන්න තරම් ආත්ම ශක්තියක් තිබුණේ නැහැ උඹලගේ තාත්තා ඉදිරියේ. ඒ ප්‍රශ්නයම ආයෙත් ඇහුවා. "මම නිශ්ශබ්දව ඔළුවා වැනුවා."

"එහෙම නැත්නම්...." මට මනාප නම් කියන්න උඹලගේ තාත්තා කිවුවා. ඒ හඬේ මහා පුදුම ආදරයක් ගිලිලා තිබුණා. මම බිම බලාන හිටියා.

පහු වෙනිදා උඹලගේ තාත්තා කුඹුක් ගහ යටට එයි කියලා මම බලන් හිටියා. මම හිතුවා වගේම තාත්තා ආවා. මම වචනයක්වත් කිවුවේ නැහැ. ඒත් තාත්තා තේරුම් ගත්තා මම කැමති බව.

එදා ඉඳලා අද මේ මොහොත වනතුරුම උඹලගේ තාත්තා මට දේව දූතයෙක් වගේ. මගේ දුක සැප බෙදා ගන්නවා. මාව තනිකරලා කොහේවත් යන්නේ නැහැ. උඹ මගේ බඩට ආපු දවසේ ඉඳලා උඹලගේ තාත්තා මට හැම රැකවරණයක්ම දුන්නා. උම ඉපදුන දවසේ මහා වැස්ස. උඹලගේ තාත්තා මාවත් උඹවත් බඩ යටට කරගෙන වැස්සෙන් ආරක්‍ෂා කරපු හැටි මට මතක් වෙනවා. අම්මගේ කටහ' වෙනස් වුණා. මම අම්මා දිහා බැලුවා ඇහෙන් කඳුලක් වැටුණා.

මම තාත්තා දිහා බැලුවා. තාත්තා අතීතයට ගිහිල්ලා.... ඈත කුඹුකේ දිහා බලා ඉන්නවා තාත්තාගේ නහය දිගේ කඳුලක් බේරිලා බිමට වැටුණා. සතුටු කඳුලක් වෙන්නැති.

ඔන්න ඔහොම තමයි පුතේ තාත්තා අම්මට මුණ ගැහුනේ, අම්මාගේ හඬ වෙනස් වෙලා බොහෝම සතුටෙන්, මුණ පුරාම හිනාව පැතිරුණා. තාත්තා හෙමින් පස්සාගාතය අම්මගේ අත ලඟට ගෙනාවා.

"කතන්දරේ හොඳද...?" තාත්තා ඇහුවා හරි ෂෝක් මම කිව්වා.

මගේ පුතාත් තාත්තා වගේ හැදෙන්න ඕන...... අම්මා කිව්වා.

තාත්තා කල්පනාවක..... මට පුදුමේ අපේ අය වේගයෙන් වඳ වෙලා යන එක ගැන.... තාත්තා කිව්වා.

වඳ වෙනවා කිව්වෙ...? අම්මා තාත්තා දිහා බැලුවා.

"‍ඊයේ හිටපු නාම්බෝ පස් දෙනේ අද නෑ. ගිය සුමානේ තුන්දෙනෙක් ඊට ඉස්සරවෙලා වලිග කොටා.... ආගිය අතක් නෑ. මොකද්ද මේ නස්පැත්තිය.

මහ කැලේ ගියාවද්ද...? අම්මා කිව්වා. නෑ.... නෑ, එහෙම වෙන්න බැහැ. මහ කැලේ ගියානම් දවසයි....... දෙකයි....... වෙන මොකක් හරි නස්පැත්තියක්ම තමයි. තාත්තා කිව්වා.

තාත්තේ ලොරි කාරයෙක්වත් අල්ල ගත්තද...? රතු මාමා අල්ල ගත්ත වගේ."

මම මේ නොකියා හිටියේ පුතේ..... මටත් සැක එහෙම තමයි. තාත්තා ආයෙමත් කල්පනාවට වැටුණා.

මම හිතන් ඉන්නේ රාත්‍රියට කතරගම් පාරේ මුරකරන්න යන්න තාත්තා කිවුවා.

අනේ.......... ඔහේ විතරක් යන්න එපා. යන්නම ඕනනම් තව නාම්බෝ කීපදෙනෙක් කතා කරගෙන වැව් බැම්මේ පැත්කක් මුරකොරගෙන ඉන්න. එතැනින් පහලට නොවේ ලොරිකාරයොත් වැඩියෙන්ම යන්නේ...... අම්මා කිව්වා. "හොඳයි බලමු" තාත්තා කිව්වේ තීරණාත්මක ස්වරයකින්.

එදා හැන්දෑවේ තාත්තා සහ තවත් කීපදෙනෙක් වැව් බැම්මේ පැත්තක මුරට ගියා. අම්මා දෙගොඩ හරි යාමයක් වනතුරු නිදි නැතිව වරින් වර වමාරා කෑවා. මට නම් වරින් වරේ නින්ද ගියා. පසුවදා උදෙන්ම තාත්තා ඇවිත් මට කතා කරන කොටයි ඇහැරුණේ.

තාත්තේ, ඊයේ රෑ මොකද වුණේ....? මම ඇහුවා.

දෙගොඩහරි ජාමේ ලොරිකාරයෝ දෙන්නෙක් වැව් බැම්ම අද්දර ලොරි නවත්තලා බලාන හිටියා.

අම්මා කතාව අහගන්න තවත් ලං වුණා.

එක මිනිහෙකුගේ අතේ දිග කඹ හතරක්, පහක් තිබුණා. අනෙකා අතේ දිග පොල්ලක් තිබුණා. ඒකෙ කෙලවර යකඩ උලක් තිබුණා. සරම කැහැපොට ගහලා ඔළුවේ ලේන්සුවක් බැඳලා හිටපු මිනිහා කියපු දේවලින්.... දැන් මට තේරෙනවා අපේ එවුන්ට වෙලා තියෙන නස්පැත්තිය.

ඒකා කිව්වා, හාජි අයියා, අද කොහොම හරි දෙන්නෙක්වත් දාගමු. හෙට උදේට මහියංගනයෙ දි බාමු. බඩු විකිණෙයි පටස්ගාලා. ෂල්ලි තමා එතකොට එහෙම කියලා මහ හයියෙන් හිනාවුණා. එතකොට අනෙක් මිනිහා කිව්වා "නුවරින් පැන ගන්න එක තමා අමාරු." කියලා.

හරි හරි කෝට් බෑයට ජරාවක් දෙමු. එතකොට ෂරි කියලා......

හත්දෙයියනේ කියලා අම්මා ඔළුව බිම ඇන ගත්තා. එහෙනම් වලිග කොටාටත් වෙන්න ඇත්තේ ඕකම තමා.

ඊයේ රෑ කවුරුවත් වැව් බැම්ම පැත්තට ගියේ නැහැ. කල්වේලා ඇතිව අපි කිව්වා හැමෝටම වැව් ඉස්මත්තට යන්න කියලා.

මමත් කලුවෙත් කුඹුකෙට මුවාවෙලා මේ කතාව අහගෙන හිටියේ.... තාත්තා කිවුවා.

ඊට පස්සෙ හැමදාම රාත්‍රියේ තාත්තා නාම්බෝ එකා, දෙන්නා එක්ක වැව් බැම්ම අද්දර මුරට යනවා. අපේ අයට පාර හරහා යන්න එපා කියලා වැව් පිටියට එලවනවා. තාත්තා මේ රාජකාරිය පටන් ගත්තේ අපේ සනුහරේ රකින්න. නමුත් අම්මා හැමදාම බයේ හිටියේ. හැම රාත්‍රියකටම අම්මා වැව අද්දරින් ලොරියක් යන කොට කන් දෙක ඒ දිහාවට හරවා ගෙන අහගෙන ඉන්නවා. ඒක අම්මගේ පුරුද්දක් බවට පත්වුණා ටික දවසක් යනකොට.

දවසක් රාත්‍රියේ තාත්තා මහ හයියෙන් කෑ ගැහුවා. අම්මා කෑ ගහගෙන වැව අද්දර බැම්ම දිහාවට දිව්වා. මමත් අම්මගේ පස්සෙන් දිව්වා.

"හත්දෙයියනේ.... මේ මොන අපරාධයක්ද....?" අම්මා විලාප දුන්නා. තාත්තා සමඟ නාම්බෝ තුන්දෙනෙක් කකුල් පටලවා කඹවලින් බැඳලා ලොරියට අඳිනවා. නාම්බෝ ලොරි බඳට අංවලින් අනිනවා. පිඹිනවා. කඹ කඩා ගන්න වෙර දැරුවට ඒවා කඩන්න බැරි තරම් හයියයි. අදින්න, අදින්න හිරවෙනවා විතරයි. අම්මා තාත්තා ලඟට ගියා මාවත් ඇදගෙන.

"යමං පුතේ...... ඕනෑ දේසයකට... උඹලගේ තාත්තා නැතුව මට ඉඳලා වැඩක් නෑ." කියලා කිව්වා. අම්මාගේ බෙල්ලටත් එතකොටම කඹයක් වැටුණා. මම අම්මාගේ පස්සෙන්ම ගියා. ලොරියට අදින්න කලින්ම නැග ගත්තා.

තාත්තාගේ බෙල්ල, කකුල් හොඳටෝම හිරවෙලා. මම තාත්තට ලං වුණා. තාත්තා මගේ ඔළුව ලෙව කෑවා. අම්මා දිහා බැලුවා. හෙමිහිට මොනවාදෝ කිව්වා.

"මේ අපේ අන්තිම ගමන." එක නාම්බෙක් තාත්තාට කිව්වා. තාත්තා හිස වැනුවා. අම්මා තොර තෝංචියක් නැතිව කඳුලු පෙරනවා. තාත්තා ඒ දිහා බලලා බිම බලා ගත්තා. කකුල් ගැට ගහලා නිසා එක ඉරියව්වකට ඉන්න තාත්තාට බැහැ. නාම්බෝ තුන් දෙනා දඟලනවා. ඒ අතරේ එකකේ කකුල් පැටලිලා ඇද වැටුනා. නැගිටින්න උත්සාහ කලත්, නැගිටින්න බැහැ. ලොරිය පිම්මේ දුවනවා.

අම්මා හුඟ වෙලාවකට පස්සේ තාත්තාගෙන් ඇහුවා මොකද වුණේ කියලා. අපි හතර දෙනා වෙනදා වගේම මහ කුඹුකෙට මුවා වෙලා පාර දිහා බලන් හිටියා. පාර හරහා යන්න අපේ කෙනෙක් ඒවිද කියලා.

දන්නෙම නෑ. හතර දෙනාගේම කකුල් පැටලෙන්න මද්ද ගහනතුරු. කකුල්වලට මද්ද ගහන කොටම ඔලුවටත් මද්ද වැටුනා. අපි හිතුවේ නැති වෙලාවක වුණේ. මට උඹත්, දරුවත් මතක් වුණා. ඒකයි හයියෙන් කෑ ගැහුවේ. මම දන්නවා කන්දී ගෙන ඉන්න බව.... කමක් නැහැ.... මැරුනත් අපි තුන්දෙනා එකට මැරෙන එක හොඳයි. තාත්තා කිව්වා.

මට දුක මේ නාම්බෝ තුන්දෙනා....... උන් අපේ උන් වෙනුවෙන් ජීවිතය පුදකරන එවුන්. උන් මැරෙන්නෙ නැහැ..... ජීවත් වෙනවා.

"වීරයෝ මැරෙන්නෙ නැහැ පුතේ......" තාත්තා කිව්වා.

පැය දෙකක් විතර යන කොට අපි ඔක්කොහම නිශ්ශබ්ද වෙලා හිටියේ. එකවරම ලොරිය නැවතුනා, ඔළුවේ ලේන්සුව බැඳ ගත්තු මිනිහෙක් ඇවිත් ලොරියේ පස්සා දොර ඇරියා. අපි හුස්ම ගන්න බැරිව හිටියේ. සිසිල් සුලඟක් ලොරිය ඇතුලට ආවා. ඒ මිනිසා අපි දිහා බලලා තළු මැරුවා.

"නිශ්ශබ්දව හිටපල්ලා." කියලා ආයෙමත් දොර වැහුවා.

ලොරිය පිම්මේ ගමන ඇරඹුවා. තවත් ටික වෙලාවකින් ලොරිය හෙමිහිට යන්න පටන් ගත්තා. ගමන් වේගය එන්න එන්නම අඩු වෙලා නැවතුනා. මම හිතුවේ ගමනාන්තය වෙන්න ඇති කියලා. මහ හයියෙන් කෑගහන සද්දයක් ඇසුනා. හීන් පොද වැස්ස වැටෙන බව මට දැනුනා. අරිනවා..... අරිනවා... කියලා කව්දෝ කෑ ගැහුවා. ආයෙමත් ලොරියෙ පස්සා දොර ඇරුනා.

"හ්ම්... කී දෙනෙක්ද....? පහයි."

කොහෙන්ද ගත්තේ......?

අම්බලන්තොටින්....... කෝ ලයිසන්......... මට මේ වගේ වචන ගොඩක් ඇහුනා.

"ගේනවා පොලීසියටම ගැඹුරු හඬක් ඇහුනා. තාත්තා කිවුවා........ බය වෙන්න එපා, දෙවියන් අපේ මුණ බැලුවා කියලා. එතකොට අම්මා කිව්වා මම කතරගම දෙවියන්ට කන්නලවු කරා කියලා."

නාම්බෝ තුන්දෙනාගේ මුන දිලිසුනා. දෙයියනේ පිහිටයි. ආයෙමත් තාත්තා කිව්වා. අපි පොලිසියට අරගෙන ආවා. ලොරියෙන් බැස්සුවා. එතකොට තමයි ඇඟට ලේ ඉනුවේ. තාත්තාගේ අඟක් කැඩුනා. දකුණු කකුලේ හැම තැනම තුවාල. නාම්බෝ තුන්දෙනෙකුගේ පස්ස ගාත් කැඩිලා. පිටේ තුවාල. ලොරියේ ඒ මේ අත වැදිලා.

අපි පොලිසිය අසල තිබුණ ගස්වල බැන්දා. තාත්තා තනිවම කොස් ගහේ අම්මා ඊට එහා තිබුණ මාර ගහේ බැන්දා.

තව නාම්බෙකුත් ඒ ගහේම බැන්දා. අනික් නාම්බෝ දෙන්නා තවත් මාර ගහක බැන්දා. මම අම්මා ලඟට වෙලා හිටියා. මාව බැන්දෙ නැහැ.

තාත්තා තනිවම බැන්දේ හැඩි දැඩි නිසා වෙන්න ඇති. කියලා මට හිතුනේ. තාත්තා අපි ඉන්න තැනට එන්න උත්සාහ කලා. එහාට මෙහාට කඹේ අද්දා. කලබල කලා. පොලිසියේ කෙනෙක් තාත්තාගේ පිටට වේගයෙන් පහරක් ගැහුවා. තාත්තා මුළු වෙර දාලා ඒ මිනිහගේ මුහුණට පිම්බා. ඔලුව කරකවලා අඟෙන් පහරක් දෙන්න හැදුවත් කඹේ කොට නිසා බෙල්ල තදවෙනවා. අම්මාගේ ඇහේ කඳුළු. අම්මා තාත්තා දිහා බලා ගෙන හිටියේ කලබල කරන්න එපා කියලා වගේ. තාත්තා හැරෙන හැරෙන පැත්තට පහර දුන්නා. අහලින් පහලින් යන්න ආව කෙනෙකුට පවා මුළු වෙර දාලා පහර දෙන්නා හදනවා. ඒ හැම වතාවෙම තාත්තාගේ බෙල්ල හිරවෙනවා.

මේ විදිහට තාත්තා කලබල කරන්නේ අපි ඉන්න තැනට එන්න ඕන නිසා කියලා අම්මා කිව්වා.

එදා මුළු රාත්‍රියේම තාත්තා කලබල කලා. අම්මා ඇහැ පියෙව්වෙ නැහැ කියලා කිව්වා.

තාත්තා මහ හයියෙන් කෑ කෝ ගහනවා. මොරදෙනවා. පහුවෙනිදා උදේ වෙනකොට තාත්තා හොඳටෝම කේන්තියෙන් හිටියේ. අවසිහියෙන් වෙන්නැති කියලා මට හිතුනේ. හරියට එදා වලිග කොටා අල්ලාගෙන ගියා කියලා ආරංචි වුණ දවසේ වගේ.

තාත්තාගේ හතර වටේ හැමතැනකම ගොම්පස්, ඇඟපත පුරාමත් ගොම්පස් ගැවිලා. මේ විදිහට තාත්තා ඉන්නවා මම කවදාවත් දැකලා නැහැ.

"‍අම්මේ, තාත්තාගේ හැසිරීම හරිම අමුතුයි" මම කිව්වා අම්මාගේ ඇස්වල කඳුළු වැටෙනවා.

"ඇයි අම්මේ ලොරි කාරියෝ අපිව අල්ලා ගෙන ආවේ....?" මම ඇහුවා.

"පුතේ අපිව මරලා අපේ මස් විකුණන්න මින්ස්සුන්ට අපේ මස් නැතිව බත් වේලක් කන්න බැහැ. අපේ කිරිත් අරන්, අපෙන් පොහොර ටිකත් අරන්, වතුපිටිවල වැඩත් අරන් අන්තිමේ අපේ මසුත් කාලා අපේ හමෙන් බෙර බැදගෙන, ඒක ගහ ගහ පන්සලේ ඉඳන් ධාතුන් වහන්සේලා වැඩමවනවා දානේ ගෙදරට, එතැන උයලා පිහලා දානේ දෙන්නෙත් අපේ මස්. මොනවා කරන්නද පුතේ.... අබුද්දස්ස කාලේ හැටි අපෙන් වැඩ ගන්න පැරණි අය අපට කිව්වේ "‍අම්බරුවා" කියලා. එකේ තේරුම අං තියෙන ස්වාමියා කියෝන එක. ඒ තරමටම ගෙදරකට අපි නැතුව බැහැ.

“‍කොහොම උනත් අම්මේ මිනිසුන්ට අපිව මරලා මස් කන්න දුක නැතිද?”

"‍එහෙම තියනවා නම් මෙහෙම වේයැයි පුතේ...."

තාත්තා ආයෙමත් කලබල කරනවා. අම්මත් මොර දෙනවා. තාත්තා පිස්සෙක් වගේ හැසිරෙන්නේ.

තාත්තා හැම වෙලාවේම බැලුවේ අපි ඉන්න තැනට එන්න. අම්මා දිහා මා දිහා වරින් වරේ ඉස්සි ඉස්සී බලනවා.

තාත්තට අපි ලඟ නැතිව ඉවසුමක් නැහැ කියලා මට තේරුණා.

තාත්තා එතැනින් යන්න ආව කෙනෙකුට පහර දීලා එතැන එකම ගාලගෝට්ටියයි. අපි කාටවත් දෙවෙනි දවසෙත් කෑම නැහැ. වතුර බිඳක්වත් නැහැ.

"අපි බඩගින්නේ ඉන්න නිසයි තාත්තා කලබල කරන්නේ...." අම්මා කිව්වා.

එදා දවසෙත් ඉර බැහැලා ගියේ බොහොම හෙමින්. රතුපාට ආකාහේ ඉර තිබුණේ ගිනි බෝලයක් වගේ.

තුන්වෙනි දවස වෙනකොට අපි හිටියේ බොහොම හෙම්බත් වෙලා, වමාරා කන්නවත් දෙයක් ඉතුරු වෙලා නෑ. තොලකට හොඳටම වේලිලා.

එදා උදේ පාන්දරම කලිසන් හා සුදු බැනියම් ඇඳගත්තු කණ්ඩායමක් සරඹ කරන්න අපි ඉන්න තැනට ආවා. අපි බිම වැතිරිලා අතපය ඒ මේ අතට විසිකරන මිනිස්සු දිහා බලා හිටියා. අපිත් වැව් පිටියේ හිටියා නම් ඔහොම තමයි කියන්නා වගේ නාම්බෝ ඒ මිනිස්සු දිහා බලන් හිටියා.

මේ අතරේ අත පය විසිකරපු කණ්ඩායමේ කෙනෙක් තාත්තාගේ පිටට පහරක් දුන්නා. අම්මා කෑ ගැහුවා. මට ඇහුනා. මම "තාත්තේ" කියලා කෑගහන්න උත්සහා කලත් මගේ හඬ පිටවුනේ නැහැ.

තාත්තා විදුලි වේගයෙන් ආපහු හැරිලා අර මිනිහගේ තට්ටම පසාරු වෙන්න අඟෙන් පහරක් දුන්නා. ඒ මිනිහා ලේ පෙරාගෙන එතැන තිබුන කම්බි වැටේ පැටළුනා. තාත්තා තව පහරක් දුන්නා. එතකොටම කාකි ඇඳුම් ඇදගත්ත කෙනෙක් තාත්තා ලඟට දුවගෙන ආවා. අම්මා විලාප තිබ්බා. ඒ මිනිහා අතේ තිබුණ දිග තුවක්කු බටයකින් තාත්තගේ බඩ පසාරු වෙන්න වෙඩි තිබ්බා. දෙවෙනි වෙඩිපාර තාත්තට වැදෙන්න කලින් තාත්තා ඒ මිනිහ දිහා බලලා ඇහුවා "ඇයි සහෝදරයා වෙඩි තිබ්බේ?" කියලා එතකොටම දෙවැනි වෙඩි පාරත් වැදුනා. තාත්තා හතරගාතේ දාලා බිම ඇද වැටුනා.

තාත්තා මැරිලා වසර ගණනාවක් ගත වුනත්, අදටත් මට විසඳගන්න බැරි ප්‍රශ්ණයක් තියෙනවා. ඒ තාත්තා අන්තිමට අහපු ප්‍රශ්ණේ.

"ඇයි සහෝදරයා වෙඩි තිබ්බේ?"

දේශද්‍රෝහීන්ට වෛරයෙනි,

noreply@blogger.com (~බිன்ku~) — Fri, 22 May 2009 04:53:00 +0000

කරුණාකර රතිඤඤා කොම්පැණියේ බිස්නස් වලට ඉඩ දෙන්න, ශ්‍රමය මදි නම් දැන් ඕනෑ තරම් ඇත, ඒ දේශප්‍රේමීත්වයයි.

කරුණාකර කිරිබත් වපුර වපුරා කන්න කවන්න දෙන්න, එවිට ගොවියන් දැන් සියදිවි නොනසා ගනු ඇත, ඒ සෞභාගයයි.

කරුණාකර තැබෑරැමට යන්න දෙන්න, රටට බදු වලින් දියුණු විය හැකිය එයින් ණය ගෙවිය හැකිය, ඒ පෞරෂත්වයයි.

රතිඤඤා වෙඩි ගඳ යනකං කිරිබත් පිරුණු වෙනකං ඉන්නේ නැතිව මේ පිස්සුවත් බලා බලා නොහිඳ මොකක් හරි දෙයක් කරපල්ලා. කරුණාකර ඔලු කට්ටේ තියෙන මහා සිරසේ පාවිච්චි කරපල්ලා, කිව්ව දේට නොන්ඩි නම් පාරට ගිහිං උඹලා කැත කරපු පාර අතු ගහලා එන්නකෝ!

( එලෙසම නියමාකාරයෙන් නිහඬව සිතින් මේ මොහොත සැමරු හා යම් වැඳගත් දෙයක් ඉටු කල කතා කල සහෝදර සහෝදරියන්ටත් ප්‍රණාමය. යථාර්තය සත්‍ය වංශයෙන්ම මතු පිටට නොපෙනෙයි. වෙනදාට ධජය දුටුවත් හැඟිමක් නොදැනුනේ අවංකවම දේශමානීකමක් ඇති නිසාද? (දේශමානීබවත් යුද්ධයක දිනීමත් වෙනස් වෙයි. )
මේ ගැන ලියැවෙන මගේ අවසන් සටහනයි, ලිවිමෙන් එකෙක් හෝ වටහා ගෙන කටයුතු කිරිමේ (මෝඩ හෝ වේවා) අපේක්ෂාවෙන් ලිව්වේම්. ඒවෙනුවෙන් මහත්වු මානයක් ඇත්තන් හා ක්ශේරුකා හා හිසක් නැත්තන'ගේ බැණුම් හා අපහාස ඉවසමි.

දිරිය ලංකා! தொகுப்பில் இல்லை! Encourage Lanka!

විජයග්‍රහණය

noreply@blogger.com (~බිன்ku~) — Thu, 21 May 2009 08:17:00 +0000

පිපිරෙන පිපිරෙන රතිඤඤාවට සතයක් සතයක් ගාණේ යැවේ නම්,
වැටෙන වැටෙන කිරිබත් ඇටයක් ඇටයක් ගාණේ ඒ බඩටට යයි නම්,
නටවා නටවා කරකවන දෑත් දරමින් කැට ගව්වක් ගව්වක් ගාණේ කාසි එකතු කරයි නම්...

ඒ වු කලී විජයග්‍රහණය වෙයි අපේ!

නොතේරේ නම්, නුරුස්සන්නේ නම් මඟ හැර යත්වා!

උතුරු සංවර්ධනයට ඇති ජනාධිපති කාර්යසාධක බලකායට ජය වේවා!

noreply@blogger.com (~බිன்ku~) — Thu, 14 May 2009 21:19:00 +0000

ලංකා ඊ නිව්ස් විසින් මැයි 14 දින පල කල පුවතක්

උතුරු සංවර්ධනයට කිසිදු දෙමළකු නැති ජනාධිපති කාර්යසාධක බලකායක්

රජය විසින් දියත් කිරීමට යෝජිත උතුරු පළාත සංවර්ධන වැඩසටහන ක්‍රියාත්මක කිරීම සඳහා 19 දෙනකුගෙන් ජනාධිපති කාර්යය සාධක බලකායක් පිහිටුවා තිබේ. මෙහි නායකත්වය සඳහා පාර්ලිමේන්තු මන්ත්‍රී බැසිල් රාජපක්‍ෂ මහතා ජනාධිපතිවරයා විසින් නම් කරනු ලැබ ඇත.

මෙම කාර්ය සාධක බලකාය විසින් උතුරු ප්‍රදේශයේ සංවර්ධනය, නැවත පදිංචි කිරීම හා ආරක්‍ෂක කටයුතු ඉතා වේගවත් න්‍යාය පත්‍රයක් යටතේ ඉටු කිරීමට සූදානම් වන අතර ජනාධිපතිවරයාට ඇති ව්‍යවස්ථානුකූල බලතල ඔස්සේ මෙම පත් කිරීම් සිදු කළ බව ජනාධිපති කාර්යාල ආරංචි මාර්ග පවසයි.
උතුරු ප්‍රදේශයේ කඩිනම් සංවර්ධනය සඳහා අවශ්‍ය සැලසුම් වැඩසටහන් හා ව්‍යාපෘති පිළිබඳ සොයා බලා ඒවා ක්‍රියාත්මක කිරීම, අවතැන් පුද්ගලයන් අදාල ප්‍රදේශවල නැවත පදිංචි කිරීම යටිතල පහසුකම්, ආර්ථික සංවර්ධනය හා සමාජ සුබසාධනය සියලූ කටයුතු පිළිබඳ තීරණ ගැනීම්, ක්‍රියාත්මක කිරීම හා පසුවිපරම මෙම කමිටුව විසින් ඉටු කළ යුතු කාරණා වේ. සංවර්ධන කටයුතු ආරම්භ කිරීමෙන් පසු විටින් විට එහි ප්‍රගතිය පිළිබඳව ජනාධිපතිවරයා දැනුවත් කළ යුතුය. 19 දෙනකුගෙන් යුත් කාර්‍ය සාධක බලකායේ සුවිශේෂත්වය වන්නේ කිසිදු ද්‍රවිඩ පුද්ගලයකු ඒ සඳහා ඇතුලත්ව නොතිබීමය.

එහි සාමාජිකයන් වන්නේ,
1. බැසිල් රාජපක්‍ෂ (පාර්ලිමේන්තු මන්ත්‍රී)
2. ලලිත් වීරතුංග (ජනාධිපති ලේකම්)
3. ගෝඨාභය රාජපක්‍ෂ (ආරක්‍ෂක ලේකම්)
4. සුමිත් අබේසිංහ (මුදල් හා ක්‍රමසම්පාදන ලේකම්)
5. යූ.එල්.එම්. හාල්ඩීන් (ආපදා සහන හා නැවත පදිංචි කිරීම් –ලේකම්)
6. ඩබ්. කේ. කේ. කුමාරසිරි (ලේකම් – ජාතිය ගොඩනැගීමේ හා වතු යටිතල පහසුකම්)
7. එස්. අමරසේකර (ලේකම් – මහා මාර්ග හා මාර්ග සංවර්ධන)
8. එම්.එම්.සී. ෆර්ඩිනැන්ඩු (ලේකම් – විදුලි බල හා බලශක්ති)
9. ජේ.ආර්.ඩබ්. දිසානායක (ලේකම් – ඉඩම් හා ඉඩම් සංවර්ධන)
10. වෛද්‍ය අතුල කහඳලියනගේ (ලේකම් – සෞඛ්‍ය හා පෝෂණ)
11. එයා චීෆ් මාෂල් ජී.ඩී. පෙරේරා (ආරක්‍ෂක කර්‍ය මණ්ඩල ප්‍රධානී)
12. ලූතිනන් ජනරාල් සරත් ෆොන්සේකා (යුද හමුදාපති)
13. වයිස් අද්මිරාල් ඩබ්.කේ.ජේ. කරන්නාගොඩ (නාවික හමුදාපති)
14. එයා මාෂල් රොෂාන් ගුණතිලක (ගුවන් හමුදාපති)
15. එච්.ඒ.ජේ.එස්.කේ. වික්‍රමරත්න (පොලිස්පති)
16. රියර් අද්මිරාල් එස්.පී. වීරසේකර (සිවිල් ආරක්‍ෂක දෙපාර්තමේන්තු අධ්‍යක්‍ෂ ජනරාල්)
17. මේජර් ජනරාල් ජ්.ඒ. චන්ද්‍රසිරි (යුද හමුදා ප්‍රධාන මාණ්ඩලික නිලධාරී හා උතුරු පළාත් නිසි බලධාරී)
18. එස්.බී. දිවාරත්න (අත්‍යවශ්‍ය සේවා කොමසාරිස්)
19. බී. අබේගුණවර්ධන (හිටපු අධ්‍යක්‍ෂ ජාතික සැලසුම් දෙපාර්තමේන්තුව) මහත්වරුන්ය.

කොච්චර ෂෝක්ද? කරුණාවත් පිල්ලේවත් ඇද්දා ගෙන උන්වත් නැතිව කරන නාඩගම! (එක්සත්) ජාතික පක්ෂයේ ලොක්කෝ සටන් විරාමෙය්දීත් එල්.ටී.ටී.ඊ එක්ක කතා කරා මිසක වෙනත් ද්‍රවිඩ පුද්ගලයෙක්වත් ඇද්දා ගත්තෙත් නෑ, සාම සාකච්ජා ක්‍රියාවලියේ ප්‍රධානතම අඩුපාඩුව වුවේ එයයි. දැනුත් වෙන්නට යන්නේ එයම නොවේද? යුද්ධය අනවශ්‍ය අන්දමින් දක්වා ඒ තුලින් සියල්ලම (වංචා) කරන ගමන් (අනිත් වෙනත් වැදගත් දේද යම්දුරකින් අමතක කර) ඉදිරියටත් සංවර්ධන නාමයෙන් ප්‍රශ්න වලට විසදුම් දීමකුත් මඟ හරිවි, සිංහල හා ද්‍රවිඩ ලේ ගංගාව මතින් බඩ වාවා ගෙන කන්නන්ට ජය වේවා! (ඔවුන් කිසිදා පුනක්කු නොකති.)

පුනක්කු නැති තැන්වල පුනක්කු ඇත, ඉදිකට්ටක් හෝ ඒ අස්සේත් තියෙන්නට බැරි නැත. ඉන්නවා නම් පරිස්සමෙන්!

පුනක්කු නොකන නරියෝ හූ කියත්, (ඒ වගත් සේම...)

noreply@blogger.com (~බිன்ku~) — Thu, 14 May 2009 18:53:00 +0000

http://www.youtube.com/watch?v=PFjBn3Do5yg
ලොවම දකින අපේ නිරුවතක්

(උඩ බලාගෙන කෙල ගහන්න කලිං සුද්දෝ කී දෙනෙක් ඉන්වාද කියලාත් ගණං කරන්නකෝ සාත්තර දන්න අය )

අසන්නට නොව නරඹන්නට, සිතන්නට The Pianist

noreply@blogger.com (~බිன்ku~) — Sun, 10 May 2009 09:14:00 +0000

එදා උතුරේ පැල්පතකට ප්‍රභාරයක් එල්ල වී විනාශ වු ඔහුට හමුදා සෙබලෙකුගේ හෝ කොටි සෙබලෙයෙකුගේ තුවක්කු කටකින් මියැදෙන්නට සිදුවන අවධානම මැද්දේ පණපිටින් ජිවත් වීමට දස දහසකුත් අපහසුතා වලට මුහුණදීමට සිදුවිය. එයිනුත් බේරි ඔහුට සරණාගත කදවුරැ බිමේ දුෂ්කර ජිවිත වලට මුහුණ දෙන්නට වු අවස්ථා බොහොමයකි.

The Pianist නම් චිත්‍රපටිය පොලන්තයේ විසු Wladyslaw Szpilman නම් පෝලන්ත යුදෙව් ජාතික ශ්‍රේෂ්ඨ පියානෝ වාදකයා එලෙසම දෙවන ලෝක යුද්ධය තුල මුහුණ දුන් අත්දැකිම් ඇසුරෙන් තැනුවෙකි. දෙවන ලෝක යුද්ධය ආරම්භ වන්නට මත්තේ යුදෙව් ජනයාට බහුතර ජර්මන් රජය ගෙන නිතිය හේතුවෙන් සිදුවු අසාරධණත්වය ඇසුරෙන් ඇරඹෙන මේ චිත්‍රපටිය ඒ ජර්මන් ජාතියටම අයත් වු හිත මිතුරන් හා හමුදා සෙබලෙක් නිසා පණ සුරැකෙයි. ආදරය, කරැණාව, මිත්‍රත්වය, සතුට, දුක, අනුකම්පාව, දෝහි වීම් ඔස්සේ ගලා යන The Pianist චිත්‍රපටිය ඇකඩම්, කේසාර් (César), ගොයා, BAFTA හා Plame සම්මාන වලට පාත්‍ර වුවෙකි. මුලදී හෙමින් ගලා යන මෙය පසුව උද්වේගකාරී වී නැවත මුල සමාන පසුබිමකට ගමන් කරයි. රෑප රචනයෙන් අනුන වු මෙහි අනවශ්‍ය ලෙසට ලේ වැගරිම් හා නිරැවත මතු නොකෙරෙන බැවින් ඕනෑම කෙනෙක්ට බැලිය හැකි වෙයි. (සම්පුර්ණයෙන්ම නොව). යුද්ධයට මැදි වු කෙනෙක් මුහුණ දෙන්නට සිදුවන්නාවු ඇතැම් දුක්කන්දරා තේරැම් ගන්නට ඕනෑම මිනිසෙකු බැලිය යුතු චිත්‍රපටියකි The Pianist.

භාගත කර බලන්න

භාගත නොකරම බලන්න

ශිර්ෂපාඨ මෙන්න

Schindler's List චිත්‍රපටිය ගැන චමිතගේ කොදෙව්වේ ලිව් සටහන හා බැදුණකි. ඒ ලිපිය සදහන් Schindler's List චිත්‍රපටිය ඇතුලුව මා ප්‍රියතම චිත්‍රපටි ගොන්නට එකකි. මගේ අත්තර්ජාල සම්බන්ධතාවේ ධාරිතාවේ සීමා සහිත බව නිසාත් කාර්ර්‍යබහුලත්වය නිසා චිත්‍රපටි නැරඹිම යම්දුරට අඩු වුවත් කොදෙව්ව තුලින් වරින් වර වටිනාකමක් ඇති චිත්‍රපටි හදුන්වා දෙන්නට බලාපොරොත්තු වෙමි.

කොදෙව්වේ සිදු කල වෙනස්කම් හේතුවෙන් ඔබට ගැටලුවක් හෝ අපහසුතාවයක් වී නම් ඒවාද කියන්නේ නම් බෙහෙවින් අගය කරමි.

සිරස ගොන් දෙපැයේ වහ ගෙදර නරඹමු!

noreply@blogger.com (~බිன்ku~) — Wed, 06 May 2009 05:40:00 +0000

කාන්තා ‍ප්‍රේමි පුනක්කු පාඨක ඔබ වෙනුවෙන් විරස(ක) ‍ගෙන එන "වහ ගෙදර" බින්කුගේ රෑප කොදෙව්වේ සිට සජිව විකාශ කෙරෙයි! පුනක්කු කන නොකන ඔබටත් ආරාධනා!

http://www.youtube.com/watch?v=u2nHQv-377o

ගොන් දෙපැය අනුග්‍රාහක අංගොඩ සායනය විසින් පුනක්කු භෝජනක ඔබටත් තෑගි දිනා ගන්නට අවස්ථාවක්:

(ණයට ප්‍රචාර කරන ලදි.)

රෑප කොදෙව්වට subscribe වෙන්නත් ප්‍රතිචාර වලටත් ඔබට ආරාධනා!
ප්‍රතිචාර ‍මෙතැන හෝ එහිදි දැමිය හැකියි

(අයිතිය සුලෝචන සමග කස්ටියට)

කූඹියා

noreply@blogger.com (~බිன்ku~) — Fri, 01 May 2009 15:30:00 +0000

උණු තේ කෝප්පයට වැටුණු
කළු කූඹියා ඇඟිලි තුඩට ගෙන
කටින් පිඹ මේසය මත
පරෙස්සමින් තැබුවෙමි
මගේ කඳුළක් වැටී
ඌ ගිලී මිය යතැයි බියෙන්
මුහුණ පසෙකට හරවා ගතිමි
එහෙත් කූඹියා මිය ගොසිනි

තේ කෝප්පය සීතල විය
කූඹියා මලේ මාතින්ද?
සීනි බෝතලය හරිහැටි නොවැසූ
ගෙදර කෙනකුගේ වරදින්ද?
විත්තිකරුවා කවුරුන්ද?
විත්තිකරුවා මා නොවූවත්
මරණයේ සාක්ෂිකාරිය මා ය
උණු වතුරේ තැම්බී මිය ගිය
කූඹියා සිහිනෙන් පෙනී
දෙව්ලොව ගිය බව කීවොත් මිස
මට කූඹියා අමතක වන්නේ ද නැත

සුනේත‍්‍රා රාජකරුණානායකගේ
නෙළුම් චක‍්‍රය කවි එකතුවෙන්.

2006 දෙසැම්බර් මස 31දි මව්බිම පුවත්පත්‍රයේ පලවිය.

මට මෙය දුන් ජොනී අයියාට ස්තුතිය.

අසන්න සහෘදය

noreply@blogger.com (~බිன்ku~) — Thu, 30 Apr 2009 07:01:00 +0000

අසන්න සහෘදය,
අපි සැවොම කුරිරු ඉරණමකට බඳුන් වී සිටින්නෙමු.
ඉතිහාසයේ කොතැනක හෝ වැරදී ඇත.
අප නොකල ඒ වැරැද්දට
දඬුවම් විදින්නෙමු.
ඔවුන්, අපව භේද භින්න කලාහුය.
අපි භේද භින්නයේ අවියෙන්
අනිකාට,
ගසන්නෙමු - පෙළන්නෙමු - මරන්නෙමු
ගලන ලෙයින් සැනසෙන්නෙමු
ගලන්නේ අ‍පේම ලේ නොවේදැයි
අපට නොවැටහෙන්නේ ඇයි?
දෙවියනි!
අඳුරු තිමිර බිඳ ගනිමු සොයුර
පෙර මඟ ඔබත් මමත්
ලියන්නට නිමල ඉතිහාසය
අමුතුවෙන්...

බුද්ධදාස හේවගේ ගේ ‘යාත්‍රාවක මිනිස්සු’ කෘතියෙන් උපුටා ගත්තකි.

මට මෙය දුන් ජොනී අයියාට ස්තුතිය.

සැබෑ පෙම්වතුන්

noreply@blogger.com (~බිன்ku~) — Tue, 28 Apr 2009 04:50:00 +0000

මේ සටහන් කලකට ඉහත සහෝදරයෙකු මාර්ගයෙන් දැක්කේ. එදා සිටම මගේ මතකයේ විටෙක එන නිසාම මෙහි දාන්න හිතුවේ.